Kena Upanishad – Part 4

sā brahmēti hōvācha brahmaṇō vā ētadvijayē mahīyadhvamiti tatō haiva vidāñchakāra brahmēti ॥ 1॥

tasmādvā ētē dēvā atitarāmivānyāndēvānyadagnirvāyurindrastē hyēnannēdiṣṭha-mpaspar​śustē hyēnatprathamō vidāñchakāra brahmēti ॥ 2॥

tasmādvā indrō-‘titarāmivānyāndēvānsa hyēnannēdiṣṭha-mpaspar​śa sa hyēnatprathamō vidāñchakāra brahmēti ॥ 3॥

tasyaiṣa ādēśō yadētadvidyutō vyadyutadā(3) itī-nnyamīmiṣadā(3) ityadhidaivatam ॥ 4॥

athādhyātmaṃ yaddētadgachChatīva cha manō-‘nēna chaitadupasmaratyabhīkṣṇaṃ saṅkalpaḥ ॥ 5॥

taddha tadvana-nnāma tadvanamityupāsitavyaṃ sa ya ētadēvaṃ vēdābhi hainagṃ sarvāṇi bhūtāni saṃvāñChanti ॥ 6॥

upaniṣada-mbhō brūhītyuktā ta upaniṣadbrāhmīṃ vāva ta upaniṣadamabrūmēti ॥ 7॥

tasyai tapō damaḥ karmēti pratiṣṭhā vēdā-ssarvāṅgāni satyamāyatanam ॥ 8॥

yō vā ētāmēvaṃ vēdāpahatya pāpmānamanantē svargē lōkē jyēyē pratitiṣṭhati pratitiṣṭhati ॥ 9॥

॥ iti kēnōpaniṣadi chaturthaḥ khaṇḍaḥ ॥

ōṃ āpyāyantu mamāṅgāni vākprāṇaśchakṣu-śśrōtramathō balamindriyāṇi cha sarvāṇi । sarva-mbrahmaupaniṣada-mmā-‘ha-mbrahma nirākuryā-mmā mā brahma nirākarōdanirākaraṇamastvanirākaraṇa-mmē-‘stu । tadātmani niratē ya upaniṣatsu dharmāstē mayi santu tē mayi santu ।

ōṃ śānti̠-śśānti̠-śśānti̍ḥ ॥

॥ iti kēnōpaniṣat ॥