லிங்கா³ஷ்டகம்

ப்³ரஹ்மமுராரி ஸுரார்சித லிங்க³ம்
நிர்மலபா⁴ஸித ஶோபி⁴த லிங்க³ம் ।
ஜன்மஜ து³:க² வினாஶக லிங்க³ம் [வினாஶன]
தத்ப்ரணமாமி ஸதா³ஶிவ லிங்க³ம் ॥ 1 ॥

தே³வமுனி ப்ரவரார்சித லிங்க³ம்
காமத³ஹன கருணாகர லிங்க³ம் ।
ராவண த³ர்ப வினாஶன லிங்க³ம்
தத்ப்ரணமாமி ஸதா³ஶிவ லிங்க³ம் ॥ 2 ॥

ஸர்வ ஸுக³ந்த⁴ ஸுலேபித லிங்க³ம்
பு³த்³தி⁴ விவர்த⁴ன காரண லிங்க³ம் ।
ஸித்³த⁴ ஸுராஸுர வந்தி³த லிங்க³ம்
தத்ப்ரணமாமி ஸதா³ஶிவ லிங்க³ம் ॥ 3 ॥

கனக மஹாமணி பூ⁴ஷித லிங்க³ம்
ப²ணிபதி வேஷ்டித ஶோபி⁴த லிங்க³ம் ।
த³க்ஷஸுயஜ்ஞ வினாஶன லிங்க³ம்
தத்ப்ரணமாமி ஸதா³ஶிவ லிங்க³ம் ॥ 4 ॥

குங்கும சந்த³ன லேபித லிங்க³ம்
பங்கஜ ஹார ஸுஶோபி⁴த லிங்க³ம் ।
ஸஞ்சித பாப வினாஶன லிங்க³ம்
தத்ப்ரணமாமி ஸதா³ஶிவ லிங்க³ம் ॥ 5 ॥

தே³வக³ணார்சித ஸேவித லிங்க³ம்
பா⁴வை-ர்ப⁴க்திபி⁴ரேவ ச லிங்க³ம் ।
தி³னகர கோடி ப்ரபா⁴கர லிங்க³ம்
தத்ப்ரணமாமி ஸதா³ஶிவ லிங்க³ம் ॥ 6 ॥

அஷ்டதள³ோபரிவேஷ்டித லிங்க³ம்
ஸர்வஸமுத்³ப⁴வ காரண லிங்க³ம் ।
அஷ்டத³ரித்³ர வினாஶன லிங்க³ம்
தத்ப்ரணமாமி ஸதா³ஶிவ லிங்க³ம் ॥ 7 ॥

ஸுரகு³ரு ஸுரவர பூஜித லிங்க³ம்
ஸுரவன புஷ்ப ஸதா³ர்சித லிங்க³ம் ।
பராத்பரம் (பரமபத³ம்) பரமாத்மக லிங்க³ம்
தத்ப்ரணமாமி ஸதா³ஶிவ லிங்க³ம் ॥ 8 ॥

லிங்கா³ஷ்டகமித³ம் புண்யம் ய: படே²ஶ்ஶிவ ஸன்னிதௌ⁴ ।
ஶிவலோகமவாப்னோதி ஶிவேன ஸஹ மோத³தே ॥