ନାରାୟଣୀୟଂ ଦଶକ 24 – ପ୍ରହ୍ଲାଦଚରିତମ୍
ହିରଣ୍ୟାକ୍ଷେ ପୋତ୍ରିପ୍ରଵରଵପୁଷା ଦେଵ ଭଵତା
ହତେ ଶୋକକ୍ରୋଧଗ୍ଲପିତଧୃତିରେତସ୍ୟ ସହଜଃ ।
ହିରଣ୍ୟପ୍ରାରଂଭଃ କଶିପୁରମରାରାତିସଦସି
ପ୍ରତିଜ୍ଞମାତେନେ ତଵ କିଲ ଵଧାର୍ଥଂ ମଧୁରିପୋ ॥1॥
ଵିଧାତାରଂ ଘୋରଂ ସ ଖଲୁ ତପସିତ୍ଵା ନଚିରତଃ
ପୁରଃ ସାକ୍ଷାତ୍କୁର୍ଵନ୍ ସୁରନରମୃଗାଦ୍ୟୈରନିଧନମ୍ ।
ଵରଂ ଲବ୍ଧ୍ଵା ଦୃପ୍ତୋ ଜଗଦିହ ଭଵନ୍ନାୟକମିଦଂ
ପରିକ୍ଷୁଂଦନ୍ନିଂଦ୍ରାଦହରତ ଦିଵଂ ତ୍ଵାମଗଣୟନ୍ ॥2॥
ନିହଂତୁଂ ତ୍ଵାଂ ଭୂୟସ୍ତଵ ପଦମଵାପ୍ତସ୍ୟ ଚ ରିପୋ-
ର୍ବହିର୍ଦୃଷ୍ଟେରଂତର୍ଦଧିଥ ହୃଦୟେ ସୂକ୍ଷ୍ମଵପୁଷା ।
ନଦନ୍ନୁଚ୍ଚୈସ୍ତତ୍ରାପ୍ୟଖିଲଭୁଵନାଂତେ ଚ ମୃଗୟନ୍
ଭିୟା ୟାତଂ ମତ୍ଵା ସ ଖଲୁ ଜିତକାଶୀ ନିଵଵୃତେ ॥3॥
ତତୋଽସ୍ୟ ପ୍ରହ୍ଲାଦଃ ସମଜନି ସୁତୋ ଗର୍ଭଵସତୌ
ମୁନେର୍ଵୀଣାପାଣେରଧିଗତଭଵଦ୍ଭକ୍ତିମହିମା ।
ସ ଵୈ ଜାତ୍ୟା ଦୈତ୍ୟଃ ଶିଶୁରପି ସମେତ୍ୟ ତ୍ଵୟି ରତିଂ
ଗତସ୍ତ୍ଵଦ୍ଭକ୍ତାନାଂ ଵରଦ ପରମୋଦାହରଣତାମ୍ ॥4॥
ସୁରାରୀଣାଂ ହାସ୍ୟଂ ତଵ ଚରଣଦାସ୍ୟଂ ନିଜସୁତେ
ସ ଦୃଷ୍ଟ୍ଵା ଦୁଷ୍ଟାତ୍ମା ଗୁରୁଭିରଶିଶିକ୍ଷଚ୍ଚିରମମୁମ୍ ।
ଗୁରୁପ୍ରୋକ୍ତଂ ଚାସାଵିଦମିଦମଭଦ୍ରାୟ ଦୃଢମି-
ତ୍ୟପାକୁର୍ଵନ୍ ସର୍ଵଂ ତଵ ଚରଣଭକ୍ତ୍ୟୈଵ ଵଵୃଧେ ॥ 5 ॥
ଅଧୀତେଷୁ ଶ୍ରେଷ୍ଠଂ କିମିତି ପରିପୃଷ୍ଟେଽଥ ତନୟେ
ଭଵଦ୍ଭକ୍ତିଂ ଵର୍ୟାମଭିଗଦତି ପର୍ୟାକୁଲଧୃତିଃ ।
ଗୁରୁଭ୍ୟୋ ରୋଷିତ୍ଵା ସହଜମତିରସ୍ୟେତ୍ୟଭିଵିଦନ୍
ଵଧୋପାୟାନସ୍ମିନ୍ ଵ୍ୟତନୁତ ଭଵତ୍ପାଦଶରଣେ ॥6॥
ସ ଶୂଲୈରାଵିଦ୍ଧଃ ସୁବହୁ ମଥିତୋ ଦିଗ୍ଗଜଗଣୈ-
ର୍ମହାସର୍ପୈର୍ଦଷ୍ଟୋଽପ୍ୟନଶନଗରାହାରଵିଧୁତଃ ।
ଗିରୀଂଦ୍ରଵକ୍ଷିପ୍ତୋଽପ୍ୟହହ! ପରମାତ୍ମନ୍ନୟି ଵିଭୋ
ତ୍ଵୟି ନ୍ୟସ୍ତାତ୍ମତ୍ଵାତ୍ କିମପି ନ ନିପୀଡାମଭଜତ ॥7॥
ତତଃ ଶଂକାଵିଷ୍ଟଃ ସ ପୁନରତିଦୁଷ୍ଟୋଽସ୍ୟ ଜନକୋ
ଗୁରୂକ୍ତ୍ୟା ତଦ୍ଗେହେ କିଲ ଵରୁଣପାଶୈସ୍ତମରୁଣତ୍ ।
ଗୁରୋଶ୍ଚାସାନ୍ନିଧ୍ୟେ ସ ପୁନରନୁଗାନ୍ ଦୈତ୍ୟତନୟାନ୍
ଭଵଦ୍ଭକ୍ତେସ୍ତତ୍ତ୍ଵଂ ପରମମପି ଵିଜ୍ଞାନମଶିଷତ୍ ॥8॥
ପିତା ଶୃଣ୍ଵନ୍ ବାଲପ୍ରକରମଖିଲଂ ତ୍ଵତ୍ସ୍ତୁତିପରଂ
ରୁଷାଂଧଃ ପ୍ରାହୈନଂ କୁଲହତକ କସ୍ତେ ବଲମିତି ।
ବଲଂ ମେ ଵୈକୁଂଠସ୍ତଵ ଚ ଜଗତାଂ ଚାପି ସ ବଲଂ
ସ ଏଵ ତ୍ରୈଲୋକ୍ୟଂ ସକଲମିତି ଧୀରୋଽୟମଗଦୀତ୍ ॥9॥
ଅରେ କ୍ଵାସୌ କ୍ଵାସୌ ସକଲଜଗଦାତ୍ମା ହରିରିତି
ପ୍ରଭିଂତେ ସ୍ମ ସ୍ତଂଭଂ ଚଲିତକରଵାଲୋ ଦିତିସୁତଃ ।
ଅତଃ ପଶ୍ଚାଦ୍ଵିଷ୍ଣୋ ନ ହି ଵଦିତୁମୀଶୋଽସ୍ମି ସହସା
କୃପାତ୍ମନ୍ ଵିଶ୍ଵାତ୍ମନ୍ ପଵନପୁରଵାସିନ୍ ମୃଡୟ ମାମ୍ ॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 24 - ପ୍ରହ୍ଲାଦଚରିତମ୍?
ନାରାୟଣୀୟଂ ଦଶକ 24 - ପ୍ରହ୍ଲାଦଚରିତମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 24 - ପ୍ରହ୍ଲାଦଚରିତମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 24 - ପ୍ରହ୍ଲାଦଚରିତମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.