2.6 – ସମିଧୋ ୟଜତି ଵସନ୍ତମ୍ – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ନ୍ଦ୍ଵିତୀୟକାଣ୍ଡେ ଷଷ୍ଠଃ ପ୍ରଶ୍ନଃ – ଅଵଶିଷ୍ଟକର୍ମାଭିଧାନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ସ॒ମିଧୋ॑ ୟଜତି ଵସ॒ନ୍ତମେ॒ଵର୍ତୂ॒ନାମଵ॑ ରୁନ୍ଧେ॒ ତନୂ॒ନପା॑ତଂ-ୟଁଜତି ଗ୍ରୀ॒ଷ୍ମମେ॒ଵାଵ॑ ରୁନ୍ଧ ଇ॒ଡୋ ୟ॑ଜତି ଵ॒ର୍॒ଷା ଏ॒ଵାଵ॑ ରୁନ୍ଧେ ବ॒ର୍॒ହିର୍ୟ॑ଜତି ଶ॒ରଦ॑ମେ॒ଵାଵ॑ ରୁନ୍ଧେ ସ୍ଵାହାକା॒ରଂ-ୟଁ॑ଜତି ହେମ॒ନ୍ତମେ॒ଵାଵ॑ ରୁନ୍ଧେ॒ ତସ୍ମା॒-ଥ୍ସ୍ଵାହା॑କୃତା॒ ହେମ॑-ନ୍ପ॒ଶଵୋ-ଽଵ॑ ସୀଦନ୍ତି ସ॒ମିଧୋ॑ ୟଜତ୍ୟୁ॒ଷସ॑ ଏ॒ଵ ଦେ॒ଵତା॑ନା॒ମଵ॑ ରୁନ୍ଧେ॒ ତନୂ॒ନପା॑ତଂ-ୟଁଜତି ୟ॒ଜ୍ଞମେ॒ଵାଵ॑ ରୁନ୍ଧ [ୟ॒ଜ୍ଞମେ॒ଵାଵ॑ ରୁନ୍ଧ, ଇ॒ଡୋ ୟ॑ଜତି] 1
ଇ॒ଡୋ ୟ॑ଜତି ପ॒ଶୂନେ॒ଵାଵ॑ ରୁନ୍ଧେ ବ॒ର୍ହିର୍ୟ॑ଜତି ପ୍ର॒ଜାମେ॒ଵାଵ॑ ରୁନ୍ଧେ ସ॒ମାନ॑ୟତ ଉପ॒ଭୃତ॒ସ୍ତେଜୋ॒ ଵା ଆଜ୍ୟ॑-ମ୍ପ୍ର॒ଜା ବ॒ର୍॒ହିଃ ପ୍ର॒ଜାସ୍ଵେ॒ଵ ତେଜୋ॑ ଦଧାତି ସ୍ଵାହାକା॒ରଂ-ୟଁ॑ଜତି॒ ଵାଚ॑ମେ॒ଵାଵ॑ ରୁନ୍ଧେ॒ ଦଶ॒ ସ-ମ୍ପ॑ଦ୍ୟନ୍ତେ॒ ଦଶା᳚କ୍ଷରା ଵି॒ରାଡନ୍ନଂ॑-ଵିଁ॒ରାଡ୍ଵି॒ରାଜୈ॒ ଵାନ୍ନାଦ୍ୟ॒ମଵ॑ ରୁନ୍ଧେ ସ॒ମିଧୋ॑ ୟଜତ୍ୟ॒ସ୍ମିନ୍ନେ॒ଵ ଲୋ॒କେ ପ୍ରତି॑ତିଷ୍ଠତି॒ ତନୂ॒ନପା॑ତଂ-ୟଁଜତି [ ] 2
ୟ॒ଜ୍ଞ ଏ॒ଵାନ୍ତରି॑କ୍ଷେ॒ ପ୍ରତି॑ ତିଷ୍ଠତୀ॒ଡୋ ୟ॑ଜତି ପ॒ଶୁଷ୍ଵେ॒ଵ ପ୍ରତି॑ତିଷ୍ଠତି ବ॒ର॒ଃଇର୍ୟ॑ଜତି॒ ୟ ଏ॒ଵ ଦେ॑ଵ॒ୟାନାଃ॒ ପନ୍ଥା॑ନ॒ସ୍ତେଷ୍ଵେ॒ଵ ପ୍ରତି॑ତିଷ୍ଠତି ସ୍ଵାହାକା॒ରଂ-ୟଁ॑ଜତି ସୁଵ॒ର୍ଗ ଏ॒ଵ ଲୋ॒କେ ପ୍ରତି॑ ତିଷ୍ଠତ୍ୟେ॒ତାଵ॑ନ୍ତୋ॒ ଵୈ ଦେ॑ଵଲୋ॒କାସ୍ତେଷ୍ଵେ॒ଵ ୟ॑ଥାପୂ॒ର୍ଵ-ମ୍ପ୍ରତି॑ତିଷ୍ଠତି ଦେଵାସୁ॒ରା ଏ॒ଷୁ ଲୋ॒କେଷ୍ଵ॑ସ୍ପର୍ଧନ୍ତ॒ ତେ ଦେ॒ଵାଃ ପ୍ର॑ୟା॒ଜୈରେ॒ଭ୍ୟୋ ଲୋ॒କେଭ୍ୟୋ ଽସୁ॑ରା॒-ନ୍ପ୍ରାଣୁ॑ଦନ୍ତ॒ ତ-ତ୍ପ୍ର॑ୟା॒ଜାନା᳚- [ତ-ତ୍ପ୍ର॑ୟା॒ଜାନା᳚ମ୍, ପ୍ର॒ୟା॒ଜ॒ତ୍ଵ-] 3
-ମ୍ପ୍ରୟାଜ॒ତ୍ଵଂ-ୟଁସ୍ୟୈ॒ଵଂ-ଵିଁ॒ଦୁଷଃ॑ ପ୍ରୟା॒ଜା ଇ॒ଜ୍ୟନ୍ତେ॒ ପ୍ରୈଭ୍ୟୋ ଲୋ॒କେଭ୍ୟୋ॒ ଭ୍ରାତୃ॑ଵ୍ୟାନ୍ନୁଦତେ ଽଭି॒କ୍ରାମ॑-ଞ୍ଜୁହୋତ୍ୟ॒ଭିଜି॑ତ୍ୟୈ॒ ୟୋ ଵୈ ପ୍ର॑ୟା॒ଜାନା᳚-ମ୍ମିଥୁ॒ନଂ-ଵେଁଦ॒ ପ୍ର ପ୍ର॒ଜୟା॑ ପ॒ଶୁଭି॑ ର୍ମିଥୁ॒ନୈ ର୍ଜା॑ୟତେ ସ॒ମିଧୋ॑ ବ॒ହ୍ଵୀରି॑ଵ ୟଜତି॒ ତନୂ॒ନପା॑ତ॒ମେକ॑ମିଵ ମିଥୁ॒ନ-ନ୍ତଦି॒ଡୋ ବ॒ହ୍ଵୀରି॑ଵ ୟଜତି ବ॒ର୍॒ହିରେକ॑ମିଵ ମିଥୁ॒ନ-ନ୍ତଦେ॒ତଦ୍ଵୈ ପ୍ର॑ୟା॒ଜାନା᳚-ମ୍ମିଥୁ॒ନଂ-ୟଁ ଏ॒ଵଂ-ଵେଁଦ॒ ପ୍ର [ ] 4
ପ୍ର॒ଜୟା॑ ପ॒ଶୁଭି॑ ର୍ମିଥୁ॒ନୈ ର୍ଜା॑ୟତେ ଦେ॒ଵାନାଂ॒-ଵାଁ ଅନି॑ଷ୍ଟା ଦେ॒ଵତା॒ ଆସ॒ନ୍ନଥାସୁ॑ରା ୟ॒ଜ୍ଞମ॑ଜିଘାଗ୍ମ୍ ସ॒-ନ୍ତେ ଦେ॒ଵା ଗା॑ୟ॒ତ୍ରୀଂ-ଵ୍ୟୌଁ॑ହ॒-ନ୍ପଞ୍ଚା॒କ୍ଷରା॑ଣି ପ୍ରା॒ଚୀନା॑ନି॒ ତ୍ରୀଣି॑ ପ୍ରତୀ॒ଚୀନା॑ନି॒ ତତୋ॒ ଵର୍ମ॑ ୟ॒ଜ୍ଞାୟାଭ॑ଵ॒ଦ୍ଵର୍ମ॒ ୟଜ॑ମାନାୟ॒ ୟ-ତ୍ପ୍ର॑ୟାଜାନୂୟା॒ଜା ଇ॒ଜ୍ୟନ୍ତେ॒ ଵର୍ମୈ॒ଵ ତଦ୍ୟ॒ଜ୍ଞାୟ॑ କ୍ରିୟତେ॒ ଵର୍ମ॒ ୟଜ॑ମାନାୟ॒ ଭ୍ରାତୃ॑ଵ୍ୟାଭିଭୂତ୍ୟୈ॒ ତସ୍ମା॒-ଦ୍ଵରୂ॑ଥ-ମ୍ପୁ॒ରସ୍ତା॒-ଦ୍ଵର୍ଷୀ॑ୟଃ ପ॒ଶ୍ଚାଦ୍ଧ୍ରସୀ॑ୟୋ ଦେ॒ଵା ଵୈ ପୁ॒ରା ରକ୍ଷୋ᳚ଭ୍ୟ॒ [ପୁ॒ରା ରକ୍ଷୋ᳚ଭ୍ୟଃ, ଇତି॑ ସ୍ଵାହାକା॒ରେଣ॑] 5
ଇତି॑ ସ୍ଵାହାକା॒ରେଣ॑ ପ୍ରୟା॒ଜେଷୁ॑ ୟ॒ଜ୍ଞଗ୍ମ୍ ସ॒ଗ୍ଗ୍॒ସ୍ଥାପ୍ୟ॑ମପଶ୍ୟ॒-ନ୍ତଗ୍ଗ୍ ସ୍ଵା॑ହାକା॒ରେଣ॑ ପ୍ରୟା॒ଜେଷୁ॒ ସମ॑ସ୍ଥାପୟ॒ନ୍ ଵି ଵା ଏ॒ତ-ଦ୍ୟ॒ଜ୍ଞ-ଞ୍ଛି॑ନ୍ଦନ୍ତି॒ ୟ-ଥ୍ସ୍ଵା॑ହାକା॒ରେଣ॑ ପ୍ରୟା॒ଜେଷୁ॑ ସଗ୍ଗ୍ସ୍ଥା॒ପୟ॑ନ୍ତି ପ୍ରୟା॒ଜାନି॒ଷ୍ଟ୍ଵା ହ॒ଵୀଗ୍ଷ୍ୟ॒ଭି ଘା॑ରୟତି ୟ॒ଜ୍ଞସ୍ୟ॒ ସନ୍ତ॑ତ୍ୟା॒ ଅଥୋ॑ ହ॒ଵିରେ॒ଵାକ॒ରଥୋ॑ ୟଥାପୂ॒ର୍ଵମୁପୈ॑ତି ପି॒ତା ଵୈ ପ୍ର॑ୟା॒ଜାଃ ପ୍ର॒ଜା-ଽନୂ॑ୟା॒ଜା ୟ-ତ୍ପ୍ର॑ୟା॒ଜାନି॒ଷ୍ଟ୍ଵା ହ॒ଵୀଗ୍ଷ୍ୟ॑ଭିଘା॒ରୟ॑ତି ପି॒ତୈଵ ତ-ତ୍ପୁ॒ତ୍ରେଣ॒ ସାଧା॑ରଣ- [ସାଧା॑ରଣମ୍, କୁ॒ରୁ॒ତେ॒ ତସ୍ମା॑ଦାହୁ॒-] 6
-ଙ୍କୁରୁତେ॒ ତସ୍ମା॑ଦାହୁ॒-ର୍ୟଶ୍ଚୈ॒ଵଂ-ଵେଁଦ॒ ୟଶ୍ଚ॒ ନ କ॒ଥା ପୁ॒ତ୍ରସ୍ୟ॒ କେଵ॑ଲ-ଙ୍କ॒ଥା ସାଧା॑ରଣ-ମ୍ପି॒ତୁରିତ୍ୟସ୍କ॑ନ୍ନମେ॒ଵ ତଦ୍ୟ-ତ୍ପ୍ର॑ୟା॒ଜେଷ୍ଵି॒ଷ୍ଟେଷୁ॒ ସ୍କନ୍ଦ॑ତି ଗାୟ॒ତ୍ର୍ୟେ॑ଵ ତେନ॒ ଗର୍ଭ॑-ନ୍ଧତ୍ତେ॒ ସା ପ୍ର॒ଜା-ମ୍ପ॒ଶୂନ୍. ୟଜ॑ମାନାୟ॒ ପ୍ରଜ॑ନୟତି ॥ 7 ॥
(ୟ॒ଜ॒ତି॒ ୟ॒ଜ୍ଞାମେ॒ଵାଵ॑ ରୁନ୍ଧେ॒ – ତନୂ॒ନପା॑ତଂ-ୟଁଜତି – ପ୍ରୟା॒ଜାନା॑ ଟ୍ଟ ମେ॒ଵଂ-ଵେଁଦ॒ ପ୍ର – ରକ୍ଷୋ᳚ଭ୍ୟଃ॒ – ସାଧା॑ରଣଂ॒ – ପଞ୍ଚ॑ତ୍ରିଗ୍ମ୍ଶଚ୍ଚ ) (ଅ. 1)
ଚକ୍ଷୁ॑ଷୀ॒ ଵା ଏ॒ତେ ୟ॒ଜ୍ଞସ୍ୟ॒ ୟଦାଜ୍ୟ॑ଭାଗୌ॒ ୟଦାଜ୍ୟ॑ଭାଗୌ॒ ୟଜ॑ତି॒ ଚକ୍ଷୁ॑ଷୀ ଏ॒ଵ ତ-ଦ୍ୟ॒ଜ୍ଞସ୍ୟ॒ ପ୍ରତି॑ ଦଧାତି ପୂର୍ଵା॒ର୍ଧେ ଜୁ॑ହୋତି॒ ତସ୍ମା᳚-ତ୍ପୂର୍ଵା॒ର୍ଧେ ଚକ୍ଷୁ॑ଷୀ ପ୍ର॒ବାହୁ॑ଗ୍-ଜୁହୋତି॒ ତସ୍ମା᳚-ତ୍ପ୍ର॒ବାହୁ॒କ୍ଚକ୍ଷୁ॑ଷୀ ଦେଵଲୋ॒କଂ-ଵାଁ ଅ॒ଗ୍ନିନା॒ ୟଜ॑ମା॒ନୋ-ଽନୁ॑ ପଶ୍ୟତି ପିତୃଲୋ॒କଗ୍ମ୍ ସୋମେ॑ନୋତ୍ତରା॒ର୍ଧେ᳚ ଽଗ୍ନୟେ॑ ଜୁହୋତି ଦକ୍ଷିଣା॒ର୍ଧେ ସୋମା॑ୟୈ॒ଵମି॑ଵ॒ ହୀମୌ ଲୋ॒କାଵ॒ନୟୋ᳚ ର୍ଲୋ॒କୟୋ॒ରନୁ॑ଖ୍ୟାତ୍ୟୈ॒ ରାଜା॑ନୌ॒ ଵା ଏ॒ତୌ ଦେ॒ଵତା॑ନାଂ॒- [ଦେ॒ଵତା॑ନାମ୍, ୟଦ॒ଗ୍ନୀଷୋମା॑ଵନ୍ତ॒ରା] 8
ଁୟଦ॒ଗ୍ନୀଷୋମା॑ଵନ୍ତ॒ରା ଦେ॒ଵତା॑ ଇଜ୍ୟେତେ ଦେ॒ଵତା॑ନାଂ॒-ଵିଁଧୃ॑ତ୍ୟୈ॒ ତସ୍ମା॒-ଦ୍ରାଜ୍ଞା॑ ମନୁ॒ଷ୍ୟା॑ ଵିଧୃ॑ତା ବ୍ରହ୍ମଵା॒ଦିନୋ॑ ଵଦନ୍ତି॒ କି-ନ୍ତ-ଦ୍ୟ॒ଜ୍ଞେ ୟଜ॑ମାନଃ କୁରୁତେ॒ ୟେନା॒ନ୍ୟତୋ॑ଦତଶ୍ଚ ପ॒ଶୂ-ନ୍ଦା॒ଧା-ରୋ॑ଭ॒ୟତୋ॑ଦତ॒-ଶ୍ଚେତ୍ୟୃଚ॑-ମ॒ନୂଚ୍ୟା ଽଽଜ୍ୟ॑ଭାଗସ୍ୟ ଜୁଷା॒ଣେନ॑ ୟଜତି॒ ତେନା॒ନ୍ୟତୋ॑ଦତୋ ଦାଧା॒ରର୍ଚ॑ମ॒ନୂଚ୍ୟ॑ ହ॒ଵିଷ॑ ଋ॒ଚା ୟ॑ଜତି॒ ତେନୋ॑ଭ॒ୟତୋ॑ଦତୋ ଦାଧାର ମୂର୍ଧ॒ନ୍ଵତୀ॑ ପୁରୋ-ଽନୁଵା॒କ୍ୟା॑ ଭଵତି ମୂ॒ର୍ଧାନ॑ମେ॒ଵୈନଗ୍ମ୍॑ ସମା॒ନାନା᳚-ଙ୍କରୋତି [ ] 9
