4.2 – ଵିଷ୍ଣୋଃ କ୍ରମୋସ୍ୟଭିମାତିହା – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥକାଣ୍ଡେ ଦ୍ଵୀତୀୟଃ ପ୍ରଶ୍ନଃ – ଦେଵୟଜନଗ୍ରହାଭିଧାନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଵିଷ୍ଣୋଃ॒ କ୍ରମୋ᳚-ଽସ୍ୟଭିମାତି॒ହା ଗା॑ୟ॒ତ୍ର-ଞ୍ଛନ୍ଦ॒ ଆ ରୋ॑ହ ପୃଥି॒ଵୀମନୁ॒ ଵିକ୍ର॑ମସ୍ଵ॒ ନିର୍ଭ॑କ୍ତ॒-ସ୍ସ ୟ-ନ୍ଦ୍ଵି॒ଷ୍ମୋ ଵିଷ୍ଣୋଃ॒ କ୍ରମୋ᳚-ଽସ୍ୟଭିଶସ୍ତି॒ହା ତ୍ରୈଷ୍ଟୁ॑ଭ॒-ଞ୍ଛନ୍ଦ॒ ଆ ରୋ॑ହା॒ନ୍ତରି॑କ୍ଷ॒ମନୁ॒ ଵିକ୍ର॑ମସ୍ଵ॒ ନିର୍ଭ॑କ୍ତ॒-ସ୍ସ ୟ-ନ୍ଦ୍ଵି॒ଷ୍ମୋ ଵିଷ୍ଣୋଃ॒ କ୍ରମୋ᳚-ଽସ୍ୟରାତୀୟ॒ତୋ ହ॒ନ୍ତା ଜାଗ॑ତ॒-ଞ୍ଛନ୍ଦ॒ ଆ ରୋ॑ହ॒ ଦିଵ॒ମନୁ॒ ଵିକ୍ର॑ମସ୍ଵ॒ ନିର୍ଭ॑କ୍ତ॒-ସ୍ସ ୟ-ନ୍ଦ୍ଵି॒ଷ୍ମୋ ଵିଷ୍ଣୋଃ॒ [ଵିଷ୍ଣୋଃ᳚, କ୍ରମୋ॑-ଽସି ଶତ୍ରୂୟ॒ତୋ] 1
କ୍ରମୋ॑-ଽସି ଶତ୍ରୂୟ॒ତୋ ହ॒ନ୍ତା-ଽନୁ॑ଷ୍ଟୁଭ॒-ଞ୍ଛନ୍ଦ॒ ଆ ରୋ॑ହ॒ ଦିଶୋ-ଽନୁ॒ ଵିକ୍ର॑ମସ୍ଵ॒ ନିର୍ଭ॑କ୍ତ॒-ସ୍ସ ୟ-ନ୍ଦ୍ଵି॒ଷ୍ମଃ ॥ ଅକ୍ର॑ନ୍ଦଦ॒ଗ୍ନି-ସ୍ସ୍ତ॒ନୟ॑ନ୍ନିଵ॒ ଦ୍ୟୌଃ, କ୍ଷାମା॒ ରେରି॑ହ-ଦ୍ଵୀ॒ରୁଧ॑-ସ୍ସମ॒ଞ୍ଜନ୍ନ୍ । ସ॒ଦ୍ୟୋ ଜ॑ଜ୍ଞା॒ନୋ ଵି ହୀମି॒ଦ୍ଧୋ ଅଖ୍ୟ॒ଦା ରୋଦ॑ସୀ ଭା॒ନୁନା॑ ଭାତ୍ୟ॒ନ୍ତଃ ॥ ଅଗ୍ନେ᳚-ଽଭ୍ୟାଵର୍ତିନ୍ନ॒ଭି ନ॒ ଆ ଵ॑ର୍ତ॒ସ୍ଵା-ଽଽୟୁ॑ଷା॒ ଵର୍ଚ॑ସା ସ॒ନ୍ୟା ମେ॒ଧୟା᳚ ପ୍ର॒ଜୟା॒ ଧନେ॑ନ ॥ ଅଗ୍ନେ॑ [ଅଗ୍ନେ᳚, ଅ॒ଙ୍ଗି॒ର॒-ଶ୍ଶ॒ତ-ନ୍ତେ॑] 2
ଅଙ୍ଗିର-ଶ୍ଶ॒ତ-ନ୍ତେ॑ ସନ୍ତ୍ଵା॒ଵୃତ॑-ସ୍ସ॒ହସ୍ର॑-ନ୍ତ ଉପା॒ଵୃତଃ॑ । ତାସା॒-ମ୍ପୋଷ॑ସ୍ୟ॒ ପୋଷେ॑ଣ॒ ପୁନ॑ର୍ନୋ ନ॒ଷ୍ଟମା କୃ॑ଧି॒ ପୁନ॑ର୍ନୋ ର॒ୟିମା କୃ॑ଧି ॥ ପୁନ॑ରୂ॒ର୍ଜା ନିଵ॑ର୍ତସ୍ଵ॒ ପୁନ॑ରଗ୍ନ ଇ॒ଷା-ଽଽୟୁ॑ଷା । ପୁନ॑ର୍ନଃ ପାହି ଵି॒ଶ୍ଵତଃ॑ ॥ ସ॒ହ ର॒ୟ୍ୟା ନି ଵ॑ର୍ତ॒ସ୍ଵାଗ୍ନେ॒ ପିନ୍ଵ॑ସ୍ଵ॒ ଧାର॑ୟା । ଵି॒ଶ୍ଵଫ୍ସ୍ନି॑ୟା ଵି॒ଶ୍ଵ ତ॒ସ୍ପରି॑ ॥ ଉଦୁ॑ତ୍ତ॒ମଂ-ଵଁ॑ରୁଣ॒ ପାଶ॑ ମ॒ସ୍ମଦଵା॑-ଽଧ॒ମଂ- [-ଽଧ॒ମମ୍, ଵି ମ॑ଦ୍ଧ୍ୟ॒ମଗ୍ଗ୍ ଶ୍ର॑ଥାୟ ।] 3
-ଁଵି ମ॑ଦ୍ଧ୍ୟ॒ମଗ୍ଗ୍ ଶ୍ର॑ଥାୟ । ଅଥା॑ ଵ॒ୟମା॑ଦିତ୍ୟ ଵ୍ର॒ତେ ତଵାନା॑ଗସୋ॒ ଅଦି॑ତୟେ ସ୍ୟାମ ॥ ଆ ତ୍ଵା॑-ଽହାର୍ଷ-ମ॒ନ୍ତର॑ଭୂର୍ଧ୍ରୁ॒ଵସ୍ତି॒ଷ୍ଠା ଽଵି॑ଚାଚଲିଃ । ଵିଶ॑ସ୍ତ୍ଵା॒ ସର୍ଵା॑ ଵାଞ୍ଛନ୍ତ୍ଵ॒ସ୍ମି-ନ୍ରା॒ଷ୍ଟ୍ରମଧି॑ ଶ୍ରୟ ॥ଅଗ୍ରେ॑ ବୃ॒ହନ୍ନୁ॒ଷସା॑ମୂ॒ର୍ଧ୍ଵୋ ଅ॑ସ୍ଥାନ୍ନିର୍ଜଗ୍ମି॒ଵାନ୍-ତମ॑ସୋ॒ ଜ୍ୟୋତି॒ଷା-ଽଽଗା᳚ତ୍ । ଅ॒ଗ୍ନିର୍ଭା॒ନୁନା॒ ରୁଶ॑ତା॒ ସ୍ଵଙ୍ଗ॒ ଆ ଜା॒ତୋ ଵିଶ୍ଵା॒ ସଦ୍ମା᳚ନ୍ୟପ୍ରାଃ ॥ ସୀଦ॒ ତ୍ଵ-ମ୍ମା॒ତୁର॒ସ୍ୟା [ସୀଦ॒ ତ୍ଵ-ମ୍ମା॒ତୁର॒ସ୍ୟାଃ᳚, ଉ॒ପସ୍ଥେ॒ ଵିଶ୍ଵା᳚ନ୍ୟଗ୍ନେ] 4
ଉ॒ପସ୍ଥେ॒ ଵିଶ୍ଵା᳚ନ୍ୟଗ୍ନେ ଵ॒ୟୁନା॑ନି ଵି॒ଦ୍ଵାନ୍ । ମୈନା॑ମ॒ର୍ଚିଷା॒ ମା ତପ॑ସା॒-ଽଭି ଶୂ॑ଶୁଚୋ॒-ଽନ୍ତର॑ସ୍ୟାଗ୍ମ୍ ଶୁ॒କ୍ରଜ୍ୟୋ॑ତି॒ର୍ଵି ଭା॑ହି ॥ ଅ॒ନ୍ତର॑ଗ୍ନେ ରୁ॒ଚା ତ୍ଵମୁ॒ଖାୟୈ॒ ସଦ॑ନେ॒ ସ୍ଵେ । ତସ୍ୟା॒ସ୍ତ୍ଵଗ୍ମ୍ ହର॑ସା॒ ତପ॒ଞ୍ଜାତ॑ଵେଦ-ଶ୍ଶି॒ଵୋ ଭ॑ଵ ॥ ଶି॒ଵୋ ଭୂ॒ତ୍ଵା ମହ୍ୟ॑ମ॒ଗ୍ନେ-ଽଥୋ॑ ସୀଦ ଶି॒ଵସ୍ତ୍ଵମ୍ । ଶି॒ଵାଃ କୃ॒ତ୍ଵା ଦିଶ॒-ସ୍ସର୍ଵା॒-ସ୍ସ୍ଵାଂ-ୟୋଁନି॑ମି॒ହା-ଽଽ ସ॑ଦଃ ॥ ହ॒ଗ୍ମ୍॒ସ-ଶ୍ଶୁ॑ଚି॒ଷ ଦ୍ଵସୁ॑ରନ୍ତରିକ୍ଷ॒-ସଦ୍ଧୋତା॑ ଵେଦି॒ଷଦତି॑ଥି ର୍ଦୁରୋଣ॒ସତ୍ । ନୃ॒ଷଦ୍ଵ॑ର॒ସ-ଦୃ॑ତ॒ସ-ଦ୍ଵ୍ୟୋ॑ମ॒ସ-ଦ॒ବ୍ଜା ଗୋ॒ଜା ଋ॑ତ॒ଜା ଅ॑ଦ୍ରି॒ଜା ଋ॒ତ-ମ୍ବୃ॒ହତ୍ ॥ 5 ॥
(ଦିଵ॒ମନୁ॒ ଵି କ୍ର॑ମସ୍ଵ॒ ନିର୍ଭ॑କ୍ତ॒-ସ୍ସ ୟ-ନ୍ଦ୍ଵି॒ଷ୍ମୋ ଵିଷ୍ଣୋ॒ – ର୍ଧନେ॒ନାଗ୍ନେ॑ – ଽଧ॒ମ – ମ॒ସ୍ୟାଃ – ଶୁ॑ଚି॒ଷଥ୍ – ଷୋଡ॑ଶ ଚ) (ଅ. 1)
ଦି॒ଵସ୍ପରି॑ ପ୍ରଥ॒ମ-ଞ୍ଜ॑ଜ୍ଞେ ଅ॒ଗ୍ନିର॒ସ୍ମ-ଦ୍ଦ୍ଵି॒ତୀୟ॒-ମ୍ପରି॑ ଜା॒ତଵେ॑ଦାଃ । ତୃ॒ତୀୟ॑ମ॒ଫ୍ସୁ ନୃ॒ମଣା॒ ଅଜ॑ସ୍ର॒ମିନ୍ଧା॑ନ ଏନ-ଞ୍ଜରତେ ସ୍ଵା॒ଧୀଃ ॥ ଵି॒ଦ୍ମା ତେ॑ ଅଗ୍ନେ ତ୍ରେ॒ଧା ତ୍ର॒ୟାଣି॑ ଵି॒ଦ୍ମା ତେ॒ ସଦ୍ମ॒ ଵିଭୃ॑ତ-ମ୍ପୁରୁ॒ତ୍ରା । ଵି॒ଦ୍ମା ତେ॒ ନାମ॑ ପର॒ମ-ଙ୍ଗୁହା॒ ୟଦ୍ଵି॒ଦ୍ମା ତମୁଥ୍ସଂ॒-ୟଁତ॑ ଆଜ॒ଗନ୍ଥ॑ ॥ ସ॒ମୁ॒ଦ୍ରେ ତ୍ଵା॑ ନୃ॒ମଣା॑ ଅ॒ଫ୍ସ୍ଵ॑ନ୍ତର୍ନୃ॒ଚକ୍ଷା॑ ଈଧେ ଦି॒ଵୋ ଅ॑ଗ୍ନ॒ ଊଧନ୍ନ୍॑ । ତୃ॒ତୀୟେ᳚ ତ୍ଵା॒ [ତୃ॒ତୀୟେ᳚ ତ୍ଵା, ରଜ॑ସି ତସ୍ଥି॒ଵାଗ୍ମ୍ ସ॑ମୃ॒ତସ୍ୟ॒] 6
