ଶ୍ରୀ ମହାନ୍ୟାସମ୍ (ପୂର୍ଣଂ)
କଲଶ ପ୍ରତିଷ୍ଠାପନ ମଂତ୍ରାଃ
ବ୍ରହ୍ମ॑ଜଜ୍ଞା॒ନଂ ପ୍ର॑ଥ॒ମଂ ପୁ॒ରସ୍ତା॒-ଦ୍ଵିସୀ॑ମ॒ତ-ସ୍ସୁ॒ରୁଚୋ॑ ଵେ॒ନ ଆ॑ଵଃ ।
ସ ବୁ॒ଧ୍ନିୟା॑ ଉପ॒ମା ଅ॑ସ୍ୟ ଵି॒ଷ୍ଠା-ସ୍ସ॒ତଶ୍ଚ॒ ୟୋନି॒-ମସ॑ତଶ୍ଚ॒ ଵିଵଃ॑ ।
ନାକେ॑ ସୁପ॒ର୍ଣ ମୁପ॒ୟତ୍ ପତଂ॑ତଗ୍ମ୍ ହୃ॒ଦା ଵେନଂ॑ତୋ ଅ॒ଭ୍ୟଚ॑କ୍ଷ-ତତ୍ଵା ।
ହିର॑ଣ୍ୟପକ୍ଷଂ॒-ଵଁରୁ॑ଣସ୍ୟ ଦୂ॒ତଂ-ୟଁ॒ମସ୍ୟ॒ ୟୋନୌ॑ ଶକୁ॒ନଂ ଭୁ॑ର॒ଣ୍ୟୁମ୍ ।
ଆପ୍ୟା॑ୟସ୍ଵ॒ ସମେ॑ତୁ ତେ ଵି॒ଶ୍ଵତଃ॑ ସୋମ॒ ଵୃଷ୍ଣି॑ୟମ୍ । ଭଵା॒ ଵାଜ॑ସ୍ୟ ସଂଗ॒ଥେ ।
ୟୋ ରୁ॒ଦ୍ରୋ ଅ॒ଗ୍ନୌ ୟୋ ଅ॒ଫ୍ସୁ ୟ ଓଷ॑ଧୀଷୁ॒ ୟୋ ରୁ॒ଦ୍ରୋ ଵିଶ୍ଵା॒
ଭୁଵ॑ନାଽଽଵି॒ଵେଶ॒ ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ । 1 (ଅପ ଉପସ୍ପୃଶ୍ୟ)
ଇ॒ଦଂ-ଵିଁଷ୍ଣୁ॒ ର୍ଵିଚ॑କ୍ରମେ ତ୍ରେ॒ଧା ନିଦ॑ଧେ ପ॒ଦମ୍ । ସମୂ॑ଢମସ୍ୟ ପାଗ୍ମ୍ ସୁ॒ରେ ।
ଇଂଦ୍ରଂ॒-ଵିଁଶ୍ଵା॑ ଅଵୀଵୃଧଂଥ୍ ସମୁ॒ଦ୍ରଵ୍ୟ॑ଚସଂ॒ ଗିରଃ॑ ।
ର॒ଥୀତ॑ମଗ୍ମ୍ ରଥୀ॒ନାଂ-ଵାଁଜା॑ନା॒ଗ୍ମ୍॒ ସତ୍ପ॑ତିଂ॒ ପତି᳚ମ୍ ।
ଆପୋ॒ ଵା ଇ॒ଦଂଗ୍ମ୍ ସର୍ଵଂ॒-ଵିଁଶ୍ଵା॑ ଭୂ॒ତାନ୍ୟାପଃ॑ ପ୍ରା॒ଣା ଵା ଆପଃ॑ ପ॒ଶଵ॒ ଆପୋଽନ୍ନ॒ମାପୋ-ଽମୃ॑ତ॒ମାପ॑-ସ୍ସ॒ମ୍ରାଡାପୋ॑ ଵି॒ରାଡାପ॑-ସ୍ସ୍ଵ॒ରାଡାପ॒-ଶ୍ଛଂଦା॒ଗ୍॒ଶ୍ୟାପୋ॒ ଜ୍ୟୋତୀ॒ଗ୍॒ଷ୍ୟାପୋ॒ ୟଜୂ॒ଗ୍॒ଷ୍ୟାପ॑-ସ୍ସ॒ତ୍ୟମାପ॒-ସ୍ସର୍ଵା॑ ଦେ॒ଵତା॒ ଆପୋ॒ ଭୂର୍ଭୁଵ॒ସ୍ସୁଵ॒ରାପ॒ ଓମ୍ । 2
ଅ॒ପଃ ପ୍ରଣ॑ୟତି । ଶ୍ର॒ଦ୍ଧା ଵା ଆପଃ॑ । ଶ୍ର॒ଦ୍ଧାମେ॒ଵାରଭ୍ୟ॑ ପ୍ର॒ଣୀୟ॒ ପ୍ରଚ॑ରତି ।
ଅ॒ପଃ ପ୍ରଣ॑ୟତି ।
ୟ॒ଜ୍ଞୋ ଵା ଆପଃ॑ । ୟ॒ଜ୍ଞମେ॒ଵାରଭ୍ୟ॑ ପ୍ର॒ଣୀୟ॒ ପ୍ରଚ॑ରତି । ଅ॒ପଃ ପ୍ରଣ॑ୟତି ।
ଵଜ୍ରୋ॒ ଵା ଆପଃ॑ । ଵଜ୍ର॑ମେ॒ଵ ଭ୍ରାତୃ॑ଵ୍ୟେଭ୍ୟଃ ପ୍ର॒ହୃତ୍ୟ॑ ପ୍ର॒ଣୀୟ॒ ପ୍ରଚ॑ରତି ।
ଅ॒ପଃ ପ୍ରଣ॑ୟତି ।
ଆପୋ॒ ଵୈ ର॑କ୍ଷୋ॒ଘ୍ନୀଃ । ରକ୍ଷ॑ସା॒ମପ॑ହତ୍ୟୈ । ଅ॒ପଃ ପ୍ରଣ॑ୟତି ।
ଆପୋ॒ ଵୈ ଦେ॒ଵାନାଂ᳚ ପ୍ରି॒ୟଂ ଧାମ॑ । ଦେ॒ଵାନା॑ମେ॒ଵ ପ୍ରି॒ୟଂ ଧାମ॑ ପ୍ର॒ଣୀୟ॒ ପ୍ରଚ॑ରତି । ଅ॒ପଃ ପ୍ରଣ॑ୟତି ।
ଆପୋ॒ ଵୈ ସର୍ଵା॑ ଦେ॒ଵତାଃ᳚ । ଦେ॒ଵତା॑ ଏ॒ଵାରଭ୍ୟ॑ ପ୍ର॒ଣୀୟ॒ ପ୍ରଚ॑ରତି ।
ଅ॒ପଃ ପ୍ରଣ॑ୟତି ।
ଆପୋ॒ ଵୈ ଶାଂ॒ତାଃ । ଶାଂ॒ତାଭି॑ରେ॒ଵାସ୍ୟ॒ ଶୁଚଗ୍ମ୍॑ ଶମୟତି । ଦେ॒ଵୋ ଵଃ॑
ସଵି॒ତୋତ୍ ପୁ॑ନା॒ତ୍ଵ-ଚ୍ଛି॑ଦ୍ରେଣ ପ॒ଵିତ୍ରେ॑ଣ॒ ଵସୋ॒ସ୍ସୂର୍ୟ॑ସ୍ୟ ର॒ଶ୍ମିଭିଃ॑ ॥ 3
କୂର୍ଚାଗ୍ରୈ ର୍ରାକ୍ଷସାନ୍ ଘୋରାନ୍ ଛିଂଧି କର୍ମଵିଘାତିନଃ ।
ତ୍ଵାମର୍ପୟାମି କୁଂଭେଽସ୍ମିନ୍ ସାଫଲ୍ୟଂ କୁରୁ କର୍ମଣି ।
ଵୃକ୍ଷରାଜ ସମୁଦ୍ଭୂତାଃ ଶାଖାୟାଃ ପଲ୍ଲଵତ୍ଵ ଚଃ ।
ୟୁଷ୍ମାନ୍ କୁଂଭେଷ୍ଵର୍ପୟାମି ସର୍ଵପାପାପନୁତ୍ତୟେ ।
ନାଳିକେର-ସମୁଦ୍ଭୂତ ତ୍ରିନେତ୍ର ହର ସମ୍ମିତ ।
ଶିଖୟା ଦୁରିତଂ ସର୍ଵଂ ପାପଂ ପୀଡାଂ ଚ ମେ ନୁଦ ।
ସ॒ ହି ରତ୍ନା॑ନି ଦା॒ଶୁଷେ॑ ସୁ॒ଵାତି॑ ସଵି॒ତା ଭଗଃ॑ ।
ତଂ ଭା॒ଗଂ ଚି॒ତ୍ରମୀ॑ମହେ । (ଋଗ୍ଵେଦ ମଂତ୍ରଃ)
ତତ୍ଵା॑ ୟାମି॒ ବ୍ରହ୍ମ॑ଣା॒ ଵଂଦ॑ମାନ॒-ସ୍ତଦାଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ ।
ଅହେ॑ଡମାନୋ ଵରୁଣେ॒ହ ବୋ॒ଦ୍ଧ୍ୟୁରୁ॑ଶଗ୍ମ୍ସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥
ଓଂ ଭୂର୍ଭୁଵ॒ସ୍ସୁଵ॒ରୋମ୍ । ଅସ୍ମିନ୍ କୁଂଭେ ଵରୁଣମାଵାହୟାମି ।
ଵରୁଣସ୍ୟ ଇଦମାସନମ୍ । ଵରୁଣାୟ ନମଃ । ସକଲାରାଧନୈଃ ସ୍ଵର୍ଚିତମ୍ ।
ରତ୍ନସିଂହାସନଂ ସମର୍ପୟାମି । ପାଦ୍ୟଂ ସମର୍ପୟାମି ।
ଅର୍ଘ୍ୟଂ ସମର୍ପୟାମି । ଆଚମନୀୟଂ ସମର୍ପୟାମି ।
ମଧୁପର୍କ୍କଂ ସମର୍ପୟାମି । ସ୍ନାନଂ ସମର୍ପୟାମି ।
ସ୍ନାନାନଂତରଂ ଆଚମନୀୟଂ ସମର୍ପୟାମି ।
ଵସ୍ତ୍ରୋତ୍ତରୀୟଂ ସମର୍ପୟାମି । ଉପଵୀତଂ ସମର୍ପୟାମି ।
ଗଂଧାନ୍ ଧାରୟାମି । ଅକ୍ଷତାନ୍ ସମର୍ପୟାମି ।
ପୁଷ୍ପାଣି ସମର୍ପୟାମି ।
1. ଓଂ-ଵଁରୁଣାୟ ନମଃ
2. ଓଂ ପ୍ରଚେତସେ ନମଃ
3. ଓଂ ସୁରୂପିଣେ ନମଃ
4. ଓଂ ଅପାଂପତୟେ ନମଃ
5. ଓଂ ମକରଵାହନାୟ ନମଃ
6. ଜଲାଧିପତୟେ ନମଃ
7. ଓଂ ପାଶହସ୍ତାୟ ନମଃ
8. ଓଂ ତୀର୍ଥରାଜାୟ ନମଃ
ଓଂ-ଵଁରୁଣାୟ ନମଃ । ନାନାଵିଧ ପରିମଳ ପତ୍ର ପୁଷ୍ପାଣି ସମର୍ପୟାମି ।
ଧୂପଂ ଆଘ୍ରାପୟାମି । ଦୀପଂ ଦର୍ଶୟାମି ।
ଧୂପଦୀପାନଂତରଂ ଆଚମନୀୟଂ ସମର୍ପୟାମି ।
ଓଂ ଭୂର୍ଭୁଵସ୍ସୁଵଃ । ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି ।
ଧିୟୋ॒ ୟୋନ॑ ପ୍ରଚୋ॒ଦୟା᳚ତ୍ ।
ଦେଵ ସଵିତଃ ପ୍ରସୁଵଃ । ସତ୍ୟଂ ତ୍ଵର୍ତେନ ପରିଷିଂଚାମି ।
(ରାତ୍ରୌ – ଋତଂ ତ୍ଵା ସତ୍ୟେନ ପରିଷିଂଚାମି) ।
ଓଂ-ଵଁରୁଣାୟ ନମଃ । ଅମୃତଂ ଭଵତୁ । ଅମୃତୋପସ୍ତରଣମସି ।
ଓଂ ପ୍ରାଣାୟ ସ୍ଵାହା । ଓଂ ଅପାନାୟ ସ୍ଵାହା । ଓଂ-ଵ୍ୟାଁନାୟ ସ୍ଵାହା ।
ଓଂ ଉଦାନାୟ ସ୍ଵାହା । ଓଂ ସମାନାୟ ସ୍ଵାହା । ଓଂ ବ୍ରହ୍ମଣେ ସ୍ଵାହା ।
କଦଳୀଫଲଂ ନିଵେଦୟାମି । ମଦ୍ଧ୍ୟେମଦ୍ଧ୍ୟେ ଅମୃତପାନୀୟଂ ସମର୍ପୟାମି । ଅମୃତାପିଧାନମସି । ନୈଵେଦ୍ୟାନଂତରଂ ଆଚମନୀୟଂ ସମର୍ପୟାମି ।
ତାଂବୂଲଂ ସମର୍ପୟାମି । କର୍ପୂର ନୀରାଜନଂ ପ୍ରଦର୍ଶୟାମି ।
ନୀରାଜନାନଂତରଂ ଆଚମନୀୟଂ ସମର୍ପୟାମି । ମଂତ୍ର ପୁଷ୍ପଂ ସମର୍ପୟାମି ।
ସୁଵର୍ଣ ପୁଷ୍ପଂ ସମର୍ପୟାମି । ସମସ୍ତୋପଚାରାନ୍ ସମର୍ପୟାମି ॥
1. ପଂଚାଂଗ ରୁଦ୍ରନ୍ୟାସଃ
ଅଥାତଃ ପଂଚାଂଗରୁଦ୍ରାଣାଂ
ନ୍ୟାସପୂର୍ଵକଂ ଜପ-ହୋମା-ର୍ଚନା-ଭିଷେକ-ଵିଧିଂ-ଵ୍ୟାଁ᳚ଖ୍ୟାସ୍ୟାମଃ ।
ଅଥାତଃ ପଂଚାଂଗରୁଦ୍ରାଣାଂ
ନ୍ୟାସପୂର୍ଵକଂ ଜପ-ହୋମା-ର୍ଚନାଭିଷେକଂ କରିଷ୍ୟମାଣଃ ।
ହରିଃ ଓଂ ଅଥାତଃ ପଂଚାଂଗ ରୁଦ୍ରାଣାମ୍ ॥
ଓଂକାରମଂତ୍ର ସଂୟୁଁକ୍ତଂ ନିତ୍ୟଂ ଧ୍ୟାୟଂତି ୟୋଗିନଃ ।
କାମଦଂ ମୋକ୍ଷଦଂ ତସ୍ମୈ ଓଂକାରାୟ ନମୋ ନମଃ ॥
ନମସ୍ତେ ଦେଵ ଦେଵେଶ ନମସ୍ତେ ପରମେଶ୍ଵର ।
ନମସ୍ତେ ଵୃଷଭାରୂଢ ନକାରାୟ ନମୋ ନମଃ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଓଂ ଭୂର୍ଭୁଵ॒ସ୍ସୁଵଃ॑ ॥ ଓଂ ନମ୍ ॥
ନମ॑ସ୍ତେ ରୁଦ୍ର ମ॒ନ୍ୟଵ॑ ଉ॒ତୋତ॒ ଇଷ॑ଵେ॒ ନମଃ॑ ।
ନମ॑ସ୍ତେ ଅସ୍ତୁ॒ ଧନ୍ଵ॑ନେ ବା॒ହୁଭ୍ୟା॑ମୁ॒ତ ତେ॒ ନମଃ॑ ॥
ୟା ତ॒ ଇଷୁଃ॑ ଶି॒ଵତ॑ମା ଶି॒ଵଂ ବ॒ଭୂଵ॑ ତେ॒ ଧନୁଃ॑ ।
ଶି॒ଵା ଶ॑ର॒ଵ୍ୟା॑ ୟା ତଵ॒ ତୟା॑ ନୋ ରୁଦ୍ର ମୃଡୟ ।
ଓଂ ନମୋ ଭଗଵତେ॑ ରୁଦ୍ରା॒ୟ ॥ ନଂ ଓମ୍ । ପୂର୍ଵାଂଗ ରୁଦ୍ରାୟ॒ ନମଃ ॥ (ପ୍ରାଚ୍ୟୈ ଦିଶ, East)
ମହାଦେଵଂ ମହାତ୍ମାନଂ ମହାପାତକନାଶନମ୍ ।
ମହାପାପହରଂ-ଵଂଁଦେ ମକାରାୟ ନମୋ ନମଃ ॥
ଓଂ ଭୂର୍ଭୁଵ॒ସ୍ସୁଵଃ॒ ॥ ଓଂ ମମ୍ ॥
ଓଂ ନିଧ॑ନପତୟେ॒ ନମଃ । ନିଧନପତାଂତିକାୟ॒ ନମଃ ।
ଊର୍ଧ୍ଵାୟ॒ ନମଃ । ଊର୍ଧ୍ଵଲିଂଗାୟ॒ ନମଃ ।
ହିରଣ୍ୟାୟ॒ ନମଃ । ହିରଣ୍ୟଲିଂଗାୟ॒ ନମଃ ।
ସୁଵର୍ଣାୟ॒ ନମଃ । ସୁଵର୍ଣଲିଂଗାୟ॒ ନମଃ ।
ଦିଵ୍ୟାୟ॒ ନମଃ । ଦିଵ୍ୟଲିଂଗାୟ॒ ନମଃ ।
ଭଵାୟଃ॒ ନମଃ । ଭଵଲିଂଗାୟ॒ ନମଃ ।
ଶର୍ଵାୟ॒ ନମଃ । ଶର୍ଵଲିଂଗାୟ॒ ନମଃ ।
ଶିଵାୟ॒ ନମଃ । ଶିଵଲିଂଗାୟ॒ ନମଃ ।
ଜ୍ଵଲାୟ॒ ନମଃ । ଜ୍ଵଲଲିଂଗାୟ॒ ନମଃ ।
ଆତ୍ମାୟ॒ ନମଃ । ଆତ୍ମଲିଂଗାୟ॒ ନମଃ ।
ପରମାୟ॒ ନମଃ । ପରମଲିଂଗାୟ॒ ନମଃ ।
ଏତଥ୍ସୋମସ୍ୟ॑ ସୂର୍ୟ॒ସ୍ୟ ସର୍ଵଲିଂଗଗ୍ଗ୍॑ ସ୍ଥାପ॒ୟ॒ତି॒ ପାଣିମଂତ୍ରଂ ପଵି॒ତ୍ରମ୍ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ମଂ ଓମ୍ ॥
ଦକ୍ଷିଣାଂଗ ରୁଦ୍ରାୟ॒ ନମଃ ॥ (ଦକ୍ଷିଣ ଦିଶ, South)
ଶିଵଂ ଶାଂତଂ ଜଗନ୍ନାଥଂ-ଲୋଁକାନୁଗ୍ରହକାରଣମ୍ ।
ଶିଵମେକଂ ପରଂ-ଵଂଁଦେ ଶିକାରାୟ ନମୋ ନମଃ ॥
ଓଂ ଭୂର୍ଭୁଵ॒ସ୍ସୁଵଃ॒ ॥ ଓଂ ଶିମ୍ ॥
ଅପୈ॑ତୁମୃ॒ତ୍ୟୁରମୃତଂ॑ ନ॒ ଆଗ॑ନ୍ ଵୈଵସ୍ଵ॒ତୋ ନୋ॒ ଅ॑ଭୟଂ କୃଣୋତୁ । ପ॒ର୍ଣଂ-ଵଁନ॒ସ୍ପତେରିଵା॒ଭିନଶ୍ଶୀୟତାଗ୍ମ୍ ର॒ୟିସ୍ସଚ॑ତାଂ ନ॒ଶ୍ଶଚୀ॒ପତିଃ॑ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଶିଂ ଓମ୍ ॥ ପଶ୍ଚିମାଂଗ ରୁଦ୍ରାୟ॒ ନମଃ ॥ (ପଶ୍ଚିମ ଦିଶ, West)
ଵାହନଂ-ଵୃଁଷଭୋ ୟସ୍ୟ ଵାସୁକୀ କଂଠଭୂଷଣମ୍ ।
ଵାମେ ଶକ୍ତିଧରଂ-ଵଂଁଦେ ଵକାରାୟ ନମୋ ନମଃ ॥
ଓଂ ଭୂର୍ଭୁଵ॒ସ୍ସୁଵଃ॒ ॥ ଓଂ-ଵାଁମ୍ ॥
ପ୍ରାଣାନାଂ ଗ୍ରଂଥିରସି ରୁଦ୍ରୋ ମା॑ ଵିଶାଂ॒ତକଃ । ତେନାନ୍ନେନା᳚ପ୍ୟାୟ॒ସ୍ଵ ॥ ଓଂ ନମୋ ଭଗଵତେ ରୁଦ୍ରାୟ ଵିଷ୍ଣଵେ ମୃତ୍ୟୁ॑ର୍ମେ ପା॒ହି ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଵାଂ ଓମ୍ ॥ ଉତ୍ତରାଂଗ ରୁଦ୍ରାୟ॒ ନମଃ ॥ (ଉତ୍ତର ଦିଶ, North)
ୟତ୍ର କୁତ୍ର ସ୍ଥିତଂ ଦେଵଂ ସର୍ଵଵ୍ୟାପିନମୀଶ୍ଵରମ୍ ।
ୟଲ୍ଲିଂଗଂ ପୂଜୟେନ୍ନିତ୍ୟଂ-ୟଁକାରାୟ ନମୋ ନମଃ ॥
ଓଂ ଭୂର୍ଭୁଵ॒ସ୍ସୁଵଃ॒ ॥ ଓଂ-ୟଁମ୍ ॥
ୟୋ ରୁ॒ଦ୍ରୋ ଅ॒ଗ୍ନୌ ୟୋ ଅ॒ପ୍ସୁ ୟ ଓଷ॑ଧୀଷୁ॒ ୟୋ ରୁ॒ଦ୍ରୋ ଵିଶ୍ଵା॒ ଭୁଵ॑ନା ଵି॒ଵେଶ॒ ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ୟଂ ଓମ୍ ॥ ଊର୍ଧ୍ଵାଂଗ ରୁଦ୍ରାୟ॒ ନମଃ ॥ (ଊର୍ଧ୍ଵ ଦିଶ, Up)
2. ପଂଚମୁଖ ଧ୍ୟାନମ୍
ଓଂ ନମ୍ ॥ ତତ୍ପୁରୁ॒ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି । ତନ୍ନୋ॑ ରୁଦ୍ରଃ ପ୍ରଚୋଦୟା᳚ତ୍ ॥
