ନାରାୟଣୀୟଂ ଦଶକ 100 – ଭଗଵତଃ କେଶାଦିପାଦଵର୍ଣନମ୍
ଅଗ୍ରେ ପଶ୍ୟାମି ତେଜୋ ନିବିଡତରକଲାୟାଵଲୀଲୋଭନୀୟଂ
ପୀୟୂଷାପ୍ଲାଵିତୋଽହଂ ତଦନୁ ତଦୁଦରେ ଦିଵ୍ୟକୈଶୋରଵେଷମ୍ ।
ତାରୁଣ୍ୟାରଂଭରମ୍ୟଂ ପରମସୁଖରସାସ୍ଵାଦରୋମାଂଚିତାଂଗୈ-
ରାଵୀତଂ ନାରଦାଦ୍ୟୈର୍ଵିଲସଦୁପନିଷତ୍ସୁଂଦରୀମଂଡଲୈଶ୍ଚ ॥1॥
ନୀଲାଭଂ କୁଂଚିତାଗ୍ରଂ ଘନମମଲତରଂ ସଂୟତଂ ଚାରୁଭଂଗ୍ୟା
ରତ୍ନୋତ୍ତଂସାଭିରାମଂ ଵଲୟିତମୁଦୟଚ୍ଚଂଦ୍ରକୈଃ ପିଂଛଜାଲୈଃ ।
ମଂଦାରସ୍ରଙ୍ନିଵୀତଂ ତଵ ପୃଥୁକବରୀଭାରମାଲୋକୟେଽହଂ
ସ୍ନିଗ୍ଧଶ୍ଵେତୋର୍ଧ୍ଵପୁଂଡ୍ରାମପି ଚ ସୁଲଲିତାଂ ଫାଲବାଲେଂଦୁଵୀଥୀମ୍ ॥2
ହୃଦ୍ୟଂ ପୂର୍ଣାନୁକଂପାର୍ଣଵମୃଦୁଲହରୀଚଂଚଲଭ୍ରୂଵିଲାସୈ-
ରାନୀଲସ୍ନିଗ୍ଧପକ୍ଷ୍ମାଵଲିପରିଲସିତଂ ନେତ୍ରୟୁଗ୍ମଂ ଵିଭୋ ତେ ।
ସାଂଦ୍ରଚ୍ଛାୟଂ ଵିଶାଲାରୁଣକମଲଦଲାକାରମାମୁଗ୍ଧତାରଂ
କାରୁଣ୍ୟାଲୋକଲୀଲାଶିଶିରିତଭୁଵନଂ କ୍ଷିପ୍ୟତାଂ ମୟ୍ୟନାଥେ ॥3॥
ଉତ୍ତୁଂଗୋଲ୍ଲାସିନାସଂ ହରିମଣିମୁକୁରପ୍ରୋଲ୍ଲସଦ୍ଗଂଡପାଲୀ-
ଵ୍ୟାଲୋଲତ୍କର୍ଣପାଶାଂଚିତମକରମଣୀକୁଂଡଲଦ୍ଵଂଦ୍ଵଦୀପ୍ରମ୍ ।
ଉନ୍ମୀଲଦ୍ଦଂତପଂକ୍ତିସ୍ଫୁରଦରୁଣତରଚ୍ଛାୟବିଂବାଧରାଂତଃ-
ପ୍ରୀତିପ୍ରସ୍ୟଂଦିମଂଦସ୍ମିତମଧୁରତରଂ ଵକ୍ତ୍ରମୁଦ୍ଭାସତାଂ ମେ ॥4॥
ବାହୁଦ୍ଵଂଦ୍ଵେନ ରତ୍ନୋଜ୍ଜ୍ଵଲଵଲୟଭୃତା ଶୋଣପାଣିପ୍ରଵାଲେ-
ନୋପାତ୍ତାଂ ଵେଣୁନାଲୀ ପ୍ରସୃତନଖମୟୂଖାଂଗୁଲୀସଂଗଶାରାମ୍ ।
କୃତ୍ଵା ଵକ୍ତ୍ରାରଵିଂଦେ ସୁମଧୁରଵିକସଦ୍ରାଗମୁଦ୍ଭାଵ୍ୟମାନୈଃ
ଶବ୍ଦବ୍ରହ୍ମାମୃତୈସ୍ତ୍ଵଂ ଶିଶିରିତଭୁଵନୈଃ ସିଂଚ ମେ କର୍ଣଵୀଥୀମ୍ ॥5॥
ଉତ୍ସର୍ପତ୍କୌସ୍ତୁଭଶ୍ରୀତତିଭିରରୁଣିତଂ କୋମଲଂ କଂଠଦେଶଂ
ଵକ୍ଷଃ ଶ୍ରୀଵତ୍ସରମ୍ୟଂ ତରଲତରସମୁଦ୍ଦୀପ୍ରହାରପ୍ରତାନମ୍ ।
ନାନାଵର୍ଣପ୍ରସୂନାଵଲିକିସଲୟିନୀଂ ଵନ୍ୟମାଲାଂ ଵିଲୋଲ-
ଲ୍ଲୋଲଂବାଂ ଲଂବମାନାମୁରସି ତଵ ତଥା ଭାଵୟେ ରତ୍ନମାଲାମ୍ ॥6॥
ଅଂଗେ ପଂଚାଂଗରାଗୈରତିଶୟଵିକସତ୍ସୌରଭାକୃଷ୍ଟଲୋକଂ
ଲୀନାନେକତ୍ରିଲୋକୀଵିତତିମପି କୃଶାଂ ବିଭ୍ରତଂ ମଧ୍ୟଵଲ୍ଲୀମ୍ ।