ନି॒ୟୁତ୍ଵ॑ତ୍ୟା ୟଜତି॒ ଭ୍ରାତୃ॑ଵ୍ୟସ୍ୟୈ॒ଵ ପ॒ଶୂ-ନ୍ନି ୟୁ॑ଵତେ କେ॒ଶିନଗ୍ମ୍॑ହ ଦା॒ର୍ଭ୍ୟ-ଙ୍କେ॒ଶୀ ସାତ୍ୟ॑କାମିରୁଵାଚ ସ॒ପ୍ତପ॑ଦା-ନ୍ତେ॒ ଶକ୍ଵ॑ରୀ॒ଗ୍॒ ଶ୍ଵୋ ୟ॒ଜ୍ଞେ ପ୍ର॑ୟୋ॒କ୍ତାସେ॒ ୟସ୍ୟୈ॑ ଵୀ॒ର୍ୟେ॑ଣ॒ ପ୍ର ଜା॒ତା-ନ୍ଭ୍ରାତୃ॑ଵ୍ୟାନ୍ନୁ॒ଦତେ॒ ପ୍ରତି॑ ଜନି॒ଷ୍ୟମା॑ଣା॒ନ୍॒. ୟସ୍ୟୈ॑ ଵୀ॒ର୍ୟେ॑ଣୋ॒ଭୟୋ᳚ ର୍ଲୋ॒କୟୋ॒ ର୍ଜ୍ୟୋତି॑ ର୍ଧ॒ତ୍ତେ ୟସ୍ୟୈ॑ ଵୀ॒ର୍ୟେ॑ଣ ପୂର୍ଵା॒ର୍ଧେନା॑ନ॒ଡ୍ଵା-ନ୍ଭୁ॒ନକ୍ତି॑ ଜଘନା॒ର୍ଧେନ॑ ଧେ॒ନୁରିତି॑ ପୁ॒ରସ୍ତା᳚ଲ୍ଲକ୍ଷ୍ମା ପୁରୋ-ଽନୁଵା॒କ୍ୟା॑ ଭଵତି ଜା॒ତାନେ॒ଵ ଭ୍ରାତୃ॑ଵ୍ୟା॒-ନ୍ପ୍ରଣୁ॑ଦତ ଉ॒ପରି॑ଷ୍ଟାଲ୍ଲକ୍ଷ୍ମା [ ] 10
ୟା॒ଜ୍ୟା॑ ଜନି॒ଷ୍ୟମା॑ଣାନେ॒ଵ ପ୍ରତି॑ନୁଦତେ ପୁ॒ରସ୍ତା᳚ଲ୍ଲକ୍ଷ୍ମା ପୁରୋ-ଽନୁଵା॒କ୍ୟା॑ ଭଵତ୍ୟ॒ସ୍ମିନ୍ନେ॒ଵ ଲୋ॒କେ ଜ୍ୟୋତି॑ର୍ଧତ୍ତ ଉ॒ପରି॑ଷ୍ଟାଲ୍ଲକ୍ଷ୍ମା ୟା॒ଜ୍ୟା॑-ଽମୁଷ୍ମି॑ନ୍ନେ॒ଵ ଲୋ॒କେ ଜ୍ୟୋତି॑ର୍ଧତ୍ତେ॒ ଜ୍ୟୋତି॑ଷ୍ମନ୍ତାଵସ୍ମା ଇ॒ମୌ ଲୋ॒କୌ ଭ॑ଵତୋ॒ ୟ ଏ॒ଵଂ-ଵେଁଦ॑ ପୁ॒ରସ୍ତା᳚ଲ୍ଲକ୍ଷ୍ମା ପୁରୋ-ଽନୁଵା॒କ୍ୟା॑ ଭଵତି॒ ତସ୍ମା᳚-ତ୍ପୂର୍ଵା॒ର୍ଧେନା॑ନ॒ଡ୍ଵା-ନ୍ଭୁ॑ନକ୍ତ୍ୟୁ॒ପରି॑ଷ୍ଟାଲ୍ଲକ୍ଷ୍ମା ୟା॒ଜ୍ୟା॑ ତସ୍ମା᳚ଜ୍ଜଘନା॒ର୍ଧେନ॑ ଧେ॒ନୁର୍ୟ ଏ॒ଵଂ-ଵେଁଦ॑ ଭୁ॒ଙ୍କ୍ତ ଏ॑ନମେ॒ତୌ ଵଜ୍ର॒ ଆଜ୍ୟଂ॒-ଵଁଜ୍ର॒ ଆଜ୍ୟ॑ଭାଗୌ॒ [ଆଜ୍ୟ॑ଭାଗୌ॒, ଵଜ୍ରୋ॑] 11
ଵଜ୍ରୋ॑ ଵଷଟ୍କା॒ରସ୍ତ୍ରି॒ଵୃତ॑ମେ॒ଵ ଵଜ୍ରଗ୍ମ୍॑ ସ॒ମ୍ଭୃତ୍ୟ॒ ଭ୍ରାତୃ॑ଵ୍ୟାୟ॒ ପ୍ର ହ॑ର॒ତ୍ୟଚ୍ଛ॑ମ୍ବଟ୍କାର-ମପ॒ଗୂର୍ୟ॒ ଵଷ॑ଟ୍କରୋତି॒ ସ୍ତୃତ୍ୟୈ॑ ଗାୟ॒ତ୍ରୀ ପୁ॑ରୋ-ଽନୁଵା॒କ୍ୟା॑ ଭଵତି ତ୍ରି॒ଷ୍ଟୁଗ୍ ୟା॒ଜ୍ୟା᳚ ବ୍ରହ୍ମ॑ନ୍ନେ॒ଵ କ୍ଷ॒ତ୍ରମ॒ନ୍ଵାର॑-ମ୍ଭୟତି॒ ତସ୍ମା᳚ଦ୍ବ୍ରାହ୍ମ॒ଣୋ ମୁଖ୍ୟୋ॒ ମୁଖ୍ୟୋ॑ ଭଵତି॒ ୟ ଏ॒ଵଂ-ଵେଁଦ॒ ପ୍ରୈଵୈନ॑-ମ୍ପୁରୋ-ଽନୁଵା॒କ୍ୟ॑ୟା ଽଽହ॒ ପ୍ରଣ॑ୟତି ୟା॒ଜ୍ୟ॑ୟା ଗ॒ମୟ॑ତି ଵଷଟ୍କା॒ରେଣୈଵୈନ॑-ମ୍ପୁରୋ-ଽନୁଵା॒କ୍ୟ॑ୟା ଦତ୍ତେ॒ ପ୍ରୟ॑ଚ୍ଛତି ୟା॒ଜ୍ୟ॑ୟା॒ ପ୍ରତି॑ [ୟା॒ଜ୍ୟ॑ୟା॒ ପ୍ରତି॑, ଵ॒ଷ॒ଟ୍କା॒ରେଣ॑] 12
ଵଷଟ୍କା॒ରେଣ॑ ସ୍ଥାପୟତି ତ୍ରି॒ପଦା॑ ପୁରୋ-ଽନୁଵା॒କ୍ୟା॑ ଭଵତି॒ ତ୍ରୟ॑ ଇ॒ମେ ଲୋ॒କା ଏ॒ଷ୍ଵେ॑ଵ ଲୋ॒କେଷୁ॒ ପ୍ରତି॑ତିଷ୍ଠତି॒ ଚତୁ॑ଷ୍ପଦା ୟା॒ଜ୍ୟା॑ ଚତୁ॑ଷ୍ପଦ ଏ॒ଵ ପ॒ଶୂନଵ॑ ରୁନ୍ଧେ ଦ୍ଵ୍ୟକ୍ଷ॒ରୋ ଵ॑ଷଟ୍କା॒ରୋ ଦ୍ଵି॒ପା-ଦ୍ୟଜ॑ମାନଃ ପ॒ଶୁଷ୍ଵେ॒ଵୋପରି॑ଷ୍ଟା॒-ତ୍ପ୍ରତି॑ତିଷ୍ଠତି ଗାୟ॒ତ୍ରୀ ପୁ॑ରୋ-ଽନୁଵା॒କ୍ୟା॑ ଭଵତି ତ୍ରି॒ଷ୍ଟୁଗ୍ ୟା॒ଜ୍ୟୈ॑ଷା ଵୈ ସ॒ପ୍ତପ॑ଦା॒ ଶକ୍ଵ॑ରୀ॒ ୟଦ୍ଵା ଏ॒ତୟା॑ ଦେ॒ଵା ଅଶି॑କ୍ଷ॒-ନ୍ତଦ॑ଶକ୍ନୁଵ॒ନ୍॒. ୟ ଏ॒ଵଂ-ଵେଁଦ॑ ଶ॒କ୍ନୋତ୍ୟେ॒ଵ ୟଚ୍ଛିକ୍ଷ॑ତି ॥ 13 ॥
(ଦେ॒ଵତା॑ନାଂ – କରୋତ୍ୟୁ॒ – ପରି॑ଷ୍ଟାଲ୍ଲ॒କ୍ଷ୍ମା – ଽଽଜ୍ୟ॑ଭାଗୌ॒ – ପ୍ରତି॑ – ଶ॒କ୍ରୋତ୍ୟେ॒ଵ – ଦ୍ଵେ ଚ॑ ) (ଅ. 2)
ପ୍ର॒ଜାପ॑ତି ର୍ଦେ॒ଵେଭ୍ୟୋ॑ ୟ॒ଜ୍ଞାନ୍ ଵ୍ୟାଦି॑ଶ॒-ଥ୍ସ ଆ॒ତ୍ମନ୍ନାଜ୍ୟ॑ମଧତ୍ତ॒ ତ-ନ୍ଦେ॒ଵା ଅ॑ବ୍ରୁଵନ୍ନେ॒ଷ ଵାଵ ୟ॒ଜ୍ଞୋ ୟଦାଜ୍ୟ॒ମପ୍ୟେ॒ଵ ନୋ-ଽତ୍ରା॒ସ୍ତ୍ଵିତି॒ ସୋ᳚-ଽବ୍ରଵୀ॒-ଦ୍ୟଜାନ୍॑ ଵ॒ ଆଜ୍ୟ॑ଭାଗା॒ଵୁପ॑ ସ୍ତୃଣାନ॒ଭି ଘା॑ରୟା॒ନିତି॒ ତସ୍ମା॒-ଦ୍ୟଜ॒ନ୍ତ୍ୟା-ଜ୍ୟ॑ଭାଗା॒ଵୁପ॑ ସ୍ତୃଣନ୍ତ୍ୟ॒ଭି ଘା॑ରୟନ୍ତି ବ୍ରହ୍ମଵା॒ଦିନୋ॑ ଵଦନ୍ତି॒ କସ୍ମା᳚-ଥ୍ସ॒ତ୍ୟା-ଦ୍ୟା॒ତୟା॑ମାନ୍ୟ॒ନ୍ୟାନି॑ ହ॒ଵୀଗ୍-ଷ୍ୟୟା॑ତୟାମ॒-ମାଜ୍ୟ॒ମିତି॑ ପ୍ରାଜାପ॒ତ୍ୟ- [ପ୍ରାଜାପ॒ତ୍ୟମ୍, ଇତି॑] 14
-ମିତି॑ ବ୍ରୂୟା॒ଦୟା॑ତୟାମା॒ ହି ଦେ॒ଵାନା᳚-ମ୍ପ୍ର॒ଜାପ॑ତି॒ରିତି॒ ଛନ୍ଦାଗ୍ମ୍॑ସି ଦେ॒ଵେଭ୍ୟୋ-ଽପା᳚କ୍ରାମ॒-ନ୍ନ ଵୋ॑-ଽଭା॒ଗାନି॑ ହ॒ଵ୍ୟଂ-ଵଁ॑କ୍ଷ୍ୟାମ॒ ଇତି॒ ତେଭ୍ୟ॑ ଏ॒ତ-ଚ୍ଚ॑ତୁରଵ॒ତ୍ତ-ମ॑ଧାରୟ-ନ୍ପୁରୋ-ଽନୁଵା॒କ୍ୟା॑ୟୈ ୟା॒ଜ୍ୟା॑ୟୈ ଦେ॒ଵତା॑ୟୈ ଵଷଟ୍କା॒ରାୟ॒ ୟଚ୍ଚ॑ତୁରଵ॒ତ୍ତ-ଞ୍ଜୁ॒ହୋତି॒ ଛନ୍ଦାଗ୍॑ସ୍ୟେ॒ଵ ତ-ତ୍ପ୍ରୀ॑ଣାତି॒ ତାନ୍ୟ॑ସ୍ୟ ପ୍ରୀ॒ତାନି॑ ଦେ॒ଵେଭ୍ୟୋ॑ ହ॒ଵ୍ୟଂ-ଵଁ॑ହ॒ନ୍ତ୍ୟଙ୍ଗି॑ରସୋ॒ ଵା ଇ॒ତ ଉ॑ତ୍ତ॒ମା-ସ୍ସୁ॑ଵ॒ର୍ଗଂ-ଲୋଁ॒କମା॑ୟ॒-ନ୍ତଦୃଷ॑ୟୋ ୟଜ୍ଞଵା॒ସ୍ତ୍ଵ॑ଭ୍ୟ॒ଵାୟ॒-ନ୍ତେ॑- [ୟଜ୍ଞଵା॒ସ୍ତ୍ଵ॑ଭ୍ୟ॒ଵାୟ॒-ନ୍ତେ, ଅ॒ପ॒ଶ୍ୟ॒-ନ୍ପୁ॒ରୋ॒ଡାଶ॑-] 15
-ଽପଶ୍ୟ-ନ୍ପୁରୋ॒ଡାଶ॑-ଙ୍କୂ॒ର୍ମ-ମ୍ଭୂ॒ତଗ୍ମ୍ ସର୍ପ॑ନ୍ତ॒-ନ୍ତମ॑ବ୍ରୁଵ॒ନ୍ନିନ୍ଦ୍ରା॑ୟ ଧ୍ରିୟସ୍ଵ॒ ବୃ॒ହସ୍ପତ॑ୟେ ଧ୍ରିୟସ୍ଵ॒ ଵିଶ୍ଵେ᳚ଭ୍ୟୋ ଦେ॒ଵେଭ୍ୟୋ᳚ ଧ୍ରିୟ॒ସ୍ଵେତି॒ ସ ନାଦ୍ଧ୍ରି॑ୟତ॒ ତମ॑ବ୍ରୁଵନ୍ନ॒ଗ୍ନୟେ᳚ ଧ୍ରିୟ॒ସ୍ଵେତି॒ ସୋ᳚-ଽଗ୍ନୟେ᳚-ଽଦ୍ଧ୍ରିୟତ॒ ୟଦା᳚ଗ୍ନେ॒ୟୋ᳚- ଽଷ୍ଟାକ॑ପାଲୋ- ଽମାଵା॒ସ୍ୟା॑ୟା-ଞ୍ଚ ପୌର୍ଣମା॒ସ୍ୟା-ଞ୍ଚା᳚ଚ୍ୟୁ॒ତୋ ଭଵ॑ତି ସୁଵ॒ର୍ଗସ୍ୟ॑ ଲୋ॒କସ୍ୟା॒ଭିଜି॑ତ୍ୟୈ॒ ତମ॑ବ୍ରୁଵନ୍ କ॒ଥା-ଽହା᳚ସ୍ଥା॒ ଇତ୍ୟନୁ॑ପାକ୍ତୋ ଽଭୂଵ॒ମିତ୍ୟ॑ବ୍ରଵୀ॒-ଦ୍ୟଥା-ଽକ୍ଷୋ-ଽନୁ॑ପାକ୍ତୋ॒- [-ଽନୁ॑ପାକ୍ତଃ, ଅ॒ଵାର୍ଚ୍ଛ॑ତ୍ୟେ॒ଵ-] 16
-ଽଵାର୍ଚ୍ଛ॑ତ୍ୟେ॒ଵ-ମଵା॑-ଽଽର॒ମିତ୍ୟୁ॒ପରି॑ଷ୍ଟା-ଦ॒ଭ୍ୟଜ୍ୟା॒ଧସ୍ତା॒-ଦୁପା॑ନକ୍ତି ସୁଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟୈ॒ ସର୍ଵା॑ଣି କ॒ପାଲା᳚ନ୍ୟ॒ଭି ପ୍ର॑ଥୟତି॒ ତାଵ॑ତଃ ପୁରୋ॒ଡାଶା॑ନ॒ମୁଷ୍ମି॑ନ୍ ଁଲୋ॒କେ॑-ଽଭି ଜ॑ୟତି॒ ୟୋ ଵିଦ॑ଗ୍ଧ॒-ସ୍ସ ନୈ॑ର୍-ଋ॒ତୋ ୟୋ-ଽଶୃ॑ତ॒-ସ୍ସ ରୌ॒ଦ୍ରୋ ୟ-ଶ୍ଶୃ॒ତ-ସ୍ସ ସଦେ॑ଵ॒ସ୍ତସ୍ମା॒ଦଵି॑ଦହତା ଶୃତ॒କୃନ୍ତ୍ୟ॑-ସ୍ସଦେଵ॒ତ୍ଵାୟ॒ ଭସ୍ମ॑ନା॒-ଽଭି ଵା॑ସୟତି॒ ତସ୍ମା᳚ନ୍ମା॒ଗ୍ମ୍॒ ସେନାସ୍ଥି॑ ଛ॒ନ୍ନଂ-ଵେଁ॒ଦେନା॒ଭି ଵା॑ସୟତି॒ ତସ୍ମା॒- [ତସ୍ମା᳚ତ୍, କେଶୈ॒-] 17
