7.2 – ସାଧ୍ୟା ଵୈ ଦେଵାଃ ସୁଵର୍ଗକାମାଃ – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ଦ୍ଵିତୀୟଃ ପ୍ରଶ୍ନଃ – ଷଡ୍ ରାତ୍ରାଦ୍ୟାନା-ନ୍ନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ସା॒ଦ୍ଧ୍ୟା ଵୈ ଦେ॒ଵା-ସ୍ସୁ॑ଵ॒ର୍ଗକା॑ମା ଏ॒ତଗ୍ମ୍ ଷ॑ଡ୍-ରା॒ତ୍ରମ॑ପଶ୍ୟ॒-ନ୍ତମା-ଽହ॑ର॒-ନ୍ତେନା॑ୟଜନ୍ତ॒ ତତୋ॒ ଵୈ ତେ ସୁ॑ଵ॒ର୍ଗଂ-ଲୋଁ॒କମା॑ୟ॒ନ୍॒. ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ଷ୍ଷଡ୍-ରା॒ତ୍ରମାସ॑ତେ ସୁଵ॒ର୍ଗମେ॒ଵ ଲୋ॒କଂ-ୟଁ॑ନ୍ତି ଦେଵସ॒ତ୍ରଂ-ଵୈଁ ଷ॑ଡ୍-ରା॒ତ୍ରଃ ପ୍ର॒ତ୍ୟକ୍ଷ॒ଗ୍ଗ୍॒ ହ୍ୟେ॑ତାନି॑ ପୃ॒ଷ୍ଠାନି॒ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑-ଷ୍ଷଡ୍-ରା॒ତ୍ରମାସ॑ତେ ସା॒କ୍ଷାଦେ॒ଵ ଦେ॒ଵତା॑ ଅ॒ଭ୍ୟାରୋ॑ହନ୍ତି॒ ଷଡ୍-ରା॒ତ୍ରୋ ଭ॑ଵତି॒ ଷ-ଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ [ ] 1
ପୃ॒ଷ୍ଠୈରେ॒ଵର୍ତୂନ॒-ନ୍ଵାରୋ॑ହନ୍ତ୍ୟୃ॒ତୁଭି॑-ସ୍ସଂଵଁଥ୍ସ॒ର-ନ୍ତେ ସଂ॑ଵଁଥ୍ସ॒ର ଏ॒ଵ ପ୍ରତି॑ ତିଷ୍ଠନ୍ତି ବୃହ-ଦ୍ରଥନ୍ତ॒ରାଭ୍ୟାଂ᳚-ୟଁନ୍ତୀ॒ୟଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ୟାମେ॒ଵ ୟ॒ନ୍ତ୍ୟଥୋ॑ ଅ॒ନୟୋ॑ରେ॒ଵ ପ୍ରତି॑ ତିଷ୍ଠନ୍ତ୍ୟେ॒ତେ ଵୈ ୟ॒ଜ୍ଞସ୍ୟା᳚ଞ୍ଜ॒ସାୟ॑ନୀ ସ୍ରୁ॒ତୀ ତାଭ୍ୟା॑ମେ॒ଵ ସୁ॑ଵ॒ର୍ଗଂ-ଲୋଁ॒କଂ-ୟଁ॑ନ୍ତି ତ୍ରି॒ଵୃଦ॑ଗ୍ନିଷ୍ଟୋ॒ମୋ ଭ॑ଵତି॒ ତେଜ॑ ଏ॒ଵାଵ॑ ରୁନ୍ଧତେ ପଞ୍ଚଦ॒ଶୋ ଭ॑ଵତୀନ୍ଦ୍ରି॒ୟମେ॒ଵାଵ॑ ରୁନ୍ଧତେ ସପ୍ତଦ॒ଶୋ [ସପ୍ତଦ॒ଶଃ, ଭ॒ଵ॒ତ୍ୟ॒ନ୍ନାଦ୍ୟ॒ସ୍ୟା-ଽଵ॑ରୁଦ୍ଧ୍ୟା॒] 2
ଭ॑ଵତ୍ୟ॒ନ୍ନାଦ୍ୟ॒ସ୍ୟା-ଽଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତେନ॑ ଜାୟନ୍ତ ଏକଵି॒ଗ୍ମ୍॒ଶୋ ଭ॑ଵତି॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ତ୍ରିଣ॒ଵୋ ଭ॑ଵତି॒ ଵିଜି॑ତ୍ୟୈ ତ୍ରୟସ୍ତ୍ରି॒ଗ୍ମ୍॒ଶୋ ଭ॑ଵତି॒ ପ୍ରତି॑ଷ୍ଠିତ୍ୟୈ ସଦୋହଵିର୍ଧା॒ନିନ॑ ଏ॒ତେନ॑ ଷଡ୍-ରା॒ତ୍ରେଣ॑ ୟଜେର॒ନ୍ନାଶ୍ଵ॑ତ୍ଥୀ ହଵି॒ର୍ଧାନ॒-ଞ୍ଚା-ଽଽଗ୍ନୀ᳚ଦ୍ଧ୍ର-ଞ୍ଚ ଭଵତ॒ସ୍ତଦ୍ଧି ସୁ॑ଵ॒ର୍ଗ୍ୟ॑-ଞ୍ଚ॒କ୍ରୀଵ॑ତୀ ଭଵତ-ସ୍ସୁଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟା ଉ॒ଲୂଖ॑ଲବୁଦ୍ଧ୍ନୋ॒ ୟୂପୋ॑ ଭଵତି॒ ପ୍ରତି॑ଷ୍ଠିତ୍ୟୈ॒ ପ୍ରାଞ୍ଚୋ॑ ୟାନ୍ତି॒ ପ୍ରାଙି॑ଵ॒ ହି ସୁ॑ଵ॒ର୍ଗୋ [ହି ସୁ॑ଵ॒ର୍ଗଃ, ଲୋ॒କ-ସ୍ସର॑ସ୍ଵତ୍ୟା] 3
ଲୋ॒କ-ସ୍ସର॑ସ୍ଵତ୍ୟା ୟାନ୍ତ୍ୟେ॒ଷ ଵୈ ଦେ॑ଵ॒ୟାନଃ॒ ପନ୍ଥା॒ସ୍ତ-ମେ॒ଵା-ନ୍ଵାରୋ॑ହନ୍ତ୍ୟା॒କ୍ରୋଶ॑ନ୍ତୋ ୟା॒ନ୍ତ୍ୟଵ॑ର୍ତି-ମେ॒ଵାନ୍ୟସ୍ମି॑-ନ୍ପ୍ରତି॒ଷଜ୍ୟ॑ ପ୍ରତି॒ଷ୍ଠା-ଙ୍ଗ॑ଚ୍ଛନ୍ତି ୟ॒ଦା ଦଶ॑ ଶ॒ତ-ଙ୍କୁ॒ର୍ଵନ୍ତ୍ୟଥୈକ॑-ମୁ॒ତ୍ଥାନଗ୍ମ୍॑ ଶ॒ତାୟୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ୟ॒ ଆୟୁ॑ଷ୍ୟେ॒ଵେନ୍ଦ୍ରି॒ୟେ ପ୍ରତି॑ ତିଷ୍ଠନ୍ତି ୟ॒ଦା ଶ॒ତଗ୍ମ୍ ସ॒ହସ୍ର॑-ଙ୍କୁ॒ର୍ଵନ୍ତ୍ୟଥୈକ॑-ମୁ॒ତ୍ଥାନଗ୍ମ୍॑ ସ॒ହସ୍ର॑ସମ୍ମିତୋ॒ ଵା ଅ॒ସୌ ଲୋ॒କୋ॑-ଽମୁମେ॒ଵ ଲୋ॒କମ॒ଭି ଜ॑ୟନ୍ତି ୟ॒ଦୈ -ଷା᳚-ମ୍ପ୍ର॒ମୀୟେ॑ତ ୟ॒ଦା ଵା॒ ଜୀୟେ॑ର॒ନ୍ନଥୈକ॑-ମୁ॒ତ୍ଥାନ॒-ନ୍ତଦ୍ଧି ତୀ॒ର୍ଥମ୍ ॥ 4 ॥
(ପୃ॒ଷ୍ଠାନି॑-ସପ୍ତଦ॒ଶଃ-ସୁ॑ଵ॒ର୍ଗୋ-ଜ॑ୟନ୍ତି ୟ॒ଦୈ – କା॑ଦଶ ଚ) (ଅ. 1)
କୁ॒ସୁ॒ରୁ॒ବିନ୍ଦ॒ ଔଦ୍ଦା॑ଲକି-ରକାମୟତ ପଶୁ॒ମାନ୍-ଥ୍ସ୍ୟା॒ମିତି॒ ସ ଏ॒ତଗ୍ମ୍ ସ॑ପ୍ତରା॒ତ୍ର-ମା-ଽହ॑ର॒-ତ୍ତେନା॑ୟଜତ॒ ତେନ॒ ଵୈ ସ ୟାଵ॑ନ୍ତୋ ଗ୍ରା॒ମ୍ୟାଃ ପ॒ଶଵ॒ସ୍ତାନଵା॑-ରୁନ୍ଧ॒ ୟ ଏ॒ଵଂ-ଵିଁ॒ଦ୍ଵାନ୍-ଥ୍ସ॑ପ୍ତରା॒ତ୍ରେଣ॒ ୟଜ॑ତେ॒ ୟାଵ॑ନ୍ତ ଏ॒ଵ ଗ୍ରା॒ମ୍ୟାଃ ପ॒ଶଵ॒ସ୍ତା-ନେ॒ଵାଵ॑ ରୁନ୍ଧେ ସପ୍ତରା॒ତ୍ରୋ ଭ॑ଵତି ସ॒ପ୍ତ ଗ୍ରା॒ମ୍ୟାଃ ପ॒ଶଵ॑-ସ୍ସ॒ପ୍ତା-ଽଽର॒ଣ୍ୟା-ସ୍ସ॒ପ୍ତ ଛନ୍ଦାଗ୍॑-ସ୍ୟୁ॒ଭୟ॒ସ୍ୟା-ଵ॑ରୁଦ୍ଧ୍ୟୈ ତ୍ରି॒ଵୃ-ଦ॑ଗ୍ନିଷ୍ଟୋ॒ମୋ ଭ॑ଵତି॒ ତେଜ॑ [ତେଜଃ॑, ଏ॒ଵା-ଽଵ॑ ରୁନ୍ଧେ] 5
