ஶிவானந்த³ லஹரி

களாப்⁴யாம் சூடா³லங்க்ருத-ஶஶிகளாப்⁴யாம் நிஜதப:-
-ப²லாப்⁴யாம் ப⁴க்தேஷு ப்ரகடித-ப²லாப்⁴யாம் ப⁴வது மே ।
ஶிவாப்⁴யா-மஸ்தோக-த்ரிபு⁴வன-ஶிவாப்⁴யாம் ஹ்ருதி³ புன-
-ர்ப⁴வாப்⁴யா-மானந்த-³ஸ்பு²ரத³னுப⁴வாப்⁴யாம் நதிரியம் ॥ 1 ॥

கள³ந்தீ ஶம்போ⁴ த்வச்சரித-ஸரித: கில்பி³ஷரஜோ
தள³ந்தீ தீ⁴குல்யா-ஸரணிஷு பதந்தீ விஜயதாம் ।
தி³ஶந்தீ ஸம்ஸார-ப்⁴ரமண-பரிதாபோபஶமனம்
வஸந்தீ மச்சேதோஹ்ரத³பு⁴வி ஶிவானந்த³லஹரீ ॥ 2 ॥

த்ரயீவேத்³யம் ஹ்ருத்³யம் த்ரிபுர-ஹரமாத்³யம் த்ரினயனம்
ஜடாபா⁴ரோதா³ரம் சலது³ரக³ஹாரம் ம்ருக³த⁴ரம் ।
மஹாதே³வம் தே³வம் மயி ஸத³யபா⁴வம் பஶுபதிம்
சிதா³லம்ப³ம் ஸாம்ப³ம் ஶிவமதி-விட³ம்ப³ம் ஹ்ருதி³ பஜ⁴ே ॥ 3 ॥

ஸஹஸ்ரம் வர்தந்தே ஜக³தி விபு³தா⁴: க்ஷுத்³ரப²லதா³
ந மன்யே ஸ்வப்னே வா தத³னுஸரணம் தத்க்ருதப²லம் ।
ஹரி-ப்³ரஹ்மாதீ³னா-மபி நிகட-பா⁴ஜாமஸுலப⁴ம்
சிரம் யாசே ஶம்போ⁴ ஶிவ தவ பதா³ம்போ⁴ஜ-பஜ⁴னம் ॥ 4 ॥

ஸ்ம்ருதௌ ஶாஸ்த்ரே வைத்³யே ஶகுன-கவிதா-கா³னப²ணிதௌ
புராணே மந்த்ரே வா ஸ்துதி-னடன-ஹாஸ்யேஷ்வசதுர: ।
கத²ம் ராஜ்ஞாம் ப்ரீதிர்ப⁴வதி மயி கோஹம் பஶுபதே
பஶும் மாம் ஸர்வஜ்ஞ ப்ரதி²த க்ருபயா பாலய விபோ⁴ ॥ 5 ॥

க⁴டோ வா ம்ருத்பிண்டோ³-ப்யணுரபி ச தூ⁴மோக்³னிரசல:
படோ வா தந்துர்வா பரிஹரதி கிம் கோ⁴ரஶமனம் ।
வ்ருதா² கண்ட²க்ஷோப⁴ம் வஹஸி தரஸா தர்கவசஸா
பதா³ம்போ⁴ஜம் ஶம்போ⁴ர்பஜ⁴ பரமஸௌக்²யம் வ்ரஜ ஸுதீ⁴: ॥ 6 ॥

மனஸ்தே பாதா³ப்³ஜே நிவஸது வச: ஸ்தோத்ரப²ணிதௌ
கரௌ சாப்⁴யர்சாயாம் ஶ்ருதிரபி கதா² கர்ணனவிதௌ⁴ ।
தவ த்⁴யானே பு³த்³தி⁴ர்னயனயுகள³ம் மூர்திவிப⁴வே [பு³த்³தி⁴: நயனயுகள³ம்]
பர-க்³ரந்தா²ன்கைர்வா பரமஶிவ ஜானே பரமத: ॥ 7 ॥

யதா² பு³த்³தி⁴: ஶுக்தௌ ரஜதமிதி காசாஶ்மனி மணி- [மணி: ஜலே]
-ர்ஜலே பைஷ்டே க்ஷீரம் ப⁴வதி ம்ருக³த்ருஷ்ணா-ஸு ஸலிலம் ।
ததா² தே³வப்⁴ராந்த்யா பஜ⁴தி ப⁴வத³ன்யம் ஜடஜ³னோ
மஹாதே³வேஶம் த்வாம் மனஸி ச ந மத்வா பஶுபதே ॥ 8 ॥

க³பீ⁴ரே காஸாரே விஶதி விஜனே கோ⁴ரவிபினே
விஶாலே ஶைலே ச ப்⁴ரமதி குஸுமார்த²ம் ஜட³மதி: ।
ஸமர்ப்யைகம் சேத: ஸரஸிஜமு-மானாத² ப⁴வதே
ஸுகே²-னாவஸ்தா²தும் ஜன இஹ ந ஜானாதி கிமஹோ ॥ 9 ॥

நரத்வம் தே³வத்வம் நக³வன-ம்ருக³த்வம் மஶகதா
பஶுத்வம் கீடத்வம் ப⁴வது விஹக³த்வாதி³ ஜனனம் ।
ஸதா³ த்வத்பாதா³ப்³ஜ-ஸ்மரண-பரமானந்த³லஹரீ-
-விஹாராஸக்தம் சேத்³த்⁴ருத³யமிஹ கிம் தேன வபுஷா ॥ 1௦ ॥

வடுர்வா கே³ஹீ வா யதிரபி ஜடீ வா ததி³தரோ
நரோ வா ய: கஶ்சித்³ப⁴வது ப⁴வ கிம் தேன ப⁴வதி ।
யதீ³யம் ஹ்ருத்பத்³மம் யதி³ ப⁴வத³தீ⁴னம் பஶுபதே
ததீ³யஸ்த்வம் ஶம்போ⁴ ப⁴வஸி ப⁴வபா⁴ரம் ச வஹஸி ॥ 11 ॥

கு³ஹாயாம் கே³ஹே வா ப³ஹிரபி வனே வாத்³ரிஶிக²ரே
ஜலே வா வஹ்னௌ வா வஸது வஸதே: கிம் வத³ ப²லம் ।
ஸதா³ யஸ்யைவாந்த:-கரணமபி ஶம்போ⁴ தவ பதே³
ஸ்தி²தம் சேத்³யோகோ³ஸௌ ஸ ச பரமயோகீ³ ஸ ச ஸுகீ² ॥ 12 ॥

அஸாரே ஸம்ஸாரே நிஜ-பஜ⁴னதூ³ரே ஜட³தி⁴யா
ப்⁴ரமந்தம் மாமந்த⁴ம் பரமக்ருபயா பாதுமுசிதம் ।
மத³ன்ய: கோ தீ³னஸ்தவ க்ருபண-ரக்ஷாதினிபுண- [ரக்ஷாதினிபுண: த்வத³ன்ய:]
-ஸ்த்வத³ன்ய: கோ வா மே த்ரிஜக³தி ஶரண்ய: பஶுபதே ॥ 13 ॥

