𑌶𑍍𑌰𑍀 𑌕𑌮𑌲𑌾 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮𑌾 𑌸𑍍𑌤𑍋𑌤𑍍𑌰𑌂

𑌶𑍍𑌰𑍀 𑌶𑌿𑌵 𑌉𑌵𑌾𑌚
𑌶𑌤𑌮𑌷𑍍𑌟𑍋𑌤𑍍𑌤𑌰𑌂 𑌨𑌾𑌮𑍍𑌨𑌾𑌂 𑌕𑌮𑌲𑌾𑌯𑌾 𑌵𑌰𑌾𑌨𑌨𑍇 ।
𑌪𑍍𑌰𑌵𑌕𑍍𑌷𑍍𑌯𑌾𑌮𑍍𑌯𑌤𑌿𑌗𑍁𑌹𑍍𑌯𑌂 𑌹𑌿 𑌨 𑌕𑌦𑌾𑌪𑌿 𑌪𑍍𑌰𑌕𑌾𑌶𑌯𑍇𑌤𑍍 ॥ 1 ॥

𑌓𑌂 𑌮𑌹𑌾𑌮𑌾𑌯𑌾 𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌵𑌾𑌣𑍀 𑌮𑌹𑍇𑌶𑍍𑌵𑌰𑍀 ।
𑌮𑌹𑌾𑌦𑍇𑌵𑍀 𑌮𑌹𑌾𑌰𑌾𑌤𑍍𑌰𑌿𑌰𑍍𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑍀 ॥ 2 ॥

𑌕𑌾𑌲𑌰𑌾𑌤𑍍𑌰𑌿𑌃 𑌕𑍁𑌹𑍂𑌃 𑌪𑍂𑌰𑍍𑌣𑌾𑌨𑌂𑌦𑌾𑌦𑍍𑌯𑌾 𑌭𑌦𑍍𑌰𑌿𑌕𑌾 𑌨𑌿𑌶𑌾 ।
𑌜𑌯𑌾 𑌰𑌿𑌕𑍍𑌤𑌾 𑌮𑌹𑌾𑌶𑌕𑍍𑌤𑌿𑌰𑍍𑌦𑍇𑌵𑌮𑌾𑌤𑌾 𑌕𑍃𑌶𑍋𑌦𑌰𑍀 ॥ 3 ॥

