ଭଜ ଗୋଵିଂଦମ୍ (ମୋହ ମୁଦ୍ଗରମ୍)
ଭଜ ଗୋଵିଂଦଂ ଭଜ ଗୋଵିଂଦଂ
ଗୋଵିଂଦଂ ଭଜ ମୂଢମତେ ।
ସଂପ୍ରାପ୍ତେ ସନ୍ନିହିତେ କାଲେ
ନହି ନହି ରକ୍ଷତି ଡୁକୃଂକରଣେ ॥ 1 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ମୂଢ ଜହୀହି ଧନାଗମତୃଷ୍ଣାଂ
କୁରୁ ସଦ୍ବୁଦ୍ଧିଂ ମନସି ଵିତୃଷ୍ଣାମ୍ ।
ୟଲ୍ଲଭସେ ନିଜକର୍ମୋପାତ୍ତଂ
ଵିତ୍ତଂ ତେନ ଵିନୋଦୟ ଚିତ୍ତମ୍ ॥ 2 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ନାରୀସ୍ତନଭର-ନାଭୀଦେଶଂ
ଦୃଷ୍ଟ୍ଵା ମା ଗା ମୋହାଵେଶମ୍ ।
ଏତନ୍ମାଂସଵସାଦିଵିକାରଂ
ମନସି ଵିଚିଂତୟ ଵାରଂ ଵାରମ୍ ॥ 3 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ନଲିନୀଦଲ-ଗତଜଲମତିତରଲଂ
ତଦ୍ଵଜ୍ଜୀଵିତମତିଶୟ-ଚପଲମ୍ ।
ଵିଦ୍ଧି ଵ୍ୟାଧ୍ୟଭିମାନଗ୍ରସ୍ତଂ
ଲୋକଂ ଶୋକହତଂ ଚ ସମସ୍ତମ୍ ॥ 4 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ୟାଵଦ୍ଵିତ୍ତୋପାର୍ଜନସକ୍ତଃ
ତାଵନ୍ନିଜପରିଵାରୋ ରକ୍ତଃ ।
ପଶ୍ଚାଜ୍ଜୀଵତି ଜର୍ଜରଦେହେ
ଵାର୍ତାଂ କୋଽପି ନ ପୃଚ୍ଛତି ଗେହେ ॥ 5 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ୟାଵତ୍ପଵନୋ ନିଵସତି ଦେହେ
ତାଵତ୍ପୃଚ୍ଛତି କୁଶଲଂ ଗେହେ ।
ଗତଵତି ଵାୟୌ ଦେହାପାୟେ
ଭାର୍ୟା ବିଭ୍ୟତି ତସ୍ମିନ୍କାୟେ ॥ 6 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ବାଲସ୍ତାଵତ୍କ୍ରୀଡାସକ୍ତଃ
ତରୁଣସ୍ତାଵତ୍ତରୁଣୀସକ୍ତଃ ।
ଵୃଦ୍ଧସ୍ତାଵଚ୍ଚିଂତାସକ୍ତଃ
ପରମେ ବ୍ରହ୍ମଣି କୋଽପି ନ ସକ୍ତଃ ॥ 7 ॥
ଭଜ ଗୋଵିଂଦଂ ଭଜ ଗୋଵିଂଦଂ …
କା ତେ କାଂତା କସ୍ତେ ପୁତ୍ରଃ
ସଂସାରୋଽୟମତୀଵ ଵିଚିତ୍ରଃ ।
କସ୍ୟ ତ୍ଵଂ କଃ କୁତ ଆୟାତଃ
ତତ୍ତ୍ଵଂ ଚିଂତୟ ତଦିହ ଭ୍ରାତଃ ॥ 8 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ସତ୍ସଂଗତ୍ଵେ ନିସ୍ସଂଗତ୍ଵଂ
ନିସ୍ସଂଗତ୍ଵେ ନିର୍ମୋହତ୍ଵମ୍ ।
ନିର୍ମୋହତ୍ଵେ ନିଶ୍ଚଲତତ୍ତ୍ଵଂ
ନିଶ୍ଚଲତତ୍ତ୍ଵେ ଜୀଵନ୍ମୁକ୍ତିଃ ॥ 9 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଵୟସି ଗତେ କଃ କାମଵିକାରଃ
