4.4 – ରଶ୍ମିରସି କ୍ଷୟାୟ ତ୍ଵା – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥକାଣ୍ଡେ ଚତୁର୍ଥଃ ପ୍ରଶ୍ନଃ – ପଞ୍ଚମଚିତିଶେଷନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ର॒ଶ୍ମିର॑ସି॒ କ୍ଷୟା॑ୟ ତ୍ଵା॒ କ୍ଷୟ॑-ଞ୍ଜିନ୍ଵ॒ ପ୍ରେତି॑ରସି॒ ଧର୍ମା॑ୟ ତ୍ଵା॒ ଧର୍ମ॑-ଞ୍ଜି॒ନ୍ଵାନ୍ଵି॑ତିରସି ଦି॒ଵେ ତ୍ଵା॒ ଦିଵ॑-ଞ୍ଜିନ୍ଵ ସ॒ନ୍ଧିର॑ସ୍ୟ॒ନ୍ତରି॑କ୍ଷାୟ ତ୍ଵା॒-ଽନ୍ତରି॑କ୍ଷ-ଞ୍ଜିନ୍ଵ ପ୍ରତି॒ଧିର॑ସି ପୃଥି॒ଵ୍ୟୈ ତ୍ଵା॑ ପୃଥି॒ଵୀ-ଞ୍ଜି॑ନ୍ଵ ଵିଷ୍ଟ॒ଭୋଂ॑-ଽସି॒ ଵୃଷ୍ଟ୍ୟୈ᳚ ତ୍ଵା॒ ଵୃଷ୍ଟି॑-ଞ୍ଜିନ୍ଵ ପ୍ର॒ଵା-ଽସ୍ୟହ୍ନେ॒ ତ୍ଵା-ଽହ॑ର୍ଜିନ୍ଵାନୁ॒ ଵା-ଽସି॒ ରାତ୍ରି॑ୟୈ ତ୍ଵା॒ ରାତ୍ରି॑-ଞ୍ଜିନ୍ଵୋ॒ ଶିଗ॑ସି॒ [ରାତ୍ରି॑-ଞ୍ଜିନ୍ଵୋ॒ ଶିଗ॑ସି, ଵସୁ॑ଭ୍ୟସ୍ତ୍ଵା॒] 1
ଵସୁ॑ଭ୍ୟସ୍ତ୍ଵା॒ ଵସୂ᳚ଞ୍ଜିନ୍ଵ ପ୍ରକେ॒ତୋ॑-ଽସି ରୁ॒ଦ୍ରେଭ୍ୟ॑ସ୍ତ୍ଵା ରୁ॒ଦ୍ରାଞ୍ଜି॑ନ୍ଵ ସୁଦୀ॒ତିର॑ସ୍ୟାଦି॒ତ୍ୟେଭ୍ୟ॑ସ୍ତ୍ଵା ଽଽଦି॒ତ୍ୟାଞ୍ଜି॒ନ୍ଵୌଜୋ॑-ଽସି ପି॒ତୃଭ୍ୟ॑ସ୍ତ୍ଵା ପି॒ତୄଞ୍ଜି॑ନ୍ଵ॒ ତନ୍ତୁ॑ରସି ପ୍ର॒ଜାଭ୍ୟ॑ସ୍ତ୍ଵା ପ୍ର॒ଜା ଜି॑ନ୍ଵ ପୃତନା॒ଷାଡ॑ସି ପ॒ଶୁଭ୍ୟ॑ସ୍ତ୍ଵା ପ॒ଶୂଞ୍ଜି॑ନ୍ଵ ରେ॒ଵଦ॒ସ୍ୟୋଷ॑ଧୀଭ୍ୟ॒-ସ୍ତ୍ଵୌଷ॑ଧୀ-ର୍ଜିନ୍ଵାଭି॒ଜିଦ॑ସି ୟୁ॒କ୍ତଗ୍ରା॒ଵେନ୍ଦ୍ରା॑ୟ॒ ତ୍ଵେନ୍ଦ୍ର॑-ଞ୍ଜି॒ନ୍ଵାଧି॑ପତିରସି ପ୍ରା॒ଣାୟ॑ [ପ୍ରା॒ଣାୟ॑, ତ୍ଵା॒ ପ୍ରା॒ଣ-ଞ୍ଜି॑ନ୍ଵ] 2
ତ୍ଵା ପ୍ରା॒ଣ-ଞ୍ଜି॑ନ୍ଵ ୟ॒ନ୍ତା-ଽସ୍ୟ॑ପା॒ନାୟ॑ ତ୍ଵା-ଽପା॒ନ-ଞ୍ଜି॑ନ୍ଵ ସ॒ଗ୍ମ୍॒ସର୍ପୋ॑-ଽସି॒ ଚକ୍ଷୁ॑ଷେ ତ୍ଵା॒ ଚକ୍ଷୁ॑ର୍ଜିନ୍ଵ ଵୟୋ॒ଧା ଅ॑ସି॒ ଶ୍ରୋତ୍ରା॑ୟ ତ୍ଵା॒ ଶ୍ରୋତ୍ର॑-ଞ୍ଜିନ୍ଵ ତ୍ରି॒ଵୃଦ॑ସି ପ୍ର॒ଵୃଦ॑ସି ସଂ॒ଵୃଁଦ॑ସି ଵି॒ଵୃଦ॑ସି ସଗ୍ମ୍ରୋ॒ହୋ॑-ଽସି ନୀରୋ॒ହୋ॑-ଽସି ପ୍ରରୋ॒ହୋ᳚-ଽସ୍ୟନୁରୋ॒ହୋ॑-ଽସି ଵସୁ॒କୋ॑-ଽସି॒ ଵେଷ॑ଶ୍ରିରସି॒ ଵସ୍ୟ॑ଷ୍ଟିରସି ॥ 3 ॥
(ଉ॒ଶିଗ॑ସି – ପ୍ରା॒ଣାୟ॒ – ତ୍ରିଚ॑ତ୍ଵାରିଗ୍ମ୍ଶଚ୍ଚ) (ଅ. 1)
ରାଜ୍ଞ୍ୟ॑ସି॒ ପ୍ରାଚୀ॒ ଦିଗ୍ଵସ॑ଵସ୍ତେ ଦେ॒ଵା ଅଧି॑ପତୟୋ॒-ଽଗ୍ନିର୍ହେ॑ତୀ॒ନା-ମ୍ପ୍ର॑ତିଧ॒ର୍ତା ତ୍ରି॒ଵୃ-ତ୍ତ୍ଵା॒ ସ୍ତୋମଃ॑ ପୃଥି॒ଵ୍ୟାଗ୍ ଶ୍ର॑ୟ॒ତ୍ଵାଜ୍ୟ॑-ମୁ॒କ୍ଥମଵ୍ୟ॑ଥୟ-ଥ୍ସ୍ତଭ୍ନାତୁ ରଥନ୍ତ॒ରଗ୍ମ୍ ସାମ॒ ପ୍ରତି॑ଷ୍ଠିତ୍ୟୈ ଵି॒ରାଡ॑ସି ଦକ୍ଷି॒ଣା ଦିଗ୍ରୁ॒ଦ୍ରାସ୍ତେ॑ ଦେ॒ଵା ଅଧି॑ପତୟ॒ ଇନ୍ଦ୍ରୋ॑ ହେତୀ॒ନା-ମ୍ପ୍ର॑ତିଧ॒ର୍ତା ପ॑ଞ୍ଚଦ॒ଶସ୍ତ୍ଵା॒ ସ୍ତୋମଃ॑ ପୃଥି॒ଵ୍ୟାଗ୍ ଶ୍ର॑ୟତୁ॒ ପ୍ର-ଉ॑ଗମୁ॒କ୍ଥ-ମଵ୍ୟ॑ଥୟ-ଥ୍ସ୍ତଭ୍ନାତୁ ବୃ॒ହ-ଥ୍ସାମ॒ ପ୍ରତି॑ଷ୍ଠିତ୍ୟୈ ସ॒ମ୍ରାଡ॑ସି ପ୍ର॒ତୀଚୀ॒ ଦି- [ଦିକ୍, ଆ॒ଦି॒ତ୍ୟାସ୍ତେ॑] 4
-ଗା॑ଦି॒ତ୍ୟାସ୍ତେ॑ ଦେ॒ଵା ଅଧି॑ପତୟ॒-ସ୍ସୋମୋ॑ ହେତୀ॒ନା-ମ୍ପ୍ର॑ତିଧ॒ର୍ତା ସ॑ପ୍ତଦ॒ଶସ୍ତ୍ଵା॒ ସ୍ତୋମଃ॑ ପୃଥି॒ଵ୍ୟାଗ୍ ଶ୍ର॑ୟତୁ ମରୁତ୍ଵ॒ତୀୟ॑ମୁ॒କ୍ଥ-ମଵ୍ୟ॑ଥୟ-ଥ୍ସ୍ତଭ୍ନାତୁ ଵୈରୂ॒ପଗ୍ମ୍ ସାମ॒ ପ୍ରତି॑ଷ୍ଠିତ୍ୟାୟୈ ସ୍ଵ॒ରାଡ॒ସ୍ୟୁଦୀ॑ଚୀ॒ ଦିଗ୍ ଵିଶ୍ଵେ॑ ତେ ଦେ॒ଵା ଅଧି॑ପତୟୋ॒ ଵରୁ॑ଣୋ ହେତୀ॒ନା-ମ୍ପ୍ର॑ତିଧ॒ର୍ତୈକ॑ଵି॒ଗ୍ମ୍॒ଶ ସ୍ତ୍ଵା॒ ସ୍ତୋମଃ॑ ପୃଥି॒ଵ୍ୟାଗ୍ ଶ୍ର॑ୟତୁ॒ ନିଷ୍କେ॑ଵଲ୍ୟ-ମୁ॒କ୍ଥମଵ୍ୟ॑ଥୟ-ଥ୍ସ୍ତଭ୍ନାତୁ ଵୈରା॒ଜଗ୍ମ୍ ସାମ॒ ପ୍ରତି॑ଷ୍ଠିତ୍ୟା॒ ଅଧି॑ପତ୍ନ୍ୟସି ବୃହ॒ତୀ ଦିମ୍ମ॒ରୁତ॑ସ୍ତେ ଦେ॒ଵା ଅଧି॑ପତୟୋ॒ [ଅଧି॑ପତୟଃ, ବୃହ॒ସ୍ପତି॑ର୍ହେତୀ॒-] 5
