𑌅𑌂𑌗𑌾𑌰𑌕 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌮𑌹𑍀𑌸𑍁𑌤𑍋 𑌮𑌹𑌾𑌭𑌾𑌗𑍋 𑌮𑌂𑌗𑌳𑍋 𑌮𑌂𑌗𑌳𑌪𑍍𑌰𑌦𑌃 ।
𑌮𑌹𑌾𑌵𑍀𑌰𑍋 𑌮𑌹𑌾𑌶𑍂𑌰𑍋 𑌮𑌹𑌾𑌬𑌲𑌪𑌰𑌾𑌕𑍍𑌰𑌮𑌃 ॥ 1 ॥

𑌮𑌹𑌾𑌰𑍌𑌦𑍍𑌰𑍋 𑌮𑌹𑌾𑌭𑌦𑍍𑌰𑍋 𑌮𑌾𑌨𑌨𑍀𑌯𑍋 𑌦𑌯𑌾𑌕𑌰𑌃 ।
𑌮𑌾𑌨𑌦𑍋𑌽𑌮𑌰𑍍𑌷𑌣𑌃 𑌕𑍍𑌰𑍂𑌰𑌸𑍍𑌤𑌾𑌪𑌪𑌾𑌪𑌵𑌿𑌵𑌰𑍍𑌜𑌿𑌤𑌃 ॥ 2 ॥

𑌸𑍁𑌪𑍍𑌰𑌤𑍀𑌪𑌃 𑌸𑍁𑌤𑌾𑌮𑍍𑌰𑌾𑌕𑍍𑌷𑌃 𑌸𑍁𑌬𑍍𑌰𑌹𑍍𑌮𑌣𑍍𑌯𑌃 𑌸𑍁𑌖𑌪𑍍𑌰𑌦𑌃 ।
𑌵𑌕𑍍𑌰𑌸𑍍𑌤𑌂𑌭𑌾𑌦𑌿𑌗𑌮𑌨𑍋 𑌵𑌰𑍇𑌣𑍍𑌯𑍋 𑌵𑌰𑌦𑌃 𑌸𑍁𑌖𑍀 ॥ 3 ॥

𑌵𑍀𑌰𑌭𑌦𑍍𑌰𑍋 𑌵𑌿𑌰𑍂𑌪𑌾𑌕𑍍𑌷𑍋 𑌵𑌿𑌦𑍂𑌰𑌸𑍍𑌥𑍋 𑌵𑌿𑌭𑌾𑌵𑌸𑍁𑌃 ।
𑌨𑌕𑍍𑌷𑌤𑍍𑌰𑌚𑌕𑍍𑌰𑌸𑌂𑌚𑌾𑌰𑍀 𑌕𑍍𑌷𑌤𑍍𑌰𑌪𑌃 𑌕𑍍𑌷𑌾𑌤𑍍𑌰𑌵𑌰𑍍𑌜𑌿𑌤𑌃 ॥ 4 ॥

𑌕𑍍𑌷𑌯𑌵𑍃𑌦𑍍𑌧𑌿𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌕𑍍𑌷𑌮𑌾𑌯𑍁𑌕𑍍𑌤𑍋 𑌵𑌿𑌚𑌕𑍍𑌷𑌣𑌃 ।
𑌅𑌕𑍍𑌷𑍀𑌣𑌫𑌲𑌦𑌃 𑌚𑌕𑍍𑌷𑍁𑌰𑍍𑌗𑍋𑌚𑌰𑌃 𑌶𑍁𑌭𑌲𑌕𑍍𑌷𑌣𑌃 ॥ 5 ॥

𑌵𑍀𑌤𑌰𑌾𑌗𑍋 𑌵𑍀𑌤𑌭𑌯𑍋 𑌵𑌿𑌜𑍍𑌵𑌰𑍋 𑌵𑌿𑌶𑍍𑌵𑌕𑌾𑌰𑌣𑌃 ।
𑌨𑌕𑍍𑌷𑌤𑍍𑌰𑌰𑌾𑌶𑌿𑌸𑌂𑌚𑌾𑌰𑍋 𑌨𑌾𑌨𑌾𑌭𑌯𑌨𑌿𑌕𑍃𑌂𑌤𑌨𑌃 ॥ 6 ॥

𑌕𑌮𑌨𑍀𑌯𑍋 𑌦𑌯𑌾𑌸𑌾𑌰𑌃 𑌕𑌨𑌤𑍍𑌕𑌨𑌕𑌭𑍂𑌷𑌣𑌃 ।
𑌭𑌯𑌘𑍍𑌨𑍋 𑌭𑌵𑍍𑌯𑌫𑌲𑌦𑍋 𑌭𑌕𑍍𑌤𑌾𑌭𑌯𑌵𑌰𑌪𑍍𑌰𑌦𑌃 ॥ 𑍭 ॥

𑌶𑌤𑍍𑌰𑍁𑌹𑌂𑌤𑌾 𑌶𑌮𑍋𑌪𑍇𑌤𑌃 𑌶𑌰𑌣𑌾𑌗𑌤𑌪𑍋𑌷𑌕𑌃 ।
𑌸𑌾𑌹𑌸𑌃 𑌸𑌦𑍍𑌗𑍁𑌣𑌾𑌽𑌧𑍍𑌯𑌕𑍍𑌷𑌃 𑌸𑌾𑌧𑍁𑌃 𑌸𑌮𑌰𑌦𑍁𑌰𑍍𑌜𑌯𑌃 ॥ 𑍮 ॥

𑌦𑍁𑌷𑍍𑌟𑌦𑍂𑌰𑌃 𑌶𑌿𑌷𑍍𑌟𑌪𑍂𑌜𑍍𑌯𑌃 𑌸𑌰𑍍𑌵𑌕𑌷𑍍𑌟𑌨𑌿𑌵𑌾𑌰𑌕𑌃 ।
𑌦𑍁𑌶𑍍𑌚𑍇𑌷𑍍𑌟𑌵𑌾𑌰𑌕𑍋 𑌦𑍁𑌃𑌖𑌭𑌂𑌜𑌨𑍋 𑌦𑍁𑌰𑍍𑌧𑌰𑍋 𑌹𑌰𑌿𑌃 ॥ 𑍯 ॥