-ତ୍କେଶୈ॒-ଶ୍ଶିର॑-ଶ୍ଛ॒ନ୍ନ-ମ୍ପ୍ରଚ୍ୟୁ॑ତଂ॒-ଵାଁ ଏ॒ତଦ॒ସ୍ମା-ଲ୍ଲୋ॒କାଦଗ॑ତ-ନ୍ଦେଵଲୋ॒କଂ-ୟଁଚ୍ଛୃ॒ତଗ୍ମ୍ ହ॒ଵିରନ॑ଭିଘାରିତ-ମଭି॒ଘାର୍ୟୋ-ଦ୍ଵା॑ସୟତି ଦେଵ॒ତ୍ରୈଵୈନ॑-ଦ୍ଗମୟତି॒ ୟଦ୍ୟେକ॑-ଙ୍କ॒ପାଲ॒-ନ୍ନଶ୍ୟେ॒ଦେକୋ॒ ମାସ॑-ସ୍ସଂଵଁଥ୍ସ॒ରସ୍ୟାନ॑ଵେତ॒-ସ୍ସ୍ୟାଦଥ॒ ୟଜ॑ମାନଃ॒ ପ୍ରମୀ॑ୟେତ॒ ୟ-ଦ୍ଦ୍ଵେ ନଶ୍ୟେ॑ତା॒-ନ୍ଦ୍ଵୌ ମାସୌ॑ ସଂଵଁଥ୍ସ॒ରସ୍ୟାନ॑ଵେତୌ॒ ସ୍ୟାତା॒ମଥ॒ ୟଜ॑ମାନଃ॒ ପ୍ରମୀ॑ୟେତ ସ॒ଙ୍ଖ୍ୟାୟୋ-ଦ୍ଵା॑ସୟତି॒ ୟଜ॑ମାନସ୍ୟ [ୟଜ॑ମାନସ୍ୟ, ଗୋ॒ପୀ॒ଥାୟ॒ ୟଦି॒] 18
ଗୋପୀ॒ଥାୟ॒ ୟଦି॒ ନଶ୍ୟେ॑ଦାଶ୍ଵି॒ନ-ନ୍ଦ୍ଵି॑କପା॒ଲ-ନ୍ନିର୍ଵ॑ପେ-ଦ୍ଦ୍ୟାଵାପୃଥି॒ଵ୍ୟ॑- ମେକ॑କପାଲମ॒ଶ୍ଵିନୌ॒ ଵୈ ଦେ॒ଵାନା᳚-ମ୍ଭି॒ଷଜୌ॒ ତାଭ୍ୟା॑ମେ॒ଵାସ୍ମୈ॑ ଭେଷ॒ଜ-ଙ୍କ॑ରୋତି ଦ୍ୟାଵାପୃଥି॒ଵ୍ୟ॑ ଏକ॑କପାଲୋ ଭଵତ୍ୟ॒ନୟୋ॒ର୍ଵା ଏ॒ତନ୍ନ॑ଶ୍ୟତି॒ ୟନ୍ନଶ୍ୟ॑- ତ୍ୟ॒ନୟୋ॑ରେ॒ଵୈନ॑-ଦ୍ଵିନ୍ଦତି॒ ପ୍ରତି॑ଷ୍ଠିତ୍ୟୈ ॥ 19 ॥
(ପ୍ର॒ଜା॒ପ॒ତ୍ୟଂ – ତେ – ଽକ୍ଷୋ-ଽନୁ॑ପାକ୍ତୋ – ଵେ॒ଦେନା॒ଭି ଵା॑ସୟତି॒ ତସ୍ମା॒–ଦ୍ୟଜ॑ମାନସ୍ୟ॒ – ଦ୍ଵାତ୍ରିଗ୍ମ୍॑ଶଚ୍ଚ) (ଅ. 3)
ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵ ଇତି॒ ସ୍ଫ୍ୟମା ଦ॑ତ୍ତେ॒ ପ୍ରସୂ᳚ତ୍ୟା ଅ॒ଶ୍ଵିନୋ᳚ ର୍ବା॒ହୁଭ୍ୟା॒ମିତ୍ୟା॑ହା॒-ଶ୍ଵିନୌ॒ ହି ଦେ॒ଵାନା॑ମଦ୍ଧ୍ଵ॒ର୍ୟୂ ଆସ୍ତା᳚-ମ୍ପୂ॒ଷ୍ଣୋ ହସ୍ତା᳚ଭ୍ୟା॒ମିତ୍ୟା॑ହ॒ ୟତ୍ୟୈ॑ ଶ॒ତଭୃ॑ଷ୍ଟିରସି ଵାନସ୍ପ॒ତ୍ୟୋ ଦ୍ଵି॑ଷ॒ତୋ ଵ॒ଧ ଇତ୍ୟା॑ହ॒ ଵଜ୍ର॑ମେ॒ଵ ତ-ଥ୍ସଗ୍ଗ୍ଶ୍ୟ॑ତି॒ ଭ୍ରାତୃ॑ଵ୍ୟାୟ ପ୍ରହରି॒ଷ୍ୟନ୍-ଥ୍ସ୍ତ॑ମ୍ବ ୟ॒ଜୁର୍-ହ॑ରତ୍ୟେ॒ତାଵ॑ତୀ॒ ଵୈ ପୃ॑ଥି॒ଵୀ ୟାଵ॑ତୀ॒ ଵେଦି॒ସ୍ତସ୍ୟା॑ ଏ॒ତାଵ॑ତ ଏ॒ଵ ଭ୍ରାତୃ॑ଵ୍ୟ॒-ନ୍ନିର୍ଭ॑ଜତି॒ [-ନିର୍ଭ॑ଜତି॒, ତସ୍ମା॒ନ୍ନାଭା॒ଗ-] 20
ତସ୍ମା॒ନ୍ନାଭା॒ଗ-ନ୍ନିର୍ଭ॑ଜନ୍ତି॒ ତ୍ରିର୍ହ॑ରତି॒ ତ୍ରୟ॑ ଇ॒ମେ ଲୋ॒କା ଏ॒ଭ୍ୟ ଏ॒ଵୈନଂ॑-ଲୋଁ॒କେଭ୍ୟୋ॒ ନିର୍ଭ॑ଜତି ତୂ॒ଷ୍ଣୀ-ଞ୍ଚ॑ତୁ॒ର୍ଥଗ୍ମ୍ ହ॑ର॒ତ୍ୟପ॑ରିମିତାଦେ॒ଵୈନ॒-ନ୍ନିର୍ଭ॑ଜ॒ତ୍ୟୁଦ୍ଧ॑ନ୍ତି॒ ୟଦେ॒ଵାସ୍ୟା॑ ଅମେ॒ଦ୍ଧ୍ୟ-ନ୍ତଦପ॑ ହ॒ନ୍ତ୍ୟୁଦ୍ଧ॑ନ୍ତି॒ ତସ୍ମା॒ଦୋଷ॑ଧୟଃ॒ ପରା॑ ଭଵନ୍ତି॒ ମୂଲ॑-ଞ୍ଛିନତ୍ତି॒ ଭ୍ରାତୃ॑ଵ୍ୟସ୍ୟୈ॒ଵ ମୂଲ॑-ଞ୍ଛିନତ୍ତି ପିତୃଦେଵ॒ତ୍ୟା-ଽତି॑ଖା॒ତେୟ॑ତୀ-ଙ୍ଖନତି ପ୍ର॒ଜାପ॑ତିନା [ପ୍ର॒ଜାପ॑ତିନା, ୟଜ୍ଞମୁ॒ଖେନ॒ ସମ୍ମି॑ତା॒ମା] 21
ୟଜ୍ଞମୁ॒ଖେନ॒ ସମ୍ମି॑ତା॒ମା ପ୍ର॑ତି॒ଷ୍ଠାୟୈ॑ ଖନତି॒ ୟଜ॑ମାନମେ॒ଵ ପ୍ର॑ତି॒ଷ୍ଠା-ଙ୍ଗ॑ମୟତି ଦକ୍ଷିଣ॒ତୋ ଵର୍ଷୀ॑ୟସୀ-ଙ୍କରୋତି ଦେଵ॒ୟଜ॑ନସ୍ୟୈ॒ଵ ରୂ॒ପମ॑କଃ॒ ପୁରୀ॑ଷଵତୀ-ଙ୍କରୋତି ପ୍ର॒ଜାଵୈ ପ॒ଶଵଃ॒ ପୁରୀ॑ଷ-ମ୍ପ୍ର॒ଜୟୈ॒ଵୈନ॑-ମ୍ପ॒ଶୁଭିଃ॒ ପୁରୀ॑ଷଵନ୍ତ-ଙ୍କରୋ॒ତ୍ୟୁତ୍ତ॑ର-ମ୍ପରିଗ୍ରା॒ହ-ମ୍ପରି॑ ଗୃହ୍ଣାତ୍ୟେ॒ତାଵ॑ତୀ॒ ଵୈ ପୃ॑ଥି॒ଵୀ ୟାଵ॑ତୀ॒ ଵେଦି॒ସ୍ତସ୍ୟା॑ ଏ॒ତାଵ॑ତ ଏ॒ଵ ଭ୍ରାତୃ॑ଵ୍ୟ-ନ୍ନି॒ର୍ଭଜ୍ୟା॒-ଽଽତ୍ମନ॒ ଉତ୍ତ॑ର-ମ୍ପରିଗ୍ରା॒ହ-ମ୍ପରି॑ଗୃହ୍ଣାତି କ୍ରୂ॒ରମି॑ଵ॒ ଵା [କ୍ରୂ॒ରମି॑ଵ॒ ଵୈ, ଏ॒ତ-ତ୍କ॑ରୋତି॒] 22
ଏ॒ତ-ତ୍କ॑ରୋତି॒ ୟଦ୍ଵେଦି॑-ଙ୍କ॒ରୋତି॒ ଧା ଅ॑ସି ସ୍ଵ॒ଧା ଅ॒ସୀତି॑ ୟୋୟୁପ୍ୟତେ॒ ଶାନ୍ତ୍ୟୈ॒ ପ୍ରୋକ୍ଷ॑ଣୀ॒ରା ସା॑ଦୟ॒ତ୍ୟାପୋ॒ ଵୈ ର॑କ୍ଷୋ॒ଘ୍ନୀ ରକ୍ଷ॑ସା॒ମପ॑ହତ୍ୟୈ॒ ସ୍ଫ୍ୟସ୍ୟ॒ଵର୍ତ୍ମନ୍᳚-ଥ୍ସାଦୟତି ୟ॒ଜ୍ଞସ୍ୟ॒ ସନ୍ତ॑ତ୍ୟୈ॒ୟ-ନ୍ଦ୍ଵି॒ଷ୍ୟା-ତ୍ତ-ନ୍ଧ୍ୟା॑ୟେଚ୍ଛୁ॒ଚୈଵୈନ॑ମର୍ପୟତି ॥ 23 ॥
(ଭ॒ଜ॒ତି॒ – ପ୍ର॒ଜାପ॑ତିନେ- ଵ॒ ଵୈ – ତ୍ରୟ॑ସ୍ତ୍ରିଗ୍ମ୍ଶଚ୍ଚ) (ଅ. 4)
ବ୍ର॒ହ୍ମ॒ଵା॒ଦିନୋ॑ ଵଦନ୍ତ୍ୟ॒ଦ୍ଭିର୍-ହ॒ଵୀଗ୍ମ୍ଷି॒ ପ୍ରୌକ୍ଷୀଃ॒ କେନା॒ପ ଇତି॒ ବ୍ରହ୍ମ॒ଣେତି॑ ବ୍ରୂୟାଦ॒ଦ୍ଭିର୍-ହ୍ୟେ॑ଵ ହ॒ଵୀଗ୍ମ୍ଷି॑ ପ୍ରୋ॒କ୍ଷତି॒ ବ୍ରହ୍ମ॑ଣା॒-ଽପ ଇ॒ଦ୍ଧ୍ମାବ॒ର୍॒ହିଃ ପ୍ରୋକ୍ଷ॑ତି॒ ମେଦ୍ଧ୍ୟ॑ମେ॒ଵୈନ॑-ତ୍କରୋତି॒ ଵେଦି॒-ମ୍ପ୍ରୋକ୍ଷ॑ତ୍ୟୃ॒କ୍ଷା ଵା ॒ଷା-ଽଲୋ॒ମକା॑-ଽମେ॒ଦ୍ଧ୍ୟା ୟ-ଦ୍ଵେଦି॒ର୍ମେଦ୍ଧ୍ୟା॑-ମେ॒ଵୈନା᳚-ଙ୍କରୋତି ଦି॒ଵେ ତ୍ଵା॒-ଽନ୍ତରି॑କ୍ଷାୟ ତ୍ଵା ପୃଥି॒ଵ୍ୟୈ ତ୍ଵେତି॑ ବ॒ର୍॒ହି-ରା॒ସାଦ୍ୟ॒ ପ୍ରୋ- [ବ॒ର୍॒ହି-ରା॒ସାଦ୍ୟ॒ ପ୍ର, ଉକ୍ଷ॑ତ୍ୟେ॒ଭ୍ୟ] 24
-କ୍ଷ॑ତ୍ୟେ॒ଭ୍ୟ ଏ॒ଵୈନ॑ଲ୍ଲୋ॒କେଭ୍ୟଃ॒ ପ୍ରୋକ୍ଷ॑ତି କ୍ରୂ॒ରମି॑ଵ॒ ଵା ଏ॒ତ-ତ୍କ॑ରୋତି॒ ୟ-ତ୍ଖନ॑ତ୍ୟ॒ପୋ ନିନ॑ୟତି॒ ଶାନ୍ତ୍ୟୈ॑ ପୁ॒ରସ୍ତା᳚-ତ୍ପ୍ରସ୍ତ॒ର-ଙ୍ଗୃ॑ହ୍ଣାତି॒ ମୁଖ୍ୟ॑ମେ॒ଵୈନ॑-ଙ୍କରୋ॒ତୀୟ॑ନ୍ତ-ଙ୍ଗୃହ୍ଣାତି ପ୍ର॒ଜାପ॑ତିନା ୟଜ୍ଞମୁ॒ଖେନ॒ ସମ୍ମି॑ତ-ମ୍ବ॒ର୍॒ହି-ସ୍ସ୍ତୃ॑ଣାତି ପ୍ର॒ଜା ଵୈ ବ॒ର୍॒ହିଃ ପୃ॑ଥି॒ଵୀ ଵେଦିଃ॑ ପ୍ର॒ଜା ଏ॒ଵ ପୃ॑ଥି॒ଵ୍ୟା-ମ୍ପ୍ରତି॑ଷ୍ଠାପୟ॒ତ୍ୟନ॑ତିଦୃଶ୍ଞଗ୍ଗ୍ ସ୍ତୃଣାତି ପ୍ର॒ଜୟୈ॒ଵୈନ॑-ମ୍ପ॒ଶୁଭି॒-ରନ॑ତିଦୃଶ୍ଞ-ଙ୍କରୋ॒- [-ରନ॑ତିଦୃଶ୍ଞ-ଙ୍କରୋତି, ଉତ୍ତ॑ର-ମ୍ବ॒ର୍॒ହିଷଃ॑] 25
-ତ୍ୟୁତ୍ତ॑ର-ମ୍ବ॒ର୍॒ହିଷଃ॑ ପ୍ରସ୍ତ॒ରଗ୍ମ୍ ସା॑ଦୟତି ପ୍ର॒ଜା ଵୈ ବ॒ର୍॒ହି ର୍ୟଜ॑ମାନଃ ପ୍ରସ୍ତ॒ରୋୟଜ॑ମାନ-ମେ॒ଵାୟ॑ଜମାନା॒-ଦୁତ୍ତ॑ର-ଙ୍କରୋତି॒ ତସ୍ମା॒-ଦ୍ୟଜ॑ମା॒ନୋ-ଽୟ॑ଜମାନା॒ଦୁତ୍ତ॑ରୋ॒-ଽନ୍ତର୍ଦ॑ଧାତି॒ ଵ୍ୟାଵୃ॑ତ୍ତ୍ୟା ଅ॒ନକ୍ତି॑ ହ॒ଵିଷ୍କୃ॑ତମେ॒ଵୈନଗ୍ମ୍॑ ସୁଵ॒ର୍ଗଂ-ଲୋଁ॒କ-ଙ୍ଗ॑ମୟତିତ୍ରେ॒ଧା-ଽନ॑କ୍ତି॒ ତ୍ରୟ॑ ଇ॒ମେ ଲୋ॒କା ଏ॒ଭ୍ୟ ଏ॒ଵୈନଂ॑-ଲୋଁ॒କେଭ୍ୟୋ॑-ଽନକ୍ତି॒ ନ ପ୍ରତି॑ ଶୃଣାତି॒ୟ-ତ୍ପ୍ର॑ତିଶୃଣୀ॒ୟାଦନୂ᳚ର୍ଧ୍ଵ-ମ୍ଭାଵୁକଂ॒-ୟଁଜ॑ମାନସ୍ୟ ସ୍ୟାଦୁ॒ପରୀ॑ଵ॒ ପ୍ର ହ॑ର- [ପ୍ର ହ॑ରତି, ଉ॒ପରୀ॑ଵ॒ ହି] 26
