𑌶𑌨𑌿 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌶𑌨𑍈𑌶𑍍𑌚𑌰𑌾𑌯 𑌶𑌾𑌂𑌤𑌾𑌯 𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌦𑌾𑌯𑌿𑌨𑍇 ।
𑌶𑌰𑌣𑍍𑌯𑌾𑌯 𑌵𑌰𑍇𑌣𑍍𑌯𑌾𑌯 𑌸𑌰𑍍𑌵𑍇𑌶𑌾𑌯 𑌨𑌮𑍋 𑌨𑌮𑌃 ॥ 1 ॥

𑌸𑍌𑌮𑍍𑌯𑌾𑌯 𑌸𑍁𑌰𑌵𑌂𑌦𑍍𑌯𑌾𑌯 𑌸𑍁𑌰𑌲𑍋𑌕𑌵𑌿𑌹𑌾𑌰𑌿𑌣𑍇 ।
𑌸𑍁𑌖𑌾𑌸𑌨𑍋𑌪𑌵𑌿𑌷𑍍𑌟𑌾𑌯 𑌸𑍁𑌂𑌦𑌰𑌾𑌯 𑌨𑌮𑍋 𑌨𑌮𑌃 ॥ 2 ॥

𑌘𑌨𑌾𑌯 𑌘𑌨𑌰𑍂𑌪𑌾𑌯 𑌘𑌨𑌾𑌭𑌰𑌣𑌧𑌾𑌰𑌿𑌣𑍇 ।
𑌘𑌨𑌸𑌾𑌰𑌵𑌿𑌲𑍇𑌪𑌾𑌯 𑌖𑌦𑍍𑌯𑍋𑌤𑌾𑌯 𑌨𑌮𑍋 𑌨𑌮𑌃 ॥ 3 ॥

𑌮𑌂𑌦𑌾𑌯 𑌮𑌂𑌦𑌚𑍇𑌷𑍍𑌟𑌾𑌯 𑌮𑌹𑌨𑍀𑌯𑌗𑍁𑌣𑌾𑌤𑍍𑌮𑌨𑍇 ।
𑌮𑌰𑍍𑌤𑍍𑌯𑌪𑌾𑌵𑌨𑌪𑌾𑌦𑌾𑌯 𑌮𑌹𑍇𑌶𑌾𑌯 𑌨𑌮𑍋 𑌨𑌮𑌃 ॥ 4 ॥

𑌛𑌾𑌯𑌾𑌪𑍁𑌤𑍍𑌰𑌾𑌯 𑌶𑌰𑍍𑌵𑌾𑌯 𑌶𑌰𑌤𑍂𑌣𑍀𑌰𑌧𑌾𑌰𑌿𑌣𑍇 ।
𑌚𑌰𑌸𑍍𑌥𑌿𑌰𑌸𑍍𑌵𑌭𑌾𑌵𑌾𑌯 𑌚𑌂𑌚𑌲𑌾𑌯 𑌨𑌮𑍋 𑌨𑌮𑌃 ॥ 5 ॥

𑌨𑍀𑌲𑌵𑌰𑍍𑌣𑌾𑌯 𑌨𑌿𑌤𑍍𑌯𑌾𑌯 𑌨𑍀𑌲𑌾𑌂𑌜𑌨𑌨𑌿𑌭𑌾𑌯 𑌚 ।
𑌨𑍀𑌲𑌾𑌂𑌬𑌰𑌵𑌿𑌭𑍂𑌷𑌾𑌯 𑌨𑌿𑌶𑍍𑌚𑌲𑌾𑌯 𑌨𑌮𑍋 𑌨𑌮𑌃 ॥ 6 ॥

𑌵𑍇𑌦𑍍𑌯𑌾𑌯 𑌵𑌿𑌧𑌿𑌰𑍂𑌪𑌾𑌯 𑌵𑌿𑌰𑍋𑌧𑌾𑌧𑌾𑌰𑌭𑍂𑌮𑌯𑍇 ।
