5.7 – ୟୋ ଵା ଅୟଥା ଦେଵତମ୍ – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ମ୍ପଞ୍ଚମକାଣ୍ଡେ ସପ୍ତମଃ ପ୍ରଶ୍ନଃ-ଉପାନୁଵାକ୍ୟାଵଶିଷ୍ଟକର୍ମନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ୟୋ ଵା ଅୟ॑ଥାଦେଵତମ॒ଗ୍ନି-ଞ୍ଚି॑ନୁ॒ତ ଆ ଦେ॒ଵତା᳚ଭ୍ୟୋ ଵୃଶ୍ଚ୍ୟତେ॒ ପାପୀ॑ୟା-ନ୍ଭଵତି॒ ୟୋ ୟ॑ଥାଦେଵ॒ତ-ନ୍ନ ଦେ॒ଵତା᳚ଭ୍ୟ॒ ଆ ଵୃ॑ଶ୍ଚ୍ୟତେ॒ ଵସୀ॑ୟା-ନ୍ଭଵତ୍ୟାଗ୍ନେ॒ୟ୍ୟା ଗା॑ୟତ୍ରି॒ୟା ପ୍ର॑ଥ॒ମା-ଞ୍ଚିତି॑ମ॒ଭି ମୃ॑ଶେ-ତ୍ତ୍ରି॒ଷ୍ଟୁଭା᳚ ଦ୍ଵି॒ତୀୟା॒-ଞ୍ଜଗ॑ତ୍ୟା ତୃ॒ତୀୟା॑ମନୁ॒ଷ୍ଟୁଭା॑ ଚତୁ॒ର୍ଥୀ-ମ୍ପ॒ଙ୍କ୍ତ୍ୟା ପ॑ଞ୍ଚ॒ମୀଂ-ୟଁ॑ଥାଦେଵ॒ତମେ॒ଵାଗ୍ନି-ଞ୍ଚି॑ନୁତେ॒ ନ ଦେ॒ଵତା᳚ଭ୍ୟ॒ ଆ ଵୃ॑ଶ୍ଚ୍ୟତେ॒ ଵସୀ॑ୟା-ନ୍ଭଵ॒ତୀଡା॑ୟୈ॒ ଵା ଏ॒ଷା ଵିଭ॑କ୍ତିଃ ପ॒ଶଵ॒ ଇଡା॑ ପ॒ଶୁଭି॑ରେନ- [ପ॒ଶୁଭି॑ରେନମ୍, ଚି॒ନୁ॒ତେ॒ ୟୋ ଵୈ] 1
-ଞ୍ଚିନୁତେ॒ ୟୋ ଵୈ ପ୍ର॒ଜାପ॑ତୟେ ପ୍ରତି॒ ପ୍ରୋଚ୍ୟା॒ଗ୍ନି-ଞ୍ଚି॒ନୋତି॒ ନା-ଽଽର୍ତି॒ମାର୍ଚ୍ଛ॒-ତ୍ୟଶ୍ଵା॑ଵ॒ଭିତ॑ସ୍ତିଷ୍ଠେତା-ଙ୍କୃ॒ଷ୍ଣ ଉ॑ତ୍ତର॒ତ-ଶ୍ଶ୍ଵେ॒ତୋ ଦକ୍ଷି॑ଣ॒ସ୍ତାଵା॒ଲଭ୍ୟେଷ୍ଟ॑କା॒ ଉପ॑ ଦଦ୍ଧ୍ୟାଦେ॒ତଦ୍ଵୈ ପ୍ର॒ଜାପ॑ତେ ରୂ॒ପ-ମ୍ପ୍ରା॑ଜାପ॒ତ୍ୟୋ-ଽଶ୍ଵ॑-ସ୍ସା॒କ୍ଷାଦେ॒ଵ ପ୍ର॒ଜାପ॑ତୟେ ପ୍ରତି॒ପ୍ରୋଚ୍ୟା॒ଗ୍ନି-ଞ୍ଚି॑ନୋତି॒ ନା-ଽଽର୍ତି॒ମାର୍ଚ୍ଛ॑ତ୍ୟେ॒ତଦ୍ଵା ଅହ୍ନୋ॑ ରୂ॒ପଂ-ୟଁଚ୍ଛ୍ଵେ॒ତୋ-ଽଶ୍ଵୋ॒ ରାତ୍ରି॑ୟୈ କୃ॒ଷ୍ଣ ଏ॒ତଦହ୍ନୋ॑ [ଏ॒ତଦହ୍ନଃ॑, ରୂ॒ପଂ-ୟଁଦିଷ୍ଟ॑କା॒] 2
ରୂ॒ପଂ-ୟଁଦିଷ୍ଟ॑କା॒ ରାତ୍ରି॑ୟୈ॒ ପୁରୀ॑ଷ॒ମିଷ୍ଟ॑କା ଉପଧା॒ସ୍ୟଞ୍ଛ୍ଵେ॒ତ-ମଶ୍ଵ॑ମ॒ଭି ମୃ॑ଶେ॒-ତ୍ପୁରୀ॑ଷମୁପଧା॒ସ୍ୟନ୍ କୃ॒ଷ୍ଣମ॑ହୋରା॒ତ୍ରାଭ୍ୟା॑ମେ॒ଵୈନ॑-ଞ୍ଚିନୁତେ ହିରଣ୍ୟ ପା॒ତ୍ର-ମ୍ମଧୋଃ᳚ ପୂ॒ର୍ଣ-ନ୍ଦ॑ଦାତି ମଧ॒ଵ୍ୟୋ॑ ଽସା॒ନୀତି॑ ସୌ॒ର୍ୟା ଚି॒ତ୍ରଵ॒ତ୍ୟା-ଽଵେ᳚କ୍ଷତେ ଚି॒ତ୍ରମେ॒ଵ ଭ॑ଵତି ମ॒ଦ୍ଧ୍ୟନ୍ଦି॒ନେ-ଽଶ୍ଵ॒ମଵ॑ ଘ୍ରାପୟତ୍ୟ॒ସୌ ଵା ଆ॑ଦି॒ତ୍ୟ ଇନ୍ଦ୍ର॑ ଏ॒ଷ ପ୍ର॒ଜାପ॑ତିଃ ପ୍ରାଜାପ॒ତ୍ୟୋ-ଽଶ୍ଵ॒ସ୍ତମେ॒ଵ ସା॒କ୍ଷାଦୃ॑ଦ୍ଧ୍ନୋତି ॥ 3 ॥
(ଏ॒ନ॒ – ମେ॒ତଦହ୍ନୋ॒ – ଽଷ୍ଟାଚ॑ତ୍ଵାରିଗ୍ମ୍ଶଚ୍ଚ) (ଅ. 1)
ତ୍ଵାମ॑ଗ୍ନେ ଵୃଷ॒ଭ-ଞ୍ଚେକି॑ତାନ॒-ମ୍ପୁନ॒ର୍ୟୁଵା॑ନ-ଞ୍ଜ॒ନୟ॑ନ୍ନୁ॒ପାଗା᳚ମ୍ । ଅ॒ସ୍ଥୂ॒ରି ଣୋ॒ ଗାର୍ହ॑ପତ୍ୟାନି ସନ୍ତୁ ତି॒ଗ୍ମେନ॑ ନୋ॒ ବ୍ରହ୍ମ॑ଣା॒ ସଗ୍ମ୍ ଶି॑ଶାଧି ॥ ପ॒ଶଵୋ॒ ଵା ଏ॒ତେ ୟଦିଷ୍ଟ॑କା॒ଶ୍ଚିତ୍ୟା᳚-ଞ୍ଚିତ୍ୟାମୃଷ॒ଭମୁପ॑ ଦଧାତି ମିଥୁ॒ନମେ॒ଵାସ୍ୟ॒ ତ-ଦ୍ୟ॒ଜ୍ଞେ କ॑ରୋତି ପ୍ର॒ଜନ॑ନାୟ॒ ତସ୍ମା᳚-ଦ୍ୟୂ॒ଥେୟୂ॑ଥ ଋଷ॒ଭଃ ॥ ସଂ॒ଵଁ॒ଥ୍ସ॒ରସ୍ୟ॑ ପ୍ରତି॒ମାଂ-ୟାଁ-ନ୍ତ୍ଵା॑ ରାତ୍ର୍ୟୁ॒ପାସ॑ତେ । ପ୍ର॒ଜାଗ୍ମ୍ ସୁ॒ଵୀରା᳚-ଙ୍କୃ॒ତ୍ଵା ଵିଶ୍ଵ॒ମାୟୁ॒ର୍ଵ୍ୟ॑ଶ୍ଞଵତ୍ ॥ ପ୍ରା॒ଜା॒ପ॒ତ୍ୟା- [ପ୍ରା॒ଜା॒ପ॒ତ୍ୟାମ୍, ଏ॒ତାମୁପ॑] 4
-ମେ॒ତାମୁପ॑ ଦଧାତୀ॒ୟଂ-ଵାଁ ଵୈଷୈକା᳚ଷ୍ଟ॒କା ୟଦେ॒ଵୈକା᳚ଷ୍ଟ॒କାୟା॒ମନ୍ନ॑-ଙ୍କ୍ରି॒ୟତେ॒ ତଦେ॒ଵୈତୟାଵ॑ ରୁନ୍ଧ ଏ॒ଷା ଵୈ ପ୍ର॒ଜାପ॑ତେଃ କାମ॒ଦୁଘା॒ ତୟୈ॒ଵ ୟଜ॑ମାନୋ॒-ଽମୁଷ୍ମି॑ନ୍ ଁଲୋ॒କେ᳚-ଽଗ୍ନି-ନ୍ଦୁ॑ହେ॒ ୟେନ॑ ଦେ॒ଵା ଜ୍ୟୋତି॑ଷୋ॒ର୍ଧ୍ଵା ଉ॒ଦାୟ॒ନ୍॒ ୟେନା॑-ଽଽଦି॒ତ୍ୟା ଵସ॑ଵୋ॒ ୟେନ॑ ରୁ॒ଦ୍ରାଃ । ୟେନାଙ୍ଗି॑ରସୋ ମହି॒ମାନ॑-ମାନ॒ଶୁସ୍ତେନୈ॑ତୁ॒ ୟଜ॑ମାନ-ସ୍ସ୍ଵ॒ସ୍ତି ॥ ସୁ॒ଵ॒ର୍ଗାୟ॒ ଵା ଏ॒ଷ ଲୋ॒କାୟ॑ [ଲୋ॒କାୟ॑, ଚୀ॒ୟ॒ତେ॒ ୟଦ॒ଗ୍ନିର୍ୟେନ॑] 5
ଚୀୟତେ॒ ୟଦ॒ଗ୍ନିର୍ୟେନ॑ ଦେ॒ଵା ଜ୍ୟୋତି॑ଷୋ॒ର୍ଧ୍ଵା ଉ॒ଦାୟ॒ନ୍ନିତ୍ୟୁଖ୍ୟ॒ଗ୍ମ୍॒ ସମି॑ନ୍ଧ॒ ଇଷ୍ଟ॑କା ଏ॒ଵୈତା ଉପ॑ ଧତ୍ତେ ଵାନସ୍ପ॒ତ୍ୟା-ସ୍ସୁ॑ଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟୈ ଶ॒ତାୟୁ॑ଧାୟ ଶ॒ତଵୀ᳚ର୍ୟାୟ ଶ॒ତୋତ॑ୟେ ଽଭିମାତି॒ଷାହେ᳚ । ଶ॒ତଂ-ୟୋଁ ନ॑-ଶ୍ଶ॒ରଦୋ॒ ଅଜୀ॑ତା॒ନିନ୍ଦ୍ରୋ॑ ନେଷ॒ଦତି॑ ଦୁରି॒ତାନି॒ ଵିଶ୍ଵା᳚ ॥ ୟେ ଚ॒ତ୍ଵାରଃ॑ ପ॒ଥୟୋ॑ ଦେଵ॒ୟାନା॑ ଅନ୍ତ॒ରା ଦ୍ୟାଵା॑ପୃଥି॒ଵୀ ଵି॒ୟନ୍ତି॑ । ତେଷାଂ॒-ୟୋଁ ଅଜ୍ୟା॑ନି॒- ମଜୀ॑ତି-ମା॒ଵହା॒-ତ୍ତସ୍ମୈ॑ ନୋ ଦେଵାଃ॒ [ନୋ ଦେଵାଃ, ପରି॑ ଦତ୍ତେ॒ହ ସର୍ଵେ᳚ ।] 6
