𑌆𑌦𑍍𑌯 𑌕𑌾𑌳𑌿𑌕𑌾 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮𑌾𑌵𑌳𑌿𑌃

𑌶𑍍𑌰𑍀𑌸𑌦𑌾𑌶𑌿𑌵 𑌉𑌵𑌾𑌚
𑌶𑍃𑌣𑍁 𑌦𑍇𑌵𑌿 𑌜𑌗𑌦𑍍𑌵𑌂𑌦𑍍𑌯𑍇 𑌸𑍍𑌤𑍋𑌤𑍍𑌰𑌮𑍇𑌤𑌦𑌨𑍁𑌤𑍍𑌤𑌮𑌮𑍍 ।
𑌪𑌠𑌨𑌾𑌚𑍍𑌛𑍍𑌰𑌵𑌣𑌾𑌦𑍍𑌯𑌸𑍍𑌯 𑌸𑌰𑍍𑌵𑌸𑌿𑌦𑍍𑌧𑍀𑌶𑍍𑌵𑌰𑍋 𑌭𑌵𑍇𑌤𑍍 ॥ 1 ॥

𑌅𑌸𑍌𑌭𑌾𑌗𑍍𑌯𑌪𑍍𑌰𑌶𑌮𑌨𑌂 𑌸𑍁𑌖𑌸𑌂𑌪𑌦𑍍𑌵𑌿𑌵𑌰𑍍𑌧𑌨𑌮𑍍 ।
𑌅𑌕𑌾𑌲𑌮𑍃𑌤𑍍𑌯𑍁𑌹𑌰𑌣𑌂 𑌸𑌰𑍍𑌵𑌾𑌪𑌦𑍍𑌵𑌿𑌨𑌿𑌵𑌾𑌰𑌣𑌮𑍍 ॥ 2 ॥

𑌶𑍍𑌰𑍀𑌮𑌦𑌾𑌦𑍍𑌯𑌾𑌕𑌾𑌳𑌿𑌕𑌾𑌯𑌾𑌃 𑌸𑍁𑌖𑌸𑌾𑌨𑍍𑌨𑌿𑌧𑍍𑌯𑌕𑌾𑌰𑌣𑌮𑍍 ।
𑌸𑍍𑌤𑌵𑌸𑍍𑌯𑌾𑌸𑍍𑌯 𑌪𑍍𑌰𑌸𑍀𑌦𑍇𑌨 𑌤𑍍𑌰𑌿𑌪𑍁𑌰𑌾𑌰𑌿𑌰𑌹𑌂 𑌪𑍍𑌰𑌿𑌯𑍇 ॥ 3 ॥

𑌸𑍍𑌤𑍋𑌤𑍍𑌰𑌸𑍍𑌯𑌾𑌸𑍍𑌯 𑌋𑌷𑌿𑌰𑍍𑌦𑍇𑌵𑌿 𑌸𑌦𑌾𑌶𑌿𑌵 𑌉𑌦𑌾𑌹𑍃𑌤𑌃 ।
𑌛𑌂𑌦𑍋𑌽𑌨𑍁𑌷𑍍𑌟𑍁𑌬𑍍𑌦𑍇𑌵𑌤𑌾𑌦𑍍𑌯𑌾 𑌕𑌾𑌳𑌿𑌕𑌾 𑌪𑌰𑌿𑌕𑍀𑌰𑍍𑌤𑌿𑌤𑌾 ।
𑌧𑌰𑍍𑌮𑌕𑌾𑌮𑌾𑌰𑍍𑌥𑌮𑍋𑌕𑍍𑌷𑍇𑌷𑍁 𑌵𑌿𑌨𑌿𑌯𑍋𑌗𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ॥ 4 ॥