ப்ரபு⁴ஸ்த்வம் தீ³னானாம் க²லு பரமப³ந்து⁴: பஶுபதே
ப்ரமுக்²யோஹம் தேஷாமபி கிமுத ப³ந்து⁴த்வமனயோ: ।
த்வயைவ க்ஷந்தவ்யா: ஶிவ மத³பராதா⁴ஶ்ச ஸகலா:
ப்ரயத்னா-த்கர்தவ்யம் மத³வனமியம் ப³ந்து⁴ஸரணி: ॥ 14 ॥

உபேக்ஷா நோ சேத்கிம் ந ஹரஸி ப⁴வத்³த்⁴யான-விமுகா²ம்
து³ராஶா-பூ⁴யிஷ்டா²ம் விதி⁴லிபி-மஶக்தோ யதி³ ப⁴வான் ।
ஶிரஸ்தத்³வைதா⁴த்ரம் நனக²லு ஸுவ்ருத்தம் பஶுபதே
கத²ம் வா நிர்யத்னம் கரனக-²முகே²னைவ லுலிதம் ॥ 15 ॥

விரிஞ்சி-ர்தீ³ர்கா⁴யு-ர்ப⁴வது ப⁴வதா தத்பரஶிர- [தத்பரஶிர: சதுஷ்கம்]
-ஶ்சதுஷ்கம் ஸம்ரக்ஷ்யம் ஸ க²லு பு⁴வி தை³ன்யம் லிகி²தவான் ।
விசார: கோ வா மாம் விஶத³ க்ருபயா பாதி ஶிவ தே
கடாக்ஷவ்யாபார: ஸ்வயமபி ச தீ³னாவனபர: ॥ 16 ॥

ப²லாத்³வா புண்யானாம் மயி கருணயா வா த்வயி விபோ⁴
ப்ரஸன்னேபி ஸ்வாமின் ப⁴வத³மல-பாதா³ப்³ஜ-யுகள³ம் ।
கத²ம் பஶ்யேயம் மாம் ஸ்த²க³யதி நம: ஸம்ப்⁴ரமஜுஷாம்
நிலிம்பானாம் ஶ்ரேணி-ர்னிஜ-கனக-மாணிக்ய-மகுடை: ॥ 17 ॥

த்வமேகோ லோகானாம் பரமப²லதோ³ தி³வ்யபத³வீம்
வஹந்தஸ்த்வன்மூலாம் புனரபி பஜ⁴ந்தே ஹரிமுகா²: ।
கியத்³வா தா³க்ஷிண்யம் தவ ஶிவ மதா³ஶா ச கியதீ
கதா³ வா மத்³ரக்ஷாம் வஹஸி கருணா-பூரிதத்³ருஶா ॥ 18 ॥

து³ராஶா-பூ⁴யிஷ்டே² து³ரதி⁴ப-க்³ருஹத்³வார-க⁴டகே
து³ரந்தே ஸம்ஸாரே து³ரிதனிலயே து³:கஜ²னகே ।
மதா³யாஸம் கிம் ந வ்யபனயஸி கஸ்யோப-க்ருதயே
வதே³யம் ப்ரீதிஶ்சேத்தவ ஶிவ க்ருதார்தா²: க²லு வயம் ॥ 19 ॥

ஸதா³ மோஹாடவ்யாம் சரதி யுவதீனாம் குசகி³ரௌ
நடத்யாஶா-ஶாகா²-ஸ்வடதி ஜ²டிதி ஸ்வைரமபி⁴த: ।
கபாலின் பி⁴க்ஷோ மே ஹ்ருத³ய-கபிமத்யந்த-சபலம்
த்³ருட⁴ம் ப⁴க்த்யா ப³த்³த்⁴வா ஶிவ ப⁴வத³தீ⁴னம் குரு விபோ⁴ ॥ 2௦ ॥

த்⁴ருதி-ஸ்தம்பா⁴தா⁴ராம் த்³ருட-⁴கு³ண-னிப³த்³தா⁴ம் ஸக³மனாம்
விசித்ராம் பத்³மாட்⁴யாம் ப்ரதிதி³வஸ-ஸன்மார்க-³க⁴டிதாம் ।
ஸ்மராரே மச்சேத:-ஸ்பு²ட-படகுடீம் ப்ராப்ய விஶதா³ம்
ஜய ஸ்வாமின் ஶக்த்யா ஸஹ ஶிவ க³ணை: ஸேவித விபோ⁴ ॥ 21 ॥

ப்ரலோபா⁴த்³யைரர்தா²ஹரண-பரதந்த்ரோ த⁴னிக்³ருஹே [ப்ரலோபா⁴த்³யை: அர்தா²ஹரண-பரதந்த்ரோ]
ப்ரவேஶோத்³யுக்த: ஸன் ப்⁴ரமதி ப³ஹுதா⁴ தஸ்கரபதே ।
இமம் சேதஶ்சோரம் கத²மிஹ ஸஹே ஶங்கர விபோ⁴
தவாதீ⁴னம் க்ருத்வா மயி நிரபராதே⁴ குரு க்ருபாம் ॥ 22 ॥

கரோமி த்வத்பூஜாம் ஸபதி³ ஸுக²தோ³ மே ப⁴வ விபோ⁴
விதி⁴த்வம் விஷ்ணுத்வம் தி³ஶஸி க²லு தஸ்யா: ப²லமிதி ।
புனஶ்ச த்வாம் த்³ரஷ்டும் தி³வி பு⁴வி வஹன்பக்ஷி-ம்ருக³தா-
-மத்³ருஷ்ட்வா தத்கே²த³ம் கத²மிஹ ஸஹே ஶங்கர விபோ⁴ ॥ 23 ॥

கதா³ வா கைலாஸே கனகமணிஸௌதே⁴ ஸஹ க³ணை- [ஸஹ க³ணை: வஸன்]
-ர்வஸன் ஶம்போ⁴ரக்³ரே ஸ்பு²ட-க⁴டித-மூர்தா⁴ஞ்ஜலிபுட: ।
விபோ⁴ ஸாம்ப³ ஸ்வாமி-ன்பரமஶிவ பாஹீதி நிக³த-³
-ன்விதா⁴த்ரூணாம் கல்பான் க்ஷணமிவ வினேஷ்யாமி ஸுக²த: ॥ 24 ॥

ஸ்தவை-ர்ப்³ரஹ்மாதீ³னாம் ஜயஜய-வசோபி⁴ர்னியமினாம்
க³ணானாம் கேளீபி⁴ர்மத³கலமஹோக்ஷஸ்ய ககுதி³ । [கேளீபி⁴: மத³கல-மஹோக்ஷஸ்ய]
ஸ்தி²தம் நீலக்³ரீவம் த்ரினயன-முமாஶ்லிஷ்ட-வபுஷம்
கதா³ த்வாம் பஶ்யேயம் கரத்⁴ருத-ம்ருக³ம் க²ண்ட-³பரஶும் ॥ 25 ॥

