𑌤𑍈𑌤𑍍𑌤𑌿𑌰𑍀𑌯 𑌉𑌪𑌨𑌿𑌷𑌦𑍍 – 𑌆𑌨𑌨𑍍𑌦𑌵𑌲𑍍𑌲𑍀

This Bhakti Granth document is presented in Grantha script, with the original script marks preserved.

(𑌤𑍈. 𑌆. 𑍮-1-1)

𑌓𑌂 𑌸॒𑌹 𑌨𑌾॑𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯॑-𑌙𑍍𑌕𑌰𑌵𑌾𑌵𑌹𑍈 । 𑌤𑍇॒𑌜॒𑌸𑍍𑌵𑌿𑌨𑌾॒𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ । 𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥

𑌬𑍍𑌰॒𑌹𑍍𑌮॒𑌵𑌿𑌦𑌾᳚𑌪𑍍𑌨𑍋𑌤𑌿॒ 𑌪𑌰𑌮𑍍᳚ । 𑌤𑌦𑍇॒𑌷𑌾-𑌽𑌭𑍍𑌯𑍁॑𑌕𑍍𑌤𑌾 । 𑌸॒𑌤𑍍𑌯-𑌞𑍍𑌜𑍍𑌞𑌾॒𑌨𑌮॑𑌨॒𑌨𑍍𑌤-𑌮𑍍𑌬𑍍𑌰𑌹𑍍𑌮॑ । 𑌯𑍋 𑌵𑍇𑌦॒ 𑌨𑌿𑌹𑌿॑𑌤॒-𑌙𑍍𑌗𑍁𑌹𑌾॑𑌯𑌾-𑌮𑍍𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸𑍋᳚-𑌽𑌶𑍍𑌨𑍁॒𑌤𑍇 𑌸𑌰𑍍𑌵𑌾॒𑌨𑍍𑌕𑌾𑌮𑌾᳚𑌨𑍍𑌥𑍍𑌸॒𑌹 । 𑌬𑍍𑌰𑌹𑍍𑌮॑𑌣𑌾 𑌵𑌿𑌪॒𑌶𑍍𑌚𑌿𑌤𑍇𑌤𑌿॑ ॥ 𑌤𑌸𑍍𑌮𑌾॒𑌦𑍍𑌵𑌾 𑌏॒𑌤𑌸𑍍𑌮𑌾॑𑌦𑌾॒𑌤𑍍𑌮𑌨॑ 𑌆𑌕𑌾॒𑌶𑌸𑍍𑌸𑌮𑍍𑌭𑍂॑𑌤𑌃 । 𑌆॒𑌕𑌾॒𑌶𑌾𑌦𑍍𑌵𑌾॒𑌯𑍁𑌃 । 𑌵𑌾॒𑌯𑍋𑌰॒𑌗𑍍𑌨𑌿𑌃 । 𑌅॒𑌗𑍍𑌨𑍇𑌰𑌾𑌪𑌃॑ । 𑌅॒𑌦𑍍𑌭𑍍𑌯𑌃 𑌪𑍃॑𑌥𑌿॒𑌵𑍀 । 𑌪𑍃॒𑌥𑌿॒𑌵𑍍𑌯𑌾 𑌓𑌷॑𑌧𑌯𑌃 । 𑌓𑌷॑𑌧𑍀॒𑌭𑍍𑌯𑍋-𑌽𑌨𑍍𑌨𑌮𑍍᳚ । 𑌅𑌨𑍍𑌨𑌾॒𑌤𑍍𑌪𑍁𑌰𑍁॑𑌷𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑍋-𑌽𑌨𑍍𑌨॑𑌰𑌸॒𑌮𑌯𑌃 । 𑌤𑌸𑍍𑌯𑍇𑌦॑𑌮𑍇𑌵॒ 𑌶𑌿𑌰𑌃 । 𑌅𑌯-𑌨𑍍𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌅𑌯𑌮𑍁𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌅𑌯𑌮𑌾𑌤𑍍𑌮𑌾᳚ । 𑌇𑌦-𑌮𑍍𑌪𑍁𑌚𑍍𑌛॑-𑌮𑍍𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥
𑌇𑌤𑌿 𑌪𑍍𑌰𑌥𑌮𑍋-𑌽𑌨𑍁𑌵𑌾𑌕𑌃 ॥