ପରି॑ ଦତ୍ତେ॒ହ ସର୍ଵେ᳚ ॥ ଗ୍ରୀ॒ଷ୍ମୋ ହେ॑ମ॒ନ୍ତ ଉ॒ତ ନୋ॑ ଵସ॒ନ୍ତ-ଶ୍ଶ॒ର-ଦ୍ଵ॒ର୍॒ଷା-ସ୍ସୁ॑ଵି॒ତନ୍ନୋ॑ ଅସ୍ତୁ । ତେଷା॑ମୃତୂ॒ନାଗ୍ମ୍ ଶ॒ତ ଶା॑ରଦାନା-ନ୍ନିଵା॒ତ ଏ॑ଷା॒ମଭ॑ୟେ ସ୍ୟାମ ॥ ଇ॒ଦୁ॒ଵ॒ଥ୍ସ॒ରାୟ॑ ପରିଵଥ୍ସ॒ରାୟ॑ ସଂଵଁଁଥ୍ସ॒ରାୟ॑ କୃଣୁତା ବୃ॒ହନ୍ନମଃ॑ । ତେଷାଂ᳚-ଵଁ॒ୟଗ୍ମ୍ ସୁ॑ମ॒ତୌ ୟ॒ଜ୍ଞିୟା॑ନା॒-ଞ୍ଜ୍ୟୋଗଜୀ॑ତା॒ ଅହ॑ତା-ସ୍ସ୍ୟାମ ॥ ଭ॒ଦ୍ରାନ୍ନ॒-ଶ୍ଶ୍ରେୟ॒-ସ୍ସମ॑ନୈଷ୍ଟ ଦେଵା॒ସ୍ତ୍ଵୟା॑-ଽଵ॒ସେନ॒ ସମ॑ଶୀମହି ତ୍ଵା । ସ ନୋ॑ ମୟୋ॒ ଭୂଃ ପି॑ତୋ॒ [ମୟୋ॒ ଭୂଃ ପି॑ତୋ, ଆ ଵି॑ଶସ୍ଵ॒] 7
ଆ ଵି॑ଶସ୍ଵ॒ ଶ-ନ୍ତୋ॒କାୟ॑ ତ॒ନୁଵେ᳚ ସ୍ୟୋ॒ନଃ ॥ ଅଜ୍ୟା॑ନୀରେ॒ତା ଉପ॑ ଦଧାତ୍ୟେ॒ତା ଵୈ ଦେ॒ଵତା॒ ଅପ॑ରାଜିତା॒ସ୍ତା ଏ॒ଵ ପ୍ର ଵି॑ଶତି॒ ନୈଵ ଜୀ॑ୟତେ ବ୍ରହ୍ମଵା॒ଦିନୋ॑ ଵଦନ୍ତି॒ ୟଦ॑ର୍ଧମା॒ସା ମାସା॑ ଋ॒ତଵ॑-ସ୍ସଂଵଁଥ୍ସ॒ର ଓଷ॑ଧୀଃ॒ ପଚ॒ନ୍ତ୍ୟଥ॒ କସ୍ମା॑ଦ॒ନ୍ୟାଭ୍ୟୋ॑ ଦେ॒ଵତା᳚ଭ୍ୟ ଆଗ୍ରୟ॒ଣ-ନ୍ନିରୁ॑ପ୍ୟତ॒ ଇତ୍ୟେ॒ତା ହି ତ-ଦ୍ଦେ॒ଵତା॑ ଉ॒ଦଜ॑ୟ॒ନ୍॒ ୟଦୃ॒ତୁଭ୍ୟୋ॑ ନି॒ର୍ଵପେ᳚-ଦ୍ଦେ॒ଵତା᳚ଭ୍ୟ-ସ୍ସ॒ମଦ॑-ନ୍ଦଦ୍ଧ୍ୟାଦାଗ୍ରୟ॒ଣ-ନ୍ନି॒ରୁପ୍ୟୈ॒ତା ଆହୁ॑ତୀ ର୍ଜୁହୋତ୍ୟର୍ଧମା॒ସାନେ॒ଵ ମାସା॑ନୃ॒ତୂନ୍-ଥ୍ସଂ॑ଵଁଥ୍ସ॒ର-ମ୍ପ୍ରୀ॑ଣାତି॒ ନ ଦେ॒ଵତା᳚ଭ୍ୟ-ସ୍ସ॒ମଦ॑-ନ୍ଦଧାତି ଭ॒ଦ୍ରାନ୍ନ॒-ଶ୍ଶ୍ରେୟ॒-ସ୍ସମ॑ନୈଷ୍ଟ ଦେଵା॒ ଇତ୍ୟା॑ହ ହୁ॒ତାଦ୍ୟା॑ୟ॒ ୟଜ॑ମାନ॒ସ୍ୟା-ଽପ॑ରାଭାଵାୟ ॥ 8 ॥
(ପ୍ର॒ଜା॒ପ॒ତ୍ୟାଂ – ଁଲୋ॒କାୟ॑ – ଦେଵାଃ – ପିତୋ – ଦଧ୍ୟାଦାଗ୍ରୟ॒ଣଂ – ପଞ୍ଚ॑ଵିଗ୍ମ୍ଶତିଶ୍ଚ) (ଅ. 2)
ଇନ୍ଦ୍ର॑ସ୍ୟ॒ ଵଜ୍ରୋ॑-ଽସି॒ ଵାର୍ତ୍ର॑ଘ୍ନସ୍ତନୂ॒ପା ନଃ॑ ପ୍ରତିସ୍ପ॒ଶଃ । ୟୋ ନଃ॑ ପୁ॒ରସ୍ତା᳚-ଦ୍ଦକ୍ଷିଣ॒ତଃ ପ॒ଶ୍ଚା-ଦୁ॑ତ୍ତର॒ତୋ॑-ଽଘା॒ୟୁର॑ଭି॒ଦାସ॑ତ୍ୟେ॒ତଗ୍ମ୍ ସୋ-ଽଶ୍ମା॑ନମୃଚ୍ଛତୁ ॥ ଦେ॒ଵା॒ସୁ॒ରା-ସ୍ସଂୟଁ॑ତ୍ତା ଆସ॒-ନ୍ତେ-ଽସୁ॑ରା ଦି॒ଗ୍ଭ୍ୟ ଆ-ଽବା॑ଧନ୍ତ॒ ତା-ନ୍ଦେ॒ଵା ଇଷ୍ଵା॑ ଚ॒ ଵଜ୍ରେ॑ଣ॒ ଚାପା॑ନୁଦନ୍ତ॒ ୟ-ଦ୍ଵ॒ଜ୍ରିଣୀ॑ରୁପ॒ଦଧା॒ତୀଷ୍ଵା॑ ଚୈ॒ଵ ତ-ଦ୍ଵଜ୍ରେ॑ଣ ଚ॒ ୟଜ॑ମାନୋ॒ ଭ୍ରାତୃ॑ଵ୍ୟା॒ନପ॑ ନୁଦତେ ଦି॒କ୍ଷୂପ॑ [ଦି॒କ୍ଷୂପ॑, ଦ॒ଧା॒ତି॒ ଦେ॒ଵ॒ପୁ॒ରା] 9
ଦଧାତି ଦେଵପୁ॒ରା ଏ॒ଵୈତାସ୍ତ॑ନୂ॒ପାନୀଃ॒ ପର୍ୟୂ॑ହ॒ତେ ଽଗ୍ନା॑ଵିଷ୍ଣୂ ସ॒ଜୋଷ॑ସେ॒ମା ଵ॑ର୍ଧନ୍ତୁ ଵା॒ଗିଂରଃ॑ । ଦ୍ୟୁ॒ମ୍ନୈର୍ଵାଜେ॑ଭି॒ରା ଗ॑ତମ୍ ॥ ବ୍ର॒ହ୍ମ॒ଵା॒ଦିନୋ॑ ଵଦନ୍ତି॒ ୟନ୍ନ ଦେ॒ଵତା॑ୟୈ॒ ଜୁହ୍ଵ॒ତ୍ୟଥ॑ କି-ନ୍ଦେଵ॒ତ୍ୟା॑ ଵସୋ॒ର୍ଧାରେତ୍ୟ॒ଗ୍ନି-ର୍ଵସୁ॒ସ୍ତସ୍ୟୈ॒ଷା ଧାରା॒ ଵିଷ୍ଣୁ॒-ର୍ଵସୁ॒ସ୍ତସ୍ୟୈ॒ଷା ଧାରା᳚ ଽଽଗ୍ନାଵୈଷ୍ଣ॒ଵ୍ୟର୍ଚା ଵସୋ॒ର୍ଧାରା᳚-ଞ୍ଜୁହୋତି ଭାଗ॒ଧେୟେ॑ନୈ॒ଵୈନୌ॒ ସମ॑ର୍ଧୟ॒ତ୍ୟଥୋ॑ ଏ॒ତା- [ଏ॒ତାମ୍, ଏ॒ଵା-ଽଽହୁ॑ତି-] 10
-ମେ॒ଵା-ଽଽହୁ॑ତି-ମା॒ୟତ॑ନଵତୀ-ଙ୍କରୋତି॒ ୟତ୍କା॑ମ ଏନା-ଞ୍ଜୁ॒ହୋତି॒ ତଦେ॒ଵାଵ॑ ରୁନ୍ଧେ ରୁ॒ଦ୍ରୋ ଵା ଏ॒ଷ ୟଦ॒ଗ୍ନିସ୍ତସ୍ୟୈ॒ତେ ତ॒ନୁଵୌ॑ ଘୋ॒ରା-ଽନ୍ୟା ଶି॒ଵା-ଽନ୍ୟା ୟଚ୍ଛ॑ତରୁ॒ଦ୍ରୀୟ॑-ଞ୍ଜୁ॒ହୋତି॒ ୟୈଵାସ୍ୟ॑ ଘୋ॒ରା ତ॒ନୂସ୍ତା-ନ୍ତେନ॑ ଶମୟତି॒ ୟ-ଦ୍ଵସୋ॒ର୍ଧାରା᳚-ଞ୍ଜୁ॒ହୋତି॒ ୟୈଵାସ୍ୟ॑ ଶି॒ଵା ତ॒ନୂସ୍ତା-ନ୍ତେନ॑ ପ୍ରୀଣାତି॒ ୟୋ ଵୈ ଵସୋ॒ର୍ଧାରା॑ୟୈ [ଵସୋ॒ର୍ଧାରା॑ୟୈ, ପ୍ର॒ତି॒ଷ୍ଠାଂ-ଵେଁଦ॒] 11
ପ୍ରତି॒ଷ୍ଠାଂ-ଵେଁଦ॒ ପ୍ରତ୍ୟେ॒ଵ ତି॑ଷ୍ଠତି॒ ୟଦାଜ୍ୟ॑ମୁ॒ଚ୍ଛିଷ୍ୟେ॑ତ॒ ତସ୍ମି॑-ନ୍ବ୍ରହ୍ମୌଦ॒ନ-ମ୍ପ॑ଚେ॒-ତ୍ତ-ମ୍ବ୍ରା᳚ହ୍ମ॒ଣାଶ୍ଚ॒ତ୍ଵାରଃ॒ ପ୍ରା-ଽଶ୍ଞୀ॑ୟୁରେ॒ଷ ଵା ଅ॒ଗ୍ନିର୍ଵୈ᳚ଶ୍ଵାନ॒ରୋ ୟଦ୍ବ୍ରା᳚ହ୍ମ॒ଣ ଏ॒ଷା ଖଲୁ॒ ଵା ଅ॒ଗ୍ନେଃ ପ୍ରି॒ୟା ତ॒ନୂର୍ୟ-ଦ୍ଵୈ᳚ଶ୍ଵାନ॒ରଃ ପ୍ରି॒ୟାୟା॑ମେ॒ଵୈନା᳚-ନ୍ତ॒ନୁଵା॒-ମ୍ପ୍ରତି॑ ଷ୍ଠାପୟତି॒ ଚତ॑ସ୍ରୋ ଧେ॒ନୂର୍ଦ॑ଦ୍ୟା॒-ତ୍ତାଭି॑ରେ॒ଵ ୟଜ॑ମାନୋ॒-ଽମୁଷ୍ମି॑ନ୍ ଁଲୋ॒କେ᳚-ଽଗ୍ନି-ନ୍ଦୁ॑ହେ ॥ 12 ॥
(ଉପୈ॒ – ତାଂ – ଧାରା॑ୟୈ॒ – ଷଟ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 3)
ଚିତ୍ତି॑-ଞ୍ଜୁହୋମି॒ ମନ॑ସା ଘୃ॒ତେନେତ୍ୟା॒ହାଦା᳚ଭ୍ୟା॒ ଵୈ ନାମୈ॒ଷା-ଽଽହୁ॑ତିର୍ଵୈଶ୍ଵକର୍ମ॒ଣୀ ନୈନ॑-ଞ୍ଚିକ୍ୟା॒ନ-ମ୍ଭ୍ରାତୃ॑ଵ୍ୟୋ ଦଭ୍ନୋ॒ତ୍ୟଥୋ॑ ଦେ॒ଵତା॑ ଏ॒ଵାଵ॑ ରୁ॒ନ୍ଧେ ଽଗ୍ନେ॒ ତମ॒ଦ୍ୟେତି॑ ପ॒ଙ୍କ୍ତ୍ୟା ଜୁ॑ହୋତି ପ॒ଙ୍କ୍ତ୍ୟା-ଽଽହୁ॑ତ୍ୟା ୟଜ୍ଞମୁ॒ଖମା ର॑ଭତେ ସ॒ପ୍ତ ତେ॑ ଅଗ୍ନେ ସ॒ମିଧ॑-ସ୍ସ॒ପ୍ତଜି॒ହ୍ଵା ଇତ୍ୟା॑ହ॒ ହୋତ୍ରା॑ ଏ॒ଵାଵ॑ ରୁନ୍ଧେ॒ ଽଗ୍ନିର୍ଦେ॒ଵେଭ୍ୟୋ-ଽପା᳚କ୍ରା-ଽମ-ଦ୍ଭାଗ॒ଧେୟ॑- [-ଽପା᳚କ୍ରା-ଽମ-ଦ୍ଭାଗ॒ଧେୟ᳚ମ୍, ଇ॒ଚ୍ଛମା॑ନ॒ସ୍ତସ୍ମା॑] 13