ଏ॒ଵା-ଽଵ॑ ରୁନ୍ଧେ ପଞ୍ଚଦ॒ଶୋ ଭ॑ଵତୀନ୍ଦ୍ରି॒ୟମେ॒ଵାଵ॑ ରୁନ୍ଧେ ସପ୍ତଦ॒ଶୋ ଭ॑ଵତ୍ୟ॒ନ୍ନାଦ୍ୟ॒ସ୍ୟା ଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତେନ॑ ଜାୟତ ଏକଵି॒ଗ୍ମ୍॒ଶୋ ଭ॑ଵତି॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଧ॑ତ୍ତେ ତ୍ରିଣ॒ଵୋ ଭ॑ଵତି॒ ଵିଜି॑ତ୍ୟୈ ପଞ୍ଚଵି॒ଗ୍ମ୍॒ଶୋ᳚-ଽଗ୍ନିଷ୍ଟୋ॒ମୋ ଭ॑ଵତି ପ୍ର॒ଜାପ॑ତେ॒-ରାପ୍ତ୍ୟୈ॑ ମହାଵ୍ର॒ତଵା॑-ନ॒ନ୍ନାଦ୍ୟ॒ସ୍ୟା ଵ॑ରୁଦ୍ଧ୍ୟୈ ଵିଶ୍ଵ॒ଜି-ଥ୍ସର୍ଵ॑ପୃଷ୍ଠୋ ଽତିରା॒ତ୍ରୋ ଭ॑ଵତି॒ ସର୍ଵ॑ସ୍ୟା॒ଭିଜି॑ତ୍ୟୈ॒ ୟ-ତ୍ପ୍ର॒ତ୍ୟକ୍ଷ॒-ମ୍ପୂର୍ଵେ॒ଷ୍ଵହ॑ସ୍ସୁ ପୃ॒ଷ୍ଠାନ୍ୟୁ॑ପେ॒ୟୁଃ ପ୍ର॒ତ୍ୟକ୍ଷଂ॑- [ପ୍ର॒ତ୍ୟକ୍ଷ᳚ମ୍, ଵି॒ଶ୍ଵ॒ଜିତି॒ ୟଥା॑] 6
-ଁଵିଶ୍ଵ॒ଜିତି॒ ୟଥା॑ ଦୁ॒ଗ୍ଧା-ମୁ॑ପ॒ସୀଦ॑ତ୍ୟେ॒ଵମୁ॑ତ୍ତ॒ମ-ମହ॑-ସ୍ସ୍ୟା॒ନ୍ନୈକ॑ରା॒ତ୍ରଶ୍ଚ॒ନ ସ୍ୟା᳚-ଦ୍ବୃହ-ଦ୍ରଥନ୍ତ॒ରେ ପୂର୍ଵେ॒ଷ୍ଵହ॒ସ୍ସୂପ॑ ୟନ୍ତୀ॒ୟଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ୟାମେ॒ଵ ନ ୟ॒ନ୍ତ୍ୟଥୋ॑ ଅ॒ନୟୋ॑ରେ॒ଵ ପ୍ରତି॑ ତିଷ୍ଠନ୍ତି॒ ୟ-ତ୍ପ୍ର॒ତ୍ୟକ୍ଷଂ॑-ଵିଁଶ୍ଵ॒ଜିତି॑ ପୃ॒ଷ୍ଠାନ୍ୟୁ॑ପ॒ୟନ୍ତି॒ ୟଥା॒ ପ୍ରତ୍ତା᳚-ନ୍ଦୁ॒ହେ ତା॒ଦୃଗେ॒ଵ ତତ୍ ॥ 7 ॥
(ତେଜ॑ – ଉପେ॒ୟୁଃ ପ୍ର॒ତ୍ୟକ୍ଷଂ॒ – ଦ୍ଵିଚ॑ତ୍ଵାରିଗ୍ମ୍ଶଚ୍ଚ) (ଅ. 2)
ବୃହ॒ସ୍ପତି॑-ରକାମୟତ ବ୍ରହ୍ମଵର୍ଚ॒ସୀ ସ୍ୟା॒ମିତି॒ ସ ଏ॒ତ-ମ॑ଷ୍ଟରା॒ତ୍ର-ମ॑ପଶ୍ୟ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ସ ବ୍ର॑ହ୍ମଵର୍ଚ॒ସ୍ୟ॑ଭଵ॒ଦ୍ୟ ଏ॒ଵଂ-ଵିଁ॒ଦ୍ଵା-ନ॑ଷ୍ଟରା॒ତ୍ରେଣ॒ ୟଜ॑ତେ ବ୍ରହ୍ମଵର୍ଚ॒ସ୍ୟେ॑ଵ ଭ॑ଵତ୍ୟଷ୍ଟରା॒ତ୍ରୋ ଭ॑ଵତ୍ୟ॒ଷ୍ଟାକ୍ଷ॑ରା ଗାୟ॒ତ୍ରୀ ଗା॑ୟ॒ତ୍ରୀ ବ୍ର॑ହ୍ମଵର୍ଚ॒ସ-ଙ୍ଗା॑ୟତ୍ରି॒ୟୈଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧେ-ଽଷ୍ଟରା॒ତ୍ରୋ ଭ॑ଵତି॒ ଚତ॑ସ୍ରୋ॒ ଵୈ ଦିଶ॒ଶ୍ଚତ॑ସ୍ରୋ ଽଵାନ୍ତରଦି॒ଶା ଦି॒ଗ୍ଭ୍ୟ ଏ॒ଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧେ [ ] 8
ତ୍ରି॒ଵୃ-ଦ॑ଗ୍ନିଷ୍ଟୋ॒ମୋ ଭ॑ଵତି॒ ତେଜ॑ ଏ॒ଵାଵ॑ ରୁନ୍ଧେ ପଞ୍ଚଦ॒ଶୋ ଭ॑ଵତୀନ୍ଦ୍ରି॒ୟମେ॒ଵାଵ॑ ରୁନ୍ଧେ ସପ୍ତଦ॒ଶୋ ଭ॑ଵତ୍ୟ॒ନ୍ନାଦ୍ୟ॒ସ୍ୟା-ଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତେନ॑ ଜାୟତ ଏକଵି॒ଗ୍ମ୍॒ଶୋ ଭ॑ଵତି॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଧ॑ତ୍ତେ ତ୍ରିଣ॒ଵୋ ଭ॑ଵତି॒ ଵିଜି॑ତ୍ୟୈ ତ୍ରୟସ୍ତ୍ରି॒ଗ୍ମ୍॒ଶୋ ଭ॑ଵତି॒ ପ୍ରତି॑ଷ୍ଠିତ୍ୟୈ ପଞ୍ଚଵି॒ଗ୍ମ୍॒ଶୋ᳚-ଽଗ୍ନିଷ୍ଟୋ॒ମୋ ଭ॑ଵତି ପ୍ର॒ଜାପ॑ତେ॒ରାପ୍ତ୍ୟୈ॑ ମହାଵ୍ର॒ତଵା॑-ନ॒ନ୍ନାଦ୍ୟ॒ସ୍ୟା ଵ॑ରୁଦ୍ଧ୍ୟୈ ଵିଶ୍ଵ॒ଜି-ଥ୍ସର୍ଵ॑ପୃଷ୍ଠୋ-ଽତିରା॒ତ୍ରୋ ଭ॑ଵତି॒ ସର୍ଵ॑ସ୍ୟା॒ଭିଜି॑ତ୍ୟୈ ॥ 9 ॥
(ଦି॒ଗ୍ଭ୍ୟ ଏ॒ଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧେ॒ – ଽଭିଜି॑ତ୍ୟୈ) (ଅ. 3)
ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ତା-ସ୍ସୃ॒ଷ୍ଟାଃ, କ୍ଷୁଧ॒-ନ୍ନ୍ୟା॑ୟ॒ନ୍ଥ୍ସ ଏ॒ତ-ନ୍ନ॑ଵରା॒ତ୍ର-ମ॑ପଶ୍ୟ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ପ୍ର॒ଜାଭ୍ୟୋ॑-ଽକଲ୍ପତ॒ ୟର୍ହି॑ ପ୍ର॒ଜାଃ, କ୍ଷୁଧ॑-ନ୍ନି॒ଗଚ୍ଛେ॑ୟୁ॒-ସ୍ତର୍ହି॑ ନଵରା॒ତ୍ରେଣ॑ ୟଜେତେ॒ମେ ହି ଵା ଏ॒ତାସାଂ᳚-ଲୋଁ॒କା ଅକୢ॑ପ୍ତା॒ ଅଥୈ॒ତାଃ, କ୍ଷୁଧ॒-ନ୍ନି ଗ॑ଚ୍ଛନ୍ତୀ॒ମା-ନେ॒ଵା-ଽଽଭ୍ୟୋ॑ ଲୋ॒କାନ୍ କ॑ଲ୍ପୟତି॒ ତାନ୍ କଲ୍ପ॑ମାନା-ନ୍ପ୍ର॒ଜାଭ୍ୟୋ-ଽନୁ॑ କଲ୍ପତେ॒ କଲ୍ପ॑ନ୍ତେ- [କଲ୍ପ॑ନ୍ତେ, ଅ॒ସ୍ମା॒ ଇ॒ମେ ଲୋ॒କା] 10
-ଽସ୍ମା ଇ॒ମେ ଲୋ॒କା ଊର୍ଜ॑-ମ୍ପ୍ର॒ଜାସୁ॑ ଦଧାତି ତ୍ରିରା॒ତ୍ରେଣୈ॒ଵେମଂ-ଲୋଁ॒କ-ଙ୍କ॑ଲ୍ପୟତି ତ୍ରିରା॒ତ୍ରେଣା॒ନ୍ତରି॑କ୍ଷ-ନ୍ତ୍ରିରା॒ତ୍ରେଣା॒ମୁଂ-ଲୋଁ॒କଂ-ୟଁଥା॑ ଗୁ॒ଣେ ଗ॒ଣ-ମ॒ନ୍ଵସ୍ୟ॑ତ୍ୟେ॒ଵମେ॒ଵ ତଲ୍ଲୋ॒କେ ଲୋ॒କମନ୍ଵ॑ସ୍ୟତି॒ ଧୃତ୍ୟା॒ ଅଶି॑ଥିଲମ୍ଭାଵାୟ॒ ଜ୍ୟୋତି॒ର୍ଗୌରାୟୁ॒ରିତି॑ ଜ୍ଞା॒ତା-ସ୍ସ୍ତୋମା॑ ଭଵନ୍ତୀ॒ୟଂ-ଵାଁଵ ଜ୍ୟୋତି॑ର॒ନ୍ତରି॑କ୍ଷ॒-ଙ୍ଗୌର॒ସା-ଵାୟୁ॑ରେ॒ଷ୍ଵେ॑ଵ ଲୋ॒କେଷୁ॒ ପ୍ରତି॑ ତିଷ୍ଠନ୍ତି॒ ଜ୍ଞାତ୍ର॑-ମ୍ପ୍ର॒ଜାନା᳚- [ଜ୍ଞାତ୍ର॑-ମ୍ପ୍ର॒ଜାନା᳚ମ୍, ଗ॒ଚ୍ଛ॒ତି॒ ନ॒ଵ॒ରା॒ତ୍ରୋ] 11
-ଙ୍ଗଚ୍ଛତି ନଵରା॒ତ୍ରୋ ଭ॑ଵତ୍ୟଭିପୂ॒-ର୍ଵମେ॒ଵା-ଽସ୍ମି॒-ନ୍ତେଜୋ॑ ଦଧାତି॒ ୟୋ ଜ୍ୟୋଗା॑ମୟାଵୀ॒ ସ୍ୟା-ଥ୍ସ ନ॑ଵରା॒ତ୍ରେଣ॑ ୟଜେତ ପ୍ରା॒ଣା ହି ଵା ଏ॒ତସ୍ୟା ଧୃ॑ତା॒ ଅଥୈ॒ତସ୍ୟ॒ ଜ୍ୟୋଗା॑ମୟତି ପ୍ରା॒ଣାନେ॒ଵାସ୍ମି॑-ନ୍ଦାଧାରୋ॒ତ ୟଦୀ॒ତାସୁ॒ର୍ଭଵ॑ତି॒ ଜୀଵ॑ତ୍ୟେ॒ଵ ॥ 12 ॥
(କଲ୍ପ॑ନ୍ତେ-ପ୍ର॒ଜନାଂ॒ – ତ୍ରୟ॑ସ୍ତ୍ରିଗ୍ମ୍ଶଚ୍ଚ) (ଅ. 4)
