3.1 – ନକ୍ଷତ୍ରେଷ୍ଟୀନାଂ ୟାଜ୍ୟାଽନୁଵାକ୍ୟା ବ୍ରାହ୍ମଣାନି – କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ – ଅଗ୍ନିରଃ ପାତୁ କୃତ୍ତିକାଃ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ପ୍ରଥମଃ ପ୍ରପାଠକଃ – ନକ୍ଷତ୍ରେଷ୍ଟୀନାଂ-ୟାଁଜ୍ୟା-ଽନୁଵାକ୍ୟା ବ୍ରାହ୍ମଣାନି
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1 – ଦେଵନକ୍ଷତ୍ରାଣାଂ-ୟାଁଜ୍ୟାନୁଵାକ୍ୟାଃ
ଅ॒ଗ୍ନିର୍ନଃ॑ ପାତୁ॒ କୃତ୍ତି॑କାଃ । ନକ୍ଷ॑ତ୍ର-ନ୍ଦେ॒ଵମି॑ନ୍ଦ୍ରି॒ୟମ୍ । ଇ॒ଦମା॑ସାଂ-ଵିଁଚକ୍ଷ॒ଣମ୍ । ହ॒ଵିରା॒ସ-ଞ୍ଜୁ॑ହୋତନ ॥ ୟସ୍ୟ॒ ଭାନ୍ତି॑ ର॒ଶ୍ମୟୋ॒ ୟସ୍ୟ॑ କେ॒ତଵଃ॑ । ୟସ୍ୟେ॒ମା ଵିଶ୍ଵା॒ ଭୁଵ॑ନାନି॒ ସର୍ଵା᳚ ।
ସ କୃତ୍ତି॑କାଭିର॒ଭି ସଂ॒ଵଁସା॑ନଃ । ଅ॒ଗ୍ନିର୍ନୋ॑ ଦେ॒ଵ-ସ୍ସୁ॑ଵି॒ତେ ଦ॑ଧାତୁ ॥ ପ୍ର॒ଜାପ॑ତେ ରୋହି॒ଣୀ ଵେ॑ତୁ॒ ପତ୍ନୀ᳚ ।
ଵି॒ଶ୍ଵରୂ॑ପା ବୃହ॒ତୀ ଚି॒ତ୍ରଭା॑ନୁଃ ॥ 1 ॥
ସା ନୋ॑ ୟ॒ଜ୍ଞସ୍ୟ॑ ସୁଵି॒ତେ ଦ॑ଧାତୁ । ୟଥା॒ ଜୀଵେ॑ମ ଶ॒ରଦ॒-ସ୍ସଵୀ॑ରାଃ ॥ ରୋ॒ହି॒ଣୀ ଦେ॒ଵ୍ୟୁଦ॑ଗା-ତ୍ପୁ॒ରସ୍ତା᳚ତ୍ । ଵିଶ୍ଵା॑ ରୂ॒ପାଣି॑ ପ୍ରତି॒ମୋଦ॑ମାନା । ପ୍ର॒ଜାପ॑ତିଗ୍ମ୍ ହ॒ଵିଷା॑ ଵ॒ର୍ଧୟ॑ନ୍ତୀ । ପ୍ରି॒ୟା ଦେ॒ଵାନା॒-ମୁପ॑ୟାତୁ ୟ॒ଜ୍ଞମ୍ ॥ ସୋମୋ॒ ରାଜା॑ ମୃଗଶୀ॒ର॒.ଷେଣ॒ ଆଗନ୍ନ୍॑ । ଶି॒ଵ-ନ୍ନକ୍ଷ॑ତ୍ର-ମ୍ପ୍ରି॒ୟମ॑ସ୍ୟ॒ ଧାମ॑ ।
ଆ॒ପ୍ୟାୟ॑ମାନୋ ବହୁ॒ଧା ଜନେ॑ଷୁ ।
ରେତଃ॑ ପ୍ର॒ଜାଂ-ୟଁଜ॑ମାନେ ଦଧାତୁ ॥ 2 ॥
ୟ-ତ୍ତେ॒ ନକ୍ଷ॑ତ୍ର-ମ୍ମୃଗଶୀ॒ର॒.ଷମସ୍ତି॑ ।
ପ୍ରି॒ୟଗ୍ମ୍ ରା॑ଜ-ନ୍ପ୍ରି॒ୟତ॑ମ-ମ୍ପ୍ରି॒ୟାଣା᳚ମ୍ ।
ତସ୍ମୈ॑ ତେ ସୋମ ହ॒ଵିଷା॑ ଵିଧେମ ।
ଶନ୍ନ॑ ଏଧି ଦ୍ଵି॒ପଦେ॒ ଶ-ଞ୍ଚତୁ॑ଷ୍ପଦେ ॥
ଆ॒ର୍ଦ୍ରୟା॑ ରୁ॒ଦ୍ରଃ ପ୍ରଥ॑ମାନ ଏତି । ଶ୍ରେଷ୍ଠୋ॑ ଦେ॒ଵାନା॒-ମ୍ପତି॑ରଘ୍ନି॒ୟାନା᳚ମ୍ । ନକ୍ଷ॑ତ୍ରମସ୍ୟ ହ॒ଵିଷା॑ ଵିଧେମ । ମା ନଃ॑ ପ୍ର॒ଜାଗ୍ମ୍ ରୀ॑ରିଷ॒-ନ୍ମୋତ ଵୀ॒ରାନ୍ ॥
ହେ॒ତୀ ରୁ॒ଦ୍ରସ୍ୟ॒ ପରି॑ଣୋ ଵୃଣକ୍ତୁ । ଆ॒ର୍ଦ୍ରା ନକ୍ଷ॑ତ୍ର-ଞ୍ଜୁଷତାଗ୍ମ୍ ହ॒ଵିର୍ନଃ॑ ॥ 3 ॥
ପ୍ର॒ମୁ॒ଞ୍ଚମା॑ନୌ ଦୁରି॒ତାନି॒ ଵିଶ୍ଵା᳚ । ଅପା॒ଘଶଗ୍ମ୍॑ ସ-ନ୍ନୁଦତା॒ମରା॑ତିମ୍ ॥ ପୁନ॑ର୍ନୋ ଦେ॒ଵ୍ୟଦି॑ତି-ସ୍ସ୍ପୃଣୋତୁ । ପୁନ॑ର୍ଵସୂ ନଃ॒ ପୁନ॒ରେତାଂ᳚-ୟଁ॒ଜ୍ଞମ୍ ।
ପୁନ॑ର୍ନୋ ଦେ॒ଵା ଅ॒ଭିୟ॑ନ୍ତୁ॒ ସର୍ଵେ᳚ । ପୁନଃ॑ ପୁନର୍ଵୋ ହ॒ଵିଷା॑ ୟଜାମଃ ॥ ଏ॒ଵା ନ ଦେ॒ଵ୍ୟଦି॑ତିରନ॒ର୍ଵା । ଵିଶ୍ଵ॑ସ୍ୟ ଭ॒ର୍ତ୍ରୀ ଜଗ॑ତଃ ପ୍ରତି॒ଷ୍ଠା । ପୁନ॑ର୍ଵସୂ ହ॒ଵିଷା॑ ଵ॒ର୍ଧୟ॑ନ୍ତୀ । ପ୍ରି॒ୟ-ନ୍ଦେ॒ଵାନା॒-ମପ୍ୟେ॑ତୁ॒ ପାଥଃ॑ ॥ 4 ॥
ବୃହ॒ସ୍ପତିଃ॑ ପ୍ରଥ॒ମ-ଞ୍ଜାୟ॑ମାନଃ । ତି॒ଷ୍ୟ॑-ନ୍ନକ୍ଷ॑ତ୍ରମ॒ଭି ସମ୍ବ॑ଭୂଵ । ଶ୍ରେଷ୍ଠୋ॑ ଦେ॒ଵାନା॒-ମ୍ପୃତ॑ନାସୁ ଜି॒ଷ୍ଣୁଃ । ଦିଶୋ-ଽନୁ॒ ସର୍ଵା॒ ଅଭ॑ୟନ୍ନୋ ଅସ୍ତୁ ॥
ତି॒ଷ୍ୟଃ॑ ପୁ॒ରସ୍ତା॑ଦୁ॒ତ ମ॑ଦ୍ଧ୍ୟ॒ତୋ ନଃ॑ । ବୃହ॒ସ୍ପତି॑ ର୍ନଃ॒ ପରି॑ପାତୁ ପ॒ଶ୍ଚାତ୍ । ବାଧେ॑ତା॒-ନ୍ଦ୍ଵେଷୋ॒ ଅଭ॑ୟ-ଙ୍କୃଣୁତାମ୍ । ସୁ॒ଵୀର୍ୟ॑ସ୍ୟ॒ ପତ॑ୟ-ସ୍ସ୍ୟାମ ॥
ଇ॒ଦଗ୍ମ୍ ସ॒ର୍ପେଭ୍ୟୋ॑ ହ॒ଵିର॑ସ୍ତୁ॒ ଜୁଷ୍ଟ᳚ମ୍ ।
ଆ॒ଶ୍ରେ॒ଷା ୟେଷା॑-ମନୁ॒ୟନ୍ତି॒ ଚେତଃ॑ ॥ 5 ॥
ୟେ ଅ॒ନ୍ତରି॑କ୍ଷ-ମ୍ପୃଥି॒ଵୀ-ଙ୍କ୍ଷି॒ୟନ୍ତି॑ । ତେନ॑-ସ୍ସ॒ର୍ପାସୋ॒ ହଵ॒ମାଗ॑ମିଷ୍ଠାଃ ॥ ୟେ ରୋ॑ଚ॒ନେ ସୂର୍ୟ॒ସ୍ୟାପି॑
ସ॒ର୍ପାଃ । ୟେ ଦିଵ॑-ନ୍ଦେ॒ଵୀମନୁ॑ ସ॒ଞ୍ଚର॑ନ୍ତି ।
ୟେଷା॑ମାଶ୍ରେ॒ଷା ଅ॑ନୁ॒ୟନ୍ତି॒ କାମ᳚ମ୍ ।
ତେଭ୍ୟ॑-ସ୍ସ॒ର୍ପେଭ୍ୟୋ॒ ମଧୁ॑ମଜ୍ଜୁହୋମି ॥
ଉପ॑ହୂତାଃ ପି॒ତରୋ॒ ୟେ ମ॒ଘାସୁ॑ । ମନୋ॑ଜଵସ-ସ୍ସୁ॒କୃତ॑-ସ୍ସୁକୃ॒ତ୍ୟାଃ । ତେ ନୋ॒ ନକ୍ଷ॑ତ୍ରେ॒ ହଵ॒ମାଗ॑ମିଷ୍ଠାଃ । ସ୍ଵ॒ଧାଭି॑ ର୍ୟ॒ଜ୍ଞ-ମ୍ପ୍ରୟ॑ତ-ଞ୍ଜୁଷନ୍ତାମ୍ ॥ 6 ॥
ୟେ ଅ॑ଗ୍ନିଦ॒ଗ୍ଧା ୟେ-ଽନ॑ଗ୍ନି-ଦଗ୍ଧାଃ । ୟେ॑-ଽମୁଂ-ଲୋଁ॒କ-ମ୍ପି॒ତରଃ॑, କ୍ଷି॒ୟନ୍ତି॑ । ୟାଗ୍ଶ୍ଚ॑ ଵି॒ଦ୍ମୟାଗ୍ମ୍ ଉ॑ ଚ॒ ନ ପ୍ର॑ଵି॒ଦ୍ମ । ମ॒ଘାସୁ॑ ୟ॒ଜ୍ଞଗ୍ମ୍ ସୁକୃ॑ତ-ଞ୍ଜୁଷନ୍ତାମ୍ ॥
ଗଵା॒-ମ୍ପତିଃ॒ ଫଲ୍ଗୁ॑ନୀନାମସି॒ ତ୍ଵମ୍ । ତଦ॑ର୍ୟମନ୍ ଵରୁଣ ମିତ୍ର॒ ଚାରୁ॑ । ତ-ନ୍ତ୍ଵା॑ ଵ॒ୟଗ୍ମ୍ ସ॑ନି॒ତାରଗ୍ମ୍॑ ସନୀ॒ନାମ୍ । ଜୀ॒ଵା ଜୀଵ॑ନ୍ତ॒ମୁପ॒ ସଂଵିଁ॑ଶେମ ॥
ୟେନେ॒ମା ଵିଶ୍ଵା॒ ଭୁଵ॑ନାନି॒ ସଞ୍ଜି॑ତା ।
ୟସ୍ୟ॑ ଦେ॒ଵା ଅ॑ନୁ ସଂ॒ୟଁନ୍ତି॒ ଚେତଃ॑ ॥ 7 ॥
ଅ॒ର୍ୟ॒ମା ରାଜା॒-ଽଜର॒ସ୍ତୁଵି॑ଷ୍ମାନ୍ । ଫଲ୍ଗୁ॑ନୀନା-ମୃଷ॒ଭୋ ରୋ॑ରଵୀତି ॥ ଶ୍ରେଷ୍ଠୋ॑ ଦେ॒ଵାନା᳚-ମ୍ଭଗଵୋ ଭଗାସି । ତତ୍ତ୍ଵା॑ ଵିଦୁଃ॒ ଫଲ୍ଗୁ॑ନୀ॒ସ୍ତସ୍ୟ॑ ଵିତ୍ତାତ୍ । ଅ॒ସ୍ମଭ୍ୟ॑-ଙ୍କ୍ଷ॒ତ୍ରମ॒ଜରଗ୍ମ୍॑ ସୁ॒ଵୀର୍ୟ᳚ମ୍ । ଗୋମ॒ଦଶ୍ଵ॑-ଵ॒ଦୁପ॒-ସନ୍ନୁ॑ଦେ॒ହ ॥ ଭଗୋ॑ ହ ଦା॒ତା ଭଗ॒ ଇ-ତ୍ପ୍ର॑ଦା॒ତା । ଭଗୋ॑ ଦେ॒ଵୀଃ ଫଲ୍ଗୁ॑ନୀ॒ରାଵି॑ଵେଶ । ଭଗ॒ସ୍ୟେତ୍ତ-ମ୍ପ୍ର॑ସ॒ଵ-ଙ୍ଗ॑ମେମ । ୟତ୍ର॑ ଦେ॒ଵୈ-ସ୍ସ॑ଧ॒ମାଦ॑-ମ୍ମଦେମ ॥ 8 ॥
ଆୟା॑ତୁ ଦେ॒ଵ-ସ୍ସ॑ଵି॒ତୋପ॑ୟାତୁ । ହି॒ର॒ଣ୍ୟୟେ॑ନ ସୁ॒ଵୃତା॒ ରଥେ॑ନ । ଵହ॒ନ୍॒. ହସ୍ତଗ୍ମ୍॑ ସୁ॒ଭଗଂ॑-ଵିଁଦ୍ମ॒ନାପ॑ସମ୍ । ପ୍ର॒ୟଚ୍ଛ॑ନ୍ତ॒-ମ୍ପପୁ॑ରି॒-ମ୍ପୁଣ୍ୟ॒ମଚ୍ଛ॑ ॥
ହସ୍ତଃ॒ ପ୍ରୟ॑ଚ୍ଛ ତ୍ଵ॒ମୃତଂ॒-ଵଁସୀ॑ୟଃ ।
ଦକ୍ଷି॑ଣେନ॒ ପ୍ରତି॑ଗୃଭ୍ଣୀମ ଏନତ୍ ।
ଦା॒ତାର॑ମ॒ଦ୍ୟ ସ॑ଵି॒ତା ଵି॑ଦେୟ ।
ୟୋ ନୋ॒ ହସ୍ତା॑ୟ ପ୍ରସୁ॒ଵାତି॑ ୟ॒ଜ୍ଞମ୍ ॥