ରଜ॑ସି ତସ୍ଥି॒ଵାଗ୍ମ୍ ସ॑ମୃ॒ତସ୍ୟ॒ ୟୋନୌ॑ ମହି॒ଷା ଅ॑ହିନ୍ଵନ୍ନ୍ ॥ ଅକ୍ର॑ନ୍ଦଦ॒ଗ୍ନି-ସ୍ସ୍ତ॒ନୟ॑ନ୍ନିଵ॒ ଦ୍ୟୌଃ, କ୍ଷାମା॒ ରେରି॑ହ-ଦ୍ଵୀ॒ରୁଧ॑-ସ୍ସମ॒ଞ୍ଜନ୍ନ୍ । ସ॒ଦ୍ୟୋ ଜ॑ଜ୍ଞା॒ନୋ ଵି ହୀମି॒ଦ୍ଧୋ ଅଖ୍ୟ॒ଦା ରୋଦ॑ସୀ ଭା॒ନୁନା॑ ଭାତ୍ୟ॒ନ୍ତଃ ॥ ଉ॒ଶି-କ୍ପା॑ଵ॒କୋ ଅ॑ର॒ତି-ସ୍ସୁ॑ମେ॒ଧା ମର୍ତେ᳚ଷ୍ଵ॒ଗ୍ନିର॒ମୃତୋ॒ ନିଧା॑ୟି । ଇୟ॑ର୍ତି ଧୂ॒ମମ॑ରୁ॒ଷ-ମ୍ଭରି॑ଭ୍ର॒ଦୁଚ୍ଛୁ॒କ୍ରେଣ॑ ଶୋ॒ଚିଷା॒ ଦ୍ୟାମିନ॑କ୍ଷତ୍ ॥ ଵିଶ୍ଵ॑ସ୍ୟ କେ॒ତୁର୍ଭୁଵ॑ନସ୍ୟ॒ ଗର୍ଭ॒ ଆ [ ] 7
ରୋଦ॑ସୀ ଅପୃଣା॒ଜ୍ଜାୟ॑ମାନଃ । ଵୀ॒ଡୁ-ଞ୍ଚି॒ଦଦ୍ରି॑ମଭିନ-ତ୍ପରା॒ୟନ୍ ଜନା॒ ୟଦ॒ଗ୍ନିମୟ॑ଜନ୍ତ॒ ପଞ୍ଚ॑ ॥ ଶ୍ରୀ॒ଣାମୁ॑ଦା॒ରୋ ଧ॒ରୁଣୋ॑ ରୟୀ॒ଣା-ମ୍ମ॑ନୀ॒ଷାଣା॒-ମ୍ପ୍ରାର୍ପ॑ଣ॒-ସ୍ସୋମ॑ଗୋପାଃ । ଵସୋ᳚-ସ୍ସୂ॒ନୁ-ସ୍ସହ॑ସୋ ଅ॒ଫ୍ସୁ ରାଜା॒ ଵି ଭା॒ତ୍ୟଗ୍ର॑ ଉ॒ଷସା॑ମିଧା॒ନଃ ॥ ୟସ୍ତେ॑ ଅ॒ଦ୍ୟ କୃ॒ଣଵ॑-ଦ୍ଭଦ୍ରଶୋଚେ-ଽପୂ॒ପ-ନ୍ଦେ॑ଵ ଘୃ॒ତଵ॑ନ୍ତମଗ୍ନେ । ପ୍ରତ-ନ୍ନ॑ୟ ପ୍ରତ॒ରାଂ-ଵଁସ୍ୟୋ॒ ଅଚ୍ଛା॒ଭି ଦ୍ୟୁ॒ମ୍ନ-ନ୍ଦେ॒ଵଭ॑କ୍ତଂ-ୟଁଵିଷ୍ଠ ॥ ଆ [ ] 8
ତ-ମ୍ଭ॑ଜ ସୌଶ୍ରଵ॒ସେଷ୍ଵ॑ଗ୍ନ ଉ॒କ୍ଥ-ଉ॑କ୍ଥ॒ ଆ ଭ॑ଜ ଶ॒ସ୍ୟମା॑ନେ । ପ୍ରି॒ୟ-ସ୍ସୂର୍ୟେ᳚ ପ୍ରି॒ୟୋ ଅ॒ଗ୍ନା ଭ॑ଵା॒ତ୍ୟୁଜ୍ଜା॒ତେନ॑ ଭି॒ନଦ॒ଦୁଜ୍ଜନି॑ତ୍ଵୈଃ ॥ ତ୍ଵାମ॑ଗ୍ନେ॒ ୟଜ॑ମାନା॒ ଅନୁ॒ ଦ୍ୟୂନ୍. ଵିଶ୍ଵା॒ ଵସୂ॑ନି ଦଧିରେ॒ ଵାର୍ୟା॑ଣି । ତ୍ଵୟା॑ ସ॒ହ ଦ୍ରଵି॑ଣମି॒ଚ୍ଛମା॑ନା ଵ୍ର॒ଜ-ଙ୍ଗୋମ॑ନ୍ତମୁ॒ଶିଜୋ॒ ଵି ଵ॑ଵ୍ରୁଃ ॥ ଦୃ॒ଶା॒ନୋ ରୁ॒କ୍ମ ଉ॒ର୍ଵ୍ୟା ଵ୍ୟ॑ଦ୍ୟୌ-ଦ୍ଦୁ॒ର୍ମର୍ଷ॒ମାୟୁ॑-ଶ୍ଶ୍ରି॒ୟେ ରୁ॑ଚା॒ନଃ । ଅ॒ଗ୍ନିର॒ମୃତୋ॑ ଅଭଵ॒-ଦ୍ଵୟୋ॑ଭି॒ର୍ୟଦେ॑- -ନ॒-ନ୍ଦ୍ୟୌରଜ॑ନୟ-ଥ୍ସୁ॒ରେତାଃ᳚ ॥ 9 ॥
(ତୃତିୟେ᳚ ତ୍ଵା॒ – ଗର୍ଭ॒ ଆ – ୟ॑ଵି॒ଷ୍ଠା-ଽଽ – ୟ – ଚ୍ଚ॒ତ୍ଵାରି॑ ଚ) (ଅ. 2)
ଅନ୍ନ॑ପ॒ତେ-ଽନ୍ନ॑ସ୍ୟ ନୋ ଦେହ୍ୟନମୀ॒ଵସ୍ୟ॑ ଶୁ॒ଷ୍ମିଣଃ॑ । ପ୍ର ପ୍ର॑ଦା॒ତାର॑-ନ୍ତାରିଷ॒ ଊର୍ଜ॑-ନ୍ନୋ ଧେହି ଦ୍ଵି॒ପଦେ॒ ଚତୁ॑ଷ୍ପଦେ ॥ ଉଦୁ॑ ତ୍ଵା॒ ଵିଶ୍ଵେ॑ ଦେ॒ଵା ଅଗ୍ନେ॒ ଭର॑ନ୍ତୁ॒ ଚିତ୍ତି॑ଭିଃ । ସ ନୋ॑ ଭଵ ଶି॒ଵତ॑ମ-ସ୍ସୁ॒ପ୍ରତୀ॑କୋ ଵି॒ଭାଵ॑ସୁଃ ॥ ପ୍ରେଦ॑ଗ୍ନେ॒ ଜ୍ୟୋତି॑ଷ୍ମାନ୍. ୟାହି ଶି॒ଵେଭି॑ର॒ର୍ଚିଭି॒ସ୍ତ୍ଵମ୍ । ବୃ॒ହଦ୍ଭି॑-ର୍ଭା॒ନୁଭି॒-ର୍ଭାସ॒-ନ୍ମା ହିଗ୍ମ୍॑ସୀ ସ୍ତ॒ନୁଵା᳚ ପ୍ର॒ଜାଃ ॥ ସ॒ମିଧା॒-ଽଗ୍ନି-ନ୍ଦୁ॑ଵସ୍ୟତ ଘୃ॒ତୈର୍ବୋ॑ଧୟ॒ତାତି॑ଥିମ୍ । ଆ- [ଆ, ଅ॒ସ୍ମି॒ନ୍॒. ହ॒ଵ୍ୟା ଜୁ॑ହୋତନ ।] 10
-ଽସ୍ମି॑ନ୍. ହ॒ଵ୍ୟା ଜୁ॑ହୋତନ ॥ ପ୍ରପ୍ରା॒ୟମ॒ଗ୍ନିର୍ଭ॑ର॒ତସ୍ୟ॑ ଶୃଣ୍ଵେ॒ ଵି ୟ-ଥ୍ସୂର୍ୟୋ॒ ନ ରୋଚ॑ତେ ବୃ॒ହଦ୍ଭାଃ । ଅ॒ଭି ୟଃ ପୂ॒ରୁ-ମ୍ପୃତ॑ନାସୁ ତ॒ସ୍ଥୌ ଦୀ॒ଦାୟ॒ ଦୈଵ୍ୟୋ॒ ଅତି॑ଥି-ଶ୍ଶି॒ଵୋ ନଃ॑ ॥ ଆପୋ॑ ଦେଵୀଃ॒ ପ୍ରତି॑ ଗୃହ୍ଣୀତ॒ ଭସ୍ମୈ॒ତ-ଥ୍ସ୍ୟୋ॒ନେ କୃ॑ଣୁଦ୍ଧ୍ଵଗ୍ମ୍ ସୁର॒ଭାଵୁ॑ ଲୋ॒କେ । ତସ୍ମୈ॑ ନମନ୍ତା॒-ଞ୍ଜନ॑ୟ-ସ୍ସୁ॒ପତ୍ନୀ᳚ର୍ମା॒ତେଵ॑ ପୁ॒ତ୍ର-ମ୍ବି॑ଭୃ॒ତା ସ୍ଵେ॑ନମ୍ ॥ ଅ॒ଫ୍ସ୍ଵ॑ଗ୍ନେ॒ ସଧି॒ଷ୍ଟଵ॒- [ଅ॒ଫ୍ସ୍ଵ॑ଗ୍ନେ॒ ସଧି॒ଷ୍ଟଵ॑, ସୌଷ॑ଧୀ॒ରନୁ॑ ରୁଦ୍ଧ୍ୟସେ ।] 11
ସୌଷ॑ଧୀ॒ରନୁ॑ ରୁଦ୍ଧ୍ୟସେ । ଗର୍ଭେ॒ ସଞ୍ଜା॑ୟସେ॒ ପୁନଃ॑ ॥ ଗର୍ଭୋ॑ ଅ॒ସ୍ୟୋଷ॑ଧୀନା॒-ଙ୍ଗର୍ଭୋ॒ ଵନ॒ସ୍ପତୀ॑ନାମ୍ । ଗର୍ଭୋ॒ ଵିଶ୍ଵ॑ସ୍ୟ ଭୂ॒ତସ୍ୟାଗ୍ନେ॒ ଗର୍ଭୋ॑ ଅ॒ପାମ॑ସି ॥ ପ୍ର॒ସଦ୍ୟ॒ ଭସ୍ମ॑ନା॒ ୟୋନି॑ମ॒ପଶ୍ଚ॑ ପୃଥି॒ଵୀମ॑ଗ୍ନେ । ସ॒ଗ୍ମ୍॒ସୃଜ୍ୟ॑ ମା॒ତୃଭି॒ସ୍ତ୍ଵ-ଞ୍ଜ୍ୟୋତି॑ଷ୍ମା॒-ନ୍ପୁନ॒ରା-ଽସ॑ଦଃ ॥ ପୁନ॑ରା॒ସଦ୍ୟ॒ ସଦ॑ନମ॒ପଶ୍ଚ॑ ପୃଥି॒ଵୀମ॑ଗ୍ନେ । ଶେଷେ॑ ମା॒ତୁର୍ୟଥୋ॒ପସ୍ଥେ॒ ଽନ୍ତର॒ସ୍ୟାଗ୍ମ୍ ଶି॒ଵତ॑ମଃ ॥ ପୁନ॑ରୂ॒ର୍ଜା [ ] 12
-ନି ଵ॑ର୍ତସ୍ଵ॒ ପୁନ॑ରଗ୍ନ ଇ॒ଷା ଽଽୟୁ॑ଷା । ପୁନ॑ର୍ନଃ ପାହି ଵି॒ଶ୍ଵତଃ॑ ॥ ସ॒ହ ର॒ୟ୍ୟା ନି ଵ॑ର୍ତ॒ସ୍ଵାଗ୍ନେ॒ ପିନ୍ଵ॑ସ୍ଵ॒ ଧାର॑ୟା । ଵି॒ଶ୍ଵଫ୍ସ୍ନି॑ୟା ଵି॒ଶ୍ଵତ॒ସ୍ପରି॑ ॥ ପୁନ॑ସ୍ତ୍ଵା ଽଽଦି॒ତ୍ୟା ରୁ॒ଦ୍ରା ଵସ॑ଵ॒-ସ୍ସମି॑ନ୍ଧତା॒-ମ୍ପୁନ॑ର୍ବ୍ର॒ହ୍ମାଣୋ॑ ଵସୁନୀଥ ୟ॒ଜ୍ଞୈଃ । ଘୃ॒ତେନ॒ ତ୍ଵ-ନ୍ତ॒ନୁଵୋ॑ ଵର୍ଧୟସ୍ଵ ସ॒ତ୍ୟା-ସ୍ସ॑ନ୍ତୁ॒ ୟଜ॑ମାନସ୍ୟ॒ କାମାଃ᳚ ॥ ବୋଧା॑ ନୋ ଅ॒ସ୍ୟ ଵଚ॑ସୋ ୟଵିଷ୍ଠ॒ ମଗ୍ମ୍ହି॑ଷ୍ଠସ୍ୟ॒ ପ୍ରଭୃ॑ତସ୍ୟ ସ୍ଵଧାଵଃ । ପୀୟ॑ତି ତ୍ଵୋ॒ ଅନୁ॑ ତ୍ଵୋ ଗୃଣାତି ଵ॒ନ୍ଦାରୁ॑ସ୍ତେ ତ॒ନୁଵଂ॑-ଵଁନ୍ଦେ ଅଗ୍ନେ ॥ ସ ବୋ॑ଧି ସୂ॒ରିର୍ମ॒ଘଵା॑ ଵସୁ॒ଦାଵା॒ ଵସୁ॑ପତିଃ । ୟୁ॒ୟୋ॒ଦ୍ଧ୍ୟ॑ସ୍ମ-ଦ୍ଦ୍ଵେଷାଗ୍ମ୍॑ସି ॥ 13 ॥