ଶକ୍ରାଶ୍ମନ୍ୟସ୍ତତପ୍ତୋଜ୍ଜ୍ଵଲକନକନିଭଂ ପୀତଚେଲଂ ଦଧାନଂ
ଧ୍ୟାୟାମୋ ଦୀପ୍ତରଶ୍ମିସ୍ଫୁଟମଣିରଶନାକିଂକିଣୀମଂଡିତଂ ତ୍ଵାମ୍ ॥7॥
ଊରୂ ଚାରୂ ତଵୋରୂ ଘନମସୃଣରୁଚୌ ଚିତ୍ତଚୋରୌ ରମାୟାଃ
ଵିଶ୍ଵକ୍ଷୋଭଂ ଵିଶଂକ୍ୟ ଧ୍ରୁଵମନିଶମୁଭୌ ପୀତଚେଲାଵୃତାଂଗୌ ।
ଆନମ୍ରାଣାଂ ପୁରସ୍ତାନ୍ନ୍ୟସନଧୃତସମସ୍ତାର୍ଥପାଲୀସମୁଦ୍ଗ-
ଚ୍ଛାୟଂ ଜାନୁଦ୍ଵୟଂ ଚ କ୍ରମପୃଥୁଲମନୋଜ୍ଞେ ଚ ଜଂଘେ ନିଷେଵେ ॥8॥
ମଂଜୀରଂ ମଂଜୁନାଦୈରିଵ ପଦଭଜନଂ ଶ୍ରେୟ ଇତ୍ୟାଲପଂତଂ
ପାଦାଗ୍ରଂ ଭ୍ରାଂତିମଜ୍ଜତ୍ପ୍ରଣତଜନମନୋମଂଦରୋଦ୍ଧାରକୂର୍ମମ୍ ।
ଉତ୍ତୁଂଗାତାମ୍ରରାଜନ୍ନଖରହିମକରଜ୍ୟୋତ୍ସ୍ନୟା ଚାଽଶ୍ରିତାନାଂ
ସଂତାପଧ୍ଵାଂତହଂତ୍ରୀଂ ତତିମନୁକଲୟେ ମଂଗଲାମଂଗୁଲୀନାମ୍ ॥9॥
ୟୋଗୀଂଦ୍ରାଣାଂ ତ୍ଵଦଂଗେଷ୍ଵଧିକସୁମଧୁରଂ ମୁକ୍ତିଭାଜାଂ ନିଵାସୋ
ଭକ୍ତାନାଂ କାମଵର୍ଷଦ୍ୟୁତରୁକିସଲୟଂ ନାଥ ତେ ପାଦମୂଲମ୍ ।
ନିତ୍ୟଂ ଚିତ୍ତସ୍ଥିତଂ ମେ ପଵନପୁରପତେ କୃଷ୍ଣ କାରୁଣ୍ୟସିଂଧୋ
ହୃତ୍ଵା ନିଶ୍ଶେଷତାପାନ୍ ପ୍ରଦିଶତୁ ପରମାନଂଦସଂଦୋହଲକ୍ଷ୍ମୀମ୍ ॥10॥
ଅଜ୍ଞାତ୍ଵା ତେ ମହତ୍ଵଂ ୟଦିହ ନିଗଦିତଂ ଵିଶ୍ଵନାଥ କ୍ଷମେଥାଃ
ସ୍ତୋତ୍ରଂ ଚୈତତ୍ସହସ୍ରୋତ୍ତରମଧିକତରଂ ତ୍ଵତ୍ପ୍ରସାଦାୟ ଭୂୟାତ୍ ।
ଦ୍ଵେଧା ନାରାୟଣୀୟଂ ଶ୍ରୁତିଷୁ ଚ ଜନୁଷା ସ୍ତୁତ୍ୟତାଵର୍ଣନେନ
ସ୍ଫୀତଂ ଲୀଲାଵତାରୈରିଦମିହ କୁରୁତାମାୟୁରାରୋଗ୍ୟସୌଖ୍ୟମ୍ ॥11॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣୀୟଂ ଦଶକ 100 - ଭଗଵତଃ କେଶାଦିପାଦଵର୍ଣନମ୍?
ନାରାୟଣୀୟଂ ଦଶକ 100 - ଭଗଵତଃ କେଶାଦିପାଦଵର୍ଣନମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣୀୟଂ ଦଶକ 100 - ଭଗଵତଃ କେଶାଦିପାଦଵର୍ଣନମ୍ online?
Yes. The imported text is available directly on this page for online reading and recitation.
Can I download ନାରାୟଣୀୟଂ ଦଶକ 100 - ଭଗଵତଃ କେଶାଦିପାଦଵର୍ଣନମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.