𑌸𑍁𑌦𑌰𑍍𑌶𑌨 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌸𑍁𑌦𑌰𑍍𑌶𑌨𑌶𑍍𑌚𑌕𑍍𑌰𑌰𑌾𑌜𑌃 𑌤𑍇𑌜𑍋𑌵𑍍𑌯𑍂𑌹𑍋 𑌮𑌹𑌾𑌦𑍍𑌯𑍁𑌤𑌿𑌃 ।
𑌸𑌹𑌸𑍍𑌰𑌬𑌾𑌹𑍁-𑌰𑍍𑌦𑍀𑌪𑍍𑌤𑌾𑌂𑌗𑌃 𑌅𑌰𑍁𑌣𑌾𑌕𑍍𑌷𑌃 𑌪𑍍𑌰𑌤𑌾𑌪𑌵𑌾𑌨𑍍 ॥ 1॥

𑌅𑌨𑍇𑌕𑌾𑌦𑌿𑌤𑍍𑌯𑌸𑌂𑌕𑌾𑌶𑌃 𑌪𑍍𑌰𑍋𑌦𑍍𑌯𑌜𑍍𑌜𑍍𑌵𑌾𑌲𑌾𑌭𑌿𑌰𑌂𑌜𑌿𑌤𑌃 ।
𑌸𑍌𑌦𑌾𑌮𑌿𑌨𑍀-𑌸𑌹𑌸𑍍𑌰𑌾𑌭𑌃 𑌮𑌣𑌿𑌕𑍁𑌂𑌡𑌲-𑌶𑍋𑌭𑌿𑌤𑌃 ॥ 2॥

𑌪𑌂𑌚𑌭𑍂𑌤𑌮𑌨𑍋𑌰𑍂𑌪𑍋 𑌷𑌟𑍍𑌕𑍋𑌣𑌾𑌂𑌤𑌰-𑌸𑌂𑌸𑍍𑌥𑌿𑌤𑌃 ।
𑌹𑌰𑌾𑌂𑌤𑌃 𑌕𑌰𑌣𑍋𑌦𑍍𑌭𑍂𑌤-𑌰𑍋𑌷𑌭𑍀𑌷𑌣-𑌵𑌿𑌗𑍍𑌰𑌹𑌃 ॥ 3॥

𑌹𑌰𑌿𑌪𑌾𑌣𑌿𑌲𑌸𑌤𑍍𑌪𑌦𑍍𑌮𑌵𑌿𑌹𑌾𑌰𑌾𑌰𑌮𑌨𑍋𑌹𑌰𑌃 ।
𑌶𑍍𑌰𑌾𑌕𑌾𑌰𑌰𑍂𑌪𑌸𑍍𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌲𑍋𑌕𑌾𑌰𑍍𑌚𑌿𑌤𑌪𑍍𑌰𑌭𑍁𑌃 ॥ 4॥

𑌚𑌤𑍁𑌰𑍍𑌦𑌶𑌸𑌹𑌸𑍍𑌰𑌾𑌰𑌃 𑌚𑌤𑍁𑌰𑍍𑌵𑍇𑌦𑌮𑌯𑍋-𑌽𑌨𑌲𑌃 ।
𑌭𑌕𑍍𑌤𑌚𑌾𑌂𑌦𑍍𑌰𑌮𑌸𑌜𑍍𑌯𑍋𑌤𑌿𑌃 𑌭𑌵𑌰𑍋𑌗-𑌵𑌿𑌨𑌾𑌶𑌕𑌃 ॥ 5॥

𑌰𑍇𑌫𑌾𑌤𑍍𑌮𑌕𑍋 𑌮𑌕𑌾𑌰𑌶𑍍𑌚 𑌰𑌕𑍍𑌷𑍋𑌸𑍃𑌗𑍍𑌰𑍂𑌷𑌿𑌤𑌾𑌂𑌗𑌕𑌃 ।
𑌸𑌰𑍍𑌵𑌦𑍈𑌤𑍍𑌯𑌗𑍍𑌰𑍀𑌵𑌨𑌾𑌲-𑌵𑌿𑌭𑍇𑌦𑌨-𑌮𑌹𑌾𑌗𑌜𑌃 ॥ 6॥

𑌭𑍀𑌮𑌦𑌂𑌷𑍍𑌟𑍍𑌰𑍋𑌜𑍍𑌜𑍍𑌵𑌲𑌾𑌕𑌾𑌰𑍋 𑌭𑍀𑌮𑌕𑌰𑍍𑌮𑌾 𑌵𑌿𑌲𑍋𑌚𑌨𑌃 ।
𑌨𑍀𑌲𑌵𑌰𑍍𑌤𑍍𑌮𑌾 𑌨𑌿𑌤𑍍𑌯𑌸𑍁𑌖𑍋 𑌨𑌿𑌰𑍍𑌮𑌲𑌶𑍍𑌰𑍀-𑌰𑍍𑌨𑌿𑌰𑌂𑌜𑌨𑌃 ॥ 𑍭॥