ପ୍ର॒ଜାପ॑ତି-ରକାମୟତ॒ ପ୍ର ଜା॑ୟେ॒ୟେତି॒ ସ ଏ॒ତ-ନ୍ଦଶ॑ହୋତାରମପଶ୍ୟ॒-ତ୍ତମ॑ଜୁହୋ॒-ତ୍ତେନ॑ ଦଶରା॒ତ୍ରମ॑ସୃଜତ॒ ତେନ॑ ଦଶରା॒ତ୍ରେଣ॒ ପ୍ରା ଜା॑ୟତ ଦଶରା॒ତ୍ରାୟ॑ ଦୀକ୍ଷି॒ଷ୍ୟମା॑ଣୋ॒ ଦଶ॑ହୋତାର-ଞ୍ଜୁହୁୟା॒-ଦ୍ଦଶ॑ହୋତ୍ରୈ॒ଵ ଦ॑ଶରା॒ତ୍ରଗ୍ମ୍ ସୃ॑ଜତେ॒ ତେନ॑ ଦଶରା॒ତ୍ରେଣ॒ ପ୍ର ଜା॑ୟତେ ଵୈରା॒ଜୋ ଵା ଏ॒ଷ ୟ॒ଜ୍ଞୋ ୟଦ୍ଦ॑ଶରା॒ତ୍ରୋ ୟ ଏ॒ଵଂ-ଵିଁ॒ଦ୍ଵାନ୍-ଦ॑ଶରା॒ତ୍ରେଣ॒ ୟଜ॑ତେ ଵି॒ରାଜ॑ମେ॒ଵ ଗ॑ଚ୍ଛତି ପ୍ରାଜାପ॒ତ୍ୟୋ ଵା ଏ॒ଷ ୟ॒ଜ୍ଞୋ ୟ-ଦ୍ଦ॑ଶରା॒ତ୍ରୋ [ୟ-ଦ୍ଦ॑ଶରା॒ତ୍ରଃ, ୟ ଏ॒ଵଂ-ଵିଁ॒ଦ୍ଵାନ୍-ଦ॑ଶରା॒ତ୍ରେଣ॒] 13
ୟ ଏ॒ଵଂ-ଵିଁ॒ଦ୍ଵାନ୍-ଦ॑ଶରା॒ତ୍ରେଣ॒ ୟଜ॑ତେ॒ ପ୍ରୈଵ ଜା॑ୟତ॒ ଇନ୍ଦ୍ରୋ॒ ଵୈ ସ॒ଦୃ-ନ୍ଦେ॒ଵତା॑ଭିରାସୀ॒-ଥ୍ସ ନ ଵ୍ୟା॒ଵୃତ॑ମଗଚ୍ଛ॒-ଥ୍ସ ପ୍ର॒ଜାପ॑ତି॒-ମୁପା॑ଧାଵ॒-ତ୍ତସ୍ମା॑ ଏ॒ତ-ନ୍ଦ॑ଶରା॒ତ୍ର-ମ୍ପ୍ରାୟ॑ଚ୍ଛ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ସୋ᳚-ଽନ୍ୟାଭି॑-ର୍ଦେ॒ଵତା॑ଭି-ର୍ଵ୍ୟା॒ଵୃତ॑ମଗଚ୍ଛ॒ଦ୍ୟ ଏ॒ଵଂ-ଵିଁ॒ଦ୍ଵା-ନ୍ଦ॑ଶରା॒ତ୍ରେଣ॒ ୟଜ॑ତେ ଵ୍ୟା॒ଵୃତ॑ମେ॒ଵ ପା॒ପ୍ମନା॒ ଭ୍ରାତୃ॑ଵ୍ୟେଣ ଗଚ୍ଛତି ତ୍ରିକ॒କୁଦ୍ଵା [ତ୍ରିକ॒କୁଦ୍ଵୈ, ଏ॒ଷ ୟ॒ଜ୍ଞୋ ୟ-ଦ୍ଦ॑ଶରା॒ତ୍ରଃ] 14
ଏ॒ଷ ୟ॒ଜ୍ଞୋ ୟ-ଦ୍ଦ॑ଶରା॒ତ୍ରଃ କ॒କୁ-ତ୍ପ॑ଞ୍ଚଦ॒ଶଃ କ॒କୁଦେ॑କଵି॒ଗ୍ମ୍॒ଶଃ କ॒କୁ-ତ୍ତ୍ର॑ୟସ୍ତ୍ରି॒ଗ୍ମ୍॒ଶୋ ୟ ଏ॒ଵଂ-ଵିଁ॒ଦ୍ଵା-ନ୍ଦ॑ଶରା॒ତ୍ରେଣ॒ ୟଜ॑ତେ ତ୍ରିକ॒କୁଦେ॒ଵ ସ॑ମା॒ନାନା᳚-ମ୍ଭଵତି॒ ୟଜ॑ମାନଃ ପଞ୍ଚଦ॒ଶୋ ୟଜ॑ମାନ ଏକଵି॒ଗ୍ମ୍॒ଶୋ ୟଜ॑ମାନ-ସ୍ତ୍ରୟସ୍ତ୍ରି॒ଗ୍ମ୍॒ଶଃ ପୁର॒ ଇତ॑ରା ଅଭିଚ॒ର୍ୟମା॑ଣୋ ଦଶରା॒ତ୍ରେଣ॑ ୟଜେତ ଦେଵପୁ॒ରା ଏ॒ଵ ପର୍ୟୂ॑ହତେ॒ ତସ୍ୟ॒ ନ କୁତ॑ଶ୍ଚ॒ନୋପା᳚ଵ୍ୟା॒ଧୋ ଭ॑ଵତି॒ ନୈନ॑ମଭି॒ଚରନ୍᳚-ଥ୍ସ୍ତୃଣୁତେ ଦେଵାସୁ॒ରା-ସ୍ସଂୟଁ॑ତ୍ତା ଆସ॒-ନ୍ତେ ଦେ॒ଵା ଏ॒ତା [ଏ॒ତାଃ, ଦେ॒ଵ॒ପୁ॒ରା ଅ॑ପଶ୍ୟ॒ନ୍॒] 15
ଦେ॑ଵପୁ॒ରା ଅ॑ପଶ୍ୟ॒ନ୍॒ ୟ-ଦ୍ଦ॑ଶରା॒ତ୍ରସ୍ତାଃ ପର୍ୟୌ॑ହନ୍ତ॒ ତେଷା॒-ନ୍ନ କୁତ॑ଶ୍ଚ॒ନୋପା᳚ଵ୍ୟା॒ଧୋ॑ ଽଭଵ॒-ତ୍ତତୋ॑ ଦେ॒ଵା ଅଭ॑ଵ॒-ନ୍ପରା-ଽସୁ॑ରା॒ ୟୋ ଭ୍ରାତୃ॑ଵ୍ୟଵା॒ନ୍-ଥ୍ସ୍ୟା-ଥ୍ସ ଦ॑ଶରା॒ତ୍ରେଣ॑ ୟଜେତ ଦେଵପୁ॒ରା ଏ॒ଵ ପର୍ୟୂ॑ହତେ॒ ତସ୍ୟ॒ ନ କୁତ॑ଶ୍ଚ॒ନୋପା᳚ଵ୍ୟା॒ଧୋ ଭ॑ଵତି॒ ଭଵ॑ତ୍ୟା॒ତ୍ମନା॒ ପରା᳚-ଽସ୍ୟ॒ ଭ୍ରାତୃ॑ଵ୍ୟୋ ଭଵତି॒ ସ୍ତୋମ॒-ସ୍ସ୍ତୋମ॒ସ୍ୟୋପ॑ସ୍ତିର୍ଭଵତି॒ ଭ୍ରାତୃ॑ଵ୍ୟମେ॒ଵୋପ॑ସ୍ତି-ଙ୍କୁରୁତେ ଜା॒ମି ଵା [ଜା॒ମି ଵୈ, ଏ॒ତ-ତ୍କୁ॑ର୍ଵନ୍ତି॒] 16
ଏ॒ତ-ତ୍କୁ॑ର୍ଵନ୍ତି॒ ୟଜ୍ଜ୍ୟାୟାଗ୍ମ୍॑ସ॒ଗ୍ଗ୍॒ ସ୍ତୋମ॑ମୁ॒ପେତ୍ୟ॒ କନୀ॑ୟାଗ୍ମ୍ସମୁପ॒ୟନ୍ତି॒ ୟଦ॑ଗ୍ନିଷ୍ଟୋ-ମସା॒ମାନ୍ୟ॒ଵସ୍ତା᳚ଚ୍ଚ ପ॒ରସ୍ତା᳚ଚ୍ଚ॒ ଭଵ॒ନ୍ତ୍ୟଜା॑ମିତ୍ଵାୟ ତ୍ରି॒ଵୃଦ॑ଗ୍ନିଷ୍ଟୋ॒ମୋ᳚ ଽଗ୍ନି॒ଷ୍ଟୁଦା᳚ଗ୍ନେ॒ୟୀଷୁ॑ ଭଵତି॒ ତେଜ॑ ଏ॒ଵାଵ॑ ରୁନ୍ଧେ ପଞ୍ଚଦ॒ଶ ଉ॒କ୍ଥ୍ୟ॑ ଐ॒ନ୍ଦ୍ରୀଷ୍ଵି॑ନ୍ଦ୍ରି॒ୟମେ॒ଵାଵ॑ ରୁନ୍ଧେ ତ୍ରି॒ଵୃଦ॑ଗ୍ନିଷ୍ଟୋ॒ମୋ ଵୈ᳚ଶ୍ଵଦେ॒ଵୀଷୁ॒ ପୁଷ୍ଟି॑ମେ॒ଵାଵ॑ ରୁନ୍ଧେ ସପ୍ତଦ॒ଶୋ᳚-ଽଗ୍ନିଷ୍ଟୋ॒ମଃ ପ୍ରା॑ଜାପ॒ତ୍ୟାସୁ॑ ତୀଵ୍ରସୋ॒ମୋ᳚ ଽନ୍ନାଦ୍ୟ॒ସ୍ୟା-ଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତେନ॑ ଜାୟତ [ତେନ॑ ଜାୟତେ, ଏ॒କ॒ଵି॒ଗ୍ମ୍॒ଶ ଉ॒କ୍ଥ୍ୟ॑-ସ୍ସୌ॒ରୀଷୁ॒] 17
ଏକଵି॒ଗ୍ମ୍॒ଶ ଉ॒କ୍ଥ୍ୟ॑-ସ୍ସୌ॒ରୀଷୁ॒ ପ୍ରତି॑ଷ୍ଠିତ୍ୟା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଧ॑ତ୍ତେ ସପ୍ତଦ॒ଶୋ᳚-ଽଗ୍ନିଷ୍ଟୋ॒ମଃ ପ୍ରା॑ଜାପ॒ତ୍ୟାସୂ॑ପହ॒ଵ୍ୟ॑ ଉପହ॒ଵମେ॒ଵ ଗ॑ଚ୍ଛତି ତ୍ରିଣ॒ଵାଵ॑ଗ୍ନିଷ୍ଟୋ॒ମାଵ॒ଭିତ॑ ଐ॒ନ୍ଦ୍ରୀଷୁ॒ ଵିଜି॑ତ୍ୟୈ ତ୍ରୟସ୍ତ୍ରି॒ଗ୍ମ୍॒ଶ ଉ॒କ୍ଥ୍ୟୋ॑ ଵୈଶ୍ଵଦେ॒ଵୀଷୁ॒ ପ୍ରତି॑ଷ୍ଠିତ୍ୟୈ ଵିଶ୍ଵ॒ଜି-ଥ୍ସର୍ଵ॑ପୃଷ୍ଠୋ-ଽତିରା॒ତ୍ରୋ ଭ॑ଵତି॒ ସର୍ଵ॑ସ୍ୟା॒ଭିଜି॑ତ୍ୟୈ ॥ 18 ॥
(ପ୍ର॒ଜା॒ପ॒ତ୍ୟୋ ଵା ଏ॒ଷ ୟ॒ଜ୍ଞୋ ୟ-ଦ୍ଦ॑ଶରା॒ତ୍ର – ସ୍ତ୍ରି॑କ॒କୁଦ୍ଧା – ଏ॒ତା – ଵୈ – ଜା॑ୟତ॒ – ଏକ॑ତ୍ରିଗ୍ମ୍ଶଚ୍ଚ) (ଅ. 5)
ଋ॒ତଵୋ॒ ଵୈ ପ୍ର॒ଜାକା॑ମାଃ ପ୍ର॒ଜା-ନ୍ନା-ଽଵି॑ନ୍ଦନ୍ତ॒ ତେ॑-ଽକାମୟନ୍ତ ପ୍ର॒ଜାଗ୍ମ୍ ସୃ॑ଜେମହି ପ୍ର॒ଜାମଵ॑ ରୁନ୍ଧୀମହି ପ୍ର॒ଜାଂ-ଵିଁ॑ନ୍ଦେମହି ପ୍ର॒ଜାଵ॑ନ୍ତ-ସ୍ସ୍ୟା॒ମେତି॒ ତ ଏ॒ତମେ॑କାଦଶରା॒ତ୍ରମ॑ପଶ୍ୟ॒-ନ୍ତମା-ଽହ॑ର॒-ନ୍ତେନା॑ୟଜନ୍ତ॒ ତତୋ॒ ଵୈ ତେ ପ୍ର॒ଜାମ॑ସୃଜନ୍ତ ପ୍ର॒ଜାମଵା॑ରୁନ୍ଧତ ପ୍ର॒ଜାମ॑ଵିନ୍ଦନ୍ତ ପ୍ର॒ଜାଵ॑ନ୍ତୋ-ଽଭଵ॒ନ୍ତ ଋ॒ତଵୋ॑-ଽଭଵ॒-ନ୍ତଦା᳚ର୍ତ॒ଵାନା॑-ମାର୍ତଵ॒ତ୍ଵ-ମୃ॑ତୂ॒ନାଂ-ଵାଁ ଏ॒ତେ ପୁ॒ତ୍ରା-ସ୍ତସ୍ମା॑- [ପୁ॒ତ୍ରା-ସ୍ତସ୍ମା᳚ତ୍, ଆ॒ର୍ତ॒ଵା ଉ॑ଚ୍ୟନ୍ତେ॒] 19
