କୁଂତୀ ସ୍ତୁତିଃ (ଭାଗଵତ ପୁରାଣ)
(ଶ୍ରୀମଦ୍ଭାଗଵତ ମହାପୁରାଣେ ପ୍ରଥମସ୍କଂଧେ ଅଷ୍ଟମାଧ୍ୟାୟଃ)
କୁଂତ୍ୟୁଵାଚ ।
ନମସ୍ୟେ ପୁରୁଷଂ ତ୍ଵାଦ୍ୟମୀଶ୍ଵରଂ ପ୍ରକୃତେଃ ପରମ୍ ।
ଅଲକ୍ଷ୍ୟଂ ସର୍ଵଭୂତାନାମଂତର୍ବହିରଵସ୍ଥିତମ୍ ॥ 18 ॥
ମାୟାଜଵନିକାଚ୍ଛନ୍ନମଜ୍ଞାଧୋକ୍ଷଜମଵ୍ୟୟମ୍ ।
ନ ଲକ୍ଷ୍ୟସେ ମୂଢଦୃଶା ନଟୋ ନାଟ୍ୟଧରୋ ୟଥା ॥ 19 ॥
ତଥା ପରମହଂସାନାଂ ମୁନୀନାମମଲାତ୍ମନାମ୍ ।
ଭକ୍ତିୟୋଗଵିଧାନାର୍ଥଂ କଥଂ ପଶ୍ୟେମ ହି ସ୍ତ୍ରିୟଃ ॥ 20 ॥
କୃଷ୍ଣାୟ ଵାସୁଦେଵାୟ ଦେଵକୀନଂଦନାୟ ଚ ।
ନଂଦଗୋପକୁମାରାୟ ଗୋଵିଂଦାୟ ନମୋ ନମଃ ॥ 21 ॥
ନମଃ ପଂକଜନାଭାୟ ନମଃ ପଂକଜମାଲିନେ ।
ନମଃ ପଂକଜନେତ୍ରାୟ ନମସ୍ତେ ପଂକଜାଂଘ୍ରୟେ ॥ 22 ॥
ୟଥା ହୃଷୀକେଶ ଖଲେନ ଦେଵକୀ କଂସେନ ରୁଦ୍ଧାତିଚିରଂ ଶୁଚାର୍ପିତା ।
ଵିମୋଚିତାହଂ ଚ ସହାତ୍ମଜା ଵିଭୋ ତ୍ଵୟୈଵ ନାଥେନ ମୁହୁର୍ଵିପଦ୍ଗଣାତ୍ ॥ 23 ॥
ଵିଷାନ୍ମହାଗ୍ନେଃ ପୁରୁଷାଦଦର୍ଶନାଦସତ୍ସଭାୟା ଵନଵାସକୃଚ୍ଛ୍ରତଃ ।
ମୃଧେ ମୃଧେଽନେକମହାଥାସ୍ତ୍ରତୋ ଦ୍ରୌଣ୍ୟସ୍ତ୍ରତଶ୍ଚାସ୍ମ ହରେଽଭିରକ୍ଷିତାଃ ॥ 24 ॥
ଵିପଦଃ ସଂତୁ ତାଃ ଶଶ୍ଵତ୍ତତ୍ର ତତ୍ର ଜଗଦ୍ଗୁରୋ ।
ଭଵତୋ ଦର୍ଶନଂ ୟତ୍ସ୍ୟାଦପୁନର୍ଭଵଦର୍ଶନମ୍ ॥ 25 ॥
ଜନ୍ମୈଶ୍ଵର୍ୟଶ୍ରୁତଶ୍ରୀଭିରେଧମାନମଦଃ ପୁମାନ୍ ।
ନୈଵାର୍ହତ୍ୟଭିଧାତୁଂ ଵୈ ତ୍ଵାମକିଂଚନଗୋଚରମ୍ ॥ 26 ॥
ନମୋଽକିଂଚନଵିତ୍ତାୟ ନିଵୃତ୍ତଗୁଣଵୃତ୍ତୟେ ।
ଆତ୍ମାରାମାୟ ଶାଂତାୟ କୈଵଲ୍ୟପତୟେ ନମଃ ॥ 27 ॥
ମନ୍ୟେ ତ୍ଵାଂ କାଲମୀଶାନମନାଦିନିଧନଂ ଵିଭୁମ୍ ।
