ଦଶକଂ 1 – ଭଗଵତଃ ସ୍ଵରୂପଂ ତଥା ମାହାତ୍ମ୍ୟମ୍
ସାଂଦ୍ରାନଂଦାଵବୋଧାତ୍ମକମନୁପମିତଂ କାଲଦେଶାଵଧିଭ୍ୟାଂ
ନିର୍ମୁକ୍ତଂ ନିତ୍ୟମୁକ୍ତଂ ନିଗମଶତସହସ୍ରେଣ ନିର୍ଭାସ୍ୟମାନମ୍ ।
ଅସ୍ପଷ୍ଟଂ ଦୃଷ୍ଟମାତ୍ରେ ପୁନରୁରୁପୁରୁଷାର୍ଥାତ୍ମକଂ ବ୍ରହ୍ମ ତତ୍ଵଂ
ତତ୍ତାଵଦ୍ଭାତି ସାକ୍ଷାଦ୍ ଗୁରୁପଵନପୁରେ ହଂତ ଭାଗ୍ୟଂ ଜନାନାମ୍ ॥ 1 ॥
ଏଵଂଦୁର୍ଲଭ୍ୟଵସ୍ତୁନ୍ୟପି ସୁଲଭତୟା ହସ୍ତଲବ୍ଧେ ୟଦନ୍ୟତ୍
ତନ୍ଵା ଵାଚା ଧିୟା ଵା ଭଜତି ବତ ଜନଃ କ୍ଷୁଦ୍ରତୈଵ ସ୍ଫୁଟେୟମ୍ ।
ଏତେ ତାଵଦ୍ଵୟଂ ତୁ ସ୍ଥିରତରମନସା ଵିଶ୍ଵପୀଡାପହତ୍ୟୈ
ନିଶ୍ଶେଷାତ୍ମାନମେନଂ ଗୁରୁପଵନପୁରାଧୀଶମେଵାଶ୍ରୟାମଃ ॥ 2 ॥
ସତ୍ତ୍ଵଂ ୟତ୍ତତ୍ ପରାଭ୍ୟାମପରିକଲନତୋ ନିର୍ମଲଂ ତେନ ତାଵତ୍
ଭୂତୈର୍ଭୂତେଂଦ୍ରିୟୈସ୍ତେ ଵପୁରିତି ବହୁଶଃ ଶ୍ରୂୟତେ ଵ୍ୟାସଵାକ୍ୟମ୍।
ତତ୍ ସ୍ଵଚ୍ଛ୍ତ୍ଵାଦ୍ୟଦାଚ୍ଛାଦିତପରସୁଖଚିଦ୍ଗର୍ଭନିର୍ଭାସରୂପଂ
ତସ୍ମିନ୍ ଧନ୍ୟା ରମଂତେ ଶ୍ରୁତିମତିମଧୁରେ ସୁଗ୍ରହେ ଵିଗ୍ରହେ ତେ ॥ 3 ॥
ନିଷ୍କଂପେ ନିତ୍ୟପୂର୍ଣେ ନିରଵଧିପରମାନଂଦପୀୟୂଷରୂପେ
ନିର୍ଲୀନାନେକମୁକ୍ତାଵଲିସୁଭଗତମେ ନିର୍ମଲବ୍ରହ୍ମସିଂଧୌ ।
କଲ୍ଲୋଲୋଲ୍ଲାସତୁଲ୍ୟଂ ଖଲୁ ଵିମଲତରଂ ସତ୍ତ୍ଵମାହୁସ୍ତଦାତ୍ମା
କସ୍ମାନ୍ନୋ ନିଷ୍କଲସ୍ତ୍ଵଂ ସକଲ ଇତି ଵଚସ୍ତ୍ଵତ୍କଲାସ୍ଵେଵ ଭୂମନ୍ ॥ 4 ॥
ନିର୍ଵ୍ୟାପାରୋଽପି ନିଷ୍କାରଣମଜ ଭଜସେ ୟତ୍କ୍ରିୟାମୀକ୍ଷଣାଖ୍ୟାଂ
ତେନୈଵୋଦେତି ଲୀନା ପ୍ରକୃତିରସତିକଲ୍ପାଽପି କଲ୍ପାଦିକାଲେ।
ତସ୍ୟାଃ ସଂଶୁଦ୍ଧମଂଶଂ କମପି ତମତିରୋଧାୟକଂ ସତ୍ତ୍ଵରୂପଂ
ସ ତ୍ଵଂ ଧୃତ୍ଵା ଦଧାସି ସ୍ଵମହିମଵିଭଵାକୁଂଠ ଵୈକୁଂଠ ରୂପଂ॥5॥
ତତ୍ତେ ପ୍ରତ୍ୟଗ୍ରଧାରାଧରଲଲିତକଲାୟାଵଲୀକେଲିକାରଂ
ଲାଵଣ୍ୟସ୍ୟୈକସାରଂ ସୁକୃତିଜନଦୃଶାଂ ପୂର୍ଣପୁଣ୍ୟାଵତାରମ୍।
ଲକ୍ଷ୍ମୀନିଶ୍ଶଂକଲୀଲାନିଲୟନମମୃତସ୍ୟଂଦସଂଦୋହମଂତଃ
ସିଂଚତ୍ ସଂଚିଂତକାନାଂ ଵପୁରନୁକଲୟେ ମାରୁତାଗାରନାଥ ॥6॥
