𑌚𑌂𑌦𑍍𑌰 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌶𑍍𑌰𑍀𑌮𑌾𑌨𑍍 𑌶𑌶𑌧𑌰𑌶𑍍𑌚𑌂𑌦𑍍𑌰𑍋 𑌤𑌾𑌰𑌾𑌧𑍀𑌶𑍋 𑌨𑌿𑌶𑌾𑌕𑌰𑌃 ।
𑌸𑍁𑌧𑌾𑌨𑌿𑌧𑌿𑌃 𑌸𑌦𑌾𑌰𑌾𑌧𑍍𑌯𑌃 𑌸𑌤𑍍𑌪𑌤𑌿𑌃 𑌸𑌾𑌧𑍁𑌪𑍂𑌜𑌿𑌤𑌃 ॥ 1 ॥

𑌜𑌿𑌤𑍇𑌂𑌦𑍍𑌰𑌿𑌯𑍋 𑌜𑌗𑌦𑍍𑌯𑍋𑌨𑌿𑌃 𑌜𑍍𑌯𑍋𑌤𑌿𑌶𑍍𑌚𑌕𑍍𑌰𑌪𑍍𑌰𑌵𑌰𑍍𑌤𑌕𑌃 ।
𑌵𑌿𑌕𑌰𑍍𑌤𑌨𑌾𑌨𑍁𑌜𑍋 𑌵𑍀𑌰𑍋 𑌵𑌿𑌶𑍍𑌵𑍇𑌶𑍋 𑌵𑌿𑌦𑍁𑌷𑌾𑌂 𑌪𑌤𑌿𑌃 ॥ 2 ॥

𑌦𑍋𑌷𑌾𑌕𑌰𑍋 𑌦𑍁𑌷𑍍𑌟𑌦𑍂𑌰𑌃 𑌪𑍁𑌷𑍍𑌟𑌿𑌮𑌾𑌨𑍍 𑌶𑌿𑌷𑍍𑌟𑌪𑌾𑌲𑌕𑌃 ।
𑌅𑌷𑍍𑌟𑌮𑍂𑌰𑍍𑌤𑌿𑌪𑍍𑌰𑌿𑌯𑍋𑌽𑌨𑌂𑌤𑌕𑌷𑍍𑌟𑌦𑌾𑌰𑍁𑌕𑍁𑌠𑌾𑌰𑌕𑌃 ॥ 3 ॥

𑌸𑍍𑌵𑌪𑍍𑌰𑌕𑌾𑌶𑌃 𑌪𑍍𑌰𑌕𑌾𑌶𑌾𑌤𑍍𑌮𑌾 𑌦𑍍𑌯𑍁𑌚𑌰𑍋 𑌦𑍇𑌵𑌭𑍋𑌜𑌨𑌃 ।
𑌕𑌳𑌾𑌧𑌰𑌃 𑌕𑌾𑌲𑌹𑍇𑌤𑍁𑌃 𑌕𑌾𑌮𑌕𑍃𑌤𑍍𑌕𑌾𑌮𑌦𑌾𑌯𑌕𑌃 ॥ 4 ॥

𑌮𑍃𑌤𑍍𑌯𑍁𑌸𑌂𑌹𑌾𑌰𑌕𑍋𑌽𑌮𑌰𑍍𑌤𑍍𑌯𑍋 𑌨𑌿𑌤𑍍𑌯𑌾𑌨𑍁𑌷𑍍𑌠𑌾𑌨𑌦𑌾𑌯𑌕𑌃 ।
𑌕𑍍𑌷𑌪𑌾𑌕𑌰𑌃 𑌕𑍍𑌷𑍀𑌣𑌪𑌾𑌪𑌃 𑌕𑍍𑌷𑌯𑌵𑍃𑌦𑍍𑌧𑌿𑌸𑌮𑌨𑍍𑌵𑌿𑌤𑌃 ॥ 5 ॥

