4.3 – ଅପା ନ୍ତ୍ଵେମ ନ୍ଥ୍ସାଦୟାମି – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥକାଣ୍ଡେ ତୃତୀୟଃ ପ୍ରଶ୍ନଃ – ଚିତିଵର୍ଣନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଅ॒ପା-ନ୍ତ୍ଵେମ᳚ନ୍-ଥ୍ସାଦୟାମ୍ୟ॒ପା-ନ୍ତ୍ଵୋଦ୍ମ᳚ନ୍-ଥ୍ସାଦୟାମ୍ୟ॒ପା-ନ୍ତ୍ଵା॒ ଭସ୍ମ᳚ନ୍-ଥ୍ସାଦୟାମ୍ୟ॒ପା-ନ୍ତ୍ଵା॒ ଜ୍ୟୋତି॑ଷି ସାଦୟାମ୍ୟ॒ପା-ନ୍ତ୍ଵା-ଽୟ॑ନେ ସାଦୟାମ୍ୟର୍ଣ॒ଵେ ସଦ॑ନେ ସୀଦ ସମୁ॒ଦ୍ରେ ସଦ॑ନେ ସୀଦ ସଲି॒ଲେ ସଦ॑ନେ ସୀଦା॒ପା-ଙ୍କ୍ଷୟେ॑ ସୀଦା॒ପାଗ୍ମ୍ ସଧି॑ଷି ସୀଦା॒ପା-ନ୍ତ୍ଵା॒ ସଦ॑ନେ ସାଦୟାମ୍ୟ॒ପା-ନ୍ତ୍ଵା॑ ସ॒ଧସ୍ଥେ॑ ସାଦୟାମ୍ୟ॒ପା-ନ୍ତ୍ଵା॒ ପୁରୀ॑ଷେ ସାଦୟାମ୍ୟ॒ପା-ନ୍ତ୍ଵା॒ ୟୋନୌ॑ ସାଦୟାମ୍ୟ॒ପା-ନ୍ତ୍ଵା॒ ପାଥ॑ସି ସାଦୟାମି ଗାୟ॒ତ୍ରୀ ଛନ୍ଦ॑-ସ୍ତ୍ରି॒ଷ୍ଟୁ-ପ୍ଛନ୍ଦୋ॒ ଜଗ॑ତୀ॒ ଛନ୍ଦୋ॑-ଽନୁ॒ଷ୍ଟୁ-ପ୍ଛନ୍ଦଃ॑ ପ॒ଙ୍କ୍ତିଶ୍ଛନ୍ଦଃ॑ ॥ 1 ॥
(ୟୋନୌ॒ – ପଞ୍ଚ॑ଦଶ ଚ) (ଅ. 1)
ଅ॒ୟ-ମ୍ପୁ॒ରୋ ଭୁଵ॒ସ୍ତସ୍ୟ॑ ପ୍ରା॒ଣୋ ଭୌ॑ଵାୟ॒ନୋ ଵ॑ସ॒ନ୍ତଃ ପ୍ରା॑ଣାୟ॒ନୋ ଗା॑ୟ॒ତ୍ରୀ ଵା॑ସ॒ନ୍ତୀ ଗା॑ୟତ୍ରି॒ୟୈ ଗା॑ୟ॒ତ୍ର-ଙ୍ଗା॑ୟ॒ତ୍ରାଦୁ॑ପା॒ଗ୍ମ୍॒ ଶୁରୁ॑ପା॒ଗ୍ମ୍॒ ଶୋସ୍ତ୍ରି॒ଵୃ-ତ୍ତ୍ରି॒ଵୃତୋ॑ ରଥନ୍ତ॒ରଗ୍ମ୍ ର॑ଥନ୍ତ॒ରା-ଦ୍ଵସି॑ଷ୍ଠ॒ ଋଷିଃ॑ ପ୍ର॒ଜାପ॑ତି ଗୃହୀତୟା॒ ତ୍ଵୟା᳚ ପ୍ରା॒ଣ-ଙ୍ଗୃ॑ହ୍ଣାମି ପ୍ର॒ଜାଭ୍ୟୋ॒-ଽୟ-ନ୍ଦ॑କ୍ଷି॒ଣା ଵି॒ଶ୍ଵକ॑ର୍ମା॒ ତସ୍ୟ॒ ମନୋ॑ ଵୈଶ୍ଵକର୍ମ॒ଣ-ଙ୍ଗ୍ରୀ॒ଷ୍ମୋ ମା॑ନ॒ସସ୍ତ୍ରି॒ଷ୍ଟୁଗ୍ଗ୍ରୈ॒ଷ୍ମୀ ତ୍ରି॒ଷ୍ଟୁଭ॑ ଐ॒ଡମୈ॒ଡା-ଦ॑ନ୍ତର୍ୟା॒ମୋ᳚ ଽନ୍ତର୍ୟା॒ମା-ତ୍ପ॑ଞ୍ଚଦ॒ଶଃ ପ॑ଞ୍ଚଦ॒ଶା-ଦ୍ବୃ॒ହ-ଦ୍ବୃ॑ହ॒ତୋ ଭ॒ରଦ୍ଵା॑ଜ॒ ଋଷିଃ॑ ପ୍ର॒ଜାପ॑ତି ଗୃହୀତୟା॒ ତ୍ଵୟା॒ ମନୋ॑ [ତ୍ଵୟା॒ ମନଃ॑, ଗୃ॒ହ୍ଣା॒ମି॒ ପ୍ର॒ଜାଭ୍ୟୋ॒-ଽୟ-] 2
ଗୃହ୍ଣାମି ପ୍ର॒ଜାଭ୍ୟୋ॒-ଽୟ-ମ୍ପ॒ଶ୍ଚା-ଦ୍ଵି॒ଶ୍ଵଵ୍ୟ॑ଚା॒ସ୍ତସ୍ୟ॒ ଚକ୍ଷୁ॑ର୍ଵୈଶ୍ଵଵ୍ୟଚ॒ସଂ-ଵଁ॒ର୍॒ଷାଣି॑ ଚାକ୍ଷୁ॒ଷାଣି॒ ଜଗ॑ତୀ ଵା॒ର୍॒ଷୀ ଜଗ॑ତ୍ୟା॒ ଋକ୍ଷ॑ମ॒ମୃକ୍ଷ॑ମାଚ୍ଛୁ॒କ୍ର-ଶ୍ଶୁ॒କ୍ରା-ଥ୍ସ॑ପ୍ତଦ॒ଶ-ସ୍ସ॑ପ୍ତଦ॒ଶା-ଦ୍ଵୈ॑ରୂ॒ପଂ-ଵୈଁ॑ରୂ॒ପା-ଦ୍ଵି॒ଶ୍ଵାମି॑ତ୍ର॒ ଋଷିଃ॑ ପ୍ର॒ଜାପ॑ତି ଗୃହୀତୟା॒ ତ୍ଵୟା॒ ଚକ୍ଷୁ॑ର୍ଗୃହ୍ଣାମି ପ୍ର॒ଜାଭ୍ୟ॑ ଇ॒ଦମୁ॑ତ୍ତ॒ରା-ଥ୍ସୁଵ॒ସ୍ତସ୍ୟ॒ ଶ୍ରୋତ୍ରଗ୍ମ୍॑ ସୌ॒ଵଗ୍ମ୍ ଶ॒ରଚ୍ଛ୍ରୌ॒ତ୍ର୍ୟ॑ନୁ॒ଷ୍ଟୁପ୍-ଛା॑ର॒ଦ୍ୟ॑ନୁ॒ଷ୍ଟୁଭ॑-ସ୍ସ୍ଵା॒ରଗ୍ଗ୍ ସ୍ଵା॒ରାନ୍ମ॒ନ୍ଥୀ ମ॒ନ୍ଥିନ॑ ଏକଵି॒ଗ୍ମ୍॒ଶ ଏ॑କଵି॒ଗ୍ମ୍॒ଶା-ଦ୍ଵୈ॑ରା॒ଜଂ-ଵୈଁ॑ରା॒ଜାଜ୍ଜ॒ମଦ॑ଗ୍ନି॒ର୍॒ ଋଷିଃ॑ ପ୍ର॒ଜାପ॑ତି ଗୃହୀତୟା॒ [ଗୃହୀତୟା, ତ୍ଵୟା॒] 3
ତ୍ଵୟା॒ ଶ୍ରୋତ୍ର॑-ଙ୍ଗୃହ୍ଣାମି ପ୍ର॒ଜାଭ୍ୟ॑ ଇ॒ୟମୁ॒ପରି॑ ମ॒ତିସ୍ତସ୍ୟୈ॒ ଵାମ୍ମା॒ତୀ ହେ॑ମ॒ନ୍ତୋ ଵା᳚ଚ୍ୟାୟ॒ନଃ ପ॒ଙ୍କ୍ତିର୍ହୈ॑ମ॒ନ୍ତୀ ପ॒କ୍ତ୍ୟୈ-ନ୍ନି॒ଧନ॑ଵନ୍ନି॒ଧନ॑ଵତ ଆଗ୍ରୟ॒ଣ ଆ᳚ଗ୍ରୟ॒ଣା-ତ୍ତ୍ରି॑ଣଵତ୍ରୟସ୍ତ୍ରି॒ଗ୍ମ୍॒ଶୌ ତ୍ରି॑ଣଵତ୍ରୟସ୍ତ୍ରି॒ଗ୍ମ୍॒ଶାଭ୍ୟାଗ୍ମ୍॑ ଶାକ୍ଵରରୈଵ॒ତେ ଶା᳚କ୍ଵରରୈଵ॒ତାଭ୍ୟାଂ᳚-ଵିଁ॒ଶ୍ଵକ॒ର୍ମର୍ଷିଃ॑ ପ୍ର॒ଜାପ॑ତି ଗୃହୀତୟା॒ ତ୍ଵୟା॒ ଵାଚ॑-ଙ୍ଗୃହ୍ଣାମି ପ୍ର॒ଜାଭ୍ୟଃ॑ ॥ 4 ॥
(ତ୍ଵୟା॒ ମନୋ॑-ଜ॒ମଦ॑ଗ୍ନି॒ର୍॒ଋଷିଃ॑ ପ୍ର॒ଜାପ॑ତିଗୃହୀତୟା-ତ୍ରି॒ଗ୍ମ୍॒ଶଚ୍ଚ॑) (ଅ. 2)