கதா³ வா த்வாம் த்³ருஷ்ட்வா கி³ரிஶ தவ ப⁴வ்யாங்க்⁴ரி யுகள³ம்
க்³ருஹீத்வா ஹஸ்தாப்⁴யாம் ஶிரஸி நயனே வக்ஷஸி வஹன் ।
ஸமாஶ்லிஷ்யா-க்⁴ராய ஸ்பு²ட ஜலஜ க³ந்தா⁴ன் பரிமலா-
-னலப்⁴யாம் ப்³ரஹ்மாத்³யைர்முத³மனுப⁴விஷ்யாமி ஹ்ருத³யே ॥ 26 ॥ [ப்³ரஹ்மாத்³யை: முத-³மனுப⁴விஷ்யாமி]

கரஸ்தே² ஹேமாத்³ரௌ கி³ரிஶ நிகடஸ்தே² த⁴னபதௌ
க்³ருஹஸ்தே² ஸ்வர்பூ⁴ஜா-மர ஸுரபி⁴ சிந்தாமணிக³ணே ।
ஶிர:ஸ்தே² ஶீதாம்ஶௌ சரணயுகள³ஸ்தே²கி²லஶுபே⁴
கமர்த²ம் தா³ஸ்யேஹம் ப⁴வது ப⁴வத³ர்த²ம் மம மன: ॥ 27 ॥

ஸாரூப்யம் தவ பூஜனே ஶிவ மஹாதே³வேதி ஸங்கீர்தனே
ஸாமீப்யம் ஶிவப⁴க்தி-து⁴ர்யஜனதா-ஸாங்க³த்ய-ஸம்பா⁴ஷணே ॥
ஸாலோக்யம் ச சராசராத்மகதனுத்⁴யானே ப⁴வானீபதே
ஸாயுஜ்யம் மம ஸித்³த⁴மத்ர ப⁴வதி ஸ்வாமின் க்ருதார்தோ²ஸ்ம்யஹம் ॥ 28 ॥

த்வத்பாதா³ம்பு³ஜமர்சயாமி பரமம் த்வாம் சிந்தயாம்யன்வஹம்
த்வாமீஶம் ஶரணம் வ்ரஜாமி வசஸா த்வாமேவ யாசே விபோ⁴ ।
வீக்ஷாம் மே தி³ஶ சாக்ஷுஷீம் ஸகருணாம் தி³வ்யைஶ்சிரம் ப்ரார்தி²தாம்
ஶம்போ⁴ லோககு³ரோ மதீ³யமனஸ: ஸௌக்²யோபதே³ஶம் குரு ॥ 29 ॥

வஸ்த்ரோத்³தூ⁴தவிதௌ⁴ ஸஹஸ்ரகரதா புஷ்பார்சனே விஷ்ணுதா
க³ந்தே⁴ க³ந்த⁴வஹாத்மதான்னபசனே ப³ர்ஹிர்முகா²த்⁴யக்ஷதா ।
பாத்ரே காஞ்சனக³ர்ப⁴தாஸ்தி மயி சேத்³பா³லேந்து³சூடா³மணே
ஶுஶ்ரூஷாம் கரவாணி தே பஶுபதே ஸ்வாமிம்ஸ்த்ரிலோகீகு³ரோ ॥ 3௦ ॥

நாலம் வா பரமோபகாரகமித³ம் த்வேகம் பஶூனாம் பதே
பஶ்யன் குக்ஷிக³தாம்ஶ்சராசரக³ணான் பா³ஹ்யஸ்தி²தான் ரக்ஷிதும் ।
ஸர்வாமர்த்யபலாயனௌஷத⁴மதிஜ்வாலாகரம் பீ⁴கரம்
நிக்ஷிப்தம் க³ரளம் கள³ே ந கி³ளிதம் நோத்³கீ³ர்ணமேவ த்வயா ॥ 31 ॥

ஜ்வாலோக்³ர: ஸகலாமராதிப⁴யத:³ க்ஷ்வேள: கத²ம் வா த்வயா
த்³ருஷ்ட: கிம் ச கரே த்⁴ருத: கரதலே கிம் பக்வஜம்பூ³ப²லம் ।
ஜிஹ்வாயாம் நிஹிதஶ்ச ஸித்³த⁴கு⁴டிகா வா கண்ட²தே³ஶே ப்⁴ருத:
கிம் தே நீலமணிர்விபூ⁴ஷணமயம் ஶம்போ⁴ மஹாத்மன் வத³ ॥ 32 ॥

நாலம் வா ஸக்ருதே³வ தே³வ ப⁴வத: ஸேவா நதிர்வா நுதி:
பூஜா வா ஸ்மரணம் கதா²ஶ்ரவணமப்யாலோகனம் மாத்³ருஶாம் ।
ஸ்வாமின்னஸ்தி²ரதே³வதானுஸரணாயாஸேன கிம் லப்⁴யதே
கா வா முக்திரித: குதோ ப⁴வதி சேத்கிம் ப்ரார்த²னீயம் ததா³ ॥ 33 ॥

கிம் ப்³ரூமஸ்தவ ஸாஹஸம் பஶுபதே கஸ்யாஸ்தி ஶம்போ⁴ ப⁴வ-
-த்³தை⁴ர்யம் சேத்³ருஶமாத்மன: ஸ்தி²திரியம் சான்யை: கத²ம் லப்⁴யதே ।
ப்⁴ரஶ்யத்³தே³வக³ணம் த்ரஸன்முனிக³ணம் நஶ்யத்ப்ரபஞ்சம் லயம்
பஶ்யன்னிர்ப⁴ய ஏக ஏவ விஹரத்யானந்த³ஸாந்த்³ரோ ப⁴வான் ॥ 34 ॥

யோக³க்ஷேமது⁴ரந்த⁴ரஸ்ய ஸகலஶ்ரேய:ப்ரதோ³த்³யோகி³னோ
த்³ருஷ்டாத்³ருஷ்டமதோபதே³ஶக்ருதினோ பா³ஹ்யாந்தரவ்யாபின: ।
ஸர்வஜ்ஞஸ்ய த³யாகரஸ்ய ப⁴வத: கிம் வேதி³தவ்யம் மயா
ஶம்போ⁴ த்வம் பரமாந்தரங்க³ இதி மே சித்தே ஸ்மராம்யன்வஹம் ॥ 35 ॥

ப⁴க்தோ ப⁴க்திகு³ணாவ்ருதே முத³ம்ருதாபூர்ணே ப்ரஸன்னே மன:
கும்பே⁴ ஸாம்ப³ தவாங்க்⁴ரிபல்லவயுக³ம் ஸம்ஸ்தா²ப்ய ஸம்வித்ப²லம் ।
ஸத்த்வம் மந்த்ரமுதீ³ரயன்னிஜஶரீராகா³ரஶுத்³தி⁴ம் வஹன்
புண்யாஹம் ப்ரகடீகரோமி ருசிரம் கள்யாணமாபாத³யன் ॥ 36 ॥

