3.5 – ପୂର୍ଣା ପଶ୍ଚାଦୁତ ପୂର୍ଣା – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ନ୍ତୃତୀୟକାଣ୍ଡେ ପଞ୍ଚମଃ ପ୍ରଶ୍ନଃ – ଇଷ୍ଟିଶେଷାଭିଧାନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ପୂ॒ର୍ଣା ପ॒ଶ୍ଚାଦୁ॒ତ ପୂ॒ର୍ଣା ପୁ॒ରସ୍ତା॒ଦୁ-ନ୍ମ॑ଦ୍ଧ୍ୟ॒ତଃ ପୌ᳚ର୍ଣମା॒ସୀ ଜି॑ଗାୟ । ତସ୍ୟା᳚-ନ୍ଦେ॒ଵା ଅଧି॑ ସଂ॒ଵଁସ॑ନ୍ତ ଉତ୍ତ॒ମେ ନାକ॑ ଇ॒ହ ମା॑ଦୟନ୍ତାମ୍ ॥ ୟତ୍ତେ॑ ଦେ॒ଵା ଅଦ॑ଧୁ ର୍ଭାଗ॒ଧେୟ॒ମମା॑ଵାସ୍ୟେ ସଂ॒ଵଁସ॑ନ୍ତୋ ମହି॒ତ୍ଵା । ସାନୋ॑ ୟ॒ଜ୍ଞ-ମ୍ପି॑ପୃହି ଵିଶ୍ଵଵାରେ ର॒ୟି-ନ୍ନୋ॑ ଧେହି ସୁଭଗେ ସୁ॒ଵୀର᳚ମ୍ ॥ନି॒ଵେଶ॑ନୀ ସ॒ଙ୍ଗମ॑ନୀ॒ ଵସୂ॑ନାଂ॒-ଵିଁଶ୍ଵା॑ ରୂ॒ପାଣି॒ ଵସୂ᳚ନ୍ୟାଵେ॒ଶୟ॑ନ୍ତୀ । ସ॒ହ॒ସ୍ର॒ପୋ॒ଷଗ୍ମ୍ ସୁ॒ଭଗା॒ ରରା॑ଣା॒ ସା ନ॒ ଆଗ॒ନ୍. ଵର୍ଚ॑ସା [ଆଗ॒ନ୍. ଵର୍ଚ॑ସା, ସଂ॒ଵିଁ॒ଦା॒ନା ।] 1
ସଂଵିଁଦା॒ନା ॥ ଅଗ୍ନୀ॑ଷୋମୌ ପ୍ରଥ॒ମୌ ଵୀ॒ର୍ୟେ॑ଣ॒ ଵସୂ᳚-ନ୍ରୁ॒ଦ୍ରାନା॑ଦି॒ତ୍ୟାନି॒ହ ଜି॑ନ୍ଵତମ୍ । ମା॒ଦ୍ଧ୍ୟଗ୍ମ୍ ହି ପୌ᳚ର୍ଣମା॒ସ-ଞ୍ଜୁ॒ଷେଥା॒-ମ୍ବ୍ରହ୍ମ॑ଣା ଵୃ॒ଦ୍ଧୌ ସୁ॑କୃ॒ତେନ॑ ସା॒ତାଵଥା॒-ଽସ୍ମଭ୍ୟଗ୍ମ୍॑ ସ॒ହଵୀ॑ରାଗ୍ମ୍ ର॒ୟି-ନ୍ନି ୟ॑ଚ୍ଛତମ୍ ॥ ଆ॒ଦି॒ତ୍ୟାଶ୍ଚା-ଽଙ୍ଗି॑ରସଶ୍ଚା॒ଗ୍ନୀନା-ଽଦ॑ଧତ॒ ତେ ଦ॑ର୍ଶପୂର୍ଣମା॒ସୌ ପ୍ରୈଫ୍ସ॒-ନ୍ତେଷା॒ମଙ୍ଗି॑ରସା॒-ନ୍ନିରୁ॑ପ୍ତଗ୍ମ୍ ହ॒ଵିରାସୀ॒ଦଥା॑-ଽଽଦି॒ତ୍ୟା ଏ॒ତୌ ହୋମା॑ଵପଶ୍ୟ॒-ନ୍ତାଵ॑ଜୁହଵୁ॒ସ୍ତତୋ॒ ଵୈ ତେ ଦ॑ର୍ଶପୂର୍ଣମା॒ସୌ [ ] 2
ପୂର୍ଵ॒ ଆ ଽଲ॑ଭନ୍ତ ଦର୍ଶପୂର୍ଣମା॒ସା-ଵା॒ଲଭ॑ମାନ ଏ॒ତୌ ହୋମୌ॑ ପୁ॒ରସ୍ତା᳚ଜ୍ଜୁହୁୟା-ଥ୍ସା॒କ୍ଷାଦେ॒ଵ ଦ॑ର୍ଶପୂର୍ଣମା॒ସାଵା ଲ॑ଭତେ ବ୍ରହ୍ମଵା॒ଦିନୋ॑ ଵଦନ୍ତି॒ ସ ତ୍ଵୈ ଦ॑ର୍ଶପୂର୍ଣମା॒ସାଵା ଲ॑ଭେତ॒ ୟ ଏ॑ନୟୋରନୁ-ଲୋ॒ମଞ୍ଚ॑ ପ୍ରତିଲୋ॒ମଞ୍ଚ॑ ଵି॒ଦ୍ୟାଦିତ୍ୟ॑ମାଵା॒ସ୍ୟା॑ୟା ଊ॒ର୍ଧ୍ଵ-ନ୍ତଦ॑ନୁଲୋ॒ମ-ମ୍ପୌ᳚ର୍ଣମା॒ସ୍ୟୈ ପ୍ର॑ତୀ॒ଚୀନ॒-ନ୍ତ-ତ୍ପ୍ର॑ତିଲୋ॒ମଂ-ୟଁ-ତ୍ପୌ᳚ର୍ଣମା॒ସୀ-ମ୍ପୂର୍ଵା॑ମା॒ଲଭେ॑ତ ପ୍ରତିଲୋ॒ମମେ॑ନା॒ଵା ଲ॑ଭେତା॒-ମୁମ॑ପ॒କ୍ଷୀୟ॑ମାଣ॒-ମନ୍ଵପ॑- [-ମନ୍ଵପ॑, କ୍ଷୀ॒ୟେ॒ତ॒ ସା॒ର॒ସ୍ଵ॒ତୌ ହୋମୌ॑] 3
-କ୍ଷୀୟେତ ସାରସ୍ଵ॒ତୌ ହୋମୌ॑ ପୁ॒ରସ୍ତା᳚ଜ୍ଜୁହୁୟାଦମାଵା॒ସ୍ୟା॑ ଵୈ ସର॑ସ୍ଵତ୍ୟନୁଲୋ॒ମ-ମେ॒ଵୈନା॒ଵା ଲ॑ଭତେ॒ ଽମୁମା॒ପ୍ୟାୟ॑ମାନ॒ମନ୍ଵା ପ୍ୟା॑ୟତ ଆଗ୍ନାଵୈଷ୍ଣ॒ଵ-ମେକା॑ଦଶକପାଲ-ମ୍ପୁ॒ରସ୍ତା॒ନ୍ନିର୍ଵ॑ପେ॒-ଥ୍ସର॑ସ୍ଵତ୍ୟୈ ଚ॒ରୁଗ୍ମ୍ ସର॑ସ୍ଵତେ॒ ଦ୍ଵାଦ॑ଶକପାଲଂ॒-ୟଁଦା᳚ଗ୍ନେ॒ୟୋ ଭଵ॑ତ୍ୟ॒ଗ୍ନିର୍ଵୈ ୟ॑ଜ୍ଞମୁ॒ଖଂ-ୟଁ॑ଜ୍ଞମୁ॒ଖମେ॒ଵର୍ଧି॑-ମ୍ପୁ॒ରସ୍ତା᳚-ଦ୍ଧତ୍ତେ॒ ୟ-ଦ୍ଵୈ᳚ଷ୍ଣ॒ଵୋ ଭଵ॑ତି ୟ॒ଜ୍ଞୋ ଵୈ ଵିଷ୍ଣୁ॑ର୍ୟ॒ଜ୍ଞମେ॒ଵା-ଽଽରଭ୍ୟ॒ ପ୍ରତ॑ନୁତେ॒ ସର॑ସ୍ଵତ୍ୟୈ ଚ॒ରୁର୍ଭ॑ଵତି॒ ସର॑ସ୍ଵତେ॒ ଦ୍ଵାଦ॑ଶକପାଲୋ-ଽମାଵା॒ସ୍ୟା॑ ଵୈ ସର॑ସ୍ଵତୀ ପୂ॒ର୍ଣମା॑ସ॒-ସ୍ସର॑ସ୍ଵା॒-ନ୍ତାଵେ॒ଵ ସା॒କ୍ଷାଦା ର॑ଭତ ଋ॒ଦ୍ଧ୍ନୋତ୍ୟା᳚ଭ୍ୟା॒-ନ୍ଦ୍ଵାଦ॑ଶକପାଲ॒-ସ୍ସର॑ସ୍ଵତେ ଭଵତି ମିଥୁନ॒ତ୍ଵାୟ॒ ପ୍ରଜା᳚ତ୍ୟୈ ମିଥୁ॒ନୌ ଗାଵୌ॒ ଦକ୍ଷି॑ଣା॒ ସମୃ॑ଦ୍ଧ୍ୟୈ ॥ 4 ॥