ପ୍ରାଚୀ॑ ଦି॒ଶାଂ-ଵଁ॑ସ॒ନ୍ତ ଋ॑ତୂ॒ନାମ॒ଗ୍ନିର୍ଦେ॒ଵତା॒ ବ୍ରହ୍ମ॒ ଦ୍ରଵି॑ଣ-ନ୍ତ୍ରି॒ଵୃ-ଥ୍ସ୍ତୋମ॒-ସ୍ସ ଉ॑ ପଞ୍ଚଦ॒ଶଵ॑ର୍ତନି॒-ସ୍ତ୍ର୍ୟଵି॒ର୍ଵୟଃ॑ କୃ॒ତମୟା॑ନା-ମ୍ପୁରୋଵା॒ତୋ ଵାତ॒-ସ୍ସାନ॑ଗ॒ ଋଷି॑ର୍ଦକ୍ଷି॒ଣା ଦି॒ଶା-ଙ୍ଗ୍ରୀ॒ଷ୍ମ ଋ॑ତୂ॒ନାମିନ୍ଦ୍ରୋ॑ ଦେ॒ଵତା᳚ କ୍ଷ॒ତ୍ର-ନ୍ଦ୍ରଵି॑ଣ-ମ୍ପଞ୍ଚଦ॒ଶ-ସ୍ସ୍ତୋମ॒-ସ୍ସ ଉ॑ ସପ୍ତଦ॒ଶ ଵ॑ର୍ତନି-ର୍ଦି॑ତ୍ୟ॒ଵାଡ୍-ଵୟ॒ସ୍ତ୍ରେତା-ଽୟା॑ନା-ନ୍ଦକ୍ଷିଣାଦ୍ଵା॒ତୋ ଵାତ॑-ସ୍ସନା॒ତନ॒ ଋଷିଃ॑ ପ୍ର॒ତୀଚୀ॑ ଦି॒ଶାଂ-ଵଁ॒ର୍॒ଷା ଋ॑ତୂ॒ନାଂ-ଵିଁଶ୍ଵେ॑ ଦେ॒ଵା ଦେ॒ଵତା॒ ଵି- [ଦେ॒ଵତା॒ ଵିଟ୍, ଦ୍ରଵି॑ଣଗ୍ମ୍] 5
-ଡ୍ଦ୍ରଵି॑ଣଗ୍ମ୍ ସପ୍ତଦ॒ଶ ସ୍ତୋମ॒-ସ୍ସ ଉ॑ ଵେକଵି॒ଗ୍ମ୍॒ ଶଵ॑ର୍ତନି-ସ୍ତ୍ରିଵ॒ଥ୍ସୋ ଵୟୋ᳚ ଦ୍ଵାପ॒ରୋ-ଽୟା॑ନା-ମ୍ପଶ୍ଚାଦ୍ଵା॒ତୋ ଵାତୋ॑-ଽହ॒ଭୂନ॒ ଋଷି॒ରୁଦୀ॑ଚୀ ଦି॒ଶାଗ୍ମ୍ ଶ॒ରଦ୍-ଋ॑ତୂ॒ନା-ମ୍ମି॒ତ୍ରାଵରୁ॑ଣୌ ଦେ॒ଵତା॑ ପୁ॒ଷ୍ଟ-ନ୍ଦ୍ରଵି॑ଣମେକଵି॒ଗ୍ମ୍॒ଶ-ସ୍ସ୍ତୋମ॒-ସ୍ସ ଉ॑ ତ୍ରିଣ॒ଵଵ॑ର୍ତନି-ସ୍ତୁର୍ୟ॒ଵା-ଡ୍ଵୟ॑ ଆସ୍କ॒ନ୍ଦୋ ଽୟା॑ନାମୁତ୍ତରା-ଦ୍ଵା॒ତୋ ଵାତଃ॑ ପ୍ର॒ତ୍ନ ଋଷି॑ରୂ॒ର୍ଧ୍ଵା ଦି॒ଶାଗ୍ମ୍ ହେ॑ମନ୍ତଶିଶି॒ରାଵୃ॑ତୂ॒ନା-ମ୍ବୃହ॒ସ୍ପତି॑ର୍ଦେ॒ଵତା॒ ଵର୍ଚୋ॒ ଦ୍ରଵି॑ଣ-ନ୍ତ୍ରିଣ॒ଵ ସ୍ତୋମ॒-ସ୍ସ ଉ॑ ତ୍ରୟସ୍ତ୍ରି॒ଗ୍ମ୍॒ଶଵ॑ର୍ତନିଃ ପଷ୍ଠ॒ଵାଦ୍ଵୟୋ॑ ଽଭି॒ଭୂରୟା॑ନାଂ-ଵିଁଷ୍ଵଗ୍ଵା॒ତୋ ଵାତ॑-ସ୍ସୁପ॒ର୍ଣ ଋଷିଃ॑ ପି॒ତରଃ॑ ପିତାମ॒ହାଃ ପରେ-ଽଵ॑ରେ॒ ତେ ନଃ॑ ପାନ୍ତୁ॒ ତେ ନୋ॑-ଽଵନ୍ତ୍ଵ॒ସ୍ମି-ନ୍ବ୍ରହ୍ମ॑ନ୍ନ॒ସ୍ମିନ୍ କ୍ଷ॒ତ୍ରେ᳚-ଽସ୍ୟା-ମା॒ଶିଷ୍ୟ॒ସ୍ୟା-ମ୍ପୁ॑ରୋ॒ଧାୟା॑ମ॒ସ୍ମିନ୍ କର୍ମ॑ନ୍ନ॒ସ୍ୟା-ନ୍ଦେ॒ଵହୂ᳚ତ୍ୟାମ୍ ॥ 6 ॥
(ଵିଟ୍ – ପ॑ଷ୍ଠ॒ଵା-ଦ୍ଵୟୋ॒ – ଽଷ୍ଟାଵିଗ୍ମ୍॑ଶତିଶ୍ଚ) (ଅ. 3)
ଧ୍ରୁ॒ଵକ୍ଷି॑ତି -ର୍ଧ୍ରୁ॒ଵୟୋ॑ନି-ର୍ଧ୍ରୁ॒ଵା-ଽସି॑ ଧ୍ରୁ॒ଵାଂ-ୟୋଁନି॒ମା ସୀ॑ଦ ସା॒ଦ୍ଧ୍ୟା । ଉଖ୍ୟ॑ସ୍ୟ କେ॒ତୁ-ମ୍ପ୍ର॑ଥ॒ମ-ମ୍ପୁ॒ରସ୍ତା॑ଦ॒ଶ୍ଵିନା᳚-ଽଦ୍ଧ୍ଵ॒ର୍ୟୂ ସା॑ଦୟତାମି॒ହ ତ୍ଵା᳚ ॥ ସ୍ଵେ ଦକ୍ଷେ॒ ଦକ୍ଷ॑ପିତେ॒ହ ସୀ॑ଦ ଦେଵ॒ତ୍ରା ପୃ॑ଥି॒ଵୀ ବୃ॑ହ॒ତୀ ରରା॑ଣା । ସ୍ଵା॒ସ॒ସ୍ଥା ତ॒ନୁଵା॒ ସଂ-ଵିଁ॑ଶସ୍ଵ ପି॒ତେଵୈ॑ଧି ସୂ॒ନଵ॒ ଆ ସୁ॒ଶେଵା॒-ଽଶ୍ଵିନା᳚ଦ୍ଧ୍ଵ॒ର୍ୟୂ ସା॑ଦୟତାମି॒ହ ତ୍ଵା᳚ ॥ କୁ॒ଲା॒ୟିନୀ॒ ଵସୁ॑ମତୀ ଵୟୋ॒ଧା ର॒ୟି-ନ୍ନୋ॑ ଵର୍ଧ ବହୁ॒ଲଗ୍ମ୍ ସୁ॒ଵୀର᳚ମ୍ । 7
ଅପାମ॑ତି-ନ୍ଦୁର୍ମ॒ତି-ମ୍ବାଧ॑ମାନା ରା॒ୟସ୍ପୋଷେ॑ ୟ॒ଜ୍ଞପ॑ତିମା॒ଭଜ॑ନ୍ତୀ॒ ସୁଵ॑ର୍ଧେହି॒ ୟଜ॑ମାନାୟ॒ ପୋଷ॑ମ॒ଶ୍ଵିନା᳚-ଽଦ୍ଧ୍ଵ॒ର୍ୟୂ ସା॑ଦୟତାମି॒ହ ତ୍ଵା᳚ ॥ ଅ॒ଗ୍ନେଃ ପୁରୀ॑ଷମସି ଦେଵ॒ୟାନୀ॒ ତା-ନ୍ତ୍ଵା॒ ଵିଶ୍ଵେ॑ ଅ॒ଭି ଗୃ॑ଣନ୍ତୁ ଦେ॒ଵାଃ । ସ୍ତୋମ॑ପୃଷ୍ଠା ଘୃ॒ତଵ॑ତୀ॒ହ ସୀ॑ଦ ପ୍ର॒ଜାଵ॑ଦ॒ସ୍ମେ ଦ୍ରଵି॒ଣା ଽଽୟ॑ଜସ୍ଵା॒ଶ୍ଵିନା᳚ ଽଦ୍ଧ୍ଵ॒ର୍ୟୂ ସା॑ଦୟତାମି॒ହ ତ୍ଵା᳚ ॥ ଦି॒ଵୋ ମୂ॒ର୍ଧା-ଽସି॑ ପୃଥି॒ଵ୍ୟା ନାଭି॑ର୍ଵି॒ଷ୍ଟମ୍ଭ॑ନୀ ଦି॒ଶାମଧି॑ପତ୍ନୀ॒ ଭୁଵ॑ନାନାମ୍ । 8
ଊ॒ର୍ମିର୍ଦ୍ର॒ଫ୍ସୋ ଅ॒ପାମ॑ସି ଵି॒ଶ୍ଵକ॑ର୍ମା ତ॒ ଋଷି॑ର॒ଶ୍ଵିନା᳚-ଽଦ୍ଧ୍ଵ॒ର୍ୟୂ ସା॑ଦୟତାମି॒ହ ତ୍ଵା᳚ ॥ ସ॒ଜୂର୍-ଋ॒ତୁଭି॑-ସ୍ସ॒ଜୂର୍ଵି॒ଧାଭି॑-ସ୍ସ॒ଜୂର୍ଵସୁ॑ଭି-ସ୍ସ॒ଜୂ ରୁ॒ଦ୍ରୈ-ସ୍ସ॒ଜୂରା॑ଦି॒ତ୍ୟୈ-ସ୍ସ॒ଜୂର୍ଵିଶ୍ଵୈ᳚ର୍ଦେ॒ଵୈ-ସ୍ସ॒ଜୂର୍ଦେ॒ଵୈ-ସ୍ସ॒ଜୂର୍ଦେ॒ଵୈର୍ଵ॑ୟୋ-ନା॒ଧୈର॒ଗ୍ନୟେ᳚ ତ୍ଵା ଵୈଶ୍ଵାନ॒ରାୟା॒ଶ୍ଵିନା᳚-ଽଦ୍ଧ୍ଵ॒ର୍ୟୂ ସା॑ଦୟତାମି॒ହ ତ୍ଵା᳚ ॥ ପ୍ରା॒ଣ-ମ୍ମେ॑ ପାହ୍ୟପା॒ନ-ମ୍ମେ॑ ପାହି ଵ୍ୟା॒ନ-ମ୍ମେ॑ ପାହି॒ ଚକ୍ଷୁ॑ର୍ମ ଉ॒ର୍ଵ୍ୟା ଵି ଭା॑ହି॒ ଶ୍ରୋତ୍ର॑-ମ୍ମେ ଶ୍ଲୋକୟା॒ପ-ସ୍ପି॒ନ୍ଵୌଷ॑ଧୀର୍ଜିନ୍ଵ ଦ୍ଵି॒ପା-ତ୍ପା॑ହି॒ ଚତୁ॑ଷ୍ପାଦଵ ଦି॒ଵୋ ଵୃଷ୍ଟି॒ମେର॑ୟ ॥ 9 ॥
