1.5 – ଦେଵାସୁରାଃ ସଂୟତ୍ତା ଆସନ୍ନ୍ – କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ମ୍ପ୍ରଥମକାଣ୍ଡେ ପଞ୍ଚମଃ ପ୍ରଶ୍ନଃ – ପୁନରାଧାନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଦେ॒ଵା॒ସୁ॒ରା-ସ୍ସଂୟଁ॑ତ୍ତା ଆସ॒ନ୍ତେ ଦେ॒ଵା ଵି॑ଜ॒ୟମୁ॑ପ॒ୟନ୍ତୋ॒ ଽଗ୍ନୌ ଵା॒ମଂ-ଵଁସୁ॒ ସ-ନ୍ନ୍ୟ॑ଦଧତେ॒ଦମୁ॑ ନୋ ଭଵିଷ୍ୟତି॒ ୟଦି॑ ନୋ ଜେ॒ଷ୍ୟନ୍ତୀତି॒ ତଦ॒ଗ୍ନିର୍ନ୍ୟ॑କାମୟତ॒ ତେନାପା᳚କ୍ରାମ॒-ତ୍ତଦ୍ଦେ॒ଵା ଵି॒ଜିତ୍ୟା॑ଵ॒ରୁରୁ॑ଥ୍ସମାନା॒ ଅନ୍ଵା॑ୟ॒-ନ୍ତଦ॑ସ୍ୟ॒ ସହ॒ସା-ଽଽଦି॑ଥ୍ସନ୍ତ॒ ସୋ॑ ଽରୋଦୀ॒ଦ୍ୟଦରୋ॑ଦୀ॒-ତ୍ତ-ଦ୍ରୁ॒ଦ୍ରସ୍ୟ॑ ରୁଦ୍ର॒ତ୍ଵଂ-ୟଁଦଶ୍ର୍ଵଶୀ॑ୟତ॒ ତ- [ତତ୍, ର॒ଜ॒ତଗ୍ମ୍] 1
ଦ୍ର॑ଜ॒ତଗ୍ମ୍ ହିର॑ଣ୍ୟମଭଵ॒-ତ୍ତସ୍ମା᳚-ଦ୍ରଜ॒ତଗ୍ମ୍ ହିର॑ଣ୍ୟ-ମଦକ୍ଷି॒ଣ୍ୟ-ମ॑ଶ୍ରୁ॒ଜଗ୍ମ୍ ହି ୟୋ ବ॒ର୍॒ହିଷି॒ ଦଦା॑ତି ପୁ॒ରା-ଽସ୍ୟ॑ ସଂଵଁଥ୍ସ॒ରା-ଦ୍ଗୃ॒ହେ ରୁ॑ଦନ୍ତି॒ ତସ୍ମା᳚-ଦ୍ବ॒ର୍॒ହିଷି॒ ନ ଦେୟ॒ଗ୍ମ୍॒ ସୋ᳚-ଽଗ୍ନିର॑ବ୍ରଵୀ-ଦ୍ଭା॒ଗ୍ୟ॑ସା॒ନ୍ୟଥ॑ ଵ ଇ॒ଦମିତି॑ ପୁନରା॒ଧେୟ॑-ନ୍ତେ॒ କେଵ॑ଲ॒ମିତ୍ୟ॑ବ୍ରୁଵ-ନ୍ନୃ॒ଦ୍ଧ୍ନଵ॒-ତ୍ଖଲୁ॒ ସ ଇତ୍ୟ॑ବ୍ରଵୀ॒ଦ୍ୟୋ ମ॑ଦ୍ଦେଵ॒ତ୍ୟ॑-ମ॒ଗ୍ନି-ମା॒ଦଧା॑ତା॒ ଇତି॒ ତ-ମ୍ପୂ॒ଷା-ଽଽଧ॑ତ୍ତ॒ ତେନ॑ [ ] 2
ପୂ॒ଷା-ଽଽର୍ଧ୍ନୋ॒-ତ୍ତସ୍ମା᳚-ତ୍ପୌ॒ଷ୍ଣାଃ ପ॒ଶଵ॑ ଉଚ୍ୟନ୍ତେ॒ ତ-ନ୍ତ୍ଵଷ୍ଟା-ଽଽଧ॑ତ୍ତ॒ ତେନ॒ ତ୍ଵଷ୍ଟା᳚-ଽଽର୍ଧ୍ନୋ॒-ତ୍ତସ୍ମା᳚-ତ୍ତ୍ଵା॒ଷ୍ଟ୍ରାଃ ପ॒ଶଵ॑ ଉଚ୍ୟନ୍ତେ॒ ତ-ମ୍ମନୁ॒ରା-ଽଧ॑ତ୍ତ॒ ତେନ॒ ମନୁ॑ରା॒ର୍ଧ୍ନୋ॒-ତ୍ତସ୍ମା᳚ନ୍ମାନ॒ଵ୍ୟଃ॑ ପ୍ର॒ଜା ଉ॑ଚ୍ୟନ୍ତେ॒ ତ-ନ୍ଧା॒ତା-ଽଽଧ॑ତ୍ତ॒ ତେନ॑ ଧା॒ତା-ଽଽର୍ଧ୍ନୋ᳚-ଥ୍ସଂଵଁଥ୍ସ॒ରୋ ଵୈ ଧା॒ତା ତସ୍ମା᳚-ଥ୍ସଂଵଁଥ୍ସ॒ର-ମ୍ପ୍ର॒ଜାଃ ପ॒ଶଵୋ-ଽନୁ॒ ପ୍ର ଜା॑ୟନ୍ତେ॒ ୟ ଏ॒ଵ-ମ୍ପୁ॑ନରା॒ଧେୟ॒ସ୍ୟର୍ଧିଂ॒-ଵେଁଦ॒- [ଏ॒ଵ-ମ୍ପୁ॑ନରା॒ଧେୟ॒ସ୍ୟର୍ଧିଂ॒-ଵେଁଦ॑, ଋ॒ଧ୍ନୋତ୍ୟେ॒ଵ] 3
-ର୍ଧ୍ନୋତ୍ୟେ॒ଵ ୟୋ᳚-ଽସ୍ୟୈ॒ଵ-ମ୍ବ॒ନ୍ଧୁତାଂ॒-ଵେଁଦ॒ ବନ୍ଧୁ॑ମା-ନ୍ଭଵତି ଭାଗ॒ଧେୟଂ॒-ଵାଁ ଅ॒ଗ୍ନିରାହି॑ତ ଇ॒ଚ୍ଛମା॑ନଃ ପ୍ର॒ଜା-ମ୍ପ॒ଶୂନ୍ ୟଜ॑ମାନ॒ସ୍ୟୋପ॑ ଦୋଦ୍ରାଵୋ॒ଦ୍ଵାସ୍ୟ॒ ପୁନ॒ରା ଦ॑ଧୀତ ଭାଗ॒ଧେୟେ॑ନୈ॒ଵୈନ॒ଗ୍ମ୍॒ ସମ॑ର୍ଧୟ॒ତ୍ୟଥୋ॒ ଶାନ୍ତି॑ରେ॒ଵାସ୍ୟୈ॒ଷା ପୁନ॑ର୍ଵସ୍ଵୋ॒ରା ଦ॑ଧୀତୈ॒ତଦ୍ଵୈ ପୁ॑ନରା॒ଧେୟ॑ସ୍ୟ॒ ନକ୍ଷ॑ତ୍ରଂ॒-ୟଁ-ତ୍ପୁନ॑ର୍ଵସୂ॒ ସ୍ଵାୟା॑ମେ॒ଵୈନ॑-ନ୍ଦେ॒ଵତା॑ୟାମା॒ଧାୟ॑ ବ୍ରହ୍ମଵର୍ଚ॒ସୀ ଭ॑ଵତି ଦ॒ର୍ଭୈ ରା ଦ॑ଧା॒ତ୍ୟୟା॑ତୟାମତ୍ଵାୟ ଦ॒ର୍ଭୈରା ଦ॑ଧାତ୍ୟ॒ଦ୍ଭ୍ୟ ଏ॒ଵୈନ॒ମୋଷ॑ଧୀଭ୍ୟୋ ଽଵ॒ରୁଦ୍ଧ୍ୟା ଽଽଧ॑ତ୍ତେ॒ ପଞ୍ଚ॑କପାଲଃ ପୁରୋ॒ଡାଶୋ॑ ଭଵତି॒ ପଞ୍ଚ॒ ଵା ଋ॒ତଵ॑ ଋ॒ତୁଭ୍ୟ॑ ଏ॒ଵୈନ॑ମଵ॒ରୁଦ୍ଧ୍ୟା ଽଽଧ॑ତ୍ତେ ॥ 4 ॥
(ଅଶୀ॑ୟତ॒ ତତ୍- ତେନ॒-ଵେଦ॑- ଦ॒ର୍ଭୈଃ ପଞ୍ଚ॑ଵିଗ୍ମ୍ଶତିଶ୍ଚ) (ଅ. 1)
ପରା॒ ଵା ଏ॒ଷ ୟ॒ଜ୍ଞ-ମ୍ପ॒ଶୂନ୍ ଵ॑ପତି॒ ୟୋ᳚-ଽଗ୍ନିମୁ॑ଦ୍ଵା॒ସୟ॑ତେ॒ ପଞ୍ଚ॑କପାଲଃ ପୁରୋ॒ଡାଶୋ॑ ଭଵତି॒ ପାଙ୍କ୍ତୋ॑ ୟ॒ଜ୍ଞଃ ପାଙ୍କ୍ତାଃ᳚ ପ॒ଶଵୋ॑ ୟ॒ଜ୍ଞମେ॒ଵ ପ॒ଶୂନଵ॑ ରୁନ୍ଧେ ଵୀର॒ହା ଵା ଏ॒ଷ ଦେ॒ଵାନାଂ॒-ୟୋଁ᳚-ଽଗ୍ନିମୁ॑ଦ୍ଵା॒ସୟ॑ତେ॒ ନ ଵା ଏ॒ତସ୍ୟ॑ ବ୍ରାହ୍ମ॒ଣା ଋ॑ତା॒ୟଵଃ॑ ପୁ॒ରା-ଽନ୍ନ॑ମକ୍ଷ-ନ୍ପ॒ଙ୍କ୍ତ୍ୟୋ॑ ୟାଜ୍ୟାନୁଵା॒କ୍ୟା॑ ଭଵନ୍ତି॒ ପାଙ୍କ୍ତୋ॑ ୟ॒ଜ୍ଞଃ ପାଙ୍କ୍ତଃ॒ ପୁରୁ॑ଷୋ ଦେ॒ଵାନେ॒ଵ ଵୀ॒ର-ନ୍ନି॑ରଵ॒ଦାୟା॒ଗ୍ନି-ମ୍ପୁନ॒ରା [ପୁନ॒ରା, ଧ॒ତ୍ତେ॒ ଶ॒ତାକ୍ଷ॑ରା ଭଵନ୍ତି] 5
ଧ॑ତ୍ତେ ଶ॒ତାକ୍ଷ॑ରା ଭଵନ୍ତି ଶ॒ତାୟୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ୟ॒ ଆୟୁ॑ଷ୍ୟେ॒ଵେନ୍ଦ୍ରି॒ୟେ ପ୍ରତି॑ ତିଷ୍ଠତି॒ ୟଦ୍ଵା ଅ॒ଗ୍ନିରାହି॑ତୋ॒ ନର୍ଧ୍ୟତେ॒ ଜ୍ୟାୟୋ॑ ଭାଗ॒ଧେୟ॑-ନ୍ନିକା॒ମୟ॑ମାନୋ॒ ୟଦା᳚ଗ୍ନେ॒ୟଗ୍ମ୍ ସର୍ଵ॒-ମ୍ଭଵ॑ତି॒ ସୈଵାସ୍ୟର୍ଧି॒-ସ୍ସଂ-ଵାଁ ଏ॒ତସ୍ୟ॑ ଗୃ॒ହେ ଵାକ୍ ସୃ॑ଜ୍ୟତେ॒ ୟୋ᳚-ଽଗ୍ନିମୁ॑ଦ୍ଵା॒ସୟ॑ତେ॒ ସ ଵାଚ॒ଗ୍ମ୍॒ ସଗ୍ମ୍ସୃ॑ଷ୍ଟାଂ॒-ୟଁଜ॑ମାନ ଈଶ୍ଵ॒ରୋ-ଽନୁ॒ ପରା॑ଭଵିତୋ॒-ର୍ଵିଭ॑କ୍ତୟୋ ଭଵନ୍ତି ଵା॒ଚୋ ଵିଧୃ॑ତ୍ୟୈ॒ ୟଜ॑ମାନ॒ସ୍ୟା-ଽପ॑ରାଭାଵାୟ॒ [-ଽପ॑ରାଭାଵାୟ, ଵିଭ॑କ୍ତି-ଙ୍କରୋତି॒] 6
