7.5 – ଗାଵୋ ଵା ଏତଥ୍ସତ୍ରମାସତ – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ପଞ୍ଚମଃ ପ୍ରଶ୍ନଃ – ସତ୍ରଵିଶେଷାଭିଧାନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଗାଵୋ॒ ଵା ଏ॒ତ-ଥ୍ସ॒ତ୍ର-ମା॑ସତାଶୃ॒ଙ୍ଗା-ସ୍ସ॒ତୀ-ଶ୍ଶୃଙ୍ଗା॑ଣି ନୋ ଜାୟନ୍ତା॒ ଇତି॒ କାମେ॑ନ॒ ତାସା॒-ନ୍ଦଶ॒ମାସା॒ ନିଷ॑ଣ୍ଣା॒ ଆସ॒ନ୍ନଥ॒ ଶୃଙ୍ଗା᳚ଣ୍ୟଜାୟନ୍ତ॒ ତା ଉଦ॑ତିଷ୍ଠ॒ନ୍ନରା॒ଥ୍ସ୍ମେତ୍ୟଥ॒ ୟାସା॒-ନ୍ନାଜା॑ୟନ୍ତ॒ ତା-ସ୍ସଂ॑ଵଁଥ୍ସ॒ର-ମା॒ପ୍ତ୍ଵୋଦ॑ତିଷ୍ଠ॒ -ନ୍ନରା॒ଥ୍ସ୍ମେତି॒ ୟାସା॒-ଞ୍ଚାଜା॑ୟନ୍ତ॒ ୟାସା᳚-ଞ୍ଚ॒ ନ ତା ଉ॒ଭୟୀ॒ରୁ-ଦ॑ତିଷ୍ଠ॒-ନ୍ନରା॒ଥ୍ସ୍ମେତି॑ ଗୋସ॒ତ୍ରଂ-ଵୈଁ [ଗୋସ॒ତ୍ରଂ-ଵୈଁ, ସଂ॒ଵଁ॒ଥ୍ସ॒ରୋ ୟ] 1
ସଂ॑ଵଁଥ୍ସ॒ରୋ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ସ୍ସଂଵଁଥ୍ସ॒ର-ମୁ॑ପ॒ୟନ୍ତ୍ୟୃ॑ଦ୍ଧ୍ନୁ॒ଵନ୍ତ୍ୟେ॒ଵ ତସ୍ମା᳚-ତ୍ତୂପ॒ରା ଵାର୍ଷି॑କୌ॒ ମାସୌ॒ ପର୍ତ୍ଵା॑ ଚରତି ସ॒ତ୍ରାଭି॑ଜିତ॒ଗ୍ଗ୍॒ହ୍ୟ॑ସ୍ୟୈ॒ ତସ୍ମା᳚-ଥ୍ସଂଵଁଥ୍ସର॒ସଦୋ॒ ୟ-ତ୍କି-ଞ୍ଚ॑ ଗୃ॒ହେ କ୍ରି॒ୟତେ॒ ତଦା॒ପ୍ତ-ମଵ॑ରୁଦ୍ଧ-ମ॒ଭିଜି॑ତ-ଙ୍କ୍ରିୟତେ ସମୁ॒ଦ୍ରଂ-ଵାଁ ଏ॒ତେ ପ୍ର ପ୍ଲ॑ଵନ୍ତେ॒ ୟେ ସଂ॑ଵଁଥ୍ସ॒ରମୁ॑ପ॒ୟନ୍ତି॒ ୟୋ ଵୈ ସ॑ମୁ॒ଦ୍ରସ୍ୟ॑ ପା॒ର-ନ୍ନ ପଶ୍ୟ॑ତି॒ ନ ଵୈ ସ ତତ॒ ଉଦେ॑ତି ସଂଵଁଥ୍ସ॒ରୋ [ଉଦେ॑ତି ସଂଵଁଥ୍ସ॒ରଃ, ଵୈ ସ॑ମୁ॒ଦ୍ର-] 2
ଵୈ ସ॑ମୁ॒ଦ୍ର-ସ୍ତସ୍ୟୈ॒ତ-ତ୍ପା॒ରଂ-ୟଁଦ॑ତିରା॒ତ୍ରୌ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ସ୍ସଂଵଁଥ୍ସ॒ର-ମୁ॑ପ॒ୟନ୍ତ୍ୟନା᳚ର୍ତା ଏ॒ଵୋଦୃଚ॑-ଙ୍ଗଚ୍ଛନ୍ତୀ॒ୟଂ-ଵୈଁ ପୂର୍ଵୋ॑-ଽତିରା॒ତ୍ରୋ॑ ଽସାଵୁତ୍ତ॑ରୋ॒ ମନଃ॒ ପୂର୍ଵୋ॒ ଵାଗୁତ୍ତ॑ରଃ ପ୍ରା॒ଣଃ ପୂର୍ଵୋ॑-ଽପା॒ନ ଉତ୍ତ॑ରଃ ପ୍ର॒ରୋଧ॑ନ॒-ମ୍ପୂର୍ଵ॑ ଉ॒ଦୟ॑ନ॒ମୁତ୍ତ॑ରୋ॒ ଜ୍ୟୋତି॑ଷ୍ଟୋମୋ ଵୈଶ୍ଵାନ॒ରୋ॑ ଽତିରା॒ତ୍ରୋ ଭ॑ଵତି॒ ଜ୍ୟୋତି॑ରେ॒ଵ ପୁ॒ରସ୍ତା᳚ଦ୍ଦଧତେ ସୁଵ॒ର୍ଗସ୍ୟ॑ ଲୋ॒କସ୍ୟା-ନୁ॑ଖ୍ୟାତ୍ୟୈ ଚତୁର୍ଵି॒ଗ୍ମ୍॒ଶଃ ପ୍ରା॑ୟ॒ଣୀୟୋ॑ ଭଵତି॒ ଚତୁ॑ର୍ଵିଗ୍ମ୍ଶତି-ରର୍ଧମା॒ସା- [ଚତୁ॑ର୍ଵିଗ୍ମ୍ଶତି-ରର୍ଧମା॒ସାଃ, ସଂ॒ଵଁ॒ଥ୍ସ॒ରଃ] 3
-ସ୍ସଂ॑ଵଁଥ୍ସ॒ରଃ ପ୍ର॒ୟନ୍ତ॑ ଏ॒ଵ ସଂ॑ଵଁଥ୍ସ॒ରେ ପ୍ରତି॑ ତିଷ୍ଠନ୍ତି॒ ତସ୍ୟ॒ ତ୍ରୀଣି॑ ଚ ଶ॒ତାନି॑ ଷ॒ଷ୍ଟିଶ୍ଚ॑ ସ୍ତୋ॒ତ୍ରୀୟା॒ସ୍ତାଵ॑ତୀ-ସ୍ସଂଵଁଥ୍ସ॒ରସ୍ୟ॒ ରାତ୍ର॑ୟ ଉ॒ଭେ ଏ॒ଵ ସଂ॑ଵଁଥ୍ସ॒ରସ୍ୟ॑ ରୂ॒ପେ ଆ᳚ପ୍ନୁଵନ୍ତି॒ ତେ ସଗ୍ଗ୍ସ୍ଥି॑ତ୍ୟା॒ ଅରି॑ଷ୍ଟ୍ୟା॒ ଉତ୍ତ॑ରୈ॒ରହୋ॑ଭିଶ୍ଚରନ୍ତି ଷଡ॒ହା ଭ॑ଵନ୍ତି॒ ଷ-ଡ୍ଵା ଋ॒ତଵ॑-ସ୍ସଂଵଁଥ୍ସ॒ର ଋ॒ତୁଷ୍ଵେ॒ଵ ସଂ॑ଵଁଥ୍ସ॒ରେ ପ୍ରତି॑ ତିଷ୍ଠନ୍ତି॒ ଗୌଶ୍ଚା-ଽଽୟୁ॑ଶ୍ଚ ମଦ୍ଧ୍ୟ॒ତ-ସ୍ସ୍ତୋମୌ॑ ଭଵତ-ସ୍ସଂଵଁଥ୍ସ॒ରସ୍ୟୈ॒ଵ ତନ୍ମି॑ଥୁ॒ନ-ମ୍ମ॑ଦ୍ଧ୍ୟ॒ତୋ [ତନ୍ମି॑ଥୁ॒ନ-ମ୍ମ॑ଦ୍ଧ୍ୟ॒ତଃ, ଦ॒ଧ॒ତି॒ ପ୍ର॒ଜନ॑ନାୟ॒] 4
ଦ॑ଧତି ପ୍ର॒ଜନ॑ନାୟ॒ ଜ୍ୟୋତି॑ର॒ଭିତୋ॑ ଭଵତି ଵି॒ମୋଚ॑ନମେ॒ଵ ତଚ୍ଛନ୍ଦାଗ୍॑ସ୍ୟେ॒ଵ ତ-ଦ୍ଵି॒ମୋକଂ॑-ୟଁ॒ନ୍ତ୍ୟଥୋ॑ ଉଭ॒ୟତୋ᳚ଜ୍ୟୋତିଷୈ॒ଵ ଷ॑ଡ॒ହେନ॑ ସୁଵ॒ର୍ଗଂ-ଲୋଁ॒କଂ-ୟଁ॑ନ୍ତି ବ୍ରହ୍ମଵା॒ଦିନୋ॑ ଵଦ॒ନ୍ତ୍ୟାସ॑ତେ॒ କେନ॑ ୟ॒ନ୍ତୀତି॑ ଦେଵ॒ୟାନେ॑ନ ପ॒ଥେତି॑ ବ୍ରୂୟା॒ଚ୍ଛନ୍ଦାଗ୍ମ୍॑ସି॒ ଵୈ ଦେ॑ଵ॒ୟାନଃ॒ ପନ୍ଥା॑ ଗାୟ॒ତ୍ରୀ ତ୍ରି॒ଷ୍ଟୁବ୍-ଜଗ॑ତୀ॒ଜ୍ୟୋତି॒ର୍ଵୈ ଗା॑ୟ॒ତ୍ରୀ ଗୌସ୍ତ୍ରି॒ଷ୍ଟୁଗାୟୁ॒ର୍ଜଗ॑ତୀ॒ ୟଦେ॒ତେ ସ୍ତୋମା॒ ଭଵ॑ନ୍ତି ଦେଵ॒ୟାନେ॑ନୈ॒ଵ [ ] 5
ତ-ତ୍ପ॒ଥା ୟ॑ନ୍ତି ସମା॒ନଗ୍ମ୍ ସାମ॑ ଭଵତି ଦେଵଲୋ॒କୋ ଵୈ ସାମ॑ ଦେଵଲୋ॒କାଦେ॒ଵ ନୟ॑ନ୍ତ୍ୟ॒ନ୍ୟାଅ॑ନ୍ୟା॒ ଋଚୋ॑ ଭଵନ୍ତି ମନୁଷ୍ୟଲୋ॒କୋ ଵା ଋଚୋ॑ ମନୁଷ୍ୟଲୋ॒କାଦେ॒ଵାନ୍ୟମ॑ନ୍ୟ-ନ୍ଦେଵଲୋ॒କମ॑ଭ୍ୟା॒ରୋହ॑ନ୍ତୋ ୟନ୍ତ୍ୟଭିଵ॒ର୍ତୋ ବ୍ର॑ହ୍ମସା॒ମ-ମ୍ଭ॑ଵତି ସୁଵ॒ର୍ଗସ୍ୟ॑ ଲୋ॒କସ୍ୟା॒ଭିଵୃ॑ତ୍ୟା ଅଭି॒ଜି-ଦ୍ଭ॑ଵତି ସୁଵ॒ର୍ଗସ୍ୟ॑ ଲୋ॒କସ୍ୟା॒ଭିଜି॑ତ୍ୟୈ ଵିଶ୍ଵ॒ଜି-ଦ୍ଭ॑ଵତି॒ ଵିଶ୍ଵ॑ସ୍ୟ॒ ଜିତ୍ୟୈ॑ ମା॒ସିମା॑ସି ପୃ॒ଷ୍ଠାନ୍ୟୁପ॑ ୟନ୍ତି ମା॒ସିମା᳚ସ୍ୟତିଗ୍ରା॒ହ୍ୟା॑ ଗୃହ୍ୟନ୍ତେ ମା॒ସିମା᳚ସ୍ୟେ॒ଵ ଵୀ॒ର୍ୟ॑-ନ୍ଦଧତି ମା॒ସା-ମ୍ପ୍ରତି॑ଷ୍ଠିତ୍ୟା ଉ॒ପରି॑ଷ୍ଟାନ୍ମା॒ସା-ମ୍ପୃ॒ଷ୍ଠାନ୍ୟୁପ॑ ୟନ୍ତି॒ ତସ୍ମା॑ଦୁ॒ପରି॑ଷ୍ଟା॒ଦୋଷ॑ଧୟଃ॒ ଫଲ॑-ଙ୍ଗୃହ୍ଣନ୍ତି ॥ 6 ॥
(ଗୋ॒ସ॒ତ୍ରଂ-ଵାଁ – ଏ॑ତି ସଂଵଁଥ୍ସ॒ରୋ᳚ – ଽର୍ଧମା॒ସା – ମି॑ଥୁ॒ନ-ମ୍ମ॑ଦ୍ଧ୍ୟ॒ତୋ – ଦେ॑ଵ॒ୟାନେ॑ନୈ॒ଵ – ଵୀ॒ର୍ୟଂ॑ – ତ୍ରୟୋ॑ଦଶ ଚ) (ଅ. 1)
ଗାଵୋ॒ ଵା ଏ॒ତ-ଥ୍ସ॒ତ୍ରମା॑ସତାଶୃ॒ଙ୍ଗା-ସ୍ସ॒ତୀ-ଶ୍ଶୃଙ୍ଗା॑ଣି॒ ସିଷା॑ସନ୍ତୀ॒ସ୍ତାସା॒-ନ୍ଦଶ॒ ମାସା॒ ନିଷ॑ଣ୍ଣା॒ ଆସ॒ନ୍ନଥ॒ ଶୃଙ୍ଗା᳚ଣ୍ୟଜାୟନ୍ତ॒ ତା ଅ॑ବ୍ରୁଵ॒ନ୍ନରା॒ଥ୍ସ୍ମୋ-ତ୍ତି॑ଷ୍ଠା॒ମାଵ॒ ତ-ଙ୍କାମ॑ମରୁଥ୍ସ୍ମହି॒ ୟେନ॒ କାମେ॑ନ॒ ନ୍ୟଷ॑ଦା॒ମେତି॒ ତାସା॑ମୁ॒ ତ୍ଵା ଅ॑ବ୍ରୁଵନ୍ନ॒ର୍ଧାଵା॒ ୟାଵ॑ତୀ॒ର୍ଵା-ଽଽସା॑ମହା ଏ॒ଵେମୌଦ୍ଵା॑ଦ॒ଶୌ ମାସୌ॑ ସଂଵଁଥ୍ସ॒ରଗ୍ମ୍ ସ॒ମ୍ପାଦ୍ୟୋ-ତ୍ତି॑ଷ୍ଠା॒ମେତି॒ ତାସା᳚- [ତାସା᳚ମ୍, ଦ୍ଵା॒ଦ॒ଶେ ମା॒ସି] 7