𑌅𑌨𑍍𑌨𑌾॒𑌦𑍍𑌵𑍈 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇 । 𑌯𑌾𑌃 𑌕𑌾𑌶𑍍𑌚॑ 𑌪𑍃𑌥𑌿॒𑌵𑍀𑌗𑍍 𑌶𑍍𑌰𑌿॒𑌤𑌾𑌃 । 𑌅𑌥𑍋॒ 𑌅𑌨𑍍𑌨𑍇॑𑌨𑍈॒𑌵 𑌜𑍀॑𑌵𑌨𑍍𑌤𑌿 । 𑌅𑌥𑍈॑𑌨॒𑌦𑌪𑌿॑ 𑌯𑌨𑍍𑌤𑍍𑌯𑌨𑍍𑌤॒𑌤𑌃 । 𑌅𑌨𑍍𑌨॒𑌗𑍍𑌮𑍍॒ 𑌹𑌿 𑌭𑍂॒𑌤𑌾𑌨𑌾॒-𑌞𑍍𑌜𑍍𑌯𑍇𑌷𑍍𑌠𑌮𑍍᳚ । 𑌤𑌸𑍍𑌮𑌾᳚𑌥𑍍𑌸𑌰𑍍𑌵𑍌𑌷॒𑌧𑌮𑍁॑𑌚𑍍𑌯𑌤𑍇 । 𑌸𑌰𑍍𑌵𑌂॒-𑌵𑍈𑌁 𑌤𑍇-𑌽𑌨𑍍𑌨॑𑌮𑌾𑌪𑍍𑌨𑍁𑌵𑌨𑍍𑌤𑌿 । 𑌯𑍇-𑌽𑌨𑍍𑌨॒-𑌮𑍍𑌬𑍍𑌰𑌹𑍍𑌮𑍋॒𑌪𑌾𑌸॑𑌤𑍇 । 𑌅𑌨𑍍𑌨॒𑌗𑍍𑌮𑍍॒ 𑌹𑌿 𑌭𑍂॒𑌤𑌾𑌨𑌾॒-𑌞𑍍𑌜𑍍𑌯𑍇𑌷𑍍𑌠𑌮𑍍᳚ । 𑌤𑌸𑍍𑌮𑌾᳚𑌥𑍍𑌸𑌰𑍍𑌵𑍌𑌷॒𑌧𑌮𑍁॑𑌚𑍍𑌯𑌤𑍇 । 𑌅𑌨𑍍𑌨𑌾᳚𑌦𑍍𑌭𑍂॒𑌤𑌾𑌨𑌿॒ 𑌜𑌾𑌯॑𑌨𑍍𑌤𑍇 । 𑌜𑌾𑌤𑌾॒𑌨𑍍𑌯𑌨𑍍𑌨𑍇॑𑌨 𑌵𑌰𑍍𑌧𑌨𑍍𑌤𑍇 । 𑌅𑌦𑍍𑌯𑌤𑍇-𑌽𑌤𑍍𑌤𑌿 𑌚॑ 𑌭𑍂𑌤𑌾॒𑌨𑌿 । 𑌤𑌸𑍍𑌮𑌾𑌦𑌨𑍍𑌨-𑌨𑍍𑌤𑌦𑍁𑌚𑍍𑌯॑𑌤 𑌇॒𑌤𑌿 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾𑌦𑌨𑍍𑌨॑𑌰𑌸॒𑌮𑌯𑌾𑌤𑍍 । 𑌅𑌨𑍍𑌯𑍋-𑌽𑌨𑍍𑌤𑌰 𑌆𑌤𑍍𑌮𑌾᳚ 𑌪𑍍𑌰𑌾𑌣॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵 । 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯॑-𑌮𑍍𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌪𑍍𑌰𑌾𑌣॑ 𑌏𑌵॒ 𑌶𑌿𑌰𑌃 । 𑌵𑍍𑌯𑌾𑌨𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌅𑌪𑌾𑌨 𑌉𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌆𑌕𑌾॑𑌶 𑌆॒𑌤𑍍𑌮𑌾 । 𑌪𑍃𑌥𑌿𑌵𑍀 𑌪𑍁𑌚𑍍𑌛॑-𑌮𑍍𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥
𑌇𑌤𑌿 𑌦𑍍𑌵𑌿𑌤𑍀𑌯𑍋-𑌽𑌨𑍁𑌵𑌾𑌕𑌃 ॥

