ନାରାୟଣୀୟଂ ଦଶକ 17 – ଧ୍ରୁଵଚରିତମ୍
ଉତ୍ତାନପାଦନୃପତେର୍ମନୁନଂଦନସ୍ୟ
ଜାୟା ବଭୂଵ ସୁରୁଚିର୍ନିତରାମଭୀଷ୍ଟା ।
ଅନ୍ୟା ସୁନୀତିରିତି ଭର୍ତୁରନାଦୃତା ସା
ତ୍ଵାମେଵ ନିତ୍ୟମଗତିଃ ଶରଣଂ ଗତାଽଭୂତ୍ ॥1॥
ଅଂକେ ପିତୁଃ ସୁରୁଚିପୁତ୍ରକମୁତ୍ତମଂ ତଂ
ଦୃଷ୍ଟ୍ଵା ଧ୍ରୁଵଃ କିଲ ସୁନୀତିସୁତୋଽଧିରୋକ୍ଷ୍ୟନ୍ ।
ଆଚିକ୍ଷିପେ କିଲ ଶିଶୁଃ ସୁତରାଂ ସୁରୁଚ୍ୟା
ଦୁସ୍ସଂତ୍ୟଜା ଖଲୁ ଭଵଦ୍ଵିମୁଖୈରସୂୟା ॥2॥
ତ୍ଵନ୍ମୋହିତେ ପିତରି ପଶ୍ୟତି ଦାରଵଶ୍ୟେ
ଦୂରଂ ଦୁରୁକ୍ତିନିହତଃ ସ ଗତୋ ନିଜାଂବାମ୍ ।
ସାଽପି ସ୍ଵକର୍ମଗତିସଂତରଣାୟ ପୁଂସାଂ
ତ୍ଵତ୍ପାଦମେଵ ଶରଣଂ ଶିଶଵେ ଶଶଂସ ॥3॥
ଆକର୍ଣ୍ୟ ସୋଽପି ଭଵଦର୍ଚନନିଶ୍ଚିତାତ୍ମା
ମାନୀ ନିରେତ୍ୟ ନଗରାତ୍ କିଲ ପଂଚଵର୍ଷଃ ।
ସଂଦୃଷ୍ଟନାରଦନିଵେଦିତମଂତ୍ରମାର୍ଗ-
ସ୍ତ୍ଵାମାରରାଧ ତପସା ମଧୁକାନନାଂତେ ॥4॥
ତାତେ ଵିଷଣ୍ଣହୃଦୟେ ନଗରୀଂ ଗତେନ
ଶ୍ରୀନାରଦେନ ପରିସାଂତ୍ଵିତଚିତ୍ତଵୃତ୍ତୌ ।
ବାଲସ୍ତ୍ଵଦର୍ପିତମନାଃ କ୍ରମଵର୍ଧିତେନ
ନିନ୍ୟେ କଠୋରତପସା କିଲ ପଂଚମାସାନ୍ ॥5॥
ତାଵତ୍ତପୋବଲନିରୁଚ୍ଛ୍-ଵସିତେ ଦିଗଂତେ
ଦେଵାର୍ଥିତସ୍ତ୍ଵମୁଦୟତ୍କରୁଣାର୍ଦ୍ରଚେତାଃ ।
ତ୍ଵଦ୍ରୂପଚିଦ୍ରସନିଲୀନମତେଃ ପୁରସ୍ତା-
ଦାଵିର୍ବଭୂଵିଥ ଵିଭୋ ଗରୁଡାଧିରୂଢଃ ॥6॥
ତ୍ଵଦ୍ଦର୍ଶନପ୍ରମଦଭାରତରଂଗିତଂ ତଂ
ଦୃଗ୍ଭ୍ୟାଂ ନିମଗ୍ନମିଵ ରୂପରସାୟନେ ତେ ।
ତୁଷ୍ଟୂଷମାଣମଵଗମ୍ୟ କପୋଲଦେଶେ
ସଂସ୍ପୃଷ୍ଟଵାନସି ଦରେଣ ତଥାଽଽଦରେଣ ॥7॥
ତାଵଦ୍ଵିବୋଧଵିମଲଂ ପ୍ରଣୁଵଂତମେନ-
ମାଭାଷଥାସ୍ତ୍ଵମଵଗମ୍ୟ ତଦୀୟଭାଵମ୍ ।
ରାଜ୍ୟଂ ଚିରଂ ସମନୁଭୂୟ ଭଜସ୍ଵ ଭୂୟଃ
ସର୍ଵୋତ୍ତରଂ ଧ୍ରୁଵ ପଦଂ ଵିନିଵୃତ୍ତିହୀନମ୍ ॥8॥
ଇତ୍ୟୂଚିଷି ତ୍ଵୟି ଗତେ ନୃପନଂଦନୋଽସା-
ଵାନଂଦିତାଖିଲଜନୋ ନଗରୀମୁପେତଃ ।
ରେମେ ଚିରଂ ଭଵଦନୁଗ୍ରହପୂର୍ଣକାମ-
ସ୍ତାତେ ଗତେ ଚ ଵନମାଦୃତରାଜ୍ୟଭାରଃ ॥9॥
ୟକ୍ଷେଣ ଦେଵ ନିହତେ ପୁନରୁତ୍ତମେଽସ୍ମିନ୍
ୟକ୍ଷୈଃ ସ ୟୁଦ୍ଧନିରତୋ ଵିରତୋ ମନୂକ୍ତ୍ୟା ।
ଶାଂତ୍ୟା ପ୍ରସନ୍ନହୃଦୟାଦ୍ଧନଦାଦୁପେତା-
ତ୍ତ୍ଵଦ୍ଭକ୍ତିମେଵ ସୁଦୃଢାମଵୃଣୋନ୍ମହାତ୍ମା ॥10॥
ଅଂତେ ଭଵତ୍ପୁରୁଷନୀତଵିମାନୟାତୋ
ମାତ୍ରା ସମଂ ଧ୍ରୁଵପଦେ ମୁଦିତୋଽୟମାସ୍ତେ ।
ଏଵଂ ସ୍ଵଭୃତ୍ୟଜନପାଲନଲୋଲଧୀସ୍ତ୍ଵଂ
ଵାତାଲୟାଧିପ ନିରୁଂଧି ମମାମୟୌଘାନ୍ ॥11॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 17 - ଧ୍ରୁଵଚରିତମ୍?
ନାରାୟଣୀୟଂ ଦଶକ 17 - ଧ୍ରୁଵଚରିତମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 17 - ଧ୍ରୁଵଚରିତମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 17 - ଧ୍ରୁଵଚରିତମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.