-ଦାର୍ତ॒ଵା ଉ॑ଚ୍ୟନ୍ତେ॒ ୟ ଏ॒ଵଂ-ଵିଁ॒ଦ୍ଵାଗ୍ମ୍ସ॑ ଏକାଦଶରା॒ତ୍ରମାସ॑ତେ ପ୍ର॒ଜାମେ॒ଵ ସୃ॑ଜନ୍ତେ ପ୍ର॒ଜାମଵ॑ ରୁନ୍ଧତେ ପ୍ର॒ଜାଂ-ଵିଁ॑ନ୍ଦନ୍ତେ ପ୍ର॒ଜାଵ॑ନ୍ତୋ ଭଵନ୍ତି॒ ଜ୍ୟୋତି॑ରତିରା॒ତ୍ରୋ ଭ॑ଵତି॒ ଜ୍ୟୋତି॑ରେ॒ଵ ପୁ॒ରସ୍ତା᳚-ଦ୍ଦଧତେ ସୁଵ॒ର୍ଗସ୍ୟ॑ ଲୋ॒କସ୍ୟା-ନୁ॑ଖ୍ୟାତ୍ୟୈ॒ ପୃଷ୍ଠ୍ୟ॑-ଷ୍ଷଡ॒ହୋ ଭ॑ଵତି॒ ଷ-ଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ ପୃ॒ଷ୍ଠୈରେ॒ଵର୍ତୂନ॒-ନ୍ଵାରୋ॑ହନ୍ତ୍ୟୃ॒ତୁଭି॑-ସ୍ସଂଵଁଥ୍ସ॒ର-ନ୍ତେ ସଂ॑ଵଁଥ୍ସ॒ର ଏ॒ଵ ପ୍ରତି॑ ତିଷ୍ଠନ୍ତି ଚତୁର୍ଵି॒ଗ୍ମ୍॒ଶୋ ଭ॑ଵତି॒ ଚତୁ॑ର୍ଵିଗ୍ମ୍ଶତ୍ୟକ୍ଷରା ଗାୟ॒ତ୍ରୀ [ଗାୟ॒ତ୍ରୀ, ଗା॒ୟ॒ତ୍ର-ମ୍ବ୍ର॑ହ୍ମଵର୍ଚ॒ସ-] 20
ଗା॑ୟ॒ତ୍ର-ମ୍ବ୍ର॑ହ୍ମଵର୍ଚ॒ସ-ଙ୍ଗା॑ୟତ୍ରି॒ୟାମେ॒ଵ ବ୍ର॑ହ୍ମଵର୍ଚ॒ସେ ପ୍ରତି॑ ତିଷ୍ଠନ୍ତି ଚତୁଶ୍ଚତ୍ଵାରି॒ଗ୍ମ୍॒ଶୋ ଭ॑ଵତି॒ ଚତୁ॑ଶ୍ଚତ୍ଵାରିଗ୍ମ୍ଶଦକ୍ଷରା ତ୍ରି॒ଷ୍ଟୁଗି॑ନ୍ଦ୍ରି॒ୟ-ନ୍ତ୍ରି॒ଷ୍ଟୁ-ପ୍ତ୍ରି॒ଷ୍ଟୁଭ୍ୟେ॒ଵେନ୍ଦ୍ରି॒ୟେ ପ୍ରତି॑ ତିଷ୍ଠନ୍ତ୍ୟଷ୍ଟାଚତ୍ଵାରି॒ଗ୍ମ୍॒ଶୋ ଭ॑ଵତ୍ୟ॒ଷ୍ଟାଚ॑ତ୍ଵାରିଗ୍ମ୍ଶଦକ୍ଷରା॒ ଜଗ॑ତୀ॒ ଜାଗ॑ତାଃ ପ॒ଶଵୋ॒ ଜଗ॑ତ୍ୟାମେ॒ଵ ପ॒ଶୁଷୁ॒ ପ୍ରତି॑ ତିଷ୍ଠନ୍ତ୍ୟେ-କାଦଶରା॒ତ୍ରୋ ଭ॑ଵତି॒ ପଞ୍ଚ॒ ଵା ଋ॒ତଵ॑ ଆର୍ତ॒ଵାଃ ପଞ୍ଚ॒ର୍ତୁଷ୍ଵେ॒ଵା-ଽଽର୍ତ॒ଵେଷୁ॑ ସଂଵଁଥ୍ସ॒ରେ ପ୍ର॑ତି॒ଷ୍ଠାୟ॑ ପ୍ର॒ଜାମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତଃ ପ୍ର॒ଜାୟୈ॒ ପରି॑ଗୃହୀତ୍ୟୈ ॥ 21 ॥
(ତସ୍ମା᳚-ଦ୍- ଗାୟ॒ତ୍ର୍ୟେ – କା॒ନ୍ନପ॑ଞ୍ଚା॒ଶଚ୍ଚ॑) (ଅ. 6)
ଐ॒ନ୍ଦ୍ର॒ଵା॒ୟ॒ଵାଗ୍ରା᳚-ନ୍ଗୃହ୍ଣୀୟା॒ଦ୍ୟଃ କା॒ମୟେ॑ତ ୟଥା ପୂ॒ର୍ଵ-ମ୍ପ୍ର॒ଜାଃ କ॑ଲ୍ପେର॒ନ୍ନିତି॑ ୟ॒ଜ୍ଞସ୍ୟ॒ ଵୈ କୢପ୍ତି॒ମନୁ॑ ପ୍ର॒ଜାଃ କ॑ଲ୍ପନ୍ତେ ୟ॒ଜ୍ଞସ୍ୟା-ଽକୢ॑ପ୍ତି॒ମନୁ॒ ନ କ॑ଲ୍ପନ୍ତେ ୟଥା ପୂ॒ର୍ଵମେ॒ଵ ପ୍ର॒ଜାଃ କ॑ଲ୍ପୟତି॒ ନ ଜ୍ୟାୟାଗ୍ମ୍॑ସ॒-ଙ୍କନୀ॑ୟା॒ନତି॑ କ୍ରାମତ୍ୟୈନ୍ଦ୍ରଵାୟ॒ଵାଗ୍ରା᳚-ନ୍ଗୃହ୍ଣୀୟାଦାମୟା॒ଵିନଃ॑ ପ୍ରା॒ଣେନ॒ ଵା ଏ॒ଷ ଵ୍ୟୃ॑ଦ୍ଧ୍ୟତେ॒ ୟସ୍ୟା॒-ଽଽମୟ॑ତି ପ୍ରା॒ଣ ଐ᳚ନ୍ଦ୍ରଵାୟ॒ଵଃ ପ୍ରା॒ଣେନୈ॒ଵୈନ॒ଗ୍ମ୍॒ ସମ॑ର୍ଧୟତି ମୈତ୍ରାଵରୁ॒ଣାଗ୍ରା᳚-ନ୍ଗୃହ୍ଣୀର॒ନ୍॒ ୟେଷା᳚-ନ୍ଦୀକ୍ଷି॒ତାନା᳚-ମ୍ପ୍ର॒ମୀୟେ॑ତ [ପ୍ର॒ମୀୟେ॑ତ, ପ୍ରା॒ଣା॒ପା॒ନାଭ୍ୟାଂ॒-ଵାଁ ଏ॒ତେ] 22
ପ୍ରାଣାପା॒ନାଭ୍ୟାଂ॒-ଵାଁ ଏ॒ତେ ଵ୍ୟୃ॑ଦ୍ଧ୍ୟନ୍ତେ॒ ୟେଷା᳚-ନ୍ଦୀକ୍ଷି॒ତାନା᳚-ମ୍ପ୍ର॒ମୀୟ॑ତେ ପ୍ରାଣାପା॒ନୌ ମି॒ତ୍ରାଵରୁ॑ଣୌ ପ୍ରାଣାପା॒ନାଵେ॒ଵ ମୁ॑ଖ॒ତଃ ପରି॑ ହରନ୍ତ ଆଶ୍ଵି॒ନାଗ୍ରା᳚-ନ୍ଗୃହ୍ଣୀତା ଽଽନୁଜାଵ॒ରୋ᳚-ଽଶ୍ଵିନୌ॒ ଵୈ ଦେ॒ଵାନା॑ମାନୁଜାଵ॒ରୌ ପ॒ଶ୍ଚେଵାଗ୍ର॒-ମ୍ପର୍ୟୈ॑ତା-ମ॒ଶ୍ଵିନା॑ଵେ॒ତସ୍ୟ॑ ଦେ॒ଵତା॒ ୟ ଆ॑ନୁଜାଵ॒ର-ସ୍ତାଵେ॒ଵୈନ॒ମଗ୍ର॒-ମ୍ପରି॑ ଣୟତ-ଶ୍ଶୁ॒କ୍ରାଗ୍ରା᳚-ନ୍ଗୃହ୍ଣୀତ ଗ॒ତଶ୍ରୀଃ᳚ ପ୍ରତି॒ଷ୍ଠାକା॑ମୋ॒-ଽସୌ ଵା ଆ॑ଦି॒ତ୍ୟ-ଶ୍ଶୁ॒କ୍ର ଏ॒ଷୋ-ଽନ୍ତୋ-ଽନ୍ତଂ॑ ମନୁ॒ଷ୍ୟ॑- [ଏ॒ଷୋ-ଽନ୍ତୋ-ଽନ୍ତଂ॑ ମନୁ॒ଷ୍ୟଃ॑, ଶ୍ରି॒ୟୈ ଗ॒ତ୍ଵା ନି] 23
-ଶ୍ଶ୍ରି॒ୟୈ ଗ॒ତ୍ଵା ନି ଵ॑ର୍ତ॒ତେ ଽନ୍ତା॑ଦେ॒ଵା-ଽନ୍ତ॒ମା ର॑ଭତେ॒ ନ ତତଃ॒ ପାପୀ॑ୟା-ନ୍ଭଵତି ମନ୍ଥ୍ୟ॑ଗ୍ରା-ନ୍ଗୃହ୍ଣୀତା-ଭି॒ଚର॑-ନ୍ନାର୍ତପା॒ତ୍ରଂ-ଵାଁ ଏ॒ତ-ଦ୍ୟ-ନ୍ମ॑ନ୍ଥିପା॒ତ୍ର-ମ୍ମୃ॒ତ୍ୟୁନୈ॒ଵୈନ॑-ଙ୍ଗ୍ରାହୟତି ତା॒ଜଗାର୍ତି॒ମାର୍ଚ୍ଛ॑ତ୍ୟା-ଗ୍ରୟ॒ଣାଗ୍ରା᳚-ନ୍ଗୃହ୍ଣୀତ॒ ୟସ୍ୟ॑ ପି॒ତା ପି॑ତାମ॒ହଃ ପୁଣ୍ୟ॒-ସ୍ସ୍ୟାଦଥ॒ ତନ୍ନ ପ୍ରା᳚ପ୍ନୁ॒ୟା-ଦ୍ଵା॒ଚା ଵା ଏ॒ଷ ଇ॑ନ୍ଦ୍ରି॒ୟେଣ॒ ଵ୍ୟୃ॑ଦ୍ଧ୍ୟତେ॒ ୟସ୍ୟ॑ ପି॒ତା ପି॑ତାମ॒ହଃ ପୁଣ୍ୟୋ॒ [ପୁଣ୍ୟଃ॑, ଭଵ॒ତ୍ୟଥ॒ ତନ୍ନ] 24
ଭଵ॒ତ୍ୟଥ॒ ତନ୍ନ ପ୍ରା॒ପ୍ନୋତ୍ୟୁର॑ ଇଵୈ॒ତ-ଦ୍ୟ॒ଜ୍ଞସ୍ୟ॒ ଵାଗି॑ଵ॒ ୟଦା᳚ଗ୍ରୟ॒ଣୋ ଵା॒ଚୈଵୈନ॑ମିନ୍ଦ୍ରି॒ୟେଣ॒ ସମ॑ର୍ଧୟତି॒ ନ ତତଃ॒ ପାପୀ॑ୟା-ନ୍ଭଵତ୍ୟୁ॒କ୍ଥ୍ୟା᳚ଗ୍ରା-ନ୍ଗୃହ୍ଣୀତାଭିଚ॒ର୍ୟମା॑ଣ॒-ସ୍ସର୍ଵେ॑ଷାଂ॒-ଵାଁ ଏ॒ତ-ତ୍ପାତ୍ରା॑ଣାମିନ୍ଦ୍ରି॒ୟଂ-ୟଁଦୁ॑କ୍ଥ୍ୟପା॒ତ୍ରଗ୍ମ୍ ସର୍ଵେ॑ଣୈ॒ଵୈନ॑ମିନ୍ଦ୍ରି॒ୟେଣାତି॒ ପ୍ରୟୁ॑ଙ୍କ୍ତେ॒ ସର॑ସ୍ଵତ୍ୟ॒ଭି ନୋ॑ ନେଷି॒ ଵସ୍ୟ॒ ଇତି॑ ପୁରୋ॒ରୁଚ॑-ଙ୍କୁର୍ୟା॒-ଦ୍ଵାଗ୍ଵୈ [ ] 25
