3.5 – ଇଷ୍ଟିହୌତ୍ରମ୍ – କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ – ସତ୍ୟଂ ପ୍ରପଦ୍ୟେ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ପଞ୍ଚମଃ ପ୍ରପାଠକଃ – ଇଷ୍ଟିହୌତ୍ରମ୍
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1 – ହୋତୁର୍ଜପଃ ପୁରସ୍ତା-ଥ୍ସାମିଧେନୀନାମ୍
ସ॒ତ୍ୟ-ମ୍ପ୍ରପ॑ଦ୍ୟେ । ଋ॒ତ-ମ୍ପ୍ରପ॑ଦ୍ୟେ ।
ଅ॒ମୃତ॒-ମ୍ପ୍ରପ॑ଦ୍ୟେ ।
ପ୍ର॒ଜାପ॑ତେଃ ପ୍ରି॒ୟା-ନ୍ତ॒ନୁଵ॒ମନା᳚ର୍ତା॒-ମ୍ପ୍ରପ॑ଦ୍ୟେ ।
ଇ॒ଦମ॒ହ-ମ୍ପ॑ଞ୍ଚଦ॒ଶେନ॒ ଵଜ୍ରେ॑ଣ ।
ଦ୍ଵି॒ଷନ୍ତ॒-ମ୍ଭ୍ରାତୃ॑ଵ୍ୟ॒ମଵ॑କ୍ରାମାମି ।
ୟୋ᳚-ଽସ୍ମା-ନ୍ଦ୍ଵେଷ୍ଟି॑ । ୟ-ଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ।
ଭୂର୍ଭୁଵ॒-ସ୍ସୁଵଃ॑ । ହିମ୍ ॥ 1 ॥
(ସ॒ତ୍ୟ-ନ୍ଦଶ॑) (ଅ. 1)
ଅନୁଵାକଂ 2 – ସାମିଧେନୀମ୍ରନ୍ଵାହ
ପ୍ର ଵୋ॒ ଵାଜା॑ ଅ॒ଭିଦ୍ୟ॑ଵଃ । ହ॒ଵିଷ୍ମ॑ନ୍ତୋ ଘୃ॒ତାଚ୍ୟା᳚ ।
ଦେ॒ଵାଞ୍ଜି॑ଗାତି ସୁମ୍ନ॒ୟୁଃ ॥ ଅଗ୍ନ॒ ଆୟା॑ହି ଵୀ॒ତୟେ᳚ । ଗୃ॒ଣା॒ନୋ ହ॒ଵ୍ୟଦା॑ତୟେ । ନି ହୋତା॑ ସଥ୍ସି ବ॒ର॒ଃଇଷି॑ ॥ ତ-ନ୍ତ୍ଵା॑ ସ॒ମିଦ୍ଭି॑ରଙ୍ଗିରଃ । ଘୃ॒ତେନ॑ ଵର୍ଧୟାମସି । ବୃ॒ହଚ୍ଛୋ॑ଚା ୟଵିଷ୍ଠ୍ୟ ॥ ସ ନଃ॑ ପୃ॒ଥୁ ଶ୍ର॒ଵାୟ୍ୟ᳚ମ୍ ॥ 2 ॥
ଅଚ୍ଛା॑ ଦେଵ ଵିଵାସସି । ବୃ॒ହଦ॑ଗ୍ନେ ସୁ॒ଵୀର୍ୟ᳚ମ୍ ॥
ଈ॒ଡେନ୍ୟୋ॑ ନମ॒ସ୍ୟ॑ସ୍ତି॒ରଃ । ତମାଗ୍ମ୍॑ସି ଦର୍ଶ॒ତଃ । ସମ॒ଗ୍ନିରି॑ଦ୍ଧ୍ୟତେ॒ ଵୃଷା᳚ ॥ ଵୃଷୋ॑ ଅ॒ଗ୍ନି-ସ୍ସମି॑ଦ୍ଧ୍ୟତେ । ଅଶ୍ଵୋ॒ ନ ଦେ॑ଵ॒ଵାହ॑ନଃ ।
ତଗ୍ମ୍ ହ॒ଵିଷ୍ମ॑ନ୍ତ ଈଡତେ ॥ ଵୃଷ॑ଣ-ନ୍ତ୍ଵା ଵ॒ୟଂ-ଵୃଁଷନ୍ନ୍॑ । ଵୃଷା॑ଣ॒-ସ୍ସମି॑ଧୀମହି ॥ 3 ॥
ଅଗ୍ନେ॒ ଦୀଦ୍ୟ॑ତ-ମ୍ବୃ॒ହତ୍ ॥ ଅ॒ଗ୍ନି-ନ୍ଦୂ॒ତଂ-ଵୃଁ॑ଣୀମହେ ।
ହୋତା॑ରଂ-ଵିଁ॒ଶ୍ଵଵେ॑ଦସମ୍ । ଅ॒ସ୍ୟ ୟ॒ଜ୍ଞସ୍ୟ॑ ସୁ॒କ୍ରତୁ᳚ମ୍ ॥ ସ॒ମି॒ଦ୍ଧ୍ୟମା॑ନୋ ଅଦ୍ଧ୍ଵ॒ରେ । ଅ॒ଗ୍ନିଃ ପା॑ଵ॒କ ଈଡ୍ୟଃ॑ । ଶୋ॒ଚିଷ୍କେ॑ଶ॒ସ୍ତମୀ॑ମହେ ॥ ସମି॑ଦ୍ଧୋ ଅଗ୍ନ ଆହୁତ । ଦେ॒ଵାନ୍. ୟ॑କ୍ଷି ସ୍ଵଦ୍ଧ୍ଵର । ତ୍ଵଗ୍ମ୍ ହି ହ॑ଵ୍ୟ॒ଵାଡସି॑ ॥
ଆଜୁ॑ହୋତ ଦୁଵ॒ସ୍ୟତ॑ । ଅ॒ଗ୍ନି-ମ୍ପ୍ର॑ୟ॒ତ୍ୟ॑ଦ୍ଧ୍ଵ॒ରେ ।
ଵୃ॒ଣୀ॒ଦ୍ଧ୍ଵଗ୍ମ୍ ହ॑ଵ୍ୟ॒ଵାହ॑ନମ୍ ॥
ତ୍ଵଂ-ଵଁରୁ॑ଣ ଉ॒ତ ମି॒ତ୍ରୋ ଅ॑ଗ୍ନେ । ତ୍ଵାଂ-ଵଁ॑ର୍ଧନ୍ତି ମ॒ତିଭି॒ର୍ଵସି॑ଷ୍ଠାଃ । ତ୍ଵେ ଵସୁ॑ ସୁଷଣ॒ନାନି॑ ସନ୍ତୁ । ୟୂ॒ୟ-ମ୍ପା॑ତ ସ୍ଵ॒ସ୍ତିଭି॒-ସ୍ସଦା॑ ନଃ ॥ 4 ॥