ସଂଵଁର୍ତାଗ୍ନି ତଟିତ୍ପ୍ରଦୀପ୍ତ କନକ ପ୍ରସ୍ପର୍ଥି ତେଜୋମୟମ୍ ।
ଗଂଭୀରଧ୍ଵନି ସାମଵେଦଜନକଂ ତାମ୍ରାଧରଂ ସୁଂଦରମ୍ ।
ଅର୍ଧେଂଦୁଦ୍ୟୁତି ଲୋଲପିଂଗଳ ଜଟାଭାରପ୍ରବଦ୍ଧୋରଗମ୍ ।
ଵଂଦେ ସିଦ୍ଧ ସୁରାସୁରେଂଦ୍ରନମିତଂ ପୂର୍ଵଂ ମୁଖଂ ଶୂଲିନଃ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଓଂ ନମ୍ ॥ ପୂର୍ଵ ମୁଖାୟ॒ ନମଃ ॥
ଅ॒ଘୋରେ᳚ଭ୍ୟୋଽଥଘୋ॒ରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ॥ ସର୍ଵେ᳚ଭ୍ୟସ୍ସର୍ଵ ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ୟଃ ॥
କାଲାଭ୍ରଭ୍ରମରାଂଜନଦ୍ୟୁତିନିଭଂ-ଵ୍ୟାଁଵୃତ୍ତ ପିଂଗେକ୍ଷଣମ୍
କର୍ଣୋଦ୍ଭାସିତ ଭୋଗିମସ୍ତକ ମଣିପ୍ରୋଦ୍ଗୀର୍ଣ ଦଂଷ୍ଟ୍ରାଂକୁରମ୍ ।
ସର୍ପପ୍ରୋତ କପାଲ ଶୁକ୍ତି ଶକଲ ଵ୍ୟାକୀର୍ଣ ସଚ୍ଛେଖରମ୍
ଵଂଦେ ଦକ୍ଷିଣମୀଶ୍ଵରସ୍ୟ କୁଟିଲ ଭ୍ରୂଭଂଗ ରୌଦ୍ରଂ ମୁଖମ୍ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଓଂ ମମ୍ ॥ ଦକ୍ଷିଣ ମୁଖାୟ॒ ନମଃ ॥
ସ॒ଦ୍ୟୋ ଜା॒ତଂ ପ୍ର॑ପଦ୍ୟା॒ମି॒ ସ॒ଦ୍ୟୋ ଜା॒ତାୟ॒ ଵୈ ନମୋ॒ ନମଃ॑ । ଭ॒ଵେ ଭ॑ଵେ॒ ନାତି॑ ଭଵେ ଭଵସ୍ଵ॒ ମାମ୍ । ଭ॒ଵୋଦ୍-ଭ॑ଵାୟ॒ ନମଃ॑ ॥
ପ୍ରାଲେୟାଚଲମିଂଦୁକୁଂଦ ଧଵଳଂ ଗୋକ୍ଷୀରଫେନପ୍ରଭମ୍
ଭସ୍ମାଭ୍ୟକ୍ତମନଂଗ ଦେହ ଦହନ ଜ୍ଵାଲାଵଳୀ ଲୋଚନମ୍ ।
ବ୍ରହ୍ମେଂଦ୍ରାଦି ମରୁଦ୍ଗଣୈସ୍ପୁତିପଦୈ ରଭ୍ୟର୍ଚିତଂ-ୟୋଁଗିଭିଃ
ଵଂଦେଽହଂ ସକଲଂ କଳଂକରହିତଂ ସ୍ଥାଣୋର୍ମୁଖଂ ପଶ୍ଚିମମ୍ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଓଂ ଶିମ୍ ॥ ପଶ୍ଚିମ ମୁଖାୟ॒ ନମଃ ॥
ଵା॒ମ॒ଦେ॒ଵାୟ॒ ନମୋ᳚ ଜ୍ୟେ॒ଷ୍ଠାୟ॒ ନମଃ॑ ଶ୍ରେ॒ଷ୍ଠାୟ॒ ନମୋ॑ ରୁ॒ଦ୍ରାୟ॒ ନମଃ॒ କାଲା॑ୟ॒ ନମଃ॒ କଲ॑ଵିକରଣାୟ॒ ନମୋ॒ ବଲ॑ଵିକରଣାୟ॒ ନମୋ॒ ବଲା॑ୟ॒ ନମୋ॒ ବଲ॑ପ୍ରମଥନାୟ॒ ନମଃ॒ ସର୍ଵ॑ଭୂତଦମନାୟ॒ ନମୋ॑ ମ॒ନୋନ୍ମ॑ନାୟ॒ ନମଃ॑ ॥
ଗୌରଂ କୁଂକୁମ ପଂକିଲଂ ସ୍ତିଲକଂ-ଵ୍ୟାଁପାଂଡୁ ଗଂଡସ୍ଥଲମ୍
ଭ୍ରୂଵିକ୍ଷେପ କଟାକ୍ଷ ଲସତ୍ସଂସକ୍ତ କର୍ଣୋତ୍ଫଲମ୍ ।
ସ୍ନିଗ୍ଧଂ ବିଂବଫଲାଧରଂ ପ୍ରହସିତଂ ନୀଲାଲକାଲଂ କୃତମ୍
ଵଂଦେ ପୂର୍ଣ ଶଶାଂକ ମଂଡଲନିଭଂ-ଵଁକ୍ତ୍ରଂ ହରସ୍ୟୋତ୍ତରମ୍ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଓଂ-ଵାଁମ୍ ॥ ଉତ୍ତର ମୁଖାୟ॒ ନମଃ ॥
ଈଶାନଃ ସର୍ଵ॑ଵିଦ୍ୟା॒ନା॒-ମୀଶ୍ଵରଃ ସର୍ଵ॑ଭୂତା॒ନାଂ॒ ବ୍ରହ୍ମାଧି॑ପତି॒-ର୍ବ୍ରହ୍ମ॒ଣୋ ଽଧି॑ପତି॒-ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥ (କନିଷ୍ଠିକାଭ୍ୟାଂ ନମଃ)
ଵ୍ୟକ୍ତାଵ୍ୟକ୍ତ ଗୁଣେତରଂ ପରତରଂ ଷଟ୍ତ୍ରିଂଶତତ୍ତ୍ଵାତ୍ମକମ୍
ତସ୍ମାଦୁତ୍ତମ ତତ୍ତ୍ଵମକ୍ଷରମିଦଂ ଧ୍ୟେୟଂ ସଦା ୟୋଗିଭିଃ ।
ଓଂକାରାଦି ସମସ୍ତ ମଂତ୍ରଜନକଂ ସୂକ୍ଷ୍ମାଦି ସୂକ୍ଷ୍ମଂ ପରଂ
ଶାଂତଂ ପଂଚମମୀଶ୍ଵରସ୍ୟ ଵଦନଂ ଖଂଵ୍ୟାଁପ୍ତି ତେଜୋମୟମ୍ ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଓଂ-ଵାଁମ୍ ॥ ଊର୍ଧ୍ଵ ମୁଖାୟ॒ ନମଃ ॥
ଦିଙ୍ନମସ୍କାରଃ
ପୂର୍ଵେ ପଶୁପତିଃ ପାତୁ । ଦକ୍ଷିଣେ ପାତୁ ଶଂକରଃ ।
ପଶ୍ଚିମେ ପାତୁ ଵିଶ୍ଵେଶଃ । ନୀଲକଂଠସ୍ତଦୋତ୍ତରେ ॥
ଈଶାନ୍ୟାଂ ପାତୁ ମେ ଶର୍ଵଃ । ଆଗ୍ନେୟାଂ ପାର୍ଵତୀପତିଃ ।
ନୈଋତ୍ୟାଂ ପାତୁ ମେ ରୁଦ୍ରଃ । ଵାୟଵ୍ୟାଂ ନୀଲଲୋହିତଃ ॥
ଊର୍ଧ୍ଵେ ତ୍ରିଲୋଚନଃ ପାତୁ । ଅଧରାୟାଂ ମହେଶ୍ଵରଃ ।
ଏତାଭ୍ୟୋ ଦଶ ଦିଗ୍ଭ୍ୟସ୍ତୁ । ସର୍ଵତଃ ପାତୁ ଶଂକରଃ ॥
(ନା ରୁଦ୍ରୋ ରୁଦ୍ରମର୍ଚୟେ᳚ତ୍ ।
ନ୍ୟାସପୂର୍ଵକଂ ଜପହୋମାର୍ଚନାଽଭିଷେକଵିଧି ଵ୍ୟାଖ୍ୟାସ୍ୟାମଃ ।)
3. ଅଂଗନ୍ୟାସଃ
ୟା ତେ॑ ରୁଦ୍ର ଶି॒ଵା ତ॒ନୂରଘୋ॒ରା-ଽପା॑ପକାଶିନୀ ।
ତୟା॑ ନ ସ୍ତ॒ନୁଵା॒ ଶଂତ॑ମୟା॒ ଗିରି॑ଶଂତା॒ଭି ଚା॑କଶୀହି ।
ଶିଖାୟୈ ନମଃ । 1
ଅ॒ସ୍ମିନ୍ ମ॑ହ॒ତ୍ୟ॑ର୍ଣ॒ଵେ᳚-ଽଂତରି॑କ୍ଷେ ଭ॒ଵା ଅଧି॑ ।
ତେଷାଗ୍ମ୍॑ ସହସ୍ରୟୋଜ॒ନେ-ଽଵ॒ଧନ୍ଵା॑ନି ତନ୍ମସି ।
ଶିରସେ ନମଃ । 2
ସ॒ହସ୍ରା॑ଣି ସହସ୍ର॒ଶୋ ୟେ ରୁ॒ଦ୍ରା ଅଧି॒ ଭୂମ୍ୟା᳚ମ୍ ।
ତେଷାଗ୍ମ୍॑ ସହସ୍ର-ୟୋଜ॒ନେ-ଽଵ॒ଧନ୍ଵା॑ନି ତନ୍ମସି ।
ଲଲାଟାୟ ନମଃ । 3
ହ॒ଗ୍ମ୍॒ସ-ଶ୍ଶୁ॑ଚି॒ଷ-ଦ୍ଵସୁ॑ରଂତରିକ୍ଷ॒ସଦ୍ଧୋତା॑ ଵେଦି॒ଷଦତି॑ଥି-ର୍ଦୁରୋଣ॒ସତ୍ ।
ନୃ॒ଷଦ୍ଵ॑ର॒-ସଦୃ॑ତ॒-ସଦ୍ଵ୍ୟୋ॑ମ॒ ସଦ॒ବ୍ଜା ଗୋ॒ଜା ଋ॑ତ॒ଜା ଅ॑ଦ୍ରି॒ଜା ଋ॒ତଂ ବୃ॒ହତ୍ ।
ଭ୍ରୁଵୋର୍ମଦ୍ଧ୍ୟାୟ ନମଃ । 4
ତ୍ର୍ୟ॑ବଂକଂ-ୟଁଜାମହେ ସୁଗଂ॒ଧିଂ ପୁ॑ଷ୍ଟି॒ଵର୍ଧ॑ନମ୍ ।
ଉ॒ର୍ଵା॒ରୁ॒କମି॑ଵ॒ ବଂଧ॑ନାନ୍
ମୃ॒ତ୍ୟୋ-ର୍ମୁ॑କ୍ଷୀୟ॒ ମାଽମୃତା᳚ତ୍ ।
ନେତ୍ରାଭ୍ୟାଂ ନମଃ । 5
ନମଃ॒ ସ୍ରୁତ୍ୟା॑ୟ ଚ॒ ପଥ୍ୟା॑ୟ ଚ॒ ନମଃ॑ କା॒ଟ୍ୟା॑ୟ ଚ ନୀ॒ପ୍ୟା॑ୟ ଚ ।
କର୍ଣାଭ୍ୟାଂ ନମଃ । 6
ମା ନ॑ସ୍ତୋ॒କେ ତନ॑ୟେ॒ ମା ନ॒ ଆୟୁ॑ଷି॒ ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ ।
ଵୀ॒ରାନ୍ମାନୋ॑ ରୁଦ୍ର ଭାମି॒ତୋ ଵ॑ଧୀ-ର୍ହ॒ଵିଷ୍ମଂ॑ତୋ॒ ନମ॑ସା ଵିଧେମ ତେ ।
ନାସିକାଭ୍ୟାଂ ନମଃ । 7
ଅ॒ଵ॒ତତ୍ୟ॒ ଧନୁ॒ସ୍ତ୍ଵଗ୍ମ୍ ସହ॑ସ୍ରାକ୍ଷ॒ ଶତେ॑ଷୁଧେ ।
ନି॒ଶୀର୍ୟ॑ ଶ॒ଲ୍ୟାନାଂ॒ ମୁଖା॑ ଶି॒ଵୋ ନଃ॑ ସୁ॒ମନା॑ ଭଵ ।
ମୁଖାୟ ନମଃ । 8
ନୀଲ॑ଗ୍ରୀଵା ଶ୍ଶିତି॒କଂଠାଃ᳚ ଶ॒ର୍ଵା ଅ॒ଧଃ କ୍ଷ॑ମାଚ॒ରାଃ ।
ତେଷାଗ୍ମ୍॑ ସହସ୍ରୟୋଜ॒ନେଽ ଵ॒ଧନ୍ଵା॑ନି ତନ୍ମସି ।
କଂଠାୟ ନମଃ । 9.1
ନୀଲ॑ଗ୍ରୀଵା-ଶ୍ଶିତି॒କଂଠା॒ ଦିଵଗ୍ମ୍॑ ରୁ॒ଦ୍ରା ଉପ॑ଶ୍ରିତାଃ ।
ତେଷାଗ୍ମ୍॑ ସହସ୍ରୟୋଜ॒ନେଽ ଵ॒ଧନ୍ଵା॑ନି ତନ୍ମସି ।
ଉପକଂଠାୟ ନମଃ । 9.2
ନମ॑ସ୍ତେ ଅ॒ସ୍ତ୍ଵାୟୁ॑ଧା॒ୟା-ନା॑ତତାୟ ଧୃ॒ଷ୍ଣଵେ᳚ ।
ଉ॒ଭାଭ୍ୟା॑ମୁ॒ତ ତେ॒ ନମୋ॑ ବା॒ହୁଭ୍ୟାଂ॒ ତଵ॒ ଧନ୍ଵ॑ନେ ।
ବାହୁଭ୍ୟାଂ ନମଃ । 10
ୟା ତେ॑ ହେ॒ତି-ର୍ମୀ॑ଢୁଷ୍ଟମ॒ ହସ୍ତେ॑ ବ॒ଭୂଵ॑ ତେ॒ ଧନୁଃ॑ ।
ତୟା॒ଽସ୍ମାନ୍ ଵି॒ଶ୍ଵତ॒ସ୍ତ୍ଵ-ମ॑ୟ॒କ୍ଷ୍ମୟା॒ ପରି॑ବ୍ଭୁଜ ।
ଉପବାହୁଭ୍ୟାଂ ନମଃ । 11
ପରି॑ଣୋ ରୁ॒ଦ୍ରସ୍ୟ॑ ହେ॒ତି-ର୍ଵୃ॑ଣକ୍ତୁ॒ ପରି॑ତ୍ଵେ॒ଷସ୍ୟ॑ ଦୁର୍ମ॒ତିର॑ଘା॒ୟୋଃ ।
ଅଵ॑ ସ୍ଥି॒ରା ମ॒ଘଵ॑ଦ୍ଭ୍ୟଃ ତନୁଷ୍ଵ॒ ମୀଢ୍ଵ॑ସ୍ତୋ॒କାୟ॒ ତନ॑ୟାୟ ମୃଡୟ ।
ମଣିବଂଧାଭ୍ୟାଂ ନମଃ । 12
ୟେ ତୀ॒ର୍ଥାନି॑ ପ୍ର॒ଚରଂ॑ତି ସୃ॒କାଵଂ॑ତୋ ନିଷଂ॒ଗିଣଃ॑ ।
ତେଷାଗ୍ମ୍॑ ସହସ୍ରୟୋଜ॒ନେଽ ଵ॒ଧନ୍ଵା॑ନି ତନ୍ମସି ।
ହସ୍ତାଭ୍ୟାଂ ନମଃ । 13
ସ॒ଦ୍ୟୋ ଜା॒ତଂ ପ୍ର॑ପଦ୍ୟା॒ମି॒ ସ॒ଦ୍ୟୋ ଜା॒ତାୟ॒ ଵୈ ନମୋ॒ ନମଃ॑ ।
ଭ॒ଵେ ଭ॑ଵେ॒ ନାତି॑ ଭଵେ ଭଵସ୍ଵ॒ ମାମ୍ । ଭ॒ଵୋଦ୍-ଭ॑ଵାୟ॒ ନମଃ॑ ॥
ଅଗୁଂଷ୍ଠାଭ୍ୟାଂ ନମଃ । 14.1
ଵା॒ମ॒ଦେ॒ଵାୟ॒ ନମୋ᳚ ଜ୍ୟେ॒ଷ୍ଠାୟ॒ ନମଃ॑ ଶ୍ରେ॒ଷ୍ଠାୟ॒ ନମୋ॑ ରୁ॒ଦ୍ରାୟ॒ ନମଃ॒ କାଲା॑ୟ॒ ନମଃ॒ କଲ॑ଵିକରଣାୟ॒ ନମୋ॒ ବଲ॑ଵିକରଣାୟ॒ ନମୋ॒ ବଲା॑ୟ॒ ନମୋ॒ ବଲ॑ପ୍ରମଥନାୟ॒ ନମଃ॒ ସର୍ଵ॑ଭୂତଦମନାୟ॒ ନମୋ॑ ମ॒ନୋନ୍ମ॑ନାୟ॒ ନମଃ॑ ।
ତର୍ଜନୀଭ୍ୟାଂ ନମଃ । 14.2
ଅ॒ଘୋରେ᳚ଭ୍ୟୋ ଽଥ॒ଘୋରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ।
ସର୍ଵେ᳚ଭ୍ୟଃ ସର୍ଵ॒ ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ର ରୂ॑ପେଭ୍ୟଃ ॥
ମଦ୍ଧ୍ୟମାଭ୍ୟାଂ ନମଃ । 14.3
ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ଅନାମିକାଭ୍ୟାଂ ନମଃ । 14.4
ଈଶାନଃ ସର୍ଵ॑ଵିଦ୍ୟା॒ନା॒-ମୀଶ୍ଵରଃ ସର୍ଵ॑ଭୂତା॒ନାଂ॒
ରହ୍ମାଧି॑ପତି॒-ର୍ବ୍ରହ୍ମ॒ଣୋ ଽଧି॑ପତି॒-ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥
କନିଷ୍ଠିକାଭ୍ୟାଂ ନମଃ । 14.5
ନମୋ॑ ଵଃ କିରି॒କେଭ୍ୟୋ॑ ଦେ॒ଵାନା॒ଗ୍ମ୍॒ ହୃଦ॑ୟେଭ୍ୟଃ ।
ହୃଦୟାୟ ନମଃ । 15
ନମୋ॑ ଗ॒ଣେଭ୍ୟୋ॑ ଗ॒ଣପ॑ତିଭ୍ୟଶ୍ଚ ଵୋ॒ ନମଃ॑ ।
ପୃଷ୍ଠାୟ ନମଃ । 16
ନମୋ॒ ହିର॑ଣ୍ୟବାହଵେ ସେନା॒ନ୍ୟେ॑ ଦି॒ଶାଂଚ॒ ପତ॑ୟେ॒ ନମଃ॑ ।
ପାର୍ଶ୍ଵାଭ୍ୟାଂ ନମଃ । 17
ଵିଜ୍ୟଂ॒ ଧନୁଃ॑ କପ॒ର୍ଦିନୋ॒ ଵିଶ॑ଲ୍ୟୋ॒ ବାଣ॑ଵାଗ୍ମ୍ ଉ॒ତ ।
ଅନେ॑ଶନ୍ନ॒ସ୍ୟେଷ॑ଵ ଆ॒ଭୁର॑ସ୍ୟ ନିଷଂ॒ଗଥିଃ॑ ।
ଜଠରାୟ ନମଃ । 18
ହି॒ର॒ଣ୍ୟ॒ଗ॒ର୍ଭ ସ୍ସମ॑ଵର୍ତ॒ତାଗ୍ରେ॑ ଭୂ॒ତସ୍ୟ॑ ଜା॒ତଃ ପତି॒ରେକ॑ ଆସୀତ୍ ।
ସଦା॑ଧାର ପୃଥି॒ଵୀଂ ଦ୍ୟାମୁ॒ତେମାଂ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ।
ନାଭ୍ୟୈ ନମଃ । 19
ମୀଢୁ॑ଷ୍ଟମ॒ ଶିଵ॑ତମ ଶି॒ଵୋ ନ॑ସ୍ସୁ॒ମନା॑ ଭଵ ।
ପ॒ର॒ମେ ଵୃ॒କ୍ଷ ଆୟୁ॑ଧଂ ନି॒ଧାୟ॒ କୃତ୍ତିଂ॒-ଵଁସା॑ନ॒ ଆଚ॑ର॒ ପିନା॑କଂ॒ ବିଭ୍ର॒ଦାଗ॑ହି ।
କଠ୍ୟୈ ନମଃ । 20
ୟେ ଭୂ॒ତାନା॒-ମଧି॑ପତୟୋ ଵିଶି॒ଖାସଃ॑ କପ॒ର୍ଦି॑ନଃ ।
ତେଷାଗ୍ମ୍॑ ସହସ୍ରୟୋଜ॒ନେ ଽଵ॒ଧନ୍ଵା॑ନି ତନ୍ମସି ।
ଗୁହ୍ୟାୟ ନମଃ । 21
ୟେ ଅନ୍ନେ॑ଷୁ ଵି॒ଵିଦ୍ଧ୍ୟଂ॑ତି॒ ପାତ୍ରେ॑ଷୁ॒ ପିବ॑ତୋ॒ ଜନାନ୍॑ ।
ତେଷାଗ୍ମ୍॑ ସହସ୍ରୟୋଜ॒ନେଽ ଵ॒ଧନ୍ଵା॑ନି ତନ୍ମସି ।
ଅଂଡାଭ୍ୟାଂ ନମଃ । 22
ସ॒ ଶି॒ରା ଜା॒ତଵେ॑ଦା ଅ॒କ୍ଷରଂ॑ ପର॒ମଂ ପ॒ଦମ୍ ।
ଵେଦା॑ନା॒ଗ୍ମ୍॒ ଶିର॑ସି ମା॒ତା॒ ଆ॒ୟୁ॒ଷ୍ମଂତଂ॑ କରୋତୁ॒ ମାମ୍ ।
ଅପାନାୟ ନମଃ । 23
ମା ନୋ॑ ମ॒ହାଂତ॑ମୁ॒ତ ମା ନୋ॑ ଅର୍ଭ॒କଂ ମା ନ॒ ଉକ୍ଷଂ॑ତମୁ॒ତ ମା ନ॑ ଉକ୍ଷି॒ତମ୍ ।