(ସୁ॒ଵୀରଂ॒ – ଭୁଵ॑ନାନା – ମୁ॒ର୍ଵ୍ୟା – ସ॒ପ୍ତଦ॑ଶ ଚ) (ଅ. 4)
ତ୍ର୍ୟଵି॒ର୍ଵୟ॑ସ୍ତ୍ରି॒ଷ୍ଟୁ-ପ୍ଛନ୍ଦୋ॑ ଦିତ୍ୟ॒ଵା-ଡ୍ଵୟୋ॑ ଵି॒ରାଟ୍ ଛନ୍ଦଃ॒ ପଞ୍ଚା॑ଵି॒ର୍ଵୟୋ॑ ଗାୟ॒ତ୍ରୀ ଛନ୍ଦ॑ସ୍ତ୍ରିଵ॒ଥ୍ସୋ ଵୟ॑ ଉ॒ଷ୍ଣିହା॒ ଛନ୍ଦ॑ ସ୍ତୁର୍ୟ॒ଵା-ଡ୍ଵୟୋ॑-ଽନୁ॒ଷ୍ଟୁ-ପ୍ଛନ୍ଦଃ॑ ପଷ୍ଠ॒ଵା-ଦ୍ଵୟୋ॑ ବୃହ॒ତୀ ଛନ୍ଦ॑ ଉ॒କ୍ଷା ଵୟ॑-ସ୍ସ॒ତୋବୃ॑ହତୀ॒ ଛନ୍ଦ॑ ଋଷ॒ଭୋ ଵୟଃ॑ କ॒କୁଚ୍ଛନ୍ଦୋ॑ ଧେ॒ନୁର୍ଵୟୋ॒ ଜଗ॑ତୀ॒ ଛନ୍ଦୋ॑-ଽନ॒ଡ୍ଵାନ୍. ଵୟଃ॑ ପ॒ଙ୍କ୍ତି ଶ୍ଛନ୍ଦୋ॑ ବ॒ସ୍ତୋ ଵୟୋ॑ ଵିଵ॒ଲ-ଞ୍ଛନ୍ଦୋ॑ ଵୃ॒ଷ୍ଣିର୍ଵୟୋ॑ ଵିଶା॒ଲ-ଞ୍ଛନ୍ଦଃ॒ ପୁରୁ॑ଷୋ॒ ଵୟ॑ ସ୍ତ॒ନ୍ଦ୍ର-ଞ୍ଛନ୍ଦୋ᳚ ଵ୍ୟା॒ଘ୍ରୋ ଵୟୋ-ଽନା॑ଧୃଷ୍ଟ॒-ଞ୍ଛନ୍ଦ॑-ସ୍ସି॒ଗ୍ମ୍॒ହୋ ଵୟ॑ ଶ୍ଛ॒ଦି ଶ୍ଛନ୍ଦୋ॑ ଵିଷ୍ଟ॒ଭୋଂ-ଵଁୟୋ-ଽଧି॑ପତି॒ ଶ୍ଛନ୍ଦଃ॑, କ୍ଷ॒ତ୍ରଂ-ଵଁୟୋ॒ ମୟ॑ନ୍ଦ॒-ଞ୍ଛନ୍ଦୋ॑ ଵି॒ଶ୍ଵକ॑ର୍ମା॒ ଵୟଃ॑ ପରମେ॒ଷ୍ଠୀ ଛନ୍ଦୋ॑ ମୂ॒ର୍ଧା ଵୟଃ॑ ପ୍ର॒ଜାପ॑ତି॒ ଶ୍ଛନ୍ଦଃ॑ ॥ 10 ॥
(ପୁରୁ॑ଷୋ॒ ଵୟଃ॒ – ଷ-ଡ୍ଵିଗ୍ମ୍॑ଶତିଶ୍ଚ) (ଅ. 5)
ଇନ୍ଦ୍ରା᳚ଗ୍ନୀ॒ ଅଵ୍ୟ॑ଥମାନା॒ମିଷ୍ଟ॑କା-ନ୍ଦୃଗ୍ମ୍ହତଂ-ୟୁଁ॒ଵମ୍ । ପୃ॒ଷ୍ଠେନ॒ ଦ୍ୟାଵା॑ପୃଥି॒ଵୀ ଅ॒ନ୍ତରି॑କ୍ଷ-ଞ୍ଚ॒ ଵି ବା॑ଧତାମ୍ ॥ ଵି॒ଶ୍ଵକ॑ର୍ମା ତ୍ଵା ସାଦୟତ୍ଵ॒ନ୍ତରି॑କ୍ଷସ୍ୟ ପୃ॒ଷ୍ଠେ ଵ୍ୟଚ॑ସ୍ଵତୀ॒-ମ୍ପ୍ରଥ॑ସ୍ଵତୀ॒-ମ୍ଭାସ୍ଵ॑ତୀଗ୍ମ୍ ସୂରି॒ମତୀ॒ମା ୟା ଦ୍ୟା-ମ୍ଭାସ୍ୟା ପୃ॑ଥି॒ଵୀମୋର୍ଵ॑ନ୍ତରି॑କ୍ଷ-ମ॒ନ୍ତରି॑କ୍ଷଂ-ୟଁଚ୍ଛା॒ନ୍ତରି॑କ୍ଷ-ନ୍ଦୃଗ୍ମ୍ହା॒ନ୍ତରି॑କ୍ଷ॒-ମ୍ମା ହିଗ୍ମ୍॑ସୀ॒ ର୍ଵିଶ୍ଵ॑ସ୍ମୈ ପ୍ରା॒ଣାୟା॑ପା॒ନାୟ॑ ଵ୍ୟା॒ନାୟୋ॑ଦା॒ନାୟ॑ ପ୍ରତି॒ଷ୍ଠାୟୈ॑ ଚ॒ରିତ୍ରା॑ୟ ଵା॒ୟୁସ୍ତ୍ଵା॒-ଽଭି ପା॑ତୁ ମ॒ହ୍ୟା ସ୍ଵ॒ସ୍ତ୍ୟା ଛ॒ର୍ଦିଷା॒ [ଛ॒ର୍ଦିଷା᳚, ଶନ୍ତ॑ମେନ॒ ତୟା॑] 11
ଶନ୍ତ॑ମେନ॒ ତୟା॑ ଦେ॒ଵ॑ତୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ ରାଜ୍ଞ୍ୟ॑ସି॒ ପ୍ରାଚୀ॒ ଦିଗ୍-ଵି॒ରାଡ॑ସି ଦକ୍ଷି॒ଣା ଦି-ଖ୍ସ॒ମ୍ରାଡ॑ସି ପ୍ର॒ତୀଚୀ॒ ଦିଖ୍-ସ୍ଵ॒ରାଡ॒ସ୍ୟୁଦୀ॑ଚୀ॒ ଦିଗଧି॑ପତ୍ନ୍ୟସି ବୃହ॒ତୀ ଦିଗାୟୁ॑ର୍ମେ ପାହି ପ୍ରା॒ଣ-ମ୍ମେ॑ ପାହ୍ୟପା॒ନ-ମ୍ମେ॑ ପାହି ଵ୍ୟା॒ନ-ମ୍ମେ॑ ପାହି॒ ଚକ୍ଷୁ॑ର୍ମେ ପାହି॒ ଶ୍ରୋତ୍ର॑-ମ୍ମେ ପାହି॒ ମନୋ॑ ମେ ଜିନ୍ଵ॒ ଵାଚ॑-ମ୍ମେ ପିନ୍ଵା॒ ଽଽତ୍ମାନ॑-ମ୍ମେ ପାହି॒ ଜ୍ୟୋତି॑ର୍ମେ ୟଚ୍ଛ ॥ 12 ॥
(ଛ॒ର୍ଦିଷା॑ – ପିନ୍ଵ॒ – ଷଟ୍ଚ॑) (ଅ. 6)
ମା ଛନ୍ଦଃ॑ ପ୍ର॒ମା ଛନ୍ଦଃ॑ ପ୍ରତି॒ମା ଛନ୍ଦୋ᳚-ଽସ୍ରୀ॒ଵି ଶ୍ଛନ୍ଦଃ॑ ପ॒ଙ୍କ୍ତି ଶ୍ଛନ୍ଦ॑ ଉ॒ଷ୍ଣିହା॒ ଛନ୍ଦୋ॑ ବୃହ॒ତୀ ଛନ୍ଦୋ॑-ଽନୁ॒ଷ୍ଟୁ-ପ୍ଛନ୍ଦୋ॑ ଵି॒ରାଟ୍ ଛନ୍ଦୋ॑ ଗାୟ॒ତ୍ରୀ ଛନ୍ଦ॑-ସ୍ତ୍ରି॒ଷ୍ଟୁ-ପ୍ଛନ୍ଦୋ॒ ଜଗ॑ତୀ॒ ଛନ୍ଦଃ॑ ପୃଥି॒ଵୀ ଛନ୍ଦୋ॒ ଽନ୍ତରି॑କ୍ଷ॒-ଞ୍ଛନ୍ଦୋ॒ ଦ୍ୟୌ ଶ୍ଛନ୍ଦ॒-ସ୍ସମା॒ ଶ୍ଛନ୍ଦୋ॒ ନକ୍ଷ॑ତ୍ରାଣି॒ ଛନ୍ଦୋ॒ ମନ॒ ଶ୍ଛନ୍ଦୋ॒ ଵାକ୍ ଛନ୍ଦଃ॑ କୃ॒ଷି ଶ୍ଛନ୍ଦୋ॒ ହିର॑ଣ୍ୟ॒-ଞ୍ଛନ୍ଦୋ॒ ଗୌ ଶ୍ଛନ୍ଦୋ॒ ଽଜା ଛନ୍ଦୋ ଽଶ୍ଵ॒ ଶ୍ଛନ୍ଦଃ॑ ॥ ଅ॒ଗ୍ନିର୍ଦେ॒ଵତା॒ [ଅ॒ଗ୍ନିର୍ଦେ॒ଵତା᳚, ଵାତୋ॑ ଦେ॒ଵତା॒] 13