𑌪𑍍𑌰𑌾॒𑌣-𑌨𑍍𑌦𑍇॒𑌵𑌾 𑌅𑌨𑍁॒𑌪𑍍𑌰𑌾𑌣॑𑌨𑍍𑌤𑌿 । 𑌮॒𑌨𑍁॒𑌷𑍍𑌯𑌾𑌃᳚ 𑌪॒𑌶𑌵॑𑌶𑍍𑌚॒ 𑌯𑍇 । 𑌪𑍍𑌰𑌾॒𑌣𑍋 𑌹𑌿 𑌭𑍂॒𑌤𑌾𑌨𑌾॒𑌮𑌾𑌯𑍁𑌃॑ । 𑌤𑌸𑍍𑌮𑌾᳚𑌥𑍍𑌸𑌰𑍍𑌵𑌾𑌯𑍁॒𑌷𑌮𑍁॑𑌚𑍍𑌯𑌤𑍇 । 𑌸𑌰𑍍𑌵॑𑌮𑍇॒𑌵 𑌤॒ 𑌆𑌯𑍁॑𑌰𑍍𑌯𑌨𑍍𑌤𑌿 । 𑌯𑍇 𑌪𑍍𑌰𑌾॒𑌣-𑌮𑍍𑌬𑍍𑌰𑌹𑍍𑌮𑍋॒𑌪𑌾𑌸॑𑌤𑍇 । 𑌪𑍍𑌰𑌾𑌣𑍋 𑌹𑌿 𑌭𑍂𑌤𑌾॑𑌨𑌾𑌮𑌾॒𑌯𑍁𑌃 । 𑌤𑌸𑍍𑌮𑌾𑌥𑍍𑌸𑌰𑍍𑌵𑌾𑌯𑍁𑌷𑌮𑍁𑌚𑍍𑌯॑𑌤 𑌇॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾᳚𑌤𑍍𑌪𑍍𑌰𑌾𑌣॒𑌮𑌯𑌾𑌤𑍍 । 𑌅𑌨𑍍𑌯𑍋-𑌽𑌨𑍍𑌤𑌰 𑌆𑌤𑍍𑌮𑌾॑ 𑌮𑌨𑍋॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵 । 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯॑-𑌮𑍍𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌯𑌜𑍁॑𑌰𑍇𑌵॒ 𑌶𑌿𑌰𑌃 । 𑌋𑌗𑍍𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌸𑌾𑌮𑍋𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌆𑌦𑍇॑𑌶 𑌆॒𑌤𑍍𑌮𑌾 । 𑌅𑌥𑌰𑍍𑌵𑌾𑌙𑍍𑌗𑌿𑌰𑌸𑌃 𑌪𑍁𑌚𑍍𑌛॑-𑌮𑍍𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥
𑌇𑌤𑌿 𑌤𑍃𑌤𑍀𑌯𑍋-𑌽𑌨𑍁𑌵𑌾𑌕𑌃 ॥

𑌯𑌤𑍋॒ 𑌵𑌾𑌚𑍋॒ 𑌨𑌿𑌵॑𑌰𑍍𑌤𑌨𑍍𑌤𑍇 । 𑌅𑌪𑍍𑌰𑌾᳚𑌪𑍍𑌯॒ 𑌮𑌨॑𑌸𑌾 𑌸॒𑌹 । 𑌆𑌨𑌨𑍍𑌦-𑌮𑍍𑌬𑍍𑌰𑌹𑍍𑌮॑𑌣𑍋 𑌵𑌿॒𑌦𑍍𑌵𑌾𑌨𑍍 । 𑌨 𑌬𑌿𑌭𑍇𑌤𑌿 𑌕𑌦𑌾॑𑌚𑌨𑍇॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾᳚𑌨𑍍𑌮𑌨𑍋॒𑌮𑌯𑌾𑌤𑍍 । 𑌅𑌨𑍍𑌯𑍋-𑌽𑌨𑍍𑌤𑌰 𑌆𑌤𑍍𑌮𑌾 𑌵𑌿॑𑌜𑍍𑌞𑌾𑌨॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵 । 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯॑-𑌮𑍍𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌶𑍍𑌰॑𑌦𑍍𑌧𑍈𑌵॒ 𑌶𑌿𑌰𑌃 । 𑌋𑌤-𑌨𑍍𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌸𑌤𑍍𑌯𑌮𑍁𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌯𑍋॑𑌗 𑌆॒𑌤𑍍𑌮𑌾 । 𑌮𑌹𑌃 𑌪𑍁𑌚𑍍𑌛॑-𑌮𑍍𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥
𑌇𑌤𑌿 𑌚𑌤𑍁𑌰𑍍𑌥𑍋-𑌽𑌨𑍁𑌵𑌾𑌕𑌃 ॥