(ଶ୍ର॒ଵାୟ୍ୟ॑ – ମିଧୀମ॒ – ହ୍ୟସି॑ ସ॒ପ୍ତ ଚ॑) (ଅ. 2)
ଅନୁଵାକଂ 3 – ପ୍ରରମୁକ୍ତ୍ଵା ନିଵିଦୋ-ଽନୂଚ୍ୟ ଦେଵତା ଆଵାହୟତି
ଅଗ୍ନେ॑ ମ॒ହାଗ୍ମ୍ ଅ॑ସି ବ୍ରାହ୍ମଣ ଭାରତ । ଅସା॒ଵସୌ᳚ ॥
ଦେ॒ଵେଦ୍ଧୋ॒ ମନ୍ଵି॑ଦ୍ଧଃ । ଋଷି॑ଷ୍ଟୁତୋ॒ ଵିପ୍ରା॑ନୁମଦିତଃ । କ॒ଵି॒ଶ॒ସ୍ତୋ ବ୍ରହ୍ମ॑ସଗ୍ମ୍ଶିତୋ ଘୃ॒ତାହ॑ଵନଃ ।
ପ୍ର॒ଣୀ-ର୍ୟ॒ଜ୍ଞାନା᳚ମ୍ । ର॒ଥୀର॑ଦ୍ଧ୍ଵ॒ରାଣା᳚ମ୍ ।
ଅ॒ତୂର୍ତୋ॒ ହୋତା᳚ । ତୂର୍ଣି॑ର୍ହଵ୍ୟ॒ଵାଟ୍ ।
ଆସ୍ପାତ୍ର॑-ଞ୍ଜୁ॒ହୂ-ର୍ଦେ॒ଵାନା᳚ମ୍ ॥ 5 ॥
ଚ॒ମ॒ସୋ ଦେ॑ଵ॒ପାନଃ॑ । ଅ॒ରାଗ୍ମ୍ ଇ॑ଵାଗ୍ନେ ନେ॒ମିର୍ଦେ॒ଵାଗ୍ସ୍ତ୍ଵ-ମ୍ପ॑ରି॒ଭୂର॑ସି । ଆଵ॑ହ ଦେ॒ଵାନ୍. ୟଜ॑ମାନାୟ ॥ ଅ॒ଗ୍ନିମ॑ଗ୍ନ॒ ଆଵ॑ହ । ସୋମ॒ମାଵ॑ହ ।
ଅ॒ଗ୍ନିମାଵ॑ହ । ପ୍ର॒ଜାପ॑ତି॒ମାଵ॑ହ । ଅ॒ଗ୍ନୀଷୋମା॒ଵାଵ॑ହ । ଇ॒ନ୍ଦ୍ରା॒ଗ୍ନୀ ଆଵ॑ହ । ଇନ୍ଦ୍ର॒ମାଵ॑ହ । ମ॒ହେ॒ନ୍ଦ୍ରମାଵ॑ହ । ଦେ॒ଵାଗ୍ମ୍ ଆ᳚ଜ୍ୟ॒ପାଗ୍ମ୍ ଆଵ॑ହ ।
ଅ॒ଗ୍ନିଗ୍ମ୍ ହୋ॒ତ୍ରାୟାଵ॑ହ । ସ୍ଵ-ମ୍ମ॑ହି॒ମାନ॒ମାଵ॑ହ । ଆ ଚା᳚ଗ୍ନେ ଦେ॒ଵାନ୍. ଵହ॑ । ସୁ॒ୟଜା॑ ଚ ୟଜ ଜାତଵେଦଃ ॥ 6 ॥
(ଦେ॒ଵାନା॒-ମିନ୍ଦ୍ର॒ମାଵ॑ହ॒ ଷଟ୍ଚ॑) (ଅ. 3)
ଅନୁଵାକଂ 4 – ସ୍ରୁଚାଵାଦାପୟତି
ଅ॒ଗ୍ନିର୍-ହୋତା॒ ଵେତ୍ଵ॒ଗ୍ନିଃ । ହୋ॒ତ୍ରଂ-ଵେଁ᳚ତ୍ତୁ ପ୍ରାଵି॒ତ୍ରମ୍ । ସ୍ମୋ ଵ॒ୟମ୍ । ସା॒ଧୁ ତେ॑ ୟଜମାନ ଦେ॒ଵତା᳚ । ଘୃ॒ତଵ॑ତୀ-ମଦ୍ଧ୍ଵର୍ୟୋ॒ ସ୍ରୁଚ॒ମା-ଽସ୍ୟ॑ସ୍ଵ । ଦେ॒ଵା॒ୟୁଵଂ॑-ଵିଁ॒ଶ୍ଵଵା॑ରାମ୍ । ଈଡା॑ମହୈ ଦେ॒ଵାଗ୍ମ୍ ଈ॒ଡେନ୍ୟାନ୍॑ ।
ନ॒ମ॒ସ୍ୟାମ॑ ନମ॒ସ୍ୟାନ୍॑ । ୟଜା॑ମ ୟ॒ଜ୍ଞିୟାନ୍॑ ॥ 7 ॥
(ଅ॒ଗ୍ନିର୍-ହୋତା॒ ନଵ॑) (ଅ. 4)
ଅନୁଵାକଂ 5 – ପ୍ରୟାଜାଃ
ସ॒ମିଧୋ॑ ଅଗ୍ନ॒ ଆଜ୍ୟ॑ସ୍ୟ ଵିୟନ୍ତୁ । ତନୂ॒ନପା॑ଦଗ୍ନ॒ ଆଜ୍ୟ॑ସ୍ୟ ଵେତୁ । ଇ॒ଡୋ ଅ॑ଗ୍ନ॒ ଆଜ୍ୟ॑ସ୍ୟ ଵିୟନ୍ତୁ । ବ॒ର୍॒ହିର॑ଗ୍ନ॒ ଆଜ୍ୟ॑ସ୍ୟ ଵେତୁ । ସ୍ଵାହା॒-ଽଗ୍ନିମ୍ । ସ୍ଵାହା॒ ସୋମ᳚ମ୍ । ସ୍ଵାହା॒-ଽଗ୍ନିମ୍ । ସ୍ଵାହା᳚ ପ୍ର॒ଜାପ॑ତିମ୍ ।
ସ୍ଵାହା॒-ଽଗ୍ନୀଷୋମୌ᳚ । ସ୍ଵାହେ᳚ନ୍ଦ୍ରା॒ଗ୍ନୀ । ସ୍ଵାହେନ୍ଦ୍ର᳚ମ୍ ।
ସ୍ଵାହା॑ ମହେ॒ନ୍ଦ୍ରମ୍ । ସ୍ଵାହା॑ ଦେ॒ଵାଗ୍ମ୍ ଆ᳚ଜ୍ୟ॒ପାନ୍ । ସ୍ଵାହା॒-ଽଗ୍ନିଗ୍ମ୍ ହୋ॒ତ୍ରାଜ୍ଜୁ॑ଷା॒ଣାଃ ।
ଅଗ୍ନ॒ ଆଜ୍ୟ॑ସ୍ୟ ଵିୟନ୍ତୁ ॥ 8 ॥
(ଇ॒ନ୍ଦ୍ରା॒ଗ୍ନୀ ପଞ୍ଚ॑ ଚ) (ଅ. 5)
ଅନୁଵାକଂ 6 – ଅଜ୍ୟଭାଗୟୋଃ ପୁରୋନୁଵାକ୍ୟେ
ଅ॒ଗ୍ନି-ର୍ଵୃ॒ତ୍ରାଣି॑ ଜଙ୍ଘନତ୍ । ଦ୍ର॒ଵି॒ଣ॒ସ୍ୟୁ-ର୍ଵି॑ପ॒ନ୍ୟୟା᳚ ।