𑌭𑍇𑌦𑌾𑌸𑍍𑌪𑌦𑌸𑍍𑌵𑌭𑌾𑌵𑌾𑌯 𑌵𑌜𑍍𑌰𑌦𑍇𑌹𑌾𑌯 𑌤𑍇 𑌨𑌮𑌃 ॥ 𑍭 ॥

𑌵𑍈𑌰𑌾𑌗𑍍𑌯𑌦𑌾𑌯 𑌵𑍀𑌰𑌾𑌯 𑌵𑍀𑌤𑌰𑍋𑌗𑌭𑌯𑌾𑌯 𑌚 ।
𑌵𑌿𑌪𑌤𑍍𑌪𑌰𑌂𑌪𑌰𑍇𑌶𑌾𑌯 𑌵𑌿𑌶𑍍𑌵𑌵𑌂𑌦𑍍𑌯𑌾𑌯 𑌤𑍇 𑌨𑌮𑌃 ॥ 𑍮 ॥

𑌗𑍃𑌧𑍍𑌨𑌵𑌾𑌹𑌾𑌯 𑌗𑍂𑌢𑌾𑌯 𑌕𑍂𑌰𑍍𑌮𑌾𑌂𑌗𑌾𑌯 𑌕𑍁𑌰𑍂𑌪𑌿𑌣𑍇 ।
𑌕𑍁𑌤𑍍𑌸𑌿𑌤𑌾𑌯 𑌗𑍁𑌣𑌾𑌢𑍍𑌯𑌾𑌯 𑌗𑍋𑌚𑌰𑌾𑌯 𑌨𑌮𑍋 𑌨𑌮𑌃 ॥ 𑍯 ॥

𑌅𑌵𑌿𑌦𑍍𑌯𑌾𑌮𑍂𑌲𑌨𑌾𑌶𑌾𑌯 𑌵𑌿𑌦𑍍𑌯𑌾𑌽𑌵𑌿𑌦𑍍𑌯𑌾𑌸𑍍𑌵𑌰𑍂𑌪𑌿𑌣𑍇 ।
𑌆𑌯𑍁𑌷𑍍𑌯𑌕𑌾𑌰𑌣𑌾𑌯𑌾𑌽𑌽𑌪𑌦𑍁𑌦𑍍𑌧𑌰𑍍𑌤𑍍𑌰𑍇 𑌚 𑌨𑌮𑍋 𑌨𑌮𑌃 ॥ 10 ॥

𑌵𑌿𑌷𑍍𑌣𑍁𑌭𑌕𑍍𑌤𑌾𑌯 𑌵𑌶𑌿𑌨𑍇 𑌵𑌿𑌵𑌿𑌧𑌾𑌗𑌮𑌵𑍇𑌦𑌿𑌨𑍇 ।
𑌵𑌿𑌧𑌿𑌸𑍍𑌤𑍁𑌤𑍍𑌯𑌾𑌯 𑌵𑌂𑌦𑍍𑌯𑌾𑌯 𑌵𑌿𑌰𑍂𑌪𑌾𑌕𑍍𑌷𑌾𑌯 𑌤𑍇 𑌨𑌮𑌃 ॥ 11 ॥

𑌵𑌰𑌿𑌷𑍍𑌠𑌾𑌯 𑌗𑌰𑌿𑌷𑍍𑌠𑌾𑌯 𑌵𑌜𑍍𑌰𑌾𑌂𑌕𑍁𑌶𑌧𑌰𑌾𑌯 𑌚 ।
𑌵𑌰𑌦𑌾𑌽𑌭𑌯𑌹𑌸𑍍𑌤𑌾𑌯 𑌵𑌾𑌮𑌨𑌾𑌯 𑌨𑌮𑍋 𑌨𑌮𑌃 ॥ 12 ॥

𑌜𑍍𑌯𑍇𑌷𑍍𑌠𑌾𑌪𑌤𑍍𑌨𑍀𑌸𑌮𑍇𑌤𑌾𑌯 𑌶𑍍𑌰𑍇𑌷𑍍𑌠𑌾𑌯 𑌮𑌿𑌤𑌭𑌾𑌷𑌿𑌣𑍇 ।
𑌕𑌷𑍍𑌟𑍌𑌘𑌨𑌾𑌶𑌕𑌰𑍍𑌯𑌾𑌯 𑌪𑍁𑌷𑍍𑌟𑌿𑌦𑌾𑌯 𑌨𑌮𑍋 𑌨𑌮𑌃 ॥ 13 ॥

𑌸𑍍𑌤𑍁𑌤𑍍𑌯𑌾𑌯 𑌸𑍍𑌤𑍋𑌤𑍍𑌰𑌗𑌮𑍍𑌯𑌾𑌯 𑌭𑌕𑍍𑌤𑌿𑌵𑌶𑍍𑌯𑌾𑌯 𑌭𑌾𑌨𑌵𑍇 ।
𑌭𑌾𑌨𑍁𑌪𑍁𑌤𑍍𑌰𑌾𑌯 𑌭𑌵𑍍𑌯𑌾𑌯 𑌪𑌾𑌵𑌨𑌾𑌯 𑌨𑌮𑍋 𑌨𑌮𑌃 ॥ 14 ॥