ବୃହ॒ସ୍ପତି॑ର୍ହେତୀ॒ନା-ମ୍ପ୍ର॑ତିଧ॒ର୍ତା ତ୍ରି॑ଣଵତ୍ରୟସ୍ତ୍ରି॒ଗ୍ମ୍॒ଶୌ ତ୍ଵା॒ ସ୍ତୋମୌ॑ ପୃଥି॒ଵ୍ୟାଗ୍ ଶ୍ର॑ୟତାଂ-ଵୈଁଶ୍ଵଦେଵାଗ୍ନିମାରୁ॒ତେ ଉ॒କ୍ଥେ ଅଵ୍ୟ॑ଥୟନ୍ତୀ ସ୍ତଭ୍ନୀତାଗ୍ମ୍ ଶାକ୍ଵରରୈଵ॒ତେ ସାମ॑ନୀ॒ ପ୍ରତି॑ଷ୍ଠିତ୍ୟା ଅ॒ନ୍ତରି॑କ୍ଷା॒ୟର୍ଷ॑ୟସ୍ତ୍ଵା ପ୍ରଥମ॒ଜା ଦେ॒ଵେଷୁ॑ ଦି॒ଵୋ ମାତ୍ର॑ୟା ଵରି॒ଣା ପ୍ର॑ଥନ୍ତୁ ଵିଧ॒ର୍ତା ଚା॒ୟମଧି॑ପତିଶ୍ଚ॒ ତେ ତ୍ଵା॒ ସର୍ଵେ॑ ସଂଵିଁଦା॒ନା ନାକ॑ସ୍ୟ ପୃ॒ଷ୍ଠେ ସୁ॑ଵ॒ର୍ଗେ ଲୋ॒କେ ୟଜ॑ମାନ-ଞ୍ଚ ସାଦୟନ୍ତୁ ॥ 6 ॥
(ପ୍ର॒ତୀଚୀ॒ ଦିଂ – ମ॒ରୁତ॑ସ୍ତେ ଦେ॒ଵା ଅଧି॑ପତୟ – ଶ୍ଚତ୍ଵାରି॒ଗ୍ମ୍॒ଶଚ୍ଚ॑) (ଅ. 2)
ଅ॒ୟ-ମ୍ପୁ॒ରୋ ହରି॑କେଶ॒-ସ୍ସୂର୍ୟ॑ରଶ୍ମି॒ସ୍ତସ୍ୟ॑ ରଥଗୃ॒ଥ୍ସଶ୍ଚ॒ ରଥୌ॑ଜାଶ୍ଚ ସେନାନି ଗ୍ରାମ॒ଣ୍ୟୌ॑ ପୁଞ୍ଜିକସ୍ଥ॒ଲା ଚ॑ କୃତସ୍ଥ॒ଲା ଚା᳚ଫ୍ସ॒ରସୌ॑ ୟାତୁ॒ଧାନା॑ ହେ॒ତୀ ରକ୍ଷାଗ୍ମ୍॑ସି॒ ପ୍ରହେ॑ତି ର॒ୟ-ନ୍ଦ॑କ୍ଷି॒ଣା ଵି॒ଶ୍ଵ କ॑ର୍ମା॒ ତସ୍ୟ॑ ରଥସ୍ଵ॒ନଶ୍ଚ॒ ରଥେ॑ଚିତ୍ରଶ୍ଚ ସେନାନି ଗ୍ରାମ॒ଣ୍ୟୌ॑ ମେନ॒କା ଚ॑ ସହଜ॒ନ୍ୟା ଚା᳚ଫ୍ସ॒ରସୌ॑ ଦଂ॒ଣଵଃ॑ ପ॒ଶଵୋ॑ ହେ॒ତିଃ ପୌରୁ॑ଷେୟୋ ଵ॒ଧଃ ପ୍ରହେ॑ତି ର॒ୟ-ମ୍ପ॒ଶ୍ଚା-ଦ୍ଵି॒ଶ୍ଵଵ୍ୟ॑ଚା॒ ସ୍ତସ୍ୟ॒ ରଥ॑ ପ୍ରୋତ॒ଶ୍ଚା-ସ॑ମରଥଶ୍ଚ ସେନାନି ଗ୍ରାମ॒ଣ୍ୟୌ᳚ ପ୍ର॒ମ୍ଲୋଚ॑ନ୍ତୀ ଚା- [ପ୍ର॒ମ୍ଲୋଚ॑ନ୍ତୀ ଚ, ଅ॒ନୁ॒ମ୍ଲୋଚ॑ନ୍ତୀ-] 7
-ଽନୁ॒ମ୍ଲୋଚ॑ନ୍ତୀ-ଚାଫ୍ସ॒ରସୌ॑ ସ॒ର୍ପା ହେ॒ତି ର୍ଵ୍ୟା॒ଘ୍ରାଃ ପ୍ରହେ॑ତି ର॒ୟ ମୁ॑ତ୍ତ॒ରା-ଥ୍ସଂ॒ୟଁଁଦ୍- ଵ॑ସୁ॒ସ୍ତସ୍ୟ॑ ସେନ॒ଜିଚ୍ଚ॑ ସୁ॒ଷେଣ॑ଶ୍ଚ ସେନାନି ଗ୍ରାମ॒ଣ୍ୟୌ॑ ଵି॒ଶ୍ଵାଚୀ॑ ଚ ଘୃ॒ତାଚୀ॑ ଚାଫ୍ସ॒ରସା॒ ଵାପୋ॑ ହେ॒ତି ର୍ଵାତଃ॒ ପ୍ରହେ॑ତି ର॒ୟମୁ॒ପର୍ୟ॒ ର୍ଵାଗ୍ଵ॑-ସୁ॒ସ୍ତସ୍ୟ॒ ତାର୍କ୍ଷ୍ୟ॒-ଶ୍ଚାରି॑ଷ୍ଟ-ନେମିଶ୍ଚ ସେନାନି ଗ୍ରାମ॒ଣ୍ୟା॑ ଵୁ॒ର୍ଵଶୀ॑ ଚ ପୂ॒ର୍ଵଚି॑ତ୍ତିଶ୍ଚା-ଫ୍ସ॒ରସୌ॑ ଵି॒ଦ୍ୟୁଦ୍ଧେ॒ତିର॑-ଵ॒ସ୍ଫୂର୍ଜ॒-ନ୍ପ୍ରହେ॑ତି॒ ସ୍ତେଭ୍ୟୋ॒ ନମ॒ସ୍ତେ ନୋ॑ ମୃଡୟନ୍ତୁ॒ ତେ ୟ- [ତେ ୟମ୍, ଦ୍ଵି॒ଷ୍ମୋ] 8
-ନ୍ଦ୍ଵି॒ଷ୍ମୋ ୟଶ୍ଚ॑ ନୋ॒ ଦ୍ଵେଷ୍ଟି॒ ତଂ-ଵୋଁ॒ ଜମ୍ଭେ॑ ଦଧାମ୍ୟା॒ୟୋସ୍ତ୍ଵା॒ ସଦ॑ନେ ସାଦୟା॒ମ୍ୟଵ॑ତ ଶ୍ଛା॒ୟାୟା॒-ନ୍ନମ॑-ସ୍ସମୁ॒ଦ୍ରାୟ॒ ନମ॑-ସ୍ସମୁ॒ଦ୍ରସ୍ୟ॒ ଚକ୍ଷ॑ସେ ପରମେ॒ଷ୍ଠୀ ତ୍ଵା॑ ସାଦୟତୁ ଦି॒ଵଃ ପୃ॒ଷ୍ଠେ ଵ୍ୟଚ॑ସ୍ଵତୀ॒-ମ୍ପ୍ରଥ॑ସ୍ଵତୀଂ-ଵିଁ॒ଭୂମ॑ତୀ-ମ୍ପ୍ର॒ଭୂମ॑ତୀ-ମ୍ପରି॒ଭୂମ॑ତୀ॒-ନ୍ଦିଵଂ॑-ୟଁଚ୍ଛ॒ ଦିଵ॑-ନ୍ଦୃଗ୍ମ୍ହ॒ ଦିଵ॒-ମ୍ମା ହିଗ୍ମ୍॑ସୀ॒ର୍ଵିଶ୍ଵ॑ସ୍ମୈ ପ୍ରା॒ଣାୟା॑ପା॒ନାୟ॑ ଵ୍ୟା॒ନାୟୋ॑ଦା॒ନାୟ॑ ପ୍ରତି॒ଷ୍ଠାୟୈ॑ ଚ॒ରିତ୍ରା॑ୟ॒ ସୂର୍ୟ॑ସ୍ତ୍ଵା॒-ଽଭି ପା॑ତୁ ମ॒ହ୍ୟା ସ୍ଵ॒ସ୍ତ୍ୟା ଛ॒ର୍ଦିଷା॒ ଶନ୍ତ॑ମେନ॒ ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ ପ୍ରୋଥ॒ଦଶ୍ଵୋ॒ ନ ୟଵ॑ସେ ଅଵି॒ଷ୍ୟନ୍. ୟ॒ଦା ମ॒ହ-ସ୍ସ॒ଁଵର॑ଣା॒-ଦ୍ଵ୍ୟସ୍ଥା᳚ତ୍ । ଆଦ॑ସ୍ୟ॒ ଵାତୋ॒ ଅନୁ॑ ଵାତି ଶୋ॒ଚିରଧ॑ ସ୍ମ ତେ॒ ଵ୍ରଜ॑ନ-ଙ୍କୃ॒ଷ୍ଣମ॑ସ୍ତି ॥ 9 ॥
(ପ୍ର॒ମ୍ଲୋଚ॑ନ୍ତୀ ଚ॒ – ୟଗ୍ଗ୍ – ସ୍ଵ॒ସ୍ତ୍ୟା – ଽଷ୍ଟାଵିଗ୍ମ୍॑ଶତିଶ୍ଚ) (ଅ. 3)