ସମି॑ଦ୍ଧ-ଶ୍ଶୁ॒କ୍ର ଆହୁ॑ତଃ । ଜୁ॒ଷା॒ଣୋ ଅ॒ଗ୍ନିରାଜ୍ୟ॑ସ୍ୟ ଵେତୁ । ତ୍ଵଗ୍ମ୍ ସୋ॑ମାସି॒ ସତ୍ପ॑ତିଃ । ତ୍ଵଗ୍ମ୍ ରାଜୋ॒ତ ଵୃ॑ତ୍ର॒ହା ।
ତ୍ଵ-ମ୍ଭ॒ଦ୍ରୋ ଅ॑ସି॒ କ୍ରତୁଃ॑ । ଜୁ॒ଷା॒ଣ-ସ୍ସୋମ॒ ଆଜ୍ୟ॑ସ୍ୟ ହ॒ଵିଷୋ॑ ଵେତୁ । ଅ॒ଗ୍ନିଃ ପ୍ର॒ତ୍ନେନ॒ ଜନ୍ମ॑ନା । ଶୁମ୍ଭା॑ନସ୍ତ॒ନୁଵ॒ଗ୍ଗ୍॒ ସ୍ଵାମ୍ ।
କ॒ଵି-ର୍ଵିପ୍ରେ॑ଣ ଵାଵୃଧେ । ଜୁ॒ଷା॒ଣୋ ଅ॒ଗ୍ନିରାଜ୍ୟ॑ସ୍ୟ ଵେତୁ ।
ସୋମ॑ ଗୀ॒ର୍ଭିଷ୍ଟ୍ଵା॑ ଵ॒ୟମ୍ । ଵ॒ର୍ଧୟା॑ମୋ ଵଚୋ॒ଵିଦଃ॑ । ସୁ॒ମୃ॒ଡୀ॒କୋ ନ॒ ଆଵି॑ଶ ।
ଜୁ॒ଷା॒ଣ-ସ୍ସୋମ॒ ଆଜ୍ୟ॑ସ୍ୟ ହ॒ଵିଷୋ॑ ଵେତୁ ॥ 9 ॥
(ସ୍ଵାଗ୍ମ୍ ଷଟ୍ଚ॑) (ଅ. 6)
ଅନୁଵାକଂ 7 – ହଵିଷାଂ-ୟାଁଜ୍ୟାନୁଵାକ୍ୟାଃ
ଅ॒ଗ୍ନି-ର୍ମୂ॒ର୍ଧା ଦି॒ଵଃ କ॒କୁତ୍ । ପତିଃ॑ ପୃଥି॒ଵ୍ୟା ଅ॒ୟମ୍ ।
ଅ॒ପାଗ୍ମ୍ ରେତାଗ୍ମ୍॑ସି ଜିନ୍ଵତି । ଭୁଵୋ॑ ୟ॒ଜ୍ଞସ୍ୟ॒ ରଜ॑ସଶ୍ଚ ନେ॒ତା । ୟତ୍ରା॑ ନି॒ୟୁଦ୍ଭି॒-ସ୍ସଚ॑ସେ ଶି॒ଵାଭିଃ॑ । ଦି॒ଵି ମୂ॒ର୍ଧାନ॑-ନ୍ଦଧିଷେ ସୁଵ॒ର୍॒ଷାମ୍ ।
ଜି॒ହ୍ଵାମ॑ଗ୍ନେ ଚକୃଷେ ହଵ୍ୟ॒ଵାହ᳚ମ୍ । ପ୍ରଜା॑ପତେ॒ ନ ତ୍ଵଦେ॒ତାନ୍ୟ॒ନ୍ୟଃ । ଵିଶ୍ଵା॑ ଜା॒ତାନି॒ ପରି॒ ତା ବ॑ଭୂଵ ।
ୟତ୍-କା॑ମାସ୍ତେ ଜୁହୁ॒ମସ୍ତନ୍ନୋ॑ ଅସ୍ତୁ ॥ 10 ॥
ଵ॒ୟଗ୍ଗ୍ ସ୍ୟା॑ମ॒ ପତ॑ୟୋ ରୟୀ॒ଣାମ୍ । ସ ଵେ॑ଦ ପୁ॒ତ୍ରଃ ପି॒ତର॒ଗ୍ମ୍॒ ସ ମା॒ତର᳚ମ୍ । ସ ସୂ॒ନୁର୍ଭୁ॑ଵ॒ଥ୍ସ ଭୁ॑ଵ॒ତ୍ପୁନ॑ର୍ମଘଃ । ସ ଦ୍ୟାମୌର୍ଣୋ॑ଦ॒ନ୍ତରି॑କ୍ଷ॒ଗ୍ମ୍॒ ସ ସୁଵଃ॑ । ସ ଵିଶ୍ଵା॒ ଭୁଵୋ॑ ଅଭଵ॒ଥ୍ସ ଆ-ଽଭ॑ଵତ୍ । ଅଗ୍ନୀ॑ଷୋମା॒ ସଵେ॑ଦସା । ସହୂ॑ତୀ ଵନତ॒-ଙ୍ଗିରଃ॑ । ସ-ନ୍ଦେ॑ଵ॒ତ୍ରା ବ॑ଭୂଵଥୁଃ । ୟୁ॒ଵମେ॒ତାନି॑ ଦି॒ଵି ରୋ॑ଚ॒ନାନି॑ ।
ଅ॒ଗ୍ନିଶ୍ଚ॑ ସୋମ॒ ସକ୍ର॑ତୂ ଅଧତ୍ତମ୍ ॥ 11 ॥
ୟୁ॒ଵଗ୍ମ୍ ସିନ୍ଧୂଗ୍ମ୍॑ ର॒ଭିଶ॑ସ୍ତେ-ରଵ॒ଦ୍ୟାତ୍ । ଅଗ୍ନୀ॑ଷୋମା॒-ଵମୁ॑ଞ୍ଚତ-ଙ୍ଗୃଭୀ॒ତାନ୍ ।
ଇନ୍ଦ୍ରା᳚ଗ୍ନୀ ରୋଚ॒ନା ଦି॒ଵଃ । ପରି॒ ଵାଜେ॑ଷୁ ଭୂଷଥଃ ।
ତଦ୍ଵା᳚-ଞ୍ଚେତି॒ ପ୍ରଵୀ॒ର୍ୟ᳚ମ୍ । ଶ୍ନଥ॑ଦ୍ଵୃ॒ତ୍ରମୁ॒ତ ସ॑ନୋତି॒ ଵାଜ᳚ମ୍ । ଇନ୍ଦ୍ରା॒ ୟୋ ଅ॒ଗ୍ନୀ ସହୁ॑ରୀ ସପ॒ର୍ୟାତ୍ ।
ଇ॒ର॒ଜ୍ୟନ୍ତା॑ ଵସ॒ଵ୍ୟ॑ସ୍ୟ॒ ଭୂରେଃ᳚ । ସହ॑ସ୍ତମା॒ ସହ॑ସା ଵାଜ॒ୟନ୍ତା᳚ । ଏନ୍ଦ୍ର॑ ସାନ॒ସିଗ୍ମ୍ ର॒ୟିମ୍ ॥ 12 ॥