-ମି॒ଚ୍ଛମା॑ନ॒ସ୍ତସ୍ମା॑ ଏ॒ତ-ଦ୍ଭା॑ଗ॒ଧେୟ॒-ମ୍ପ୍ରାୟ॑ଚ୍ଛନ୍ନେ॒ତଦ୍ଵା ଅ॒ଗ୍ନେର॑ଗ୍ନିହୋ॒ତ୍ରମେ॒ତର୍ହି॒ ଖଲୁ॒ ଵା ଏ॒ଷ ଜା॒ତୋ ୟର୍ହି॒ ସର୍ଵ॑ଶ୍ଚି॒ତୋ ଜା॒ତାୟୈ॒ଵାସ୍ମା॒ ଅନ୍ନ॒ମପି॑ ଦଧାତି॒ ସ ଏ॑ନ-ମ୍ପ୍ରୀ॒ତଃ ପ୍ରୀ॑ଣାତି॒ ଵସୀ॑ୟା-ନ୍ଭଵତି ବ୍ରହ୍ମଵା॒ଦିନୋ॑ ଵଦନ୍ତି॒ ୟଦେ॒ଷ ଗାର୍ହ॑ପତ୍ୟଶ୍ଚୀ॒ୟତେ-ଽଥ॒ କ୍ଵା᳚ସ୍ୟା-ଽଽହଵ॒ନୀୟ॒ ଇତ୍ୟ॒ସାଵା॑ଦି॒ତ୍ୟ ଇତି॑ ବ୍ରୂୟାଦେ॒ତସ୍ମି॒ନ୍॒ଃଇ ସର୍ଵା᳚ଭ୍ୟୋ ଦେ॒ଵତା᳚ଭ୍ୟୋ॒ ଜୁହ୍ଵ॑ତି॒ [ଜୁହ୍ଵ॑ତି, ୟ ଏ॒ଵଂ-ଵିଁ॒ଦ୍ଵାନ॒ଗ୍ନି-] 14
ୟ ଏ॒ଵଂ-ଵିଁ॒ଦ୍ଵାନ॒ଗ୍ନି-ଞ୍ଚି॑ନୁ॒ତେ ସା॒କ୍ଷାଦେ॒ଵ ଦେ॒ଵତା॑ ଋଦ୍ଧ୍ନୋ॒ତ୍ୟଗ୍ନେ॑ ୟଶସ୍ଵି॒ନ୍॒ ୟଶ॑ସେ॒ ମମ॑ର୍ପ॒ୟେନ୍ଦ୍ରା॑ଵତୀ॒ ମପ॑ଚିତୀ ମି॒ହା-ଽଽଵ॑ହ । ଅ॒ୟ-ମ୍ମୂ॒ର୍ଧା ପ॑ରମେ॒ଷ୍ଠୀ ସୁ॒ଵର୍ଚା᳚-ସ୍ସମା॒ନାନା॑ମୁତ୍ତ॒ମ ଶ୍ଲୋ॑କୋ ଅସ୍ତୁ ॥ ଭ॒ଦ୍ର-ମ୍ପଶ୍ୟ॑ନ୍ତ॒ ଉପ॑ ସେଦୁ॒ରଗ୍ରେ॒ ତପୋ॑ ଦୀ॒କ୍ଷାମୃଷ॑ୟ-ସ୍ସୁଵ॒ର୍ଵିଦଃ॑ । ତତଃ॑, କ୍ଷ॒ତ୍ର-ମ୍ବଲ॒ମୋଜ॑ଶ୍ଚ ଜା॒ତ-ନ୍ତଦ॒ସ୍ମୈ ଦେ॒ଵା ଅ॒ଭି ସ-ନ୍ନ॑ମନ୍ତୁ ॥ ଧା॒ତା ଵି॑ଧା॒ତା ପ॑ର॒ମୋ- [ପ॑ର॒ମା, ଉ॒ତ ସ॒ନ୍ଦୃ-କ୍ପ୍ର॒ଜାପ॑ତିଃ] 15
-ତ ସ॒ନ୍ଦୃ-କ୍ପ୍ର॒ଜାପ॑ତିଃ ପରମେ॒ଷ୍ଠୀ ଵି॒ରାଜା᳚ । ସ୍ତୋମା॒-ଶ୍ଛନ୍ଦାଗ୍ମ୍॑ସି ନି॒ଵିଦୋ॑ ମ ଆହୁରେ॒ତସ୍ମୈ॑ ରା॒ଷ୍ଟ୍ରମ॒ଭି ସ-ନ୍ନ॑ମାମ ॥ ଅ॒ଭ୍ୟାଵ॑ର୍ତଦ୍ଧ୍ଵ॒ମୁପ॒ ମେତ॑ ସା॒କମ॒ୟଗ୍ମ୍ ଶା॒ସ୍ତା-ଽଧି॑ପତିର୍ଵୋ ଅସ୍ତୁ । ଅ॒ସ୍ୟ ଵି॒ଜ୍ଞାନ॒ମନୁ॒ ସଗ୍ମ୍ ର॑ଭଦ୍ଧ୍ଵମି॒ମ-ମ୍ପ॒ଶ୍ଚାଦନୁ॑ ଜୀଵାଥ॒ ସର୍ଵେ᳚ ॥ ରା॒ଷ୍ଟ୍ର॒ଭୃତ॑ ଏ॒ତା ଉପ॑ ଦଧାତ୍ୟେ॒ଷା ଵା ଅ॒ଗ୍ନେଶ୍ଚିତୀ॑ ରାଷ୍ଟ୍ର॒ଭୃ-ତ୍ତୟୈ॒ଵାସ୍ମି॑-ନ୍ରା॒ଷ୍ଟ୍ର-ନ୍ଦ॑ଧାତି ରା॒ଷ୍ଟ୍ରମେ॒ଵ ଭ॑ଵତି॒ ନାସ୍ମା᳚-ଦ୍ରା॒ଷ୍ଟ୍ର-ମ୍ଭ୍ରଗ୍ମ୍॑ଶତେ ॥ 16 ॥
(ଭା॒ଗ॒ଧେୟଂ॒ – ଜୁହ୍ଵ॑ତି – ପର॒ମା – ରା॒ଷ୍ଟ୍ର-ନ୍ଦ॑ଧାତି – ସ॒ପ୍ତ ଚ॑) (ଅ. 4)
ୟଥା॒ ଵୈ ପୁ॒ତ୍ରୋ ଜା॒ତୋ ମ୍ରି॒ୟତ॑ ଏ॒ଵଂ-ଵାଁ ଏ॒ଷ ମ୍ରି॑ୟତେ॒ ୟସ୍ୟା॒ଗ୍ନିରୁଖ୍ୟ॑ ଉ॒ଦ୍ଵାୟ॑ତି॒ ୟନ୍ନି॑ର୍ମ॒ନ୍ଥ୍ୟ॑-ଙ୍କୁ॒ର୍ୟା-ଦ୍ଵିଚ୍ଛି॑ନ୍ଦ୍ୟା॒-ଦ୍ଭ୍ରାତୃ॑ଵ୍ୟମସ୍ମୈ ଜନୟେ॒-ଥ୍ସ ଏ॒ଵ ପୁନଃ॑ ପ॒ରୀଦ୍ଧ୍ୟ॒-ସ୍ସ୍ଵାଦେ॒ଵୈନଂ॒-ୟୋଁନେ᳚ର୍ଜନୟତି॒ ନାସ୍ମୈ॒ ଭ୍ରାତୃ॑ଵ୍ୟ-ଞ୍ଜନୟତି॒ ତମୋ॒ ଵା ଏ॒ତ-ଙ୍ଗୃ॑ହ୍ଣାତି॒ ୟସ୍ୟା॒ଗ୍ନିରୁଖ୍ୟ॑ ଉ॒ଦ୍ଵାୟ॑ତି ମୃ॒ତ୍ୟୁସ୍ତମଃ॑ କୃ॒ଷ୍ଣଂ-ଵାଁସଃ॑ କୃ॒ଷ୍ଣା ଧେ॒ନୁର୍ଦକ୍ଷି॑ଣା॒ ତମ॑ସୈ॒- [ତମ॑ସା, ଏ॒ଵ ତମୋ॑] 17
-ଵ ତମୋ॑ ମୃ॒ତ୍ୟୁମପ॑ ହତେ॒ ହିର॑ଣ୍ୟ-ନ୍ଦଦାତି॒ ଜ୍ୟୋତି॒ର୍ଵୈ ହିର॑ଣ୍ୟ॒-ଞ୍ଜ୍ୟୋତି॑ଷୈ॒ଵ ତମୋ-ଽପ॑ ହ॒ତେ-ଽଥୋ॒ ତେଜୋ॒ ଵୈ ହିର॑ଣ୍ୟ॒-ନ୍ତେଜ॑ ଏ॒ଵା-ଽଽତ୍ମ-ନ୍ଧ॑ତ୍ତେ॒ ସୁଵ॒ର୍ନ ଘ॒ର୍ମ-ସ୍ସ୍ଵାହା॒ ସୁଵ॒ର୍ନା-ଽର୍କ-ସ୍ସ୍ଵାହା॒ ସୁଵ॒ର୍ନ ଶୁ॒କ୍ର-ସ୍ସ୍ଵାହା॒ ସୁଵ॒ର୍ନ ଜ୍ୟୋତି॒-ସ୍ସ୍ଵାହା॒ ସୁଵ॒ର୍ନ ସୂର୍ୟ॒-ସ୍ସ୍ଵାହା॒ ଽର୍କୋ ଵା ଏ॒ଷ ୟଦ॒ଗ୍ନି-ର॒ସା-ଵା॑ଦି॒ତ୍ୟୋ᳚- [ୟଦ॒ଗ୍ନି-ର॒ସା-ଵା॑ଦି॒ତ୍ୟଃ, ଆ॒ଶ୍ଵ॒ମେ॒ଧୋ ୟଦେ॒ତା] 18
-ଽଶ୍ଵମେ॒ଧୋ ୟଦେ॒ତା ଆହୁ॑ତୀ ର୍ଜୁ॒ହୋତ୍ୟ॑ର୍କା-ଶ୍ଵମେ॒ଧୟୋ॑ରେ॒ଵ ଜ୍ୟୋତୀଗ୍ମ୍॑ଷି॒ ସ-ନ୍ଦ॑ଧାତ୍ୟେ॒ଷ ହ॒ ତ୍ଵା ଅ॑ର୍କାଶ୍ଵମେ॒ଧୀ ୟସ୍ୟୈ॒ତଦ॒ଗ୍ନୌ କ୍ରି॒ୟତ॒ ଆପୋ॒ ଵା ଇ॒ଦମଗ୍ରେ॑ ସଲି॒ଲମା॑ସୀ॒-ଥ୍ସ ଏ॒ତା-ମ୍ପ୍ର॒ଜାପ॑ତିଃ ପ୍ରଥ॒ମା-ଞ୍ଚିତି॑ମପଶ୍ୟ॒-ତ୍ତାମୁପା॑ଧତ୍ତ॒ ତଦି॒ୟମ॑ଭଵ॒-ତ୍ତଂ-ଵିଁ॒ଶ୍ଵକ॑ର୍ମା-ଽବ୍ରଵୀ॒ଦୁପ॒ ତ୍ଵା-ଽଽୟା॒ନୀତି॒ ନେହ ଲୋ॒କୋ᳚-ଽସ୍ତୀତ୍ୟ॑- [ଲୋ॒କୋ᳚-ଽସ୍ତୀତି॑, ଅ॒ବ୍ର॒ଵୀ॒-ଥ୍ସ] 19
-ତ୍ୟବ୍ରଵୀ॒-ଥ୍ସ ଏ॒ତା-ନ୍ଦ୍ଵି॒ତୀୟା॒-ଞ୍ଚିତି॑ମପଶ୍ୟ॒-ତ୍ତାମୁପା॑ଧତ୍ତ॒ ତଦ॒ନ୍ତରି॑କ୍ଷମଭଵ॒-ଥ୍ସ ୟ॒ଜ୍ଞଃ ପ୍ର॒ଜାପ॑ତିମବ୍ରଵୀ॒ଦୁପ॒ ତ୍ଵା-ଽଽୟା॒ନୀତି॒ ନେହ ଲୋ॒କୋ᳚-ଽସ୍ତୀତ୍ୟ॑ବ୍ରଵୀ॒-ଥ୍ସ ଵି॒ଶ୍ଵକ॑ର୍ମାଣ-ମବ୍ରଵୀ॒ଦୁପ॒ ତ୍ଵା-ଽଽୟା॒ନୀତି॒ କେନ॑ ମୋ॒ପୈଷ୍ୟ॒ସୀତି॒ ଦିଶ୍ୟା॑ଭି॒ରିତ୍ୟ॑ବ୍ରଵୀ॒-ତ୍ତ-ନ୍ଦିଶ୍ୟା॑ଭିରୁ॒ପୈ-ତ୍ତା ଉପା॑ଧତ୍ତ॒ ତା ଦିଶୋ॑- [ତା ଦିଶଃ॑, ଅ॒ଭ॒ଵ॒ନ୍-ଥ୍ସ] 20
-ଽଭଵ॒ନ୍-ଥ୍ସ ପ॑ରମେ॒ଷ୍ଠୀ ପ୍ର॒ଜାପ॑ତିମବ୍ରଵୀ॒ଦୁପ॒ ତ୍ଵା-ଽଽୟା॒ନୀତି॒ ନେହ ଲୋ॒କୋ᳚-ଽସ୍ତୀତ୍ୟ॑ବ୍ରଵୀ॒-ଥ୍ସ ଵି॒ଶ୍ଵକ॑ର୍ମାଣ-ଞ୍ଚ ୟ॒ଜ୍ଞ-ଞ୍ଚା᳚ବ୍ରଵୀ॒ଦୁପ॑ ଵା॒ମା ଽୟା॒ନୀତି॒ ନେହ ଲୋ॒କୋ᳚-ଽସ୍ତୀତ୍ୟ॑ବ୍ରୂତା॒ଗ୍ମ୍॒ ସ ଏ॒ତା-ନ୍ତୃ॒ତୀୟା॒-ଞ୍ଚିତି॑ମପଶ୍ୟ॒-ତ୍ତାମୁପା॑ଧତ୍ତ॒ ତଦ॒ସାଵ॑ଭଵ॒-ଥ୍ସ ଆ॑ଦି॒ତ୍ୟଃ ପ୍ର॒ଜାପ॑ତି-ମବ୍ରଵୀ॒ଦୁପ॒ ତ୍ଵା- [-ମବ୍ରଵୀ॒ଦୁପ॒ ତ୍ଵା, ଆୟା॒ନୀତି॒] 21