-ନ୍ଦ୍ଵାଦ॒ଶେ ମା॒ସି ଶୃଙ୍ଗା॑ଣି॒ ପ୍ରାଵ॑ର୍ତନ୍ତ ଶ୍ର॒ଦ୍ଧୟା॒ ଵା-ଽଶ୍ର॑ଦ୍ଧୟା ଵା॒ ତା ଇ॒ମା ୟାସ୍ତୂ॑ପ॒ରା ଉ॒ଭୟ୍ୟୋ॒ ଵାଵ ତା ଆ᳚ର୍ଧ୍ନୁଵ॒ନ୍॒. ୟାଶ୍ଚ॒ ଶୃଙ୍ଗା॒ଣ୍ୟସ॑ନ୍ଵ॒ନ୍॒. ୟାଶ୍ଚୋର୍ଜ॑ମ॒ଵାରୁ॑ନ୍ଧତ॒ର୍ଧ୍ନୋତି॑ ଦ॒ଶସୁ॑ ମା॒ସୂ᳚ତ୍ତିଷ୍ଠ॑ନ୍ନୃ॒ଦ୍ଧ୍ନୋତି॑ ଦ୍ଵାଦ॒ଶସୁ॒ ୟ ଏ॒ଵଂ-ଵେଁଦ॑ ପ॒ଦେନ॒ ଖଲୁ॒ ଵା ଏ॒ତେ ୟ॑ନ୍ତି ଵି॒ନ୍ଦତି॒ ଖଲୁ॒ ଵୈ ପ॒ଦେନ॒ ୟ-ନ୍ତଦ୍ଵା ଏ॒ତଦୃ॒ଦ୍ଧମୟ॑ନ॒-ନ୍ତସ୍ମା॑ ଦେ॒ତ-ଦ୍ଗୋ॒ସନି॑ ॥ 8 ॥
(ତି॒ଷ୍ଠା॒ମେତି॒ ତାସାଂ॒ – ତସ୍ମା॒-ଦ୍- ଦ୍ଵେ ଚ॑) (ଅ. 2)
ପ୍ର॒ଥ॒ମେ ମା॒ସି ପୃ॒ଷ୍ଠାନ୍ୟୁପ॑ ୟନ୍ତି ମଦ୍ଧ୍ୟ॒ମ ଉପ॑ ୟନ୍ତ୍ୟୁତ୍ତ॒ମ ଉପ॑ ୟନ୍ତି॒ ତଦା॑ହୁ॒ର୍ୟାଂ-ଵୈଁ ତ୍ରିରେକ॒ସ୍ୟାହ୍ନ॑ ଉପ॒ସୀଦ॑ନ୍ତି ଦ॒ହ୍ରଂ-ଵୈଁ ସା-ଽପ॑ରାଭ୍ୟା॒-ନ୍ଦୋହା᳚ଭ୍ୟା-ନ୍ଦୁ॒ହେ-ଽଥ॒ କୁତ॒-ସ୍ସା ଧୋ᳚କ୍ଷ୍ୟତେ॒ ୟା-ନ୍ଦ୍ଵାଦ॑ଶ॒ କୃତ୍ଵ॑ ଉପ॒ସୀଦ॒ନ୍ତୀତି॑ ସଂଵଁଥ୍ସ॒ରଗ୍ମ୍ ସ॒ମ୍ପାଦ୍ୟୋ᳚ତ୍ତ॒ମେ ମା॒ସି ସ॒କୃ-ତ୍ପୃ॒ଷ୍ଠାନ୍ୟୁପେ॑ୟୁ॒ସ୍ତ-ଦ୍ୟଜ॑ମାନା ୟ॒ଜ୍ଞ-ମ୍ପ॒ଶୂନଵ॑ ରୁନ୍ଧତେ ସମୁ॒ଦ୍ରଂ-ଵାଁ [ସମୁ॒ଦ୍ରଂ-ଵୈଁ, ଏ॒ତେ॑-ଽନଵା॒ରମ॑ପା॒ର-ମ୍ପ୍ର] 9
ଏ॒ତେ॑-ଽନଵା॒ରମ॑ପା॒ର-ମ୍ପ୍ର ପ୍ଲ॑ଵନ୍ତେ॒ ୟେ ସଂ॑ଵଁଥ୍ସ॒ରମୁ॑ପ॒ୟନ୍ତି॒ ୟ-ଦ୍ବୃ॑ହ-ଦ୍ରଥନ୍ତ॒ରେ ଅ॒ନ୍ଵର୍ଜେ॑ୟୁ॒ର୍ୟଥା॒ ମଦ୍ଧ୍ୟେ॑ ସମୁ॒ଦ୍ରସ୍ୟ॑ ପ୍ଲ॒ଵମ॒ନ୍ଵର୍ଜେ॑ୟୁସ୍ତା॒ଦୃ-କ୍ତଦନୁ॑ଥ୍ସର୍ଗ-ମ୍ବୃହ-ଦ୍ରଥନ୍ତ॒ରାଭ୍ୟା॑ମି॒ତ୍ଵା ପ୍ର॑ତି॒ଷ୍ଠା-ଙ୍ଗ॑ଚ୍ଛନ୍ତି॒ ସର୍ଵେ᳚ଭ୍ୟୋ॒ ଵୈ କାମେ᳚ଭ୍ୟ-ସ୍ସ॒ନ୍ଧିର୍ଦୁ॑ହେ॒ ତ-ଦ୍ୟଜ॑ମାନା॒-ସ୍ସର୍ଵା॒ନ୍ କାମା॒ନଵ॑ ରୁନ୍ଧତେ ॥ 10 ॥
(ସ॒ମୁ॒ଦ୍ରଂ-ଵୈଁ – ଚତୁ॑ସ୍ତ୍ରିଗ୍ମ୍ଶଚ୍ଚ) (ଅ. 3)
ସ॒ମା॒ନ୍ୟ॑ ଋଚୋ॑ ଭଵନ୍ତି ମନୁଷ୍ୟଲୋ॒କୋ ଵା ଋଚୋ॑ ମନୁଷ୍ୟଲୋ॒କାଦେ॒ଵ ନ ୟ॑ନ୍ତ୍ୟ॒ନ୍ୟଦ॑ନ୍ୟ॒-ଥ୍ସାମ॑ ଭଵତି ଦେଵଲୋ॒କୋ ଵୈ ସାମ॑ ଦେଵଲୋ॒କାଦେ॒ଵାନ୍ୟମ॑ନ୍ୟ-ମ୍ମନୁଷ୍ୟଲୋ॒କ-ମ୍ପ୍ର॑ତ୍ୟଵ॒ରୋହ॑ନ୍ତୋ ୟନ୍ତି॒ ଜଗ॑ତୀ॒ମଗ୍ର॒ ଉପ॑ ୟନ୍ତି॒ ଜଗ॑ତୀଂ॒-ଵୈଁ ଛନ୍ଦାଗ୍ମ୍॑ସି ପ୍ର॒ତ୍ୟଵ॑ରୋହନ୍ତ୍ୟା-ଗ୍ରୟ॒ଣ-ଙ୍ଗ୍ରହା॑ ବୃ॒ହ-ତ୍ପୃ॒ଷ୍ଠାନି॑ ତ୍ରୟସ୍ତ୍ରି॒ଗ୍ମ୍॒ଶଗ୍ଗ୍ସ୍ତୋମା॒-ସ୍ତସ୍ମା॒-ଜ୍ଜ୍ୟାୟାଗ୍ମ୍॑ସ॒-ଙ୍କନୀ॑ୟା-ନ୍ପ୍ର॒ତ୍ୟଵ॑ରୋହତି ଵୈଶ୍ଵକର୍ମ॒ଣୋ ଗୃ॑ହ୍ୟତେ॒ଵିଶ୍ଵା᳚ନ୍ୟେ॒ଵ ତେନ॒ କର୍ମା॑ଣି॒ ୟଜ॑ମାନା॒ ଅଵ॑ ରୁନ୍ଧତ ଆଦି॒ତ୍ୟୋ [ଆଦି॒ତ୍ୟଃ, ଗୃ॒ହ୍ୟ॒ତ॒ ଇ॒ୟଂ-ଵାଁ] 11
ଗୃ॑ହ୍ୟତ ଇ॒ୟଂ-ଵାଁ ଅଦି॑ତିର॒ସ୍ୟାମେ॒ଵ ପ୍ରତି॑ ତିଷ୍ଠନ୍ତ୍ୟ॒ନ୍ୟୋ᳚-ଽନ୍ୟୋ ଗୃହ୍ୟେତେ ମିଥୁନ॒ତ୍ଵାୟ॒ ପ୍ରଜା᳚ତ୍ୟା ଅଵାନ୍ତ॒ରଂ-ଵୈଁ ଦ॑ଶରା॒ତ୍ରେଣ॑ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ୟ-ଦ୍ଦ॑ଶରା॒ତ୍ରୋ ଭଵ॑ତି ପ୍ର॒ଜା ଏ॒ଵ ତ-ଦ୍ୟଜ॑ମାନା-ସ୍ସୃଜନ୍ତ ଏ॒ତାଗ୍ମ୍ ହ॒ ଵା ଉ॑ଦ॒ଙ୍କ-ଶ୍ଶୌ᳚ଲ୍ବାୟ॒ନ-ସ୍ସ॒ତ୍ରସ୍ୟର୍ଧି॑ମୁଵାଚ॒ ୟ-ଦ୍ଦ॑ଶରା॒ତ୍ରୋୟ-ଦ୍ଦ॑ଶରା॒ତ୍ରୋ ଭଵ॑ତି ସ॒ତ୍ରସ୍ୟର୍ଧ୍ୟା॒ ଅଥୋ॒ ୟଦେ॒ଵ ପୂର୍ଵେ॒ଷ୍ଵହ॑ସ୍ସୁ॒ ଵିଲୋ॑ମ କ୍ରି॒ୟତେ॒ ତସ୍ୟୈ॒ଵୈ ( )-ଷା ଶାନ୍ତିଃ॑ ॥ 12 ॥
(ଆ॒ଦି॒ତ୍ୟ – ସ୍ତସ୍ୟୈ॒ଵ – ଦ୍ଵେ ଚ॑) (ଅ. 4)
ୟଦି॒ ସୋମୌ॒ ସଗ୍ମ୍ସୁ॑ତୌ॒ ସ୍ୟାତା᳚-ମ୍ମହ॒ତି ରାତ୍ରି॑ୟୈ ପ୍ରାତରନୁଵା॒କ-ମୁ॒ପାକୁ॑ର୍ୟା॒-ତ୍ପୂର୍ଵୋ॒ ଵାଚ॒-ମ୍ପୂର୍ଵୋ॑ ଦେ॒ଵତାଃ॒ ପୂର୍ଵ॒-ଶ୍ଛନ୍ଦାଗ୍ମ୍॑ସି ଵୃଙ୍କ୍ତେ॒ ଵୃଷ॑ଣ୍ଵତୀ-ମ୍ପ୍ରତି॒ପଦ॑-ଙ୍କୁର୍ୟା-ତ୍ପ୍ରାତସ୍ସଵ॒ନାଦେ॒ଵୈଷା॒ମିନ୍ଦ୍ରଂ॑-ଵୃଁ॒ଙ୍କ୍ତେ ଽଥୋ॒ ଖଲ୍ଵା॑ହୁସ୍ସଵନମୁ॒ଖେ-ସ॑ଵନମୁଖେ କା॒ର୍ୟେତି॑ ସଵନମୁ॒ଖା-ଥ୍ସ॑ଵନମୁଖା-ଦେ॒ଵୈଷା॒ମିନ୍ଦ୍ରଂ॑-ଵୃଁଙ୍କ୍ତେ ସଂଵେଁ॒ଶାୟୋ॑ପଵେ॒ଶାୟ॑ ଗାୟତ୍ରି॒ୟାସ୍ତ୍ରି॒ଷ୍ଟୁଭୋ॒ ଜଗ॑ତ୍ୟା ଅନୁ॒ଷ୍ଟୁଭଃ॑ ପ॒ଙ୍କ୍ତ୍ୟା ଅ॒ଭିଭୂ᳚ତ୍ୟୈ॒ ସ୍ଵାହା॒ ଛନ୍ଦାଗ୍ମ୍॑ସି॒ ଵୈ ସଂ॑ଵେଁ॒ଶ ଉ॑ପଵେ॒ଶ-ଶ୍ଛନ୍ଦୋ॑ଭି-ରେ॒ଵୈଷା॒- [ଉ॑ପଵେ॒ଶ-ଶ୍ଛନ୍ଦୋ॑ଭି-ରେ॒ଵୈଷା᳚ମ୍, ଛନ୍ଦାଗ୍ମ୍॑ସି] 13
-ଞ୍ଛନ୍ଦାଗ୍ମ୍॑ସି ଵୃଙ୍କ୍ତେ ସଜ॒ନୀୟ॒ଗ୍ମ୍॒ ଶସ୍ୟଂ॑-ଵିଁହ॒ଵ୍ୟଗ୍ମ୍॑ ଶସ୍ୟ॑ମ॒ଗସ୍ତ୍ୟ॑ସ୍ୟ କୟାଶୁ॒ଭୀୟ॒ଗ୍ମ୍॒ ଶସ୍ୟ॑ମେ॒ତାଵ॒ଦ୍ଵା ଅ॑ସ୍ତି॒ ୟାଵ॑ଦେ॒ତ-ଦ୍ୟାଵ॑ଦେ॒ଵାସ୍ତି॒ ତଦେ॑ଷାଂ-ଵୃଁଙ୍କ୍ତେ॒ ୟଦି॑ ପ୍ରାତସ୍ସଵ॒ନେ କ॒ଲଶୋ॒ ଦୀର୍ୟେ॑ତ ଵୈଷ୍ଣ॒ଵୀଷୁ॑ ଶିପିଵି॒ଷ୍ଟଵ॑ତୀଷୁ ସ୍ତୁଵୀର॒ନ୍॒.ୟଦ୍ଵୈ ୟ॒ଜ୍ଞସ୍ୟା॑-ତି॒ରିଚ୍ୟ॑ତେ॒ ଵିଷ୍ଣୁ॒-ନ୍ତଚ୍ଛି॑ପିଵି॒ଷ୍ଟମ॒ଭ୍ୟତି॑ ରିଚ୍ୟତେ॒ ତଦ୍ଵିଷ୍ଣୁ॑-ଶ୍ଶିପିଵି॒ଷ୍ଟୋ-ଽତି॑ରିକ୍ତ ଏ॒ଵାତି॑ରିକ୍ତ-ନ୍ଦଧା॒ତ୍ୟଥୋ॒ ଅତି॑ରିକ୍ତେନୈ॒ଵା-ତି॑ରିକ୍ତମା॒ପ୍ତ୍ଵା-ଽଵ॑ ରୁନ୍ଧତେ॒ ୟଦି॑ ମ॒ଦ୍ଧ୍ୟନ୍ଦି॑ନେ॒ ଦୀର୍ୟେ॑ତ ଵଷଟ୍କା॒ରନି॑ଧନ॒ଗ୍ମ୍॒ ସାମ॑ କୁର୍ୟୁର୍ଵଷଟ୍କା॒ରୋ ଵୈ ୟ॒ଜ୍ଞସ୍ୟ॑ ପ୍ରତି॒ଷ୍ଠା ପ୍ର॑ତି॒ଷ୍ଠାମେ॒ଵୈନ॑-ଦ୍ଗମୟନ୍ତି॒ ୟଦି॑ ତୃତୀୟସଵ॒ନ ଏ॒ତଦେ॒ଵ ॥ 14 ॥