𑌅𑌥 𑌸𑍍𑌤𑍋𑌤𑍍𑌰𑌮𑍍
𑌹𑍍𑌰𑍀𑌂 𑌕𑌾𑌳𑍀 𑌶𑍍𑌰𑍀𑌂 𑌕𑌰𑌾𑌳𑍀 𑌚 𑌕𑍍𑌰𑍀𑌂 𑌕𑌳𑍍𑌯𑌾𑌣𑍀 𑌕𑌳𑌾𑌵𑌤𑍀 ।
𑌕𑌮𑌲𑌾 𑌕𑌲𑌿𑌦𑌰𑍍𑌪𑌘𑍍𑌨𑍀 𑌕𑌪𑌰𑍍𑌦𑍀𑌶𑌕𑍃𑌪𑌾𑌨𑍍𑌵𑌿𑌤𑌾 ॥ 5 ॥

𑌕𑌾𑌳𑌿𑌕𑌾 𑌕𑌾𑌲𑌮𑌾𑌤𑌾 𑌚 𑌕𑌾𑌲𑌾𑌨𑌲𑌸𑌮𑌦𑍍𑌯𑍁𑌤𑌿𑌃 ।
𑌕𑌪𑌰𑍍𑌦𑌿𑌨𑍀 𑌕𑌰𑌾𑌳𑌾𑌸𑍍𑌯𑌾 𑌕𑌰𑍁𑌣𑌾𑌮𑍃𑌤𑌸𑌾𑌗𑌰𑌾 ॥ 6 ॥

𑌕𑍃𑌪𑌾𑌮𑌯𑍀 𑌕𑍃𑌪𑌾𑌧𑌾𑌰𑌾 𑌕𑍃𑌪𑌾𑌪𑌾𑌰𑌾 𑌕𑍃𑌪𑌾𑌗𑌮𑌾 ।
𑌕𑍃𑌶𑌾𑌨𑍁𑌃 𑌕𑌪𑌿𑌲𑌾 𑌕𑍃𑌷𑍍𑌣𑌾 𑌕𑍃𑌷𑍍𑌣𑌾𑌨𑌂𑌦𑌵𑌿𑌵𑌰𑍍𑌧𑌿𑌨𑍀 ॥ 𑍭 ॥