ମା ନୋ॑ ଵଧୀଃ ପି॒ତରଂ॒ ମୋତ ମା॒ତରଂ॑ ପ୍ରି॒ୟା ମା ନ॑ସ୍ତ॒ନୁଵୋ॑ ରୁଦ୍ର ରୀରିଷଃ ।
ଊରୁଭ୍ୟାଂ ନମଃ । 24
ଏ॒ଷ ତେ॑ ରୁଦ୍ରଭା॒ଗ-ସ୍ତଂଜୁ॑ଷସ୍ଵ॒ ତେନା॑ଵ॒ସେନ॑ ପ॒ରୋ
ମୂଜ॑ଵ॒ତୋ-ଽତୀ॒ହ୍ୟଵ॑ତତ-ଧନ୍ଵା॒ ପିନା॑କହସ୍ତଃ॒ କୃତ୍ତି॑ଵାସାଃ ।
ଜାନୁଭ୍ୟାଂ ନମଃ । 25
ସ॒ଗ୍ମ୍॒ ସୃ॒ଷ୍ଟ॒ଜିଥ୍ସୋ॑ମ॒ପା ବା॑ହୁ-ଶ॒ର୍ଧ୍ୟୂ᳚ର୍ଧ୍ଵ ଧ॑ନ୍ଵା॒ ପ୍ରତି॑ହିତା-ଭି॒ରସ୍ତା᳚ ।
ବୃହ॑ସ୍ପତେ॒ ପରି॑ଦୀୟା॒ ରଥେ॑ନ ରକ୍ଷୋ॒ହା-ଽମିତ୍ରାଗ୍ମ୍॑ ଅପ॒ବାଧ॑ମାନଃ ।
ଜଂଘାଭ୍ୟାଂ ନମଃ । 26
ଵିଶ୍ଵଂ॑ ଭୂ॒ତଂ ଭୁଵ॑ନଂ ଚି॒ତ୍ରଂ ବ॑ହୁ॒ଧା ଜା॒ତଂ ଜାୟ॑ମାନଂ ଚ॒ ୟତ୍ ।
ସର୍ଵୋ॒ ହ୍ୟେ॑ଷ ରୁ॒ଦ୍ର-ସ୍ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ ॥
ଗୁଲ୍ଫାଭ୍ୟାଂ ନମଃ । 27
ୟେ ପ॒ଥାଂ ପ॑ଥି॒ରକ୍ଷ॑ୟ ଐଲବୃ॒ଦା ୟ॒ଵ୍ୟୁଧଃ॑ ।
ତେଷାଗ୍ମ୍॑ ସହସ୍ରୟୋଜ॒ନେ ଽଵ॒ଧନ୍ଵା॑ନି ତନ୍ମସି ।
ପାଦାଭ୍ୟାଂ ନମଃ । 28
ଅଦ୍ଧ୍ୟ॑ଵୋଚ-ଦଧିଵ॒କ୍ତା ପ୍ର॑ଥ॒ମୋ ଦୈଵ୍ୟୋ॑ ଭି॒ଷକ୍ ।
ଅହୀଗ୍ଗ୍॑ଶ୍ଚ॒ ସର୍ଵା᳚ନ୍ ଜ॒ଭଂୟଁ॒ନ୍ ଥ୍ସର୍ଵା᳚ଶ୍ଚ ୟାତୁ ଧା॒ନ୍ୟଃ॑ ।
କଵଚାୟ ହୁମ୍ । 29
ନମୋ॑ ବି॒ଲ୍ମିନେ॑ ଚ କଵ॒ଚିନେ॑ ଚ॒
ନମଃ॑ ଶ୍ରୁ॒ତାୟ॑ ଚ ଶ୍ରୁତସେ॒ନାୟ॑ ଚ ।
ଉପକଵଚାୟ ହୁମ୍ । 30
ନମୋ॑ ଅସ୍ତୁ॒ ନୀଲ॑ଗ୍ରୀଵାୟ ସହସ୍ରା॒କ୍ଷାୟ॑ ମୀ॒ଢୁଷେ᳚ ।
ଅଥୋ॒ ୟେ ଅ॑ସ୍ୟ॒ ସତ୍ଵା॑ନୋ॒ଽହଂ ତେଭ୍ୟୋ॑ଽକର॒ନ୍ନମଃ॑ ।
ତୃତୀୟ ନେତ୍ରାୟ ନମଃ । 31
ପ୍ରମୁଂ॑ଚ॒ ଧନ୍ଵ॑ନ॒ସ୍ତ୍ଵ-ମୁ॒ଭୟୋ॒-ରାର୍ତ୍ନି॑ୟୋ॒ର୍ଜ୍ୟାମ୍ ।
ୟାଶ୍ଚ॑ ତେ॒ ହସ୍ତ॒ ଇଷ॑ଵଃ॒ ପରା॒ ତା ଭ॑ଗଵୋ ଵପ ।
ଅସ୍ତ୍ରାୟ ଫଟ୍ । 32
ୟ ଏ॒ତାଵଂ॑ତଶ୍ଚ॒ ଭୂୟାଗ୍ମ୍॑ସଶ୍ଚ॒ ଦିଶୋ॑ ରୁ॒ଦ୍ରା ଵି॑ତସ୍ଥି॒ରେ ।
ତେଷାଗ୍ମ୍॑॑ ସହସ୍ରୟୋଜ॒ନେ ଽଵ॒ଧନ୍ଵା॑ନି ତନ୍ମସି ।
ଇତି ଦିଗ୍ବଂଧଃ । 33
———–ଇତି ପ୍ରଥମ ନ୍ୟାସଃ————
(ଶିଖାଦି ଅସ୍ତ୍ରପର୍ୟଂତଂ ଏକତ୍ରିଂଶଦଂଗନ୍ୟାସଃ ଦିଗ୍ବଂଧ ସହିତଃ ପ୍ରଥମଃ)
4. ଦଶାଂଗ ନ୍ୟାସଃ
ଓଂ ନମୋ ଭଗଵତେ॑ ରୁଦ୍ରା॒ୟ । ଇତି ନମସ୍କାରାନ୍ ନ୍ୟସେ᳚ତ୍ ॥
ଓଂ ଓଂ ମୂର୍ଥ୍ନେ ନମଃ (ମୂର୍ଧ୍ନି) ।
ଓଂ ନଂ ନାସିକାୟୈ ନମଃ (ନାସିକାଗ୍ରଃ) ।
ଓଂ ମୋଂ-ଲଁଲଟାୟ ନମଃ (ଲଲାଟଃ) ।
ଓଂ ଭଂ ମୁଖାୟ ନମଃ (ମୁଖାମ୍) ।
ଓଂ ଗଂ କଂଠାୟ ନମଃ (କଂଠଃ) ।
ଓଂ-ଵଂଁ ହୃଦୟାୟ ନମଃ (ହୃଦୟଃ) ।
ଓଂ ତେଂ ଦକ୍ଷିଣ ହସ୍ତାୟ ନମଃ (ଦକ୍ଷିଣ ହସ୍ତଃ) ।
ଓଂ ରୁଂ-ଵାଁମ ହସ୍ତାୟ ନମଃ (ଵାମ ହସ୍ତଃ) ।
ଓଂ ଦ୍ରାଂ ନାଭ୍ୟୈ ନମଃ (ନାଭ୍ହୀ) ।
ଓଂ-ୟଂଁ ପାଦାଭ୍ୟାଂ ନମଃ (ପାଦୌ) ॥
[ଅପ ଉପସ୍ପୃଶ୍ୟ]
———–ଇତି ଦ୍ଵିତୀୟ ନ୍ୟାସଃ———-
ମୂର୍ଧାଦି ପାଦାଂତଂ ଦଶାଂଗ ନ୍ୟାସଃ ଦ୍ଵିତୀୟଃ
5. ପଂଚାଂଗ ନ୍ୟାସଃ
ସ॒ଦ୍ୟୋ ଜା॒ତଂ ପ୍ର॑ପଦ୍ୟା॒ମି॒ ସ॒ଦ୍ୟୋ ଜା॒ତାୟ॒ ଵୈ ନମୋ॒ ନମଃ॑ ।
ଭ॒ଵେ ଭ॑ଵେ॒ ନାତି॑ଭଵେ ଭଵସ୍ଵ॒ ମାମ୍ । ଭ॒ଵୋ-ଦ୍ଭ॑ଵାୟ॒ ନମଃ॑ ॥
ପାଦାଭ୍ୟାଂ ନମଃ । 1
[ଅପ ଉପସ୍ପୃଶ୍ୟ]
ଵା॒ମ॒ଦେ॒ଵାୟ॒ ନମୋ᳚ ଜ୍ୟେ॒ଷ୍ଠାୟ॒ ନମଃ॑ ଶ୍ରେ॒ଷ୍ଠାୟ॒ ନମୋ॑ ରୁ॒ଦ୍ରାୟ॒ ନମଃ॒
କାଲା॑ୟ॒ ନମଃ॒ କଲ॑ଵିକରଣାୟ॒ ନମୋ॒ ବଲ॑ଵିକରଣାୟ॒ ନମୋ॒ ବଲା॑ୟ॒ ନମୋ॒
ବଲ॑ପ୍ରମଥନାୟ॒ ନମ॒ ସ୍ସର୍ଵ॑ଭୂତଦମନାୟ॒ ନମୋ॑ ମ॒ନୋନ୍ମ॑ନାୟ॒ ନମଃ॑ ।
ଊରୁମଧ୍ୟମାଭ୍ୟାଂ ନମଃ । 2
ଅ॒ଘୋରେ᳚ଭ୍ୟୋ ଽଥ॒ଘୋରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ।
ସର୍ଵେ᳚ଭ୍ୟଃ ସର୍ଵ॒ ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ୟଃ ॥
ହୃଦୟାୟ ନମଃ । 3
ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ମୁଖାୟ ନମଃ । 4
ଈଶାନଃ ସର୍ଵ॑ଵିଦ୍ୟା॒ନା॒-ମୀଶ୍ଵରସର୍ଵ॑ ଭୂତା॒ନାଂ॒
ବ୍ରହ୍ମାଧି॑ପତି॒-ର୍ବ୍ରହ୍ମ॒ଣୋଽଧି॑ପତି॒-ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥
ମୂର୍ଧ୍ନେ ନମଃ । 5
5.1 ହଂସ ଗାୟତ୍ରୀ
ଅସ୍ୟ ଶ୍ରୀ ହଂସଗାୟତ୍ରୀ ମହାମଂତ୍ରସ୍ୟ, ଅଵ୍ୟକ୍ତ ପରବ୍ରହ୍ମ ଋଷିଃ,
ଅନୁଷ୍ଟୁପ୍ ଛଂଦଃ, ପରମହଂସୋ ଦେଵତା ।
ହଂସାଂ ବୀଜଂ, ହଂସୀଂ ଶକ୍ତିଃ । ହଂସୂଂ କୀଲକମ୍ ।
ପରମହଂସ ପ୍ରସାଦ ସିଦ୍ଧ୍ୟର୍ଥେ ଜପେ ଵିନିୟୋଗଃ ॥ 1
କରନ୍ୟାସଃ –
ହଂସାଂ ଅଗୁଂଷ୍ଠାଭ୍ୟାଂ ନମଃ । ହଂସୀଂ ତର୍ଜନୀଭ୍ୟାଂ ନମଃ ।
ହଂସୂଂ – ମଦ୍ଧ୍ୟମାଭ୍ୟାଂ ନମଃ । ହଂସୈଂ – ଅନାମିକାଭ୍ୟାଂ ନମଃ ।
ହଂସୌଂ – କନିଷ୍ଠିକାଭ୍ୟାଂ ନମଃ । ହଂସଃ-କରତଲ କରପୃଷ୍ଠାଭ୍ୟାଂ ନମଃ । 2
ହୃଦୟାଦି ନ୍ୟାସଃ –
ହଂସାଂ – ହୃଦୟାୟ ନମଃ । ହଂସୀଂ – ଶିରସେ ସ୍ଵାହା ।
ହଂସୂଂ – ଶିଖାୟୈ ଵଷଟ୍ । ହଂସୈଂ – କଵଚାୟ ହୁମ୍ ।
ହଂସୌଂ – ନେତ୍ରତ୍ରୟାୟ ଵୌଷଟ୍ । ହଂସଃ – ଅସ୍ତ୍ରାୟ ଫଟ୍ ॥
ଓଂ ଭୂର୍ଭୁଵ॒ସ୍ସୁଵ॒ରୋମିତି ଦିଗ୍ବଂଧଃ । 3
ଧ୍ୟାନଂ –
ଗମାଗମସ୍ଥଂ ଗମନାଦିଶୂନ୍ୟଂ ଚି-ଦ୍ରୂପଦୀପଂ ତିମିରାପହାରମ୍ ।
ପଶ୍ୟାମି ତେ ସର୍ଵଜନାଂତରସ୍ଥଂ ନମାମି ହଂସଂ ପରମାତ୍ମରୂପମ୍ ॥ 4
ଦେହୋ ଦେଵାଲୟଃ ପ୍ରୋକ୍ତୋ ଜୀଵୋ ଦେଵଃ ସନାତନଃ ।
ତ୍ୟଜେଦଜ୍ଞାନନିର୍ମାଲ୍ୟଂ ସୋଽହଂଭାଵେନ ପୂଜୟେତ୍ ॥
ହଂ॒ସ ହଂ॒ସାୟ॑ ଵି॒ଦ୍ମହେ॑ ପରମହଂ॒ସାୟ॑ ଧୀମହି ।
ତନ୍ନୋ॑ ହଂସଃ ପ୍ରଚୋ॒ଦୟା᳚ତ୍ ॥ 5
(ଇତି ତ୍ରିଵାରଂ ଜପିତ୍ଵା)
ହଂସ ହଂ॒ସେତି ୟୋ ବ୍ରୂୟା-ଧଂସୋ (ବ୍ରୂୟାଦ୍ଧଂସୋ) ନାମ ସଦାଶିଵଃ ।
ଏଵଂ ନ୍ୟାସ ଵିଧିଂ କୃତ୍ଵା ତତଃ ସଂପୁଟମାରଭେତ୍ ॥ 6
5.2 ଦିକ୍ ସଂପୁଟନ୍ୟାସଃ (ସଂପୁଟୀକରଣମ୍)
ଇଂଦ୍ରାଦୀନ୍ ଦିକ୍ଷୁଵିନ୍ୟସ୍ୟ ।
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଓମ୍ ।
ତ୍ରା॒ତାର॒ମିଂଦ୍ର॑ ମଵି॒ତାର॒ମିଂଦ୍ର॒ଗ୍ମ୍॒ ହଵେ॑ ହଵେ ସୁ॒ହଵ॒ଗ୍ମ୍॒ ଶୂର॒ମିଂଦ୍ର᳚ମ୍ ।
ହୁ॒ଵେ ନୁ ଶ॒କ୍ରଂ ପୁ॑ରୁହୂ॒ତମିଂଦ୍ରଗ୍ଗ୍॑ ସ୍ଵ॒ସ୍ତି ନୋ॑ ମ॒ଘଵା॑ ଧା॒ତ୍ଵିଂଦ୍ରଃ॑ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଓଂ ଓମ୍ ।
ପୂର୍ଵଦିଗ୍ଭାଗେ ଇଂଦ୍ରାୟ ନମଃ ॥ 1 (ତୈ.ସଂ.1-6-12-50)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ନମ୍ ।
ତ୍ଵଂ ନୋ॑ ଅଗ୍ନେ॒ ଵରୁ॑ଣସ୍ୟ ଵି॒ଦ୍ଵାଂଦେ॒ଵସ୍ୟ॒ ହେଡୋଽଵ॑ ୟାସିସୀଷ୍ଠାଃ ।
ୟଜି॑ଷ୍ଠୋ॒ ଵହ୍ନି॑ତମଃ॒ ଶୋଶୁ॑ଚାନୋ॒ ଵିଶ୍ଵା॒ ଦ୍ଵେଷାଗ୍ମ୍॑ସି॒ ପ୍ରମୁ॑ମୁଗ୍ଧ୍ୟ॒ସ୍ମତ୍ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ନଂ ଓମ୍ ।
ଆଗ୍ନେୟଦିଗ୍ଭାଗେ ଅଗ୍ନୟେ ନମଃ ॥ 2 (ତୈ.ସଂ.2-5-12-72)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ମୋମ୍ ।
ସୁ॒ଗଂ ନଃ॒ ପଂଥା॒ମଭ॑ୟଂ କୃଣୋତୁ । ୟସ୍ମି॒ନ୍ନକ୍ଷ॑ତ୍ରେ ୟ॒ମ ଏତି॒ ରାଜା᳚ ।
ୟସ୍ମି॑ନ୍ନେନମ॒ଭ୍ୟଷିଂ॑ଚଂତ ଦେ॒ଵାଃ । ତଦ॑ସ୍ୟ ଚି॒ତ୍ରଗ୍ମ୍ ହ॒ଵିଷା॑ ୟଜାମ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ମୋଂ ଓମ୍ ।
ଦକ୍ଷିଣଦିଗ୍ଭାଗେ ୟମାୟ ନମଃ ॥ 3 (ତୈ.ବ୍ରା.3-1-2-11-23)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଭମ୍ ।
ଅସୁ॑ନ୍ଵଂତ॒ମୟ॑ଜମାନମିଚ୍ଛ ସ୍ତେ॒ନସ୍ୟେ॒ତ୍ୟାଂତସ୍କ॑ର॒ସ୍ୟାନ୍ଵେ॑ଷି ।
ଅ॒ନ୍ୟମ॒ସ୍ମଦି॑ଚ୍ଛ॒ ସା ତ॑ ଇ॒ତ୍ୟା ନମୋ॑ ଦେଵି ନିର୍.ଋତେ॒ ତୁଭ୍ୟ॑ମସ୍ତୁ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଭଂ ଓମ୍ ।
ନିର୍ଋତିଦିଗ୍ଭାଗେ ନିର୍ଋତୟେ ନମଃ ॥ 4 (ତୈ.ସଂ.4-2-5-21)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଗମ୍ ।
ତତ୍ତ୍ଵା॑ ୟାମି॒ ବ୍ରହ୍ମ॑ଣା॒ ଵଂଦ॑ମାନ॒ସ୍ତଦା ଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ ।
ଅହେ॑ଡମାନୋ ଵରୁଣେ॒ହ ବୋ॒ଧ୍ୟୁରୁ॑ଶଗ୍ମ୍ସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଗଂ ଓମ୍ ।
ପଶ୍ଚିମଦିଗ୍ଭାଗେ ଵରୁଣାୟ ନମଃ ॥ 5 (ତୈ.ସଂ.2-1-11-65)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ-ଵଁମ୍ ।
ଆ ନୋ॑ ନି॒ୟୁଦ୍ଭିଃ॑ ଶ॒ତିନୀ॑ଭିରଧ୍ଵ॒ରଗ୍ମ୍ । ସ॑ହ॒ସ୍ରିଣୀ॑ଭି॒ରୁପ॑ ୟାହି ୟ॒ଜ୍ଞମ୍ ।
ଵାୟୋ॑ ଅ॒ସ୍ମିନ୍ ହ॒ଵିଷି॑ ମାଦୟସ୍ଵ । ୟୂ॒ୟଂ ପା॑ତ ସ୍ଵ॒ସ୍ତିଭିଃ॒ ସଦା॑ ନଃ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଵଂ ଓମ୍ ।
ଵାୟଵ୍ୟଦିଗ୍ଭାଗେ ଵାୟଵେ ନମଃ ॥ 6 (ତୈ.ବ୍ରା.2-8-1-2)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ତେମ୍ ।
ଵ॒ୟଗ୍ମ୍ ସୋ॑ମ ଵ୍ର॒ତେ ତଵ॑ । ମନ॑ସ୍ତ॒ନୂଷୁ॒ ବିଭ୍ର॑ତଃ ।
ପ୍ର॒ଜାଵଂ॑ତୋ ଅଶୀମହି । ଇଂ॒ଦ୍ରା॒ଣୀ ଦେ॒ଵୀ ସୁ॒ଭଗା॑ ସୁ॒ପତ୍ନୀ᳚ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ତେଂ ଓମ୍ ।
ଉତ୍ତରଦିଗ୍ଭାଗେ କୁବେରାୟ ନମଃ ॥ 7 (ତୈ.ବ୍ରା.2-4-2-7-18)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ରୁମ୍ ।
ତମୀଶା᳚ନଂ॒ ଜଗ॑ତସ୍ତ॒ସ୍ଥୁଷ॒ସ୍ପତିଂ᳚ ଧିୟଂ ଜି॒ନ୍ଵମଵ॑ସେ ହୂମହେ ଵ॒ୟମ୍ ।
ପୂ॒ଷା ନୋ॒ ୟଥା॒ ଵେଦ॑ସା॒ମସ॑ଦ୍ଵୃ॒ଧେ ର॑କ୍ଷି॒ତା ପା॒ୟୁରଦ॑ବ୍ଧଃ ସ୍ଵ॒ସ୍ତୟେ᳚ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ରୁଂ ଓମ୍ ।