ତ୍ଵଷ୍ଟା॒ ନକ୍ଷ॑ତ୍ରମ॒ଭ୍ୟେ॑ତି ଚି॒ତ୍ରାମ୍ ।
ସୁ॒ଭଗ୍ମ୍ ସ॑ସଂ-ୟୁଁଵ॒ତିଗ୍ମ୍ ରୋଚ॑ମାନାମ୍ ॥ 9 ॥
ନି॒ଵେ॒ଶୟ॑-ନ୍ନ॒ମୃତା॒-ନ୍ମର୍ତ୍ୟାଗ୍॑ଶ୍ଚ ।
ରୂ॒ପାଣି॑ ପି॒ଗ୍ମ୍॒ଶ-ନ୍ଭୁଵ॑ନାନି॒ ଵିଶ୍ଵା᳚ ॥
ତନ୍ନ॒ସ୍ତ୍ଵଷ୍ଟା॒ ତଦୁ॑ ଚି॒ତ୍ରା ଵିଚ॑ଷ୍ଟାମ୍ ।
ତନ୍ନକ୍ଷ॑ତ୍ର-ମ୍ଭୂରି॒ଦା ଅ॑ସ୍ତୁ॒ ମହ୍ୟ᳚ମ୍ ।
ତନ୍ନଃ॑ ପ୍ର॒ଜାଂ-ଵୀଁ॒ରଵ॑ତୀଗ୍ମ୍ ସନୋତୁ ।
ଗୋଭି॑ର୍ନୋ॒ ଅଶ୍ଵୈ॒-ସ୍ସମ॑ନକ୍ତୁ ୟ॒ଜ୍ଞମ୍ ॥
ଵା॒ୟୁର୍ନକ୍ଷ॑ତ୍ର-ମ॒ଭ୍ୟେ॑ତି॒ ନିଷ୍ଟ୍ୟା᳚ମ୍ ।
ତି॒ଗ୍ମଶୃ॑ଙ୍ଗୋ ଵୃଷ॒ଭୋ ରୋରୁ॑ଵାଣଃ ।
ସ॒ମୀ॒ରୟ॒-ନ୍ଭୁଵ॑ନା ମାତ॒ରିଶ୍ଵା᳚ ।
ଅପ॒ ଦ୍ଵେଷାଗ୍ମ୍॑ସି ନୁଦତା॒ମରା॑ତୀଃ ॥ 10 ॥
ତନ୍ନୋ॑ ଵା॒ୟୁସ୍ତଦୁ॒ ନିଷ୍ଟ୍ୟା॑ ଶୃଣୋତୁ ।
ତନ୍ନକ୍ଷ॑ତ୍ର-ମ୍ଭୂରି॒ଦା ଅ॑ସ୍ତୁ॒ ମହ୍ୟ᳚ମ୍ ।
ତନ୍ନୋ॑ ଦେ॒ଵାସୋ॒ ଅନୁ॑ ଜାନନ୍ତୁ॒ କାମ᳚ମ୍ । ୟଥା॒ ତରେ॑ମ ଦୁରି॒ତାନି॒ ଵିଶ୍ଵା᳚ ॥ ଦୂ॒ରମ॒ସ୍ମଚ୍ଛତ୍ର॑ଵୋ ୟନ୍ତୁ ଭୀ॒ତାଃ । ତଦି॑ନ୍ଦ୍ରା॒ଗ୍ନୀ କୃ॑ଣୁତା॒-ନ୍ତ-ଦ୍ଵିଶା॑ଖେ ।
ତନ୍ନୋ॑ ଦେ॒ଵା ଅନୁ॑ମଦନ୍ତୁ ୟ॒ଜ୍ଞମ୍ । ପ॒ଶ୍ଚା-ତ୍ପୁ॒ରସ୍ତା॒-ଦଭ॑ୟନ୍ନୋ ଅସ୍ତୁ ॥ ନକ୍ଷ॑ତ୍ରାଣା॒-ମଧି॑ପତ୍ନୀ॒ ଵିଶା॑ଖେ ।
ଶ୍ରେଷ୍ଠା॑ଵିନ୍ଦ୍ରା॒ଗ୍ନୀ ଭୁଵ॑ନସ୍ୟ ଗୋ॒ପୌ ॥ 11 ॥
ଵିଷୂ॑ଚ॒-ଶ୍ଶତ୍ରୂ॑-ନପ॒ବାଧ॑ମାନୌ । ଅପ॒ କ୍ଷୁଧ॑-ନ୍ନୁଦତା॒ମରା॑ତିମ୍ ॥ ପୂ॒ର୍ଣା ପ॒ଶ୍ଚାଦୁ॒ତ ପୂ॒ର୍ଣା ପୁ॒ରସ୍ତା᳚ତ୍ । ଉନ୍ମ॑ଦ୍ଧ୍ୟ॒ତଃ ପୌ᳚ର୍ଣମା॒ସୀ ଜି॑ଗାୟ ।
ତସ୍ୟା᳚-ନ୍ଦେ॒ଵା ଅଧି॑ ସଂ॒ଵଁସ॑ନ୍ତଃ ।
ଉ॒ତ୍ତ॒ମେ ନାକ॑ ଇ॒ହ ମା॑ଦୟନ୍ତାମ୍ ॥
ପୃ॒ଥ୍ଵୀ ସୁ॒ଵର୍ଚା॑ ୟୁଵ॒ତି-ସ୍ସ॒ଜୋଷାଃ᳚ । ପୌ॒ର୍ଣ॒ମା॒ସ୍ୟୁଦ॑ଗା॒-ଚ୍ଛୋଭ॑ମାନା ।
ଆ॒ପ୍ୟା॒ୟୟ॑ନ୍ତୀ ଦୁରି॒ତାନି॒ ଵିଶ୍ଵା᳚ ।
ଉ॒ରୁ-ନ୍ଦୁହାଂ॒-ୟଁଜ॑ମାନାୟ ୟ॒ଜ୍ଞମ୍ ॥ 12 ॥
(ଚି॒ତ୍ରଭା॑ନୁ॒-ର୍ ୟଜ॑ମାନେ ଦଧାତୁ – ହ॒ଵିର୍ନଃ॒ – ପାଥ॒ – ଶ୍ଚେତୋ॑ – ଜୁଷନ୍ତାଂ॒ – ଚେତୋ॑ – ମଦେମ॒ – ରୋଚ॑ମାନା॒ – ମରା॑ତୀ–ର୍ ଗୋ॒ପୌ – ୟ॒ଜ୍ଞଂ) (ଅ. 1)
ଅନୁଵାକଂ 2 – ୟମନକ୍ଷତ୍ରାଣାଂ-ୟାଁଜ୍ୟାନୁଵାକ୍ୟାଃ
ଋ॒ଦ୍ଧ୍ୟାସ୍ମ॑ ହ॒ଵ୍ୟୈ-ର୍ନମ॑ସୋପ॒ ସଦ୍ୟ॑ ।
ମି॒ତ୍ର-ନ୍ଦେ॒ଵ-ମ୍ମି॑ତ୍ର॒ଧେୟ॑ନ୍ନୋ ଅସ୍ତୁ । ଅ॒ନୂ॒ରା॒ଧାନ୍. ହ॒ଵିଷା॑ ଵ॒ର୍ଧୟ॑ନ୍ତଃ । ଶ॒ତ-ଞ୍ଜୀ॑ଵେମ ଶ॒ରଦ॒-ସ୍ସଵୀ॑ରାଃ ॥ ଚି॒ତ୍ର-ନ୍ନକ୍ଷ॑ତ୍ର॒-ମୁଦ॑ଗା-ତ୍ପୁ॒ରସ୍ତା᳚ତ୍ । ଅ॒ନୂ॒ରା॒ଧାସ॒ ଇତି॒ ୟ-ଦ୍ଵଦ॑ନ୍ତି । ତନ୍ମି॒ତ୍ର ଏ॑ତି ପ॒ଥିଭି॑ ର୍ଦେଵ॒ୟାନୈଃ᳚ । ହି॒ର॒ଣ୍ୟୟୈ॒ ର୍ଵିତ॑ତୈ-ର॒ନ୍ତରି॑କ୍ଷେ ॥
ଇନ୍ଦ୍ରୋ᳚ ଜ୍ୟେ॒ଷ୍ଠାମନୁ॒ ନକ୍ଷ॑ତ୍ରମେତି । ୟସ୍ମି॑ନ୍ ଵୃ॒ତ୍ରଂ-ଵୃଁ॑ତ୍ର॒ ତୂର୍ୟେ॑ ତ॒ତାର॑ ॥ 13 ॥
ତସ୍ମି॑ନ୍ ଵ॒ୟମ॒ମୃତ॒-ନ୍ଦୁହା॑ନାଃ । କ୍ଷୁଧ॑-ନ୍ତରେମ॒ ଦୁରି॑ତି॒-ନ୍ଦୁରି॑ଷ୍ଟିମ୍ ॥ ପୁ॒ର॒ନ୍ଦ॒ରାୟ॑ ଵୃଷ॒ଭାୟ॑ ଧୃ॒ଷ୍ଣଵେ᳚ । ଅଷା॑ଢାୟ॒ ସହ॑ମାନାୟ ମୀ॒ଢୁଷେ᳚ ।
ଇନ୍ଦ୍ରା॑ୟ ଜ୍ୟେ॒ଷ୍ଠା ମଧୁ॑ମ॒-ଦ୍ଦୁହା॑ନା ।
ଉ॒ରୁ-ଙ୍କୃ॑ଣୋତୁ॒ ୟଜ॑ମାନାୟ ଲୋ॒କମ୍ ॥
ମୂଲ॑-ମ୍ପ୍ର॒ଜାଂ-ଵୀଁ॒ରଵ॑ତୀଂ-ଵିଁଦେୟ । ପରା᳚ଚ୍ୟେତୁ॒ ନିର୍-ଋ॑ତିଃ ପରା॒ଚା । ଗୋଭି॒ ର୍ନକ୍ଷ॑ତ୍ର-ମ୍ପ॒ଶୁଭି॒-ସ୍ସମ॑କ୍ତମ୍ । ଅହ॑ର୍ଭୂୟା॒-ଦ୍ୟଜ॑ମାନାୟ॒ ମହ୍ୟ᳚ମ୍ ॥ 14 ॥
ଅହ॑ର୍ନୋ ଅ॒ଦ୍ୟ ସୁ॑ଵି॒ତେ ଦ॑ଧାତୁ । ମୂଲ॒-ନ୍ନକ୍ଷ॑ତ୍ର॒ମିତି॒ ୟ-ଦ୍ଵଦ॑ନ୍ତି । ପରା॑ଚୀଂ-ଵାଁ॒ଚା ନିର୍-ଋ॑ତି-ନ୍ନୁଦାମି ।
ଶି॒ଵ-ମ୍ପ୍ର॒ଜାୟୈ॑ ଶି॒ଵମ॑ସ୍ତୁ॒ ମହ୍ୟ᳚ମ୍ ॥
ୟା ଦି॒ଵ୍ୟା ଆପଃ॒ ପୟ॑ସା ସ-ମ୍ବଭୂ॒ଵୁଃ । ୟା ଅ॒ନ୍ତରି॑କ୍ଷ ଉ॒ତ ପାର୍ଥି॑ଵୀ॒ର୍ୟାଃ । ୟାସା॑ମଷା॒ଢା ଅ॑ନୁ॒ୟନ୍ତି॒
କାମ᳚ମ୍ । ତା ନ॒ ଆପ॒-ଶ୍ଶଗ୍ଗ୍ ସ୍ୟୋ॒ନା ଭ॑ଵନ୍ତୁ ॥
ୟାଶ୍ଚ॒ କୂପ୍ୟା॒ ୟାଶ୍ଚ॑ ନା॒ଦ୍ୟା᳚-ସ୍ସମୁ॒ଦ୍ରିୟାଃ᳚ ।
ୟାଶ୍ଚ॑ ଵୈଶ॒ନ୍ତୀରୁ॒ତ ପ୍ରା॑ସ॒ଚୀର୍ୟାଃ ॥ 15 ॥
ୟାସା॑ମଷା॒ଢା ମଧୁ॑ ଭ॒କ୍ଷୟ॑ନ୍ତି । ତା ନ॒ ଆପ॒-ଶ୍ଶଗ୍ଗ୍ ସ୍ୟୋ॒ନା ଭ॑ଵନ୍ତୁ ॥ ତନ୍ନୋ॒ ଵିଶ୍ଵେ॒ ଉପ॑ ଶୃଣ୍ଵନ୍ତୁ ଦେ॒ଵାଃ । ତଦ॑ଷା॒ଢା ଅ॒ଭି ସଂୟଁ॑ନ୍ତୁ ୟ॒ଜ୍ଞମ୍ ।
ତନ୍ନକ୍ଷ॑ତ୍ର-ମ୍ପ୍ରଥତା-ମ୍ପ॒ଶୁଭ୍ୟଃ॑ ।
କୃ॒ଷି-ର୍ଵୃ॒ଷ୍ଟି-ର୍ୟଜ॑ମାନାୟ କଲ୍ପତାମ୍ ॥
ଶୁ॒ଭ୍ରାଃ କ॒ନ୍ୟା॑ ୟୁଵ॒ତୟ॑-ସ୍ସୁ॒ପେଶ॑ସଃ । କ॒ର୍ମ॒କୃତ॑-ସ୍ସୁ॒କୃତୋ॑ ଵୀ॒ର୍ୟା॑ଵତୀଃ ।
ଵିଶ୍ଵା᳚-ନ୍ଦେ॒ଵାନ୍. ହ॒ଵିଷା॑ ଵ॒ର୍ଧୟ॑ନ୍ତୀଃ ।
ଅ॒ଷା॒ଢାଃ କାମ॒ମୁପ॑ୟାନ୍ତୁ ୟ॒ଜ୍ଞମ୍ ॥ 16 ॥
ୟସ୍ମି॒-ନ୍ବ୍ରହ୍ମା॒-ଽଭ୍ୟଜ॑ୟ॒-ଥ୍ସର୍ଵ॑ମେ॒ତତ୍ ।
ଅ॒ମୁଞ୍ଚ॑ ଲୋ॒କ ମି॒ଦମୂ॑ଚ॒ ସର୍ଵ᳚ମ୍ ।
ତନ୍ନୋ॒ ନକ୍ଷ॑ତ୍ରମଭି॒ଜି-ଦ୍ଵି॒ଜିତ୍ୟ॑ । ଶ୍ରିୟ॑-ନ୍ଦଧା॒-ତ୍ଵହୃ॑ଣୀୟମାନମ୍ ॥ ଉ॒ଭୌ ଲୋ॒କୌ ବ୍ରହ୍ମ॑ଣା॒ ସଞ୍ଜି॑ତେ॒ମୌ । ତନ୍ନୋ॒ ନକ୍ଷ॑ତ୍ରମଭି॒ଜି-ଦ୍ଵିଚ॑ଷ୍ଟାମ୍ ।
ତସ୍ମି॑ନ୍ ଵ॒ୟ-ମ୍ପୃତ॑ନା॒-ସ୍ସ-ଞ୍ଜ॑ୟେମ ।
ତନ୍ନୋ॑ ଦେ॒ଵାସୋ॒ ଅନୁ॑ଜାନନ୍ତୁ॒ କାମ᳚ମ୍ ॥
ଶୃ॒ଣ୍ଵନ୍ତି॑ ଶ୍ରୋ॒ଣା-ମ॒ମୃତ॑ସ୍ୟ ଗୋ॒ପାମ୍ ।
ପୁଣ୍ୟା॑ମସ୍ୟା॒ ଉପ॑ଶୃଣୋମି॒ ଵାଚ᳚ମ୍ ॥ 17 ॥
ମ॒ହୀ-ନ୍ଦେ॒ଵୀଂ-ଵିଁଷ୍ଣୁ॑ପତ୍ନୀ-ମଜୂ॒ର୍ୟାମ୍ । ପ୍ର॒ତୀଚୀ॑ମେନାଗ୍ମ୍ ହ॒ଵିଷା॑ ୟଜାମଃ ॥
ତ୍ରେ॒ଧା ଵିଷ୍ଣୁ॑-ରୁରୁଗା॒ୟୋ ଵିଚ॑କ୍ରମେ ।
ମ॒ହୀ-ନ୍ଦିଵ॑-ମ୍ପୃଥି॒ଵୀ-ମ॒ନ୍ତରି॑କ୍ଷମ୍ ।
ତଚ୍ଛ୍ରୋ॒ଣୈତି॒ ଶ୍ରଵ॑ ଇ॒ଚ୍ଛମା॑ନା ।
ପୁଣ୍ୟ॒ଗ୍ଗ୍॒ ଶ୍ଲୋକଂ॒-ୟଁଜ॑ମାନାୟ କୃଣ୍ଵ॒ତୀ ॥
ଅ॒ଷ୍ଟୌ ଦେ॒ଵା ଵସ॑ଵ-ସ୍ସୋ॒ମ୍ୟାସଃ॑ ।