ஆம்னாயாம்பு³தி⁴மாத³ரேண ஸுமன:ஸங்கா⁴: ஸமுத்³யன்மனோ [ஸமுத்³யன்மன:]
மந்தா²னம் த்³ருட⁴ப⁴க்திரஜ்ஜுஸஹிதம் க்ருத்வா மதி²த்வா தத: ।
ஸோமம் கல்பதரும் ஸுபர்வஸுரபி⁴ம் சிந்தாமணிம் தீ⁴மதாம்
நித்யானந்த³ஸுதா⁴ம் நிரந்தரரமாஸௌபா⁴க்³யமாதன்வதே ॥ 37 ॥

ப்ராக்புண்யாசலமார்க³த³ர்ஶிதஸுதா⁴மூர்தி: ப்ரஸன்ன: ஶிவ:
ஸோம: ஸத்³க³ணஸேவிதோ ம்ருக³த⁴ர: பூர்ணஸ்தமோமோசக: । [ஸத்³கு³ணஸேவிதோ]
சேத: புஷ்கரலக்ஷிதோ ப⁴வதி சேதா³னந்த³பாதோ²னிதி⁴:
ப்ராக³ல்ப்⁴யேன விஜ்ரும்ப⁴தே ஸுமனஸாம் வ்ருத்திஸ்ததா³ ஜாயதே ॥ 38 ॥

த⁴ர்மோ மே சதுரங்க்⁴ரிக: ஸுசரித: பாபம் வினாஶம் க³தம்
காமக்ரோத⁴மதா³த³யோ விகள³ிதா: காலா: ஸுகா²விஷ்க்ருதா: ।
ஜ்ஞானானந்த³மஹௌஷதி⁴: ஸுப²லிதா கைவல்யனாதே² ஸதா³
மான்யே மானஸபுண்ட³ரீகனக³ரே ராஜாவதம்ஸே ஸ்தி²தே ॥ 39 ॥

தீ⁴யந்த்ரேண வசோக⁴டேன கவிதாகுல்யோபகுல்யாக்ரமை- [கவிதாகுல்யோபகுல்யாக்ரமை:]
-ரானீதைஶ்ச ஸதா³ஶிவஸ்ய சரிதாம்போ⁴ராஶிதி³வ்யாம்ருதை: ।
ஹ்ருத்கேதா³ரயுதாஶ்ச ப⁴க்திகலமா: ஸாப²ல்யமாதன்வதே
து³ர்பி⁴க்ஷான்மம ஸேவகஸ்ய ப⁴க³வன்விஶ்வேஶ பீ⁴தி: குத: ॥ 4௦ ॥

பாபோத்பாதவிமோசனாய ருசிரைஶ்வர்யாய ம்ருத்யுஞ்ஜய
ஸ்தோத்ரத்⁴யானனதிப்ரத³க்ஷிணஸபர்யாலோகனாகர்ணனே ।
ஜிஹ்வாசித்தஶிரோங்க்⁴ரிஹஸ்தனயனஶ்ரோத்ரைரஹம் ப்ரார்தி²தோ
மாமாஜ்ஞாபய தன்னிரூபய முஹுர்மாமேவ மா மேவச: ॥ 41 ॥

கா³ம்பீ⁴ர்யம் பரிகா²பத³ம் க⁴னத்⁴ருதி: ப்ராகார உத்³யத்³கு³ண- [உத்³யத்³கு³ணஸ்தோம:]
-ஸ்தோமஶ்சாப்தப³லம் க⁴னேந்த்³ரியசயோ த்³வாராணி தே³ஹே ஸ்தி²த: ।
வித்³யா வஸ்துஸம்ருத்³தி⁴ரித்யகி²லஸாமக்³ரீஸமேதே ஸதா³
து³ர்கா³திப்ரியதே³வ மாமகமனோது³ர்கே³ நிவாஸம் குரு ॥ 42 ॥

மா க³ச்ச² த்வமிதஸ்ததோ கி³ரிஶ போ⁴ மய்யேவ வாஸம் குரு
ஸ்வாமின்னாதி³கிராத மாமகமன:காந்தாரஸீமாந்தரே ।
வர்தந்தே ப³ஹுஶோ ம்ருகா³ மதஜ³ுஷோ மாத்ஸர்யமோஹாத³ய- [ மாத்ஸர்யமோஹாத³ய:]
-ஸ்தான்ஹத்வா ம்ருக³யாவினோத³ருசிதா லாப⁴ம் ச ஸம்ப்ராப்ஸ்யஸி ॥ 43 ॥

கரலக்³னம்ருக:³ கரீந்த்³ரப⁴ங்கோ³
க⁴னஶார்தூ³லவிக²ண்ட³னோஸ்தஜந்து: ।
கி³ரிஶோ விஶதா³க்ருதிஶ்ச சேத:-
-குஹரே பஞ்சமுகோ²ஸ்தி மே குதோ பீ⁴: ॥ 44 ॥

ச²ந்த:³ ஶாகி²ஶிகா²ன்விதைர் [ஶாகி²ஶிகா²ன்விதை:] த்³விஜவரை: ஸம்ஸேவிதே ஶாஶ்வதே
ஸௌக்²யாபாதி³னி கே²த³பே⁴தி³னி ஸுதா⁴ஸாரை: ப²லைர்தீ³பிதே ।
சேத:பக்ஷிஶிகா²மணே த்யஜ வ்ருதா² ஸஞ்சாரமன்யைரலம்
நித்யம் ஶங்கர பாத³பத்³மயுகள³ீனீடே³ விஹாரம் குரு ॥ 45 ॥

ஆகீர்ணே நக²ராஜிகாந்திவிப⁴வை [னக²ராஜிகாந்திவிப⁴வை:] ருத்³யத்ஸுதா⁴வைப⁴வை-[ருத்³யத்ஸுதா⁴வைப⁴வை:]
-ராதௌ⁴தேபி ச பத்³மராக³லலிதே ஹம்ஸவ்ரஜைராஶ்ரிதே ।
நித்யம் ப⁴க்திவதூ⁴க³ணைஶ்ச ரஹஸி ஸ்வேச்சா²விஹாரம் குரு
ஸ்தி²த்வா மானஸராஜஹம்ஸ கி³ரிஜானாதா²ங்க்⁴ரிஸௌதா⁴ந்தரே ॥ 46 ॥

ஶம்பு⁴த்⁴யான வஸந்தஸங்கி³னி ஹ்ருதா³ராமேகஜ⁴ீர்ணச்ச²தா³:
ஸ்ரஸ்தா ப⁴க்திலதாச்ச²டா விலஸிதா: புண்யப்ரவாளஶ்ரிதா: ।
தீ³ப்யந்தே கு³ணகோரகா ஜபவச:புஷ்பாணி ஸத்³வாஸனா
ஜ்ஞானானந்த³ ஸுதா⁴மரந்த³லஹரீ ஸம்வித்ப²லாப்⁴யுன்னதி: ॥ 47 ॥