ଵିଭ॑କ୍ତି-ଙ୍କରୋତି॒ ବ୍ରହ୍ମୈ॒ଵ ତଦ॑କରୁପା॒ଗ୍ମ୍॒ଶୁ ୟ॑ଜତି॒ ୟଥା॑ ଵା॒ମଂ-ଵଁସୁ॑ ଵିଵିଦା॒ନୋ ଗୂହ॑ତି ତା॒ଦୃଗେ॒ଵ ତଦ॒ଗ୍ନି-ମ୍ପ୍ରତି॑ ସ୍ଵିଷ୍ଟ॒କୃତ॒-ନ୍ନିରା॑ହ॒ ୟଥା॑ ଵା॒ମଂ-ଵଁସୁ॑ ଵିଵିଦା॒ନଃ ପ୍ର॑କା॒ଶ-ଞ୍ଜିଗ॑ମିଷତି ତା॒ଦୃଗେ॒ଵ ତଦ୍ଵିଭ॑କ୍ତିମୁ॒କ୍ତ୍ଵା ପ୍ର॑ୟା॒ଜେନ॒ ଵଷ॑ଟ୍କରୋତ୍ୟା॒ୟତ॑ନାଦେ॒ଵ ନୈତି॒ ୟଜ॑ମାନୋ॒ ଵୈ ପୁ॑ରୋ॒ଡାଶଃ॑ ପ॒ଶଵ॑ ଏ॒ତେ ଆହୁ॑ତୀ॒ ୟଦ॒ଭିତଃ॑ ପୁରୋ॒ଡାଶ॑ମେ॒ତେ ଆହୁ॑ତୀ [ ] 7
ଜୁ॒ହୋତି॒ ୟଜ॑ମାନମେ॒ଵୋଭ॒ୟତଃ॑ ପ॒ଶୁଭିଃ॒ ପରି॑ ଗୃହ୍ଣାତି କୃ॒ତୟ॑ଜୁ॒-ସ୍ସମ୍ଭୃ॑ତସମ୍ଭାର॒ ଇତ୍ୟା॑ହୁ॒ର୍ନ ସ॒ମ୍ଭୃତ୍ୟା᳚-ସ୍ସମ୍ଭା॒ରା ନ ୟଜୁଃ॑ କର୍ତ॒ଵ୍ୟ॑ମିତ୍ୟଥୋ॒ ଖଲୁ॑ ସ॒ମ୍ଭୃତ୍ୟା॑ ଏ॒ଵ ସ॑ମ୍ଭା॒ରାଃ କ॑ର୍ତ॒ଵ୍ୟଂ॑-ୟଁଜୁ॑-ର୍ୟ॒ଜ୍ଞସ୍ୟ॒ ସମୃ॑ଦ୍ଧ୍ୟୈ ପୁନର୍ନିଷ୍କୃ॒ତୋ ରଥୋ॒ ଦକ୍ଷି॑ଣା ପୁନରୁଥ୍ସ୍ୟୂ॒ତଂ-ଵାଁସଃ॑ ପୁନରୁଥ୍ସୃ॒ଷ୍ଟୋ॑-ଽନ॒ଡ୍ଵା-ନ୍ପୁ॑ନରା॒ଧେୟ॑ସ୍ୟ॒ ସମୃ॑ଦ୍ଧ୍ୟୈ ସ॒ପ୍ତ ତେ॑ ଅଗ୍ନେ ସ॒ମିଧ॑-ସ୍ସ॒ପ୍ତ ଜି॒ହ୍ଵା ଇତ୍ୟ॑ଗ୍ନିହୋ॒ତ୍ର-ଞ୍ଜୁ॑ହୋତି॒ ୟତ୍ର॑ୟତ୍ରୈ॒ଵାସ୍ୟ॒ ନ୍ୟ॑କ୍ତ॒-ନ୍ତତ॑ [ନ୍ୟ॑କ୍ତ॒-ନ୍ତତଃ॑, ଏ॒ଵୈନ॒ମଵ॑ ରୁନ୍ଧେ] 8
ଏ॒ଵୈନ॒ମଵ॑ ରୁନ୍ଧେ ଵୀର॒ହା ଵା ଏ॒ଷ ଦେ॒ଵାନାଂ॒-ୟୋଁ᳚-ଽଗ୍ନିମୁ॑ଦ୍ଵା॒ସୟ॑ତେ॒ ତସ୍ୟ॒ ଵରୁ॑ଣ ଏ॒ଵର୍ଣ॒ୟାଦା᳚ଗ୍ନିଵାରୁ॒ଣ-ମେକା॑ଦଶକପାଲ॒ମନୁ॒ ନିର୍ଵ॑ପେ॒ଦ୍ୟ-ଞ୍ଚୈ॒ଵ ହନ୍ତି॒ ୟଶ୍ଚା᳚ସ୍ୟର୍ଣ॒ୟାତ୍ତୌ ଭା॑ଗ॒ଧେୟେ॑ନ ପ୍ରୀଣାତି॒ ନା-ଽଽର୍ତି॒ମାର୍ଚ୍ଛ॑ତି॒ ୟଜ॑ମାନଃ ॥ 9 ॥
(ଆ-ଽପ॑ରାଭାଵାୟ-ପୁରୋ॒ଡାଶ॑ମେ॒ତେ-ଆହୁ॑ତୀ॒-ତତଃ॒ -ଷଟତ୍ରିଗ୍ମ୍॑ଶଚ୍ଚ) (ଅ. 2)
ଭୂମି॑-ର୍ଭୂ॒ମ୍ନା ଦ୍ୟୌ-ର୍ଵ॑ରି॒ଣା-ଽନ୍ତରି॑କ୍ଷ-ମ୍ମହି॒ତ୍ଵା । ଉ॒ପସ୍ଥେ॑ ତେ ଦେଵ୍ୟଦିତେ॒ ଽଗ୍ନିମ॑ନ୍ନା॒ଦମ॒ନ୍ନାଦ୍ୟା॒ୟା-ଽଽଦ॑ଧେ ॥ ଆ-ଽୟ-ଙ୍ଗୌଃ ପୃଶ୍ଞି॑ରକ୍ରମୀ॒ଦସ॑ନ-ନ୍ମା॒ତର॒-ମ୍ପୁନଃ॑ । ପି॒ତର॑-ଞ୍ଚ ପ୍ର॒ୟନ୍-ଥ୍ସୁଵଃ॑ ॥ ତ୍ରି॒ଗ୍ମ୍॒ଶଦ୍ଧାମ॒ ଵି ରା॑ଜତି॒ ଵା-କ୍ପ॑ତ॒ଙ୍ଗାୟ॑ ଶିଶ୍ରିୟେ । ପ୍ରତ୍ୟ॑ସ୍ୟ ଵହ॒ ଦ୍ୟୁଭିଃ॑ ॥ ଅ॒ସ୍ୟ ପ୍ରା॒ଣାଦ॑ପାନ॒ତ୍ୟ॑ନ୍ତଶ୍ଚ॑ରତି ରୋଚ॒ନା । ଵ୍ୟ॑ଖ୍ୟ-ନ୍ମହି॒ଷ-ସ୍ସୁଵଃ॑ ॥ ୟତ୍ତ୍ଵା᳚ [ ] 10
କ୍ରୁ॒ଦ୍ଧଃ ପ॑ରୋ॒ଵପ॑ ମ॒ନ୍ୟୁନା॒ ୟଦଵ॑ର୍ତ୍ୟା । ସୁ॒କଲ୍ପ॑ମଗ୍ନେ॒ ତତ୍ତଵ॒ ପୁନ॒ସ୍ତ୍ଵୋଦ୍ଦୀ॑ପୟାମସି ॥ୟତ୍ତେ॑ ମ॒ନ୍ୟୁପ॑ରୋପ୍ତସ୍ୟ ପୃଥି॒ଵୀମନୁ॑ ଦଦ୍ଧ୍ଵ॒ସେ । ଆ॒ଦି॒ତ୍ୟା ଵିଶ୍ଵେ॒ ତଦ୍ଦେ॒ଵା ଵସ॑ଵଶ୍ଚ ସ॒ମାଭ॑ରନ୍ନ୍ ॥ ମନୋ॒ ଜ୍ୟୋତି॑-ର୍ଜୁଷତା॒ମାଜ୍ୟଂ॒-ଵିଁଚ୍ଛି॑ନ୍ନଂ-ୟଁ॒ଜ୍ଞଗ୍ମ୍ ସମି॒ମ-ନ୍ଦ॑ଧାତୁ । ବୃହ॒ସ୍ପତି॑ସ୍ତନୁତାମି॒ମ-ନ୍ନୋ॒ ଵିଶ୍ଵେ॑ ଦେ॒ଵା ଇ॒ହ ମା॑ଦୟନ୍ତାମ୍ ॥ ସ॒ପ୍ତ ତେ॑ ଅଗ୍ନେ ସ॒ମିଧ॑-ସ୍ସ॒ପ୍ତ ଜି॒ହ୍ଵା-ସ୍ସ॒ପ୍ତ- [ଜି॒ହ୍ଵା-ସ୍ସ॒ପ୍ତ, ଋଷ॑ୟ-ସ୍ସ॒ପ୍ତ ଧାମ॑] 11
-ର୍ଷ॑ୟ-ସ୍ସ॒ପ୍ତ ଧାମ॑ ପ୍ରି॒ୟାଣି॑ । ସ॒ପ୍ତ ହୋତ୍ରା᳚-ସ୍ସପ୍ତ॒ଧା ତ୍ଵା॑ ୟଜନ୍ତି ସ॒ପ୍ତ ୟୋନୀ॒ରା ପୃ॑ଣସ୍ଵା ଘୃ॒ତେନ॑ ॥ ପୁନ॑ରୂ॒ର୍ଜା ନି ଵ॑ର୍ତସ୍ଵ॒ ପୁନ॑ରଗ୍ନ ଇ॒ଷା-ଽଽୟୁ॑ଷା । ପୁନ॑ର୍ନଃ ପାହି ଵି॒ଶ୍ଵତଃ॑ ॥ ସ॒ହ ର॒ୟ୍ୟା ନି ଵ॑ର୍ତ॒ସ୍ଵାଗ୍ନେ॒ ପିନ୍ଵ॑ସ୍ଵ॒ ଧାର॑ୟା । ଵି॒ଶ୍ଵଫ୍ସ୍ନି॑ୟା ଵି॒ଶ୍ଵତ॒ସ୍ପରି॑ ॥ ଲେକ॒-ସ୍ସଲେ॑କ-ସ୍ସୁ॒ଲେକ॒ସ୍ତେ ନ॑ ଆଦି॒ତ୍ୟା ଆଜ୍ୟ॑-ଞ୍ଜୁଷା॒ଣା ଵି॑ୟନ୍ତୁ॒ କେତ॒-ସ୍ସକେ॑ତ-ସ୍ସୁ॒କେତ॒ସ୍ତେ ନ॑ ଆଦି॒ତ୍ୟା ଆଜ୍ୟ॑-ଞ୍ଜୁଷା॒ଣା ଵି॑ୟନ୍ତୁ॒ ଵିଵ॑ସ୍ଵା॒ଗ୍ମ୍॒ ଅଦି॑ତି॒-ର୍ଦେଵ॑ଜୂତି॒ସ୍ତେ ନ॑ ଆଦି॒ତ୍ୟା ଆଜ୍ୟ॑-ଞ୍ଜୁଷା॒ଣା ଵି॑ୟନ୍ତୁ ॥ 12 ॥
(ତ୍ଵା॒-ଜି॒ହ୍ଵା-ସ୍ସ॒ପ୍ତ-ସୁ॒କେତ॒ସ୍ତେ ନ॒-ସ୍ତ୍ରୟୋ॑ଦଶ ଚ ) (ଅ. 3)
ଭୂମି॑-ର୍ଭୂ॒ମ୍ନା ଦ୍ୟୌ-ର୍ଵ॑ରି॒ଣେତ୍ୟା॑ହା॒-ଽଽଶିଷୈ॒ଵୈନ॒ମା ଧ॑ତ୍ତେ ସ॒ର୍ପା ଵୈ ଜୀର୍ୟ॑ନ୍ତୋ ଽମନ୍ୟନ୍ତ॒ ସ ଏ॒ତ-ଙ୍କ॑ସ॒ର୍ଣୀରଃ॑ କାଦ୍ରଵେ॒ୟୋ ମନ୍ତ୍ର॑ମପଶ୍ୟ॒-ତ୍ତତୋ॒ ଵୈ ତେ ଜୀ॒ର୍ଣାସ୍ତ॒ନୂରପା᳚ଘ୍ନତ ସର୍ପରା॒ଜ୍ଞିୟା॑ ଋ॒ଗ୍ଭି-ର୍ଗାର୍ହ॑ପତ୍ୟ॒ମା ଦ॑ଧାତି ପୁନର୍ନ॒ଵମେ॒ଵୈନ॑ମ॒ଜର॑-ଙ୍କୃ॒ତ୍ଵା ଽଽଧ॒ତ୍ତେ-ଽଥୋ॑ ପୂ॒ତମେ॒ଵ ପୃ॑ଥି॒ଵୀମ॒ନ୍ନାଦ୍ୟ॒-ନ୍ନୋପା॑-ଽନମ॒ଥ୍ସୈତ- [ନୋପା॑-ଽନମ॒ଥ୍ସୈତମ୍, ମନ୍ତ୍ର॑ମପଶ୍ୟ॒-ତ୍ତତୋ॒ ଵୈ] 13