କଷ୍ଟା ତେ ସୃଷ୍ଟିଚେଷ୍ଟା ବହୁତରଭଵଖେଦାଵହା ଜୀଵଭାଜା-
ମିତ୍ୟେଵଂ ପୂର୍ଵମାଲୋଚିତମଜିତ ମୟା ନୈଵମଦ୍ୟାଭିଜାନେ।
ନୋଚେଜ୍ଜୀଵାଃ କଥଂ ଵା ମଧୁରତରମିଦଂ ତ୍ଵଦ୍ଵପୁଶ୍ଚିଦ୍ରସାର୍ଦ୍ରଂ
ନେତ୍ରୈଃ ଶ୍ରୋତ୍ରୈଶ୍ଚ ପୀତ୍ଵା ପରମରସସୁଧାଂଭୋଧିପୂରେ ରମେରନ୍॥7॥
ନମ୍ରାଣାଂ ସନ୍ନିଧତ୍ତେ ସତତମପି ପୁରସ୍ତୈରନଭ୍ୟର୍ଥିତାନ –
ପ୍ୟର୍ଥାନ୍ କାମାନଜସ୍ରଂ ଵିତରତି ପରମାନଂଦସାଂଦ୍ରାଂ ଗତିଂ ଚ।
ଇତ୍ଥଂ ନିଶ୍ଶେଷଲଭ୍ୟୋ ନିରଵଧିକଫଲଃ ପାରିଜାତୋ ହରେ ତ୍ଵଂ
କ୍ଷୁଦ୍ରଂ ତଂ ଶକ୍ରଵାଟୀଦ୍ରୁମମଭିଲଷତି ଵ୍ୟର୍ଥମର୍ଥିଵ୍ରଜୋଽୟମ୍॥8॥
କାରୁଣ୍ୟାତ୍କାମମନ୍ୟଂ ଦଦତି ଖଲୁ ପରେ ସ୍ଵାତ୍ମଦସ୍ତ୍ଵଂ ଵିଶେଷା-
ଦୈଶ୍ଵର୍ୟାଦୀଶତେଽନ୍ୟେ ଜଗତି ପରଜନେ ସ୍ଵାତ୍ମନୋଽପୀଶ୍ଵରସ୍ତ୍ଵମ୍।
ତ୍ଵୟ୍ୟୁଚ୍ଚୈରାରମଂତି ପ୍ରତିପଦମଧୁରେ ଚେତନାଃ ସ୍ଫୀତଭାଗ୍ୟା-
ସ୍ତ୍ଵଂ ଚାତ୍ମାରାମ ଏଵେତ୍ୟତୁଲଗୁଣଗଣାଧାର ଶୌରେ ନମସ୍ତେ॥9॥
ଐଶ୍ଵର୍ୟଂ ଶଂକରାଦୀଶ୍ଵରଵିନିୟମନଂ ଵିଶ୍ଵତେଜୋହରାଣାଂ
ତେଜସ୍ସଂହାରି ଵୀର୍ୟଂ ଵିମଲମପି ୟଶୋ ନିସ୍ପୃହୈଶ୍ଚୋପଗୀତମ୍।
ଅଂଗାସଂଗା ସଦା ଶ୍ରୀରଖିଲଵିଦସି ନ କ୍ଵାପି ତେ ସଂଗଵାର୍ତା
ତଦ୍ଵାତାଗାରଵାସିନ୍ ମୁରହର ଭଗଵଚ୍ଛବ୍ଦମୁଖ୍ୟାଶ୍ରୟୋଽସି॥10॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଦଶକଂ 1 - ଭଗଵତଃ ସ୍ଵରୂପଂ ତଥା ମାହାତ୍ମ୍ୟମ୍?
ଦଶକଂ 1 - ଭଗଵତଃ ସ୍ଵରୂପଂ ତଥା ମାହାତ୍ମ୍ୟମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଦଶକଂ 1 - ଭଗଵତଃ ସ୍ଵରୂପଂ ତଥା ମାହାତ୍ମ୍ୟମ୍ online?
Yes. The imported text is available directly on this page for online reading and recitation.
Can I download ଦଶକଂ 1 - ଭଗଵତଃ ସ୍ଵରୂପଂ ତଥା ମାହାତ୍ମ୍ୟମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.