ସମଂ ଚରଂତଂ ସର୍ଵତ୍ର ଭୂତାନାଂ ୟନ୍ମିଥଃ କଲିଃ ॥ 28 ॥
ନ ଵେଦ କଶ୍ଚିଦ୍ଭଗଵଂଶ୍ଚିକୀର୍ଷିତଂ ତଵେହମାନସ୍ୟ ନୃଣାଂ ଵିଡଂବନମ୍ ।
ନ ୟସ୍ୟ କଶ୍ଚିଦ୍ଦୟିତୋଽସ୍ତି କର୍ହିଚିଦ୍ଦ୍ଵେଷ୍ୟଶ୍ଚ ୟସ୍ମିନ୍ଵିଷମା ମତିର୍ନୃଣାମ୍ ॥ 29 ॥
ଜନ୍ମ କର୍ମ ଚ ଵିଶ୍ଵାତ୍ମନ୍ନଜସ୍ୟାକର୍ତୁରାତ୍ମନଃ ।
ତିର୍ୟଂନୃଷିଷୁ ୟାଦଃସୁ ତଦତ୍ୟଂତଵିଡଂବନମ୍ ॥ 30 ॥
ଗୋପ୍ୟାଦଦେ ତ୍ଵୟି କୃତାଗସି ଦାମ ତାଵଦ୍ୟାତେ ଦଶାଶ୍ରୁକଲିଲାଂଜନସଂଭ୍ରମାକ୍ଷମ୍ ।
ଵକ୍ତ୍ରଂ ନିନୀୟ ଭୟଭାଵନୟା ସ୍ଥିତସ୍ୟ ସା ମାଂ ଵିମୋହୟତି ଭୀରପି ୟଦ୍ବିଭେତି ॥ 31 ॥
କେଚିଦାହୁରଜଂ ଜାତଂ ପୁଣ୍ୟଶ୍ଲୋକସ୍ୟ କୀର୍ତୟେ ।
ୟଦୋଃ ପ୍ରିୟସ୍ୟାନ୍ଵଵାୟେ ମଲୟସ୍ୟେଵ ଚଂଦନମ୍ ॥ 32 ॥
ଅପରେ ଵସୁଦେଵସ୍ୟ ଦେଵକ୍ୟାଂ ୟାଚିତୋଽଭ୍ୟଗାତ୍ ।
ଅଜସ୍ତ୍ଵମସ୍ୟ କ୍ଷେମାୟ ଵଧାୟ ଚ ସୁରଦ୍ଵିଷାମ୍ ॥ 33 ॥
ଭାରାଵତାରଣାୟାନ୍ୟେ ଭୁଵୋ ନାଵ ଇଵୋଦଧୌ ।
ସୀଦଂତ୍ୟା ଭୂରିଭାରେଣ ଜାତୋ ହ୍ୟାତ୍ମଭୁଵାର୍ଥିତଃ ॥ 34 ॥
ଭଵେସ୍ମିନ୍କ୍ଲିଶ୍ୟମାନାନାମଵିଦ୍ୟାକାମକର୍ମଭିଃ ।
ଶ୍ରଵଣସ୍ମରଣାର୍ହାଣି କରିଷ୍ୟନ୍ନିତି କେଚନ ॥ 35 ॥
ଶୃଣ୍ଵଂତି ଗାୟଂତି ଗୃଣଂତ୍ୟଭୀକ୍ଷ୍ଣଶଃ ସ୍ମରଂତି ନଂଦଂତି ତଵେହିତଂ ଜନାଃ ।
ତ ଏଵ ପଶ୍ୟଂତ୍ୟଚିରେଣ ତାଵକଂ ଭଵପ୍ରଵାହୋପରମଂ ପଦାଂବୁଜମ୍ ॥ 36 ॥
ଅପ୍ୟଦ୍ୟ ନସ୍ତ୍ଵଂ ସ୍ଵକୃତେହିତ ପ୍ରଭୋ ଜିହାସସି ସ୍ଵିତ୍ସୁହୃଦୋଽନୁଜୀଵିନଃ ।
ୟେଷାଂ ନ ଚାନ୍ୟଦ୍ଭଵତଃ ପଦାଂବୁଜାତ୍ପରାୟଣଂ ରାଜସୁ ୟୋଜିତାଂହସାମ୍ ॥ 37 ॥
କେ ଵୟଂ ନାମରୂପାଭ୍ୟାଂ ୟଦୁଭିଃ ସହ ପାଂଡଵାଃ ।