(ଵର୍ଚ॑ସା॒ – ଵୈ ତେ ଦ॑ର୍ଶପୂର୍ଣମା॒ସା – ଵପ॑ – ତନୁତେ॒ ସର॑ସ୍ଵତ୍ୟୈ॒ – ପଞ୍ଚ॑ଵିଗ୍ମ୍ଶତିଶ୍ଚ) (ଅ. 1)
ଋଷ॑ୟୋ॒ ଵା ଇନ୍ଦ୍ର॑-ମ୍ପ୍ର॒ତ୍ୟକ୍ଷ॒-ନ୍ନାପ॑ଶ୍ୟ॒-ନ୍ତଂ-ଵଁସି॑ଷ୍ଠଃ ପ୍ର॒ତ୍ୟକ୍ଷ॑ମପଶ୍ୟ॒-ଥ୍ସୋ᳚-ଽବ୍ରଵୀ॒-ଦ୍ବ୍ରାହ୍ମ॑ଣ-ନ୍ତେ ଵକ୍ଷ୍ୟାମି॒ ୟଥା॒ ତ୍ଵତ୍ପୁ॑ରୋହିତାଃ ପ୍ର॒ଜାଃ ପ୍ର॑ଜନି॒ଷ୍ୟନ୍ତେ-ଽଥ॒ ମେତ॑ରେଭ୍ୟ॒ ଋଷି॑ଭ୍ୟୋ॒ ମା ପ୍ରଵୋ॑ଚ॒ ଇତି॒ ତସ୍ମା॑ ଏ॒ତାନ୍ଥ୍ସ୍ତୋମ॑-ଭାଗାନବ୍ରଵୀ॒-ତ୍ତତୋ॒ ଵସି॑ଷ୍ଠପୁରୋହିତାଃ ପ୍ର॒ଜାଃ ପ୍ରାଜା॑ୟନ୍ତ॒ ତସ୍ମା᳚-ଦ୍ଵାସି॒ଷ୍ଠୋ ବ୍ର॒ହ୍ମା କା॒ର୍ୟଃ॑ ପ୍ରୈଵ ଜା॑ୟତେ ର॒ଶ୍ମିର॑ସି॒ କ୍ଷୟା॑ୟ ତ୍ଵା॒ କ୍ଷୟ॑-ଞ୍ଜି॒ନ୍ଵେ- [କ୍ଷୟ॑-ଞ୍ଜି॒ନ୍ଵେତି॑, ଆ॒ହ॒ ଦେ॒ଵା ଵୈ] 5
-ତ୍ୟା॑ହ ଦେ॒ଵା ଵୈ କ୍ଷୟୋ॑ ଦେ॒ଵେଭ୍ୟ॑ ଏ॒ଵ ୟ॒ଜ୍ଞ-ମ୍ପ୍ରା-ଽଽହ॒ ପ୍ରେତି॑ରସି॒ ଧର୍ମା॑ୟ ତ୍ଵା॒ ଧର୍ମ॑-ଞ୍ଜି॒ନ୍ଵେତ୍ୟା॑ହ ମନୁ॒ଷ୍ୟା॑ ଵୈ ଧର୍ମୋ॑ ମନୁ॒ଷ୍ୟେ᳚ଭ୍ୟ ଏ॒ଵ ୟ॒ଜ୍ଞ-ମ୍ପ୍ରା-ଽଽହାନ୍ଵି॑ତିରସି ଦି॒ଵେ ତ୍ଵା॒ ଦିଵ॑-ଞ୍ଜି॒ନ୍ଵେତ୍ୟା॑ହୈ॒ଭ୍ୟ ଏ॒ଵ ଲୋ॒କେଭ୍ୟୋ॑ ୟ॒ଜ୍ଞ-ମ୍ପ୍ରା-ଽଽହ॑ଵିଷ୍ଟ॒ମ୍ଭୋ॑-ଽସି॒ ଵୃଷ୍ଟ୍ୟୈ᳚ ତ୍ଵା॒ ଵୃଷ୍ଟି॑-ଞ୍ଜି॒ନ୍ଵେତ୍ୟା॑ହ॒ ଵୃଷ୍ଟି॑ମେ॒ଵା-ଽଵ॑- [ଵୃଷ୍ଟି॑ମେ॒ଵା-ଽଵ॑, ରୁ॒ନ୍ଧେ॒ ପ୍ର॒ଵା-] 6
-ରୁନ୍ଧେ ପ୍ର॒ଵା-ଽସ୍ୟ॑ନୁ॒ଵା-ଽସୀତ୍ୟା॑ହ ମିଥୁନ॒ତ୍ଵାୟୋ॒ଶିଗ॑ସି॒ ଵସୁ॑ଭ୍ୟସ୍ତ୍ଵା॒ ଵସୂ᳚ଞ୍ଜି॒ନ୍ଵେତ୍ୟା॑ହା॒ଷ୍ଟୌ ଵସ॑ଵ॒ ଏକା॑ଦଶ ରୁ॒ଦ୍ରା ଦ୍ଵାଦ॑ଶା-ଽଽଦି॒ତ୍ୟା ଏ॒ତାଵ॑ନ୍ତୋ॒ ଵୈ ଦେ॒ଵାସ୍ତେଭ୍ୟ॑ ଏ॒ଵ ୟ॒ଜ୍ଞ-ମ୍ପ୍ରା-ଽଽହୌଜୋ॑-ଽସି ପି॒ତୃଭ୍ୟ॑ସ୍ତ୍ଵା ପି॒ତୄନ୍ ଜି॒ନ୍ଵେତ୍ୟା॑ହ ଦେ॒ଵାନେ॒ଵ ପି॒ତୄନନୁ॒ ସନ୍ତ॑ନୋତି॒ ତନ୍ତୁ॑ରସି ପ୍ର॒ଜାଭ୍ୟ॑ସ୍ତ୍ଵା ପ୍ର॒ଜା ଜି॒ନ୍ଵେ- [ପ୍ର॒ଜା ଜି॑ନ୍ଵ, ଇତ୍ୟା॑ହ ପି॒ତୄନେ॒ଵ] 7
-ତ୍ୟା॑ହ ପି॒ତୄନେ॒ଵ ପ୍ର॒ଜା ଅନୁ॒ ସନ୍ତ॑ନୋତି ପୃତନା॒ଷାଡ॑ସି ପ॒ଶୁଭ୍ୟ॑ସ୍ତ୍ଵା ପ॒ଶୂଞ୍ଜି॒ନ୍ଵେତ୍ୟା॑ହ ପ୍ର॒ଜା ଏ॒ଵ ପ॒ଶୂନନୁ॒ ସନ୍ତ॑ନୋତିରେ॒ଵଦ॒ସ୍ୟୋ-ଷ॑ଧୀଭ୍ୟ॒ ସ୍ତ୍ଵୌଷ॑ଧୀ-ର୍ଜି॒ନ୍ଵେତ୍ୟା॒ହୌଷ॑ଧୀଷ୍ଵେ॒ଵ ପ॒ଶୂ-ନ୍ପ୍ରତି॑ଷ୍ଠାପୟତ୍ୟଭି॒ଜିଦ॑ସି ୟୁ॒କ୍ତଗ୍ରା॒ଵେନ୍ଦ୍ରା॑ୟ॒ ତ୍ଵେନ୍ଦ୍ର॑-ଞ୍ଜି॒ନ୍ଵେତ୍ୟା॑ହା॒ଭିଜି॑ତ୍ୟା॒ ଅଧି॑ପତିରସି ପ୍ରା॒ଣାୟ॑ ତ୍ଵା ପ୍ରା॒ଣ- [ପ୍ରା॒ଣମ୍, ଜି॒ନ୍ଵେତ୍ୟା॑ହ] 8
-ଞ୍ଜି॒ନ୍ଵେତ୍ୟା॑ହ ପ୍ର॒ଜାସ୍ଵେ॒ଵ ପ୍ରା॒ଣା-ନ୍ଦ॑ଧାତି ତ୍ରି॒ଵୃଦ॑ସି ପ୍ର॒ଵୃଦ॒ସୀତ୍ୟା॑ହ ମିଥୁନ॒ତ୍ଵାୟ॑ ସଗ୍ମ୍ରୋ॒ହୋ॑-ଽସି ନୀରୋ॒ହୋ॑-ଽସୀତ୍ୟା॑ହ॒ ପ୍ରଜା᳚ତ୍ୟୈ ଵସୁ॒କୋ॑-ଽସି॒ ଵେଷ॑ଶ୍ରିରସି॒ ଵସ୍ୟ॑ଷ୍ଟିର॒ସୀତ୍ୟା॑ହ॒ ପ୍ରତି॑ଷ୍ଠିତ୍ୟୈ ॥ 9 ॥
(ଜି॒ନ୍ଵେତ୍ୟ – ଵ॑ – ପ୍ର॒ଜା ଜି॑ନ୍ଵ – ପ୍ରା॒ଣନ୍ – ତ୍ରି॒ଗ୍ମ୍॒ଶଚ୍ଚ॑) (ଅ. 2)