நித்யானந்த³ரஸாலயம் ஸுரமுனிஸ்வாந்தாம்பு³ஜாதாஶ்ரயம்
ஸ்வச்ச²ம் ஸத்³த்³விஜஸேவிதம் கலுஷஹ்ருத்ஸத்³வாஸனா விஷ்க்ருதம் ।
ஶம்பு⁴த்⁴யான ஸரோவரம் வ்ரஜ மனோஹம் ஸாவதம்ஸ ஸ்தி²ரம்
கிம் க்ஷுத்³ரா ஶ்ரயபல்வல ப்⁴ரமண ஸஞ்ஜாதஶ்ரமம் ப்ராப்ஸ்யஸி ॥ 48 ॥

ஆனந்தா³ம்ருத பூரிதா ஹரபதா³ம் போ⁴ஜா லவாலோத்³யதா
ஸ்தை²ர்யோபக்⁴னமுபேத்ய ப⁴க்திலதிகா ஶாகோ²ப ஶாகா²ன்விதா ।
உச்சை-ர்மானஸ காயமான படலீமாக்ரம்ய நிஷ்கல்மஷா
நித்யாபீ⁴ஷ்ட ப²லப்ரதா³ ப⁴வது மே ஸத்கர்ம ஸம்வர்தி⁴தா ॥ 49 ॥

ஸந்த்⁴யா-ரம்ப⁴ விஜ்ரும்பி⁴தம் ஶ்ருதிஶிர: ஸ்தா²னாந்தராதி⁴ஷ்டி²தம்
ஸப்ரேம ப்⁴ரமராபி⁴ராம-மஸக்ருத் ஸத்³வாஸனா ஶோபி⁴தம் ।
போ⁴கீ³ந்த்³ரா-ப⁴ரணம் ஸமஸ்தஸுமன: பூஜ்யம் கு³ணாவிஷ்க்ருதம்
ஸேவே ஶ்ரீகி³ரி மல்லிகார்ஜுன மஹாலிங்க³ம் ஶிவாலிங்கி³தம் ॥ 5௦ ॥

ப்⁴ருங்கீ³ச்சா² நடனோத்கட: கரிமத³க்³ராஹீ ஸ்பு²ரன் மாத⁴வா- [ஸ்பு²ரன்மாத⁴வாஹ்லாதோ³]
-ஹ்லாதோ³ நாத³யுதோ மஹாஸிதவபு: பஞ்சேஷுணா சாத்³ருத: ।
ஸத்பக்ஷ: ஸுமனோ வனேஷு ஸ புன: ஸாக்ஷான்மதீ³யே மனோ-
-ராஜீவே ப்⁴ரமராதி⁴போ விஹரதாம் ஶ்ரீஶைலவாஸீ விபு⁴: ॥ 51 ॥

காருண்யாம்ருத வர்ஷிணம் க⁴னவிபத்³க்³ரீஷ்மச் சி²தா³கர்மட²ம்
வித்³யாஸஸ்ய ப²லோத³யாய ஸுமன: ஸம்ஸேவ்ய மிச்சா²க்ருதிம் ।
ந்ருத்யத்³ ப⁴க்த மயூரமத்³ரி நிலயம் சஞ்சஜ்ஜடாமண்ட³லம்
ஶம்போ⁴ வாஞ்ச²தி நீலகந்த⁴ர ஸதா³ த்வாம் மே மனஶ்சாதக: ॥ 52 ॥

ஆகாஶேன ஶிகீ² ஸமஸ்தப²ணினாம் நேத்ரா கலாபீ நதா-[னதானுக்³ராஹி]
-னுக்³ராஹி ப்ரணவோபதே³ஶனினதை³: கேகீதி யோ கீ³யதே ।
ஶ்யாமாம் ஶைலஸமுத்³ப⁴வாம் க⁴னருசிம் த்³ருஷ்ட்வா நடந்தம் முதா³
வேதா³ந்தோபவனே விஹாரரஸிகம் தம் நீலகண்ட²ம் பஜ⁴ே ॥ 53 ॥

ஸந்த்⁴யா க⁴ர்மதி³னாத்யயோ ஹரிகராகா⁴த ப்ரபூ⁴தானக- [ப்ரபூ⁴தானகத்⁴வானோ ]
-த்⁴வானோ வாரித³க³ர்ஜிதம் தி³விஷதா³ம் த்³ருஷ்டிச்ச²டா சஞ்சலா ।
ப⁴க்தானாம் பரிதோஷபா³ஷ்ப விததிர் வ்ருஷ்டிர் மயூரீ ஶிவா
யஸ்மின்னுஜ்ஜ்வல தாண்ட³வம் விஜயதே தம் நீலகண்ட²ம் பஜ⁴ே ॥ 54 ॥

ஆத்³யாயாமித தேஜஸே ஶ்ருதிபதை³ர்வேத்³யாய ஸாத்⁴யாய தே
வித்³யானந்த³மயாத்மனே த்ரிஜக³த: ஸம்ரக்ஷணோத்³யோகி³னே ।
த்⁴யேயாயாகி²லயோகி³பி⁴: ஸுரக³ணைர்கே³யாய மாயாவினே
ஸம்யக்தாண்ட³வ ஸம்ப்⁴ரமாய ஜடினே ஸேயம் நதி: ஶம்ப⁴வே ॥ 55 ॥

நித்யாய த்ரிகு³ணாத்மனே புரஜிதே காத்யாயனீ ஶ்ரேயஸே
ஸத்யாயாதி³ குடும்பி³னே முனிமன: ப்ரத்யக்ஷ சின்மூர்தயே ।
மாயாஸ்ருஷ்ட ஜக³த்த்ரயாய ஸகலாம்னாயாந்தஸஞ்சாரிணே
ஸாயம் தாண்ட³வ ஸம்ப்⁴ரமாய ஜடினே ஸேயம் நதி: ஶம்ப⁴வே ॥ 56 ॥

நித்யம் ஸ்வோத³ரபோஷணாய ஸகலானுத்³தி³ஶ்ய வித்தாஶயா [ஸ்வோத³ரபூரணாய]
வ்யர்த²ம் பர்யடனம் கரோமி ப⁴வத: ஸேவாம் ந ஜானே விபோ⁴ ।
மஜ்ஜன்மாந்தர புண்ய பாக ப³லதஸ்த்வம் ஶர்வ ஸர்வாந்தர- [ஸர்வாந்தர:]
-ஸ்திஷ்ட²ஸ்யேவ ஹி தேன வா பஶுபதே தே ரக்ஷணீயோஸ்ம்யஹம் ॥ 57 ॥

ஏகோ வாரிஜ பா³ந்த⁴வ: க்ஷிதினபோ⁴ வ்யாப்தம் தமோ மண்ட³லம்
பி⁴த்த்வா லோசன கோ³சரோபி ப⁴வதி த்வம் கோடி ஸூர்யப்ரப:⁴ ।
வேத்³ய: கிம் ந ப⁴வஸ்யஹோ க⁴னதரம் கீத்³ருக்³ப⁴வேன்மத்தம- [கீத்³ருக்³ப⁴வேன்மத்தம:]
-ஸ்தத்ஸர்வம் [தத்ஸர்வம்] வ்யபனீய மே பஶுபதே ஸாக்ஷாத்ப்ரஸன்னோ ப⁴வ ॥ 58 ॥

