𑌶𑍍𑌰𑍀 𑌤𑌾𑌰𑌾𑌂𑌬𑌾 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮𑌾 𑌸𑍍𑌤𑍋𑌤𑍍𑌰𑌂

𑌶𑍍𑌰𑍀 𑌶𑌿𑌵 𑌉𑌵𑌾𑌚
𑌤𑌾𑌰𑌿𑌣𑍀 𑌤𑌰𑌳𑌾 𑌤𑌨𑍍𑌵𑍀 𑌤𑌾𑌰𑌾 𑌤𑌰𑍁𑌣𑌵𑌲𑍍𑌲𑌰𑍀 ।
𑌤𑌾𑌰𑌰𑍂𑌪𑌾 𑌤𑌰𑍀 𑌶𑍍𑌯𑌾𑌮𑌾 𑌤𑌨𑍁𑌕𑍍𑌷𑍀𑌣𑌪𑌯𑍋𑌧𑌰𑌾 ॥ 1 ॥

𑌤𑍁𑌰𑍀𑌯𑌾 𑌤𑌰𑍁𑌣𑌾 𑌤𑍀𑌵𑍍𑌰𑌗𑌮𑌨𑌾 𑌨𑍀𑌲𑌵𑌾𑌹𑌿𑌨𑍀 ।
𑌉𑌗𑍍𑌰𑌤𑌾𑌰𑌾 𑌜𑌯𑌾 𑌚𑌂𑌡𑍀 𑌶𑍍𑌰𑍀𑌮𑌦𑍇𑌕𑌜𑌟𑌾𑌶𑌿𑌰𑌾 ॥ 2 ॥

𑌤𑌰𑍁𑌣𑍀 𑌶𑌾𑌂𑌭𑌵𑍀 𑌛𑌿𑌨𑍍𑌨𑌫𑌾𑌲𑌾 𑌸𑍍𑌯𑌾𑌦𑍍𑌭𑌦𑍍𑌰𑌦𑌾𑌯𑌿𑌨𑍀 ।
𑌉𑌗𑍍𑌰𑌾 𑌉𑌗𑍍𑌰𑌪𑍍𑌰𑌭𑌾 𑌨𑍀𑌲𑌾 𑌕𑍃𑌷𑍍𑌣𑌾 𑌨𑍀𑌲𑌸𑌰𑌸𑍍𑌵𑌤𑍀 ॥ 3 ॥

𑌦𑍍𑌵𑌿𑌤𑍀𑌯𑌾 𑌶𑍋𑌭𑌨𑌾 𑌨𑌿𑌤𑍍𑌯𑌾 𑌨𑌵𑍀𑌨𑌾 𑌨𑌿𑌤𑍍𑌯𑌭𑍀𑌷𑌣𑌾 ।
𑌚𑌂𑌡𑌿𑌕𑌾 𑌵𑌿𑌜𑌯𑌾𑌰𑌾𑌧𑍍𑌯𑌾 𑌦𑍇𑌵𑍀 𑌗𑌗𑌨𑌵𑌾𑌹𑌿𑌨𑍀 ॥ 4 ॥

𑌅𑌟𑍍𑌟𑌹𑌾𑌸𑌾 𑌕𑌰𑌾𑌳𑌾𑌸𑍍𑌯𑌾 𑌚𑌰𑌾𑌸𑍍𑌯𑌾𑌦𑍀𑌶𑌪𑍂𑌜𑌿𑌤𑌾 ।
𑌸𑌗𑍁𑌣𑌾𑌽𑌸𑌗𑍁𑌣𑌾𑌽𑌰𑌾𑌧𑍍𑌯𑌾 𑌹𑌰𑍀𑌂𑌦𑍍𑌰𑌾𑌦𑌿𑌪𑍍𑌰𑌪𑍂𑌜𑌿𑌤𑌾 ॥ 5 ॥