(ଆ – ତଵୋ॒ – ର୍ଜା-ଽ – ନୁ॒ – ଷୋଡ॑ଶ ଚ) (ଅ. 3)
ଅପେ॑ତ॒ ଵୀତ॒ ଵି ଚ॑ ସର୍ପ॒ତାତୋ॒ ୟେ-ଽତ୍ର॒ ସ୍ଥ ପୁ॑ରା॒ଣା ୟେ ଚ॒ ନୂତ॑ନାଃ । ଅଦା॑ଦି॒ଦଂ-ୟଁ॒ମୋ॑-ଽଵ॒ସାନ॑-ମ୍ପୃଥି॒ଵ୍ୟା ଅକ୍ର॑ନ୍ନି॒ମ-ମ୍ପି॒ତରୋ॑ ଲୋ॒କମ॑ସ୍ମୈ ॥ ଅ॒ଗ୍ନେର୍ଭସ୍ମା᳚ସ୍ୟ॒ଗ୍ନେଃ ପୁରୀ॑ଷମସି ସ॒ଜ୍ଞାନ୍ନ॑ମସି କାମ॒ଧର॑ଣ॒-ମ୍ମୟି॑ ତେ କାମ॒ଧର॑ଣ-ମ୍ଭୂୟାତ୍ ॥ ସଂ-ୟାଁ ଵଃ॑ ପ୍ରି॒ୟାସ୍ତ॒ନୁଵ॒-ସ୍ସ-ମ୍ପ୍ରି॒ୟା ହୃଦ॑ୟାନି ଵଃ । ଆ॒ତ୍ମା ଵୋ॑ ଅସ୍ତୁ॒ [ଅସ୍ତୁ, ସମ୍ପ୍ରି॑ୟ॒] 14
ସମ୍ପ୍ରି॑ୟ॒-ସ୍ସମ୍ପ୍ରି॑ୟାସ୍ତ॒ନୁଵୋ॒ ମମ॑ ॥ ଅ॒ୟଗ୍ମ୍ ସୋ ଅ॒ଗ୍ନିର୍ୟସ୍ମି॒ନ୍-ଥ୍ସୋମ॒ମିନ୍ଦ୍ର॑-ସ୍ସୁ॒ତ-ନ୍ଦ॒ଧେ ଜ॒ଠରେ॑ ଵାଵଶା॒ନଃ । ସ॒ହ॒ସ୍ରିୟଂ॒-ଵାଁଜ॒ମତ୍ୟ॒-ନ୍ନ ସପ୍ତିଗ୍ମ୍॑ ସସ॒ଵାନ୍-ଥ୍ସନ୍-ଥ୍ସ୍ତୂ॑ୟସେ ଜାତଵେଦଃ ॥ ଅଗ୍ନେ॑ ଦି॒ଵୋ ଅର୍ଣ॒ମଚ୍ଛା॑ ଜିଗା॒ସ୍ୟଚ୍ଛା॑ ଦେ॒ଵାଗ୍ମ୍ ଊ॑ଚିଷେ॒ ଧିଷ୍ଣି॑ୟା॒ ୟେ । ୟାଃ ପ॒ରସ୍ତା᳚-ଦ୍ରୋଚ॒ନେ ସୂର୍ୟ॑ସ୍ୟ॒ ୟାଶ୍ଚା॒ ଵସ୍ତା॑-ଦୁପ॒ତିଷ୍ଠ॑ନ୍ତ॒ ଆପଃ॑ ॥ ଅଗ୍ନେ॒ ୟ-ତ୍ତେ॑ ଦି॒ଵି ଵର୍ଚଃ॑ ପୃଥି॒ଵ୍ୟାଂ-ୟଁଦୋଷ॑ଧୀ- [ପୃଥି॒ଵ୍ୟାଂ-ୟଁଦୋଷ॑ଧୀଷୁ, ଅ॒ଫ୍ସୁ ଵା॑ ୟଜତ୍ର ।] 15
-ଷ୍ଵ॒ଫ୍ସୁ ଵା॑ ୟଜତ୍ର । ୟେନା॒ନ୍ତରି॑କ୍ଷ-ମୁ॒ର୍ଵା॑ତ॒ତନ୍ଥ॑ ତ୍ଵେ॒ଷ-ସ୍ସ ଭା॒ନୁର॑ର୍ଣ॒ଵୋ ନୃ॒ଚକ୍ଷାଃ᳚ ॥ ପୁ॒ରୀ॒ଷ୍ୟା॑ସୋ ଅ॒ଗ୍ନୟଃ॑ ପ୍ରାଵ॒ଣେଭି॑-ସ୍ସ॒ଜୋଷ॑ସଃ । ଜୁ॒ଷନ୍ତାଗ୍ମ୍॑ ହ॒ଵ୍ୟମାହୁ॑ତମନମୀ॒ଵା ଇଷୋ॑ ମ॒ହୀଃ ॥ ଇଡା॑ମଗ୍ନେ ପୁରୁ॒ଦଗ୍ମ୍ ସଗ୍ମ୍॑ ସ॒ନି-ଙ୍ଗୋ-ଶ୍ଶ॑ଶ୍ଵତ୍ତ॒ମଗ୍ମ୍ ହଵ॑ମାନାୟ ସାଧ । ସ୍ୟାନ୍ନ॑-ସ୍ସୂ॒ନୁସ୍ତନ॑ୟୋ ଵି॒ଜାଵା-ଽଗ୍ନେ॒ ସା ତେ॑ ସୁମ॒ତିର୍ଭୂ᳚ତ୍ଵ॒ସ୍ମେ ॥ ଅ॒ୟ-ନ୍ତେ॒ ୟୋନି॑ର୍-ଋ॒ତ୍ଵିୟୋ॒ ୟତୋ॑ ଜା॒ତୋ ଅରୋ॑ଚଥାଃ । ତ-ଞ୍ଜା॒ନ- [ତ-ଞ୍ଜା॒ନନ୍ନ୍, ଅ॒ଗ୍ନ॒ ଆ ରୋ॒ହାଥା॑ ନୋ] 16
-ନ୍ନ॑ଗ୍ନ॒ ଆ ରୋ॒ହାଥା॑ ନୋ ଵର୍ଧୟା ର॒ୟିମ୍ ॥ ଚିଦ॑ସି॒ ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ପରି॒ଚିଦ॑ସି॒ ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ଲୋ॒କ-ମ୍ପୃ॑ଣ ଛି॒ଦ୍ର-ମ୍ପୃ॒ଣାଥୋ॑ ସୀଦ ଶି॒ଵା ତ୍ଵମ୍ । ଇ॒ନ୍ଦ୍ରା॒ଗ୍ନୀ ତ୍ଵା॒ ବୃହ॒ସ୍ପତି॑ର॒ସ୍ମିନ୍. ୟୋନା॑ଵସୀଷଦନ୍ନ୍ ॥ ତା ଅ॑ସ୍ୟ॒ ସୂଦ॑ଦୋହସ॒-ସ୍ସୋମଗ୍ଗ୍॑ ଶ୍ରୀଣନ୍ତି॒ ପୃଶ୍ଞ॑ୟଃ । ଜନ୍ମ॑-ନ୍ଦେ॒ଵାନାଂ॒-ଵିଁଶ॑ସ୍ତ୍ରି॒ଷ୍ଵା ରୋ॑ଚ॒ନେ ଦି॒ଵଃ ॥ 17 ॥
(ଅ॒ସ୍ତ୍ଵୋ – ଷ॑ଧୀଷୁ – ଜା॒ନ – ନ୍ନ॒ଷ୍ଟାଚ॑ତ୍ଵାରିଗ୍ମ୍ଶଚ୍ଚ) (ଅ. 4)
ସମି॑ତ॒ଗ୍ମ୍॒ ସଙ୍କ॑ଲ୍ପେଥା॒ଗ୍ମ୍॒ ସମ୍ପ୍ରି॑ୟୌ ରୋଚି॒ଷ୍ଣୂ ସୁ॑ମନ॒ସ୍ୟମା॑ନୌ । ଇଷ॒ମୂର୍ଜ॑ମ॒ଭି ସଂ॒ଵଁସା॑ନୌ॒ ସଂ-ଵାଁ॒-ମ୍ମନାଗ୍ମ୍॑ସି॒ ସଂ-ଵ୍ରଁ॒ତା ସମୁ॑ ଚି॒ତ୍ତାନ୍ୟା-ଽକ॑ରମ୍ ॥ ଅଗ୍ନେ॑ ପୁରୀଷ୍ୟାଧି॒ପା ଭ॑ଵା॒ ତ୍ଵ-ନ୍ନଃ॑ । ଇଷ॒ମୂର୍ଜଂ॒-ୟଁଜ॑ମାନାୟ ଧେହି ॥ ପୁ॒ରୀ॒ଷ୍ୟ॑ସ୍ତ୍ଵମ॑ଗ୍ନେ ରୟି॒ମା-ନ୍ପୁ॑ଷ୍ଟି॒ମାଗ୍ମ୍ ଅ॑ସି । ଶି॒ଵାଃ କୃ॒ତ୍ଵା ଦିଶ॒-ସ୍ସର୍ଵା॒-ସ୍ସ୍ଵାଂ-ୟୋଁନି॑ମି॒ହା-ଽସ॑ଦଃ ॥ ଭଵ॑ତ-ନ୍ନ॒-ସ୍ସମ॑ନସୌ॒ ସମୋ॑କସା [ସମୋ॑କସୌ, ଅ॒ରେ॒ପସୌ᳚ ।] 18
-ଵରେ॒ପସୌ᳚ । ମା ୟ॒ଜ୍ଞଗ୍ମ୍ ହିଗ୍ମ୍॑ସିଷ୍ଟ॒-ମ୍ମା ୟ॒ଜ୍ଞପ॑ତି-ଞ୍ଜାତଵେଦସୌ ଶି॒ଵୌ ଭ॑ଵତମ॒ଦ୍ୟ ନଃ॑ ॥ ମା॒ତେଵ॑ ପୁ॒ତ୍ର-ମ୍ପୃ॑ଥି॒ଵୀ ପୁ॑ରୀ॒ଷ୍ୟ॑ମ॒ଗ୍ନିଗ୍ଗ୍ ସ୍ଵେ ୟୋନା॑ଵଭାରୁ॒ଖା । ତାଂ-ଵିଁଶ୍ଵୈ᳚ର୍ଦେ॒ଵୈର୍-ଋ॒ତୁଭି॑-ସ୍ସଂଵିଁଦା॒ନଃ ପ୍ର॒ଜାପ॑ତିର୍ଵି॒ଶ୍ଵକ॑ର୍ମା॒ ଵି ମୁ॑ଞ୍ଚତୁ ॥ ୟଦ॒ସ୍ୟ ପା॒ରେ ରଜ॑ସ-ଶ୍ଶୁ॒କ୍ର-ଞ୍ଜ୍ୟୋତି॒ରଜା॑ୟତ । ତ-ନ୍ନଃ॑ ପର୍ଷ॒ଦତି॒ ଦ୍ଵିଷୋ-ଽଗ୍ନେ॑ ଵୈଶ୍ଵାନର॒ ସ୍ଵାହା᳚ ॥ ନମ॒-ସ୍ସୁ ତେ॑ ନିର୍-ଋତେ ଵିଶ୍ଵରୂପେ- [ଵିଶ୍ଵରୂପେ, ଅ॒ୟ॒ସ୍ମୟଂ॒-ଵିଁ ଚୃ॑ତା] 19