ସ॒ଜିତ୍ଵା॑ନଗ୍ମ୍ ସଦା॒ସହ᳚ମ୍ । ଵର୍ଷି॑ଷ୍ଠମୂ॒ତୟେ॑ ଭର । ପ୍ରସ॑ସାହିଷେ ପୁରୁହୂତ॒ ଶତ୍ରୂନ୍॑ । ଜ୍ୟେଷ୍ଠ॑ସ୍ତେ॒ ଶୁଷ୍ମ॑ ଇ॒ହ ରା॒ତିର॑ସ୍ତୁ । ଇନ୍ଦ୍ରାଭ॑ର॒ ଦକ୍ଷି॑ଣେନା॒ ଵସୂ॑ନି । ପତି॒-ସ୍ସିନ୍ଧୂ॑ନାମସି ରେ॒ଵତୀ॑ନାମ୍ । ମ॒ହାଗ୍ମ୍ ଇନ୍ଦ୍ରୋ॒ ୟ ଓଜ॑ସା । ପ॒ର୍ଜନ୍ୟୋ॑ ଵୃଷ୍ଟି॒ମାଗ୍ମ୍ ଇ॑ଵ ।
ସ୍ତୋମୈ᳚ର୍ଵ॒ଥ୍ସସ୍ୟ॑ ଵାଵୃଧେ ।
ମ॒ହା ଇନ୍ଦ୍ରୋ॑ଗ୍ମ୍ ନୃ॒ଵଦାଚ॑ର୍ଷଣି॒ପ୍ରାଃ ॥ 13 ॥
ଉ॒ତ ଦ୍ଵି॒ବର୍ହା॑ ଅମି॒ନ-ସ୍ସହୋ॑ଭିଃ । ଅ॒ସ୍ମ॒ଦ୍ରିୟ॑ଗ୍ଵାଵୃଧେ ଵୀ॒ର୍ୟା॑ୟ ।
ଉ॒ରୁଃ ପୃ॒ଥୁ-ସ୍ସୁକୃ॑ତଃ କ॒ର୍ତୃଭି॑ର୍ଭୂତ୍ ।
ପି॒ପ୍ରୀ॒ହି ଦେ॒ଵାଗ୍ମ୍ ଉ॑ଶ॒ତୋ ୟ॑ଵିଷ୍ଠ ।
ଵି॒ଦ୍ଵାଗ୍ମ୍ ଋତୂଗ୍ମ୍ର୍-ଋ॑ତୁପତେ ୟଜେ॒ହ ।
ୟେ ଦୈଵ୍ୟା॑ ଋ॒ତ୍ଵିଜ॒ସ୍ତେଭି॑ରଗ୍ନେ ।
ତ୍ଵଗ୍ମ୍ ହୋତୄ॑ଣାମ॒ସ୍ୟାୟ॑ଜିଷ୍ଠଃ ॥
ଅ॒ଗ୍ନିଗ୍ଗ୍ ସ୍ଵି॑ଷ୍ଟ॒କୃତ᳚ମ୍ । ଅୟା॑ଡ॒ଗ୍ନିର॒ଗ୍ନେଃ ପ୍ରି॒ୟା ଧାମା॑ନି । ଅୟା॒ଟ୍ଥ୍ସୋମ॑ସ୍ୟ ପ୍ରି॒ୟା ଧାମା॑ନି ॥ 14 ॥
ଅୟା॑ଡ॒ଗ୍ନେଃ ପ୍ରି॒ୟା ଧାମା॑ନି । ଅୟା᳚ଟ୍ପ୍ର॒ଜାପ॑ତେଃ ପ୍ରି॒ୟା ଧାମା॑ନି । ଅୟା॑ଡ॒ଗ୍ନୀଷୋମ॑ୟୋଃ ପ୍ରି॒ୟା ଧାମା॑ନି । ଅୟା॑ଡିନ୍ଦ୍ରାଗ୍ନି॒ୟୋଃ ପ୍ରି॒ୟା ଧାମା॑ନି ।
ଅୟା॒ଡିନ୍ଦ୍ର॑ସ୍ୟ ପ୍ରି॒ୟା ଧାମା॑ନି । ଅୟା᳚ଣ୍ମହେ॒ନ୍ଦ୍ରସ୍ୟ॑ ପ୍ରି॒ୟା ଧାମା॑ନି । ଅୟା᳚ଡ୍ଦେ॒ଵାନା॑-ମାଜ୍ୟ॒ପାନା᳚-ମ୍ପ୍ରି॒ୟା ଧାମା॑ନି । ୟକ୍ଷ॑ଦ॒ଗ୍ନେର୍-ହୋତୁଃ॑ ପ୍ରି॒ୟା ଧାମା॑ନି । ୟକ୍ଷ॒ଥ୍ସ୍ଵ-ମ୍ମ॑ହି॒ମାନ᳚ମ୍ । ଆୟ॑ଜତା॒ମେଜ୍ୟା॒ ଇଷଃ॑ । କୃ॒ଣୋତୁ॒ ସୋ ଅ॑ଦ୍ଧ୍ଵ॒ରା ଜା॒ତଵେ॑ଦାଃ । ଜୁ॒ଷତାଗ୍ମ୍॑ ହ॒ଵିଃ । ଅଗ୍ନେ॒ ୟଦ॒ଦ୍ୟ ଵି॒ଶୋ ଅ॑ଦ୍ଧ୍ଵରସ୍ୟ ହୋତଃ ।
ପାଵ॑କ ଶୋଚେ॒ ଵେଷ୍ଟ୍ଵଗ୍ମ୍ ହି ୟଜ୍ଵା᳚ । ଋ॒ତା ୟ॑ଜାସି ମହି॒ନା ଵି ୟଦ୍ଭୂଃ ।
ହ॒ଵ୍ୟା ଵ॑ହ ୟଵିଷ୍ଠ॒ ୟା ତେ॑ ଅ॒ଦ୍ୟ ॥ 15 ॥
(ଅ॒ସ୍ତ୍ଵ॒ – ଧ॒ତ୍ତ॒ଗ୍ମ୍ – ର॒ୟିଂ – ଚ॑ର୍ଷଣି॒ପ୍ରାଃ – ସୋମ॑ସ୍ୟ ପ୍ରି॒ୟା ଧାମା॒ – ନୀଷ॒-ଷ୍ଷଟ୍ଚ॑) (ଅ. 7)
ଅନୁଵାକଂ 8 – ଇଡୋପାହ୍ଵାନାମ୍
ଉପ॑ହୂତଗ୍ମ୍ ରଥନ୍ତ॒ରଗ୍ମ୍ ସ॒ହ ପୃ॑ଥି॒ଵ୍ୟା ।
ଉପ॑ ମା ରଥନ୍ତ॒ରଗ୍ମ୍ ସ॒ହ ପୃ॑ଥି॒ଵ୍ୟା ହ୍ଵ॑ୟତାମ୍ ।
ଉପ॑ହୂତଂ-ଵାଁମଦେ॒ଵ୍ୟଗ୍ମ୍ ସ॒ହାନ୍ତରି॑କ୍ଷେଣ ।
ଉପ॑ ମା ଵାମଦେ॒ଵ୍ୟଗ୍ମ୍ ସ॒ହାନ୍ତରି॑କ୍ଷେଣ ହ୍ଵୟତାମ୍ ।
ଉପ॑ ହୂତ-ମ୍ବୃ॒ହଥ୍ସ॒ହ ଦି॒ଵା । ଉପ॑ ମା ବୃ॒ହଥ୍ସ॒ହ ଦି॒ଵା ହ୍ଵ॑ୟତାମ୍ । ଉପ॑ହୂତା-ସ୍ସ॒ପ୍ତ ହୋତ୍ରାଃ᳚ ।
ଉପ॑ ମା ସ॒ପ୍ତ ହୋତ୍ରା᳚ ହ୍ଵୟନ୍ତାମ୍ । ଉପ॑ହୂତା ଧେ॒ନୁ-ସ୍ସ॒ହର୍ଷ॑ଭା । ଉପ॑ ମା ଧେ॒ନୁ-ସ୍ସ॒ହର୍ଷ॑ଭା ହ୍ଵୟତାମ୍ ॥ 16 ॥