-ଽଽୟା॒ନୀତି॒ ନେହ ଲୋ॒କୋ᳚-ଽସ୍ତୀତ୍ୟ॑ବ୍ରଵୀ॒-ଥ୍ସ ଵି॒ଶ୍ଵକ॑ର୍ମାଣ-ଞ୍ଚ ୟ॒ଜ୍ଞ-ଞ୍ଚା᳚ବ୍ରଵୀ॒ଦୁପ॑ ଵା॒ମା-ଽୟା॒ନୀତି॒ ନେହ ଲୋ॒କୋ᳚-ଽସ୍ତୀତ୍ୟ॑ବ୍ରୂତା॒ଗ୍ମ୍॒ ସ ପ॑ରମେ॒ଷ୍ଠିନ॑ମବ୍ରଵୀ॒ଦୁପ॒ ତ୍ଵା-ଽଽୟା॒ନୀତି॒ କେନ॑ ମୋ॒ପୈଷ୍ୟ॒ସୀତି॑ ଲୋକ-ମ୍ପୃ॒ଣୟେତ୍ୟ॑ବ୍ରଵୀ॒-ତ୍ତଂ-ଲୋଁ॑କ-ମ୍ପୃ॒ଣୟୋ॒ପୈ-ତ୍ତସ୍ମା॒ଦୟା॑ତୟାମ୍ନୀ ଲୋକ-ମ୍ପୃ॒ଣା-ଽୟା॑ତୟାମା॒ ହ୍ୟ॑ସା- [ହ୍ୟ॑ସୌ, ଆ॒ଦି॒ତ୍ୟସ୍ତାନୃଷ॑ୟୋ] 22
-ଵା॑ଦି॒ତ୍ୟସ୍ତାନୃଷ॑ୟୋ ଽବ୍ରୁଵ॒ନ୍ନୁପ॑ ଵ॒ ଆ-ଽୟା॒ମେତି॒ କେନ॑ ନ ଉ॒ପୈଷ୍ୟ॒ଥେତି॑ ଭୂ॒ମ୍ନେତ୍ୟ॑ବ୍ରୁଵ॒-ନ୍ତା-ନ୍ଦ୍ଵାଭ୍ୟା॒-ଞ୍ଚିତୀ᳚ଭ୍ୟାମୁ॒ପାୟ॒ନ୍-ଥ୍ସ ପଞ୍ଚ॑ଚିତୀକ॒-ସ୍ସମ॑ପଦ୍ୟତ॒ ୟ ଏ॒ଵଂ-ଵିଁ॒ଦ୍ଵାନ॒ଗ୍ନି-ଞ୍ଚି॑ନୁ॒ତେ ଭୂୟା॑ନେ॒ଵ ଭ॑ଵତ୍ୟ॒ଭୀମାନ୍ ଁଲୋ॒କାଞ୍ଜ॑ୟତି ଵି॒ଦୁରେ॑ନ-ନ୍ଦେ॒ଵା ଅଥୋ॑ ଏ॒ତାସା॑ମେ॒ଵ ଦେ॒ଵତା॑ନା॒ଗ୍ମ୍॒ ସାୟୁ॑ଜ୍ୟ-ଙ୍ଗଚ୍ଛତି ॥ 23 ॥
(ତମ॑ସା – ଽଽଦି॒ତ୍ୟୋ᳚ – ଽସ୍ତୀତି॒ – ଦିଶ॑ – ଆଦି॒ତ୍ୟଃ ପ୍ର॒ଜାପ॑ତିମବ୍ରଵୀ॒ଦୁପ॑ ତ୍ଵା॒ – ଽସୌ – ପଞ୍ଚ॑ଚତ୍ଵାରିଗ୍ମ୍ଶଚ୍ଚ) (ଅ. 5)
ଵୟୋ॒ ଵା ଅ॒ଗ୍ନିର୍ୟଦ॑ଗ୍ନି॒ଚି-ତ୍ପ॒କ୍ଷିଣୋ᳚-ଽଶ୍ଞୀ॒ୟା-ତ୍ତମେ॒ଵାଗ୍ନିମ॑ଦ୍ୟା॒ଦା-ର୍ତି॒ମାର୍ଚ୍ଛେ᳚-ଥ୍ସଂଵଁଥ୍ସ॒ରଂ-ଵ୍ରଁ॒ତ-ଞ୍ଚ॑ରେ-ଥ୍ସଂଵଁଥ୍ସ॒ରଗ୍ମ୍ ହି ଵ୍ର॒ତ-ନ୍ନାତି॑ ପ॒ଶୁର୍ଵା ଏ॒ଷ ୟଦ॒ଗ୍ନିର୍ହି॒ନସ୍ତି॒ ଖଲୁ॒ ଵୈ ତ-ମ୍ପ॒ଶୁର୍ୟ ଏ॑ନ-ମ୍ପୁ॒ରସ୍ତା᳚-ତ୍ପ୍ର॒ତ୍ୟଞ୍ଚ॑ମୁପ॒ଚର॑ତି॒ ତସ୍ମା᳚-ତ୍ପ॒ଶ୍ଚା-ତ୍ପ୍ରାଂଉ॑ପ॒ଚର୍ୟ॑ ଆ॒ତ୍ମନୋ-ଽହିଗ୍ମ୍॑ସାୟୈ॒ ତେଜୋ॑-ଽସି॒ ତେଜୋ॑ ମେ ୟଚ୍ଛ ପୃଥି॒ଵୀଂ-ୟଁ॑ଚ୍ଛ [ପୃଥି॒ଵୀଂ-ୟଁ॑ଚ୍ଛ, ପୃ॒ଥି॒ଵ୍ୟୈ ମା॑ ପାହି॒] 24
ପୃଥି॒ଵ୍ୟୈ ମା॑ ପାହି॒ ଜ୍ୟୋତି॑ରସି॒ ଜ୍ୟୋତି॑ର୍ମେ ୟଚ୍ଛା॒ନ୍ତରି॑କ୍ଷଂ-ୟଁଚ୍ଛା॒ନ୍ତରି॑କ୍ଷାନ୍ମା ପାହି॒ ସୁଵ॑ରସି॒ ସୁଵ॑ର୍ମେ ୟଚ୍ଛ॒ ଦିଵଂ॑-ୟଁଚ୍ଛ ଦି॒ଵୋ ମା॑ ପା॒ହୀତ୍ୟା॑ହୈ॒ତାଭି॒ର୍ଵା ଇ॒ମେ ଲୋ॒କା ଵିଧୃ॑ତା॒ ୟଦେ॒ତା ଉ॑ପ॒ଦଧା᳚ତ୍ୟେ॒ଷାଂ-ଲୋଁ॒କାନାଂ॒-ଵିଁଧୃ॑ତ୍ୟୈ ସ୍ଵୟମାତୃ॒ଣ୍ଣା ଉ॑ପ॒ଧାୟ॑ ହିରଣ୍ୟେଷ୍ଟ॒କା ଉପ॑ଦଧାତୀ॒ମେ ଵୈ ଲୋ॒କା-ସ୍ସ୍ଵ॑ୟମାତୃ॒ଣ୍ଣା ଜ୍ୟୋତି॒ର୍॒ହିର॑ଣ୍ୟଂ॒-ୟଁ-ଥ୍ସ୍ଵ॑ୟମାତୃ॒ଣ୍ଣା ଉ॑ପ॒ଧାୟ॑ [ଉ॑ପ॒ଧାୟ॑, ହି॒ର॒ଣ୍ୟେ॒ଷ୍ଟ॒କା ଉ॑ପ॒ଦଧା॑ତୀ॒-] 25
ହିରଣ୍ୟେଷ୍ଟ॒କା ଉ॑ପ॒ଦଧା॑ତୀ॒ମା-ନେ॒ଵୈତାଭି॑-ର୍ଲୋ॒କା-ଞ୍ଜ୍ୟୋତି॑ଷ୍ମତଃ କୁରୁ॒ତେ-ଽଥୋ॑ ଏ॒ତାଭି॑ରେ॒ଵାସ୍ମା॑ ଇ॒ମେ ଲୋ॒କାଃ ପ୍ର ଭା᳚ନ୍ତି॒ ୟାସ୍ତେ॑ ଅଗ୍ନେ॒ ସୂର୍ୟେ॒ ରୁଚ॑ ଉଦ୍ୟ॒ତୋ ଦିଵ॑ମାତ॒ନ୍ଵନ୍ତି॑ ର॒ଶ୍ମିଭିଃ॑ । ତାଭି॒-ସ୍ସର୍ଵା॑ଭୀ ରୁ॒ଚେ ଜନା॑ୟ ନସ୍କୃଧି ॥ ୟା ଵୋ॑ ଦେଵା॒-ସ୍ସୂର୍ୟେ॒ ରୁଚୋ॒ ଗୋଷ୍ଵଶ୍ଵେ॑ଷୁ॒ ୟା ରୁଚଃ॑ । ଇନ୍ଦ୍ରା᳚ଗ୍ନୀ॒ ତାଭି॒-ସ୍ସର୍ଵା॑ଭୀ॒ ରୁଚ॑-ନ୍ନୋ ଧତ୍ତ ବୃହସ୍ପତେ ॥ ରୁଚ॑ନ୍ନୋ ଧେହି [ଧେହି, ବ୍ରା॒ହ୍ମ॒ଣେଷୁ॒ ରୁଚ॒ଗ୍ମ୍॒] 26
ବ୍ରାହ୍ମ॒ଣେଷୁ॒ ରୁଚ॒ଗ୍ମ୍॒ ରାଜ॑ସୁ ନସ୍କୃଧି । ରୁଚଂ॑-ଵିଁ॒ଶ୍ୟେ॑ଷୁ ଶୂ॒ଦ୍ରେଷୁ॒ ମୟି॑ ଧେହି ରୁ॒ଚା ରୁଚ᳚ମ୍ ॥ ଦ୍ଵେ॒ଧା ଵା ଅ॒ଗ୍ନି-ଞ୍ଚି॑କ୍ୟା॒ନସ୍ୟ॒ ୟଶ॑ ଇନ୍ଦ୍ରି॒ୟ-ଙ୍ଗ॑ଚ୍ଛତ୍ୟ॒ଗ୍ନିଂ-ଵାଁ॑ ଚି॒ତମୀ॑ଜା॒ନଂ-ଵାଁ॒ ୟଦେ॒ତା ଆହୁ॑ତୀର୍ଜୁ॒ହୋତ୍ୟା॒ତ୍ମନ୍ନେ॒ଵ ୟଶ॑ ଇନ୍ଦ୍ରି॒ୟ-ନ୍ଧ॑ତ୍ତ ଈଶ୍ଵ॒ରୋ ଵା ଏ॒ଷ ଆର୍ତି॒ମାର୍ତୋ॒ର୍ୟୋ᳚-ଽଗ୍ନି-ଞ୍ଚି॒ନ୍ଵନ୍ନ॑ଧି॒ କ୍ରାମ॑ତି॒ ତତ୍ତ୍ଵା॑ ୟାମି॒ ବ୍ରହ୍ମ॑ଣା॒ ଵନ୍ଦ॑ମାନ॒ ଇତି॑ ଵାରୁ॒ଣ୍ୟର୍ଚା [ଇତି॑ ଵାରୁ॒ଣ୍ୟର୍ଚା, ଜୁ॒ହୁ॒ୟା॒ଚ୍ଛାନ୍ତି॑-] 27
ଜୁ॑ହୁୟା॒ଚ୍ଛାନ୍ତି॑-ରେ॒ଵୈଷା ଽଗ୍ନେର୍ଗୁପ୍ତି॑ରା॒ତ୍ମନୋ॑ ହ॒ଵିଷ୍କୃ॑ତୋ॒ ଵା ଏ॒ଷ ୟୋ᳚-ଽଗ୍ନି-ଞ୍ଚି॑ନୁ॒ତେ ୟଥା॒ ଵୈ ହ॒ଵି-ସ୍ସ୍କନ୍ଦ॑ତ୍ୟେ॒ଵଂ-ଵାଁ ଏ॒ଷ ସ୍କ॑ନ୍ଦତି॒ ୟୋ᳚-ଽଗ୍ନି-ଞ୍ଚି॒ତ୍ଵା ସ୍ତ୍ରିୟ॑ମୁ॒ପୈତି॑ ମୈତ୍ରାଵରୁ॒ଣ୍ୟା-ଽଽମିକ୍ଷ॑ୟା ୟଜେତ ମୈତ୍ରାଵରୁ॒ଣତା॑-ମେ॒ଵୋପୈ᳚ତ୍ୟା॒ତ୍ମନୋ ଽସ୍କ॑ନ୍ଦାୟ॒ ୟୋ ଵା ଅ॒ଗ୍ନିମୃ॑ତୁ॒ସ୍ଥାଂ-ଵେଁଦ॒ର୍ତୁର୍-ଋ॑ତୁରସ୍ମୈ॒ କଲ୍ପ॑ମାନ ଏତି॒ ପ୍ରତ୍ୟେ॒ଵ ତି॑ଷ୍ଠତି ସଂଵଁଥ୍ସ॒ରୋ ଵା ଅ॒ଗ୍ନିର୍- [ଵା ଅ॒ଗ୍ନିଃ, ଋ॒ତୁ॒ସ୍ଥା-ସ୍ତସ୍ୟ॑] 28