-ମ୍ମନ୍ତ୍ର॑ମପଶ୍ୟ॒-ତ୍ତତୋ॒ ଵୈ ତାମ॒ନ୍ନାଦ୍ୟ॒-ମୁପା॑ନମ॒ଦ୍ୟଥ୍ -ସ॑ର୍ପରା॒ଜ୍ଞିୟା॑ ଋ॒ଗ୍ଭି-ର୍ଗାର୍ହ॑ପତ୍ୟ-ମା॒ଦଧା᳚ତ୍ୟ॒ନ୍ନାଦ୍ୟ॒ସ୍ୟାଵ॑ରୁଦ୍ଧ୍ୟା॒ ଅଥୋ॑ ଅ॒ସ୍ୟାମେ॒ଵୈନ॒-ମ୍ପ୍ରତି॑ଷ୍ଠିତ॒ମା ଧ॑ତ୍ତେ॒ ୟତ୍ତ୍ଵା᳚ କ୍ରୁ॒ଦ୍ଧଃ ପ॑ରୋ॒ଵପେତ୍ୟା॒ହାପ॑ହ୍ନୁତ ଏ॒ଵାସ୍ମୈ॒ ତ-ତ୍ପୁନ॒ସ୍ତ୍ଵୋଦ୍ଦୀ॑ପୟାମ॒ସୀତ୍ୟା॑ହ॒ ସମି॑ନ୍ଧ ଏ॒ଵୈନଂ॒-ୟଁତ୍ତେ॑ ମ॒ନ୍ୟୁପ॑ରୋପ୍ତ॒ସ୍ୟେତ୍ୟା॑ହ ଦେ॒ଵତା॑ଭିରେ॒ଵୈ- [ଦେ॒ଵତା॑ଭିରେ॒ଵ, ଏ॒ନ॒ଗ୍ମ୍॒ ସ-ମ୍ଭ॑ରତି॒ ଵି ଵା] 14
-ନ॒ଗ୍ମ୍॒ ସ-ମ୍ଭ॑ରତି॒ ଵି ଵା ଏ॒ତସ୍ୟ॑ ୟ॒ଜ୍ଞଶ୍ଛି॑ଦ୍ୟତେ॒ ୟୋ᳚-ଽଗ୍ନିମୁ॑ଦ୍ଵା॒ସୟ॑ତେ॒ ବୃହ॒ସ୍ପତି॑ଵତ୍ୟ॒ର୍ଚୋପ॑ ତିଷ୍ଠତେ॒ ବ୍ରହ୍ମ॒ ଵୈ ଦେ॒ଵାନା॒-ମ୍ବୃହ॒ସ୍ପତି॒-ର୍ବ୍ରହ୍ମ॑ଣୈ॒ଵ ୟ॒ଜ୍ଞଗ୍ମ୍ ସ-ନ୍ଦ॑ଧାତି॒ ଵିଚ୍ଛି॑ନ୍ନଂ-ୟଁ॒ଜ୍ଞଗ୍ମ୍ ସମି॒ମ-ନ୍ଦ॑ଧା॒ତ୍ଵିତ୍ୟା॑ହ॒ ସନ୍ତ॑ତ୍ୟୈ॒ ଵିଶ୍ଵେ॑ ଦେ॒ଵା ଇ॒ହ ମା॑ଦୟନ୍ତା॒ମିତ୍ୟା॑ହ ସ॒ନ୍ତତ୍ୟୈ॒ଵ ୟ॒ଜ୍ଞ-ନ୍ଦେ॒ଵେଭ୍ୟୋ-ଽନୁ॑ ଦିଶତି ସ॒ପ୍ତ ତେ॑ ଅଗ୍ନେ ସ॒ମିଧ॑-ସ୍ସ॒ପ୍ତ ଜି॒ହ୍ଵା [ଜି॒ହ୍ଵାଃ, ଇତ୍ୟା॑ହ] 15
ଇତ୍ୟା॑ହ ସ॒ପ୍ତସ॑ପ୍ତ॒ ଵୈ ସ॑ପ୍ତ॒ଧା-ଽଗ୍ନେଃ ପ୍ରି॒ୟାସ୍ତ॒ନୁଵ॒ସ୍ତା ଏ॒ଵାଵ॑ ରୁନ୍ଧେ॒ ପୁନ॑ରୂ॒ର୍ଜା ସ॒ହ ର॒ୟ୍ୟେତ୍ୟ॒ଭିତଃ॑ ପୁରୋ॒ଡାଶ॒ମାହୁ॑ତୀ ଜୁହୋତି॒ ୟଜ॑ମାନମେ॒ଵୋର୍ଜା ଚ॑ ର॒ୟ୍ୟା ଚୋ॑ଭ॒ୟତଃ॒ ପରି॑ ଗୃହ୍ଣାତ୍ୟାଦି॒ତ୍ୟା ଵା ଅ॒ସ୍ମାଲ୍ଲୋ॒କାଦ॒ମୁଂ-ଲୋଁ॒କମା॑ୟ॒-ନ୍ତେ॑-ଽମୁଷ୍ମି॑ନ୍ ଁଲୋ॒କେ ଵ୍ୟ॑ତୃଷ୍ୟ॒-ନ୍ତ ଇ॒ମଂ-ଲୋଁ॒କ-ମ୍ପୁନ॑ରଭ୍ୟ॒ଵେତ୍ୟା॒ ଽଗ୍ନିମା॒ଧାୟୈ॒-ତାନ୍. ହୋମା॑ନଜୁହଵୁ॒ସ୍ତ ଆ᳚ର୍ଧ୍ନୁଵ॒-ନ୍ତେ ସୁ॑ଵ॒ର୍ଗଂ-ଲୋଁ॒କମା॑ୟ॒ନ୍॒. ୟଃ ପ॑ରା॒ଚୀନ॑-ମ୍ପୁନରା॒ଧେୟା॑ଦ॒ଗ୍ନିମା॒ଦଧୀ॑ତ॒ ସ ଏ॒ତାନ୍. ହୋମା᳚ନ୍ ଜୁହୁୟା॒ଦ୍ୟାମେ॒ଵା-ଽଽଦି॒ତ୍ୟା ଋଦ୍ଧି॒ମାର୍ଧ୍ନୁ॑ଵ॒-ନ୍ତାମେ॒ଵର୍ଧ୍ନୋ॑ତି ॥ 16 ॥
(ସୈତଂ-ଦେ॒ଵତା॑ଭିରେ॒ଵ-ଜି॒ହ୍ଵା-ଏ॒ତାନ୍-ପଞ୍ଚ॑ଵିଗ୍ମ୍ଶତିଶ୍ଚ ) (ଅ. 4)
ଉ॒ପ॒ପ୍ର॒ୟନ୍ତୋ॑ ଅଦ୍ଧ୍ଵ॒ର-ମ୍ମନ୍ତ୍ରଂ॑-ଵୋଁଚେମା॒ଗ୍ନୟେ᳚ । ଆ॒ରେ ଅ॒ସ୍ମେ ଚ॑ ଶୃଣ୍ଵ॒ତେ ॥ ଅ॒ସ୍ୟ ପ୍ର॒ତ୍ନାମନୁ॒ ଦ୍ୟୁତଗ୍ମ୍॑ ଶୁ॒କ୍ର-ନ୍ଦୁ॑ଦୁହ୍ରେ॒ ଅହ୍ର॑ୟଃ । ପୟ॑-ସ୍ସହସ୍ର॒ସାମୃଷି᳚ମ୍ ॥ ଅ॒ଗ୍ନି-ର୍ମୂ॒ର୍ଧା ଦି॒ଵଃ କ॒କୁତ୍ପତିଃ॑ ପୃଥି॒ଵ୍ୟା ଅ॒ୟମ୍ । ଅ॒ପାଗ୍ମ୍ ରେତାଗ୍ମ୍॑ସି ଜିନ୍ଵତି ॥ ଅ॒ୟମି॒ହ ପ୍ର॑ଥ॒ମୋ ଧା॑ୟି ଧା॒ତୃଭି॒ର୍॒ ହୋତା॒ ୟଜି॑ଷ୍ଠୋ ଅଧ୍ଵ॒ରେଷ୍ଵୀଡ୍ୟଃ॑ ॥ ୟମପ୍ନ॑ଵାନୋ॒ ଭୃଗ॑ଵୋ ଵିରୁରୁ॒ଚୁର୍ଵନେ॑ଷୁ ଚି॒ତ୍ରଂ-ଵିଁ॒ଭୁଵଂ॑-ଵିଁ॒ଶେଵି॑ଶେ ॥ ଉ॒ଭା ଵା॑ମିନ୍ଦ୍ରାଗ୍ନୀ ଆହୁ॒ଵଦ୍ଧ୍ୟା॑ [ଆହୁ॒ଵଦ୍ଧ୍ୟୈ᳚, ଉ॒ଭା] 17
ଉ॒ଭା ରାଧ॑ସ-ସ୍ସ॒ହ ମା॑ଦ॒ୟଦ୍ଧ୍ୟୈ᳚ । ଉ॒ଭା ଦା॒ତାରା॑ଵି॒ଷାଗ୍ମ୍ ର॑ୟୀ॒ଣାମୁ॒ଭା ଵାଜ॑ସ୍ୟ ସା॒ତୟେ॑ ହୁଵେ ଵାମ୍ ॥ ଅ॒ୟ-ନ୍ତେ॒ ୟୋନି॑ର୍-ଋ॒ତ୍ଵିୟୋ॒ ୟତୋ॑ ଜା॒ତୋ ଅରୋ॑ଚଥାଃ । ତ-ଞ୍ଜା॒ନନ୍ନ॑ଗ୍ନ॒ ଆ ରୋ॒ହାଥା॑ ନୋ ଵର୍ଧୟା ର॒ୟିମ୍ ॥ ଅଗ୍ନ॒ ଆୟୂଗ୍ମ୍॑ଷି ପଵସ॒ ଆ ସୁ॒ଵୋର୍ଜ॒ମିଷ॑-ଞ୍ଚ ନଃ । ଆ॒ରେ ବା॑ଧସ୍ଵ ଦୁ॒ଚ୍ଛୁନା᳚ମ୍ ॥ ଅଗ୍ନେ॒ ପଵ॑ସ୍ଵ॒ ସ୍ଵପା॑ ଅ॒ସ୍ମେ ଵର୍ଚ॑-ସ୍ସୁ॒ଵୀର୍ୟ᳚ମ୍ । ଦଧ॒ତ୍ପୋଷଗ୍ମ୍॑ ର॒ୟି- [ର॒ୟିମ୍, ମ୍ମୟି॑ ।] 18
-ମ୍ମୟି॑ ॥ ଅଗ୍ନେ॑ ପାଵକ ରୋ॒ଚିଷା॑ ମ॒ନ୍ଦ୍ରୟା॑ ଦେଵ ଜି॒ହ୍ଵୟା᳚ । ଆ ଦେ॒ଵାନ୍. ଵ॑କ୍ଷି॒ ୟକ୍ଷି॑ ଚ ॥ ସ ନଃ॑ ପାଵକ ଦୀଦି॒ଵୋ-ଽଗ୍ନେ॑ ଦେ॒ଵାଗ୍ମ୍ ଇ॒ହା ଽଽଵ॑ହ । ଉପ॑ ୟ॒ଜ୍ଞଗ୍ମ୍ ହ॒ଵିଶ୍ଚ॑ ନଃ ॥ ଅ॒ଗ୍ନି-ଶ୍ଶୁଚି॑ଵ୍ରତତମ॒-ଶ୍ଶୁଚି॒-ର୍ଵିପ୍ର॒-ଶ୍ଶୁଚିଃ॑ କ॒ଵିଃ । ଶୁଚୀ॑ ରୋଚତ॒ ଆହୁ॑ତଃ ॥ ଉଦ॑ଗ୍ନେ॒ ଶୁଚ॑ୟ॒ସ୍ତଵ॑ ଶୁ॒କ୍ରା ଭ୍ରାଜ॑ନ୍ତ ଈରତେ । ତଵ॒ ଜ୍ୟୋତୀଗ୍॑ଷ୍ୟ॒ର୍ଚୟଃ॑ ॥ ଆ॒ୟୁ॒ର୍ଦା ଅ॑ଗ୍ନେ॒-ଽସ୍ୟାୟୁ॑ର୍ମେ [ଅ॑ଗ୍ନେ॒-ଽସ୍ୟାୟୁ॑ର୍ମେ, ଦେ॒ହି॒ ଵ॒ର୍ଚୋ॒ଦା] 19
ଦେହି ଵର୍ଚୋ॒ଦା ଅ॑ଗ୍ନେ-ଽସି॒ ଵର୍ଚୋ॑ ମେ ଦେହି ତନୂ॒ପା ଅ॑ଗ୍ନେ-ଽସି ତ॒ନୁଵ॑-ମ୍ମେ ପା॒ହ୍ୟଗ୍ନେ॒ ୟନ୍ମେ॑ ତ॒ନୁଵା॑ ଊ॒ନ-ନ୍ତନ୍ମ॒ ଆ ପୃ॑ଣ॒ ଚିତ୍ରା॑ଵସୋ ସ୍ଵ॒ସ୍ତି ତେ॑ ପା॒ରମ॑ଶୀ॒ୟେନ୍ଧା॑ନାସ୍ତ୍ଵା ଶ॒ତଗ୍ମ୍ ହିମା᳚ ଦ୍ୟୁ॒ମନ୍ତ॒-ସ୍ସମି॑ଧୀମହି॒ ଵୟ॑ସ୍ଵନ୍ତୋ ଵୟ॒ସ୍କୃତଂ॒-ୟଁଶ॑ସ୍ଵନ୍ତୋ ୟଶ॒ସ୍କୃତଗ୍ମ୍॑ ସୁ॒ଵୀରା॑ସୋ॒ ଅଦା᳚ଭ୍ୟମ୍ । ଅଗ୍ନେ॑ ସପତ୍ନ॒ଦମ୍ଭ॑ନଂ॒-ଵଁର୍ଷି॑ଷ୍ଠେ॒ ଅଧି॒ ନାକେ᳚ ॥ ସ-ନ୍ତ୍ଵମ॑ଗ୍ନେ॒ ସୂର୍ୟ॑ସ୍ୟ॒ ଵର୍ଚ॑ସା ଽଗଥା॒-ସ୍ସମୃଷୀ॑ଣାଗ୍ ସ୍ତୁ॒ତେନ॒ ସ-ମ୍ପ୍ରି॒ୟେଣ॒ ଧାମ୍ନା᳚ । ତ୍ଵମ॑ଗ୍ନେ॒ ସୂର୍ୟ॑ଵର୍ଚା ଅସି॒ ସ-ମ୍ମାମାୟୁ॑ଷା॒ ଵର୍ଚ॑ସା ପ୍ର॒ଜୟା॑ ସୃଜ ॥ 20 ॥