ଉପ॑ହୂତୋ ଭ॒କ୍ଷ-ସ୍ସଖା᳚ । ଉପ॑ ମା ଭ॒କ୍ଷ-ସ୍ସଖା᳚ ହ୍ଵୟତାମ୍ । ଉପ॑ହୂ॒ତାଁ(4) ହୋ । ଇଡୋପ॑ହୂତା । ଉପ॑ହୂ॒ତେଡା᳚ । ଉପୋ॑ ଅ॒ସ୍ମାଗ୍ମ୍ ଇଡା᳚ ହ୍ଵୟତାମ୍ । ଇଡୋପ॑ହୂତା । ଉପ॑ହୂ॒ତେଡା᳚ । ମା॒ନ॒ଵୀ ଘୃ॒ତପ॑ଦୀ ମୈତ୍ରାଵରୁ॒ଣୀ ।
ବ୍ରହ୍ମ॑ ଦେ॒ଵକୃ॑ତ॒ମୁପ॑ହୂତମ୍ ॥ 17 ॥
ଦୈଵ୍ୟା॑ ଅଦ୍ଧ୍ଵ॒ର୍ୟଵ॒ ଉପ॑ହୂତାଃ । ଉପ॑ହୂତା ମନୁ॒ଷ୍ୟାଃ᳚ । ୟ ଇ॒ମଂ-ୟଁ॒ଜ୍ଞମଵାନ୍॑ । ୟେ ୟ॒ଜ୍ଞପ॑ତିଂ॒-ଵଁର୍ଧାନ୍॑ । ଉପ॑ହୂତେ॒ ଦ୍ୟାଵା॑ପୃଥି॒ଵୀ ।
ପୂ॒ର୍ଵ॒ଜେ ଋ॒ତାଵ॑ରୀ । ଦେ॒ଵୀ ଦେ॒ଵପୁ॑ତ୍ରେ । ଉପ॑ହୂତୋ॒-ଽୟଂ-ୟଁଜ॑ମାନଃ । ଉତ୍ତ॑ରସ୍ୟା-ନ୍ଦେଵୟ॒ଜ୍ୟାୟା॒-ମୁପ॑ହୂତଃ । ଭୂୟ॑ସି ହଵି॒ଷ୍କର॑ଣ॒ ଉପ॑ହୂତଃ ।
ଦି॒ଵ୍ୟେ ଧାମ॒ନ୍ନୁପ॑ହୂତଃ ।
ଇ॒ଦ-ମ୍ମେ॑ ଦେ॒ଵା ହ॒ଵିର୍ଜୁ॑ଷନ୍ତା॒ମିତି॒ ତସ୍ମି॒ନ୍ନୁପ॑ହୂତଃ ।
ଵିଶ୍ଵ॑ମସ୍ୟ ପ୍ରି॒ୟମୁପ॑ହୂତମ୍ ।
ଵିଶ୍ଵ॑ସ୍ୟ ପ୍ରି॒ୟସ୍ୟୋପ॑ହୂତ॒ସ୍ୟୋପ॑ହୂତଃ ॥ 18 ॥
(ସ॒ହର୍ଷ॑ଭା ହ୍ଵୟତା॒ – ମୁପ॑ହୂତଗ୍ମ୍ – ହଵି॒ଷ୍କର॑ଣ॒ ଉପ॑ହୂତଶ୍ଚ॒ତ୍ଵାରି॑ ଚ) (ଅ. 8)
ଅନୁଵାକଂ 9 – ଅନୂୟାଜାଃ
ଦେ॒ଵ-ମ୍ବ॒ର୍॒ହିଃ । ଵ॒ସୁ॒ଵନେ॑ ଵସୁ॒ଧେୟ॑ସ୍ୟ ଵେତୁ । ଦେ॒ଵୋ ନରା॒ଶଗ୍ମ୍ ସଃ॑ । ଵ॒ସୁ॒ଵନେ॑ ଵସୁ॒ଧେୟ॑ସ୍ୟ ଵେତୁ । ଦେ॒ଵୋ ଅ॒ଗ୍ନି-ସ୍ସ୍ଵି॑ଷ୍ଟ॒କୃତ୍ । ସୁ॒ଦ୍ରଵି॑ଣା ମ॒ନ୍ଦ୍ରଃ କ॒ଵିଃ । ସ॒ତ୍ୟମ॑ନ୍ମା-ଽଽୟ॒ଜୀ ହୋତା᳚ । ହୋତୁ॑ର୍-ହୋତୁ॒ରାୟ॑ଜୀୟାନ୍ । ଅଗ୍ନେ॒ ୟାନ୍-ଦେ॒ଵାନୟା᳚ଟ୍ । ୟାଗ୍ମ୍ ଅପି॑ପ୍ରେଃ । ୟେ ତେ॑ ହୋ॒ତ୍ରେ ଅମ॑ଥ୍ସତ । ତାଗ୍ମ୍ ସ॑ସ॒ନୁଷୀ॒ଗ୍ମ୍॒ ହୋତ୍ରା᳚-ନ୍ଦେଵ-ଙ୍ଗ॒ମାମ୍ । ଦି॒ଵି ଦେ॒ଵେଷୁ॑ ୟ॒ଜ୍ଞମେର॑ୟେ॒ମମ୍ । ସ୍ଵି॒ଷ୍ଟ॒କୃଚ୍ଚାଗ୍ନେ॒ ହୋତା-ଽଭୂଃ᳚ ।
ଵ॒ସୁ॒ଵନେ॑ ଵସୁ॒ଧେୟ॑ସ୍ୟ ନମୋଵା॒କେ ଵୀହି॑ ॥ 19 ॥
(ଅପି॑ପ୍ରେଃ॒ ପଞ୍ଚ॑ ଚ) (ଅ. 9)
ଅନୁଵାକଂ 10 – ସୂକ୍ତାଵାକଃ
ଇ॒ଦ-ନ୍ଦ୍ୟା॑ଵାପୃଥିଵୀ ଭ॒ଦ୍ରମ॑ଭୂତ୍ ।
ଆର୍ଧ୍ମ॑ ସୂକ୍ତଵା॒କମ୍ । ଉ॒ତ ନ॑ମୋଵା॒କମ୍ ।
ଋ॒ଦ୍ଧ୍ୟାସ୍ମ॑ ସୂ॒କ୍ତୋଚ୍ୟ॑ମଗ୍ନେ । ତ୍ଵଗ୍ମ୍ ସୂ᳚କ୍ତ॒ଵାଗ॑ସି ।
ଉପ॑ଶ୍ରିତୋ ଦି॒ଵଃ ପୃ॑ଥି॒ଵ୍ୟୋଃ । ଓମ॑ନ୍ଵତୀ ତେ॒-ଽସ୍ମିନ୍. ୟ॒ଜ୍ଞେ ୟ॑ଜମାନ॒ ଦ୍ୟାଵା॑ପୃଥି॒ଵୀ ସ୍ତା᳚ମ୍ ।
ଶ॒ଗଂ॒ୟେ ଜୀ॒ରଦା॑ନୂ । ଅତ୍ର॑ସ୍ନୂ॒ ଅପ୍ର॑ଵେଦେ ।
ଉ॒ରୁଗ॑ଵ୍ୟୂତୀ ଅଭୟ॒-ଙ୍କୃତୌ᳚ ॥ 20 ॥
ଵୃ॒ଷ୍ଟିଦ୍ୟା॑ଵା ରୀ॒ତ୍ୟା॑ପା । ଶ॒ମ୍ଭୁଵୌ॑ ମୟୋ॒ଭୁଵୌ᳚ ।