ଵାତୋ॑ ଦେ॒ଵତା॒ ସୂର୍ୟୋ॑ ଦେ॒ଵତା॑ ଚ॒ନ୍ଦ୍ରମା॑ ଦେ॒ଵତା॒ ଵସ॑ଵୋ ଦେ॒ଵତା॑ ରୁ॒ଦ୍ରା ଦେ॒ଵତା॑ ଽଽଦି॒ତ୍ୟା ଦେ॒ଵତା॒ ଵିଶ୍ଵେ॑ ଦେ॒ଵା ଦେ॒ଵତା॑ ମ॒ରୁତୋ॑ ଦେ॒ଵତା॒ ବୃହ॒ସ୍ପତି॑ ର୍ଦେ॒ଵତେନ୍ଦ୍ରୋ॑ ଦେ॒ଵତା॒ ଵରୁ॑ଣୋ ଦେ॒ଵତା॑ ମୂ॒ର୍ଧା-ଽସି॒ ରା-ଡ୍ଧ୍ରୁ॒ଵା-ଽସି॑ ଧ॒ରୁଣା॑ ୟ॒ନ୍ତ୍ର୍ୟ॑ସି॒ ୟମି॑ତ୍ରୀ॒ଷେ ତ୍ଵୋ॒ର୍ଜେ ତ୍ଵା॑ କୃ॒ଷ୍ୟୈ ତ୍ଵା॒ କ୍ଷେମା॑ୟ ତ୍ଵା॒ ୟନ୍ତ୍ରୀ॒ ରା-ଡ୍ଧ୍ରୁ॒ଵା-ଽସି॒ ଧର॑ଣୀ ଧ॒ର୍ତ୍ର୍ୟ॑ସି॒ ଧରି॒ତ୍ର୍ୟାୟୁ॑ଷେ ତ୍ଵା॒ ଵର୍ଚ॑ସେ॒ ତ୍ଵୌଜ॑ସେ ତ୍ଵା॒ ବଲା॑ୟ ତ୍ଵା ॥ 14 ॥
(ଦେ॒ଵତା – ଽଽୟୁ॑ଷେ ତ୍ଵା॒ – ଷଟ୍ ଚ॑ ) (ଅ. 7)
ଆ॒ଶୁସ୍ତ୍ରି॒ଵୃ-ଦ୍ଭା॒ନ୍ତଃ ପ॑ଞ୍ଚଦ॒ଶୋ ଵ୍ୟୋ॑ମ ସପ୍ତଦ॒ଶଃ ପ୍ରତୂ᳚ର୍ତିରଷ୍ଟାଦ॒ଶ ସ୍ତପୋ॑ ନଵଦ॒ଶୋ॑ ଽଭିଵ॒ର୍ତ-ସ୍ସ॑ଵି॒ଗ୍ମ୍॒ଶୋ ଧ॒ରୁଣ॑ ଏକଵି॒ଗ୍ମ୍॒ଶୋ ଵର୍ଚୋ᳚ ଦ୍ଵାଵି॒ଗ୍ମ୍॒ଶ-ସ୍ସ॒ମ୍ଭର॑ଣସ୍ତ୍ରୟୋଵି॒ଗ୍ମ୍॒ଶୋ ୟୋନି॑ଶ୍ଚତୁର୍ଵି॒ଗ୍ମ୍॒ଶୋ ଗର୍ଭାଃ᳚ ପଞ୍ଚଵି॒ଗ୍ମ୍॒ଶ ଓଜ॑ସ୍ତ୍ରିଣ॒ଵଃ କ୍ରତୁ॑ରେକତ୍ରି॒ଗ୍ମ୍॒ଶଃ ପ୍ର॑ତି॒ଷ୍ଠା ତ୍ର॑ୟସ୍ତ୍ରି॒ଗ୍ମ୍॒ଶୋ ବ୍ର॒ଦ୍ଧ୍ନସ୍ୟ॑ ଵି॒ଷ୍ଟପ॑-ଞ୍ଚତୁସ୍ତ୍ରି॒ଗ୍ମ୍॒ଶୋ ନାକ॑-ଷ୍ଷଟ୍ତ୍ରି॒ଗ୍ମ୍॒ଶୋ ଵି॑ଵ॒ର୍ତୋ᳚-ଽଷ୍ଟାଚତ୍ଵାରି॒ଗ୍ମ୍॒ଶୋ ଧ॒ର୍ତ୍ରଶ୍ଚ॑ତୁଷ୍ଟୋ॒ମଃ ॥ 15 ॥
(ଆ॒ଶୁଃ – ସ॒ପ୍ତତ୍ରିଗ୍ମ୍॑ଶତ୍) (ଅ. 8)
ଅ॒ଗ୍ନେର୍ଭା॒ଗୋ॑-ଽସି ଦୀ॒କ୍ଷାୟା॒ ଆଧି॑ପତ୍ୟ॒-ମ୍ବ୍ରହ୍ମ॑ ସ୍ପୃ॒ତ-ନ୍ତ୍ରି॒ଵୃ-ଥ୍ସ୍ତୋମ॒ ଇନ୍ଦ୍ର॑ସ୍ୟ ଭା॒ଗୋ॑-ଽସି॒ ଵିଷ୍ଣୋ॒ରାଧି॑ପତ୍ୟ-ଙ୍କ୍ଷ॒ତ୍ରଗ୍ଗ୍ ସ୍ପୃ॒ତ-ମ୍ପ॑ଞ୍ଚଦ॒ଶ-ସ୍ସ୍ତୋମୋ॑ ନୃ॒ଚକ୍ଷ॑ସା-ମ୍ଭା॒ଗୋ॑-ଽସି ଧା॒ତୁରାଧି॑ପତ୍ୟ-ଞ୍ଜ॒ନିତ୍ରଗ୍ଗ୍॑ ସ୍ପୃ॒ତଗ୍ମ୍ ସ॑ପ୍ତଦ॒ଶ-ସ୍ସ୍ତୋମୋ॑ ମି॒ତ୍ରସ୍ୟ॑ ଭା॒ଗୋ॑-ଽସି॒ ଵରୁ॑ଣ॒ସ୍ୟା-ଽଽଧି॑ପତ୍ୟ-ନ୍ଦି॒ଵୋ ଵୃ॒ଷ୍ଟିର୍ଵାତା᳚-ସ୍ସ୍ପୃ॒ତା ଏ॑କଵି॒ଗ୍ମ୍॒ଶ-ସ୍ସ୍ତୋମୋ-ଽଦି॑ତ୍ୟୈ ଭା॒ଗୋ॑-ଽସି ପୂ॒ଷ୍ଣ ଆଧି॑ପତ୍ୟ॒ମୋଜ॑-ସ୍ସ୍ପୃ॒ତ-ନ୍ତ୍ରି॑ଣ॒ଵ-ସ୍ସ୍ତୋମୋ॒ ଵସୂ॑ନା-ମ୍ଭା॒ଗୋ॑-ଽସି [ ] 16
ରୁ॒ଦ୍ରାଣା॒ମାଧି॑ପତ୍ୟ॒-ଞ୍ଚତୁ॑ଷ୍ପା-ଥ୍ସ୍ପୃ॒ତ-ଞ୍ଚ॑ତୁର୍ଵି॒ଗ୍ମ୍॒ଶ-ସ୍ସ୍ତୋମ॑ ଆଦି॒ତ୍ୟାନା᳚-ମ୍ଭା॒ଗୋ॑-ଽସି ମ॒ରୁତା॒ମାଧି॑ପତ୍ୟ॒-ଙ୍ଗର୍ଭା᳚-ସ୍ସ୍ପୃ॒ତାଃ ପ॑ଞ୍ଚଵି॒ଗ୍ମ୍॒ଶ-ସ୍ସ୍ତୋମୋ॑ ଦେ॒ଵସ୍ୟ॑ ସଵି॒ତୁର୍ଭା॒ଗୋ॑-ଽସି॒ ବୃହ॒ସ୍ପତେ॒ରାଧି॑ପତ୍ୟଗ୍ମ୍ ସ॒ମୀଚୀ॒ର୍ଦିଶ॑-ସ୍ସ୍ପୃ॒ତାଶ୍ଚ॑ତୁଷ୍ଟୋ॒ମ-ସ୍ସ୍ତୋମୋ॒ ୟାଵା॑ନା-ମ୍ଭା॒ଗୋ᳚-ଽସ୍ୟୟା॑ଵାନା॒ମାଧି॑ପତ୍ୟ-ମ୍ପ୍ର॒ଜା-ସ୍ସ୍ପୃ॒ତା-ଶ୍ଚ॑ତୁ-ଶ୍ଚତ୍ଵାରି॒ଗ୍ମ୍॒ଶ-ସ୍ସ୍ତୋମ॑ ଋଭୂ॒ଣା-ମ୍ଭା॒ଗୋ॑-ଽସି॒ ଵିଶ୍ଵେ॑ଷା-ନ୍ଦେ॒ଵାନା॒ମାଧି॑ପତ୍ୟ-ମ୍ଭୂ॒ତ-ନ୍ନିଶା᳚ନ୍ତଗ୍ଗ୍ ସ୍ପୃ॒ତ-ନ୍ତ୍ର॑ୟସ୍ତ୍ରି॒ଗ୍ମ୍॒ଶ-ସ୍ସ୍ତୋମଃ॑ ॥ 17 ॥
(ଵସୂ॑ନା-ମ୍ଭା॒ଗୋ॑-ଽସି॒ – ଷଟ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 9)