-ଽୟ॒ସ୍ମୟଂ॒-ଵିଁ ଚୃ॑ତା ବ॒ନ୍ଧମେ॒ତମ୍ । ୟ॒ମେନ॒ ତ୍ଵଂ-ୟଁ॒ମ୍ୟା॑ ସଂ-ଵିଁଦା॒ନୋତ୍ତ॒ମ-ନ୍ନାକ॒ମଧି॑ ରୋହୟେ॒ମମ୍ ॥ ୟତ୍ତେ॑ ଦେ॒ଵୀ ନିର୍-ଋ॑ତିରାବ॒ବନ୍ଧ॒ ଦାମ॑ ଗ୍ରୀ॒ଵାସ୍ଵ॑ ଵିଚ॒ର୍ତ୍ୟମ୍ । ଇ॒ଦ-ନ୍ତେ॒ ତ-ଦ୍ଵିଷ୍ୟାଂ॒-ୟାଁୟୁ॑ଷୋ॒ ନ ମଦ୍ଧ୍ୟା॒ଦଥା॑ ଜୀ॒ଵଃ ପି॒ତୁମ॑ଦ୍ଧି॒ ପ୍ରମୁ॑କ୍ତଃ ॥ ୟସ୍ୟା᳚ସ୍ତେ ଅ॒ସ୍ୟାଃ କ୍ରୂ॒ର ଆ॒ସଞ୍ଜୁ॒ହୋମ୍ୟେ॒ଷା-ମ୍ବ॒ନ୍ଧାନା॑ମଵ॒ସର୍ଜ॑ନାୟ । ଭୂମି॒ରିତି॑ ତ୍ଵା॒ ଜନା॑ ଵି॒ଦୁର୍ନିର୍-ଋ॑ତି॒- [ଵି॒ଦୁର୍ନିର୍-ଋ॑ତିଃ, ଇତି॑ ତ୍ଵା॒ ଽହ-ମ୍ପରି॑] 20
-ରିତି॑ ତ୍ଵା॒ ଽହ-ମ୍ପରି॑ ଵେଦ ଵି॒ଶ୍ଵତଃ॑ ॥ ଅସୁ॑ନ୍ଵନ୍ତ॒ମ ୟ॑ଜମାନମିଚ୍ଛ ସ୍ତେ॒ନସ୍ୟେ॒ତ୍ୟାନ୍-ତସ୍କ॑ର॒ସ୍ୟାନ୍ ଵେ॑ଷି । ଅ॒ନ୍ୟ ମ॒ସ୍ମ-ଦି॑ଚ୍ଛ॒ ସା ତ॑ ଇ॒ତ୍ୟା ନମୋ॑ ଦେଵି ନିର୍-ଋତେ॒ ତୁଭ୍ୟ॑ମସ୍ତୁ ॥ ଦେ॒ଵୀମ॒ହ-ନ୍ନିର୍-ଋ॑ତିଂ॒-ଵଁନ୍ଦ॑ମାନଃ ପି॒ତେଵ॑ ପୁ॒ତ୍ର-ନ୍ଦ॑ସୟେ॒ ଵଚୋ॑ଭିଃ । ଵିଶ୍ଵ॑ସ୍ୟ॒ ୟା ଜାୟ॑ମାନସ୍ୟ॒ ଵେଦ॒ ଶିର॑-ଶ୍ଶିରଃ॒ ପ୍ରତି॑ ସୂ॒ରୀ ଵି ଚ॑ଷ୍ଟେ ॥ ନି॒ଵେଶ॑ନ-ସ୍ସ॒ଙ୍ଗମ॑ନୋ॒ ଵସୂ॑ନାଂ॒-ଵିଁଶ୍ଵା॑ ରୂ॒ପା-ଽଭି ଚ॑ଷ୍ଟେ॒ [ରୂ॒ପା-ଽଭି ଚ॑ଷ୍ଟେ, ଶଚୀ॑ଭିଃ ।] 21
ଶଚୀ॑ଭିଃ । ଦେ॒ଵ ଇ॑ଵ ସଵି॒ତା ସ॒ତ୍ୟଧ॒ର୍ମେନ୍ଦ୍ରୋ॒ ନ ତ॑ସ୍ଥୌ ସମ॒ରେ ପ॑ଥୀ॒ନାମ୍ ॥ ସଂ-ଵଁ॑ର॒ତ୍ରା ଦ॑ଧାତନ॒ ନିରା॑ହା॒ଵାନ୍ କୃ॑ଣୋତନ । ସି॒ଞ୍ଚାମ॑ହା ଅଵ॒ଟମୁ॒ଦ୍ରିଣଂ॑-ଵଁ॒ୟଂ-ଵିଁଶ୍ଵା-ଽହା-ଽଦ॑ସ୍ତ॒ମକ୍ଷି॑ତମ୍ ॥ ନିଷ୍କୃ॑ତାହା-ଵମଵ॒ଟଗ୍ମ୍ ସୁ॑ଵର॒ତ୍ରଗ୍ମ୍ ସୁ॑ଷେଚ॒ନମ୍ । ଉ॒ଦ୍ରିଣଗ୍ମ୍॑ ସିଞ୍ଚେ॒ ଅକ୍ଷି॑ତମ୍ ॥ ସୀରା॑ ୟୁଞ୍ଜନ୍ତି କ॒ଵୟୋ॑ ୟୁ॒ଗା ଵି ତ॑ନ୍ଵତେ॒ ପୃଥ॑କ୍ । ଧୀରା॑ ଦେ॒ଵେଷୁ॑ ସୁମ୍ନ॒ୟା ॥ ୟୁ॒ନକ୍ତ॒ ସୀରା॒ ଵି ୟୁ॒ଗା ତ॑ନୋତ କୃ॒ତେ ୟୋନୌ॑ ଵପତେ॒ହ [ ] 22
ବୀଜ᳚ମ୍ । ଗି॒ରା ଚ॑ ଶ୍ରୁ॒ଷ୍ଟି-ସ୍ସଭ॑ରା॒ ଅସ॑ନ୍ନୋ॒ ନେଦୀ॑ୟ॒ ଇ-ଥ୍ସୃ॒ଣ୍ୟା॑ ପ॒କ୍ଵମା ଽୟ॑ତ୍ ॥ ଲାଙ୍ଗ॑ଲ॒-ମ୍ପଵୀ॑ରଵଗ୍ମ୍ ସୁ॒ଶେଵଗ୍ମ୍॑ ସୁମ॒ତିଥ୍ସ॑ରୁ । ଉଦି-ତ୍କୃ॑ଷତି॒ ଗାମଵି॑-ମ୍ପ୍ରଫ॒ର୍ଵ୍ୟ॑-ଞ୍ଚ॒ ପୀଵ॑ରୀମ୍ । ପ୍ର॒ସ୍ଥାଵ॑-ଦ୍ରଥ॒ଵାହ॑ନମ୍ ॥ ଶୁ॒ନ-ନ୍ନଃ॒ ଫାଲା॒ ଵି ତୁ॑ଦନ୍ତୁ॒ ଭୂମିଗ୍ମ୍॑ ଶୁ॒ନ-ଙ୍କୀ॒ନାଶା॑ ଅ॒ଭି ୟ॑ନ୍ତୁ ଵା॒ହାନ୍ । ଶୁ॒ନ-ମ୍ପ॒ର୍ଜନ୍ୟୋ॒ ମଧୁ॑ନା॒ ପୟୋ॑ଭି॒-ଶ୍ଶୁନା॑ସୀରା ଶୁ॒ନମ॒ସ୍ମାସୁ॑ ଧତ୍ତମ୍ ॥ କାମ॑-ଙ୍କାମଦୁଘେ ଧୁକ୍ଷ୍ଵ ମି॒ତ୍ରାୟ॒ ଵରୁ॑ଣାୟ ଚ । ଇନ୍ଦ୍ରା॑ୟା॒ଗ୍ନୟେ॑ ପୂ॒ଷ୍ଣ ଓଷ॑ଧୀଭ୍ୟଃ ପ୍ର॒ଜାଭ୍ୟଃ॑ ॥ଘୃ॒ତେନ॒ ସୀତା॒ ମଧୁ॑ନା॒ ସମ॑କ୍ତା॒ ଵିଶ୍ଵୈ᳚ର୍ଦେ॒ଵୈରନୁ॑ମତା ମ॒ରୁଦ୍ଭିଃ॑ । ଊର୍ଜ॑ସ୍ଵତୀ॒ ପୟ॑ସା॒ ପିନ୍ଵ॑ମାନା॒-ଽସ୍ମାନ୍-ଥ୍ସୀ॑ତେ॒ ପୟ॑ସା॒-ଽଭ୍ୟା-ଵ॑ଵୃଥ୍ସ୍ଵ ॥ 23 ॥
(ସମୋ॑କସୌ-ଵିଶ୍ଵରୂପେ-ଵି॒ଦୁର୍ନିର୍-ଋ॑ତି-ର॒ଭି ଚ॑ଷ୍ଟ-ଇ॒ହ-ମି॒ତ୍ରାୟ॒-ଦ୍ଵାଵିଗ୍ମ୍॑ଶତିଶ୍ଚ) (ଅ. 5)
ୟା ଜା॒ତା ଓଷ॑ଧୟୋ ଦେ॒ଵେଭ୍ୟ॑ସ୍ତ୍ରିୟୁ॒ଗ-ମ୍ପୁ॒ରା । ମନ୍ଦା॑ମି ବ॒ଭ୍ରୂଣା॑ମ॒ହଗ୍ମ୍ ଶ॒ତ-ନ୍ଧାମା॑ନି ସ॒ପ୍ତ ଚ॑ ॥ ଶ॒ତଂ-ଵୋଁ॑ ଅବ॒-ନ୍ଧାମା॑ନି ସ॒ହସ୍ର॑ମୁ॒ତ ଵୋ॒ ରୁହଃ॑ । ଅଥା॑ ଶତକ୍ରତ୍ଵୋ ୟୂ॒ୟମି॒ମ-ମ୍ମେ॑ ଅଗ॒ଦ-ଙ୍କୃ॑ତ ॥ ପୁଷ୍ପା॑ଵତୀଃ ପ୍ର॒ସୂଵ॑ତୀଃ ଫ॒ଲିନୀ॑ରଫ॒ଲା ଉ॒ତ । ଅଶ୍ଵା॑ ଇଵ ସ॒ଜିତ୍ଵ॑ରୀ-ର୍ଵୀ॒ରୁଧଃ॑ ପାରୟି॒ଷ୍ଣଵଃ॑ ॥ ଓଷ॑ଧୀ॒ରିତି॑ ମାତର॒-ସ୍ତଦ୍ଵୋ॑ ଦେଵୀ॒-ରୁପ॑ ବ୍ରୁଵେ । ରପାଗ୍ମ୍॑ସି ଵିଘ୍ନ॒ତୀରି॑ତ॒ ରପ॑- [ଵିଘ୍ନ॒ତୀରି॑ତ॒ ରପଃ॑, ଚା॒ତୟ॑ମାନାଃ ।] 24
-ଶ୍ଚା॒ତୟ॑ମାନାଃ ॥ ଅ॒ଶ୍ଵ॒ତ୍ଥେ ଵୋ॑ ନି॒ଷଦ॑ନ-ମ୍ପ॒ର୍ଣେ ଵୋ॑ ଵସ॒ତିଃ କୃ॒ତା । ଗୋ॒ଭାଜ॒ ଇ-ତ୍କିଲା॑ସଥ॒ ୟ-ଥ୍ସ॒ନଵ॑ଥ॒ ପୂରୁ॑ଷମ୍ ॥ ୟଦ॒ହଂ-ଵାଁ॒ଜୟ॑-ନ୍ନି॒ମା ଓଷ॑ଧୀ॒ର୍॒ହସ୍ତ॑ ଆଦ॒ଧେ । ଆ॒ତ୍ମା ୟକ୍ଷ୍ମ॑ସ୍ୟ ନଶ୍ୟତି ପୁ॒ରା ଜୀ॑ଵ॒ଗୃଭୋ॑ ୟଥା ॥ ୟଦୋଷ॑ଧୟ-ସ୍ସ॒ଙ୍ଗଚ୍ଛ॑ନ୍ତେ॒ ରାଜା॑ନ॒-ସ୍ସମି॑ତା ଵିଵ । ଵିପ୍ର॒-ସ୍ସ ଉ॑ଚ୍ୟତେ ଭି॒ଷଗ୍-ର॑କ୍ଷୋ॒ହା ଽମୀ॑ଵ॒ ଚାତ॑ନଃ ॥ ନିଷ୍କୃ॑ତି॒-ର୍ନାମ॑ଵୋ ମା॒ତା-ଽଥା॑ ୟୂ॒ୟଗ୍ଗ୍ସ୍ଥ॒ ସଙ୍କୃ॑ତୀଃ । ସ॒ରାଃ ପ॑ତ॒ତ୍ରିଣୀ᳚- [ସ॒ରାଃ ପ॑ତ॒ତ୍ରିଣୀଃ᳚, ସ୍ଥ॒ନ॒ ୟଦା॒ ମୟ॑ତି॒] 25