ଈଶାନ୍ୟଦିଗ୍ଭାଗେ ଈଶାନାୟ ନମଃ ॥ 8
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଦ୍ରାମ୍ ।
ଅ॒ସ୍ମେ ରୁ॒ଦ୍ରା ମେ॒ହନା॒ ପର୍ଵ॑ତାସୋ ଵୃତ୍ର॒ହତ୍ୟେ॒ ଭର॑ହୂତୌ ସ॒ଜୋଷାଃ᳚ ।
ୟଃ ଶଂସ॑ତେ ସ୍ତୁଵ॒ତେ ଧାୟି॑ ପ॒ଜ୍ର ଇଂଦ୍ର॑ଜ୍ୟେଷ୍ଠା ଅ॒ସ୍ମାଂ ଅ॑ଵଂତୁ ଦେ॒ଵାଃ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଦ୍ରାଂ ଓମ୍ ।
ଊର୍ଧ୍ଵଦିଗ୍ଭାଗେ ଆକାଶାୟ ନମଃ ॥ 9
ଓଂ ଭୂର୍ଭୁଵ॒ସ୍ସୁଵଃ॑ । ଓଂ-ୟଁମ୍ ।
ସ୍ୟୋ॒ନା ପୃ॑ଥିଵି॒ ଭଵା॑ନୃକ୍ଷ॒ରା ନି॒ଵେଶ॑ନୀ ।
ୟଚ୍ଛା॑ ନଃ॒ ଶର୍ମ॑ ସ॒ପ୍ରଥାଃ᳚ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ୟଂ ଓମ୍ ।
ଅଧୋଦିଗ୍ଭାଗେ ପୃଥିଵ୍ୟୈ ନମଃ ॥ 10
[ଅପ ଉପସ୍ପୃଶ୍ୟ]
5.3 ଦଶାଂଗ ରୌଦ୍ରୀକରଣମ୍
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଓମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ତ୍ରା॒ତାର॒ମିଂଦ୍ର॑ ମଵି॒ତାର॒ମିଂଦ୍ର॒ଗ୍ମ୍॒ ହଵେ॑ ହଵେ ସୁ॒ହଵ॒ଗ୍ମ୍॒ ଶୂର॒ମିଂଦ୍ର᳚ମ୍ ।
ହୁ॒ଵେ ନୁ ଶ॒କ୍ରଂ ପୁ॑ରୁହୂ॒ତମିଂଦ୍ରଗ୍ଗ୍॑ ସ୍ଵ॒ସ୍ତି ନୋ॑ ମ॒ଘଵା॑ ଧା॒ତ୍ଵିଂଦ୍ରଃ॑ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଓଂ ଓମ୍ ।
ପୂର୍ଵଦିଗ୍ଭାଗେ ଲଲାଟସ୍ଥାନେ ଇଂଦ୍ରାୟ ନମଃ ॥ 1 ॥ (ତୈ.ସଂ.1-6-12-50)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ନମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ତ୍ଵଂ ନୋ॑ ଅଗ୍ନେ॒ ଵରୁ॑ଣସ୍ୟ ଵି॒ଦ୍ଵାଂଦେ॒ଵସ୍ୟ॒ ହେଡୋଽଵ॑ ୟାସିସୀଷ୍ଠାଃ ।
ୟଜି॑ଷ୍ଠୋ॒ ଵହ୍ନି॑ତମଃ॒ ଶୋଶୁ॑ଚାନୋ॒ ଵିଶ୍ଵା॒ ଦ୍ଵେଷାଗ୍ମ୍॑ସି॒ ପ୍ରମୁ॑ମୁଗ୍ଧ୍ୟ॒ସ୍ମତ୍ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ନଂ ଓମ୍ ।
ଆଗ୍ନେୟଦିଗ୍ଭାଗେ ନେତ୍ରୟୋସ୍ଥାନେ ଅଗ୍ନୟେ ନମଃ ॥ 2 ॥ (ତୈ.ସଂ.2-5-12-72)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ମୋମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ସୁ॒ଗଂ ନଃ॒ ପଂଥା॒ମଭ॑ୟଂ କୃଣୋତୁ । ୟସ୍ମି॒ନ୍ନକ୍ଷ॑ତ୍ରେ ୟ॒ମ ଏତି॒ ରାଜା᳚ ।
ୟସ୍ମି॑ନ୍ନେନମ॒ଭ୍ୟଷିଂ॑ଚଂତ ଦେ॒ଵାଃ । ତଦ॑ସ୍ୟ ଚି॒ତ୍ରଗ୍ମ୍ ହ॒ଵିଷା॑ ୟଜାମ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ମୋଂ ଓମ୍ ।
ଦକ୍ଷିଣଦିଗ୍ଭାଗେ କର୍ଣୟୋସ୍ଥାନେ ୟମାୟ ନମଃ ॥ 3 ॥ (ତୈ.ବ୍ରା.3-1-2-11-23)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଭମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଅସୁ॑ନ୍ଵଂତ॒ ମୟ॑ଜମାନମିଚ୍ଛସ୍ତେ॒ନସ୍ୟେ॒ତ୍ୟାଂତସ୍କ॑ର॒ସ୍ୟାନ୍ଵେ॑ଷି ।
ଅ॒ନ୍ୟମ॒ସ୍ମଦି॑ଚ୍ଛ॒ ସା ତ॑ ଇ॒ତ୍ୟା ନମୋ॑ ଦେଵି ନିର୍.ଋତେ॒ ତୁଭ୍ୟ॑ମସ୍ତୁ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଭଂ ଓମ୍ ।
ନିର୍.ଋତିଦିଗ୍ଭାଗେ ମୁଖସ୍ଥାନେ ନିର୍.ଋତୟେ ନମଃ ॥ 4 ॥ (ତୈ.ସଂ.4-2-5-21)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଗମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ତତ୍ତ୍ଵା॑ୟାମି॒ ବ୍ରହ୍ମ॑ଣା॒ ଵଂଦ॑ମାନ॒ସ୍ତଦା ଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ ।
ଅହେ॑ଡମାନୋ ଵରୁଣେ॒ହ ବୋ॒ଧ୍ୟୁରୁ॑ଶଗ୍ମ୍ସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଗଂ ଓମ୍ ।
ପଶ୍ଚିମଦିଗ୍ଭାଗେ ବାହ୍ଵୋସ୍ଥାନେ ଵରୁଣାୟ ନମଃ ॥ 5 ॥ (ତୈ.ସଂ.2-1-11-65)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ-ଵଁମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଆ ନୋ॑ ନି॒ୟୁଦ୍ଭିଃ॑ ଶ॒ତିନୀ॑ଭିରଧ୍ଵ॒ରଗ୍ମ୍ । ସ॑ହ॒ସ୍ରିଣୀ॑ଭି॒ରୁପ॑ ୟାହି ୟ॒ଜ୍ଞମ୍ ।
ଵାୟୋ॑ ଅ॒ସ୍ମିନ୍ ହ॒ଵିଷି॑ ମାଦୟସ୍ଵ । ୟୂ॒ୟଂ ପା॑ତ ସ୍ଵ॒ସ୍ତିଭିଃ॒ ସଦା॑ ନଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଵଂ ଓମ୍ ।
ଵାୟଵ୍ୟଦିଗ୍ଭାଗେ ନାସିକାସ୍ଥାନେ ଵାୟଵେ ନମଃ ॥ 6 ॥ (ତୈ.ବ୍ରା.2-8-1-2)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ତେମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଵ॒ୟଗ୍ମ୍ ସୋ॑ମ ଵ୍ର॒ତେ ତଵ॑ । ମନ॑ସ୍ତ॒ନୂଷୁ॒ବିଭ୍ର॑ତଃ ।
ପ୍ର॒ଜାଵଂ॑ତୋ ଅଶୀମହି । ଇଂ॒ଦ୍ରା॒ଣୀ ଦେ॒ଵୀ ସୁ॒ଭଗା॑ ସୁ॒ପତ୍ନୀ᳚ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ତେଂ ଓମ୍ ।
ଉତ୍ତରଦିଗ୍ଭାଗେ ଜଠରସ୍ଥାନେ କୁବେରାୟ ନମଃ ॥ 7 ॥ (ତୈ.ବ୍ରା.2-4-2-7-18)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ରୁମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ତମୀଶା᳚ନଂ॒ ଜଗ॑ତସ୍ତ॒ସ୍ଥୁଷ॒ସ୍ପତିଂ᳚ ଧିୟଂ ଜି॒ନ୍ଵମଵ॑ସେ ହୂମହେ ଵ॒ୟମ୍ ।
ପୂ॒ଷା ନୋ॒ ୟଥା॒ ଵେଦ॑ସା॒ମସ॑ଦ୍ଵୃ॒ଧେ ର॑କ୍ଷି॒ତା ପା॒ୟୁରଦ॑ବ୍ଧଃ ସ୍ଵ॒ସ୍ତୟେ᳚ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ରୁଂ ଓମ୍ ।
ଈଶାନ୍ୟଦିଗ୍ଭାଗେ ନାଭିସ୍ଥାନେ ଈଶାନାୟ ନମଃ ॥ 8 ॥
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଦ୍ରାମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଅ॒ସ୍ମେ ରୁ॒ଦ୍ରା ମେ॒ହନା॒ ପର୍ଵ॑ତାସୋ ଵୃତ୍ର॒ହତ୍ୟେ॒ ଭର॑ହୂତୌ ସ॒ଜୋଷାଃ᳚ ।
ୟଃ ଶଂସ॑ତେ ସ୍ତୁଵ॒ତେ ଧାୟି॑ ପ॒ଜ୍ର ଇଂଦ୍ର॑ଜ୍ୟେଷ୍ଠା ଅ॒ସ୍ମାଁ ଅ॑ଵଂତୁ ଦେ॒ଵାଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଦ୍ରାଂ ଓମ୍ ।
ଊର୍ଧ୍ଵଦିଗ୍ଭାଗେ ମୂର୍ଧ୍ନିସ୍ଥାନେ ଆକାଶାୟ ନମଃ ॥ 9 ॥
ଓଂ ଭୂର୍ଭୁଵ॒ସ୍ସୁଵଃ॑ । ଓଂ-ୟଁମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ସ୍ୟୋ॒ନା ପୃ॑ଥିଵି॒ ଭଵା॑ନୃକ୍ଷ॒ରା ନି॒ଵେଶ॑ନୀ ।
ୟଚ୍ଛା॑ ନଃ॒ ଶର୍ମ॑ ସ॒ପ୍ରଥାଃ᳚ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ୟଂ ଓମ୍ ।
ଅଧୋଦିଗ୍ଭାଗେ ପାଦସ୍ଥାନେ ପୃଥିଵ୍ୟୈ ନମଃ ॥ 10 ॥
[ଅପ ଉପସ୍ପୃଶ୍ୟ]
5.4 ଷୋଡଶାଂଗ ରୌଦ୍ରୀକରଣଂ
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଅମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଵି॒ଭୂର॑ସି ପ୍ର॒ଵାହ॑ଣୋ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଅଂ ଓମ୍ ।
ଶିଖାସ୍ଥାନେ ରୁଦ୍ରାୟ ନମଃ ॥ 1 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଆମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଵହ୍ନି॑ରସି ହଵ୍ୟ॒ଵାହ॑ନୋ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଆଂ ଓମ୍ ।
ଶିରସ୍ଥାନେ ରୁଦ୍ରାୟ ନମଃ ॥ 2 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଇମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଶ୍ଵା॒ତ୍ରୋ॑ସି॒ ପ୍ରଚେ॑ତା॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଇଂ ଓମ୍ ।
ମୂର୍ଧ୍ନିସ୍ଥାନେ ରୁଦ୍ରାୟ ନମଃ ॥ 3 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଈମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ତୁ॒ଥୋ॑ସି ଵି॒ଶ୍ଵଵେ॑ଦା॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଈଂ ଓମ୍ ।
ଲଲାଟସ୍ଥାନେ ରୁଦ୍ରାୟ ନମଃ ॥ 4 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଉମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଉ॒ଶିଗ॑ସିକ॒ଵୀ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଉଂ ଓମ୍ ।
ନେତ୍ରୟୋସ୍ଥାନେ ରୁଦ୍ରାୟ ନମଃ ॥ 5 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଊମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଅଂଘା॑ରିରସି॒ ବଂଭା॑ରୀ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଊଂ ଓମ୍ ।
କର୍ଣୟୋସ୍ଥାନେ ରୁଦ୍ରାୟ ନମଃ ॥ 6 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଋମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଅ॒ଵ॒ସ୍ୟୁର॑ସି॒ ଦୁଵ॑ସ୍ଵା॒ନ୍ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଋଂ ଓମ୍ ।
ମୁଖସ୍ଥାନେ ରୁଦ୍ରାୟ ନମଃ ॥ 7 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ୠମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଶୁଂ॒ଧ୍ୟୂର॑ସି ମାର୍ଜା॒ଲୀୟୋ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ୠଂ ଓମ୍ ।