ଏକ॑ୟା-ଽସ୍ତୁଵତ ପ୍ର॒ଜା ଅ॑ଧୀୟନ୍ତ ପ୍ର॒ଜାପ॑ତି॒ରଧି॑ପତିରାସୀ-ତ୍ତି॒ସୃଭି॑ରସ୍ତୁଵତ॒ ବ୍ରହ୍ମା॑ସୃଜ୍ୟତ॒ ବ୍ରହ୍ମ॑ଣ॒ସ୍ପତି॒-ରଧି॑ପତିରାସୀ-ତ୍ପ॒ଞ୍ଚଭି॑ରସ୍ତୁଵତ ଭୂ॒ତାନ୍ୟ॑ସୃଜ୍ୟନ୍ତ ଭୂ॒ତାନା॒-ମ୍ପତି॒ରଧି॑ପତିରାସୀ-ଥ୍ସ॒ପ୍ତଭି॑ରସ୍ତୁଵତ ସପ୍ତ॒ର୍॒ଷୟୋ॑-ଽସୃଜ୍ୟନ୍ତ ଧା॒ତା-ଧି॑ପତିରାସୀ-ନ୍ନ॒ଵଭି॑ରସ୍ତୁଵତ ପି॒ତରୋ॑-ଽସୃଜ୍ୟ॒ନ୍ତା-ଽଦି॑ତି॒ରଧି॑ପତ୍ନ୍ୟାସୀ-ଦେକାଦ॒ଶଭି॑-ରସ୍ତୁଵତ॒ର୍ତଵୋ॑-ଽ ସୃଜ୍ୟନ୍ତା- ଽଽର୍ତ॒ଵୋ-ଽଧି॑ପତି-ରାସୀ-ତ୍ତ୍ରୟୋଦ॒ଶଭି॑-ରସ୍ତୁଵତ॒ ମାସା॑ ଅସୃଜ୍ୟନ୍ତ ସଂଵଁଥ୍ସ॒ରୋ-ଽଧି॑ପତି- [-ଽଧି॑ପତିଃ, ଆ॒ସୀ॒-ତ୍ପ॒ଞ୍ଚ॒ଦ॒ଶଭି॑ରସ୍ତୁଵତ] 18
-ରାସୀ-ତ୍ପଞ୍ଚଦ॒ଶଭି॑ରସ୍ତୁଵତ କ୍ଷ॒ତ୍ରମ॑ସୃଜ୍ୟ॒ତେନ୍ଦ୍ରୋ ଽଧି॑ପତିରାସୀ-ଥ୍ସପ୍ତଦ॒ଶଭି॑ରସ୍ତୁଵତ ପ॒ଶଵୋ॑-ଽସୃଜ୍ୟନ୍ତ॒ ବୃହ॒ସ୍ପତି॒ରଧି॑ପତି-ରାସୀନ୍ନଵଦ॒ଶଭି॑-ରସ୍ତୁଵତ ଶୂଦ୍ରା॒ର୍ୟାଵ॑ସୃଜ୍ୟେତାମହୋରା॒ତ୍ରେ ଅଧି॑ପତ୍ନୀ ଆସ୍ତା॒ମେକ॑ଵିଗ୍ମ୍ ଶତ୍ୟା-ଽସ୍ତୁଵ॒ତୈକ॑ଶଫାଃ ପ॒ଶଵୋ॑-ଽସୃଜ୍ୟନ୍ତ॒ ଵରୁ॒ଣୋ ଽଧି॑ପତିରାସୀ॒-ତ୍ତ୍ରୟୋ॑ଵିଗ୍ମ୍ଶତ୍ୟା-ଽସ୍ତୁଵତ କ୍ଷୁ॒ଦ୍ରାଃ ପ॒ଶଵୋ॑-ଽସୃଜ୍ୟନ୍ତ ପୂ॒ଷା ଽଧି॑ପତିରାସୀ॒-ତ୍ପଞ୍ଚ॑ଵିଗ୍ମ୍ଶତ୍ୟା ଽସ୍ତୁଵତା-ଽଽର॒ଣ୍ୟାଃ ପ॒ଶଵୋ॑-ଽସୃଜ୍ୟନ୍ତ ଵା॒ୟୁରଧି॑ପତିରାସୀ-ଥ୍ସ॒ପ୍ତଵିଗ୍ମ୍॑ଶତ୍ୟା-ଽସ୍ତୁଵତ॒ ଦ୍ୟାଵା॑ପୃଥି॒ଵୀ ଵ୍ୟୈ॑- [ଦ୍ୟାଵା॑ପୃଥି॒ଵୀ ଵି, ଈ॒ତାଂ॒-ଵଁସ॑ଵୋ ରୁ॒ଦ୍ରା] 19
-ତାଂ॒-ଵଁସ॑ଵୋ ରୁ॒ଦ୍ରା ଆ॑ଦି॒ତ୍ୟା ଅନୁ॒ ଵ୍ୟା॑ୟ॒-ନ୍ତେଷା॒ମାଧି॑ପତ୍ୟମାସୀ॒-ନ୍ନଵ॑ଵିଗ୍ମ୍ ଶତ୍ୟା-ଽସ୍ତୁଵତ॒ ଵନ॒ସ୍ପତ॑ୟୋ-ଽସୃଜ୍ୟନ୍ତ॒ ସୋମୋ ଽଧି॑ପତିରାସୀ॒-ଦେକ॑ତ୍ରିଗ୍ମ୍ଶତା ଽସ୍ତୁଵତ ପ୍ର॒ଜା ଅ॑ସୃଜ୍ୟନ୍ତ॒ ୟାଵା॑ନା॒-ଞ୍ଚାୟା॑ଵାନା॒-ଞ୍ଚା-ଽଽଧି॑ପତ୍ୟମାସୀ॒-ତ୍ତ୍ରୟ॑ସ୍ତ୍ରିଗ୍ମ୍ଶତା ଽସ୍ତୁଵତ ଭୂ॒ତାନ୍ୟ॑ଶାମ୍ୟ-ନ୍ପ୍ର॒ଜାପ॑ତିଃ ପରମେ॒ଷ୍ଠ୍ୟଧି॑ପତିରାସୀତ୍ ॥ 20 ॥
(ସଂ॒ଵଁ॒ଥ୍ସ॒ରୋ-ଽଧି॑ପତି॒- ର୍ଵି – ପଞ୍ଚ॑ତ୍ରିଗ୍ମ୍ଶଚ୍ଚ) (ଅ. 10)
ଇ॒ୟମେ॒ଵ ସା ୟା ପ୍ର॑ଥ॒ମା ଵ୍ୟୌଚ୍ଛ॑ଦ॒ନ୍ତର॒ସ୍ୟା-ଞ୍ଚ॑ରତି॒ ପ୍ରଵି॑ଷ୍ଟା । ଵ॒ଧୂର୍ଜ॑ଜାନ ନଵ॒ଗଜ୍ଜନି॑ତ୍ରୀ॒ ତ୍ରୟ॑ ଏନା-ମ୍ମହି॒ମାନ॑-ସ୍ସଚନ୍ତେ ॥ ଛନ୍ଦ॑ସ୍ଵତୀ ଉ॒ଷସା॒ ପେପି॑ଶାନେ ସମା॒ନଂ-ୟୋଁନି॒ମନୁ॑ ସ॒ଞ୍ଚର॑ନ୍ତୀ । ସୂର୍ୟ॑ପତ୍ନୀ॒ ଵି ଚ॑ରତଃ ପ୍ରଜାନ॒ତୀ କେ॒ତୁ-ଙ୍କୃ॑ଣ୍ଵା॒ନେ ଅ॒ଜର॒ ଭୂରି॑ରେତସା ॥ ଋ॒ତସ୍ୟ॒ ପନ୍ଥା॒ମନୁ॑ ତି॒ସ୍ର ଆ-ଽଗୁ॒ସ୍ତ୍ରୟୋ॑ ଘ॒ର୍ମାସୋ॒ ଅନୁ॒ ଜ୍ୟୋତି॒ଷା-ଽଽଗୁଃ॑ । ପ୍ର॒ଜାମେକା॒ ରକ୍ଷ॒ତ୍ୟୂର୍ଜ॒ମେକା᳚ [ ] 21
ଵ୍ର॒ତମେକା॑ ରକ୍ଷତି ଦେଵୟୂ॒ନାମ୍ ॥ ଚ॒ତୁ॒ଷ୍ଟୋ॒ମୋ ଅ॑ଭଵ॒ଦ୍ୟା ତୁ॒ରୀୟା॑ ୟ॒ଜ୍ଞସ୍ୟ॑ ପ॒କ୍ଷାଵୃ॑ଷୟୋ॒ ଭଵ॑ନ୍ତୀ । ଗା॒ୟ॒ତ୍ରୀ-ନ୍ତ୍ରି॒ଷ୍ଟୁଭ॒-ଞ୍ଜଗ॑ତୀମନୁ॒ଷ୍ଟୁଭ॑-ମ୍ବୃ॒ହଦ॒ର୍କଂ-ୟୁଁ॑ଞ୍ଜା॒ନା-ସ୍ସୁଵ॒ରା-ଽଭ॑ରନ୍ନି॒ଦମ୍ ॥ ପ॒ଞ୍ଚଭି॑ର୍ଧା॒ତା ଵି ଦ॑ଧାଵି॒ଦଂ-ୟଁ-ତ୍ତାସା॒ଗ୍॒ ସ୍ଵସୄ॑ରଜନୟ॒-ତ୍ପଞ୍ଚ॑ପଞ୍ଚ । ତାସା॑ମୁ ୟନ୍ତି ପ୍ରୟ॒ଵେଣ॒ ପଞ୍ଚ॒ ନାନା॑ ରୂ॒ପାଣି॒ କ୍ରତ॑ଵୋ॒ ଵସା॑ନାଃ ॥ ତ୍ରି॒ଗ୍ମ୍॒ଶ-ଥ୍ସ୍ଵସା॑ର॒ ଉପ॑ୟନ୍ତି ନିଷ୍କୃ॒ତଗ୍ମ୍ ସ॑ମା॒ନ-ଙ୍କେ॒ତୁ-ମ୍ପ୍ର॑ତିମୁ॒ଞ୍ଚମା॑ନାଃ । 22
ଋ॒ତୂଗ୍ସ୍ତ॑ନ୍ଵତେ କ॒ଵୟଃ॑ ପ୍ରଜାନ॒ତୀର୍ମଦ୍ଧ୍ୟେ॑ଛନ୍ଦସଃ॒ ପରି॑ ୟନ୍ତି॒ ଭାସ୍ଵ॑ତୀଃ ॥ ଜ୍ୟୋତି॑ଷ୍ମତୀ॒ ପ୍ରତି॑ ମୁଞ୍ଚତେ॒ ନଭୋ॒ ରାତ୍ରୀ॑ ଦେ॒ଵୀ ସୂର୍ୟ॑ସ୍ୟ ଵ୍ର॒ତାନି॑ । ଵି ପ॑ଶ୍ୟନ୍ତି ପ॒ଶଵୋ॒ ଜାୟ॑ମାନା॒ ନାନା॑ରୂପା ମା॒ତୁର॒ସ୍ୟା ଉ॒ପସ୍ଥେ᳚ ॥ ଏ॒କା॒ଷ୍ଟ॒କା ତପ॑ସା॒ ତପ୍ୟ॑ମାନା ଜ॒ଜାନ॒ ଗର୍ଭ॑-ମ୍ମହି॒ମାନ॒ମିନ୍ଦ୍ର᳚ମ୍ । ତେନ॒ ଦସ୍ୟୂ॒ନ୍ ଵ୍ୟ॑ସହନ୍ତ ଦେ॒ଵା ହ॒ନ୍ତା-ଽସୁ॑ରାଣା-ମଭଵ॒ଚ୍ଛଚୀ॑ଭିଃ ॥ ଅନା॑ନୁଜାମନୁ॒ଜା-ମ୍ମାମ॑କର୍ତ ସ॒ତ୍ୟଂ-ଵଁଦ॒ନ୍ତ୍ୟନ୍ଵି॑ଚ୍ଛ ଏ॒ତତ୍ । ଭୂ॒ୟାସ॑- [ଭୂ॒ୟାସ᳚ମ୍, ଅ॒ସ୍ୟ॒ ସୁ॒ମ॒ତୌ ୟଥା॑] 23