𑌕𑌾𑌲𑌰𑌾𑌤𑍍𑌰𑌿𑌃 𑌕𑌾𑌮𑌰𑍂𑌪𑌾 𑌕𑌾𑌮𑌪𑌾𑌶𑌵𑌿𑌮𑍋𑌚𑌿𑌨𑍀 ।
𑌕𑌾𑌦𑌂𑌬𑌿𑌨𑍀 𑌕𑌳𑌾𑌧𑌾𑌰𑌾 𑌕𑌲𑌿𑌕𑌲𑍍𑌮𑌷𑌨𑌾𑌶𑌿𑌨𑍀 ॥ 𑍮 ॥

𑌕𑍁𑌮𑌾𑌰𑍀𑌪𑍂𑌜𑌨𑌪𑍍𑌰𑍀𑌤𑌾 𑌕𑍁𑌮𑌾𑌰𑍀𑌪𑍂𑌜𑌕𑌾𑌲𑌯𑌾 ।
𑌕𑍁𑌮𑌾𑌰𑍀𑌭𑍋𑌜𑌨𑌾𑌨𑌂𑌦𑌾 𑌕𑍁𑌮𑌾𑌰𑍀𑌰𑍂𑌪𑌧𑌾𑌰𑌿𑌣𑍀 ॥ 𑍯 ॥

𑌕𑌦𑌂𑌬𑌵𑌨𑌸𑌂𑌚𑌾𑌰𑌾 𑌕𑌦𑌂𑌬𑌵𑌨𑌵𑌾𑌸𑌿𑌨𑍀 ।
𑌕𑌦𑌂𑌬𑌪𑍁𑌷𑍍𑌪𑌸𑌂𑌤𑍋𑌷𑌾 𑌕𑌦𑌂𑌬𑌪𑍁𑌷𑍍𑌪𑌮𑌾𑌲𑌿𑌨𑍀 ॥ 10 ॥

𑌕𑌿𑌶𑍋𑌰𑍀 𑌕𑌲𑌕𑌂𑌠𑌾 𑌚 𑌕𑌲𑌨𑌾𑌦𑌨𑌿𑌨𑌾𑌦𑌿𑌨𑍀 ।
𑌕𑌾𑌦𑌂𑌬𑌰𑍀𑌪𑌾𑌨𑌰𑌤𑌾 𑌤𑌥𑌾 𑌕𑌾𑌦𑌂𑌬𑌰𑍀𑌪𑍍𑌰𑌿𑌯𑌾 ॥ 11 ॥

𑌕𑌪𑌾𑌲𑌪𑌾𑌤𑍍𑌰𑌨𑌿𑌰𑌤𑌾 𑌕𑌂𑌕𑌾𑌲𑌮𑌾𑌲𑍍𑌯𑌧𑌾𑌰𑌿𑌣𑍀 ।
𑌕𑌮𑌲𑌾𑌸𑌨𑌸𑌂𑌤𑍁𑌷𑍍𑌟𑌾 𑌕𑌮𑌲𑌾𑌸𑌨𑌵𑌾𑌸𑌿𑌨𑍀 ॥ 12 ॥

𑌕𑌮𑌲𑌾𑌲𑌯𑌮𑌧𑍍𑌯𑌸𑍍𑌥𑌾 𑌕𑌮𑌲𑌾𑌮𑍋𑌦𑌮𑍋𑌦𑌿𑌨𑍀 ।
𑌕𑌲𑌹𑌂𑌸𑌗𑌤𑌿𑌃 𑌕𑍍𑌲𑍈𑌬𑍍𑌯𑌨𑌾𑌶𑌿𑌨𑍀 𑌕𑌾𑌮𑌰𑍂𑌪𑌿𑌣𑍀 ॥ 13 ॥

𑌕𑌾𑌮𑌰𑍂𑌪𑌕𑍃𑌤𑌾𑌵𑌾𑌸𑌾 𑌕𑌾𑌮𑌪𑍀𑌠𑌵𑌿𑌲𑌾𑌸𑌿𑌨𑍀 ।
𑌕𑌮𑌨𑍀𑌯𑌾 𑌕𑌲𑍍𑌪𑌲𑌤𑌾 𑌕𑌮𑌨𑍀𑌯𑌵𑌿𑌭𑍂𑌷𑌣𑌾 ॥ 14 ॥

𑌕𑌮𑌨𑍀𑌯𑌗𑍁𑌣𑌾𑌰𑌾𑌧𑍍𑌯𑌾 𑌕𑍋𑌮𑌲𑌾𑌂𑌗𑍀 𑌕𑍃𑌶𑍋𑌦𑌰𑍀 ।