ଅ॒ଗ୍ନିର୍ମୂ॒ର୍ଧା ଦି॒ଵଃ କ॒କୁ-ତ୍ପତିଃ॑ ପୃଥି॒ଵ୍ୟା ଅ॒ୟମ୍ । ଅ॒ପାଗ୍ମ୍ ରେତାଗ୍ମ୍॑ସି ଜିନ୍ଵତି ॥ ତ୍ଵାମ॑ଗ୍ନେ॒ ପୁଷ୍କ॑ରା॒ଦଦ୍ଧ୍ୟଥ॑ର୍ଵା॒ ନିର॑ମନ୍ଥତ । ମୂ॒ର୍ଧ୍ନୋ ଵିଶ୍ଵ॑ସ୍ୟ ଵା॒ଘତଃ॑ ॥ ଅ॒ୟମ॒ଗ୍ନି-ସ୍ସ॑ହ॒ସ୍ରିଣୋ॒ ଵାଜ॑ସ୍ୟ ଶ॒ତିନ॒ସ୍ପତିଃ॑ । ମୂ॒ର୍ଧା କ॒ଵୀ ର॑ୟୀ॒ଣାମ୍ ॥ ଭୁଵୋ॑ ୟ॒ଜ୍ଞସ୍ୟ॒ ରଜ॑ସଶ୍ଚ ନେ॒ତା ୟତ୍ରା॑ ନି॒ୟୁଦ୍ଭି॒-ସ୍ସଚ॑ସେ ଶି॒ଵାଭିଃ॑ । ଦି॒ଵି ମୂ॒ର୍ଧାନ॑-ନ୍ଦଧିଷେ ସୁଵ॒ର୍॒ଷା-ଞ୍ଜି॒ହ୍ଵାମ॑ଗ୍ନେ ଚକୃଷେ ହଵ୍ୟ॒ଵାହ᳚ମ୍ ॥ ଅବୋ᳚ଦ୍ଧ୍ୟ॒ଗ୍ନି-ସ୍ସ॒ମିଧା॒ ଜନା॑ନା॒- [ଜନା॑ନାମ୍, ପ୍ରତି॑] 10
-ମ୍ପ୍ରତି॑ ଧେ॒ନୁମି॑ଵା ୟ॒ତୀମୁ॒ଷାସ᳚ମ୍ । ୟ॒ହ୍ଵା ଇ॑ଵ॒ ପ୍ରଵ॒ୟା ମୁ॒ଜ୍ଜିହା॑ନାଃ॒ ପ୍ର ଭା॒ନଵ॑-ସ୍ସିସ୍ରତେ॒ ନାକ॒ମଚ୍ଛ॑ ॥ ଅଵୋ॑ଚାମ କ॒ଵୟେ॒ ମେଦ୍ଧ୍ୟା॑ୟ॒ ଵଚୋ॑ ଵ॒ନ୍ଦାରୁ॑ ଵୃଷ॒ଭାୟ॒ ଵୃଷ୍ଣେ᳚ । ଗଵି॑ଷ୍ଠିରୋ॒ ନମ॑ସା॒ ସ୍ତୋମ॑ମ॒ଗ୍ନୌ ଦି॒ଵୀଵ॑ ରୁ॒କ୍ମମୁ॒ର୍ଵ୍ୟଞ୍ଚ॑ମଶ୍ରେତ୍ ॥ ଜନ॑ସ୍ୟ ଗୋ॒ପା ଅ॑ଜନିଷ୍ଟ॒ ଜାଗୃ॑ଵିର॒ଗ୍ନି-ସ୍ସୁ॒ଦକ୍ଷ॑-ସ୍ସୁଵି॒ତାୟ॒ ନଵ୍ୟ॑ସେ । ଘୃ॒ତପ୍ର॑ତୀକୋ ବୃହ॒ତା ଦି॑ଵି॒ସ୍ପୃଶା᳚ ଦ୍ୟୁ॒ମଦ୍ଵି ଭା॑ତି ଭର॒ତେଭ୍ୟ॒-ଶ୍ଶୁଚିଃ॑ ॥ ତ୍ଵାମ॑ଗ୍ନେ॒ ଅଙ୍ଗି॑ରସୋ॒ [ଅଙ୍ଗି॑ରସଃ, ଗୁହା॑ ହି॒ତମନ୍ଵ॑-] 11
ଗୁହା॑ ହି॒ତମନ୍ଵ॑-ଵିନ୍ଦଞ୍ଛିଶ୍ରିୟା॒ଣଂ-ଵଁନେ॑ଵନେ । ସ ଜା॑ୟସେ ମ॒ଥ୍ୟମା॑ନ॒-ସ୍ସହୋ॑ ମ॒ହ-ତ୍ତ୍ଵାମା॑ହୁ॒-ସ୍ସହ॑ସସ୍ପୁ॒ତ୍ରମ॑ଙ୍ଗିରଃ ॥ ୟ॒ଜ୍ଞସ୍ୟ॑ କେ॒ତୁ-ମ୍ପ୍ର॑ଥ॒ମ-ମ୍ପୁ॒ରୋହି॑ତମ॒ଗ୍ନି-ନ୍ନର॑ସ୍ତ୍ରିଷଧ॒ସ୍ଥେ ସମି॑ନ୍ଧତେ । ଇନ୍ଦ୍ରେ॑ଣ ଦେ॒ଵୈ-ସ୍ସ॒ରଥ॒ଗ୍ମ୍॒ ସ ବ॒ର୍॒ହିଷି॒ ସୀଦ॒ନ୍ନି ହୋତା॑ ୟ॒ଜଥା॑ୟ ସୁ॒କ୍ରତୁଃ॑ ॥ ତ୍ଵା-ଞ୍ଚି॑ତ୍ରଶ୍ରଵସ୍ତମ॒ ହଵ॑ନ୍ତେ ଵି॒କ୍ଷୁ ଜ॒ନ୍ତଵଃ॑ । ଶୋ॒ଚିଷ୍କେ॑ଶ-ମ୍ପୁରୁପ୍ରି॒ୟାଗ୍ନେ॑ ହ॒ଵ୍ୟାୟ॒ ଵୋଢ॑ଵେ ॥ ସଖା॑ୟ॒-ସ୍ସଂଵଁ॑-ସ୍ସ॒ମ୍ୟଞ୍ଚ॒-ମିଷ॒ଗ୍ଗ୍॒- [-ମିଷ᳚ମ୍, ସ୍ତୋମ॑-ଞ୍ଚା॒ଗ୍ନୟେ᳚ ।] 12
-ସ୍ତୋମ॑-ଞ୍ଚା॒ଗ୍ନୟେ᳚ । ଵର୍ଷି॑ଷ୍ଠାୟ କ୍ଷିତୀ॒ନାମୂ॒ର୍ଜୋ ନପ୍ତ୍ରେ॒ ସହ॑ସ୍ଵତେ ॥ ସଗ୍ମ୍ସ॒ମିଦ୍ୟୁ॑ଵସେ ଵୃଷ॒ନ୍ନଗ୍ନେ॒ ଵିଶ୍ଵା᳚ନ୍ୟ॒ର୍ୟ ଆ । ଇ॒ଡସ୍ପ॒ଦେ ସମି॑ଦ୍ଧ୍ୟସେ॒ ସ ନୋ॒ ଵସୂ॒ନ୍ୟା ଭ॑ର ॥ ଏ॒ନା ଵୋ॑ ଅ॒ଗ୍ନି-ନ୍ନମ॑ସୋ॒ର୍ଜୋ ନପା॑ତ॒ମା ହୁ॑ଵେ । ପ୍ରି॒ୟ-ଞ୍ଚେତି॑ଷ୍ଠମର॒ତିଗ୍ଗ୍ ସ୍ଵ॑ଦ୍ଧ୍ଵ॒ରଂ-ଵିଁଶ୍ଵ॑ସ୍ୟ ଦୂ॒ତମ॒ମୃତ᳚ମ୍ ॥ ସ ୟୋ॑ଜତେ ଅରୁ॒ଷୋ ଵି॒ଶ୍ଵଭୋ॑ଜସା॒ ସ ଦୁ॑ଦ୍ରଵ॒-ଥ୍ସ୍ଵା॑ହୁତଃ । ସୁ॒ବ୍ରହ୍ମା॑ ୟ॒ଜ୍ଞ-ସ୍ସୁ॒ଶମୀ॒ [ୟ॒ଜ୍ଞ-ସ୍ସୁ॒ଶମୀ᳚, ଵସୂ॑ନା-] 13
ଵସୂ॑ନା-ନ୍ଦେ॒ଵଗ୍ମ୍ ରାଧୋ॒ ଜନା॑ନାମ୍ ॥ ଉଦ॑ସ୍ୟ ଶୋ॒ଚିର॑ସ୍ଥାଦା॒-ଜୁହ୍ଵା॑ନସ୍ୟ ମୀ॒ଢୁଷଃ॑ । ଉଦ୍ଧ॒ମାସୋ॑ ଅରୁ॒ଷାସୋ॑ ଦିଵି॒ସ୍ପୃଶ॒-ସ୍ସମ॒ଗ୍ନିମି॑ନ୍ଧତେ॒ ନରଃ॑ ॥ ଅଗ୍ନେ॒ ଵାଜ॑ସ୍ୟ॒ ଗୋମ॑ତ॒ ଈଶା॑ନ-ସ୍ସହସୋ ୟହୋ । ଅ॒ସ୍ମେ ଧେ॑ହି ଜାତଵେଦୋ॒ ମହି॒ ଶ୍ରଵଃ॑ ॥ ସ ଇ॑ଧା॒ନୋ ଵସୁ॑ଷ୍କ॒ଵି-ର॒ଗ୍ନିରୀ॒ଡେନ୍ୟୋ॑ ଗି॒ରା । ରେ॒ଵଦ॒ସ୍ମଭ୍ୟ॑-ମ୍ପୁର୍ଵଣୀକ ଦୀଦିହି ॥ କ୍ଷ॒ପୋ ରା॑ଜନ୍ନୁ॒ତ ତ୍ମନା-ଽଗ୍ନେ॒ ଵସ୍ତୋ॑ରୁ॒ତୋଷସଃ॑ । ସ ତି॑ଗ୍ମଜମ୍ଭ [ ] 14