ଅ॒ଗ୍ନିନା॑ ଦେ॒ଵେନ॒ ପୃତ॑ନା ଜୟାମି ଗାୟ॒ତ୍ରେଣ॒ ଛନ୍ଦ॑ସା ତ୍ରି॒ଵୃତା॒ ସ୍ତୋମେ॑ନ ରଥନ୍ତ॒ରେଣ॒ ସାମ୍ନା॑ ଵଷଟ୍କା॒ରେଣ॒ ଵଜ୍ରେ॑ଣ ପୂର୍ଵ॒ଜା-ନ୍ଭ୍ରାତୃ॑ଵ୍ୟା॒ନଧ॑ରା-ନ୍ପାଦୟା॒ମ୍ୟଵୈ॑ନା-ନ୍ବାଧେ॒ ପ୍ରତ୍ୟେ॑ନାନ୍ନୁଦେ॒-ଽସ୍ମିନ୍ କ୍ଷୟେ॒-ଽସ୍ମି-ନ୍ଭୂ॑ମିଲୋ॒କେ ୟୋ᳚-ଽସ୍ମା-ନ୍ଦ୍ଵେଷ୍ଟି॒ ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମୋ ଵିଷ୍ଣୋଃ॒ କ୍ରମେ॒ଣା-ଽତ୍ୟେ॑ନାନ୍ କ୍ରାମା॒ମୀନ୍ଦ୍ରେ॑ଣ ଦେ॒ଵେନ॒ ପୃତ॑ନା ଜୟାମି॒ ତ୍ରୈଷ୍ଟୁ॑ଭେନ॒ ଛନ୍ଦ॑ସା ପଞ୍ଚଦ॒ଶେନ॒ ସ୍ତୋମେ॑ନ ବୃହ॒ତା ସାମ୍ନା॑ ଵଷଟ୍କା॒ରେଣ॒ ଵଜ୍ରେ॑ଣ [ଵଜ୍ରେ॑ଣ, ସ॒ହ॒ଜାନ୍. ଵିଶ୍ଵେ॑ଭିର୍ଦେ॒ଵେଭିଃ॒ ପୃତ॑ନା] 10
ସହ॒ଜାନ୍. ଵିଶ୍ଵେ॑ଭିର୍ଦେ॒ଵେଭିଃ॒ ପୃତ॑ନା ଜୟାମି॒ ଜାଗ॑ତେନ॒ ଛନ୍ଦ॑ସା ସପ୍ତଦ॒ଶେନ॒ ସ୍ତୋମେ॑ନ ଵାମଦେ॒ଵ୍ୟେନ॒ ସାମ୍ନା॑ ଵଷଟ୍କା॒ରେଣ॒ ଵଜ୍ରେ॑ଣା ପର॒ଜାନିନ୍ଦ୍ରେ॑ଣ ସ॒ୟୁଜୋ॑ ଵ॒ୟଗ୍ମ୍ ସା॑ସ॒ହ୍ୟାମ॑ ପୃତନ୍ୟ॒ତଃ । ଘ୍ନନ୍ତୋ॑ ଵୃ॒ତ୍ରାଣ୍ୟ॑ପ୍ର॒ତି । ୟତ୍ତେ॑ ଅଗ୍ନେ॒ ତେଜ॒ସ୍ତେନା॒ହ-ନ୍ତେ॑ଜ॒ସ୍ଵୀ ଭୂ॑ୟାସଂ॒-ୟଁତ୍ତେ॑ ଅଗ୍ନେ॒ ଵର୍ଚ॒ସ୍ତେନା॒ହଂ-ଵଁ॑ର୍ଚ॒ସ୍ଵୀ ଭୂ॑ୟାସଂ॒-ୟଁତ୍ତେ॑ ଅଗ୍ନେ॒ ହର॒ସ୍ତେନା॒ହଗ୍ମ୍ ହ॑ର॒ସ୍ଵୀ ଭୂ॑ୟାସମ୍ ॥ 11 ॥
(ବୃ॒ହ॒ତା ସାମ୍ନା॑ ଵଷଟ୍କା॒ରେଣ॒ ଵଜ୍ରେ॑ଣ॒ – ଷଟ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 3)
ୟେ ଦେ॒ଵା ୟ॑ଜ୍ଞ॒ହନୋ॑ ୟଜ୍ଞ॒ମୁଷଃ॑ ପୃଥି॒ଵ୍ୟାମଦ୍ଧ୍ୟାସ॑ତେ । ଅ॒ଗ୍ନିର୍ମା॒ ତେଭ୍ୟୋ॑ ରକ୍ଷତୁ॒ ଗଚ୍ଛେ॑ମ ସୁ॒କୃତୋ॑ ଵ॒ୟମ୍ ॥ ଆ-ଽଗ॑ନ୍ମ ମିତ୍ରାଵରୁଣା ଵରେଣ୍ୟା॒ ରାତ୍ରୀ॑ଣା-ମ୍ଭା॒ଗୋ ୟୁ॒ଵୟୋ॒ର୍ୟୋ ଅସ୍ତି॑ । ନାକ॑-ଙ୍ଗୃହ୍ଣା॒ନା-ସ୍ସୁ॑କୃ॒ତସ୍ୟ॑ ଲୋ॒କେ ତୃ॒ତୀୟେ॑ ପୃ॒ଷ୍ଠେ ଅଧି॑ ରୋଚ॒ନେ ଦି॒ଵଃ ॥ ୟେ ଦେ॒ଵା ୟ॑ଜ୍ଞ॒ହନୋ॑ ୟଜ୍ଞ॒ମୁଷୋ॒-ଽନ୍ତରି॒କ୍ଷେ-ଽଦ୍ଧ୍ୟାସ॑ତେ । ଵା॒ୟୁର୍ମା॒ ତେଭ୍ୟୋ॑ ରକ୍ଷତୁ॒ ଗଚ୍ଛେ॑ମ ସୁ॒କୃତୋ॑ ଵ॒ୟମ୍ ॥ ୟାସ୍ତେ॒ ରାତ୍ରୀ᳚-ସ୍ସଵିତ- [ରାତ୍ରୀ᳚-ସ୍ସଵିତଃ, ଦେ॒ଵ॒ୟାନୀ॑ରନ୍ତ॒ରା] 12
-ର୍ଦେଵ॒ୟାନୀ॑ରନ୍ତ॒ରା ଦ୍ୟାଵା॑ପୃଥି॒ଵୀ ଵି॒ୟନ୍ତି॑ । ଗୃ॒ହୈଶ୍ଚ॒ ସର୍ଵୈଃ᳚ ପ୍ର॒ଜୟା॒ ନ୍ଵଗ୍ରେ॒ ସୁଵୋ॒ ରୁହା॑ଣାସ୍ତରତା॒ ରଜାଗ୍ମ୍॑ସି ॥ ୟେ ଦେ॒ଵା ୟ॑ଜ୍ଞ॒ହନୋ॑ ୟଜ୍ଞ॒ମୁଷୋ॑ ଦି॒ଵ୍ୟଦ୍ଧ୍ୟାସ॑ତେ । ସୂର୍ୟୋ॑ ମା॒ ତେଭ୍ୟୋ॑ ରକ୍ଷତୁ॒ ଗଚ୍ଛେ॑ମ ସୁ॒କୃତୋ॑ ଵ॒ୟମ୍ ॥ ୟେନେନ୍ଦ୍ରା॑ୟ ସ॒ମଭ॑ରଃ॒ ପୟାଗ୍॑ସ୍ୟୁତ୍ତ॒ମେନ॑ ହ॒ଵିଷା॑ ଜାତଵେଦଃ । ତେନା᳚-ଽଗ୍ନେ॒ ତ୍ଵମୁ॒ତ ଵ॑ର୍ଧୟେ॒ମଗ୍ମ୍ ସ॑ଜା॒ତାନା॒ଗ୍॒ ଶ୍ରୈଷ୍ଠ୍ୟ॒ ଆ ଧେ᳚ହ୍ୟେନମ୍ ॥ ୟ॒ଜ୍ଞ॒ହନୋ॒ ଵୈ ଦେ॒ଵା ୟ॑ଜ୍ଞ॒ମୁଷ॑- [ଦେ॒ଵା ୟ॑ଜ୍ଞ॒ମୁଷଃ॑, ସ॒ନ୍ତି॒ ତ ଏ॒ଷୁ] 13
-ସ୍ସନ୍ତି॒ ତ ଏ॒ଷୁ ଲୋ॒କେଷ୍ଵା॑ସତ ଆ॒ଦଦା॑ନା ଵିମଥ୍ନା॒ନା ୟୋ ଦଦା॑ତି॒ ୟୋ ୟଜ॑ତେ॒ ତସ୍ୟ॑ । ୟେ ଦେ॒ଵା ୟ॑ଜ୍ଞ॒ହନଃ॑ ପୃଥି॒ଵ୍ୟାମଦ୍ଧ୍ୟାସ॑ତେ॒ ୟେ ଅ॒ନ୍ତରି॑କ୍ଷେ॒ ୟେ ଦି॒ଵୀତ୍ୟା॑ହେ॒ମାନେ॒ଵ ଲୋ॒କାଗ୍ସ୍ତୀ॒ର୍ତ୍ଵା ସଗୃ॑ହ॒-ସ୍ସପ॑ଶୁ-ସ୍ସୁଵ॒ର୍ଗଂ-ଲୋଁ॒କମେ॒ତ୍ୟପ॒ ଵୈ ସୋମେ॑ନେଜା॒ନାଦ୍ଦେ॒ଵତା᳚ଶ୍ଚ ୟ॒ଜ୍ଞଶ୍ଚ॑ କ୍ରାମନ୍ତ୍ୟାଗ୍ନେ॒ୟ-ମ୍ପଞ୍ଚ॑କପାଲମୁଦଵସା॒ନୀୟ॒-ନ୍ନିର୍ଵ॑ପେଦ॒ଗ୍ନି-ସ୍ସର୍ଵା॑ ଦେ॒ଵତାଃ॒ [ଦେ॒ଵତାଃ᳚, ପାଙ୍କ୍ତୋ॑ ୟ॒ଜ୍ଞୋ] 14