(ଛନ୍ଦୋ॑ଭିରେ॒ଵୈଷା॒ – ମଵୈ – କା॒ନ୍ନଵିଗ୍ମ୍॑ଶ॒ତିଶ୍ଚ॑) (ଅ. 5)
ଷ॒ଡ॒ହୈ-ର୍ମାସା᳚ନ୍-ଥ୍ସ॒ମ୍ପାଦ୍ୟାହ॒ରୁ-ଥ୍ସୃ॑ଜନ୍ତି ଷଡ॒ହୈର୍ହି ମାସା᳚ନ୍-ଥ୍ସ॒ମ୍ପଶ୍ୟ॑ନ୍ତ୍ୟ-ର୍ଧମା॒ସୈର୍ମାସା᳚ନ୍-ଥ୍ସ॒ମ୍ପାଦ୍ୟାହ॒ରୁ-ଥ୍ସୃ॑ଜନ୍ତ୍ୟ-ର୍ଧମା॒ସୈର୍ହି ମାସା᳚ନ୍-ଥ୍ସ॒ମ୍ପଶ୍ୟ॑ନ୍ତ୍ୟମାଵା॒ସ୍ୟ॑ୟା॒ ମାସା᳚ନ୍-ଥ୍ସ॒ମ୍ପାଦ୍ୟାହ॒ରୁ-ଥ୍ସୃ॑ଜନ୍ତ୍ୟମାଵା॒ସ୍ୟ॑ୟା॒ ହି ମାସା᳚ନ୍-ଥ୍ସ॒ମ୍ପଶ୍ୟ॑ନ୍ତି ପୌର୍ଣମା॒ସ୍ୟା ମାସା᳚ନ୍-ଥ୍ସ॒ମ୍ପାଦ୍ୟାହ॒ରୁ-ଥ୍ସୃ॑ଜନ୍ତି ପୌର୍ଣମା॒ସ୍ୟା ହି ମାସା᳚ନ୍-ଥ୍ସ॒ମ୍ପଶ୍ୟ॑ନ୍ତି॒ ୟୋ ଵୈ ପୂ॒ର୍ଣ ଆ॑ସି॒ଞ୍ଚତି॒ ପରା॒ ସ ସି॑ଞ୍ଚତି॒ ୟଃ ପୂ॒ର୍ଣାଦୁ॒ଦଚ॑ତି [ ] 15
ପ୍ରା॒ଣମ॑ସ୍ମି॒ନ୍ଥ୍ସ ଦ॑ଧାତି॒ ୟ-ତ୍ପୌ᳚ର୍ଣମା॒ସ୍ୟା ମାସା᳚ନ୍-ଥ୍ସ॒ମ୍ପାଦ୍ୟାହ॑ରୁ-ଥ୍ସୃ॒ଜନ୍ତି॑ ସଂଵଁଥ୍ସ॒ରାୟୈ॒ଵ ତ-ତ୍ପ୍ରା॒ଣ-ନ୍ଦ॑ଧତି॒ ତଦନୁ॑ ସ॒ତ୍ରିଣଃ॒ ପ୍ରାଣ॑ନ୍ତି॒ ୟଦହ॒ର୍ନୋ-ଥ୍ସୃ॒ଜେୟୁ॒ର୍ୟଥା॒ ଦୃତି॒ରୁପ॑ନଦ୍ଧୋ ଵି॒ପତ॑ତ୍ୟେ॒ଵଗ୍ମ୍ ସଂ॑ଵଁଥ୍ସ॒ରୋ ଵି ପ॑ତେ॒ଦାର୍ତି॒-ମାର୍ଚ୍ଛେ॑ୟୁ॒ର୍ୟ-ତ୍ପୌ᳚ର୍ଣମା॒ସ୍ୟା ମାସା᳚ନ୍-ଥ୍ସ॒ମ୍ପାଦ୍ୟାହ॑ରୁ-ଥ୍ସୃ॒ଜନ୍ତି॑ ସଂଵଁଥ୍ସ॒ରାୟୈ॒ଵ ତଦୁ॑ଦା॒ନ-ନ୍ଦ॑ଧତି॒ ତଦନୁ॑ ସ॒ତ୍ରିଣ॒ ଉ- [ସ॒ତ୍ରିଣ॒ ଉତ୍, ଅ॒ନ॒ନ୍ତି॒ ନା-ଽଽର୍ତି॒-ମାର୍ଚ୍ଛ॑ନ୍ତି] 16
-ଦ॑ନନ୍ତି॒ ନା-ଽଽର୍ତି॒-ମାର୍ଚ୍ଛ॑ନ୍ତି ପୂ॒ର୍ଣମା॑ସେ॒ ଵୈ ଦେ॒ଵାନାଗ୍ମ୍॑ ସୁ॒ତୋ ୟ-ତ୍ପୌ᳚ର୍ଣମା॒ସ୍ୟା ମାସା᳚ନ୍-ଥ୍ସ॒ମ୍ପାଦ୍ୟାହ॑ରୁ-ଥ୍ସୃ॒ଜନ୍ତି॑ ଦେ॒ଵାନା॑ମେ॒ଵ ତ-ଦ୍ୟ॒ଜ୍ଞେନ॑ ୟ॒ଜ୍ଞ-ମ୍ପ୍ର॒ତ୍ୟଵ॑ରୋହନ୍ତି॒ ଵି ଵା ଏ॒ତ-ଦ୍ୟ॒ଜ୍ଞ-ଞ୍ଛି॑ନ୍ଦନ୍ତି॒ ୟ-ଥ୍ଷ॑ଡ॒ହସ॑ତନ୍ତ॒ଗ୍ମ୍॒ ସନ୍ତ॒ମଥାହ॑ରୁ-ଥ୍ସୃ॒ଜନ୍ତି॑ ପ୍ରାଜାପ॒ତ୍ୟ-ମ୍ପ॒ଶୁମା ଲ॑ଭନ୍ତେ ପ୍ର॒ଜାପ॑ତି॒-ସ୍ସର୍ଵା॑ ଦେ॒ଵତା॑ ଦେ॒ଵତା॑ଭିରେ॒ଵ ୟ॒ଜ୍ଞଗ୍ମ୍ ସ-ନ୍ତ॑ନ୍ଵନ୍ତି॒ ୟନ୍ତି॒ ଵା ଏ॒ତେ ସଵ॑ନା॒ଦ୍ୟେ-ଽହ॑- [ସଵ॑ନା॒ଦ୍ୟେ-ଽହଃ॑, ଉ॒-ଥ୍ସୃ॒ଜନ୍ତି॑] 17
-ରୁ-ଥ୍ସୃ॒ଜନ୍ତି॑ ତୁ॒ରୀୟ॒-ଙ୍ଖଲୁ॒ ଵା ଏ॒ତ-ଥ୍ସଵ॑ନଂ॒-ୟଁ-ଥ୍ସା᳚ନାଂ॒ୟ୍ୟଂ-ୟଁ-ଥ୍ସା᳚ନାଂ॒ୟ୍ୟ-ମ୍ଭଵ॑ତି॒ ତେନୈ॒ଵ ସଵ॑ନା॒ନ୍ନ ୟ॑ନ୍ତି ସମୁପ॒ହୂୟ॑ ଭକ୍ଷୟନ୍ତ୍ୟେ॒ତଥ୍- ସୋ॑ମପୀଥା॒ ହ୍ୟେ॑ତର୍ହି॑ ୟଥାୟତ॒ନଂ-ଵାଁ ଏ॒ତେଷାଗ୍ମ୍॑ ସଵନ॒ଭାଜୋ॑ ଦେ॒ଵତା॑ ଗଚ୍ଛନ୍ତି॒ ୟେ-ଽହ॑ରୁ-ଥ୍ସୃ॒ଜନ୍ତ୍ୟ॑ନୁସଵ॒ନ-ମ୍ପୁ॑ରୋ॒ଡାଶା॒-ନ୍ନିର୍ଵ॑ପନ୍ତି ୟଥାୟତ॒ନାଦେ॒ଵ ସ॑ଵନ॒ଭାଜୋ॑ ଦେ॒ଵତା॒ ଅଵ॑ ରୁନ୍ଧତେ॒ ଽଷ୍ଟାକ॑ପାଲା-ନ୍ପ୍ରାତସ୍ସଵ॒ନ ଏକା॑ଦଶକପାଲା॒-ନ୍ମାଦ୍ଧ୍ୟ॑ନ୍ଦିନେ॒ ସଵ॑ନେ॒ ଦ୍ଵାଦ॑ଶକପାଲାଗ୍-ସ୍ତୃତୀୟସଵ॒ନେ ଛନ୍ଦାଗ୍॑ସ୍ୟେ॒ଵା-ଽଽପ୍ତ୍ଵା -ଽଵ॑ ରୁନ୍ଧତେ ଵୈଶ୍ଵଦେ॒ଵ-ଞ୍ଚ॒ରୁ-ନ୍ତୃ॑ତୀୟସଵ॒ନେ ନିର୍ଵ॑ପନ୍ତି ଵୈଶ୍ଵଦେ॒ଵଂ-ଵୈଁ ତୃ॑ତୀୟସଵ॒ନ-ନ୍ତେନୈ॒ଵ ତୃ॑ତୀୟସଵ॒ନାନ୍ନ ୟ॑ନ୍ତି ॥ 18 ॥
(ଉ॒ଦଚ॒ – ତ୍ୟୁ – ଦ୍ୟେ-ଽହ॑ – ରା॒ପ୍ତ୍ଵା – ପଞ୍ଚ॑ଦଶ ଚ) (ଅ. 6)
ଉ॒ଥ୍ସୃଜ୍ୟାଂ(3)ନୋଥ୍ସୃଜ୍ୟା(3)ମିତି॑ ମୀମାଗ୍ମ୍ସନ୍ତେ ବ୍ରହ୍ମଵା॒ଦିନ॒-ସ୍ତଦ୍ଵା॑ହୁରୁ॒-ଥ୍ସୃଜ୍ୟ॑ମେ॒ଵେତ୍ୟ॑-ମାଵା॒ସ୍ୟା॑ୟା-ଞ୍ଚ ପୌର୍ଣମା॒ସ୍ୟା-ଞ୍ଚୋ॒-ଥ୍ସୃଜ୍ୟ॒ମିତ୍ୟା॑ହୁରେ॒ତେ ହି ୟ॒ଜ୍ଞଂ-ଵଁହ॑ତ॒ ଇତି॒ ତେ ତ୍ଵାଵ ନୋଥ୍ସୃଜ୍ୟେ॒ ଇତ୍ୟା॑ହୁ॒ର୍ୟେ ଅ॑ଵାନ୍ତ॒ରଂ-ୟଁ॒ଜ୍ଞ-ମ୍ଭେ॒ଜାତେ॒ ଇତି॒ ୟା ପ୍ର॑ଥ॒ମା ଵ୍ୟ॑ଷ୍ଟକା॒ ତସ୍ୟା॑ମୁ॒-ଥ୍ସୃଜ୍ୟ॒ମିତ୍ୟା॑ହୁରେ॒ଷ ଵୈ ମା॒ସୋ ଵି॑ଶ॒ର ଇତି॒ ନା-ଽଽଦି॑ଷ୍ଟ॒- [ନା-ଽଽଦି॑ଷ୍ଟମ୍, ଉଥ୍ସୃ॑ଜେୟୁ॒-] 19
-ମୁଥ୍ସୃ॑ଜେୟୁ॒-ର୍ୟଦାଦି॑ଷ୍ଟ-ମୁଥ୍ସୃ॒ଜେୟୁ॑ର୍ୟା॒ଦୃଶେ॒ ପୁନଃ॑ ପର୍ୟାପ୍ଲା॒ଵେ ମଦ୍ଧ୍ୟେ॑ ଷଡ॒ହସ୍ୟ॑ ସ॒ମ୍ପଦ୍ୟେ॑ତ ଷଡ॒ହୈର୍ମାସା᳚ନ୍-ଥ୍ସ॒ମ୍ପାଦ୍ୟ॒ ୟ-ଥ୍ସ॑ପ୍ତ॒ମ- ମହ॒ସ୍ତସ୍ମି॒ନ୍ନୁ-ଥ୍ସୃ॑ଜେୟୁ॒-ସ୍ତଦ॒ଗ୍ନୟେ॒ ଵସୁ॑ମତେ ପୁରୋ॒ଡାଶ॑ମ॒ଷ୍ଟାକ॑ପାଲ॒-ନ୍ନିର୍ଵ॑ପେୟୁରୈ॒ନ୍ଦ୍ର-ନ୍ଦଧୀନ୍ଦ୍ରା॑ୟ ମ॒ରୁତ୍ଵ॑ତେ ପୁରୋ॒ଡାଶ॒ମେକା॑ଦଶକପାଲଂ-ଵୈଁଶ୍ଵଦେ॒ଵ-ନ୍ଦ୍ଵାଦ॑ଶକପାଲମ॒ଗ୍ନେର୍ଵୈ ଵସୁ॑ମତଃ ପ୍ରାତସ୍ସଵ॒ନଂ-ୟଁଦ॒ଗ୍ନୟେ॒ ଵସୁ॑ମତେ ପୁରୋ॒ଡାଶ॑ମ॒ଷ୍ଟାକ॑ପାଲ-ନ୍ନି॒ର୍ଵପ॑ନ୍ତି ଦେ॒ଵତା॑ମେ॒ଵ ତ-ଦ୍ଭା॒ଗିନୀ᳚-ଙ୍କୁ॒ର୍ଵନ୍ତି॒ [-ଙ୍କୁ॒ର୍ଵନ୍ତି॑, ସଵ॑ନ] 20
ସଵ॑ନ-ମଷ୍ଟା॒ଭିରୁପ॑ ୟନ୍ତି॒ ୟଦୈ॒ନ୍ଦ୍ର-ନ୍ଦଧି॒ ଭଵ॒ତୀନ୍ଦ୍ର॑ମେ॒ଵ ତ-ଦ୍ଭା॑ଗ॒ଧେୟା॒ନ୍ନ ଚ୍ୟା॑ଵୟ॒ନ୍ତୀନ୍ଦ୍ର॑ସ୍ୟ॒ ଵୈ ମ॒ରୁତ୍ଵ॑ତୋ॒ ମାଦ୍ଧ୍ୟ॑ନ୍ଦିନ॒ଗ୍ମ୍॒ ସଵ॑ନଂ॒-ୟଁଦିନ୍ଦ୍ରା॑ୟ ମ॒ରୁତ୍ଵ॑ତେ ପୁରୋ॒ଡାଶ॒ମେକା॑ଦଶକପାଲ-ନ୍ନି॒ର୍ଵପ॑ନ୍ତି ଦେ॒ଵତା॑ମେ॒ଵ ତ-ଦ୍ଭା॒ଗିନୀ᳚-ଙ୍କୁ॒ର୍ଵନ୍ତି॒ ସଵ॑ନମେକାଦ॒ଶଭି॒ରୁପ॑ ୟନ୍ତି॒ ଵିଶ୍ଵେ॑ଷାଂ॒-ଵୈଁ ଦେ॒ଵାନା॑ମୃଭୁ॒ମତା᳚-ନ୍ତୃତୀୟସଵ॒ନଂୟଁ-ଦ୍ଵୈ᳚ଶ୍ଵଦେ॒ଵ-ନ୍ଦ୍ଵାଦ॑ଶକପାଲ-ନ୍ନି॒ର୍ଵପ॑ନ୍ତି ଦେ॒ଵତା॑ ଏ॒ଵ ତ-ଦ୍ଭା॒ଗିନୀଃ᳚ କୁ॒ର୍ଵନ୍ତି॒ ସଵ॑ନ-ନ୍ଦ୍ଵାଦ॒ଶଭି॒- [ସଵ॑ନ-ନ୍ଦ୍ଵାଦ॒ଶଭିଃ॑, ଉପ॑ ୟନ୍ତି] 21