ର॒କ୍ଷସୋ॑ ଦହ॒ ପ୍ରତି॑ ॥ ଆ ତେ॑ ଅଗ୍ନ ଇଧୀମହି ଦ୍ୟୁ॒ମନ୍ତ॑-ନ୍ଦେଵା॒ଜର᳚ମ୍ । ୟଦ୍ଧ॒ ସ୍ୟା ତେ॒ ପନୀ॑ୟସୀ ସ॒ମି-ଦ୍ଦୀ॒ଦୟ॑ତି॒ ଦ୍ୟଵୀଷଗ୍ଗ୍॑ ସ୍ତୋ॒ତୃଭ୍ୟ॒ ଆ ଭ॑ର ॥ ଆ ତେ॑ ଅଗ୍ନ ଋ॒ଚା ହ॒ଵି-ଶ୍ଶୁ॒କ୍ରସ୍ୟ॑ ଜ୍ୟୋତିଷସ୍ପତେ । ସୁଶ୍ଚ॑ନ୍ଦ୍ର॒ ଦସ୍ମ॒ ଵିଶ୍ପ॑ତେ॒ ହଵ୍ୟ॑ଵା॒-ଟ୍ତୁଭ୍ୟଗ୍ମ୍॑ ହୂୟତ॒ ଇଷଗ୍ଗ୍॑ ସ୍ତୋ॒ତୃଭ୍ୟ॒ ଆ ଭ॑ର ॥ ଉ॒ଭେ ସୁ॑ଶ୍ଚନ୍ଦ୍ର ସ॒ର୍ପିଷୋ॒ ଦର୍ଵୀ᳚ ଶ୍ରୀଣୀଷ ଆ॒ସନି॑ । ଉ॒ତୋ ନ॒ ଉ-ତ୍ପୁ॑ପୂର୍ୟା [ଉ-ତ୍ପୁ॑ପୂର୍ୟାଃ, ଉ॒କ୍ଥେଷୁ॑] 15
ଉ॒କ୍ଥେଷୁ॑ ଶଵସସ୍ପତ॒ ଇଷଗ୍ଗ୍॑ ସ୍ତୋ॒ତୃଭ୍ୟ॒ ଆ ଭ॑ର ॥ ଅଗ୍ନେ॒ ତମ॒ଦ୍ୟାଶ୍ଵ॒-ନ୍ନ ସ୍ତୋମୈଃ॒ କ୍ରତୁ॒-ନ୍ନ ଭ॒ଦ୍ରଗ୍ମ୍ ହୃ॑ଦି॒ସ୍ପୃଶ᳚ମ୍ । ଋ॒ଦ୍ଧ୍ୟାମା॑ ତ॒ ଓହୈଃ᳚ ॥ ଅଧା॒ ହ୍ୟ॑ଗ୍ନେ॒ କ୍ରତୋ᳚ର୍ଭ॒ଦ୍ରସ୍ୟ॒ ଦକ୍ଷ॑ସ୍ୟ ସା॒ଧୋଃ । ର॒ଥୀର୍-ଋ॒ତସ୍ୟ॑ ବୃହ॒ତୋ ବ॒ଭୂଥ॑ ॥ ଆ॒ଭିଷ୍ଟେ॑ ଅ॒ଦ୍ୟ ଗୀ॒ର୍ଭିର୍ଗୃ॒ଣନ୍ତୋ-ଽଗ୍ନେ॒ ଦାଶେ॑ମ । ପ୍ର ତେ॑ ଦି॒ଵୋ ନ ସ୍ତ॑ନୟନ୍ତି॒ ଶୁଷ୍ମାଃ᳚ ॥ ଏ॒ଭିର୍ନୋ॑ ଅ॒ର୍କୈର୍ଭଵା॑ ନୋ ଅ॒ର୍ଵା- [ଅ॒ର୍ଵାଙ୍, ସୁଵ॒ର୍ନ ଜ୍ୟୋତିଃ॑ ।] 16
-ଙ୍ଖ୍ସୁଵ॒ର୍ନ ଜ୍ୟୋତିଃ॑ । ଅଗ୍ନେ॒ ଵିଶ୍ଵେ॑ଭି-ସ୍ସୁ॒ମନା॒ ଅନୀ॑କୈଃ ॥ ଅ॒ଗ୍ନିଗ୍ମ୍ ହୋତା॑ର-ମ୍ମନ୍ୟେ॒ ଦାସ୍ଵ॑ନ୍ତଂ॒-ଵଁସୋ᳚-ସ୍ସୂ॒ନୁଗ୍ମ୍ ସହ॑ସୋ ଜା॒ତଵେ॑ଦସମ୍ । ଵିପ୍ର॒-ନ୍ନ ଜା॒ତଵେ॑ଦସମ୍ । ୟ ଊ॒ର୍ଧ୍ଵୟା᳚ ସ୍ଵଦ୍ଧ୍ଵ॒ରୋ ଦେ॒ଵୋ ଦେ॒ଵାଚ୍ୟା॑ କୃ॒ପା । ଘୃ॒ତସ୍ୟ॒ ଵିଭ୍ରା᳚ଷ୍ଟି॒ମନୁ॑ ଶୁ॒କ୍ରଶୋ॑ଚିଷ ଆ॒ଜୁହ୍ଵା॑ନସ୍ୟ ସ॒ର୍ପିଷଃ॑ ॥ ଅଗ୍ନେ॒ ତ୍ଵ-ନ୍ନୋ॒ ଅନ୍ତ॑ମଃ । ଉ॒ତ ତ୍ରା॒ତା ଶି॒ଵୋ ଭ॑ଵ ଵରୂ॒ଥ୍ୟଃ॑ ॥ ତ-ନ୍ତ୍ଵା॑ ଶୋଚିଷ୍ଠ ଦୀଦିଵଃ । ସୁ॒ମ୍ନାୟ॑ ନୂ॒ନମୀ॑ମହେ॒ ସଖି॑ଭ୍ୟଃ ॥ ଵସୁ॑ର॒ଗ୍ନିର୍ଵସୁ॑ଶ୍ରଵାଃ । ଅଚ୍ଛା॑ ନକ୍ଷି ଦ୍ୟୁ॒ମତ୍ତ॑ମୋ ର॒ୟି-ନ୍ଦାଃ᳚ ॥ 17 ॥
(ଜନା॑ନା॒ – ମଙ୍ଗି॑ରସ॒ – ଇଷଗ୍ମ୍॑ – ସୁ॒ଶମୀ॑ – ତିଗ୍ମଜମ୍ଭ – ପୁପୂର୍ୟା – ଅ॒ର୍ଵାଂ – ଵସୁ॑ଶ୍ରଵାଃ॒ – ପଞ୍ଚ॑ ଚ) (ଅ. 4)
ଇ॒ନ୍ଦ୍ରା॒ଗ୍ନିଭ୍ୟା᳚-ନ୍ତ୍ଵା ସ॒ୟୁଜା॑ ୟୁ॒ଜା ୟୁ॑ନଜ୍ମ୍ୟା ଘା॒ରାଭ୍ୟା॒-ନ୍ତେଜ॑ସା॒ ଵର୍ଚ॑ସୋ॒ କ୍ଥେଭି॒-ସ୍ସ୍ତୋମେ॑ଭି॒ ଶ୍ଛନ୍ଦୋ॑ଭୀ ର॒ୟ୍ୟୈ ପୋଷା॑ୟ ସଜା॒ତାନା᳚-ମ୍ମଦ୍ଧ୍ୟମ॒ସ୍ଥେୟା॑ୟ॒ ମୟା᳚ ତ୍ଵା ସ॒ୟୁଜା॑ ୟୁ॒ଜା ୟୁ॑ନଜ୍ମ୍ୟ॒ବା-ନ୍ଦୁ॒ଲା ନି॑ତ॒ତ୍ନି ର॒ଭ୍ରୟ॑ନ୍ତୀ ମେ॒ଘୟ॑ନ୍ତୀ ଵ॒ର୍॒ଷୟ॑ନ୍ତୀ ଚୁପୁ॒ଣୀକା॒ ନାମା॑ସି ପ୍ର॒ଜାପ॑ତିନା ତ୍ଵା॒ ଵିଶ୍ଵା॑ଭିର୍ଧୀ॒ଭିରୁପ॑ ଦଧାମି ପୃଥି॒ଵ୍ୟୁ॑ଦପୁ॒ରମନ୍ନେ॑ନ ଵି॒ଷ୍ଟା ମ॑ନୁ॒ଷ୍ୟା᳚ସ୍ତେ ଗୋ॒ପ୍ତାରୋ॒ ଽଗ୍ନିର୍ଵିୟ॑ତ୍ତୋ-ଽସ୍ୟାଂ॒ ସା ତାମ॒ହ-ମ୍ପ୍ର ପ॑ଦ୍ୟେ॒ ସା [ ] 18
ମେ॒ ଶର୍ମ॑ ଚ॒ ଵର୍ମ॑ ଚା॒ସ୍ତ୍ଵଧି॑ ଦ୍ୟୌର॒ନ୍ତରି॑କ୍ଷ॒-ମ୍ବ୍ରହ୍ମ॑ଣା ଵି॒ଷ୍ଟା ମ॒ରୁତ॑ସ୍ତେ ଗୋ॒ପ୍ତାରୋ॑ ଵା॒ୟୁର୍ଵିୟ॑ତ୍ତୋ-ଽସ୍ୟା॒-ନ୍ତାମ॒ହ-ମ୍ପ୍ର ପ॑ଦ୍ୟେ॒ ସା ମେ॒ ଶର୍ମ॑ ଚ॒ ଵର୍ମ॑ ଚାସ୍ତୁ॒ ଦ୍ୟୌରପ॑ରାଜିତା॒-ଽମୃତେ॑ନ ଵି॒ଷ୍ଟା-ଽଽଦି॒ତ୍ୟାସ୍ତେ॑ ଗୋ॒ପ୍ତାର॒-ସ୍ସୂର୍ୟୋ॒ ଵିୟ॑ତ୍ତୋ-ଽସ୍ୟା॒-ନ୍ତାମ॒ହ-ମ୍ପ୍ର ପ॑ଦ୍ୟେ॒ ସା ମେ॒ ଶର୍ମ॑ ଚ॒ ଵର୍ମ॑ ଚାସ୍ତୁ ॥ 19 ॥
(ସା – ଽଷ୍ଟାଚ॑ତ୍ଵାରିଗ୍ମ୍ଶଚ୍ଚ) (ଅ. 5)