𑌕𑌾𑌰𑌣𑌾𑌮𑍃𑌤𑌸𑌂𑌤𑍋𑌷𑌾 𑌕𑌾𑌰𑌣𑌾𑌨𑌂𑌦𑌸𑌿𑌦𑍍𑌧𑌿𑌦𑌾 ॥ 15 ॥

𑌕𑌾𑌰𑌣𑌾𑌨𑌂𑌦𑌜𑌾𑌪𑍇𑌷𑍍𑌟𑌾 𑌕𑌾𑌰𑌣𑌾𑌰𑍍𑌚𑌨𑌹𑌰𑍍𑌷𑌿𑌤𑌾 ।
𑌕𑌾𑌰𑌣𑌾𑌰𑍍𑌣𑌵𑌸𑌮𑍍𑌮𑌗𑍍𑌨𑌾 𑌕𑌾𑌰𑌣𑌵𑍍𑌰𑌤𑌪𑌾𑌲𑌿𑌨𑍀 ॥ 16 ॥

𑌕𑌸𑍍𑌤𑍂𑌰𑍀𑌸𑍌𑌰𑌭𑌾𑌮𑍋𑌦𑌾 𑌕𑌸𑍍𑌤𑍂𑌰𑍀𑌤𑌿𑌲𑌕𑍋𑌜𑍍𑌜𑍍𑌵𑌲𑌾 ।
𑌕𑌸𑍍𑌤𑍂𑌰𑍀𑌪𑍂𑌜𑌨𑌰𑌤𑌾 𑌕𑌸𑍍𑌤𑍂𑌰𑍀𑌪𑍂𑌜𑌕𑌪𑍍𑌰𑌿𑌯𑌾 ॥ 1𑍭 ॥

𑌕𑌸𑍍𑌤𑍂𑌰𑍀𑌦𑌾𑌹𑌜𑌨𑌨𑍀 𑌕𑌸𑍍𑌤𑍂𑌰𑍀𑌮𑍃𑌗𑌤𑍋𑌷𑌿𑌣𑍀 ।
𑌕𑌸𑍍𑌤𑍂𑌰𑍀𑌭𑍋𑌜𑌨𑌪𑍍𑌰𑍀𑌤𑌾 𑌕𑌰𑍍𑌪𑍂𑌰𑌾𑌮𑍋𑌦𑌮𑍋𑌦𑌿𑌤𑌾 ॥ 1𑍮 ॥

𑌕𑌰𑍍𑌪𑍂𑌰𑌮𑌾𑌲𑌾𑌭𑌰𑌣𑌾 𑌕𑌰𑍍𑌪𑍂𑌰𑌚𑌂𑌦𑌨𑍋𑌕𑍍𑌷𑌿𑌤𑌾 ।
𑌕𑌰𑍍𑌪𑍂𑌰𑌕𑌾𑌰𑌣𑌾𑌹𑍍𑌲𑌾𑌦𑌾 𑌕𑌰𑍍𑌪𑍂𑌰𑌾𑌮𑍃𑌤𑌪𑌾𑌯𑌿𑌨𑍀 ॥ 1𑍯 ॥

𑌕𑌰𑍍𑌪𑍂𑌰𑌸𑌾𑌗𑌰𑌸𑍍𑌨𑌾𑌤𑌾 𑌕𑌰𑍍𑌪𑍂𑌰𑌸𑌾𑌗𑌰𑌾𑌲𑌯𑌾 ।
𑌕𑍂𑌰𑍍𑌚𑌬𑍀𑌜𑌜𑌪𑌪𑍍𑌰𑍀𑌤𑌾 𑌕𑍂𑌰𑍍𑌚𑌜𑌾𑌪𑌪𑌰𑌾𑌯𑌣𑌾 ॥ 20 ॥

𑌕𑍁𑌲𑍀𑌨𑌾 𑌕𑍌𑌲𑌿𑌕𑌾𑌰𑌾𑌧𑍍𑌯𑌾 𑌕𑍌𑌲𑌿𑌕𑌪𑍍𑌰𑌿𑌯𑌕𑌾𑌰𑌿𑌣𑍀 ।
𑌕𑍁𑌲𑌾𑌚𑌾𑌰𑌾 𑌕𑍌𑌤𑍁𑌕𑌿𑌨𑍀 𑌕𑍁𑌲𑌮𑌾𑌰𑍍𑌗𑌪𑍍𑌰𑌦𑌰𑍍𑌶𑌿𑌨𑍀 ॥ 21 ॥