ପାଙ୍କ୍ତୋ॑ ୟ॒ଜ୍ଞୋ ଦେ॒ଵତା᳚ଶ୍ଚୈ॒ଵ ୟ॒ଜ୍ଞଞ୍ଚାଵ॑ ରୁନ୍ଧେଗାୟ॒ତ୍ରୋ ଵା ଅ॒ଗ୍ନିର୍ଗା॑ୟ॒ତ୍ର ଛ॑ନ୍ଦା॒ସ୍ତ-ଞ୍ଛନ୍ଦ॑ସା॒ ଵ୍ୟ॑ର୍ଧୟତି॒ ୟ-ତ୍ପଞ୍ଚ॑କପାଲ-ଙ୍କ॒ରୋତ୍ୟ॒ଷ୍ଟାକ॑ପାଲଃ କା॒ର୍ୟୋ᳚-ଽଷ୍ଟାକ୍ଷ॑ରା ଗାୟ॒ତ୍ରୀ ଗା॑ୟ॒ତ୍ରୋ᳚-ଽଗ୍ନି-ର୍ଗା॑ୟ॒ତ୍ର ଛ॑ନ୍ଦା॒-ସ୍ସ୍ଵେନୈ॒ଵୈନ॒-ଞ୍ଛନ୍ଦ॑ସା॒ ସମ॑ର୍ଧୟତି ପ॒ଙ୍କ୍ତ୍ୟୌ॑ ୟାଜ୍ୟାନୁଵା॒କ୍ୟେ॑ ଭଵତଃ॒ ପାଙ୍କ୍ତୋ॑ ୟ॒ଜ୍ଞସ୍ତେନୈ॒ଵ ୟ॒ଜ୍ଞାନ୍ନୈତି॑ ॥ 15 ॥
(ସ॒ଵି॒ତ॒-ର୍ଦେ॒ଵା ୟ॑ଜ୍ଞ॒ମୁଷଃ॒ – ସର୍ଵା॑ ଦେ॒ଵତା॒ – ସ୍ତ୍ରିଚ॑ତ୍ଵାରିଗ୍ମ୍ଶଚ୍ଚ) (ଅ. 4)
ସୂର୍ୟୋ॑ ମା ଦେ॒ଵୋ ଦେ॒ଵେଭ୍ୟଃ॑ ପାତୁ ଵା॒ୟୁର॒ନ୍ତରି॑କ୍ଷା॒-ଦ୍ୟଜ॑ମାନୋ॒-ଽଗ୍ନିର୍ମା॑ ପାତୁ॒ ଚକ୍ଷୁ॑ଷଃ । ସକ୍ଷ॒ ଶୂଷ॒ ସଵି॑ତ॒ର୍ଵିଶ୍ଵ॑ଚର୍ଷଣ ଏ॒ତେଭି॑-ସ୍ସୋମ॒ ନାମ॑ଭିର୍ଵିଧେମ ତେ॒ ତେଭି॑-ସ୍ସୋମ॒ ନାମ॑ଭିର୍ଵିଧେମ ତେ ॥ ଅ॒ହ-ମ୍ପ॒ରସ୍ତା॑ଦ॒-ହମ॒ଵସ୍ତା॑ଦ॒ହ-ଞ୍ଜ୍ୟୋତି॑ଷା॒ ଵି ତମୋ॑ ଵଵାର । ୟଦ॒ନ୍ତରି॑କ୍ଷ॒-ନ୍ତଦୁ॑ ମେ ପି॒ତା-ଽଭୂ॑ଦ॒ହଗ୍ମ୍ ସୂର୍ୟ॑ମୁଭ॒ୟତୋ॑ ଦଦର୍ଶା॒ହ-ମ୍ଭୂ॑ୟା ସମୁତ୍ତ॒ମ-ସ୍ସ॑ମା॒ନାନା॒- [ସମୁତ୍ତ॒ମ-ସ୍ସ॑ମା॒ନାନା᳚ମ୍, ଆ ସ॑ମୁ॒ଦ୍ରା-] 16
-ମା ସ॑ମୁ॒ଦ୍ରା-ଦା-ଽନ୍ତରି॑କ୍ଷାତ୍-ପ୍ର॒ଜାପ॑ତିରୁଦ॒ଧି-ଞ୍ଚ୍ୟା॑ଵୟା॒ତୀନ୍ଦ୍ରଃ॒ ପ୍ରସ୍ନୌ॑ତୁ ମ॒ରୁତୋ॑ ଵର୍ଷୟ॒ନ୍ତୂନ୍ନ॑ମ୍ଭୟ ପୃଥି॒ଵୀ-ମ୍ଭି॒ନ୍ଧୀଦ-ନ୍ଦି॒ଵ୍ୟ-ନ୍ନଭଃ॑ । ଉ॒ଦ୍ନୋ ଦି॒ଵ୍ୟସ୍ୟ॑ ନୋ ଦେ॒ହୀଶା॑ନୋ॒ ଵିସୃ॑ଜା॒ ଦୃତି᳚ମ୍ ॥ ପ॒ଶଵୋ॒ ଵା ଏ॒ତେ ୟଦା॑ଦି॒ତ୍ୟ ଏ॒ଷ ରୁ॒ଦ୍ରୋ ୟଦ॒ଗ୍ନିରୋଷ॑ଧୀଃ॒ ପ୍ରାସ୍ୟା॒ଗ୍ନାଵା॑ଦି॒ତ୍ୟ-ଞ୍ଜୁ॑ହୋତି ରୁ॒ଦ୍ରାଦେ॒ଵ ପ॒ଶୂନ॒ନ୍ତର୍ଦ॑ଧା॒ତ୍ୟଥୋ॒ ଓଷ॑ଧୀଷ୍ଵେ॒ଵ ପ॒ଶୂ- [ପ॒ଶୂନ୍, ପ୍ରତି॑ଷ୍ଠାପୟତି] 17
-ନ୍ପ୍ରତି॑ଷ୍ଠାପୟତି କ॒ଵିର୍ୟ॒ଜ୍ଞସ୍ୟ॒ ଵିତ॑ନୋତି॒ ପନ୍ଥା॒-ନ୍ନାକ॑ସ୍ୟ ପୃ॒ଷ୍ଠେ ଅଧି॑ ରୋଚ॒ନେ ଦି॒ଵଃ । ୟେନ॑ ହ॒ଵ୍ୟଂ-ଵଁହ॑ସି॒ ୟାସି॑ ଦୂ॒ତ ଇ॒ତଃ ପ୍ରଚେ॑ତା ଅ॒ମୁତ॒-ସ୍ସନୀ॑ୟାନ୍ ॥ ୟାସ୍ତେ॒ ଵିଶ୍ଵା᳚-ସ୍ସ॒ମିଧ॒-ସ୍ସନ୍ତ୍ୟ॑ଗ୍ନେ॒ୟାଃ ପୃ॑ଥି॒ଵ୍ୟା-ମ୍ବ॒ର୍॒ହିଷି॒ ସୂର୍ୟେ॒ ୟାଃ । ତାସ୍ତେ॑ ଗଚ୍ଛ॒ନ୍ତ୍ଵାହୁ॑ତି-ଙ୍ଘୃ॒ତସ୍ୟ॑ ଦେଵାୟ॒ତେ ୟଜ॑ମାନାୟ॒ ଶର୍ମ॑ ॥ ଆ॒ଶାସା॑ନ-ସ୍ସୁ॒ଵୀର୍ୟଗ୍ମ୍॑ ରା॒ୟସ୍ପୋଷ॒ଗ୍ଗ୍॒ ସ୍ଵଶ୍ଵି॑ୟମ୍ । ବୃହ॒ସ୍ପତି॑ନା ରା॒ୟା ସ୍ଵ॒ଗାକୃ॑ତୋ॒ ମହ୍ୟଂ॒-ୟଁଜ॑ମାନାୟ ତିଷ୍ଠ ॥ 18 ॥
(ସ॒ମା॒ନାନା॒-ମୋଷ॑ଧୀଷ୍ଵେ॒ଵ ପ॒ଶୂନ୍ – ମହ୍ୟଂ॒-ୟଁଜ॑ମାନା॒ – ୟୈକ॑ଞ୍ଚ) (ଅ. 5)
ସ-ନ୍ତ୍ଵା॑ ନହ୍ୟାମି॒ ପୟ॑ସା ଘୃ॒ତେନ॒ ସ-ନ୍ତ୍ଵା॑ ନହ୍ୟାମ୍ୟ॒ପ ଓଷ॑ଧୀଭିଃ । ସ-ନ୍ତ୍ଵା॑ ନହ୍ୟାମି ପ୍ର॒ଜୟା॒-ଽହମ॒ଦ୍ୟ ସା ଦୀ᳚କ୍ଷି॒ତା ସ॑ନଵୋ॒ ଵାଜ॑ମ॒ସ୍ମେ ॥ ପ୍ରୈତୁ॒ ବ୍ରହ୍ମ॑ଣ॒ସ୍ପତ୍ନୀ॒ ଵେଦିଂ॒-ଵଁର୍ଣେ॑ନ ସୀଦତୁ । ଅଥା॒ହମ॑ନୁକା॒ମିନୀ॒ ସ୍ଵେ ଲୋ॒କେ ଵି॒ଶା ଇ॒ହ ॥ ସୁ॒ପ୍ର॒ଜସ॑ସ୍ତ୍ଵା ଵ॒ୟଗ୍ମ୍ ସୁ॒ପତ୍ନୀ॒ରୁପ॑ ସେଦିମ । ଅଗ୍ନେ॑ ସପତ୍ନ॒ଦମ୍ଭ॑ନ॒ମଦ॑ବ୍ଧାସୋ॒ ଅଦା᳚ଭ୍ୟମ୍ ॥ ଇ॒ମଂ-ଵିଁଷ୍ୟା॑ମି॒ ଵରୁ॑ଣସ୍ୟ॒ ପାଶଂ॒- [ପାଶ᳚ମ୍, ୟମବ॑ଦ୍ଧ୍ନୀତ] 19