-ରୁପ॑ ୟନ୍ତି ପ୍ରାଜାପ॒ତ୍ୟ-ମ୍ପ॒ଶୁମା ଲ॑ଭନ୍ତେ ୟ॒ଜ୍ଞୋ ଵୈ ପ୍ର॒ଜାପ॑ତି-ର୍ୟ॒ଜ୍ଞସ୍ୟା-ନ॑ନୁସର୍ଗାୟାଭିଵ॒ର୍ତ ଇ॒ତ-ଷ୍ଷଣ୍ମା॒ସୋ ବ୍ର॑ହ୍ମସା॒ମ-ମ୍ଭ॑ଵତି॒ ବ୍ରହ୍ମ॒ ଵା ଅ॑ଭିଵ॒ର୍ତୋ ବ୍ରହ୍ମ॑ଣୈ॒ଵ ତ-ଥ୍ସୁ॑ଵ॒ର୍ଗଂ-ଲୋଁ॒କ-ମ॑ଭିଵ॒ର୍ତୟ॑ନ୍ତୋ ୟନ୍ତି ପ୍ରତିକୂ॒ଲମି॑ଵ॒ ହୀତ-ସ୍ସୁ॑ଵ॒ର୍ଗୋ ଲୋ॒କ ଇନ୍ଦ୍ର॒ କ୍ରତୁ॑-ନ୍ନ॒ ଆ ଭ॑ର ପି॒ତା ପୁ॒ତ୍ରେଭ୍ୟୋ॒ ୟଥା᳚ । ଶିକ୍ଷା॑ ନୋ ଅ॒ସ୍ମି-ନ୍ପୁ॑ରୁହୂତ॒ ୟାମ॑ନି ଜୀ॒ଵା ଜ୍ୟୋତି॑-ରଶୀମ॒ହୀତ୍ୟ॒-ମୁତ॑ ଆୟ॒ତାଗ୍ମ୍ ଷଣ୍ମା॒ସୋ ବ୍ର॑ହ୍ମସା॒ମ-ମ୍ଭ॑ଵତ୍ୟ॒ୟଂ-ଵୈଁ ଲୋ॒କୋ ଜ୍ୟୋତିଃ॑ ପ୍ର॒ଜା ଜ୍ୟୋତି॑ରି॒ମମେ॒ଵ ତଲ୍ଲୋ॒କ-ମ୍ପଶ୍ୟ॑ନ୍ତୋ-ଽଭି॒ଵଦ॑ନ୍ତ॒ ଆ ୟ॑ନ୍ତି ॥ 22 ॥
(ନା-ଽଽଦି॑ଷ୍ଟଂ – କୁ॒ର୍ଵନ୍ତି॑ – ଦ୍ଵାଦ॒ଶଭି॒ – ରିତି॑- ଵିଗ୍ମ୍ଶ॒ତିଶ୍ଚ॑) (ଅ. 7)
ଦେ॒ଵାନାଂ॒-ଵାଁ ଅନ୍ତ॑-ଞ୍ଜ॒ଗ୍ମୁଷା॑ମିନ୍ଦ୍ରି॒ୟଂ-ଵୀଁ॒ର୍ୟ॑-ମପା᳚କ୍ରାମ॒-ତ୍ତ-ତ୍କ୍ରୋ॒ଶେନାଵା॑ରୁନ୍ଧତ॒ ତ-ତ୍କ୍ରୋ॒ଶସ୍ୟ॑ କ୍ରୋଶ॒ତ୍ଵଂ-ୟଁ-ତ୍କ୍ରୋ॒ଶେନ॒ ଚାତ୍ଵା॑ଲ॒ସ୍ୟାନ୍ତେ᳚ ସ୍ତୁ॒ଵନ୍ତି॑ ୟ॒ଜ୍ଞସ୍ୟୈ॒ଵାନ୍ତ॑-ଙ୍ଗ॒ତ୍ଵେନ୍ଦ୍ରି॒ୟଂ-ଵୀଁ॒ର୍ୟ॑ମଵ॑ ରୁନ୍ଧତେ ସ॒ତ୍ରସ୍ୟର୍ଧ୍ୟା॑ ଽଽହଵ॒ନୀୟ॒ସ୍ୟାନ୍ତେ᳚ ସ୍ତୁଵନ୍ତ୍ୟ॒ଗ୍ନି-ମେ॒ଵୋପ॑-ଦ୍ର॒ଷ୍ଟାର॑-ଙ୍କୃ॒ତ୍ଵର୍ଧି॒ମୁପ॑ ୟନ୍ତି ପ୍ର॒ଜାପ॑ତେ॒ର୍॒ହୃଦ॑ୟେନ ହଵି॒ର୍ଧାନେ॒-ଽନ୍ତ-ସ୍ସ୍ତୁ॑ଵନ୍ତି ପ୍ରେ॒ମାଣ॑ମେ॒ଵାସ୍ୟ॑ ଗଚ୍ଛନ୍ତି ଶ୍ଲୋ॒କେନ॑ ପୁ॒ରସ୍ତା॒-ଥ୍ସଦ॑ସ- [ପୁ॒ରସ୍ତା॒-ଥ୍ସଦ॑ସଃ, ସ୍ତୁ॒ଵ॒ନ୍ତ୍ୟନୁ॑ଶ୍ଲୋକେନ] 23
-ସ୍ସ୍ତୁଵ॒ନ୍ତ୍ୟନୁ॑ଶ୍ଲୋକେନ ପ॒ଶ୍ଚା-ଦ୍ୟ॒ଜ୍ଞସ୍ୟୈ॒ଵାନ୍ତ॑-ଙ୍ଗ॒ତ୍ଵା ଶ୍ଲୋ॑କ॒ଭାଜୋ॑ ଭଵନ୍ତି ନ॒ଵଭି॑-ରଦ୍ଧ୍ଵ॒ର୍ୟୁରୁ-ଦ୍ଗା॑ୟତି॒ ନଵ॒ ଵୈ ପୁରୁ॑ଷେ ପ୍ରା॒ଣାଃ ପ୍ରା॒ଣାନେ॒ଵ ୟଜ॑ମାନେଷୁ ଦଧାତି॒ ସର୍ଵା॑ ଐ॒ନ୍ଦ୍ରିୟୋ॑ ଭଵନ୍ତି ପ୍ରା॒ଣେଷ୍ଵେ॒ଵେନ୍ଦ୍ରି॒ୟ-ନ୍ଦ॑ଧ॒-ତ୍ୟପ୍ର॑ତିହୃତାଭି॒ରୁ-ଦ୍ଗା॑ୟତି॒ ତସ୍ମା॒-ତ୍ପୁରୁ॑ଷ॒-ସ୍ସର୍ଵା᳚ଣ୍ୟ॒ନ୍ୟାନି॑ ଶୀ॒ର୍ଷ୍ଣୋ-ଽଙ୍ଗା॑ନି॒ ପ୍ରତ୍ୟ॑ଚତି॒ ଶିର॑ ଏ॒ଵ ନ ପ॑ଞ୍ଚଦ॒ଶଗ୍ମ୍ର॑ଥନ୍ତ॒ର-ମ୍ଭ॑ଵତୀନ୍ଦ୍ରି॒ୟମେ॒ଵାଵ॑ ରୁନ୍ଧତେ ସପ୍ତଦ॒ଶ- [ସପ୍ତଦ॒ଶମ୍, ବୃ॒ହ-ଦ॒ନ୍ନାଦ୍ୟ॒ସ୍ୟା] 24
-ମ୍ବୃ॒ହ-ଦ॒ନ୍ନାଦ୍ୟ॒ସ୍ୟା-ଽଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତେନ॑ ଜାୟନ୍ତ ଏକଵି॒ଗ୍ମ୍॒ଶ-ମ୍ଭ॒ଦ୍ର-ନ୍ଦ୍ଵି॒ପଦା॑ସୁ॒ ପ୍ରତି॑ଷ୍ଠିତ୍ୟୈ॒ ପତ୍ନ॑ୟ॒ ଉପ॑ ଗାୟନ୍ତି ମିଥୁନ॒ତ୍ଵାୟ॒ ପ୍ରଜା᳚ତ୍ୟୈ ପ୍ର॒ଜା॑ପତିଃ ପ୍ର॒ଜା ଅ॑ସୃଜତ॒ ସୋ॑-ଽକାମୟତା॒-ଽଽସାମ॒ହଗ୍ମ୍ ରା॒ଜ୍ୟ-ମ୍ପରୀ॑ୟା॒ମିତି॒ ତାସାଗ୍ମ୍॑ ରାଜ॒ନେନୈ॒ଵ ରା॒ଜ୍ୟ-ମ୍ପର୍ୟୈ॒-ତ୍ତ-ଦ୍ରା॑ଜ॒ନସ୍ୟ॑ ରାଜନ॒ତ୍ଵଂ-ୟଁ-ଦ୍ରା॑ଜ॒ନ-ମ୍ଭଵ॑ତି ପ୍ର॒ଜାନା॑ମେ॒ଵ ତ-ଦ୍ୟଜ॑ମାନା ରା॒ଜ୍ୟ-ମ୍ପରି॑ ୟନ୍ତି ପଞ୍ଚଵି॒ଗ୍ମ୍॒ଶ-ମ୍ଭ॑ଵତି ପ୍ର॒ଜାପ॑ତେ॒- [ପ୍ର॒ଜାପ॑ତେଃ, ଆପ୍ତ୍ୟୈ॑ ପ॒ଞ୍ଚଭି॒-ସ୍ତିଷ୍ଠ॑ନ୍ତ-ସ୍ସ୍ତୁଵନ୍ତି] 25
-ରାପ୍ତ୍ୟୈ॑ ପ॒ଞ୍ଚଭି॒-ସ୍ତିଷ୍ଠ॑ନ୍ତ-ସ୍ସ୍ତୁଵନ୍ତି ଦେଵଲୋ॒କମେ॒ଵାଭି ଜ॑ୟନ୍ତି ପ॒ଞ୍ଚଭି॒ରାସୀ॑ନା ମନୁଷ୍ୟଲୋ॒କମେ॒ଵାଭି ଜ॑ୟନ୍ତି॒ ଦଶ॒ ସମ୍ପ॑ଦ୍ୟନ୍ତେ॒ ଦଶା᳚କ୍ଷରା ଵି॒ରାଡନ୍ନଂ॑-ଵିଁ॒ରା-ଡ୍ଵି॒ରାଜୈ॒ଵା-ନ୍ନାଦ୍ୟ॒ମଵ॑ ରୁନ୍ଧତେ ପଞ୍ଚ॒ଧା ଵି॑ନି॒ଷଦ୍ୟ॑ ସ୍ତୁଵନ୍ତି॒ ପଞ୍ଚ॒ ଦିଶୋ॑ ଦି॒କ୍ଷ୍ଵେ॑ଵ ପ୍ରତି॑ତିଷ୍ଠ॒ନ୍ତ୍ୟେକୈ॑କ॒ୟା-ଽସ୍ତୁ॑ତୟା ସ॒ମାୟ॑ନ୍ତି ଦି॒ଗ୍ଭ୍ୟ ଏ॒ଵାନ୍ନାଦ୍ୟ॒ଗ୍ମ୍॒ ସ-ମ୍ଭ॑ରନ୍ତି॒ ତାଭି॑-ରୁଦ୍ଗା॒ତୋ-ଦ୍ଗା॑ୟତି ଦି॒ଗ୍ଭ୍ୟ ଏ॒ଵା-ଽନ୍ନାଦ୍ୟଗ୍ମ୍॑ [ଏ॒ଵା-ଽନ୍ନାଦ୍ୟ᳚ମ୍, ସ॒ମ୍ଭୃତ୍ୟ॒ ତେଜ॑] 26
ସ॒ମ୍ଭୃତ୍ୟ॒ ତେଜ॑ ଆ॒ତ୍ମ-ନ୍ଦ॑ଧତେ॒ ତସ୍ମା॒ଦେକଃ॑ ପ୍ରା॒ଣ-ସ୍ସର୍ଵା॒ଣ୍ୟଙ୍ଗା᳚ନ୍ୟଵ॒ତ୍ୟଥୋ॒ ୟଥା॑ ସୁପ॒ର୍ଣ ଉ॑ତ୍ପତି॒ଷ୍ୟଞ୍ଛିର॑ ଉତ୍ତ॒ମ-ଙ୍କୁ॑ରୁ॒ତ ଏ॒ଵମେ॒ଵ ତ-ଦ୍ୟଜ॑ମାନାଃ ପ୍ର॒ଜାନା॑ମୁତ୍ତ॒ମା ଭ॑ଵନ୍ତ୍ୟାସ॒ନ୍ଦୀ-ମୁ॑ଦ୍ଗା॒ତା ଽଽରୋ॑ହତି॒ ସାମ୍ରା᳚ଜ୍ୟମେ॒ଵ ଗ॑ଚ୍ଛନ୍ତି ପ୍ଲେ॒ଙ୍ଖଗ୍ମ୍ ହୋତା॒ ନାକ॑ସ୍ୟୈ॒ଵ ପୃ॒ଷ୍ଠଗ୍ମ୍ ରୋ॑ହନ୍ତି କୂ॒ର୍ଚାଵ॑ଦ୍ଧ୍ଵ॒ର୍ୟୁ-ର୍ବ୍ର॒ଦ୍ଧ୍ନସ୍ୟୈ॒ଵ ଵି॒ଷ୍ଟପ॑-ଙ୍ଗଚ୍ଛନ୍ତ୍ୟେ॒ତାଵ॑ନ୍ତୋ॒ ଵୈ ଦେ॑ଵଲୋ॒କାସ୍ତେଷ୍ଵେ॒ଵ ୟ॑ଥାପୂ॒ର୍ଵ-ମ୍ପ୍ରତି॑ ତିଷ୍ଠ॒ନ୍ତ୍ୟଥୋ॑ ଆ॒କ୍ରମ॑ଣମେ॒ଵ ତ-ଥ୍ସେତୁଂ॒-ୟଁଜ॑ମାନାଃ କୁର୍ଵତେ ସୁଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟୈ ॥ 27 ॥
(ସଦ॑ସଃ-ସପ୍ତଦ॒ଶଂ-ପ୍ର॒ଜାପ॑ତେ-ର୍ଗାୟତି ଦି॒ଗ୍ଭ୍ୟ ଏ॒ଵାନ୍ନାଦ୍ୟଂ॒-ପ୍ରତ୍ୟେ-କା॑ଦଶ ଚ) (ଅ. 8)