𑌕𑌾𑌶𑍀𑌶𑍍𑌵𑌰𑍀 𑌕𑌷𑍍𑌟𑌹𑌰𑍍𑌤𑍍𑌰𑍀 𑌕𑌾𑌶𑍀𑌶𑌵𑌰𑌦𑌾𑌯𑌿𑌨𑍀 ।
𑌕𑌾𑌶𑍀𑌶𑍍𑌵𑌰𑌕𑍃𑌤𑌾𑌮𑍋𑌦𑌾 𑌕𑌾𑌶𑍀𑌶𑍍𑌵𑌰𑌮𑌨𑍋𑌰𑌮𑌾 ॥ 22 ॥

𑌕𑌲𑌮𑌂𑌜𑍀𑌰𑌚𑌰𑌣𑌾 𑌕𑍍𑌵𑌣𑌤𑍍𑌕𑌾𑌂𑌚𑍀𑌵𑌿𑌭𑍂𑌷𑌣𑌾 ।
𑌕𑌾𑌂𑌚𑌨𑌾𑌦𑍍𑌰𑌿𑌕𑍃𑌤𑌾𑌗𑌾𑌰𑌾 𑌕𑌾𑌂𑌚𑌨𑌾𑌚𑌲𑌕𑍌𑌮𑍁𑌦𑍀 ॥ 23 ॥

𑌕𑌾𑌮𑌬𑍀𑌜𑌜𑌪𑌾𑌨𑌂𑌦𑌾 𑌕𑌾𑌮𑌬𑍀𑌜𑌸𑍍𑌵𑌰𑍂𑌪𑌿𑌣𑍀 ।
𑌕𑍁𑌮𑌤𑌿𑌘𑍍𑌨𑍀 𑌕𑍁𑌲𑍀𑌨𑌾𑌰𑍍𑌤𑌿𑌨𑌾𑌶𑌿𑌨𑍀 𑌕𑍁𑌲𑌕𑌾𑌮𑌿𑌨𑍀 ॥ 24 ॥

𑌕𑍍𑌰𑍀𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌮𑌂𑌤𑍍𑌰𑌵𑌰𑍍𑌣𑍇𑌨 𑌕𑌾𑌲𑌕𑌂𑌟𑌕𑌘𑌾𑌤𑌿𑌨𑍀 ।
𑌇𑌤𑍍𑌯𑌾𑌦𑍍𑌯𑌾𑌕𑌾𑌳𑌿𑌕𑌾𑌦𑍇𑌵𑍍𑌯𑌾𑌃 𑌶𑌤𑌨𑌾𑌮 𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ॥ 25 ॥

𑌕𑌕𑌾𑌰𑌕𑍂𑌟𑌘𑌟𑌿𑌤𑌂 𑌕𑌾𑌳𑍀𑌰𑍂𑌪𑌸𑍍𑌵𑌰𑍂𑌪𑌕𑌮𑍍 ।
𑌪𑍂𑌜𑌾𑌕𑌾𑌲𑍇 𑌪𑌠𑍇𑌦𑍍𑌯𑌸𑍍𑌤𑍁 𑌕𑌾𑌳𑌿𑌕𑌾𑌕𑍃𑌤𑌮𑌾𑌨𑌸𑌃 ॥ 26 ॥

𑌮𑌂𑌤𑍍𑌰𑌸𑌿𑌦𑍍𑌧𑌿𑌰𑍍𑌭𑌵𑍇𑌦𑌾𑌶𑍁 𑌤𑌸𑍍𑌯 𑌕𑌾𑌳𑍀 𑌪𑍍𑌰𑌸𑍀𑌦𑌤𑌿 ।
𑌬𑍁𑌦𑍍𑌧𑌿𑌂 𑌵𑌿𑌦𑍍𑌯𑌾𑌂 𑌚 𑌲𑌭𑌤𑍇 𑌗𑍁𑌰𑍋𑌰𑌾𑌦𑍇𑌶𑌮𑌾𑌤𑍍𑌰𑌤𑌃 ॥ 2𑍭 ॥

𑌧𑌨𑌵𑌾𑌨𑍍 𑌕𑍀𑌰𑍍𑌤𑌿𑌮𑌾𑌨𑍍 𑌭𑍂𑌯𑌾𑌦𑍍𑌦𑌾𑌨𑌶𑍀𑌲𑍋 𑌦𑌯𑌾𑌨𑍍𑌵𑌿𑌤𑌃 ।
𑌪𑍁𑌤𑍍𑌰𑌪𑍌𑌤𑍍𑌰𑌸𑍁𑌖𑍈𑌶𑍍𑌵𑌰𑍍𑌯𑍈𑌰𑍍𑌮𑍋𑌦𑌤𑍇 𑌸𑌾𑌧𑌕𑍋 𑌭𑍁𑌵𑌿 ॥ 2𑍮 ॥

𑌭𑍌𑌮𑌾𑌵𑌾𑌸𑍍𑌯𑌾𑌨𑌿𑌶𑌾𑌭𑌾𑌗𑍇 𑌮𑌪𑌂𑌚𑌕𑌸𑌮𑌨𑍍𑌵𑌿𑌤𑌃 ।
𑌪𑍂𑌜𑌯𑌿𑌤𑍍𑌵𑌾 𑌮𑌹𑌾𑌕𑌾𑌳𑍀𑌮𑌾𑌦𑍍𑌯𑌾𑌂 𑌤𑍍𑌰𑌿𑌭𑍁𑌵𑌨𑍇𑌶𑍍𑌵𑌰𑍀𑌮𑍍 ॥ 2𑍯 ॥