𑌰𑌕𑍍𑌤𑌪𑍍𑌰𑌿𑌯𑌾 𑌚 𑌰𑌕𑍍𑌤𑌾𑌕𑍍𑌷𑍀 𑌰𑍁𑌧𑌿𑌰𑌾𑌸𑍍𑌯𑌵𑌿𑌭𑍂𑌷𑌿𑌤𑌾 ।
𑌬𑌲𑌿𑌪𑍍𑌰𑌿𑌯𑌾 𑌬𑌲𑌿𑌰𑌤𑌾 𑌦𑍁𑌰𑍍𑌗𑌾 𑌬𑌲𑌵𑌤𑍀 𑌬𑌲𑌾 ॥ 6 ॥

𑌬𑌲𑌪𑍍𑌰𑌿𑌯𑌾 𑌬𑌲𑌰𑌤𑌾 𑌬𑌲𑌰𑌾𑌮𑌪𑍍𑌰𑌪𑍂𑌜𑌿𑌤𑌾 ।
𑌅𑌰𑍍𑌧𑌕𑍇𑌶𑍇𑌶𑍍𑌵𑌰𑍀 𑌕𑍇𑌶𑌾 𑌕𑍇𑌶𑌵𑌾 𑌸𑍍𑌰𑌗𑍍𑌵𑌿𑌭𑍂𑌷𑌿𑌤𑌾 ॥ 𑍭 ॥

𑌪𑌦𑍍𑌮𑌮𑌾𑌲𑌾 𑌚 𑌪𑌦𑍍𑌮𑌾𑌕𑍍𑌷𑍀 𑌕𑌾𑌮𑌾𑌖𑍍𑌯𑌾 𑌗𑌿𑌰𑌿𑌨𑌂𑌦𑌿𑌨𑍀 ।
𑌦𑌕𑍍𑌷𑌿𑌣𑌾 𑌚𑍈𑌵 𑌦𑌕𑍍𑌷𑌾 𑌚 𑌦𑌕𑍍𑌷𑌜𑌾 𑌦𑌕𑍍𑌷𑌿𑌣𑍇𑌰𑌤𑌾 ॥ 𑍮 ॥

𑌵𑌜𑍍𑌰𑌪𑍁𑌷𑍍𑌪𑌪𑍍𑌰𑌿𑌯𑌾 𑌰𑌕𑍍𑌤𑌪𑍍𑌰𑌿𑌯𑌾 𑌕𑍁𑌸𑍁𑌮𑌭𑍂𑌷𑌿𑌤𑌾 ।
𑌮𑌾𑌹𑍇𑌶𑍍𑌵𑌰𑍀 𑌮𑌹𑌾𑌦𑍇𑌵𑌪𑍍𑌰𑌿𑌯𑌾 𑌪𑌨𑍍𑌨𑌗𑌭𑍂𑌷𑌿𑌤𑌾 ॥ 𑍯 ॥

𑌇𑌡𑌾 𑌚 𑌪𑌿𑌂𑌗𑌳𑌾 𑌚𑍈𑌵 𑌸𑍁𑌷𑍁𑌮𑍍𑌨𑌾𑌪𑍍𑌰𑌾𑌣𑌰𑍂𑌪𑌿𑌣𑍀 ।
𑌗𑌾𑌂𑌧𑌾𑌰𑍀 𑌪𑌂𑌚𑌮𑍀 𑌪𑌂𑌚𑌾𑌨𑌨𑌾𑌦𑌿𑌪𑌰𑌿𑌪𑍂𑌜𑌿𑌤𑌾 ॥ 10 ॥

𑌤𑌥𑍍𑌯𑌵𑌿𑌦𑍍𑌯𑌾 𑌤𑌥𑍍𑌯𑌰𑍂𑌪𑌾 𑌤𑌥𑍍𑌯𑌮𑌾𑌰𑍍𑌗𑌾𑌨𑍁𑌸𑌾𑌰𑌿𑌣𑍀 ।
𑌤𑌤𑍍𑌤𑍍𑌵𑌰𑍂𑌪𑌾 𑌤𑌤𑍍𑌤𑍍𑌵𑌪𑍍𑌰𑌿𑌯𑌾 𑌤𑌤𑍍𑌤𑍍𑌵𑌜𑍍𑌞𑌾𑌨𑌾𑌤𑍍𑌮𑌿𑌕𑌾𑌽𑌨𑌘𑌾 ॥ 11 ॥