𑌵𑌿॒𑌜𑍍𑌞𑌾𑌨𑌂॑-𑌯𑌁॒𑌜𑍍𑌞-𑌨𑍍𑌤॑𑌨𑍁𑌤𑍇 । 𑌕𑌰𑍍𑌮𑌾॑𑌣𑌿 𑌤𑌨𑍁॒𑌤𑍇-𑌽𑌪𑌿॑ 𑌚 । 𑌵𑌿॒𑌜𑍍𑌞𑌾𑌨॑-𑌨𑍍𑌦𑍇॒𑌵𑌾𑌸𑍍𑌸𑌰𑍍𑌵𑍇᳚ । 𑌬𑍍𑌰𑌹𑍍𑌮॒ 𑌜𑍍𑌯𑍇𑌷𑍍𑌠॒𑌮𑍁𑌪𑌾॑𑌸𑌤𑍇 । 𑌵𑌿॒𑌜𑍍𑌞𑌾𑌨॒-𑌮𑍍𑌬𑍍𑌰𑌹𑍍𑌮॒ 𑌚𑍇𑌦𑍍𑌵𑍇𑌦॑ । 𑌤𑌸𑍍𑌮𑌾॒𑌚𑍍𑌚𑍇𑌨𑍍𑌨 𑌪𑍍𑌰॒𑌮𑌾𑌦𑍍𑌯॑𑌤𑌿 । 𑌶॒𑌰𑍀𑌰𑍇॑ 𑌪𑌾𑌪𑍍𑌮॑𑌨𑍋 𑌹𑌿॒𑌤𑍍𑌵𑌾 । 𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑍍𑌥𑍍𑌸𑌮𑌶𑍍𑌨𑍁॑𑌤 𑌇॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾𑌦𑍍𑌵𑌿॑𑌜𑍍𑌞𑌾𑌨॒𑌮𑌯𑌾𑌤𑍍 । 𑌅𑌨𑍍𑌯𑍋-𑌽𑌨𑍍𑌤𑌰 𑌆𑌤𑍍𑌮𑌾॑-𑌽𑌽𑌨𑌨𑍍𑌦॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵 । 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯॑-𑌮𑍍𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌪𑍍𑌰𑌿𑌯॑𑌮𑍇𑌵॒ 𑌶𑌿𑌰𑌃 । 𑌮𑍋𑌦𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌪𑍍𑌰𑌮𑍋𑌦 𑌉𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌆𑌨॑𑌨𑍍𑌦 𑌆॒𑌤𑍍𑌮𑌾 । 𑌬𑍍𑌰𑌹𑍍𑌮 𑌪𑍁𑌚𑍍𑌛॑-𑌮𑍍𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥
𑌇𑌤𑌿 𑌪𑌞𑍍𑌚𑌮𑍋-𑌽𑌨𑍁𑌵𑌾𑌕𑌃 ॥

𑌅𑌸॑𑌨𑍍𑌨𑍇॒𑌵 𑌸॑ 𑌭𑌵𑌤𑌿 । 𑌅𑌸॒𑌦𑍍𑌬𑍍𑌰𑌹𑍍𑌮𑍇𑌤𑌿॒ 𑌵𑍇𑌦॒ 𑌚𑍇𑌤𑍍 । 𑌅𑌸𑍍𑌤𑌿 𑌬𑍍𑌰𑌹𑍍𑌮𑍇𑌤𑌿॑ 𑌚𑍇𑌦𑍍𑌵𑍇॒𑌦 । 𑌸𑌨𑍍𑌤𑌮𑍇𑌨-𑌨𑍍𑌤𑌤𑍋 𑌵𑌿॑𑌦𑍁𑌰𑌿॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌅𑌥𑌾𑌤𑍋॑-𑌽𑌨𑍁𑌪𑍍𑌰॒𑌶𑍍𑌨𑌾𑌃 । 𑌉॒𑌤𑌾𑌵𑌿॒𑌦𑍍𑌵𑌾𑌨॒𑌮𑍁𑌂-𑌲𑍋𑌁॒𑌕-𑌮𑍍𑌪𑍍𑌰𑍇𑌤𑍍𑌯॑ । 𑌕𑌶𑍍𑌚॒𑌨 𑌗॑𑌚𑍍𑌛॒𑌤𑍀(3) । 𑌆𑌹𑍋॑ 𑌵𑌿॒𑌦𑍍𑌵𑌾𑌨॒𑌮𑍁𑌂-𑌲𑍋𑌁॒𑌕-𑌮𑍍𑌪𑍍𑌰𑍇𑌤𑍍𑌯॑ । 𑌕𑌶𑍍𑌚𑌿॒𑌥𑍍𑌸𑌮॑𑌶𑍍𑌨𑍁॒𑌤𑌾(3) 𑌉॒ । 𑌸𑍋॑-𑌽𑌕𑌾𑌮𑌯𑌤 । 𑌬॒𑌹𑍁𑌸𑍍𑌯𑌾॒-𑌮𑍍𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑌪॑𑌸𑍍𑌤॒𑌪𑍍𑌤𑍍𑌵𑌾 । 𑌇॒𑌦𑌗𑍍𑌮𑍍 𑌸𑌰𑍍𑌵॑𑌮𑌸𑍃𑌜𑌤 । 𑌯𑌦𑌿॒𑌦-𑌙𑍍𑌕𑌿𑌞𑍍𑌚॑ । 𑌤𑌥𑍍𑌸𑍃॒𑌷𑍍𑌟𑍍𑌵𑌾 । 𑌤𑌦𑍇॒𑌵𑌾𑌨𑍁॒𑌪𑍍𑌰𑌾𑌵𑌿॑𑌶𑌤𑍍 । 𑌤𑌦॑𑌨𑍁 𑌪𑍍𑌰॒𑌵𑌿𑌶𑍍𑌯॑ । 𑌸𑌚𑍍𑌚॒ 𑌤𑍍𑌯𑌚𑍍𑌚𑌾॑𑌭𑌵𑌤𑍍 । 𑌨𑌿॒𑌰𑍁𑌕𑍍𑌤॒-𑌞𑍍𑌚𑌾𑌨𑌿॑𑌰𑍁𑌕𑍍𑌤-𑌞𑍍𑌚 । 𑌨𑌿॒𑌲𑌯॑𑌨॒-𑌞𑍍𑌚𑌾𑌨𑌿॑𑌲𑌯𑌨-𑌞𑍍𑌚 । 𑌵𑌿॒𑌜𑍍𑌞𑌾𑌨॒-𑌞𑍍𑌚𑌾𑌵𑌿॑𑌜𑍍𑌞𑌾𑌨-𑌞𑍍𑌚 । 𑌸𑌤𑍍𑌯-𑌞𑍍𑌚𑌾𑌨𑍃𑌤-𑌞𑍍𑌚 𑌸॑𑌤𑍍𑌯𑌮॒𑌭𑌵𑌤𑍍 । 𑌯𑌦𑌿॑𑌦-𑌙𑍍𑌕𑌿॒𑌞𑍍𑌚 । 𑌤𑌤𑍍𑌸𑌤𑍍𑌯𑌮𑌿॑𑌤𑍍𑌯𑌾𑌚॒𑌕𑍍𑌷𑌤𑍇 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥
𑌇𑌤𑌿 𑌷𑌷𑍍𑌠𑍋-𑌽𑌨𑍁𑌵𑌾𑌕𑌃 ॥