𑌪𑌠𑌿𑌤𑍍𑌵𑌾 𑌶𑌤𑌨𑌾𑌮𑌾𑌨𑌿 𑌸𑌾𑌕𑍍𑌷𑌾𑌤𑍍𑌕𑌾𑌳𑍀𑌮𑌯𑍋 𑌭𑌵𑍇𑌤𑍍 ।
𑌨𑌾𑌸𑌾𑌧𑍍𑌯𑌂 𑌵𑌿𑌦𑍍𑌯𑌤𑍇 𑌤𑌸𑍍𑌯 𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌕𑌿𑌂𑌚𑌨 ॥ 30 ॥

𑌵𑌿𑌦𑍍𑌯𑌾𑌯𑌾𑌂 𑌵𑌾𑌕𑍍𑌪𑌤𑌿𑌃 𑌸𑌾𑌕𑍍𑌷𑌾𑌤𑍍 𑌧𑌨𑍇 𑌧𑌨𑌪𑌤𑌿𑌰𑍍𑌭𑌵𑍇𑌤𑍍 ।
𑌸𑌮𑍁𑌦𑍍𑌰 𑌇𑌵 𑌗𑌾𑌂𑌭𑍀𑌰𑍍𑌯𑍇 𑌬𑌲𑍇 𑌚 𑌪𑌵𑌨𑍋𑌪𑌮𑌃 ॥ 31 ॥

𑌤𑌿𑌗𑍍𑌮𑌾𑌂𑌶𑍁𑌰𑌿𑌵 𑌦𑍁𑌷𑍍𑌪𑍍𑌰𑍇𑌕𑍍𑌷𑍍𑌯𑌃 𑌶𑌶𑌿𑌵𑌚𑍍𑌛𑍁𑌭𑌦𑌰𑍍𑌶𑌨𑌃 ।
𑌰𑍂𑌪𑍇 𑌮𑍂𑌰𑍍𑌤𑌿𑌧𑌰𑌃 𑌕𑌾𑌮𑍋 𑌯𑍋𑌷𑌿𑌤𑌾𑌂 𑌹𑍃𑌦𑌯𑌂𑌗𑌮𑌃 ॥ 32 ॥

𑌸𑌰𑍍𑌵𑌤𑍍𑌰 𑌜𑌯𑌮𑌾𑌪𑍍𑌨𑍋𑌤𑌿 𑌸𑍍𑌤𑌵𑌸𑍍𑌯𑌾𑌸𑍍𑌯 𑌪𑍍𑌰𑌸𑌾𑌦𑌤𑌃 ।
𑌯𑌂 𑌯𑌂 𑌕𑌾𑌮𑌂 𑌪𑍁𑌰𑌸𑍍𑌕𑍃𑌤𑍍𑌯 𑌸𑍍𑌤𑍋𑌤𑍍𑌰𑌮𑍇𑌤𑌦𑍁𑌦𑍀𑌰𑌯𑍇𑌤𑍍 ॥ 33 ॥

𑌤𑌂 𑌤𑌂 𑌕𑌾𑌮𑌮𑌵𑌾𑌪𑍍𑌨𑍋𑌤𑌿 𑌶𑍍𑌰𑍀𑌮𑌦𑌾𑌦𑍍𑌯𑌾𑌪𑍍𑌰𑌸𑌾𑌦𑌤𑌃 ।
𑌰𑌣𑍇 𑌰𑌾𑌜𑌕𑍁𑌲𑍇 𑌦𑍍𑌯𑍂𑌤𑍇 𑌵𑌿𑌵𑌾𑌦𑍇 𑌪𑍍𑌰𑌾𑌣𑌸𑌂𑌕𑌟𑍇 ॥ 34 ॥