(ଆ॒ହୁ॒ଵଦ୍ଧ୍ୟୈ॒-ପୋଷଗ୍ମ୍॑ ର॒ୟିଂ-ମେ॒-ଵର୍ଚ॑ସା-ସ॒ପ୍ତଦ॑ଶ ଚ ) (ଅ. 5)
ସ-ମ୍ପ॑ଶ୍ୟାମି ପ୍ର॒ଜା ଅ॒ହ-ମିଡ॑ପ୍ରଜସୋ ମାନ॒ଵୀଃ । ସର୍ଵା॑ ଭଵନ୍ତୁ ନୋ ଗୃ॒ହେ । ଅମ୍ଭ॒-ସ୍ସ୍ଥାମ୍ଭୋ॑ ଵୋ ଭକ୍ଷୀୟ॒ ମହ॑-ସ୍ସ୍ଥ॒ ମହୋ॑ ଵୋ ଭକ୍ଷୀୟ॒ ସହ॑-ସ୍ସ୍ଥ॒ ସହୋ॑ ଵୋ ଭକ୍ଷୀ॒ୟୋର୍ଜ॒-ସ୍ସ୍ଥୋର୍ଜଂ॑-ଵୋଁ ଭକ୍ଷୀୟ॒ ରେଵ॑ତୀ॒ ରମ॑ଦ୍ଧ୍ଵ-ମ॒ସ୍ମିନ୍ ଁଲୋ॒କେ᳚-ଽସ୍ମି-ନ୍ଗୋ॒ଷ୍ଠେ᳚-ଽସ୍ମିନ୍ କ୍ଷୟେ॒-ଽସ୍ମିନ୍ ୟୋନା॑ଵି॒ହୈଵ ସ୍ତେ॒ତୋ ମା-ଽପ॑ ଗାତ ବ॒ହ୍ଵୀର୍ମେ॑ ଭୂୟାସ୍ତ [ଭୂୟାସ୍ତ, ସ॒ଗ୍ମ୍॒ହି॒ତା-ଽସି॑] 21
ସଗ୍ମ୍ହି॒ତା-ଽସି॑ ଵିଶ୍ଵରୂ॒ପୀରା ମୋ॒ର୍ଜା ଵି॒ଶା ଽଽଗୌ॑ପ॒ତ୍ୟେନା ଽଽରା॒ୟସ୍ପୋଷେ॑ଣ ସହସ୍ରପୋ॒ଷଂ-ଵଁଃ॑ ପୁଷ୍ୟାସ॒-ମ୍ମୟି॑ ଵୋ॒ ରାୟ॑-ଶ୍ଶ୍ରୟନ୍ତାମ୍ ॥ ଉପ॑ ତ୍ଵା-ଽଗ୍ନେ ଦି॒ଵେଦି॑ଵେ॒ ଦୋଷା॑ଵସ୍ତର୍ଧି॒ୟା ଵ॒ୟମ୍ । ନମୋ॒ ଭର॑ନ୍ତ॒ ଏମ॑ସି ॥ ରାଜ॑ନ୍ତମଦ୍ଧ୍ଵ॒ରାଣା᳚-ଙ୍ଗୋ॒ପାମୃ॒ତସ୍ୟ॒ ଦୀଦି॑ଵିମ୍ । ଵର୍ଧ॑ମାନ॒ଗ୍ଗ୍॒ ସ୍ଵେ ଦମେ᳚ ॥ ସ ନଃ॑ ପି॒ତେଵ॑ ସୂ॒ନଵେ-ଽଗ୍ନେ॑ ସୂପାୟ॒ନୋ ଭ॑ଵ । ସଚ॑ସ୍ଵା ନ-ସ୍ସ୍ଵ॒ସ୍ତୟେ᳚ ॥ ଅଗ୍ନେ॒ [ଅଗ୍ନେ᳚, ତ୍ଵ-ନ୍ନୋ॒ ଅନ୍ତ॑ମଃ ।] 22
ତ୍ଵ-ନ୍ନୋ॒ ଅନ୍ତ॑ମଃ । ଉ॒ତ ତ୍ରା॒ତା ଶି॒ଵୋ ଭ॑ଵ ଵରୂ॒ତ୍ଥ୍ୟଃ॑ ॥ ତ-ନ୍ତ୍ଵା॑ ଶୋଚିଷ୍ଠ ଦୀଦିଵଃ । ସୁ॒ମ୍ନାୟ॑ ନୂ॒ନମୀ॑ମହେ॒ ସଖି॑ଭ୍ୟଃ ॥ ଵସୁ॑ର॒ଗ୍ନି-ର୍ଵସୁ॑ଶ୍ରଵାଃ । ଅଚ୍ଛା॑ ନକ୍ଷି ଦ୍ୟୁ॒ମତ୍ତ॑ମୋ ର॒ୟି-ନ୍ଦାଃ᳚ ॥ ଊ॒ର୍ଜା ଵଃ॑ ପଶ୍ୟାମ୍ୟୂ॒ର୍ଜା ମା॑ ପଶ୍ୟତ ରା॒ୟସ୍ପୋଷେ॑ଣ ଵଃ ପଶ୍ୟାମି ରା॒ୟସ୍ପୋଷେ॑ଣ ମା ପଶ୍ୟ॒ତେଡା᳚-ସ୍ସ୍ଥ ମଧୁ॒କୃତ॑-ସ୍ସ୍ୟୋ॒ନା ମା ଽଽଵି॑ଶ॒ତେରା॒ ମଦଃ॑ । ସ॒ହ॒ସ୍ର॒ପୋ॒ଷଂ-ଵଁଃ॑ ପୁଷ୍ୟାସ॒- [ପୁଷ୍ୟାସ॒ମ୍, ମୟି॑] 23
ମ୍ମୟି॑ ଵୋ॒ ରାୟ॑-ଶ୍ଶ୍ରୟନ୍ତାମ୍ ॥ ତଥ୍ସ॑ଵି॒ତୁ-ର୍ଵରେ᳚ଣ୍ୟ॒-ମ୍ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋନଃ॑ ପ୍ରଚୋ॒ଦୟା᳚ତ୍ ॥ ସୋ॒ମାନ॒ଗ୍ଗ୍॒ ସ୍ଵର॑ଣ-ଙ୍କୃଣୁ॒ହି ବ୍ର॑ହ୍ମଣସ୍ପତେ । କ॒କ୍ଷୀଵ॑ନ୍ତଂ॒-ୟଁ ଔ॑ଶି॒ଜମ୍ ॥ କ॒ଦା ଚ॒ନ ସ୍ତ॒ରୀର॑ସି॒ ନେନ୍ଦ୍ର॑ ସଶ୍ଚସି ଦା॒ଶୁଷେ᳚ ॥ ଉପୋ॒ପେନ୍ନୁ ମ॑ଘଵ॒-ନ୍ଭୁୟ॒ ଇନ୍ନୁ ତେ॒ ଦାନ॑-ନ୍ଦେ॒ଵସ୍ୟ॑ ପୃଚ୍ୟତେ ॥ ପରି॑ ତ୍ଵା-ଽଗ୍ନେ॒ ପୁରଂ॑-ଵଁ॒ୟଂ-ଵିଁପ୍ରଗ୍ମ୍॑ ସହସ୍ୟ ଧୀମହି ॥ ଧୃ॒ଷଦ୍ଵ॑ର୍ଣ-ନ୍ଦି॒ଵେଦି॑ଵେ ଭେ॒ତ୍ତାର॑-ମ୍ଭଙ୍ଗୁ॒ରାଵ॑ତଃ ॥ ଅଗ୍ନେ॑ ଗୃହପତେ ସୁଗୃହପ॒ତିର॒ହ-ନ୍ତ୍ଵୟା॑ ଗୃ॒ହପ॑ତିନା ଭୂୟାସଗ୍ମ୍ ସୁଗୃହପ॒ତିର୍ମୟା॒ ତ୍ଵ-ଙ୍ଗୃ॒ହପ॑ତିନା ଭୂୟା-ଶ୍ଶ॒ତଗ୍ମ୍ ହିମା॒ସ୍ତାମା॒ଶିଷ॒ମା ଶା॑ସେ॒ ତନ୍ତ॑ଵେ॒ ଜ୍ୟୋତି॑ଷ୍ମତୀ॒-ନ୍ତାମା॒ଶିଷ॒ମା ଶା॑ସେ॒-ଽମୁଷ୍ମୈ॒ ଜ୍ୟୋତି॑ଷ୍ମତୀମ୍ ॥ 24 ॥
(ଭୂ॒ୟା॒ସ୍ତ॒-ସ୍ଵ॒ସ୍ତୟେ-ଽଗ୍ନେ॑-ପୁଷ୍ୟାସଂ-ଧୃ॒ଷଦ୍ଵ॑ର୍ଣ॒-ମେକା॒ନ୍ନତ୍ରି॒ଗ୍ମ୍॒ଶଚ୍ଚ॑ ) (ଅ. 6)
ଅୟ॑ଜ୍ଞୋ॒ ଵା ଏ॒ଷ ୟୋ॑-ଽସା॒ମୋପ॑ପ୍ର॒ୟନ୍ତୋ॑ ଅଦ୍ଧ୍ଵ॒ରମିତ୍ୟା॑ହ॒ ସ୍ତୋମ॑ମେ॒ଵାସ୍ମୈ॑ ୟୁନ॒କ୍ତ୍ୟୁପେତ୍ୟା॑ହ ପ୍ର॒ଜା ଵୈ ପ॒ଶଵ॒ ଉପେ॒ମଂ-ଲୋଁ॒କ-ମ୍ପ୍ର॒ଜାମେ॒ଵ ପ॒ଶୂନି॒ମଂ-ଲୋଁ॒କମୁପୈ᳚ତ୍ୟ॒ସ୍ୟ ପ୍ର॒ତ୍ନାମନୁ॒ ଦ୍ୟୁତ॒ମିତ୍ୟା॑ହ ସୁଵ॒ର୍ଗୋ ଵୈ ଲୋ॒କଃ ପ୍ର॒ତ୍ନ-ସ୍ସୁ॑ଵ॒ର୍ଗମେ॒ଵ ଲୋ॒କଗ୍ମ୍ ସ॒ମାରୋ॑ହତ୍ୟ॒ଗ୍ନି-ର୍ମୂ॒ର୍ଧା ଦି॒ଵଃ କ॒କୁଦିତ୍ୟା॑ହ ମୂ॒ର୍ଧାନ॑- [ମୂ॒ର୍ଧାନ᳚ମ୍, ଏ॒ଵୈନଗ୍ମ୍॑] 25
ମେ॒ଵୈନଗ୍ମ୍॑ ସମା॒ନାନା᳚-ଙ୍କରୋ॒ତ୍ୟଥୋ॑ ଦେଵଲୋ॒କାଦେ॒ଵ ମ॑ନୁଷ୍ୟଲୋ॒କେ ପ୍ରତି॑ ତିଷ୍ଠତ୍ୟ॒ୟମି॒ହ ପ୍ର॑ଥ॒ମୋ ଧା॑ୟି ଧା॒ତୃଭି॒ରିତ୍ୟା॑ହ॒ ମୁଖ୍ୟ॑ମେ॒ଵୈନ॑-ଙ୍କରୋତ୍ୟୁ॒ଭା ଵା॑ମିନ୍ଦ୍ରାଗ୍ନୀ ଆହୁ॒ଵଦ୍ଧ୍ୟା॒ ଇତ୍ୟା॒ହୌଜୋ॒ ବଲ॑ମେ॒ଵାଵ॑ ରୁନ୍ଧେ॒ ଽୟ-ନ୍ତେ॒ ୟୋନି॑ର୍-ଋ॒ତ୍ଵିୟ॒ ଇତ୍ୟା॑ହ ପ॒ଶଵୋ॒ ଵୈ ର॒ୟିଃ ପ॒ଶୂନେ॒ଵାଵ॑ ରୁନ୍ଧେ ଷ॒ଡ୍ଭିରୁପ॑ ତିଷ୍ଠତେ॒ ଷଡ୍ଵା [ଷଡ୍ଵୈ, ଋ॒ତଵ॑ ଋ॒ତୁଷ୍ଵେ॒ଵ] 26
ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠତି ଷ॒ଡ୍ଭିରୁତ୍ତ॑ରାଭି॒ରୁପ॑ ତିଷ୍ଠତେ॒ ଦ୍ଵାଦ॑ଶ॒ ସ-ମ୍ପ॑ଦ୍ୟନ୍ତେ॒ ଦ୍ଵାଦ॑ଶ॒ ମାସା᳚-ସ୍ସଂଵଁଥ୍ସ॒ର-ସ୍ସଂ॑ଁଵଥ୍ସ॒ର ଏ॒ଵ ପ୍ରତି॑ ତିଷ୍ଠତି॒ ୟଥା॒ ଵୈ ପୁରୁ॒ଷୋ-ଽଶ୍ଵୋ॒ ଗୌ-ର୍ଜୀର୍ୟ॑ତ୍ୟେ॒ଵ-ମ॒ଗ୍ନିରାହି॑ତୋ ଜୀର୍ୟତି ସଂଵଁଥ୍ସ॒ରସ୍ୟ॑ ପ॒ରସ୍ତା॑ଦାଗ୍ନିପାଵମା॒ନୀଭି॒-ରୁପ॑ ତିଷ୍ଠତେ ପୁନର୍ନ॒ଵ-ମେ॒ଵୈନ॑-ମ॒ଜର॑-ଙ୍କରୋ॒ତ୍ୟଥୋ॑ ପୁ॒ନାତ୍ୟେ॒ଵୋପ॑ ତିଷ୍ଠତେ॒ ୟୋଗ॑ ଏ॒ଵାସ୍ୟୈ॒ଷ ଉପ॑ ତିଷ୍ଠତେ॒ [ଉପ॑ ତିଷ୍ଠତେ, ଦମ॑ ଏ॒ଵାସ୍ୟୈ॒ଷ] 27
ଦମ॑ ଏ॒ଵାସ୍ୟୈ॒ଷ ଉପ॑ ତିଷ୍ଠତେ ୟାଚ୍ଞୈଵା-ଽସ୍ୟୈ॒ଷୋପ॑ ତିଷ୍ଠତେ॒ ୟଥା॒ ପାପୀ॑ୟା॒ଞ୍ଛ୍ରେୟ॑ସ ଆ॒ହୃତ୍ୟ॑ ନମ॒ସ୍ୟତି॑ ତା॒ଦୃଗେ॒ଵ ତଦା॑ୟୁ॒ର୍ଦା ଅ॑ଗ୍ନେ॒-ଽସ୍ୟାୟୁ॑ର୍ମେ ଦେ॒ହୀତ୍ୟା॑ହା-ଽଽୟୁ॒ର୍ଦା ହ୍ୟେ॑ଷ ଵ॑ର୍ଚୋ॒ଦା ଅ॑ଗ୍ନେ-ଽସି॒ ଵର୍ଚୋ॑ ମେ ଦେ॒ହୀତ୍ୟା॑ହ ଵର୍ଚୋ॒ଦା ହ୍ୟେ॑ଷ ତ॑ନୂ॒ପା ଅ॑ଗ୍ନେ-ଽସି ତ॒ନୁଵ॑-ମ୍ମେ ପା॒ହୀତ୍ୟା॑ହ [ପା॒ହୀତ୍ୟା॑ହ, ତ॒ନୂ॒ପା] 28
ତନୂ॒ପା ହ୍ୟେ॑ଷୋ-ଽଗ୍ନେ॒ ୟନ୍ମେ॑ ତ॒ନୁଵା॑ ଊ॒ନ-ନ୍ତନ୍ମ॒ ଆ ପୃ॒ଣେତ୍ୟା॑ହ॒ ୟନ୍ମେ᳚ ପ୍ର॒ଜାୟୈ॑ ପଶୂ॒ନାମୂ॒ନ-ନ୍ତନ୍ମ॒ ଆ ପୂ॑ର॒ୟେତି॒ ଵାଵୈତଦା॑ହ॒ ଚିତ୍ରା॑ଵସୋ ସ୍ଵ॒ସ୍ତି ତେ॑ ପା॒ରମ॑ଶୀ॒ୟେତ୍ୟା॑ହ॒ ରାତ୍ରି॒-ର୍ଵୈ ଚି॒ତ୍ରାଵ॑ସୁ॒ରଵ୍ୟୁ॑ଷ୍ଟ୍ୟୈ॒ ଵା ଏ॒ତସ୍ୟୈ॑ ପୁ॒ରା ବ୍ରା᳚ହ୍ମ॒ଣା ଅ॑ଭୈଷୁ॒-ର୍ଵ୍ୟୁ॑ଷ୍ଟିମେ॒ଵାଵ॑ ରୁନ୍ଧ॒ ଇନ୍ଧା॑ନାସ୍ତ୍ଵା ଶ॒ତଗ୍ମ୍ [ଶ॒ତମ୍, ହିମା॒ ଇତ୍ୟା॑ହ] 29
ହିମା॒ ଇତ୍ୟା॑ହ ଶ॒ତାୟୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ୟ॒ ଆୟୁ॑ଷ୍ୟେ॒ଵେନ୍ଦ୍ରି॒ୟେ ପ୍ରତି॑ ତିଷ୍ଠତ୍ୟେ॒ଷା ଵୈ ସୂ॒ର୍ମୀ କର୍ଣ॑କାଵତ୍ୟେ॒ତୟା॑ ହ ସ୍ମ॒ ଵୈ ଦେ॒ଵା ଅସୁ॑ରାଣାଗ୍ମ୍ ଶତତ॒ର୍॒ହାଗ୍ ସ୍ତୃଗ୍ମ୍॑ହନ୍ତି॒ ୟଦେ॒ତୟା॑ ସ॒ମିଧ॑ମା॒ଦଧା॑ତି॒ ଵଜ୍ର॑ମେ॒ଵୈତଚ୍ଛ॑ତ॒ଘ୍ନୀଂ-ୟଁଜ॑ମାନୋ॒ ଭ୍ରାତୃ॑ଵ୍ୟାୟ॒ ପ୍ର ହ॑ରତି॒ ସ୍ତୃତ୍ୟା॒ ଅଛ॑ମ୍ବଟ୍କାର॒ଗ୍ମ୍॒ ସ-ନ୍ତ୍ଵମ॑ଗ୍ନେ॒ ସୂର୍ୟ॑ସ୍ୟ॒ ଵର୍ଚ॑ସା-ଽଗଥା॒ ଇତ୍ୟା॑ହୈ॒ତତ୍ତ୍ଵମସୀ॒ଦମ॒ହ-ମ୍ଭୂ॑ୟାସ॒ମିତି॒ ଵାଵୈତଦା॑ହ॒ ତ୍ଵମ॑ଗ୍ନେ॒ ସୂର୍ୟ॑ଵର୍ଚା ଅ॒ସୀତ୍ୟା॑ହା॒-ଽଽଶିଷ॑ମେ॒ଵୈତାମା ଶା᳚ସ୍ତେ ॥ 30 ॥
(ମୂ॒ର୍ଧାନ॒ଗ୍ମ୍॒-ଷଡ୍ଵା-ଏ॒ଷ ଉପ॑ ତିଷ୍ଠତେ-ପା॒ହୀତ୍ୟା॑ହ-ଶ॒ତ-ମ॒ହଗ୍ମ୍ ଷୋଡ॑ଶ ଚ) (ଅ. 7)
ସ-ମ୍ପ॑ଶ୍ୟାମି ପ୍ର॒ଜା ଅ॒ହମିତ୍ୟା॑ହ॒ ୟାଵ॑ନ୍ତ ଏ॒ଵ ଗ୍ରା॒ମ୍ୟାଃ ପ॒ଶଵ॒ସ୍ତାନେ॒ଵାଵ॑ ରୁ॒ନ୍ଧେ-ଽମ୍ଭ॒-ସ୍ସ୍ଥାମ୍ଭୋ॑ ଵୋ ଭକ୍ଷୀ॒ୟେତ୍ୟା॒ହାମ୍ଭୋ॒ ହ୍ୟେ॑ତା ମହ॑-ସ୍ସ୍ଥ॒ ମହୋ॑ ଵୋ ଭକ୍ଷୀ॒ୟେତ୍ୟା॑ହ॒ ମହୋ॒ ହ୍ୟେ॑ତା-ସ୍ସହ॑-ସ୍ସ୍ଥ॒ ସହୋ॑ ଵୋ ଭକ୍ଷୀ॒ୟେତ୍ୟା॑ହ॒ ସହୋ॒ ହ୍ୟେ॑ତା ଊର୍ଜ॒-ସ୍ସ୍ଥୋର୍ଜଂ॑-ଵୋଁ ଭକ୍ଷୀ॒ୟେ- [ଭକ୍ଷୀ॒ୟେତି॑, ଆ॒ହୋର୍ଜୋ॒ ହ୍ୟେ॑ତା] 31
-ତ୍ୟା॒ହୋର୍ଜୋ॒ ହ୍ୟେ॑ତା ରେଵ॑ତୀ॒ ରମ॑ଦ୍ଧ୍ଵ॒ମିତ୍ୟା॑ହ ପ॒ଶଵୋ॒ ଵୈ ରେ॒ଵତୀଃ᳚ ପ॒ଶୂନେ॒ଵାତ୍ମ-ନ୍ର॑ମୟତ ଇ॒ହୈଵ ସ୍ତେ॒ତୋ ମା-ଽପ॑ ଗା॒ତେତ୍ୟା॑ହ ଧ୍ରୁ॒ଵା ଏ॒ଵୈନା॒ ଅନ॑ପଗାଃ କୁରୁତ ଇଷ୍ଟକ॒ଚିଦ୍ଵା ଅ॒ନ୍ୟୋ᳚-ଽଗ୍ନିଃ ପ॑ଶୁ॒ଚିଦ॒ନ୍ୟ-ସ୍ସଗ୍ମ୍॑ହି॒ତାସି॑ ଵିଶ୍ଵରୂ॒ପୀରିତି॑ ଵ॒ଥ୍ସମ॒ଭି ମୃ॑ଶ॒ତ୍ୟୁପୈ॒ଵୈନ॑-ନ୍ଧତ୍ତେ ପଶୁ॒ଚିତ॑ମେନ-ଙ୍କୁରୁତେ॒ ପ୍ର [ ] 32
ଵା ଏ॒ଷୋ᳚-ଽସ୍ମାଲ୍ଲୋ॒କାଚ୍ଚ୍ୟ॑ଵତେ॒ ୟ ଆ॑ହଵ॒ନୀୟ॑-ମୁପ॒ତିଷ୍ଠ॑ତେ॒ ଗାର୍ହ॑ପତ୍ୟ॒ମୁପ॑ ତିଷ୍ଠତେ॒ ଽସ୍ମିନ୍ନେ॒ଵ ଲୋ॒କେ ପ୍ରତି॑ ତିଷ୍ଠ॒ତ୍ୟଥୋ॒ ଗାର୍ହ॑ପତ୍ୟାୟୈ॒ଵ ନି ହ୍ନୁ॑ତେ ଗାୟ॒ତ୍ରୀଭି॒ରୁପ॑ ତିଷ୍ଠତେ॒ ତେଜୋ॒ ଵୈ ଗା॑ୟ॒ତ୍ରୀ ତେଜ॑ ଏ॒ଵାତ୍ମ-ନ୍ଧ॒ତ୍ତେ-ଽଥୋ॒ ୟଦେ॒ତ-ନ୍ତୃ॒ଚମ॒ନ୍ଵାହ॒ ସନ୍ତ॑ତ୍ୟୈ॒ ଗାର୍ହ॑ପତ୍ୟଂ॒-ଵାଁ ଅନୁ॑ ଦ୍ଵି॒ପାଦୋ॑ ଵୀ॒ରାଃ ପ୍ର ଜା॑ୟନ୍ତେ॒ ୟ ଏ॒ଵଂ-ଵିଁ॒ଦ୍ଵା-ନ୍ଦ୍ଵି॒ପଦା॑ଭି॒-ର୍ଗାର୍ହ॑ପତ୍ୟ-ମୁପ॒ତିଷ୍ଠ॑ତ॒ [ମୁପ॒ତିଷ୍ଠ॑ତେ, ଆ-ଽସ୍ୟ॑] 33