-ଁୟମବ॑ଦ୍ଧ୍ନୀତ ସଵି॒ତା ସୁ॒କେତଃ॑ । ଧା॒ତୁଶ୍ଚ॒ ୟୋନୌ॑ ସୁକୃ॒ତସ୍ୟ॑ ଲୋ॒କେ ସ୍ୟୋ॒ନ-ମ୍ମେ॑ ସ॒ହ ପତ୍ୟା॑ କରୋମି ॥ ପ୍ରେହ୍ୟୁ॒ଦେହ୍ୟୃ॒ତସ୍ୟ॑ ଵା॒ମୀରନ୍ଵ॒ଗ୍ନିସ୍ତେ-ଽଗ୍ର॑-ନ୍ନୟ॒ତ୍ଵଦି॑ତି॒ର୍ମଦ୍ଧ୍ୟ॑-ନ୍ଦଦତାଗ୍ମ୍ ରୁ॒ଦ୍ରାଵ॑ସୃଷ୍ଟା-ଽସି ୟୁ॒ଵା ନାମ॒ ମା ମା॑ ହିଗ୍ମ୍ସୀ॒ର୍ଵସୁ॑ଭ୍ୟୋ ରୁ॒ଦ୍ରେଭ୍ୟ॑ ଆଦି॒ତ୍ୟେଭ୍ୟୋ॒ ଵିଶ୍ଵେ᳚ଭ୍ୟୋ ଵୋ ଦେ॒ଵେଭ୍ୟଃ॑ ପ॒ନ୍ନେଜ॑ନୀର୍ଗୃହ୍ଣାମି ୟ॒ଜ୍ଞାୟ॑ ଵଃ ପ॒ନ୍ନେଜ॑ନୀ-ସ୍ସାଦୟାମି॒ ଵିଶ୍ଵ॑ସ୍ୟ ତେ॒ ଵିଶ୍ଵା॑ଵତୋ॒ ଵୃଷ୍ଣି॑ୟାଵତ॒- [ଵୃଷ୍ଣି॑ୟାଵତଃ, ତଵା᳚ଗ୍ନେ ଵା॒ମୀରନୁ॑] 20
-ସ୍ତଵା᳚ଗ୍ନେ ଵା॒ମୀରନୁ॑ ସ॒ଦୃଂଶି॒ ଵିଶ୍ଵା॒ ରେତାଗ୍ମ୍॑ସି ଧିଷୀ॒ୟା-ଽଗ॑-ନ୍ଦେ॒ଵାନ୍. ୟ॒ଜ୍ଞୋ ନି ଦେ॒ଵୀର୍ଦେ॒ଵେଭ୍ୟୋ॑ ୟ॒ଜ୍ଞମ॑ଶିଷନ୍ନ॒ସ୍ମିନ୍-ଥ୍ସୁ॑ନ୍ଵ॒ତି ୟଜ॑ମାନ ଆ॒ଶିଷ॒-ସ୍ସ୍ଵାହା॑କୃତା-ସ୍ସମୁଦ୍ରେ॒ଷ୍ଠା ଗ॑ନ୍ଧ॒ର୍ଵମାତି॑ଷ୍ଠ॒ତାନୁ॑ । ଵାତ॑ସ୍ୟ॒ ପତ୍ମ॑ନ୍ନି॒ଡ ଈ॑ଡି॒ତାଃ ॥ 21 ॥
(ପାଶଂ॒ – ଁଵୃଷ୍ଣି॑ୟାଵତ – ସ୍ତ୍ରି॒ଗ୍ମ୍॒ଶଚ୍ଚ॑) (ଅ. 6)
ଵ॒ଷ॒ଟ୍କା॒ରୋ ଵୈ ଗା॑ୟତ୍ରି॒ୟୈ ଶିରୋ᳚-ଽଛିନ॒-ତ୍ତସ୍ୟୈ॒ ରସଃ॒ ପରା॑-ଽପତ॒-ଥ୍ସ ପୃ॑ଥି॒ଵୀ-ମ୍ପ୍ରାଵି॑ଶ॒ଥ୍ସ ଖ॑ଦି॒ରୋ॑-ଽଭଵ॒ଦ୍ୟସ୍ୟ॑ ଖାଦି॒ର-ସ୍ସ୍ରୁ॒ଵୋ ଭଵ॑ତି॒ ଛନ୍ଦ॑ସାମେ॒ଵ ରସେ॒ନାଵ॑ ଦ୍ୟତି॒ ସର॑ସା ଅ॒ସ୍ୟା-ଽଽହୁ॑ତୟୋ ଭଵନ୍ତି ତୃ॒ତୀୟ॑ସ୍ୟାମି॒ତୋ ଦି॒ଵି ସୋମ॑ ଆସୀ॒-ତ୍ତ-ଙ୍ଗା॑ୟତ୍ର୍ୟା-ଽ ହ॑ର॒-ତ୍ତସ୍ୟ॑ ପ॒ର୍ଣମ॑ଚ୍ଛିଦ୍ୟତ॒ ତ-ତ୍ପ॒ର୍ଣୋ॑-ଽଭଵ॒-ତ୍ତ-ତ୍ପ॒ର୍ଣସ୍ୟ॑ ପର୍ଣ॒ତ୍ଵଂ-ୟଁସ୍ୟ॑ ପର୍ଣ॒ମୟୀ॑ ଜୁ॒ହୂ- [ଜୁ॒ହୂଃ, ଭଵ॑ତି ସୌ॒ମ୍ୟା] 22
-ର୍ଭଵ॑ତି ସୌ॒ମ୍ୟା ଅ॒ସ୍ୟା-ଽଽହୁ॑ତୟୋ ଭଵନ୍ତି ଜୁ॒ଷନ୍ତେ᳚-ଽସ୍ୟ ଦେ॒ଵା ଆହୁ॑ତୀର୍ଦେ॒ଵା ଵୈ ବ୍ରହ୍ମ॑ନ୍ନଵଦନ୍ତ॒ ତ-ତ୍ପ॒ର୍ଣ ଉପା॑-ଽଶୃଣୋ-ଥ୍ସୁ॒ଶ୍ରଵା॒ ଵୈ ନାମ॒ ୟସ୍ୟ॑ ପର୍ଣ॒ମୟୀ॑ ଜୁ॒ହୂର୍ଭଵ॑ତି॒ ନ ପା॒ପଗ୍ଗ୍ ଶ୍ଲୋକଗ୍ମ୍॑ ଶୃଣୋତି॒ ବ୍ରହ୍ମ॒ ଵୈ ପ॒ର୍ଣୋ ଵିଣ୍ମ॒ରୁତୋ-ଽନ୍ନଂ॒-ଵିଁଣ୍ମା॑ରୁ॒ତୋ᳚-ଽଶ୍ଵ॒ତ୍ଥୋ ୟସ୍ୟ॑ ପର୍ଣ॒ମୟୀ॑ ଜୁ॒ହୂର୍ଭଵ॒ତ୍ୟା-ଶ୍ଵ॑ତ୍-ଥ୍ୟୁପ॒ଭୃଦ୍- ବ୍ରହ୍ମ॑ଣୈ॒ଵାନ୍ନ॒ମଵ॑ ରୁ॒ନ୍ଧେ-ଽଥୋ॒ ବ୍ରହ୍ମୈ॒- [ରୁ॒ନ୍ଧେ-ଽଥୋ॒ ବ୍ରହ୍ମ॑, ଏ॒ଵ ଵି॒ଶ୍ୟଦ୍ଧ୍ୟୂ॑ହତି] 23
-ଵ ଵି॒ଶ୍ୟଦ୍ଧ୍ୟୂ॑ହତି ରା॒ଷ୍ଟ୍ରଂ-ଵୈଁ ପ॒ର୍ଣୋ ଵିଡ॑ଶ୍ଵ॒ତ୍ଥୋ ୟ-ତ୍ପ॑ର୍ଣ॒ମୟୀ॑ ଜୁ॒ହୂର୍ଭଵ॒ତ୍ୟା-ଶ୍ଵ॑ତ୍ଥ୍ୟୁପ॒ଭୃ-ଦ୍ରା॒ଷ୍ଟ୍ରମେ॒ଵ ଵି॒ଶ୍ୟଦ୍ଧ୍ୟୂ॑ହତି ପ୍ର॒ଜାପ॑ତି॒ର୍ଵା ଅ॑ଜୁହୋ॒-ଥ୍ସା ୟତ୍ରା-ଽଽହୁ॑ତିଃ ପ୍ର॒ତ୍ୟତି॑ଷ୍ଠ॒-ତ୍ତତୋ॒ ଵିକ॑ଙ୍କତ॒ ଉଦ॑ତିଷ୍ଠ॒-ତ୍ତତଃ॑ ପ୍ର॒ଜା ଅ॑ସୃଜତ॒ ୟସ୍ୟ॒ ଵୈକ॑ଙ୍କତୀ ଧ୍ରୁ॒ଵା ଭଵ॑ତି॒ ପ୍ରତ୍ୟ॒ଵାସ୍ୟା ଽଽହୁ॑ତୟସ୍ତିଷ୍ଠ॒ନ୍ତ୍ୟଥୋ॒ ପ୍ରୈଵ ଜା॑ୟତ ଏ॒ତଦ୍ଵୈ ସ୍ରୁ॒ଚାଗ୍ମ୍ ରୂ॒ପଂ-ୟଁସ୍ୟୈ॒ଵଗ୍ମ୍ ରୂ॑ପା॒-ସ୍ସ୍ରୁଚୋ॒ ଭଵ॑ନ୍ତି॒ ସର୍ଵା᳚ଣ୍ୟେ॒ଵୈନଗ୍ମ୍॑ ରୂ॒ପାଣି॑ ପଶୂ॒ନାମୁପ॑ତିଷ୍ଠନ୍ତେ॒ ନାସ୍ୟାପ॑-ରୂପମା॒ତ୍ମଞ୍ଜା॑ୟତେ ॥ 24 ॥
