ଦ୍ଵାଦଶ ଆଦିତ୍ୟ ଧ୍ୟାନ ଶ୍ଲୋକାଃ (ପାଠାଂତରମ୍)
1. ଧାତା –
ଧାତା କୃତସ୍ଥଲୀ ହେତିର୍ଵାସୁକୀ ରଥକୃନ୍ମୁନେ ।
ପୁଲସ୍ତ୍ୟସ୍ତୁଂବୁରୁରିତି ମଧୁମାସଂ ନୟଂତ୍ୟମୀ ॥
ଧାତା ଶୁଭସ୍ୟ ମେ ଦାତା ଭୂୟୋ ଭୂୟୋଽପି ଭୂୟସଃ ।
ରଶ୍ମିଜାଲସମାଶ୍ଲିଷ୍ଟଃ ତମସ୍ତୋମଵିନାଶନଃ ॥
2. ଅର୍ୟମ –
ଅର୍ୟମା ପୁଲହୋଽଥୌଜାଃ ପ୍ରହେତି ପୁଂଜିକସ୍ଥଲୀ ।
ନାରଦଃ କଚ୍ଛନୀରଶ୍ଚ ନୟଂତ୍ୟେତେ ସ୍ମ ମାଧଵମ୍ ॥
ମେରୁଶୃଂଗାଂତରଚରଃ କମଲାକରବାଂଧଵଃ ।
ଅର୍ୟମା ତୁ ସଦା ଭୂତ୍ୟୈ ଭୂୟସ୍ୟୈ ପ୍ରଣତସ୍ୟ ମେ ॥
3. ମିତ୍ରଃ –
ମିତ୍ରୋଽତ୍ରିଃ ପୌରୁଷେୟୋଽଥ ତକ୍ଷକୋ ମେନକା ହହଃ ।
ରଥସ୍ଵନ ଇତି ହ୍ୟେତେ ଶୁକ୍ରମାସଂ ନୟଂତ୍ୟମୀ ॥
ନିଶାନିଵାରଣପଟୁଃ ଉଦୟାଦ୍ରିକୃତାଶ୍ରୟଃ ।
ମିତ୍ରୋଽସ୍ତୁ ମମ ମୋଦାୟ ତମସ୍ତୋମଵିନାଶନଃ ॥
4. ଵରୁଣଃ –
ଵସିଷ୍ଠୋ ହ୍ୟରୁଣୋ ରଂଭା ସହଜନ୍ୟସ୍ତଥା ହୁହୁଃ ।
ଶୁକ୍ରଶ୍ଚିତ୍ରସ୍ଵନଶ୍ଚୈଵ ଶୁଚିମାସଂ ନୟଂତ୍ୟମୀ ॥
ସୂର୍ୟସ୍ୟଂଦନମାରୂଢ ଅର୍ଚିର୍ମାଲୀ ପ୍ରତାପଵାନ୍ ।
କାଲଭୂତଃ କାମରୂପୋ ହ୍ୟରୁଣଃ ସେଵ୍ୟତେ ମୟା ॥
5. ଇଂଦ୍ରଃ –
ଇଂଦ୍ରୋ ଵିଶ୍ଵାଵସୁଃ ଶ୍ରୋତା ଏଲାପତ୍ରସ୍ତଥାଽଂଗିରାଃ ।
ପ୍ରମ୍ଲୋଚା ରାକ୍ଷସୋଵର୍ୟୋ ନଭୋମାସଂ ନୟଂତ୍ୟମୀ ॥
ସହସ୍ରରଶ୍ମିସଂଵୀତଂ ଇଂଦ୍ରଂ ଵରଦମାଶ୍ରୟେ ।
ଶିରସା ପ୍ରଣମାମ୍ୟଦ୍ୟ ଶ୍ରେୟୋ ଵୃଦ୍ଧିପ୍ରଦାୟକମ୍ ॥
6. ଵିଵସ୍ଵାନ୍ –
ଵିଵସ୍ଵାନୁଗ୍ରସେନଶ୍ଚ ଵ୍ୟାଘ୍ର ଆସାରଣୋ ଭୃଗୁଃ ।
ଅନୁମ୍ଲୋଚାଃ ଶଂଖପାଲୋ ନଭସ୍ୟାଖ୍ୟଂ ନୟଂତ୍ୟମୀ ॥
ଜଗନ୍ନିର୍ମାଣକର୍ତାରଂ ସର୍ଵଦିଗ୍ଵ୍ୟାପ୍ତତେଜସମ୍ ।
ନଭୋଗ୍ରହମହାଦୀପଂ ଵିଵସ୍ଵଂତଂ ନମାମ୍ୟହମ୍ ॥
7. ତ୍ଵଷ୍ଟା –
ତ୍ଵଷ୍ଟା ଋଚୀକତନୟଃ କଂବଳାଖ୍ୟସ୍ତିଲୋତ୍ତମା ।
ବ୍ରହ୍ମାପେତୋଽଥ ଶତଜିତ୍ ଧୃତରାଷ୍ଟ୍ର ଇଷଂଭରା ॥
ତ୍ଵଷ୍ଟା ଶୁଭାୟ ମେ ଭୂୟାତ୍ ଶିଷ୍ଟାଵଳିନିଷେଵିତଃ ।
ନାନାଶିଲ୍ପକରୋ ନାନାଧାତୁରୂପଃ ପ୍ରଭାକରଃ ।
8. ଵିଷ୍ଣୁଃ –
ଵିଷ୍ଣୁରଶ୍ଵତରୋ ରଂଭା ସୂର୍ୟଵର୍ଚାଶ୍ଚ ସତ୍ୟଜିତ୍ ।
ଵିଶ୍ଵାମିତ୍ରୋ ମଖାପେତ ଊର୍ଜମାସଂ ନୟଂତ୍ୟମୀ ॥