ଆ-ଽସ୍ୟ॑ ଵୀ॒ରୋ ଜା॑ୟତ ଊ॒ର୍ଜା ଵଃ॑ ପଶ୍ୟାମ୍ୟୂ॒ର୍ଜା ମା॑ ପଶ୍ୟ॒ତେତ୍ୟା॑ହା॒ ଽଽଶିଷ॑ମେ॒ଵୈତାମା ଶା᳚ସ୍ତେ॒ ତଥ୍ସ॑ଵି॒ତୁ-ର୍ଵରେ᳚ଣ୍ୟ॒ମିତ୍ୟା॑ହ॒ ପ୍ରସୂ᳚ତ୍ୟୈ ସୋ॒ମାନ॒ଗ୍ଗ୍॒ ସ୍ଵର॑ଣ॒ମିତ୍ୟା॑ହ ସୋମପୀ॒ଥମେ॒ଵାଵ॑ ରୁନ୍ଧେ କୃଣୁ॒ହି ବ୍ର॑ହ୍ମଣସ୍ପତ॒ ଇତ୍ୟା॑ହ ବ୍ରହ୍ମଵର୍ଚ॒ସମେ॒ଵାଵ॑ ରୁନ୍ଧେ କ॒ଦା ଚ॒ନ ସ୍ତ॒ରୀର॒ସୀତ୍ୟା॑ହ॒ ନ ସ୍ତ॒ରୀଗ୍ମ୍ ରାତ୍ରିଂ॑-ଵଁସତି॒ [ରାତ୍ରିଂ॑-ଵଁସତି, ୟ ଏ॒ଵଂ] 34
ୟ ଏ॒ଵଂ-ଵିଁ॒ଦ୍ଵାନ॒ଗ୍ନି-ମୁ॑ପ॒ତିଷ୍ଠ॑ତେ॒ ପରି॑ ତ୍ଵା-ଽଗ୍ନେ॒ ପୁରଂ॑-ଵଁ॒ୟମିତ୍ୟା॑ହ ପରି॒ଧିମେ॒ଵୈତ-ମ୍ପରି॑ ଦଧା॒ତ୍ୟସ୍କ॑ନ୍ଦା॒ୟାଗ୍ନେ॑ ଗୃହପତ॒ ଇତ୍ୟା॑ହ ୟଥାୟ॒ଜୁରେ॒ଵୈତଚ୍ଛ॒ତଗ୍ମ୍ ହିମା॒ ଇତ୍ୟା॑ହ ଶ॒ତ-ନ୍ତ୍ଵା॑ ହେମ॒ନ୍ତାନି॑ନ୍ଧିଷୀ॒ୟେତି॒ ଵାଵୈତଦା॑ହ ପୁ॒ତ୍ରସ୍ୟ॒ ନାମ॑ ଗୃହ୍ଣାତ୍ୟନ୍ନା॒ଦମେ॒ଵୈନ॑-ଙ୍କରୋତି॒ ତାମା॒ଶିଷ॒ମା ଶା॑ସେ॒ ତନ୍ତ॑ଵେ॒ ଜ୍ୟୋତି॑ଷ୍ମତୀ॒ମିତି॑ ବ୍ରୂୟା॒ଦ୍ୟସ୍ୟ॑ ପୁ॒ତ୍ରୋ-ଽଜା॑ତ॒-ସ୍ସ୍ୟା-ତ୍ତେ॑ଜ॒ସ୍ଵ୍ୟେ॑ଵାସ୍ୟ॑ ବ୍ରହ୍ମଵର୍ଚ॒ସୀ ପୁ॒ତ୍ରୋ ଜା॑ୟତେ॒ ତାମା॒ଶିଷ॒ମା ଶା॑ସେ॒ ଽମୁଷ୍ମୈ॒ ଜ୍ୟୋତି॑ଷ୍ମତୀ॒ ମିତି॑ ବ୍ରୂୟା॒ଦ୍ୟସ୍ୟ॑ ପୁ॒ତ୍ରୋ ଜା॒ତ-ସ୍ସ୍ୟା-ତ୍ତେଜ॑ ଏ॒ଵାସ୍ମି॑-ନ୍ବ୍ରହ୍ମଵର୍ଚ॒ସ-ନ୍ଦ॑ଧାତି ॥ 35 ॥
(ଊର୍ଜଂ॑-ଵୋଁ ଭକ୍ଷୀ॒ୟେତି॒ – ପ୍ର -ଗାର୍ହ॑ପତ୍ୟମୁପ॒ତିଷ୍ଠ॑ତେ -ଵସତି॒-ଜ୍ୟୋତି॑ଷ୍ମତୀ॒ – ମେକା॒ନ୍ନତ୍ରି॒ଗ୍ମ୍॒ଶଚ୍ଚ॑) (ଅ. 8)
ଅ॒ଗ୍ନି॒ହୋ॒ତ୍ର-ଞ୍ଜୁ॑ହୋତି॒ ୟଦେ॒ଵ କି-ଞ୍ଚ॒ ୟଜ॑ମାନସ୍ୟ॒ ସ୍ଵ-ନ୍ତସ୍ୟୈ॒ଵ ତଦ୍ରେତ॑-ସ୍ସିଞ୍ଚତି ପ୍ର॒ଜନ॑ନେ ପ୍ର॒ଜନ॑ନ॒ଗ୍ମ୍॒ ହି ଵା ଅ॒ଗ୍ନିରଥୌଷ॑ଧୀ॒ରନ୍ତ॑ଗତା ଦହତି॒ ତାସ୍ତତୋ॒ ଭୂୟ॑ସୀଃ॒ ପ୍ର ଜା॑ୟନ୍ତେ॒ ୟଥ୍ସା॒ୟ-ଞ୍ଜୁ॒ହୋତି॒ ରେତ॑ ଏ॒ଵ ତଥ୍ସି॑ଞ୍ଚତି॒ ପ୍ରୈଵ ପ୍ରା॑ତ॒ସ୍ତନେ॑ନ ଜନୟତି॒ ତଦ୍ରେତ॑-ସ୍ସି॒କ୍ତ-ନ୍ନ ତ୍ଵଷ୍ଟ୍ରା-ଽଵି॑କୃତ॒-ମ୍ପ୍ରଜା॑ୟତେ ୟାଵ॒ଚ୍ଛୋ ଵୈ ରେତ॑ସ-ସ୍ସି॒କ୍ତସ୍ୟ॒ [ରେତ॑ସ-ସ୍ସି॒କ୍ତସ୍ୟ॑, ତ୍ଵଷ୍ଟା॑ ରୂ॒ପାଣି॑] 36
ତ୍ଵଷ୍ଟା॑ ରୂ॒ପାଣି॑ ଵିକ॒ରୋତି॑ ତାଵ॒ଚ୍ଛୋ ଵୈ ତତ୍ପ୍ର ଜା॑ୟତ ଏ॒ଷ ଵୈ ଦୈଵ୍ୟ॒ସ୍ତ୍ଵଷ୍ଟା॒ ୟୋ ୟଜ॑ତେ ବ॒ହ୍ଵୀଭି॒ରୁପ॑ ତିଷ୍ଠତେ॒ ରେତ॑ସ ଏ॒ଵ ସି॒କ୍ତସ୍ୟ॑ ବହୁ॒ଶୋ ରୂ॒ପାଣି॒ ଵି କ॑ରୋତି॒ ସ ପ୍ରୈଵ ଜା॑ୟତେ॒ ଶ୍ଵସ୍ଶ୍ଵୋ॒ ଭୂୟା᳚-ନ୍ଭଵତି॒ ୟ ଏ॒ଵଂ ଁଵି॒ଦ୍ଵାନ॒ଗ୍ନିମୁ॑ପ॒ତିଷ୍ଠ॒ତେ ଽହ॑ର୍ଦେ॒ଵାନା॒ମାସୀ॒-ଦ୍- ରାତ୍ରି॒ରସୁ॑ରାଣା॒-ନ୍ତେ-ଽସୁ॑ରା॒ ୟଦ୍ଦେ॒ଵାନାଂ᳚-ଵିଁ॒ତ୍ତଂ ଁଵେଦ୍ୟ॒ମାସୀ॒ତ୍ତେନ॑ ସ॒ହ [ ] 37
ରାତ୍ରି॒-ମ୍ପ୍ରା-ଽଵି॑ଶ॒ନ୍ତେ ଦେ॒ଵା ହୀ॒ନା ଅ॑ମନ୍ୟନ୍ତ॒ ତେ॑-ଽପଶ୍ୟନ୍ନାଗ୍ନେ॒ୟୀ ରାତ୍ରି॑ରାଗ୍ନେ॒ୟାଃ ପ॒ଶଵ॑ ଇ॒ମମେ॒ଵାଗ୍ନିଗ୍ଗ୍ ସ୍ତ॑ଵାମ॒ ସ ନ॑-ସ୍ସ୍ତୁ॒ତଃ ପ॒ଶୂ-ନ୍ପୁନ॑ର୍ଦାସ୍ୟ॒ତୀତି॒ ତେ᳚-ଽଗ୍ନିମ॑ସ୍ତୁଵ॒ନ୍-ଥ୍ସ ଏ᳚ଭ୍ୟ-ସ୍ସ୍ତୁ॒ତୋ ରାତ୍ରି॑ୟା॒ ଅଦ୍ଧ୍ୟହ॑ର॒ଭି ପ॒ଶୂନ୍ନିରା᳚ର୍ଜ॒ତ୍ତେ ଦେ॒ଵାଃ ପ॒ଶୂନ୍ ଵି॒ତ୍ତ୍ଵା କାମାଗ୍ମ୍॑ ଅକୁର୍ଵତ॒ ୟ ଏ॒ଵଂ-ଵିଁ॒ଦ୍ଵାନ॒ଗ୍ନିମୁ॑ପ॒ତିଷ୍ଠ॑ତେ ପଶୁ॒ମା-ନ୍ଭ॑ଵ- [ପଶୁ॒ମା-ନ୍ଭ॑ଵତି, ଆ॒ଦି॒ତ୍ୟୋ] 38
-ତ୍ୟାଦି॒ତ୍ୟୋ ଵା ଅ॒ସ୍ମାଲ୍ଲୋ॒କାଦ॒ମୁଂ-ଲୋଁ॒କମୈ॒ଥ୍ସୋ॑-ଽମୁଂ-ଲୋଁ॒କ-ଙ୍ଗ॒ତ୍ଵା ପୁନ॑ରି॒ମଂ-ଲୋଁ॒କମ॒ଭ୍ୟ॑ଦ୍ଧ୍ୟାୟ॒-ଥ୍ସ ଇ॒ମଂ-ଲୋଁ॒କମା॒ଗତ୍ୟ॑ ମୃ॒ତ୍ୟୋର॑ବିଭେନ୍ମୃ॒ତ୍ୟୁସଂ॑ୟୁଁତ ଇଵ॒ ହ୍ୟ॑ୟଂ-ଲୋଁ॒କ-ସ୍ସୋ॑-ଽମନ୍ୟତେ॒ମ-ମେ॒ଵାଗ୍ନିଗ୍ଗ୍ ସ୍ତ॑ଵାନି॒ ସ ମା᳚ ସ୍ତୁ॒ତ-ସ୍ସୁ॑ଵ॒ର୍ଗଂ-ଲୋଁ॒କ-ଙ୍ଗ॑ମୟିଷ୍ୟ॒ତୀତି॒ ସୋ᳚-ଽଗ୍ନିମ॑ସ୍ତୌ॒-ଥ୍ସ ଏ॑ନଗ୍ଗ୍ ସ୍ତୁ॒ତ-ସ୍ସୁ॑ଵ॒ର୍ଗଂ-ଲୋଁ॒କମ॑ଗମୟ॒ଦ୍ୟ [ଲୋ॒କମ॑ଗମୟ॒ଦ୍ୟଃ, ଏ॒ଵଂ-ଵିଁ॒ଦ୍ଵାନ॒ଗ୍ନି-] 39
ଏ॒ଵଂ-ଵିଁ॒ଦ୍ଵାନ॒ଗ୍ନିମୁ॑ପ॒ତିଷ୍ଠ॑ତେ ସୁଵ॒ର୍ଗମେ॒ଵ ଲୋ॒କମେ॑ତି॒ ସର୍ଵ॒ମାୟୁ॑ରେତ୍ୟ॒ଭି ଵା ଏ॒ଷୋ᳚-ଽଗ୍ନୀ ଆ ରୋ॑ହତି॒ ୟ ଏ॑ନାଵୁପ॒ତିଷ୍ଠ॑ତେ॒ ୟଥା॒ ଖଲୁ॒ ଵୈ ଶ୍ରେୟା॑ନ॒ଭ୍ୟାରୂ॑ଢଃ କା॒ମୟ॑ତେ॒ ତଥା॑ କରୋତି॒ ନକ୍ତ॒ମୁପ॑ ତିଷ୍ଠତେ॒ ନ ପ୍ରା॒ତ-ସ୍ସଗ୍ମ୍ ହି ନକ୍ତଂ॑-ଵ୍ରଁ॒ତାନି॑ ସୃ॒ଜ୍ୟନ୍ତେ॑ ସ॒ହ ଶ୍ରେୟାଗ୍॑ଶ୍ଚ॒ ପାପୀ॑ୟାଗ୍ଶ୍ଚାସାତେ॒ ଜ୍ୟୋତି॒ର୍ଵା ଅ॒ଗ୍ନିସ୍ତମୋ॒ ରାତ୍ରି॒ର୍ୟ- [ରାତ୍ରି॒ର୍ୟତ୍, ନକ୍ତ॑ମୁପ॒ତିଷ୍ଠ॑ତେ॒] 40