-ଋ॑ତୁ॒ସ୍ଥା-ସ୍ତସ୍ୟ॑ ଵସ॒ନ୍ତ-ଶ୍ଶିରୋ᳚ ଗ୍ରୀ॒ଷ୍ମୋ ଦକ୍ଷି॑ଣଃ ପ॒କ୍ଷୋ ଵ॒ର୍॒ଷାଃ ପୁଚ୍ଛଗ୍ମ୍॑ ଶ॒ରଦୁତ୍ତ॑ରଃ ପ॒କ୍ଷୋ ହେ॑ମ॒ନ୍ତୋ ମଦ୍ଧ୍ୟ॑-ମ୍ପୂର୍ଵପ॒କ୍ଷା-ଶ୍ଚିତ॑ୟୋ¶ପ॒କ୍ଷାଃ ପୁରୀ॑ଷ-ମହୋରା॒ତ୍ରାଣୀଷ୍ଟ॑କା ଏ॒ଷ ଵା ଅ॒ଗ୍ନିର୍-ଋ॑ତୁ॒ସ୍ଥା ୟ ଏ॒ଵଂ-ଵେଁଦ॒ର୍ତୁର୍-ଋ॑ତୁରସ୍ମୈ॒ କଲ୍ପ॑ମାନ ଏତି॒ ପ୍ରତ୍ୟେ॒ଵ ତି॑ଷ୍ଠତି ପ୍ର॒ଜାପ॑ତି॒ର୍ଵା ଏ॒ତ-ଞ୍ଜ୍ୟୈଷ୍ଠ୍ୟ॑କାମୋ॒ ନ୍ୟ॑ଧତ୍ତ॒ ତତୋ॒ ଵୈ ସ ଜ୍ୟୈଷ୍ଠ୍ୟ॑ମଗଚ୍ଛ॒ଦ୍ୟ ଏ॒ଵଂ-ଵିଁ॒ଦ୍ଵାନ॒ଗ୍ନି-ଞ୍ଚି॑ନୁ॒ତେ ଜ୍ୟୈଷ୍ଠ୍ୟ॑ମେ॒ଵ ଗ॑ଚ୍ଛତି ॥ 29 ॥
(ପୃ॒ଥି॒ଵୀଂ-ୟଁ॑ଚ୍ଛ॒ – ୟ-ଥ୍ସ୍ଵ॑ୟମାତୃ॒ଣ୍ଣା ଉ॑ପ॒ଧାୟ॑ – ଧେହ୍ୟୃ॒ – ଚା – ଗ୍ନି – ଶ୍ଚି॑ନୁ॒ତେ – ତ୍ରୀଣି॑ ଚ) (ଅ. 6)
ୟଦାକୂ॑ତା-ଥ୍ସ॒ମସୁ॑ସ୍ରୋଦ୍ଧୃ॒ଦୋ ଵା॒ ମନ॑ସୋ ଵା॒ ସମ୍ଭୃ॑ତ॒-ଞ୍ଚକ୍ଷୁ॑ଷୋ ଵା । ତମନୁ॒ ପ୍ରେହି॑ ସୁକୃ॒ତସ୍ୟ॑ ଲୋ॒କଂ-ୟଁତ୍ରର୍ଷ॑ୟଃ ପ୍ରଥମ॒ଜା ୟେ ପୁ॑ରା॒ଣାଃ ॥ ଏ॒ତଗ୍ମ୍ ସ॑ଧସ୍ଥ॒ ପରି॑ ତେ ଦଦାମି॒ ୟମା॒ଵହା᳚ଚ୍ଛେଵ॒ଧି-ଞ୍ଜା॒ତଵେ॑ଦାଃ । ଅ॒ନ୍ଵା॒ଗ॒ନ୍ତା ୟ॒ଜ୍ଞପ॑ତିର୍ଵୋ॒ ଅତ୍ର॒ ତଗ୍ଗ୍ ସ୍ମ॑ ଜାନୀତ ପର॒ମେ ଵ୍ୟୋ॑ମନ୍ନ୍ ॥ ଜା॒ନୀ॒ତାଦେ॑ନ-ମ୍ପର॒ମେ ଵ୍ୟୋ॑ମ॒-ନ୍ଦେଵା᳚-ସ୍ସଧସ୍ଥା ଵି॒ଦ ରୂ॒ପମ॑ସ୍ୟ । ୟଦା॒ଗଚ୍ଛା᳚- [ୟଦା॒ଗଚ୍ଛା᳚ତ୍, ପ॒ଥିଭି॑-ର୍ଦେଵ॒ୟାନୈ॑] 30
-ତ୍ପ॒ଥିଭି॑-ର୍ଦେଵ॒ୟାନୈ॑-ରିଷ୍ଟାପୂ॒ର୍ତେ କୃ॑ଣୁତା-ଦା॒ଵି-ର॑ସ୍ମୈ ॥ ସ-ମ୍ପ୍ର ଚ୍ୟ॑ଵଦ୍ଧ୍ଵ॒-ମନୁ॒ ସ-ମ୍ପ୍ର ୟା॒ତାଗ୍ନେ॑ ପ॒ଥୋ ଦେ॑ଵ॒ୟାନା᳚ନ୍ କୃଣୁଦ୍ଧ୍ଵମ୍ । ଅ॒ସ୍ମିନ୍-ଥ୍ସ॒ଧସ୍ଥେ॒ ଅଦ୍ଧ୍ୟୁତ୍ତ॑ରସ୍ମି॒ନ୍ ଵିଶ୍ଵେ॑ ଦେଵା॒ ୟଜ॑ମାନଶ୍ଚ ସୀଦତ ॥ ପ୍ର॒ସ୍ତ॒ରେଣ॑ ପରି॒ଧିନା᳚ ସ୍ରୁ॒ଚା ଵେଦ୍ୟା॑ ଚ ବ॒ର୍॒ହିଷା᳚ । ଋ॒ଚେମଂ-ୟଁ॒ଜ୍ଞ-ନ୍ନୋ॑ ଵହ॒ ସୁଵ॑ର୍ଦେ॒ଵେଷୁ॒ ଗନ୍ତ॑ଵେ ॥ ୟଦି॒ଷ୍ଟଂ-ୟଁ-ତ୍ପ॑ରା॒ଦାନଂ॒-ୟଁଦ୍ଦ॒ତ୍ତଂ-ୟାଁ ଚ॒ ଦକ୍ଷି॑ଣା । ତ- [ତତ୍, ଅ॒ଗ୍ନି-] 31
-ଦ॒ଗ୍ନି-ର୍ଵୈ᳚ଶ୍ଵକର୍ମ॒ଣ-ସ୍ସୁଵ॑ର୍ଦେ॒ଵେଷୁ॑ ନୋ ଦଧତ୍ ॥ ୟେନା॑ ସ॒ହସ୍ରଂ॒-ଵଁହ॑ସି॒ ୟେନା᳚ଗ୍ନେ ସର୍ଵଵେଦ॒ସମ୍ । ତେନେ॒ମଂ-ୟଁ॒ଜ୍ଞ-ନ୍ନୋ॑ ଵହ॒ ସୁଵ॑ର୍ଦେ॒ଵେଷୁ॒ ଗନ୍ତ॑ଵେ ॥ ୟେନା᳚ଗ୍ନେ॒ ଦକ୍ଷି॑ଣା ୟୁ॒କ୍ତା ୟ॒ଜ୍ଞଂ-ଵଁହ॑ନ୍ତ୍ୟୃ॒ତ୍ଵିଜଃ॑ । ତେନେ॒ମଂ-ୟଁ॒ଜ୍ଞ-ନ୍ନୋ॑ ଵହ॒ ସୁଵ॑ର୍ଦେ॒ଵେଷୁ॒ ଗନ୍ତ॑ଵେ ॥ ୟେନା᳚-ଽଗ୍ନେ ସୁ॒କୃତଃ॑ ପ॒ଥା ମଧୋ॒ର୍ଧାରା᳚ ଵ୍ୟାନ॒ଶୁଃ । ତେନେ॒ମଂ-ୟଁ॒ଜ୍ଞ-ନ୍ନୋ॑ ଵହ॒ ସୁଵ॑ର୍ଦେ॒ଵେଷୁ॒ ଗନ୍ତ॑ଵେ ॥ ୟତ୍ର॒ ଧାରା॒ ଅନ॑ପେତା॒ ମଧୋ᳚ର୍ଘୃ॒ତସ୍ୟ॑ ଚ॒ ୟାଃ । ତଦ॒ଗ୍ନିର୍ଵୈ᳚ଶ୍ଵକର୍ମ॒ଣ-ସ୍ସୁଵ॑ର୍ଦେ॒ଵେଷୁ॑ ନୋ ଦଧତ୍ ॥ 32 ॥
(ଆ॒ଗଚ୍ଛା॒ତ୍ – ତ – ଦ୍ଵୟା॑ନ॒ଶୁ ସ୍ତେନେ॒ମଂ-ୟଁ॒ଜ୍ଞ-ନ୍ନୋ॑ ଵହ॒ ସୁଵ॑ର୍ଦେ॒ଵେଷୁ॒ ଗନ୍ତ॑ଵେ॒ – ଚତୁ॑ର୍ଦଶ ଚ) (ଅ. 7)
ୟାସ୍ତେ॑ ଅଗ୍ନେ ସ॒ମିଧୋ॒ ୟାନି॒ ଧାମ॒ ୟା ଜି॒ହ୍ଵା ଜା॑ତଵେଦୋ॒ ୟୋ ଅ॒ର୍ଚିଃ । ୟେ ତେ॑ ଅଗ୍ନେ ମେ॒ଡୟୋ॒ ୟ ଇନ୍ଦ॑ଵ॒ସ୍ତେଭି॑ରା॒ତ୍ମାନ॑-ଞ୍ଚିନୁହି ପ୍ରଜା॒ନନ୍ନ୍ ॥ ଉ॒ଥ୍ସ॒ନ୍ନ॒ୟ॒ଜ୍ଞୋ ଵା ଏ॒ଷ ୟଦ॒ଗ୍ନିଃ କିଂ-ଵାଁ-ଽହୈ॒ତସ୍ୟ॑ କ୍ରି॒ୟତେ॒ କିଂ-ଵାଁ॒ ନ ୟଦ୍ଵା ଅ॑ଦ୍ଧ୍ଵ॒ର୍ୟୁ-ର॒ଗ୍ନେଶ୍ଚି॒ନ୍ଵନ୍ନ॑-ନ୍ତ॒ରେତ୍ୟା॒ତ୍ମନୋ॒ ଵୈ ତଦ॒ନ୍ତରେ॑ତି॒ ୟାସ୍ତେ॑ ଅଗ୍ନେ ସ॒ମିଧୋ॒ ୟାନି॒ [ସ॒ମିଧୋ॒ ୟାନି॑, ଧାମେତ୍ୟା॑ହୈ॒ଷା] 33
ଧାମେତ୍ୟା॑ହୈ॒ଷା ଵା ଅ॒ଗ୍ନେ-ସ୍ସ୍ଵ॑ୟ-ଞ୍ଚି॒ତିର॒ଗ୍ନିରେ॒ଵ ତଦ॒ଗ୍ନି-ଞ୍ଚି॑ନୋତି॒ ନାଦ୍ଧ୍ଵ॒ର୍ୟୁରା॒ତ୍ମନୋ॒-ଽନ୍ତରେ॑ତି॒ ଚତ॑ସ୍ର॒ ଆଶାଃ॒ ପ୍ରଚ॑ରନ୍ତ୍ଵ॒ଗ୍ନୟ॑ ଇ॒ମ-ନ୍ନୋ॑ ୟ॒ଜ୍ଞ-ନ୍ନ॑ୟତୁ ପ୍ରଜା॒ନନ୍ନ୍ । ଘୃ॒ତ-ମ୍ପିନ୍ଵ॑ନ୍ନ॒ଜରଗ୍ମ୍॑ ସୁ॒ଵୀର॒-ମ୍ବ୍ରହ୍ମ॑ ସ॒ମି-ଦ୍ଭ॑ଵ॒ତ୍ୟାହୁ॑ତୀନାମ୍ ॥ ସୁ॒ଵ॒ର୍ଗାୟ॒ ଵା ଏ॒ଷ ଲୋ॒କାୟୋପ॑ ଧୀୟତେ॒ ୟ-ତ୍କୂ॒ର୍ମଶ୍ଚତ॑ସ୍ର॒ ଆଶାଃ॒ ପ୍ର ଚ॑ରନ୍ତ୍ଵ॒ଗ୍ନୟ॒ ଇତ୍ୟା॑ହ॒ [ଇତ୍ୟା॑ହ, ଦିଶ॑ ଏ॒ଵୈତେନ॒] 34
ଦିଶ॑ ଏ॒ଵୈତେନ॒ ପ୍ର ଜା॑ନାତୀ॒ମ-ନ୍ନୋ॑ ୟ॒ଜ୍ଞ-ନ୍ନ॑ୟତୁ ପ୍ରଜା॒ନନ୍ନିତ୍ୟା॑ହ ସୁଵ॒ର୍ଗସ୍ୟ॑ ଲୋ॒କସ୍ୟା॒ଭିନୀ᳚ତ୍ୟୈ॒ ବ୍ରହ୍ମ॑ ସ॒ମି-ଦ୍ଭ॑ଵ॒ତ୍ୟାହୁ॑ତୀନା॒-ମିତ୍ୟା॑ହ॒ ବ୍ରହ୍ମ॑ଣା॒ ଵୈ ଦେ॒ଵା-ସ୍ସୁ॑ଵ॒ର୍ଗଂ-ଲୋଁ॒କମା॑ୟ॒ନ୍॒ ୟ-ଦ୍ବ୍ରହ୍ମ॑ଣ୍ଵତ୍ୟୋପ॒ଦଧା॑ତି॒ ବ୍ରହ୍ମ॑ଣୈ॒ଵ ତ-ଦ୍ୟଜ॑ମାନ-ସ୍ସୁଵ॒ର୍ଗଂ-ଲୋଁ॒କମେ॑ତି ପ୍ର॒ଜାପ॑ତି॒ର୍ଵା ଏ॒ଷ ୟଦ॒ଗ୍ନିସ୍ତସ୍ୟ॑ ପ୍ର॒ଜାଃ ପ॒ଶଵ॒-ଶ୍ଛନ୍ଦାଗ୍ମ୍॑ସି ରୂ॒ପଗ୍ମ୍ ସର୍ଵା॒ନ୍॒ ଵର୍ଣା॒ନିଷ୍ଟ॑କାନା-ଙ୍କୁର୍ୟା-ଦ୍ରୂ॒ପେଣୈ॒ଵ ପ୍ର॒ଜା-ମ୍ପ॒ଶୂନ୍ ଛନ୍ଦା॒ଗ୍॒ସ୍ୟଵ॑ ରୁ॒ନ୍ଧେ-ଽଥୋ᳚ ପ୍ର॒ଜାଭ୍ୟ॑ ଏ॒ଵୈନ॑-ମ୍ପ॒ଶୁଭ୍ୟ॒-ଶ୍ଛନ୍ଦୋ᳚ଭ୍ୟୋ ଽଵ॒ରୁଦ୍ଧ୍ୟ॑ ଚିନୁତେ ॥ 35 ॥