𑌰𑌕𑍍𑌤𑌮𑌾𑌲𑍍𑌯𑌾𑌂𑌬𑌰𑌧𑌰𑍋 𑌰𑌕𑍍𑌤𑌚𑌂𑌦𑌨𑌰𑍂𑌷𑌿𑌤𑌃 ।
𑌰𑌜𑍋𑌗𑍁𑌣𑌾𑌕𑍃𑌤𑌿𑌶𑍍𑌶𑍂𑌰𑍋 𑌰𑌕𑍍𑌷𑌃𑌕𑍁𑌲-𑌯𑌮𑍋𑌪𑌮𑌃 ॥ 𑍮॥

𑌨𑌿𑌤𑍍𑌯𑌕𑍍𑌷𑍇𑌮𑌕𑌰𑌃 𑌪𑍍𑌰𑌾𑌜𑍍𑌞𑌃 𑌪𑌾𑌷𑌂𑌡𑌜𑌨𑌖𑌂𑌡𑌨𑌃 ।
𑌨𑌾𑌰𑌾𑌯𑌣𑌾𑌜𑍍𑌞𑌾𑌨𑍁𑌵𑌰𑍍𑌤𑍀 𑌨𑍈𑌗𑌮𑌾𑌂𑌤𑌃𑌪𑍍𑌰𑌕𑌾𑌶𑌕𑌃 ॥ 𑍯॥

𑌬𑌲𑌿𑌨𑌂𑌦𑌨𑌦𑍋𑌰𑍍𑌦𑌂𑌡-𑌖𑌂𑌡𑌨𑍋 𑌵𑌿𑌜𑌯𑌾𑌕𑍃𑌤𑌿𑌃 ।
𑌮𑌿𑌤𑍍𑌰𑌭𑌾𑌵𑍀 𑌸𑌰𑍍𑌵𑌮𑌯𑍋 𑌤𑌮𑍋𑌵𑌿𑌧𑍍𑌵𑌂𑌸𑌕𑌸𑍍𑌤𑌥𑌾 ॥ 10॥

𑌰𑌜𑌸𑍍𑌸𑌤𑍍𑌤𑍍𑌵𑌤𑌮𑍋𑌦𑍍𑌵𑌰𑍍𑌤𑍀 𑌤𑍍𑌰𑌿𑌗𑍁𑌣𑌾𑌤𑍍𑌮𑌾 𑌤𑍍𑌰𑌿𑌲𑍋𑌕𑌧𑍃𑌤𑍍 ।
𑌹𑌰𑌿𑌮𑌾𑌯𑌾𑌗𑍁𑌣𑍋𑌪𑍇𑌤𑍋-𑌽𑌵𑍍𑌯𑌯𑍋-𑌽𑌕𑍍𑌷𑌸𑍍𑌵𑌰𑍂𑌪𑌭𑌾𑌕𑍍 ॥ 11॥

𑌪𑌰𑌮𑌾𑌤𑍍𑌮𑌾 𑌪𑌰𑌂𑌜𑍍𑌯𑍋𑌤𑌿𑌃 𑌪𑌂𑌚𑌕𑍃𑌤𑍍𑌯-𑌪𑌰𑌾𑌯𑌣𑌃 ।
𑌜𑍍𑌞𑌾𑌨𑌶𑌕𑍍𑌤𑌿-𑌬𑌲𑍈𑌶𑍍𑌵𑌰𑍍𑌯-𑌵𑍀𑌰𑍍𑌯-𑌤𑍇𑌜𑌃-𑌪𑍍𑌰𑌭𑌾𑌮𑌯𑌃 ॥ 12॥

𑌸𑌦𑌸𑌤𑍍𑌪𑌰𑌮𑌃 𑌪𑍂𑌰𑍍𑌣𑍋 𑌵𑌾𑌙𑍍𑌮𑌯𑍋 𑌵𑌰𑌦𑍋𑌽𑌚𑍍𑌯𑍁𑌤𑌃 ।
𑌜𑍀𑌵𑍋 𑌗𑍁𑌰𑍁𑌰𑍍𑌹𑌂𑌸𑌰𑍂𑌪𑌃 𑌪𑌂𑌚𑌾𑌶𑌤𑍍𑌪𑍀𑌠𑌰𑍂𑌪𑌕𑌃 ॥ 13॥

𑌮𑌾𑌤𑍃𑌕𑌾𑌮𑌂𑌡𑌲𑌾𑌧𑍍𑌯𑌕𑍍𑌷𑍋 𑌮𑌧𑍁𑌧𑍍𑌵𑌂𑌸𑍀 𑌮𑌨𑍋𑌮𑌯𑌃 ।
𑌬𑍁𑌦𑍍𑌧𑌿𑌰𑍂𑌪𑌶𑍍𑌚𑌿𑌤𑍍𑌤𑌸𑌾𑌕𑍍𑌷𑍀 𑌸𑌾𑌰𑍋 𑌹𑌂𑌸𑌾𑌕𑍍𑌷𑌰𑌦𑍍𑌵𑌯𑌃 ॥ 14॥