ସର॑ସ୍ଵତୀ ଵା॒ଚୈଵୈନ॒ମତି॒ ପ୍ରୟୁ॑ଙ୍କ୍ତେ॒ ମା ତ୍ଵ-ତ୍କ୍ଷେତ୍ରା॒ଣ୍ୟର॑ଣାନି ଗ॒ନ୍ମେତ୍ୟା॑ହ ମୃ॒ତ୍ୟୋର୍ଵୈ କ୍ଷେତ୍ରା॒ଣ୍ୟର॑ଣାନି॒ ତେନୈ॒ଵ ମୃ॒ତ୍ୟୋଃ, କ୍ଷେତ୍ରା॑ଣି॒ ନ ଗ॑ଚ୍ଛତି ପୂ॒ର୍ଣା-ନ୍ଗ୍ରହା᳚-ନ୍ଗୃହ୍ଣୀୟାଦାମୟା॒ଵିନଃ॑ ପ୍ରା॒ଣାନ୍ ଵା ଏ॒ତସ୍ୟ॒ ଶୁଗୃ॑ଚ୍ଛତି॒ ୟସ୍ୟା॒ ଽଽମୟ॑ତି ପ୍ରା॒ଣା ଗ୍ରହାଃ᳚ ପ୍ରା॒ଣାନେ॒ଵାସ୍ୟ॑ ଶୁ॒ଚୋ ମୁ॑ଞ୍ଚତ୍ୟୁ॒ତ ୟଦୀ॒ତାସୁ॒ର୍ଭଵ॑ତି॒ ଜୀଵ॑ତ୍ୟେ॒ଵ ପୂ॒ର୍ଣା-ନ୍ଗ୍ରହା᳚-ନ୍ଗୃହ୍ଣୀୟା॒-ଦ୍ୟର୍ହି॑ ପ॒ର୍ଜନ୍ୟୋ॒ ନ ଵର୍ଷେ᳚-ତ୍ପ୍ରା॒ଣାନ୍ ଵା ଏ॒ତର୍ହି॑ ପ୍ର॒ଜାନା॒ଗ୍ମ୍॒ ଶୁଗୃ॑ଚ୍ଛତି॒ ୟର୍ହି॑ ପ॒ର୍ଜନ୍ୟୋ॒ ନ ଵର୍ଷ॑ତି ପ୍ରା॒ଣା ଗ୍ରହାଃ᳚ ପ୍ରା॒ଣାନେ॒ଵ ପ୍ର॒ଜାନାଗ୍ମ୍॑ ଶୁ॒ଚୋ ମୁ॑ଞ୍ଚତି ତା॒ଜ-କ୍ପ୍ର ଵ॑ର୍ଷତି ॥ 26 ॥
(ପ୍ର॒ମୀୟେ॑ତ – ମନୁ॒ଷ୍ୟ॑ – ଋଦ୍ଧ୍ୟତେ॒ ୟସ୍ୟ॑ ପି॒ତା ପି॑ତାମ॒ହଃ ପୁଣ୍ୟୋ॒-ଵାଗ୍ଵା-ଏ॒ଵ ପୂ॒ର୍ଣା-ନ୍ଗ୍ରହା॒ନ୍-ପଞ୍ଚ॑ଵିଗ୍ମ୍ଶତିଶ୍ଚ) (ଅ. 7)
ଗା॒ୟ॒ତ୍ରୋ ଵା ଐ᳚ନ୍ଦ୍ରଵାୟ॒ଵୋ ଗା॑ୟ॒ତ୍ର-ମ୍ପ୍ରା॑ୟ॒ଣୀୟ॒-ମହ॒ସ୍ତସ୍ମା᳚-ତ୍ପ୍ରାୟ॒ଣୀୟେ-ଽହ॑ନ୍ନୈନ୍ଦ୍ରଵାୟ॒ଵୋ ଗୃ॑ହ୍ୟତେ॒ ସ୍ଵ ଏ॒ଵୈନ॑ମା॒ୟତ॑ନେ ଗୃହ୍ଣାତି॒ ତ୍ରୈଷ୍ଟୁ॑ଭୋ॒ ଵୈ ଶୁ॒କ୍ରସ୍ତ୍ରୈଷ୍ଟୁ॑ଭ-ନ୍ଦ୍ଵି॒ତୀୟ॒-ମହ॒ସ୍ତସ୍ମା᳚-ଦ୍ଦ୍ଵି॒ତୀୟେ-ଽହ॑ଞ୍ଛୁ॒କ୍ରୋ ଗୃ॑ହ୍ୟତେ॒ ସ୍ଵ ଏ॒ଵୈନ॑ମା॒ୟତ॑ନେ ଗୃହ୍ଣାତି॒ ଜାଗ॑ତୋ॒ ଵା ଆ᳚ଗ୍ରୟ॒ଣୋ ଜାଗ॑ତ-ନ୍ତୃ॒ତୀୟ॒-ମହ॒ସ୍ତସ୍ମା᳚-ତ୍ତୃ॒ତୀୟେ-ଽହ॑ନ୍ନାଗ୍ରୟ॒ଣୋ ଗୃ॑ହ୍ୟତେ॒ ସ୍ଵ ଏ॒ଵୈନ॑ମା॒ୟତ॑ନେ ଗୃହ୍ଣାତ୍ୟେ॒ତଦ୍ଵୈ [ ] 27
ୟ॒ଜ୍ଞମା॑ପ॒-ଦ୍ୟଚ୍ଛନ୍ଦାଗ୍॑ସ୍ୟା॒ପ୍ନୋତି॒ ୟଦା᳚ଗ୍ରୟ॒ଣ-ଶ୍ଶ୍ଵୋ ଗୃ॒ହ୍ୟତେ॒ ୟତ୍ରୈ॒ଵ ୟ॒ଜ୍ଞମଦୃ॑ଶ॒-ନ୍ତତ॑ ଏ॒ଵୈନ॒-ମ୍ପୁନଃ॒ ପ୍ରୟୁ॑ଙ୍କ୍ତେ॒ ଜଗ॑ନ୍ମୁଖୋ॒ ଵୈ ଦ୍ଵି॒ତୀୟ॑ସ୍ତ୍ରିରା॒ତ୍ରୋ ଜାଗ॑ତ ଆଗ୍ରୟ॒ଣୋ ୟଚ୍ଚ॑ତୁ॒ର୍ଥେ-ଽହ॑ନ୍ନାଗ୍ରୟ॒ଣୋ ଗୃ॒ହ୍ୟତେ॒ ସ୍ଵ ଏ॒ଵୈନ॑-ମା॒ୟତ॑ନେ ଗୃହ୍ଣା॒ତ୍ୟଥୋ॒ ସ୍ଵମେ॒ଵ ଛନ୍ଦୋ-ଽନୁ॑ ପ॒ର୍ୟାଵ॑ର୍ତନ୍ତେ॒ ରାଥ॑ନ୍ତରୋ॒ ଵା ଐ᳚ନ୍ଦ୍ରଵାୟ॒ଵୋ ରାଥ॑ନ୍ତର-ମ୍ପଞ୍ଚ॒ମ-ମହ॒-ସ୍ତସ୍ମା᳚-ତ୍ପଞ୍ଚ॒ମେ-ଽହ॑- [-ସ୍ତସ୍ମା᳚-ତ୍ପଞ୍ଚ॒ମେ-ଽହନ୍ନ୍॑, ଐ॒ନ୍ଦ୍ର॒ଵା॒ୟ॒ଵୋ ଗୃ॑ହ୍ୟତେ॒] 28
-ନ୍ନୈନ୍ଦ୍ରଵାୟ॒ଵୋ ଗୃ॑ହ୍ୟତେ॒ ସ୍ଵ ଏ॒ଵୈନ॑-ମା॒ୟତ॑ନେ ଗୃହ୍ଣାତି॒ ବାର୍ହ॑ତୋ॒ ଵୈ ଶୁ॒କ୍ରୋ ବାର୍ହ॑ତଗ୍ମ୍ ଷ॒ଷ୍ଠ-ମହ॒-ସ୍ତସ୍ମା᳚-ଥ୍ଷ॒ଷ୍ଠେ-ଽହ॑ଞ୍ଛୁ॒କ୍ରୋ ଗୃ॑ହ୍ୟତେ॒ ସ୍ଵ ଏ॒ଵୈନ॑-ମା॒ୟତ॑ନେ ଗୃହ୍ଣାତ୍ୟେ॒ତଦ୍ଵୈ ଦ୍ଵି॒ତୀୟଂ॑-ୟଁ॒ଜ୍ଞମା॑ପ॒-ଦ୍ୟଚ୍ଛନ୍ଦାଗ୍॑ସ୍ୟା॒ପ୍ନୋତି॒ ୟଚ୍ଛୁ॒କ୍ର-ଶ୍ଶ୍ଵୋ ଗୃ॒ହ୍ୟତେ॒ ୟତ୍ରୈ॒ଵ ୟ॒ଜ୍ଞ-ମଦୃ॑ଶ॒-ନ୍ତତ॑ ଏ॒ଵୈନ॒-ମ୍ପୁନଃ॒ ପ୍ରୟୁ॑ଙ୍କ୍ତେ ତ୍ରି॒ଷ୍ଟୁଙ୍ମୁ॑ଖୋ॒ ଵୈ ତୃ॒ତୀୟ॑-ସ୍ତ୍ରିରା॒ତ୍ର-ସ୍ତ୍ରୈଷ୍ଟୁ॑ଭ- [-ସ୍ତ୍ରୈଷ୍ଟୁ॑ଭଃ, ଶୁ॒କ୍ରୋ] 29
-ଶ୍ଶୁ॒କ୍ରୋ ୟ-ଥ୍ସ॑ପ୍ତ॒ମେ-ଽହ॑ଞ୍ଛୁ॒କ୍ରୋ ଗୃ॒ହ୍ୟତେ॒ ସ୍ଵ ଏ॒ଵୈନ॑ମା॒ୟତ॑ନେ ଗୃହ୍ଣା॒ତ୍ୟଥୋ॒ ସ୍ଵମେ॒ଵ ଛନ୍ଦୋ-ଽନୁ॑ ପ॒ର୍ୟାଵ॑ର୍ତନ୍ତେ॒ ଵାଗ୍ଵା ଆ᳚ଗ୍ରୟ॒ଣୋ ଵାଗ॑ଷ୍ଟ॒ମମହ॒-ସ୍ତସ୍ମା॑ଦଷ୍ଟ॒ମେ-ଽହ॑ନ୍ନାଗ୍ରୟ॒ଣୋ ଗୃ॑ହ୍ୟତେ॒ ସ୍ଵ ଏ॒ଵୈନ॑ମା॒ୟତ॑ନେ ଗୃହ୍ଣାତି ପ୍ରା॒ଣୋ ଵା ଐ᳚ନ୍ଦ୍ରଵାୟ॒ଵଃ ପ୍ରା॒ଣୋ ନ॑ଵ॒ମ-ମହ॒ସ୍ତସ୍ମା᳚ନ୍ନଵ॒ମେ ଽହ॑ନ୍ନୈନ୍ଦ୍ରଵାୟ॒ଵୋ ଗୃ॑ହ୍ୟତେ॒ ସ୍ଵ ଏ॒ଵୈନ॑ମା॒ୟତ॑ନେ ଗୃହ୍ଣାତ୍ୟେ॒ତ- [ଗୃହ୍ଣାତ୍ୟେ॒ତତ୍, ଵୈ ତୃ॒ତୀୟଂ॑-] 30
-ଦ୍ଵୈ ତୃ॒ତୀୟଂ॑-ୟଁ॒ଜ୍ଞମା॑ପ॒-ଦ୍ୟଚ୍ଛନ୍ଦାଗ୍॑ସ୍ୟା॒ପ୍ନୋତି॒ ୟଦୈ᳚ନ୍ଦ୍ରଵାୟ॒ଵ-ଶ୍ଶ୍ଵୋ ଗୃ॒ହ୍ୟତେ॒ ୟତ୍ରୈ॒ଵ ୟ॒ଜ୍ଞମଦୃ॑ଶ॒-ନ୍ତତ॑ ଏ॒ଵୈନ॒-ମ୍ପୁନଃ॒ ପ୍ରୟୁ॒ଙ୍କ୍ତେ ଽଥୋ॒ ସ୍ଵମେ॒ଵ ଛନ୍ଦୋ-ଽନୁ॑ ପ॒ର୍ୟାଵ॑ର୍ତନ୍ତେ ପ॒ଥୋ ଵା ଏ॒ତେ-ଽଦ୍ଧ୍ୟପ॑ଥେନ ୟନ୍ତି॒ ୟେ᳚-ଽନ୍ୟେନୈ᳚ନ୍ଦ୍ରଵାୟ॒ଵା-ତ୍ପ୍ର॑ତି॒ପଦ୍ୟ॒ନ୍ତେ-ଽନ୍ତଃ॒ ଖଲୁ॒ ଵା ଏ॒ଷ ୟ॒ଜ୍ଞସ୍ୟ॒ ୟ-ଦ୍ଦ॑ଶ॒ମ-ମହ॑ର୍ଦଶ॒ମେ ଽହ॑ନ୍ନୈନ୍ଦ୍ରଵାୟ॒ଵୋ ଗୃ॑ହ୍ୟତେ ୟ॒ଜ୍ଞସ୍ୟୈ॒- [ୟ॒ଜ୍ଞସ୍ୟ॑, ଏ॒ଵାନ୍ତ॑-ଙ୍ଗ॒ତ୍ଵା] 31