(ୟାନ୍ୟ॒ – ଗ୍ନୟ॒ ଇତ୍ୟା॒ହେ – ଷ୍ଟ॑କାନା॒ଗ୍ମ୍॒ – ଷୋଡ॑ଶ ଚ) (ଅ. 8)
ମୟି॑ ଗୃହ୍ଣା॒ମ୍ୟଗ୍ରେ॑ ଅ॒ଗ୍ନିଗ୍ମ୍ ରା॒ୟସ୍ପୋଷା॑ୟ ସୁପ୍ରଜା॒ସ୍ତ୍ଵାୟ॑ ସୁ॒ଵୀର୍ୟା॑ୟ । ମୟି॑ ପ୍ର॒ଜା-ମ୍ମୟି॒ ଵର୍ଚୋ॑ ଦଧା॒ମ୍ୟରି॑ଷ୍ଟା-ସ୍ସ୍ୟାମ ତ॒ନୁଵା॑ ସୁ॒ଵୀରାଃ᳚ ॥ ୟୋ ନୋ॑ ଅ॒ଗ୍ନିଃ ପି॑ତରୋ ହୃ॒ଥ୍ସ୍ଵ॑ନ୍ତରମ॑ର୍ତ୍ୟୋ॒ ମର୍ତ୍ୟାଗ୍ମ୍॑ ଆଵି॒ଵେଶ॑ । ତମା॒ତ୍ମ-ନ୍ପରି॑ ଗୃହ୍ଣୀମହେ ଵ॒ୟ-ମ୍ମା ସୋ ଅ॒ସ୍ମାଗ୍ମ୍ ଅ॑ଵ॒ହାୟ॒ ପରା॑ ଗାତ୍ ॥ ୟଦ॑ଦ୍ଧ୍ଵ॒ର୍ୟୁରା॒ତ୍ମନ୍ନ॒ଗ୍ନିମ-ଗୃ॑ହୀତ୍ଵା॒-ଽଗ୍ନି-ଞ୍ଚି॑ନୁ॒ୟାଦ୍ୟୋ᳚-ଽସ୍ୟ॒ ସ୍ଵୋ᳚-ଽଗ୍ନିସ୍ତମପି॒ [ସ୍ଵୋ᳚-ଽଗ୍ନିସ୍ତମପି॑, ୟଜ॑ମାନାୟ] 36
ୟଜ॑ମାନାୟ ଚିନୁୟାଦ॒ଗ୍ନି-ଙ୍ଖଲୁ॒ ଵୈ ପ॒ଶଵୋ-ଽନୂପ॑ ତିଷ୍ଠନ୍ତେ-ଽପ॒କ୍ରାମୁ॑କା ଅସ୍ମା-ତ୍ପ॒ଶଵ॑-ସ୍ସ୍ୟୁ॒ର୍ମୟି॑ ଗୃହ୍ଣା॒ମ୍ୟଗ୍ରେ॑ ଅ॒ଗ୍ନିମିତ୍ୟା॑ହା॒-ଽଽତ୍ମନ୍ନେ॒ଵ ସ୍ଵମ॒ଗ୍ନି-ନ୍ଦା॑ଧାର॒ ନାସ୍ମା᳚-ତ୍ପ॒ଶଵୋ-ଽପ॑ କ୍ରାମନ୍ତି ବ୍ରହ୍ମଵା॒ଦିନୋ॑ ଵଦନ୍ତି॒ ୟନ୍ମୃଚ୍ଚା-ଽଽପ॑ଶ୍ଚା॒ଗ୍ନେ-ର॑ନା॒ଦ୍ୟ-ମଥ॒ କସ୍ମା᳚ନ୍ମୃ॒ଦା ଚା॒ଦ୍ଭିଶ୍ଚା॒-ଽଗ୍ନିଶ୍ଚୀ॑ୟତ॒ ଇତି॒ ୟଦ॒ଦ୍ଭି-ସ୍ସଂ॒-ୟୌଁ- [ୟଦ॒ଦ୍ଭି-ସ୍ସଂ॒-ୟୌଁତି॑, ଆପୋ॒ ଵୈ] 37
-ତ୍ୟାପୋ॒ ଵୈ ସର୍ଵା॑ ଦେ॒ଵତା॑ ଦେ॒ଵତା॑ଭିରେ॒ଵୈନ॒ଗ୍ମ୍॒ ସଗ୍ମ୍ ସୃ॑ଜତି॒ ୟନ୍ମୃ॒ଦା ଚି॒ନୋତୀ॒ୟଂ-ଵାଁ ଅ॒ଗ୍ନିର୍ଵୈ᳚ଶ୍ଵାନ॒ରୋ᳚-ଽଗ୍ନିନୈ॒ଵ ତଦ॒ଗ୍ନି-ଞ୍ଚି॑ନୋତି ବ୍ରହ୍ମଵା॒ଦିନୋ॑ ଵଦନ୍ତି॒ ୟନ୍ମୃ॒ଦା ଚା॒ଦ୍ଭିଶ୍ଚା॒ଗ୍ନିଶ୍ଚୀ॒ୟତେ-ଽଥ॒ କସ୍ମା॑ଦ॒ଗ୍ନିରୁ॑ଚ୍ୟତ॒ ଇତି॒ ୟଚ୍ଛନ୍ଦୋ॑ଭି-ଶ୍ଚି॒ନୋତ୍ୟ॒ଗ୍ନୟୋ॒ ଵୈ ଛନ୍ଦାଗ୍ମ୍॑ସି॒ ତସ୍ମା॑ଦ॒ଗ୍ନିରୁ॑ଚ୍ୟ॒ତେ-ଽଥୋ॑ ଇ॒ୟଂ-ଵାଁ ଅ॒ଗ୍ନିର୍ଵୈ᳚ଶ୍ଵାନ॒ରୋ ୟ- [ଅ॒ଗ୍ନିର୍ଵୈ᳚ଶ୍ଵାନ॒ରୋ ୟତ୍, ମୃ॒ଦା ଚି॒ନୋତି॒] 38
-ନ୍ମୃ॒ଦା ଚି॒ନୋତି॒ ତସ୍ମା॑ଦ॒ଗ୍ନିରୁ॑ଚ୍ୟତେ ହିରଣ୍ୟେଷ୍ଟ॒କା ଉପ॑ ଦଧାତି॒ ଜ୍ୟୋତି॒ର୍ଵୈ ହିର॑ଣ୍ୟ॒-ଞ୍ଜ୍ୟୋତି॑ରେ॒ଵା-ଽସ୍ମି॑-ନ୍ଦଧା॒ତ୍ୟଥୋ॒ ତେଜୋ॒ ଵୈ ହିର॑ଣ୍ୟ॒-ନ୍ତେଜ॑ ଏ॒ଵା-ଽଽତ୍ମ-ନ୍ଧ॑ତ୍ତେ॒ ୟୋ ଵା ଅ॒ଗ୍ନିଗ୍ମ୍ ସ॒ର୍ଵତୋ॑ମୁଖ-ଞ୍ଚିନୁ॒ତେ ସର୍ଵା॑ସୁ ପ୍ର॒ଜାସ୍ଵନ୍ନ॑ମତ୍ତି॒ ସର୍ଵା॒ ଦିଶୋ॒-ଽଭି ଜ॑ୟତି ଗାୟ॒ତ୍ରୀ-ମ୍ପୁ॒ରସ୍ତା॒ଦୁପ॑ ଦଧାତି ତ୍ରି॒ଷ୍ଟୁଭ॑-ନ୍ଦକ୍ଷିଣ॒ତୋ ଜଗ॑ତୀ-ମ୍ପ॒ଶ୍ଚାଦ॑ନୁ॒ଷ୍ଟୁଭ॑ମୁତ୍ତର॒ତଃ ପ॒ଙ୍କ୍ତି-ମ୍ମଦ୍ଧ୍ୟ॑ ଏ॒ଷ ଵା ଅ॒ଗ୍ନି-ସ୍ସ॒ର୍ଵତୋ॑ମୁଖ॒ସ୍ତଂ-ୟଁ ଏ॒ଵଂ-ଵିଁ॒ଦ୍ଵାଗ୍ଶ୍ଚି॑ନୁ॒ତେ ସର୍ଵା॑ସୁ ପ୍ର॒ଜାସ୍ଵନ୍ନ॑ମତ୍ତି॒ ସର୍ଵା॒ ଦିଶୋ॒-ଽଭି ଜ॑ୟ॒ତ୍ୟଥୋ॑ ଦି॒ଶ୍ୟେ॑ଵ ଦିଶ॒-ମ୍ପ୍ର ଵ॑ୟତି॒ ତସ୍ମା᳚-ଦ୍ଦି॒ଶି ଦି-କ୍ପ୍ରୋତା᳚ ॥ 39 ॥
(ଅପି॑-ସଂ॒ୟୌଁତି॑-ଵୈଶ୍ଵାନ॒ରୋ ୟ-ଦେ॒ଷ ଵୈ-ପଞ୍ଚ॑ଵିଗ୍ମ୍ଶତିଶ୍ଚ) (ଅ. 9)
ପ୍ର॒ଜାପ॑ତି-ର॒ଗ୍ନି-ମ॑ସୃଜତ॒ ସୋ᳚-ଽସ୍ମା-ଥ୍ସୃ॒ଷ୍ଟଃ ପ୍ରା-ମ୍ପ୍ରା-ଽଦ୍ର॑ଵ॒-ତ୍ତସ୍ମା॒ ଅଶ୍ଵ॒-ମ୍ପ୍ରତ୍ୟା᳚ସ୍ୟ॒-ଥ୍ସ ଦ॑କ୍ଷି॒ଣା-ଽଽଵ॑ର୍ତତ॒ ତସ୍ମୈ॑ ଵୃ॒ଷ୍ଣି-ମ୍ପ୍ରତ୍ୟା᳚ସ୍ୟ॒-ଥ୍ସ ପ୍ର॒ତ୍ୟଙ୍ଙା-ଽଵ॑ର୍ତତ॒ ତସ୍ମା॑ ଋଷ॒ଭ-ମ୍ପ୍ରତ୍ୟା᳚ସ୍ୟ॒-ଥ୍ସ ଉଦ॒ଙ୍ଙା-ଽଵ॑ର୍ତତ॒ ତସ୍ମୈ॑ ବ॒ସ୍ତ-ମ୍ପ୍ରତ୍ୟା᳚ସ୍ୟ॒-ଥ୍ସ ଊ॒ର୍ଧ୍ଵୋ᳚-ଽଦ୍ରଵ॒-ତ୍ତସ୍ମୈ॒ ପୁରୁ॑ଷ॒-ମ୍ପ୍ରତ୍ୟା᳚ସ୍ୟ॒ଦ୍ୟ-ତ୍ପ॑ଶୁଶୀ॒ର୍॒ଷାଣ୍ୟୁ॑ପ॒ଦଧା॑ତି ସ॒ର୍ଵତ॑ ଏ॒ଵୈନ॑- [ଏ॒ଵୈନ᳚ମ୍, ଅ॒ଵ॒ରୁଦ୍ଧ୍ୟ॑ ଚିନୁତ] 40
-ମଵ॒ରୁଦ୍ଧ୍ୟ॑ ଚିନୁତ ଏ॒ତା ଵୈ ପ୍ରା॑ଣ॒ଭୃତ॒-ଶ୍ଚକ୍ଷୁ॑ଷ୍ମତୀ॒ରିଷ୍ଟ॑କା॒ ୟ-ତ୍ପ॑ଶୁଶୀ॒ର୍॒ଷାଣି॒ ୟ-ତ୍ପ॑ଶୁଶୀ॒ର୍॒ଷାଣ୍ୟୁ॑ପ॒ଦଧା॑ତି॒ ତାଭି॑ରେ॒ଵ ୟଜ॑ମାନୋ॒-ଽମୁଷ୍ମି॑ଁଲ୍ଲୋ॒କେ ପ୍ରାଣି॒ତ୍ୟଥୋ॒ ତାଭି॑ରେ॒ଵାସ୍ମା॑ ଇ॒ମେ ଲୋ॒କାଃ ପ୍ର ଭା᳚ନ୍ତି ମୃ॒ଦା-ଽଭି॒ଲିପ୍ୟୋପ॑ ଦଧାତି ମେଦ୍ଧ୍ୟ॒ତ୍ଵାୟ॑ ପ॒ଶୁର୍ଵା ଏ॒ଷ ୟଦ॒ଗ୍ନିରନ୍ନ॑-ମ୍ପ॒ଶଵ॑ ଏ ॒ଷ ଖଲୁ॒ ଵା ଅ॒ଗ୍ନିର୍ୟ-ତ୍ପ॑ଶୁଶୀ॒ର୍॒ଷାଣି॒ ୟ-ଙ୍କା॒ମୟେ॑ତ॒ କନୀ॑ୟୋ॒-ଽସ୍ୟା-ଽନ୍ନଗ୍ଗ୍॑ – [କନୀ॑ୟୋ॒-ଽସ୍ୟା-ଽନ୍ନ᳚ମ୍, ସ୍ୟା॒ଦିତି॑] 41
ସ୍ୟା॒ଦିତି॑ ସନ୍ତ॒ରା-ନ୍ତସ୍ୟ॑ ପଶୁଶୀ॒ର୍॒ଷାଣ୍ୟୁପ॑ ଦଦ୍ଧ୍ୟା॒-ତ୍କନୀ॑ୟ ଏ॒ଵାସ୍ୟାନ୍ନ॑-ମ୍ଭଵତି॒ ୟ-ଙ୍କା॒ମୟେ॑ତ ସ॒ମାଵ॑ଦ॒ସ୍ୟାନ୍ନଗ୍ଗ୍॑ ସ୍ୟା॒ଦିତି॑ ମଦ୍ଧ୍ୟ॒ତସ୍ତସ୍ୟୋପ॑ ଦଦ୍ଧ୍ୟା-ଥ୍ସ॒ମାଵ॑-ଦେ॒ଵାସ୍ୟାନ୍ନ॑-ମ୍ଭଵତି॒ ୟ-ଙ୍କା॒ମୟେ॑ତ॒ ଭୂୟୋ॒-ଽସ୍ୟା-ଽନ୍ନଗ୍ଗ୍॑ ସ୍ୟା॒ଦିତ୍ୟନ୍ତେ॑ଷୁ॒ ତସ୍ୟ॑ ଵ୍ୟୁ॒ଦୂହ୍ୟୋପ॑ ଦଦ୍ଧ୍ୟାଦନ୍ତ॒ତ ଏ॒ଵାସ୍ମା॒ ଅନ୍ନ॒ମଵ॑ ରୁନ୍ଧେ॒ ଭୂୟୋ॒-ଽସ୍ୟାନ୍ନ॑-ମ୍ଭଵତି ॥ 42 ॥