-ନ୍ନକ୍ତ॑ମୁପ॒ତିଷ୍ଠ॑ତେ॒ ଜ୍ୟୋତି॑ଷୈ॒ଵ ତମ॑ସ୍ତରତ୍ୟୁପ॒ସ୍ଥେୟୋ॒ ଽଗ୍ନୀ(3)-ର୍ନୋପ॒ସ୍ଥେୟା(3) ଇତ୍ୟା॑ହୁ-ର୍ମନୁ॒ଷ୍ୟା॑ୟେନ୍ନ୍ଵୈ ୟୋ-ଽହ॑ରହରା॒ହୃତ୍ୟା-ଽଥୈ॑ନଂ॒-ୟାଁଚ॑ତି॒ ସ ଇନ୍ନ୍ଵୈ ତମୁପା᳚ର୍ଚ୍ଛ॒ତ୍ୟଥ॒ କୋ ଦେ॒ଵାନହ॑ରହର୍ୟାଚିଷ୍ୟ॒ତୀତି॒ ତସ୍ମା॒ନ୍ନୋପ॒ସ୍ଥେୟୋ ଽଥୋ॒ ଖଲ୍ଵା॑ହୁରା॒ଶିଷେ॒ ଵୈ କଂ-ୟଁଜ॑ମାନୋ ୟଜତ॒ ଇତ୍ୟେ॒ଷା ଖଲୁ॒ ଵା [ଖଲୁ॒ ଵୈ, ଆହି॑ତାଗ୍ନେ-] 41
ଆହି॑ତାଗ୍ନେ ରା॒ଶୀ-ର୍ୟଦ॒ଗ୍ନିମୁ॑ପ॒ତିଷ୍ଠ॑ତେ॒ ତସ୍ମା॑ଦୁପ॒ସ୍ଥେୟଃ॑ ପ୍ର॒ଜାପ॑ତିଃ ପ॒ଶୂନ॑ସୃଜତ॒ ତେ ସୃ॒ଷ୍ଟା ଅ॑ହୋରା॒ତ୍ରେ ପ୍ରା-ଽଵି॑ଶ॒-ନ୍ତାଞ୍ଛନ୍ଦୋ॑ଭି॒-ରନ୍ଵ॑॑ଵିନ୍ଦ॒-ଦ୍ୟଚ୍ଛନ୍ଦୋ॑ଭି-ରୁପ॒ତିଷ୍ଠ॑ତେ॒ ସ୍ଵମେ॒ଵ ତଦନ୍ଵି॑ଚ୍ଛତି॒ ନ ତତ୍ର॑ ଜା॒ମ୍ୟ॑ସ୍ତୀତ୍ୟା॑ହୁ॒ର୍ୟୋ-ଽହ॑ରହରୁପ॒ ତିଷ୍ଠ॑ତ॒ ଇତି॒ ୟୋ ଵା ଅ॒ଗ୍ନି-ମ୍ପ୍ର॒ତ୍ୟଙ୍ଙୁ॑ପ॒ ତିଷ୍ଠ॑ତେ॒ ପ୍ରତ୍ୟେ॑ନମୋଷତି॒ ୟଃ ପରାଂ॒-ଵିଁଷ୍ଵ॑-ମ୍ପ୍ର॒ଜୟା॑ ପ॒ଶୁଭି॑ ରେତି॒ କଵା॑ତିର୍ୟଙ୍ଙି॒ଵୋପ॑ ତିଷ୍ଠେତ॒ ନୈନ॑-ମ୍ପ୍ର॒ତ୍ୟୋଷ॑ତି॒ ନ ଵିଷ୍ଵ॑-ମ୍ପ୍ର॒ଜୟା॑ ପ॒ଶୁଭି॑ରେତି ॥ 42 ॥
(ସି॒କ୍ତସ୍ୟ॑-ସ॒ହ-ଭ॑ଵତି॒-ୟୋ-ୟତ୍-ଖଲୁ॒ ଵୈ-ପ॒ଶୁଭି॒-ସ୍ତ୍ରୟୋ॑ଦଶ ଚ) (ଅ. 9)
ମମ॒ ନାମ॑ ପ୍ରଥ॒ମ-ଞ୍ଜା॑ତଵେଦଃ ପି॒ତା ମା॒ତା ଚ॑ ଦଧତୁ॒ର୍ୟଦଗ୍ରେ᳚ । ତତ୍ତ୍ଵ-ମ୍ବି॑ଭୃହି॒ ପୁନ॒ରା ମଦୈତୋ॒ସ୍ତଵା॒ହ-ନ୍ନାମ॑ ବିଭରାଣ୍ୟଗ୍ନେ ॥ ମମ॒ ନାମ॒ ତଵ॑ ଚ ଜାତଵେଦୋ॒ ଵାସ॑ସୀ ଇଵ ଵି॒ଵସା॑ନୌ॒ ୟେ ଚରା॑ଵଃ । ଆୟୁ॑ଷେ॒ ତ୍ଵ-ଞ୍ଜୀ॒ଵସେ॑ ଵ॒ୟଂ-ୟଁ॑ଥାୟ॒ଥଂ-ଵିଁ ପରି॑ ଦଧାଵହୈ॒ ପୁନ॒ସ୍ତେ ॥ ନମୋ॒-ଽଗ୍ନୟେ ଽପ୍ର॑ତିଵିଦ୍ଧାୟ॒ ନମୋ-ଽନା॑ଧୃଷ୍ଟାୟ॒ ନମ॑-ସ୍ସ॒ମ୍ରାଜେ᳚ । ଅଷା॑ଢୋ [ଅଷା॑ଢଃ, ଅ॒ଗ୍ନିର୍ବୃ॒ହଦ୍ଵ॑ୟା] 43
ଅ॒ଗ୍ନିର୍ବୃ॒ହଦ୍ଵ॑ୟା ଵିଶ୍ଵ॒ଜି-ଥ୍ସହ॑ନ୍ତ୍ୟ॒-ଶ୍ଶ୍ରେଷ୍ଠୋ॑ ଗନ୍ଧ॒ର୍ଵଃ । ତ୍ଵତ୍ପି॑ତାରୋ ଅଗ୍ନେ ଦେ॒ଵା-ସ୍ତ୍ଵାମା॑ହୁତୟ॒-ସ୍ତ୍ଵଦ୍ଵି॑ଵାଚନାଃ । ସ-ମ୍ମାମାୟୁ॑ଷା॒ ସ-ଙ୍ଗୌ॑ପ॒ତ୍ୟେନ॒ ସୁହି॑ତେ ମା ଧାଃ ॥ ଅ॒ୟମ॒ଗ୍ନି-ଶ୍ଶ୍ରେଷ୍ଠ॑ତମୋ॒ ଽୟ-ମ୍ଭଗ॑ଵତ୍ତମୋ॒ ଽୟଗ୍ମ୍ ସ॑ହସ୍ର॒ସାତ॑ମଃ । ଅ॒ସ୍ମା ଅ॑ସ୍ତୁ ସୁ॒ଵୀର୍ୟ᳚ମ୍ ॥ ମନୋ॒ ଜ୍ୟୋତି॑-ର୍ଜୁଷତା॒ମାଜ୍ୟଂ॒ ଁଵିଚ୍ଛି॑ନ୍ନଂ-ୟଁ॒ଜ୍ଞଗ୍ମ୍ ସମି॒ମ-ନ୍ଦ॑ଧାତୁ । ୟା ଇ॒ଷ୍ଟା ଉ॒ଷସୋ॑ ନି॒ମ୍ରୁଚ॑ଶ୍ଚ॒ ତା-ସ୍ସ-ନ୍ଦ॑ଧାମି ହ॒ଵିଷା॑ ଘୃ॒ତେନ॑ ॥ ପୟ॑ସ୍ଵତୀ॒ରୋଷ॑ଧୟଃ॒- [ପୟ॑ସ୍ଵତୀ॒ରୋଷ॑ଧୟଃ, ପୟ॑ସ୍ଵ-] 44
ପୟ॑ସ୍ଵଦ୍ଵୀ॒ରୁଧା॒-ମ୍ପୟଃ॑ । ଅ॒ପା-ମ୍ପୟ॑ସୋ॒ ୟତ୍ପୟ॒ସ୍ତେନ॒ ମାମି॑ନ୍ଦ୍ର॒ ସଗ୍ମ୍ ସୃ॑ଜ ॥ ଅଗ୍ନେ᳚ ଵ୍ରତପତେ ଵ୍ର॒ତ-ଞ୍ଚ॑ରିଷ୍ୟାମି॒ ତଚ୍ଛ॑କେୟ॒-ନ୍ତନ୍ମେ॑ ରାଦ୍ଧ୍ୟତାମ୍ ॥ ଅ॒ଗ୍ନିଗ୍ମ୍ ହୋତା॑ରମି॒ହ ତଗ୍ମ୍ ହୁ॑ଵେ ଦେ॒ଵାନ୍. ୟ॒ଜ୍ଞିୟା॑ନି॒ହ ୟାନ୍. ହଵା॑ମହେ ॥ ଆ ୟ॑ନ୍ତୁ ଦେ॒ଵା-ସ୍ସୁ॑ମନ॒ସ୍ୟମା॑ନା ଵି॒ୟନ୍ତୁ॑ ଦେ॒ଵା ହ॒ଵିଷୋ॑ ମେ ଅ॒ସ୍ୟ ॥ କସ୍ତ୍ଵା॑ ୟୁନକ୍ତି॒ ସ ତ୍ଵା॑ ୟୁନକ୍ତୁ॒ ୟାନି॑ ଘ॒ର୍ମେ କ॒ପାଲା᳚ନ୍ୟୁପଚି॒ନ୍ଵନ୍ତି॑ [ ] 45
ଵେ॒ଧସଃ॑ । ପୂ॒ଷ୍ଣସ୍ତାନ୍ୟପି॑ ଵ୍ର॒ତ ଇ॑ନ୍ଦ୍ରଵା॒ୟୂ ଵି ମୁ॑ଞ୍ଚତାମ୍ ॥ଅଭି॑ନ୍ନୋ ଘ॒ର୍ମୋ ଜୀ॒ରଦା॑ନୁ॒ର୍ୟତ॒ ଆତ୍ତ॒ସ୍ତଦ॑ଗ॒-ନ୍ପୁନଃ॑ । ଇ॒ଦ୍ଧ୍ମୋ ଵେଦିଃ॑ ପରି॒ଧୟ॑ଶ୍ଚ॒ ସର୍ଵେ॑ ୟ॒ଜ୍ଞସ୍ୟା-ଽଽୟୁ॒ରନୁ॒ ସ-ଞ୍ଚ॑ରନ୍ତି ॥ ତ୍ରୟ॑ସ୍ତ୍ରିଗ୍ମ୍ଶ॒-ତ୍ତନ୍ତ॑ଵୋ॒ ୟେ ଵି॑ତତ୍ନି॒ରେ ୟ ଇ॒ମଂ-ୟଁ॒ଜ୍ଞଗ୍ଗ୍ ସ୍ଵ॒ଧୟା॒ ଦଦ॑ନ୍ତେ॒ ତେଷା᳚-ଞ୍ଛି॒ନ୍ନ-ମ୍ପ୍ରତ୍ୟେ॒ତ-ଦ୍ଦ॑ଧାମି॒ ସ୍ଵାହା॑ ଘ॒ର୍ମୋ ଦେ॒ଵାଗ୍ମ୍ ଅପ୍ୟେ॑ତୁ ॥ 46 ॥
(ଅଷା॑ଢ॒-ଓଷ॑ଧୟ-ଉପଚି॒ନ୍ଵନ୍ତି॒-ପଞ୍ଚ॑ଚତ୍ଵାରିଗ୍ମ୍ଶଚ୍ଚ) (ଅ. 10)
ଵୈ॒ଶ୍ଵା॒ନ॒ରୋ ନ॑ ଊ॒ତ୍ୟା-ଽଽ ପ୍ର ୟା॑ତୁ ପରା॒ଵତଃ॑ । ଅ॒ଗ୍ନିରୁ॒କ୍ଥେନ॒ ଵାହ॑ସା ॥ ଋ॒ତାଵା॑ନଂ-ଵୈଁଶ୍ଵାନ॒ରମୃ॒ତସ୍ୟ॒ ଜ୍ୟୋତି॑ଷ॒ସ୍ପତି᳚ମ୍ । ଅଜ॑ସ୍ର-ଙ୍ଘ॒ର୍ମମୀ॑ମହେ ॥ ଵୈ॒ଶ୍ଵା॒ନ॒ରସ୍ୟ॑ ଦ॒ଗ୍ମ୍॒ସନା᳚ଭ୍ୟୋ ବୃ॒ହଦରି॑ଣା॒ଦେକ॑-ସ୍ସ୍ଵପ॒ସ୍ୟ॑ୟା କ॒ଵିଃ । ଉ॒ଭା ପି॒ତରା॑ ମ॒ହୟ॑ନ୍ନଜାୟତା॒ଗ୍ନି-ର୍ଦ୍ୟାଵା॑ପୃଥି॒ଵୀ ଭୂରି॑ରେତସା ॥ ପୃ॒ଷ୍ଟୋ ଦି॒ଵି ପୃ॒ଷ୍ଟୋ ଅ॒ଗ୍ନିଃ ପୃ॑ଥି॒ଵ୍ୟା-ମ୍ପୃ॒ଷ୍ଟୋ ଵିଶ୍ଵା॒ ଓଷ॑ଧୀ॒ରା ଵି॑ଵେଶ । ଵୈ॒ଶ୍ଵା॒ନ॒ର-ସ୍ସହ॑ସା ପୃ॒ଷ୍ଟୋ ଅ॒ଗ୍ନି-ସ୍ସନୋ॒ ଦିଵା॒ ସ- [ଦିଵା॒ ସଃ, ରି॒ଷଃ ପା॑ତୁ॒ ନକ୍ତ᳚ମ୍ ।] 47