𑌅𑌸॒𑌦𑍍𑌵𑌾 𑌇॒𑌦𑌮𑌗𑍍𑌰॑ 𑌆𑌸𑍀𑌤𑍍 । 𑌤𑌤𑍋॒ 𑌵𑍈 𑌸𑌦॑𑌜𑌾𑌯𑌤 । 𑌤𑌦𑌾𑌤𑍍𑌮𑌾𑌨𑌗𑍍𑌗𑍍 𑌸𑍍𑌵𑌯॑𑌮𑌕𑍁॒𑌰𑍁𑌤 । 𑌤𑌸𑍍𑌮𑌾𑌤𑍍𑌤𑌥𑍍𑌸𑍁𑌕𑍃𑌤𑌮𑍁𑌚𑍍𑌯॑𑌤 𑌇॒𑌤𑌿 । 𑌯𑌦𑍍𑌵𑍈॑ 𑌤𑌥𑍍𑌸𑍁॒𑌕𑍃𑌤𑌮𑍍 । 𑌰॑𑌸𑍋 𑌵𑍈॒ 𑌸𑌃 । 𑌰𑌸𑌗𑍍𑌗𑍍 𑌹𑍍𑌯𑍇𑌵𑌾𑌯𑌂-𑌲𑌁𑌬𑍍𑌧𑍍𑌵𑌾-𑌽𑌽𑌨॑𑌨𑍍𑌦𑍀 𑌭॒𑌵𑌤𑌿 । 𑌕𑍋 𑌹𑍍𑌯𑍇𑌵𑌾𑌨𑍍𑌯𑌾᳚𑌤𑍍𑌕𑌃 𑌪𑍍𑌰𑌾॒𑌣𑍍𑌯𑌾𑌤𑍍 । 𑌯𑌦𑍇𑌷 𑌆𑌕𑌾𑌶 𑌆𑌨॑𑌨𑍍𑌦𑍋 𑌨॒ 𑌸𑍍𑌯𑌾𑌤𑍍 । 𑌏𑌷 𑌹𑍍𑌯𑍇𑌵𑌾-𑌽𑌽𑌨॑𑌨𑍍𑌦𑌯𑌾॒𑌤𑌿 । 𑌯॒𑌦𑌾 𑌹𑍍𑌯𑍇॑𑌵𑍈𑌷॒ 𑌏𑌤𑌸𑍍𑌮𑌿𑌨𑍍𑌨𑌦𑍃𑌶𑍍𑌯𑍇-𑌽𑌨𑌾𑌤𑍍𑌮𑍍𑌯𑍇-𑌽𑌨𑌿𑌰𑍁𑌕𑍍𑌤𑍇-𑌽𑌨𑌿𑌲𑌯𑌨𑍇-𑌽𑌭𑌯𑌂
𑌪𑍍𑌰𑌤𑌿॑𑌷𑍍𑌠𑌾𑌂-𑌵𑌿𑌁॒𑌨𑍍𑌦𑌤𑍇 । 𑌅𑌥 𑌸𑍋-𑌽𑌭𑌯-𑌙𑍍𑌗॑𑌤𑍋 𑌭॒𑌵𑌤𑌿 । 𑌯॒𑌦𑌾 𑌹𑍍𑌯𑍇॑𑌵𑍈𑌷॒ 𑌏𑌤𑌸𑍍𑌮𑌿𑌨𑍍𑌨𑍁𑌦𑌰𑌮𑌨𑍍𑌤॑𑌰-𑌙𑍍𑌕𑍁॒𑌰𑍁𑌤𑍇 । 𑌅𑌥 𑌤𑌸𑍍𑌯 𑌭॑𑌯-𑌮𑍍𑌭॒𑌵𑌤𑌿 । 𑌤𑌤𑍍𑌤𑍍𑌵𑍇𑌵 𑌭𑌯𑌂-𑌵𑌿𑌁𑌦𑍁𑌷𑍋-𑌽𑌮॑𑌨𑍍𑌵𑌾𑌨॒𑌸𑍍𑌯 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥
𑌇𑌤𑌿 𑌸𑌪𑍍𑌤𑌮𑍋-𑌽𑌨𑍁𑌵𑌾𑌕𑌃 ॥

𑌭𑍀॒𑌷𑌾-𑌽𑌸𑍍𑌮𑌾॒𑌦𑍍𑌵𑌾𑌤𑌃॑ 𑌪𑌵𑌤𑍇 । 𑌭𑍀॒𑌷𑍋𑌦𑍇॑𑌤𑌿॒ 𑌸𑍂𑌰𑍍𑌯𑌃॑ । 𑌭𑍀𑌷𑌾-𑌽𑌸𑍍𑌮𑌾𑌦𑌗𑍍𑌨𑌿॑𑌶𑍍𑌚𑍇𑌨𑍍𑌦𑍍𑌰॒𑌶𑍍𑌚 । 𑌮𑍃𑌤𑍍𑌯𑍁𑌰𑍍𑌧𑌾𑌵𑌤𑌿 𑌪𑌞𑍍𑌚॑𑌮 𑌇॒𑌤𑌿 । 𑌸𑍈𑌷𑌾-𑌽𑌽𑌨𑌨𑍍𑌦𑌸𑍍𑌯 𑌮𑍀𑌮𑌾𑌗𑍍𑌮𑍍॑𑌸𑌾 𑌭॒𑌵𑌤𑌿 । 𑌯𑍁𑌵𑌾 𑌸𑍍𑌯𑌾𑌥𑍍𑌸𑌾𑌧𑍁𑌯𑍁॑𑌵𑌾-𑌽𑌧𑍍𑌯𑌾॒𑌯𑌕𑌃 । 𑌆𑌶𑌿𑌷𑍍𑌠𑍋 𑌦𑍃𑌢𑌿𑌷𑍍𑌠𑍋॑ 𑌬𑌲𑌿॒𑌷𑍍𑌠𑌃 । 𑌤𑌸𑍍𑌯𑍇𑌯-𑌮𑍍𑌪𑍃𑌥𑌿𑌵𑍀 𑌸𑌰𑍍𑌵𑌾 𑌵𑌿𑌤𑍍𑌤𑌸𑍍𑌯॑ 𑌪𑍂𑌰𑍍𑌣𑌾॒ 𑌸𑍍𑌯𑌾𑌤𑍍 । 𑌸 𑌏𑌕𑍋 𑌮𑌾𑌨𑍁𑌷॑ 𑌆𑌨॒𑌨𑍍𑌦𑌃 । 𑌤𑍇 𑌯𑍇 𑌶𑌤-𑌮𑍍𑌮𑌾𑌨𑍁𑌷𑌾॑ 𑌆𑌨॒𑌨𑍍𑌦𑌾𑌃 ॥ 1 ॥
𑌸 𑌏𑌕𑍋 𑌮𑌨𑍁𑌷𑍍𑌯𑌗𑌨𑍍𑌧𑌰𑍍𑌵𑌾𑌣𑌾॑𑌮𑌾𑌨॒𑌨𑍍𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤-𑌮𑍍𑌮𑌨𑍁𑌷𑍍𑌯𑌗𑌨𑍍𑌧𑌰𑍍𑌵𑌾𑌣𑌾॑𑌮𑌾𑌨॒𑌨𑍍𑌦𑌾𑌃 । 𑌸 𑌏𑌕𑍋 𑌦𑍇𑌵𑌗𑌨𑍍𑌧𑌰𑍍𑌵𑌾𑌣𑌾॑𑌮𑌾𑌨॒𑌨𑍍𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤-𑌨𑍍𑌦𑍇𑌵𑌗𑌨𑍍𑌧𑌰𑍍𑌵𑌾𑌣𑌾॑𑌮𑌾𑌨॒𑌨𑍍𑌦𑌾𑌃 । 𑌸 𑌏𑌕𑌃 𑌪𑌿𑌤𑍃𑌣𑌾-𑌞𑍍𑌚𑌿𑌰𑌲𑍋𑌕𑌲𑍋𑌕𑌾𑌨𑌾॑𑌮𑌾𑌨॒𑌨𑍍𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤-𑌮𑍍𑌪𑌿𑌤𑍃𑌣𑌾-𑌞𑍍𑌚𑌿𑌰𑌲𑍋𑌕𑌲𑍋𑌕𑌾𑌨𑌾॑𑌮𑌾𑌨॒𑌨𑍍𑌦𑌾𑌃 । 𑌸 𑌏𑌕 𑌆𑌜𑌾𑌨𑌜𑌾𑌨𑌾-𑌨𑍍𑌦𑍇𑌵𑌾𑌨𑌾॑𑌮𑌾𑌨॒𑌨𑍍𑌦𑌃 ॥ 2 ॥
𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌮𑌾𑌜𑌾𑌨𑌜𑌾𑌨𑌾-𑌨𑍍𑌦𑍇𑌵𑌾𑌨𑌾॑𑌮𑌾𑌨॒𑌨𑍍𑌦𑌾𑌃 । 𑌸 𑌏𑌕𑌃 𑌕𑌰𑍍𑌮𑌦𑍇𑌵𑌾𑌨𑌾-𑌨𑍍𑌦𑍇𑌵𑌾𑌨𑌾॑𑌮𑌾𑌨॒𑌨𑍍𑌦𑌃 । 𑌯𑍇 𑌕𑌰𑍍𑌮𑌣𑌾 𑌦𑍇𑌵𑌾𑌨॑𑌪𑌿𑌯॒𑌨𑍍𑌤𑌿 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤-𑌙𑍍𑌕𑌰𑍍𑌮𑌦𑍇𑌵𑌾𑌨𑌾-𑌨𑍍𑌦𑍇𑌵𑌾𑌨𑌾॑𑌮𑌾𑌨॒𑌨𑍍𑌦𑌾𑌃 । 𑌸 𑌏𑌕𑍋 𑌦𑍇𑌵𑌾𑌨𑌾॑𑌮𑌾𑌨॒𑌨𑍍𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤-𑌨𑍍𑌦𑍇𑌵𑌾𑌨𑌾॑𑌮𑌾𑌨॒𑌨𑍍𑌦𑌾𑌃 । 𑌸 𑌏𑌕 𑌇𑌨𑍍𑌦𑍍𑌰॑𑌸𑍍𑌯𑌾-𑌽𑌽𑌨॒𑌨𑍍𑌦𑌃 ॥ 3 ॥
𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌮𑌿𑌨𑍍𑌦𑍍𑌰॑𑌸𑍍𑌯𑌾-𑌽𑌽𑌨॒𑌨𑍍𑌦𑌾𑌃 । 𑌸 𑌏𑌕𑍋 𑌬𑍃𑌹𑌸𑍍𑌪𑌤𑍇॑𑌰𑌾𑌨॒𑌨𑍍𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤-𑌮𑍍𑌬𑍃𑌹𑌸𑍍𑌪𑌤𑍇॑𑌰𑌾𑌨॒𑌨𑍍𑌦𑌾𑌃 । 𑌸 𑌏𑌕𑌃 𑌪𑍍𑌰𑌜𑌾𑌪𑌤𑍇॑𑌰𑌾𑌨॒𑌨𑍍𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤-𑌮𑍍𑌪𑍍𑌰𑌜𑌾𑌪𑌤𑍇॑𑌰𑌾𑌨॒𑌨𑍍𑌦𑌾𑌃 । 𑌸 𑌏𑌕𑍋 𑌬𑍍𑌰𑌹𑍍𑌮𑌣॑ 𑌆𑌨॒𑌨𑍍𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 ॥ 4 ॥
𑌸 𑌯𑌶𑍍𑌚𑌾॑𑌯-𑌮𑍍𑌪𑍁॒𑌰𑍁𑌷𑍇 । 𑌯𑌶𑍍𑌚𑌾𑌸𑌾॑𑌵𑌾𑌦𑌿॒𑌤𑍍𑌯𑍇 । 𑌸 𑌏𑌕𑌃॑ । 𑌸 𑌯॑ 𑌏𑌵𑌂॒𑌵𑌿𑌁𑌤𑍍 । 𑌅𑌸𑍍𑌮𑌾𑌲𑍍𑌲𑍋॑𑌕𑌾𑌤𑍍𑌪𑍍𑌰𑍇॒𑌤𑍍𑌯 । 𑌏𑌤𑌮𑌨𑍍𑌨𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌙𑍍𑌕𑍍𑌰𑌾॒𑌮𑌤𑌿 । 𑌏𑌤-𑌮𑍍𑌪𑍍𑌰𑌾𑌣𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌙𑍍𑌕𑍍𑌰𑌾॒𑌮𑌤𑌿 । 𑌏𑌤-𑌮𑍍𑌮𑌨𑍋𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌙𑍍𑌕𑍍𑌰𑌾॒𑌮𑌤𑌿 । 𑌏𑌤𑌂-𑌵𑌿𑌁𑌜𑍍𑌞𑌾𑌨𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌙𑍍𑌕𑍍𑌰𑌾॒𑌮𑌤𑌿 । 𑌏𑌤𑌮𑌾𑌨𑌨𑍍𑌦𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌙𑍍𑌕𑍍𑌰𑌾॒𑌮𑌤𑌿 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 5 ॥
𑌇𑌤𑍍𑌯𑌷𑍍𑌟𑌮𑍋-𑌽𑌨𑍁𑌵𑌾𑌕𑌃 ॥