ମସ୍ୟ ସୁମ॒ତୌ ୟଥା॑ ୟୂ॒ୟମ॒ନ୍ୟା ଵୋ॑ ଅ॒ନ୍ୟାମତି॒ ମା ପ୍ର ୟୁ॑କ୍ତ ॥ ଅଭୂ॒ନ୍ମମ॑ ସୁମ॒ତୌ ଵି॒ଶ୍ଵଵେ॑ଦା॒ ଆଷ୍ଟ॑ ପ୍ରତି॒ଷ୍ଠାମଵି॑ଦ॒ଦ୍ଧି ଗା॒ଧମ୍ । ଭୂ॒ୟାସ॑ମସ୍ୟ ସୁମ॒ତୌ ୟଥା॑ ୟୂ॒ୟମ॒ନ୍ୟା ଵୋ॑ ଅ॒ନ୍ୟାମତି॒ ମା ପ୍ରୟୁ॑କ୍ତ ॥ ପଞ୍ଚ॒ ଵ୍ୟୁ॑ଷ୍ଟୀ॒ରନୁ॒ ପଞ୍ଚ॒ ଦୋହା॒ ଗା-ମ୍ପଞ୍ଚ॑ନାମ୍ନୀମୃ॒ତଵୋ-ଽନୁ॒ ପଞ୍ଚ॑ । ପଞ୍ଚ॒ ଦିଶଃ॑ ପଞ୍ଚଦ॒ଶେନ॑ କୢ॒ପ୍ତା-ସ୍ସ॑ମା॒ନମୂ᳚ର୍ଧ୍ନୀର॒ଭି ଲୋ॒କମେକ᳚ମ୍ ॥ 24 ॥
ଋ॒ତସ୍ୟ॒ ଗର୍ଭଃ॑ ପ୍ରଥ॒ମା ଵ୍ୟୂ॒ଷୁଷ୍ୟ॒ପାମେକା॑ ମହି॒ମାନ॑-ମ୍ବିଭର୍ତି । ସୂର୍ୟ॒ସ୍ୟୈକା॒ ଚର॑ତି ନିଷ୍କୃ॒ତେଷୁ॑ ଘ॒ର୍ମସ୍ୟୈକା॑ ସଵି॒ତୈକା॒-ନ୍ନି ୟ॑ଚ୍ଛତି ॥ ୟା ପ୍ର॑ଥ॒ମା ଵ୍ୟୌଚ୍ଛ॒-ଥ୍ସା ଧେ॒ନୁର॑ଭଵଦ୍ୟ॒ମେ । ସା ନଃ॒ ପୟ॑ସ୍ଵତୀ ଧୁ॒କ୍ଷ୍ଵୋତ୍ତ॑ରାମୁତ୍ତରା॒ଗ୍ମ୍॒ ସମା᳚ମ୍ ॥ ଶୁ॒କ୍ରର୍ଷ॑ଭା॒ ନଭ॑ସା॒ ଜ୍ୟୋତି॒ଷା ଽଽଗା᳚-ଦ୍ଵି॒ଶ୍ଵରୂ॑ପା ଶବ॒ଲୀର॒ଗ୍ନିକେ॑ତୁଃ । ସ॒ମା॒ନମର୍ଥଗ୍ଗ୍॑ ସ୍ଵପ॒ସ୍ୟମା॑ନା॒ ବିଭ୍ର॑ତୀ ଜ॒ରାମ॑ଜର ଉଷ॒ ଆ-ଽଗାଃ᳚ ॥ ଋ॒ତୂ॒ନା-ମ୍ପତ୍ନୀ᳚ ପ୍ରଥ॒ମେୟମା-ଽଗା॒ଦହ୍ନା᳚-ନ୍ନେ॒ତ୍ରୀ ଜ॑ନି॒ତ୍ରୀ ପ୍ର॒ଜାନା᳚ମ୍ । ଏକା॑ ସ॒ତୀ ବ॑ହୁ॒ଧୋଷୋ॒ ଵ୍ୟୁ॑ଚ୍ଛ॒ସ୍ୟଜୀ᳚ର୍ଣା॒ ତ୍ଵ-ଞ୍ଜ॑ରୟସି॒ ସର୍ଵ॑ମ॒ନ୍ୟତ୍ ॥ 25 ॥
(ଊର୍ଜ॒ମେକା᳚ – ପ୍ରତିମୁ॒ଞ୍ଚମା॑ନା – ଭୂ॒ୟାସ॒ – ମେକଂ॒ – ପତ୍ନ୍ୟେ କା॒ନ୍ନ ଵିଗ୍ମ୍॑ଶ॒ତିଶ୍ଚ॑) (ଅ. 11)
ଅଗ୍ନେ॑ ଜା॒ତା-ନ୍ପ୍ରଣୁ॑ଦା ନ-ସ୍ସ॒ପତ୍ନା॒-ନ୍ପ୍ରତ୍ୟଜା॑ତାଞ୍ଜାତଵେଦୋ ନୁଦସ୍ଵ । ଅ॒ସ୍ମେ ଦୀ॑ଦିହି ସୁ॒ମନା॒ ଅହେ॑ଡ॒-ନ୍ତଵ॑ ସ୍ୟା॒ଗ୍ମ୍॒ ଶର୍ମ॑-ନ୍ତ୍ରି॒ଵରୂ॑ଥ ଉ॒ଦ୍ଭିତ୍ ॥ ସହ॑ସା ଜା॒ତା-ନ୍ପ୍ରଣୁ॑ଦାନ-ସ୍ସ॒ପତ୍ନା॒-ନ୍ପ୍ରତ୍ୟଜା॑ତାଞ୍ଜାତଵେଦୋ ନୁଦସ୍ଵ । ଅଧି॑ ନୋ ବ୍ରୂହି ସୁମନ॒ସ୍ୟମା॑ନୋ ଵ॒ୟଗ୍ଗ୍ ସ୍ୟା॑ମ॒ ପ୍ରଣୁ॑ଦା ନ-ସ୍ସ॒ପତ୍ନାନ୍॑ ॥ ଚ॒ତୁ॒ଶ୍ଚ॒ତ୍ଵା॒ରି॒ଗ୍ମ୍॒ଶ-ସ୍ସ୍ତୋମୋ॒ ଵର୍ଚୋ॒ ଦ୍ରଵି॑ଣଗ୍ମ୍ ଷୋଡ॒ଶ-ସ୍ସ୍ତୋମ॒ ଓଜୋ॒ ଦ୍ରଵି॑ଣ-ମ୍ପୃଥି॒ଵ୍ୟାଃ ପୁରୀ॑ଷମ॒- [ପୁରୀ॑ଷମସି, ଅଫ୍ସୋ॒ ନାମ॑ ।] 26
-ସ୍ୟଫ୍ସୋ॒ ନାମ॑ । ଏଵ॒ ଶ୍ଛନ୍ଦୋ॒ ଵରି॑ଵ॒ ଶ୍ଛନ୍ଦ॑-ଶ୍ଶ॒ଭୂଂ ଶ୍ଛନ୍ଦଃ॑ ପରି॒ଭୂ ଶ୍ଛନ୍ଦ॑ ଆ॒ଚ୍ଛଚ୍ଛନ୍ଦୋ॒ ମନ॒ ଶ୍ଛନ୍ଦୋ॒ ଵ୍ୟଚ॒ ଶ୍ଛନ୍ଦ॒-ସ୍ସିନ୍ଧୁ॒ ଶ୍ଛନ୍ଦ॑-ସ୍ସମୁ॒ଦ୍ର-ଞ୍ଛନ୍ଦ॑-ସ୍ସଲି॒ଲ-ଞ୍ଛନ୍ଦ॑-ସ୍ସଂ॒ୟଁଚ୍ଛନ୍ଦୋ॑ ଵି॒ୟଚ୍ଛନ୍ଦୋ॑ ବୃ॒ହଚ୍ଛନ୍ଦୋ॑ ରଥନ୍ତ॒ର-ଞ୍ଛନ୍ଦୋ॑ ନିକା॒ୟ ଶ୍ଛନ୍ଦୋ॑ ଵିଵ॒ଧ ଶ୍ଛନ୍ଦୋ॒ ଗିର॒ ଶ୍ଛନ୍ଦୋ॒ ଭ୍ରଜ॒ ଶ୍ଛନ୍ଦ॑-ସ୍ସ॒ଷ୍ଟୁ-ପ୍ଛନ୍ଦୋ॑ ଽନୁ॒ଷ୍ଟୁ-ପ୍ଛନ୍ଦଃ॑ କ॒କୁଚ୍ଛନ୍ଦ॑ ସ୍ତ୍ରିକ॒କୁଚ୍ଛନ୍ଦଃ॑ କା॒ଵ୍ୟ-ଞ୍ଛନ୍ଦୋ᳚ -ଽଙ୍କୁ॒ପ-ଞ୍ଛନ୍ଦଃ॑ [-ଽଙ୍କୁ॒ପ-ଞ୍ଛନ୍ଦଃ॑, ପ॒ଦପ॑ଙ୍କ୍ତି॒ ଶ୍ଛନ୍ଦୋ॒] 27
ପ॒ଦପ॑ଙ୍କ୍ତି॒ ଶ୍ଛନ୍ଦୋ॒ ଽକ୍ଷର॑ପଙ୍କ୍ତି॒ ଶ୍ଛନ୍ଦୋ॑ ଵିଷ୍ଟା॒ରପ॑ଙ୍କ୍ତି॒ ଶ୍ଛନ୍ଦଃ॑, କ୍ଷୁ॒ରୋ ଭୃଜ୍ଵା॒ଞ୍ଛନ୍ଦଃ॑ ପ୍ର॒ଚ୍ଛଚ୍ଛନ୍ଦଃ॑ ପ॒କ୍ଷ ଶ୍ଛନ୍ଦ॒ ଏଵ॒ ଶ୍ଛନ୍ଦୋ॒ ଵରି॑ଵ॒ ଶ୍ଛନ୍ଦୋ॒ ଵୟ॒ ଶ୍ଛନ୍ଦୋ॑ ଵୟ॒ସ୍କୃଚ୍ଛନ୍ଦୋ॑ ଵିଶା॒ଲ-ଞ୍ଛନ୍ଦୋ॒ ଵିଷ୍ପ॑ର୍ଧା॒ ଶ୍ଛନ୍ଦ॑ ଶ୍ଛ॒ଦି ଶ୍ଛନ୍ଦୋ॑ ଦୂରୋହ॒ଣ-ଞ୍ଛନ୍ଦ॑ସ୍ତ॒ନ୍ଦ୍ର-ଞ୍ଛନ୍ଦୋ᳚ ଽଙ୍କା॒ଙ୍କ-ଞ୍ଛନ୍ଦଃ॑ ॥ 28 ॥