ଭାନୁମଂଡଲମଧ୍ୟସ୍ଥଂ ଵେଦତ୍ରୟନିଷେଵିତମ୍ ।
ଗାୟତ୍ରୀପ୍ରତିପାଦ୍ୟଂ ତଂ ଵିଷ୍ଣୁଂ ଭକ୍ତ୍ୟା ନମାମ୍ୟହମ୍ ॥
9. ଅଂଶୁମନ୍ –
ଅଥାଂଶୁଃ କଶ୍ୟପସ୍ତାର୍କ୍ଷ୍ୟ ଋତସେନସ୍ତଥୋର୍ଵଶୀ ।
ଵିଦ୍ୟୁଚ୍ଛତ୍ରୁର୍ମହାଶଂଖଃ ସହୋମାସଂ ନୟଂତ୍ୟମୀ ॥
ସଦା ଵିଦ୍ରାଵଣରତୋ ଜଗନ୍ମଂଗଳଦୀପକଃ ।
ମୁନୀଂଦ୍ରନିଵହସ୍ତୁତ୍ୟୋ ଭୂତିଦୋଽଂଶୁର୍ଭଵେନ୍ମମ ॥
10. ଭଗଃ –
ଭଗଃ ସ୍ଫୂର୍ଜୋଽରିଷ୍ଟନେମିଃ ଊର୍ଣ ଆୟୁଶ୍ଚ ପଂଚମଃ ।
କର୍କୋଟକଃ ପୂର୍ଵଚିତ୍ତିଃ ପୌଷମାସଂ ନୟଂତ୍ୟମୀ ॥
ତିଥି ମାସ ଋତୂନାଂ ଚ ଵତ୍ସରାଽୟନୟୋରପି ।
ଘଟିକାନାଂ ଚ ୟଃ କର୍ତା ଭଗୋ ଭାଗ୍ୟପ୍ରଦୋଽସ୍ତୁ ମେ ॥
11. ପୂଷ –
ପୂଷା ଧନଂଜୟୋ ଵାତଃ ସୁଷେଣଃ ସୁରୁଚିସ୍ତଥା ।
ଘୃତାଚୀ ଗୌତମଶ୍ଚେତି ତପୋମାସଂ ନୟଂତ୍ୟମୀ ।
ପୂଷା ତୋଷାୟ ମେ ଭୂୟାତ୍ ସର୍ଵପାପାଽପନୋଦନାତ୍ ।
ସହସ୍ରକରସଂଵୀତଃ ସମସ୍ତାଶାଂତରାଂତରଃ ॥
12. ପର୍ଜନ୍ୟଃ –
କ୍ରତୁର୍ଵାର୍ଚା ଭରଦ୍ଵାଜଃ ପର୍ଜନ୍ୟଃ ସେନଜିତ୍ ତଥା ।
ଵିଶ୍ଵଶ୍ଚୈରାଵତଶ୍ଚୈଵ ତପସ୍ୟାଖ୍ୟଂ ନୟଂତ୍ୟମୀ ॥
ପ୍ରପଂଚଂ ପ୍ରତପନ୍ ଭୂୟୋ ଵୃଷ୍ଟିଭିର୍ମାଦୟନ୍ ପୁନଃ ।
ଜଗଦାନଂଦଜନକଃ ପର୍ଜନ୍ୟଃ ପୂଜ୍ୟତେ ମୟା ॥
ଧ୍ୟାୟେସ୍ସଦା ସଵିତୃମଂଡଲମଧ୍ୟଵର୍ତୀ
ନାରାୟଣସ୍ସରସିଜାସନ ସନ୍ନିଵିଷ୍ଟଃ।
କେୟୂରଵାନ୍ ମକରକୁଂଡଲଵାନ୍ କିରୀଟୀ
ହାରୀ ହିରଣ୍ମୟଵପୁଃ ଧୃତଶଂଖଚକ୍ରଃ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଦ୍ଵାଦଶ ଆଦିତ୍ୟ ଧ୍ୟାନ ଶ୍ଲୋକାଃ (ପାଠାଂତରମ୍)?
ଦ୍ଵାଦଶ ଆଦିତ୍ୟ ଧ୍ୟାନ ଶ୍ଲୋକାଃ (ପାଠାଂତରମ୍) is a devotional text available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଦ୍ଵାଦଶ ଆଦିତ୍ୟ ଧ୍ୟାନ ଶ୍ଲୋକାଃ (ପାଠାଂତରମ୍) online?
Yes. The imported text is available directly on this page for online reading and recitation.
Can I download ଦ୍ଵାଦଶ ଆଦିତ୍ୟ ଧ୍ୟାନ ଶ୍ଲୋକାଃ (ପାଠାଂତରମ୍) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.