-ସ୍ଥନ॒ ୟଦା॒ ମୟ॑ତି॒ ନିଷ୍କୃ॑ତ ॥ ଅ॒ନ୍ୟା ଵୋ॑ ଅ॒ନ୍ୟାମ॑ଵ-ତ୍ଵ॒ନ୍ୟା-ଽନ୍ୟସ୍ୟା॒ ଉପା॑ଵତ । ତା-ସ୍ସର୍ଵା॒ ଓଷ॑ଧୟ-ସ୍ସଂଵିଁଦା॒ନା ଇ॒ଦ-ମ୍ମେ॒ ପ୍ରାଵ॑ତା॒ ଵଚଃ॑ ॥ ଉଚ୍ଛୁଷ୍ମା॒ ଓଷ॑ଧୀନା॒-ଙ୍ଗାଵୋ॑ ଗୋ॒ଷ୍ଠା ଦି॑ଵେରତେ । ଧନଗ୍ମ୍॑ ସନି॒ଷ୍ୟନ୍ତୀ॑ ନାମା॒ତ୍ମାନ॒-ନ୍ତଵ॑ ପୂରୁଷ ॥ ଅତି॒ ଵିଶ୍ଵାଃ᳚ ପରି॒ଷ୍ଠା॑-ସ୍ସ୍ତେ॒ନ ଇ॑ଵ ଵ୍ର॒ଜମ॑କ୍ରମୁଃ । ଓଷ॑ଧୟଃ॒ ପ୍ରାଚୁ॑ଚ୍ୟଵୁ॒ ର୍ୟ-ତ୍କି-ଞ୍ଚ॑ ତ॒ନୁଵା॒ଗ୍ମ୍॒ ରପଃ॑ ॥ ୟା- [ୟାଃ, ତ॒ ଆ॒ତ॒ସ୍ଥୁ-ରା॒ତ୍ମାନଂ॒-ୟାଁ] 26
-ସ୍ତ॑ ଆତ॒ସ୍ଥୁ-ରା॒ତ୍ମାନଂ॒-ୟାଁ ଆ॑ଵିଵି॒ଶୁଃ ପରୁଃ॑ ପରୁଃ । ତାସ୍ତେ॒ ୟକ୍ଷ୍ମଂ॒-ଵିଁବା॑ଧନ୍ତା ମୁ॒ଗ୍ରୋ ମ॑ଦ୍ଧ୍ୟମ॒ଶୀରି॑ଵ ॥ ସା॒କଂ-ୟଁ॑କ୍ଷ୍ମ॒ ପ୍ର ପ॑ତ ଶ୍ୟେ॒ନେନ॑ କିକିଦୀ॒ଵିନା᳚ । ସା॒କଂ-ଵାଁତ॑ସ୍ୟ॒-ଧ୍ରାଜ୍ୟା॑ ସା॒କ-ନ୍ନ॑ଶ୍ୟ ନି॒ହାକ॑ୟା ॥ ଅ॒ଶ୍ଵା॒ଵ॒ତୀଗ୍ମ୍ ସୋ॑ମଵ॒ତୀ ମୂ॒ର୍ଜୟ॑ନ୍ତୀ॒ ମୁଦୋ॑ଜସମ୍ । ଆ ଵି॑ଥ୍ସି॒ ସର୍ଵା॒ ଓଷ॑ଧୀର॒ସ୍ମା ଅ॑ରି॒ଷ୍ଟତା॑ତୟେ ॥ ୟାଃ ଫ॒ଲିନୀ॒ର୍ୟା ଅ॑ଫ॒ଲା ଅ॑ପୁ॒ଷ୍ପା ୟାଶ୍ଚ॑ ପୁ॒ଷ୍ପିଣୀଃ᳚ । ବୃହ॒ସ୍ପତି॑ ପ୍ରସୂତା॒ ସ୍ତାନୋ॑ ମୁଞ୍ଚ॒ନ୍ତ୍ଵଗ୍ମ୍ ହ॑ସଃ ॥ ୟା [ୟାଃ, ଓଷ॑ଧୟ॒-ସ୍ସୋମ॑ରାଜ୍ଞୀଃ॒] 27
ଓଷ॑ଧୟ॒-ସ୍ସୋମ॑ରାଜ୍ଞୀଃ॒ ପ୍ରଵି॑ଷ୍ଟାଃ ପୃଥି॒ଵୀମନୁ॑ । ତାସା॒-ନ୍ତ୍ଵମ॑ସ୍ୟୁତ୍ତ॒ମା ପ୍ରଣୋ॑ ଜୀ॒ଵାତ॑ଵେ-ସୁଵ ॥ ଅ॒ଵ॒ପତ॑ନ୍ତୀରଵଦ-ନ୍ଦି॒ଵ ଓଷ॑ଧୟଃ॒ ପରି॑ । ୟ-ଞ୍ଜୀ॒ଵ ମ॒ଶ୍ଞଵା॑ ମହୈ॒ ନ ସ ରି॑ଷ୍ୟାତି॒ ପୂରୁ॑ଷଃ ॥ ୟାଶ୍ଚେ॒ଦ ମୁ॑ପ-ଶୃ॒ଣ୍ଵନ୍ତି॒ ୟାଶ୍ଚ॑ ଦୂ॒ର-ମ୍ପରା॑ଗତାଃ । ଇ॒ହ ସ॒ଙ୍ଗତ୍ୟ॒ ତା-ସ୍ସର୍ଵା॑ ଅ॒ସ୍ମୈ ସ-ନ୍ଦ॑ତ୍ତ ଭେଷ॒ଜମ୍ ॥ ମା ଵୋ॑ ରିଷ-ତ୍ଖନି॒ତା ୟସ୍ମୈ॑ ଚା॒ହ-ଙ୍ଖନା॑ମି ଵଃ । ଦ୍ଵି॒ପ-ଚ୍ଚତୁ॑ଷ୍ପ-ଦ॒ସ୍ମାକ॒ଗ୍ମ୍॒ ସର୍ଵ॑-ମ॒ସ୍ତ୍ଵନା॑ତୁରମ୍ ॥ ଓଷ॑ଧୟ॒-ସ୍ସଂ-ଵଁ॑ଦନ୍ତେ॒ ସୋମେ॑ନ ସ॒ହ ରାଜ୍ଞା᳚ । ୟସ୍ମୈ॑ କ॒ରୋତି॑ ବ୍ରାହ୍ମ॒ଣସ୍ତଗ୍ମ୍ ରା॑ଜ-ନ୍ପାରୟାମସି ॥ 28 ॥
(ରପଃ॑ – ପତ॒ତ୍ରିଣୀ॒- ର୍ୟା – ଅଗ୍ମ୍ହ॑ସୋ॒ ୟାଃ – ଖନା॑ମି ଵୋ॒ – ଽଷ୍ଟାଦ॑ଶ ଚ) (ଅ. 6)
ମା ନୋ॑ ହିଗ୍ମ୍ସୀଜ୍ଜନି॒ତା ୟଃ ପୃ॑ଥି॒ଵ୍ୟା ୟୋ ଵା॒ ଦିଵଗ୍ମ୍॑ ସ॒ତ୍ୟଧ॑ର୍ମା ଜ॒ଜାନ॑ । ୟଶ୍ଚା॒ପଶ୍ଚ॒ନ୍ଦ୍ରା ବୃ॑ହ॒ତୀର୍ଜ॒ଜାନ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ ଅ॒ଭ୍ୟାଵ॑ର୍ତସ୍ଵ ପୃଥିଵି ୟ॒ଜ୍ଞେନ॒ ପୟ॑ସା ସ॒ହ । ଵ॒ପା-ନ୍ତେ॑ ଅ॒ଗ୍ନିରି॑ଷି॒ତୋ-ଽଵ॑ ସର୍ପତୁ ॥ ଅଗ୍ନେ॒ ୟ-ତ୍ତେ॑ ଶୁ॒କ୍ରଂ-ୟଁଚ୍ଚ॒ନ୍ଦ୍ରଂ-ୟଁ-ତ୍ପୂ॒ତଂ-ୟଁ-ଦ୍ୟ॒ଜ୍ଞିୟ᳚ମ୍ । ତ-ଦ୍ଦେ॒ଵେଭ୍ୟୋ॑ ଭରାମସି ॥ ଇଷ॒ମୂର୍ଜ॑ମ॒ହମି॒ତ ଆ [ଆ, ଦ॒ଦ॒ ଋ॒ତସ୍ୟ॒ ଧାମ୍ନୋ॑] 29
ଦ॑ଦ ଋ॒ତସ୍ୟ॒ ଧାମ୍ନୋ॑ ଅ॒ମୃତ॑ସ୍ୟ॒ ୟୋନେଃ᳚ । ଆ ନୋ॒ ଗୋଷୁ॑ ଵିଶ॒ତ୍ଵୌଷ॑ଧୀଷୁ॒ ଜହା॑ମି ସେ॒ଦିମନି॑ରା॒ମମୀ॑ଵାମ୍ ॥ ଅଗ୍ନେ॒ ତଵ॒ ଶ୍ରଵୋ॒ ଵୟୋ॒ ମହି॑ ଭ୍ରାଜନ୍ତ୍ୟ॒ର୍ଚୟୋ॑ ଵିଭାଵସୋ । ବୃହ॑-ଦ୍ଭାନୋ॒ ଶଵ॑ସା॒ ଵାଜ॑ମୁ॒କ୍ଥ୍ୟ॑-ନ୍ଦଧା॑ସି ଦା॒ଶୁଷେ॑ କଵେ ॥ ଇ॒ର॒ଜ୍ୟନ୍ନ॑ଗ୍ନେ ପ୍ରଥୟସ୍ଵ ଜ॒ନ୍ତୁଭି॑ର॒ସ୍ମେ ରାୟୋ॑ ଅମର୍ତ୍ୟ । ସ ଦ॑ର୍ଶ॒ତସ୍ୟ॒ ଵପୁ॑ଷୋ॒ ଵି ରା॑ଜସି ପୃ॒ଣକ୍ଷି॑ ସାନ॒ସିଗ୍ମ୍ ର॒ୟିମ୍ ॥ ଊର୍ଜୋ॑ ନପା॒ଜ୍ଜାତ॑ଵେଦ-ସ୍ସୁଶ॒ସ୍ତିଭି॒-ର୍ମନ୍ଦ॑ସ୍ଵ [ ] 30
ଧୀ॒ତିଭି॑ର୍ହି॒ତଃ । ତ୍ଵେ ଇଷ॒-ସ୍ସ-ନ୍ଦ॑ଧୁ॒-ର୍ଭୂରି॑ରେତସ-ଶ୍ଚି॒ତ୍ରୋ ତ॑ୟୋ ଵା॒ମଜା॑ତାଃ ॥ ପା॒ଵ॒କଵ॑ର୍ଚା-ଶ୍ଶୁ॒କ୍ରଵ॑ର୍ଚା॒ ଅନୂ॑ନଵର୍ଚା॒ ଉଦି॑ୟର୍ଷି ଭା॒ନୁନା᳚ । ପୁ॒ତ୍ରଃ ପି॒ତରା॑ ଵି॒ଚର॒ନ୍ନୁପା॑ଵସ୍ୟୁ॒ଭେ ପୃ॑ଣକ୍ଷି॒ ରୋଦ॑ସୀ ॥ ଋ॒ତାଵା॑ନ-ମ୍ମହି॒ଷଂ-ଵିଁ॒ଶ୍ଵଚ॑ର୍ଷଣିମ॒ଗ୍ନିଗ୍ମ୍ ସୁ॒ମ୍ନାୟ॑ ଦଧିରେ ପୁ॒ରୋ ଜନାଃ᳚ । ଶ୍ରୁତ୍କ॑ର୍ଣଗ୍ମ୍ ସ॒ପ୍ରଥ॑ସ୍ତମ-ନ୍ତ୍ଵା ଗି॒ରା ଦୈଵ୍ୟ॒-ମ୍ମାନୁ॑ଷା ୟୁ॒ଗା ॥ ନି॒ଷ୍କ॒ର୍ତାର॑-ମଦ୍ଧ୍ଵ॒ରସ୍ୟ॒ ପ୍ରଚେ॑ତସ॒-ଙ୍କ୍ଷୟ॑ନ୍ତ॒ଗ୍ମ୍॒ ରାଧ॑ସେ ମ॒ହେ । ରା॒ତି-ମ୍ଭୃଗୂ॑ଣାମୁ॒ଶିଜ॑-ଙ୍କ॒ଵିକ୍ର॑ତୁ-ମ୍ପୃ॒ଣକ୍ଷି॑ ସାନ॒ସିଗ୍ମ୍ – [ସାନ॒ସିମ୍, ର॒ୟିମ୍ ।] 31