𑌶𑌚𑍀𑌂𑌦𑍍𑌰𑌾𑌣𑍀 𑌶𑌕𑍍𑌰𑌨𑍁𑌤𑌾 𑌶𑌂𑌕𑌰𑌪𑍍𑌰𑌿𑌯𑌵𑌲𑍍𑌲𑌭𑌾 ।
𑌮𑌹𑌾𑌵𑌰𑌾𑌹𑌜𑌨𑌨𑍀 𑌮𑌦𑌨𑍋𑌨𑍍𑌮𑌥𑌿𑌨𑍀 𑌮𑌹𑍀 ॥ 4 ॥

𑌵𑍈𑌕𑍁𑌂𑌠𑌨𑌾𑌥𑌰𑌮𑌣𑍀 𑌵𑌿𑌷𑍍𑌣𑍁𑌵𑌕𑍍𑌷𑌃𑌸𑍍𑌥𑌲𑌸𑍍𑌥𑌿𑌤𑌾 ।
𑌵𑌿𑌶𑍍𑌵𑍇𑌶𑍍𑌵𑌰𑍀 𑌵𑌿𑌶𑍍𑌵𑌮𑌾𑌤𑌾 𑌵𑌰𑌦𑌾𑌽𑌭𑌯𑌦𑌾 𑌶𑌿𑌵𑌾 ॥ 5 ॥

𑌶𑍂𑌲𑌿𑌨𑍀 𑌚𑌕𑍍𑌰𑌿𑌣𑍀 𑌮𑌾 𑌚 𑌪𑌾𑌶𑌿𑌨𑍀 𑌶𑌂𑌖𑌧𑌾𑌰𑌿𑌣𑍀 ।
𑌗𑌦𑌿𑌨𑍀 𑌮𑍁𑌂𑌡𑌮𑌾𑌲𑌾 𑌚 𑌕𑌮𑌲𑌾 𑌕𑌰𑍁𑌣𑌾𑌲𑌯𑌾 ॥ 6 ॥

𑌪𑌦𑍍𑌮𑌾𑌕𑍍𑌷𑌧𑌾𑌰𑌿𑌣𑍀 𑌹𑍍𑌯𑌂𑌬𑌾 𑌮𑌹𑌾𑌵𑌿𑌷𑍍𑌣𑍁𑌪𑍍𑌰𑌿𑌯𑌂𑌕𑌰𑍀 ।
𑌗𑍋𑌲𑍋𑌕𑌨𑌾𑌥𑌰𑌮𑌣𑍀 𑌗𑍋𑌲𑍋𑌕𑍇𑌶𑍍𑌵𑌰𑌪𑍂𑌜𑌿𑌤𑌾 ॥ 𑍭 ॥

𑌗𑌯𑌾 𑌗𑌂𑌗𑌾 𑌚 𑌯𑌮𑍁𑌨𑌾 𑌗𑍋𑌮𑌤𑍀 𑌗𑌰𑍁𑌡𑌾𑌸𑌨𑌾 ।
𑌗𑌂𑌡𑌕𑍀 𑌸𑌰𑌯𑍂𑌸𑍍𑌤𑌾𑌪𑍀 𑌰𑍇𑌵𑌾 𑌚𑍈𑌵 𑌪𑌯𑌸𑍍𑌵𑌿𑌨𑍀 ॥ 𑍮 ॥

𑌨𑌰𑍍𑌮𑌦𑌾 𑌚𑍈𑌵 𑌕𑌾𑌵𑍇𑌰𑍀 𑌕𑍇𑌦𑌾𑌰𑌸𑍍𑌥𑌲𑌵𑌾𑌸𑌿𑌨𑍀 ।
𑌕𑌿𑌶𑍋𑌰𑍀 𑌕𑍇𑌶𑌵𑌨𑍁𑌤𑌾 𑌮𑌹𑍇𑌂𑌦𑍍𑌰𑌪𑌰𑌿𑌵𑌂𑌦𑌿𑌤𑌾 ॥ 𑍯 ॥

𑌬𑍍𑌰𑌹𑍍𑌮𑌾𑌦𑌿𑌦𑍇𑌵𑌨𑌿𑌰𑍍𑌮𑌾𑌣𑌕𑌾𑌰𑌿𑌣𑍀 𑌵𑍇𑌦𑌪𑍂𑌜𑌿𑌤𑌾 ।
𑌕𑍋𑌟𑌿𑌬𑍍𑌰𑌹𑍍𑌮𑌾𑌂𑌡𑌮𑌧𑍍𑌯𑌸𑍍𑌥𑌾 𑌕𑍋𑌟𑌿𑌬𑍍𑌰𑌹𑍍𑌮𑌾𑌂𑌡𑌕𑌾𑌰𑌿𑌣𑍀 ॥ 10 ॥

𑌶𑍍𑌰𑍁𑌤𑌿𑌰𑍂𑌪𑌾 𑌶𑍍𑌰𑍁𑌤𑌿𑌕𑌰𑍀 𑌶𑍍𑌰𑍁𑌤𑌿𑌸𑍍𑌮𑍃𑌤𑌿𑌪𑌰𑌾𑌯𑌣𑌾 ।
𑌇𑌂𑌦𑌿𑌰𑌾 𑌸𑌿𑌂𑌧𑍁𑌤𑌨𑌯𑌾 𑌮𑌾𑌤𑌂𑌗𑍀 𑌲𑍋𑌕𑌮𑌾𑌤𑍃𑌕𑌾 ॥ 11 ॥

