ହଂସ ଗୁହ୍ୟ ସ୍ତୋତ୍ରମ୍ (ଭାଗଵତ ପୁରାଣ)

(ଭାଗଵତପୁରାଣାଂତର୍ଗତମ୍)

ନମଃ ପରାୟାଵିତଥାନୁଭୂତୟେ
ଗୁଣତ୍ରୟାଭାସନିମିତ୍ତବଂଧଵେ ।
ଅଦୃଷ୍ଟଧାମ୍ନେ ଗୁଣତତ୍ତ୍ଵବୁଦ୍ଧିଭିଃ
ନିଵୃତ୍ତମାନାୟ ଦଧେ ସ୍ଵୟଂଭୁଵେ ॥ 1 ॥

ନ ୟସ୍ୟ ସଖ୍ୟଂ ପୁରୁଷୋଽଵୈତି ସଖ୍ୟୁଃ
ସଖା ଵସନ୍ସଂଵସତଃ ପୁରେଽସ୍ମିନ୍ ।
ଗୁଣୋ ୟଥା ଗୁଣିନୋ ଵ୍ୟକ୍ତଦୃଷ୍ଟେଃ
ତସ୍ମୈ ମହେଶାୟ ନମସ୍କରୋମି ॥ 2 ॥

ଦେହୋଽସଵୋଽକ୍ଷା ମନଵୋ ଭୂତମାତ୍ରା
ନାତ୍ମାନମନ୍ୟଂ ଚ ଵିଦୁଃ ପରଂ ୟତ୍ ।
ସର୍ଵଂ ପୁମାନ୍ ଵେଦ ଗୁଣାଂଶ୍ଚ ତଜ୍ଜ୍ଞୋ
ନ ଵେଦ ସର୍ଵଜ୍ଞମନଂତମୀଡେ ॥ 3 ॥

ୟଦୋପରାମୋ ମନସୋ ନାମରୂପ-
ରୂପସ୍ୟ ଦୃଷ୍ଟସ୍ମୃତିସପ୍ରମୋଷାତ୍ ।
ୟ ଈୟତେ କେଵଲୟା ସ୍ଵସଂସ୍ଥୟା
ହଂସାୟ ତସ୍ମୈ ଶୁଚିସଦ୍ମନେ ନମଃ ॥ 4 ॥

ମନୀଷିଣୋଽଂତର୍ହଦି ସନ୍ନିଵେଶିତଂ
ସ୍ଵଶକ୍ତିଭିର୍ନଵଭିଶ୍ଚ ତ୍ରିଵୃଦ୍ଭିଃ ।
ଵହ୍ନିଂ ୟଥା ଦାରୁଣି ପାଂଚଦଶ୍ୟଂ
ମନୀଷୟା ନିଷ୍କର୍ଷଂତି ଗୂଢମ୍ ॥ 5 ॥

ସ ଵୈ ମମାଶେଷଵିଶେଷମାୟା
ନିଷେଧନିଵାଣସୁଖାନୁଭୂତିଃ ।
ସ ସର୍ଵନାମା ସ ଚ ଵିଶ୍ଵରୂପଃ
ପ୍ରସୀଦତାମନିରୁକ୍ତାତ୍ମଶକ୍ତିଃ ॥ 6 ॥

ୟଦ୍ୟନ୍ନିରୁକ୍ତଂ ଵଚସା ନିରୂପିତଂ
ଧିୟାଽକ୍ଷଭିର୍ଵା ମନସା ଵୋତ ୟସ୍ୟ ।
ମା ଭୂତ୍ସ୍ଵରୂପଂ ଗୁଣରୂପଂ ହି ତତ୍ତତ୍
ସ ଵୈ ଗୁଣାପାୟଵିସର୍ଗଲକ୍ଷଣଃ ॥ 7 ॥

ୟସ୍ମିନ୍ ୟତୋ ୟେନ ଚ ୟସ୍ୟ ୟସ୍ମୈ
ୟଦ୍ୟୋ ୟଥା କୁରୂତେ କାର୍ୟତେ ଚ ।
ପରାଵରେଷାଂ ପରମଂ ପ୍ରାକ୍ ପ୍ରସିଦ୍ଧଂ
ତଦ୍ବ୍ରହ୍ମ ତଦ୍ଧେତୁରନନ୍ୟଦେକମ୍ ॥ 8 ॥

ୟଚ୍ଛକ୍ତୟୋ ଵଦତାଂ ଵାଦିତାଂ ଵୈ
ଵିଵାଦସଂଵାଦଭୁଵୋ ଭଵଂତି ।
କୁର୍ଵଂତି ଚୈଷାଂ ମୁହୁରାତ୍ମମୋହଂ
ତସ୍ମୈ ନମୋଽନଂତଗୁଣାୟ ଭୂମ୍ନେ ॥ 9 ॥

ଅସ୍ତୀତି ନାସ୍ତୀତି ଚ ଵସ୍ତୁନିଷ୍ଠୟୋଃ
ଏକସ୍ଥୟୋର୍ଭିନ୍ନଵିରୁଦ୍ଧଧର୍ମୟୋଃ ।
ଅଵେକ୍ଷିତଂ କିଂ ଚ ନ ୟୋଗସାଂଖ୍ୟୟୋଃ
ସମଂ ପରଂ ହ୍ୟନୁକୂଲଂ ବୃହତ୍ତତ୍ ॥ 10 ॥

ୟୋଽନୁଗହାର୍ଥଂ ଭଜତାଂ ପାଦମୂଲମନାମରୂପୋ ଭଗଵାନନଂତଃ ।
ନାମାନି ରୂପାଣି ଚ ଜନ୍ମକର୍ମଭିର୍ଭେଜେ ସ ମହ୍ୟଂ ପରମଃ ପ୍ରସୀଦତୁ ॥ 11 ॥

ୟଃ ପ୍ରାକୃତୈର୍ଜ୍ଞାନପଥୈର୍ଜନାନାଂ
ୟଥାଶୟଂ ଦେହଗତୋ ଵିଭାତି ।
ୟଥାନିଲଃ ପାର୍ଥିଵମାଶ୍ରିତୋ ଗୁଣଂ
ସ ଈଶ୍ଵରୋ ମେ କୁରୁତାନ୍ମନୋରଥମ୍ ॥ 12 ॥

॥ ଇତି ହଂସଗୁହ୍ୟସ୍ତୋତ୍ରଂ ସଂପୂର୍ଣମ୍ ॥