ବୃହ॒ସ୍ପତି॑ସ୍ତ୍ଵା ସାଦୟତୁ ପୃଥି॒ଵ୍ୟାଃ ପୃ॒ଷ୍ଠେ ଜ୍ୟୋତି॑ଷ୍ମତୀଂ॒-ଵିଁଶ୍ଵ॑ସ୍ମୈ ପ୍ରା॒ଣାୟା॑ପା॒ନାୟ॒ ଵିଶ୍ଵ॒-ଞ୍ଜ୍ୟୋତି॑ର୍ୟଚ୍ଛା॒- ଗ୍ନିସ୍ତେ-ଽଧି॑ପତି ର୍ଵି॒ଶ୍ଵକ॑ର୍ମା ତ୍ଵା ସାଦୟତ୍ଵ॒ନ୍ତରି॑କ୍ଷସ୍ୟ ପୃ॒ଷ୍ଠେ ଜ୍ୟୋତି॑ଷ୍ମତୀଂ॒-ଵିଁଶ୍ଵ॑ସ୍ମୈ ପ୍ରା॒ଣାୟା॑ପା॒ନାୟ॒ ଵିଶ୍ଵ॒-ଞ୍ଜ୍ୟୋତି॑ର୍ୟଚ୍ଛ ଵା॒ୟୁସ୍ତେ-ଽଧି॑ପତିଃ ପ୍ର॒ଜାପ॑ତିସ୍ତ୍ଵା ସାଦୟତୁ ଦି॒ଵଃ ପୃ॒ଷ୍ଠେ ଜ୍ୟୋତି॑ଷ୍ମତୀଂ॒-ଵିଁଶ୍ଵ॑ସ୍ମୈ ପ୍ରା॒ଣାୟା॑ପା॒ନାୟ॒ ଵିଶ୍ଵ॒-ଞ୍ଜ୍ୟୋତି॑ର୍ୟଚ୍ଛ ପରମେ॒ଷ୍ଠୀ ତେ-ଽଧି॑ପତିଃ ପୁରୋଵାତ॒ସନି॑ରସ୍ୟ ଭ୍ର॒ସନି॑ରସି ଵିଦ୍ୟୁ॒ଥ୍ସନି॑- [ଵିଦ୍ୟୁ॒ଥ୍ସନିଃ॑, ଅ॒ସି॒ ସ୍ତ॒ନ॒ୟି॒ତ୍ନୁ॒ସନି॑ରସି] 20
-ରସି ସ୍ତନୟିତ୍ନୁ॒ସନି॑ରସି ଵୃଷ୍ଟି॒ସନି॑ରସ୍ୟ॒-ଗ୍ନେର୍ୟାନ୍ୟ॑ସି ଦେ॒ଵାନା॑ମଗ୍ନେ॒ ୟାନ୍ୟ॑ସି ଵା॒ୟୋର୍ୟାନ୍ୟ॑ସି ଦେ॒ଵାନାଂ᳚-ଵାଁୟୋ॒ୟାନ୍ୟ॑ସ୍ୟ॒ନ୍ତରି॑କ୍ଷସ୍ୟ॒ ୟାନ୍ୟ॑ସି ଦେ॒ଵାନା॑- ମନ୍ତରିକ୍ଷ॒ୟାନ୍ୟ॑ସ୍ୟ॒-ନ୍ତରି॑କ୍ଷମସ୍ୟ॒ନ୍ତରି॑କ୍ଷାୟ ତ୍ଵା ସଲି॒ଲାୟ॑ ତ୍ଵା॒ ସର୍ଣୀ॑କାୟ ତ୍ଵା॒ ସତୀ॑କାୟ ତ୍ଵା॒ କେତା॑ୟ ତ୍ଵା॒ ପ୍ରଚେ॑ତସେ ତ୍ଵା॒ ଵିଵ॑ସ୍ଵତେ ତ୍ଵା ଦି॒ଵସ୍ତ୍ଵା॒ ଜ୍ୟୋତି॑ଷ ଆଦି॒ତ୍ୟେଭ୍ୟ॑ସ୍ତ୍ଵ॒ର୍ଚେ ତ୍ଵା॑ ରୁ॒ଚେ ତ୍ଵା᳚ ଦ୍ୟୁ॒ତେ ତ୍ଵା॑ ଭା॒ସେ ତ୍ଵା॒ ଜ୍ୟୋତି॑ଷେ ତ୍ଵା ୟଶୋ॒ଦା-ନ୍ତ୍ଵା॒ ୟଶ॑ସି ତେଜୋ॒ଦା-ନ୍ତ୍ଵା॒ ତେଜ॑ସି ପୟୋ॒ଦା-ନ୍ତ୍ଵା॒ ପୟ॑ସି ଵର୍ଚୋ॒ଦା-ନ୍ତ୍ଵା॒ ଵର୍ଚ॑ସି ଦ୍ରଵିଣୋ॒ଦା-ନ୍ତ୍ଵା॒ ଦ୍ରଵି॑ଣେ ସାଦୟାମି॒ ତେନର୍ଷି॑ଣା॒ ତେନ॒ ବ୍ରହ୍ମ॑ଣା॒ ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ 21 ॥
(ଵି॒ଦ୍ୟୁ॒ଥ୍ସନି॑ – ର୍ଦ୍ୟୁ॒ତେ ତ୍ଵୈ – କା॒ନ୍ନ ତ୍ରି॒ଗ୍ମ୍॒ଶଚ୍ଚ॑) (ଅ. 6)
ଭୂ॒ୟ॒ସ୍କୃଦ॑ସି ଵରିଵ॒ସ୍କୃଦ॑ସି॒ ପ୍ରାଚ୍ୟ॑ସ୍ୟୂ॒ର୍ଧ୍ଵା-ଽସ୍ୟ॑-ନ୍ତରିକ୍ଷ॒ସଦ॑ସ୍ୟ॒-ନ୍ତରି॑କ୍ଷେ ସୀଦା-ଫ୍ସୁ॒ଷଦ॑ସି ଶ୍ୟେନ॒ସଦ॑ସି ଗୃଦ୍ଧ୍ର॒ସଦ॑ସି ସୁପର୍ଣ॒ସଦ॑ସି ନାକ॒ସଦ॑ସି ପୃଥି॒ଵ୍ୟାସ୍ତ୍ଵା॒ ଦ୍ରଵି॑ଣେ ସାଦୟାମ୍ୟ॒-ନ୍ତରି॑କ୍ଷସ୍ୟ ତ୍ଵା॒ ଦ୍ରଵି॑ଣେ ସାଦୟାମି ଦି॒ଵସ୍ତ୍ଵା॒ ଦ୍ରଵି॑ଣେ ସାଦୟାମି ଦି॒ଶା-ନ୍ତ୍ଵା॒ ଦ୍ରଵି॑ଣେ ସାଦୟାମି ଦ୍ରଵିଣୋ॒ଦା-ନ୍ତ୍ଵା॒ ଦ୍ରଵି॑ଣେ ସାଦୟାମି ପ୍ରା॒ଣ-ମ୍ମେ॑ ପାହ୍ୟ-ପା॒ନ-ମ୍ମେ॑ ପାହି ଵ୍ୟା॒ନ-ମ୍ମେ॑ [ଵ୍ୟା॒ନ-ମ୍ମେ᳚, ପା॒ହ୍ୟାୟୁ॑ର୍ମେ ପାହି] 22
ପା॒ହ୍ୟାୟୁ॑ର୍ମେ ପାହି ଵି॒ଶ୍ଵାୟୁ॑ର୍ମେ ପାହି ସ॒ର୍ଵାୟୁ॑ର୍ମେ ପା॒ହ୍ୟଗ୍ନେ॒ ୟ-ତ୍ତେ॒ ପର॒ଗ୍ମ୍॒ ହୃନ୍ନାମ॒ ତାଵେହି॒ ସଗ୍ମ୍ ର॑ଭାଵହୈ॒ ପାଞ୍ଚ॑ ଜନ୍ୟେ॒ଷ୍ଵ-ପ୍ୟେ᳚ଦ୍ଧ୍ୟଗ୍ନେ॒ ୟାଵା॒ ଅୟା॑ଵା॒ ଏଵା॒ ଊମା॒-ସ୍ସବ୍ଦ॒-ସ୍ସଗ॑ର-ସ୍ସୁ॒ମେକଃ॑ ॥ 23 ॥
(ଵ୍ୟା॒ନ-ମ୍ମେ॒-ଦ୍ଵାତ୍ରିଗ୍ମ୍॑ଶଚ୍ଚ) (ଅ. 7)
ଅ॒ଗ୍ନିନା॑ ଵିଶ୍ଵା॒ଷାଟ୍ ସୂର୍ୟେ॑ଣ ସ୍ଵ॒ରା-ଟ୍କ୍ରତ୍ଵା॒ ଶଚୀ॒ପତି॑ର୍-ଋଷ॒ଭେଣ॒ ତ୍ଵଷ୍ଟା॑ ୟ॒ଜ୍ଞେନ॑ ମ॒ଘଵା॒-ନ୍ଦକ୍ଷି॑ଣୟା ସୁଵ॒ର୍ଗୋ ମ॒ନ୍ୟୁନା॑ ଵୃତ୍ର॒ହା ସୌହା᳚ର୍ଦ୍ୟେନ ତନୂ॒ଧା ଅନ୍ନେ॑ନ॒ ଗୟଃ॑ ପୃଥି॒ଵ୍ୟା-ଽସ॑ନୋ ଦୃ॒ଗ୍ଭିର॑ନ୍ନା॒ଦୋ ଵ॑ଷଟ୍କା॒ରେଣ॒ର୍ଧ-ସ୍ସାମ୍ନା॑ ତନୂ॒ପା ଵି॒ରାଜା॒ ଜ୍ୟୋତି॑ଷ୍ମା॒-ନ୍ବ୍ରହ୍ମ॑ଣା ସୋମ॒ପା ଗୋଭି॑ର୍ୟ॒ଜ୍ଞ-ନ୍ଦା॑ଧାର କ୍ଷ॒ତ୍ରେଣ॑ ମନୁ॒ଷ୍ୟା॑-ନଶ୍ଵେ॑ନ ଚ॒ ରଥେ॑ନ ଚ ଵ॒ଜ୍ର୍ୟୃ॑ତୁଭିଃ॑ ପ୍ର॒ଭୁ-ସ୍ସଂ॑ଵଁଥ୍ସ॒ରେଣ॑ ପରି॒ଭୂ ସ୍ତପ॒ସା-ଽନା॑ଧୃଷ୍ଟ॒-ସ୍ସୂର୍ୟ॒-ସ୍ସ-ନ୍ତ॒ନୂଭିଃ॑ ॥ 24 ॥
(ଅ॒ଗ୍ନି – ରୈକା॒ନ୍ନ ପ॑ଞ୍ଚା॒ଶତ୍) (ଅ. 8)