𑌤𑍍𑌰𑌿𑌲𑍋𑌕𑌜𑌨𑌨𑍀 𑌤𑌂𑌤𑍍𑌰𑌾 𑌤𑌂𑌤𑍍𑌰𑌮𑌂𑌤𑍍𑌰𑌸𑍍𑌵𑌰𑍂𑌪𑌿𑌣𑍀 ।
𑌤𑌰𑍁𑌣𑍀 𑌚 𑌤𑌮𑍋𑌹𑌂𑌤𑍍𑌰𑍀 𑌮𑌂𑌗𑌳𑌾 𑌮𑌂𑌗𑌳𑌾𑌯𑌨𑌾 ॥ 12 ॥

𑌮𑌧𑍁𑌕𑍈𑌟𑌭𑌮𑌥𑌨𑍀 𑌶𑍁𑌂𑌭𑌾𑌸𑍁𑌰𑌵𑌿𑌨𑌾𑌶𑌿𑌨𑍀 ।
𑌨𑌿𑌶𑍁𑌂𑌭𑌾𑌦𑌿𑌹𑌰𑌾 𑌮𑌾𑌤𑌾 𑌹𑌰𑌿𑌶𑌂𑌕𑌰𑌪𑍂𑌜𑌿𑌤𑌾 ॥ 13 ॥

𑌸𑌰𑍍𑌵𑌦𑍇𑌵𑌮𑌯𑍀 𑌸𑌰𑍍𑌵𑌾 𑌶𑌰𑌣𑌾𑌗𑌤𑌪𑌾𑌲𑌿𑌨𑍀 ।
𑌶𑌰𑌣𑍍𑌯𑌾 𑌶𑌂𑌭𑍁𑌵𑌨𑌿𑌤𑌾 𑌸𑌿𑌂𑌧𑍁𑌤𑍀𑌰𑌨𑌿𑌵𑌾𑌸𑌿𑌨𑍀 ॥ 14 ॥

𑌗𑌂𑌧𑌰𑍍𑌵𑌗𑌾𑌨𑌰𑌸𑌿𑌕𑌾 𑌗𑍀𑌤𑌾 𑌗𑍋𑌵𑌿𑌂𑌦𑌵𑌲𑍍𑌲𑌭𑌾 ।
𑌤𑍍𑌰𑍈𑌲𑍋𑌕𑍍𑌯𑌪𑌾𑌲𑌿𑌨𑍀 𑌤𑌤𑍍𑌤𑍍𑌵𑌰𑍂𑌪𑌾 𑌤𑌾𑌰𑍁𑌣𑍍𑌯𑌪𑍂𑌰𑌿𑌤𑌾 ॥ 15 ॥

𑌚𑌂𑌦𑍍𑌰𑌾𑌵𑌲𑍀 𑌚𑌂𑌦𑍍𑌰𑌮𑍁𑌖𑍀 𑌚𑌂𑌦𑍍𑌰𑌿𑌕𑌾 𑌚𑌂𑌦𑍍𑌰𑌪𑍂𑌜𑌿𑌤𑌾 ।
𑌚𑌂𑌦𑍍𑌰𑌾 𑌶𑌶𑌾𑌂𑌕𑌭𑌗𑌿𑌨𑍀 𑌗𑍀𑌤𑌵𑌾𑌦𑍍𑌯𑌪𑌰𑌾𑌯𑌣𑌾 ॥ 16 ॥

𑌸𑍃𑌷𑍍𑌟𑌿𑌰𑍂𑌪𑌾 𑌸𑍃𑌷𑍍𑌟𑌿𑌕𑌰𑍀 𑌸𑍃𑌷𑍍𑌟𑌿𑌸𑌂𑌹𑌾𑌰𑌕𑌾𑌰𑌿𑌣𑍀 ।
𑌇𑌤𑌿 𑌤𑍇 𑌕𑌥𑌿𑌤𑌂 𑌦𑍇𑌵𑌿 𑌰𑌮𑌾𑌨𑌾𑌮𑌶𑌤𑌾𑌷𑍍𑌟𑌕𑌮𑍍 ॥ 1𑍭 ॥

𑌤𑍍𑌰𑌿𑌸𑌂𑌧𑍍𑌯𑌂 𑌪𑍍𑌰𑌯𑌤𑍋 𑌭𑍂𑌤𑍍𑌵𑌾 𑌪𑌠𑍇𑌦𑍇𑌤𑌤𑍍𑌸𑌮𑌾𑌹𑌿𑌤𑌃 ।
𑌯𑌂 𑌯𑌂 𑌕𑌾𑌮𑌯𑌤𑍇 𑌕𑌾𑌮𑌂 𑌤𑌂 𑌤𑌂 𑌪𑍍𑌰𑌾𑌪𑍍𑌨𑍋𑌤𑍍𑌯𑌸𑌂𑌶𑌯𑌮𑍍 ॥ 1𑍮 ॥

𑌇𑌮𑌂 𑌸𑍍𑌤𑌵𑌂 𑌯𑌃 𑌪𑌠𑌤𑍀𑌹 𑌮𑌰𑍍𑌤𑍍𑌯𑍋
𑌵𑍈𑌕𑍁𑌂𑌠𑌪𑌤𑍍𑌨𑍍𑌯𑌾𑌃 𑌪𑌰𑌮𑌾𑌦𑌰𑍇𑌣 ।
𑌧𑌨𑌾𑌧𑌿𑌪𑌾𑌦𑍍𑌯𑍈𑌃 𑌪𑌰𑌿𑌵𑌂𑌦𑌿𑌤𑌃 𑌸𑍍𑌯𑌾𑌤𑍍
𑌪𑍍𑌰𑌯𑌾𑌸𑍍𑌯𑌤𑌿 𑌶𑍍𑌰𑍀𑌪𑌦𑌮𑌂𑌤𑌕𑌾𑌲𑍇 ॥ 1𑍯 ॥

𑌇𑌤𑌿 𑌶𑍍𑌰𑍀 𑌕𑌮𑌲𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌮𑍍 ।