ஹம்ஸ: பத்³மவனம் ஸமிச்ச²தி யதா² நீலாம்பு³த³ம் சாதக:
கோக: கோகனத³ப்ரியம் ப்ரதிதி³னம் சந்த்³ரம் சகோரஸ்ததா² ।
சேதோ வாஞ்ச²தி மாமகம் பஶுபதே சின்மார்க³ம்ருக்³யம் விபோ⁴
கௌ³ரீனாத² ப⁴வத்பதா³ப்³ஜ யுகள³ம் கைவல்ய ஸௌக்²யப்ரத³ம் ॥ 59 ॥

ரோத⁴ஸ்தோயஹ்ருத: ஶ்ரமேண பதி²கஶ்சா²யாம் தரோர்வ்ருஷ்டிதோ [தரோர்வ்ருஷ்டித:]
பீ⁴த: ஸ்வஸ்த²க்³ருஹம் க்³ருஹஸ்த²மதிதி²ர் தீ³ன: ப்ரபு⁴ம் தா⁴ர்மிகம் ।
தீ³பம் ஸந்தமஸாகுலஶ்ச ஶிகி²னம் ஶீதா வ்ருதஸ்த்வம் ததா²
சேத: ஸர்வப⁴யாபஹம் வ்ரஜ ஸுக²ம் ஶம்போ⁴: பதா³ம்போ⁴ருஹம் ॥ 6௦ ॥

அங்கோலம் நிஜ-பீ³ஜ-ஸந்ததிரயஸ்காந்தோபலம் [ஸந்ததி: அயஸ்காந்தோபலம்] ஸூசிகா
ஸாத்⁴வீ நைஜவிபு⁴ம் லதா க்ஷிதிருஹம் ஸிந்து⁴: ஸரித்³ வல்லப⁴ம் ।
ப்ராப்னோதீஹ யதா² ததா² பஶுபதே: பாதா³ரவிந்த³ த்³வயம்
சேதோவ்ருத்தி ருபேத்ய திஷ்ட²தி ஸதா³ ஸா ப⁴க்தி ரித்யுச்யதே ॥ 61 ॥

ஆனந்தா³ஶ்ருபி⁴ராதனோதி புலகம் நைர்மல்யதஶ்சா²த³னம்
வாசா-ஶங்க³முகே² ஸ்தி²தைஶ்ச ஜட²ராபூர்திம் சரித்ராம்ருதை: ।
ருத்³ராக்ஷை-ர்ப⁴ஸிதேன தே³வ வபுஷோ ரக்ஷாம் ப⁴வத்³பா⁴வனா-
-பர்யங்கே வினிவேஶ்ய ப⁴க்திஜனனீ ப⁴க்தார்ப⁴கம் ரக்ஷதி ॥ 62 ॥

மார்கா³வர்திதபாது³கா பஶுபதேரங்க³ஸ்ய கூர்சாயதே
க³ண்டூ³ஷாம்பு³னிஷேசனம் புரரிபோர்தி³வ்யாபி⁴ஷேகாயதே ।
கிஞ்சி-த்³ப⁴க்ஷித-மாம்ஸ-ஶேஷகபள³ம் நவ்யோபஹாராயதே
ப⁴க்தி: கிம் ந கரோத்யஹோ வனசரோ ப⁴க்தாவதம்ஸாயதே ॥ 63 ॥

வக்ஷஸ்தாட³னமந்தகஸ்ய கடி²னாபஸ்மாரஸம்மர்த³னம்
பூ⁴ப்⁴ருத்பர்யடனம் நமத்ஸுரஶிர:கோடீரஸங்க⁴ர்ஷணம் ।
கர்மேத³ம் ம்ருது³லஸ்ய தாவகபத³த்³வந்த்³வஸ்ய கிம் வோசிதம்
மச்சேதோமணிபாது³காவிஹரணம் ஶம்போ⁴ ஸதா³ங்கீ³குரு ॥ 64 ॥

வக்ஷஸ்தாட³னஶங்கயா விசலிதோ வைவஸ்வதோ நிர்ஜரா:
கோடீரோஜ்ஜ்வலரத்னதீ³பகலிகானீராஜனம் குர்வதே ।
த்³ருஷ்ட்வா முக்திவதூ⁴ஸ்தனோதி நிப்⁴ருதாஶ்லேஷம் ப⁴வானீபதே
யச்சேதஸ்தவ பாத³பத்³மபஜ⁴னம் தஸ்யேஹ கிம் து³ர்லப⁴ம் ॥ 65 ॥

க்ரீடா³ர்த²ம் ஸ்ருஜஸி ப்ரபஞ்சமகி²லம் க்ரீடா³ம்ருகா³ஸ்தே ஜனா:
யத்கர்மாசரிதம் மயா ச ப⁴வத: ப்ரீத்யை ப⁴வத்யேவ தத் ।
ஶம்போ⁴ ஸ்வஸ்ய குதூஹலஸ்ய கரணம் மச்சேஷ்டிதம் நிஶ்சிதம்
தஸ்மான்மாமகரக்ஷணம் பஶுபதே கர்தவ்யமேவ த்வயா ॥ 66 ॥

ப³ஹுவித⁴பரிதோஷபா³ஷ்பபூர-
-ஸ்பு²டபுலகாங்கிதசாருபோ⁴க³பூ⁴மிம் ।
சிரபத³ப²லகாங்க்ஷிஸேவ்யமானாம்
பரமஸதா³ஶிவபா⁴வனாம் ப்ரபத்³யே ॥ 67 ॥

அமிதமுத³ம்ருதம் முஹுர்து³ஹந்தீம்
விமலப⁴வத்பத³கோ³ஷ்ட²மாவஸந்தீம் ।
ஸத³ய பஶுபதே ஸுபுண்யபாகாம்
மம பரிபாலய ப⁴க்திதே⁴னுமேகாம் ॥ 68 ॥

ஜட³தா பஶுதா களங்கிதா
குடிலசரத்வம் ச நாஸ்தி மயி தே³வ ।
அஸ்தி யதி³ ராஜமௌளே
ப⁴வதா³ப⁴ரணஸ்ய நாஸ்மி கிம் பாத்ரம் ॥ 69 ॥

அரஹஸி ரஹஸி ஸ்வதந்த்ரபு³த்³த்⁴யா
வரிவஸிதும் ஸுலப:⁴ ப்ரஸன்னமூர்தி: ।
அக³ணிதப²லதா³யக: ப்ரபு⁴ர்மே
ஜக³த³தி⁴கோ ஹ்ருதி³ ராஜஶேக²ரோஸ்தி ॥ 7௦ ॥