(ଏ॒ନ॒- ମ॒ସ୍ୟାନ୍ନଂ॒ – ଭୂୟୋ॒-ଽସ୍ୟା-ଽନ୍ନ॑-ମ୍ଭଵତି) (ଅ. 10)
ସ୍ତେ॒ଗା-ନ୍ଦଗ୍ଗ୍ଷ୍ଟ୍ରା᳚ଭ୍ୟା-ମ୍ମ॒ଣ୍ଡୂକା॒ନ୍ ଜମ୍ଭ୍ୟେ॑ଭି॒ରାଦ॑କାଂ-ଖା॒ଦେନୋର୍ଜଗ୍ମ୍॑ ସଗ୍ମ୍ ସୂ॒ଦେନା-ଽର॑ଣ୍ୟ॒-ଞ୍ଜାମ୍ବୀ॑ଲେନ॒ ମୃଦ॑-ମ୍ବ॒ର୍ସ୍ଵେ॑ଭି॒-ଶ୍ଶର୍କ॑ରାଭି॒ରଵ॑କା॒ମଵ॑କାଭି॒-ଶ୍ଶର୍କ॑ରାମୁଥ୍ସା॒ଦେନ॑ ଜି॒ହ୍ଵାମ॑ଵକ୍ର॒ନ୍ଦେନ॒ ତାଲୁ॒ଗ୍ମ୍॒ ସର॑ସ୍ଵତୀ-ଞ୍ଜିହ୍ଵା॒ଗ୍ରେଣ॑ ॥ 43 ॥
(ସ୍ତେ॒ଗାନ୍ – ଦ୍ଵାଵିଗ୍ମ୍॑ଶତିଃ) (ଅ. 11)
ଵାଜ॒ଗ୍ମ୍॒ ହନୂ᳚ଭ୍ୟାମ॒ପ ଆ॒ସ୍ୟେ॑ନା-ଽଽଦି॒ତ୍ୟା-ଞ୍ଛ୍ମଶ୍ରୁ॑ଭି-ରୁପୟା॒ମ-ମଧ॑ରେ॒ଣୋଷ୍ଠେ॑ନ॒ ସଦୁତ୍ତ॑ରେ॒ଣାନ୍ତ॑ରେଣା-ନୂକା॒ଶ-ମ୍ପ୍ର॑କା॒ଶେନ॒ ବାହ୍ୟଗ୍ଗ୍॑ ସ୍ତନୟି॒ତ୍ନୁ-ନ୍ନି॑ର୍ବା॒ଧେନ॑ ସୂର୍ୟା॒ଗ୍ନୀ ଚକ୍ଷୁ॑ର୍ଭ୍ୟାଂ-ଵିଁ॒ଦ୍ୟୁତୌ॑ କ॒ନାନ॑କାଭ୍ୟାମ॒ଶନି॑-ମ୍ମ॒ସ୍ତିଷ୍କେ॑ଣ॒ ବଲ॑-ମ୍ମ॒ଜ୍ଜଭିଃ॑ ॥ 44 ॥
(ଵାଜ॒-ମ୍ପଞ୍ଚ॑ଵିଗ୍ମ୍ଶତିଃ) (ଅ. 12)
କୂ॒ର୍ମା-ଞ୍ଛ॒ଫୈର॒ଚ୍ଛଲା॑ଭିଃ କ॒ପିଞ୍ଜ॑ଲା॒ନ୍ଥ୍ସାମ॒ କୁଷ୍ଠି॑କାଭିର୍ଜ॒ଵ-ଞ୍ଜଙ୍ଘା॑ଭିରଗ॒ଦ-ଞ୍ଜାନୁ॑ଭ୍ୟାଂ-ଵୀଁ॒ର୍ୟ॑-ଙ୍କୁ॒ହାଭ୍ୟା᳚-ମ୍ଭ॒ୟ-ମ୍ପ୍ର॑ଚା॒ଲାଭ୍ୟା॒-ଙ୍ଗୁହୋ॑ପପ॒କ୍ଷାଭ୍ୟା॑-ମ॒ଶ୍ଵିନା॒ଵଗ୍ମ୍ ସା᳚ଭ୍ୟା॒ମଦି॑ତିଗ୍ମ୍ ଶୀ॒ର୍ଷ୍ଣା ନିର୍-ଋ॑ତି॒-ନ୍ନିର୍ଜା᳚ଲ୍ମକେନ ଶୀ॒ର୍ଷ୍ଣା ॥ 45 ॥
(କୂ॒ର୍ମାନ୍-ତ୍ରୟୋ॑ଵିଗ୍ମ୍ଶତିଃ) (ଅ. 13)
ୟୋକ୍ତ୍ର॒-ଙ୍ଗୃଦ୍ଧ୍ରା॑ଭିର୍ୟୁ॒ଗମାନ॑ତେନ ଚି॒ତ୍ତ-ମ୍ମନ୍ୟା॑ଭି-ସ୍ସଙ୍କ୍ରୋ॒ଶା-ନ୍ପ୍ରା॒ଣୈଃ ପ୍ର॑କା॒ଶେନ॒ ତ୍ଵଚ॑-ମ୍ପରାକା॒ଶେନାନ୍ତ॑ରା-ମ୍ମ॒ଶକା॒ନ୍ କେଶୈ॒ରିନ୍ଦ୍ର॒ଗ୍ଗ୍॒ ସ୍ଵପ॑ସା॒ ଵହେ॑ନ॒ ବୃହ॒ସ୍ପତିଗ୍ମ୍॑ ଶକୁନିସା॒ଦେନ॒ ରଥ॑ମୁ॒ଷ୍ଣିହା॑ଭିଃ ॥ 46 ॥
(ୟୋକ୍ତ୍ର॒ – ମେକ॑ଵିଗ୍ମ୍ଶତିଃ) (ଅ. 14)
ମି॒ତ୍ରାଵରୁ॑ଣୌ॒ ଶ୍ରୋଣୀ᳚ଭ୍ୟାମିନ୍ଦ୍ରା॒ଗ୍ନୀ ଶି॑ଖ॒ଣ୍ଡାଭ୍ୟା॒-ମିନ୍ଦ୍ରା॒ବୃହ॒ସ୍ପତୀ॑ ଊ॒ରୁଭ୍ୟା॒ମିନ୍ଦ୍ରା॒ଵିଷ୍ଣୂ॑ ଅଷ୍ଠୀ॒ଵଦ୍ଭ୍ୟାଗ୍ମ୍॑ ସଵି॒ତାର॒-ମ୍ପୁଚ୍ଛେ॑ନ ଗନ୍ଧ॒ର୍ଵାଞ୍ଛେପେ॑ନା-ଫ୍ସ॒ରସୋ॑ ମୁ॒ଷ୍କାଭ୍ୟା॒-ମ୍ପଵ॑ମାନ-ମ୍ପା॒ୟୁନା॑ ପ॒ଵିତ୍ର॒-ମ୍ପୋତ୍ରା᳚ଭ୍ୟାମା॒କ୍ରମ॑ଣଗ୍ଗ୍ ସ୍ଥୂ॒ରାଭ୍ୟା᳚-ମ୍ପ୍ରତି॒କ୍ରମ॑ଣ॒-ଙ୍କୁଷ୍ଠା᳚ଭ୍ୟାମ୍ ॥ 47 ॥
(ମି॒ତ୍ରାଵରୁ॑ଣୌ॒ – ଦ୍ଵାଵିଗ୍ମ୍॑ଶତିଃ) (ଅ. 15)
ଇନ୍ଦ୍ର॑ସ୍ୟ କ୍ରୋ॒ଡୋ ଽଦି॑ତ୍ୟୈ ପାଜ॒ସ୍ୟ॑-ନ୍ଦି॒ଶା-ଞ୍ଜ॒ତ୍ରଵୋ॑ ଜୀ॒ମୂତା᳚ନ୍ ହୃଦୟୌପ॒ଶାଭ୍ୟା॑-ମ॒ନ୍ତରି॑କ୍ଷ-ମ୍ପୁରି॒ତତା॒ ନଭ॑ ଉଦ॒ର୍ୟେ॑ଣେନ୍ଦ୍ରା॒ଣୀ-ମ୍ପ୍ଲୀ॒ହ୍ନା ଵ॒ଲ୍ମୀକା᳚ନ୍ କ୍ଲୋ॒ମ୍ନା ଗି॒ରୀ-ନ୍ପ୍ଲା॒ଶିଭି॑-ସ୍ସମୁ॒ଦ୍ରମୁ॒ଦରେ॑ଣ ଵୈଶ୍ଵାନ॒ର-ମ୍ଭସ୍ମ॑ନା ॥ 48 ॥
(ଇନ୍ଦ୍ର॑ସ୍ୟ॒ – ଦ୍ଵାଵି॑ଶତିଃ॒) (ଅ. 16)
ପୂ॒ଷ୍ଣୋ ଵ॑ନି॒ଷ୍ଠୁର॑ନ୍ଧା॒ହେ-ସ୍ସ୍ଥୂ॑ରଗୁ॒ଦା ସ॒ର୍ପା-ନ୍ଗୁଦା॑ଭିର୍-ଋ॒ତୂ-ନ୍ପୃ॒ଷ୍ଟୀଭି॒ର୍ଦିଵ॑-ମ୍ପୃ॒ଷ୍ଠେନ॒ ଵସୂ॑ନା-ମ୍ପ୍ରଥ॒ମା କୀକ॑ସା ରୁ॒ଦ୍ରାଣା᳚-ନ୍ଦ୍ଵି॒ତୀୟା॑ ଽଽଦି॒ତ୍ୟାନା᳚-ନ୍ତୃ॒ତୀୟା ଽଙ୍ଗି॑ରସା-ଞ୍ଚତୁ॒ର୍ଥୀ ସା॒ଦ୍ଧ୍ୟାନା᳚-ମ୍ପଞ୍ଚ॒ମୀ ଵିଶ୍ଵେ॑ଷା-ନ୍ଦେ॒ଵାନାଗ୍ମ୍॑ ଷ॒ଷ୍ଠୀ ॥ 49 ॥
(ପୂ॒ଷ୍ଣ – ଶ୍ଚତୁ॑ର୍ଵିଗ୍ମ୍ଶତିଃ) (ଅ. 17)
ଓଜୋ᳚ ଗ୍ରୀ॒ଵାଭି॒-ର୍ନିର୍-ଋ॑ତିମ॒ସ୍ଥଭି॒ରିନ୍ଦ୍ର॒ଗ୍ଗ୍॒ ସ୍ଵପ॑ସା॒ ଵହେ॑ନ ରୁ॒ଦ୍ରସ୍ୟ॑ ଵିଚ॒ଲ-ସ୍ସ୍କ॒ନ୍ଧୋ॑ ଽହୋରା॒ତ୍ରୟୋ᳚ର୍ଦ୍ଵି॒ତୀୟୋ᳚ ଽର୍ଧମା॒ସାନା᳚-ନ୍ତୃ॒ତୀୟୋ॑ ମା॒ସା-ଞ୍ଚ॑ତୁ॒ର୍ଥ ଋ॑ତୂ॒ନା-ମ୍ପ॑ଞ୍ଚ॒ମ-ସ୍ସଂ॑ଵଁଥ୍ସ॒ରସ୍ୟ॑ ଷ॒ଷ୍ଠଃ ॥ 50 ॥
(ଓଜୋ॑ – ଵିଗ୍ମ୍ଶ॒ତିଃ) (ଅ. 18)
ଆ॒ନ॒ନ୍ଦ-ନ୍ନ॒ନ୍ଦଥୁ॑ନା॒ କାମ॑-ମ୍ପ୍ରତ୍ୟା॒ସାଭ୍ୟା᳚-ମ୍ଭ॒ୟଗ୍ମ୍ ଶି॑ତୀ॒ମଭ୍ୟା᳚-ମ୍ପ୍ର॒ଶିଷ॑-ମ୍ପ୍ରଶା॒ସାଭ୍ୟାଗ୍ମ୍॑ ସୂର୍ୟାଚନ୍ଦ୍ର॒ମସୌ॒ ଵୃକ୍ୟା᳚ଭ୍ୟାଗ୍ ଶ୍ୟାମଶବ॒ଲୌ ମତ॑ସ୍ନାଭ୍ୟାଂ॒-ଵ୍ୟୁଁ॑ଷ୍ଟିଗ୍ମ୍ ରୂ॒ପେଣ॒ ନିମ୍ରୁ॑କ୍ତି॒ମରୂ॑ପେଣ ॥ 51 ॥
(ଆ॒ନ॒ନ୍ଦଗ୍ମ୍ – ଷୋଡ॑ଶ) (ଅ. 19)
ଅହ॑ର୍ମା॒ଗ୍ମ୍॒ସେନ॒ ରାତ୍ରି॒-ମ୍ପୀଵ॑ସା॒-ଽପୋ ୟୂ॒ଷେଣ॑ ଘୃ॒ତଗ୍ମ୍ ରସେ॑ନ॒ ଶ୍ୟାଂ-ଵଁସ॑ୟା ଦୂ॒ଷୀକା॑ଭିର୍-ହ୍ରା॒ଦୁନି॒-ମଶ୍ରୁ॑ଭିଃ॒ ପୃଷ୍ଵା॒-ନ୍ଦିଵଗ୍ମ୍॑ ରୂ॒ପେଣ॒ ନକ୍ଷ॑ତ୍ରାଣି॒ ପ୍ରତି॑ରୂପେଣ ପୃଥି॒ଵୀ-ଞ୍ଚର୍ମ॑ଣା ଛ॒ଵୀ-ଞ୍ଛ॒ଵ୍ୟୋ॑ ପାକୃ॑ତାୟ॒ ସ୍ଵାହା ଽଽଲ॑ବ୍ଧାୟ॒ ସ୍ଵାହା॑ ହୁ॒ତାୟ॒ ସ୍ଵାହା᳚ ॥ 52 ॥