ଊର୍ଜ॑ସ୍ଵତୀ ଚ॒ ପୟ॑ସ୍ଵତୀ ଚ । ସୂ॒ପ॒ଚ॒ର॒ଣା ଚ॑ ସ୍ଵଧିଚର॒ଣା ଚ॑ । ତୟୋ॑ରା॒ଵିଦି॑ ॥
ଅ॒ଗ୍ନିରି॒ଦଗ୍ମ୍ ହ॒ଵିର॑ଜୁଷତ । ଅଵୀ॑ଵୃଧତ॒ ମହୋ॒ ଜ୍ୟାୟୋ॑-ଽକୃତ । ସୋମ॑ ଇ॒ଦଗ୍ମ୍ ହ॒ଵିର॑ଜୁଷତ । ଅଵୀ॑ଵୃଧତ॒ ମହୋ॒ ଜ୍ୟାୟୋ॑-ଽକୃତ ।
ଅ॒ଗ୍ନିରି॒ଦଗ୍ମ୍ ହ॒ଵିର॑ଜୁଷତ ॥ 21 ॥
ଅଵୀ॑ଵୃଧତ॒ ମହୋ॒ ଜ୍ୟାୟୋ॑-ଽକୃତ । ପ୍ର॒ଜାପ॑ତିରି॒ଦଗ୍ମ୍ ହ॒ଵିର॑ଜୁଷତ । ଅଵୀ॑ଵୃଧତ॒ ମହୋ॒ ଜ୍ୟାୟୋ॑-ଽକୃତ । ଅ॒ଗ୍ନୀଷୋମା॑ଵି॒ଦଗ୍ମ୍ ହ॒ଵିର॑ଜୁଷେତାମ୍ ।
ଅଵୀ॑ଵୃଧେତା॒-ମ୍ମହୋ॒ ଜ୍ୟାୟୋ᳚-ଽକ୍ରାତାମ୍ ।
ଇ॒ନ୍ଦ୍ରା॒ଗ୍ନୀ ଇ॒ଦଗ୍ମ୍ ହ॒ଵିର॑ଜୁଷେତାମ୍ ।
ଅଵୀ॑ଵୃଧେତା॒-ମ୍ମହୋ॒ ଜ୍ୟାୟୋ᳚-ଽକ୍ରାତାମ୍ । ଇନ୍ଦ୍ର॑ ଇ॒ଦଗ୍ମ୍ ହ॒ଵିର॑ଜୁଷତ । ଅଵୀ॑ଵୃଧତ॒ ମହୋ॒ ଜ୍ୟାୟୋ॑-ଽକୃତ । ମ॒ହେ॒ନ୍ଦ୍ର ଇ॒ଦଗ୍ମ୍ ହ॒ଵିର॑ଜୁଷତ ॥ 22 ॥
ଅଵୀ॑ଵୃଧତ॒ ମହୋ॒ ଜ୍ୟାୟୋ॑-ଽକୃତ । ଦେ॒ଵା ଆ᳚ଜ୍ୟ॒ପା ଆଜ୍ୟ॑ମଜୁଷନ୍ତ । ଅଵୀ॑ଵୃଧନ୍ତ॒ ମହୋ॒ ଜ୍ୟାୟୋ᳚-ଽକ୍ରତ । ଅ॒ଗ୍ନିର୍ହୋ॒ତ୍ରେଣେ॒ଦଗ୍ମ୍ ହ॒ଵିର॑ଜୁଷତ ।
ଅଵୀ॑ଵୃଧତ॒ ମହୋ॒ ଜ୍ୟାୟୋ॑-ଽକୃତ ।
ଅ॒ସ୍ୟାମୃଧ॒-ଦ୍ଧୋତ୍ରା॑ୟା-ନ୍ଦେଵଙ୍ଗ॒ମାୟା᳚ମ୍ ।
ଆଶା᳚ସ୍ତେ॒-ଽୟଂ-ୟଁଜ॑ମାନୋ॒-ଽସୌ ॥
ଆୟୁ॒ରାଶା᳚ସ୍ତେ । ସୁ॒ପ୍ର॒ଜା॒ସ୍ତ୍ଵ-ମାଶା᳚ସ୍ତେ ।
ସ॒ଜା॒ତ॒ଵ॒ନ॒ସ୍ୟା-ମାଶା᳚ସ୍ତେ ॥ 23 ॥
ଉତ୍ତ॑ରା-ନ୍ଦେଵୟ॒ଜ୍ୟା-ମାଶା᳚ସ୍ତେ । ଭୂୟୋ॑ ହଵି॒ଷ୍କର॑ଣ॒-ମାଶା᳚ସ୍ତେ । ଦି॒ଵ୍ୟ-ନ୍ଧାମାଶା᳚ସ୍ତେ । ଵିଶ୍ଵ॑-ମ୍ପ୍ରି॒ୟମାଶା᳚ସ୍ତେ । ୟଦ॒ନେନ॑ ହ॒ଵିଷା ଽଽଶା᳚ସ୍ତେ । ତଦ॑ଶ୍ୟା॒ତ୍-ତଦୃ॑ଦ୍ଧ୍ୟାତ୍ । ତଦ॑ସ୍ମୈ ଦେ॒ଵା ରା॑ସନ୍ତାମ୍ । ତଦ॒ଗ୍ନି-ର୍ଦେ॒ଵୋ ଦେ॒ଵେଭ୍ୟୋ॒ ଵନ॑ତେ । ଵ॒ୟମ॒ଗ୍ନେ-ର୍ମାନୁ॑ଷାଃ । ଇ॒ଷ୍ଟ-ଞ୍ଚ॑ ଵୀ॒ତ-ଞ୍ଚ॑ । ଉ॒ଭେ ଚ॑ ନୋ॒ ଦ୍ୟାଵା॑ପୃଥି॒ଵୀ ଅଗ୍ମ୍ହ॑ସସ୍ପାତାମ୍ ।
ଇ॒ହ ଗତି॑-ର୍ଵା॒ମସ୍ୟେ॒ଦ-ଞ୍ଚ॑ । ନମୋ॑ ଦେ॒ଵେଭ୍ୟଃ॑ ॥ 24 ॥
(ଅ॒ଭ॒ୟ॒ଙ୍କୃତା॑ଵକୃ – ତା॒ଗ୍ନିରି॒ଦଗ୍ମ୍ ହ॒ଵିର॑ଜୁଷତ – ମହେ॒ନ୍ଦ୍ର ଇ॒ଦଗ୍ମ୍ ହ॒ଵିର॑ଜୁଷତ – ସଜାତଵନ॒ସ୍ୟାମାଶା᳚ସ୍ତେ – ଵୀ॒ତ-ଞ୍ଚ॒ ତ୍ରୀଣି॑ ଚ) (ଅ. 10)
ଅନୁଵାକଂ 11 – ଶଂୟୁଁଵାକଃ
ତଚ୍ଛଂ॒-ୟୋଁରା ଵୃ॑ଣୀମହେ । ଗା॒ତୁଂ-ୟଁ॒ଜ୍ଞାୟ॑ । ଗା॒ତୁଂ-ୟଁ॒ଜ୍ଞପ॑ତୟେ । ଦୈଵୀ᳚ ସ୍ଵ॒ସ୍ତିର॑ସ୍ତୁ ନଃ । ସ୍ଵ॒ସ୍ତି-ର୍ମାନୁ॑ଷେଭ୍ୟଃ । ଊ॒ର୍ଧ୍ଵ-ଞ୍ଜି॑ଗାତୁ ଭେଷ॒ଜମ୍ ।
ଶ-ନ୍ନୋ॑ ଅସ୍ତୁ ଦ୍ଵି॒ପଦେ᳚ । ଶ-ଞ୍ଚତୁ॑ଷ୍ପଦେ ॥ 25 ॥