-ଵାନ୍ତ॑-ଙ୍ଗ॒ତ୍ଵା ଽପ॑ଥା॒-ତ୍ପନ୍ଥା॒ମପି॑ ୟ॒ନ୍ତ୍ୟଥୋ॒ ୟଥା॒ ଵହୀ॑ୟସା ପ୍ରତି॒ସାରଂ॒-ଵଁହ॑ନ୍ତି ତା॒ଦୃଗେ॒ଵ ତଚ୍ଛନ୍ଦାଗ୍॑ସ୍ୟ॒ନ୍ୟୋ᳚-ଽନ୍ୟସ୍ୟ॑ ଲୋ॒କମ॒ଭ୍ୟ॑ଦ୍ଧ୍ୟାୟ॒-ନ୍ତାନ୍ୟେ॒ତେନୈ॒ଵ ଦେ॒ଵା ଵ୍ୟ॑ଵାହୟନ୍ନୈନ୍ଦ୍ରଵାୟ॒ଵସ୍ୟ॒ ଵା ଏ॒ତଦା॒ୟତ॑ନଂ॒-ୟଁଚ୍ଚ॑ତୁ॒ର୍ଥ-ମହ॒ସ୍ତସ୍ମି॑-ନ୍ନାଗ୍ରୟ॒ଣୋ ଗୃ॑ହ୍ୟତେ॒ ତସ୍ମା॑-ଦାଗ୍ରୟ॒ଣସ୍ୟା॒ ଽଽୟତ॑ନେ ନଵ॒ମେ-ଽହ॑ନ୍ନୈନ୍ଦ୍ରଵାୟ॒ଵୋ ଗୃ॑ହ୍ୟତେ ଶୁ॒କ୍ରସ୍ୟ॒ ଵା ଏ॒ତଦା॒ୟତ॑ନଂ॒-ୟଁ-ତ୍ପ॑ଞ୍ଚ॒ମ- [ୟ-ତ୍ପ॑ଞ୍ଚ॒ମମ୍, ଅହ॒ସ୍ତସ୍ମି॑-ନ୍ନୈନ୍ଦ୍ରଵାୟ॒ଵୋ] 32
-ମହ॒ସ୍ତସ୍ମି॑-ନ୍ନୈନ୍ଦ୍ରଵାୟ॒ଵୋ ଗୃ॑ହ୍ୟତେ॒ ତସ୍ମା॑-ଦୈନ୍ଦ୍ରଵାୟ॒ଵସ୍ୟା॒-ଽଽୟତ॑ନେ ସପ୍ତ॒ମେ-ଽହ॑ଞ୍ଛୁ॒କ୍ରୋ ଗୃ॑ହ୍ୟତ ଆଗ୍ରୟ॒ଣସ୍ୟ॒ ଵା ଏ॒ତଦା॒ୟତ॑ନଂ॒-ୟଁ-ଥ୍ଷ॒ଷ୍ଠମହ॒-ସ୍ତସ୍ମି॑ଞ୍ଛୁ॒କ୍ରୋ ଗୃ॑ହ୍ୟତେ॒ ତସ୍ମା᳚-ଚ୍ଛୁ॒କ୍ରସ୍ୟା॒ ଽଽୟତ॑ନେ-ଽଷ୍ଟ॒ମେ-ଽହ॑ନ୍ନାଗ୍ରୟ॒ଣୋ ଗୃ॑ହ୍ୟତେ॒ ଛନ୍ଦାଗ୍॑ସ୍ୟେ॒ଵ ତଦ୍ଵି ଵା॑ହୟତି॒ ପ୍ର ଵସ୍ୟ॑ସୋ ଵିଵା॒ହମା᳚ପ୍ନୋତି॒ ୟ ଏ॒ଵଂ-ଵେଁଦାଥୋ॑ ଦେ॒ଵତା᳚ଭ୍ୟ ଏ॒ଵ ୟ॒ଜ୍ଞେ ସଂ॒ଵିଁଦ॑-ନ୍ଦଧାତି॒ ତସ୍ମା॑ଦି॒ଦ-ମ॒ନ୍ୟୋ᳚-ଽନ୍ୟସ୍ମୈ॑ ଦଦାତି ॥ 33 ॥
(ଏ॒ତଦ୍ଵୈ – ପ॑ଞ୍ଚ॒ମେ-ଽହ॒ନ୍ – ତ୍ରୈଷ୍ଟୁ॑ଭ – ଏ॒ତ-ଦ୍- ଗୃ॑ହ୍ୟତେ ୟ॒ଜ୍ଞସ୍ୟ॑ – ପଞ୍ଚ॒ମ – ମ॒ନ୍ୟସ୍ମା॒ – ଏକ॑ଞ୍ଚ) (ଅ. 8)
ପ୍ର॒ଜାପ॑ତିରକାମୟତ॒ ପ୍ର ଜା॑ୟେ॒ୟେତି॒ ସ ଏ॒ତ-ନ୍ଦ୍ଵା॑ଦଶରା॒ତ୍ର-ମ॑ପଶ୍ୟ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ସ ପ୍ରାଜା॑ୟତ॒ ୟଃ କା॒ମୟେ॑ତ॒ ପ୍ର ଜା॑ୟେ॒ୟେତି॒ ସ ଦ୍ଵା॑ଦଶରା॒ତ୍ରେଣ॑ ୟଜେତ॒ ପ୍ରୈଵ ଜା॑ୟତେ ବ୍ରହ୍ମଵା॒ଦିନୋ॑ ଵଦନ୍ତ୍ୟଗ୍ନିଷ୍ଟୋ॒ମପ୍ରା॑ୟଣା ୟ॒ଜ୍ଞା ଅଥ॒ କସ୍ମା॑ଦତିରା॒ତ୍ରଃ ପୂର୍ଵଃ॒ ପ୍ର ୟୁ॑ଜ୍ୟତ॒ ଇତି॒ ଚକ୍ଷୁ॑ଷୀ॒ ଵା ଏ॒ତେ ୟ॒ଜ୍ଞସ୍ୟ॒ ୟଦ॑ତିରା॒ତ୍ରୌ କ॒ନୀନି॑କେ ଅଗ୍ନିଷ୍ଟୋ॒ମୌ ୟ- [ଅଗ୍ନିଷ୍ଟୋ॒ମୌ ୟତ୍, ଅ॒ଗ୍ନି॒ଷ୍ଟୋ॒ମ-ମ୍ପୂର୍ଵ॑-] 34
-ଦ॑ଗ୍ନିଷ୍ଟୋ॒ମ-ମ୍ପୂର୍ଵ॑-ମ୍ପ୍ରୟୁଞ୍ଜୀ॒ର-ନ୍ବ॑ହି॒ର୍ଧା କ॒ନୀନି॑କେ ଦଦ୍ଧ୍ୟୁ॒ସ୍ତସ୍ମା॑-ଦତିରା॒ତ୍ରଃ ପୂର୍ଵଃ॒ ପ୍ର ୟୁ॑ଜ୍ୟତେ॒ ଚକ୍ଷୁ॑ଷୀ ଏ॒ଵ ୟ॒ଜ୍ଞେ ଧି॒ତ୍ଵା ମ॑ଦ୍ଧ୍ୟ॒ତଃ କ॒ନୀନି॑କେ॒ ପ୍ରତି॑ ଦଧତି॒ ୟୋ ଵୈ ଗା॑ୟ॒ତ୍ରୀ-ଞ୍ଜ୍ୟୋତିଃ॑ପକ୍ଷାଂ॒-ଵେଁଦ॒ ଜ୍ୟୋତି॑ଷା ଭା॒ସା ସୁ॑ଵ॒ର୍ଗଂ-ଲୋଁ॒କମେ॑ତି॒ ୟାଵ॑ଗ୍ନିଷ୍ଟୋ॒ମୌ ତୌ ପ॒କ୍ଷୌ ୟେ-ଽନ୍ତ॑ରେ॒-ଽଷ୍ଟା-ଵୁ॒କ୍ଥ୍ୟା᳚-ସ୍ସ ଆ॒ତ୍ମୈଷା ଵୈ ଗା॑ୟ॒ତ୍ରୀ ଜ୍ୟୋତିଃ॑ପକ୍ଷା॒ ୟ ଏ॒ଵଂ-ଵେଁଦ॒ ଜ୍ୟୋତି॑ଷା ଭା॒ସା ସୁ॑ଵ॒ର୍ଗଂ-ଲୋଁ॒କ- [ସୁ॑ଵ॒ର୍ଗଂ-ଲୋଁ॒କମ୍, ଏ॒ତି॒ ପ୍ର॒ଜାପ॑ତି॒ର୍ଵା] 35
-ମେ॑ତି ପ୍ର॒ଜାପ॑ତି॒ର୍ଵା ଏ॒ଷ ଦ୍ଵା॑ଦଶ॒ଧା ଵିହି॑ତୋ॒ ୟ-ଦ୍ଦ୍ଵା॑ଦଶରା॒ତ୍ରୋ ୟାଵ॑ତିରା॒ତ୍ରୋ ତୌ ପ॒କ୍ଷୌ ୟେ-ଽନ୍ତ॑ରେ॒-ଽଷ୍ଟା-ଵୁ॒କ୍ଥ୍ୟା᳚-ସ୍ସ ଆ॒ତ୍ମା ପ୍ର॒ଜାପ॑ତି॒ର୍ଵାଵୈଷ ସନ୍ଥ୍ସଦ୍ଧ॒ ଵୈ ସ॒ତ୍ରେଣ॑ ସ୍ପୃଣୋତି ପ୍ରା॒ଣା ଵୈ ସ-ତ୍ପ୍ରା॒ଣାନେ॒ଵ ସ୍ପୃ॑ଣୋତି॒ ସର୍ଵା॑ସାଂ॒-ଵାଁ ଏ॒ତେ ପ୍ର॒ଜାନା᳚-ମ୍ପ୍ରା॒ଣୈରା॑ସତେ॒ ୟେ ସ॒ତ୍ରମାସ॑ତେ॒ ତସ୍ମା᳚-ତ୍ପୃଚ୍ଛନ୍ତି॒ କିମେ॒ତେ ସ॒ତ୍ରିଣ॒ ଇତି॑ ପ୍ରି॒ୟଃ ପ୍ର॒ଜାନା॒ ମୁତ୍ଥି॑ତୋ ଭଵତି॒ ୟ ଏ॒ଵଂ ଁଵେଦ॑ ॥ 36 ॥
(ଅ॒ଗ୍ନି॒ଷ୍ଟୋ॒ମୌ ୟଥ୍ – ସୁ॑ଵ॒ର୍ଗଂ-ଲୋଁ॒କଂ – ପ୍ରି॒ୟଃ ପ୍ର॒ଜାନାଂ॒ – ପଞ୍ଚ॑ ଚ) (ଅ. 9)
ନ ଵା ଏ॒ଷୋ᳚-ଽନ୍ୟତୋ॑ଵୈଶ୍ଵାନର-ସ୍ସୁଵ॒ର୍ଗାୟ॑ ଲୋ॒କାୟ॒ ପ୍ରାଭ॑ଵଦୂ॒ର୍ଧ୍ଵୋ ହ॒ ଵା ଏ॒ଷ ଆତ॑ତ ଆସୀ॒-ତ୍ତେ ଦେ॒ଵା ଏ॒ତଂ-ଵୈଁ᳚ଶ୍ଵାନ॒ର-ମ୍ପର୍ୟୌ॑ହନ୍-ଥ୍ସୁଵ॒ର୍ଗସ୍ୟ॑ ଲୋ॒କସ୍ୟ॒ ପ୍ରଭୂ᳚ତ୍ୟା ଋ॒ତଵୋ॒ ଵା ଏ॒ତେନ॑ ପ୍ର॒ଜାପ॑ତିମୟାଜୟ॒-ନ୍ତେଷ୍ଵା᳚ର୍ଧ୍ନୋ॒ଦଧି॒ ତଦୃ॒ଦ୍ଧ୍ନୋତି॑ ହ॒ ଵା ଋ॒ତ୍ଵିକ୍ଷୁ॒ ୟ ଏ॒ଵଂ-ଵିଁ॒ଦ୍ଵା-ନ୍ଦ୍ଵା॑ଦଶା॒ହେନ॒ ୟଜ॑ତେ॒ ତେ᳚-ଽସ୍ମିନ୍ନୈଚ୍ଛନ୍ତ॒ ସ ରସ॒ମହ॑ ଵସ॒ନ୍ତାୟ॒ ପ୍ରାୟ॑ଚ୍ଛ॒- [ପ୍ରାୟ॑ଚ୍ଛତ୍, ୟଵ॑-ଙ୍ଗ୍ରୀ॒ଷ୍ମାୟୌଷ॑ଧୀ-] 37
-ଦ୍ୟଵ॑-ଙ୍ଗ୍ରୀ॒ଷ୍ମାୟୌଷ॑ଧୀ-ର୍ଵ॒ର୍॒ଷାଭ୍ୟୋ᳚ ଵ୍ରୀ॒ହୀଞ୍ଛ॒ରଦେ॑ ମାଷତି॒ଲୌ ହେ॑ମନ୍ତଶିଶି॒ରାଭ୍ୟା॒-ନ୍ତେନେନ୍ଦ୍ର॑-ମ୍ପ୍ର॒ଜାପ॑ତିରୟାଜୟ॒-ତ୍ତତୋ॒ ଵା ଇନ୍ଦ୍ର॒ ଇନ୍ଦ୍ରୋ॑-ଽଭଵ॒-ତ୍ତସ୍ମା॑ଦାହୁ-ରାନୁଜାଵ॒ରସ୍ୟ॑ ୟ॒ଜ୍ଞ ଇତି॒ ସ ହ୍ୟେ॑ତେନା-ଽଗ୍ରେ-ଽୟ॑ଜତୈ॒ଷ ହ॒ ଵୈ କୁ॒ଣପ॑ମତ୍ତି॒ ୟ-ସ୍ସ॒ତ୍ରେ ପ୍ର॑ତିଗୃ॒ହ୍ଣାତି॑ ପୁରୁଷକୁଣ॒ପ-ମ॑ଶ୍ଵକୁଣ॒ପ-ଙ୍ଗୌର୍ଵା ଅନ୍ନଂ॒-ୟେଁନ॒ ପାତ୍ରେ॒ଣାନ୍ନ॒-ମ୍ବିଭ୍ର॑ତି॒ ୟ-ତ୍ତନ୍ନ ନି॒ର୍ଣେନି॑ଜତି॒ ତତୋ-ଽଧି॒ [ତତୋ-ଽଧି॑, ମଲ॑-ଞ୍ଜାୟତ॒ ଏକ॑ ଏ॒ଵ] 38