(ଜୁ॒ହୂ – ରଥୋ॒ ବ୍ରହ୍ମ॑ – ସ୍ରୁ॒ଚାଗ୍ମ୍ – ସ॒ପ୍ତଦ॑ଶ ଚ) (ଅ. 7)
ଉ॒ପ॒ୟା॒ମଗୃ॑ହୀତୋ-ଽସି ପ୍ର॒ଜାପ॑ତୟେ ତ୍ଵା॒ ଜ୍ୟୋତି॑ଷ୍ମତେ॒ ଜ୍ୟୋତି॑ଷ୍ମନ୍ତ-ଙ୍ଗୃହ୍ଣାମି॒ ଦକ୍ଷା॑ୟ ଦକ୍ଷ॒ଵୃଧେ॑ ରା॒ତ-ନ୍ଦେ॒ଵେଭ୍ୟୋ᳚-ଽଗ୍ନି ଜି॒ହ୍ଵେଭ୍ୟ॑ସ୍ତ୍ଵର୍ତା॒ୟୁଭ୍ୟ॒ ଇନ୍ଦ୍ର॑ଜ୍ୟେଷ୍ଠେଭ୍ୟୋ॒ ଵରୁ॑ଣରାଜଭ୍ୟୋ॒ ଵାତା॑ପିଭ୍ୟଃ ପ॒ର୍ଜନ୍ୟା᳚ତ୍ମଭ୍ୟୋ ଦି॒ଵେ ତ୍ଵା॒-ଽନ୍ତରି॑କ୍ଷାୟ ତ୍ଵା ପୃଥି॒ଵ୍ୟୈ ତ୍ଵା-ଽପେ᳚ନ୍ଦ୍ର ଦ୍ଵିଷ॒ତୋ ମନୋ-ଽପ॒ ଜିଜ୍ୟା॑ସତୋ ଜ॒ହ୍ୟପ॒ ୟୋ ନୋ॑-ଽରାତୀ॒ୟତି॒ ତ-ଞ୍ଜ॑ହି ପ୍ରା॒ଣାୟ॑ ତ୍ଵା-ଽପା॒ନାୟ॑ ତ୍ଵା ଵ୍ୟା॒ନାୟ॑ ତ୍ଵା ସ॒ତେ ତ୍ଵା-ଽସ॑ତେ ତ୍ଵା॒-ଽଦ୍ଭ୍ୟସ୍ତ୍ଵୌଷ॑ଧୀଭ୍ୟୋ॒ ଵିଶ୍ଵେ᳚ଭ୍ୟସ୍ତ୍ଵା ଭୂ॒ତେଭ୍ୟୋ॒ ୟତଃ॑ ପ୍ର॒ଜା ଅକ୍ଖି॑ଦ୍ରା॒ ଅଜା॑ୟନ୍ତ॒ ତସ୍ମୈ᳚ ତ୍ଵା ପ୍ର॒ଜାପ॑ତୟେ ଵିଭୂ॒ଦାଵଂନେ॒ ଜ୍ୟୋତି॑ଷ୍ମତେ॒ ଜ୍ୟୋତି॑ଷ୍ମନ୍ତ-ଞ୍ଜୁହୋମି ॥ 25 ॥
(ଓଷ॑ଧୀଭ୍ୟ॒ – ଶ୍ଚତୁ॑ର୍ଦଶ ଚ) (ଅ. 8)
ୟାଂ-ଵାଁ ଅ॑ଦ୍ଧ୍ଵ॒ର୍ୟୁଶ୍ଚ॒ ୟଜ॑ମାନଶ୍ଚ ଦେ॒ଵତା॑ମନ୍ତରି॒ତସ୍ତସ୍ୟା॒ ଆ ଵୃ॑ଶ୍ଚ୍ୟେତେ ପ୍ରାଜାପ॒ତ୍ୟ-ନ୍ଦ॑ଧିଗ୍ର॒ହ-ଙ୍ଗୃ॑ହ୍ଣୀୟା-ତ୍ପ୍ର॒ଜାପ॑ତି॒-ସ୍ସର୍ଵା॑ ଦେ॒ଵତା॑ ଦେ॒ଵତା᳚ଭ୍ୟ ଏ॒ଵ ନିହ୍ନୁ॑ଵାତେ ଜ୍ୟେ॒ଷ୍ଠୋ ଵା ଏ॒ଷ ଗ୍ରହା॑ଣାଂ॒-ୟଁସ୍ୟୈ॒ଷ ଗୃ॒ହ୍ୟତେ॒ ଜ୍ୟୈଷ୍ଠ୍ୟ॑ମେ॒ଵ ଗ॑ଚ୍ଛତି॒ ସର୍ଵା॑ସାଂ॒-ଵାଁ ଏ॒ତଦ୍ଦେ॒ଵତା॑ନାଗ୍ମ୍ ରୂ॒ପଂ-ୟଁଦେ॒ଷ ଗ୍ରହୋ॒ ୟସ୍ୟୈ॒ଷ ଗୃ॒ହ୍ୟତେ॒ ସର୍ଵା᳚ଣ୍ୟେ॒ଵୈନଗ୍ମ୍॑ ରୂ॒ପାଣି॑ ପଶୂ॒ନାମୁପ॑ତିଷ୍ଠନ୍ତ ଉପୟା॒ମଗୃ॑ହୀତୋ- [ଉପୟା॒ମଗୃ॑ହୀତଃ, ଅ॒ସି॒ ପ୍ର॒ଜାପ॑ତୟେ] 26
-ଽସି ପ୍ର॒ଜାପ॑ତୟେ ତ୍ଵା॒ ଜ୍ୟୋତି॑ଷ୍ମତେ॒ ଜ୍ୟୋତି॑ଷ୍ମନ୍ତ-ଙ୍ଗୃହ୍ଣା॒ମୀତ୍ୟା॑ହ॒ ଜ୍ୟୋତି॑ରେ॒ଵୈନଗ୍ମ୍॑ ସମା॒ନାନା᳚-ଙ୍କରୋତ୍ୟଗ୍ନି-ଜି॒ହ୍ଵେଭ୍ୟ॑ସ୍ତ୍ଵର୍ତା॒ୟୁଭ୍ୟ॒ ଇତ୍ୟା॑ହୈ॒ତାଵ॑ତୀ॒ର୍ଵୈ ଦେ॒ଵତା॒ସ୍ତାଭ୍ୟ॑ ଏ॒ଵୈନ॒ଗ୍ମ୍॒ ସର୍ଵା᳚ଭ୍ୟୋ ଗୃହ୍ଣା॒ତ୍ୟପେ᳚ନ୍ଦ୍ର ଦ୍ଵିଷ॒ତୋ ମନ॒ ଇତ୍ୟା॑ହ॒ ଭ୍ରାତୃ॑ଵ୍ୟାପନୁତ୍ତ୍ୟୈ ପ୍ରା॒ଣାୟ॑ ତ୍ଵା-ଽପା॒ନାୟ॒ ତ୍ଵେତ୍ୟା॑ହ ପ୍ରା॒ଣାନେ॒ଵ ୟଜ॑ମାନେ ଦଧାତି॒ ତସ୍ମୈ᳚ ତ୍ଵା ପ୍ର॒ଜାପ॑ତୟେ ଵିଭୂ॒ଦାଵଂନେ॒ ଜ୍ୟୋତି॑ଷ୍ମତେ॒ ଜ୍ୟୋତି॑ଷ୍ମନ୍ତ-ଞ୍ଜୁହୋ॒ମୀ- [ଜ୍ୟୋତି॑ଷ୍ମନ୍ତ-ଞ୍ଜୁହୋ॒ମି, ଇତ୍ୟା॑ହ ପ୍ର॒ଜାପ॑ତି-] 27
-ତ୍ୟା॑ହ ପ୍ର॒ଜାପ॑ତି॒-ସ୍ସର୍ଵା॑ ଦେ॒ଵତା॒-ସ୍ସର୍ଵା᳚ଭ୍ୟ ଏ॒ଵୈନ॑-ନ୍ଦେ॒ଵତା᳚ଭ୍ୟୋ ଜୁହୋତ୍ୟାଜ୍ୟଗ୍ର॒ହ-ଙ୍ଗୃ॑ହ୍ଣୀୟା॒-ତ୍ତେଜ॑ସ୍କାମସ୍ୟ॒ ତେଜୋ॒ ଵା ଆଜ୍ୟ॑-ନ୍ତେଜ॒ସ୍ଵ୍ୟେ॑ଵ ଭ॑ଵତି ସୋମଗ୍ର॒ହ-ଙ୍ଗୃ॑ହ୍ଣୀୟା-ଦ୍ବ୍ରହ୍ମଵର୍ଚ॒ସକା॑ମସ୍ୟ ବ୍ରହ୍ମଵର୍ଚ॒ସଂ-ଵୈଁ ସୋମୋ᳚ ବ୍ରହ୍ମଵର୍ଚ॒ସ୍ୟେ॑ଵ ଭ॑ଵତି ଦଧିଗ୍ର॒ହ-ଙ୍ଗୃ॑ହ୍ଣୀୟା-ତ୍ପ॒ଶୁକା॑ମ॒ସ୍ୟୋର୍ଗ୍ଵୈ ଦଦ୍ଧ୍ୟୂର୍-କ୍ପ॒ଶଵ॑ ଊ॒ର୍ଜୈଵାସ୍ମା॒ ଊର୍ଜ॑-ମ୍ପ॒ଶୂନଵ॑ ରୁନ୍ଧେ ॥ 28 ॥
(ଉ॒ପ॒ୟା॒ମଗୃ॑ହୀତୋ – ଜୁହୋମି॒ – ତ୍ରିଚ॑ତ୍ଵାରିଗ୍ମ୍ଶଚ୍ଚ) (ଅ. 9)