𑌧𑌨𑍁𑌰𑍍𑌮𑌂𑌡𑌲𑌸𑌂𑌸𑍍𑌥𑌾𑌯 𑌧𑌨𑌦𑌾𑌯 𑌧𑌨𑍁𑌷𑍍𑌮𑌤𑍇 ।
𑌤𑌨𑍁𑌪𑍍𑌰𑌕𑌾𑌶𑌦𑍇𑌹𑌾𑌯 𑌤𑌾𑌮𑌸𑌾𑌯 𑌨𑌮𑍋 𑌨𑌮𑌃 ॥ 15 ॥

𑌅𑌶𑍇𑌷𑌜𑌨𑌵𑌂𑌦𑍍𑌯𑌾𑌯 𑌵𑌿𑌶𑍇𑌷𑌫𑌲𑌦𑌾𑌯𑌿𑌨𑍇 ।
𑌵𑌶𑍀𑌕𑍃𑌤𑌜𑌨𑍇𑌶𑌾𑌯 𑌪𑌶𑍂𑌨𑌾𑌂 𑌪𑌤𑌯𑍇 𑌨𑌮𑌃 ॥ 16 ॥

𑌖𑍇𑌚𑌰𑌾𑌯 𑌖𑌗𑍇𑌶𑌾𑌯 𑌘𑌨𑌨𑍀𑌲𑌾𑌂𑌬𑌰𑌾𑌯 𑌚 ।
𑌕𑌾𑌠𑌿𑌨𑍍𑌯𑌮𑌾𑌨𑌸𑌾𑌯𑌾𑌽𑌽𑌰𑍍𑌯𑌗𑌣𑌸𑍍𑌤𑍁𑌤𑍍𑌯𑌾𑌯 𑌤𑍇 𑌨𑌮𑌃 ॥ 1𑍭 ॥

𑌨𑍀𑌲𑌚𑍍𑌛𑌤𑍍𑌰𑌾𑌯 𑌨𑌿𑌤𑍍𑌯𑌾𑌯 𑌨𑌿𑌰𑍍𑌗𑍁𑌣𑌾𑌯 𑌗𑍁𑌣𑌾𑌤𑍍𑌮𑌨𑍇 ।
𑌨𑌿𑌰𑌾𑌮𑌯𑌾𑌯 𑌨𑌿𑌂𑌦𑍍𑌯𑌾𑌯 𑌵𑌂𑌦𑌨𑍀𑌯𑌾𑌯 𑌤𑍇 𑌨𑌮𑌃 ॥ 1𑍮 ॥

𑌧𑍀𑌰𑌾𑌯 𑌦𑌿𑌵𑍍𑌯𑌦𑍇𑌹𑌾𑌯 𑌦𑍀𑌨𑌾𑌰𑍍𑌤𑌿𑌹𑌰𑌣𑌾𑌯 𑌚 ।
𑌦𑍈𑌨𑍍𑌯𑌨𑌾𑌶𑌕𑌰𑌾𑌯𑌾𑌽𑌽𑌰𑍍𑌯𑌜𑌨𑌗𑌣𑍍𑌯𑌾𑌯 𑌤𑍇 𑌨𑌮𑌃 ॥ 1𑍯 ॥

𑌕𑍍𑌰𑍂𑌰𑌾𑌯 𑌕𑍍𑌰𑍂𑌰𑌚𑍇𑌷𑍍𑌟𑌾𑌯 𑌕𑌾𑌮𑌕𑍍𑌰𑍋𑌧𑌕𑌰𑌾𑌯 𑌚 ।
𑌕𑌳𑌤𑍍𑌰𑌪𑍁𑌤𑍍𑌰𑌶𑌤𑍍𑌰𑍁𑌤𑍍𑌵𑌕𑌾𑌰𑌣𑌾𑌯 𑌨𑌮𑍋 𑌨𑌮𑌃 ॥ 20 ॥

𑌪𑌰𑌿𑌪𑍋𑌷𑌿𑌤𑌭𑌕𑍍𑌤𑌾𑌯 𑌪𑌰𑌭𑍀𑌤𑌿𑌹𑌰𑌾𑌯 𑌚 ।
𑌭𑌕𑍍𑌤𑌸𑌂𑌘𑌮𑌨𑍋𑌽𑌭𑍀𑌷𑍍𑌟𑌫𑌲𑌦𑌾𑌯 𑌨𑌮𑍋 𑌨𑌮𑌃 ॥ 21 ॥

𑌇𑌤𑍍𑌥𑌂 𑌶𑌨𑍈𑌶𑍍𑌚𑌰𑌾𑌯𑍇𑌦𑌂 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌪𑍍𑌰𑌤𑍍𑌯𑌹𑌂 𑌪𑍍𑌰𑌜𑌪𑌨𑍍𑌮𑌰𑍍𑌤𑍍𑌯𑍋 𑌦𑍀𑌰𑍍𑌘𑌮𑌾𑌯𑍁𑌰𑌵𑌾𑌪𑍍𑌨𑍁𑌯𑌾𑌤𑍍 ॥ 22 ॥

𑌇𑌤𑌿 𑌶𑍍𑌰𑍀 𑌶𑌨𑌿 𑌅𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।