ଭଵତୋଽଦର୍ଶନଂ ୟର୍ହି ହୃଷୀକାଣାମିଵେଶିତୁଃ ॥ 38 ॥
ନେୟଂ ଶୋଭିଷ୍ୟତେ ତତ୍ର ୟଥେଦାନୀଂ ଗଦାଧର ।
ତ୍ଵତ୍ପଦୈରଂକିତା ଭାତି ସ୍ଵଲକ୍ଷଣଵିଲକ୍ଷିତୈଃ ॥ 39 ॥
ଇମେ ଜନପଦାଃ ସ୍ଵୃଦ୍ଧାଃ ସୁପକ୍ଵୌଷଧିଵୀରୁଧଃ ।
ଵନାଦ୍ରିନଦ୍ୟୁଦନ୍ଵଂତୋ ହ୍ୟେଧଂତେ ତଵ ଵୀକ୍ଷିତୈଃ ॥ 40 ॥
ଅଥ ଵିଶ୍ଵେଶ ଵିଶ୍ଵାତ୍ମନ୍ଵିଶ୍ଵମୂର୍ତେ ସ୍ଵକେଷୁ ମେ ।
ସ୍ନେହପାଶମିମଂ ଛିଂଧି ଦୃଢଂ ପାଂଡୁଷୁ ଵୃଷ୍ଣିଷୁ ॥ 41 ॥
ତ୍ଵୟି ମେଽନନ୍ୟଵିଷୟା ମତିର୍ମଧୁପତେଽସକୃତ୍ ।
ରତିମୁଦ୍ଵହତାଦଦ୍ଧା ଗଂଗେଵୌଘମୁଦନ୍ଵତି ॥ 42 ॥
ଶ୍ରୀକୃଷ୍ଣ କୃଷ୍ଣସଖ ଵୃଷ୍ଣ୍ୟୃଷଭାଵନିଦ୍ରୁଗ୍ରାଜନ୍ୟଵଂଶଦହନାନପଵର୍ଗଵୀର୍ୟ ।
ଗୋଵିଂଦ ଗୋଦ୍ଵିଜସୁରାର୍ତିହରାଵତାର ୟୋଗେଶ୍ଵରାଖିଲଗୁରୋ ଭଗଵନ୍ନମସ୍ତେ ॥ 43 ॥
॥ ଇତି ଶ୍ରୀମଦ୍ଭାଗଵତେ ମହାପୁରାଣେ ପାରମହଂସ୍ୟାଂ ସଂହିତାୟାଂ ପ୍ରଥମସ୍କଂଧେ ଅଷ୍ଟମେଽଧ୍ୟାୟେ ଶ୍ରୀକୁଂତୀକୃତକୃଷ୍ଣସ୍ତୁତିଃ ସଂପୂର୍ଣା ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is କୁଂତୀ ସ୍ତୁତିଃ (ଭାଗଵତ ପୁରାଣ)?
କୁଂତୀ ସ୍ତୁତିଃ (ଭାଗଵତ ପୁରାଣ) is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read କୁଂତୀ ସ୍ତୁତିଃ (ଭାଗଵତ ପୁରାଣ) online?
Yes. The imported text is available directly on this page for online reading and recitation.
Can I download କୁଂତୀ ସ୍ତୁତିଃ (ଭାଗଵତ ପୁରାଣ) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.