ଚତ॑ସ୍ରୋ ଦେ॒ଵୀ ର॒ଜରା॒-ଶ୍ଶ୍ରଵି॑ଷ୍ଠାଃ ।
ତେ ୟ॒ଜ୍ଞ-ମ୍ପା᳚ନ୍ତୁ॒ ରଜ॑ସଃ ପ॒ରସ୍ତା᳚ତ୍ ।
ସଂ॒ଵଁ॒ଥ୍ସ॒ରୀଣ॑-ମ॒ମୃତଗ୍ଗ୍॑ ସ୍ଵ॒ସ୍ତି ॥ 18 ॥
ୟ॒ଜ୍ଞ-ନ୍ନଃ॑ ପାନ୍ତୁ॒ ଵସ॑ଵଃ ପୁ॒ରସ୍ତା᳚ତ୍ । ଦ॒କ୍ଷି॒ଣ॒ତୋ॑-ଽଭିୟ॑ନ୍ତୁ॒ ଶ୍ରଵି॑ଷ୍ଠାଃ । ପୁଣ୍ୟ॒-ନ୍ନକ୍ଷ॑ତ୍ରମ॒ଭି ସଂଵିଁ॑ଶାମ । ମା ନୋ॒ ଅରା॑ତି-ର॒ଘଶ॒ଗ୍ମ୍॒ସା ଗନ୍ନ୍॑ ॥
କ୍ଷ॒ତ୍ରସ୍ୟ॒ ରାଜା॒ ଵରୁ॑ଣୋ-ଽଧିରା॒ଜଃ । ନକ୍ଷ॑ତ୍ରାଣାଗ୍ମ୍ ଶ॒ତଭି॑ଷ॒ଗ୍ ଵସି॑ଷ୍ଠଃ । ତୌ ଦେ॒ଵେଭ୍ୟଃ॑ କୃଣୁତୋ ଦୀ॒ର୍ଘମାୟୁଃ॑ । ଶ॒ତଗ୍ମ୍ ସ॒ହସ୍ରା॑ ଭେଷ॒ଜାନି॑ ଧତ୍ତଃ ॥
ୟ॒ଜ୍ଞନ୍ନୋ॒ ରାଜା॒ ଵରୁ॑ଣ॒ ଉପ॑ୟାତୁ । ତନ୍ନୋ॒ ଵିଶ୍ଵେ॑ ଅ॒ଭି ସଂୟଁ॑ନ୍ତୁ ଦେ॒ଵାଃ ॥ 19 ॥
ତନ୍ନୋ॒ ନକ୍ଷ॑ତ୍ରଗ୍ମ୍ ଶ॒ତଭି॑ଷଗ୍ ଜୁଷା॒ଣମ୍ । ଦୀ॒ର୍ଘମାୟୁଃ॒ ପ୍ରତି॑ର-ଦ୍ଭେଷ॒ଜାନି॑ ॥ ଅ॒ଜ ଏକ॑ପା॒ଦୁଦ॑ଗା-ତ୍ପୁ॒ରସ୍ତା᳚ତ୍ । ଵିଶ୍ଵା॑ ଭୂ॒ତାନି॑ ପ୍ରତି॒ମୋଦ॑ମାନଃ । ତସ୍ୟ॑ ଦେ॒ଵାଃ ପ୍ର॑ସ॒ଵଂ-ୟଁ॑ନ୍ତି॒ ସର୍ଵେ᳚ । ପ୍ରୋ॒ଷ୍ଠ॒ପ॒ଦାସୋ॑ ଅ॒ମୃତ॑ସ୍ୟ ଗୋ॒ପାଃ ॥
ଵି॒ଭ୍ରାଜ॑ମାନ-ସ୍ସମିଧା॒ନ ଉ॒ଗ୍ରଃ । ଆ-ଽନ୍ତରି॑କ୍ଷ-ମରୁହ॒ଦ-ଗ॒ନ୍ଦ୍ୟାମ୍ । ତଗ୍ମ୍ ସୂର୍ୟ॑-ନ୍ଦେ॒ଵ-ମ॒ଜମେକ॑ପାଦମ୍ । ପ୍ରୋ॒ଷ୍ଠ॒ପ॒ଦାସୋ॒ ଅନୁ॑ୟନ୍ତି॒ ସର୍ଵେ᳚ ॥ 20 ॥
ଅହି॑-ର୍ବୁ॒ଦ୍ଧ୍ନିୟଃ॒ ପ୍ରଥ॑ମାନ ଏତି । ଶ୍ରେଷ୍ଠୋ॑ ଦେ॒ଵାନା॑ମୁ॒ତ ମାନୁ॑ଷାଣାମ୍ । ତ-ମ୍ବ୍ରା᳚ହ୍ମ॒ଣା-ସ୍ସୋ॑ମ॒ପା-ସ୍ସୋ॒ମ୍ୟାସଃ॑ ।
ପ୍ରୋ॒ଷ୍ଠ॒ପ॒ଦାସୋ॑ ଅ॒ଭି ର॑କ୍ଷନ୍ତି॒ ସର୍ଵେ᳚ ॥
ଚ॒ତ୍ଵାର॒ ଏକ॑ମ॒ଭି କର୍ମ॑ ଦେ॒ଵାଃ ।
ପ୍ରୋ॒ଷ୍ଠ॒ପ॒ଦାସ॒ ଇତି॒ ୟାନ୍. ଵଦ॑ନ୍ତି ।
ତେ ବୁ॒ଦ୍ଧନିୟ॑-ମ୍ପରି॒ଷଦ୍ୟଗ୍ଗ୍॑ ସ୍ତୁ॒ଵନ୍ତଃ॑ ।
ଅହିଗ୍ମ୍॑ ରକ୍ଷନ୍ତି॒ ନମ॑ସୋପ॒ସଦ୍ୟ॑ ॥
ପୂ॒ଷା ରେ॒ଵତ୍ୟନ୍ଵେ॑ତି॒ ପନ୍ଥା᳚ମ୍ । ପୁ॒ଷ୍ଟି॒ପତୀ॑ ପଶୁ॒ପା ଵାଜ॑ବସ୍ତ୍ୟୌ ॥ 21 ॥
ଇ॒ମାନି॑ ହ॒ଵ୍ୟା ପ୍ରୟ॑ତା ଜୁଷା॒ଣା ।
ସୁ॒ଗୈର୍ନୋ॒ ୟାନୈ॒ରୁପ॑ୟାତାଂ-ୟଁ॒ଜ୍ଞମ୍ ॥
କ୍ଷୁ॒ଦ୍ରା-ନ୍ପ॒ଶୂ-ନ୍ର॑କ୍ଷତୁ ରେ॒ଵତୀ॑ ନଃ ।
ଗାଵୋ॑ ନୋ॒ ଅଶ୍ଵା॒ଗ୍ମ୍॒ ଅନ୍ଵେ॑ତୁ ପୂ॒ଷା ।
ଅନ୍ନ॒ଗ୍ମ୍॒ ରକ୍ଷ॑ନ୍ତୌ ବହୁ॒ଧା ଵିରୂ॑ପମ୍ ।
ଵାଜଗ୍ମ୍॑ ସନୁତାଂ॒-ୟଁଜ॑ମାନାୟ ୟ॒ଜ୍ଞମ୍ ॥
ତଦ॒ଶ୍ଵିନା॑-ଵଶ୍ଵ॒ୟୁଜୋପ॑ୟାତାମ୍ ।
ଶୁଭ॒-ଙ୍ଗମି॑ଷ୍ଠୌ ସୁ॒ୟମେ॑ଭି॒ରଶ୍ଵୈଃ᳚ ।
ସ୍ଵ-ନ୍ନକ୍ଷ॑ତ୍ରଗ୍ମ୍ ହ॒ଵିଷା॒ ୟଜ॑ନ୍ତୌ ।
ମଦ୍ଧ୍ଵା॒ ସମ୍ପୃ॑କ୍ତୌ॒ ୟଜୁ॑ଷା॒ ସମ॑କ୍ତୌ ॥ 22 ॥
ୟୌ ଦେ॒ଵାନା᳚-ମ୍ଭି॒ଷଜୌ॑ ହଵ୍ୟଵା॒ହୌ । ଵିଶ୍ଵ॑ସ୍ୟ ଦୂ॒ତା-ଵ॒ମୃତ॑ସ୍ୟ ଗୋ॒ପୌ । ତୌ ନକ୍ଷ॑ତ୍ର-ଞ୍ଜୁଜୁଷା॒ଣୋ-ପ॑ୟାତାମ୍ । ନମୋ॒-ଽଶ୍ଵିଭ୍ୟା᳚-ଙ୍କୃଣୁମୋ-ଽଶ୍ଵ॒ୟୁଗ୍ଭ୍ୟା᳚ମ୍ ॥
ଅପ॑ ପା॒ପ୍ମାନ॒-ମ୍ଭର॑ଣୀର୍ଭରନ୍ତୁ । ତ-ଦ୍ୟ॒ମୋ ରାଜା॒ ଭଗ॑ଵା॒ନ୍॒. ଵିଚ॑ଷ୍ଟାମ୍ । ଲୋ॒କସ୍ୟ॒ ରାଜା॑ ମହ॒ତୋ ମ॒ହାନ୍. ହି । ସୁ॒ଗ-ନ୍ନଃ॒ ପନ୍ଥା॒ମଭ॑ୟ-ଙ୍କୃଣୋତୁ ॥
ୟସ୍ମି॒-ନ୍ନକ୍ଷ॑ତ୍ରେ ୟ॒ମ ଏତି॒ ରାଜା᳚ ।
ୟସ୍ମି॑-ନ୍ନେନମ॒ଭ୍ୟଷି॑ଚନ୍ନ୍ତ ଦେ॒ଵାଃ ।
ତଦ॑ସ୍ୟ ଚି॒ତ୍ରଗ୍ମ୍ ହ॒ଵିଷା॑ ୟଜାମ ।
ଅପ॑ ପା॒ପ୍ମାନ॒-ମ୍ଭର॑ଣୀ-ର୍ଭରନ୍ତୁ ॥
ନି॒ଵେଶ॑ନୀ ସ॒ଙ୍ଗମ॑ନୀ॒ ଵସୂ॑ନାଂ॒-ଵିଁଶ୍ଵା॑ ରୂ॒ପାଣି॒ ଵସୂ᳚ନ୍ୟାଵେ॒ଶୟ॑ନ୍ତୀ । ସ॒ହ॒ସ୍ର॒ପୋ॒ଷଗ୍ମ୍ ସୁ॒ଭଗା॒ ରରା॑ଣା॒ ସା ନ॒ ଆଗ॒ନ୍ ଵର୍ଚ॑ସା ସଂଵିଁଦା॒ନା ॥ ୟତ୍ତେ॑ ଦେ॒ଵା ଅଦ॑ଧୁ-ର୍ଭାଗ॒ଧେୟ॒ମମା॑ଵାସ୍ୟେ ସଂ॒ଵଁସ॑ନ୍ତୋ ମହି॒ତ୍ଵା । ସାନୋ॑ ୟ॒ଜ୍ଞ-ମ୍ପି॑ପୃହି ଵିଶ୍ଵଵାରେ ର॒ୟି-ନ୍ନୋ॑ ଧେହି ସୁଭଗେ ସୁ॒ଵୀର᳚ମ୍ ॥ ॥ 23 ॥
(ତ॒ତାର॒ – ମହ୍ୟଂ॑ – ପ୍ରାସ॒ଚୀର୍ୟା – ୟା᳚ନ୍ତୁ ୟ॒ଜ୍ଞଂ – ଁଵାଚଗ୍ଗ୍॑ – ସ୍ଵ॒ସ୍ତି – ଦେ॒ଵା-ଅନୁ॑ ୟନ୍ତି॒ ସର୍ଵେ॒-ଵାଜ॑ବସ୍ତ୍ୟୌ॒-ସମ॑କ୍ତୌ-ଦେ॒ଵା ସ୍ତ୍ରୀଣି॑ ଚ) (ଅ. 2)
ଅନୁଵାକଂ 3 – ଚାନ୍ଦ୍ରମସାଦୀନାଂ ସପ୍ତନାମିଷ୍ଟୀନାଂ-ୟାଁଜ୍ୟାନୁଵାକ୍ୟାଃ
ନଵୋ॑ନଵୋ ଭଵତି॒ ଜାୟ॑ମା॒ନୋ-ଽହ୍ନା᳚-ଙ୍କେ॒ତୁରୁ॒ଷସା॑ ମେ॒ତ୍ୟଗ୍ରେ᳚ । ଭା॒ଗ-ନ୍ଦେ॒ଵେଭ୍ୟୋ॒ ଵିଦ॑ଧାତ୍ୟା॒ୟ-ନ୍ପ୍ରଚ॒ନ୍ଦ୍ରମା᳚ସ୍ତିରତି ଦୀ॒ର୍ଘମାୟୁଃ॑ ॥ ୟମା॑ଦି॒ତ୍ୟା
ଅ॒ଗ୍ମ୍॒ଶୁମା᳚ପ୍ୟା॒ୟୟ॑ନ୍ତି ୟମା॑ଦି॒ତ୍ୟା ଅ॒ଗ୍ମ୍॒ଶୁମା᳚ପ୍ୟା॒ୟୟ॑ନ୍ତି॒ ୟମକ୍ଷି॑ତ॒-ମକ୍ଷି॑ତୟଃ॒ ପିବ॑ନ୍ତି । ତେନ॑ ନୋ॒ ରାଜା॒ ଵରୁ॑ଣୋ॒ ବୃହ॒ସ୍ପତି॒ରା ପ୍ୟା॑ୟୟନ୍ତୁ॒ ଭୁଵ॑ନସ୍ୟ ଗୋ॒ପାଃ ॥॥ ୟେ ଵିରୂ॑ପେ॒ ସମ॑ନସା ସଂ॒ଵ୍ୟଁୟ॑ନ୍ତୀ । ସ॒ମା॒ନ-ନ୍ତନ୍ତୁ॑-ମ୍ପରି ତାତ॒ନାତେ᳚ । ଵି॒ଭୂ ପ୍ର॒ଭୂ ଅ॑ନୁ॒ଭୂ ଵି॒ଶ୍ଵତୋ॑ ହୁଵେ ।
ତେ ନୋ॒ ନକ୍ଷ॑ତ୍ରେ॒ ହଵ॒ମାଗ॑ମେତମ୍ ॥
ଵ॒ୟ-ନ୍ଦେ॒ଵୀ ବ୍ରହ୍ମ॑ଣା ସଂଵିଁଦା॒ନାଃ ।
ସୁ॒ରତ୍ନା॑ସୋ ଦେ॒ଵଵୀ॑ତି॒-ନ୍ଦଧା॑ନାଃ ।
ଅ॒ହୋ॒ରା॒ତ୍ରେ ହ॒ଵିଷା॑ ଵ॒ର୍ଧୟ॑ନ୍ତଃ ।
ଅତି॑ ପା॒ପ୍ମାନ॒-ମତି॑ମୁକ୍ତ୍ୟା ଗମେମ ॥ ପ୍ରତ୍ୟୁ॑ଵଦୃଶ୍ୟାୟ॒ତୀ ॥ 24 ॥
ଵ୍ୟୁ॒ଚ୍ଛନ୍ତୀ॑ ଦୁହି॒ତା ଦି॒ଵଃ । ଅ॒ପୋ ମ॒ହୀ ଵୃ॑ଣୁତେ॒ ଚକ୍ଷୁ॑ଷା ॥ ତମୋ॒ ଜ୍ୟୋତି॑ଷ୍କୃଣୋତି ସୂ॒ନରୀ᳚ । ଉଦୁ॒ଶ୍ରିୟା᳚-ସ୍ସଚତେ॒ ସୂର୍ୟଃ॑ । ସ ଚା॑ ଉ॒ଦ୍ୟନ୍ନକ୍ଷ॑ତ୍ର-ମର୍ଚି॒ମତ୍ । ତଵେଦୁ॑ଷୋ॒ ଵ୍ୟୁଷି॒ ସୂର୍ୟ॑ସ୍ୟ ଚ ॥
ସ-ମ୍ଭ॒କ୍ତେନ॑ ଗମେମହି । ତନ୍ନୋ॒ ନକ୍ଷ॑ତ୍ର-ମର୍ଚି॒ମତ୍ । ଭା॒ନୁ॒ମତ୍ତେଜ॑ ଉ॒ଚ୍ଚର॑ତ୍ । ଉପ॑ ୟ॒ଜ୍ଞ-ମି॒ହାଗ॑ମତ୍ ॥ 25 ॥
ପ୍ର ନକ୍ଷ॑ତ୍ରାୟ ଦେ॒ଵାୟ॑ । ଇନ୍ଦ୍ରା॒ୟେନ୍ଦୁଗ୍ମ୍॑ ହଵାମହେ ।
ସ ନ॑-ସ୍ସଵି॒ତା ସୁ॑ଵ-ଥ୍ସ॒ନିମ୍ । ପୁ॒ଷ୍ଟି॒ଦାଂ-ଵୀଁ॒ରଵ॑ତ୍ତମମ୍ ॥ ଉଦୁ॒ ତ୍ୟ-ଞ୍ଜା॒ତଵେ॑ଦସ-ନ୍ଦେ॒ଵଂ-ଵଁ॑ହନ୍ତି କେ॒ତଵଃ॑ । ଦୃ॒ଶେ ଵିଶ୍ଵା॑ୟ॒ ସୂର୍ୟ᳚ମ୍ ॥ ଚି॒ତ୍ର-ନ୍ଦେ॒ଵାନା॒-ମୁଦ॑ଗା॒ଦନୀ॑କ॒-ଞ୍ଚକ୍ଷୁ॑-ର୍ମି॒ତ୍ରସ୍ୟ॒ ଵରୁ॑ଣସ୍ୟା॒-ଽଗ୍ନେଃ । ଆ-ଽ ପ୍ରା॒ ଦ୍ୟାଵା॑ପୃଥି॒ଵୀ ଅ॒ନ୍ତରି॑କ୍ଷ॒ଗ୍ମ୍॒ ସୂର୍ୟ॑ ଆ॒ତ୍ମା ଜଗ॑ତସ୍ତ॒ସ୍ଥୁଷ॑ଶ୍ଚ ॥॥
ଅଦି॑ତିର୍ନ ଉରୁଷ୍ୟ॒ତ୍ଵଦି॑ତି॒-ଶ୍ଶର୍ମ॑ ୟଚ୍ଛତୁ । ଅଦି॑ତିଃ ପା॒ତ୍ଵଗ୍ମ୍ ହ॑ସଃ ॥ ମ॒ହୀମୂ॒ଷୁ ମା॒ତରଗ୍ମ୍॑ ସୁଵ୍ର॒ତାନା॑ମୃ॒ତସ୍ୟ॒ ପତ୍ନୀ॒ମଵ॑ସେ ହୁଵେମ । ତୁ॒ଵି॒କ୍ଷ॒ତ୍ରାମ॒ଜର॑ନ୍ତୀମୁରୂ॒ଚୀଗ୍ମ୍ ସୁ॒ଶର୍ମା॑ଣ॒ମଦି॑ତିଗ୍ମ୍ ସୁ॒ପ୍ରଣୀ॑ତିମ୍ ॥ ॥
ଇ॒ଦଂ-ଵିଁଷ୍ଣୁ॒-ର୍ଵିଚ॑କ୍ରମେ ତ୍ରେ॒ଧା ନି ଦ॑ଧେ ପ॒ଦମ୍ । ସ ମୂ॑ଢମସ୍ୟ ପାଗ୍ମ୍ ସୁ॒ରେ ॥ ପ୍ରତ-ଦ୍ଵିଷ୍ଣୁ॑-ସ୍ସ୍ତଵତେ ଵୀ॒ର୍ୟା॑ୟ । ମୃ॒ଗୋ ନ ଭୀ॒ମଃ କୁ॑ଚ॒ରୋ ଗି॑ରି॒ଷ୍ଠାଃ । ୟସ୍ୟୋ॒ରୁଷୁ॑ ତ୍ରି॒ଷୁ ଵି॒କ୍ରମ॑ଣେଷୁ । ଅଧି॑କ୍ଷି॒ୟନ୍ତି॒ ଭୁଵ॑ନାନି॒ ଵିଶ୍ଵା᳚ ॥ ॥
ଅ॒ଗ୍ନିର୍ମୂ॒ର୍ଧା ଦି॒ଵଃ କ॒କୁ-ତ୍ପତିଃ॑ ପୃଥି॒ଵ୍ୟା ଅ॒ୟମ୍ । ଅ॒ପାଗ୍ମ୍ ରେତାଗ୍ମ୍॑ସି ଜିନ୍ଵତି ॥ ଭୁଵୋ॑ ୟ॒ଜ୍ଞସ୍ୟ॒ ରଜ॑ସଶ୍ଚ ନେ॒ତା ୟତ୍ରା॑ ନି॒ୟୁଦ୍ଭି॒-ସ୍ସଚ॑ସେ ଶି॒ଵାଭିଃ॑ । ଦି॒ଵି ମୂ॒ର୍ଧାନ॑-ନ୍ଦଧିଷେ ସୁଵ॒ର୍॒ଷା-ଞ୍ଜି॒ହ୍ଵାମ॑ଗ୍ନେ ଚକୃଷେ ହଵ୍ୟ॒ଵାହ᳚ମ୍ ॥ ॥
ଅନୁ॑ ନୋ॒-ଽଦ୍ୟା-ଽନୁ॑ମତି-ର୍ୟ॒ଜ୍ଞ-ନ୍ଦେ॒ଵେଷୁ॑ ମନ୍ୟତାମ୍ । ଅ॒ଗ୍ନିଶ୍ଚ॑ ହଵ୍ୟ॒ଵାହ॑ନୋ॒ ଭଵ॑ତା-ନ୍ଦା॒ଶୁଷେ॒ ମୟଃ॑ ॥ ଅନ୍ଵିଦ॑ନୁମତେ॒ ତ୍ଵ-ମ୍ମନ୍ୟା॑ସୈ॒ ଶଞ୍ଚ॑ନଃ କୃଧି । କ୍ରତ୍ଵେ॒ ଦକ୍ଷା॑ୟ ନୋ ହିନୁ॒ ପ୍ରଣ॒ ଆୟୂଗ୍ମ୍॑ଷି ତାରିଷଃ ॥ ॥
ହ॒ଵ୍ୟ॒ଵାହ॑-ମଭିମାତି॒ଷା-ଽହ᳚ମ୍ । ର॒କ୍ଷୋ॒ହଣ॒-ମ୍ପୃତ॑ନାସୁ ଜି॒ଷ୍ଣୁମ୍ । ଜ୍ୟୋତି॑ଷ୍ମନ୍ତ॒-ନ୍ଦୀଦ୍ୟ॑ତ॒-ମ୍ପୁର॑ନ୍ଧିମ୍ । ଅ॒ଗ୍ନିଗ୍ଗ୍ ସ୍ଵି॑ଷ୍ଟ॒କୃତ॒ମା ହୁ॑ଵେମ ॥ ସ୍ଵି॑ଷ୍ଟମଗ୍ନେ ଅ॒ଭି ତ-ତ୍ପୃ॑ଣାହି । ଵିଶ୍ଵା॑ ଦେଵ॒ ପୃତ॑ନା ଅ॒ଭିଷ୍ୟ । ଉ॒ରୁ-ନ୍ନଃ॒ ପନ୍ଥା᳚-ମ୍ପ୍ରଦି॒ଶନ୍ଵି ଭା॑ହି । ଜ୍ୟୋତି॑ଷ୍ମଦ୍ଧେହ୍ୟ॒ଜର॑-ନ୍ନ॒ ଆୟୁଃ॑ ॥ ॥ 26 ॥
(ଆ॒ୟ॒ତ୍ୟ॑ – ଗମ॒ଥ୍ – ସ୍ଵି॑ଷ୍ଟମ୍) (ଅ. 3)
ଅନୁଵାକଂ 4 – ଦେଵ ନକ୍ଷତ୍ରେଷ୍ଟିବ୍ରାହ୍ମଣମ୍
ଅ॒ଗ୍ନିର୍ଵା ଅ॑କାମୟତ । ଅ॒ନ୍ନା॒ଦୋ ଦେ॒ଵାନାଗ୍॑ ସ୍ୟା॒ମିତି॑ ।
ସ ଏ॒ତମ॒ଗ୍ନୟେ॒ କୃତ୍ତି॑କାଭ୍ୟଃ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ତତୋ॒ ଵୈ ସୋ᳚-ଽନ୍ନା॒ଦୋ ଦେ॒ଵାନା॑ମଭଵତ୍ । ଅ॒ଗ୍ନିର୍ଵୈ ଦେ॒ଵାନା॑ମନ୍ନା॒ଦଃ ॥
ୟଥା॑ ହ॒ ଵା ଅ॒ଗ୍ନି-ର୍ଦେ॒ଵାନା॑-ମନ୍ନା॒ଦଃ ।
ଏ॒ଵଗ୍ମ୍ ହ॒ ଵା ଏ॒ଷ ମ॑ନୁ॒ଷ୍ୟା॑ଣା-ମ୍ଭଵତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ ॥ ସୋ-ଽତ୍ର॑ ଜୁହୋତି । ଅ॒ଗ୍ନୟେ॒ ସ୍ଵାହା॒ କୃତ୍ତି॑କାଭ୍ୟ॒-ସ୍ସ୍ଵାହା᳚ । ଅ॒ମ୍ବାୟୈ॒ ସ୍ଵାହା॑ ଦୁ॒ଲାୟୈ॒ ସ୍ଵାହା᳚ । ନି॒ତ॒ତ୍ନ୍ୟୈ ସ୍ଵାହା॒ ଽଭ୍ରୟ॑ନ୍ତ୍ୟୈ॒ ସ୍ଵାହା᳚ । ମେ॒ଘୟ॑ନ୍ତ୍ୟୈ॒ ସ୍ଵାହା॑ ଵ॒ର॒.ଷୟ॑ନ୍ତ୍ୟୈ॒ ସ୍ଵାହା᳚ । ଚୁ॒ପୁ॒ଣୀକା॑ୟୈ॒ ସ୍ଵାହେତି॑ ॥ 27 ॥
ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ । ତା ଅ॑ସ୍ମା-ଥ୍ସୃ॒ଷ୍ଟାଃ ପରା॑ଚୀରାୟନ୍ନ୍ । ତାସାଗ୍ମ୍॑ ରୋହି॒ଣୀ-ମ॒ଭ୍ୟ॑ଦ୍ଧ୍ୟାୟତ୍ । ସୋ॑-ଽକାମୟତ । ଉପ॒ ମା-ଽଽଵ॑ର୍ତେତ । ସମେ॑ନୟା ଗଚ୍ଛେ॒ୟେତି॑ । ସ ଏ॒ତ-ମ୍ପ୍ର॒ଜାପ॑ତୟେ ରୋହି॒ଣ୍ୟୈ ଚ॒ରୁ-ନ୍ନିର॑ଵପତ୍ । ତତୋ॒ ଵୈ ସା ତମୁ॒ପାଵ॑ର୍ତତ । ସମେ॑ନୟା ଽଗଚ୍ଛତ ॥ ଉପ॑ ହ॒ ଵା ଏ॑ନ-ମ୍ପ୍ରି॒ୟମାଵ॑ର୍ତତେ ।
ସ-ମ୍ପ୍ରି॒ୟେଣ॑ ଗଚ୍ଛତେ । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ ॥ ସୋ-ଽତ୍ର॑ ଜୁହୋତି ।
ପ୍ର॒ଜାପ॑ତୟେ॒ ସ୍ଵାହା॑ ରୋହି॒ଣ୍ୟୈ ସ୍ଵାହା᳚ ।
ରୋଚ॑ମାନାୟୈ॒ ସ୍ଵାହା᳚ ପ୍ର॒ଜାଭ୍ୟ॒-ସ୍ସ୍ଵାହେତି॑ ॥ 28 ॥
ସୋମୋ॒ ଵା ଅ॑କାମୟତ । ଓଷ॑ଧୀନାଗ୍ମ୍ ରା॒ଜ୍ୟ-ମ॒ଭିଜ॑ୟେୟ॒ମିତି॑ । ସ ଏ॒ତଗ୍ମ୍ ସୋମା॑ୟ ମୃଗଶୀ॒ର॒.ଷାୟ॑ ଶ୍ୟାମା॒କ-ଞ୍ଚ॒ରୁ-ମ୍ପୟ॑ସି॒ ନିର॑ଵପତ୍ । ତତୋ॒ ଵୈ ସ ଓଷ॑ଧୀନାଗ୍ମ୍
ରା॒ଜ୍ୟମ॒ଭ୍ୟ॑ଜୟତ୍ । ସ॒ମା॒ନାନାଗ୍ମ୍॑ ହ॒ ଵୈ ରା॒ଜ୍ୟମ॒ଭିଜ॑ୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ସୋମା॑ୟ॒ ସ୍ଵାହା॑ ମୃଗଶୀ॒ର॒.ଷାୟ॒ ସ୍ଵାହା᳚ ।
ଇ॒ନ୍ଵ॒କାଭ୍ୟ॒-ସ୍ସ୍ଵାହୌଷ॑ଧୀଭ୍ୟ॒-ସ୍ସ୍ଵାହା᳚ ।
ରା॒ଜ୍ୟାୟ॒ ସ୍ଵାହା॒ ଽଭିଜି॑ତ୍ୟୈ॒ ସ୍ଵାହେତି॑ ॥ 29 ॥
ରୁ॒ଦ୍ରୋ ଵା ଅ॑କାମୟତ । ପ॒ଶୁ॒ମାନ୍-ଥ୍ସ୍ୟା॒ମିତି॑ ।
ସ ଏ॒ତଗ୍ମ୍ ରୁ॒ଦ୍ରାୟା॒ର୍ଦ୍ରାୟୈ॒ ପ୍ରୈୟ॑ଙ୍ଗଵ-ଞ୍ଚ॒ରୁ-ମ୍ପୟ॑ସି॒ ନିର॑ଵପତ୍ । ତତୋ॒ ଵୈ ସ ପ॑ଶୁ॒ମାନ॑ଭଵତ୍ । ପ॒ଶୁ॒ମାନ୍. ହ॒ ଵୈ ଭ॑ଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ରୁ॒ଦ୍ରାୟ॒ ସ୍ଵାହା॒ ଽଽର୍ଦ୍ରାୟୈ॒ ସ୍ଵାହା᳚ । ପିନ୍ଵ॑ମାନାୟୈ॒ ସ୍ଵାହା॑ ପ॒ଶୁଭ୍ୟ॒-ସ୍ସ୍ଵାହେତି॑ ॥ 30 ॥
ଋ॒କ୍ଷା ଵା ଇ॒ୟମ॑ଲୋ॒ମକା॑-ଽଽସୀତ୍ । ସା-ଽକା॑ମୟତ ।
ଓଷ॑ଧୀଭି॒-ର୍ଵନ॒ସ୍ପତି॑ଭିଃ॒ ପ୍ରଜା॑ୟେ॒ୟେତି॑ ।
ସୈତମଦି॑ତ୍ୟୈ॒ ପୁନ॑ର୍ଵସୁଭ୍ୟା-ଞ୍ଚ॒ରୁ-ନ୍ନିର॑ଵପତ୍ ।
ତତୋ॒ ଵା ଇ॒ୟମୋଷ॑ଧୀଭି॒-ର୍ଵନ॒ସ୍ପତି॑ଭିଃ॒ ପ୍ରାଜା॑ୟତ ।
ପ୍ରଜା॑ୟତେ ହ॒ ଵୈ ପ୍ର॒ଜୟା॑ ପ॒ଶୁଭିଃ॑ । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ ।
ସୋ-ଽତ୍ର॑ ଜୁହୋତି । ଅଦି॑ତ୍ୟୈ॒ ସ୍ଵାହା॒ ପୁନ॑ର୍ଵସୁଭ୍ୟାମ୍ ।
ସ୍ଵାହା-ଽଽଭୂ᳚ତ୍ୟୈ॒ ସ୍ଵାହା॒ ପ୍ରଜା᳚ତ୍ୟୈ॒ ସ୍ଵାହେତି॑ ॥ 31 ॥
ବୃହ॒ସ୍ପତି॒ର୍ଵା ଅ॑କାମୟତ । ବ୍ର॒ହ୍ମ॒ଵ॒ର୍ଚ॒ସୀ ସ୍ୟା॒ମିତି॑ ।
ସ ଏ॒ତ-ମ୍ବୃହ॒ସ୍ପତ॑ୟେ ତି॒ଷ୍ୟା॑ୟ ନୈଵା॒ର-ଞ୍ଚ॒ରୁ-ମ୍ପୟ॑ସି॒ ନିର॑ଵପତ୍ । ତତୋ॒ ଵୈ ସ ବ୍ର॑ହ୍ମଵର୍ଚ॒ସ୍ୟ॑ଭଵତ୍ । ବ୍ର॒ହ୍ମ॒ଵ॒ର୍ଚ॒ସୀ ହ॒ ଵୈ ଭ॑ଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ବୃହ॒ସ୍ପତ॑ୟେ॒ ସ୍ଵାହା॑ ତି॒ଷ୍ୟା॑ୟ॒ ସ୍ଵାହା᳚ । ବ୍ର॒ହ୍ମ॒ଵ॒ର୍ଚ॒ସାୟ॒ ସ୍ଵାହେତି॑ ॥ 32 ॥
ଦେ॒ଵା॒ସୁ॒ରା-ସ୍ସଂୟଁ॑ତ୍ତା ଆସନ୍ନ୍ । ତେ ଦେ॒ଵା-ସ୍ସ॒ର୍ପେଭ୍ୟ॑ ଆଶ୍ରେ॒ଷାଭ୍ୟ॒ ଆଜ୍ୟେ॑ କର॒ମ୍ଭ-ନ୍ନିର॑ଵପନ୍ନ୍ ।
ତାନେ॒ତାଭି॑ରେ॒ଵ ଦେ॒ଵତା॑-ଭି॒ରୁପା॑ନୟନ୍ନ୍ ।
ଏ॒ତାଭି॑ର୍ହ॒ ଵୈ ଦେ॒ଵତା॑ଭି-ର୍ଦ୍ଵି॒ଷନ୍ତ॒-ମ୍ଭ୍ରାତୃ॑ଵ୍ୟ॒-ମୁପ॑ନୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ସ॒ର୍ପେଭ୍ୟ॒-ସ୍ସ୍ଵାହା᳚-ଽଽଶ୍ରେ॒ଷାଭ୍ୟ॒-ସ୍ସ୍ଵାହା᳚ । ଦ॒ନ୍ଦ॒ଶୂକେ᳚ଭ୍ୟ॒-ସ୍ସ୍ଵାହେତି॑ ॥ 33 ॥
ପି॒ତରୋ॒ ଵା ଅ॑କାମୟନ୍ତ । ପି॒ତୃ॒ଲୋ॒କ ଋ॑ଦ୍ଧ୍ନୁୟା॒ମେତି॑ ।
ତ ଏ॒ତ-ମ୍ପି॒ତୃଭ୍ୟୋ॑ ମ॒ଘାଭ୍ୟଃ॑ ପୁରୋ॒ଡାଶ॒ଗ୍ମ୍॒ ଷଟ୍କ॑ପାଲ॒-ନ୍ନିର॑ଵପନ୍ନ୍ । ତତୋ॒ ଵୈ ତେ ପି॑ତୃଲୋ॒କ ଆ᳚ର୍ଧ୍ନୁଵନ୍ନ୍ । ପି॒ତୃ॒ଲୋ॒କେ ହ॒ ଵା ଋ॑ଧ୍ନୋତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ପି॒ତୃଭ୍ୟ॒-ସ୍ସ୍ଵାହା॑ ମ॒ଘାଭ୍ୟଃ॑ ।
ସ୍ଵାହା॑ ଽନ॒ଘାଭ୍ୟ॒-ସ୍ସ୍ଵାହା॑ ଽଗ॒ଦାଭ୍ୟଃ॑ ।
ସ୍ଵାହା॑ ଽରୁନ୍ଧ॒ତୀଭ୍ୟ॒-ସ୍ସ୍ଵାହେତି॑ ॥ 34 ॥
ଅ॒ର୍ୟ॒ମା ଵା ଅ॑କାମୟତ । ପ॒ଶୁ॒ମାନ୍-ଥ୍ସ୍ୟା॒ମିତି॑ ।
ସ ଏ॒ତମ॑ର୍ୟ॒ମ୍ଣେ ଫଲ୍ଗୁ॑ନୀଭ୍ୟା-ଞ୍ଚ॒ରୁ-ନ୍ନିର॑ଵପତ୍ ।
ତତୋ॒ ଵୈ ସ ପ॑ଶୁ॒ମାନ॑ଭଵତ୍ ।
ପ॒ଶୁ॒ମାନ୍. ହ॒ ଵୈ ଭ॑ଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଅ॒ର୍ୟ॒ମ୍ଣେ ସ୍ଵାହା॒ ଫଲ୍ଗୁ॑ନୀଭ୍ୟା॒ଗ୍॒ ସ୍ଵାହା᳚ ।
ପ॒ଶୁଭ୍ୟ॒-ସ୍ସ୍ଵାହେତି॑ ॥ 35 ॥
ଭଗୋ॒ ଵା ଅ॑କାମୟତ । ଭ॒ଗୀ ଶ୍ରେ॒ଷ୍ଠୀ ଦେ॒ଵାନାଗ୍॑ ସ୍ୟା॒ମିତି॑ । ସ ଏ॒ତ-ମ୍ଭଗା॑ୟ॒ ଫଲ୍ଗୁ॑ନୀଭ୍ୟା-ଞ୍ଚ॒ରୁ-ନ୍ନିର॑ଵପତ୍ । ତତୋ॒ ଵୈ ସ ଭ॒ଗୀ ଶ୍ରେ॒ଷ୍ଠୀ ଦେ॒ଵାନା॑ମଭଵତ୍ ।
ଭ॒ଗୀ ହ॒ ଵୈ ଶ୍ରେ॒ଷ୍ଠୀ ସ॑ମା॒ନାନା᳚-ମ୍ଭଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଭଗା॑ୟ॒ ସ୍ଵାହା॒ ଫଲ୍ଗୁ॑ନୀଭ୍ୟା॒ଗ୍॒ ସ୍ଵାହା᳚ । ଶ୍ରୈଷ୍ଠ୍ୟା॑ୟ॒ ସ୍ଵାହେତି॑ ॥ 36 ॥
ସ॒ଵି॒ତା ଵା ଅ॑କାମୟତ । ଶ୍ରନ୍ମେ॑ ଦେ॒ଵା ଦଧୀ॑ରନ୍ନ୍ । ସ॒ଵି॒ତା ସ୍ୟା॒ମିତି॑ । ସ ଏ॒ତଗ୍ମ୍ ସ॑ଵି॒ତ୍ରେ ହସ୍ତା॑ୟ ପୁରୋ॒ଡାଶ॒-ନ୍ଦ୍ଵାଦ॑ଶକପାଲ॒-ନ୍ନିର॑ଵପଦାଶୂ॒ନାଂ
ଁଵ୍ରୀ॑ହୀ॒ଣାମ୍ । ତତୋ॒ ଵୈ ତସ୍ମୈ॒ ଶ୍ରଦ୍ଦେ॒ଵା ଅଦ॑ଧତ । ସ॒ଵି॒ତା-ଽଭ॑ଵତ୍ । ଶ୍ରଦ୍ଧ॒ ଵା ଅ॑ସ୍ମୈ ମନୁ॒ଷ୍ୟା॑ ଦଧତେ । ସ॒ଵି॒ତା ସ॑ମା॒ନାନା᳚-ମ୍ଭଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ସ॒ଵି॒ତ୍ରେ ସ୍ଵାହା॒ ହସ୍ତା॑ୟ । ସ୍ଵାହା॑ ଦଦ॒ତେ ସ୍ଵାହା॑ ପୃଣ॒ତେ । ସ୍ଵାହା᳚ ପ୍ର॒ୟଚ୍ଛ॑ତେ॒ ସ୍ଵାହା᳚ ପ୍ରତିଗୃଭ୍ଣ॒ତେ ସ୍ଵାହେତି॑ ॥ 37 ॥
ତ୍ଵଷ୍ଟା॒ ଵା ଅ॑କାମୟତ । ଚି॒ତ୍ର-ମ୍ପ୍ର॒ଜାଂ-ଵିଁ॑ନ୍ଦେ॒ୟେତି॑ ।
ସ ଏ॒ତ-ନ୍ତ୍ଵଷ୍ଟ୍ରେ॑ ଚି॒ତ୍ରାୟୈ॑ ପୁରୋ॒ଡାଶ॑ମ॒ଷ୍ଟା-କ॑ପାଲ॒-ନ୍ନିର॑ଵପତ୍ । ତତୋ॒ ଵୈ ସ ଚି॒ତ୍ର-ମ୍ପ୍ର॒ଜାମ॑ଵିନ୍ଦତ । ଚି॒ତ୍ରଗ୍ମ୍ ହ॒ ଵୈ ପ୍ର॒ଜାଂ-ଵିଁ॑ନ୍ଦତେ ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ତ୍ଵଷ୍ଟ୍ରେ॒ ସ୍ଵାହା॑ ଚି॒ତ୍ରାୟୈ॒ ସ୍ଵାହା᳚ ।
ଚୈତ୍ରା॑ୟ॒ ସ୍ଵାହା᳚ ପ୍ର॒ଜାୟୈ॒ ସ୍ଵାହେତି॑ ॥ 38 ॥
ଵା॒ୟୁର୍ଵା ଅ॑କାମୟତ । କା॒ମ॒ଚାର॑ମେ॒ଷୁ ଲୋ॒କେଷ୍ଵ॒ଭିଜ॑ୟେୟ॒ମିତି॑ । ସ ଏ॒ତ-ଦ୍ଵା॒ୟଵେ॒ ନିଷ୍ଟ୍ୟା॑ୟୈ ଗୃ॒ଷ୍ଟ୍ୟୈ ଦୁ॒ଗ୍ଧ-ମ୍ପୟୋ॒ ନିର॑ଵପତ୍ ।
ତତୋ॒ ଵୈ ସ କା॑ମ॒ଚାର॑ମେ॒ଷୁ ଲୋ॒କେଷ୍ଵ॒ଭ୍ୟ॑ଜୟତ୍ ।
କା॒ମ॒ଚାରଗ୍ମ୍॑ ହ॒ ଵା ଏ॒ଷୁ ଲୋ॒କେଷ୍ଵ॒ଭିଜ॑ୟତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଵା॒ୟଵେ॒ ସ୍ଵାହା॒ ନିଷ୍ଟ୍ୟା॑ୟୈ॒ ସ୍ଵାହା᳚ ।
କା॒ମ॒ଚାରା॑ୟ॒ ସ୍ଵାହା॒-ଽଭିଜି॑ତ୍ୟୈ॒ ସ୍ଵାହେତି॑ ॥ 39 ॥
ଇ॒ନ୍ଦ୍ରା॒ଗ୍ନୀ ଵା ଅ॑କାମୟେତାମ୍ । ଶ୍ରୈଷ୍ଠ୍ୟ॑-ନ୍ଦେ॒ଵାନା॑-ମ॒ଭିଜ॑ୟେ॒ଵେତି॑ । ତାଵେ॒ତମି॑ନ୍ଦ୍ରା॒ଗ୍ନିଭ୍ୟାଂ॒-ଵିଁଶା॑ଖାଭ୍ୟା-ମ୍ପୁରୋ॒ଡାଶ॒-ମେକା॑ଦଶକପାଲ॒-ନ୍ନିର॑ଵପତାମ୍ । ତତୋ॒ ଵୈ ତୌ ଶ୍ରୈଷ୍ଠ୍ୟ॑-ନ୍ଦେ॒ଵାନା॑-ମ॒ଭ୍ୟ॑ଜୟତାମ୍ । ଶ୍ରୈଷ୍ଠ୍ୟଗ୍ମ୍॑ ହ॒ ଵୈ ସ॑ମା॒ନାନା॑ମ॒ଭିଜ॑ୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଇ॒ନ୍ଦ୍ରା॒ଗ୍ନିଭ୍ୟା॒ଗ୍॒ ସ୍ଵାହା॒ ଵିଶା॑ଖାଭ୍ୟା॒ଗ୍॒ ସ୍ଵାହା᳚ ।
ଶ୍ରୈଷ୍ଠ୍ୟା॑ୟ॒ ସ୍ଵାହା॒ ଽଭିଜି॑ତ୍ୟୈ॒ ସ୍ଵାହେତି॑ ॥ 40 ॥
ଅଥୈ॒ତତ୍-ପୌ᳚ର୍ଣମା॒ସ୍ୟା ଆଜ୍ୟ॒-ନ୍ନିର୍ଵ॑ପତି । କାମୋ॒ ଵୈ ପୌ᳚ର୍ଣମା॒ସୀ । କାମ॒ ଆଜ୍ୟ᳚ମ୍ । କାମେ॑ନୈ॒ଵ କାମ॒ଗ୍ମ୍॒ ସମ॑ର୍ଧୟତି । କ୍ଷି॒ପ୍ରମେ॑ନ॒ଗ୍ମ୍॒ ସ କାମ॒ ଉପ॑ନମତି । ୟେନ॒ କାମେ॑ନ॒ ୟଜ॑ତେ । ସୋ-ଽତ୍ର॑ ଜୁହୋତି ।
ପୌ॒ର୍ଣ॒ମା॒ସ୍ୟୈ ସ୍ଵାହା॒ କାମା॑ୟ॒ ସ୍ଵାହା-ଽଽଗ॑ତ୍ୟୈ॒ ସ୍ଵାହେତି॑ ॥ 41 ॥