ର॒ୟିମ୍ ॥ ଚିତ॑-ସ୍ସ୍ଥ ପରି॒ଚିତ॑ ଊର୍ଧ୍ଵ॒ଚିତ॑-ଶ୍ଶ୍ରୟଦ୍ଧ୍ଵ॒-ନ୍ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା-ସ୍ସୀ॑ଦତ ॥ ଆ ପ୍ୟା॑ୟସ୍ଵ॒ ସମେ॑ତୁ ତେ ଵି॒ଶ୍ଵତ॑-ସ୍ସୋମ॒ ଵୃଷ୍ଣି॑ୟମ୍ । ଭଵା॒ ଵାଜ॑ସ୍ୟ ସଙ୍ଗ॒ଥେ ॥ ସ-ନ୍ତେ॒ ପୟାଗ୍ମ୍॑ସି॒ ସମୁ॑ ୟନ୍ତୁ॒ ଵାଜା॒-ସ୍ସଂ-ଵୃଁଷ୍ଣି॑ୟା-ନ୍ୟଭିମାତି॒ଷାହଃ॑ । ଆ॒ପ୍ୟାୟ॑ମାନୋ ଅ॒ମୃତା॑ୟ ସୋମ ଦି॒ଵି ଶ୍ରଵାଗ୍॑ସ୍ୟୁତ୍ତ॒ମାନି॑ ଧିଷ୍ଵ ॥ 32 ॥
(ଆ – ମନ୍ଦ॑ସ୍ଵ – ସାନ॒ସି – ମେକା॒ନ୍ନଚ॑ତ୍ଵାରି॒ଗ୍ମ୍॒ଶଚ୍ଚ॑) (ଅ. 7)
ଅ॒ଭ୍ୟ॑ସ୍ଥା॒-ଦ୍ଵିଶ୍ଵାଃ॒ ପୃତ॑ନା॒ ଅରା॑ତୀ॒ସ୍ତଦ॒ଗ୍ନିରା॑ହ॒ ତଦୁ॒ ସୋମ॑ ଆହ । ବୃହ॒ସ୍ପତି॑-ସ୍ସଵି॒ତା ତନ୍ମ॑ ଆହ ପୂ॒ଷା ମା॑-ଽଧା-ଥ୍ସୁକୃ॒ତସ୍ୟ॑ ଲୋ॒କେ ॥ ୟଦକ୍ର॑ନ୍ଦଃ ପ୍ରଥ॒ମ-ଞ୍ଜାୟ॑ମାନ ଉ॒ଦ୍ୟନ୍-ଥ୍ସ॑ମୁ॒ଦ୍ରାଦୁ॒ତ ଵା॒ ପୁରୀ॑ଷାତ୍ । ଶ୍ୟେ॒ନସ୍ୟ॑ ପ॒କ୍ଷା ହ॑ରି॒ଣସ୍ୟ॑ ବା॒ହୂ ଉପ॑ସ୍ତୁତ॒-ଞ୍ଜନି॑ମ॒ ତ-ତ୍ତେ॑ ଅର୍ଵନ୍ନ୍ ॥ ଅ॒ପା-ମ୍ପୃ॒ଷ୍ଠମ॑ସି॒ ୟୋନି॑ର॒ଗ୍ନେ-ସ୍ସ॑ମୁ॒ଦ୍ରମ॒ଭିତଃ॒ ପିନ୍ଵ॑ମାନମ୍ । ଵର୍ଧ॑ମାନ-ମ୍ମ॒ହ [ଵର୍ଧ॑ମାନ-ମ୍ମ॒ହଃ, ଆ ଚ॒ ପୁଷ୍କ॑ର-ନ୍ଦି॒ଵୋ] 33
ଆ ଚ॒ ପୁଷ୍କ॑ର-ନ୍ଦି॒ଵୋ ମାତ୍ର॑ୟା ଵରି॒ଣା ପ୍ର॑ଥସ୍ଵ ॥ ବ୍ରହ୍ମ॑ ଜଜ୍ଞା॒ନ-ମ୍ପ୍ର॑ଥ॒ମ-ମ୍ପୁ॒ରସ୍ତା॒ଦ୍ଵି ସୀ॑ମ॒ତ-ସ୍ସୁ॒ରୁଚୋ॑ ଵେ॒ନ ଆ॑ଵଃ । ସ ବୁ॒ଦ୍ଧ୍ନିୟା॑ ଉପ॒ମା ଅ॑ସ୍ୟ ଵି॒ଷ୍ଠା-ସ୍ସ॒ତଶ୍ଚ॒ ୟୋନି॒ମସ॑ତଶ୍ଚ॒ ଵିଵଃ॑ ॥ ହି॒ର॒ଣ୍ୟ॒ଗ॒ର୍ଭ-ସ୍ସମ॑ଵର୍ତ॒ତାଗ୍ରେ॑ ଭୂ॒ତସ୍ୟ॑ ଜା॒ତଃ ପତି॒ରେକ॑ ଆସୀତ୍ । ସ ଦା॑ଧାର ପୃଥି॒ଵୀ-ନ୍ଦ୍ୟାମୁ॒ତେମା-ଙ୍କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ ଦ୍ର॒ଫ୍ସଶ୍ଚ॑ସ୍କନ୍ଦ ପୃଥି॒ଵୀମନୁ॒- [ପୃଥି॒ଵୀମନୁ॑, ଦ୍ୟାମି॒ମ-ଞ୍ଚ॒] 34
-ଦ୍ୟାମି॒ମ-ଞ୍ଚ॒ ୟୋନି॒ମନୁ॒ ୟଶ୍ଚ॒ ପୂର୍ଵଃ॑ । ତୃ॒ତୀୟଂ॒-ୟୋଁନି॒ମନୁ॑ ସ॒ଞ୍ଚର॑ନ୍ତ-ନ୍ଦ୍ର॒ଫ୍ସ-ଞ୍ଜୁ॑ହୋ॒ମ୍ୟନୁ॑ ସ॒ପ୍ତ ହୋତ୍ରାଃ᳚ ॥ ନମୋ॑ ଅସ୍ତୁ ସ॒ର୍ପେଭ୍ୟୋ॒ ୟେ କେ ଚ॑ ପୃଥି॒ଵୀମନୁ॑ । ୟେ ଅ॒ନ୍ତରି॑କ୍ଷେ॒ ୟେ ଦି॒ଵି ତେଭ୍ୟ॑-ସ୍ସ॒ର୍ପେଭ୍ୟୋ॒ ନମଃ॑ ॥ ୟେ॑-ଽଦୋ ରୋ॑ଚ॒ନେ ଦି॒ଵୋ ୟେ ଵା॒ ସୂର୍ୟ॑ସ୍ୟ ର॒ଶ୍ମିଷୁ॑ । ୟେଷା॑ମ॒ଫ୍ସୁ ସଦଃ॑ କୃ॒ତ-ନ୍ତେଭ୍ୟ॑-ସ୍ସ॒ର୍ପେଭ୍ୟୋ॒ ନମଃ॑ ॥ ୟା ଇଷ॑ଵୋ ୟାତୁ॒ ଧାନା॑ନାଂ॒ ଁୟେ ଵା॒ ଵନ॒ସ୍ପତୀ॒ଗ୍ମ୍॒ରନୁ॑ । ୟେ ଵା॑-ଽଵ॒ଟେଷୁ॒ ଶେର॑ତେ॒ ତେଭ୍ୟ॑-ସ୍ସ॒ର୍ପେଭ୍ୟୋ॒ ନମଃ॑ ॥ 35 ॥
(ମ॒ହୋ – ଽନୁ॑ – ୟାତୁ॒ଧାନା॑ନା॒ – ମେକା॑ଦଶ ଚ) (ଅ. 8)
ଧ୍ରୁ॒ଵା-ଽସି॑ ଧ॒ରୁଣା-ଽସ୍ତୃ॑ତା ଵି॒ଶ୍ଵକ॑ର୍ମଣା॒ ସୁକୃ॑ତା । ମା ତ୍ଵା॑ ସମୁ॒ଦ୍ର ଉଦ୍ଵ॑ଧୀ॒ନ୍ମା ସୁ॑ପ॒ର୍ଣୋ ଵ୍ୟ॑ଥମାନା ପୃଥି॒ଵୀ-ନ୍ଦୃଗ୍ମ୍॑ହ ॥ ପ୍ର॒ଜାପ॑ତିସ୍ତ୍ଵା ସାଦୟତୁ ପୃଥି॒ଵ୍ୟାଃ ପୃ॒ଷ୍ଠେ ଵ୍ୟଚ॑ସ୍ଵତୀ॒-ମ୍ପ୍ରଥ॑ସ୍ଵତୀ॒-ମ୍ପ୍ରଥୋ॑-ଽସି ପୃଥି॒ଵ୍ୟ॑ସି॒ ଭୂର॑ସି॒ ଭୂମି॑ର॒ସ୍ୟଦି॑ତିରସି ଵି॒ଶ୍ଵଧା॑ୟା॒ ଵିଶ୍ଵ॑ସ୍ୟ॒ ଭୁଵ॑ନସ୍ୟ ଧ॒ର୍ତ୍ରୀ ପୃ॑ଥି॒ଵୀଂ-ୟଁ॑ଚ୍ଛ ପୃଥି॒ଵୀ-ନ୍ଦୃଗ୍ମ୍॑ହ ପୃଥି॒ଵୀ-ମ୍ମା ହିଗ୍ମ୍॑ସୀ॒ର୍ଵିଶ୍ଵ॑ସ୍ମୈ ପ୍ରା॒ଣାୟା॑ପା॒ନାୟ॑ ଵ୍ୟା॒ନାୟୋ॑ଦା॒ନାୟ॑ ପ୍ରତି॒ଷ୍ଠାୟୈ॑ [ପ୍ରତି॒ଷ୍ଠାୟୈ᳚, ଚ॒ରିତ୍ରା॑ୟା॒-] 36
ଚ॒ରିତ୍ରା॑ୟା॒-ଽଗ୍ନିସ୍ତ୍ଵା॒-ଽଭି ପା॑ତୁ ମ॒ହ୍ୟା ସ୍ଵ॒ସ୍ତ୍ୟା ଛ॒ର୍ଦିଷା॒ ଶନ୍ତ॑ମେନ॒ ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ କାଣ୍ଡା᳚-ତ୍କାଣ୍ଡା-ତ୍ପ୍ର॒ରୋହ॑ନ୍ତୀ॒ ପରୁ॑ଷଃପରୁଷଃ॒ ପରି॑ । ଏ॒ଵା ନୋ॑ ଦୂର୍ଵେ॒ ପ୍ର ତ॑ନୁ ସ॒ହସ୍ରେ॑ଣ ଶ॒ତେନ॑ ଚ ॥ ୟା ଶ॒ତେନ॑ ପ୍ରତ॒ନୋଷି॑ ସ॒ହସ୍ରେ॑ଣ ଵି॒ରୋହ॑ସି । ତସ୍ୟା᳚ସ୍ତେ ଦେଵୀଷ୍ଟକେ ଵି॒ଧେମ॑ ହ॒ଵିଷା॑ ଵ॒ୟମ୍ ॥ ଅଷା॑ଢା-ଽସି॒ ସହ॑ମାନା॒ ସହ॒ସ୍ଵାରା॑ତୀ॒-ସ୍ସହ॑ସ୍ଵାରାତୀୟ॒ତ-ସ୍ସହ॑ସ୍ଵ॒ ପୃତ॑ନା॒-ସ୍ସହ॑ସ୍ଵ ପୃତନ୍ୟ॒ତଃ । ସ॒ହସ୍ର॑ଵୀର୍ୟା- [ସ॒ହସ୍ର॑ଵୀର୍ୟା, ଅ॒ସି॒ ସା ମା॑ ଜିନ୍ଵ ।] 37
-ଽସି॒ ସା ମା॑ ଜିନ୍ଵ ॥ ମଧୁ॒ ଵାତା॑ ଋତାୟ॒ତେ ମଧୁ॑ କ୍ଷରନ୍ତି॒ ସିନ୍ଧ॑ଵଃ । ମାଦ୍ଧ୍ଵୀ᳚ର୍ନ-ସ୍ସ॒ନ୍ତ୍ଵୋଷ॑ଧୀଃ ॥ ମଧୁ॒ ନକ୍ତ॑ମୁ॒ତୋଷସି॒ ମଧୁ॑ମ॒-ତ୍ପାର୍ଥି॑ଵ॒ଗ୍ମ୍॒ ରଜଃ॑ । ମଧୁ॒ ଦ୍ୟୌର॑ସ୍ତୁ ନଃ ପି॒ତା ॥ ମଧୁ॑ମା-ନ୍ନୋ॒ ଵନ॒ସ୍ପତି॒-ର୍ମଧୁ॑ମାଗ୍ମ୍ ଅସ୍ତୁ॒ ସୂର୍ୟଃ॑ । ମାଦ୍ଧ୍ଵୀ॒ର୍ଗାଵୋ॑ ଭଵନ୍ତୁ ନଃ ॥ ମ॒ହୀ ଦ୍ୟୌଃ ପୃ॑ଥି॒ଵୀ ଚ॑ ନ ଇ॒ମଂ-ୟଁ॒ଜ୍ଞ-ମ୍ମି॑ମିକ୍ଷତାମ୍ । ପି॒ପୃ॒ତା-ନ୍ନୋ॒ ଭରୀ॑ମଭିଃ ॥ ତ-ଦ୍ଵିଷ୍ଣୋଃ᳚ ପର॒ମ- [ପର॒ମମ୍, ପ॒ଦଗ୍ମ୍ ସଦା॑ ପଶ୍ୟନ୍ତି] 38