(ତଚ୍ଛଂ॒-ୟୋଁର॒ଷ୍ଟୌ) (ଅ. 11)
ଅନୁଵାକଂ 12 – ପତ୍ନୀସଂୟାଁଜାନାଂ-ୟାଁଜ୍ୟାନୁଵାକ୍ୟାଃ
ଆ ପ୍ୟା॑ୟସ୍ଵ॒ ସମେ॑ତୁ ତେ ଵି॒ଶ୍ଵତ॑-ସ୍ସୋମ॒ ଵୃଷ୍ଣି॑ୟମ୍ । ଭଵା॒ ଵାଜ॑ସ୍ୟ ସଙ୍ଗ॒ଥେ ॥ ସ-ନ୍ତେ॒ ପୟାଗ୍ମ୍ ॑ସି॒ ସମୁ॑ ୟନ୍ତୁ॒ ଵାଜା॒-ସ୍ସଂ-ଵୃଁଷ୍ଣି॑ୟା-ନ୍ୟଭିମାତି॒ଷାହଃ॑ । ଆ॒ପ୍ୟାୟ॑ମାନୋ ଅ॒ମୃତା॑ୟ ସୋମ ଦି॒ଵି ଶ୍ରଵାଗ୍॑ସ୍ୟୁତ୍ତ॒ମାନି॑ ଧିଷ୍ଵ ॥ ॥
ଇ॒ହ ତ୍ଵଷ୍ଟା॑ରମଗ୍ରି॒ୟଂ-ଵିଁ॒ଶ୍ଵରୂ॑ପ॒ମୁପ॑ ହ୍ଵୟେ । ଅ॒ସ୍ମାକ॑ମସ୍ତୁ॒ କେଵ॑ଲଃ ॥ ତନ୍ନ॑ସ୍ତୁ॒ରୀପ॒ମଧ॑ ପୋଷୟି॒ତ୍ନୁ ଦେଵ॑ ତ୍ଵଷ୍ଟ॒ର୍ଵି ର॑ରା॒ଣ-ସ୍ସ୍ୟ॑ସ୍ଵ । ୟତୋ॑ ଵୀ॒ରଃ କ॑ର୍ମ॒ଣ୍ୟ॑-ସ୍ସୁ॒ଦକ୍ଷୋ॑ ୟୁ॒କ୍ତଗ୍ରା॑ଵା॒ ଜାୟ॑ତେ ଦେ॒ଵକା॑ମଃ ॥ ॥
ଦେ॒ଵାନା॒-ମ୍ପତ୍ନୀ॑ରୁଶ॒ତୀର॑ଵନ୍ତୁ ନଃ । ପ୍ରାଵ॑ନ୍ତୁ ନସ୍ତୁ॒ଜୟେ॒ ଵାଜ॑ସାତୟେ । ୟାଃ ପାର୍ଥି॑ଵାସୋ॒ ୟା ଅ॒ପାମପି॑ ଵ୍ର॒ତେ । ତା ନୋ॑ ଦେଵୀ-ସ୍ସୁହଵା॒-ଶ୍ଶର୍ମ॑ ୟଚ୍ଛତ ॥ ଉ॒ତ ଗ୍ନା ଵି॑ୟନ୍ତୁ ଦେ॒ଵପ॑ତ୍ନୀଃ । ଇ॒ନ୍ଦ୍ରା॒ଣ୍ୟ॑ଗ୍ନାୟ୍ୟ॒ଶ୍ଵିନୀ॒ ରାଟ୍ । ଆ ରୋଦ॑ସୀ ଵରୁଣା॒ନୀ ଶୃ॑ଣୋତୁ ।
ଵି॒ୟନ୍ତୁ॑ ଦେ॒ଵୀର୍ୟ ଋ॒ତୁର୍ଜନୀ॑ନାମ୍ ॥ 26 ॥
ଅ॒ଗ୍ନିର୍-ହୋତା॑ ଗୃ॒ହପ॑ତି॒-ସ୍ସ ରାଜା᳚ । ଵିଶ୍ଵା॑ ଵେଦ॒ ଜନି॑ମା ଜା॒ତଵେ॑ଦାଃ । ଦେ॒ଵାନା॑ମୁ॒ତ ୟୋ ମର୍ତ୍ୟା॑ନାମ୍ । ୟଜି॑ଷ୍ଠ॒-ସ୍ସ ପ୍ରୟ॑ଜତାମୃ॒ତାଵା᳚ ॥
ଵ॒ୟମୁ॑ ତ୍ଵା ଗୃହପତେ॒ ଜନା॑ନାମ୍ । ଅଗ୍ନେ॒ ଅକ॑ର୍ମ ସ॒ମିଧା॑ ବୃ॒ହନ୍ତ᳚ମ୍ । ଅ॒ସ୍ଥୂ॒ରିଣୋ॒ ଗାର୍ହ॑ପତ୍ୟାନି ସନ୍ତୁ । ତି॒ଗ୍ମେନ॑ ନ॒ସ୍ତେଜ॑ସା॒ ସଗ୍ମ୍ଶି॑ଶାଧି ॥ 27 ॥
(ଜନୀ॑ନା – +ମ॒ଷ୍ଟୌ ଚ॑) (ଅ. 12)
ଅନୁଵାକଂ 13 – ପତ୍ନୀସଂୟାଁଜେ ସୋମାହ୍ଵାନମ୍
ଉପ॑ହୂତଗ୍ମ୍ ରଥନ୍ତ॒ରଗ୍ମ୍ ସ॒ହ ପୃ॑ଥି॒ଵ୍ୟା ।
ଉପ॑ ମା ରଥନ୍ତ॒ରଗ୍ମ୍ ସ॒ହ ପୃ॑ଥି॒ଵ୍ୟା ହ୍ଵ॑ୟତାମ୍ ।
ଉପ॑ହୂତଂ-ଵାଁମଦେ॒ଵ୍ୟଗ୍ମ୍ ସ॒ହାନ୍ତରି॑କ୍ଷେଣ ।
ଉପ॑ ମା ଵାମଦେ॒ଵ୍ୟଗ୍ମ୍ ସ॒ହାନ୍ତରି॑କ୍ଷେଣ ହ୍ଵୟତାମ୍ । ଉପ॑ହୂତ-ମ୍ବୃ॒ହଥ୍ସ॒ହ ଦି॒ଵା । ଉପ॑ ମା ବୃ॒ହଥ୍ସ॒ହ ଦି॒ଵା ହ୍ଵ॑ୟତାମ୍ । ଉପ॑ହୂତା-ସ୍ସ॒ପ୍ତ ହୋତ୍ରାଃ᳚ ।
ଉପ॑ ମା ସ॒ପ୍ତ ହୋତ୍ରା᳚ ହ୍ଵୟନ୍ତାମ୍ । ଉପ॑ହୂତା ଧେ॒ନୁ-ସ୍ସ॒ହର୍ଷ॑ଭା । ଉପ॑ ମା ଧେ॒ନୁ-ସ୍ସ॒ହର୍ଷ॑ଭା ହ୍ଵୟତାମ୍ ॥ 28 ॥
ଉପ॑ହୂତୋ ଭ॒କ୍ଷ-ସ୍ସଖା᳚ । ଉପ॑ ମା ଭ॒କ୍ଷ-ସ୍ସଖା᳚ ହ୍ଵୟତାମ୍ । ଉପ॑ହୂ॒ତାଁ(4) ହୋ । ଇଡୋପ॑ହୂତା । ଉପ॑ହୂ॒ତେଡା᳚ । ଉପୋ॑ ଅ॒ସ୍ମାଗ୍ମ୍ ଇଡା᳚ ହ୍ଵୟତାମ୍ । ଇଡୋପ॑ହୂତା । ଉପ॑ହୂ॒ତେଡା᳚ । ମା॒ନ॒ଵୀ ଘୃ॒ତପ॑ଦୀ ମୈତ୍ରାଵରୁ॒ଣୀ ।