-ତ୍ୟୁ॒ପରୀ॑ଵ॒ ହି ସୁ॑ଵ॒ର୍ଗୋ ଲୋ॒କୋ ନିୟ॑ଚ୍ଛତି॒ ଵୃଷ୍ଟି॑ମେ॒ଵାସ୍ମୈ॒ ନିୟ॑ଚ୍ଛତି॒ ନାତ୍ୟ॑ଗ୍ର॒-ମ୍ପ୍ର ହ॑ରେ॒ଦ୍ୟଦତ୍ୟ॑ଗ୍ର-ମ୍ପ୍ର॒ହରେ॑ଦ-ତ୍ୟାସା॒ରିଣ୍ୟ॑ଦ୍ଧ୍ଵ॒ର୍ୟୋ-ର୍ନାଶୁ॑କା ସ୍ୟା॒ନ୍ନ ପୁ॒ରସ୍ତା॒-ତ୍ପ୍ରତ୍ୟ॑ସ୍ୟେ॒ଦ୍ୟ-ତ୍ପୁ॒ରସ୍ତା᳚-ତ୍ପ୍ର॒ତ୍ୟସ୍ୟେ᳚-ଥ୍ସୁଵ॒ର୍ଗାଲ୍ଲୋ॒କା-ଦ୍ୟଜ॑ମାନ॒-ମ୍ପ୍ରତି॑ ନୁଦେ॒-ତ୍ପ୍ରାଞ୍ଚ॒-ମ୍ପ୍ରହ॑ରତି॒ ୟଜ॑ମାନମେ॒ଵ ସୁ॑ଵ॒ର୍ଗଂ-ଲୋଁ॒କ-ଙ୍ଗ॑ମୟତି॒ ନ ଵିଷ୍ଵ॑ଞ୍ଚଂ॒-ଵିଁ ୟୁ॑ୟା॒-ଦ୍ୟ-ଦ୍ଵିଷ୍ଵ॑ଞ୍ଚଂ-ଵିଁୟୁ॒ୟା- [-ଵିୟୁ॒ୟାତ୍, ସ୍ତ୍ର୍ୟ॑ସ୍ୟ ଜାୟେତୋ॒ର୍ଧ୍ଵ-] 27
-ଥ୍ସ୍ତ୍ର୍ୟ॑ସ୍ୟ ଜାୟେତୋ॒ର୍ଧ୍ଵ-ମୁଦ୍ୟୌ᳚ତ୍ୟୂ॒ର୍ଧ୍ଵମି॑ଵ॒ ହି ପୁ॒ଗ୍ମ୍॒ସଃ ପୁମା॑ନେ॒ଵାସ୍ୟ॑ ଜାୟତେ॒ ୟ-ଥ୍ସ୍ଫ୍ୟେନ॑ ଵୋପଵେ॒ଷେଣ॑ ଵା ୟୋୟୁ॒ପ୍ୟେତ॒ ସ୍ତୃତି॑ରେ॒ଵାସ୍ୟ॒ ସା ହସ୍ତେ॑ନ ୟୋୟୁପ୍ୟତେ॒ ୟଜ॑ମାନସ୍ୟ ଗୋପୀ॒ଥାୟ॑ ବ୍ରହ୍ମଵା॒ଦିନୋ॑ ଵଦନ୍ତି॒ କିଂ-ୟଁ॒ଜ୍ଞସ୍ୟ॒ ୟଜ॑ମାନ॒ ଇତି॑ ପ୍ରସ୍ତ॒ର ଇତି॒ ତସ୍ୟ॒ କ୍ଵ॑ ସୁଵ॒ର୍ଗୋ ଲୋ॒କ ଇତ୍ୟା॑ହଵ॒ନୀୟ॒ ଇତି॑ ବ୍ରୂୟା॒ଦ୍ୟ-ତ୍ପ୍ର॑ସ୍ତ॒ରମା॑ହଵ॒ନୀୟେ᳚ ପ୍ର॒ହର॑ତି॒ ୟଜ॑ମାନମେ॒ଵ [ୟଜ॑ମାନମେ॒ଵ, ସୁ॒ଵ॒ର୍ଗଂ-ଲୋଁ॒କ-ଙ୍ଗ॑ମୟତି॒] 28
ସୁ॑ଵ॒ର୍ଗଂ-ଲୋଁ॒କ-ଙ୍ଗ॑ମୟତି॒ ଵି ଵା ଏ॒ତ-ଦ୍ୟଜ॑ମାନୋ ଲିଶତେ॒ ୟ-ତ୍ପ୍ର॑ସ୍ତ॒ରଂ-ୟୋଁ॑ୟୁ॒ପ୍ୟନ୍ତେ॑ ବ॒ର୍॒ହିରନୁ॒ ପ୍ରହ॑ରତି॒ ଶାନ୍ତ୍ୟା॑ ଅନାରମ୍ଭ॒ଣ ଇ॑ଵ॒ ଵା ଏ॒ତର୍ହ୍ୟ॑ଦ୍ଧ୍ଵ॒ର୍ୟୁ-ସ୍ସ ଈ᳚ଶ୍ଵ॒ରୋ ଵେ॑ପ॒ନୋ ଭଵି॑ତୋର୍ଧ୍ରୁ॒ଵା ଽସୀତୀ॒ମାମ॒ଭି ମୃ॑ଶତୀ॒ୟଂ-ଵୈଁ ଧ୍ରୁ॒ଵା-ଽସ୍ୟାମେ॒ଵ ପ୍ରତି॑ତିଷ୍ଠତି॒ ନ ଵେ॑ପ॒ନୋ ଭ॑ଵ॒ତ୍ୟଗା(3)ନ॑ଗ୍ନୀ॒ଦିତ୍ୟା॑ହ॒ ୟଦ୍ବ୍ରୂ॒ୟାଦ-ଗ॑ନ୍ନ॒ଗ୍ନିରିତ୍ୟ॒ -ଗ୍ନାଵ॒ଗ୍ନି-ଙ୍ଗ॑ମୟେ॒ନ୍ନି ର୍ୟଜ॑ମାନଗ୍ମ୍ ସୁଵ॒ର୍ଗାଲ୍ଲୋ॒କା-ଦ୍ଭ॑ଜେ॒ଦଗ॒ନ୍ନିତ୍ୟେ॒ଵ ବ୍ରୂ॑ୟା॒-ଦ୍ୟଜ॑ମାନମେ॒ଵ ସୁ॑ଵ॒ର୍ଗଂ-ଲୋଁ॒କ-ଙ୍ଗ॑ମୟତି ॥ 29 ॥
(ଆ॒ସାଦ୍ୟ॒ ପ୍ରା – ନ॑ତିଦୃଶ୍ଞ-ଙ୍କରୋତି – ହରତି – ଵିୟୁ॒ୟା–ଦ୍ୟଜ॑ମାନମେ॒ଵା-ଽଗ୍ନିରିତି॑ – ସ॒ପ୍ତଦ॑ଶ ଚ ) (ଅ. 5)
ଅ॒ଗ୍ନେସ୍ତ୍ରୟୋ॒ ଜ୍ୟାୟାଗ୍ମ୍॑ସୋ॒ ଭ୍ରାତ॑ର ଆସ॒-ନ୍ତେ ଦେ॒ଵେଭ୍ୟୋ॑ ହ॒ଵ୍ୟଂ-ଵଁହ॑ନ୍ତଃ॒ ପ୍ରାମୀ॑ୟନ୍ତ॒ ସୋ᳚-ଽଗ୍ନିର॑ବିଭେଦି॒ତ୍ଥଂ-ଵାଁଵ ସ୍ୟ ଆର୍ତି॒ମା-ଽରି॑ଷ୍ୟ॒ତୀତି॒ ସ ନିଲା॑ୟତ॒ ସୋ॑-ଽପଃ ପ୍ରାଵି॑ଶ॒-ତ୍ତ-ନ୍ଦେ॒ଵତାଃ॒ ପ୍ରୈଷ॑ମୈଚ୍ଛ॒-ନ୍ତ-ମ୍ମଥ୍ସ୍ୟଃ॒ ପ୍ରାବ୍ର॑ଵୀ॒-ତ୍ତମ॑ଶପଦ୍ଧି॒ୟାଧି॑ୟା ତ୍ଵା ଵଦ୍ଧ୍ୟାସୁ॒ର୍ୟୋ ମା॒ ପ୍ରାଵୋ॑ଚ॒ ଇତି॒ ତସ୍ମା॒ନ୍ମଥ୍ସ୍ୟ॑-ନ୍ଧି॒ୟାଧି॑ୟା ଘ୍ନନ୍ତି ଶ॒ପ୍ତୋ [ଶ॒ପ୍ତଃ, ହି] 30
ହି ତମନ୍ଵ॑ଵିନ୍ଦ॒-ନ୍ତମ॑ ବ୍ରୁଵ॒ନ୍ନୁପ॑ ନ॒ ଆ ଵ॑ର୍ତସ୍ଵ ହ॒ଵ୍ୟ-ନ୍ନୋ॑ ଵ॒ହେତି॒ ସୋ᳚-ଽବ୍ରଵୀ॒ଦ୍ଵରଂ॑-ଵୃଁଣୈ॒ ୟଦେ॒ଵ ଗୃ॑ହୀ॒ତସ୍ୟାହୁ॑ତସ୍ୟବହିଃ ପରି॒ଧି ସ୍କନ୍ଦା॒-ତ୍ତନ୍ମେ॒ ଭ୍ରାତୃ॑ଣା-ମ୍ଭାଗ॒ଧେୟ॑ମସ॒ଦିତି॒ ତସ୍ମା॒ଦ୍ୟ-ଦ୍ଗୃ॑ହୀ॒ତସ୍ୟାହୁ॑ତସ୍ୟ ବହିଃ ପରି॒ଧି ସ୍କନ୍ଦ॑ତି॒ ତେଷା॒-ନ୍ତ-ଦ୍ଭା॑ଗ॒ଧେୟ॒-ନ୍ତାନେ॒ଵ ତେନ॑ ପ୍ରୀଣାତି ପରି॒ଧୀ-ନ୍ପରି॑ ଦଧାତି॒ ରକ୍ଷ॑ସା॒ମପ॑ହତ୍ୟୈ॒ ସଗ୍ଗ୍ ସ୍ପ॑ର୍ଶୟତି॒ [ସଗ୍ଗ୍ ସ୍ପ॑ର୍ଶୟତି, ରକ୍ଷ॑ସା॒-] 31
ରକ୍ଷ॑ସା॒-ମନ॑ନ୍ଵଵଚାରାୟ॒ ନ ପୁ॒ରସ୍ତା॒-ତ୍ପରି॑ ଦଧାତ୍ୟାଦି॒ତ୍ୟୋ ହ୍ୟେ॑ଵୋଦ୍ୟ-ନ୍ପୁ॒ରସ୍ତା॒-ଦ୍ରକ୍ଷାଗ୍॑ସ୍ୟପ॒ହନ୍ତ୍ୟୂ॒ର୍ଧ୍ଵେ ସ॒ମିଧା॒ଵା ଦ॑ଧାତ୍ୟୁ॒ପରି॑ଷ୍ଟାଦେ॒ଵ ରକ୍ଷା॒ଗ୍॒ସ୍ୟପ॑ ହନ୍ତି॒ ୟଜୁ॑ଷା॒-ଽନ୍ୟା-ନ୍ତୂ॒ଷ୍ଣୀମ॒ନ୍ୟା-ମ୍ମି॑ଥୁନ॒ତ୍ଵାୟ॒ ଦ୍ଵେ ଆ ଦ॑ଧାତି ଦ୍ଵି॒ପା-ଦ୍ୟଜ॑ମାନଃ॒ ପ୍ରତି॑ଷ୍ଠିତ୍ୟୈ ବ୍ରହ୍ମଵା॒ଦିନୋ॑ ଵଦନ୍ତି॒ ସ ତ୍ଵୈ ୟ॑ଜେତ॒ ୟୋ ୟ॒ଜ୍ଞସ୍ୟା-ଽଽର୍ତ୍ୟା॒ ଵସୀ॑ୟା॒ନ୍-ଥ୍ସ୍ୟାଦିତି॒ ଭୂପ॑ତୟେ॒ ସ୍ଵାହା॒ ଭୁଵ॑ନପତୟେ॒ ସ୍ଵାହା॑ ଭୂ॒ତାନା॒- [ଭୂ॒ତାନା᳚ମ୍, ପତ॑ୟେ॒ ସ୍ଵାହେତି॑] 32
-ମ୍ପତ॑ୟେ॒ ସ୍ଵାହେତି॑ ସ୍କ॒ନ୍ନମନୁ॑ ମନ୍ତ୍ରୟେତ ୟ॒ଜ୍ଞସ୍ୟୈ॒ଵ ତଦାର୍ତ୍ୟା॒ ୟଜ॑ମାନୋ॒ ଵସୀ॑ୟା-ନ୍ଭଵତି॒ ଭୂୟ॑ସୀ॒ର୍॒ହି ଦେ॒ଵତାଃ᳚ ପ୍ରୀ॒ଣାତି॑ ଜା॒ମି ଵା ଏ॒ତ-ଦ୍ୟ॒ଜ୍ଞସ୍ୟ॑ କ୍ରିୟତେ॒ ୟଦ॒ନ୍ଵଞ୍ଚୌ॑ ପୁରୋ॒ଡାଶା॑ ଵୁପାଗ୍ମ୍ଶୁୟା॒ଜମ॑ନ୍ତ॒ରା ୟ॑ଜ॒ତ୍ୟଜା॑ମିତ୍ଵା॒ୟାଥୋ॑ ମିଥୁନ॒ତ୍ଵାୟା॒ଗ୍ନିର॒ମୁଷ୍ମି॑ନ୍ ଁଲୋ॒କ ଆସୀ᳚-ଦ୍ୟ॒ମୋ᳚-ଽସ୍ମି-ନ୍ତେ ଦେ॒ଵା ଅ॑ବ୍ରୁଵ॒ନ୍ନେତେ॒ମୌ ଵି ପର୍ୟୂ॑ହା॒ମେତ୍ୟ॒ନ୍ନାଦ୍ୟେ॑ନ ଦେ॒ଵା ଅ॒ଗ୍ନି- [ଦେ॒ଵା ଅ॒ଗ୍ନିମ୍, ଉ॒ପାମ॑ନ୍ତ୍ରୟନ୍ତ] 33
-ମୁ॒ପାମ॑ନ୍ତ୍ରୟନ୍ତ ରା॒ଜ୍ୟେନ॑ ପି॒ତରୋ॑ ୟ॒ମ-ନ୍ତସ୍ମା॑ଦ॒ଗ୍ନି ର୍ଦେ॒ଵାନା॑ମନ୍ନା॒ଦୋ ୟ॒ମଃ ପି॑ତୃ॒ଣାଗ୍ମ୍ ରାଜା॒ ୟ ଏ॒ଵଂ-ଵେଁଦ॒ ପ୍ରରା॒ଜ୍ୟମ॒ନ୍ନାଦ୍ୟ॑-ମାପ୍ନୋତି॒ ତସ୍ମା॑ ଏ॒ତ-ଦ୍ଭା॑ଗ॒ଧେୟ॒-ମ୍ପ୍ରାୟ॑ଚ୍ଛ॒ନ୍॒. ୟଦ॒ଗ୍ନୟେ᳚ ସ୍ଵିଷ୍ଟ॒କୃତେ॑-ଽଵ॒ଦ୍ୟନ୍ତି॒ ୟଦ॒ଗ୍ନୟେ᳚ ସ୍ଵିଷ୍ଟ॒କୃତେ॑ ଽଵ॒ଦ୍ୟତି॑ ଭାଗ॒ଧେୟେ॑ନୈ॒ଵ ତ-ଦ୍ରୁ॒ଦ୍ରଗ୍ମ୍ ସମ॑ର୍ଧୟତି ସ॒କୃ-ଥ୍ସ॑କୃ॒ଦଵ॑ ଦ୍ୟତି ସ॒କୃଦି॑ଵ॒ ହି ରୁ॒ଦ୍ର ଉ॑ତ୍ତରା॒ର୍ଧାଦଵ॑ ଦ୍ୟତ୍ୟେ॒ଷା ଵୈ ରୁ॒ଦ୍ରସ୍ୟ॒ [ଵୈ ରୁ॒ଦ୍ରସ୍ୟ॑, ଦିଖ୍-ସ୍ଵାୟା॑ମେ॒ଵ] 34
ଦିଖ୍-ସ୍ଵାୟା॑ମେ॒ଵ ଦି॒ଶି ରୁ॒ଦ୍ର-ନ୍ନି॒ରଵ॑ଦୟତେ॒ ଦ୍ଵିର॒ଭି ଘା॑ରୟତି ଚତୁରଵ॒ତ୍ତସ୍ୟା-ଽଽପ୍ତ୍ୟୈ॑ପ॒ଶଵୋ॒ ଵୈ ପୂର୍ଵା॒ ଆହୁ॑ତୟ ଏ॒ଷ ରୁ॒ଦ୍ରୋ ୟଦ॒ଗ୍ନିର୍ୟ-ତ୍ପୂର୍ଵା॒ ଆହୁ॑ତୀର॒ଭି ଜୁ॑ହୁ॒ୟା-ଦ୍ରୁ॒ଦ୍ରାୟ॑ ପ॒ଶୂନପି॑ ଦଧ୍ୟାଦପ॒ଶୁର୍ୟଜ॑ମାନ-ସ୍ସ୍ୟାଦତି॒ହାୟ॒ ପୂର୍ଵା॒ ଆହୁ॑ତୀର୍ଜୁହୋତି ପଶୂ॒ନା-ଙ୍ଗୋ॑ପୀ॒ଥାୟ॑ ॥ 35 ॥