-ମ୍ପ॒ଦଗ୍ମ୍ ସଦା॑ ପଶ୍ୟନ୍ତି ସୂ॒ରୟଃ॑ । ଦି॒ଵୀଵ॒ ଚକ୍ଷୁ॒ରାତ॑ତମ୍ ॥ ଧ୍ରୁ॒ଵା-ଽସି॑ ପୃଥିଵି॒ ସହ॑ସ୍ଵ ପୃତନ୍ୟ॒ତଃ । ସ୍ୟୂ॒ତା ଦେ॒ଵେଭି॑ର॒ମୃତେ॒ନା ଽଽଗାଃ᳚ ॥ ୟାସ୍ତେ॑ ଅଗ୍ନେ॒ ସୂର୍ୟେ॒ ରୁଚ॑ ଉଦ୍ୟ॒ତୋ ଦିଵ॑ମାତ॒ନ୍ଵନ୍ତି॑ ର॒ଶ୍ମିଭିଃ॑ । ତାଭି॒-ସ୍ସର୍ଵା॑ଭୀ ରୁ॒ଚେ ଜନା॑ୟ ନସ୍କୃଧି ॥ ୟା ଵୋ॑ ଦେଵା॒-ସ୍ସୂର୍ୟେ॒ ରୁଚୋ॒ ଗୋଷ୍ଵଶ୍ଵେ॑ଷୁ॒ ୟା ରୁଚଃ॑ । ଇନ୍ଦ୍ରା᳚ଗ୍ନୀ॒ ତାଭି॒-ସ୍ସର୍ଵା॑ଭୀ॒ ରୁଚ॑-ନ୍ନୋ ଧତ୍ତ ବୃହସ୍ପତେ ॥ ଵି॒ରା- [ଵି॒ରାଟ୍, ଜ୍ୟୋତି॑ରଧାରୟ-] 39
-ଡ୍ଜ୍ୟୋତି॑ରଧାରୟ-ଥ୍ସ॒ମ୍ରା-ଡ୍ଜ୍ୟୋତି॑ରଧାରୟ-ଥ୍ସ୍ଵ॒ରା-ଡ୍ଜ୍ୟୋତି॑ରଧାରୟତ୍ ॥ ଅଗ୍ନେ॑ ୟୁ॒କ୍ଷ୍ଵା ହି ୟେ ତଵାଶ୍ଵା॑ସୋ ଦେଵ ସା॒ଧଵଃ॑ । ଅରଂ॒-ଵଁହ॑ନ୍ତ୍ୟା॒ଶଵଃ॑ ॥ ୟୁ॒କ୍ଷ୍ଵା ହି ଦେ॑ଵ॒ହୂତ॑ମା॒ଗ୍ମ୍॒ ଅଶ୍ଵାଗ୍ମ୍॑ ଅଗ୍ନେ ର॒ଥୀରି॑ଵ । ନି ହୋତା॑ ପୂ॒ର୍ଵ୍ୟ-ସ୍ସ॑ଦଃ ॥ ଦ୍ର॒ଫ୍ସଶ୍ଚ॑ସ୍କନ୍ଦ ପୃଥି॒ଵୀମନୁ॒ ଦ୍ୟାମି॒ମ-ଞ୍ଚ॒ ୟୋନି॒ମନୁ॒ ୟଶ୍ଚ॒ ପୂର୍ଵଃ॑ । ତୃ॒ତୀୟଂ॒-ୟୋଁନି॒ମନୁ॑ ସ॒ଞ୍ଚର॑ନ୍ତ-ନ୍ଦ୍ର॒ଫ୍ସ-ଞ୍ଜୁ॑ହୋ॒ମ୍ୟନୁ॑ ସ॒ପ୍ତ [ ] 40
ହୋତ୍ରାଃ᳚ ॥ ଅଭୂ॑ଦି॒ଦଂ-ଵିଁଶ୍ଵ॑ସ୍ୟ॒ ଭୁଵ॑ନସ୍ୟ॒ ଵାଜି॑ନମ॒ଗ୍ନେ-ର୍ଵୈ᳚ଶ୍ଵାନ॒ରସ୍ୟ॑ ଚ । ଅ॒ଗ୍ନିର୍ଜ୍ୟୋତି॑ଷା॒ ଜ୍ୟୋତି॑ଷ୍ମା-ନ୍ରୁ॒କ୍ମୋ ଵର୍ଚ॑ସା॒ ଵର୍ଚ॑ସ୍ଵାନ୍ ॥ ଋ॒ଚେ ତ୍ଵା॑ ରୁ॒ଚେ ତ୍ଵା॒ ସମି-ଥ୍ସ୍ର॑ଵନ୍ତି ସ॒ରିତୋ॒ ନ ଧେନାଃ᳚ । ଅ॒ନ୍ତର୍ହୃ॒ଦା ମନ॑ସା ପୂ॒ୟମା॑ନାଃ ॥ ଘୃ॒ତସ୍ୟ॒ ଧାରା॑ ଅ॒ଭି ଚା॑କଶୀମି । ହି॒ର॒ଣ୍ୟୟୋ॑ ଵେତ॒ସୋ ମଦ୍ଧ୍ୟ॑ ଆସାମ୍ ॥ ତସ୍ମିନ୍᳚ଥ୍ସୁପ॒ର୍ଣୋ ମ॑ଧୁ॒କୃ-ତ୍କୁ॑ଲା॒ୟୀ ଭଜ॑ନ୍ନାସ୍ତେ॒ ମଧୁ॑ ଦେ॒ଵତା᳚ଭ୍ୟଃ । ତସ୍ୟା॑ ସ ତେ॒ ହର॑ୟ-ସ୍ସ॒ପ୍ତ ତୀରେ᳚ ସ୍ଵ॒ଧା-ନ୍ଦୁହା॑ନା ଅ॒ମୃତ॑ସ୍ୟ॒ ଧାରା᳚ମ୍ ॥ 41 ॥
(ପ୍ର॒ତି॒ଷ୍ଠାୟୈ॑ – ସ॒ହସ୍ର॑ଵୀର୍ୟା – ପର॒ମଂ – ଁଵି॒ରାଟ୍ଥ୍ – ସ॒ପ୍ତ – ତୀରେ॑ – ଚ॒ତ୍ଵାରି॑ ଚ) (ଅ. 9)
ଆ॒ଦି॒ତ୍ୟ-ଙ୍ଗର୍ଭ॒-ମ୍ପୟ॑ସା ସମ॒ଞ୍ଜନ୍-ଥ୍ସ॒ହସ୍ର॑ସ୍ୟ ପ୍ରତି॒ମାଂ-ଵିଁ॒ଶ୍ଵରୂ॑ପମ୍ । ପରି॑ ଵୃଙ୍ଗ୍ଧି॒ ହର॑ସା॒ ମା-ଽଭି ମୃ॑କ୍ଷ-ଶ୍ଶ॒ତାୟୁ॑ଷ-ଙ୍କୃଣୁହି ଚୀ॒ୟମା॑ନଃ ॥ ଇ॒ମ-ମ୍ମା ହିଗ୍ମ୍॑ସୀର୍ଦ୍ଵି॒ପାଦ॑-ମ୍ପଶୂ॒ନାଗ୍ମ୍ ସହ॑ସ୍ରାକ୍ଷ॒ ମେଧ॒ ଆ ଚୀ॒ୟମା॑ନଃ । ମ॒ୟୁମା॑ର॒ଣ୍ୟମନୁ॑ ତେ ଦିଶାମି॒ ତେନ॑ ଚିନ୍ଵା॒ନସ୍ତ॒ନୁଵୋ॒ ନି ଷୀ॑ଦ ॥ ଵାତ॑ସ୍ୟ॒ ଧ୍ରାଜିଂ॒-ଵଁରୁ॑ଣସ୍ୟ॒ ନାଭି॒ମଶ୍ଵ॑-ଞ୍ଜଜ୍ଞା॒ନଗ୍ମ୍ ସ॑ରି॒ରସ୍ୟ॒ ମଦ୍ଧ୍ୟେ᳚ । ଶିଶୁ॑-ନ୍ନ॒ଦୀନା॒ଗ୍ମ୍॒ ହରି॒ମଦ୍ରି॑ବୁଦ୍ଧ॒ମଗ୍ନେ॒ ମା ହିଗ୍ମ୍॑ସୀଃ [ମା ହିଗ୍ମ୍॑ସୀଃ, ପ॒ର॒ମେ ଵ୍ୟୋ॑ମନ୍ନ୍ ।] 42
ପର॒ମେ ଵ୍ୟୋ॑ମନ୍ନ୍ ॥ ଇ॒ମ-ମ୍ମା ହିଗ୍ମ୍॑ସୀ॒ରେକ॑ଶଫ-ମ୍ପଶୂ॒ନା-ଙ୍କ॑ନିକ୍ର॒ଦଂ-ଵାଁ॒ଜିନଂ॒-ଵାଁଜି॑ନେଷୁ । ଗୌ॒ରମା॑ର॒ଣ୍ୟମନୁ॑ ତେ ଦିଶାମି॒ ତେନ॑ ଚିନ୍ଵା॒ନସ୍ତ॒ନୁଵୋ॒ ନି ଷୀ॑ଦ ॥ ଅଜ॑ସ୍ର॒ମିନ୍ଦୁ॑ମରୁ॒ଷ-ମ୍ଭୁ॑ର॒ଣ୍ୟୁମ॒ଗ୍ନିମୀ॑ଡେ ପୂ॒ର୍ଵଚି॑ତ୍ତୌ॒ ନମୋ॑ଭିଃ । ସ ପର୍ଵ॑ଭିର୍-ଋତୁ॒ଶଃ କଲ୍ପ॑ମାନୋ॒ ଗା-ମ୍ମା ହିଗ୍ମ୍॑ସୀ॒ରଦି॑ତିଂ-ଵିଁ॒ରାଜ᳚ମ୍ ॥ ଇ॒ମଗ୍ମ୍ ସ॑ମୁ॒ଦ୍ରଗ୍ମ୍ ଶ॒ତଧା॑ର॒ମୁ-ଥ୍ସଂ॑-ଵ୍ୟଁ॒ଚ୍ୟମା॑ନ॒-ମ୍ଭୁଵ॑ନସ୍ୟ॒ ମଦ୍ଧ୍ୟେ᳚ । ଘୃ॒ତ-ନ୍ଦୁହା॑ନା॒-ମଦି॑ତି॒-ଞ୍ଜନା॒ୟାଗ୍ନେ॒ ମା [-ମଦି॑ତି॒-ଞ୍ଜନା॒ୟାଗ୍ନେ॒ ମା, ହି॒ଗ୍ମ୍॒ସୀଃ॒ ପ॒ର॒ମେ ଵ୍ୟୋ॑ମନ୍ନ୍ ।] 43
ହିଗ୍ମ୍॑ସୀଃ ପର॒ମେ ଵ୍ୟୋ॑ମନ୍ନ୍ । ଗ॒ଵ॒ୟମା॑ର॒ଣ୍ୟମନୁ॑ ତେ ଦିଶାମି॒ ତେନ॑ ଚିନ୍ଵା॒ନସ୍ତ॒ନୁଵୋ॒ ନି ଷୀ॑ଦ ॥ ଵରୂ᳚ତ୍ରି॒-ନ୍ତ୍ଵଷ୍ଟୁ॒ର୍ଵରୁ॑ଣସ୍ୟ॒ ନାଭି॒ମଵି॑-ଞ୍ଜଜ୍ଞା॒ନାଗ୍ମ୍ ରଜ॑ସଃ॒ ପର॑ସ୍ମାତ୍ । ମ॒ହୀଗ୍ମ୍ ସା॑ହ॒ସ୍ରୀମସୁ॑ରସ୍ୟ ମା॒ୟାମଗ୍ନେ॒ ମା ହିଗ୍ମ୍॑ସୀଃ ପର॒ମେ ଵ୍ୟୋ॑ମନ୍ନ୍ ॥ ଇ॒ମାମୂ᳚ର୍ଣା॒ୟୁଂ-ଵଁରୁ॑ଣସ୍ୟ ମା॒ୟା-ନ୍ତ୍ଵଚ॑-ମ୍ପଶୂ॒ନା-ନ୍ଦ୍ଵି॒ପଦା॒-ଞ୍ଚତୁ॑ଷ୍ପଦାମ୍ । ତ୍ଵଷ୍ଟୁଃ॑ ପ୍ର॒ଜାନା᳚-ମ୍ପ୍ରଥ॒ମ-ଞ୍ଜ॒ନିତ୍ର॒ମଗ୍ନେ॒ ମା ହିଗ୍ମ୍॑ସୀଃ ପର॒ମେ ଵ୍ୟୋ॑ମନ୍ନ୍ । ଉଷ୍ଟ୍ର॑ମାର॒ଣ୍ୟମନୁ॑ [ଉଷ୍ଟ୍ର॑ମାର॒ଣ୍ୟମନୁ॑, ତେ॒ ଦି॒ଶା॒ମି॒ ତେନ॑] 44