ପ୍ର॒ଜାପ॑ତି॒ର୍ମନ॒ସା ଽନ୍ଧୋ-ଽଚ୍ଛେ॑ତୋ ଧା॒ତା ଦୀ॒କ୍ଷାୟାଗ୍ମ୍॑ ସଵି॒ତା ଭୃ॒ତ୍ୟା-ମ୍ପୂ॒ଷା ସୋ॑ମ॒କ୍ରୟ॑ଣ୍ୟାଂ॒-ଵଁରୁ॑ଣ॒ ଉପ॑ନ॒ଦ୍ଧୋ ଽସୁ॑ରଃ କ୍ରୀ॒ୟମା॑ଣୋ ମି॒ତ୍ରଃ କ୍ରୀ॒ତ-ଶ୍ଶି॑ପିଵି॒ଷ୍ଟ ଆସା॑ଦିତୋ ନ॒ରନ୍ଧି॑ଷଃ ପ୍ରୋ॒ହ୍ୟମା॒ଣୋ ଽଧି॑ପତି॒ରାଗ॑ତଃ ପ୍ର॒ଜାପ॑ତିଃ ପ୍ରଣୀ॒ୟମା॑ନୋ॒ ଽଗ୍ନିରାଗ୍ନୀ᳚ଦ୍ଧ୍ରେ॒ ବୃହ॒ସ୍ପତି॒ରାଗ୍ନୀ᳚ଦ୍ଧ୍ରା-ତ୍ପ୍ରଣୀ॒ୟମା॑ନ॒ ଇନ୍ଦ୍ରୋ॑ ହଵି॒ର୍ଧାନେ ଽଦି॑ତି॒ରାସା॑ଦିତୋ॒ ଵିଷ୍ଣୁ॑ରୁପାଵହ୍ରି॒ୟମା॒ଣୋ ଽଥ॒ର୍ଵୋପୋ᳚ତ୍ତୋ ୟ॒ମୋ॑-ଽଭିଷୁ॑ତୋ ଽପୂତ॒ପା ଆ॑ଧୂ॒ୟମା॑ନୋ ଵା॒ୟୁଃ ପୂ॒ୟମା॑ନୋ ମି॒ତ୍ରଃ, କ୍ଷୀ॑ର॒ଶ୍ରୀର୍ମ॒ନ୍ଥୀ ସ॑କ୍ତୁ॒ଶ୍ରୀର୍ଵୈ᳚ଶ୍ଵଦେ॒ଵ ଉନ୍ନୀ॑ତୋ ରୁ॒ଦ୍ର ଆହୁ॑ତୋ ଵା॒ୟୁରାଵୃ॑ତ୍ତୋ ନୃ॒ଚକ୍ଷାଃ॒ ପ୍ରତି॑ଖ୍ୟାତୋ ଭ॒କ୍ଷ ଆଗ॑ତଃ ପିତୃ॒ଣା-ନ୍ନା॑ରାଶ॒ଗ୍ମ୍॒ସୋ ଽସୁ॒ରାତ୍ତ॒-ସ୍ସିନ୍ଧୁ॑ର-ଵଭୃ॒ଥମ॑ଵପ୍ର॒ୟନ୍-ଥ୍ସ॑ମୁ॒ଦ୍ରୋ ଽଵ॑ଗତ-ସ୍ସଲି॒ଲଃ ପ୍ରପ୍ଲୁ॑ତ॒-ସ୍ସୁଵ॑ରୁ॒ଦୃଚ॑-ଙ୍ଗ॒ତଃ ॥ 25 ॥
(ରୁ॒ଦ୍ର – ଏକ॑ଵିଗ୍ମ୍ଶତିଶ୍ଚ) (ଅ. 9)
କୃତ୍ତି॑କା॒ ନକ୍ଷ॑ତ୍ର-ମ॒ଗ୍ନିର୍ଦେ॒ଵତା॒-ଽଗ୍ନେ ରୁଚ॑-ସ୍ସ୍ଥ ପ୍ର॒ଜାପ॑ତେର୍ଧା॒ତୁ-ସ୍ସୋମ॑ସ୍ୟ॒ର୍ଚେ ତ୍ଵା॑ ରୁ॒ଚେ ତ୍ଵା᳚ ଦ୍ୟୁ॒ତେ ତ୍ଵା॑ ଭା॒ସେ ତ୍ଵା॒ ଜ୍ୟୋତି॑ଷେ ତ୍ଵା ରୋହି॒ଣୀ ନକ୍ଷ॑ତ୍ର-ମ୍ପ୍ର॒ଜାପ॑ତିର୍ଦେ॒ଵତା॑ ମୃଗଶୀ॒ର୍॒ଷ-ନ୍ନକ୍ଷ॑ତ୍ର॒ଗ୍ମ୍॒ ସୋମୋ॑ ଦେ॒ଵତା॒ ଽଽର୍ଦ୍ରା ନକ୍ଷ॑ତ୍ରଗ୍ମ୍ ରୁ॒ଦ୍ରୋ ଦେ॒ଵତା॒ ପୁନ॑ର୍ଵସୂ॒ ନକ୍ଷ॑ତ୍ର॒ମଦି॑ତିର୍ଦେ॒ଵତା॑- ତି॒ଷ୍ୟୋ॑ ନକ୍ଷ॑ତ୍ର॒-ମ୍ବୃହ॒ସ୍ପତି॑ର୍ଦେ॒ଵତା᳚ ଽଽଶ୍ରେ॒ଷା ନକ୍ଷ॑ତ୍ରଗ୍ମ୍ ସ॒ର୍ପା ଦେ॒ଵତା॑ ମ॒ଘା ନକ୍ଷ॑ତ୍ର-ମ୍ପି॒ତରୋ॑ ଦେ॒ଵତା॒ ଫଲ୍ଗୁ॑ନୀ॒ ନକ୍ଷ॑ତ୍ର- [ନକ୍ଷ॑ତ୍ରମ୍, ଅ॒ର୍ୟ॒ମା] 26
-ମର୍ୟ॒ମା ଦେ॒ଵତା॒ ଫଲ୍ଗୁ॑ନୀ॒ ନକ୍ଷ॑ତ୍ର॒-ମ୍ଭଗୋ॑ ଦେ॒ଵତା॒ ହସ୍ତୋ॒ ନକ୍ଷ॑ତ୍ରଗ୍ମ୍ ସଵି॒ତା ଦେ॒ଵତା॑ ଚି॒ତ୍ରା ନକ୍ଷ॑ତ୍ର॒ମିନ୍ଦ୍ରୋ॑ ଦେ॒ଵତା᳚ ସ୍ଵା॒ତୀ ନକ୍ଷ॑ତ୍ରଂ-ଵାଁ॒ୟୁର୍ଦେ॒ଵତା॒ ଵିଶା॑ଖେ॒ ନକ୍ଷ॑ତ୍ରମିନ୍ଦ୍ରା॒ଗ୍ନୀ ଦେ॒ଵତା॑ ଽନୂରା॒ଧା ନକ୍ଷ॑ତ୍ର-ମ୍ମି॒ତ୍ରୋ ଦେ॒ଵତା॑ ରୋହି॒ଣୀ ନକ୍ଷ॑ତ୍ର॒ମିନ୍ଦ୍ରୋ॑ ଦେ॒ଵତା॑ ଵି॒ଚୃତୌ॒ ନକ୍ଷ॑ତ୍ର-ମ୍ପି॒ତରୋ॑ ଦେ॒ଵତା॑ ଽଷା॒ଢା ନକ୍ଷ॑ତ୍ର॒ମାପୋ॑ ଦେ॒ଵତା॑ ଽଷା॒ଢା ନକ୍ଷ॑ତ୍ରଂ॒-ଵିଁଶ୍ଵେ॑ ଦେ॒ଵା ଦେ॒ଵତା᳚ ଶ୍ରୋ॒ଣା ନକ୍ଷ॑ତ୍ରଂ॒-ଵିଁଷ୍ଣୁ॑ର୍ଦେ॒ଵତା॒ ଶ୍ରଵି॑ଷ୍ଠା॒ ନକ୍ଷ॑ତ୍ରଂ॒-ଵଁସ॑ଵୋ [ନକ୍ଷ॑ତ୍ରଂ॒-ଵଁସ॑ଵଃ, ଦେ॒ଵତା॑] 27
ଦେ॒ଵତା॑ ଶ॒ତଭି॑ଷ॒-ନ୍ନକ୍ଷ॑ତ୍ର॒ମିନ୍ଦ୍ରୋ॑ ଦେ॒ଵତା᳚ ପ୍ରୋଷ୍ଠପ॒ଦା ନକ୍ଷ॑ତ୍ରମ॒ଜ ଏକ॑ପା-ଦ୍ଦେ॒ଵତା᳚ ପ୍ରୋଷ୍ଠପ॒ଦା ନକ୍ଷ॑ତ୍ର॒ମହି॑ର୍ବୁ॒ଦ୍ଧ୍ନିୟୋ॑ ଦେ॒ଵତା॑ ରେ॒ଵତୀ॒ ନକ୍ଷ॑ତ୍ର-ମ୍ପୂ॒ଷା ଦେ॒ଵତା᳚ ଽଶ୍ଵ॒ୟୁଜୌ॒ ନକ୍ଷ॑ତ୍ରମ॒ଶ୍ଵିନୌ॑ ଦେ॒ଵତା॑ ଽପ॒ଭର॑ଣୀ॒ର୍ନକ୍ଷ॑ତ୍ରଂ-ୟଁ॒ମୋ ଦେ॒ଵତା॑, ପୂ॒ର୍ଣା ପ॒ଶ୍ଚାଦ୍ୟ-ତ୍ତେ॑ ଦେ॒ଵା ଅଦ॑ଧୁଃ ॥ 28 ॥
(ଫଲ୍ଗୁ॑ନୀ॒ ନକ୍ଷ॑ତ୍ରଂ॒ – ଁଵସ॑ଵ॒ – ସ୍ତ୍ରୟ॑ସ୍ତ୍ରିଗ୍ମ୍ଶଚ୍ଚ) (ଅ. 10)
ମଧୁ॑ଶ୍ଚ॒ ମାଧ॑ଵଶ୍ଚ॒ ଵାସ॑ନ୍ତିକାଵୃ॒ତୂ ଶୁ॒କ୍ରଶ୍ଚ॒ ଶୁଚି॑ଶ୍ଚ॒ ଗ୍ରୈଷ୍ମା॑ଵୃ॒ତୂ ନଭ॑ଶ୍ଚ ନଭ॒ସ୍ୟ॑ଶ୍ଚ॒ ଵାର୍ଷି॑କାଵୃ॒ତୂ ଇ॒ଷଶ୍ଚୋ॒ର୍ଜଶ୍ଚ॑ ଶାର॒ଦାଵୃ॒ତୂ ସହ॑ଶ୍ଚ ସହ॒ସ୍ୟ॑ଶ୍ଚ॒ ହୈମ॑ନ୍ତିକାଵୃ॒ତୂ ତପ॑ଶ୍ଚ ତପ॒ସ୍ୟ॑ଶ୍ଚ ଶୈଶି॒ରାଵୃ॒ତୂ ଅ॒ଗ୍ନେର॑ନ୍ତ-ଶ୍ଶ୍ଲେ॒ଷୋ॑-ଽସି॒ କଲ୍ପେ॑ତା॒-ନ୍ଦ୍ୟାଵା॑ପୃଥି॒ଵୀ କଲ୍ପ॑ନ୍ତା॒ମାପ॒ ଓଷ॑ଧୀଃ॒ କଲ୍ପ॑ନ୍ତାମ॒ଗ୍ନୟଃ॒ ପୃଥ॒ମ୍ମମ॒ ଜ୍ୟୈଷ୍ଠ୍ୟ॑ୟ॒ ସଵ୍ର॑ତା॒ [ସଵ୍ର॑ତାଃ, ୟେ᳚-ଽଗ୍ନୟ॒-] 29