କଂଠସ୍ଥାନେ ରୁଦ୍ରାୟ ନମଃ ॥ 8 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଌମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ସ॒ମ୍ରାଡ॑ସି କୃ॒ଶାନୂ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଌଂ ଓମ୍ ।
ବାହ୍ଵୋସ୍ଥାନେ ରୁଦ୍ରାୟ ନମଃ ॥ 9 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ୡମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ପ॒ରି॒ଷଦ୍ୟୋ॑ସି॒ ପଵ॑ମାନୋ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ୡଂ ଓମ୍ ।
ହୃଦିସ୍ଥାନେ ରୁଦ୍ରାୟ ନମଃ ॥ 10 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଏମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ପ୍ର॒ତକ୍ଵା॑ଽସି॒ ନଭ॑ସ୍ଵା॒ନ୍ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଏଂ ଓମ୍ ।
ନାଭିସ୍ଥାନେ ରୁଦ୍ରାୟ ନମଃ ॥ 11 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଐମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଅସଂ॑ମୃଷ୍ଟୋସି ହଵ୍ୟ॒ସୂଦୋ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଐଂ ଓମ୍ ।
କଟିସ୍ଥାନେ ରୁଦ୍ରାୟ ନମଃ ॥ 12 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଓମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଋ॒ତଧା॑ମାଽସି॒ ସୁଵ॑ର୍ଜ୍ୟୋତୀ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଓଂ ଓମ୍ ।
ଊରୁସ୍ଥାନେ ରୁଦ୍ରାୟ ନମଃ ॥ 13 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଔମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ବ୍ରହ୍ମ॑ଜ୍ୟୋତିରସି॒ ସୁଵ॑ର୍ଧାମା॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଔଂ ଓମ୍ ।
ଜାନୁସ୍ଥାନେ ରୁଦ୍ରାୟ ନମଃ ॥ 14 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଅମ୍ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଅ॒ଜୋ᳚ଽସ୍ୟେକ॑ପା॒ତ୍ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଅଂ ଓମ୍ ।
ଜଂଘାସ୍ଥାନେ ରୁଦ୍ରାୟ ନମଃ ॥ 15 ॥ (ତୈ.ସଂ.1-3-3-5)
ଓଂ ଭୂର୍ଭୁଵ॒ସ୍ସୁଵଃ॑ । ଓଂ ଅଃ ।
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଅହି॑ରସି ବୁ॒ଧ୍ନିୟୋ॒ ରୌଦ୍ରେ॒ଣାନୀ॑କେନ ପା॒ହି ମା᳚ଽଗ୍ନେ ପିପୃ॒ହି ମା॒ ମା ମା॑ ହିଗ୍ମ୍ସୀଃ ॥
ନମଃ॑ ଶଂ॒ଭଵେ॑ ଚ ମୟୋ॒ଭଵେ॑ ଚ॒ ନମଃ॑ ଶଂକ॒ରାୟ॑ ଚ
ମୟସ୍କ॒ରାୟ॑ ଚ॒ ନମଃ॑ ଶି॒ଵାୟ॑ ଚ ଶି॒ଵତ॑ରାୟ ଚ॒ ॥
ଓଂ ନମୋ ଭଗଵତେ॑ ରୁଦ୍ରା॒ୟ । ଅଃ ଓମ୍ ।
ପାଦୟୋଃ ସ୍ଥାନେ ରୁଦ୍ରାୟ ନମଃ ॥ 16 ॥ (ତୈ.ସଂ.1-3-3-5)
[ଅପ ଉପସ୍ପୃଶ୍ୟ]
ତ୍ଵଗସ୍ଥିଗତୈଃ ସର୍ଵପାପୈଃ ପ୍ରମୁଚ୍ୟତେ । ସର୍ଵଭୂତେଷ୍ଵପରାଜିତୋ ଭଵତି । ତତୋ ଭୂତପ୍ରେତ ପିଶାଚ ବଦ୍ଧ ବ୍ରହ୍ମରାକ୍ଷସ ୟକ୍ଷ ୟମଦୂତ ଶାକିନୀ ଡାକିନୀ ହାକିନୀ ଶତ୍ରୁ ସର୍ପ ଶ୍ଵାପଦ ତସ୍କର ଜ୍ଵରାଦ୍ୟୁପଦ୍ରଵଜୋପଘାତାଃ ସର୍ଵେ ଜ୍ଵଲଂତଂ ପଶ୍ୟଂତୁ ।
[କର୍ତସ୍ୟ ଵଚନମ୍] ମାଂ ରକ୍ଷଂତୁ ॥
[ପୁରୋହିତ ଵଚନମ୍] ୟଜମାନଗ୍ମ୍ ରକ୍ଷଂତୁ ॥
———–ଇତି ତୃତୀୟଃ ନ୍ୟାସଃ————
ପାଦାତି ମୂର୍ଧାଂତଂ ପଂଚାଂଗ ନ୍ୟାସଃ
6. ଆତ୍ମରକ୍ଷା
6.1 ମନୋ ଜ୍ୟୋତିଃ
ମନୋ॒ ଜ୍ୟୋତି॑ ର୍ଜୁଷତା॒-ମାଜ୍ୟଂ॒-ଵିଁଚ୍ଛି॑ନ୍ନଂ-ୟଁ॒ଜ୍ଞଗ୍ମ୍ ସମି॒ମଂ ଦ॑ଧାତୁ ।
ୟା ଇ॒ଷ୍ଟା ଉ॒ଷସୋ॑ ନି॒ମ୍ରୁଚ॑ଶ୍ଚ॒ ତାସ୍ସଂଦ॑ଧାମି ହ॒ଵିଷା॑ ଘୃ॒ତେନ॑ ।
(ଗୁହ୍ୟାୟ ନମଃ) । 1 (ତୈ. ସଂ. 1.5.10.2)
ଅବୋ᳚ଦ୍ଧ୍ୟ॒ଗ୍ନିଃ ସ॒ମିଧା॒ ଜନା॑ନାଂ॒ ପ୍ରତି॑ଧେ॒ନୁ-ମି॑ଵାୟ॒ତୀ ମୁ॒ଷାସ᳚ମ୍ ।
ୟ॒ହ୍ଵା ଇ॑ଵ॒ ପ୍ରଵ॒ୟା-ମୁ॒ଜ୍ଜିହା॑ନାଃ॒ ପ୍ରଭା॒ନଵଃ॑ ସିସ୍ରତେ॒ ନାକ॒ମଚ୍ଛ॑ ।
(ନାଭ୍ୟୈ ନମଃ) । 2 (ତୈ. ସଂ. 4.4.4.2)
ଅ॒ଗ୍ନି ର୍ମୂ॒ର୍ଧା ଦି॒ଵଃ କ॒କୁତ୍ପତିଃ॑ ପୃଥି॒ଵ୍ୟା ଅ॒ୟମ୍ ।
ଅ॒ପାଗ୍ମ୍ ରେତାଗ୍ମ୍॑ସି ଜିନ୍ଵତି । (ହୃଦୟାୟ ନମଃ) । 3 (ତୈ. ସଂ. 1.5.5.1)
ମୂ॒ର୍ଧାନଂ॑ ଦି॒ଵୋ ଅ॑ର॒ତିଂ ପୃ॑ଥି॒ଵ୍ୟା ଵୈ᳚ଶ୍ଵାନ॒ର-ମୃ॒ତାୟ॑ ଜା॒ତମ॒ଗ୍ନିମ୍ ।
କ॒ଵିଗ୍ମ୍ ସ॒ମ୍ରାଜ॒-ମତି॑ଥିଂ॒ ଜନା॑ନା-ମା॒ସନ୍ନା ପାତ୍ରଂ॑ ଜନୟଂତ ଦେ॒ଵାଃ । (କଂଠାୟ ନମଃ) । 4 (ତୈ. ସଂ. 1.4.13.1)
ମର୍ମା॑ଣି ତେ॒ ଵର୍ମ॑ଭିଶ୍ଛା-ଦୟାମି॒ ସୋମ॑ସ୍ତ୍ଵା॒ ରାଜା॒ଽମୃ॑ତେ ନା॒ଭିଵ॑ସ୍ତାମ୍ ।
ଉ॒ରୋ ର୍ଵରୀ॑ୟୋ॒ ଵରି॑ଵସ୍ତେ ଅସ୍ତୁ॒ ଜ॑ୟଂତଂ॒ ତ୍ଵା ମନୁ॑ମଦଂତୁ ଦେ॒ଵାଃ ।
(ମୁଖାୟ ନମଃ) । 5 (ତୈ. ସଂ. 4.6.4.5)
ଜା॒ତଵେ॑ଦା॒ ୟଦି॑ ଵା ପାଵ॒କୋଽସି॑ । ଵୈ॒ଶ୍ଵା॒ନ॒ରୋ ୟଦି॑ ଵା ଵୈଦ୍ୟୁ॒ତୋଽସି॑ ।
ଶଂ ପ୍ର॒ଜାଭ୍ୟୋ॒ ୟଜ॑ମାନାୟ ଲୋ॒କମ୍ । ଊର୍ଜଂ॒ ପୁଷ୍ଟିଂ॒ ଦଦ॑ ଦ॒ଭ୍ୟାଵ॑ ଵୃଥ୍ସ୍ଵ ॥ (ଶିରସେ ନମଃ) ॥ 6 (ତୈ. ବ୍ରା. 3.10.5.1)
6.2 ଆତ୍ମରକ୍ଷା
(ତୈ. ବ୍ରା. 2.3.11.1 – ତୈ. ବ୍ରା. 2.3.11.4)
ବ୍ରହ୍ମା᳚ତ୍ମ॒ନ୍ ଵଦ॑ସୃଜତ । ତଦ॑କାମୟତ । ସମା॒ତ୍ମନା॑ ପଦ୍ୟେ॒ୟେତି॑ ।
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ଦଶ॒ମଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ଦଶ॑ହୂତୋଽଭଵତ୍ । ଦଶ॑ହୂତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଂ ଦଶ॑ହୂତ॒ଗ୍ମ୍॒ ସଂତ᳚ମ୍ ।
ଦଶ॑ହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 1
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ସପ୍ତ॒ମଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ସ॒ପ୍ତହୂ॑ତୋଽଭଵତ୍ । ସ॒ପ୍ତହୂ॑ତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଗ୍ମ୍ ସ॒ପ୍ତହୂ॑ତ॒ଗ୍ମ୍॒ ସଂତ᳚ମ୍ । ସ॒ପ୍ତହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 2
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ଷ॒ଷ୍ଠଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ଷଡ୍ଢୂ॑ତୋଽଭଵତ୍ । ଷଡ୍ଢୂ॑ତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଗ୍ମ୍ ଷଡ୍ଢୂ॑ତ॒ଗ୍ମ୍॒ ସଂତ᳚ମ୍ ।
ଷଡ୍ଢୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 3
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ପଂଚ॒ମଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ପଂଚ॑ହୂତୋଽଭଵତ୍ । ପଂଚ॑ହୂତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଂ ପଂଚ॑ହୂତ॒ଗ୍ମ୍॒ ସଂତ᳚ମ୍ । ପଂଚ॑ହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 4
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ଚତୁ॒ର୍ଥଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ଚତୁ॑ର୍ହୂତୋଽଭଵତ୍ । ଚତୁ॑ର୍ହୂତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଂ ଚତୁ॑ର୍ହୂତ॒ଗ୍ମ୍॒
ସଂତ᳚ମ୍ । ଚତୁ॑ର୍ହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 5
ତମ॑ବ୍ରଵୀତ୍ । ତ୍ଵଂ-ଵୈଁ ମେ॒ ନେଦି॑ଷ୍ଠଗ୍ମ୍ ହୂ॒ତଃ ପ୍ରତ୍ୟ॑ଶ୍ରୌଷୀଃ ।
ତ୍ଵୟୈ॑ ନାନାଖ୍ୟା॒ତାର॒ ଇତି॑ । ତସ୍ମା॒ନ୍ନୁହୈ॑ନା॒ଗ୍ଗ୍॒-ଶ୍ଚ॑ତୁ ର୍ହୋତାର॒ ଇତ୍ୟାଚ॑କ୍ଷତେ ।
ତସ୍ମା᳚ଚ୍ଛୁଶ୍ରୂ॒ଷୁଃ ପୁ॒ତ୍ରାଣା॒ଗ୍ମ୍॒ ହୃଦ୍ୟ॑ତମଃ । ନେଦି॑ଷ୍ଠୋ॒ ହୃଦ୍ୟ॑ତମଃ ।
ନେଦି॑ଷ୍ଠୋ॒ ବ୍ରହ୍ମ॑ଣୋ ଭଵତି । ୟ ଏ॒ଵଂ-ଵେଁଦ॑ ॥ 6 (ଆତ୍ମନେ॒ ନମଃ॑)
————ଇତି ଚତୁର୍ଥ ନ୍ୟାସଃ————
ଗୁହ୍ୟାଦି ମସ୍ତକାଂତ ଷଡଂଗନ୍ୟାସଃ ଚତୁର୍ଥଃ
7. ଶିଵସଂକଲ୍ପାଃ
(ଋଗ୍ ଵେଦ ଖିଲ କାଂଡଂ 4.11 9.1)
ୟେନେ॒ଦଂ ଭୂ॒ତଂ ଭୁଵ॑ନଂ ଭଵି॒ଷ୍ୟତ୍ ପରି॑ଗୃହୀତ-ମ॒ମୃତେ॑ନ॒ ସର୍ଵ᳚ମ୍ । ୟେନ॑ ୟ॒ଜ୍ଞସ୍ତା॑ୟତେ
(ୟ॒ଜ୍ଞସ୍ତ୍ରା॑ୟତେ) ସ॒ପ୍ତହୋ॑ତା॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 1
ୟେନ॒ କର୍ମା॑ଣି ପ୍ର॒ଚରଂ॑ତି॒ ଧୀରା॒ ୟତୋ॑ ଵା॒ଚା ମନ॑ସା॒ ଚାରୁ॒ୟଂତି॑ ।
ୟଥ୍ ସ॒ମ୍ମିତ॒ମନୁ॑ ସଂ॒ୟଂଁତି॑ ପ୍ରା॒ଣିନ॒ସ୍ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 2
ୟେନ॒ କର୍ମା᳚ଣ୍ୟ॒ପସୋ॑ ମନୀ॒ଷିଣୋ॑ ୟ॒ଜ୍ଞେ କୃ॑ଣ୍ଵଂତି ଵି॒ଦଥେ॑ଷୁ॒ ଧୀରାଃ᳚ ।
ୟଦ॑ପୂ॒ର୍ଵଂ-ୟଁ॒କ୍ଷ୍ମମଂ॒ତଃ ପ୍ର॒ଜାନାଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 3
ୟତ୍ପ୍ର॒ଜ୍ଞାନ॑-ମୁ॒ତ ଚେତୋ॒ ଧୃତି॑ଶ୍ଚ॒ ୟଜ୍ଜ୍ୟୋତି॑ ରଂ॒ତର॒ମୃତଂ॑ ପ୍ର॒ଜାସୁ॑ ।
ୟସ୍ମା॒ନ୍ନ ଋ॒ତେ କିଂଚ॒ନ କର୍ମ॑ କ୍ରି॒ୟତେ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 4
ସୁ॒ଷା॒ର॒ଥି-ରଶ୍ଵା॑ନିଵ॒ ୟନ୍ମ॑ନୁ॒ଷ୍ୟା᳚ନ୍ନେ ନୀ॒ୟତେ॑-ଽଭୀ॒ଶୁ॑ଭି ର୍ଵା॒ଜିନ॑ ଇଵ ।
