ନାରାୟଣୀୟଂ ଦଶକ 15 – କପିଲୋପଦେଶମ୍
ମତିରିହ ଗୁଣସକ୍ତା ବଂଧକୃତ୍ତେଷ୍ଵସକ୍ତା
ତ୍ଵମୃତକୃଦୁପରୁଂଧେ ଭକ୍ତିୟୋଗସ୍ତୁ ସକ୍ତିମ୍ ।
ମହଦନୁଗମଲଭ୍ୟା ଭକ୍ତିରେଵାତ୍ର ସାଧ୍ୟା
କପିଲତନୁରିତି ତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥1॥
ପ୍ରକୃତିମହଦହଂକାରାଶ୍ଚ ମାତ୍ରାଶ୍ଚ ଭୂତା-
ନ୍ୟପି ହୃଦପି ଦଶାକ୍ଷୀ ପୂରୁଷଃ ପଂଚଵିଂଶଃ ।
ଇତି ଵିଦିତଵିଭାଗୋ ମୁଚ୍ୟତେଽସୌ ପ୍ରକୃତ୍ୟା
କପିଲତନୁରିତି ତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥2॥
ପ୍ରକୃତିଗତଗୁଣୌଘୈର୍ନାଜ୍ୟତେ ପୂରୁଷୋଽୟଂ
ୟଦି ତୁ ସଜତି ତସ୍ୟାଂ ତତ୍ ଗୁଣାସ୍ତଂ ଭଜେରନ୍ ।
ମଦନୁଭଜନତତ୍ତ୍ଵାଲୋଚନୈଃ ସାଽପ୍ୟପେୟାତ୍
କପିଲତନୁରିତି ତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥3॥
ଵିମଲମତିରୁପାତ୍ତୈରାସନାଦ୍ୟୈର୍ମଦଂଗଂ
ଗରୁଡସମଧିରୂଢଂ ଦିଵ୍ୟଭୂଷାୟୁଧାଂକମ୍ ।
ରୁଚିତୁଲିତତମାଲଂ ଶୀଲୟେତାନୁଵେଲଂ
କପିଲତନୁରିତି ତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥4॥
ମମ ଗୁଣଗଣଲୀଲାକର୍ଣନୈଃ କୀର୍ତନାଦ୍ୟୈ-
ର୍ମୟି ସୁରସରିଦୋଘପ୍ରଖ୍ୟଚିତ୍ତାନୁଵୃତ୍ତିଃ ।
ଭଵତି ପରମଭକ୍ତିଃ ସା ହି ମୃତ୍ୟୋର୍ଵିଜେତ୍ରୀ
କପିଲତନୁରିତି ତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥5॥
ଅହହ ବହୁଲହିଂସାସଂଚିତାର୍ଥୈଃ କୁଟୁଂବଂ
ପ୍ରତିଦିନମନୁପୁଷ୍ଣନ୍ ସ୍ତ୍ରୀଜିତୋ ବାଲଲାଲୀ ।
ଵିଶତି ହି ଗୃହସକ୍ତୋ ୟାତନାଂ ମୟ୍ୟଭକ୍ତଃ
କପିଲତନୁରିତିତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥6॥
ୟୁଵତିଜଠରଖିନ୍ନୋ ଜାତବୋଧୋଽପ୍ୟକାଂଡେ
ପ୍ରସଵଗଲିତବୋଧଃ ପୀଡୟୋଲ୍ଲଂଘ୍ୟ ବାଲ୍ୟମ୍ ।
ପୁନରପି ବତ ମୁହ୍ୟତ୍ୟେଵ ତାରୁଣ୍ୟକାଲେ
କପିଲତନୁରିତି ତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥7॥
ପିତୃସୁରଗଣୟାଜୀ ଧାର୍ମିକୋ ୟୋ ଗୃହସ୍ଥଃ
ସ ଚ ନିପତତି କାଲେ ଦକ୍ଷିଣାଧ୍ଵୋପଗାମୀ ।
ମୟି ନିହିତମକାମଂ କର୍ମ ତୂଦକ୍ପଥାର୍ଥଂ
କପିଲ୍ତନୁରିତି ତ୍ଵଂ ଦେଵହୂତ୍ୟୈ ନ୍ୟଗାଦୀଃ ॥8॥
ଇତି ସୁଵିଦିତଵେଦ୍ୟାଂ ଦେଵ ହେ ଦେଵହୂତିଂ
କୃତନୁତିମନୁଗୃହ୍ୟ ତ୍ଵଂ ଗତୋ ୟୋଗିସଂଘୈଃ ।
ଵିମଲମତିରଥାଽସୌ ଭକ୍ତିୟୋଗେନ ମୁକ୍ତା
ତ୍ଵମପି ଜନହିତାର୍ଥଂ ଵର୍ତସେ ପ୍ରାଗୁଦୀଚ୍ୟାମ୍ ॥9॥
ପରମ କିମୁ ବହୂକ୍ତ୍ୟା ତ୍ଵତ୍ପଦାଂଭୋଜଭକ୍ତିଂ
ସକଲଭୟଵିନେତ୍ରୀଂ ସର୍ଵକାମୋପନେତ୍ରୀମ୍ ।
ଵଦସି ଖଲୁ ଦୃଢଂ ତ୍ଵଂ ତଦ୍ଵିଧୂୟାମୟାନ୍ ମେ
ଗୁରୁପଵନପୁରେଶ ତ୍ଵୟ୍ୟୁପାଧତ୍ସ୍ଵ ଭକ୍ତିମ୍ ॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 15 - କପିଲୋପଦେଶମ୍?
ନାରାୟଣୀୟଂ ଦଶକ 15 - କପିଲୋପଦେଶମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 15 - କପିଲୋପଦେଶମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 15 - କପିଲୋପଦେଶମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.