ଶୁଷ୍କେ ନୀରେ କଃ କାସାରଃ ।
କ୍ଷୀଣେ ଵିତ୍ତେ କଃ ପରିଵାରଃ
ଜ୍ଞାତେ ତତ୍ତ୍ଵେ କଃ ସଂସାରଃ ॥ 10 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ମା କୁରୁ ଧନ-ଜନ-ୟୌଵନ-ଗର୍ଵଂ
ହରତି ନିମେଷାତ୍କାଲଃ ସର୍ଵମ୍ ।
ମାୟାମୟମିଦମଖିଲଂ ହିତ୍ଵା
ବ୍ରହ୍ମପଦଂ ତ୍ଵଂ ପ୍ରଵିଶ ଵିଦିତ୍ଵା ॥ 11 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଦିନୟାମିନ୍ୟୌ ସାୟଂ ପ୍ରାତଃ
ଶିଶିରଵସଂତୌ ପୁନରାୟାତଃ ।
କାଲଃ କ୍ରୀଡତି ଗଚ୍ଛତ୍ୟାୟୁଃ
ତଦପି ନ ମୁଂଚତ୍ୟାଶାଵାୟୁଃ ॥ 12 ॥
ଭଜ ଗୋଵିଂଦଂ ଭଜ ଗୋଵିଂଦଂ …
କା ତେ କାଂତା ଧନଗତଚିଂତା
ଵାତୁଲ କିଂ ତଵ ନାସ୍ତି ନିୟଂତା ।
ତ୍ରିଜଗତି ସଜ୍ଜନସଂଗତିରେକା
ଭଵତି ଭଵାର୍ଣଵତରଣେ ନୌକା ॥ 13 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଦ୍ଵାଦଶ-ମଂଜରିକାଭିରଶେଷଃ
କଥିତୋ ଵୈୟାକରଣସ୍ୟୈଷଃ ।
ଉପଦେଶୋଽଭୂଦ୍ଵିଦ୍ୟା-ନିପୁଣୈଃ
ଶ୍ରୀମଚ୍ଛଂକର-ଭଗଵଚ୍ଛରଣୈଃ ॥ 14 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଜଟିଲୋ ମୁଂଡୀ ଲୁଂଛିତକେଶଃ
କାଷାୟାଂବର-ବହୁକୃତଵେଷଃ ।
ପଶ୍ୟନ୍ନପି ଚ ନ ପଶ୍ୟତି ମୂଢଃ
ଉଦରନିମିତ୍ତଂ ବହୁକୃତଵେଷଃ ॥ 15 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଅଂଗଂ ଗଲିତଂ ପଲିତଂ ମୁଂଡଂ
ଦଶନଵିହୀନଂ ଜାତଂ ତୁଂଡମ୍ ।
ଵୃଦ୍ଧୋ ୟାତି ଗୃହୀତ୍ଵା ଦଂଡଂ
ତଦପି ନ ମୁଂଚତ୍ୟାଶାପିଂଡମ୍ ॥ 16 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଅଗ୍ରେ ଵହ୍ନିଃ ପୃଷ୍ଠେ ଭାନୁଃ
ରାତ୍ରୌ ଚୁବୁକ-ସମର୍ପିତ-ଜାନୁଃ ।
କରତଲ-ଭିକ୍ଷସ୍ତରୁତଲଵାସଃ
ତଦପି ନ ମୁଂଚତ୍ୟାଶାପାଶଃ ॥ 17 ॥
ଭଜ ଗୋଵିଂଦଂ ଭଜ ଗୋଵିଂଦଂ …
କୁରୁତେ ଗଂଗାସାଗରଗମନଂ
ଵ୍ରତ-ପରିପାଲନମଥଵା ଦାନମ୍ ।
ଜ୍ଞାନଵିହୀନଃ ସର୍ଵମତେନ
ଭଜତି ନ ମୁକ୍ତିଂ ଜନ୍ମଶତେନ ॥ 18 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ସୁରମଂଦିର-ତରୁ-ମୂଲ-ନିଵାସଃ
ଶୟ୍ୟା ଭୂତଲମଜିନଂ ଵାସଃ ।
ସର୍ଵ-ପରିଗ୍ରହ-ଭୋଗତ୍ୟାଗଃ
କସ୍ୟ ସୁଖଂ ନ କରୋତି ଵିରାଗଃ ॥ 19 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ୟୋଗରତୋ ଵା ଭୋଗରତୋ ଵା
ସଂଗରତୋ ଵା ସଂଗଵିହୀନଃ ।
ୟସ୍ୟ ବ୍ରହ୍ମଣି ରମତେ ଚିତ୍ତଂ
ନଂଦତି ନଂଦତି ନଂଦତ୍ୟେଵ ॥ 20 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଭଗଵଦ୍ଗୀତା କିଂଚିଦଧୀତା
ଗଂଗାଜଲ-ଲଵକଣିକା ପୀତା ।
ସକୃଦପି ୟେନ ମୁରାରିସମର୍ଚା
କ୍ରିୟତେ ତସ୍ୟ ୟମେନ ନ ଚର୍ଚା ॥ 21 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ପୁନରପି ଜନନଂ ପୁନରପି ମରଣଂ
ପୁନରପି ଜନନୀଜଠରେ ଶୟନମ୍ ।
ଇହ ସଂସାରେ ବହୁଦୁସ୍ତାରେ
କୃପୟାଽପାରେ ପାହି ମୁରାରେ ॥ 22 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ରଥ୍ୟାଚର୍ପଟ-ଵିରଚିତ-କଂଥଃ
ପୁଣ୍ୟାପୁଣ୍ୟ-ଵିଵର୍ଜିତ-ପଂଥଃ ।
ୟୋଗୀ ୟୋଗନିୟୋଜିତ-ଚିତ୍ତଃ
ରମତେ ବାଲୋନ୍ମତ୍ତଵଦେଵ ॥ 23 ॥
ଭଜ ଗୋଵିଂଦଂ ଭଜ ଗୋଵିଂଦଂ …
କସ୍ତ୍ଵଂ କୋଽହଂ କୁତ ଆୟାତଃ
କା ମେ ଜନନୀ କୋ ମେ ତାତଃ ।
ଇତି ପରିଭାଵୟ ସର୍ଵମସାରଂ
ଵିଶ୍ଵଂ ତ୍ୟକ୍ତ୍ଵା ସ୍ଵପ୍ନଵିଚାରମ୍ ॥ 24 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ତ୍ଵୟି ମୟି ଚାନ୍ୟତ୍ରୈକୋ ଵିଷ୍ଣୁଃ
ଵ୍ୟର୍ଥଂ କୁପ୍ୟସି ମୟ୍ୟସହିଷ୍ଣୁଃ ।
ଭଵ ସମଚିତ୍ତଃ ସର୍ଵତ୍ର ତ୍ଵଂ
ଵାଂଛସ୍ୟଚିରାଦ୍ୟଦି ଵିଷ୍ଣୁତ୍ଵମ୍ ॥ 25 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଶତ୍ରୌ ମିତ୍ରେ ପୁତ୍ରେ ବଂଧୌ
ମା କୁରୁ ୟତ୍ନଂ ଵିଗ୍ରହସଂଧୌ ।
ସର୍ଵସ୍ମିନ୍ନପି ପଶ୍ୟାତ୍ମାନଂ
ସର୍ଵତ୍ରୋତ୍ସୃଜ ଭେଦାଜ୍ଞାନମ୍ ॥ 26 ॥
ଭଜ ଗୋଵିଂଦଂ ଭଜ ଗୋଵିଂଦଂ …
କାମଂ କ୍ରୋଧଂ ଲୋଭଂ ମୋହଂ
ତ୍ୟକ୍ତ୍ଵାଽଽତ୍ମାନଂ ପଶ୍ୟତି ସୋଽହମ୍ ।
ଆତ୍ମଜ୍ଞାନଵିହୀନା ମୂଢାଃ
ତେ ପଚ୍ୟଂତେ ନରକନିଗୂଢାଃ ॥ 27 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଗେୟଂ ଗୀତା-ନାମସହସ୍ରଂ
ଧ୍ୟେୟଂ ଶ୍ରୀପତି-ରୂପମଜସ୍ରମ୍ ।
ନେୟଂ ସଜ୍ଜନ-ସଂଗେ ଚିତ୍ତଂ
ଦେୟଂ ଦୀନଜନାୟ ଚ ଵିତ୍ତମ୍ ॥ 28 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ସୁଖତଃ କ୍ରିୟତେ କାମାଭୋଗଃ
ପଶ୍ଚାଦ୍ଧଂତ ଶରୀରେ ରୋଗଃ ।
ୟଦ୍ୟପି ଲୋକେ ମରଣଂ ଶରଣଂ
ତଦପି ନ ମୁଂଚତି ପାପାଚରଣମ୍ ॥ 29 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଅର୍ଥମନର୍ଥଂ ଭାଵୟ ନିତ୍ୟଂ
ନାସ୍ତିତତଃ ସୁଖଲେଶଃ ସତ୍ୟମ୍ ।
ପୁତ୍ରାଦପି ଧନଭାଜାଂ ଭୀତିଃ
ସର୍ଵତ୍ରୈଷା ଵିହିତା ରୀତିଃ ॥ 30 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ପ୍ରାଣାୟାମଂ ପ୍ରତ୍ୟାହାରଂ
ନିତ୍ୟାନିତ୍ୟ ଵିଵେକଵିଚାରମ୍ ।
ଜାପ୍ୟସମେତସମାଧିଵିଧାନଂ
କୁର୍ଵଵଧାନଂ ମହଦଵଧାନମ୍ ॥ 31 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଗୁରୁଚରଣାଂବୁଜ-ନିର୍ଭରଭକ୍ତଃ
ସଂସାରାଦଚିରାଦ୍ଭଵ ମୁକ୍ତଃ ।
ସେଂଦ୍ରିୟମାନସ-ନିୟମାଦେଵଂ
ଦ୍ରକ୍ଷ୍ୟସି ନିଜହୃଦୟସ୍ଥଂ ଦେଵମ୍ ॥ 32 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ମୂଢଃ କଶ୍ଚନ ଵୈୟାକରଣୋ
ଡୁଃକୃଂକରଣାଧ୍ୟୟନଧୁରୀଣଃ ।
ଶ୍ରୀମଚ୍ଛଂକର-ଭଗଵଚ୍ଛିଷ୍ୟୈଃ
ବୋଧିତ ଆସୀଚ୍ଛୋଧିତ-କରଣଃ ॥ 33 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ଭଜ ଗୋଵିଂଦଂ ଭଜ ଗୋଵିଂଦଂ
ଗୋଵିଂଦଂ ଭଜ ମୂଢମତେ ।
ନାମସ୍ମରଣାଦନ୍ୟମୁପାୟଂ
ନହି ପଶ୍ୟାମୋ ଭଵତରଣେ ॥ 34 ॥
ଭଜ ଗୋଵିଂଦଂ ଭଜ ଗୋଵିଂଦଂ …
ବାରମ୍ବାର ପଚରାଯାଉଥିବା ପ୍ରଶ୍ନ
What is ଭଜ ଗୋଵିଂଦମ୍ (ମୋହ ମୁଦ୍ଗରମ୍)?
ଭଜ ଗୋଵିଂଦମ୍ (ମୋହ ମୁଦ୍ଗରମ୍) is a Sri Krishna Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଭଜ ଗୋଵିଂଦମ୍ (ମୋହ ମୁଦ୍ଗରମ୍) online?
Yes. The imported text is available directly on this page for online reading and recitation.
Can I download ଭଜ ଗୋଵିଂଦମ୍ (ମୋହ ମୁଦ୍ଗରମ୍) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.