ହୃତ୍ପ୍ର॑ତିଷ୍ଠଂ॒-ୟଁଦ॑ଜିରଂ॒ ଜଵି॑ଷ୍ଠଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 5
ୟସ୍ମି॒ନ୍ ଋଚ॒ସ୍ସାମ॒-ୟଜୂଗ୍ମ୍॑ଷି॒ ୟସ୍ମି॑ନ୍ ପ୍ରତିଷ୍ଠି॒ତା ର॑ଥ॒ନାଭା॑ ଵି॒ଵାରାଃ᳚ ।
ୟସ୍ମିଗ୍ଗ୍॑ଶ୍ଚି॒ତ୍ତଗ୍ମ୍ ସର୍ଵ॒ମୋତଂ॑ ପ୍ର॒ଜାନାଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 6
ୟଦତ୍ର॑ ଷ॒ଷ୍ଠଂ ତ୍ରି॒ଶତଗ୍ମ୍॑ ସୁ॒ଵୀରଂ॑-ୟଁ॒ଜ୍ଞସ୍ୟ॑ ଗୁ॒ହ୍ୟଂ ନଵ॑ ନାଵ॒ମାୟ୍ୟ᳚ମ୍ ।
ଦଶ॒ ପଂଚ॑ ତ୍ରି॒ଗ୍ମ୍॒ଶତଂ॒-ୟଁତ୍ପରଂ॑ ଚ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 7
ୟଜ୍ଜାଗ୍ର॑ତୋ ଦୂ॒ରମୁ॒ଦୈତି॒ ଦୈଵଂ॒ ତଦୁ॑ ସୁ॒ପ୍ତସ୍ୟ॒ ତଥୈ॒ଵୈତି॑ ।
ଦୂ॒ର॒ଗଂ॒ମଂ ଜ୍ୟୋତି॑ଷାଂ॒ ଜ୍ୟୋତି॒ରେକଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 8
ୟେନେ॒ଦଂ-ଵିଁଶ୍ଵଂ॒ ଜଗ॑ତୋ ବ॒ଭୂଵ॒ ୟେ ଦେ॒ଵାପି॑ ମହ॒ତୋ ଜା॒ତଵେ॑ଦାଃ ।
ତଦେ॒ଵାଗ୍ନି-ସ୍ତମ॑ସୋ॒ ଜ୍ୟୋତି॒ରେକଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 9
ୟେନ॒ ଦ୍ୟୌଃ ପୃ॑ଥି॒ଵୀ ଚାଂ॒ତରି॑କ୍ଷଂ ଚ॒ ୟେ ପର୍ଵ॑ତାଃ ପ୍ର॒ଦିଶୋ॒ ଦିଶ॑ଶ୍ଚ ।
ୟେନେ॒ଦଂ ଜଗ॒-ଦ୍ଵ୍ୟାପ୍ତଂ॑ ପ୍ର॒ଜାନାଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 10
ୟେ ମ॑ନୋ॒ ହୃଦ॑ୟଂ॒-ୟେଁ ଚ॑ ଦେ॒ଵା ୟେ ଦି॒ଵ୍ୟା ଆପୋ॒ ୟେ ସୂର୍ୟ॑ରଶ୍ମିଃ ।
ତେ ଶ୍ରୋତ୍ରେ॒ ଚକ୍ଷୁ॑ଷୀ ସଂ॒ଚରଂ॑ତଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 11
ଅଚିଂ॑ତ୍ୟଂ॒ ଚା ପ୍ର॑ମେୟଂ॒ ଚ ଵ୍ୟ॒କ୍ତା-ଵ୍ୟକ୍ତ॑ ପରଂ॒ ଚ ୟ॑ତ୍ ।
ସୂକ୍ଷ୍ମା᳚ତ୍ ସୂକ୍ଷ୍ମତ॑ରଂ ଜ୍ଞେ॒ୟଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 12
ଏକା॑ ଚ ଦ॒ଶ ଶ॒ତଂ ଚ॑ ସ॒ହସ୍ରଂ॑ ଚା॒ୟୁତଂ॑ ଚ ନି॒ୟୁତଂ॑ ଚ ପ୍ର॒ୟୁତଂ॒
ଚାର୍ବୁ॑ଦଂ ଚ॒ ନ୍ୟ॑ର୍ବୁଦଂ ଚ ସମୁ॒ଦ୍ରଶ୍ଚ॒ ମଦ୍ଧ୍ୟଂ॒ ଚାଂତ॑ଶ୍ଚ ପରା॒ର୍ଧଶ୍ଚ॒ ତନ୍ମେ॒ ମନଃ॑
ଶି॒ଵସଂ॑କ॒ଲ୍ପମ॑ସ୍ତୁ ॥ 13
ୟେ ପଂ॑ଚ॒ ପଂଚ॑ ଦଶ ଶ॒ତଗ୍ମ୍ ସ॒ହସ୍ର॑-ମ॒ୟୁତ॒-ନ୍ନ୍ୟ॑ର୍ବୁଦଂ ଚ ।
ତେ ଅ॑ଗ୍ନି-ଚି॒ତ୍ୟେଷ୍ଟ॑କା॒ସ୍ତଗ୍ମ୍ ଶରୀ॑ରଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 14
ଵେଦା॒ହମେ॒ତଂ ପୁ॑ରୁଷଂ ମ॒ହାଂତ॑-ମାଦି॒ତ୍ୟ-ଵ॑ର୍ଣଂ॒ ତମ॑ସଃ॒ ପର॑ସ୍ତାତ୍ ।
ୟସ୍ୟ॒ ୟୋନିଂ॒ ପରି॒ପଶ୍ୟଂ॑ତି॒ ଧୀରା॒ସ୍ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 15
ୟସ୍ୟେ॒ଦଂ ଧୀରାଃ᳚ ପୁ॒ନଂତି॑ କ॒ଵୟୋ᳚ ବ୍ର॒ହ୍ମାଣ॑ମେ॒ତଂ ତ୍ଵା॑ ଵୃଣତ॒ ଇଂଦୁ᳚ମ୍ ।
ସ୍ଥା॒ଵ॒ରଂ ଜଂଗ॑ମଂ॒-ଦ୍ୟୌ॑ରାକା॒ଶଂ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 16
ପରା᳚ତ୍ ପ॒ରତ॑ରଂ ଚୈ॒ଵ॒ ୟ॒ତ୍ ପରା᳚ଶ୍ଚୈଵ॒ ୟତ୍ପ॑ରମ୍ ।
ୟ॒ତ୍ପରା᳚ତ୍ ପର॑ତୋ ଜ୍ଞେ॒ୟଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 17
ପରା᳚ତ୍ ପରତ॑ରୋ ବ୍ର॒ହ୍ମା॒ ତ॒ତ୍ପରା᳚ତ୍ ପର॒ତୋ ହ॑ରିଃ ।
ତ॒ତ୍ପରା᳚ତ୍ ପର॑ତୋ ଽଧୀ॒ଶ॒ସ୍ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 18
ୟା ଵେ॑ଦା॒ଦିଷୁ॑ ଗାୟ॒ତ୍ରୀ॒ ସ॒ର୍ଵ॒ଵ୍ୟାପି॑ ମହେ॒ଶ୍ଵରୀ ।
ଋଗ୍ ୟ॑ଜୁ-ସ୍ସାମା-ଥର୍ଵୈ॒ଶ୍ଚ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 19
ୟୋ ଵୈ॑ ଦେ॒ଵଂ ମ॑ହାଦେ॒ଵଂ॒ ପ୍ର॒ଣଵଂ॑ ପର॒ମେଶ୍ଵ॑ରମ୍ ।
ୟଃ ସର୍ଵେ॑ ସର୍ଵ॑ ଵେଦୈ॒ଶ୍ଚ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 20
ପ୍ରୟ॑ତଃ॒ ପ୍ରଣ॑ଵୋଂକା॒ରଂ॒ ପ୍ର॒ଣଵଂ॑ ପୁରୁ॒ଷୋତ୍ତ॑ମମ୍ ।
ଓକାଂ॑ରଂ॒ ପ୍ରଣ॑ଵାତ୍ମା॒ନଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 21
ୟୋଽସୌ॑ ସ॒ର୍ଵେଷୁ॑ ଵେଦେ॒ଷୁ॒ ପ॒ଠ୍ୟତେ᳚ ହ୍ୟଜ॒ ଈଶ୍ଵ॑ରଃ । ଅ॒କାୟୋ॑ ନିର୍ଗୁ॑ଣୋ ହ୍ୟା॒ତ୍ମା॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 22
ଗୋଭି॒ ର୍ଜୁଷ୍ଟଂ॒ ଧନେ॑ନ॒ ହ୍ୟାୟୁ॑ଷା ଚ॒ ବଲେ॑ନ ଚ । ପ୍ର॒ଜୟା॑ ପ॒ଶୁଭିଃ॑ ପୁଷ୍କରା॒କ୍ଷଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 23
କୈଲା॑ସ॒ ଶିଖ॑ରେ ର॒ମ୍ୟେ॒ ଶଂ॒କର॑ସ୍ୟ ଶି॒ଵାଲ॑ୟେ ।
ଦେ॒ଵତା᳚ସ୍ତତ୍ର॑ ମୋଦଂ॒ତେ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 24
ତ୍ର୍ୟ॑ବଂକଂ-ୟଁଜାମହେ ସୁଗଂ॒ଧିଂ ପୁ॑ଷ୍ଟି॒ଵର୍ଧ॑ନମ୍ । ଉ॒ର୍ଵା॒ରୁ॒କମି॑ଵ॒ ବଂଧ॑ନାନ୍ ମୃ॒ତ୍ୟୋ-ର୍ମୁ॑କ୍ଷୀୟ॒ ମାଽମୃତା॒ତ୍ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 25
ଵି॒ଶ୍ଵତ॑-ଶ୍ଚକ୍ଷୁରୁ॒ତ ଵି॒ଶ୍ଵତୋ॑ ମୁଖୋ ଵି॒ଶ୍ଵତୋ॑ ହସ୍ତ ଉ॒ତ ଵି॒ଶ୍ଵତ॑ସ୍ପାତ୍ ।
ସଂବା॒ହୁଭ୍ୟାଂ॒-ନମ॑ତି॒ ସଂପ॑ତତ୍ରୈ॒ ର୍ଦ୍ୟାଵା॑ ପୃଥି॒ଵୀ ଜ॒ନୟ॑ନ୍ ଦେ॒ଵ ଏକ॒ସ୍ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 26
ଚ॒ତୁରୋ॑ ଵେ॒ଦାନ॑ଧୀୟୀ॒ତ॒ ସ॒ର୍ଵ ଶା᳚ସ୍ତ୍ରମ॒ୟଂ-ଵିଁ॑ଦୁଃ । ଇ॒ତି॒ହା॒ସ॒ ପୁ॒ରା॒ଣା॒ନାଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 27
ମା ନୋ॑ ମ॒ହାଂତ॑ମୁ॒ତ ମା ନୋ॑ ଅର୍ଭ॒କଂ ମା ନ॒ ଉକ୍ଷଂ॑ତମୁ॒ତ ମା ନ॑ ଉକ୍ଷି॒ତମ୍ । ମା ନୋ॑ ଵଧୀଃ ପି॒ତରଂ॒ ମୋତ ମା॒ତରଂ॑ ପ୍ରି॒ୟା ମା ନ॑ସ୍ତ॒ନୁଵୋ॑ ରୁଦ୍ର ରୀରିଷ॒ସ୍ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 28
ମା ନ॑ସ୍ତୋ॒କେ ତନ॑ୟେ॒ ମା ନ॒ ଆୟୁ॑ଷି॒ ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ ।
ଵୀ॒ରାନ୍ମାନୋ॑ ରୁଦ୍ର ଭାମି॒ତୋଵ॑ଧୀ ର୍ହ॒ଵିଷ୍ମଂ॑ତୋ॒ ନମ॑ସା ଵିଧେମ ତେ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 29
ଋ॒ତଗ୍ମ୍ ସ॒ତ୍ୟଂ ପ॑ରଂ ବ୍ର॒ହ୍ମ॒ ପୁ॒ରୁଷଂ॑ କୃଷ୍ଣ॒ପିଂଗ॑ଲମ୍ ।
ଊ॒ର୍ଧ୍ଵରେ॑ତଂ-ଵିଁ॑ରୂପା॒କ୍ଷଂ॒-ଵିଁ॒ଶ୍ଵରୂ॑ପାୟ॒ ଵୈ ନମୋ॒ ନମ॒ସ୍ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 30
କ-ଦ୍ରୁ॒ଦ୍ରାୟ॒ ପ୍ରଚେ॑ତସେ ମୀ॒ଢୁଷ୍ଟ॑ମାୟ॒ ତଵ୍ୟ॑ସେ । ଵୋ॒ଚେମ॒ ଶଂତ॑ମଗ୍ମ୍ ହୃ॒ଦେ ।
ସର୍ଵୋ॒ ହ୍ୟେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 31
ବ୍ରହ୍ମ॑ଜଜ୍ଞା॒ନଂ ପ୍ର॑ଥ॒ମଂ ପୁ॒ରସ୍ତା॒-ଦ୍ଵିସୀ॑ମ॒ତ-ସ୍ସୁ॒ରୁଚୋ॑ ଵେ॒ନ ଆ॑ଵଃ ।
ସ ବୁ॒ଧ୍ନିୟା॑ ଉପ॒ମା ଅ॑ସ୍ୟ ଵି॒ଷ୍ଠା-ସ୍ସ॒ତଶ୍ଚ॒ ୟୋନି॒-ମସ॑ତଶ୍ଚ॒ ଵିଵ॒ସ୍ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 32
ୟଃ ପ୍ରା॑ଣ॒ତୋ ନି॑ମିଷ॒ତୋ ମ॑ହି॒ତ୍ଵୈକ॒ ଇଦ୍ରାଜା॒ ଜଗ॑ତୋ ବ॒ଭୂଵ॑ । ୟ ଈଶେ॑ ଅ॒ସ୍ୟ ଦ୍ଵି॒ପଦ॒-ଶ୍ଚତୁ॑ଷ୍ପଦଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 33
ୟ ଆ᳚ତ୍ମ॒ଦା ବ॑ଲ॒ଦା ୟସ୍ୟ॒ ଵିଶ୍ଵ॑ ଉ॒ପାସ॑ତେ ପ୍ର॒ଶିଷଂ॒-ୟଁସ୍ୟ॑ ଦେ॒ଵାଃ ।
ୟସ୍ୟ॑ ଛା॒ୟାଽମୃତଂ॒-ୟଁସ୍ୟ॑ ମୃ॒ତ୍ୟୁଃ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 34
ୟୋ ରୁ॒ଦ୍ରୋ ଅ॒ଗ୍ନୌ ୟୋ ଅ॒ଫ୍ସୁ ୟ ଓଷ॑ଧୀଷୁ॒ ୟୋ ରୁ॒ଦ୍ରୋ ଵିଶ୍ଵା॒ ଭୁଵ॑ନାଽଽଵି॒ଵେଶ॒ ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 35
ଗଂ॒ଧ॒ଦ୍ଵା॒ରାଂ ଦୁ॑ରାଧ॒ର୍ଷାଂ॒ ନି॒ତ୍ୟପୁ॑ଷ୍ଟାଂ କରୀ॒ଷିଣୀ᳚ମ୍ । ଈ॒ଶ୍ଵରୀଗ୍ମ୍॑ ସର୍ଵ॑ ଭୂତା॒ନାଂ॒ ତାମି॒ହୋପ॑ହ୍ଵୟେ॒ ଶ୍ରିୟଂ॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 36
ୟ ଇଦଗ୍ମ୍॑ ଶିଵ॑ସଂକ॒ଲ୍ପ॒ଗ୍ମ୍॒ ସ॒ଦା ଧ୍ୟା॑ୟଂତି॒ ବ୍ରାହ୍ମ॑ଣାଃ । ତେ ପ॑ରଂ ମୋକ୍ଷଂ॑ ଗମିଷ୍ୟଂ॒ତି॒ ତନ୍ମେ॒ ମନଃ॑ ଶି॒ଵସଂ॑କ॒ଲ୍ପମ॑ସ୍ତୁ ॥ 37
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଶିଵସଂକଲ୍ପଗ୍ମ୍ ହୃଦୟାୟ ନମଃ॑ ॥
7.2 ପୁରୁଷ ସୂକ୍ତଂ
(ତୈ. ଅର. 3.12.1 – ତୈ. ଅର. 3.12.7)
ସ॒ହସ୍ର॑ଶୀର୍ଷା॒ ପୁରୁ॑ଷଃ । ସ॒ହ॒ସ୍ରା॒କ୍ଷଃ ସ॒ହସ୍ର॑ପାତ୍ । ସ ଭୂମିଂ॑-ଵିଁ॒ଶ୍ଵତୋ॑ ଵୃ॒ତ୍ଵା । ଅତ୍ୟ॑ତିଷ୍ଠ-ଦ୍ଦଶାଂଗୁ॒ଲମ୍ । ପୁରୁ॑ଷ ଏ॒ଵେଦଗ୍ମ୍ ସର୍ଵ᳚ମ୍ । ୟ-ଦ୍ଭୂ॒ତଂ-ୟଁଚ୍ଚ॒ ଭଵ୍ୟ᳚ମ୍ ।
ଉ॒ତାମୃ॑ତ॒ତ୍ଵସ୍ୟେଶା॑ନଃ । ୟଦନ୍ନେ॑ନା-ତି॒ରୋହ॑ତି ।
ଏ॒ତାଵା॑ନସ୍ୟ ମହି॒ମା । ଅତୋ॒ ଜ୍ୟାୟାଗ୍ଗ୍॑ଶ୍ଚ॒ ପୂରୁ॑ଷଃ ॥ 1
ପାଦୋ᳚ଽସ୍ୟ॒ ଵିଶ୍ଵା॑ ଭୂ॒ତାନି॑ । ତ୍ରି॒ପାଦ॑ସ୍ୟା॒-ମୃତଂ॑ ଦି॒ଵି । ତ୍ରି॒ପାଦୂ॒ର୍ଧ୍ଵ ଉଦୈ॒ତ୍ ପୁରୁ॑ଷଃ । ପାଦୋ᳚ ଽସ୍ୟେ॒ହାଽଽଭ॑ଵା॒ତ୍ ପୁନଃ॑ ।
ତତୋ॒ ଵିଷ୍ଵଂ॒-ଵ୍ୟଁ॑କ୍ରାମତ୍ । ସା॒ଶ॒ନା॒ନ॒ଶ॒ନେ ଅ॒ଭି ॥ ତସ୍ମା᳚-ଦ୍ଵି॒ରାଡ॑ଜାୟତ । ଵି॒ରାଜୋ॒ ଅଧି॒ ପୂରୁ॑ଷଃ । ସ ଜା॒ତୋ ଅତ୍ୟ॑ରିଚ୍ୟତ । ପ॒ଶ୍ଚା-ଦ୍ଭୂମି॒ମଥୋ॑ ପୁ॒ରଃ ॥ 2
ୟତ୍ପୁରୁ॑ଷେଣ ହ॒ଵିଷା᳚ । ଦେ॒ଵା ୟ॒ଜ୍ଞମତ॑ନ୍ଵତ । ଵ॒ସଂ॒ତୋ ଅ॑ସ୍ୟାସୀ॒ଦାଜ୍ୟ᳚ମ୍ । ଗ୍ରୀ॒ଷ୍ମ ଇ॒ଦ୍ଧ୍ମ ଶ୍ଶ॒ରଦ୍ଧ॒ଵିଃ । ସ॒ପ୍ତାସ୍ୟା॑ସନ୍ ପରି॒ଧୟଃ॑ । ତ୍ରିଃ ସ॒ପ୍ତ ସ॒ମିଧଃ॑ କୃ॒ତାଃ । ଦେ॒ଵାୟ-ଦ୍ୟ॒ଜ୍ଞଂ ତ॑ନ୍ଵା॒ନାଃ । ଅବ॑ଧ୍ନ॒ନ୍ ପୁରୁ॑ଷଂ ପ॒ଶୁମ୍ ॥
