ଗୋପିକା ଗୀତା (ଭାଗଵତ ପୁରାଣ)
ଗୋପ୍ୟ ଊଚୁଃ ।
ଜୟତି ତେଽଧିକଂ ଜନ୍ମନା ଵ୍ରଜଃ
ଶ୍ରୟତ ଇଂଦିରା ଶଶ୍ଵଦତ୍ର ହି ।
ଦୟିତ ଦୃଶ୍ୟତାଂ ଦିକ୍ଷୁ ତାଵକା-
ସ୍ତ୍ଵୟି ଧୃତାସଵସ୍ତ୍ଵାଂ ଵିଚିନ୍ଵତେ ॥ 1॥
ଶରଦୁଦାଶୟେ ସାଧୁଜାତସ-
ତ୍ସରସିଜୋଦରଶ୍ରୀମୁଷା ଦୃଶା ।
ସୁରତନାଥ ତେଽଶୁଲ୍କଦାସିକା
ଵରଦ ନିଘ୍ନତୋ ନେହ କିଂ ଵଧଃ ॥ 2॥
ଵିଷଜଲାପ୍ୟୟାଦ୍ଵ୍ୟାଲରାକ୍ଷସା-
ଦ୍ଵର୍ଷମାରୁତାଦ୍ଵୈଦ୍ୟୁତାନଲାତ୍ ।
ଵୃଷମୟାତ୍ମଜାଦ୍ଵିଶ୍ଵତୋଭୟା-
ଦୃଷଭ ତେ ଵୟଂ ରକ୍ଷିତା ମୁହୁଃ ॥ 3॥
ନ ଖଲୁ ଗୋପିକାନଂଦନୋ ଭଵା-
ନଖିଲଦେହିନାମଂତରାତ୍ମଦୃକ୍ ।
ଵିଖନସାର୍ଥିତୋ ଵିଶ୍ଵଗୁପ୍ତୟେ
ସଖ ଉଦେୟିଵାନ୍ସାତ୍ଵତାଂ କୁଲେ ॥ 4॥
ଵିରଚିତାଭୟଂ ଵୃଷ୍ଣିଧୁର୍ୟ ତେ
ଚରଣମୀୟୁଷାଂ ସଂସୃତେର୍ଭୟାତ୍ ।
କରସରୋରୁହଂ କାଂତ କାମଦଂ
ଶିରସି ଧେହି ନଃ ଶ୍ରୀକରଗ୍ରହମ୍ ॥ 5॥
ଵ୍ରଜଜନାର୍ତିହନ୍ଵୀର ୟୋଷିତାଂ
ନିଜଜନସ୍ମୟଧ୍ଵଂସନସ୍ମିତ ।
ଭଜ ସଖେ ଭଵତ୍କିଂକରୀଃ ସ୍ମ ନୋ
ଜଲରୁହାନନଂ ଚାରୁ ଦର୍ଶୟ ॥ 6॥
ପ୍ରଣତଦେହିନାଂ ପାପକର୍ଶନଂ
ତୃଣଚରାନୁଗଂ ଶ୍ରୀନିକେତନମ୍ ।
ଫଣିଫଣାର୍ପିତଂ ତେ ପଦାଂବୁଜଂ
କୃଣୁ କୁଚେଷୁ ନଃ କୃଂଧି ହୃଚ୍ଛୟମ୍ ॥ 7॥
ମଧୁରୟା ଗିରା ଵଲ୍ଗୁଵାକ୍ୟୟା
ବୁଧମନୋଜ୍ଞୟା ପୁଷ୍କରେକ୍ଷଣ ।
ଵିଧିକରୀରିମା ଵୀର ମୁହ୍ୟତୀ-
ରଧରସୀଧୁନାଽଽପ୍ୟାୟୟସ୍ଵ ନଃ ॥ 8॥
ତଵ କଥାମୃତଂ ତପ୍ତଜୀଵନଂ
କଵିଭିରୀଡିତଂ କଲ୍ମଷାପହମ୍ ।
ଶ୍ରଵଣମଂଗଲଂ ଶ୍ରୀମଦାତତଂ
ଭୁଵି ଗୃଣଂତି ତେ ଭୂରିଦା ଜନାଃ ॥ 9॥
ପ୍ରହସିତଂ ପ୍ରିୟ ପ୍ରେମଵୀକ୍ଷଣଂ
ଵିହରଣଂ ଚ ତେ ଧ୍ୟାନମଂଗଲମ୍ ।
ରହସି ସଂଵିଦୋ ୟା ହୃଦିସ୍ପୃଶଃ
କୁହକ ନୋ ମନଃ କ୍ଷୋଭୟଂତି ହି ॥ 10॥
ଚଲସି ୟଦ୍ଵ୍ରଜାଚ୍ଚାରୟନ୍ପଶୂନ୍
ନଲିନସୁଂଦରଂ ନାଥ ତେ ପଦମ୍ ।
ଶିଲତୃଣାଂକୁରୈଃ ସୀଦତୀତି ନଃ
କଲିଲତାଂ ମନଃ କାଂତ ଗଚ୍ଛତି ॥ 11॥
ଦିନପରିକ୍ଷୟେ ନୀଲକୁଂତଲୈ-
ର୍ଵନରୁହାନନଂ ବିଭ୍ରଦାଵୃତମ୍ ।
ଘନରଜସ୍ଵଲଂ ଦର୍ଶୟନ୍ମୁହୁ-
ର୍ମନସି ନଃ ସ୍ମରଂ ଵୀର ୟଚ୍ଛସି ॥ 12॥