ଅନୁଵାକଂ 5 – ୟମନକ୍ଷତ୍ରେଷ୍ଟିବ୍ରାହ୍ମଣମ୍
ମି॒ତ୍ରୋ ଵା ଅ॑କାମୟତ । ମି॒ତ୍ର॒ଧେୟ॑ମେ॒ଷୁ ଲୋ॒କେଷ୍ଵ॒ଭି ଜ॑ୟେୟ॒ମିତି॑ । ସ ଏ॒ତ-ମ୍ମି॒ତ୍ରାୟା॑ନୂରା॒ଧେଭ୍ୟ॑ଶ୍ଚ॒ରୁ-ନ୍ନିର॑ଵପତ୍ । ତତୋ॒ ଵୈ ସ ମି॑ତ୍ର॒ଧେୟ॑ମେ॒ଷୁ ଲୋ॒କେଷ୍ଵ॒ଭ୍ୟ॑ଜୟତ୍ । ମି॒ତ୍ର॒ଧେୟଗ୍ମ୍॑ ହ॒ ଵା ଏ॒ଷୁ ଲୋ॒କେଷ୍ଵ॒ଭିଜ॑ୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ମି॒ତ୍ରାୟ॒ ସ୍ଵାହା॑ ଽନୂରା॒ଧେଭ୍ୟ॒-ସ୍ସ୍ଵାହା᳚ ।
ମି॒ତ୍ର॒ଧେୟା॑ୟ॒ ସ୍ଵାହା॒ ଽଭିଜି॑ତ୍ୟୈ॒ ସ୍ଵାହେତି॑ ॥ 42 ॥
ଇନ୍ଦ୍ରୋ॒ ଵା ଅ॑କାମୟତ । ଜ୍ୟୈଷ୍ଠ୍ୟ॑-ନ୍ଦେ॒ଵାନା॑-ମ॒ଭିଜ॑ୟେୟ॒ମିତି॑ । ସ ଏ॒ତମିନ୍ଦ୍ରା॑ୟ ଜ୍ୟେ॒ଷ୍ଠାୟୈ॑ ପୁରୋ॒ଡାଶ॒-ମେକା॑ଦଶକପାଲ॒-ନ୍ନିର॑ଵପ-ନ୍ମ॒ହାଵ୍ରୀ॑ହୀଣାମ୍ । ତତୋ॒ ଵୈ ସ ଜ୍ୟୈଷ୍ଠ୍ୟ॑-ନ୍ଦେ॒ଵାନା॑ମ॒ଭ୍ୟ॑ଜୟତ୍ । ଜ୍ୟୈଷ୍ଠ୍ୟଗ୍ମ୍॑ ହ॒ ଵୈ ସ॑ମା॒ନାନା॑-ମ॒ଭିଜ॑ୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଇନ୍ଦ୍ରା॑ୟ॒ ସ୍ଵାହା᳚ ଜ୍ୟେ॒ଷ୍ଠାୟୈ॒ ସ୍ଵାହା᳚ ।
ଜ୍ୟୈଷ୍ଠ୍ୟା॑ୟ॒ ସ୍ଵାହା॒ ଽଭିଜି॑ତ୍ୟୈ॒ ସ୍ଵାହେତି॑ ॥ 43 ॥
ପ୍ର॒ଜାପ॑ତି॒ର୍ଵା ଅ॑କାମୟତ । ମୂଲ॑-ମ୍ପ୍ର॒ଜାଂ-ଵିଁ॑ନ୍ଦେ॒ୟେତି॑ । ସ ଏ॒ତ-ମ୍ପ୍ର॒ଜାପ॑ତୟେ॒ ମୂଲା॑ୟ ଚ॒ରୁ-ନ୍ନିର॑ଵପତ୍ । ତତୋ॒ ଵୈ ସ ମୂଲ॑-ମ୍ପ୍ର॒ଜାମ॑ଵିନ୍ଦତ । ମୂଲଗ୍ମ୍॑ ହ॒ ଵୈ ପ୍ର॒ଜାଂ-ଵିଁ॑ନ୍ଦତେ । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ପ୍ର॒ଜାପ॑ତୟେ॒ ସ୍ଵାହା॒ ମୂଲା॑ୟ॒ ସ୍ଵାହା᳚ । ପ୍ର॒ଜାୟୈ॒ ସ୍ଵାହେତି॑ ॥ 44 ॥
ଆପୋ॒ ଵା ଅ॑କାମୟନ୍ତ । ସ॒ମୁ॒ଦ୍ର-ଙ୍କାମ॑ମ॒ ଭିଜ॑ୟେ॒ମେତି॑ । ତା ଏ॒ତମ॒ଦ୍ଭ୍ୟୋ॑-ଽଷା॒ଢାଭ୍ୟ॑ଶ୍ଚ॒ରୁ-ନ୍ନିର॑ଵପନ୍ନ୍ । ତତୋ॒ ଵୈ ତା-ସ୍ସ॑ମୁ॒ଦ୍ର-ଙ୍କାମ॑ମ॒ଭ୍ୟ॑ଜୟନ୍ନ୍ । ସ॒ମୁ॒ଦ୍ରଗ୍ମ୍ ହ॒ ଵୈ କାମ॑ମ॒ଭିଜ॑ୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଦ୍ଭ୍ୟ-ସ୍ସ୍ଵାହା॑ ଽଷା॒ଢାଭ୍ୟ॒-ସ୍ସ୍ଵାହା᳚ । ସ॒ମୁ॒ଦ୍ରାୟ॒ ସ୍ଵାହା॒ କାମା॑ୟ॒ ସ୍ଵାହା᳚ । ଅ॒ଭିଜି॑ତ୍ୟୈ॒ ସ୍ଵାହେତି॑ ॥ 45 ॥
ଵିଶ୍ଵେ॒ ଵୈ ଦେ॒ଵା ଅ॑କାମୟନ୍ତ । ଅ॒ନ॒ପ॒ଜ॒ୟ୍ୟ-ଞ୍ଜ॑ୟେ॒ମେତି॑ । ତ ଏ॒ତଂ-ଵିଁଶ୍ଵେ᳚ଭ୍ୟୋ ଦେ॒ଵେଭ୍ୟୋ॑-ଽଷା॒ଢାଭ୍ୟ॑ଶ୍ଚ॒ରୁ-ନ୍ନିର॑ଵପନ୍ନ୍ ।
ତତୋ॒ ଵୈ ତେ॑-ଽନପଜ॒ୟ୍ୟ-ମ॑ଜୟନ୍ନ୍ । ଅ॒ନ॒ପ॒ଜ॒ୟ୍ୟଗ୍ମ୍ ହ॒ ଵୈ ଜ॑ୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଵିଶ୍ଵେ᳚ଭ୍ୟୋ ଦେ॒ଵେଭ୍ୟ॒-ସ୍ସ୍ଵାହା॑ ଽଷା॒ଢାଭ୍ୟ॒-ସ୍ସ୍ଵାହା᳚ ।
ଅ॒ନ॒ପ॒ଜ॒ୟ୍ୟାୟ॒ ସ୍ଵାହା॒ ଜିତ୍ୟୈ॒ ସ୍ଵାହେତି॑ ॥ 46 ॥
ବ୍ରହ୍ମ॒ ଵା ଅ॑କାମୟତ । ବ୍ର॒ହ୍ମ॒ଲୋ॒କମ॒ଭିଜ॑ୟେୟ॒ମିତି॑ ।
ତଦେ॒ତ-ମ୍ବ୍ରହ୍ମ॑ଣେ-ଽଭି॒ଜିତେ॑ ଚ॒ରୁ-ନ୍ନିର॑ଵପତ୍ ।
ତତୋ॒ ଵୈ ତଦ୍ବ୍ର॑ହ୍ମଲୋ॒କମ॒ଭ୍ୟ॑ଜୟତ୍ । ବ୍ର॒ହ୍ମ॒ଲୋ॒କଗ୍ମ୍ ହ॒ ଵା ଅ॒ଭିଜ॑ୟତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ବ୍ରହ୍ମ॑ଣେ॒ ସ୍ଵାହା॑ ଽଭି॒ଜିତେ॒ ସ୍ଵାହା᳚ । ବ୍ର॒ହ୍ମ॒ଲୋ॒କାୟ॒ ସ୍ଵାହା॒ ଽଭିଜି॑ତ୍ୟୈ॒ ସ୍ଵାହେତି॑ ॥ 47 ॥
ଵିଷ୍ଣୁ॒ର୍ଵା ଅ॑କାମୟତ । ପୁଣ୍ୟ॒ଗ୍ଗ୍॒ ଶ୍ଲୋକଗ୍ମ୍॑ ଶୃଣ୍ଵୀୟ ।
ନ ମା॑ ପା॒ପୀ କୀ॒ର୍ତିରାଗ॑ଚ୍ଛେ॒ଦିତି॑ । ସ ଏ॒ତଂ-ଵିଁଷ୍ଣ॑ଵେ ଶ୍ରୋ॒ଣାୟୈ॑ ପୁରୋ॒ଡାଶ॑-ନ୍ତ୍ରିକପା॒ଲ-ନ୍ନିର॑ଵପତ୍ ।
ତତୋ॒ ଵୈ ସ ପୁଣ୍ୟ॒ଗ୍ଗ୍॒ ଶ୍ଲୋକ॑ମ ଶୃଣୁତ । ନୈନ॑-ମ୍ପା॒ପୀ କୀ॒ର୍ତିରା- ଗ॑ଚ୍ଛତ୍ । ପୁଣ୍ୟଗ୍ମ୍॑ ହ॒ ଵୈ ଶ୍ଲୋକଗ୍ମ୍॑ ଶୃଣୁତେ । ନୈନ॑-ମ୍ପା॒ପୀ କୀ॒ର୍ତିରାଗ॑ଚ୍ଛତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଵିଷ୍ଣ॑ଵେ॒ ସ୍ଵାହା᳚ ଶ୍ରୋ॒ଣାୟୈ॒ ସ୍ଵାହା᳚ ।
ଶ୍ଲୋକା॑ୟ॒ ସ୍ଵାହା᳚ ଶ୍ରୁ॒ତାୟ॒ ସ୍ଵାହେତି॑ ॥ 48 ॥
ଵସ॑ଵୋ॒ ଵା ଅ॑କାମୟନ୍ତ । ଅଗ୍ର॑-ନ୍ଦେ॒ଵତା॑ନା॒-ମ୍ପରୀ॑ୟା॒ମେତି॑ । ତ ଏ॒ତଂ-ଵଁସୁ॑ଭ୍ୟ॒-ଶ୍ଶ୍ରଵି॑ଷ୍ଠାଭ୍ୟଃ ପୁରୋ॒ଡାଶ॑ମ॒ଷ୍ଟାକ॑ପାଲ॒-ନ୍ନିର॑ଵପନ୍ନ୍ ।
ତତୋ॒ ଵୈ ତେ-ଽଗ୍ର॑-ନ୍ଦେ॒ଵତା॑ନା॒-ମ୍ପର୍ୟା॑ୟନ୍ନ୍ ।
ଅଗ୍ରଗ୍ମ୍॑ ହ॒ ଵୈ ସ॑ମା॒ନାନା॒-ମ୍ପର୍ୟେ॑ତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଵସୁ॑ଭ୍ୟ॒-ସ୍ସ୍ଵାହା॒ ଶ୍ରଵି॑ଷ୍ଠାଭ୍ୟ॒-ସ୍ସ୍ଵାହା᳚ । ଅଗ୍ରା॑ୟ॒ ସ୍ଵାହା॒ ପରୀ᳚ତ୍ୟୈ॒ ସ୍ଵାହେତି॑ ॥ 49 ॥
ଇନ୍ଦ୍ରୋ॒ ଵା ଅ॑କାମୟତ । ଦୃ॒ଢୋ ଽଶି॑ଥିଲ-ସ୍ସ୍ୟା॒ମିତି॑ ।
ସ ଏ॒ତଂ-ଵଁରୁ॑ଣାୟ ଶ॒ତଭି॑ଷଜେ ଭେଷ॒ଜେଭ୍ୟଃ॑ ପୁରୋ॒ଡାଶ॒-ନ୍ଦଶ॑କପାଲ॒-ନ୍ନିର॑ଵପତ୍-କୃ॒ଷ୍ଣାନାଂ᳚-ଵ୍ରୀଁହୀ॒ଣାମ୍ । ତତୋ॒ ଵୈ ସ ଦୃ॒ଢୋ-ଽଶି॑ଥିଲୋ-ଽଭଵତ୍ ।
ଦୃ॒ଢୋ ହ॒ ଵା ଅଶି॑ଥିଲୋ ଭଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଵରୁ॑ଣାୟ॒ ସ୍ଵାହା॑ ଶ॒ତଭି॑ଷଜେ॒ ସ୍ଵାହା᳚ ।
ଭେ॒ଷ॒ଜେଭ୍ୟ॒-ସ୍ସ୍ଵାହେତି॑ ॥ 50 ॥
ଅ॒ଜୋ ଵା ଏକ॑ପାଦକାମୟତ । ତେ॒ଜ॒ସ୍ଵୀ ବ୍ର॑ହ୍ମଵର୍ଚ॒ସୀ ସ୍ୟା॒ମିତି॑ । ସ ଏ॒ତମ॒ଜାୟୈକ॑ପଦେ ପ୍ରୋଷ୍ଠପ॒ଦେଭ୍ୟ॑-ଶ୍ଚ॒ରୁ-ନ୍ନିର॑ଵପତ୍ । ତତୋ॒ ଵୈ ସ ତେ॑ଜ॒ସ୍ଵୀ ବ୍ର॑ହ୍ମଵର୍ଚ॒ସ୍ୟ॑ଭଵତ୍ । ତେ॒ଜ॒ସ୍ଵୀ ହ॒ ଵୈ ବ୍ର॑ହ୍ମଵର୍ଚ॒ସୀ ଭ॑ଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଜାୟୈକ॑ପଦେ॒ ସ୍ଵାହା᳚ ପ୍ରୋଷ୍ଠପ॒ଦେଭ୍ୟ॒-ସ୍ସ୍ଵାହା᳚ ।
