କଲ୍ୟାଣଵୃଷ୍ଟି ସ୍ତଵଃ
କଲ୍ୟାଣଵୃଷ୍ଟିଭିରିଵାମୃତପୂରିତାଭି-
-ର୍ଲକ୍ଷ୍ମୀସ୍ଵୟଂଵରଣମଂଗଲଦୀପିକାଭିଃ ।
ସେଵାଭିରଂବ ତଵ ପାଦସରୋଜମୂଲେ
ନାକାରି କିଂ ମନସି ଭାଗ୍ୟଵତାଂ ଜନାନାମ୍ ॥ 1 ॥
ଏତାଵଦେଵ ଜନନି ସ୍ପୃହଣୀୟମାସ୍ତେ
ତ୍ଵଦ୍ଵଂଦନେଷୁ ସଲିଲସ୍ଥଗିତେ ଚ ନେତ୍ରେ ।
ସାଂନିଧ୍ୟମୁଦ୍ୟଦରୁଣାୟୁତସୋଦରସ୍ୟ
ତ୍ଵଦ୍ଵିଗ୍ରହସ୍ୟ ପରୟା ସୁଧୟାପ୍ଲୁତସ୍ୟ ॥ 2 ॥
ଈଶତ୍ଵନାମକଲୁଷାଃ କତି ଵା ନ ସଂତି
ବ୍ରହ୍ମାଦୟଃ ପ୍ରତିଭଵଂ ପ୍ରଲୟାଭିଭୂତାଃ ।
ଏକଃ ସ ଏଵ ଜନନି ସ୍ଥିରସିଦ୍ଧିରାସ୍ତେ
ୟଃ ପାଦୟୋସ୍ତଵ ସକୃତ୍ପ୍ରଣତିଂ କରୋତି ॥ 3 ॥
ଲବ୍ଧ୍ଵା ସକୃତ୍ତ୍ରିପୁରସୁଂଦରି ତାଵକୀନଂ
କାରୁଣ୍ୟକଂଦଲିତକାଂତିଭରଂ କଟାକ୍ଷମ୍ ।
କଂଦର୍ପକୋଟିସୁଭଗାସ୍ତ୍ଵୟି ଭକ୍ତିଭାଜଃ
ସଂମୋହୟଂତି ତରୁଣୀର୍ଭୁଵନତ୍ରୟେଽପି ॥ 4 ॥
ହ୍ରୀଂକାରମେଵ ତଵ ନାମ ଗୃଣଂତି ଵେଦା
ମାତସ୍ତ୍ରିକୋଣନିଲୟେ ତ୍ରିପୁରେ ତ୍ରିନେତ୍ରେ ।
ତ୍ଵତ୍ସଂସ୍ମୃତୌ ୟମଭଟାଭିଭଵଂ ଵିହାୟ
ଦୀଵ୍ୟଂତି ନଂଦନଵନେ ସହ ଲୋକପାଲୈଃ ॥ 5 ॥
ହଂତୁଃ ପୁରାମଧିଗଲଂ ପରିପୀୟମାନଃ
କ୍ରୂରଃ କଥଂ ନ ଭଵିତା ଗରଲସ୍ୟ ଵେଗଃ ।
ନାଶ୍ଵାସନାୟ ୟଦି ମାତରିଦଂ ତଵାର୍ଥଂ
ଦେହସ୍ୟ ଶଶ୍ଵଦମୃତାପ୍ଲୁତଶୀତଲସ୍ୟ ॥ 6 ॥
ସର୍ଵଜ୍ଞତାଂ ସଦସି ଵାକ୍ପଟୁତାଂ ପ୍ରସୂତେ
ଦେଵି ତ୍ଵଦଂଘ୍ରିସରସୀରୁହୟୋଃ ପ୍ରଣାମଃ ।
କିଂ ଚ ସ୍ଫୁରନ୍ମକୁଟମୁଜ୍ଜ୍ଵଲମାତପତ୍ରଂ
ଦ୍ଵେ ଚାମରେ ଚ ମହତୀଂ ଵସୁଧାଂ ଦଦାତି ॥ 7 ॥
କଲ୍ପଦ୍ରୁମୈରଭିମତପ୍ରତିପାଦନେଷୁ
କାରୁଣ୍ୟଵାରିଧିଭିରଂବ ଭଵାତ୍କଟାକ୍ଷୈଃ ।
ଆଲୋକୟ ତ୍ରିପୁରସୁଂଦରି ମାମନାଥଂ
ତ୍ଵୟ୍ୟେଵ ଭକ୍ତିଭରିତଂ ତ୍ଵୟି ବଦ୍ଧତୃଷ୍ଣମ୍ ॥ 8 ॥
ହଂତେତରେଷ୍ଵପି ମନାଂସି ନିଧାୟ ଚାନ୍ୟେ
ଭକ୍ତିଂ ଵହଂତି କିଲ ପାମରଦୈଵତେଷୁ ।
ତ୍ଵାମେଵ ଦେଵି ମନସା ସମନୁସ୍ମରାମି
ତ୍ଵାମେଵ ନୌମି ଶରଣଂ ଜନନି ତ୍ଵମେଵ ॥ 9 ॥
ଲକ୍ଷ୍ୟେଷୁ ସତ୍ସ୍ଵପି କଟାକ୍ଷନିରୀକ୍ଷଣାନା-
-ମାଲୋକୟ ତ୍ରିପୁରସୁଂଦରି ମାଂ କଦାଚିତ୍ ।
ନୂନଂ ମୟା ତୁ ସଦୃଶଃ କରୁଣୈକପାତ୍ରଂ