ପ୍ରଣତକାମଦଂ ପଦ୍ମଜାର୍ଚିତଂ
ଧରଣିମଂଡନଂ ଧ୍ୟେୟମାପଦି ।
ଚରଣପଂକଜଂ ଶଂତମଂ ଚ ତେ
ରମଣ ନଃ ସ୍ତନେଷ୍ଵର୍ପୟାଧିହନ୍ ॥ 13॥
ସୁରତଵର୍ଧନଂ ଶୋକନାଶନଂ
ସ୍ଵରିତଵେଣୁନା ସୁଷ୍ଠୁ ଚୁଂବିତମ୍ ।
ଇତରରାଗଵିସ୍ମାରଣଂ ନୃଣାଂ
ଵିତର ଵୀର ନସ୍ତେଽଧରାମୃତମ୍ ॥ 14॥
ଅଟତି ୟଦ୍ଭଵାନହ୍ନି କାନନଂ
ତ୍ରୁଟିର୍ୟୁଗାୟତେ ତ୍ଵାମପଶ୍ୟତାମ୍ ।
କୁଟିଲକୁଂତଲଂ ଶ୍ରୀମୁଖଂ ଚ ତେ
ଜଡ ଉଦୀକ୍ଷତାଂ ପକ୍ଷ୍ମକୃଦ୍ଦୃଶାମ୍ ॥ 15॥
ପତିସୁତାନ୍ଵୟଭ୍ରାତୃବାଂଧଵା-
ନତିଵିଲଂଘ୍ୟ ତେଽଂତ୍ୟଚ୍ୟୁତାଗତାଃ ।
ଗତିଵିଦସ୍ତଵୋଦ୍ଗୀତମୋହିତାଃ
କିତଵ ୟୋଷିତଃ କସ୍ତ୍ୟଜେନ୍ନିଶି ॥ 16॥
ରହସି ସଂଵିଦଂ ହୃଚ୍ଛୟୋଦୟଂ
ପ୍ରହସିତାନନଂ ପ୍ରେମଵୀକ୍ଷଣମ୍ ।
ବୃହଦୁରଃ ଶ୍ରିୟୋ ଵୀକ୍ଷ୍ୟ ଧାମ ତେ
ମୁହୁରତିସ୍ପୃହା ମୁହ୍ୟତେ ମନଃ ॥ 17॥
ଵ୍ରଜଵନୌକସାଂ ଵ୍ୟକ୍ତିରଂଗ ତେ
ଵୃଜିନହଂତ୍ର୍ୟଲଂ ଵିଶ୍ଵମଂଗଲମ୍ ।
ତ୍ୟଜ ମନାକ୍ ଚ ନସ୍ତ୍ଵତ୍ସ୍ପୃହାତ୍ମନାଂ
ସ୍ଵଜନହୃଦ୍ରୁଜାଂ ୟନ୍ନିଷୂଦନମ୍ ॥ 18॥
ୟତ୍ତେ ସୁଜାତଚରଣାଂବୁରୁହଂ ସ୍ତନେଷ
ଭୀତାଃ ଶନୈଃ ପ୍ରିୟ ଦଧୀମହି କର୍କଶେଷୁ ।
ତେନାଟଵୀମଟସି ତଦ୍ଵ୍ୟଥତେ ନ କିଂସ୍ଵିତ୍
କୂର୍ପାଦିଭିର୍ଭ୍ରମତି ଧୀର୍ଭଵଦାୟୁଷାଂ ନଃ ॥ 19॥
ଇତି ଶ୍ରୀମଦ୍ଭାଗଵତ ମହାପୁରାଣେ ପାରମହଂସ୍ୟାଂ ସଂହିତାୟାଂ
ଦଶମସ୍କଂଧେ ପୂର୍ଵାର୍ଧେ ରାସକ୍ରୀଡାୟାଂ ଗୋପୀଗୀତଂ ନାମୈକତ୍ରିଂଶୋଽଧ୍ୟାୟଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଗୋପିକା ଗୀତା (ଭାଗଵତ ପୁରାଣ)?
ଗୋପିକା ଗୀତା (ଭାଗଵତ ପୁରାଣ) is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଗୋପିକା ଗୀତା (ଭାଗଵତ ପୁରାଣ) online?
Yes. The imported text is available directly on this page for online reading and recitation.
Can I download ଗୋପିକା ଗୀତା (ଭାଗଵତ ପୁରାଣ) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.