(ଅହ॑ର॒ – ଷ୍ଟାଵିଗ୍ମ୍॑ଶତିଃ) (ଅ. 20)
ଅ॒ଗ୍ନେଃ ପ॑କ୍ଷ॒ତି-ସ୍ସର॑ସ୍ଵତ୍ୟୈ॒ ନିପ॑କ୍ଷତି॒-ସ୍ସୋମ॑ସ୍ୟ ତୃ॒ତୀୟା॒-ଽପା-ଞ୍ଚ॑ତୁ॒ର୍ଥ୍ୟୋଷ॑ଧୀନା-ମ୍ପଞ୍ଚ॒ମୀ ସଂ॑ଵଁଥ୍ସ॒ରସ୍ୟ॑ ଷ॒ଷ୍ଠୀ ମ॒ରୁତାଗ୍ମ୍॑ ସପ୍ତ॒ମୀ ବୃହ॒ସ୍ପତେ॑ରଷ୍ଟ॒ମୀ ମି॒ତ୍ରସ୍ୟ॑ ନଵ॒ମୀ ଵରୁ॑ଣସ୍ୟ ଦଶ॒ମୀନ୍ଦ୍ର॑ସ୍ୟୈକାଦ॒ଶୀ ଵିଶ୍ଵେ॑ଷା-ନ୍ଦେ॒ଵାନା᳚-ନ୍ଦ୍ଵାଦ॒ଶୀ ଦ୍ୟାଵା॑ପୃଥି॒ଵ୍ୟୋଃ ପା॒ର୍ଶ୍ଵଂ-ୟଁ॒ମସ୍ୟ॑ ପାଟୂ॒ରଃ ॥ 53 ॥
(ଅ॒ଗ୍ନେ-ରେକା॒ନ୍ନ ତ୍ରି॒ଗ୍ମ୍॒ଶତ୍) (ଅ. 21)
ଵା॒ୟୋଃ ପ॑କ୍ଷ॒ତି-ସ୍ସର॑ସ୍ଵତୋ॒ ନିପ॑କ୍ଷତି-ଶ୍ଚ॒ନ୍ଦ୍ରମ॑ସ-ସ୍ତୃ॒ତୀୟା॒ ନକ୍ଷ॑ତ୍ରାଣା-ଞ୍ଚତୁ॒ର୍ଥୀ ସ॑ଵି॒ତୁଃ ପ॑ଞ୍ଚ॒ମୀ ରୁ॒ଦ୍ରସ୍ୟ॑ ଷ॒ଷ୍ଠୀ ସ॒ର୍ପାଣାଗ୍ମ୍॑ ସପ୍ତ॒ମ୍ୟ॑ର୍ୟ॒ମ୍ଣୋ᳚-ଽଷ୍ଟ॒ମୀ ତ୍ଵଷ୍ଟୁ॑ର୍ନଵ॒ମୀ ଧା॒ତୁର୍ଦ॑ଶ॒ମୀନ୍ଦ୍ରା॒ଣ୍ୟା ଏ॑କାଦଶ୍ୟଦି॑ତ୍ୟୈ ଦ୍ଵାଦ॒ଶୀ ଦ୍ୟାଵା॑ପୃଥି॒ଵ୍ୟୋଃ ପା॒ର୍ଶ୍ଵଂ-ୟଁ॒ମ୍ୟୈ॑ ପାଟୂ॒ରଃ ॥ 54 ॥
(ଵା॒ୟୋ – ର॒ଷ୍ଟାଵିଗ୍ମ୍॑ଶତିଃ) (ଅ. 22)
ପନ୍ଥା॑ମନୂ॒ଵୃଗ୍ଭ୍ୟା॒ଗ୍ମ୍॒ ସନ୍ତ॑ତିଗ୍ଗ୍ ସ୍ନାଵ॒ନ୍ୟା᳚ଭ୍ୟା॒ଗ୍ମ୍॒ ଶୁକା᳚-ନ୍ପି॒ତ୍ତେନ॑ ହରି॒ମାଣଂ॑-ୟଁ॒କ୍ନା ହଲୀ᳚କ୍ଷ୍ଣା-ନ୍ପାପଵା॒ତେନ॑ କୂ॒ଶ୍ମାଞ୍ଛକ॑ଭି-ଶ୍ଶଵ॒ର୍ତାନୂଵ॑ଦ୍ଧ୍ୟେନ॒ ଶୁନୋ॑ ଵି॒ଶସ॑ନେନ ସ॒ର୍ପାନ୍ ଁଲୋ॑ହିତଗ॒ନ୍ଧେନ॒ ଵୟାଗ୍ମ୍॑ସି ପକ୍ଵଗ॒ନ୍ଧେନ॑ ପି॒ପୀଲି॑କାଃ ପ୍ରଶା॒ଦେନ॑ ॥ 55 ॥
(ପନ୍ଥାଂ॒ – ଦ୍ଵାଵିଗ୍ମ୍॑ଶତିଃ) (ଅ. 23)
କ୍ରମୈ॒ରତ୍ୟ॑କ୍ରମୀ-ଦ୍ଵା॒ଜୀ ଵିଶ୍ଵୈ᳚ର୍ଦେ॒ଵୈର୍ୟ॒ଜ୍ଞିୟୈ᳚-ସ୍ସଂଵିଁଦା॒ନଃ । ସ ନୋ॑ ନୟ ସୁକୃ॒ତସ୍ୟ॑ ଲୋ॒କ-ନ୍ତସ୍ୟ॑ ତେ ଵ॒ୟଗ୍ଗ୍ ସ୍ଵ॒ଧୟା॑ ମଦେମ ॥ 56 ॥
(କ୍ରମୈ॑ – ର॒ଷ୍ଟାଦ॑ଶ) (ଅ. 24)
ଦ୍ୟୌସ୍ତେ॑ ପୃ॒ଷ୍ଠ-ମ୍ପୃ॑ଥି॒ଵୀ ସ॒ଧସ୍ଥ॑ମା॒ତ୍ମାନ୍ତରି॑କ୍ଷଗ୍ମ୍ ସମୁ॒ଦ୍ରୋ ୟୋନି॒-ସ୍ସୂର୍ୟ॑ସ୍ତେ॒ ଚକ୍ଷୁ॒ର୍ଵାତଃ॑ ପ୍ରା॒ଣଶ୍ଚ॒ନ୍ଦ୍ରମା॒-ଶ୍ଶ୍ରୋତ୍ର॒-ମ୍ମାସା᳚ଶ୍ଚାର୍ଧମା॒ସାଶ୍ଚ॒ ପର୍ଵା᳚ଣ୍ୟୃ॒ତଵୋଙ୍ଗା॑ନି ସଂଵଁଥ୍ସ॒ରୋ ମ॑ହି॒ମା ॥ 57 ॥
(ଦ୍ୟୌ – ପଞ୍ଚ॑ଵିଗ୍ମ୍ଶତିଃ) (ଅ. 25)
ଅ॒ଗ୍ନିଃ ପ॒ଶୁରା॑ସୀ॒-ତ୍ତେନା॑ୟଜନ୍ତ॒ ସ ଏ॒ତଂ-ଲୋଁ॒କମ॑ଜୟ॒-ଦ୍ୟସ୍ମି॑ନ୍ନ॒ଗ୍ନି-ସ୍ସ ତେ॑ ଲୋ॒କସ୍ତ-ଞ୍ଜେ᳚ଷ୍ୟ॒ସ୍ୟଥାଵ॑ ଜିଘ୍ର ଵା॒ୟୁଃ ପ॒ଶୁରା॑ସୀ॒-ତ୍ତେନା॑ୟଜନ୍ତ॒ ସ ଏ॒ତଂ-ଲୋଁ॒କମ॑ଜୟ॒-ଦ୍ୟସ୍ମି॑ନ୍ ଵା॒ୟୁ-ସ୍ସ ତେ॑ ଲୋ॒କସ୍ତସ୍ମା᳚-ତ୍ତ୍ଵା॒-ଽନ୍ତରେ᳚ଷ୍ୟାମି॒ ୟଦି॒ ନାଵ॒ଜିଘ୍ର॑ସ୍ୟାଦି॒ତ୍ୟଃ ପ॒ଶୁରା॑ସୀ॒-ତ୍ତେନା॑ୟଜନ୍ତ॒ ସ ଏ॒ତଂ-ଲୋଁ॒କମ॑ଜୟ॒-ଦ୍ୟସ୍ମି॑-ନ୍ନାଦି॒ତ୍ୟ-ସ୍ସ ତେ॑ ଲୋ॒କସ୍ତ-ଞ୍ଜେ᳚ଷ୍ୟସି॒ ୟଦ୍ୟ॑ଵ॒ଜିଘ୍ର॑ସି ॥ 58 ॥
(ୟସ୍ମି॑ – ନ୍ନ॒ଷ୍ଟୌ ଚ॑) (ଅ. 26)
(ୟୋ ଵା ଅୟ॑ଥାଦେଵତ॒ – ନ୍ତ୍ଵାମ॑ଗ୍ନ॒ – ଇନ୍ଦ୍ର॑ସ୍ୟ॒ – ଚିତ୍ତିଂ॒ – ଁୟଥା॒ ଵୈ – ଵୟୋ॒ ଵୈ – ୟଦାକୂ॑ତା॒–ଦ୍ୟାସ୍ତେ॑ ଅଗ୍ନେ॒ – ମୟି॑ ଗୃହ୍ଣାମି – ପ୍ର॒ଜାପ॑ତି॒-ସ୍ସୋ᳚-ଽସ୍ମାଥ୍ – ସ୍ତେ॒ଗାନ୍ – ଵାଜଂ॑ – କୂ॒ର୍ମାନ୍ – ୟୋକ୍ତ୍ରଂ॑ – ମି॒ତ୍ରାଵରୁ॑ଣା॒ – ଵିନ୍ଦ୍ର॑ସ୍ୟ – ପୂ॒ଷ୍ଣ – ଓଜ॑ – ଆନ॒ନ୍ଦ – ମହ॑ – ର॒ଗ୍ନେ – ର୍ଵା॒ୟୋଃ – ପନ୍ଥାଂ॒ – କ୍ରମୈ॒ – ର୍ଦ୍ୟୌସ୍ତେ॒ – ଽଗ୍ନିଃ ପ॒ଶୁରା॑ସୀ॒ଥ୍ – ଷଡ୍ଵିଗ୍ମ୍॑ଶତିଃ)
(ୟୋ ଵା – ଏ॒ଵା-ଽଽହୁ॑ତି – ମଭଵନ୍ – ପ॒ଥିଭି॑ – ରଵ॒ରୁଧ୍ୟା॑ – ଽଽନ॒ନ୍ଦ – ମ॒ଷ୍ଟୌ ପ॑ଞ୍ଚ॒ଶତ୍ )
(ୟୋ ଵା ଅୟ॑ଥାଦେଵତ॒ମ୍, ଁୟଦ୍ୟ॑ଵ॒ଜିଘ୍ର॑ସି)
( ସା॒ଵି॒ତ୍ରାଣି॒ – ଵିଷ୍ଣୁ॑ମୁଖା – ଉଥ୍ସନ୍ନୟ॒ଜ୍ଞୋ – ଦେ॑ଵାସୁ॒ରା – ୟଦେକେ॑ନ॒ – ହିର॑ଣ୍ୟଵର୍ଣା॒ – ୟୋ ଵା॑- ସ॒ପ୍ତ ) (7)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ମ୍ପଞ୍ଚମକାଣ୍ଡେ ସପ୍ତମଃ ପ୍ରଶ୍ନ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 5.7 - ୟୋ ଵା ଅୟଥା ଦେଵତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
5.7 - ୟୋ ଵା ଅୟଥା ଦେଵତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 5.7 - ୟୋ ଵା ଅୟଥା ଦେଵତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 5.7 - ୟୋ ଵା ଅୟଥା ଦେଵତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.