ଜାତୋ ଜନିଷ୍ୟତି ଜନୋ ନ ଚ ଜାୟତେ ଵା ॥ 10 ॥
ହ୍ରୀଂ ହ୍ରୀମିତି ପ୍ରତିଦିନଂ ଜପତାଂ ତଵାଖ୍ୟାଂ
କିଂ ନାମ ଦୁର୍ଲଭମିହ ତ୍ରିପୁରାଧିଵାସେ ।
ମାଲାକିରୀଟମଦଵାରଣମାନନୀୟା
ତାନ୍ସେଵତେ ଵସୁମତୀ ସ୍ଵୟମେଵ ଲକ୍ଷ୍ମୀଃ ॥ 11 ॥
ସଂପତ୍କରାଣି ସକଲେଂଦ୍ରିୟନଂଦନାନି
ସାମ୍ରାଜ୍ୟଦାନନିରତାନି ସରୋରୁହାକ୍ଷି ।
ତ୍ଵଦ୍ଵଂଦନାନି ଦୁରିତାହରଣୋଦ୍ୟତାନି
ମାମେଵ ମାତରନିଶଂ କଲୟଂତୁ ନାନ୍ୟମ୍ ॥ 12 ॥
କଲ୍ପୋପସଂହୃତିଷୁ କଲ୍ପିତତାଂଡଵସ୍ୟ
ଦେଵସ୍ୟ ଖଂଡପରଶୋଃ ପରଭୈରଵସ୍ୟ ।
ପାଶାଂକୁଶୈକ୍ଷଵଶରାସନପୁଷ୍ପବାଣା
ସା ସାକ୍ଷିଣୀ ଵିଜୟତେ ତଵ ମୂର୍ତିରେକା ॥ 13 ॥
ଲଗ୍ନଂ ସଦା ଭଵତୁ ମାତରିଦଂ ତଵାର୍ଧଂ
ତେଜଃ ପରଂ ବହୁଲକୁଂକୁମପଂକଶୋଣମ୍ ।
ଭାସ୍ଵତ୍କିରୀଟମମୃତାଂଶୁକଲାଵତଂସଂ
ମଧ୍ୟେ ତ୍ରିକୋଣନିଲୟଂ ପରମାମୃତାର୍ଦ୍ରମ୍ ॥ 14 ॥
ହ୍ରୀଂକାରମେଵ ତଵ ନାମ ତଦେଵ ରୂପଂ
ତ୍ଵନ୍ନାମ ଦୁର୍ଲଭମିହ ତ୍ରିପୁରେ ଗୃଣଂତି ।
ତ୍ଵତ୍ତେଜସା ପରିଣତଂ ଵିୟଦାଦିଭୂତଂ
ସୌଖ୍ୟଂ ତନୋତି ସରସୀରୁହସଂଭଵାଦେଃ ॥ 15 ॥
ହ୍ରୀଂକାରତ୍ରୟସଂପୁଟେନ ମହତା ମଂତ୍ରେଣ ସଂଦୀପିତଂ
ସ୍ତୋତ୍ରଂ ୟଃ ପ୍ରତିଵାସରଂ ତଵ ପୁରୋ ମାତର୍ଜପେନ୍ମଂତ୍ରଵିତ୍ ।
ତସ୍ୟ କ୍ଷୋଣିଭୁଜୋ ଭଵଂତି ଵଶଗା ଲକ୍ଷ୍ମୀଶ୍ଚିରସ୍ଥାୟିନୀ
ଵାଣୀ ନିର୍ମଲସୂକ୍ତିଭାରଭାରିତା ଜାଗର୍ତି ଦୀର୍ଘଂ ଵୟଃ ॥ 16 ॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ ଶ୍ରୀଗୋଵିଂଦଭଗଵତ୍ପୂଜ୍ୟପାଦଶିଷ୍ୟସ୍ୟ ଶ୍ରୀମଚ୍ଛଂକରଭଗଵତଃ କୃତୌ କଲ୍ୟାଣଵୃଷ୍ଟି ସ୍ତଵଃ ।
ବାରମ୍ବାର ପଚରାଯାଉଥିବା ପ୍ରଶ୍ନ
What is କଲ୍ୟାଣଵୃଷ୍ଟି ସ୍ତଵଃ?
କଲ୍ୟାଣଵୃଷ୍ଟି ସ୍ତଵଃ is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read କଲ୍ୟାଣଵୃଷ୍ଟି ସ୍ତଵଃ online?
Yes. The imported text is available directly on this page for online reading and recitation.
Can I download କଲ୍ୟାଣଵୃଷ୍ଟି ସ୍ତଵଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.