(ଅ॒ସ୍ୟ॒ – ଙ୍କୁ॒ପଞ୍ଛନ୍ଦ॒ – ସ୍ତ୍ରୟ॑ସ୍ତ୍ରିଗ୍ମ୍ଶଚ୍ଚ) (ଅ. 12)
ଅ॒ଗ୍ନିର୍ଵୃ॒ତ୍ରାଣି॑ ଜଙ୍ଘନ-ଦ୍ଦ୍ରଵିଣ॒ସ୍ୟୁର୍ଵି॑ପ॒ନ୍ୟୟା᳚ । ସମି॑ଦ୍ଧ-ଶ୍ଶୁ॒କ୍ର ଆହୁ॑ତଃ ॥ ତ୍ଵଗ୍ମ୍ ସୋ॑ମାସି॒ ସତ୍ପ॑ତି॒ସ୍ତ୍ଵଗ୍ମ୍ ରାଜୋ॒ତ ଵୃ॑ତ୍ର॒ହା । ତ୍ଵ-ମ୍ଭ॒ଦ୍ରୋ ଅ॑ସି॒ କ୍ରତୁଃ॑ ॥ ଭ॒ଦ୍ରା ତେ॑ ଅଗ୍ନେ ସ୍ଵନୀକ ସ॒ଦୃଙ୍ଗ୍ଘୋ॒ରସ୍ୟ॑ ସ॒ତୋ ଵିଷୁ॑ଣସ୍ୟ॒ ଚାରୁଃ॑ । ନ ୟ-ତ୍ତେ॑ ଶୋ॒ଚିସ୍ତମ॑ସା॒ ଵର॑ନ୍ତ॒ ନ ଧ୍ଵ॒ସ୍ମାନ॑ସ୍ତ॒ନୁଵି॒ ରେପ॒ ଆ ଧୁଃ॑ ॥ ଭ॒ଦ୍ର-ନ୍ତେ॑ ଅଗ୍ନେ ସହସି॒ନ୍ନନୀ॑କମୁପା॒କ ଆ ରୋ॑ଚତେ॒ ସୂର୍ୟ॑ସ୍ୟ । 29
ରୁଶ॑-ଦ୍ଦୃ॒ଶେ ଦ॑ଦୃଶେ ନକ୍ତ॒ୟା ଚି॒ଦରୂ᳚କ୍ଷିତ-ନ୍ଦୃ॒ଶ ଆ ରୂ॒ପେ ଅନ୍ନ᳚ମ୍ ॥ ସୈନା-ଽନୀ॑କେନ ସୁଵି॒ଦତ୍ରୋ॑ ଅ॒ସ୍ମେ ୟଷ୍ଟା॑ ଦେ॒ଵାଗ୍ମ୍ ଆୟ॑ଜିଷ୍ଠ-ସ୍ସ୍ଵ॒ସ୍ତି । ଅଦ॑ବ୍ଧୋ ଗୋ॒ପା ଉ॒ତ ନଃ॑ ପର॒ସ୍ପା ଅଗ୍ନେ᳚ ଦ୍ୟୁ॒ମଦୁ॒ତ ରେ॒ଵ-ଦ୍ଦି॑ଦୀହି ॥ ସ୍ଵ॒ସ୍ତି ନୋ॑ ଦି॒ଵୋ ଅ॑ଗ୍ନେ ପୃଥି॒ଵ୍ୟା ଵି॒ଶ୍ଵାୟୁ॑ର୍ଧେହି ୟ॒ଜଥା॑ୟ ଦେଵ । ୟ-ଥ୍ସୀ॒ମହି॑ ଦିଵିଜାତ॒ ପ୍ରଶ॑ସ୍ତ॒-ନ୍ତଦ॒ସ୍ମାସୁ॒ ଦ୍ରଵି॑ଣ-ନ୍ଧେହି ଚି॒ତ୍ରମ୍ ॥ ୟଥା॑ ହୋତ॒ର୍ମନୁ॑ଷୋ [ହୋତ॒ର୍ମନୁ॑ଷଃ, ଦେ॒ଵତା॑ତା] 30
ଦେ॒ଵତା॑ତା ୟ॒ଜ୍ଞେଭି॑-ସ୍ସୂନୋ ସହସୋ॒ ୟଜା॑ସି । ଏ॒ଵା ନୋ॑ ଅ॒ଦ୍ୟ ସ॑ମ॒ନା ସ॑ମା॒ନାନୁ॒-ଶନ୍ନ॑ଗ୍ନ ଉଶ॒ତୋ ୟ॑କ୍ଷି ଦେ॒ଵାନ୍ ॥ ଅ॒ଗ୍ନିମୀ॑ଡେ ପୁ॒ରୋହି॑ତଂ-ୟଁ॒ଜ୍ଞସ୍ୟ॑ ଦେ॒ଵମୃ॒ତ୍ଵିଜ᳚ମ୍ । ହୋତା॑ରଗ୍ମ୍ ରତ୍ନ॒ଧାତ॑ମମ୍ ॥ ଵୃଷା॑ ସୋମ ଦ୍ୟୁ॒ମାଗ୍ମ୍ ଅ॑ସି॒ ଵୃଷା॑ ଦେଵ॒ ଵୃଷ॑ଵ୍ରତଃ । ଵୃଷା॒ ଧର୍ମା॑ଣି ଦଧିଷେ ॥ ସାନ୍ତ॑ପନା ଇ॒ଦଗ୍ମ୍ ହ॒ଵିର୍ମରୁ॑ତ॒ସ୍ତଜ୍ଜୁ॑ଜୁଷ୍ଟନ । ୟୁ॒ଷ୍ମାକୋ॒ତୀ ରି॑ଶାଦସଃ ॥ ୟୋ ନୋ॒ ମର୍ତୋ॑ ଵସଵୋ ଦୁର୍ହୃଣା॒ୟୁସ୍ତି॒ର-ସ୍ସ॒ତ୍ୟାନି॑ ମରୁତୋ॒ [ମରୁତଃ, ଜିଘାଗ୍ମ୍॑ସାତ୍ ।] 31
ଜିଘାଗ୍ମ୍॑ସାତ୍ । ଦ୍ରୁ॒ହଃ ପାଶ॒-ମ୍ପ୍ରତି॒ ସ ମୁ॑ଚୀଷ୍ଟ॒ ତପି॑ଷ୍ଠେନ॒ ତପ॑ସା ହନ୍ତନା॒ ତମ୍ ॥ ସଂ॒ଵଁ॒ଥ୍ସ॒ରୀଣା॑ ମ॒ରୁତ॑-ସ୍ସ୍ଵ॒ର୍କା ଉ॑ରୁ॒କ୍ଷୟା॒-ସ୍ସଗ॑ଣା॒ ମାନୁ॑ଷେଷୁ । ତେ᳚-ଽସ୍ମ-ତ୍ପାଶା॒-ନ୍ପ୍ର ମୁ॑ଞ୍ଚ॒ନ୍ତ୍ଵଗ୍ମ୍ହ॑ସ-ସ୍ସାନ୍ତପ॒ନା ମ॑ଦି॒ରା ମା॑ଦୟି॒ଷ୍ଣଵଃ॑ ॥ ପି॒ପ୍ରୀ॒ହି ଦେ॒ଵାଗ୍ମ୍ ଉ॑ଶ॒ତୋ ୟ॑ଵିଷ୍ଠ ଵି॒ଦ୍ଵାଗ୍ମ୍ ଋ॒ତୂଗ୍ମ୍ର୍-ଋ॑ତୁପତେ ୟଜେ॒ହ । ୟେ ଦୈଵ୍ୟା॑ ଋ॒ତ୍ଵିଜ॒ସ୍ତେଭି॑ରଗ୍ନେ॒ ତ୍ଵଗ୍ମ୍ ହୋତୄ॑ଣାମ॒ସ୍ୟାୟ॑ଜିଷ୍ଠଃ ॥ ଅଗ୍ନେ॒ ୟଦ॒ଦ୍ୟ ଵି॒ଶୋ ଅ॑ଦ୍ଧ୍ଵରସ୍ୟ ହୋତଃ॒ ପାଵ॑କ [ପାଵ॑କ, ଶୋ॒ଚେ॒ ଵେଷ୍ଟ୍ଵଗ୍ମ୍ ହି] 32
ଶୋଚେ॒ ଵେଷ୍ଟ୍ଵଗ୍ମ୍ ହି ୟଜ୍ଵା᳚ । ଋ॒ତା ୟ॑ଜାସି ମହି॒ନା ଵି ୟଦ୍ଭୂର୍ହ॒ଵ୍ୟା ଵ॑ହ ୟଵିଷ୍ଠ॒ ୟା ତେ॑ ଅ॒ଦ୍ୟ ॥ ଅ॒ଗ୍ନିନା॑ ର॒ୟି-ମ॑ଶ୍ଞଵ॒-ତ୍ପୋଷ॑ମେ॒ଵ ଦି॒ଵେଦି॑ଵେ । ୟ॒ଶସଂ॑-ଵୀଁ॒ରଵ॑ତ୍ତମମ୍ ॥ ଗ॒ୟ॒ସ୍ଫାନୋ॑ ଅମୀଵ॒ହା ଵ॑ସୁ॒ଵି-ତ୍ପୁ॑ଷ୍ଟି॒ଵର୍ଧ॑ନଃ । ସୁ॒ମି॒ତ୍ର-ସ୍ସୋ॑ମ ନୋ ଭଵ ॥ ଗୃହ॑ମେଧାସ॒ ଆ ଗ॑ତ॒ ମରୁ॑ତୋ॒ ମା-ଽପ॑ ଭୂତନ । ପ୍ର॒ମୁ॒ଞ୍ଚନ୍ତୋ॑ ନୋ॒ ଅଗ୍ମ୍ହ॑ସଃ ॥ ପୂ॒ର୍ଵୀଭି॒ର୍॒ହି ଦ॑ଦାଶି॒ମ ଶ॒ରଦ୍ଭି॑ର୍ମରୁତୋ ଵ॒ୟମ୍ । ମହୋ॑ଭି- [ମହୋ॑ଭିଃ, ଚ॒ର୍॒ଷ॒ଣୀ॒ନାମ୍ ।] 33