ମଲ॑-ଞ୍ଜାୟତ॒ ଏକ॑ ଏ॒ଵ ୟ॑ଜେ॒ତୈକୋ॒ ହି ପ୍ର॒ଜାପ॑ତି॒-ରାର୍ଧ୍ନୋ॒-ଦ୍ଦ୍ଵାଦ॑ଶ॒ ରାତ୍ରୀ᳚ର୍ଦୀକ୍ଷି॒ତ-ସ୍ସ୍ୟା॒-ଦ୍ଦ୍ଵାଦ॑ଶ॒ ମାସା᳚-ସ୍ସଂଵଁଥ୍ସ॒ର-ସ୍ସଂ॑ଵଁଥ୍ସ॒ରଃ ପ୍ର॒ଜାପ॑ତିଃ ପ୍ର॒ଜାପ॑ତି॒ର୍ଵାଵୈଷ ଏ॒ଷ ହ॒ ତ୍ଵୈ ଜା॑ୟତେ॒ ୟସ୍ତପ॒ସୋ-ଽଧି॒ ଜାୟ॑ତେ ଚତୁ॒ର୍ଧା ଵା ଏ॒ତାସ୍ତି॒ସ୍ରସ୍ତି॑ସ୍ରୋ॒ ରାତ୍ର॑ୟୋ॒ ୟ-ଦ୍ଦ୍ଵାଦ॑ଶୋପ॒ସଦୋ॒ ୟାଃ ପ୍ର॑ଥ॒ମା ୟ॒ଜ୍ଞ-ନ୍ତାଭି॒-ସ୍ସ-ମ୍ଭ॑ରତି॒ ୟା ଦ୍ଵି॒ତୀୟା॑ ୟ॒ଜ୍ଞ-ନ୍ତାଭି॒ରା ର॑ଭତେ॒ [ୟ॒ଜ୍ଞ-ନ୍ତାଭି॒ରା ର॑ଭତେ, ୟାସ୍ତୃ॒ତୀୟାଃ॒] 39
ୟାସ୍ତୃ॒ତୀୟାଃ॒ ପାତ୍ରା॑ଣି॒ ତାଭି॒ର୍ନିର୍ଣେ॑ନିକ୍ତେ॒ ୟାଶ୍ଚ॑ତୁ॒ର୍ଥୀରପି॒ ତାଭି॑ରା॒ତ୍ମାନ॑-ମନ୍ତର॒ତ-ଶ୍ଶୁ॑ନ୍ଧତେ॒ ୟୋ ଵା ଅ॑ସ୍ୟ ପ॒ଶୁମତ୍ତି॑ ମା॒ଗ୍ମ୍॒ସଗ୍ମ୍ ସୋ᳚-ଽତ୍ତି॒ ୟଃ ପୁ॑ରୋ॒ଡାଶ॑-ମ୍ମ॒ସ୍ତିଷ୍କ॒ଗ୍ମ୍॒ ସ ୟଃ ପ॑ରିଵା॒ପ-ମ୍ପୁରୀ॑ଷ॒ଗ୍ମ୍॒ ସ ୟ ଆଜ୍ୟ॑-ମ୍ମ॒ଜ୍ଜାନ॒ଗ୍ମ୍॒ ସ ୟ-ସ୍ସୋମ॒ଗ୍ଗ୍॒ ସ୍ଵେଦ॒ଗ୍ମ୍॒ ସୋ-ଽପି॑ ହ॒ ଵା ଅ॑ସ୍ୟ ଶୀର୍ଷ॒ଣ୍ୟା॑ ନି॒ଷ୍ପଦଃ॒ ପ୍ରତି॑ ଗୃହ୍ଣାତି॒ ୟୋ ଦ୍ଵା॑ଦଶା॒ହେ ପ୍ର॑ତିଗୃ॒ହ୍ଣାତି॒ ତସ୍ମା᳚-ଦ୍ଦ୍ଵାଦଶା॒ହେନ॒ ନ ୟାଜ୍ୟ॑-ମ୍ପା॒ପ୍ମନୋ॒ ଵ୍ୟାଵୃ॑ତ୍ତ୍ୟୈ ॥ 40 ॥
(ଅୟ॑ଚ୍ଛ॒ – ଦଧି॑ – ରଭତେ – ଦ୍ଵାଦଶା॒ହେନ॑ – ଚ॒ତ୍ଵାରି॑ ଚ) (ଅ. 10)
ଏକ॑ସ୍ମୈ॒ ସ୍ଵାହା॒ ଦ୍ଵାଭ୍ୟା॒ଗ୍॒ ସ୍ଵାହା᳚ ତ୍ରି॒ଭ୍ୟ-ସ୍ସ୍ଵାହା॑ ଚ॒ତୁର୍ଭ୍ୟ॒-ସ୍ସ୍ଵାହା॑ ପ॒ଞ୍ଚଭ୍ୟ॒-ସ୍ସ୍ଵାହା॑ ଷ॒ଡ୍ଭ୍ୟ-ସ୍ସ୍ଵାହା॑ ସ॒ପ୍ତଭ୍ୟ॒-ସ୍ସ୍ଵାହା᳚ ଽଷ୍ଟା॒ଭ୍ୟ-ସ୍ସ୍ଵାହା॑ ନ॒ଵଭ୍ୟ॒-ସ୍ସ୍ଵାହା॑ ଦ॒ଶଭ୍ୟ॒-ସ୍ସ୍ଵାହୈ॑ -କାଦ॒ଶଭ୍ୟ॒-ସ୍ସ୍ଵାହା᳚ ଦ୍ଵାଦ॒ଶଭ୍ୟ॒-ସ୍ସ୍ଵାହା᳚ ତ୍ରୟୋଦ॒ଶଭ୍ୟ॒-ସ୍ସ୍ଵାହା॑ ଚତୁର୍ଦ॒ଶଭ୍ୟ॒-ସ୍ସ୍ଵାହା॑ ପଞ୍ଚଦ॒ଶଭ୍ୟ॒-ସ୍ସ୍ଵାହା॑ ଷୋଡ॒ଶଭ୍ୟ॒-ସ୍ସ୍ଵାହା॑ ସପ୍ତଦ॒ଶଭ୍ୟ॒-ସ୍ସ୍ଵାହା᳚ ଽଷ୍ଟାଦ॒ଶଭ୍ୟ॒-ସ୍ସ୍ଵାହୈ-କା॒ନ୍ନ ଵିଗ୍ମ୍॑ଶ॒ତ୍ୟୈ ସ୍ଵାହା॒ ନଵ॑ଵିଗ୍ମ୍ଶତ୍ୟୈ॒ ସ୍ଵାହୈ-କା॒ନ୍ନ ଚ॑ତ୍ଵାରି॒ଗ୍ମ୍॒ଶତେ॒ ସ୍ଵାହା॒ ନଵ॑ଚତ୍ଵାରିଗ୍ମ୍ଶତେ॒ ସ୍ଵାହୈ-କା॒ନ୍ନ ଷ॒ଷ୍ଟ୍ୟୈ ସ୍ଵାହା॒ ନଵ॑ଷଷ୍ଟ୍ୟୈ॒ ସ୍ଵାହୈ -କା॒ନ୍ନାଶୀ॒ତ୍ୟୈ ସ୍ଵାହା॒ ନଵା॑ଶୀତ୍ୟୈ॒ ସ୍ଵାହୈକା॒ନ୍ନ ଶ॒ତାୟ॒ ସ୍ଵାହା॑ ଶ॒ତାୟ॒ ସ୍ଵାହା॒ ଦ୍ଵାଭ୍ୟାଗ୍ମ୍॑ ଶ॒ତାଭ୍ୟା॒ଗ୍॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 41 ॥
(ନଵ॑ଚତ୍ଵାରିଗ୍ମ୍ଶତେ॒ ସ୍ଵାହୈ-କା॒ନ୍ନୈକ॑ଵିଗ୍ମ୍ଶତିଶ୍ଚ) (ଅ. 11)
ଏକ॑ସ୍ମୈ॒ ସ୍ଵାହା᳚ ତ୍ରି॒ଭ୍ୟ-ସ୍ସ୍ଵାହା॑ ପ॒ଞ୍ଚଭ୍ୟ॒-ସ୍ସ୍ଵାହା॑ ସ॒ପ୍ତଭ୍ୟ॒-ସ୍ସ୍ଵାହା॑ ନ॒ଵଭ୍ୟ॒-ସ୍ସ୍ଵାହୈ॑- କାଦ॒ଶଭ୍ୟ॒-ସ୍ସ୍ଵାହା᳚ ତ୍ରୟୋଦ॒ଶଭ୍ୟ॒-ସ୍ସ୍ଵାହା॑ ପଞ୍ଚଦ॒ଶଭ୍ୟ॒-ସ୍ସ୍ଵାହା॑ ସପ୍ତଦ॒ଶଭ୍ୟ॒-ସ୍ସ୍ଵାହୈକା॒ନ୍ନ ଵିଗ୍ମ୍॑ଶ॒ତ୍ୟୈ ସ୍ଵାହା॒ ନଵ॑ଵିଗ୍ମ୍ଶତ୍ୟୈ॒ ସ୍ଵାହୈକା॒ନ୍ନ ଚ॑ତ୍ଵାରି॒ଗ୍ମ୍॒ଶତେ॒ ସ୍ଵାହା॒ ନଵ॑ଚତ୍ଵାରିଗ୍ମ୍ଶତେ॒ ସ୍ଵାହୈକା॒ନ୍ନ ଷ॒ଷ୍ଟ୍ୟୈ ସ୍ଵାହା॒ ନଵ॑ଷଷ୍ଟ୍ୟୈ॒ ସ୍ଵାହୈକା॒ନ୍ନା ଶୀ॒ତ୍ୟୈ ସ୍ଵାହା॒ ନଵା॑ଶୀତ୍ୟୈ॒ ସ୍ଵାହୈକା॒ନ୍ନ ଶ॒ତାୟ॒ ସ୍ଵାହା॑ ଶ॒ତାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 42 ॥
(ଏକ॑ସ୍ମୈ ତ୍ରି॒ଭ୍ୟଃ – ପ॑ଞ୍ଚା॒ଶତ୍) (ଅ. 12)
ଦ୍ଵାଭ୍ୟା॒ଗ୍॒ ସ୍ଵାହା॑ ଚ॒ତୁର୍ଭ୍ୟ॒-ସ୍ସ୍ଵାହା॑ ଷ॒ଡ୍ଭ୍ୟ-ସ୍ସ୍ଵାହା᳚ ଽଷ୍ଟା॒ଭ୍ୟ-ସ୍ସ୍ଵାହା॑ ଦ॒ଶଭ୍ୟ॒-ସ୍ସ୍ଵାହା᳚ ଦ୍ଵାଦ॒ଶଭ୍ୟ॒-ସ୍ସ୍ଵାହା॑ ଚତୁର୍ଦ॒ଶଭ୍ୟ॒-ସ୍ସ୍ଵାହା॑ ଷୋଡ॒ଶଭ୍ୟ॒-ସ୍ସ୍ଵାହା᳚ ଽଷ୍ଟାଦ॒ଶଭ୍ୟ॒-ସ୍ସ୍ଵାହା॑ ଵିଗ୍ମ୍ଶ॒ତ୍ୟୈ ସ୍ଵାହା॒ ଽଷ୍ଟାନ॑ଵତ୍ୟୈ॒ ସ୍ଵାହା॑ ଶ॒ତାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 43 ॥
(ଦ୍ଵାଭ୍ୟା॑ମ॒ଷ୍ଟାନ॑ଵତ୍ୟୈ॒ – ଷଡ୍ଵିଗ୍ମ୍॑ଶତିଃ) (ଅ. 13)
ତ୍ରି॒ଭ୍ୟ-ସ୍ସ୍ଵାହା॑ ପ॒ଞ୍ଚଭ୍ୟ॒-ସ୍ସ୍ଵାହା॑ ସ॒ପ୍ତଭ୍ୟ॒-ସ୍ସ୍ଵାହା॑ ନ॒ଵଭ୍ୟ॒-ସ୍ସ୍ଵାହୈ॑-କାଦ॒ଶଭ୍ୟ॒-ସ୍ସ୍ଵାହା᳚ ତ୍ରୟୋଦ॒ଶଭ୍ୟ॒-ସ୍ସ୍ଵାହା॑ ପଞ୍ଚଦ॒ଶଭ୍ୟ॒-ସ୍ସ୍ଵାହା॑ ସପ୍ତଦ॒ଶଭ୍ୟ॒-ସ୍ସ୍ଵାହୈକା॒ନ୍ନ ଵିଗ୍ମ୍॑ଶ॒ତ୍ୟୈ ସ୍ଵାହା॒ ନଵ॑ଵିଗ୍ମ୍ଶତ୍ୟୈ॒ ସ୍ଵାହୈକା॒ନ୍ନ ଚ॑ତ୍ଵାରି॒ଗ୍ମ୍॒ଶତେ॒ ସ୍ଵାହା॒ ନଵ॑ଚତ୍ଵାରିଗ୍ମ୍ଶତେ॒ ସ୍ଵାହୈକା॒ନ୍ନ ଷ॒ଷ୍ଟ୍ୟୈ ସ୍ଵାହା॒ ନଵ॑ଷଷ୍ଟ୍ୟୈ॒ ସ୍ଵାହୈକା॒ନ୍ନା ଽଶୀ॒ତ୍ୟୈ ସ୍ଵାହା॒ ନଵା॑ଶୀତ୍ୟୈ॒ ସ୍ଵାହୈକା॒ନ୍ନ ଶ॒ତାୟ॒ ସ୍ଵାହା॑ ଶ॒ତାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 44 ॥