(ଶ॒ପ୍ତଃ – ସ୍ପ॑ର୍ଶୟତି – ଭୂ॒ତାନା॑ – ମ॒ଗ୍ନିଗ୍ମ୍ – ରୁ॒ଦ୍ରସ୍ୟ॑ – ସ॒ପ୍ତତ୍ରିଗ୍ମ୍॑ଶଚ୍ଚ ) (ଅ. 6)
ମନୁଃ॑ ପୃଥି॒ଵ୍ୟା ୟ॒ଜ୍ଞିୟ॑ମୈଚ୍ଛ॒-ଥ୍ସ ଘୃ॒ତ-ନ୍ନିଷି॑କ୍ତମଵିନ୍ଦ॒-ଥ୍ସୋ᳚-ଽବ୍ରଵୀ॒-ତ୍କୋ᳚-ଽସ୍ୟେଶ୍ଵ॒ରୋ ୟ॒ଜ୍ଞେ-ଽପି॒ କର୍ତୋ॒ରିତି॒ ତାଵ॑ବ୍ରୂତା-ମ୍ମି॒ତ୍ରାଵରୁ॑ଣୌ॒ ଗୋରେ॒ଵା-ଽଽଵମୀ᳚ଶ୍ଵ॒ରୌ କର୍ତୋ᳚-ସ୍ସ୍ଵ॒ ଇତି॒ ତୌ ତତୋ॒ ଗାଗ୍ମ୍ ସମୈ॑ରୟତା॒ଗ୍ମ୍॒ ସା ୟତ୍ର॑ ୟତ୍ର॒ ନ୍ୟକ୍ରା॑ମ॒-ତ୍ତତୋ॑ ଘୃ॒ତମ॑ପୀଡ୍ୟତ॒ ତସ୍ମା᳚-ଦ୍ଘୃ॒ତପ॑ଦ୍ୟୁଚ୍ୟତେ॒ ତଦ॑ସ୍ୟୈ॒ ଜନ୍ମୋପ॑ହୂତଗ୍ମ୍ ରଥନ୍ତ॒ରଗ୍ମ୍ ସ॒ହ ପୃ॑ଥି॒ଵ୍ୟେତ୍ୟା॑ହେ॒ [ସ॒ହ ପୃ॑ଥି॒ଵ୍ୟେତ୍ୟା॑ହ, ଇୟଂ-ଵୈଁ] 36
ୟଂ-ଵୈଁ ର॑ଥନ୍ତ॒ରମି॒ମାମେ॒ଵ ସ॒ହାନ୍ନା-ଦ୍ୟେ॒ନୋପ॑ ହ୍ଵୟତ॒ ଉପ॑ହୂତଂ-ଵାଁମଦେ॒ଵ୍ୟଗ୍ମ୍ ସ॒ହାନ୍ତରି॑କ୍ଷେ॒ଣେତ୍ୟା॑ହ ପ॒ଶଵୋ॒ ଵୈ ଵା॑ମଦେ॒ଵ୍ୟ-ମ୍ପ॒ଶୂନେ॒ଵ ସ॒ହାନ୍ତରି॑କ୍ଷେ॒ଣୋପ॑ ହ୍ଵୟତ॒ ଉପ॑ହୂତ-ମ୍ବୃ॒ହ-ଥ୍ସ॒ହ ଦି॒ଵେତ୍ୟା॑ହୈ॒ରଂ-ଵୈଁ ବୃ॒ହଦିରା॑ମେ॒ଵ ସ॒ହ ଦି॒ଵୋପ॑ ହ୍ଵୟତ॒ ଉପ॑ହୂତା-ସ୍ସ॒ପ୍ତ ହୋତ୍ରା॒ ଇତ୍ୟା॑ହ॒ ହୋତ୍ରା॑ ଏ॒ଵୋପ॑ ହ୍ଵୟତ॒ ଉପ॑ହୂତା ଧେ॒ନୁ- [ଉପ॑ହୂତା ଧେ॒ନୁଃ, ସ॒ହର୍ଷ॒ଭେତ୍ୟା॑ହ] 37
-ସ୍ସ॒ହର୍ଷ॒ଭେତ୍ୟା॑ହ ମିଥୁ॒ନମେ॒ଵୋପ॑ ହ୍ଵୟତ॒ ଉପ॑ହୂତୋ ଭ॒କ୍ଷ-ସ୍ସଖେତ୍ୟା॑ହ ସୋମପୀ॒ଥମେ॒ଵୋପ॑ ହ୍ଵୟତ॒ ଉପ॑ହୂ॒ତାଁ(4) ହୋ ଇତ୍ୟା॑ହା॒-ଽଽତ୍ମାନ॑ମେ॒ଵୋପ॑ ହ୍ଵୟତ ଆ॒ତ୍ମା ହ୍ୟୁପ॑ହୂତାନାଂ॒-ଵଁସି॑ଷ୍ଠ॒ ଇଡା॒ମୁପ॑ ହ୍ଵୟତେ ପ॒ଶଵୋ॒ ଵା ଇଡା॑ ପ॒ଶୂନେ॒ଵୋପ॑ ହ୍ଵୟତେ ଚ॒ତୁରୁପ॑ ହ୍ଵୟତେ॒ ଚତୁ॑ଷ୍ପାଦୋ॒ ହି ପ॒ଶଵୋ॑ ମାନ॒ଵୀତ୍ୟା॑ହ॒ ମନୁ॒ର୍ହ୍ୟେ॑ତା- [ମନୁ॒ର୍ହ୍ୟେ॑ତାମ୍, ଅଗ୍ରେ ଽପ॑ଶ୍ୟ-] 38
-ମଗ୍ରେ ଽପ॑ଶ୍ୟ-ଦ୍ଘୃ॒ତପ॒ଦୀତ୍ୟା॑ହ॒ ୟ ଦେ॒ଵାସ୍ୟୈ॑ ପ॒ଦା-ଦ୍ଘୃ॒ତମପୀ᳚ଡ୍ୟତ॒ ତସ୍ମା॑ଦେ॒ଵମା॑ହ ମୈତ୍ରାଵରୁ॒ଣୀତ୍ୟା॑ହ ମି॒ତ୍ରାଵରୁ॑ଣୌ॒ ହ୍ୟେ॑ନାଗ୍ମ୍ ସ॒ମୈର॑ୟତା॒-ମ୍ବ୍ରହ୍ମ॑ ଦେ॒ଵକୃ॑ତ॒-ମୁପ॑ହୂତ॒ମିତ୍ୟା॑ହ॒ ବ୍ରହ୍ମୈ॒ଵୋପ॑ ହ୍ଵୟତେ॒ ଦୈଵ୍ୟା॑ ଅଦ୍ଧ୍ଵ॒ର୍ୟଵ॒ ଉପ॑ହୂତା॒ ଉପ॑ହୂତା ମନୁ॒ଷ୍ୟା॑ ଇତ୍ୟା॑ହ ଦେଵମନୁ॒ଷ୍ୟାନେ॒ଵୋପ॑ ହ୍ଵୟତେ॒ ୟ ଇ॒ମଂ-ୟଁ॒ଜ୍ଞମଵା॒ନ୍॒ ୟେ ୟ॒ଜ୍ଞପ॑ତିଂ॒-ଵଁର୍ଧା॒ନିତ୍ୟା॑ହ [ ] 39
ୟ॒ଜ୍ଞାୟ॑ ଚୈ॒ଵ ୟଜ॑ମାନାୟ ଚା॒ ଽଽଶିଷ॒ମା ଶା᳚ସ୍ତ॒ ଉପ॑ହୂତେ॒ ଦ୍ୟାଵା॑ପୃଥି॒ଵୀ ଇତ୍ୟା॑ହ॒ ଦ୍ୟାଵା॑ପୃଥି॒ଵୀ ଏ॒ଵୋପ॑ ହ୍ଵୟତେ ପୂର୍ଵ॒ଜେ ଋ॒ତାଵ॑ରୀ॒ ଇତ୍ୟା॑ହ ପୂର୍ଵ॒ଜେ ହ୍ୟେ॑ତେ ଋ॒ତାଵ॑ରୀ ଦେ॒ଵୀ ଦେ॒ଵପୁ॑ତ୍ରେ॒ ଇତ୍ୟା॑ହ ଦେ॒ଵୀ ହ୍ୟେ॑ତେ ଦେ॒ଵପୁ॑ତ୍ରେ॒ ଉପ॑ହୂତୋ॒-ଽୟଂ ଁୟଜ॑ମାନ॒ ଇତ୍ୟା॑ହ॒ ୟଜ॑ମାନମେ॒ଵୋପ॑ ହ୍ଵୟତ॒ ଉତ୍ତ॑ରସ୍ୟା-ନ୍ଦେଵୟ॒ଜ୍ୟାୟା॒ମୁପ॑ହୂତୋ॒ ଭୂୟ॑ସି ହଵି॒ଷ୍କର॑ଣ॒ ଉପ॑ହୂତୋ ଦି॒ଵ୍ୟେ ଧାମ॒ନ୍ନୁପ॑ହୂତ॒ [ଧାମ॒ନ୍ନୁପ॑ହୂତଃ, ଇତ୍ୟା॑ହ] 40
ଇତ୍ୟା॑ହ ପ୍ର॒ଜା ଵା ଉତ୍ତ॑ରା ଦେଵୟ॒ଜ୍ୟା ପ॒ଶଵୋ॒ ଭୂୟୋ॑ ହଵି॒ଷ୍କର॑ଣଗ୍ମ୍ ସୁଵ॒ର୍ଗୋ ଲୋ॒କୋ ଦି॒ଵ୍ୟ-ନ୍ଧାମେ॒ଦମ॑-ସୀ॒ଦମ॒ସୀତ୍ୟେ॒ଵ ୟ॒ଜ୍ଞସ୍ୟ॑ ପ୍ରି॒ୟ-ନ୍ଧାମୋପ॑ ହ୍ଵୟତେ॒ ଵିଶ୍ଵ॑ମସ୍ୟ ପ୍ରି॒ୟ-ମୁପ॑ହୂତ॒ମିତ୍ୟା॒ହା-ଛ॑ମ୍ବଟ୍କାରମେ॒ଵୋପ॑ ହ୍ଵୟତେ ॥ 41 ॥
(ଆ॒ହ॒ – ଧେ॒ନୁ- ରେ॒ତାଂ – ଁଵର୍ଧା॒ନିତ୍ୟା॑ହ॒ – ଧାମ॒ନ୍ନୁପ॑ହୂତ॒ – ଶ୍ଚତୁ॑ସ୍ତ୍ରିଗ୍ମ୍ଶଚ୍ଚ ) (ଅ. 7)
ପ॒ଶଵୋ॒ ଵା ଇଡା᳚ ସ୍ଵ॒ୟମା ଦ॑ତ୍ତେ॒ କାମ॑ମେ॒ଵା-ଽଽତ୍ମନା॑ ପଶୂ॒ନାମା ଦ॑ତ୍ତେ॒ ନ ହ୍ୟ॑ନ୍ୟଃ କାମ॑-ମ୍ପଶୂ॒ନା-ମ୍ପ୍ର॒ୟଚ୍ଛ॑ତି ଵା॒ଚସ୍ପତ॑ୟେ ତ୍ଵା ହୁ॒ତ-ମ୍ପ୍ରା-ଽଶ୍ଞା॒ମୀତ୍ୟା॑ହ॒ ଵାଚ॑ମେ॒ଵ ଭା॑ଗ॒ଧେୟେ॑ନ ପ୍ରୀଣାତି॒ ସଦ॑ସ॒ସ୍ପତ॑ୟେ ତ୍ଵା ହୁ॒ତ-ମ୍ପ୍ରା-ଽଶ୍ଞା॒ମୀତ୍ୟା॑ହ ସ୍ଵ॒ଗାକୃ॑ତ୍ୟୈ ଚତୁରଵ॒ତ୍ତ-ମ୍ଭ॑ଵତି ହ॒ଵିର୍ଵୈ ଚ॑ତୁରଵ॒ତ୍ତ-ମ୍ପ॒ଶଵ॑ଶ୍ଚତୁରଵ॒ତ୍ତଂ-ୟଁଦ୍ଧୋତା᳚ ପ୍ରାଶ୍ଞୀ॒ୟାଦ୍ଧୋତା- [ପ୍ରାଶ୍ଞୀ॒ୟାଦ୍ଧୋତା᳚, ଆର୍ତି॒ମାର୍ଚ୍ଛେ॒ଦ୍ୟ-] 42
-ଽଽର୍ତି॒ମାର୍ଚ୍ଛେ॒ଦ୍ୟ-ଦ॒ଗ୍ନୌ ଜୁ॑ହୁ॒ୟା-ଦ୍ରୁ॒ଦ୍ରାୟ॑ ପ॒ଶୂନପି॑ ଦଦ୍ଧ୍ୟାଦପ॒ଶୁର୍ୟଜ॑ମାନ-ସ୍ସ୍ୟା-ଦ୍ଵା॒ଚସ୍ପତ॑ୟେ ତ୍ଵା ହୁ॒ତ-ମ୍ପ୍ରା-ଽଶ୍ଞା॒ମୀତ୍ୟା॑ହ ପ॒ରୋକ୍ଷ॑ମେ॒ଵୈନ॑-ଜ୍ଜୁହୋତି॒ ସଦ॑ସ॒ସ୍ପତ॑ୟେ ତ୍ଵା ହୁ॒ତ-ମ୍ପ୍ରାଶ୍ଞା॒ମୀତ୍ୟା॑ହ ସ୍ଵ॒ଗାକୃ॑ତ୍ୟୈ॒ ପ୍ରାଶ୍ଞ॑ନ୍ତି ତୀ॒ର୍ଥ ଏ॒ଵ ପ୍ରାଶ୍ଞ॑ନ୍ତି॒ ଦକ୍ଷି॑ଣା-ନ୍ଦଦାତି ତୀ॒ର୍ଥ ଏ॒ଵ ଦକ୍ଷି॑ଣା-ନ୍ଦଦାତି॒ ଵି ଵା ଏ॒ତଦ୍ୟ॒ଜ୍ଞ- [ଵି ଵା ଏ॒ତଦ୍ୟ॒ଜ୍ଞମ୍, ଛି॒ନ୍ଦ॒ନ୍ତି॒ ୟନ୍ମ॑ଦ୍ଧ୍ୟ॒ତଃ] 43
-ଞ୍ଛି॑ନ୍ଦନ୍ତି॒ ୟନ୍ମ॑ଦ୍ଧ୍ୟ॒ତଃ ପ୍ରା॒ଶ୍ଞନ୍ତ୍ୟ॒ଦ୍ଭି-ର୍ମା᳚ର୍ଜୟନ୍ତ॒ ଆପୋ॒ ଵୈ ସର୍ଵା॑ ଦେ॒ଵତା॑ ଦେ॒ଵତା॑ଭିରେ॒ଵ ୟ॒ଜ୍ଞଗ୍ମ୍ ସ-ନ୍ତ॑ନ୍ଵନ୍ତି ଦେ॒ଵା ଵୈ ୟ॒ଜ୍ଞା-ଦ୍ରୁ॒ଦ୍ରମ॒ନ୍ତରା॑ୟ॒ନ୍ଥ୍ସ ୟ॒ଜ୍ଞମ॑ଵିଦ୍ଧ୍ୟ॒-ତ୍ତ-ନ୍ଦେ॒ଵା ଅ॒ଭି ସମ॑ଗଚ୍ଛନ୍ତ॒ କଲ୍ପ॑ତା-ନ୍ନ ଇ॒ଦମିତି॒ ତେ᳚-ଽବ୍ରୁଵ॒ନ୍-ଥ୍ସ୍ଵି॑ଷ୍ଟଂ॒-ଵୈଁ ନ॑ ଇ॒ଦ-ମ୍ଭ॑ଵିଷ୍ୟତି॒ ୟଦି॒ମଗ୍ମ୍ ରା॑ଧୟି॒ଷ୍ୟାମ॒ ଇତି॒ ତ-ଥ୍ସ୍ଵି॑ଷ୍ଟ॒କୃତ॑-ସ୍ସ୍ଵିଷ୍ଟକୃ॒ତ୍ତ୍ଵ-ନ୍ତସ୍ୟା ଽଽଵି॑ଦ୍ଧ॒-ନ୍ନି- [-ଽଽଵି॑ଦ୍ଧ॒-ନ୍ନିଃ, ଅ॒କୃ॒ନ୍ତ॒ନ୍॒. ୟଵେ॑ନ॒] 44
-ର॑କୃନ୍ତ॒ନ୍॒. ୟଵେ॑ନ॒ ସମ୍ମି॑ତ॒-ନ୍ତସ୍ମା᳚-ଦ୍ୟଵମା॒ତ୍ରମଵ॑ ଦ୍ୟେ॒-ଦ୍ୟଜ୍ଜ୍ୟାୟୋ॑-ଽଵ॒-ଦ୍ୟେ-ଦ୍ରୋ॒ପୟେ॒-ତ୍ତ-ଦ୍ୟ॒ଜ୍ଞସ୍ୟ॒ ୟଦୁପ॑ ଚ ସ୍ତୃଣୀ॒ୟାଦ॒ଭି ଚ॑ ଘା॒ରୟେ॑ଦୁଭୟତ-ସ୍ସଗ୍ଗ୍ଶ୍ଵା॒ୟି କୁ॑ର୍ୟାଦଵ॒ଦାୟା॒ଭି ଘା॑ରୟତି॒ ଦ୍ଵି-ସ୍ସମ୍ପ॑ଦ୍ୟତେ ଦ୍ଵି॒ପା-ଦ୍ୟଜ॑ମାନଃ॒ ପ୍ରତି॑ଷ୍ଠିତ୍ୟୈ॒ ୟ-ତ୍ତି॑ର॒ଶ୍ଚୀନ॑-ମତି॒-ହରେ॒ଦନ॑ଭି-ଵିଦ୍ଧଂ-ୟଁ॒ଜ୍ଞସ୍ୟା॒ଭି ଵି॑ଦ୍ଧ୍ୟେ॒ଦଗ୍ରେ॑ଣ॒ ପରି॑ ହରତି ତୀ॒ର୍ଥେନୈ॒ଵ ପରି॑ ହରତି॒ ତ-ତ୍ପୂ॒ଷ୍ଣେ ପର୍ୟ॑ହର॒ନ୍ତ- [ପର୍ୟ॑ହର॒ନ୍ତତ୍, ପୂ॒ଷା] 45