𑌤𑌾𑌂𑌡𑌵𑌾𑌚𑌾𑌰𑌸𑌂𑌤𑍁𑌷𑍍𑌟𑌾 𑌤𑌾𑌂𑌡𑌵𑌪𑍍𑌰𑌿𑌯𑌕𑌾𑌰𑌿𑌣𑍀 ।
𑌤𑌾𑌲𑌨𑌾𑌦𑌰𑌤𑌾 𑌕𑍍𑌰𑍂𑌰𑌤𑌾𑌪𑌿𑌨𑍀 𑌤𑌰𑌣𑌿𑌪𑍍𑌰𑌭𑌾 ॥ 12 ॥

𑌤𑍍𑌰𑌪𑌾𑌯𑍁𑌕𑍍𑌤𑌾 𑌤𑍍𑌰𑌪𑌾𑌮𑍁𑌕𑍍𑌤𑌾 𑌤𑌰𑍍𑌪𑌿𑌤𑌾 𑌤𑍃𑌪𑍍𑌤𑌿𑌕𑌾𑌰𑌿𑌣𑍀 ।
𑌤𑌾𑌰𑍁𑌣𑍍𑌯𑌭𑌾𑌵𑌸𑌂𑌤𑍁𑌷𑍍𑌟𑌾 𑌶𑌕𑍍𑌤𑌿-𑌰𑍍𑌭𑌕𑍍𑌤𑌾𑌨𑍁𑌰𑌾𑌗𑌿𑌣𑍀 ॥ 13 ॥

𑌶𑌿𑌵𑌾𑌸𑌕𑍍𑌤𑌾 𑌶𑌿𑌵𑌰𑌤𑌿𑌃 𑌶𑌿𑌵𑌭𑌕𑍍𑌤𑌿𑌪𑌰𑌾𑌯𑌣𑌾 ।
𑌤𑌾𑌮𑍍𑌰𑌦𑍍𑌯𑍁𑌤𑌿-𑌸𑍍𑌤𑌾𑌮𑍍𑌰𑌰𑌾𑌗𑌾 𑌤𑌾𑌮𑍍𑌰𑌪𑌾𑌤𑍍𑌰𑌪𑍍𑌰𑌭𑍋𑌜𑌿𑌨𑍀 ॥ 14 ॥

𑌬𑌲𑌭𑌦𑍍𑌰𑌪𑍍𑌰𑍇𑌮𑌰𑌤𑌾 𑌬𑌲𑌿𑌭𑍁-𑌗𑍍𑌬𑌲𑌿𑌕𑌲𑍍𑌪𑌨𑍀 ।
𑌰𑌾𑌮𑌪𑍍𑌰𑌿𑌯𑌾 𑌰𑌾𑌮𑌶𑌕𑍍𑌤𑍀 𑌰𑌾𑌮𑌰𑍂𑌪𑌾𑌨𑍁𑌕𑌾𑌰𑌿𑌣𑍀 ॥ 15 ॥

𑌇𑌤𑍍𑌯𑍇𑌤𑌤𑍍𑌕𑌥𑌿𑌤𑌂 𑌦𑍇𑌵𑌿 𑌰𑌹𑌸𑍍𑌯𑌂 𑌪𑌰𑌮𑌾𑌦𑍍𑌭𑍁𑌤𑌮𑍍 ।
𑌶𑍍𑌰𑍁𑌤𑍍𑌵𑌾𑌮𑍋𑌕𑍍𑌷𑌮𑌵𑌾𑌪𑍍𑌨𑍋𑌤𑌿 𑌤𑌾𑌰𑌾𑌦𑍇𑌵𑍍𑌯𑌾𑌃 𑌪𑍍𑌰𑌸𑌾𑌦𑌤𑌃 ॥ 16 ॥

𑌯 𑌇𑌦𑌂 𑌪𑌠𑌤𑌿 𑌸𑍍𑌤𑍋𑌤𑍍𑌰𑌂 𑌤𑌾𑌰𑌾𑌸𑍍𑌤𑍁𑌤𑌿𑌰𑌹𑌸𑍍𑌯𑌜𑌮𑍍 ।
𑌸𑌰𑍍𑌵𑌸𑌿𑌦𑍍𑌧𑌿𑌯𑍁𑌤𑍋 𑌭𑍂𑌤𑍍𑌵𑌾 𑌵𑌿𑌹𑌰𑍇𑌤𑍍 𑌕𑍍𑌷𑌿𑌤𑌿 𑌮𑌂𑌡𑌲𑍇 ॥ 1𑍭 ॥

