ମୃତସଂଜୀଵନ କଵଚ ସ୍ତୋତ୍ରମ୍

ଏଵମାରାଧ୍ୟ ଗୌରୀଶଂ ଦେଵଂ ମୃତ୍ୟୁଂଜୟେଶ୍ଵରମ୍ ।
ମୃତସଂଜୀଵନଂ ନାମ୍ନା କଵଚଂ ପ୍ରଜପେତ୍ ସଦା ॥ 1 ॥

ସାରାତ୍ସାରତରଂ ପୁଣ୍ୟଂ ଗୁହ୍ୟାଦ୍ଗୁହ୍ୟତରଂ ଶୁଭମ୍ ।
ମହାଦେଵସ୍ୟ କଵଚଂ ମୃତସଂଜୀଵନାମକମ୍ ॥ 2 ॥

ସମାହିତମନା ଭୂତ୍ଵା ଶୃଣୁଷ୍ଵ କଵଚଂ ଶୁଭମ୍ ।
ଶୃତ୍ଵୈତଦ୍ଦିଵ୍ୟ କଵଚଂ ରହସ୍ୟଂ କୁରୁ ସର୍ଵଦା ॥ 3 ॥

ଵରାଭୟକରୋ ୟଜ୍ଵା ସର୍ଵଦେଵନିଷେଵିତଃ ।
ମୃତ୍ୟୁଂଜୟୋ ମହାଦେଵଃ ପ୍ରାଚ୍ୟାଂ ମାଂ ପାତୁ ସର୍ଵଦା ॥ 4 ॥

ଦଧାନଃ ଶକ୍ତିମଭୟାଂ ତ୍ରିମୁଖଂ ଷଡ୍ଭୁଜଃ ପ୍ରଭୁଃ ।
ସଦାଶିଵୋଽଗ୍ନିରୂପୀ ମାମାଗ୍ନେୟ୍ୟାଂ ପାତୁ ସର୍ଵଦା ॥ 5 ॥

ଅଷ୍ଟାଦଶଭୁଜୋପେତୋ ଦଂଡାଭୟକରୋ ଵିଭୁଃ ।
ୟମରୂପୀ ମହାଦେଵୋ ଦକ୍ଷିଣସ୍ୟାଂ ସଦାଵତୁ ॥ 6 ॥

ଖଡ୍ଗାଭୟକରୋ ଧୀରୋ ରକ୍ଷୋଗଣନିଷେଵିତଃ ।
ରକ୍ଷୋରୂପୀ ମହେଶୋ ମାଂ ନୈରୃତ୍ୟାଂ ସର୍ଵଦାଵତୁ ॥ 7 ॥

ପାଶାଭୟଭୁଜଃ ସର୍ଵରତ୍ନାକରନିଷେଵିତଃ ।
ଵରୁଣାତ୍ମା ମହାଦେଵଃ ପଶ୍ଚିମେ ମାଂ ସଦାଵତୁ ॥ 8 ॥

ଗଦାଭୟକରଃ ପ୍ରାଣନାୟକଃ ସର୍ଵଦାଗତିଃ ।
ଵାୟଵ୍ୟାଂ ମାରୁତାତ୍ମା ମାଂ ଶଂକରଃ ପାତୁ ସର୍ଵଦା ॥ 9 ॥

ଶଂଖାଭୟକରସ୍ଥୋ ମାଂ ନାୟକଃ ପରମେଶ୍ଵରଃ ।
ସର୍ଵାତ୍ମାଂତରଦିଗ୍ଭାଗେ ପାତୁ ମାଂ ଶଂକରଃ ପ୍ରଭୁଃ ॥ 10 ॥

ଶୂଲାଭୟକରଃ ସର୍ଵଵିଦ୍ୟାନାମଧିନାୟକଃ ।
ଈଶାନାତ୍ମା ତଥୈଶାନ୍ୟାଂ ପାତୁ ମାଂ ପରମେଶ୍ଵରଃ ॥ 11 ॥

ଊର୍ଧ୍ଵଭାଗେ ବ୍ରହ୍ମରୂପୀ ଵିଶ୍ଵାତ୍ମାଧଃ ସଦାଵତୁ ।
ଶିରୋ ମେ ଶଂକରଃ ପାତୁ ଲଲାଟଂ ଚଂଦ୍ରଶେଖରଃ ॥ 12 ॥

ଭ୍ରୂମଧ୍ୟଂ ସର୍ଵଲୋକେଶସ୍ତ୍ରିନେତ୍ରୋ ଲୋଚନେଽଵତୁ ।
ଭ୍ରୂୟୁଗ୍ମଂ ଗିରିଶଃ ପାତୁ କର୍ଣୌ ପାତୁ ମହେଶ୍ଵରଃ ॥ 13 ॥

ନାସିକାଂ ମେ ମହାଦେଵ ଓଷ୍ଠୌ ପାତୁ ଵୃଷଧ୍ଵଜଃ ।
ଜିହ୍ଵାଂ ମେ ଦକ୍ଷିଣାମୂର୍ତିର୍ଦଂତାନ୍ମେ ଗିରିଶୋଽଵତୁ ॥ 14 ॥

ମୃତ୍ୟୁଂଜୟୋ ମୁଖଂ ପାତୁ କଂଠଂ ମେ ନାଗଭୂଷଣଃ ।
ପିନାକି ମତ୍କରୌ ପାତୁ ତ୍ରିଶୂଲି ହୃଦୟଂ ମମ ॥ 15 ॥