-ତ୍ପୂ॒ଷା ପ୍ରାଶ୍ୟ॑ ଦ॒ତୋ॑-ଽରୁଣ॒-ତ୍ତସ୍ମା᳚-ତ୍ପୂ॒ଷା ପ୍ର॑ପି॒ଷ୍ଟଭା॑ଗୋ-ଽଦ॒ନ୍ତକୋ॒ ହି ତ-ନ୍ଦେ॒ଵା ଅ॑ବ୍ରୁଵ॒ନ୍ ଵି ଵା ଅ॒ୟମା᳚ର୍ଧ୍ୟପ୍ରାଶିତ୍ରି॒ୟୋ ଵା ଅ॒ୟମ॑ଭୂ॒ଦିତି॒ ତ-ଦ୍ବୃହ॒ସ୍ପତ॑ୟେ॒ ପର୍ୟ॑ହର॒ନ୍-ଥ୍ସୋ॑-ଽବିଭେ॒-ଦ୍ବୃହ॒ସ୍ପତି॑ରି॒ତ୍ଥଂ-ଵାଁଵ ସ୍ୟ ଆର୍ତି॒ମା-ଽରି॑ଷ୍ୟ॒ତୀତି॒ ସ ଏ॒ତ-ମ୍ମନ୍ତ୍ର॑ମପଶ୍ୟ॒-ଥ୍ସୂର୍ୟ॑ସ୍ୟ ତ୍ଵା॒ ଚକ୍ଷୁ॑ଷା॒ ପ୍ରତି॑ ପଶ୍ୟା॒ମୀତ୍ୟ॑ବ୍ରଵୀ॒ନ୍ନ ହି ସୂର୍ୟ॑ସ୍ୟ॒ ଚକ୍ଷୁଃ॒ [ଚକ୍ଷୁଃ॑, କି-ଞ୍ଚ॒ନ] 46
କି-ଞ୍ଚ॒ନ ହି॒ନସ୍ତି॒ ସୋ॑-ଽବିଭେ-ତ୍ପ୍ରତିଗୃ॒ହ୍ଣନ୍ତ॑-ମ୍ମା ହିଗ୍ମ୍ସିଷ୍ୟ॒ତୀତି॑ ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵେ᳚-ଽଶ୍ଵିନୋ᳚ ର୍ବା॒ହୁଭ୍ୟା᳚-ମ୍ପୂ॒ଷ୍ଣୋ ହସ୍ତା᳚ଭ୍ୟା॒-ମ୍ପ୍ରତି॑ ଗୃହ୍ଣା॒ମୀତ୍ୟ॑ବ୍ରଵୀ-ଥ୍ସଵି॒ତୃପ୍ର॑ସୂତ ଏ॒ଵୈନ॒ଦ୍ବ୍ରହ୍ମ॑ଣା ଦେ॒ଵତା॑ଭିଃ॒ ପ୍ରତ୍ୟ॑ଗୃହ୍ଣା॒-ଥ୍ସୋ॑-ଽବିଭେ-ତ୍ପ୍ରା॒ଶ୍ଞନ୍ତ॑-ମ୍ମା ହିଗ୍ମ୍ସିଷ୍ୟ॒ତୀତ୍ୟ॒ଗ୍ନେସ୍ତ୍ଵା॒ ଽଽସ୍ୟେ॑ନ॒ ପ୍ରା-ଽଶ୍ଞା॒ମୀତ୍ୟ॑ବ୍ରଵୀ॒ନ୍ନ ହ୍ୟ॑ଗ୍ନେରା॒ସ୍ୟ॑-ଙ୍କିଞ୍ଚ॒ନ ହି॒ନସ୍ତି॒ ସୋ॑-ଽବିଭେ॒- [ସୋ॑-ଽବିଭେତ୍, ପ୍ରାଶି॑ତମ୍ମା-] 47
-ତ୍ପ୍ରାଶି॑ତମ୍ମା-ହିଗ୍ମ୍ସିଷ୍ୟ॒ତୀତି॑ ବ୍ରାହ୍ମ॒ଣସ୍ୟୋ॒ଦରେ॒ଣେତ୍ୟ॑ ବ୍ରଵୀ॒ନ୍ନ ହି ବ୍ରା᳚ହ୍ମ॒ଣସ୍ୟୋ॒ଦର॒-ଙ୍କି-ଞ୍ଚ॒ନ ହି॒ନସ୍ତି॒ ବୃହ॒ସ୍ପତେ॒ର୍ବ୍ରହ୍ମ॒ଣେତି॒ ସ ହି ବ୍ରହ୍ମି॒ଷ୍ଠୋ-ଽପ॒ ଵା ଏ॒ତସ୍ମା᳚-ତ୍ପ୍ରା॒ଣାଃ କ୍ରା॑ମନ୍ତି॒ ୟଃ ପ୍ରା॑ଶି॒ତ୍ର-ମ୍ପ୍ରା॒ଶ୍ଞାତ୍ୟ॒ଦ୍ଭି-ର୍ମା᳚ର୍ଜୟି॒ତ୍ଵା ପ୍ରା॒ଣାନ୍-ଥ୍ସ-ମ୍ମୃ॑ଶତେ॒-ଽମୃତଂ॒-ଵୈଁ ପ୍ରା॒ଣା ଅ॒ମୃତ॒ମାପଃ॑ ପ୍ରା॒ଣାନେ॒ଵ ୟ॑ଥାସ୍ଥା॒ନମୁପ॑ ହ୍ଵୟତେ ॥ 48 ॥
(ପ୍ରା॒ଶ୍ଞୀ॒ୟାଦ୍ଧୋତା॑ – ୟ॒ଜ୍ଞଂ – ନି – ର॑ହର॒ନ୍ତ – ଚ୍ଚକ୍ଷୁ॑ – ରା॒ସ୍ୟ॑-ଙ୍କିଞ୍ଚ॒ନ ହି॒ନସ୍ତି॒ ସୋ॑-ଽବିଭେ॒ – ଚ୍ଚତୁ॑ଶ୍ଚତ୍ଵାରିଗ୍ମ୍ଶଚ୍ଚ ) (ଅ. 8)
ଅ॒ଗ୍ନୀଧ॒ ଆ ଦ॑ଧା-ତ୍ୟ॒ଗ୍ନିମୁ॑ଖା-ନେ॒ଵର୍ତୂ-ନ୍ପ୍ରୀ॑ଣାତି ସ॒ମିଧ॒ମା ଦ॑ଧା॒ତ୍ୟୁତ୍ତ॑ରାସା॒-ମାହୁ॑ତୀନା॒-ମ୍ପ୍ରତି॑ଷ୍ଠିତ୍ୟା॒ ଅଥୋ॑ ସ॒ମିଦ୍ଵ॑ତ୍ୟେ॒ଵ ଜୁ॑ହୋତି ପରି॒ଧୀନ୍-ଥ୍ସ-ମ୍ମା᳚ର୍ଷ୍ଟି ପୁ॒ନାତ୍ୟେ॒ଵୈନା᳚ନ୍-ଥ୍ସ॒କୃ-ଥ୍ସ॑କୃ॒-ଥ୍ସ-ମ୍ମା᳚ର୍ଷ୍ଟି॒ ପରା॑ଙିଵ॒ ହ୍ୟେ॑ତର୍ହି॑ ୟ॒ଜ୍ଞଶ୍ଚ॒ତୁ-ସ୍ସମ୍ପ॑ଦ୍ୟତେ॒ ଚତୁ॑ଷ୍ପାଦଃ ପ॒ଶଵଃ॑ ପ॒ଶୂନେ॒ଵାଵ॑ ରୁନ୍ଧେ॒ ବ୍ରହ୍ମ॒-ନ୍ପ୍ରସ୍ଥା᳚ସ୍ୟାମ॒ ଇତ୍ୟା॒ହାତ୍ର॒ ଵା ଏ॒ତର୍ହି॑ ୟ॒ଜ୍ଞ-ଶ୍ଶ୍ରି॒ତୋ [ୟ॒ଜ୍ଞ-ଶ୍ଶ୍ରି॒ତଃ, ୟତ୍ର॑ ବ୍ର॒ହ୍ମା] 49
ୟତ୍ର॑ ବ୍ର॒ହ୍ମା ୟତ୍ରୈ॒ଵ ୟ॒ଜ୍ଞ-ଶ୍ଶ୍ରି॒ତସ୍ତତ॑ ଏ॒ଵୈନ॒ମା ର॑ଭତେ॒ ୟଦ୍ଧସ୍ତେ॑ନ ପ୍ର॒ମୀଵେ᳚ଦ୍ଵେପ॒ନ-ସ୍ସ୍ୟା॒ଦ୍ୟଚ୍ଛୀ॒ର୍ଷ୍ଣା ଶୀ॑ର୍ଷକ୍ତି॒ମାନ୍-ଥ୍ସ୍ୟା॒ଦ୍ୟ-ତ୍ତୂ॒ଷ୍ଣୀମାସୀ॒ତା ଽସ॑ମ୍ପ୍ରତ୍ତୋ ୟ॒ଜ୍ଞ-ସ୍ସ୍ୟା॒-ତ୍ପ୍ରତି॒ଷ୍ଠେତ୍ୟେ॒ଵ ବ୍ରୂ॑ୟା-ଦ୍ଵା॒ଚି ଵୈ ୟ॒ଜ୍ଞ-ଶ୍ଶ୍ରି॒ତୋ ୟତ୍ରୈ॒ଵ ୟ॒ଜ୍ଞ-ଶ୍ଶ୍ରି॒ତସ୍ତତ॑ ଏ॒ଵୈନ॒ଗ୍ମ୍॒ ସ-ମ୍ପ୍ର ୟ॑ଚ୍ଛତି॒ ଦେଵ॑ ସଵିତରେ॒ତ-ତ୍ତେ॒ ପ୍ରା- [ସଵିତରେ॒ତ-ତ୍ତେ॒ ପ୍ର, ଆ॒ହେତ୍ୟା॑ହ॒] 50
-ଽଽହେତ୍ୟା॑ହ॒ ପ୍ରସୂ᳚ତ୍ୟୈ॒ ବୃହ॒ସ୍ପତି॑ ର୍ବ୍ର॒ହ୍ମେତ୍ୟା॑ହ॒ ସ ହି ବ୍ରହ୍ମି॑ଷ୍ଠ॒-ସ୍ସ ୟ॒ଜ୍ଞ-ମ୍ପା॑ହି॒ ସ ୟ॒ଜ୍ଞପ॑ତି-ମ୍ପାହି॒ ସ ମା-ମ୍ପା॒ହୀତ୍ୟା॑ହ ୟ॒ଜ୍ଞାୟ॒ ୟଜ॑ମାନାୟା॒-ଽଽତ୍ମନେ॒ ତେଭ୍ୟ॑ ଏ॒ଵା-ଽଽଶିଷ॒ମା ଶା॒ସ୍ତେ-ଽନା᳚ର୍ତ୍ୟା ଆ॒ଶ୍ରାଵ୍ୟା॑-ଽଽହ ଦେ॒ଵାନ୍. ୟ॒ଜେତି॑ ବ୍ରହ୍ମଵା॒ଦିନୋ॑ ଵଦନ୍ତୀ॒ଷ୍ଟା ଦେ॒ଵତା॒ ଅଥ॑ କତ॒ମ ଏ॒ତେ ଦେ॒ଵା ଇତି॒ ଛନ୍ଦା॒ଗ୍ମ୍॒ସୀତି॑ ବ୍ରୂୟା-ଦ୍ଗାୟ॒ତ୍ରୀ-ନ୍ତ୍ରି॒ଷ୍ଟୁଭ॒- [ବ୍ରୂୟା-ଦ୍ଗାୟ॒ତ୍ରୀ-ନ୍ତ୍ରି॒ଷ୍ଟୁଭ᳚ମ୍, ଜଗ॑ତୀ॒-] 51
ଞ୍ଜଗ॑ତୀ॒-ମିତ୍ୟଥୋ॒ ଖଲ୍ଵା॑ହୁର୍ବ୍ରାହ୍ମ॒ଣା ଵୈ ଛନ୍ଦା॒ଗ୍ମ୍॒ସୀତି॒ ତାନେ॒ଵ ତ-ଦ୍ୟ॑ଜତି ଦେ॒ଵାନାଂ॒-ଵାଁ ଇ॒ଷ୍ଟା ଦେ॒ଵତା॒ ଆସ॒ନ୍ନଥା॒ଗ୍ନିର୍ନୋଦ॑ଜ୍ଵଲ॒-ତ୍ତ-ନ୍ଦେ॒ଵା ଆହୁ॑ତୀଭି-ରନୂୟା॒ଜେଷ୍ଵନ୍ଵ॑-ଵିନ୍ଦ॒ନ୍॒. ୟଦ॑ନୂୟା॒ଜାନ୍. ୟଜ॑ତ୍ୟ॒ଗ୍ନିମେ॒ଵ ତ-ଥ୍ସମି॑ନ୍ଧ ଏ॒ତଦୁ॒ର୍ଵୈ ନାମା॑-ଽଽସୁ॒ର ଆ॑ସୀ॒-ଥ୍ସ ଏ॒ତର୍ହି॑ ୟ॒ଜ୍ଞସ୍ୟା॒ ଽଽଶିଷ॑ମଵୃଙ୍କ୍ତ॒ ୟ-ଦ୍ବ୍ରୂ॒ୟାଦେ॒ତ- [ୟ-ଦ୍ବ୍ରୂ॒ୟାଦେ॒ତତ୍, ଉ॒ ଦ୍ୟା॒ଵା॒ପୃ॒ଥି॒ଵୀ॒ ଭ॒ଦ୍ର-ମ॑ଭୂ॒-] 52
-ଦୁ॑ ଦ୍ୟାଵାପୃଥିଵୀ ଭ॒ଦ୍ର-ମ॑ଭୂ॒-ଦିତ୍ୟେ॒ତଦୁ॑-ମେ॒ଵା-ଽଽସୁ॒ରଂ-ୟଁ॒ଜ୍ଞସ୍ୟା॒-ଽଽଶିଷ॑-ଙ୍ଗମୟେଦି॒ଦ-ନ୍ଦ୍ୟା॑ଵାପୃଥିଵୀ ଭ॒ଦ୍ରମ॑ଭୂ॒ଦିତ୍ୟେ॒ଵ ବ୍ରୂ॑ୟା॒-ଦ୍ୟଜ॑ମାନମେ॒ଵ ୟ॒ଜ୍ଞସ୍ୟା॒-ଽଽଶିଷ॑-ଙ୍ଗମୟ॒ତ୍ୟାର୍ଧ୍ମ॑ ସୂକ୍ତଵା॒କମୁ॒ତ ନ॑ମୋଵା॒କମି-ତ୍ୟା॑ହେ॒ଦମ॑ରା॒-ଥ୍ସ୍ମେତି॒ ଵାଵୈତଦା॒ହୋପ॑ଶ୍ରିତୋ ଦି॒ଵଃ ପୃ॑ଥି॒ଵ୍ୟୋରିତ୍ୟା॑ହ॒ ଦ୍ୟାଵା॑ପୃଥି॒ଵ୍ୟୋର୍ହି ୟ॒ଜ୍ଞ ଉପ॑ଶ୍ରିତ॒ ଓମ॑ନ୍ଵତୀ ତେ॒-ଽସ୍ମିନ୍. ୟ॒ଜ୍ଞେ ୟ॑ଜମାନ॒ ଦ୍ୟାଵା॑ପୃଥି॒ଵୀ [ ] 53
ସ୍ତା॒ମିତ୍ୟା॑ହା॒ ଽଽଶିଷ॑ମେ॒ଵୈତାମା ଶା᳚ସ୍ତେ॒ ୟଦ୍ବ୍ରୂ॒ୟା-ଥ୍ସୂ॑ପାଵସା॒ନା ଚ॑ ସ୍ଵଦ୍ଧ୍ୟଵସା॒ନା ଚେତି॑ ପ୍ର॒ମାୟୁ॑କୋ॒ ୟଜ॑ମାନ-ସ୍ସ୍ୟାଦ୍ୟ॒ଦା ହି ପ୍ର॒ମୀୟ॒ତେ ଽଥେ॒ମାମୁ॑ପାଵ॒ସ୍ୟତି॑ ସୂପଚର॒ଣା ଚ॑ ସ୍ଵଧିଚର॒ଣା ଚେତ୍ୟେ॒ଵ ବ୍ରୂ॑ୟା॒-ଦ୍ଵରୀ॑ୟସୀମେ॒ଵାସ୍ମୈ॒ ଗଵ୍ୟୂ॑ତି॒ମା ଶା᳚ସ୍ତେ॒ ନ ପ୍ର॒ମାୟୁ॑କୋ ଭଵତି॒ ତୟୋ॑ରା॒ଵିଦ୍ୟ॒ଗ୍ନିରି॒ଦଗ୍ମ୍ ହ॒ଵିର॑ଜୁଷ॒ତେତ୍ୟା॑ହ॒ ୟା ଅୟା᳚କ୍ଷ୍ମ [ ] 54