𑌦𑌸𑍍𑌯𑍁𑌗𑍍𑌰𑌸𑍍𑌤𑍇 𑌗𑍍𑌰𑌾𑌮𑌦𑌾𑌹𑍇 𑌸𑌿𑌂𑌹𑌵𑍍𑌯𑌾𑌘𑍍𑌰𑌾𑌵𑍃𑌤𑍇 𑌤𑌥𑌾 ।
𑌅𑌰𑌣𑍍𑌯𑍇 𑌪𑍍𑌰𑌾𑌂𑌤𑌰𑍇 𑌦𑍁𑌰𑍍𑌗𑍇 𑌗𑍍𑌰𑌹𑌰𑌾𑌜𑌭𑌯𑍇𑌽𑌪𑌿 𑌵𑌾 ॥ 35 ॥

𑌜𑍍𑌵𑌰𑌦𑌾𑌹𑍇 𑌚𑌿𑌰𑌵𑍍𑌯𑌾𑌧𑍌 𑌮𑌹𑌾𑌰𑍋𑌗𑌾𑌦𑌿𑌸𑌂𑌕𑍁𑌲𑍇 ।
𑌬𑌾𑌲𑌗𑍍𑌰𑌹𑌾𑌦𑌿 𑌰𑍋𑌗𑍇 𑌚 𑌤𑌥𑌾 𑌦𑍁𑌃𑌸𑍍𑌵𑌪𑍍𑌨𑌦𑌰𑍍𑌶𑌨𑍇 ॥ 36 ॥

𑌦𑍁𑌸𑍍𑌤𑌰𑍇 𑌸𑌲𑌿𑌲𑍇 𑌵𑌾𑌪𑌿 𑌪𑍋𑌤𑍇 𑌵𑌾𑌤𑌵𑌿𑌪𑌦𑍍𑌗𑌤𑍇 ।
𑌵𑌿𑌚𑌿𑌂𑌤𑍍𑌯 𑌪𑌰𑌮𑌾𑌂 𑌮𑌾𑌯𑌾𑌮𑌾𑌦𑍍𑌯𑌾𑌂 𑌕𑌾𑌳𑍀𑌂 𑌪𑌰𑌾𑌤𑍍𑌪𑌰𑌾𑌮𑍍 ॥ 3𑍭 ॥

𑌯𑌃 𑌪𑌠𑍇𑌚𑍍𑌛𑌤𑌨𑌾𑌮𑌾𑌨𑌿 𑌦𑍃𑌢𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑌃 ।
𑌸𑌰𑍍𑌵𑌾𑌪𑌦𑍍𑌭𑍍𑌯𑍋 𑌵𑌿𑌮𑍁𑌚𑍍𑌯𑍇𑌤 𑌦𑍇𑌵𑌿 𑌸𑌤𑍍𑌯𑌂 𑌨 𑌸𑌂𑌶𑌯𑌃 ॥ 3𑍮 ॥

𑌨 𑌪𑌾𑌪𑍇𑌭𑍍𑌯𑍋 𑌭𑌯𑌂 𑌤𑌸𑍍𑌯 𑌨 𑌰𑍋𑌗𑍋𑌭𑍍𑌯𑍋 𑌭𑌯𑌂 𑌕𑍍𑌵𑌚𑌿𑌤𑍍 ।
𑌸𑌰𑍍𑌵𑌤𑍍𑌰 𑌵𑌿𑌜𑌯𑌸𑍍𑌤𑌸𑍍𑌯 𑌨 𑌕𑍁𑌤𑍍𑌰𑌾𑌪𑌿 𑌪𑌰𑌾𑌭𑌵𑌃 ॥ 3𑍯 ॥

𑌤𑌸𑍍𑌯 𑌦𑌰𑍍𑌶𑌨𑌮𑌾𑌤𑍍𑌰𑍇𑌣 𑌪𑌲𑌾𑌯𑌂𑌤𑍇 𑌵𑌿𑌪𑌦𑍍𑌗𑌣𑌾𑌃 ।
𑌸 𑌵𑌕𑍍𑌤𑌾 𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌣𑌾𑌂 𑌸 𑌭𑍋𑌕𑍍𑌤𑌾 𑌸𑌰𑍍𑌵𑌸𑌂𑌪𑌦𑌾𑌮𑍍 ॥ 40 ॥