-ଶ୍ଚର୍ଷଣୀ॒ନାମ୍ ॥ ପ୍ରବୁ॒ଦ୍ଧ୍ନିୟା॑ ଈରତେ ଵୋ॒ ମହାଗ୍ମ୍॑ସି॒ ପ୍ରଣାମା॑ନି ପ୍ରୟଜ୍ୟଵସ୍ତିରଦ୍ଧ୍ଵମ୍ । ସ॒ହ॒ସ୍ରିୟ॒-ନ୍ଦମ୍ୟ॑-ମ୍ଭା॒ଗମେ॒ତ-ଙ୍ଗୃ॑ହମେ॒ଧୀୟ॑-ମ୍ମରୁତୋ ଜୁଷଦ୍ଧ୍ଵମ୍ ॥ ଉପ॒ ୟମେତି॑ ୟୁଵ॒ତି-ସ୍ସୁ॒ଦକ୍ଷ॑-ନ୍ଦୋ॒ଷା ଵସ୍ତୋର୍॑. ହ॒ଵିଷ୍ମ॑ତୀ ଘୃ॒ତାଚୀ᳚ । ଉପ॒ ସ୍ଵୈନ॑ମ॒ରମ॑ତିର୍ଵ-ସୂ॒ୟୁଃ ॥ ଇ॒ମୋ ଅ॑ଗ୍ନେ ଵୀ॒ତତ॑ମାନି ହ॒ଵ୍ୟା ଽଜ॑ସ୍ରୋ ଵକ୍ଷି ଦେ॒ଵତା॑ତି॒ମଚ୍ଛ॑ । ପ୍ରତି॑ ନ ଈଗ୍ମ୍ ସୁର॒ଭୀଣି॑ ଵିୟନ୍ତୁ ॥ କ୍ରୀ॒ଡଂ-ଵଁ॒-ଶ୍ଶର୍ଧୋ॒ ମାରୁ॑ତମନ॒ର୍ଵାଣଗ୍ମ୍॑ ରଥେ॒ଶୁଭ᳚ମ୍ । 34
କଣ୍ଵା॑ ଅ॒ଭି ପ୍ର ଗା॑ୟତ ॥ ଅତ୍ୟା॑ସୋ॒ ନ ୟେ ମ॒ରୁତ॒-ସ୍ସ୍ଵଞ୍ଚୋ॑ ୟକ୍ଷ॒ଦୃଶୋ॒ ନ ଶୁ॒ଭୟ॑ନ୍ତ॒ ମର୍ୟାଃ᳚ । ତେ ହ॑ର୍ମ୍ୟେ॒ଷ୍ଠା-ଶ୍ଶିଶ॑ଵୋ॒ ନ ଶୁ॒ଭ୍ରା ଵ॒ଥ୍ସାସୋ॒ ନ ପ୍ର॑କ୍ରୀ॒ଡିନଃ॑ ପୟୋ॒ଧାଃ ॥ ପ୍ରୈଷା॒ମଜ୍ମେ॑ଷୁ ଵିଥୁ॒ରେଵ॑ ରେଜତେ॒ ଭୂମି॒ର୍ୟାମେ॑ଷୁ॒ ୟଦ୍ଧ॑ ୟୁ॒ଞ୍ଜତେ॑ ଶୁ॒ଭେ । ତେ କ୍ରୀ॒ଡୟୋ॒ ଧୁନ॑ୟୋ॒ ଭ୍ରାଜ॑ଦୃଷ୍ଟୟ-ସ୍ସ୍ଵ॒ୟ-ମ୍ମ॑ହି॒ତ୍ଵ-ମ୍ପ॑ନୟନ୍ତ॒ ଧୂତ॑ୟଃ ॥ ଉ॒ପ॒ହ୍ଵ॒ରେଷୁ॒ ୟଦଚି॑ଦ୍ଧ୍ଵଂ-ୟଁ॒ୟିଂ-ଵଁୟ॑ ଇଵ ମରୁତଃ॒ କେନ॑ [କେନ॑, ଚି॒-ତ୍ପ॒ଥା ।] 35
ଚି-ତ୍ପ॒ଥା । ଶ୍ଚୋତ॑ନ୍ତି॒ କୋଶା॒ ଉପ॑ ଵୋ॒ ରଥେ॒ଷ୍ଵା ଘୃ॒ତମୁ॑କ୍ଷତା॒ ମଧୁ॑ଵର୍ଣ॒ମର୍ଚ॑ତେ ॥ ଅ॒ଗ୍ନିମ॑ଗ୍ନି॒ଗ୍ମ୍॒ ହଵୀ॑ମଭି॒-ସ୍ସଦା॑ ହଵନ୍ତ ଵି॒ଶ୍ପତି᳚ମ୍ । ହ॒ଵ୍ୟ॒ଵାହ॑-ମ୍ପୁରୁପ୍ରି॒ୟମ୍ ॥ ତଗ୍ମ୍ ହି ଶଶ୍ଵ॑ନ୍ତ॒ ଈଡ॑ତେ ସ୍ରୁ॒ଚା ଦେ॒ଵ-ଙ୍ଘୃ॑ତ॒ଶ୍ଚୁତା᳚ । ଅ॒ଗ୍ନିଗ୍ମ୍ ହ॒ଵ୍ୟାୟ॒ ଵୋଢ॑ଵେ ॥ ଇନ୍ଦ୍ରା᳚ଗ୍ନୀ ରୋଚ॒ନା ଦି॒ଵ-ଶ୍ଶ୍ଞଥ॑ଦ୍ଵୃ॒ତ୍ର ମିନ୍ଦ୍ରଂ॑-ଵୋଁ ଵି॒ଶ୍ଵତ॒ସ୍ପରୀନ୍ଦ୍ର॒-ନ୍ନରୋ॒ ଵିଶ୍ଵ॑କର୍ମନ୍. ହ॒ଵିଷା॑ ଵାଵୃଧା॒ନୋ ଵିଶ୍ଵ॑କର୍ମନ୍. ହ॒ଵିଷା॒ ଵର୍ଧ॑ନେନ ॥ 36 ॥
(ସୂର୍ୟ॑ସ୍ୟ॒ – ମନୁ॑ଷୋ – ମରୁତଃ॒ – ପାଵ॑କ॒ – ମହୋ॑ଭୀ – ରଥେ॒ଶୁଭ॒ – ଙ୍କେନ॒ – ଷଡ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 13)
(ଅ॒ପାନ୍ତ୍ଵେମ॑ – ନ୍ନ॒ୟ-ମ୍ପୁ॒ରୋ ଭୁଵଃ॒ – ପ୍ରାଚୀ᳚ – ଧ୍ରୁ॒ଵକ୍ଷି॑ତି॒ – ସ୍ତ୍ର୍ୟଵି॒ – ରିନ୍ଦ୍ରା᳚ଗ୍ନୀ॒ – ମା ଛନ୍ଦ॑ – ଆ॒ଶୁସ୍ତ୍ରି॒ଵୃ – ଦ॒ଗ୍ନେର୍ଭା॒ଗୋ᳚ – ଽସ୍ୟେକ॑ – ୟେ॒ୟମେ॒ଵ ସା ୟା – ଽଗ୍ନେ॑ ଜା॒ତା – ନ॒ଗ୍ନିର୍ଵୃ॒ତ୍ରାଣି॒ – ତ୍ରୟୋ॑ଦଶ )
(ଅ॒ପାନ୍ତ୍ଵେ – ନ୍ଦ୍ରା᳚ଗ୍ନୀ – ଇ॒ୟମେ॒ଵ – ଦେ॒ଵତା॑ତା॒ – ଷଟ୍ତ୍ରିଗ୍ମ୍॑ଶତ୍ )
(ଅ॒ପାନ୍ତ୍ଵେମ॑ନ୍, ହ॒ଵିଷା॒ ଵର୍ଧ॑ନେନ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥ କାଣ୍ଡେ ତୃତୀୟଃ ପ୍ରଶ୍ନ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 4.3 - ଅପା ନ୍ତ୍ଵେମ ନ୍ଥ୍ସାଦୟାମି - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
4.3 - ଅପା ନ୍ତ୍ଵେମ ନ୍ଥ୍ସାଦୟାମି - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 4.3 - ଅପା ନ୍ତ୍ଵେମ ନ୍ଥ୍ସାଦୟାମି - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 4.3 - ଅପା ନ୍ତ୍ଵେମ ନ୍ଥ୍ସାଦୟାମି - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.