ଅ॒ର୍କ୍ୟେ॑ଣ॒ ଵୈ ସ॑ହସ୍ର॒ଶଃ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ତାଭ୍ୟ॒ ଇଲା᳚ଦେ॒ନ୍ନେରାଂ॒-ଲୂଁତା॒ମଵା॑ରୁନ୍ଧ॒ ୟଦ॒ର୍କ୍ୟ॑-ମ୍ଭଵ॑ତି ପ୍ର॒ଜା ଏ॒ଵ ତ-ଦ୍ୟଜ॑ମାନା-ସ୍ସୃଜନ୍ତ॒ ଇଲା᳚ଦ-ମ୍ଭଵତି ପ୍ର॒ଜାଭ୍ୟ॑ ଏ॒ଵ ସୃ॒ଷ୍ଟାଭ୍ୟ॒ ଇରାଂ॒-ଲୂଁତା॒ମଵ॑ ରୁନ୍ଧତେ॒ ତସ୍ମା॒ଦ୍ୟାଗ୍ମ୍ ସମାଗ୍ମ୍॑ ସ॒ତ୍ରଗ୍ମ୍ ସମୃ॑ଦ୍ଧ॒-ଙ୍କ୍ଷୋଧୁ॑କା॒ସ୍ତାଗ୍ମ୍ ସମା᳚-ମ୍ପ୍ର॒ଜା ଇଷ॒ଗ୍ଗ୍॒ ହ୍ୟା॑ସା॒ମୂର୍ଜ॑ମା॒ଦଦ॑ତେ॒ ୟାଗ୍ମ୍ ସମାଂ॒-ଵ୍ୟୃଁ॑ଦ୍ଧ॒-ମକ୍ଷୋ॑ଧୁକା॒ସ୍ତାଗ୍ମ୍ ସମା᳚-ମ୍ପ୍ର॒ଜା [ସମା᳚-ମ୍ପ୍ର॒ଜାଃ, ନ ହ୍ୟା॑ସା॒ମିଷ॒] 28
ନ ହ୍ୟା॑ସା॒ମିଷ॒-ମୂର୍ଜ॑-ମା॒ଦଦ॑ତ ଉତ୍କ୍ରୋ॒ଦ-ଙ୍କୁ॑ର୍ଵତେ॒ ୟଥା॑ ବ॒ନ୍ଧା-ନ୍ମୁ॑ମୁଚା॒ନା ଉ॑ତ୍କ୍ରୋ॒ଦ-ଙ୍କୁ॒ର୍ଵତ॑ ଏ॒ଵମେ॒ଵ ତ-ଦ୍ୟଜ॑ମାନା ଦେଵବ॒ନ୍ଧା-ନ୍ମୁ॑ମୁଚା॒ନା ଉ॑ତ୍କ୍ରୋ॒ଦ-ଙ୍କୁ॑ର୍ଵତ॒ ଇଷ॒ମୂର୍ଜ॑ମା॒ତ୍ମ-ନ୍ଦଧା॑ନା ଵା॒ଣ-ଶ୍ଶ॒ତତ॑ନ୍ତୁର୍ଭଵତି ଶ॒ତାୟୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ୟ॒ ଆୟୁ॑ଷ୍ୟେ॒ଵେନ୍ଦ୍ରି॒ୟେ ପ୍ରତି॑ ତିଷ୍ଠନ୍ତ୍ୟା॒ଜି-ନ୍ଧା॑ଵ॒ନ୍ତ୍ୟନ॑ଭିଜିତସ୍ୟା॒-ଭିଜି॑ତ୍ୟୈ ଦୁନ୍ଦୁ॒ଭୀନ୍-ଥ୍ସ॒ମାଘ୍ନ॑ନ୍ତି ପର॒ମା ଵା ଏ॒ଷା ଵାଗ୍ୟା ଦୁ॑ନ୍ଦୁ॒ଭୌ ପ॑ର॒ମାମେ॒ଵ [ ] 29
ଵାଚ॒ମଵ॑ ରୁନ୍ଧତେ ଭୂମିଦୁନ୍ଦୁ॒ଭିମା ଘ୍ନ॑ନ୍ତି॒ ୟୈଵେମାଂ-ଵାଁ-କ୍ପ୍ରଵି॑ଷ୍ଟା॒ ତାମେ॒ଵାଵ॑ ରୁନ୍ଧ॒ତେ ଽଥୋ॑ ଇ॒ମାମେ॒ଵ ଜ॑ୟନ୍ତି॒ ସର୍ଵା॒ ଵାଚୋ॑ ଵଦନ୍ତି॒ ସର୍ଵା॑ସାଂ-ଵାଁ॒ଚାମଵ॑ରୁଦ୍ଧ୍ୟା ଆ॒ର୍ଦ୍ରେଚର୍ମ॒ନ୍ ଵ୍ୟାୟ॑ଚ୍ଛେତେ ଇନ୍ଦ୍ରି॒ୟସ୍ୟା ଵ॑ରୁଦ୍ଧ୍ୟା॒ ଆ-ଽନ୍ୟଃ କ୍ରୋଶ॑ତି॒ ପ୍ରାନ୍ୟ-ଶ୍ଶଗ୍ମ୍॑ସତି॒ ୟ ଆ॒କ୍ରୋଶ॑ତି ପୁ॒ନାତ୍ୟେ॒ଵୈନା॒ନ୍ଥ୍ସ ୟଃ ପ୍ର॒ଶଗ୍ମ୍ସ॑ତି ପୂ॒ତେଷ୍ଵେ॒ଵା-ଽନ୍ନାଦ୍ୟ॑-ନ୍ଦଧା॒ତ୍ୟୃଷି॑କୃତ-ଞ୍ଚ॒ [-ନ୍ଦଧା॒ତ୍ୟୃଷି॑କୃତ-ଞ୍ଚ॒, ଵା ଏ॒ତେ] 30
ଵା ଏ॒ତେ ଦେ॒ଵକୃ॑ତ-ଞ୍ଚ॒ ପୂର୍ଵୈ॒ର୍ମାସୈ॒ରଵ॑ ରୁନ୍ଧତେ॒ ୟ-ଦ୍ଭୂ॑ତେ॒ଚ୍ଛଦା॒ଗ୍ମ୍॒ ସାମା॑ନି॒ ଭଵ॑ନ୍ତ୍ୟୁ॒ଭୟ॒ସ୍ୟାଵ॑ରୁଦ୍ଧ୍ୟୈ॒ ୟନ୍ତି॒ ଵା ଏ॒ତେ ମି॑ଥୁ॒ନାଦ୍ୟେ ସଂ॑ଵଁଥ୍ସ॒ର-ମୁ॑ପ॒ୟନ୍ତ୍ୟ॑ନ୍ତର୍ଵେ॒ଦି ମି॑ଥୁ॒ନୌ ସ-ମ୍ଭ॑ଵତ॒ସ୍ତେନୈ॒ଵ ମି॑ଥୁ॒ନାନ୍ନ ୟ॑ନ୍ତି ॥ 31 ॥
(ଵ୍ୟୃ॑ଦ୍ଧ॒ମକ୍ଷୋ॑ଧୁକା॒ସ୍ତାଗ୍ମ୍ ସମା᳚-ମ୍ପ୍ର॒ଜାଃ – ପ॑ର॒ମାମେ॒ଵ – ଚ॑ – ତ୍ରି॒ଗ୍ମ୍॒ଶଚ୍ଚ॑) (ଅ. 9)
ଚର୍ମାଵ॑ ଭିନ୍ଦନ୍ତି ପା॒ପ୍ମାନ॑ମେ॒ଵୈଷା॒ମଵ॑ ଭିନ୍ଦନ୍ତି॒ ମା-ଽପ॑ ରାଥ୍ସୀ॒ର୍ମା-ଽତି॑ ଵ୍ୟାଥ୍ସୀ॒ରିତ୍ୟା॑ହ ସମ୍ପ୍ର॒ତ୍ୟେ॑ଵୈଷା᳚-ମ୍ପା॒ପ୍ମାନ॒ମଵ॑ ଭିନ୍ଦନ୍ତ୍ୟୁଦକୁ॒ମ୍ଭାନ॑ଧିନି॒ଧାୟ॑ ଦା॒ସ୍ୟୋ॑ ମାର୍ଜା॒ଲୀୟ॒-ମ୍ପରି॑ ନୃତ୍ୟନ୍ତି ପ॒ଦୋ ନି॑ଘ୍ନ॒ତୀରି॒ଦମ୍ମ॑ଧୁ॒-ଙ୍ଗାୟ॑ନ୍ତ୍ୟୋ॒ ମଧୁ॒ ଵୈ ଦେ॒ଵାନା᳚-ମ୍ପର॒ମ-ମ॒ନ୍ନାଦ୍ୟ॑-ମ୍ପର॒ମମେ॒ଵା-ନ୍ନାଦ୍ୟ॒ମଵ॑ ରୁନ୍ଧତେ ପ॒ଦୋ ନି ଘ୍ନ॑ନ୍ତି ମହୀ॒ୟାମେ॒ଵୈଷୁ॑ ଦଧତି ॥ 32 ॥
(ଚର୍ମୈ – କା॒ନ୍ନପ॑ଞ୍ଚା॒ଶତ୍) (ଅ. 10)
ପୃ॒ଥି॒ଵ୍ୟୈ ସ୍ଵାହା॒ ଽନ୍ତରି॑କ୍ଷାୟ॒ ସ୍ଵାହା॑ ଦି॒ଵେ ସ୍ଵାହା॑ ସମ୍ପ୍ଲୋଷ୍ୟ॒ତେ ସ୍ଵାହା॑ ସ॒ପ୍ଲଂଵଁ॑ମାନାୟ॒ ସ୍ଵାହା॒ ସମ୍ପ୍ଲୁ॑ତାୟ॒ ସ୍ଵାହା॑ ମେଘାୟିଷ୍ୟ॒ତେ ସ୍ଵାହା॑ ମେଘାୟ॒ତେ ସ୍ଵାହା॑ ମେଘି॒ତାୟ॒ ସ୍ଵାହା॑ ମେ॒ଘାୟ॒ ସ୍ଵାହା॑ ନୀହା॒ରାୟ॒ ସ୍ଵାହା॑ ନି॒ହାକା॑ୟୈ॒ ସ୍ଵାହା᳚ ପ୍ରାସ॒ଚାୟ॒ ସ୍ଵାହା᳚ ପ୍ରଚ॒ଲାକା॑ୟୈ॒ ସ୍ଵାହା॑ ଵିଦ୍ୟୋତିଷ୍ୟ॒ତେ ସ୍ଵାହା॑ ଵି॒ଦ୍ୟୋତ॑ମାନାୟ॒ ସ୍ଵାହା॑ ସଂଵିଁ॒ଦ୍ୟୋତ॑ମାନାୟ॒ ସ୍ଵାହା᳚ ସ୍ତନୟିଷ୍ୟ॒ତେ ସ୍ଵାହା᳚ ସ୍ତ॒ନୟ॑ତେ॒ ସ୍ଵାହୋ॒ -ଗ୍ରଗ୍ଗ୍ ସ୍ତ॒ନୟ॑ତେ॒ ସ୍ଵାହା॑ ଵର୍ଷିଷ୍ୟ॒ତେ ସ୍ଵାହା॒ ଵର୍ଷ॑ତେ॒ ସ୍ଵାହା॑ ଽଭି॒ଵର୍ଷ॑ତେ॒ ସ୍ଵାହା॑ ପରି॒ଵର୍ଷ॑ତେ॒ ସ୍ଵାହା॑ ସଂ॒ଵଁର୍ଷ॑ତେ॒ [ସଂ॒ଵଁର୍ଷ॑ତେ, ସ୍ଵାହା॑ ଽନୁ॒ଵର୍ଷ॑ତେ॒ ସ୍ଵାହା॑] 33
ସ୍ଵାହା॑ ଽନୁ॒ଵର୍ଷ॑ତେ॒ ସ୍ଵାହା॑ ଶୀକାୟିଷ୍ୟ॒ତେ ସ୍ଵାହା॑ ଶୀକାୟ॒ତେ ସ୍ଵାହା॑ ଶୀକି॒ତାୟ॒ ସ୍ଵାହା᳚ପ୍ରୋଷିଷ୍ୟ॒ତେ ସ୍ଵାହା᳚ ପ୍ରୁଷ୍ଣ॒ତେ ସ୍ଵାହା॑ ପରିପ୍ରୁଷ୍ଣ॒ତେ ସ୍ଵାହୋ᳚-ଦ୍ଗ୍ରହୀଷ୍ୟ॒ତେ ସ୍ଵାହୋ᳚ ଦ୍ଗୃହ୍ଣ॒ତେ ସ୍ଵାହୋ-ଦ୍ଗୃ॑ହୀତାୟ॒ ସ୍ଵାହା॑ ଵିପ୍ଲୋଷ୍ୟ॒ତେ ସ୍ଵାହା॑ ଵି॒ପ୍ଲଵ॑ମାନାୟ॒ ସ୍ଵାହା॒ ଵିପ୍ଲୁ॑ତାୟ॒ ସ୍ଵାହା॑ ଽଽତଫ୍ସ୍ୟ॒ତେ ସ୍ଵାହା॒ ଽଽତପ॑ତେ ॒ସ୍ଵାହୋ॒-ଗ୍ରମା॒ତପ॑ତେ॒ ସ୍ଵାହ॒ -ର୍ଗ୍ଭ୍ୟ-ସ୍ସ୍ଵାହା॒ ୟଜୁ॑ର୍ଭ୍ୟ॒-ସ୍ସ୍ଵାହା॒ ସାମ॑ଭ୍ୟ॒-ସ୍ସ୍ଵାହା ଽଙ୍ଗି॑ରୋଭ୍ୟ॒-ସ୍ସ୍ଵାହା॒ ଵେଦେ᳚ଭ୍ୟ॒-ସ୍ସ୍ଵାହା॒ ଗାଥା᳚ଭ୍ୟ॒-ସ୍ସ୍ଵାହା॑ ନାରାଶ॒ଗ୍ମ୍॒ସୀଭ୍ୟ॒-ସ୍ସ୍ଵାହା॒ ରୈଭୀ᳚ଭ୍ୟ॒-ସ୍ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 34 ॥
(ସଂ॒ଵଁର୍ଷ॑ତେ॒ – ରୈଭୀ᳚ଭ୍ୟ॒-ସ୍ସ୍ଵାହା॒ – ଦ୍ଵେ ଚ॑) (ଅ. 11)
ଦ॒ତ୍ଵତେ॒ ସ୍ଵାହା॑ ଽଦ॒ନ୍ତକା॑ୟ॒ ସ୍ଵାହା᳚ ପ୍ରା॒ଣିନେ॒ ସ୍ଵାହା᳚ ଽପ୍ରା॒ଣାୟ॒ ସ୍ଵାହା॒ ମୁଖ॑ଵତେ॒ ସ୍ଵାହା॑-ଽମୁ॒ଖାୟ॒ ସ୍ଵାହା॒ ନାସି॑କଵତେ॒ ସ୍ଵାହା॑ ଽନାସି॒କାୟ॒ ସ୍ଵାହା᳚ ଽକ୍ଷ॒ଣ୍ଵତେ॒ ସ୍ଵାହା॑-ଽନ॒କ୍ଷିକା॑ୟ॒ ସ୍ଵାହା॑ କ॒ର୍ଣିନେ॒ ସ୍ଵାହା॑ ଽକ॒ର୍ଣକା॑ୟ॒ ସ୍ଵାହା॑ ଶୀର୍ଷ॒ଣ୍ଵତେ॒ ସ୍ଵାହା॑-ଽଶୀ॒ର୍॒ଷକା॑ୟ॒ ସ୍ଵାହା॑ ପ॒ଦ୍ଵତେ॒ ସ୍ଵାହା॑ ଽପା॒ଦକା॑ୟ॒ ସ୍ଵାହା᳚ ପ୍ରାଣ॒ତେ ସ୍ଵାହା ଽପ୍ରା॑ଣତେ॒ ସ୍ଵାହା॒ ଵଦ॑ତେ॒ ସ୍ଵାହା ଽଵ॑ଦତେ॒ ସ୍ଵାହା॒ ପଶ୍ୟ॑ତେ॒ ସ୍ଵାହା ଽପ॑ଶ୍ୟତେ॒ ସ୍ଵାହା॑ ଶୃଣ୍ଵ॒ତେ ସ୍ଵାହା ଽଶୃ॑ଣ୍ଵତେ॒ ସ୍ଵାହା॑ ମନ॒ସ୍ଵିନେ॒ ସ୍ଵାହା॑- [ମନ॒ସ୍ଵିନେ॒ ସ୍ଵାହା᳚, ଅ॒ମ॒ନସେ॒ ସ୍ଵାହା॑] 35
-ଽମ॒ନସେ॒ ସ୍ଵାହା॑ ରେତ॒ସ୍ଵିନେ॒ ସ୍ଵାହା॑ ଽରେ॒ତସ୍କା॑ୟ॒ ସ୍ଵାହା᳚ ପ୍ର॒ଜାଭ୍ୟ॒-ସ୍ସ୍ଵାହା᳚ ପ୍ର॒ଜନ॑ନାୟ॒ ସ୍ଵାହା॒ ଲୋମ॑ଵତେ॒ ସ୍ଵାହା॑ ଽଲୋ॒ମକା॑ୟ॒ ସ୍ଵାହା᳚ ତ୍ଵ॒ଚେ ସ୍ଵାହା॒ ଽତ୍ଵକ୍କା॑ୟ॒ ସ୍ଵାହା॒ ଚର୍ମ॑ଣ୍ଵତେ॒ ସ୍ଵାହା॑ ଽଚ॒ର୍ମକା॑ୟ॒ ସ୍ଵାହା॒ ଲୋହି॑ତଵତେ॒ ସ୍ଵାହା॑-ଽଲୋହି॒ତାୟ॒ ସ୍ଵାହା॑ ମାଗ୍ମ୍ସ॒ନ୍ଵତେ॒ ସ୍ଵାହା॑ ଽମା॒ଗ୍ମ୍॒ସକା॑ୟ॒ ସ୍ଵାହା॒ ସ୍ନାଵ॑ଭ୍ୟ॒-ସ୍ସ୍ଵାହା᳚ ଽସ୍ନା॒ଵକା॑ୟ॒ ସ୍ଵାହା᳚ ସ୍ଥ॒ନ୍ଵତେ॒ ସ୍ଵାହା॑-ଽନ॒ସ୍ଥିକା॑ୟ॒ ସ୍ଵାହା॑ ମଜ୍ଜ॒ନ୍ଵତେ॒ ସ୍ଵାହା॑ ଽମ॒ଜ୍ଜକା॑ୟ॒ ସ୍ଵାହା॒ ଽଙ୍ଗିନେ॒ ସ୍ଵାହା॑-ଽନ॒ଙ୍ଗାୟ॒ ସ୍ଵାହା॒ ଽଽତ୍ମନେ॒ ସ୍ଵାହା ଽନା᳚ତ୍ମନେ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 36 ॥
(ମ॒ନ॒ସ୍ଵିନେ॒ ସ୍ଵାହା – ଽନା᳚ତ୍ମନେ॒ ସ୍ଵାହା॒ – ଦ୍ଵେ ଚ॑) (ଅ. 12)
କସ୍ତ୍ଵା॑ ୟୁନକ୍ତି॒ ସ ତ୍ଵା॑ ୟୁନକ୍ତୁ॒ ଵିଷ୍ଣୁ॑ସ୍ତ୍ଵା ୟୁନକ୍ତ୍ଵ॒ସ୍ୟ ୟ॒ଜ୍ଞସ୍ୟର୍ଧ୍ୟୈ॒ ମହ୍ୟ॒ଗ୍ମ୍॒ ସନ୍ନ॑ତ୍ୟା ଅ॒ମୁଷ୍ମୈ॒ କାମା॒ୟା-ଽଽୟୁ॑ଷେ ତ୍ଵା ପ୍ରା॒ଣାୟ॑ ତ୍ଵା ଽପା॒ନାୟ॑ ତ୍ଵା ଵ୍ୟା॒ନାୟ॑ ତ୍ଵା॒ ଵ୍ୟୁ॑ଷ୍ଟ୍ୟୈ ତ୍ଵା ର॒ୟ୍ୟୈ ତ୍ଵା॒ ରାଧ॑ସେ ତ୍ଵା॒ ଘୋଷା॑ୟ ତ୍ଵା॒ ପୋଷା॑ୟ ତ୍ଵା ଽଽରାଦ୍ଘୋ॒ଷାୟ॑ ତ୍ଵା॒ ପ୍ରଚ୍ୟୁ॑ତ୍ୟୈ ତ୍ଵା ॥ 37 ॥
(କସ୍ତ୍ଵା॒ – ଽଷ୍ଟାତ୍ରିଗ୍ମ୍॑ଶତ୍) (ଅ. 13)
ଅ॒ଗ୍ନୟେ॑ ଗାୟ॒ତ୍ରାୟ॑ ତ୍ରି॒ଵୃତେ॒ ରାଥ॑ନ୍ତରାୟ ଵାସ॒ନ୍ତାୟା॒-ଷ୍ଟାକ॑ପାଲ॒ ଇନ୍ଦ୍ରା॑ୟ॒ ତ୍ରୈଷ୍ଟୁ॑ଭାୟ ପଞ୍ଚଦ॒ଶାୟ॒ ବାର୍ହ॑ତାୟ॒ ଗ୍ରୈଷ୍ମା॒ୟୈକା॑ଦଶକପାଲୋ॒ ଵିଶ୍ଵେ᳚ଭ୍ୟୋ ଦେ॒ଵେଭ୍ୟୋ॒ ଜାଗ॑ତେଭ୍ୟ-ସ୍ସପ୍ତଦ॒ଶେଭ୍ୟୋ॑ ଵୈରୂ॒ପେଭ୍ୟୋ॒ ଵାର୍ଷି॑କେଭ୍ୟୋ॒ ଦ୍ଵାଦ॑ଶକପାଲୋ ମି॒ତ୍ରାଵରୁ॑ଣାଭ୍ୟା॒-ମାନୁ॑ଷ୍ଟୁଭାଭ୍ୟା-ମେକଵି॒ଗ୍ମ୍॒ଶାଭ୍ୟାଂ᳚-ଵୈଁରା॒ଜାଭ୍ୟାଗ୍ମ୍॑ ଶାର॒ଦାଭ୍ୟା᳚-ମ୍ପୟ॒ସ୍ୟା॑ ବୃହ॒ସ୍ପତ॑ୟେ॒ ପାଙ୍କ୍ତା॑ୟ ତ୍ରିଣ॒ଵାୟ॑ ଶାକ୍ଵ॒ରାୟ॒ ହୈମ॑ନ୍ତିକାୟ ଚ॒ରୁ-ସ୍ସ॑ଵି॒ତ୍ର ଆ॑ତିଚ୍ଛନ୍ଦ॒ସାୟ॑ ତ୍ରୟସ୍ତ୍ରି॒ଗ୍ମ୍॒ଶାୟ॑ ରୈଵ॒ତାୟ॑ ଶୈଶି॒ରାୟ॒ ଦ୍ଵାଦ॑ଶକପା॒ଲୋ ଽଦି॑ତ୍ୟୈ॒ ଵିଷ୍ଣୁ॑ପତ୍ନ୍ୟୈ ଚ॒ରୁର॒ଗ୍ନୟେ॑ ଵୈଶ୍ଵାନ॒ରାୟ॒ ଦ୍ଵାଦ॑ଶକପା॒ଲୋ ଽନୁ॑ମତ୍ୟୈ ଚ॒ରୁଃ କା॒ୟ ଏକ॑କପାଲଃ ॥ 38 ॥
(ଅ॒ଗ୍ନୟେ-ଽଦି॑ତ୍ୟା॒ ଅନୁ॑ମତ୍ୟୈ – ସ॒ପ୍ତଚ॑ତ୍ଵାରିଗ୍ମ୍ଶତ୍) (ଅ. 14)
ୟୋ ଵା ଅ॒ଗ୍ନାଵ॒ଗ୍ନିଃ ପ୍ର॑ହ୍ରି॒ୟତେ॒ ୟଶ୍ଚ॒ ସୋମୋ॒ ରାଜା॒ ତୟୋ॑ରେ॒ଷ ଆ॑ତି॒ଥ୍ୟଂ-ୟଁଦ॑ଗ୍ନୀଷୋ॒ମୀୟୋ-ଽଥୈ॒ଷ ରୁ॒ଦ୍ରୋ ୟଶ୍ଚୀ॒ୟତେ॒ ୟ-ଥ୍ସଞ୍ଚି॑ତେ॒-ଽଗ୍ନାଵେ॒ତାନି॑ ହ॒ଵୀଗ୍ମ୍ଷି॒ ନ ନି॒ର୍ଵପେ॑ଦେ॒ଷ ଏ॒ଵ ରୁ॒ଦ୍ରୋ-ଽଶା᳚ନ୍ତ ଉପୋ॒ତ୍ଥାୟ॑ ପ୍ର॒ଜା-ମ୍ପ॒ଶୂନ୍ ୟଜ॑ମାନସ୍ୟା॒ଭି ମ॑ନ୍ୟେତ॒ ୟ-ଥ୍ସଞ୍ଚି॑ତେ॒-ଽଗ୍ନାଵେ॒ତାନି॑ ହ॒ଵୀଗ୍ମ୍ଷି॑ ନି॒ର୍ଵପ॑ତି ଭାଗ॒ଧେୟେ॑ନୈ॒ଵୈନଗ୍ମ୍॑ ଶମୟତି॒ ନାସ୍ୟ॑ ରୁ॒ଦ୍ରୋ-ଽଶା᳚ନ୍ତ [ରୁ॒ଦ୍ରୋ-ଽଶା᳚ନ୍ତଃ, ଉ॒ପୋ॒ତ୍ଥାୟ॑] 39
ଉପୋ॒ତ୍ଥାୟ॑ ପ୍ର॒ଜା-ମ୍ପ॒ଶୂନ॒ଭି ମ॑ନ୍ୟତେ॒ ଦଶ॑ ହ॒ଵୀଗ୍ମ୍ଷି॑ ଭଵନ୍ତି॒ ନଵ॒ ଵୈ ପୁରୁ॑ଷେ ପ୍ରା॒ଣା ନାଭି॑ର୍ଦଶ॒ମୀ ପ୍ରା॒ଣାନେ॒ଵ ୟଜ॑ମାନେ ଦଧା॒ତ୍ୟଥୋ॒ ଦଶା᳚କ୍ଷରା ଵି॒ରାଡନ୍ନଂ॑-ଵିଁ॒ରା-ଡ୍ଵି॒ରାଜ୍ୟେ॒ଵାନ୍ନାଦ୍ୟେ॒ ପ୍ରତି॑ ତିଷ୍ଠତ୍ୟୃ॒ତୁଭି॒ର୍ଵା ଏ॒ଷ ଛନ୍ଦୋ॑ଭି॒-ସ୍ସ୍ତୋମୈଃ᳚ ପୃ॒ଷ୍ଠୈଶ୍ଚେ॑ତ॒ଵ୍ୟ॑ ଇତ୍ୟା॑ହୁ॒ର୍ୟଦେ॒ତାନି॑ ହ॒ଵୀଗ୍ମ୍ଷି॑ ନି॒ର୍ଵପ॑ତ୍ୟୃ॒ତୁଭି॑ରେ॒ଵୈନ॒-ଞ୍ଛନ୍ଦୋ॑ଭି॒-ସ୍ସ୍ତୋମୈଃ᳚ ପୃ॒ଷ୍ଠୈଶ୍ଚି॑ନୁତେ॒ ଦିଶ॑-ସ୍ସୁଷୁଵା॒ଣେନା॑ – [ ] 40
-ଭି॒ଜିତ୍ୟା॒ ଇତ୍ୟା॑ହୁ॒ର୍ୟଦେ॒ତାନି॑ ହ॒ଵୀଗ୍ମ୍ଷି॑ ନି॒ର୍ଵପ॑ତି ଦି॒ଶାମ॒ଭିଜି॑ତ୍ୟା ଏ॒ତୟା॒ ଵା ଇନ୍ଦ୍ର॑-ନ୍ଦେ॒ଵା ଅ॑ୟାଜୟ॒-ନ୍ତସ୍ମା॑ଦିନ୍ଦ୍ରସ॒ଵ ଏ॒ତୟା॒ ମନୁ॑-ମ୍ମନୁ॒ଷ୍ୟା᳚ସ୍ତସ୍ମା᳚-ନ୍ମନୁସ॒ଵୋ ୟଥେନ୍ଦ୍ରୋ॑ ଦେ॒ଵାନାଂ॒-ୟଁଥା॒ ମନୁ॑ର୍ମନୁ॒ଷ୍ୟା॑ଣାମେ॒ଵ-ମ୍ଭ॑ଵତି॒ ୟ ଏ॒ଵଂ-ଵିଁ॒ଦ୍ଵାନେ॒ତୟେଷ୍ଟ୍ୟା॒ ୟଜ॑ତେ॒ ଦିଗ୍ଵ॑ତୀଃ ପୁରୋ-ଽନୁଵା॒କ୍ୟା॑ ଭଵନ୍ତି॒ ସର୍ଵା॑ସା-ନ୍ଦି॒ଶାମ॒ଭିଜି॑ତ୍ୟୈ ॥ 41 ॥
(ଅଶା᳚ନ୍ତଃ – ସୁଷୁଵା॒ଣେନୈ – କ॑ଚତ୍ଵାରିଗ୍ମ୍ଶଚ୍ଚ) (ଅ. 15)
ୟଃ ପ୍ରା॑ଣ॒ତୋ ନି॑ମିଷ॒ତୋ ମ॑ହି॒ତ୍ଵୈକ॒ ଇଦ୍ରାଜା॒ ଜଗ॑ତୋ ବ॒ଭୂଵ॑ । ୟ ଈଶେ॑ ଅ॒ସ୍ୟ ଦ୍ଵି॒ପଦ॒ଶ୍ଚତୁ॑ଷ୍ପଦଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ ଉ॒ପ॒ୟା॒ମଗୃ॑ହୀତୋ-ଽସି ପ୍ର॒ଜାପ॑ତୟେ ତ୍ଵା॒ ଜୁଷ୍ଟ॑-ଙ୍ଗୃହ୍ଣାମି॒ ତସ୍ୟ॑ ତେ॒ ଦ୍ୟୌର୍ମ॑ହି॒ମା ନକ୍ଷ॑ତ୍ରାଣି ରୂ॒ପମା॑ଦି॒ତ୍ୟସ୍ତେ॒ ତେଜ॒ସ୍ତସ୍ମୈ᳚ ତ୍ଵା ମହି॒ମ୍ନେ ପ୍ର॒ଜାପ॑ତୟେ॒ ସ୍ଵାହା᳚ ॥ 42 ॥
(ୟଃ ପ୍ରା॑ଣ॒ତୋ ଦ୍ୟୌରା॑ଦି॒ତ୍ୟୋ᳚ – ଽଷ୍ଟାତ୍ରିଗ୍ମ୍॑ଶତ୍ ) (ଅ. 16)
ୟ ଆ᳚ତ୍ମ॒ଦା ବ॑ଲ॒ଦା ୟସ୍ୟ॒ ଵିଶ୍ଵ॑ ଉ॒ପାସ॑ତେ ପ୍ର॒ଶିଷଂ॒-ୟଁସ୍ୟ॑ ଦେ॒ଵାଃ । ୟସ୍ୟ॑ ଛା॒ୟା-ଽମୃତଂ॒-ୟଁସ୍ୟ॑ ମୃ॒ତ୍ୟୁଃ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ ଉ॒ପ॒ୟା॒ମଗୃ॑ହୀତୋ-ଽସି ପ୍ର॒ଜାପ॑ତୟେ ତ୍ଵା॒ ଜୁଷ୍ଟ॑-ଙ୍ଗୃହ୍ଣାମି॒ ତସ୍ୟ॑ ତେ ପୃଥି॒ଵୀ ମ॑ହି॒ମୌଷ॑ଧୟୋ॒ ଵନ॒ସ୍ପତ॑ୟୋ ରୂ॒ପମ॒ଗ୍ନିସ୍ତେ॒ ତେଜ॒ସ୍ତସ୍ମୈ᳚ ତ୍ଵା ମହି॒ମ୍ନେ ପ୍ର॒ଜାପ॑ତୟେ॒ ସ୍ଵାହା᳚ ॥ 43 ॥
(ୟ ଆ᳚ତ୍ମ॒ଦାଃ ପୃ॑ଥି॒ଵ୍ୟ॑ଗ୍ନି-ରେକା॒ନ୍ନଚ॑ତ୍ଵାରି॒ଗ୍ମ୍॒ଶତ୍) (ଅ. 17)
ଆ ବ୍ରହ୍ମ॑-ନ୍ବ୍ରାହ୍ମ॒ଣୋ ବ୍ର॑ହ୍ମଵର୍ଚ॒ସୀ ଜା॑ୟତା॒ମା ଽସ୍ମି-ନ୍ରା॒ଷ୍ଟ୍ରେ ରା॑ଜ॒ନ୍ୟ॑ ଇଷ॒ଵ୍ୟ॑-ଶ୍ଶୂରୋ॑ ମହାର॒ଥୋ ଜା॑ୟତା॒-ନ୍ଦୋଗ୍ଧ୍ରୀ॑ଧେ॒ନୁର୍ଵୋଢା॑ ଽନ॒ଡ୍ଵାନା॒ଶୁ-ସ୍ସପ୍ତିଃ॒ ପୁର॑ନ୍ଧି॒ର୍ୟୋଷା॑ ଜି॒ଷ୍ଣୂ ର॑ଥେ॒ଷ୍ଠା-ସ୍ସ॒ଭେୟୋ॒ ୟୁଵା ଽଽସ୍ୟ ୟଜ॑ମାନସ୍ୟ ଵୀ॒ରୋ ଜା॑ୟତା-ନ୍ନିକା॒ମେନି॑କାମେ ନଃ ପ॒ର୍ଜନ୍ୟୋ॑ ଵର୍ଷତୁ ଫ॒ଲିନ୍ୟୋ॑ ନ॒ ଓଷ॑ଧୟଃ ପଚ୍ୟନ୍ତାଂ-ୟୋଁଗକ୍ଷେ॒ମୋନଃ॑ କଲ୍ପତାମ୍ ॥ 44 ॥
(ଆ ବ୍ରହ୍ମ॒ – ନ୍ନେକ॑ଚତ୍ଵାରିଗ୍ମ୍ଶତ୍ )(ଆ18)
ଆ-ଽକ୍ରାନ୍॑ ଵା॒ଜୀ ପୃ॑ଥି॒ଵୀମ॒ଗ୍ନିଂ-ୟୁଁଜ॑ମକୃତ ଵା॒ଜ୍ୟର୍ଵା ଽଽକ୍ରାନ୍॑ ଵା॒ଜ୍ୟ॑ନ୍ତରି॑କ୍ଷଂ-ଵାଁ॒ୟୁଂ-ୟୁଁଜ॑ମକୃତ ଵା॒ଜ୍ୟର୍ଵା॒ ଦ୍ୟାଂ-ଵାଁ॒ଜ୍ୟା-ଽକ୍ରଗ୍ଗ୍॑ସ୍ତ॒ ସୂର୍ୟଂ॒-ୟୁଁଜ॑ମକୃତ ଵା॒ଜ୍ୟର୍ଵା॒ ଽଗ୍ନିସ୍ତେ॑ ଵାଜି॒ନ୍॒ ୟୁଙ୍ଙନୁ॒ ତ୍ଵା ଽଽ ର॑ଭେ ସ୍ଵ॒ସ୍ତି ମା॒ ସ-ମ୍ପା॑ରୟ ଵା॒ୟୁସ୍ତେ॑ ଵାଜି॒ନ୍॒ ୟୁଙ୍ଙନୁ॒ ତ୍ଵା ଽଽ ର॑ଭେ ସ୍ଵ॒ସ୍ତି ମା॒ ସ- [ସ୍ଵ॒ସ୍ତି ମା॒ ସମ୍, ପା॒ର॒ୟା॒ ଽଽଦି॒ତ୍ୟସ୍ତେ॑] 45
-ମ୍ପା॑ରୟା ଽଽଦି॒ତ୍ୟସ୍ତେ॑ ଵାଜି॒ନ୍॒ ୟୁଙ୍ଙନୁ॒ ତ୍ଵା ଽଽ ର॑ଭେ ସ୍ଵ॒ସ୍ତି ମା॒ ସ-ମ୍ପା॑ରୟ ପ୍ରାଣ॒ଧୃଗ॑ସି ପ୍ରା॒ଣ-ମ୍ମେ॑ ଦୃଗ୍ମ୍ହ ଵ୍ୟାନ॒ଧୃଗ॑ସି ଵ୍ୟା॒ନ-ମ୍ମେ॑ ଦୃଗ୍ମ୍ହା ଽପାନ॒ଧୃଗ॑ସ୍ୟପା॒ନ-ମ୍ମ॑ ଦୃଗ୍ମ୍ହ॒ ଚକ୍ଷୁ॑ରସି॒ ଚକ୍ଷୁ॒ର୍ମୟି॑ ଧେହି॒ ଶ୍ରୋତ୍ର॑ମସି॒ ଶ୍ରୋତ୍ର॒-ମ୍ମୟି॑ ଧେ॒ହ୍ୟାୟୁ॑ର॒ସ୍ୟାୟୁ॒ର୍ମୟି॑ ଧେହି ॥ 46 ॥
(ଵା॒ୟୁସ୍ତେ॑ ଵାଜି॒ନ୍॒ ୟୁଙ୍ଙନୁ॒ ତ୍ଵା ଽଽ ର॑ଭେ ସ୍ଵ॒ସ୍ତି ମା॒ ସଂ – ତ୍ରିଚ॑ତ୍ଵାରିଗ୍ମ୍ଶଚ୍ଚ) (ଅ. 19)
ଜଜ୍ଞି॒ ବୀଜଂ॒-ଵଁର୍ଷ୍ଟା॑ ପ॒ର୍ଜନ୍ୟଃ॒ ପକ୍ତା॑ ସ॒ସ୍ୟଗ୍ମ୍ ସୁ॑ପିପ୍ପ॒ଲା ଓଷ॑ଧୟ-ସ୍ସ୍ଵଧିଚର॒ଣେୟଗ୍ମ୍ ସୂ॑ପସଦ॒ନୋ᳚-ଽଗ୍ନି-ସ୍ସ୍ଵ॑ଦ୍ଧ୍ୟ॒କ୍ଷମ॒ନ୍ତରି॑କ୍ଷଗ୍ମ୍ସୁପା॒ଵଃ ପଵ॑ମାନ-ସ୍ସୂପସ୍ଥା॒ନା ଦ୍ୟୌ-ଶ୍ଶି॒ଵମ॒ସୌ ତପ॑ନ୍ ୟଥାପୂ॒ର୍ଵମ॑ହୋରା॒ତ୍ରେ ପ॑ଞ୍ଚଦ॒ଶିନୋ᳚ ଽର୍ଧମା॒ସା-ସ୍ତ୍ରି॒ଗ୍ମ୍॒ଶିନୋ॒ ମାସାଃ᳚ କୢ॒ପ୍ତା ଋ॒ତଵ॑-ଶ୍ଶା॒ନ୍ତ-ସ୍ସଂ॑ଵଁଥ୍ସ॒ରଃ ॥ 47 ॥
(ଜଜ୍ଞି॒ ବୀଜ॒ – ମେକ॑ତ୍ରିଗ୍ମ୍ଶତ୍) (ଅ. 20)
ଆ॒ଗ୍ନେ॒ୟୋ᳚-ଽଷ୍ଟାକ॑ପାଲ-ସ୍ସୌ॒ମ୍ୟଶ୍ଚ॒ରୁ-ସ୍ସା॑ଵି॒ତ୍ରୋ᳚-ଽଷ୍ଟାକ॑ପାଲଃ ପୌ॒ଷ୍ଣଶ୍ଚ॒ରୂ ରୌ॒ଦ୍ରଶ୍ଚ॒ରୁର॒ଗ୍ନୟେ॑ ଵୈଶ୍ଵାନ॒ରାୟ॒ ଦ୍ଵାଦ॑ଶକପାଲୋ ମୃଗାଖ॒ରେ ୟଦି॒ ନା-ଽଽଗଚ୍ଛେ॑-ଦ॒ଗ୍ନୟେ-ଽଗ୍ମ୍॑ହୋ॒ମୁଚେ॒-ଽଷ୍ଟାକ॑ପାଲ-ସ୍ସୌ॒ର୍ୟ-ମ୍ପୟୋ॑ ଵାୟ॒ଵ୍ୟ॑ ଆଜ୍ୟ॑ଭାଗଃ ॥ 48 ॥
(ଆ॒ଗ୍ନେ॒ୟ – ଶ୍ଚତୁ॑ର୍ଵିଗ୍ମ୍ଶତିଃ) (ଅ. 21)
ଅ॒ଗ୍ନୟେ-ଽଗ୍ମ୍॑ହୋ॒ମୁଚେ॒-ଽଷ୍ଟାକ॑ପାଲ॒ ଇନ୍ଦ୍ରା॑ୟା-ଽଗ୍ମ୍ହୋ॒ମୁଚ॒ ଏକା॑ଦଶକପାଲୋ ମି॒ତ୍ରାଵରୁ॑ଣାଭ୍ୟା-ମାଗୋ॒ମୁଗ୍ଭ୍ୟା᳚-ମ୍ପୟ॒ସ୍ୟା॑ ଵାୟୋସାଵି॒ତ୍ର ଆ॑ଗୋ॒ମୁଗ୍ଭ୍ୟା᳚-ଞ୍ଚ॒ରୁର॒ଶ୍ଵିଭ୍ୟା॑-ମାଗୋ॒ମୁଗ୍ଭ୍ୟା᳚-ନ୍ଧା॒ନା ମ॒ରୁଦ୍ଭ୍ୟ॑ ଏନୋ॒ମୁଗ୍ଭ୍ୟ॑-ସ୍ସ॒ପ୍ତକ॑ପାଲୋ॒ ଵିଶ୍ଵେ᳚ଭ୍ୟୋ ଦେ॒ଵେଭ୍ୟ॑ ଏନୋ॒ମୁଗ୍ଭ୍ୟୋ॒ ଦ୍ଵାଦ॑ଶକପା॒ଲୋ ଽନୁ॑ମତ୍ୟୈ ଚ॒ରୁର॒ଗ୍ନୟେ॑ ଵୈଶ୍ଵାନ॒ରାୟ॒ ଦ୍ଵାଦ॑ଶକପାଲୋ॒ ଦ୍ୟାଵା॑ପୃଥି॒ଵୀଭ୍ୟା॑-ମଗ୍ମ୍ହୋ॒ମୁଗ୍ଭ୍ୟା᳚-ନ୍ଦ୍ଵିକପା॒ଲଃ ॥ 49 ॥
(ଅ॒ଗ୍ନୟେ-ଽଗ୍ମ୍॑ହୋ॒ମୁଚେ᳚ – ତ୍ରି॒ଗ୍ମ୍॒ଶତ୍) (ଅ. 22)
ଅ॒ଗ୍ନୟେ॒ ସମ॑ନମ-ତ୍ପୃଥି॒ଵ୍ୟୈ ସମ॑ନମ॒ଦ୍ୟଥା॒-ଽଗ୍ନିଃ ପୃ॑ଥି॒ଵ୍ୟା ସ॒ମନ॑ମଦେ॒ଵ-ମ୍ମହ୍ୟ॑-ମ୍ଭ॒ଦ୍ରା-ସ୍ସନ୍ନ॑ତୟ॒-ସ୍ସ-ନ୍ନ॑ମନ୍ତୁ ଵା॒ୟଵେ॒ ସମ॑ନମଦ॒ନ୍ତରି॑କ୍ଷାୟ॒ ସମ॑ନମ॒ଦ୍ୟଥା॑ ଵା॒ୟୁର॒ନ୍ତରି॑କ୍ଷେଣ॒ ସୂର୍ୟା॑ୟ॒ ସମ॑ନମଦ୍ଦି॒ଵେ ସମ॑ନମ॒ଦ୍ୟଥା॒ ସୂର୍ୟୋ॑ ଦି॒ଵା ଚ॒ନ୍ଦ୍ରମ॑ସେ॒ ସମ॑ନମ॒ନ୍ନକ୍ଷ॑ତ୍ରେଭ୍ୟ॒-ସ୍ସମ॑ନମ॒ଦ୍ୟଥା॑ ଚ॒ନ୍ଦ୍ରମା॒ ନକ୍ଷ॑ତ୍ରୈ॒ର୍ଵରୁ॑ଣାୟ॒ ସମ॑ନମଦ॒ଦ୍ଭ୍ୟ-ସ୍ସମ॑ନମ॒-ଦ୍ୟଥା॒ [-ସ୍ସମ॑ନମ॒-ଦ୍ୟଥା᳚, ଵରୁ॑ଣୋ॒-ଽଦ୍ଭି-ସ୍ସାମ୍ନେ॒] 50
ଵରୁ॑ଣୋ॒-ଽଦ୍ଭି-ସ୍ସାମ୍ନେ॒ ସମ॑ନମଦୃ॒ଚେ ସମ॑ନମ॒ଦ୍ୟଥା॒ ସାମ॒ର୍ଚା ବ୍ରହ୍ମ॑ଣେ॒ ସମ॑ନମ-ତ୍କ୍ଷ॒ତ୍ରାୟ॒ ସମ॑ନମ॒ଦ୍ୟଥା॒ ବ୍ରହ୍ମ॑ କ୍ଷ॒ତ୍ରେଣ॒ ରାଜ୍ଞେ॒ ସମ॑ନମ-ଦ୍ଵି॒ଶେ ସମ॑ନମ॒ଦ୍ୟଥା॒ ରାଜା॑ ଵି॒ଶା ରଥା॑ୟ॒-ସ୍ସମ॑ନମ॒ଦଶ୍ଵେ᳚ଭ୍ୟ॒-ସ୍ସମ॑ନମ॒ଦ୍ୟଥା॒ ରଥୋ-ଽଶ୍ଵୈଃ᳚ ପ୍ର॒ଜାପ॑ତୟେ॒ ସମ॑ନମ-ଦ୍ଭୂ॒ତେଭ୍ୟ॒-ସ୍ସମ॑ନମ॒ଦ୍ୟଥା᳚ ପ୍ର॒ଜାପ॑ତିର୍ଭୂ॒ତୈ-ସ୍ସ॒ମନ॑ମଦେ॒ଵ-ମ୍ମହ୍ୟ॑-ମ୍ଭ॒ଦ୍ରା-ସ୍ସନ୍ନ॑ତୟ॒-ସ୍ସ-ନ୍ନ॑ମନ୍ତୁ ॥ 51 ॥
(ଅ॒ଦ୍ଭ୍ୟ-ସ୍ସମ॑ନମ॒ଦ୍ୟଥା॒-ମହ୍ୟଂ॑-ଚ॒ତ୍ଵାରି॑ ଚ) (ଅ. 23)
ୟେ ତେ॒ ପନ୍ଥା॑ନ-ସ୍ସଵିତଃ ପୂ॒ର୍ଵ୍ୟାସୋ॑-ଽରେ॒ଣଵୋ॒ ଵିତ॑ତା ଅ॒ନ୍ତରି॑କ୍ଷେ । ତେଭି॑ର୍ନୋ ଅ॒ଦ୍ୟ ପ॒ଥିଭି॑-ସ୍ସୁ॒ଗେଭୀ॒ ରକ୍ଷା॑ ଚ ନୋ॒ ଅଧି॑ ଚ ଦେଵ ବ୍ରୂହି ॥ ନମୋ॒-ଽଗ୍ନୟେ॑ ପୃଥିଵି॒କ୍ଷିତେ॑ ଲୋକ॒ସ୍ପୃତେ॑ ଲୋ॒କମ॒ସ୍ମୈ ୟଜ॑ମାନାୟ ଦେହି॒ ନମୋ॑ ଵା॒ୟଵେ᳚-ଽନ୍ତରିକ୍ଷ॒କ୍ଷିତେ॑ ଲୋକ॒ସ୍ପୃତେ॑ ଲୋ॒କମ॒ସ୍ମୈ ୟଜ॑ମାନାୟ ଦେହି॒ ନମ॒-ସ୍ସୂର୍ୟା॑ୟ ଦିଵି॒କ୍ଷିତେ॑ ଲୋକ॒ସ୍ପୃତେ॑ ଲୋ॒କମ॒ସ୍ମୈ ୟଜ॑ମାନାୟ ଦେହି ॥ 52 ॥
(ୟେ ତେ॒ – ଚତୁ॑ଶ୍ଚତ୍ଵାରିଗ୍ମ୍ଶତ୍) (ଅ. 24)
ୟୋ ଵା ଅଶ୍ଵ॑ସ୍ୟ॒ ମେଦ୍ଧ୍ୟ॑ସ୍ୟ॒ ଶିରୋ॒ ଵେଦ॑ ଶୀର୍ଷ॒ଣ୍ଵା-ନ୍ମେଦ୍ଧ୍ୟୋ॑ ଭଵତ୍ୟୁ॒ଷା ଵା ଅଶ୍ଵ॑ସ୍ୟ॒ ମେଦ୍ଧ୍ୟ॑ସ୍ୟ॒ ଶିର॒-ସ୍ସୂର୍ୟ॒ଶ୍ଚକ୍ଷୁ॒ର୍ଵାତଃ॑ ପ୍ରା॒ଣଶ୍ଚ॒ନ୍ଦ୍ରମା॒-ଶ୍ଶ୍ରୋତ୍ର॒-ନ୍ଦିଶଃ॒ ପାଦା॑ ଅଵାନ୍ତରଦି॒ଶାଃ ପର୍ଶ॑ଵୋ-ଽହୋରା॒ତ୍ରେ ନି॑ମେ॒ଷୋ᳚-ଽର୍ଧମା॒ସାଃ ପର୍ଵା॑ଣି॒ ମାସା᳚-ସ୍ସ॒ଧାନ୍ନା᳚ନ୍ୟୃ॒ତଵୋ-ଽଙ୍ଗା॑ନି ସଂଵଁଥ୍ସ॒ର ଆ॒ତ୍ମା ର॒ଶ୍ମୟଃ॒ କେଶା॒ ନକ୍ଷ॑ତ୍ରାଣି ରୂ॒ପ-ନ୍ତାର॑କା ଅ॒ସ୍ଥାନି॒ ନଭୋ॑ ମା॒ଗ୍ମ୍॒ସାନ୍ୟୋଷ॑ଧୟୋ॒ ଲୋମା॑ନି॒ ଵନ॒ସ୍ପତ॑ୟୋ॒ ଵାଲା॑ ଅ॒ଗ୍ନିର୍ମୁଖଂ॑-ଵୈଁଶ୍ଵାନ॒ରୋ ଵ୍ୟାତ୍ତଗ୍ମ୍॑ [ଵ୍ୟାତ୍ତ᳚ମ୍, ସ॒ମୁ॒ଦ୍ର ଉ॒ଦର॑ମ॒ନ୍ତରି॑କ୍ଷ-] 53
ସମୁ॒ଦ୍ର ଉ॒ଦର॑ମ॒ନ୍ତରି॑କ୍ଷ-ମ୍ପା॒ୟୁ-ର୍ଦ୍ୟାଵା॑ପୃଥି॒ଵୀ ଆ॒ଣ୍ଡୌ ଗ୍ରାଵା॒ ଶେପ॒-ସ୍ସୋମୋ॒ ରେତୋ॒ ୟଜ୍ଜ॑ଞ୍ଜ॒ଭ୍ୟତେ॒ ତଦ୍ଵି ଦ୍ୟୋ॑ତତେ॒ ୟଦ୍ଵି॑ଧୂନୁ॒ତେ ତ-ଥ୍ସ୍ତ॑ନୟତି॒ ୟନ୍ମେହ॑ତି॒ ତଦ୍ଵ॑ର୍ଷତି॒ ଵାଗେ॒ଵାସ୍ୟ॒ ଵାଗହ॒ର୍ଵା ଅଶ୍ଵ॑ସ୍ୟ॒ ଜାୟ॑ମାନସ୍ୟ ମହି॒ମା ପୁ॒ରସ୍ତା᳚ଜ୍ଜାୟତେ॒ ରାତ୍ରି॑ରେନ-ମ୍ମହି॒ମା ପ॒ଶ୍ଚାଦନୁ॑ ଜାୟତ ଏ॒ତୌ ଵୈ ମ॑ହି॒ମାନା॒-ଵଶ୍ଵ॑ମ॒ଭିତ॒-ସ୍ସ-ମ୍ବ॑ଭୂଵତୁ॒ର୍॒ହୟୋ॑ ଦେ॒ଵାନ॑ଵହ॒ ଦର୍ଵା-ଽସୁ॑ରାନ୍ ଵା॒ଜୀ ଗ॑ନ୍ଧ॒ର୍ଵା-ନଶ୍ଵୋ॑ ମନୁ॒ଷ୍ୟା᳚ନ୍-ଥ୍ସମୁ॒ଦ୍ରୋ ଵା ଅଶ୍ଵ॑ସ୍ୟ॒ ୟୋନି॑-ସ୍ସମୁ॒ଦ୍ରୋ ବନ୍ଧୁଃ॑ ॥ 54 ॥
(ଵ୍ୟାତ୍ତ॑ – ମଵହ॒-ଦ୍- ଦ୍ଵାଦ॑ଶ ଚ ) (ଅ. 25)
(ଗାଵୋ॒ – ଗାଵ॒-ସ୍ସିଷା॑ସନ୍ତୀଃ- ପ୍ରଥ॒ମେ ମା॒ସି – ସ॑ମା॒ନ୍ୟୋ॑ – ୟଦି॒ ସୋମୌ॑- ଷଡ॒ହୈ – ରୁ॒-ଥ୍ସୃଜ୍ୟା(3)ନ୍ – ଦେ॒ଵାନା॑ – ମ॒ର୍କ୍ୟେ॑ଣ॒ – ଚର୍ମା-ଽଵ॑ – ପୃଥି॒ଵ୍ୟୈ – ଦ॒ତ୍ଵତେ॒ – କସ୍ତ୍ଵା॒ – ଽଗ୍ନୟେ॒ – ୟୋ ଵୈ – ୟଃ ପ୍ରା॑ଣ॒ତୋ – ୟ ଆ᳚ତ୍ମ॒ଦା – ଆ ବ୍ରହ୍ମ॒ – ନ୍ନା-ଽକ୍ରା॒ନ୍ – ଜଜ୍ଞି॒ ବୀଜ॑ – ମାଗ୍ନେ॒ୟୋ᳚-ଽଷ୍ଟାକ॑ପାଲୋ॒ – ଽଗ୍ନୟେ-ଽଗ୍ମ୍॑ହୋ॒ମୁଚେ॒-ଽଷ୍ଟାକ॑ପାଲୋ॒ – ଽଗ୍ନୟେ॒ସମ॑ନମ॒–ଦ୍ୟେ ତେ॒ ପନ୍ଥା॑ନୋ॒ – ୟୋ ଵା ଅଶ୍ଵ॑ସ୍ୟ॒ମେଦ୍ଧ୍ୟ॑ସ୍ୟ॒ ଶିରଃ॒ – ପଞ୍ଚ॑ଵିଗ୍ମ୍ଶତିଃ)
(ଗାଵଃ॑ – ସମା॒ନ୍ୟଃ॑ – ସଵ॑ନମଷ୍ଟା॒ଭି – ର୍ଵା ଏ॒ତେ ଦେ॒ଵକୃ॑ତଞ୍ଚା – ଽଭି॒ଜିତ୍ୟା॒ ଇତ୍ୟା॑ହୁ॒ -ର୍ଵରୁ॑ଣୋ॒-ଽଦ୍ଭି-ସ୍ସାମ୍ନେ॒ – ଚତୁ॑ଷ୍ ପଞ୍ଚା॒ସତ୍)
(ଗାଵୋ॒, ୟୋନି॑ ସ୍ସମୁ॒ଦ୍ରୋ ବନ୍ଧୁଃ॑)
(ପ୍ର॒ଜନନ॑ଗ୍ମ୍ – ସାଦ୍ୟାଃ – ପ୍ର॒ଜଵଂ॒ – ବୃହ॒ସ୍ପତି॒ – ର୍ଗାଵଃ – ପଞ୍ଚ॑) (7)
(ଇ॒ଷେ, ଵା॑ୟ॒ଵ୍ୟ॑, ମ୍ପ୍ର॒ଜାପ॑ତି, ର୍ୟୁଞ୍ଜା॒ନା, ସ୍ସା॑ଵି॒ତ୍ରାଣି॑, ପ୍ରାଚୀନ॑ଵଗ୍ମ୍ଶ, ମ୍ପ୍ର॒ଜନ॑ନଗ୍ମ୍, ସପ୍ତ) (7)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ପଞ୍ଚମଃ ପ୍ରଶ୍ନ-ସ୍ସମାପ୍ତଃ ॥
॥ ଇତି ତୈତ୍ତିରୀୟସଂହିତା ସମାପ୍ତା ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 7.5 - ଗାଵୋ ଵା ଏତଥ୍ସତ୍ରମାସତ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
7.5 - ଗାଵୋ ଵା ଏତଥ୍ସତ୍ରମାସତ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 7.5 - ଗାଵୋ ଵା ଏତଥ୍ସତ୍ରମାସତ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 7.5 - ଗାଵୋ ଵା ଏତଥ୍ସତ୍ରମାସତ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.