ତ୍ଵେ କ୍ରତୁ॒ମପି॑ ଵୃଞ୍ଜନ୍ତି॒ ଵିଶ୍ଵେ॒ ଦ୍ଵିର୍ୟଦେ॒ତେ ତ୍ରି-ର୍ଭଵ॒ନ୍ତ୍ୟୂମାଃ᳚ । ସ୍ଵା॒ଦୋ-ସ୍ସ୍ଵାଦୀ॑ୟ-ସ୍ସ୍ଵା॒ଦୁନା॑ ସୃଜା॒ ସମତ॑ ଊ॒ ଷୁ ମଧୁ॒ ମଧୁ॑ନା॒-ଽଭି ୟୋ॑ଧି । ଉ॒ପ॒ୟା॒ମଗୃ॑ହୀତୋ-ଽସି ପ୍ର॒ଜାପ॑ତୟେ ତ୍ଵା॒ ଜୁଷ୍ଟ॑-ଙ୍ଗୃହ୍ଣାମ୍ୟେ॒ଷ ତେ॒ ୟୋନିଃ॑ ପ୍ର॒ଜାପ॑ତୟେ ତ୍ଵା ॥ ପ୍ରା॒ଣ॒ଗ୍ର॒ହା-ନ୍ଗୃ॑ହ୍ଣାତ୍ୟେ॒ତାଵ॒ଦ୍ଵା ଅ॑ସ୍ତି॒ ୟାଵ॑ଦେ॒ତେ ଗ୍ରହା॒-ସ୍ସ୍ତୋମା॒ଶ୍ଛନ୍ଦାଗ୍ମ୍॑ସି ପୃ॒ଷ୍ଠାନି॒ ଦିଶୋ॒ ୟାଵ॑ଦେ॒ଵାସ୍ତି॒ ତ- [ୟାଵ॑ଦେ॒ଵାସ୍ତି॒ ତତ୍, ଅଵ॑ ରୁନ୍ଧେ] 29
-ଦଵ॑ ରୁନ୍ଧେ ଜ୍ୟେ॒ଷ୍ଠା ଵା ଏ॒ତା-ନ୍ବ୍ରା᳚ହ୍ମ॒ଣାଃ ପୁ॒ରା ଵିଦାମ॑କ୍ର॒-ନ୍ତସ୍ମା॒-ତ୍ତେଷା॒ଗ୍ମ୍॒ ସର୍ଵା॒ ଦିଶୋ॒-ଽଭିଜି॑ତା ଅଭୂଵ॒ନ୍॒. ୟସ୍ୟୈ॒ ତେ ଗୃ॒ହ୍ୟନ୍ତେ॒ ଜ୍ୟୈଷ୍ଠ୍ୟ॑ମେ॒ଵ ଗ॑ଚ୍ଛତ୍ୟ॒ଭି ଦିଶୋ॑ ଜୟତି॒ ପଞ୍ଚ॑ ଗୃହ୍ୟନ୍ତେ॒ ପଞ୍ଚ॒ ଦିଶ॒-ସ୍ସର୍ଵା᳚ସ୍ଵେ॒ଵ ଦି॒କ୍ଷ୍-ଵୃ॑ଦ୍ଧ୍ନୁଵନ୍ତି॒ ନଵ॑ନଵ ଗୃହ୍ୟନ୍ତେ॒ ନଵ॒ ଵୈ ପୁରୁ॑ଷେ ପ୍ରା॒ଣାଃ ପ୍ରା॒ଣାନେ॒ଵ ୟଜ॑ମାନେଷୁ ଦଧତି ପ୍ରାୟ॒ଣୀୟେ॑ ଚୋଦୟ॒ନୀୟେ॑ ଚ ଗୃହ୍ୟନ୍ତେ ପ୍ରା॒ଣା ଵୈ ପ୍ରା॑ଣଗ୍ର॒ହାଃ [ପ୍ରା॒ଣା ଵୈ ପ୍ରା॑ଣଗ୍ର॒ହାଃ, ପ୍ରା॒ଣୈରେ॒ଵ] 30
ପ୍ରା॒ଣୈରେ॒ଵ ପ୍ର॒ୟନ୍ତି॑ ପ୍ରା॒ଣୈରୁଦ୍ୟ॑ନ୍ତି ଦଶ॒ମେ-ଽହ॑-ନ୍ଗୃହ୍ୟନ୍ତେ ପ୍ରା॒ଣା ଵୈ ପ୍ରା॑ଣଗ୍ର॒ହାଃ ପ୍ରା॒ଣେଭ୍ୟଃ॒ ଖଲୁ॒ ଵା ଏ॒ତ-ତ୍ପ୍ର॒ଜା ୟ॑ନ୍ତି॒ ୟଦ୍ଵା॑ମଦେ॒ଵ୍ୟଂ-ୟୋଁନେ॒ଶ୍ଚ୍ୟଵ॑ତେ ଦଶ॒ମେ-ଽହ॑ନ୍. ଵାମଦେ॒ଵ୍ୟଂ-ୟୋଁନେ᳚ଶ୍ଚ୍ୟଵତେ॒ ୟ-ଦ୍ଦ॑ଶ॒ମେ-ଽହ॑-ନ୍ଗୃ॒ହ୍ୟନ୍ତେ᳚ ପ୍ରା॒ଣେଭ୍ୟ॑ ଏ॒ଵ ତ-ତ୍ପ୍ର॒ଜା ନୟ॑ନ୍ତି । 31
(ତତ୍ – ପ୍ରା॑ଣଗ୍ର॒ହାଃ – ସ॒ପ୍ତଵିଗ୍ମ୍॑ଶଚ୍ଚ) (ଅ. 10)
ପ୍ର ଦେ॒ଵନ୍ଦେ॒ଵ୍ୟା ଧି॒ୟା ଭର॑ତା ଜା॒ତଵେ॑ଦସମ୍ । ହ॒ଵ୍ୟା ନୋ॑ ଵକ୍ଷଦାନୁ॒ଷକ୍ ॥ ଅ॒ୟମୁ॒ ଷ୍ୟ ପ୍ରଦେ॑ଵ॒ୟୁର୍ହୋତା॑ ୟ॒ଜ୍ଞାୟ॑ ନୀୟତେ । ରଥୋ॒ ନ ୟୋର॒ଭୀଵୃ॑ତୋ॒ ଘୃଣୀ॑ଵାନ୍ ଚେତତି॒ ତ୍ମନା᳚ ॥ ଅ॒ୟମ॒ଗ୍ନିରୁ॑ରୁଷ୍ୟତ୍ୟ॒ମୃତା॑ଦିଵ॒ ଜନ୍ମ॑ନଃ । ସହ॑ସଶ୍ଚି॒-ଥ୍ସହୀ॑ୟା-ନ୍ଦେ॒ଵୋ ଜୀ॒ଵାତ॑ଵେ କୃ॒ତଃ ॥ ଇଡା॑ୟାସ୍ତ୍ଵା ପ॒ଦେ ଵ॒ୟ-ନ୍ନାଭା॑ ପୃଥି॒ଵ୍ୟା ଅଧି॑ । ଜାତ॑ଵେଦୋ॒ ନି ଧୀ॑ମ॒ହ୍ୟଗ୍ନେ॑ ହ॒ଵ୍ୟାୟ॒ ଵୋଢ॑ଵେ । 32
ଅଗ୍ନେ॒ ଵିଶ୍ଵେ॑ଭି-ସ୍ସ୍ଵନୀକ ଦେ॒ଵୈରୂର୍ଣା॑ଵନ୍ତ-ମ୍ପ୍ରଥ॒ମ-ସ୍ସୀ॑ଦ॒ ୟୋନି᳚ମ୍ । କୁ॒ଲା॒ୟିନ॑-ଙ୍ଘୃ॒ତଵ॑ନ୍ତଗ୍ମ୍ ସଵି॒ତ୍ରେ ୟ॒ଜ୍ଞ-ନ୍ନ॑ୟ॒ ୟଜ॑ମାନାୟ ସା॒ଧୁ ॥ ସୀଦ॑ ହୋତ॒-ସ୍ସ୍ଵ ଉ॑ ଲୋ॒କେ ଚି॑କି॒ତ୍ଵାନ୍ଥ୍ସା॒ଦୟା॑ ୟ॒ଜ୍ଞଗ୍ମ୍ ସୁ॑କୃ॒ତସ୍ୟ॒ ୟୋନୌ᳚ । ଦେ॒ଵା॒ଵୀର୍ଦେ॒ଵାନ୍. ହ॒ଵିଷା॑ ୟଜା॒ସ୍ୟଗ୍ନେ॑ ବୃ॒ହ-ଦ୍ୟଜ॑ମାନେ॒ ଵୟୋ॑ ଧାଃ ॥ ନି ହୋତା॑ ହୋତୃ॒ଷଦ॑ନେ॒ ଵିଦା॑ନସ୍ତ୍ଵେ॒ଷୋ ଦୀ॑ଦି॒ଵାଗ୍ମ୍ ଅ॑ସଦ-ଥ୍ସୁ॒ଦକ୍ଷଃ॑ । ଅଦ॑ବ୍ଧଵ୍ରତ-ପ୍ରମତି॒ର୍ଵସି॑ଷ୍ଠ-ସ୍ସହସ୍ର-ମ୍ଭ॒ର-ଶ୍ଶୁଚି॑ଜିହ୍ଵୋ ଅ॒ଗ୍ନିଃ ॥ ତ୍ଵ-ନ୍ଦୂ॒ତସ୍ତ୍ଵ- [ତ୍ଵ-ନ୍ଦୂ॒ତସ୍ତ୍ଵମ୍, ଉ॒ ନଃ॒ ପ॒ର॒ସ୍ପାସ୍ତ୍ଵଂ-ଵଁସ୍ୟ॒ ଆ] 33