ତେଜ॑ସେ॒ ସ୍ଵାହା᳚ ବ୍ରହ୍ମଵର୍ଚ॒ସାୟ॒ ସ୍ଵାହେତି॑ ॥ 51 ॥
ଅହି॒ର୍ଵୈ ବୁ॒ଦ୍ଧ୍ନିୟୋ॑-ଽକାମୟତ । ଇ॒ମା-ମ୍ପ୍ର॑ତି॒ଷ୍ଠାଂ-ଵିଁ॑ନ୍ଦେ॒ୟେତି॑ । ସ ଏ॒ତମହ॑ୟେ ବୁ॒ଦ୍ଧ୍ନିୟା॑ୟ ପ୍ରୋଷ୍ଠପ॒ଦେଭ୍ୟଃ॑ ପୁରୋ॒ଡାଶ॒-ମ୍ଭୂମି॑କପାଲ॒-ନ୍ନିର॑ଵପତ୍ । ତତୋ॒ ଵୈ ସ ଇ॒ମା-ମ୍ପ୍ର॑ତି॒ଷ୍ଠା-ମ॑ଵିନ୍ଦତ । ଇ॒ମାଗ୍ମ୍ ହ॒ ଵୈ ପ୍ର॑ତି॒ଷ୍ଠାଂ-ଵିଁ॑ନ୍ଦତେ ।
ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଅହ॑ୟେ ବୁ॒ଦ୍ଧ୍ନିୟା॑ୟ॒ ସ୍ଵାହା᳚ ପ୍ରୋଷ୍ଠପ॒ଦେଭ୍ୟ॒-ସ୍ସ୍ଵାହା᳚ ।
ପ୍ର॒ତି॒ଷ୍ଠାୟୈ॒ ସ୍ଵାହେତି॑ ॥ 52 ॥
ପୂ॒ଷା ଵା ଅ॑କାମୟତ । ପ॒ଶୁ॒ମାନ୍-ଥ୍ସ୍ୟା॒ମିତି॑ ।
ସ ଏ॒ତ-ମ୍ପୂ॒ଷ୍ଣେ ରେ॒ଵତ୍ୟୈ॑ ଚ॒ରୁ-ନ୍ନିର॑ଵପତ୍ ।
ତତୋ॒ ଵୈ ସ ପ॑ଶୁ॒ମାନ॑ଭଵତ୍ ।
ପ॒ଶୁ॒ମାନ୍. ହ॒ ଵୈ ଭ॑ଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ ।
ସୋ-ଽତ୍ର॑ ଜୁହୋତି । ପୂ॒ଷ୍ଣେ ସ୍ଵାହା॑ ରେ॒ଵତ୍ୟୈ॒ ସ୍ଵାହା᳚ ।
ପ॒ଶୁଭ୍ୟ॒-ସ୍ସ୍ଵାହେତି॑ ॥ 53 ॥
ଅ॒ଶ୍ଵିନୌ॒ ଵା ଅ॑କାମୟେତାମ୍ । ଶ୍ରୋ॒ତ୍ର॒ସ୍ଵିନା॒ଵବ॑ଧିରୌ ସ୍ୟା॒ଵେତି॑ । ତାଵେ॒ତମ॒ଶ୍ଵିଭ୍ୟା॑-ମଶ୍ଵ॒ୟୁଗ୍ଭ୍ୟା᳚-ମ୍ପୁରୋ॒ଡାଶ॑-ନ୍ଦ୍ଵିକପା॒ଲ-ନ୍ନିର॑ଵପତାମ୍ ।
ତତୋ॒ ଵୈ ତୌ ଶ୍ରୋ᳚ତ୍ର॒ସ୍ଵିନା॒ଵବ॑ଧିରା-ଵଭଵତାମ୍ ।
ଶ୍ରୋ॒ତ୍ର॒ସ୍ଵୀ ହ॒ ଵା ଅବ॑ଧିରୋ ଭଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଶ୍ଵିଭ୍ୟା॒ଗ୍॒ ସ୍ଵାହା᳚-ଽଶ୍ଵ॒ୟୁଗ୍ଭ୍ୟା॒ଗ୍॒ ସ୍ଵାହା᳚ ।
ଶ୍ରୋତ୍ରା॑ୟ॒ ସ୍ଵାହା॒ ଶ୍ରୁତ୍ୟୈ॒ ସ୍ଵାହେତି॑ ॥ 54 ॥
ୟ॒ମୋ ଵା ଅ॑କାମୟତ ।
ପି॒ତୃ॒ଣାଗ୍ମ୍ ରା॒ଜ୍ୟ-ମ॒ଭିଜ॑ୟେୟ॒ମିତି॑ ।
ସ ଏ॒ତଂ-ୟଁ॒ମାୟା॑ପ॒ଭର॑ଣୀଭ୍ୟଶ୍ଚ॒ରୁ-ନ୍ନିର॑ଵପତ୍ ।
ତତୋ॒ ଵୈ ସ ପି॑ତୃ॒ଣାଗ୍ମ୍ ରା॒ଜ୍ୟମ॒ଭ୍ୟ॑ଜୟତ୍ ।
ସ॒ମା॒ନାନାଗ୍ମ୍॑ ହ॒ ଵୈ ରା॒ଜ୍ୟମ॒ଭିଜ॑ୟତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ୟ॒ମାୟ॒ ସ୍ଵାହା॑ ଽପ॒ଭର॑ଣୀଭ୍ୟ॒-ସ୍ସ୍ଵାହା᳚ ।
ରା॒ଜ୍ୟାୟ॒ ସ୍ଵାହା॒ ଽଭିଜି॑ତ୍ୟୈ॒ ସ୍ଵାହେତି॑ ॥ 55 ॥
ଅଥୈ॒ତଦ॑-ମାଵା॒ସ୍ୟା॑ୟା॒ ଆଜ୍ୟ॒-ନ୍ନିର୍ଵ॑ପତି ।
କାମୋ॒ ଵା ଅ॑ମାଵା॒ସ୍ୟା᳚ । କାମ॒ ଆଜ୍ୟ᳚ମ୍ । କାମେ॑ନୈ॒ଵ କାମ॒ଗ୍ମ୍॒ ସମ॑ର୍ଧୟତି । କ୍ଷି॒ପ୍ରମେ॑ନ॒ଗ୍ମ୍॒ ସ କାମ॒ ଉପ॑ନମତି । ୟେନ॒ କାମେ॑ନ॒ ୟଜ॑ତେ । ସୋ-ଽତ୍ର॑ ଜୁହୋତି । ଅ॒ମା॒ଵା॒ସ୍ୟା॑ୟୈ॒ ସ୍ଵାହା॒ କାମା॑ୟ॒ ସ୍ଵାହା ଽଽଗ॑ତ୍ୟୈ॒ ସ୍ଵାହେତି॑ ॥ 56 ॥
ବୁ॒ଦ୍ଧ୍ନିୟଃ॑ – ପୁ॒ଷା – ଽଶ୍ଵିନୌ॑ – ୟ॒ମୋ ଦଶ॑ଦ॒ଶା – ଥୈ॒ତଦ॑ – ମାଵା॒ସ୍ୟା॑ୟା ଅ॒ଷ୍ଟୌ ପଞ୍ଚ॑ଦଶ ) (ଅ. 5)
ଅନୁଵାକଂ 6 – ଚାନ୍ଦ୍ରମସାଦୀଷ୍ଟିବ୍ରାହ୍ମଣମ୍
ଚ॒ନ୍ଦ୍ରମା॒ ଵା ଅ॑କାମୟତ । ଅ॒ହୋ॒ରା॒ତ୍ରା-ନ॑ର୍ଧମା॒ସା-ନ୍ମାସା॑-ନୃ॒ତୂନ୍ଥ୍- ସଂ॑ଵଁଥ୍ସ॒ର-ମା॒ପ୍ତ୍ଵା । ଚ॒ନ୍ଦ୍ରମ॑ସ॒-ସ୍ସାୟୁ॑ଜ୍ୟଗ୍ମ୍ ସଲୋ॒କତା॑-ମାପ୍ନୁୟା॒ମିତି॑ । ସ ଏ॒ତ-ଞ୍ଚ॒ନ୍ଦ୍ରମ॑ସେ ପ୍ରତୀ॒ଦୃଶ୍ୟା॑ୟୈ ପୁରୋ॒ଡାଶ॒-ମ୍ପଞ୍ଚ॑ଦଶକପାଲ॒-ନ୍ନିର॑ଵପତ୍ ।
ତତୋ॒ ଵୈ ସୋ॑-ଽହୋରା॒ତ୍ରା-ନ॑ର୍ଧମା॒ସା-ନ୍ମାସା॑-ନୃ॒ତୂନ୍-ଥ୍ସଂ॑ଵଁଥ୍ସ॒ର-ମା॒ପ୍ତ୍ଵା ।
ଚ॒ନ୍ଦ୍ରମ॑ସ॒-ସ୍ସାୟୁ॑ଜ୍ୟଗ୍ମ୍ ସଲୋ॒କତା॑ମାପ୍ନୋତ୍ ।
ଅ॒ହୋ॒ରା॒ତ୍ରାନ୍. ହ॒ ଵା ଅ॑ର୍ଧମା॒ସା-ନ୍ମାସା॑ନ୍-ଋ॒ତୂନ୍-ଥ୍ସଂ॑ଵଁଥ୍ସ॒ର-ମା॒ପ୍ତ୍ଵା । ଚ॒ନ୍ଦ୍ରମ॑ସ॒-ସ୍ସାୟୁ॑ଜ୍ୟଗ୍ମ୍ ସଲୋ॒କତା॑ମାପ୍ନୋତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଚ॒ନ୍ଦ୍ରମ॑ସେ॒ ସ୍ଵାହା᳚ ପ୍ରତୀ॒ଦୃଶ୍ୟା॑ୟୈ॒ ସ୍ଵାହା᳚ ।
ଅ॒ହୋ॒ରା॒ତ୍ରେଭ୍ୟ॒-ସ୍ସ୍ଵାହା᳚ ଽର୍ଧମା॒ସେଭ୍ୟ॒-ସ୍ସ୍ଵାହା᳚ ।
ମାସେ᳚ଭ୍ୟ॒-ସ୍ସ୍ଵାହ॒ର୍ତୁଭ୍ୟ॒-ସ୍ସ୍ଵାହା᳚ । ସଂ॒ଵଁ॒ଥ୍ସ॒ରାୟ॒ ସ୍ଵାହେତି॑ ॥ 57 ॥
ଅ॒ହୋ॒ରା॒ତ୍ରେ ଵା ଅ॑କାମୟେତାମ୍ । ଅତ୍ୟ॑ହୋରା॒ତ୍ରେ ମୁ॑ଚ୍ୟେଵହି ।
ନ ନା॑ଵହୋରା॒ତ୍ରେ ଆ᳚ପ୍ନୁୟାତା॒ମିତି॑ । ତେ ଏ॒ତମ॑ହୋ-ରା॒ତ୍ରାଭ୍ୟା᳚-ଞ୍ଚ॒ରୁ-ନ୍ନିର॑ଵପତାମ୍ । ଦ୍ଵ॒ୟାନାଂ᳚-ଵ୍ରୀଁହୀ॒ଣାମ୍ । ଶୁ॒କ୍ଲାନା᳚-ଞ୍ଚ କୃ॒ଷ୍ଣାନା᳚-ଞ୍ଚ । ସ॒ଵା॒ତ୍ୟୋର୍ଦୁ॒ଗ୍ଧେ । ଶ୍ଵେ॒ତାୟୈ॑ ଚ କୃ॒ଷ୍ଣାୟୈ॑ ଚ ।
ତତୋ॒ ଵୈ ତେ ଅତ୍ୟ॑ହୋରା॒ତ୍ରେ ଅ॑ମୁଚ୍ୟେତେ ।
ନୈନେ॑ ଅହୋରା॒ତ୍ରେ ଆ᳚ପ୍ନୁତାମ୍ । ଅତି॑ ହ॒ ଵା ଅ॑ହୋରା॒ତ୍ରେ ମୁ॑ଚ୍ୟତେ । ନୈନ॑ମହୋରା॒ତ୍ରେ ଆ᳚ପ୍ନୁତଃ । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂଵେଁଦ॑ ।
ସୋ-ଽତ୍ର॑ ଜୁହୋତି । ଅହ୍ନେ॒ ସ୍ଵାହା॒ ରାତ୍ରି॑ୟୈ॒ ସ୍ଵାହା᳚ ।
ଅତି॑ମୁକ୍ତ୍ୟୈ॒ ସ୍ଵାହେତି॑ ॥ 58 ॥
ଉ॒ଷା ଵା ଅ॑କାମୟତ । ପ୍ରି॒ୟା ଽଽଦି॒ତ୍ୟସ୍ୟ॑ ସୁ॒ଭଗା᳚ ସ୍ୟା॒ମିତି॑ । ସୈତମୁ॒ଷସେ॑ ଚ॒ରୁ-ନ୍ନିର॑ଵପତ୍ ।
ତତୋ॒ ଵୈ ସା ପ୍ରି॒ୟା ଽଽଦି॒ତ୍ୟସ୍ୟ॑ ସୁ॒ଭଗା॑ ଽଭଵତ୍ ।
ପ୍ରି॒ୟୋ ହ॒ ଵୈ ସ॑ମା॒ନାନାଗ୍ମ୍॑ ସୁ॒ଭଗୋ॑ ଭଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଉ॒ଷସେ॒ ସ୍ଵାହା॒ ଵ୍ୟୁ॑ଷ୍ଟ୍ୟୈ॒ ସ୍ଵାହା᳚ ।
ଵ୍ୟୂ॒ଷୁଷ୍ୟୈ॒ ସ୍ଵାହା᳚ ଵ୍ୟୁ॒ଚ୍ଛନ୍ତ୍ୟୈ॒ ସ୍ଵାହା᳚ । ଵ୍ୟୁ॑ଷ୍ଟାୟୈ॒ ସ୍ଵାହେତି॑ ॥ 59 ॥
ଅଥୈ॒ତସ୍ମୈ॒ ନକ୍ଷ॑ତ୍ରାୟ ଚ॒ରୁ-ନ୍ନିର୍ଵ॑ପତି । ୟଥା॒ ତ୍ଵ-ନ୍ଦେ॒ଵାନା॒ମସି॑ । ଏ॒ଵମ॒ହ-ମ୍ମ॑ନୁ॒ଷ୍ୟା॑ଣା-ମ୍ଭୂୟାସ॒ମିତି॑ । ୟଥା॑ ହ॒ ଵା ଏ॒ତ-ଦ୍ଦେ॒ଵାନା᳚ମ୍ ।