𑌸 𑌕𑌰𑍍𑌤𑌾 𑌜𑌾𑌤𑌿𑌧𑌰𑍍𑌮𑌾𑌣𑌾𑌂 𑌜𑍍𑌞𑌾𑌤𑍀𑌨𑌾𑌂 𑌪𑍍𑌰𑌭𑍁𑌰𑍇𑌵 𑌸𑌃 ।
𑌵𑌾𑌣𑍀 𑌤𑌸𑍍𑌯 𑌵𑌸𑍇𑌦𑍍𑌵𑌕𑍍𑌤𑍍𑌰𑍇 𑌕𑌮𑌲𑌾 𑌨𑌿𑌶𑍍𑌚𑌲𑌾 𑌗𑍃𑌹𑍇 ॥ 41 ॥

𑌤𑌨𑍍𑌨𑌾𑌮𑍍𑌨𑌾 𑌮𑌾𑌨𑌵𑌾𑌃 𑌸𑌰𑍍𑌵𑍇 𑌪𑍍𑌰𑌣𑌮𑌂𑌤𑌿 𑌸𑌸𑌂𑌭𑍍𑌰𑌮𑌾𑌃 ।
𑌦𑍃𑌷𑍍𑌟𑍍𑌯𑌾 𑌤𑌸𑍍𑌯 𑌤𑍃𑌣𑌾𑌯𑌂𑌤𑍇 𑌹𑍍𑌯𑌣𑌿𑌮𑌾𑌦𑍍𑌯𑌷𑍍𑌟𑌸𑌿𑌦𑍍𑌧𑌯𑌃 ॥ 42 ॥

𑌆𑌦𑍍𑌯𑌾𑌕𑌾𑌳𑍀𑌸𑍍𑌵𑌰𑍂𑌪𑌾𑌖𑍍𑌯𑌂 𑌶𑌤𑌨𑌾𑌮 𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ।
𑌅𑌷𑍍𑌟𑍋𑌤𑍍𑌤𑌰𑌶𑌤𑌾𑌵𑍃𑌤𑍍𑌯𑌾 𑌪𑍁𑌰𑌶𑍍𑌚𑌰𑍍𑌯𑌾𑌽𑌸𑍍𑌯 𑌗𑍀𑌯𑌤𑍇 ॥ 43 ॥

𑌪𑍁𑌰𑌸𑍍𑌕𑍍𑌰𑌿𑌯𑌾𑌨𑍍𑌵𑌿𑌤𑌂 𑌸𑍍𑌤𑍋𑌤𑍍𑌰𑌂 𑌸𑌰𑍍𑌵𑌾𑌭𑍀𑌷𑍍𑌟𑌫𑌲𑌪𑍍𑌰𑌦𑌮𑍍 ।
𑌶𑌤𑌨𑌾𑌮𑌸𑍍𑌤𑍁𑌤𑌿𑌮𑌿𑌮𑌾𑌮𑌾𑌦𑍍𑌯𑌾𑌕𑌾𑌳𑍀𑌸𑍍𑌵𑌰𑍂𑌪𑌿𑌣𑍀𑌮𑍍 ॥ 44 ॥

𑌪𑌠𑍇𑌦𑍍𑌵𑌾 𑌪𑌾𑌠𑌯𑍇𑌦𑍍𑌵𑌾𑌪𑌿 𑌶𑍃𑌣𑍁𑌯𑌾𑌚𑍍𑌛𑍍𑌰𑌾𑌵𑌯𑍇𑌦𑌪𑌿 ।
𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌬𑍍𑌰𑌹𑍍𑌮𑌸𑌾𑌯𑍁𑌜𑍍𑌯𑌮𑌾𑌪𑍍𑌨𑍁𑌯𑌾𑌤𑍍 ॥ 45 ॥

𑌇𑌤𑌿 𑌮𑌹𑌾𑌨𑌿𑌰𑍍𑌵𑌾𑌣𑌤𑌂𑌤𑍍𑌰𑍇 𑌸𑌪𑍍𑌤𑌮𑍋𑌲𑍍𑌲𑌾𑌸𑌾𑌂𑌤𑌰𑍍𑌗𑌤𑌂 𑌶𑍍𑌰𑍀 𑌆𑌦𑍍𑌯𑌾 𑌕𑌾𑌳𑌿𑌕𑌾 𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ॥