𑌯𑌤𑍋॒ 𑌵𑌾𑌚𑍋॒ 𑌨𑌿𑌵॑𑌰𑍍𑌤𑌨𑍍𑌤𑍇 । 𑌅𑌪𑍍𑌰𑌾᳚𑌪𑍍𑌯॒ 𑌮𑌨॑𑌸𑌾 𑌸॒𑌹 । 𑌆𑌨𑌨𑍍𑌦-𑌮𑍍𑌬𑍍𑌰𑌹𑍍𑌮॑𑌣𑍋 𑌵𑌿॒𑌦𑍍𑌵𑌾𑌨𑍍 । 𑌨 𑌬𑌿𑌭𑍇𑌤𑌿 𑌕𑍁𑌤॑𑌶𑍍𑌚𑌨𑍇॒𑌤𑌿 । 𑌏𑌤𑌗𑍍𑌮𑍍 𑌹 𑌵𑌾𑌵॑ 𑌨 𑌤॒𑌪𑌤𑌿 । 𑌕𑌿𑌮𑌹𑌗𑍍𑌮𑍍 𑌸𑌾𑌧𑍁॑ 𑌨𑌾𑌕॒𑌰𑌵𑌮𑍍 । 𑌕𑌿𑌮𑌹-𑌮𑍍𑌪𑌾𑌪𑌮𑌕𑌰॑𑌵𑌮𑌿॒𑌤𑌿 । 𑌸 𑌯 𑌏𑌵𑌂-𑌵𑌿𑌁𑌦𑍍𑌵𑌾𑌨𑍇𑌤𑍇 𑌆𑌤𑍍𑌮𑌾॑𑌨𑌗𑍍𑌗𑍍 𑌸𑍍𑌪𑍃॒𑌣𑍁𑌤𑍇 । 𑌉॒𑌭𑍇 𑌹𑍍𑌯𑍇॑𑌵𑍈𑌷॒ 𑌏𑌤𑍇 𑌆𑌤𑍍𑌮𑌾॑𑌨𑌗𑍍𑌗𑍍 𑌸𑍍𑌪𑍃॒𑌣𑍁𑌤𑍇 । 𑌯 𑌏॒𑌵𑌂-𑌵𑍇𑌁𑌦॑ । 𑌇𑌤𑍍𑌯𑍁॑𑌪॒𑌨𑌿𑌷॑𑌤𑍍 ॥ 1 ॥
𑌇𑌤𑌿 𑌨𑌵𑌮𑍋-𑌽𑌨𑍁𑌵𑌾𑌕𑌃 ॥