ବ୍ରହ୍ମ॑ ଦେ॒ଵକୃ॑ତ॒ମୁପ॑ହୂତମ୍ ॥ 29 ॥
ଦୈଵ୍ୟା॑ ଅଦ୍ଧ୍ଵ॒ର୍ୟଵ॒ ଉପ॑ହୂତାଃ । ଉପ॑ହୂତା ମନୁ॒ଷ୍ୟାଃ᳚ । ୟ ଇ॒ମଂ-ୟଁ॒ଜ୍ଞମଵାନ୍॑ । ୟେ ୟ॒ଜ୍ଞପ॑ତ୍ନୀଂ॒-ଵଁର୍ଧାନ୍॑ । ଉପ॑ହୂତେ॒ ଦ୍ୟାଵା॑ପୃଥି॒ଵୀ । ପୂ॒ର୍ଵ॒ଜେ ଋ॒ତାଵ॑ରୀ । ଦେ॒ଵୀ ଦେ॒ଵପୁ॑ତ୍ରେ । ଉପ॑ହୂତେ॒ୟଂ-ୟଁଜ॑ମାନା । ଇ॒ନ୍ଦ୍ରା॒ଣୀଵା॑ଵିଧ॒ଵା । ଅଦି॑ତିରିଵ ସୁପୁ॒ତ୍ରା । ଉତ୍ତ॑ରସ୍ୟା-ନ୍ଦେଵୟ॒ଜ୍ୟାୟା॒-ମୁପ॑ହୂତା ।
ଭୂୟ॑ସି ହଵି॒ଷ୍କର॑ଣ॒ ଉପ॑ହୂତା । ଦି॒ଵ୍ୟେ ଧାମ॒ନ୍ନୁପ॑ହୂତା । ଇ॒ଦ-ମ୍ମେ॑ ଦେ॒ଵା ହ॒ଵି-ର୍ଜୁ॑ଷନ୍ତା॒ମିତି॒ ତସ୍ମି॒-ନ୍ନୁପ॑ହୂତା । ଵିଶ୍ଵ॑ମସ୍ୟାଃ ପ୍ରି॒ୟମୁପ॑ହୂତମ୍ ।
ଵିଶ୍ଵ॑ସ୍ୟ ପ୍ରି॒ୟସ୍ୟୋପ॑ହୂତ॒ସ୍ୟୋପ॑ହୂତା ॥ 30 ॥
(ସ॒ହର୍ଷ॑ଭା ହ୍ଵୟତା॒ – ମୁପ॑ହୂତଗ୍ମ୍ – ସୁପୁ॒ତ୍ରା ଷଟ୍ଚ॑) (ଅ. 13)
(ସ॒ତ୍ୟଂ – ପ୍ରଵୋ – ଽଗ୍ନେ॑ ମ॒ହା – ନ॒ଗ୍ନିର୍-ହୋତା॑ – ସ॒ମିଧୋ॒ – ଽଗ୍ନି-ର୍ଵୃ॒ତ୍ରାଣ୍ୟ॒ – ଗ୍ନି-ର୍ମୂ॒ର୍ଧୋ – ପ॑ହୂତଂ – ଦେ॒ଵ-ମ୍ବ॒ର୍॒ହି – ରି॒ଦ-ନ୍ଦ୍ୟା॑ଵାପୃଥିଵୀ॒ -ତଚ୍ଛଂ॒ୟୋଁ- ରା ପ୍ୟା॑ୟ॒ସ୍ଵୋ – ପ॑ହୂତ॒-ନ୍ତ୍ରୟୋ॑ଦଶ)
(ସ॒ତ୍ୟଂ – ଁଵ॒ୟଗ୍ଗ୍ ସ୍ୟା॑ମ – ଵୃ॒ଷ୍ଟିଦ୍ୟା॑ଵା ତ୍ରି॒ଗ୍ମ୍॒ଶତ୍)
(ସ॒ତ୍ୟ-ମୁପ॑ହୂତା)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ପଞ୍ଚମ ପ୍ରପାଠକ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 3.5 - ଇଷ୍ଟିହୌତ୍ରମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ସତ୍ୟଂ ପ୍ରପଦ୍ୟେ?
3.5 - ଇଷ୍ଟିହୌତ୍ରମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ସତ୍ୟଂ ପ୍ରପଦ୍ୟେ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 3.5 - ଇଷ୍ଟିହୌତ୍ରମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ସତ୍ୟଂ ପ୍ରପଦ୍ୟେ online?
Yes. The imported text is available directly on this page for online reading and recitation.
Can I download 3.5 - ଇଷ୍ଟିହୌତ୍ରମ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ସତ୍ୟଂ ପ୍ରପଦ୍ୟେ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.