ତଂ-ୟଁ॒ଜ୍ଞଂ ବ॒ର୍ହିଷି॒ ପ୍ରୌକ୍ଷନ୍ନ୍॑ । ପୁରୁ॑ଷଂ ଜା॒ତମ॑ଗ୍ର॒ତଃ ॥ 3
ତେନ॑ ଦେ॒ଵା ଅୟ॑ଜଂତ । ସା॒ଦ୍ଧ୍ୟା ଋଷ॑ୟଶ୍ଚ॒ ୟେ ।
ତସ୍ମା᳚-ଦ୍ୟ॒ଜ୍ଞାତ୍ ସ॑ର୍ଵ॒ହୁତଃ॑ । ସଂଭୃ॑ତଂ ପୃଷଦା॒ଜ୍ୟମ୍ । ପ॒ଶୂଗ୍ଗ୍ସ୍ତାଗ୍ଗ୍ଶ୍ଚ॑କ୍ରେ ଵାୟ॒ଵ୍ୟାନ୍॑ । ଆ॒ର॒ଣ୍ୟାନ୍ ଗ୍ରା॒ମ୍ୟାଶ୍ଚ॒ ୟେ । ତସ୍ମା᳚-ଦ୍ୟ॒ଜ୍ଞାତ୍ ସ॑ର୍ଵ॒ହୁତଃ॑ । ଋଚଃ॒ ସାମା॑ନି ଜଜ୍ଞିରେ ।
ଛଂଦାଗ୍ମ୍॑ସି ଜଜ୍ଞିରେ॒ ତସ୍ମା᳚ତ୍ । ୟଜୁ॒ସ୍ତସ୍ମା॑-ଦଜାୟତ ॥ 4
ତସ୍ମା॒ଦଶ୍ଵା॑ ଅଜାୟଂତ । ୟେ କେ ଚୋ॑ଭ॒ୟାଦ॑ତଃ ।
ଗାଵୋ॑ ହ ଜଜ୍ଞିରେ॒ ତସ୍ମା᳚ତ୍ । ତସ୍ମା᳚ଜ୍ଜା॒ତା ଅ॑ଜା॒ଵୟଃ॑ ।
ୟତ୍ପୁରୁ॑ଷଂ॒-ଵ୍ୟଁ॑ଦଧୁଃ । କ॒ତି॒ଧା ଵ୍ୟ॑କଲ୍ପୟନ୍ନ୍ ।
ମୁଖଂ॒ କିମ॑ସ୍ୟ॒ କୌ ବା॒ହୂ । କାଵୂ॒ରୂ ପାଦା॑ଵୁଚ୍ୟେତେ । ବ୍ରା॒ହ୍ମ॒ଣୋ᳚ଽସ୍ୟ॒ ମୁଖ॑ମାସୀତ୍ । ବା॒ହୂ ରା॑ଜ॒ନ୍ୟଃ॑ କୃ॒ତଃ ॥ 5
ଊ॒ରୂ ତଦ॑ସ୍ୟ॒ ୟ-ଦ୍ଵୈଶ୍ୟଃ॑ । ପ॒ଦ୍ଭ୍ୟାଗ୍ମ୍ ଶୂ॒ଦ୍ରୋ ଅ॑ଜାୟତ । ଚଂ॒ଦ୍ରମା॒ ମନ॑ସୋ ଜା॒ତଃ । ଚକ୍ଷୋଃ॒ ସୂର୍ୟୋ॑ ଅଜାୟତ । ମୁଖା॒-ଦିଂଦ୍ର॑ଶ୍ଚା॒ଗ୍ନିଶ୍ଚ॑ ।
ପ୍ରା॒ଣା-ଦ୍ଵା॒ୟୁର॑ଜାୟତ । ନାଭ୍ୟା॑ ଆସୀଦଂ॒ତରି॑କ୍ଷମ୍ । ଶୀ॒ର୍ଷ୍ଣୋ ଦ୍ୟୌଃ ସମ॑ଵର୍ତତ । ପ॒ଦ୍ଭ୍ୟାଂ ଭୂମି॒ ର୍ଦିଶଃ॒ ଶ୍ରୋତ୍ରା᳚ତ୍ । ତଥା॑ ଲୋ॒କାଗ୍ମ୍ ଅ॑କଲ୍ପୟନ୍ନ୍ ॥ 6
ଵେଦା॒ହମେ॒ତଂ ପୁରୁ॑ଷଂ ମ॒ହାଂତ᳚ମ୍ । ଆ॒ଦି॒ତ୍ୟଵ॑ର୍ଣଂ॒ ତମ॑ସ॒ସ୍ତୁ ପା॒ରେ ।
ସର୍ଵା॑ଣି ରୂ॒ପାଣି॑ ଵି॒ଚିତ୍ୟ॒ ଧୀରଃ॑ । ନାମା॑ନି କୃ॒ତ୍ଵାଭି॒ଵଦ॒ନ୍ ୟଦାସ୍ତେ᳚ । ଧା॒ତା ପୁ॒ରସ୍ତା॒-ଦ୍ୟମୁ॑ଦାଜ॒ହାର॑ । ଶ॒କ୍ରଃ ପ୍ରଵି॒ଦ୍ଵାନ୍ ପ୍ର॒ଦିଶ॒ଶ୍ଚତ॑ସ୍ରଃ । ତମେ॒ଵଂ-ଵିଁ॒ଦ୍ଵାନ॒ମୃତ॑ ଇ॒ହ ଭ॑ଵତି । ନାନ୍ୟଃ ପଂଥା॒ ଅୟ॑ନାୟ ଵିଦ୍ୟତେ ।
ୟ॒ଜ୍ଞେନ॑ ୟ॒ଜ୍ଞମ॑ୟଜଂତ ଦେ॒ଵାଃ । ତାନି॒ ଧର୍ମା॑ଣି ପ୍ରଥ॒ମାନ୍ୟା॑ସନ୍ନ୍ । ତେ ହ॒ ନାକଂ॑ ମହି॒ମାନ॑-ସ୍ସଚଂତେ । ୟତ୍ର॒ ପୂର୍ଵେ॑ ସା॒ଦ୍ଧ୍ୟାଃ ସଂତି॑ ଦେ॒ଵାଃ ॥ 7
ଓଂ ନମୋ ଭଗଵତେ॑ ରୁଦ୍ରା॒ୟ ॥ ପୁରୁଷସୂକ୍ତଗ୍ମ୍ ଶିରସେ ସ୍ଵାହା ॥
7.3 ଉତ୍ତର ନାରାୟଣଂ
(ତୈ. ଅର. 3.13.1 – ତୈ. ଅର. 3.13.2)
ଅ॒ଦ୍ଭ୍ୟଃ ସଂଭୂ॑ତଃ ପୃଥି॒ଵ୍ୟୈ ରସା᳚ଚ୍ଚ । ଵି॒ଶ୍ଵକ॑ର୍ମଣଃ॒ ସମ॑ଵର୍ତ॒ତାଧି॑ ।
ତସ୍ୟ॒ ତ୍ଵଷ୍ଟା॑ ଵି॒ଦଧ॑-ଦ୍ରୂ॒ପମେ॑ତି । ତତ୍ପୁରୁ॑ଷସ୍ୟ॒ ଵିଶ୍ଵ॒ମାଜା॑ନ॒ମଗ୍ରେ᳚ ।
ଵେଦା॒ହମେ॒ତଂ ପୁରୁ॑ଷଂ ମ॒ହାଂତ᳚ମ୍ । ଆ॒ଦି॒ତ୍ୟଵ॑ର୍ଣଂ॒ ତମ॑ସଃ॒ ପର॑ସ୍ତାତ୍ ।
ତମେ॒ଵଂ-ଵିଁ॒ଦ୍ଵାନ॒ମୃତ॑ ଇ॒ହ ଭ॑ଵତି । ନାନ୍ୟଃ ପଂଥା॑ ଵିଦ୍ୟ॒ତେଽୟ॑ନାୟ । ପ୍ର॒ଜାପ॑ତିଶ୍ଚରତି॒ ଗର୍ଭେ॑ ଅଂ॒ତଃ । ଅ॒ଜାୟ॑ମାନୋ ବହୁ॒ଧା ଵିଜା॑ୟତେ ।
ତସ୍ୟ॒ ଧୀରାଃ॒ ପରି॑ଜାନଂତି॒ ୟୋନି᳚ମ୍ । ମରୀ॑ଚୀନାଂ ପ॒ଦମି॑ଚ୍ଛଂତି ଵେ॒ଧସଃ॑ ॥ 1
ୟୋ ଦେ॒ଵେଭ୍ୟ॒ ଆତ॑ପତି । ୟୋ ଦେ॒ଵାନାଂ᳚ ପୁ॒ରୋହି॑ତଃ ।
ପୂର୍ଵୋ॒ ୟୋ ଦେ॒ଵେଭ୍ୟୋ॑ ଜା॒ତଃ । ନମୋ॑ ରୁ॒ଚାୟ॒ ବ୍ରାହ୍ମ॑ୟେ । ରୁଚଂ॑ ବ୍ରା॒ହ୍ମଂ ଜ॒ନୟଂ॑ତଃ । ଦେ॒ଵା ଅଗ୍ରେ॒ ତଦ॑ବ୍ରୁଵନ୍ନ୍ । ୟସ୍ତ୍ଵୈ॒ଵଂ ବ୍ରା᳚ହ୍ମ॒ଣୋ ଵି॒ଦ୍ୟାତ୍ । ତସ୍ୟ॑ ଦେ॒ଵା ଅସ॒ନ୍ ଵଶେ᳚ । ହ୍ରୀଶ୍ଚ॑ ତେ ଲ॒କ୍ଷ୍ମୀଶ୍ଚ॒ ପତ୍ନ୍ୟୌ᳚ । ଅ॒ହୋ॒ରା॒ତ୍ରେ ପା॒ର୍ଶ୍ଵେ । ନକ୍ଷ॑ତ୍ରାଣି ରୂ॒ପମ୍ । ଅ॒ଶ୍ଵିନୌ॒ ଵ୍ୟାତ୍ତ᳚ମ୍ । ଇ॒ଷ୍ଟଂ ମ॑ନିଷାଣ ।
ଅ॒ମୁଂ ମ॑ନିଷାଣ । ସର୍ଵଂ॑ ମନିଷାଣ ॥ 2
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଉତ୍ତର ନାରାୟଣଗ୍ମ୍ ଶିଖାୟୈ ଵଷଟ୍ ॥
7.4 ଅପ୍ରତିରଥଂ
(ତୈ. ସଂ. 4.6.4.1 – ତୈ. ସଂ. 4.6.4.5)
ଆ॒ଶୁଃ ଶିଶା॑ନୋ ଵୃଷ॒ଭୋ ନ ୟୁ॒ଧ୍ମୋ ଘ॑ନାଘ॒ନଃ କ୍ଷୋଭ॑ଣ-ଶ୍ଚର୍ଷଣୀ॒ନାମ୍ ।
ସଂ॒॒କ୍ରଂଦ॑ନୋ-ଽନିମି॒ଷ ଏ॑କ ଵୀ॒ରଶ୍ଶ॒ତଗ୍ମ୍ ସେନା॑ ଅଜୟଥ୍ସା॒-କମିଂଦ୍ରଃ॑ ।
ସଂ॒କ୍ରଂଦ॑ନେନା ନିମି॒ଷେଣ॑ ଜି॒ଷ୍ଣୁନା॑ ୟୁତ୍କା॒ରେଣ॑ ଦୁଶ୍ଚ୍ୟଵ॒ନେନ॑ ଧୃ॒ଷ୍ଣୁନା᳚ ।
ତଦିଂଦ୍ରେ॑ଣ ଜୟତ॒ ତଥ୍ସ॑ହଧ୍ଵଂ॒-ୟୁଁଧୋ॑ ନର॒ ଇଷୁ॑ ହସ୍ତେନ॒ ଵୃଷ୍ଣା᳚ ।
ସ ଇଷୁ॑ହସ୍ତୈଃ॒ ସ ନି॑ଷଂ॒ଗିଭି॑ ର୍ଵ॒ଶୀ ସଗ୍ଗ୍ସ୍ର॑ଷ୍ଟା॒ ସୟୁଧ॒ ଇଂଦ୍ରୋ॑ ଗ॒ଣେନ॑ ।
ସ॒ଗ୍ମ୍॒ସୃ॒ଷ୍ଟ॒-ଜିଥ୍ସୋ॑ମ॒ପା ବା॑ହୁ ଶ॒ର୍ଧ୍ୟୂ᳚ର୍ଧ୍ଵ-ଧ॑ନ୍ଵା॒ ପ୍ରତି॑ହିତା-ଭି॒ରସ୍ତା᳚ ।
ବୃହ॑ସ୍ପତେ॒ ପରି॑ଦୀୟା॒ ରଥେ॑ନ ରକ୍ଷୋ॒ହାଽମିତ୍ରାଗ୍ମ୍॑ ଅପ॒ ବାଧ॑ମାନଃ । 1
ପ୍ର॒ଭଂ॒ଜନ୍ ଥ୍ସେନାଃ᳚ ପ୍ରମୃ॒ଣୋ ୟୁ॒ଧା ଜୟ॑ନ୍ନ॒ସ୍ମାକ॑-ମେଦ୍ଧ୍ୟଵି॒ତା ରଥା॑ନାମ୍ ।
ଗୋ॒ତ୍ର॒ଭିଦଂ॑ ଗୋ॒ଵିଦଂ॒-ଵଁଜ୍ର॑ବାହୁଂ॒ ଜୟଂ॑ତ॒ମଜ୍ମ॑ ପ୍ରମୃ॒ଣଂତ॒-ମୋଜ॑ସା ।
ଇ॒ମଗ୍ମ୍ ସ॑ଜାତା॒ ଅନୁ॑ଵୀର-ୟଧ୍ଵ॒ମିଂଦ୍ରଗ୍ମ୍॑ ସଖା॒ୟୋଽନୁ॒ ସର॑ଭଧ୍ଵମ୍ ।
ବ॒ଲ॒ଵି॒ଜ୍ଞା॒ୟ-ସ୍ସ୍ଥଵି॑ରଃ॒ ପ୍ରଵୀ॑ର॒-ସ୍ସହ॑ସ୍ଵାନ୍ ଵା॒ଜୀ ସହ॑ମାନ ଉ॒ଗ୍ରଃ ।
ଅ॒ଭିଵୀ॑ରୋ ଅ॒ଭିସ॑ତ୍ଵା ସହୋ॒ଜା ଜୈତ୍ର॑ମିଂଦ୍ର॒ ରଥ॒ମାତି॑ଷ୍ଠ ଗୋ॒ଵିତ୍ । 2
ଅ॒ଭି ଗୋ॒ତ୍ରାଣି॒ ସହ॑ସା॒ ଗାହ॑ମାନୋ-ଽଦା॒ୟୋ ଵୀ॒ର ଶ୍ଶ॒ତ-ମ॑ନ୍ୟୁ॒ରିଂଦ୍ରଃ॑ ।
ଦୁ॒ଶ୍ଚ୍ୟ॒ଵ॒ନଃ ପୃ॑ତନା॒ଷାଡ॑ ୟୁ॒ଦ୍ଧ୍ୟୋ᳚-ଽସ୍ମାକ॒ଗ୍ମ୍॒ ସେନା॑ ଅଵତୁ॒ ପ୍ରୟୁ॒ଥ୍ସୁ ।
ଇଂଦ୍ର॑ ଆସାଂ ନେ॒ତା ବୃହ॒ସ୍ପତି॒ ର୍ଦକ୍ଷି॑ଣା ୟ॒ଜ୍ଞଃ ପୁ॒ର ଏ॑ତୁ॒ ସୋମଃ॑ ।
ଦେ॒ଵ॒ସେ॒ନାନା॑-ମଭିଭଂ ଜତୀ॒ନାଂ ଜୟଂ॑ତୀନାଂ ମ॒ରୁତୋ॑ ୟଂ॒ତ୍ଵଗ୍ରେ᳚ ।
ଇଂଦ୍ର॑ସ୍ୟ॒ ଵୃଷ୍ଣୋ॒ ଵରୁ॑ଣସ୍ୟ॒ ରାଜ୍ଞ॑ ଆଦି॒ତ୍ୟାନାଂ᳚ ମ॒ରୁତା॒ଗ୍ମ୍॒ ଶର୍ଧ॑ ଉ॒ଗ୍ରମ୍ ।
ମ॒ହାମ॑ନସାଂ ଭୁଵନଚ୍ୟ॒ଵାନାଂ॒ ଘୋଷୋ॑ ଦେ॒ଵାନାଂ॒ ଜୟ॑ତା॒ ମୁଦ॑ସ୍ଥାତ୍ ।
ଅ॒ସ୍ମାକ॒-ମିଂଦ୍ରଃ॒-ସମୃ॑ତେଷୁ-ଧ୍ଵ॒ଜେ-ଷ୍ଵ॒ସ୍ମାକଂ॒-ୟାଁ ଇଷ॑ଵ॒ସ୍ତା ଜ॑ୟଂତୁ । 3
ଅ॒ସ୍ମାକଂ॑-ଵୀଁ॒ରା ଉତ୍ତ॑ରେ ଭଵଂତ୍ଵ॒ସ୍ମାନୁ॑ ଦେଵା ଅଵତା॒ ହଵେ॑ଷୁ । ଉଦ୍ଧ॑ର୍ଷୟ ମଘଵ॒ନ୍ନା-ୟୁ॑ଧା॒-ନ୍ୟୁଥ୍ସତ୍ଵ॑ନାଂ ମାମ॒କାନାଂ॒ ମହାଗ୍ମ୍॑ସି ।
ଉଦ୍ଵୃ॑ତ୍ରହନ୍ ଵା॒ଜିନାଂ॒-ଵାଁଜି॑ନା॒-ନ୍ୟୁଦ୍ରଥା॑ନାଂ॒ ଜୟ॑ତାମେତୁ॒ ଘୋଷଃ॑ ।
ଉପ॒ପ୍ରେତ॒ ଜୟ॑ତା ନରଃ ସ୍ଥି॒ରା ଵଃ॑ ସଂତୁ ବା॒ହଵଃ॑ । ଇଂଦ୍ରୋ॑ ଵଃ॒ ଶର୍ମ॑ ୟଚ୍ଛତ୍ଵନା-ଧୃ॒ଷ୍ୟା ୟଥାଽସ॑ଥ । ଅଵ॑ସୃଷ୍ଟା॒ ପରା॑ପତ॒ ଶର॑ଵ୍ୟେ॒ ବ୍ରହ୍ମ॑ ସଗ୍ମ୍ଶିତା । ଗଚ୍ଛା॒ମିତ୍ରା॒ନ୍ ପ୍ରଵି॑ଶ॒ ମୈଷାଂ॒ କଂଚ॒ନୋଚ୍ଛି॑ଷଃ ।
ମର୍ମା॑ଣି ତେ॒ ଵର୍ମ॑ଭିଶ୍ଛା-ଦୟାମି॒ ସୋମ॑ସ୍ତ୍ଵା॒ ରାଜା॒ଽମୃତେ॑ନା॒-ଭିଵ॑ସ୍ତାମ୍ । ଉ॒ରୋ ର୍ଵରୀ॑ୟୋ॒ ଵରି॑ଵସ୍ତେ ଅସ୍ତୁ॒ ଜୟଂ॑ତଂ॒ ତ୍ଵାମନୁ॑ ମଦଂତୁ ଦେ॒ଵାଃ । ୟତ୍ର॑ ବା॒ଣାଃ ସଂ॒ପତଂ॑ତି କୁମା॒ରା ଵି॑ଶି॒ଖା ଇ॑ଵ ।
ଇଂଦ୍ରୋ॑ ନ॒ସ୍ତତ୍ର॑ ଵୃତ୍ର॒ହା ଵି॑ଶ୍ଵା॒ହା ଶର୍ମ॑ ୟଚ୍ଛତୁ ॥ 4 ॥
ଓଂ ନମୋ ଭଗଵତେ॑ ରୁଦ୍ରା॒ୟ ॥ ଆଶୁଶ୍ଶିଶାନୋ-ଽପ୍ରତିରଥଂ କଵଚାୟ ହୁମ୍ ।
7.5 ପ୍ରତି ପୂରୁଷଂ
(ତୈ. ସଂ. 1.8.6.1 – ତୈ. ସଂ. 1.8.6.2)
(ତୈ. ବ୍ରା. 1.6.10.1 – ତୈ. ବ୍ରା. 1.6.10.5)
ପ୍ର॒ତି॒ପୂ॒ରୁ॒ଷ ମେକ॑କପାଲା॒ନ୍ ନିର୍ଵ॑ପ॒ତ୍ୟେ-କ॒ମତି॑ରିକ୍ତଂ॒-ୟାଁଵଂ॑ତୋ ଗୃ॒ହ୍ୟାଃ᳚ ସ୍ମସ୍ତେଭ୍ୟଃ॒ କମ॑କରଂ ପଶୂ॒ନାଗ୍ମ୍ ଶର୍ମା॑ସି॒ ଶର୍ମ॒ ୟଜ॑ମାନସ୍ୟ॒ ଶର୍ମ॑ ମେ
ୟ॒ଚ୍ଛୈକ॑ ଏ॒ଵ ରୁ॒ଦ୍ରୋ ନ ଦ୍ଵି॒ତୀୟା॑ୟ ତସ୍ଥ ଆ॒ଖୁସ୍ତେ॑ ରୁଦ୍ର ପ॒ଶୁସ୍ତଂ ଜୁ॑ଷସ୍ଵୈ॒ଷ ତେ॑ ରୁଦ୍ର ଭା॒ଗଃ ସ॒ହ ସ୍ଵସ୍ରାଂ-ଽବି॑କୟା॒ ତଂଜୁ॑ଷସ୍ଵ ଭେଷ॒ଜଂ ଗଵେଽଶ୍ଵା॑ୟ॒
ପୁରୁ॑ଷାୟ ଭେଷ॒ଜମଥୋ॑ ଅ॒ସ୍ମଭ୍ୟଂ॑ ଭେଷ॒ଜଗ୍ମ୍ ସୁଭେ॑ଷଜଂ॒-ୟଁଥାଽସ॑ତି । 1
ସୁ॒ଗଂ ମେ॒ଷାୟ॑ ମେ॒ଷ୍ୟା॑ ଅଵା᳚ବଂ ରୁ॒ଦ୍ରମ॑ଦି-ମ॒ହ୍ୟଵ॑ ଦେ॒ଵଂ ତ୍ର୍ୟ॑ବଂକମ୍ ।
ୟଥା॑ ନଃ॒ ଶ୍ରେୟ॑ସଃ॒ କର॒ଦ୍ୟଥା॑ ନୋ॒ ଵସ୍ୟ॑ ସଃ॒ କର॒ଦ୍ୟଥା॑ ନଃ ପଶୁ॒ମତଃ॒
କର॒ଦ୍ୟଥା॑ ନୋ ଵ୍ୟଵସା॒ୟୟା᳚ତ୍ । ତ୍ର୍ୟ॑ବଂକଂ-ୟଁଜାମହେ ସୁଗଂ॒ଧିଂ ପୁ॑ଷ୍ଟି॒ଵର୍ଧ॑ନମ୍ ।
ଉ॒ର୍ଵା॒ରୁ॒କମି॑ଵ॒ ବଂଧ॑ନାନ୍ ମୃ॒ତ୍ୟୋ ର୍ମୁ॑କ୍ଷୀୟ॒ ମାଽମୃତା᳚ତ୍ । ଏ॒ଷତେ॑ ରୁଦ୍ର ଭା॒ଗ ସ୍ତଂଜୁ॑ଷସ୍ଵ॒ ତେନା॑ଵ॒ସେନ॑ ପ॒ରୋ ମୂଜ॑ଵ॒ତୋ-ଽତୀ॒ହ୍ୟଵ॑ତତ
ଧନ୍ଵା॒ ପିନା॑କହସ୍ତଃ॒ କୃତ୍ତି॑ଵାସାଃ ॥ 2
ପ୍ର॒ତି॒ପୂ॒ରୁ॒ଷ-ମେକ॑କପାଲା॒ନ୍ ନିର୍ଵ॑ପତି । ଜା॒ତା ଏ॒ଵ ପ୍ର॒ଜା ରୁ॒ଦ୍ରାନ୍ ନି॒ରଵ॑ଦୟତେ । ଏକ॒ମତି॑ରିକ୍ତମ୍ । ଜ॒ନି॒ଷ୍ୟମା॑ଣା ଏ॒ଵ ପ୍ର॒ଜା ରୁ॒ଦ୍ରାନ୍ ନି॒ରଵ॑ଦୟତେ । ଏକ॑କପାଲା ଭଵଂତି । ଏ॒କ॒ଧୈଵ ରୁ॒ଦ୍ରଂ ନି॒ରଵ॑ଦୟତେ । ନାଭିଘା॑ରୟତି । ୟଦ॑ଭିଘା॒ରୟେ᳚ତ୍ । ଅଂ॒ତ॒ର॒ଵ॒-ଚା॒ରିଣଗ୍ମ୍॑ ରୁ॒ଦ୍ରଂ କୁ॑ର୍ୟାତ୍ ।
ଏ॒କୋ॒ଲ୍ମୁ॒କେନ॑ ୟଂତି । 3
ତଦ୍ଧି ରୁ॒ଦ୍ରସ୍ୟ॑ ଭାଗ॒ଧେୟ᳚ମ୍ । ଇ॒ମାଂ ଦିଶଂ॑-ୟଂଁତି । ଏ॒ଷା ଵୈ ରୁ॒ଦ୍ରସ୍ୟ॒ ଦିକ୍ । ସ୍ଵାୟା॑ ମେ॒ଵ ଦି॒ଶି ରୁ॒ଦ୍ରଂ ନି॒ରଵ॑ଦୟତେ । ରୁ॒ଦ୍ରୋ ଵା ଅ॑ପ॒ଶୁକା॑ୟା॒ ଆହୁ॑ତ୍ୟୈ॒ ନାତି॑ଷ୍ଠତ । ଅ॒ସୌ ତେ॑ ପ॒ଶୁରିତି॒ ନିର୍ଦି॑ଶେ॒ଦ୍ୟଂ ଦ୍ଵି॒ଷ୍ୟାତ୍ । ୟମେ॒ଵ ଦ୍ଵେଷ୍ଟି॑ ।
ତମ॑ସ୍ମୈ ପ॒ଶୁଂ ନିର୍ଦି॑ଶତି । ୟଦି॒ ନ ଦ୍ଵି॒ଷ୍ୟାତ୍ ।
ଆ॒ଖୁସ୍ତେ॑ ପ॒ଶୁରିତି॑ ବ୍ରୂୟାତ୍ । 4