𑌦𑍁𑌃𑌸𑍍𑌵𑌪𑍍𑌨𑌹𑌂𑌤𑌾 𑌦𑍁𑌰𑍍𑌧𑌰𑍍𑌷𑍋 𑌦𑍁𑌷𑍍𑌟𑌗𑌰𑍍𑌵𑌵𑌿𑌮𑍋𑌚𑌕𑌃 ।
𑌭𑌰𑌦𑍍𑌵𑌾𑌜𑌕𑍁𑌲𑍋𑌦𑍍𑌭𑍂𑌤𑍋 𑌭𑍂𑌸𑍁𑌤𑍋 𑌭𑌵𑍍𑌯𑌭𑍂𑌷𑌣𑌃 ॥ 10 ॥

𑌰𑌕𑍍𑌤𑌾𑌂𑌬𑌰𑍋 𑌰𑌕𑍍𑌤𑌵𑌪𑍁𑌰𑍍𑌭𑌕𑍍𑌤𑌪𑌾𑌲𑌨𑌤𑌤𑍍𑌪𑌰𑌃 ।
𑌚𑌤𑍁𑌰𑍍𑌭𑍁𑌜𑍋 𑌗𑌦𑌾𑌧𑌾𑌰𑍀 𑌮𑍇𑌷𑌵𑌾𑌹𑍋𑌽𑌮𑌿𑌤𑌾𑌶𑌨𑌃 ॥ 11 ॥

𑌶𑌕𑍍𑌤𑌿𑌶𑍂𑌲𑌧𑌰𑌃 𑌶𑌕𑍍𑌤𑌃 𑌶𑌸𑍍𑌤𑍍𑌰𑌵𑌿𑌦𑍍𑌯𑌾𑌵𑌿𑌶𑌾𑌰𑌦𑌃 ।
𑌤𑌾𑌰𑍍𑌕𑌿𑌕𑌸𑍍𑌤𑌾𑌮𑌸𑌾𑌧𑌾𑌰𑌸𑍍𑌤𑌪𑌸𑍍𑌵𑍀 𑌤𑌾𑌮𑍍𑌰𑌲𑍋𑌚𑌨𑌃 ॥ 12 ॥

𑌤𑌪𑍍𑌤𑌕𑌾𑌂𑌚𑌨𑌸𑌂𑌕𑌾𑌶𑍋 𑌰𑌕𑍍𑌤𑌕𑌿𑌂𑌜𑌲𑍍𑌕𑌸𑌨𑍍𑌨𑌿𑌭𑌃 ।
𑌗𑍋𑌤𑍍𑌰𑌾𑌧𑌿𑌦𑍇𑌵𑍋 𑌗𑍋𑌮𑌧𑍍𑌯𑌚𑌰𑍋 𑌗𑍁𑌣𑌵𑌿𑌭𑍂𑌷𑌣𑌃 ॥ 13 ॥

𑌅𑌸𑍃𑌗𑌂𑌗𑌾𑌰𑌕𑍋𑌽𑌵𑌂𑌤𑍀𑌦𑍇𑌶𑌾𑌧𑍀𑌶𑍋 𑌜𑌨𑌾𑌰𑍍𑌦𑌨𑌃 ।
𑌸𑍂𑌰𑍍𑌯𑌯𑌾𑌮𑍍𑌯𑌪𑍍𑌰𑌦𑍇𑌶𑌸𑍍𑌥𑍋 𑌯𑍌𑌵𑌨𑍋 𑌯𑌾𑌮𑍍𑌯𑌦𑌿𑌙𑍍𑌮𑍁𑌖𑌃 ॥ 14 ॥

𑌤𑍍𑌰𑌿𑌕𑍋𑌣𑌮𑌂𑌡𑌲𑌗𑌤𑌸𑍍𑌤𑍍𑌰𑌿𑌦𑌶𑌾𑌧𑌿𑌪𑌸𑌨𑍍𑌨𑍁𑌤𑌃 ।
𑌶𑍁𑌚𑌿𑌃 𑌶𑍁𑌚𑌿𑌕𑌰𑌃 𑌶𑍂𑌰𑍋 𑌶𑍁𑌚𑌿𑌵𑌶𑍍𑌯𑌃 𑌶𑍁𑌭𑌾𑌵𑌹𑌃 ॥ 15 ॥

𑌮𑍇𑌷𑌵𑍃𑌶𑍍𑌚𑌿𑌕𑌰𑌾𑌶𑍀𑌶𑍋 𑌮𑍇𑌧𑌾𑌵𑍀 𑌮𑌿𑌤𑌭𑌾𑌷𑌣𑌃 ।
𑌸𑍁𑌖𑌪𑍍𑌰𑌦𑌃 𑌸𑍁𑌰𑍂𑌪𑌾𑌕𑍍𑌷𑌃 𑌸𑌰𑍍𑌵𑌾𑌭𑍀𑌷𑍍𑌟𑌫𑌲𑌪𑍍𑌰𑌦𑌃 ॥ 16 ॥

𑌇𑌤𑌿 𑌶𑍍𑌰𑍀 𑌅𑌂𑌗𑌾𑌰𑌕𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।