(ତ୍ରି॒ଭ୍ୟୋ᳚ – ଽଷ୍ଟାଚତ୍ଵାରି॒ଗ୍ମ୍॒ଶତ୍) (ଅ. 14)
ଚ॒ତୁର୍ଭ୍ୟ॒-ସ୍ସ୍ଵାହା᳚ ଽଷ୍ଟା॒ଭ୍ୟ-ସ୍ସ୍ଵାହା᳚ ଦ୍ଵାଦ॒ଶଭ୍ୟ॒-ସ୍ସ୍ଵାହା॑ ଷୋଡ॒ଶଭ୍ୟ॒-ସ୍ସ୍ଵାହା॑ ଵିଗ୍ମ୍ଶ॒ତ୍ୟୈ ସ୍ଵାହା॒ ଷଣ୍ଣ॑ଵତ୍ୟୈ॒ ସ୍ଵାହା॑ ଶ॒ତାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 45 ॥
(ଚ॒ତୁର୍ଭ୍ୟ॒-ଷ୍ଷଣ୍ଣ॑ଵତ୍ୟୈ॒ – ଷୋଡ॑ଶ) (ଅ. 15)
ପ॒ଞ୍ଚଭ୍ୟ॒-ସ୍ସ୍ଵାହା॑ ଦ॒ଶଭ୍ୟ॒-ସ୍ସ୍ଵାହା॑ ପଞ୍ଚଦ॒ଶଭ୍ୟ॒-ସ୍ସ୍ଵାହା॑ ଵିଗ୍ମ୍ଶ॒ତ୍ୟୈ ସ୍ଵାହା॒ ପଞ୍ଚ॑ନଵତ୍ୟୈ॒ ସ୍ଵାହା॑ ଶ॒ତାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 46 ॥
(ପ॒ଞ୍ଚଭ୍ୟଃ॒ ପଞ୍ଚ॑ନଵତ୍ୟୈ॒ – ଚତୁ॑ର୍ଦଶ) (ଅ. 16)
ଦ॒ଶଭ୍ୟ॒-ସ୍ସ୍ଵାହା॑ ଵିଗ୍ମ୍ଶ॒ତ୍ୟୈ ସ୍ଵାହା᳚ ତ୍ରି॒ଗ୍ମ୍॒ଶତେ॒ ସ୍ଵାହା॑ ଚତ୍ଵାରି॒ଗ୍ମ୍॒ଶତେ॒ ସ୍ଵାହା॑ ପଞ୍ଚା॒ଶତେ॒ ସ୍ଵାହା॑ ଷ॒ଷ୍ଟ୍ୟୈ ସ୍ଵାହା॑ ସପ୍ତ॒ତ୍ୟୈ ସ୍ଵାହା॑ ଽଶୀ॒ତ୍ୟୈ ସ୍ଵାହା॑ ନଵ॒ତ୍ୟୈ ସ୍ଵାହା॑ ଶ॒ତାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 47 ॥
(ଦ॒ଶଭ୍ୟୋ॒ – ଦ୍ଵାଵିଗ୍ମ୍॑ଶତିଃ) (ଅ. 17)
ଵି॒ଗ୍ମ୍॒ଶ॒ତ୍ୟୈ ସ୍ଵାହା॑ ଚତ୍ଵାରି॒ଗ୍ମ୍॒ଶତେ॒ ସ୍ଵାହା॑ ଷ॒ଷ୍ଟ୍ୟୈ ସ୍ଵାହା॑ ଽଶୀ॒ତ୍ୟୈ ସ୍ଵାହା॑ ଶ॒ତାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 48 ॥
(ଵି॒ଗ୍ମ୍॒ଶ॒ତ୍ୟୈ – ଦ୍ଵାଦ॑ଶ) (ଅ. 18)
ପ॒ଞ୍ଚା॒ଶତେ॒ ସ୍ଵାହା॑ ଶ॒ତାୟ॒ ସ୍ଵାହା॒ ଦ୍ଵାଭ୍ୟାଗ୍ମ୍॑ ଶ॒ତାଭ୍ୟା॒ଗ୍॒ ସ୍ଵାହା᳚ ତ୍ରି॒ଭ୍ୟ-ଶ୍ଶ॒ତେଭ୍ୟ॒-ସ୍ସ୍ଵାହା॑ ଚ॒ତୁର୍ଭ୍ୟ॑-ଶ୍ଶ॒ତେଭ୍ୟ॒-ସ୍ସ୍ଵାହା॑ ପ॒ଞ୍ଚଭ୍ୟ॑-ଶ୍ଶ॒ତେଭ୍ୟ॒-ସ୍ସ୍ଵାହା॑ ଷ॒ଡ୍ଭ୍ୟ-ଶ୍ଶ॒ତେଭ୍ୟ॒-ସ୍ସ୍ଵାହା॑ ସ॒ପ୍ତଭ୍ୟ॑-ଶ୍ଶ॒ତେଭ୍ୟ॒-ସ୍ସ୍ଵାହା᳚ ଽଷ୍ଟା॒ଭ୍ୟ-ଶ୍ଶ॒ତେଭ୍ୟ॒-ସ୍ସ୍ଵାହା॑ ନ॒ଵଭ୍ୟ॑-ଶ୍ଶ॒ତେଭ୍ୟ॒-ସ୍ସ୍ଵାହା॑ ସ॒ହସ୍ରା॑ୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 49 ॥
(ପ॒ଞ୍ଚା॒ଶତେ॒ – ଦ୍ଵାତ୍ରିଗ୍ମ୍॑ଶତ୍) (ଅ. 19)
ଶ॒ତାୟ॒ ସ୍ଵାହା॑ ସ॒ହସ୍ରା॑ୟ॒ ସ୍ଵାହା॒ ଽୟୁତା॑ୟ॒ ସ୍ଵାହା॑ ନି॒ୟୁତା॑ୟ॒ ସ୍ଵାହା᳚ ପ୍ର॒ୟୁତା॑ୟ॒ ସ୍ଵାହା ଽର୍ବୁ॑ଦାୟ॒ ସ୍ଵାହା॒ ନ୍ୟ॑ର୍ବୁଦାୟ॒ ସ୍ଵାହା॑ ସମୁ॒ଦ୍ରାୟ॒ ସ୍ଵାହା॒ ମଦ୍ଧ୍ୟା॑ୟ॒ ସ୍ଵାହା ଽନ୍ତା॑ୟ॒ ସ୍ଵାହା॑ ପରା॒ର୍ଧାୟ॒ ସ୍ଵାହୋ॒ଷସେ॒ ସ୍ଵାହା॒ ଵ୍ୟୁ॑ଷ୍ଟ୍ୟୈ॒ ସ୍ଵାହୋ॑ଦେଷ୍ୟ॒ତେ ସ୍ଵାହୋ᳚ଦ୍ୟ॒ତେ ସ୍ଵାହୋଦି॑ତାୟ॒ ସ୍ଵାହା॑ ସୁଵ॒ର୍ଗାୟ॒ ସ୍ଵାହା॑ ଲୋ॒କାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 50 ॥
(ଶ॒ତାୟା॒-ଽଷ୍ଟାତ୍ରିଗ୍ମ୍॑ଶତ୍) (ଅ. 20)
(ସା॒ଧ୍ୟା-ଷ୍ଷ॑ଡ୍ ରା॒ତ୍ରଂ – କୁ॑ସୁରୁ॒ବିନ୍ଦ॑-ସ୍ସପ୍ତରା॒ତ୍ରଂ – ବୃହ॒ସ୍ପତି॑ରଷ୍ଟରା॒ତ୍ରଂ – ପ୍ର॒ଜାପ॑ତି॒ସ୍ତାଃ, କ୍ଷୁଧ॑ନ୍ନଵରା॒ତ୍ରଂ – ପ୍ର॒ଜାପ॑ତିରକାମୟତ॒ ଦଶ॑ହୋତାରାତ୍ର – ମୃ॒ତଵ॑ – ଐନ୍ଦ୍ରଵାୟ॒ଵାଗ୍ରା᳚ନ୍ – ଗାୟ॒ତ୍ରୋ ଵୈ – ପ୍ର॒ଜାପ॑ତି॒-ସ୍ସ ଦ୍ଵା॑ଦଶରା॒ତ୍ରଂ – ନ ଵା -ଏକ॑ସ୍ମା॒ – ଏକ॑ସ୍ମୈ॒ – ଦ୍ଵାଭ୍ୟାଂ᳚ – ତ୍ରି॒ଭ୍ୟଃ – ଚ॒ତୁର୍ଭ୍ୟଃ॑ – ପ॒ଞ୍ଚଭ୍ୟୋ॑ – ଦ॒ଶଭ୍ୟୋ॑ – ଵିଗ୍ମ୍ଶ॒ତ୍ୟୈ – ପ॑ଞ୍ଚା॒ଶତେ॑ – ଶ॒ତାୟ॑ – ଵିଗ୍ମ୍ଶ॒ତିଃ )
(ସା॒ଧ୍ୟା – ଅ॑ସ୍ମା ଇ॒ମେ ଲୋ॒କା – ଗା॑ୟ॒ତ୍ରଂ – ଁଵୈ ତୃ॒ତୀୟ॒ – ମେକ॑ସ୍ମୈ – ପଞ୍ଚା॒ଶତ୍ )
(ସା॒ଧ୍ୟା, ସ୍ସର୍ଵ॑ସ୍ମୈ॒ ସ୍ଵାହା᳚ )
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ଦ୍ଵିତୀୟଃ ପ୍ରଶ୍ନ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 7.2 - ସାଧ୍ୟା ଵୈ ଦେଵାଃ ସୁଵର୍ଗକାମାଃ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
7.2 - ସାଧ୍ୟା ଵୈ ଦେଵାଃ ସୁଵର୍ଗକାମାଃ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 7.2 - ସାଧ୍ୟା ଵୈ ଦେଵାଃ ସୁଵର୍ଗକାମାଃ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 7.2 - ସାଧ୍ୟା ଵୈ ଦେଵାଃ ସୁଵର୍ଗକାମାଃ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.