ନ ଗ୍ରା॒ମ୍ୟାନ୍ ପ॒ଶୂନ୍ ହି॒ନସ୍ତି॑ । ନାର॒ଣ୍ୟାନ୍ । ଚ॒ତୁ॒ଷ୍ପ॒ଥେ ଜୁ॑ହୋତି । ଏ॒ଷ ଵା ଅ॑ଗ୍ନୀ॒ନାଂ ପଡ୍ବୀ॑ଶୋ॒ ନାମ॑ । ଅ॒ଗ୍ନି॒ଵତ୍ୟେ॒ଵ ଜୁ॑ହୋତି ।
ମ॒ଦ୍ଧ୍ୟ॒ମେନ॑ ପ॒ର୍ଣେନ॑ ଜୁହୋତି । ସ୍ରୁଗ୍ଘ୍ୟେ॑ଷା । ଅଥୋ॒ ଖଲୁ॑ । ଅଂ॒ତ॒ମେନୈ॒ଵ ହୋ॑ତ॒ଵ୍ୟ᳚ମ୍ । ଅଂ॒ତ॒ତ ଏ॒ଵ ରୁ॒ଦ୍ରଂ ନି॒ରଵ॑ଦୟତେ । 5
ଏଷ॒ ତେ॑ ରୁଦ୍ରଭା॒ଗଃ ସ॒ହସ୍ଵସ୍ରାଂ-ଽବି॑କ॒ୟେତ୍ୟା॑ହ । ଶ॒ରଦ୍ଵା ଅ॒ସ୍ୟାଂବି॑କା॒ ସ୍ଵସା᳚ ।
ତୟା॒ ଵା ଏ॒ଷ ହି॑ନସ୍ତି । ୟଗ୍ମ୍ ହି॒ନସ୍ତି॑ । ତୟୈ॒ଵୈନଗ୍ମ୍॑ ସ॒ହ ଶ॑ମୟତି ।
ଭେ॒ଷ॒ଜଂଗଵ॒ ଇତ୍ୟା॑ହ । ୟାଵଂ॑ତ ଏ॒ଵ ଗ୍ରା॒ମ୍ୟାଃ ପ॒ଶଵଃ॑ । ତେଭ୍ୟୋ॑ ଭେଷ॒ଜଂ କ॑ରୋତି । ଅଵା᳚ବଂ ରୁ॒ଦ୍ରମ॑ଦି ମ॒ହୀତ୍ୟା॑ହ । ଆ॒ଶିଷ॑ମେ॒ଵୈ-ତାମା ଶା᳚ସ୍ତେ । 6
ତ୍ର୍ୟ॑ବଂକଂ-ୟଁଜାମହ॒ ଇତ୍ୟା॑ହ । ମୃ॒ତ୍ୟୋ ର୍ମୁ॑କ୍ଷୀୟ॒ ମାଽମୃତା॒-ଦିତି॒ ଵା ଵୈ ତଦା॑ହ ।
ଉତ୍କି॑ରଂତି । ଭଗ॑ସ୍ୟ ଲୀଫ୍ସଂତେ । ମୂତେ॑ କୃ॒ତ୍ଵା ସ॑ଜଂତି ।
ୟଥା॒ ଜନଂ॑-ୟଁ॒ତେ॑ଽଵ॒ସଂ କ॒ରୋତି॑ । ତା॒ଦୃଗେ॒ଵ ତତ୍ । ଏ॒ଷ ତେ॑ ରୁଦ୍ରଭା॒ଗ ଇତ୍ୟା॑ହ ନି॒ରଵ॑ତ୍ୟୈ । ଅପ୍ର॑ତୀକ୍ଷ॒-ମାୟଂ॑ତି । ଅ॒ପଃ ପରି॑ଷିଂଚତି । ରୁ॒ଦ୍ରସ୍ୟାଂ॒ତ ର୍ହି॑ତ୍ୟୈ । ପ୍ରଵା ଏ॒ତେ᳚ଽସ୍ମା-ଲ୍ଲୋ॒କା-ଚ୍ଚ୍ୟ॑ଵଂତେ । ୟେ ତ୍ର୍ୟ॑ବଂକୈ॒-ଶ୍ଚରଂ॑ତି । ଆ॒ଦି॒ତ୍ୟଂ ଚ॒ରୁଂ ପୁନ॒ରେତ୍ୟ॒ ନିର୍ଵ॑ପତି । ଇ॒ୟଂ-ଵାଁ ଅଦି॑ତିଃ । ଅ॒ସ୍ୟାମେ॒ଵ ପ୍ରତି॑ତିଷ୍ଠଂତି ॥ 7
ଓଂ ନମୋ ଭଗଵତେ॑ ରୁଦ୍ରା॒ୟ ॥ ପ୍ରତିପୂରୁଷଂ-ଵିଁଭାଡିତି ନେତ୍ରତ୍ରୟା॑ୟ ଵୌ॒ଷଟ୍ ॥
7.6 ଶତ ରୁଦ୍ରୀୟଂ (ତ୍ଵମଗ୍ନେ ରୁଦ୍ରୋଽନୁଵାକଃ)
ତୈ. ବ୍ରା. 3.11.2.1 – ତୈ. ବ୍ରା. 3.11.2.4
ତ୍ଵମ॑ଗ୍ନେ ରୁ॒ଦ୍ରୋ ଅସୁ॑ରୋ ମ॒ହୋ ଦି॒ଵଃ । ତ୍ଵଗ୍ମ୍ ଶର୍ଧୋ॒ ମାରୁ॑ତଂ ପୃ॒କ୍ଷ ଈ॑ଶିଷେ ।
ତ୍ଵଂ-ଵାଁତୈ॑ରରୁ॒ଣୈ ର୍ୟା॑ସି ଶଂଗ॒ୟଃ । ତ୍ଵଂ ପୂ॒ଷା ଵି॑ଧ॒ତଃ ପା॑ସି॒ ନୁତ୍ମନାଃ᳚ ।
ଦେଵା॑ ଦେ॒ଵେଷୁ॑ ଶ୍ରୟଦ୍ଧ୍ଵମ୍ । ପ୍ରଥ॑ମା ଦ୍ଵି॒ତୀୟେ॑ଷୁ ଶ୍ରୟଦ୍ଧ୍ଵମ୍ ।
ଦ୍ଵିତୀ॑ୟା-ସ୍ତୃ॒ତୀୟେ॑ଷୁ ଶ୍ରୟଦ୍ଧ୍ଵମ୍ । ତୃତୀ॑ୟା-ଶ୍ଚତୁ॒ର୍ଥେଷୁ॑ ଶ୍ରୟଦ୍ଧ୍ଵମ୍ ।
ଚ॒ତୁ॒ର୍ଥାଃ ପଂ॑ଚ॒ମେଷୁ॑ ଶ୍ରୟଦ୍ଧ୍ଵମ୍ । ପଂ॒ଚ॒ମାଃ ଷ॒ଷ୍ଠେଷୁ॑ ଶ୍ରୟଦ୍ଧ୍ଵମ୍ । 1
ଷ॒ଷ୍ଠାଃ ସ॑ପ୍ତ॒ମେଷୁ॑ ଶ୍ରୟଦ୍ଧ୍ଵମ୍ । ସ॒ପ୍ତ॒ମା ଅ॑ଷ୍ଟ॒ମେଷୁ॑ ଶ୍ରୟଦ୍ଧ୍ଵମ୍ ।
ଅ॒ଷ୍ଟ॒ମା ନ॑ଵ॒ମେଷୁ॑ ଶ୍ରୟଦ୍ଧ୍ଵମ୍ । ନ॒ଵ॒ମା ଦ॑ଶ॒ମେଷୁ॑ ଶ୍ରୟଦ୍ଧ୍ଵମ୍ ।
ଦ॒ଶ॒ମା ଏ॑କାଦ॒ଶେଷୁ॑ ଶ୍ରୟଦ୍ଧ୍ଵମ୍ । ଏ॒କ॒ଦ॒ଶା ଦ୍ଵା॑ଦ॒ଶେଷୁ॑ ଶ୍ରୟଦ୍ଧ୍ଵମ୍ ।
ଦ୍ଵା॒ଦ॒ଶା-ସ୍ତ୍ର॑ୟୋଦ॒ଶେଷୁ॑ ଶ୍ରୟଦ୍ଧ୍ଵମ୍ । ତ୍ର॒ୟୋ॒ଦ॒ଶା-ଶ୍ଚ॑ତୁ ର୍ଦେ॒ଶେଷୁ॑ ଶ୍ରୟଦ୍ଧ୍ଵମ୍ ।
ଚ॒ତୁ॒ର୍ଦ॒ଶାଃ ପଂ॑ଚଦ॒ଶେଷୁ॑ ଶ୍ରୟଦ୍ଧ୍ଵମ୍ । ପଂ॒ଚ॒ଦ॒ଶାଃ ଷୋ॑ଡ॒ଶେଷୁ॑ ଶ୍ରୟଦ୍ଧ୍ଵମ୍ । 2
ଷୋ॒ଡ॒ଶାଃ ସ॑ପ୍ତଦ॒ଶେଷୁ॑ ଶ୍ରୟଦ୍ଧ୍ଵମ୍ । ସ॒ପ୍ତ॒ଦ॒ଶା ଅ॑ଷ୍ଟାଦ॒ଶେଷୁ॑ ଶ୍ରୟଦ୍ଧ୍ଵମ୍ ।
ଅ॒ଷ୍ଟା॒ଦ॒ଶା ଏ॑କାନ୍ନଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ ।
ଏ॒କା॒ନ୍ନ॒ଵି॒ଗ୍ମ୍॒ଶା ଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ ।
ଵି॒ଗ୍ମ୍॒ଶା ଏ॑କଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ ।
ଏ॒କ॒ଵି॒ଗ୍ମ୍॒ଶା ଦ୍ଵା॑ଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ ।
ଦ୍ଵା॒ଵି॒ଗ୍ମ୍॒ଶା ସ୍ତ୍ର॑ୟୋଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ ।
ତ୍ର॒ୟୋ॒ଵି॒ଗ୍ମ୍॒ଶା ଶ୍ଚ॑ତୁର୍ଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ଚ॒ତୁ॒ର୍ଵି॒ଗ୍ମ୍॒ଶାଃ ପଂ॑ଚଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ ।
ପଂ॒ଚ॒ଵି॒ଗ୍ମ୍॒ଶାଃ ଷ॑ଡ୍ଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । 3
ଷ॒ଡ୍ଵି॒ଗ୍ମ୍॒ଶା ସ୍ସ॑ପ୍ତଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ସ॒ପ୍ତ॒ଵି॒ଗ୍ମ୍॒ଶା ଅ॑ଷ୍ଟାଵି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ଅ॒ଷ୍ଟା॒ଵି॒ଗ୍ମ୍॒ଶା ଏ॑କାନ୍ନତ୍ରି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ଏ॒କା॒ନ୍ନ॒ତ୍ରି॒ଗ୍ମ୍॒ଶା ସ୍ତ୍ରି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ତ୍ରି॒ଗ୍ମ୍॒ଶା ଏ॑କତ୍ରି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ଏ॒କ॒ତ୍ରି॒ଗ୍ମ୍॒ଶା ଦ୍ଵା᳚ତ୍ରି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ଦ୍ଵା॒ତ୍ରି॒ଗ୍ମ୍॒ଶା ତ୍ର॑ୟସ୍ତ୍ରି॒ଗ୍ମ୍॒ଶେଷୁ॑ ଶ୍ରୟଦ୍ଧ୍ଵମ୍ । ଦେଵା᳚ସ୍ତ୍ରିରେକାଦଶା॒ ସ୍ତ୍ରିସ୍ତ୍ର॑ୟସ୍ତ୍ରିଗ୍ମ୍ଶାଃ । ଉତ୍ତ॑ରେ ଭଵତ । ଉତ୍ତ॑ର ଵର୍ତ୍ମାନ॒ ଉତ୍ତ॑ର ସତ୍ଵାନଃ । ୟତ୍କା॑ମ ଇ॒ଦଂ ଜୁ॒ହୋମି॑ । ତନ୍ମେ॒ ସମୃ॑ଦ୍ଧ୍ୟତାମ୍ । ଵ॒ୟଗ୍ଗ୍ସ୍ୟା॑ମ॒ ପତ॑ୟୋ ରୟୀ॒ଣାମ୍ । ଭୂର୍ଭୁଵ॒ସ୍ଵ॑ସ୍ସ୍ଵାହା᳚ । 4
ଓଂ ନମୋ ଭଗଵତେ॑ ରୁଦ୍ରା॒ୟ ॥ ତ୍ଵମଗ୍ନେ ତ୍ଵମଗ୍ନେ ଶତରୁଦ୍ରୀୟମିତ୍ୟସ୍ତ୍ରାୟ ଫଟ୍ ॥
7.7 ପଂଚାଂଗ ଜପଃ
ଅଥ ପଂଚାଂଗଜପଃ ॥
ସ॒ଦ୍ୟୋଜା॒ତଂ ପ୍ର॑ପଦ୍ୟା॒ମି॒ ସ॒ଦ୍ୟୋଜା॒ତାୟ॒ ଵୈ ନମୋ॒ ନମଃ॑ ।
ଭ॒ଵେ ଭ॑ଵେ॒ ନାତି॑ଭଵେ ଭଵସ୍ଵ॒ ମାମ୍ ।
ଭ॒ଵୋଦ୍ଭ॑ଵାୟ॒ ନମଃ॑ ॥ 1
ଵା॒ମ॒ଦେ॒ଵାୟ॒ ନମୋ᳚ ଜ୍ୟେ॒ଷ୍ଠାୟ॒ ନମଃ॑ ଶ୍ରେ॒ଷ୍ଠାୟ॒ ନମୋ॑ ରୁ॒ଦ୍ରାୟ॒ ନମଃ॒ କାଲା॑ୟ॒ ନମଃ॒ କଲ॑ଵିକରଣାୟ॒ ନମୋ॒ ବଲ॑ଵିକରଣାୟ॒ ନମୋ॒ ବଲା॑ୟ॒ ନମୋ॒ ବଲ॑ପ୍ରମଥନାୟ॒ ନମଃ॒ ସର୍ଵ॑ଭୂତଦମନାୟ॒ ନମୋ॑ ମ॒ନୋନ୍ମ॑ନାୟ॒ ନମଃ॑ ॥ 2
ଅ॒ଘୋରେ᳚ଭ୍ୟୋଽଥ॒ ଘୋରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ।
ସର୍ଵେ᳚ଭ୍ୟଃ ସର୍ଵ॒ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ୟଃ ॥ 3
ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥ 4
ଈଶାନଃ ସର୍ଵ॑ଵିଦ୍ୟା॒ନା॒ମୀଶ୍ଵରଃ ସର୍ଵ॑ଭୂତା॒ନାଂ॒
ବ୍ରହ୍ମାଧି॑ପତି॒ର୍ବ୍ରହ୍ମ॒ଣୋଽଧି॑ପତି॒ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥ 5
7.8 ଅଷ୍ଟାଂଗ ପ୍ରଣାମଃ
ହି॒ର॒ଣ୍ୟ॒ଗ॒ର୍ଭ-ସ୍ସମ॑ଵର୍ତ॒-ତାଗ୍ରେ॑ ଭୂ॒ତସ୍ୟ॑ ଜା॒ତଃ ପତି॒ରେକ॑ ଆସୀତ୍ ।
ସଦା॑ଧାର ପୃଥି॒ଵୀଂ ଦ୍ୟାମୁ॒ତେମାଂ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ଉରସା ନମଃ ॥ 1 (ତୈ. ସଂ. 4.1.8.3)
ୟଃ ପ୍ରା॑ଣ॒ତୋ ନି॑ମିଷ॒ତୋ ମ॑ହି॒ତ୍ଵୈକ॒ ଇଦ୍ରାଜା॒ ଜଗ॑ତୋ ବ॒ଭୂଵ॑ ।
ୟ ଈଶେ॑ ଅ॒ସ୍ୟ ଦ୍ଵି॒ପଦ॒-ଶ୍ଚତୁ॑ଷ୍ପଦଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ଶିରସା ନମଃ ॥ 2 (ତୈ. ସଂ. 4.1.8.4)
ବ୍ରହ୍ମ॑ଜଜ୍ଞା॒ନଂ ପ୍ର॑ଥ॒ମଂ ପୁ॒ରସ୍ତା॒-ଦ୍ଵିସୀ॑ମ॒ତ-ସ୍ସୁ॒ରୁଚୋ॑ ଵେ॒ନ ଆ॑ଵଃ ।
ସ ବୁ॒ଧ୍ନିୟା॑ ଉପ॒ମା ଅ॑ସ୍ୟ ଵି॒ଷ୍ଠା-ସ୍ସ॒ତଶ୍ଚ॒ ୟୋନି॒ମ-ସ॑ତଶ୍ଚ॒ ଵିଵଃ॑ । (
ଦୃଷ୍ୟା ନମଃ । 3 (ତୈ. ସଂ. 4.2.8.2.)
ମ॒ହୀ ଦ୍ୟୌଃ ପୃ॑ଥି॒ଵୀ ଚ॑ ନ ଇ॒ମଂ-ୟଁ॒ଜ୍ଞଂ ମି॑ମିକ୍ଷତାମ୍ ।
ପି॒ପୃ॒ତାନ୍ନୋ॒ ଭରୀ॑ମଭିଃ ।
ମନସା ନମଃ ॥ 4 (ତୈ. ସଂ. 3.3.10.2)
ଉପ॑ଶ୍ଵାସୟ ପୃଥି॒ଵୀ-ମୁ॒ତ ଦ୍ୟାଂ ପୁ॑ରୁ॒ତ୍ରା ତେ॑ ମନୁତାଂ॒-ଵିଁଷ୍ଠି॑ତଂ॒ ଜଗ॑ତ୍ ।
ସ ଦୁଂ॑ଦୁଭେ ସ॒ଜୂରିଂଦ୍ରେ॑ଣ ଦେ॒ଵୈ-ର୍ଦୂ॒ରାଦ୍ଦଵୀ॑ୟୋ॒ ଅପ॑ସେଧ॒ ଶତ୍ରୂନ୍॑ ।
ଵଚସା ନମଃ ॥ 5 (ତୈ. ସଂ. 4.6.6.6)
ଅଗ୍ନେ॒ ନୟ॑ ସୁ॒ପଥା॑ ରା॒ୟେ ଅ॒ସ୍ମାନ୍ ଵିଶ୍ଵା॑ନି ଦେଵ ଵ॒ୟୁନା॑ନି ଵି॒ଦ୍ଵାନ୍ ।
ୟୁ॒ୟୋ॒ଦ୍ଧ୍ୟ॑ସ୍ମ-ଜ୍ଜୁ॑ହୁରା॒ଣ-ମେନୋ॒ ଭୂୟି॑ଷ୍ଠାଂତେ॒ ନମ॑ ଉକ୍ତିଂ-ଵିଁଧେମ ॥
ପଧ୍ଭ୍ୟାଂ ନମଃ ॥ 6 (ତୈ. ସଂ. 1.1.14.3)
ୟା ତେ॑ ଅଗ୍ନେ॒ ରୁଦ୍ରି॑ୟା ତ॒ନୂସ୍ତୟା॑ ନଃ ପାହି॒ ତସ୍ୟା᳚ସ୍ତେ॒ ସ୍ଵାହା᳚ ।
ୟା ତେ॑ ଅଗ୍ନେଽୟାଶ॒ୟା ର॑ଜାଶ॒ୟା ହ॑ରାଶ॒ୟା ତ॒ନୂର୍ଵର୍ଷି॑ଷ୍ଠା ଗହ୍ଵରେ॒ଷ୍ଠୋଗ୍ରଂ-ଵଁଚୋ॒ ଅପା॑ଵଧୀଂ ତ୍ଵେ॒ଷଂ-ଵଁଚୋ॒ ଅପା॑ଵଧୀ॒ଗ୍ମ୍॒ ସ୍ଵାହା᳚ ॥
କରାଭ୍ୟାଂ ନମଃ ॥ 7 (ତୈ. ସଂ. 1.2.11.2)
ଇ॒ମଂ-ୟଁ॑ମପ୍ରସ୍ତ॒ରମାହି ସୀଦାଂଗି॑ରୋଭିଃ ପି॒ତୃଭିଃ॑ ସଂଵିଁଦା॒ନଃ ।
ଆତ୍ଵା॒ ମଂତ୍ରାଃ॑ କଵିଶ॒ସ୍ତା ଵ॑ହଂତ୍ଵେ॒ନା ରା॑ଜନ୍ ହ॒ଵିଷା॑ ମାଦୟସ୍ଵ ॥
କର୍ଣାଭ୍ୟାଂ ନମଃ ॥ 8 (ତୈ. ସଂ. 2.6.12.6)
ଉରସା ଶିରସା ଦୃଷ୍ଟ୍ୟା ମନ॑ସା ଵଚସା ତ॒ଥା ।
ପଦ୍ଭ୍ୟାଂ କରାଭ୍ୟାଂ କର୍ଣାଭ୍ୟାଂ ପ୍ରଣାମୋଽଷ୍ଟାଂଗ॑ ଉଚ୍ୟତେ ॥
ଉମାମହେଶ୍ଵରାଭ୍ୟାଂ ନମଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶ୍ରୀ ମହାନ୍ୟାସମ୍ (ପୂର୍ଣଂ)?
ଶ୍ରୀ ମହାନ୍ୟାସମ୍ (ପୂର୍ଣଂ) is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶ୍ରୀ ମହାନ୍ୟାସମ୍ (ପୂର୍ଣଂ) online?
Yes. The imported text is available directly on this page for online reading and recitation.
Can I download ଶ୍ରୀ ମହାନ୍ୟାସମ୍ (ପୂର୍ଣଂ) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.