ତେ ଦିଶାମି॒ ତେନ॑ ଚିନ୍ଵା॒ନସ୍ତ॒ନୁଵୋ॒ ନି ଷୀ॑ଦ ॥ ୟୋ ଅ॒ଗ୍ନିର॒ଗ୍ନେସ୍ତ-ପ॒ସୋ-ଽଧି॑ ଜା॒ତ-ଶ୍ଶୋଚା᳚-ତ୍ପୃଥି॒ଵ୍ୟା ଉ॒ତ ଵା॑ ଦି॒ଵସ୍ପରି॑ । ୟେନ॑ ପ୍ର॒ଜା ଵି॒ଶ୍ଵକ॑ର୍ମା॒ ଵ୍ୟାନ॒-ଟ୍ତମ॑ଗ୍ନେ॒ ହେଡଃ॒ ପରି॑ ତେ ଵୃଣକ୍ତୁ ॥ ଅ॒ଜା ହ୍ୟ॑ଗ୍ନେରଜ॑ନିଷ୍ଟ॒ ଗର୍ଭା॒-ଥ୍ସା ଵା ଅ॑ପଶ୍ୟଜ୍ଜନି॒ତାର॒ମଗ୍ରେ᳚ । ତୟା॒ ରୋହ॑ମାୟ॒ନ୍ନୁପ॒ ମେଦ୍ଧ୍ୟା॑ସ॒ସ୍ତୟା॑ ଦେ॒ଵା ଦେ॒ଵତା॒ମଗ୍ର॑ ଆୟନ୍ନ୍ । ଶ॒ର॒ଭ-( )-ମା॑ର॒ଣ୍ୟମନୁ॑ ତେ ଦିଶାମି॒ ତେନ॑ ଚିନ୍ଵା॒ନସ୍ତ॒ନୁଵୋ॒ ନିଷୀ॑ଦ ॥ 45 ॥
(ଅଗ୍ନେ॒ ମା ହିଗ୍ମ୍॑ସୀ॒ – ରଗ୍ନେ॒ ମୋଷ୍ଟ୍ର॑ମା – ର॒ଣ୍ୟମନୁ॑ – ଶର॒ଭନ୍ – ନଵ॑ ଚ) (ଅ. 10)
(ଆ॒ଦି॒ତ୍ୟ ମି॒ମନ୍ଦ୍ଵି॒ପାଦେ॑ ମ॒ୟୁଂ-ଵାଁତ॒ସ୍ୟା ଽଶ୍ଵ॑ ମି॒ମ ମେକ॑ଶଫ ଙ୍ଗୌ॒ରମ ଜ॑ସ୍ରଙ୍ଗଵ॒ୟଂ-ଵଁରୂ᳚ତ୍ରି॒ ମଵି॑ ମି॒ମାମୂ᳚ର୍ଣା॒ର୍ୟୁ ମୁଷ୍ଟ୍ରଂ॒-ୟୋଁ ଅ॒ଗ୍ନି-ଶ୍ଶ॑ର॒ଭଂ )
ଇନ୍ଦ୍ରା᳚ଗ୍ନୀ ରୋଚ॒ନା ଦି॒ଵଃ ପରି॒ ଵାଜେ॑ଷୁ ଭୂଷଥଃ । ତଦ୍ଵା᳚-ଞ୍ଚେତି॒ ପ୍ରଵୀ॒ର୍ୟ᳚ମ୍ ॥ ଶ୍ଞଥ॑-ଦ୍ଵୃ॒ତ୍ରମୁ॒ତ ସ॑ନୋତି॒ ଵାଜ॒ମିନ୍ଦ୍ରା॒ ୟୋ ଅ॒ଗ୍ନୀ ସହୁ॑ରୀ ସପ॒ର୍ୟାତ୍ । ଇ॒ର॒ଜ୍ୟନ୍ତା॑ ଵସ॒ଵ୍ୟ॑ସ୍ୟ॒ ଭୂରେ॒-ସ୍ସହ॑ସ୍ତମା॒ ସହ॑ସା ଵାଜ॒ୟନ୍ତା᳚ ॥ ପ୍ର ଚ॑ର୍ଷ॒ଣିଭ୍ୟଃ॑ ପୃତନା॒ ହଵେ॑ଷୁ॒ ପ୍ର ପୃ॑ଥି॒ଵ୍ୟା ରି॑ରିଚାଥେ ଦି॒ଵଶ୍ଚ॑ । ପ୍ର ସିନ୍ଧୁ॑ଭ୍ୟଃ॒ ପ୍ରଗି॒ରିଭ୍ୟୋ॑ ମହି॒ତ୍ଵା ପ୍ରେନ୍ଦ୍ରା᳚ଗ୍ନୀ॒ ଵିଶ୍ଵା॒ ଭୁଵ॒ନା-ଽତ୍ୟ॒ନ୍ୟା ॥ ମରୁ॑ତୋ॒ ୟସ୍ୟ॒ ହି [ ] 46
କ୍ଷୟେ॑ ପା॒ଥା ଦି॒ଵୋ ଵି॑ମହସଃ । ସ ସୁ॑ଗୋ॒ପାତ॑ମୋ॒ ଜନଃ॑ ॥ ୟ॒ଜ୍ଞୈର୍ଵା॑ ୟଜ୍ଞଵାହସୋ॒ ଵିପ୍ର॑ସ୍ୟ ଵା ମତୀ॒ନାମ୍ । ମରୁ॑ତ-ଶ୍ଶୃଣୁ॒ତା ହଵ᳚ମ୍ ॥ ଶ୍ରି॒ୟସେ॒ କ-ମ୍ଭା॒ନୁଭି॒-ସ୍ସ-ମ୍ମି॑ମିକ୍ଷିରେ॒ ତେ ର॒ଶ୍ମିଭି॒ସ୍ତ ଋକ୍ଵ॑ଭି-ସ୍ସୁଖା॒ଦୟଃ॑ । ତେ ଵାଶୀ॑ମନ୍ତ ଇ॒ଷ୍ମିଣୋ॒ ଅଭୀ॑ରଵୋ ଵି॒ଦ୍ରେ ପ୍ରି॒ୟସ୍ୟ॒ ମାରୁ॑ତସ୍ୟ॒ ଧାମ୍ନଃ॑ ॥ ଅଵ॑ ତେ॒ ହେଡ॒, ଉଦୁ॑ତ୍ତ॒ମମ୍ ॥ କୟା॑ ନଶ୍ଚି॒ତ୍ର ଆ ଭୁ॑ଵଦୂ॒ତୀ ସ॒ଦା ଵୃ॑ଧ॒-ସ୍ସଖା᳚ । କୟା॒ ଶଚି॑ଷ୍ଠୟା ଵୃ॒ତା ॥ 47 ॥
କୋ ଅ॒ଦ୍ୟ ୟୁ॑ଙ୍କ୍ତେ ଧୁ॒ରି ଗା ଋ॒ତସ୍ୟ॒ ଶିମୀ॑ଵତୋ ଭା॒ମିନୋ॑ ଦୁର୍ହୃଣା॒ୟୂନ୍ । ଆ॒ସନ୍ନି॑ଷୂନ୍. ହୃ॒ଥ୍ସ୍ଵସୋ॑ ମୟୋ॒ଭୂନ୍. ୟ ଏ॑ଷା-ମ୍ଭୃ॒ତ୍ୟାମୃ॒ଣଧ॒-ଥ୍ସ ଜୀ॑ଵାତ୍ ॥ ଅଗ୍ନେ॒ ନୟା, ଽଽଦେ॒ଵାନା॒ଗ୍ମ୍॒ ଶନ୍ନୋ॑ ଭଵନ୍ତୁ॒, ଵାଜେ॑ଵାଜେ। ଅ॒ଫ୍ସ୍ଵ॑ଗ୍ନେ॒ ସଧି॒ଷ୍ଟଵ॒ ସୌଷ॑ଧୀ॒ରନୁ॑ ରୁଦ୍ଧ୍ୟସେ । ଗର୍ଭେ॒ ସଞ୍ଜା॑ୟସେ॒ ପୁନଃ॑ ॥ ଵୃଷା॑ ସୋମ ଦ୍ୟୁ॒ମାଗ୍ମ୍ ଅ॑ସି॒ ଵୃଷା॑ ଦେଵ॒ ଵୃଷ॑ଵ୍ରତଃ । ଵୃଷା॒ ଧର୍ମା॑ଣି ଦଧିଷେ ॥ ଇ॒ମ-ମ୍ମେ॑ ଵରୁଣ॒ , ତତ୍ତ୍ଵା॑ ୟାମି॒ତ୍ଵ-ନ୍ନୋ॑ ଅଗ୍ନେ॒ସ ତ୍ଵ-ନ୍ନୋ॑ ଅଗ୍ନେ ॥ 48 ॥
(ହି – ଵୃ॒ତା – ମ॒ – ଏକା॑ଦଶ ଚ ) (ଅ. 11)
(ଵିଷ୍ଣୋଃ॒ କ୍ରମୋ॑-ଽସି – ଦି॒ଵସ୍ପ – ର୍ୟନ୍ନ॑ପ॒ତେ – ଽପେ॑ତ॒ – ସମି॑ତଂ॒ – ଁୟା ଜା॒ତା – ମା ନୋ॑ ହିଗ୍ମ୍ସୀ – ଦ॒ଭ୍ୟ॑ସ୍ଥା-ଦ୍- ଧ୍ରୁ॒ଵା – ଽସ୍ୟା॑ଦି॒ତ୍ୟଙ୍ଗର୍ଭ॒ – ମିନ୍ଦ୍ରା᳚ଗ୍ନୀ ରୋଚ॒ – ନୈକା॑ଦଶ )
(ଵିଷ୍ଣୋ॑ – ରସ୍ମିନ୍. ହ॒ଵ୍ୟେ – ତି॑ ତ୍ଵା॒-ଽହଂ – ଧୀ॒ତିଭି॒ – ର୍ହୋତ୍ରା॑ – ଅ॒ଷ୍ଟାଚ॑ତ୍ଵାରିଗ୍ମ୍ଶତ୍)
(ଵିଷ୍ଣୋଃ॒ କ୍ରମୋ॑-ଽସି॒, ତ୍ଵନ୍ନୋ॑ ଅଗ୍ନେ॒ ସ ତ୍ଵନ୍ନୋ॑ ଅଗ୍ନେ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ଞ୍ଚତୁର୍ଥ କାଣ୍ଡେ ଦ୍ଵିତୀୟଃ ପ୍ରଶ୍ନ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 4.2 - ଵିଷ୍ଣୋଃ କ୍ରମୋସ୍ୟଭିମାତିହା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
4.2 - ଵିଷ୍ଣୋଃ କ୍ରମୋସ୍ୟଭିମାତିହା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 4.2 - ଵିଷ୍ଣୋଃ କ୍ରମୋସ୍ୟଭିମାତିହା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 4.2 - ଵିଷ୍ଣୋଃ କ୍ରମୋସ୍ୟଭିମାତିହା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.