ୟେ᳚-ଽଗ୍ନୟ॒-ସ୍ସମ॑ନସୋ-ଽନ୍ତ॒ରା ଦ୍ୟାଵା॑ପୃଥି॒ଵୀ ଶୈ॑ଶି॒ରାଵୃ॒ତୂ ଅ॒ଭି କଲ୍ପ॑ମାନା॒ ଇନ୍ଦ୍ର॑ମିଵ ଦେ॒ଵା ଅ॒ଭି ସଂଵିଁ॑ଶନ୍ତୁ ସଂ॒ୟଁଚ୍ଚ॒ ପ୍ରଚେ॑ତାଶ୍ଚା॒ଗ୍ନେ-ସ୍ସୋମ॑ସ୍ୟ॒ ସୂର୍ୟ॑ସ୍ୟୋ॒-ଗ୍ରା ଚ॑ ଭୀ॒ମା ଚ॑ ପିତୃ॒ଣାଂ-ୟଁ॒ମସ୍ୟେନ୍ଦ୍ର॑ସ୍ୟ ଧ୍ରୁ॒ଵା ଚ॑ ପୃଥି॒ଵୀ ଚ॑ ଦେ॒ଵସ୍ୟ॑ ସଵି॒ତୁର୍ମ॒ରୁତାଂ॒-ଵଁରୁ॑ଣସ୍ୟ ଧ॒ର୍ତ୍ରୀ ଚ॒ ଧରି॑ତ୍ରୀ ଚ ମି॒ତ୍ରାଵରୁ॑ଣୟୋ ର୍ମି॒ତ୍ରସ୍ୟ॑ ଧା॒ତୁଃ ପ୍ରାଚୀ॑ ଚ ପ୍ର॒ତୀଚୀ॑ ଚ॒ ଵସୂ॑ନାଗ୍ମ୍ ରୁ॒ଦ୍ରାଣା॑- [ରୁ॒ଦ୍ରାଣା᳚ମ୍, ଆ॒ଦି॒ତ୍ୟାନା॒-ନ୍ତେ] 30
-ମାଦି॒ତ୍ୟାନା॒-ନ୍ତେ ତେ-ଽଧି॑ପତୟ॒ସ୍ତେଭ୍ୟୋ॒ ନମ॒ସ୍ତେ ନୋ॑ ମୃଡୟନ୍ତୁ॒ ତେ ୟ-ନ୍ଦ୍ଵି॒ଷ୍ମୋ ୟଶ୍ଚ॑ ନୋ॒ ଦ୍ଵେଷ୍ଟି॒ ତଂ-ଵୋଁ॒ ଜମ୍ଭେ॑ ଦଧାମି ସ॒ହସ୍ର॑ସ୍ୟ ପ୍ର॒ମା ଅ॑ସି ସ॒ହସ୍ର॑ସ୍ୟ ପ୍ରତି॒ମା ଅ॑ସି ସ॒ହସ୍ର॑ସ୍ୟ ଵି॒ମା ଅ॑ସି ସ॒ହସ୍ର॑ସ୍ୟୋ॒ନ୍ମା ଅ॑ସି ସାହ॒ସ୍ରୋ॑-ଽସି ସ॒ହସ୍ରା॑ୟ ତ୍ଵେ॒ମା ମେ॑ ଅଗ୍ନ॒ ଇଷ୍ଟ॑କା ଧେ॒ନଵ॑-ସ୍ସ॒ନ୍ତ୍ଵେକା॑ ଚ ଶ॒ତ-ଞ୍ଚ॑ ସ॒ହସ୍ର॑-ଞ୍ଚା॒ୟୁତ॑-ଞ୍ଚ [ ] 31
ନି॒ୟୁତ॑-ଞ୍ଚ ପ୍ର॒ୟୁତ॒-ଞ୍ଚାର୍ବୁ॑ଦ-ଞ୍ଚ॒ ନ୍ୟ॑ର୍ବୁଦ-ଞ୍ଚ ସମୁ॒ଦ୍ରଶ୍ଚ॒ ମଦ୍ଧ୍ୟ॒-ଞ୍ଚାନ୍ତ॑ଶ୍ଚ ପରା॒ର୍ଧଶ୍ଚେ॒ମା ମେ॑ ଅଗ୍ନ॒ ଇଷ୍ଟ॑କା ଧେ॒ନଵ॑-ସ୍ସନ୍ତୁ ଷ॒ଷ୍ଠି-ସ୍ସ॒ହସ୍ର॑ମ॒ୟୁତ॒-ମକ୍ଷୀ॑ୟମାଣା ଋତ॒ସ୍ଥା ସ୍ଥ॑ର୍ତା॒ଵୃଧୋ॑ ଘୃତ॒ଶ୍ଚୁତୋ॑ ମଧୁ॒ଶ୍ଚୁତ॒ ଊର୍ଜ॑ସ୍ଵତୀ-ସ୍ସ୍ଵଧା॒ଵିନୀ॒ସ୍ତା ମେ॑ ଅଗ୍ନ॒ ଇଷ୍ଟ॑କା ଧେ॒ନଵ॑-ସ୍ସନ୍ତୁ ଵି॒ରାଜୋ॒ ନାମ॑ କାମ॒ଦୁଘା॑ ଅ॒ମୁତ୍ରା॒ମୁଷ୍ମି॑ନ୍ ଁଲୋ॒କେ ॥ 32 ॥
(ସଵ୍ର॑ତା – ରୁ॒ଦ୍ରାଣା॑ – ମ॒ୟୁତ॑ଞ୍ଚ॒ – ପଞ୍ଚ॑ଚତ୍ଵାରିଗ୍ମ୍ଶଚ୍ଚ) (ଅ. 11)
ସ॒ମି-ଦ୍ଦି॒ଶାମା॒ଶୟା॑ ନ-ସ୍ସୁଵ॒ର୍ଵିନ୍ମଧୋ॒ରତୋ॒ ମାଧ॑ଵଃ ପାତ୍ଵ॒ସ୍ମାନ୍ । ଅ॒ଗ୍ନିର୍ଦେ॒ଵୋ ଦୁ॒ଷ୍ଟରୀ॑ତୁ॒ରଦା᳚ଭ୍ୟ ଇ॒ଦ-ଙ୍କ୍ଷ॒ତ୍ରଗ୍ମ୍ ର॑କ୍ଷତୁ॒ ପାତ୍ଵ॒ସ୍ମାନ୍ ॥ ର॒ଥ॒ନ୍ତ॒ରଗ୍ମ୍ ସାମ॑ଭିଃ ପାତ୍ଵ॒ସ୍ମା-ନ୍ଗା॑ୟ॒ତ୍ରୀ ଛନ୍ଦ॑ସାଂ-ଵିଁ॒ଶ୍ଵରୂ॑ପା । ତ୍ରି॒ଵୃନ୍ନୋ॑ ଵି॒ଷ୍ଠୟା॒ ସ୍ତୋମୋ॒ ଅହ୍ନାଗ୍ମ୍॑ ସମୁ॒ଦ୍ରୋ ଵାତ॑ ଇ॒ଦମୋଜଃ॑ ପିପର୍ତୁ ॥ ଉ॒ଗ୍ରା ଦି॒ଶାମ॒ଭି-ଭୂ॑ତିର୍ଵୟୋ॒ଧା-ଶ୍ଶୁଚି॑-ଶ୍ଶୁ॒କ୍ରେ ଅହ॑ନ୍ୟୋଜ॒ସୀନା᳚ । ଇନ୍ଦ୍ରାଧି॑ପତିଃ ପିପୃତା॒ଦତୋ॑ ନୋ॒ ମହି॑ [ ] 33
କ୍ଷ॒ତ୍ରଂ-ଵିଁ॒ଶ୍ଵତୋ॑ ଧାରୟେ॒ଦମ୍ ॥ ବୃ॒ହ-ଥ୍ସାମ॑ କ୍ଷତ୍ର॒ଭୃ-ଦ୍ଵୃ॒ଦ୍ଧ ଵୃ॑ଷ୍ଣିୟ-ନ୍ତ୍ରି॒ଷ୍ଟୁଭୌଜ॑-ଶ୍ଶୁଭି॒ତ ମୁ॒ଗ୍ରଵୀ॑ରମ୍ । ଇନ୍ଦ୍ର॒ ସ୍ତୋମେ॑ନ ପଞ୍ଚଦ॒ଶେନ॒ ମଦ୍ଧ୍ୟ॑ମି॒ଦଂ-ଵାଁତେ॑ନ॒ ସଗ॑ରେଣ ରକ୍ଷ ॥ ପ୍ରାଚୀ॑ ଦି॒ଶାଗ୍ମ୍ ସ॒ହୟ॑ଶା॒ ୟଶ॑ସ୍ଵତୀ॒ ଵିଶ୍ଵେ॑ ଦେଵାଃ ପ୍ରା॒ଵୃଷା ଽହ୍ନା॒ଗ୍ମ୍॒ ସୁଵ॑ର୍ଵତୀ । ଇ॒ଦ-ଙ୍କ୍ଷ॒ତ୍ର-ନ୍ଦୁ॒ଷ୍ଟର॑ମ॒ସ୍ତ୍ଵୋଜୋ ଽନା॑ଧୃଷ୍ଟଗ୍ମ୍ ସହ॒ସ୍ରିୟ॒ଗ୍ମ୍॒ ସହ॑ସ୍ଵତ୍ ॥ ଵୈ॒ରୂ॒ପେ ସାମ॑ନ୍ନି॒ହ ତଚ୍ଛ॑କେମ॒ ଜଗ॑ତ୍ୟୈନଂ-ଵିଁ॒କ୍ଷ୍ଵା ଵେ॑ଶୟାମଃ । ଵିଶ୍ଵେ॑ ଦେଵା-ସ୍ସପ୍ତଦ॒ଶେନ॒ [ସପ୍ତଦ॒ଶେନ॑, ଵର୍ଚ॑ ଇ॒ଦ-ଙ୍କ୍ଷ॒ତ୍ରଗ୍ମ୍] 34