ଏ॒ଵଗ୍ମ୍ ହ॒ ଵା ଏ॒ଷ ମ॑ନୁ॒ଷ୍ୟା॑ଣା-ମ୍ଭଵତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ନକ୍ଷ॑ତ୍ରାୟ॒ ସ୍ଵାହୋ॑ଦେଷ୍ୟ॒ତେ ସ୍ଵାହା᳚ ।
ଉ॒ଦ୍ୟ॒ତେ ସ୍ଵାହୋଦି॑ତାୟ॒ ସ୍ଵାହା᳚ । ହର॑ସେ॒ ସ୍ଵାହା॒ ଭର॑ସେ॒ ସ୍ଵାହା᳚ । ଭ୍ରାଜ॑ସେ॒ ସ୍ଵାହା॒ ତେଜ॑ସେ॒ ସ୍ଵାହା᳚ ।
ତପ॑ସେ॒ ସ୍ଵାହା᳚ ବ୍ରହ୍ମଵର୍ଚ॒ସାୟ॒ ସ୍ଵାହେତି॑ ॥ 60 ॥
ସୂର୍ୟୋ॒ ଵା ଅ॑କାମୟତ । ନକ୍ଷ॑ତ୍ରାଣା-ମ୍ପ୍ରତି॒ଷ୍ଠା ସ୍ୟା॒ମିତି॑ । ସ ଏ॒ତଗ୍ମ୍ ସୂର୍ୟା॑ୟ॒ ନକ୍ଷ॑ତ୍ରେଭ୍ୟଶ୍ଚ॒ରୁ-ନ୍ନିର॑ଵପତ୍ ।
ତତୋ॒ ଵୈ ସ ନକ୍ଷ॑ତ୍ରାଣା-ମ୍ପ୍ରତି॒ଷ୍ଠା ଽଭ॑ଵତ୍ ।
ପ୍ର॒ତି॒ଷ୍ଠା ହ॒ ଵୈ ସ॑ମା॒ନାନା᳚-ମ୍ଭଵତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ସୂର୍ୟା॑ୟ॒ ସ୍ଵାହା॒ ନକ୍ଷ॑ତ୍ରେଭ୍ୟ॒-ସ୍ସ୍ଵାହା᳚ । ପ୍ର॒ତି॒ଷ୍ଠାୟୈ॒ ସ୍ଵାହେତି॑ ॥ 61 ॥
ଅଥୈ॒ତମଦି॑ତ୍ୟୈ ଚ॒ରୁ-ନ୍ନିର୍ଵ॑ପତି । ଇ॒ୟଂ-ଵାଁ ଅଦି॑ତିଃ ।
ଅ॒ସ୍ୟାମେ॒ଵ ପ୍ରତି॑ ତିଷ୍ଠତି । ସୋ-ଽତ୍ର॑ ଜୁହୋତି ।
ଅଦି॑ତ୍ୟୈ॒ ସ୍ଵାହା᳚ ପ୍ରତି॒ଷ୍ଠାୟୈ॒ ସ୍ଵାହେତି॑ ॥ 62 ॥
ଅଥୈ॒ତଂ-ଵିଁଷ୍ଣ॑ଵେ ଚ॒ରୁ-ନ୍ନିର୍ଵ॑ପତି । ୟ॒ଜ୍ଞୋ ଵୈ ଵିଷ୍ଣୁଃ॑ । ୟ॒ଜ୍ଞ ଏ॒ଵାନ୍ତ॒ତଃ ପ୍ରତି॑ ତିଷ୍ଠତି । ସୋ-ଽତ୍ର॑ ଜୁହୋତି । ଵିଷ୍ଣ॑ଵେ॒ ସ୍ଵାହା॑ ୟ॒ଜ୍ଞାୟ॒ ସ୍ଵାହା᳚ । ପ୍ର॒ତି॒ଷ୍ଠାୟୈ॒ ସ୍ଵାହେତି॑ ॥ 63 ॥
(ଚ॒ନ୍ଦ୍ରମାଃ॒ ପଞ୍ଚ॑ଦଶା – ହୋରା॒ତ୍ରେ ସ॒ପ୍ତଦ॑ – ଶୋ॒ଷା ଏକା॑ଦ॒ଶା – ଥୈ॒ତସ୍ମୈ॒ ନକ୍ଷ॑ତ୍ତାୟ॒ ତ୍ରୟୋ॑ଦଶ॒ – ସୂର୍ୟୋ॒ ଦଶା – ଥୈ॒ତମଦି॑ତ୍ୟୈ॒ ପଞ୍ଚା – ଥୈ॒ତଂ-ଵିଁଷ୍ଣ॑ଵେ॒ ଷଟ୍-ଥ୍ସ॒ପ୍ତ) (ଅ. 6)
[ସ॒ଵି॒ତା-ଽଽଶୂ॒ନାଂ-ଵ୍ରୀଁ॑ହୀ॒ଣାମିନ୍ଦ୍ରୋ॑ ମ॒ହାଵ୍ରୀ॑ହୀଣା॒ମିନ୍ଦ୍ରଃ॑ କୃ॒ଷ୍ଣାନୋଂ᳚
ଁଵ୍ରୀହୀ॒ଣାମ॑ହୋରା॒ତ୍ରେ ଦ୍ଵ॒ୟାନାଂ᳚-ଵ୍ରୀଁହୀ॒ଣାମ୍ । ପି॒ତର॒-ଷ୍ଷଟ୍କ॑ପାଲଗ୍ମ୍ ସଵି॒ତା ଦ୍ଵାଦ॑ଶକପାଲମିନ୍ଦ୍ରା॒ଗ୍ନୀ ଏକା॑ଦଶକପାଲ॒ମିନ୍ଦ୍ର॒ ଏକା॑ଦଶକପାଲ॒ମିନ୍ଦ୍ରୋ॒ ଦଶ॑କପାଲଂ॒-ଵିଁଷ୍ଣୁ॑ସ୍ତ୍ରିକପା॒ଲମହି॒-ର୍ଭୂମି॑କପାଲମ॒ଶ୍ଵିନୌ᳚ ଦ୍ଵିକପା॒ଲ-ଞ୍ଚ॒ନ୍ଦ୍ରମାଃ॒ ପଞ୍ଚ॑ଦଶକପାଲ-ମ॒ଗ୍ନିରତ୍ଵଷ୍ଟା॒ ଵସ॑ଵୋ॒-ଽଷ୍ଟାକ॑ପାଲମ॒ନ୍ୟତ୍ର॑ ଚ॒ରୁମ୍ । ରୁ॒ଦ୍ରୋ᳚-ଽର୍ୟ॒ମା ପୂ॒ଷା ପ॑ଶୁ॒ମାନ୍-ଥ୍ସ୍ୟା॒ଗ୍ମ୍॒ ସୋମୋ॑ ରୁ॒ଦ୍ରୋ ବୃହ॒ସ୍ପତିଃ॒ ପୟ॑ସି ଵା॒ୟୁଃ ପୟ॒-ସ୍ସୋମୋ॑ ଵା॒ୟୁରି॑ନ୍ଦ୍ରା॒ଗ୍ନୀ ମି॒ତ୍ର ଇନ୍ଦ୍ର॒ ଆପୋ॒ ବ୍ରହ୍ମ॑ ୟ॒ମୋ॑-ଽଭିଜି॑ତ୍ୟୈ॒ ତ୍ଵଷ୍ଟା᳚ ପ୍ର॒ଜାପ॑ତିଃ ପ୍ର॒ଜାୟୈ॑ ପୌର୍ଣମା॒ସ୍ୟା ଅ॑ମାଵା॒ସ୍ୟା॑ୟା॒ ଆଗ॑ତ୍ୟୈ॒ ଵିଶ୍ଵେ॒ ଜିତ୍ୟା॑
ଅ॒ଶ୍ଵିନୌ॒ ଶ୍ରୁତ୍ୟୈ᳚ । ବ୍ରହ୍ମ॒ ତଦେ॒ତଂ-ଵିଁଷ୍ଣୁ॒-ସ୍ସ ଏ॒ତଂ-ଵାଁ॒ୟୁ-ସ୍ସ ଏ॒ତଦାପ॒ସ୍ତାଃ । ପି॒ତରୋ॒ ଵିଶ୍ଵେ॒ ଵସ॑ଵୋ-ଽକାମୟନ୍ତ॒ମେତି॒ ତ ଏ॒ତ-ନ୍ନିର॑ଵପନ୍ନ୍ । ଆପୋ॑-ଽକାମୟନ୍ତ॒ ମେତି॒ ତା ଏ॒ତ-ନ୍ନିର॑ଵପନ୍ନ୍ । ଇ॒ନ୍ଦ୍ରା॒ଗ୍ନୀ ଅ॒ଶ୍ଵିନା॑ଵକାମୟେତାଂ॒-ଵେଁତି॒ ତାଵେ॒ତ-ନ୍ନିର॑ଵପଦାମ୍ । ଅ॒ହୋ॒ରା॒ତ୍ରେ ଵା ଅ॑କାମୟେତା॒ମିତି॒ ତେ ଏ॒ତ-ନ୍ନିର॑ଵପତାମ୍ ।
ଅ॒ନ୍ୟତ୍ରା॑କାମୟତ॒ମିତି॒ ସ ଏ॒ତ-ନ୍ନିର॑ଵପତ୍ । ଇ॒ନ୍ଦ୍ରା॒ଗ୍ନୀ ଶ୍ରୈଷ୍ଠ୍ୟ॒ମିନ୍ଦ୍ରୋ॒ ଜ୍ୟୈଷ୍ଠ୍ୟ॒ମିନ୍ଦ୍ରୋ॑ ଦୃ॒ଢଃ ।
ଆହି॒-ସ୍ସୂର୍ୟୋ-ଽଦି॑ତ୍ୟୈ॒ ଵିଷ୍ଣ॑ଵେ ପ୍ରତି॒ଷ୍ଠାୟୈ᳚ ।
ସୋମୋ॑ ୟ॒ମ-ସ୍ସ॑ମା॒ନାନା᳚ମ୍ । ଅ॒ଗ୍ନିର୍ନୋ॑ ରୀରିଷଦ॒ନ୍ୟତ୍ର॑ ରୀରିଷଃ]
[ଵି॒ଦୁଷୋ॑ ହ॒ଵିଷା॒ ୟ ଉ॑ ଚୈନଦେ॒ଵଂ-ଵେଁଦ॑ । ଇଷ୍ଟି॑ଭି॒ର୍ୟ ଉ॑ ଚୈନା ଏ॒ଵଂ-ଵେଁଦ॑ ।
ଅ॒ନ୍ୟତ୍ର॑ ବ୍ରାହ୍ମ॒ଣେ ୟ ଉ॑ ଚୈନମେ॒ଵଂ-ଵେଁଦ॑ ]
ଫ୍ରପାତକ ଖୋର୍ଵୈ ଵି-ଥ୍ସ୍ତର୍ତିନ୍ଗ୍ ଫଦମ୍ସ୍ ଓf 1 ତୋ 6 ଆନୁଵାକମ୍ସ୍ ଃ-
(ଅ॒ଗ୍ନିର୍ନ॑-ଋ॒ଦ୍ଧ୍ୟାସ୍ମ॒-ନଵୋ॑ନଵୋ॒-ଽଗ୍ନି-ର୍ମି॒ତ୍ର – ଶ୍ଚ॒ନ୍ଦ୍ରମା॒-ଷ୍ଷଟ୍)
(ଅ॒ଗ୍ନିର୍ନ॒ – ସ୍ତନ୍ନୋ॑ ଵା॒ୟୁ – ରହି॑ର୍ବୂ॒ଦ୍ଧ୍ନିୟ॑ – ଋ॒କ୍ଷା ଵା ଇ॒ୟ – ମଥୈ॒ତ-ତ୍ପୌ᳚ର୍ଣମା॒ସ୍ୟା – ଅ॒ଜୋ ଵା ଏକ॑ପା॒ଥ୍ – ସୂର୍ୟ॒ ସ୍ତ୍ରିଷ॑ଷ୍ଟିଃ)
(ଅ॒ଗ୍ନିର୍ନଃ॑ – ପାତୁ ପ୍ରତି॒ଷ୍ଠାୟୈ॒ ସ୍ଵାହେତି॑ )
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ପ୍ରଥମଃ ପ୍ରପାଠକ-ସ୍ସମାପ୍ତଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 3.1 - ନକ୍ଷତ୍ରେଷ୍ଟୀନାଂ ୟାଜ୍ୟାଽନୁଵାକ୍ୟା ବ୍ରାହ୍ମଣାନି - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଅଗ୍ନିରଃ ପାତୁ କୃତ୍ତିକାଃ?
3.1 - ନକ୍ଷତ୍ରେଷ୍ଟୀନାଂ ୟାଜ୍ୟାଽନୁଵାକ୍ୟା ବ୍ରାହ୍ମଣାନି - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଅଗ୍ନିରଃ ପାତୁ କୃତ୍ତିକାଃ is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 3.1 - ନକ୍ଷତ୍ରେଷ୍ଟୀନାଂ ୟାଜ୍ୟାଽନୁଵାକ୍ୟା ବ୍ରାହ୍ମଣାନି - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଅଗ୍ନିରଃ ପାତୁ କୃତ୍ତିକାଃ online?
Yes. The imported text is available directly on this page for online reading and recitation.
Can I download 3.1 - ନକ୍ଷତ୍ରେଷ୍ଟୀନାଂ ୟାଜ୍ୟାଽନୁଵାକ୍ୟା ବ୍ରାହ୍ମଣାନି - କୃଷ୍ଣ ୟଜୁର୍ଵେଦ ତୈତ୍ତିରୀୟ ବ୍ରାହ୍ମଣ ପାଠଃ - ଅଗ୍ନିରଃ ପାତୁ କୃତ୍ତିକାଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.