॥ 𑌹𑌰𑌿𑌃॑ 𑌓𑌮𑍍 ॥
॥ 𑌶𑍍𑌰𑍀 𑌕𑍃𑌷𑍍𑌣𑌾𑌰𑍍𑌪𑌣𑌮𑌸𑍍𑌤𑍁 ॥

प्रायः पृष्टाः प्रश्नाः

What is 𑌤𑍈𑌤𑍍𑌤𑌿𑌰𑍀𑌯 𑌉𑌪𑌨𑌿𑌷𑌦𑍍 - 𑌆𑌨𑌨𑍍𑌦𑌵𑌲𑍍𑌲𑍀?

𑌤𑍈𑌤𑍍𑌤𑌿𑌰𑍀𑌯 𑌉𑌪𑌨𑌿𑌷𑌦𑍍 - 𑌆𑌨𑌨𑍍𑌦𑌵𑌲𑍍𑌲𑍀 is a Upanishads available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌤𑍈𑌤𑍍𑌤𑌿𑌰𑍀𑌯 𑌉𑌪𑌨𑌿𑌷𑌦𑍍 - 𑌆𑌨𑌨𑍍𑌦𑌵𑌲𑍍𑌲𑍀 online?

Yes. The imported text is available directly on this page for online reading and recitation.

Can I download 𑌤𑍈𑌤𑍍𑌤𑌿𑌰𑍀𑌯 𑌉𑌪𑌨𑌿𑌷𑌦𑍍 - 𑌆𑌨𑌨𑍍𑌦𑌵𑌲𑍍𑌲𑍀 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु