ମଣିକର୍ଣିକାଷ୍ଟକମ୍
ତ୍ଵତ୍ତୀରେ ମଣିକର୍ଣିକେ ହରିହରୌ ସାୟୁଜ୍ୟମୁକ୍ତିପ୍ରଦୌ
ଵାଦଂତୌ କୁରୁତଃ ପରସ୍ପରମୁଭୌ ଜଂତୋଃ ପ୍ରୟାଣୋତ୍ସଵେ ।
ମଦ୍ରୂପୋ ମନୁଜୋଽୟମସ୍ତୁ ହରିଣା ପ୍ରୋକ୍ତଃ ଶିଵସ୍ତତ୍କ୍ଷଣା-
ତ୍ତନ୍ମଧ୍ୟାଦ୍ଭୃଗୁଲାଂଛନୋ ଗରୁଡଗଃ ପୀତାଂବରୋ ନିର୍ଗତଃ ॥ 1 ॥
ଇଂଦ୍ରାଦ୍ୟାସ୍ତ୍ରିଦଶାଃ ପତଂତି ନିୟତଂ ଭୋଗକ୍ଷୟେ ୟେ ପୁନ-
ର୍ଜାୟଂତେ ମନୁଜାସ୍ତତୋପି ପଶଵଃ କୀଟାଃ ପତଂଗାଦୟଃ ।
ୟେ ମାତର୍ମଣିକର୍ଣିକେ ତଵ ଜଲେ ମଜ୍ଜଂତି ନିଷ୍କଲ୍ମଷାଃ
ସାୟୁଜ୍ୟେଽପି କିରୀଟକୌସ୍ତୁଭଧରା ନାରାୟଣାଃ ସ୍ୟୁର୍ନରାଃ ॥ 2 ॥
କାଶୀ ଧନ୍ୟତମା ଵିମୁକ୍ତନଗରୀ ସାଲଂକୃତା ଗଂଗୟା
ତତ୍ରେୟଂ ମଣିକର୍ଣିକା ସୁଖକରୀ ମୁକ୍ତିର୍ହି ତତ୍କିଂକରୀ ।
ସ୍ଵର୍ଲୋକସ୍ତୁଲିତଃ ସହୈଵ ଵିବୁଧୈଃ କାଶ୍ୟା ସମଂ ବ୍ରହ୍ମଣା
କାଶୀ କ୍ଷୋଣିତଲେ ସ୍ଥିତା ଗୁରୁତରା ସ୍ଵର୍ଗୋ ଲଘୁତ୍ଵଂ ଗତଃ ॥ 3 ॥
ଗଂଗାତୀରମନୁତ୍ତମଂ ହି ସକଲଂ ତତ୍ରାପି କାଶ୍ୟୁତ୍ତମା
ତସ୍ୟାଂ ସା ମଣିକର୍ଣିକୋତ୍ତମତମା ୟେତ୍ରେଶ୍ଵରୋ ମୁକ୍ତିଦଃ ।
ଦେଵାନାମପି ଦୁର୍ଲଭଂ ସ୍ଥଲମିଦଂ ପାପୌଘନାଶକ୍ଷମଂ
ପୂର୍ଵୋପାର୍ଜିତପୁଣ୍ୟପୁଂଜଗମକଂ ପୁଣ୍ୟୈର୍ଜନୈଃ ପ୍ରାପ୍ୟତେ ॥ 4 ॥
ଦୁଃଖାଂଭୋଧିଗତୋ ହି ଜଂତୁନିଵହସ୍ତେଷାଂ କଥଂ ନିଷ୍କୃତିଃ
ଜ୍ଞାତ୍ଵା ତଦ୍ଧି ଵିରିଂଚିନା ଵିରଚିତା ଵାରାଣସୀ ଶର୍ମଦା ।
ଲୋକାଃସ୍ଵର୍ଗସୁଖାସ୍ତତୋଽପି ଲଘଵୋ ଭୋଗାଂତପାତପ୍ରଦାଃ
କାଶୀ ମୁକ୍ତିପୁରୀ ସଦା ଶିଵକରୀ ଧର୍ମାର୍ଥମୋକ୍ଷପ୍ରଦା ॥ 5 ॥
ଏକୋ ଵେଣୁଧରୋ ଧରାଧରଧରଃ ଶ୍ରୀଵତ୍ସଭୂଷାଧରଃ
ୟୋଽପ୍ୟେକଃ କିଲ ଶଂକରୋ ଵିଷଧରୋ ଗଂଗାଧରୋ ମାଧଵଃ ।
ୟେ ମାତର୍ମଣିକର୍ଣିକେ ତଵ ଜଲେ ମଜ୍ଜଂତି ତେ ମାନଵାଃ
ରୁଦ୍ରା ଵା ହରୟୋ ଭଵଂତି ବହଵସ୍ତେଷାଂ ବହୁତ୍ଵଂ କଥମ୍ ॥ 6 ॥
ତ୍ଵତ୍ତୀରେ ମରଣଂ ତୁ ମଂଗଳକରଂ ଦେଵୈରପି ଶ୍ଲାଘ୍ୟତେ
ଶକ୍ରସ୍ତଂ ମନୁଜଂ ସହସ୍ରନୟନୈର୍ଦ୍ରଷ୍ଟୁଂ ସଦା ତତ୍ପରଃ ।
ଆୟାଂତଂ ସଵିତା ସହସ୍ରକିରଣୈଃ ପ୍ରତ୍ୟୁଦ୍ଗତୋଽଭୂତ୍ସଦା
ପୁଣ୍ୟୋଽସୌ ଵୃଷଗୋଽଥଵା ଗରୁଡଗଃ କିଂ ମଂଦିରଂ ୟାସ୍ୟତି ॥ 7 ॥
ମଧ୍ୟାହ୍ନେ ମଣିକର୍ଣିକାସ୍ନପନଜଂ ପୁଣ୍ୟଂ ନ ଵକ୍ତୁଂ କ୍ଷମଃ
ସ୍ଵୀୟୈରବ୍ଧଶତୈଶ୍ଚତୁର୍ମୁଖଧରୋ ଵେଦାର୍ଥଦୀକ୍ଷାଗୁରୁଃ ।
ୟୋଗାଭ୍ୟାସବଲେନ ଚଂଦ୍ରଶିଖରସ୍ତତ୍ପୁଣ୍ୟପାରଂଗତ-
ସ୍ତ୍ଵତ୍ତୀରେ ପ୍ରକରୋତି ସୁପ୍ତପୁରୁଷଂ ନାରାୟଣଂ ଵା ଶିଵମ୍ ॥ 8 ॥
କୃଚ୍ଛ୍ରୈ କୋଟିଶତୈଃ ସ୍ଵପାପନିଧନଂ ୟଚ୍ଚାଶ୍ଵମେଧୈଃ ଫଲଂ
ତତ୍ସର୍ଵେ ମଣିକର୍ଣିକାସ୍ନପନଜେ ପୁଣ୍ୟେ ପ୍ରଵିଷ୍ଟଂ ଭଵେତ୍ ।
ସ୍ନାତ୍ଵା ସ୍ତୋତ୍ରମିଦଂ ନରଃ ପଠତି ଚେତ୍ସଂସାରପାଥୋନିଧିଂ
ତୀର୍ତ୍ଵା ପଲ୍ଵଲଵତ୍ପ୍ରୟାତି ସଦନଂ ତେଜୋମୟଂ ବ୍ରହ୍ମଣଃ ॥ 9 ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ମଣିକର୍ଣିକାଷ୍ଟକମ୍?
ମଣିକର୍ଣିକାଷ୍ଟକମ୍ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ମଣିକର୍ଣିକାଷ୍ଟକମ୍ online?
Yes. The imported text is available directly on this page for online reading and recitation.
Can I download ମଣିକର୍ଣିକାଷ୍ଟକମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.