𑌤𑌸𑍍𑌯𑍈𑌵 𑌮𑌂𑌤𑍍𑌰𑌸𑌿𑌦𑍍𑌧𑌿𑌃 𑌸𑍍𑌯𑌾𑌨𑍍𑌮𑌯𑌿 𑌭𑌕𑍍𑌤𑌿𑌰𑌨𑍁𑌤𑍍𑌤𑌮𑌾 ।
𑌭𑌵𑌤𑍍𑌯𑍇𑌵 𑌮𑌹𑌾𑌮𑌾𑌯𑍇 𑌸𑌤𑍍𑌯𑌂 𑌸𑌤𑍍𑌯𑌂 𑌨 𑌸𑌂𑌶𑌯𑌃 ॥ 1𑍮 ॥

𑌮𑌂𑌦𑍇 𑌮𑌂𑌗𑌳𑌵𑌾𑌰𑍇 𑌚 𑌯𑌃 𑌪𑌠𑍇𑌨𑍍𑌨𑌿𑌶𑌿 𑌸𑌂𑌯𑍁𑌤𑌃 ।
𑌤𑌸𑍍𑌯𑍈𑌵 𑌮𑌂𑌤𑍍𑌰𑌸𑌿𑌦𑍍𑌧𑌿𑌸𑍍𑌸𑍍𑌯𑌾𑌦𑍍𑌗𑌾𑌣𑌾𑌪𑌤𑍍𑌯𑌂 𑌲𑌭𑍇𑌤 𑌸𑌃 ॥ 1𑍯 ॥

𑌶𑍍𑌰𑌦𑍍𑌧𑌯𑌾𑌽𑌶𑍍𑌰𑌦𑍍𑌧𑌯𑌾 𑌵𑌾𑌽𑌪𑌿 𑌪𑌠𑍇𑌤𑍍𑌤𑌾𑌰𑌾 𑌰𑌹𑌸𑍍𑌯𑌕𑌮𑍍 ।
𑌸𑍋𑌽𑌚𑌿𑌰𑍇𑌣𑍈𑌵𑌕𑌾𑌲𑍇𑌨 𑌜𑍀𑌵𑌨𑍍𑌮𑍁𑌕𑍍𑌤𑌶𑍍𑌶𑌿𑌵𑍋 𑌭𑌵𑍇𑌤𑍍 ॥ 20 ॥

𑌸𑌹𑌸𑍍𑌰𑌾𑌵𑌰𑍍𑌤𑌨𑌾𑌦𑍍𑌦𑍇𑌵𑌿 𑌪𑍁𑌰𑌶𑍍𑌚𑌰𑍍𑌯𑌾𑌫𑌲𑌂 𑌲𑌭𑍇𑌤𑍍 ।
𑌏𑌵𑌂 𑌸𑌤𑌤𑌯𑍁𑌕𑍍𑌤𑌾 𑌯𑍇 𑌧𑍍𑌯𑌾𑌯𑌂𑌤𑌸𑍍𑌤𑍍𑌵𑌾𑌮𑍁𑌪𑌾𑌸𑌤𑍇 ॥ 21 ॥

𑌤𑍇 𑌕𑍃𑌤𑌾𑌰𑍍𑌥𑌾 𑌮𑌹𑍇𑌶𑌾𑌨𑌿 𑌮𑍃𑌤𑍍𑌯𑍁𑌸𑌂𑌸𑌾𑌰𑌵𑌰𑍍𑌤𑍍𑌮𑌨𑌃 ॥ 22 ॥

𑌇𑌤𑌿 𑌶𑍍𑌰𑍀 𑌸𑍍𑌵𑌰𑍍𑌣𑌮𑌾𑌲𑌾𑌤𑌂𑌤𑍍𑌰𑍇 𑌤𑌾𑌰𑌾𑌂𑌬𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।