ଦେ॒ଵତା॒ସ୍ତା ଅ॑ରୀରଧା॒ମେତି॒ ଵାଵୈତଦା॑ହ॒ ୟନ୍ନ ନି॑ର୍ଦି॒ଶେ-ତ୍ପ୍ରତି॑ଵେଶଂ-ୟଁ॒ଜ୍ଞସ୍ୟା॒ ଽଽଶୀର୍ଗ॑ଚ୍ଛେ॒ଦା ଶା᳚ସ୍ତେ॒-ଽୟଂ-ୟଁଜ॑ମାନୋ॒-ଽସାଵିତ୍ୟା॑ହ ନି॒ର୍ଦିଶ୍ୟୈ॒ଵୈନଗ୍ମ୍॑ ସୁଵ॒ର୍ଗଂ-ଲୋଁ॒କ-ଙ୍ଗ॑ମୟ॒ତ୍ୟାୟୁ॒ରା ଶା᳚ସ୍ତେ ସୁପ୍ରଜା॒ସ୍ତ୍ଵମା ଶା᳚ସ୍ତ॒ ଇତ୍ୟା॑ହା॒ ଽଶିଷ॑ମେ॒ଵୈ ତାମା ଶା᳚ସ୍ତେ ସଜାତଵନ॒ସ୍ୟାମା ଶା᳚ସ୍ତ॒ ଇତ୍ୟା॑ହ ପ୍ରା॒ଣା ଵୈ ସ॑ଜା॒ତାଃ ପ୍ରା॒ଣାନେ॒ଵ [ ] 55
ନାନ୍ତରେ॑ତି॒ ତଦ॒ଗ୍ନିର୍ଦେ॒ଵୋ ଦେ॒ଵେଭ୍ୟୋ॒ ଵନ॑ତେ ଵ॒ୟମ॒ଗ୍ନେର୍ମାନୁ॑ଷା॒ ଇତ୍ୟା॑ହା॒ଗ୍ନିର୍ଦେ॒ଵେଭ୍ୟୋ॑ ଵନୁ॒ତେ ଵ॒ୟ-ମ୍ମ॑ନୁ॒ଷ୍ୟେ᳚ଭ୍ୟ॒ ଇତି॒ ଵାଵୈତଦା॑ହେ॒ହ ଗତି॑ର୍ଵା॒ମସ୍ୟେ॒ଦ-ଞ୍ଚ॒ ନମୋ॑ ଦେ॒ଵେଭ୍ୟ॒ ଇତ୍ୟା॑ହ॒ ୟାଶ୍ଚୈ॒ଵ ଦେ॒ଵତା॒ ୟଜ॑ତି॒ ୟାଶ୍ଚ॒ ନ ତାଭ୍ୟ॑ ଏ॒ଵୋଭୟୀ᳚ଭ୍ୟୋ॒ ନମ॑ସ୍କରୋତ୍ୟା॒ତ୍ମନୋ-ଽନା᳚ର୍ତ୍ୟୈ ॥ 56 ॥
(ଶ୍ରି॒ତଃ – ତେ॒ ପ୍ର – ତ୍ରି॒ଷ୍ଟୁଭ॑ – ମେ॒ତ-ଦ୍- ଦ୍ୟାଵା॑ପୃଥି॒ଵୀ – ୟା ଅୟା᳚କ୍ଷ୍ମ- ପ୍ରା॒ଣାନେ॒ଵ – ଷଟ୍ଚ॑ତ୍ଵାରିଗ୍ମ୍ଶଚ୍ଚ ) (ଅ. 9)
ଦେ॒ଵା ଵୈ ୟ॒ଜ୍ଞସ୍ୟ॑ ସ୍ଵଗାକ॒ର୍ତାର॒-ନ୍ନାଵି॑ନ୍ଦ॒-ନ୍ତେ ଶଂ॒ୟୁଁ-ମ୍ବା॑ର୍ହସ୍ପ॒ତ୍ୟମ॑ବ୍ରୁଵନ୍ନି॒ମ-ନ୍ନୋ॑ ୟ॒ଜ୍ଞଗ୍ଗ୍ ସ୍ଵ॒ଗା କୁ॒ର୍ଵିତି॒ ସୋ᳚-ଽବ୍ରଵୀ॒ଦ୍ଵରଂ॑-ଵୃଁଣୈ॒ ୟଦେ॒ଵା-ବ୍ରା᳚ହ୍ମଣୋ॒କ୍ତୋ-ଽଶ୍ର॑ଦ୍ଦଧାନୋ॒ ୟଜା॑ତୈ॒ ସା ମେ॑ ୟ॒ଜ୍ଞସ୍ୟା॒-ଽଽଶୀର॑ସ॒ଦିତି॒ ତସ୍ମା॒-ଦ୍ୟ-ଦ୍ବ୍ରା᳚ହ୍ମଣୋ॒କ୍ତୋ-ଽଶ୍ର॑ଦ୍ଦଧାନୋ॒ ୟଜ॑ତେ ଶଂ॒ୟୁଁମେ॒ଵ ତସ୍ୟ॑ ବାର୍ହସ୍ପ॒ତ୍ୟଂ-ୟଁ॒ଜ୍ଞସ୍ୟା॒ ଽଽଶୀର୍ଗ॑ଚ୍ଛତ୍ୟେ॒ତ-ନ୍ମମେତ୍ୟ॑ବ୍ରଵୀ॒-ତ୍କି-ମ୍ମେ᳚ ପ୍ର॒ଜାୟା॒ [ପ୍ର॒ଜାୟାଃ᳚, ଇତି॒ ୟୋ॑-ଽପଗୁ॒ରାତୈ॑] 57
ଇତି॒ ୟୋ॑-ଽପଗୁ॒ରାତୈ॑ ଶ॒ତେନ॑ ୟାତୟା॒ଦ୍ୟୋ ନି॒ହନ॑-ଥ୍ସ॒ହସ୍ରେ॑ଣ ୟାତୟା॒ଦ୍ୟୋ ଲୋହି॑ତ-ଙ୍କ॒ରଵ॒ଦ୍ୟାଵ॑ତଃ ପ୍ର॒ସ୍କଦ୍ୟ॑ ପା॒ଗ୍ମ୍॒ସୂନ୍-ଥ୍ସ॑-ଙ୍ଗୃ॒ହ୍ଣା-ତ୍ତାଵ॑ତ-ସ୍ସଂଵଁଥ୍ସ॒ରା-ନ୍ପି॑ତୃଲୋ॒କ-ନ୍ନ ପ୍ରଜା॑ନା॒ଦିତି॒ ତସ୍ମା᳚-ଦ୍ବ୍ରାହ୍ମ॒ଣାୟ॒ ନାପ॑ ଗୁରେତ॒ ନ ନି ହ॑ନ୍ୟା॒ନ୍ନ ଲୋହି॑ତ-ଙ୍କୁର୍ୟାଦେ॒ତାଵ॑ତା॒ ହୈନ॑ସା ଭଵତି॒ ତଚ୍ଛଂ॒ୟୋଁରା ଵୃ॑ଣୀମହ॒ ଇତ୍ୟା॑ହ ୟ॒ଜ୍ଞମେ॒ଵ ତ-ଥ୍ସ୍ଵ॒ଗା କ॑ରୋତି॒ ତ- [ତ-ଥ୍ସ୍ଵ॒ଗା କ॑ରୋତି॒ ତତ୍, ଶଂ॒ୟୋଁରା] 58
-ଚ୍ଛଂ॒ୟୋଁରା ଵୃ॑ଣୀମହ॒ ଇତ୍ୟା॑ହ ଶଂ॒ୟୁଁମେ॒ଵ ବା॑ର୍ହସ୍ପ॒ତ୍ୟ-ମ୍ଭା॑ଗ॒ଧେୟେ॑ନ॒ ସମ॑ର୍ଧୟତି ଗା॒ତୁଂ-ୟଁ॒ଜ୍ଞାୟ॑ ଗା॒ତୁଂ-ୟଁ॒ଜ୍ଞପ॑ତୟ॒ ଇତ୍ୟା॑ହା॒ ଽଽଶିଷ॑ମେ॒ଵୈ ତାମା ଶା᳚ସ୍ତେ॒ ସୋମଂ॑-ୟଁଜତି॒ ରେତ॑ ଏ॒ଵ ତ-ଦ୍ଦ॑ଧାତି॒ ତ୍ଵଷ୍ଟା॑ରଂ-ୟଁଜତି॒ ରେତ॑ ଏ॒ଵ ହି॒ତ-ନ୍ତ୍ଵଷ୍ଟା॑ ରୂ॒ପାଣି॒ ଵି କ॑ରୋତି ଦେ॒ଵାନା॒-ମ୍ପତ୍ନୀ᳚ର୍ୟଜତି ମିଥୁନ॒ତ୍ଵାୟା॒ଗ୍ନି-ଙ୍ଗୃ॒ହପ॑ତିଂ-ୟଁଜତି॒ ପ୍ରତି॑ଷ୍ଠିତ୍ୟୈ ଜା॒ମି ଵା ଏ॒ତ-ଦ୍ୟ॒ଜ୍ଞସ୍ୟ॑ କ୍ରିୟତେ॒ [କ୍ରିୟତେ, ୟଦାଜ୍ୟେ॑ନ] 59
ୟଦାଜ୍ୟେ॑ନ ପ୍ରୟା॒ଜା ଇ॒ଜ୍ୟନ୍ତ॒ ଆଜ୍ୟେ॑ନ ପତ୍ନୀସଂୟାଁ॒ଜା ଋଚ॑ମ॒ନୂଚ୍ୟ॑ ପତ୍ନୀସଂୟାଁ॒ଜାନା॑ମୃ॒ଚା ୟ॑ଜ॒ତ୍ୟଜା॑ମିତ୍ଵା॒ୟାଥୋ॑ ମିଥୁନ॒ତ୍ଵାୟ॑ ପ॒ଙ୍କ୍ତି ପ୍ରା॑ୟଣୋ॒ ଵୈ ୟ॒ଜ୍ଞଃ ପ॒ଙ୍କ୍ତ୍ୟୁ॑ଦୟନଃ॒ ପଞ୍ଚ॑ ପ୍ରୟା॒ଜା ଇ॑ଜ୍ୟନ୍ତେ ଚ॒ତ୍ଵାରଃ॑ ପତ୍ନୀସଂୟାଁ॒ଜା-ସ୍ସ॑ମିଷ୍ଟୟ॒ଜୁଃ ପ॑ଞ୍ଚ॒ମ-ମ୍ପ॒ଙ୍କ୍ତିମେ॒ଵାନୁ॑ ପ୍ର॒ୟନ୍ତି॑ ପ॒ଙ୍କ୍ତିମନୂଦ୍ୟ॑ନ୍ତି ॥ 60 ॥
(ପ୍ର॒ଜାୟାଃ᳚ – କରୋତି॒ ତତ୍ – କ୍ରି॑ୟତେ॒ – ତ୍ରୟ॑ସ୍ତ୍ରିଗ୍ମ୍ଶଚ୍ଚ ) (ଅ. 10)
ୟୁ॒କ୍ଷ୍ଵାହି ଦେ॑ଵ॒ହୂତ॑ମା॒ଗ୍ମ୍॒ ଅଶ୍ଵାଗ୍ମ୍॑ ଅଗ୍ନେ ର॒ଥୀରି॑ଵ । ନି ହୋତା॑ ପୂ॒ର୍ଵ୍ୟ-ସ୍ସ॑ଦଃ ॥ ଉ॒ତ ନୋ॑ ଦେଵ ଦେ॒ଵାଗ୍ମ୍ ଅଚ୍ଛା॑ ଵୋଚୋ ଵି॒ଦୁଷ୍ଟ॑ରଃ । ଶ୍ରଦ୍ଵିଶ୍ଵା॒ ଵାର୍ୟା॑ କୃଧି ॥ ତ୍ଵଗ୍ମ୍ ହ॒ ୟଦ୍ୟ॑ଵିଷ୍ଠ୍॒ୟ ସହ॑ସ-ସ୍ସୂନଵାହୁତ । ଋ॒ତାଵା॑ ୟ॒ଜ୍ଞିୟୋ॒ ଭୁଵଃ॑ ॥ ଅ॒ୟମ॒ଗ୍ନି-ସ୍ସ॑ହ॒ସ୍ରିଣୋ॒ ଵାଜ॑ସ୍ୟ ଶ॒ତିନ॒ସ୍ପତିଃ॑ । ମୂ॒ର୍ଧା କ॒ଵୀ ର॑ୟୀ॒ଣାମ୍ ॥ ତ-ନ୍ନେ॒ମିମୃ॒ଭଵୋ॑ ୟ॒ଥା ଽଽନ॑ମସ୍ଵ॒ ସହୂ॑ତିଭିଃ । ନେଦୀ॑ୟୋ ୟ॒ଜ୍ଞ- [ୟ॒ଜ୍ଞମ୍, ଅ॒ଙ୍ଗି॒ରଃ॒ ।] 61
-ମ॑ଙ୍ଗିରଃ ॥ ତସ୍ମୈ॑ ନୂ॒ ନମ॒ଭିଦ୍ୟ॑ଵେ ଵା॒ଚା ଵି॑ରୂପ॒ ନିତ୍ୟ॑ୟା । ଵୃଷ୍ଣେ॑ ଚୋଦସ୍ଵ ସୁଷ୍ଟୁ॒ତିମ୍ ॥ କମୁ॑ ଷ୍ଵିଦସ୍ୟ॒ ସେନ॑ୟା॒-ଽଗ୍ନେରପା॑କଚକ୍ଷସଃ । ପ॒ଣି-ଙ୍ଗୋଷୁ॑ ସ୍ତରାମହେ ॥ ମା ନୋ॑ ଦେ॒ଵାନାଂ॒-ଵିଁଶଃ॑ ପ୍ରସ୍ନା॒ତୀରି॑ଵୋ॒ସ୍ରାଃ । କୃ॒ଶ-ନ୍ନ ହା॑ସୁ॒ରଘ୍ନି॑ୟାଃ ॥ ମା ନ॑-ସ୍ସମସ୍ୟ ଦୂ॒ଢ୍ୟଃ॑ ପରି॑ଦ୍ଵେଷସୋ ଅଗ୍ମ୍ ହ॒ତିଃ । ଊ॒ର୍ମିର୍ନ ନାଵ॒ମା ଵ॑ଧୀତ୍ ॥ ନମ॑ସ୍ତେ ଅଗ୍ନ॒ ଓଜ॑ସେ ଗୃ॒ଣନ୍ତି॑ ଦେଵ କୃ॒ଷ୍ଟୟଃ॑ । ଅମୈ॑- [ଅମୈଃ᳚, ଅ॒ମିତ୍ର॑ମର୍ଦୟ ।] 62
-ର॒ମିତ୍ର॑ମର୍ଦୟ ॥ କୁ॒ଵିଥ୍ସୁନୋ॒ ଗଵି॑ଷ୍ଟ॒ୟେ-ଽଗ୍ନେ॑ ସଂ॒ଵେଁଷି॑ଷୋ ର॒ୟିମ୍ । ଉରୁ॑କୃଦୁ॒ରୁ ଣ॑ସ୍କୃଧି ॥ ମା ନୋ॑ ଅ॒ସ୍ମି-ନ୍ମ॑ହାଧ॒ନେ ପରା॑ ଵର୍ଗ୍ଭାର॒ଭୃଦ୍ୟ॑ଥା । ସଂ॒ଵଁର୍ଗ॒ଗ୍ମ୍॒ ସଗ୍ମ୍ ର॒ୟି-ଞ୍ଜ॑ୟ ॥ ଅ॒ନ୍ୟମ॒ସ୍ମଦ୍ଭି॒ୟା ଇ॒ୟମଗ୍ନେ॒ ସିଷ॑କ୍ତୁ ଦୁ॒ଚ୍ଛୁନା᳚ । ଵର୍ଧା॑ ନୋ॒ ଅମ॑ଵ॒ଚ୍ଛଵଃ॑ ॥ ୟସ୍ୟାଜୁ॑ଷନ୍ନମ॒ସ୍ଵିନ॒-ଶ୍ଶମୀ॒ମଦୁ॑ର୍ମଖସ୍ୟଵା । ତ-ଙ୍ଘେଦ॒ଗ୍ନିର୍ଵୃ॒ଧା-ଽଵ॑ତି ॥ ପର॑ସ୍ୟା॒ ଅଧି॑ [ ] 63
ସଂ॒ଵଁତୋ-ଽଵ॑ରାଗ୍ମ୍ ଅ॒ଭ୍ୟା ତ॑ର । ୟତ୍ରା॒ହମସ୍ମି॒ ତାଗ୍ମ୍ ଅ॑ଵ ॥ ଵି॒ଦ୍ମା ହି ତେ॑ ପୁ॒ରା ଵ॒ୟମଗ୍ନେ॑ ପି॒ତୁର୍ୟଥାଵ॑ସଃ । ଅଧା॑ ତେ ସୁ॒ମ୍ନମୀ॑ମହେ ॥ ୟ ଉ॒ଗ୍ର ଇ॑ଵ ଶର୍ୟ॒ହା ତି॒ଗ୍ମଶୃ॑ଙ୍ଗୋ॒ ନ ଵଗ୍ମ୍ସ॑ଗଃ । ଅଗ୍ନେ॒ ପୁରୋ॑ ରୁ॒ରୋଜି॑ଥ ॥ ସଖା॑ୟ॒-ସ୍ସଂ-ଵଁ॑-ସ୍ସଂ॒ୟଁଞ୍ଚ॒ମିଷ॒ଗ୍ଗ୍॒ ସ୍ତୋମ॑-ଞ୍ଚା॒ଗ୍ନୟେ᳚ । ଵର୍ଷି॑ଷ୍ଠାୟ କ୍ଷିତୀ॒ନାମୂ॒ର୍ଜୋ ନପ୍ତ୍ରେ॒ ସହ॑ସ୍ଵତେ ॥ ସଗ୍ମ୍ ସ॒ମିଦ୍ୟୁ॑ଵସେ ଵୃଷ॒ନ୍ନ -ଗ୍ନେ॒ ଵିଶ୍ଵା᳚ନ୍ୟ॒ର୍ୟ ଆ । ଇ॒ଡସ୍ପ॒ଦେ ସମି॑ଧ୍ୟସେ॒ ସ ନୋ॒ ଵସୂ॒ନ୍ୟା ଭ॑ର । ପ୍ରଜା॑ପତେ॒, ସ ଵେ॑ଦ॒, ସୋମା॑ ପୂଷଣେ॒, ମୌ ଦେ॒ଵୌ ॥ 64 ॥