ରି॒ଷଃ ପା॑ତୁ॒ ନକ୍ତ᳚ମ୍ ॥ ଜା॒ତୋ ୟଦ॑ଗ୍ନେ॒ ଭୁଵ॑ନା॒ ଵ୍ୟଖ୍ୟଃ॑ ପ॒ଶୁ-ନ୍ନ ଗୋ॒ପା ଇର୍ୟଃ॒ ପରି॑ଜ୍ମା । ଵୈଶ୍ଵା॑ନର॒ ବ୍ରହ୍ମ॑ଣେ ଵିନ୍ଦ ଗା॒ତୁଂ-ୟୂଁ॒ୟ-ମ୍ପା॑ତ ସ୍ଵ॒ସ୍ତିଭି॒-ସ୍ସଦା॑ ନଃ ॥ ତ୍ଵମ॑ଗ୍ନେ ଶୋ॒ଚିଷା॒ ଶୋଶୁ॑ଚାନ॒ ଆ ରୋଦ॑ସୀ ଅପୃଣା॒ ଜାୟ॑ମାନଃ । ତ୍ଵ-ନ୍ଦେ॒ଵାଗ୍ମ୍ ଅ॒ଭିଶ॑ସ୍ତେରମୁଞ୍ଚୋ॒ ଵୈଶ୍ଵା॑ନର ଜାତଵେଦୋ ମହି॒ତ୍ଵା ॥ ଅ॒ସ୍ମାକ॑ମଗ୍ନେ ମ॒ଘଵ॑ଥ୍ସୁ ଧାର॒ୟାନା॑ମି କ୍ଷ॒ତ୍ରମ॒ଜରଗ୍ମ୍॑ ସୁ॒ଵୀର୍ୟ᳚ମ୍ । ଵ॒ୟ-ଞ୍ଜ॑ୟେମ ଶ॒ତିନଗ୍ମ୍॑ ସହ॒ସ୍ରିଣଂ॒-ଵୈଁଶ୍ଵା॑ନର॒ [ଵୈଶ୍ଵା॑ନର, ଵାଜ॑ମଗ୍ନେ॒] 48
ଵାଜ॑ମଗ୍ନେ॒ ତଵୋ॒ତିଭିଃ॑ ॥ ଵୈ॒ଶ୍ଵା॒ନ॒ରସ୍ୟ॑ ସୁମ॒ତୌ ସ୍ୟା॑ମ॒ ରାଜା॒ ହିକ॒-ମ୍ଭୁଵ॑ନାନା-ମଭି॒ଶ୍ରୀଃ । ଇ॒ତୋ ଜା॒ତୋ ଵିଶ୍ଵ॑ମି॒ଦଂ-ଵିଁ ଚ॑ଷ୍ଟେ ଵୈଶ୍ଵାନ॒ରୋ ୟ॑ତତେ॒ ସୂର୍ୟେ॑ଣ ॥ ଅଵ॑ ତେ॒ ହେଡୋ॑ ଵରୁଣ॒ ନମୋ॑ଭି॒ରଵ॑ ୟ॒ଜ୍ଞେଭି॑ରୀମହେ ହ॒ଵିର୍ଭିଃ॑ । କ୍ଷୟ॑ନ୍ନ॒ସ୍ମଭ୍ୟ॑ମସୁର ପ୍ରଚେତୋ॒ ରାଜ॒ନ୍ନେନାଗ୍ମ୍॑ସି ଶିଶ୍ରଥଃ କୃ॒ତାନି॑ ॥ ଉଦୁ॑ତ୍ତ॒ମଂ-ଵଁ॑ରୁଣ॒ ପାଶ॑ମ॒ସ୍ମଦଵା॑-ଽଧ॒ମଂ-ଵିଁମ॑ଦ୍ଧ୍ୟ॒ମଗ୍ଗ୍ ଶ୍ର॑ଥାୟ । ଅଥା॑ ଵ॒ୟମା॑ଦିତ୍ୟ [ ] 49
ଵ୍ର॒ତେ ତଵା-ଽନା॑ଗସୋ॒ ଅଦି॑ତୟେ ସ୍ୟାମ ॥ ଦ॒ଧି॒କ୍ରାଵ୍.ଣ୍ଣୋ॑ ଅକାରିଷ-ଞ୍ଜି॒ଷ୍ଣୋରଶ୍ଵ॑ସ୍ୟ ଵା॒ଜିନଃ॑ ॥ ସୁ॒ର॒ଭିନୋ॒ ମୁଖା॑ କର॒-ତ୍ପ୍ରଣ॒ ଆୟୂଗ୍ମ୍॑ଷି ତାରିଷତ୍ ॥ ଆ ଦ॑ଧି॒କ୍ରା-ଶ୍ଶଵ॑ସ॒ ପଞ୍ଚ॑ କୃ॒ଷ୍ଟୀ-ସ୍ସୂର୍ୟ॑ ଇଵ॒ ଜ୍ୟୋତି॑ଷା॒-ଽପସ୍ତ॑ତାନ । ସ॒ହ॒ସ୍ର॒ସା-ଶ୍ଶ॑ତ॒ସା ଵା॒ଜ୍ୟର୍ଵା॑ ପୃ॒ଣକ୍ତୁ॒ ମଦ୍ଧ୍ଵା॒ ସମି॒ମା ଵଚାଗ୍ମ୍॑ସି । ଅ॒ଗ୍ନି-ର୍ମୂ॒ର୍ଧା, ଭୁଵଃ॑ । ମରୁ॑ତୋ॒ ୟଦ୍ଧ॑ଵୋ ଦି॒ଵ-ସ୍ସୁ॑ମ୍ନା॒ୟନ୍ତୋ॒ ହଵା॑ମହେ । ଆ ତୂ ନ॒ [ଆ ତୂ ନଃ॑, ଉପ॑ ଗନ୍ତନ ।] 50
ଉପ॑ ଗନ୍ତନ ॥ ୟା ଵ॒-ଶ୍ଶର୍ମ॑ ଶଶମା॒ନାୟ॒ ସନ୍ତି॑ ତ୍ରି॒ଧାତୂ॑ନି ଦା॒ଶୁଷେ॑ ୟଚ୍ଛ॒ତାଧି॑ । ଅ॒ସ୍ମଭ୍ୟ॒-ନ୍ତାନି॑ ମରୁତୋ॒ ଵି ୟ॑ନ୍ତ ର॒ୟି-ନ୍ନୋ॑ ଧତ୍ତ ଵୃଷଣ-ସ୍ସୁ॒ଵୀର᳚ମ୍ ॥ ଅଦି॑ତି-ର୍ନ ଉରୁଷ୍ୟ॒ତ୍ଵଦି॑ତି॒-ଶ୍ଶର୍ମ॑ ୟଚ୍ଛତୁ । ଅଦି॑ତିଃ ପା॒ତ୍ଵଗ୍ମ୍ହ॑ସଃ ॥ ମ॒ହୀମୂ॒ଷୁ ମା॒ତରଗ୍ମ୍॑ ସୁଵ୍ର॒ତାନା॑ମୃ॒ତସ୍ୟ॒ ପତ୍ନୀ॒ମଵ॑ସେ ହୁଵେମ । ତୁ॒ଵି॒କ୍ଷ॒ତ୍ରା-ମ॒ଜର॑ନ୍ତୀ-ମୁରୂ॒ଚୀଗ୍ମ୍ ସୁ॒ଶର୍ମା॑ଣ॒ମଦି॑ତିଗ୍ମ୍ ସୁ॒ପ୍ରଣୀ॑ତିମ୍ ॥ ସୁ॒ତ୍ରାମା॑ଣ-ମ୍ପୃଥି॒ଵୀ-ନ୍ଦ୍ୟାମ॑ନେ॒ହସଗ୍ମ୍॑ ସୁ॒ଶର୍ମା॑ଣ॒ ମଦି॑ତିଗ୍ମ୍ ସୁ॒ପ୍ରଣୀ॑ତିମ୍ । ଦୈଵୀ॒-ନ୍ନାଵଗ୍ଗ୍॑ ସ୍ଵରି॒ତ୍ରା-ମନା॑ଗସ॒-ମସ୍ର॑ଵନ୍ତୀ॒ମା ରୁ॑ହେମା ସ୍ଵ॒ସ୍ତୟେ᳚ ॥ ଇ॒ମାଗ୍ମ୍ ସୁ ନାଵ॒ମା-ଽରୁ॑ହଗ୍ମ୍ ଶ॒ତାରି॑ତ୍ରାଗ୍ମ୍ ଶ॒ତସ୍ଫ୍ୟା᳚ମ୍ । ଅଚ୍ଛି॑ଦ୍ରା-ମ୍ପାରୟି॒ଷ୍ଣୁମ୍ ॥ 51 ॥
(ଦିଵା॒ ସ-ସ॑ହ॒ସ୍ରିଣଂ॒-ଵୈଁଶ୍ଵା॑ନରା-ଦିତ୍ୟ॒- ତୂ ନୋ ॑- ଽନେ॒ହସଗ୍ମ୍॑ ସୁ॒ଶର୍ମା॑ଣ॒-ମେକା॒ନ୍ନଵିଗ୍ମ୍॑ଶ॒ତିଶ୍ଚ॑ ) (ଅ. 11)
(ଦେ॒ଵା॒ସୁ॒ରାଃ-ପରା॒-ଭୂମି॒-ର୍ଭୂମି॑-ରୁପପ୍ର॒ୟନ୍ତଃ॒-ସ-ମ୍ପ॑ଶ୍ୟା॒-ମ୍ୟୟ॑ଜ୍ଞଃ॒- ସ-ମ୍ପ॑ଶ୍ୟା – ମ୍ୟଗ୍ନିହୋ॒ତ୍ରଂ – ମମ॒ ନାମ॑-ଵୈଶ୍ଵାନ॒ର-ଏକା॑ଦଶ । )
(ଦେ॒ଵା॒ସୁ॒ରାଃ-କ୍ରୁ॒ଦ୍ଧଃ-ସ-ମ୍ପ॑ଶ୍ୟାମି॒-ସ-ମ୍ପ॑ଶ୍ୟାମି॒-ନକ୍ତ॒-ମୁପ॑ଗନ୍ତ॒-ନୈକ॑ପଞ୍ଚା॒ଶତ୍ । )
(ଦେ॒ଵା॒ସୁ॒ରାଃ, ପା॑ରୟି॒ଷ୍ଣୁମ୍)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟା-ମ୍ପ୍ରଥମକାଣ୍ଡେ ପଞ୍ଚମଃ ପ୍ରଶ୍ନ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 1.5 - ଦେଵାସୁରାଃ ସଂୟତ୍ତା ଆସନ୍ନ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ?
1.5 - ଦେଵାସୁରାଃ ସଂୟତ୍ତା ଆସନ୍ନ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 1.5 - ଦେଵାସୁରାଃ ସଂୟତ୍ତା ଆସନ୍ନ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ online?
Yes. The imported text is available directly on this page for online reading and recitation.
Can I download 1.5 - ଦେଵାସୁରାଃ ସଂୟତ୍ତା ଆସନ୍ନ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ସଂହିତା ପାଠଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.