𑌜𑍈𑌵𑌾𑌤𑍃𑌕𑌃 𑌶𑍁𑌚𑍀 𑌶𑍁𑌭𑍍𑌰𑍋 𑌜𑌯𑍀 𑌜𑌯𑌫𑌲𑌪𑍍𑌰𑌦𑌃 ।
𑌸𑍁𑌧𑌾𑌮𑌯𑌃 𑌸𑍁𑌰𑌸𑍍𑌵𑌾𑌮𑍀 𑌭𑌕𑍍𑌤𑌨𑌾𑌮𑌿𑌷𑍍𑌟𑌦𑌾𑌯𑌕𑌃 ॥ 6 ॥

𑌭𑍁𑌕𑍍𑌤𑌿𑌦𑍋 𑌮𑍁𑌕𑍍𑌤𑌿𑌦𑍋 𑌭𑌦𑍍𑌰𑍋 𑌭𑌕𑍍𑌤𑌦𑌾𑌰𑌿𑌦𑍍𑌰𑍍𑌯𑌭𑌂𑌜𑌕𑌃 ।
𑌸𑌾𑌮𑌗𑌾𑌨𑌪𑍍𑌰𑌿𑌯𑌃 𑌸𑌰𑍍𑌵𑌰𑌕𑍍𑌷𑌕𑌃 𑌸𑌾𑌗𑌰𑍋𑌦𑍍𑌭𑌵𑌃 ॥ 𑍭 ॥

𑌭𑌯𑌾𑌂𑌤𑌕𑍃𑌦𑍍𑌭𑌕𑍍𑌤𑌿𑌗𑌮𑍍𑌯𑍋 𑌭𑌵𑌬𑌂𑌧𑌵𑌿𑌮𑍋𑌚𑌕𑌃 ।
𑌜𑌗𑌤𑍍𑌪𑍍𑌰𑌕𑌾𑌶𑌕𑌿𑌰𑌣𑍋 𑌜𑌗𑌦𑌾𑌨𑌂𑌦𑌕𑌾𑌰𑌣𑌃 ॥ 𑍮 ॥

𑌨𑌿𑌸𑍍𑌸𑌪𑌤𑍍𑌨𑍋 𑌨𑌿𑌰𑌾𑌹𑌾𑌰𑍋 𑌨𑌿𑌰𑍍𑌵𑌿𑌕𑌾𑌰𑍋 𑌨𑌿𑌰𑌾𑌮𑌯𑌃 ।
𑌭𑍂𑌚𑍍𑌛𑌾𑌯𑌾𑌽𑌽𑌚𑍍𑌛𑌾𑌦𑌿𑌤𑍋 𑌭𑌵𑍍𑌯𑍋 𑌭𑍁𑌵𑌨𑌪𑍍𑌰𑌤𑌿𑌪𑌾𑌲𑌕𑌃 ॥ 𑍯 ॥