(ୟ॒ଜ୍ଞ – ମମୈ॒ – ରଧି॑ – ଵୃଷ॒ – ନ୍ନେକା॒ନ୍ନ ଵିଗ୍ମ୍॑ଶ॒ତିଶ୍ଚ॑ ) (ଅ. 11)
ଉ॒ଶନ୍ତ॑ସ୍ତ୍ଵା ହଵାମହ ଉ॒ଶନ୍ତ॒-ସ୍ସମି॑ଧୀମହି । ଉ॒ଶନ୍ନୁ॑ଶ॒ତ ଆ ଵ॑ହ ପି॒ତୄନ୍. ହ॒ଵିଷେ॒ ଅତ୍ତ॑ଵେ ॥ ତ୍ଵଗ୍ମ୍ ସୋ॑ମ॒ ପ୍ରଚି॑କିତୋ ମନୀ॒ଷା ତ୍ଵଗ୍ମ୍ ରଜି॑ଷ୍ଠ॒ମନୁ॑ ନେଷି॒ ପନ୍ଥା᳚ମ୍ । ତଵ॒ ପ୍ରଣୀ॑ତୀ ପି॒ତରୋ॑ ନ ଇନ୍ଦୋ ଦେ॒ଵେଷୁ॒ ରତ୍ନ॑ମ ଭଜନ୍ତ॒ ଧୀରାଃ᳚ ॥ ତ୍ଵୟା॒ ହି ନଃ॑ ପି॒ତର॑-ସ୍ସୋମ॒ ପୂର୍ଵେ॒ କର୍ମା॑ଣି ଚ॒କ୍ରୁଃ ପ॑ଵମାନ॒ ଧୀରାଃ᳚ । ଵ॒ନ୍ଵନ୍ନଵା॑ତଃ ପରି॒ଧୀଗ୍ମ୍ ରପୋ᳚ର୍ଣୁ ଵୀ॒ରେଭି॒ରଶ୍ଵୈ᳚ର୍ମ॒ଘଵା॑ ଭଵା [ଭଵ, ନଃ॒ ।] 65
ନଃ ॥ ତ୍ଵଗ୍ମ୍ ସୋ॑ମ ପି॒ତୃଭି॑-ସ୍ସଂଵିଁଦା॒ନୋ-ଽନୁ॒ ଦ୍ୟାଵା॑ପୃଥି॒ଵୀ ଆ ତ॑ତନ୍ଥ । ତସ୍ମୈ॑ ତ ଇନ୍ଦୋ ହ॒ଵିଷା॑ ଵିଧେମ ଵ॒ୟଗ୍ଗ୍ ସ୍ୟା॑ମ॒ ପତ॑ୟୋ ରୟୀ॒ଣାମ୍ ॥ ଅଗ୍ନି॑ଷ୍ଵାତ୍ତାଃ ପିତର॒ ଏହ ଗ॑ଚ୍ଛତ॒ ସଦ॑-ସ୍ସଦ-ସ୍ସଦତ ସୁପ୍ରଣୀତୟଃ । ଅ॒ତ୍ତା ହ॒ଵୀଗ୍ମ୍ଷି॒ ପ୍ରୟ॑ତାନି ବ॒ର୍॒ହିଷ୍ୟଥା॑ ର॒ୟିଗ୍ମ୍ ସର୍ଵ॑ଵୀର-ନ୍ଦଧାତନ ॥ ବର୍ହି॑ଷଦଃ ପିତର ଊ॒ତ୍ୟ॑ର୍ଵାଗି॒ମା ଵୋ॑ ହ॒ଵ୍ୟା ଚ॑କୃମା ଜୁ॒ଷଦ୍ଧ୍ଵ᳚ମ୍ । ତ ଆ ଗ॒ତା-ଽଵ॑ସା॒ ଶ-ନ୍ତ॑ମେ॒ନା-ଽଥା॒-ଽସ୍ମଭ୍ୟ॒ଗ୍ମ୍॒ [-ଽସ୍ମଭ୍ୟ᳚ମ୍, ଶଂ-ୟୋଁର॑ର॒ପୋ ଦ॑ଧାତ ।] 66
ଶଂ-ୟୋଁର॑ର॒ପୋ ଦ॑ଧାତ ॥ ଆ-ଽହ-ମ୍ପି॒ତୄନ୍-ଥ୍ସୁ॑ଵି॒ଦତ୍ରାଗ୍ମ୍॑ ଅଵିଥ୍ସି॒ ନପା॑ତ-ଞ୍ଚ ଵି॒କ୍ରମ॑ଣ-ଞ୍ଚ॒ ଵିଷ୍ଣୋଃ᳚ । ବ॒ର୍॒ହି॒ଷଦୋ॒ ୟେ ସ୍ଵ॒ଧୟା॑ ସୁ॒ତସ୍ୟ॒ ଭଜ॑ନ୍ତ ପି॒ତ୍ଵସ୍ତ ଇ॒ହା-ଽଽ ଗ॑ମିଷ୍ଠାଃ ॥ ଉପ॑ହୂତାଃ ପି॒ତର॑-ସ୍ସୋ॒ମ୍ୟାସୋ॑ ବର୍ହି॒ଷ୍ୟେ॑ଷୁ ନି॒ଧିଷୁ॑ ପ୍ରି॒ୟେଷୁ॑ । ତ ଆ ଗ॑ମନ୍ତୁ॒ ତ ଇ॒ହ ଶ୍ରୁ॑ଵ॒ନ୍ତ୍ଵଧି॑ ବ୍ରୁଵନ୍ତୁ॒ ତେ ଅ॑ଵନ୍ତ୍ଵ॒ସ୍ମାନ୍ ॥ ଉଦୀ॑ରତା॒ମଵ॑ର॒ ଉ-ତ୍ପରା॑ସ॒ ଉନ୍ମ॑ଦ୍ଧ୍ୟ॒ମାଃ ପି॒ତର॑-ସ୍ସୋ॒ମ୍ୟାସଃ॑ । ଅସୁଂ॒- [ଅସୁ᳚ମ୍, ୟ ଈ॒ୟୁର॑ ଵୃ॒କା] 67
-ଁୟ ଈ॒ୟୁର॑ ଵୃ॒କା ଋ॑ତ॒ଜ୍ଞାସ୍ତେ ନୋ॑-ଽଵନ୍ତୁ ପି॒ତରୋ॒ ହଵେ॑ଷୁ ॥ ଇ॒ଦ-ମ୍ପି॒ତୃଭ୍ୟୋ॒ ନମୋ॑ ଅସ୍ତ୍ଵ॒ଦ୍ୟ ୟେ ପୂର୍ଵା॑ସୋ॒ ୟ ଉପ॑ରାସ ଈ॒ୟୁଃ । ୟେ ପାର୍ଥି॑ଵେ॒ ରଜ॒ସ୍ୟା ନିଷ॑ତ୍ତା॒ ୟେ ଵା॑ ନୂ॒ନଗ୍ମ୍ ସୁ॑ଵୃ॒ଜନା॑ସୁ ଵି॒କ୍ଷୁ ॥ ଅଧା॒ ୟଥା॑ ନଃ ପି॒ତରଃ॒ ପରା॑ସଃ ପ୍ର॒ତ୍ନାସୋ॑ ଅଗ୍ନ ଋ॒ତମା॑ଶୁଷା॒ଣାଃ । ଶୁଚୀଦ॑ୟ॒-ନ୍ଦୀଧି॑ତି ମୁକ୍ଥ॒ଶାସଃ॒, କ୍ଷାମା॑ ଭି॒ନ୍ଦନ୍ତୋ॑ ଅରୁ॒ଣୀରପ॑ ଵ୍ରନ୍ନ୍ ॥ ୟଦ॑ଗ୍ନେ [ୟଦ॑ଗ୍ନେ, କ॒ଵ୍ୟ॒ଵା॒ହ॒ନ॒ ପି॒ତୄନ୍] 68
କଵ୍ୟଵାହନ ପି॒ତୄନ୍. ୟକ୍ଷ୍ୟୃ॑ତା॒ଵୃଧଃ॑ । ପ୍ର ଚ॑ ହ॒ଵ୍ୟାନି॑ ଵକ୍ଷ୍ୟସି ଦେ॒ଵେଭ୍ୟ॑ଶ୍ଚ ପି॒ତୃଭ୍ୟ॒ ଆ ॥ ତ୍ଵମ॑ଗ୍ନ ଈଡି॒ତୋ ଜା॑ତଵେ॒ଦୋ-ଽଵା᳚ଡ୍ଢ॒ଵ୍ୟାନି॑ ସୁର॒ଭୀଣି॑ କୃ॒ତ୍ଵା । ପ୍ରାଦାଃ᳚ ପି॒ତୃଭ୍ୟ॑-ସ୍ସ୍ଵ॒ଧୟା॒ ତେ ଅ॑କ୍ଷନ୍ନ॒ଦ୍ଧି ତ୍ଵ-ନ୍ଦେ॑ଵ॒ ପ୍ରୟ॑ତା ହ॒ଵୀଗ୍ମ୍ଷି॑ ॥ ମାତ॑ଲୀ କ॒ଵ୍ୟୈର୍ୟ॒ମୋ ଅଙ୍ଗି॑ରୋଭି॒ ର୍ବୃହ॒ସ୍ପତି॒ର୍॒ ଋକ୍ଵ॑ଭି ର୍ଵାଵୃଧା॒ନଃ । ୟାଗ୍ଶ୍ଚ॑ ଦେ॒ଵା ଵା॑ଵୃ॒ଧୁର୍ୟେ ଚ॑ ଦେ॒ଵାନ୍-ଥ୍ସ୍ଵାହା॒-ଽନ୍ୟେ ସ୍ଵ॒ଧୟା॒-ଽନ୍ୟେ ମ॑ଦନ୍ତି ॥ 69 ॥
ଇ॒ମଂ-ୟଁ॑ମ ପ୍ରସ୍ତ॒ରମାହି ସୀଦାଙ୍ଗି॑ରୋଭିଃ ପି॒ତୃଭି॑-ସ୍ସଂଵିଁଦା॒ନଃ । ଆତ୍ଵା॒ ମନ୍ତ୍ରାଃ᳚ କଵିଶ॒ସ୍ତା ଵ॑ହନ୍ତ୍ଵେ॒ନା ରା॑ଜନ୍. ହ॒ଵିଷା॑ ମାଦୟସ୍ଵ ॥ ଅଙ୍ଗି॑ରୋଭି॒ରା ଗ॑ହି ୟ॒ଜ୍ଞିୟେ॑ଭି॒ର୍ୟମ॑ ଵୈରୂ॒ପୈରି॒ହ ମା॑ଦୟସ୍ଵ । ଵିଵ॑ସ୍ଵନ୍ତଗ୍ମ୍ ହୁଵେ॒ ୟଃ ପି॒ତା ତେ॒-ଽସ୍ମିନ୍. ୟ॒ଜ୍ଞେ ବ॒ର୍॒ହିଷ୍ୟା ନି॒ଷଦ୍ୟ॑ ॥ ଅଙ୍ଗି॑ରସୋ ନଃ ପି॒ତରୋ॒ ନଵ॑ଗ୍ଵା॒ ଅଥ॑ର୍ଵାଣୋ॒ ଭୃଗ॑ଵ-ସ୍ସୋ॒ମ୍ୟାସଃ॑ । ତେଷାଂ᳚-ଵଁ॒ୟଗ୍ମ୍ ସୁ॑ମ॒ତୌ ୟ॒ଜ୍ଞିୟା॑ନା॒ମପି॑ ଭ॒ଦ୍ରେ ସୌ॑ମନ॒ସେ ସ୍ୟା॑ମ ॥ 70 ॥
(ଭ॒ଵା॒ – ଽସ୍ମଭ୍ୟ॒ – ମସୁଂ॒ – ଁୟଦ॑ଗ୍ନେ – ମଦନ୍ତି – ସୌମନ॒ସ – ଏକ॑-ଞ୍ଚ ) (ଅ. 12)
(ସ॒ମିଧ॒ – ଶ୍ଚକ୍ଷୁ॑ଷୀ – ପ୍ର॒ଜାପ॑ତି॒ରାଜ୍ୟଂ॑ – ଦେ॒ଵସ୍ୟ॒ ସ୍ଫ୍ୟଂ – ବ୍ର॑ହ୍ମଵା॒ଦିନୋ॒ ଽଦ୍ଭି – ର॒ଗ୍ନେସ୍ତ୍ରୟୋ॒ – ମନୁଃ॑ ପୃଥି॒ଵ୍ୟାଃ – ପ॒ଶଵୋ॒ – ଽଗ୍ନୀଧେ॑ – ଦେ॒ଵା ଵୈ ୟ॒ଜ୍ଞସ୍ୟ॑ – ୟୁ॒କ୍ଷ୍ଵୋ – ଶନ୍ତ॑ସ୍ତ୍ଵା॒ – ଦ୍ଵାଦ॑ଶ )
(ସ॒ମିଧୋ॑ – ୟା॒ଜ୍ୟା॑ – ତସ୍ମା॒ନ୍ନଭା॒-ଽଗଗ୍ମ୍ – ହି ତମନ୍ଵି- ତ୍ୟା॑ହ ପ୍ର॒ଜା ଵା – ଆ॒ହେତ୍ୟା॑ହ – ୟୁ॒କ୍ଷ୍ଵା ହି – ସ॑ପ୍ତ॒ତିଃ )
(ସ॒ମିଧଃ॑, ସୌମନ॒ସେ ସ୍ୟା॑ମ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ନ୍ଦ୍ଵିତୀୟକାଣ୍ଡେ ଷଷ୍ଟଃ ପ୍ରଶ୍ନ-ସ୍ସମାପ୍ତଃ ॥
(ଵା॒ୟ॒ଵ୍ୟଂ॑ – ପ୍ର॒ଜାପ॑ତି – ରାଦି॒ତ୍ୟେଭ୍ୟୋ॑ – ଦେ॒ଵା – ଵି॒ଶ୍ଵରୂ॑ପଃ – ସ॒ମିଧଃ॒ – ଷଟ୍) (6)
॥ ଇତି ଦ୍ଵୀତୀୟ-ଙ୍କାଣ୍ଡମ୍ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 2.6 - ସମିଧୋ ୟଜତି ଵସନ୍ତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
2.6 - ସମିଧୋ ୟଜତି ଵସନ୍ତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 2.6 - ସମିଧୋ ୟଜତି ଵସନ୍ତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 2.6 - ସମିଧୋ ୟଜତି ଵସନ୍ତମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.