ପଂଚଵକ୍ତ୍ରଃ ସ୍ତନୌ ପାତୁ ଉଦରଂ ଜଗଦୀଶ୍ଵରଃ ।
ନାଭିଂ ପାତୁ ଵିରୂପାକ୍ଷଃ ପାର୍ଶ୍ଵୌ ମେ ପାର୍ଵତୀପତିଃ ॥ 16 ॥

କଟଦ୍ଵୟଂ ଗିରୀଶୋ ମେ ପୃଷ୍ଠଂ ମେ ପ୍ରମଥାଧିପଃ ।
ଗୁହ୍ୟଂ ମହେଶ୍ଵରଃ ପାତୁ ମମୋରୂ ପାତୁ ଭୈରଵଃ ॥ 17 ॥

ଜାନୁନୀ ମେ ଜଗଦ୍ଧର୍ତା ଜଂଘେ ମେ ଜଗଦଂବିକା ।
ପାଦୌ ମେ ସତତଂ ପାତୁ ଲୋକଵଂଦ୍ୟଃ ସଦାଶିଵଃ ॥ 18 ॥

ଗିରିଶଃ ପାତୁ ମେ ଭାର୍ୟାଂ ଭଵଃ ପାତୁ ସୁତାନ୍ମମ ।
ମୃତ୍ୟୁଂଜୟୋ ମମାୟୁଷ୍ୟଂ ଚିତ୍ତଂ ମେ ଗଣନାୟକଃ ॥ 19 ॥

ସର୍ଵାଂଗଂ ମେ ସଦା ପାତୁ କାଲକାଲଃ ସଦାଶିଵଃ ।
ଏତତ୍ତେ କଵଚଂ ପୁଣ୍ୟଂ ଦେଵତାନାଂ ଚ ଦୁର୍ଲଭମ୍ ॥ 20 ॥

ମୃତସଂଜୀଵନଂ ନାମ୍ନା ମହାଦେଵେନ କୀର୍ତିତମ୍ ।
ସହସ୍ରାଵର୍ତନଂ ଚାସ୍ୟ ପୁରଶ୍ଚରଣମୀରିତମ୍ ॥ 21 ॥

ୟଃ ପଠେଚ୍ଚୃଣୁୟାନ୍ନିତ୍ୟଂ ଶ୍ରାଵୟେତ୍ସୁ ସମାହିତଃ ।
ସ କାଲମୃତ୍ୟୁଂ ନିର୍ଜିତ୍ୟ ସଦାୟୁଷ୍ୟଂ ସମଶ୍ନୁତେ ॥ 22 ॥

ହସ୍ତେନ ଵା ୟଦା ସ୍ପୃଷ୍ଟ୍ଵା ମୃତଂ ସଂଜୀଵୟତ୍ୟସୌ ।
ଆଧୟୋଵ୍ୟାଧୟସ୍ତସ୍ୟ ନ ଭଵଂତି କଦାଚନ ॥ 23 ॥

କାଲମୃତ୍ୟୁମପି ପ୍ରାପ୍ତମସୌ ଜୟତି ସର୍ଵଦା ।
ଅଣିମାଦିଗୁଣୈଶ୍ଵର୍ୟଂ ଲଭତେ ମାନଵୋତ୍ତମଃ ॥ 24 ॥

ୟୁଦ୍ଧାରଂଭେ ପଠିତ୍ଵେଦମଷ୍ଟାଵିଂଶତିଵାରକମ୍ ।
ୟୁଦ୍ଧମଧ୍ୟେ ସ୍ଥିତଃ ଶତ୍ରୁଃ ସଦ୍ୟଃ ସର୍ଵୈର୍ନ ଦୃଶ୍ୟତେ ॥ 25 ॥

ନ ବ୍ରହ୍ମାଦୀନି ଚାସ୍ତ୍ରାଣି କ୍ଷୟଂ କୁର୍ଵଂତି ତସ୍ୟ ଵୈ ।
ଵିଜୟଂ ଲଭତେ ଦେଵୟୁଦ୍ଧମଧ୍ୟେଽପି ସର୍ଵଦା ॥ 26 ॥

ପ୍ରାତରୁତ୍ଥାୟ ସତତଂ ୟଃ ପଠେତ୍କଵଚଂ ଶୁଭମ୍ ।
ଅକ୍ଷୟ୍ୟଂ ଲଭତେ ସୌଖ୍ୟମିହଲୋକେ ପରତ୍ର ଚ ॥ 27 ॥

ସର୍ଵଵ୍ୟାଧିଵିନିର୍ମୁକ୍ତଃ ସର୍ଵରୋଗଵିଵର୍ଜିତଃ ।
ଅଜରାମରଣୋ ଭୂତ୍ଵା ସଦା ଷୋଡଶଵାର୍ଷିକଃ ॥ 28 ॥

ଵିଚରତ୍ୟଖିଲାନ୍ଲୋକାନ୍ପ୍ରାପ୍ୟ ଭୋଗାଂଶ୍ଚ ଦୁର୍ଲଭାନ୍ ।
ତସ୍ମାଦିଦଂ ମହାଗୋପ୍ୟଂ କଵଚଂ ସମୁଦାହୃତମ୍ ॥ 29 ॥

ମୃତସଂଜୀଵନଂ ନାମ୍ନା ଦେଵତୈରପି ଦୁର୍ଲଭମ୍ ॥ 30 ॥

ଇତି ଵସିଷ୍ଠ କୃତ ମୃତସଂଜୀଵନ କଵଚ ସ୍ତୋତ୍ରମ୍ ॥