Mundaka Upanishad – Mundaka 1, Section 1

ō-mbha̠dra-ṅkarṇē̍bhi-śśṛṇu̠yāma̍ dēvāḥ । bha̠dra-mpa̍śyēmā̠kṣabhi̠-ryaja̍trāḥ । sthi̠rairaṅgai̎stuṣṭu̠vāgṃ sa̍sta̠nūbhi̍ḥ । vyaśē̍ma dē̠vahi̍ta̠ṃ yadāyu̍ḥ । sva̠sti na̠ indrō̍ vṛ̠ddhaśra̍vāḥ । sva̠sti na̍ḥ pū̠ṣā vi̠śvavē̍dāḥ । sva̠sti na̠stārkṣyō̠ ari̍ṣṭanēmiḥ । sva̠sti nō̠ bṛha̠spati̍-rdadhātu ॥
ōṃ śānti̠-śśānti̠-śśānti̍ḥ ॥

॥ ō-mbrahmaṇē namaḥ ॥

॥ prathamamuṇḍakē prathamaḥ khaṇḍaḥ ॥

ō-mbrahmā dēvānā-mprathama-ssambabhūva viśvasya kartā
bhuvanasya gōptā । sa brahmavidyāṃ sarvavidyāpratiṣṭhāmatharvāya
jyēṣṭhaputrāya prāha ॥ 1॥

atharvaṇē yā-mpravadēta brahmā-‘tharvā tāṃ
purōvāchāṅgirē brahmavidyām ।
sa bhāradvājāya satyavāhāya prāha
bhāradvājō-‘ṅgirasē parāvarām ॥ 2॥

śaunakō ha vai mahāśālō-‘ṅgirasaṃ vidhivadupasannaḥ paprachCha ।
kasminnu bhagavō vijñātē sarvamidaṃ vijñāta-mbhavatīti ॥ 3॥

tasmai sa hōvācha ।
dvē vidyē vēditavyē iti ha sma
yadbrahmavidō vadanti parā chaivāparā cha ॥ 4॥

tatrāparā ṛgvēdō yajurvēda-ssāmavēdō-‘tharvavēdaḥ
śikṣā kalpō vyākaraṇa-nnirukta-ñChandō jyōtiṣamiti ।
atha parā yayā tadakṣaramadhigamyatē ॥ 5॥

yattadadrēśyamagrāhyamagōtramavarṇa-
machakṣusśrōtra-ntadapāṇipādam ।
nityaṃ vibhuṃ sarvagataṃ susūkṣmaṃ
tadavyayaṃ yadbhūtayōni-mparipaśyanti dhīrāḥ ॥ 6॥

yathōrṇanābhi-ssṛjatē gṛhṇatē cha
yathā pṛthivyāmōṣadhaya-ssambhavanti ।
yathā sataḥ puruṣā-tkēśalōmāni
tathā-‘kṣarā-thsambhavatīha viśvam ॥ 7॥

tapasā chīyatē brahma tatō-‘nnamabhijāyatē ।
annā-tprāṇō mana-ssatyaṃ lōkāḥ karmasu chāmṛtam ॥ 8॥

ya-ssarvajña-ssarvavidyasya jñānamaya-ntapaḥ ।
tasmādētadbrahma nāma rūpamanna-ñcha jāyatē ॥ 9॥

॥ iti muṇḍakōpaniṣadi prathamamuṇḍakē prathamaḥ khaṇḍaḥ ॥