𑌸𑌕𑌲𑌾𑌰𑍍𑌤𑌿𑌹𑌰𑌃 𑌸𑍌𑌮𑍍𑌯𑌜𑌨𑌕𑌃 𑌸𑌾𑌧𑍁𑌵𑌂𑌦𑌿𑌤𑌃 ।
𑌸𑌰𑍍𑌵𑌾𑌗𑌮𑌜𑍍𑌞𑌃 𑌸𑌰𑍍𑌵𑌜𑍍𑌞𑍋 𑌸𑌨𑌕𑌾𑌦𑌿𑌮𑍁𑌨𑌿𑌸𑍍𑌤𑍁𑌤𑌃 ॥ 10 ॥

𑌸𑌿𑌤𑌚𑍍𑌛𑌤𑍍𑌰𑌧𑍍𑌵𑌜𑍋𑌪𑍇𑌤𑌃 𑌸𑌿𑌤𑌾𑌂𑌗𑍋 𑌸𑌿𑌤𑌭𑍂𑌷𑌣𑌃 ।
𑌶𑍍𑌵𑍇𑌤𑌮𑌾𑌲𑍍𑌯𑌾𑌂𑌬𑌰𑌧𑌰𑌃 𑌶𑍍𑌵𑍇𑌤𑌗𑌂𑌧𑌾𑌨𑍁𑌲𑍇𑌪𑌨𑌃 ॥ 11 ॥

𑌦𑌶𑌾𑌶𑍍𑌵𑌰𑌥𑌸𑌂𑌰𑍂𑌢𑍋 𑌦𑌂𑌡𑌪𑌾𑌣𑌿𑌃 𑌧𑌨𑍁𑌰𑍍𑌧𑌰𑌃 ।
𑌕𑍁𑌂𑌦𑌪𑍁𑌷𑍍𑌪𑍋𑌜𑍍𑌜𑍍𑌵𑌲𑌾𑌕𑌾𑌰𑍋 𑌨𑌯𑌨𑌾𑌬𑍍𑌜𑌸𑌮𑍁𑌦𑍍𑌭𑌵𑌃 ॥ 12 ॥

𑌆𑌤𑍍𑌰𑍇𑌯𑌗𑍋𑌤𑍍𑌰𑌜𑍋𑌽𑌤𑍍𑌯𑌂𑌤𑌵𑌿𑌨𑌯𑌃 𑌪𑍍𑌰𑌿𑌯𑌦𑌾𑌯𑌕𑌃 ।
𑌕𑌰𑍁𑌣𑌾𑌰𑌸𑌸𑌂𑌪𑍂𑌰𑍍𑌣𑌃 𑌕𑌰𑍍𑌕𑌟𑌪𑍍𑌰𑌭𑍁𑌰𑌵𑍍𑌯𑌯𑌃 ॥ 13 ॥

𑌚𑌤𑍁𑌰𑌶𑍍𑌰𑌾𑌸𑌨𑌾𑌰𑍂𑌢𑌶𑍍𑌚𑌤𑍁𑌰𑍋 𑌦𑌿𑌵𑍍𑌯𑌵𑌾𑌹𑌨𑌃 ।
𑌵𑌿𑌵𑌸𑍍𑌵𑌨𑍍𑌮𑌂𑌡𑌲𑌾𑌗𑍍𑌨𑍇𑌯𑌵𑌾𑌸𑍋 𑌵𑌸𑍁𑌸𑌮𑍃𑌦𑍍𑌧𑌿𑌦𑌃 ॥ 14 ॥

𑌮𑌹𑍇𑌶𑍍𑌵𑌰𑌪𑍍𑌰𑌿𑌯𑍋 𑌦𑌾𑌂𑌤𑌃 𑌮𑍇𑌰𑍁𑌗𑍋𑌤𑍍𑌰𑌪𑍍𑌰𑌦𑌕𑍍𑌷𑌿𑌣𑌃 ।
𑌗𑍍𑌰𑌹𑌮𑌂𑌡𑌲𑌮𑌧𑍍𑌯𑌸𑍍𑌥𑍋 𑌗𑍍𑌰𑌸𑌿𑌤𑌾𑌰𑍍𑌕𑍋 𑌗𑍍𑌰𑌹𑌾𑌧𑌿𑌪𑌃 ॥ 15 ॥

𑌦𑍍𑌵𑌿𑌜𑌰𑌾𑌜𑍋 𑌦𑍍𑌯𑍁𑌤𑌿𑌲𑌕𑍋 𑌦𑍍𑌵𑌿𑌭𑍁𑌜𑍋 𑌦𑍍𑌵𑌿𑌜𑌪𑍂𑌜𑌿𑌤𑌃 ।
𑌔𑌦𑍁𑌂𑌬𑌰𑌨𑌗𑌾𑌵𑌾𑌸 𑌉𑌦𑌾𑌰𑍋 𑌰𑍋𑌹𑌿𑌣𑍀𑌪𑌤𑌿𑌃 ॥ 16 ॥

𑌨𑌿𑌤𑍍𑌯𑍋𑌦𑌯𑍋 𑌮𑍁𑌨𑌿𑌸𑍍𑌤𑍁𑌤𑍍𑌯𑍋 𑌨𑌿𑌤𑍍𑌯𑌾𑌨𑌂𑌦𑌫𑌲𑌪𑍍𑌰𑌦𑌃 ।
𑌸𑌕𑌲𑌾𑌹𑍍𑌲𑌾𑌦𑌨𑌕𑌰𑌃 𑌪𑌲𑌾𑌶𑌸𑌮𑌿𑌧𑌪𑍍𑌰𑌿𑌯𑌃 ॥ 1𑍭 ॥

𑌏𑌵𑌂 𑌨𑌕𑍍𑌷𑌤𑍍𑌰𑌨𑌾𑌥𑌸𑍍𑌯 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ॥

𑌇𑌤𑌿 𑌶𑍍𑌰𑍀 𑌚𑌂𑌦𑍍𑌰 𑌅𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।