ஆரூட⁴ப⁴க்திகு³ணகுஞ்சிதபா⁴வசாப-
-யுக்தை: ஶிவஸ்மரணபா³ணக³ணைரமோகை⁴: ।
நிர்ஜித்ய கில்பி³ஷரிபூன்விஜயீ ஸுதீ⁴ந்த்³ர:
ஸானந்த³மாவஹதி ஸுஸ்தி²ரராஜலக்ஷ்மீம் ॥ 71 ॥

த்⁴யானாஞ்ஜனேன ஸமவேக்ஷ்ய தம:ப்ரதே³ஶம்
பி⁴த்த்வா மஹாப³லிபி⁴ரீஶ்வரனாமமந்த்ரை: ।
தி³வ்யாஶ்ரிதம் பு⁴ஜக³பூ⁴ஷணமுத்³வஹந்தி
யே பாத³பத்³மமிஹ தே ஶிவ தே க்ருதார்தா²: ॥ 72 ॥

பூ⁴தா³ரதாமுத³வஹத்³யத³பேக்ஷயா ஶ்ரீ-
-பூ⁴தா³ர ஏவ கிமத: ஸுமதே லப⁴ஸ்வ ।
கேதா³ரமாகலிதமுக்திமஹௌஷதீ⁴னாம்
பாதா³ரவிந்த³பஜ⁴னம் பரமேஶ்வரஸ்ய ॥ 73 ॥

ஆஶாபாஶக்லேஶது³ர்வாஸனாதி³-
-பே⁴தோ³த்³யுக்தைர்தி³வ்யக³ந்தை⁴ரமந்தை³: ।
ஆஶாஶாடீகஸ்ய பாதா³ரவிந்த³ம்
சேத:பேடீம் வாஸிதாம் மே தனோது ॥ 74 ॥

கள்யாணினம் ஸரஸசித்ரக³திம் ஸவேக³ம்
ஸர்வேங்கி³தஜ்ஞமனக⁴ம் த்⁴ருவலக்ஷணாட்⁴யம் ।
சேதஸ்துரங்க³மதி⁴ருஹ்ய சர ஸ்மராரே
நேத: ஸமஸ்தஜக³தாம் வ்ருஷபா⁴தி⁴ரூட⁴ ॥ 75 ॥

ப⁴க்திர்மஹேஶபத³புஷ்கரமாவஸந்தீ
காத³ம்பி³னீவ குருதே பரிதோஷவர்ஷம் ।
ஸம்பூரிதோ ப⁴வதி யஸ்ய மனஸ்தடாக-
-ஸ்தஜ்ஜன்மஸஸ்யமகி²லம் ஸப²லம் ச நான்யத் ॥ 76 ॥

பு³த்³தி⁴: ஸ்தி²ரா ப⁴விதுமீஶ்வரபாத³பத்³ம-
-ஸக்தா வதூ⁴ர்விரஹிணீவ ஸதா³ ஸ்மரந்தீ ।
ஸத்³பா⁴வனாஸ்மரணத³ர்ஶனகீர்தனாதி³
ஸம்மோஹிதேவ ஶிவமந்த்ரஜபேன விந்தே ॥ 77 ॥

ஸது³பசாரவிதி⁴ஷ்வனுபோ³தி⁴தாம்
ஸவினயாம் ஸுஹ்ருத³ம் ஸமுபாஶ்ரிதாம் ।
மம ஸமுத்³த⁴ர பு³த்³தி⁴மிமாம் ப்ரபோ⁴
வரகு³ணேன நவோட⁴வதூ⁴மிவ ॥ 78 ॥

நித்யம் யோகி³மன: ஸரோஜதள³ஸஞ்சாரக்ஷமஸ்த்வத்க்ரம:
ஶம்போ⁴ தேன கத²ம் கடோ²ரயமராட்³வக்ஷ:கவாடக்ஷதி: ।
அத்யந்தம் ம்ருது³லம் த்வத³ங்க்⁴ரியுகள³ம் ஹா மே மனஶ்சிந்தய-
-த்யேதல்லோசனகோ³சரம் குரு விபோ⁴ ஹஸ்தேன ஸம்வாஹயே ॥ 79 ॥

ஏஷ்யத்யேஷ ஜனிம் மனோஸ்ய கடி²னம் தஸ்மின்னடானீதி ம-
-த்³ரக்ஷாயை கி³ரிஸீம்னி கோமலபத³ன்யாஸ: புராப்⁴யாஸித: ।
நோ சேத்³தி³வ்யக்³ருஹாந்தரேஷு ஸுமனஸ்தல்பேஷு வேத்³யாதி³ஷு
ப்ராய: ஸத்ஸு ஶிலாதலேஷு நடனம் ஶம்போ⁴ கிமர்த²ம் தவ ॥ 8௦ ॥

கஞ்சித்காலமுமாமஹேஶ ப⁴வத: பாதா³ரவிந்தா³ர்சனை:
கஞ்சித்³த்⁴யானஸமாதி⁴பி⁴ஶ்ச நதிபி⁴: கஞ்சித்கதா²கர்ணனை: ।
கஞ்சித்கஞ்சித³வேக்ஷணைஶ்ச நுதிபி⁴: கஞ்சித்³த³ஶாமீத்³ருஶீம்
ய: ப்ராப்னோதி முதா³ த்வத³ர்பிதமனா ஜீவன் ஸ முக்த: க²லு ॥ 81 ॥

பா³ணத்வம் வ்ருஷப⁴த்வமர்த⁴வபுஷா பா⁴ர்யாத்வமார்யாபதே
கோ⁴ணித்வம் ஸகி²தா ம்ருத³ங்க³வஹதா சேத்யாதி³ ரூபம் த³தௌ⁴ ।
த்வத்பாதே³ நயனார்பணம் ச க்ருதவாம்ஸ்த்வத்³தே³ஹபா⁴கோ³ ஹரி:
பூஜ்யாத்பூஜ்யதர: ஸ ஏவ ஹி ந சேத்கோ வா தத³ன்யோதி⁴க: ॥ 82 ॥

ஜனனம்ருதியுதானாம் ஸேவயா தே³வதானாம்
ந ப⁴வதி ஸுக²லேஶ: ஸம்ஶயோ நாஸ்தி தத்ர ।
அஜனிமம்ருதரூபம் ஸாம்ப³மீஶம் பஜ⁴ந்தே
ய இஹ பரமஸௌக்²யம் தே ஹி த⁴ன்யா லப⁴ந்தே ॥ 83 ॥

ஶிவ தவ பரிசர்யாஸன்னிதா⁴னாய கௌ³ர்யா
ப⁴வ மம கு³ணது⁴ர்யாம் பு³த்³தி⁴கன்யாம் ப்ரதா³ஸ்யே ।
ஸகலபு⁴வனப³ந்தோ⁴ ஸச்சிதா³னந்த³ஸிந்தோ⁴
ஸத³ய ஹ்ருத³யகே³ஹே ஸர்வதா³ ஸம்வஸ த்வம் ॥ 84 ॥