-ମୁ॑ ନଃ ପର॒ସ୍ପାସ୍ତ୍ଵଂ-ଵଁସ୍ୟ॒ ଆ ଵୃ॑ଷଭ ପ୍ରଣେ॒ତା । ଅଗ୍ନେ॑ ତୋ॒କସ୍ୟ॑ ନ॒ସ୍ତନେ॑ ତ॒ନୂନା॒ମପ୍ର॑ୟୁଚ୍ଛ॒-ନ୍ଦୀଦ୍ୟ॑ଦ୍ବୋଧି ଗୋ॒ପାଃ ॥ ଅ॒ଭି ତ୍ଵା॑ ଦେଵ ସଵିତ॒ରୀଶା॑ନଂ॒-ଵାଁର୍ୟା॑ଣାମ୍ । ସଦା॑-ଽଵ-ନ୍ଭା॒ଗମୀ॑ମହେ ॥ ମ॒ହୀ ଦ୍ୟୌଃ ପୃ॑ଥି॒ଵୀ ଚ॑ନ ଇ॒ମଂ-ୟଁ॒ଜ୍ଞ-ମ୍ମି॑ମିକ୍ଷତାମ୍ । ପି॒ପୃ॒ତା-ନ୍ନୋ॒ ଭରୀ॑ମଭିଃ ॥ ତ୍ଵାମ॑ଗ୍ନେ॒ ପୁଷ୍କ॑ରା॒ଦଦ୍ଧ୍ୟଥ॑ର୍ଵା॒ ନିର॑ମନ୍ଥତ । ମୂ॒ର୍ଧ୍ନୋ ଵିଶ୍ଵ॑ସ୍ୟ ଵା॒ଘତଃ॑ ॥ ତମୁ॑- [ତମୁ॑, ତ୍ଵା॒ ଦ॒ଦ୍ଧ୍ୟଙ୍ଙୃଷିଃ॑] 34
-ତ୍ଵା ଦ॒ଦ୍ଧ୍ୟଙ୍ଙୃଷିଃ॑ ପୁ॒ତ୍ର ଈ॑ଧେ॒ ଅଥ॑ର୍ଵଣଃ । ଵୃ॒ତ୍ର॒ହଣ॑-ମ୍ପୁରନ୍ଦ॒ରମ୍ ॥ ତମୁ॑ ତ୍ଵା ପା॒ଥ୍ୟୋ ଵୃଷା॒ ସମୀ॑ଧେ ଦସ୍ୟୁ॒ହନ୍ତ॑ମମ୍ । ଧ॒ନ॒-ଞ୍ଜ॒ୟଗ୍ମ୍ ରଣେ॑ରଣେ ॥ ଉ॒ତ ବ୍ରୁ॑ଵନ୍ତୁ ଜ॒ନ୍ତଵ॒ ଉଦ॒ଗ୍ନିର୍ଵୃ॑ତ୍ର॒ହା-ଽଜ॑ନି । ଧ॒ନ॒-ଞ୍ଜ॒ୟୋ ରଣେ॑ରଣେ ॥ ଆ ୟଗ୍ମ୍ ହସ୍ତେ॒ ନ ଖା॒ଦିନ॒ଗ୍ମ୍॒ ଶିଶୁ॑-ଞ୍ଜା॒ତ-ନ୍ନ ବିଭ୍ର॑ତି । ଵି॒ଶାମ॒ଗ୍ନିଗ୍ଗ୍ ସ୍ଵ॑ଦ୍ଧ୍ଵ॒ରମ୍ ॥ ପ୍ରଦେ॒ଵ-ନ୍ଦେ॒ଵଵୀ॑ତୟେ॒ ଭର॑ତା ଵସୁ॒ଵିତ୍ତ॑ମମ୍ । ଆସ୍ଵେ ୟୋନୌ॒ ନି ଷୀ॑ଦତୁ ॥ ଆ [ ] 35
ଜା॒ତ-ଞ୍ଜା॒ତଵେ॑ଦସି ପ୍ରି॒ୟଗ୍ମ୍ ଶି॑ଶୀ॒ତା-ଽତି॑ଥିମ୍ । ସ୍ୟୋ॒ନ ଆ ଗୃ॒ହପ॑ତିମ୍ ॥ ଅ॒ଗ୍ନିନା॒-ଽଗ୍ନି-ସ୍ସମି॑ଦ୍ଧ୍ୟତେ କ॒ଵିର୍ଗୃ॒ହପ॑ତି॒ର୍ୟୁଵା᳚ । ହ॒ଵ୍ୟ॒ଵା-ଡ୍ଜୁ॒ହ୍ଵା᳚ସ୍ୟଃ ॥ ତ୍ଵଗ୍ଗ୍ ହ୍ୟ॑ଗ୍ନେ ଅ॒ଗ୍ନିନା॒ ଵିପ୍ରୋ॒ ଵିପ୍ରେ॑ଣ॒ ସନ୍ଥ୍ସ॒ତା । ସଖା॒ ସଖ୍ୟା॑ ସମି॒ଦ୍ଧ୍ୟସେ᳚ ॥ ତ-ମ୍ମ॑ର୍ଜୟନ୍ତ ସୁ॒କ୍ରତୁ॑-ମ୍ପୁରୋ॒ୟାଵା॑ନମା॒ଜିଷୁ॑ । ସ୍ଵେଷୁ॒ କ୍ଷୟେ॑ଷୁ ଵା॒ଜିନ᳚ମ୍ ॥ ୟ॒ଜ୍ଞେନ॑ ୟ॒ଜ୍ଞମ॑ୟଜନ୍ତ ଦେ॒ଵାସ୍ତାନି॒ ଧର୍ମା॑ଣି ପ୍ରଥ॒ମାନ୍ୟା॑ସନ୍ନ୍ । ତେ ହ॒ ନାକ॑-ମ୍ମହି॒ମାନ॑-ସ୍ସଚନ୍ତେ॒ ୟତ୍ର॒ ପୂର୍ଵେ॑ ସା॒ଦ୍ଧ୍ୟା-ସ୍ସନ୍ତି॑ ଦେ॒ଵାଃ ॥ 36 ॥
(ଵୋଢ॑ଵେ- ଦୂ॒ତସ୍ତ୍ଵଂ – ତମୁ॑ – ସୀଦ॒ତ୍ଵା – ୟତ୍ର॑ – ଚ॒ତ୍ଵାରି॑ ଚ) (ଅ. 11)
(ପୂ॒ର୍ଣ – ର୍ଷ॑ୟୋ॒ – ଽଗ୍ନିନା॒ – ୟେ ଦେ॒ଵାଃ – ସୂର୍ୟୋ॑ ମା॒ – ସନ୍ତ୍ଵା॑ ନହ୍ୟାମି – ଵଷଟ୍କା॒ର-ସ୍ସ ଖ॑ଦି॒ର – ଉ॑ପୟା॒ମଗୃ॑ହୀତୋ-ଽସି॒ – ୟାଂ-ଵୈଁ – ତ୍ଵେ କ୍ରତୁଂ॒ – ପ୍ରଦେ॒ଵ – ମେକା॑ଦଶ )
(ପୂ॒ର୍ଣା – ସ॑ହ॒ଜାନ୍ – ତଵା᳚-ଽଗ୍ନେ – ପ୍ରା॒ଣୈରେ॒ଵ – ଷଟ୍ତ୍ରିଗ୍ମ୍॑ଶତ୍)
(ପୂ॒ର୍ଣା, ସନ୍ତି॑ ଦେ॒ଵାଃ)
॥ ହରିଃ॑ ଓମ୍ ॥
(ପ୍ର॒ଜାପ॑ତି॒ – ୟୋ॑ ଵା – ଅଗ୍ନେ॒ – ଵି ଵୈ – ପୂ॒ର୍ଣା – ପଞ୍ଚ॑) (5)
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ନ୍ତୃତୀୟକାଣ୍ଡେ ପଞ୍ଚମଃ ପ୍ରଶ୍ନ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 3.5 - ପୂର୍ଣା ପଶ୍ଚାଦୁତ ପୂର୍ଣା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
3.5 - ପୂର୍ଣା ପଶ୍ଚାଦୁତ ପୂର୍ଣା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 3.5 - ପୂର୍ଣା ପଶ୍ଚାଦୁତ ପୂର୍ଣା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 3.5 - ପୂର୍ଣା ପଶ୍ଚାଦୁତ ପୂର୍ଣା - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.