ଵର୍ଚ॑ ଇ॒ଦ-ଙ୍କ୍ଷ॒ତ୍ରଗ୍ମ୍ ସ॑ଲି॒ଲଵା॑ତମୁ॒ଗ୍ରମ୍ ॥ ଧ॒ର୍ତ୍ରୀ ଦି॒ଶା-ଙ୍କ୍ଷ॒ତ୍ରମି॒ଦ-ନ୍ଦା॑ଧାରୋପ॒ସ୍ଥା-ଽଽଶା॑ନା-ମ୍ମି॒ତ୍ରଵ॑ଦ॒ସ୍ତ୍ଵୋଜଃ॑ । ମିତ୍ରା॑ଵରୁଣା ଶ॒ରଦା-ଽହ୍ନା᳚-ଞ୍ଚିକିତ୍ନୂ ଅ॒ସ୍ମୈ ରା॒ଷ୍ଟ୍ରାୟ॒ ମହି॒ ଶର୍ମ॑ ୟଚ୍ଛତମ୍ ॥ ଵୈ॒ରା॒ଜେ ସାମ॒ନ୍ନଧି॑ ମେ ମନୀ॒ଷା-ଽନୁ॒ଷ୍ଟୁଭା॒ ସମ୍ଭୃ॑ତଂ-ଵୀଁ॒ର୍ୟଗ୍ମ୍॑ ସହଃ॑ । ଇ॒ଦ-ଙ୍କ୍ଷ॒ତ୍ର-ମ୍ମି॒ତ୍ରଵ॑ଦା॒ର୍ଦ୍ରଦା॑ନୁ॒ ମିତ୍ରା॑ଵରୁଣା॒ ରକ୍ଷ॑ତ॒-ମାଧି॑ପତ୍ୟୈଃ ॥ ସ॒ମ୍ରା-ଡ୍ଦି॒ଶାଗ୍ମ୍ ସ॒ହସା᳚ମ୍ନୀ॒ ସହ॑ସ୍ଵତ୍ୟୃ॒ତୁର୍ହେ॑ମ॒ନ୍ତୋ ଵି॒ଷ୍ଠୟା॑ ନଃ ପିପର୍ତୁ । ଅ॒ଵ॒ସ୍ୟୁଵା॑ତା [ଅ॒ଵ॒ସ୍ୟୁଵା॑ତାଃ, ବୃ॒ହ॒ତୀର୍ନୁ] 35
ବୃହ॒ତୀର୍ନୁ ଶକ୍ଵ॑ରୀରି॒ମଂ-ୟଁ॒ଜ୍ଞମ॑ଵନ୍ତୁ ନୋ ଘୃ॒ତାଚୀଃ᳚ ॥ ସୁଵ॑ର୍ଵତୀ ସୁ॒ଦୁଘା॑ ନଃ॒ ପୟ॑ସ୍ଵତୀ ଦି॒ଶା-ନ୍ଦେ॒ଵ୍ୟ॑ଵତୁ ନୋ ଘୃ॒ତାଚୀ᳚ । ତ୍ଵ-ଙ୍ଗୋ॒ପାଃ ପୁ॑ରଏ॒ତୋତ ପ॒ଶ୍ଚା-ଦ୍ବୃହ॑ସ୍ପତେ॒ ୟାମ୍ୟାଂ᳚-ୟୁଁଙ୍ଗ୍ଧି॒ ଵାଚ᳚ମ୍ ॥ ଊ॒ର୍ଧ୍ଵା ଦି॒ଶାଗ୍ମ୍ ରନ୍ତି॒ରାଶୌଷ॑ଧୀନାଗ୍ମ୍ ସଂଵଁଥ୍ସ॒ରେଣ॑ ସଵି॒ତା ନୋ॒ ଅହ୍ନା᳚ମ୍ । ରେ॒ଵ-ଥ୍ସାମାତି॑ଚ୍ଛନ୍ଦା ଉ॒ ଛନ୍ଦୋ-ଽଜା॑ତ ଶତ୍ରୁ-ସ୍ସ୍ୟୋ॒ନା ନୋ॑ ଅସ୍ତୁ ॥ ସ୍ତୋମ॑ତ୍ରୟସ୍ତ୍ରିଗ୍ମ୍ଶେ॒ ଭୁଵ॑ନସ୍ୟ ପତ୍ନି॒ ଵିଵ॑ସ୍ଵଦ୍ଵାତେ ଅ॒ଭି ନୋ॑ [ଅ॒ଭି ନଃ॑, ଗୃ॒ଣା॒ହି॒ ।] 36
ଗୃଣାହି । ଘୃ॒ତଵ॑ତୀ ସଵିତ॒ରାଧି॑ପତ୍ୟୈଃ॒ ପୟ॑ସ୍ଵତୀ॒ ରନ୍ତି॒ରାଶା॑ ନୋ ଅସ୍ତୁ ॥ ଧ୍ରୁ॒ଵା ଦି॒ଶାଂ-ଵିଁଷ୍ଣୁ॑ପ॒ତ୍ନ୍ୟଘୋ॑ରା॒-ଽସ୍ୟେଶା॑ନା॒ ସହ॑ସୋ॒ ୟା ମ॒ନୋତା᳚ । ବୃହ॒ସ୍ପତି॑ ର୍ମାତ॒ରିଶ୍ଵୋ॒ତ ଵା॒ୟୁ-ସ୍ସ॑ନ୍ଧୁଵା॒ନା ଵାତା॑ ଅ॒ଭି ନୋ॑ ଗୃଣନ୍ତୁ ॥ ଵି॒ଷ୍ଟ॒ଭୋ-ନ୍ଦି॒ଵୋ ଧ॒ରୁଣଃ॑ ପୃଥି॒ଵ୍ୟା ଅ॒ସ୍ୟେଶା॑ନା॒ ଜଗ॑ତୋ॒ ଵିଷ୍ଣୁ॑ପତ୍ନୀ । ଵି॒ଶ୍ଵଵ୍ୟ॑ଚା ଇ॒ଷୟ॑ନ୍ତୀ॒ ସୁଭୂ॑ତି-ଶ୍ଶି॒ଵା ନୋ॑ ଅ॒ସ୍ତ୍ଵଦି॑ତିରୁ॒ପସ୍ଥେ᳚ ॥ ଵୈ॒ଶ୍ଵା॒ନ॒ରୋ ନ॑ ଊ॒ତ୍ୟାପୃ॒ଷ୍ଟୋ ଦି॒ଵ୍ୟନୁ॑ ନୋ॒ ଽଦ୍ୟାନୁ॑ମତି॒ରନ୍ଵିଦ॑ନୁମତେ॒ ତ୍ଵ-ଙ୍କୟା॑ ନଶ୍ଚି॒ତ୍ର ଆଭୁ॑ଵ॒ତ୍କୋ ଅ॒ଦ୍ୟ ୟୁ॑ଙ୍କ୍ତେ ॥ 37 ॥
(ମହି॑ – ସପ୍ତଦ॒ଶେନା॑ – ଽଵ॒ସ୍ୟୁଵା॑ତା – ଅ॒ଭି ନୋ – ଽନୁ॑ ନ॒ – ଶ୍ଚତୁ॑ର୍ଦଶ ଚ) (ଅ. 12)
(ର॒ଶ୍ମିର॑ସି॒ – ରାଜ୍ଞ୍ୟ॑ସ୍ୟ॒ – ୟ-ମ୍ପୁ॒ରୋ ହରି॑କେଶୋ॒ – ଽଗ୍ନିର୍ମୂ॒ର୍ଧ – ନ୍ଦ୍ରା॒ଗ୍ନିଭ୍ୟାଂ॒ – ବୃହ॒ସ୍ପତି॑ – ର୍ଭୂୟ॒ସ୍କୃଦ॑ – ସ୍ୟ॒ଗ୍ନିନା॑ ଵିଶ୍ଵା॒ଷାଟ୍ – ପ୍ର॒ଜାପ॑ତି॒ର୍ମନ॑ସା॒ – କୃତ୍ତି॑କା॒ – ମଧୁ॑ଶ୍ଚ – ସ॒ମିଦ୍ଦି॒ଶାଂ – ଦ୍ଵାଦ॑ଶ )
(ର॒ଶ୍ମିର॑ସି॒ – ପ୍ରତି॑ ଧେ॒ନୁ- ମ॑ସି ସ୍ତନୟିତ୍ନୁ॒ସନି॑ର – ସ୍ୟାଦି॒ତ୍ୟାନାଗ୍ମ୍॑ – ସ॒ପ୍ତତ୍ରିଗ୍ମ୍॑ଶତ୍ )
(ର॒ଶ୍ମିର॑ସି॒, କୋ ଅ॒ଦ୍ୟ ୟୁ॑ଙ୍କ୍ତେ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥ କାଣ୍ଡେ ଚତୁର୍ଥଃ ପ୍ରଶ୍ନ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 4.4 - ରଶ୍ମିରସି କ୍ଷୟାୟ ତ୍ଵା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
4.4 - ରଶ୍ମିରସି କ୍ଷୟାୟ ତ୍ଵା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 4.4 - ରଶ୍ମିରସି କ୍ଷୟାୟ ତ୍ଵା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 4.4 - ରଶ୍ମିରସି କ୍ଷୟାୟ ତ୍ଵା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.