ஜலதி⁴மத²னத³க்ஷோ நைவ பாதாளபே⁴தீ³
ந ச வனம்ருக³யாயாம் நைவ லுப்³த:⁴ ப்ரவீண: ।
அஶனகுஸுமபூ⁴ஷாவஸ்த்ரமுக்²யாம் ஸபர்யாம்
கத²ய கத²மஹம் தே கல்பயானீந்து³மௌளே ॥ 85 ॥

பூஜாத்³ரவ்யஸம்ருத்³த⁴யோ விரசிதா: பூஜாம் கத²ம் குர்மஹே
பக்ஷித்வம் ந ச வா கிடித்வமபி ந ப்ராப்தம் மயா து³ர்லப⁴ம் ।
ஜானே மஸ்தகமங்க்⁴ரிபல்லவமுமாஜானே ந தேஹம் விபோ⁴
ந ஜ்ஞாதம் ஹி பிதாமஹேன ஹரிணா தத்த்வேன தத்³ரூபிணா ॥ 86 ॥

அஶனம் க³ரளம் ப²ணீ கலாபோ
வஸனம் சர்ம ச வாஹனம் மஹோக்ஷ: ।
மம தா³ஸ்யஸி கிம் கிமஸ்தி ஶம்போ⁴
தவ பாதா³ம்பு³ஜப⁴க்திமேவ தே³ஹி ॥ 87 ॥

யதா³ க்ருதாம்போ⁴னிதி⁴ஸேதுப³ந்த⁴ன:
கரஸ்த²லாத:⁴க்ருதபர்வதாதி⁴ப: ।
ப⁴வானி தே லங்கி⁴தபத்³மஸம்ப⁴வ-
-ஸ்ததா³ ஶிவார்சாஸ்தவபா⁴வனக்ஷம: ॥ 88 ॥

நதிபி⁴ர்னுதிபி⁴ஸ்த்வமீஶ பூஜா-
-விதி⁴பி⁴ர்த்⁴யானஸமாதி⁴பி⁴ர்ன துஷ்ட: ।
த⁴னுஷா முஸலேன சாஶ்மபி⁴ர்வா
வத³ தே ப்ரீதிகரம் ததா² கரோமி ॥ 89 ॥

வசஸா சரிதம் வதா³மி ஶம்போ⁴-
-ரஹமுத்³யோக³விதா⁴ஸு தேப்ரஸக்த: ।
மனஸாக்ருதிமீஶ்வரஸ்ய ஸேவே
ஶிரஸா சைவ ஸதா³ஶிவம் நமாமி ॥ 9௦ ॥

ஆத்³யாவித்³யா ஹ்ருத்³க³தா நிர்க³தாஸீ-
-த்³வித்³யா ஹ்ருத்³யா ஹ்ருத்³க³தா த்வத்ப்ரஸாதா³த் ।
ஸேவே நித்யம் ஶ்ரீகரம் த்வத்பதா³ப்³ஜம்
பா⁴வே முக்தேர்பா⁴ஜனம் ராஜமௌளே ॥ 91 ॥

தூ³ரீக்ருதானி து³ரிதானி து³ரக்ஷராணி
தௌ³ர்பா⁴க்³யது³:க²து³ரஹங்க்ருதிது³ர்வசாம்ஸி ।
ஸாரம் த்வதீ³யசரிதம் நிதராம் பிப³ந்தம்
கௌ³ரீஶ மாமிஹ ஸமுத்³த⁴ர ஸத்கடாக்ஷை: ॥ 92 ॥

ஸோமகளாத⁴ரமௌளௌ
கோமலக⁴னகந்த⁴ரே மஹாமஹஸி ।
ஸ்வாமினி கி³ரிஜானாதே²
மாமகஹ்ருத³யம் நிரந்தரம் ரமதாம் ॥ 93 ॥

ஸா ரஸனா தே நயனே
தாவேவ கரௌ ஸ ஏவ க்ருதக்ருத்ய: ।
யா யே யௌ யோ ப⁴ர்க³ம்
வத³தீக்ஷேதே ஸதா³ர்சத: ஸ்மரதி ॥ 94 ॥

அதிம்ருது³லௌ மம சரணா-
-வதிகடி²னம் தே மனோ ப⁴வானீஶ ।
இதி விசிகித்ஸாம் ஸந்த்யஜ
ஶிவ கத²மாஸீத்³கி³ரௌ ததா² வேஶ: ॥ 95 ॥ [வேஶ்ம:]

தை⁴ர்யாங்குஶேன நிப்⁴ருதம்
ரப⁴ஸாதா³க்ருஷ்ய ப⁴க்திஶ்ருங்க³லயா ।
புரஹர சரணாலானே
ஹ்ருத³யமதே³ப⁴ம் ப³தா⁴ன சித்³யந்த்ரை: ॥ 96 ॥

ப்ரசரத்யபி⁴த: ப்ரக³ல்ப⁴வ்ருத்த்யா
மத³வானேஷ மன: கரீ க³ரீயான் ।
பரிக்³ருஹ்ய நயேன ப⁴க்திரஜ்ஜ்வா
பரம ஸ்தா²ணு பத³ம் த்³ருட⁴ம் நயாமும் ॥ 97 ॥

ஸர்வாலங்காரயுக்தாம் ஸரளபத³யுதாம் ஸாது⁴வ்ருத்தாம் ஸுவர்ணாம்
ஸத்³பி⁴: ஸம்ஸ்தூயமானாம் ஸரஸகு³ணயுதாம் லக்ஷிதாம் லக்ஷணாட்⁴யாம் ।
உத்³யத்³பூ⁴ஷாவிஶேஷாமுபக³தவினயாம் த்³யோதமானார்த²ரேகா²ம்
கல்யாணீம் தே³வ கௌ³ரீப்ரிய மம கவிதாகன்யகாம் த்வம் க்³ருஹாண ॥ 98 ॥

இத³ம் தே யுக்தம் வா பரமஶிவ காருண்யஜலதே⁴
க³தௌ திர்யக்³ரூபம் தவ பத³ஶிரோத³ர்ஶனதி⁴யா ।
ஹரிப்³ரஹ்மாணௌ தௌ தி³வி பு⁴வி சரந்தௌ ஶ்ரமயுதௌ
கத²ம் ஶம்போ⁴ ஸ்வாமின்கத²ய மம வேத்³யோஸி புரத: ॥ 99 ॥

ஸ்தோத்ரேணாலமஹம் ப்ரவச்மி ந ம்ருஷா தே³வா விரிஞ்சாத³ய:
ஸ்துத்யானாம் க³ணனாப்ரஸங்க³ஸமயே த்வாமக்³ரக³ண்யம் விது³: ।
மாஹாத்ம்யாக்³ரவிசாரணப்ரகரணே தா⁴னாதுஷஸ்தோமவ-
-த்³தூ⁴தாஸ்த்வாம் விது³ருத்தமோத்தமப²லம் ஶம்போ⁴ ப⁴வத்ஸேவகா: ॥ 1௦௦ ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத: க்ருதௌ ஶிவானந்த³லஹரீ ॥