𑌮𑌂𑌤𑍍𑌰-𑌯𑌂𑌤𑍍𑌰-𑌪𑍍𑌰𑌭𑌾𑌵𑌜𑍍𑌞𑍋 𑌮𑌂𑌤𑍍𑌰-𑌯𑌂𑌤𑍍𑌰-𑌮𑌯𑍋 𑌵𑌿𑌭𑍁𑌃 ।
𑌸𑍍𑌰𑌷𑍍𑌟𑌾 𑌕𑍍𑌰𑌿𑌯𑌾𑌸𑍍𑌪𑌦-𑌶𑍍𑌶𑍁𑌦𑍍𑌧𑌃 𑌆𑌧𑌾𑌰𑌶𑍍𑌚𑌕𑍍𑌰-𑌰𑍂𑌪𑌕𑌃 ॥ 15॥

𑌨𑌿𑌰𑌾𑌯𑍁𑌧𑍋 𑌹𑍍𑌯𑌸𑌂𑌰𑌂𑌭𑌃 𑌸𑌰𑍍𑌵𑌾𑌯𑍁𑌧-𑌸𑌮𑌨𑍍𑌵𑌿𑌤𑌃 ।
𑌓𑌮𑍍𑌕𑌾𑌰𑌰𑍂𑌪𑍀 𑌪𑍂𑌰𑍍𑌣𑌾𑌤𑍍𑌮𑌾 𑌆𑌂𑌕𑌾𑌰𑌸𑍍𑌸𑌾𑌧𑍍𑌯-𑌬𑌂𑌧𑌨𑌃 ॥ 16॥

𑌐𑌂𑌕𑌾𑌰𑍋 𑌵𑌾𑌕𑍍𑌪𑍍𑌰𑌦𑍋 𑌵𑌗𑍍𑌮𑍀 𑌶𑍍𑌰𑍀𑌂𑌕𑌾𑌰𑍈𑌶𑍍𑌵𑌰𑍍𑌯𑌵𑌰𑍍𑌧𑌨𑌃 ।
𑌕𑍍𑌲𑍀𑌂𑌕𑌾𑌰𑌮𑍋𑌹𑌨𑌾𑌕𑌾𑌰𑍋 𑌹𑍁𑌂𑌫𑌟𑍍𑌕𑍍𑌷𑍋𑌭𑌣𑌾𑌕𑍃𑌤𑌿𑌃 ॥ 1𑍭॥

𑌇𑌂𑌦𑍍𑌰𑌾𑌰𑍍𑌚𑌿𑌤-𑌮𑌨𑍋𑌵𑍇𑌗𑍋 𑌧𑌰𑌣𑍀𑌭𑌾𑌰-𑌨𑌾𑌶𑌕𑌃 ।
𑌵𑍀𑌰𑌾𑌰𑌾𑌧𑍍𑌯𑍋 𑌵𑌿𑌶𑍍𑌵𑌰𑍂𑌪𑌃 𑌵𑍈𑌷𑍍𑌣𑌵𑍋 𑌵𑌿𑌷𑍍𑌣𑍁𑌰𑍂𑌪𑌕𑌃 ॥ 1𑍮॥

𑌸𑌤𑍍𑌯𑌵𑍍𑌰𑌤𑌃 𑌸𑌤𑍍𑌯𑌧𑌰𑌃 𑌸𑌤𑍍𑌯𑌧𑌰𑍍𑌮𑌾𑌨𑍁𑌷𑌂𑌗𑌕𑌃’
𑌨𑌾𑌰𑌾𑌯𑌣𑌕𑍃𑌪𑌾𑌵𑍍𑌯𑍂𑌹-𑌤𑍇𑌜𑌶𑍍𑌚𑌕𑍍𑌰-𑌸𑍍𑌸𑍁𑌦𑌰𑍍𑌶𑌨𑌃 ॥ 1𑍯॥

॥ 𑌶𑍍𑌰𑍀 𑌸𑍁𑌦𑌰𑍍𑌶𑌨𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍॥