ஶிவாபராத⁴ க்ஷமாபண ஸ்தோத்ரம்

ஆதௌ³ கர்மப்ரஸங்கா³த்கலயதி கலுஷம் மாத்ருகுக்ஷௌ ஸ்தி²தம் மாம்
விண்மூத்ராமேத்⁴யமத்⁴யே க்வத²யதி நிதராம் ஜாட²ரோ ஜாதவேதா³: ।
யத்³யத்³வை தத்ர து³:க²ம் வ்யத²யதி நிதராம் ஶக்யதே கேன வக்தும்
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 1॥

பா³ல்யே து³:கா²திரேகோ மலலுலிதவபு: ஸ்தன்யபானே பிபாஸா
நோ ஶக்தஶ்சேந்த்³ரியேப்⁴யோ ப⁴வகு³ணஜனிதா: ஜந்தவோ மாம் துத³ந்தி ।
நானாரோகா³தி³து³:கா²த்³ருத³னபரவஶ: ஶங்கரம் ந ஸ்மராமி
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 2॥

ப்ரௌடோ⁴ஹம் யௌவனஸ்தோ² விஷயவிஷத⁴ரை: பஞ்சபி⁴ர்மர்மஸந்தௌ⁴
த³ஷ்டோ நஷ்டோ விவேக: ஸுதத⁴னயுவதிஸ்வாது³ஸௌக்²யே நிஷண்ண: ।
ஶைவீசிந்தாவிஹீனம் மம ஹ்ருத³யமஹோ மானக³ர்வாதி⁴ரூட⁴ம்
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 3॥

வார்த⁴க்யே சேந்த்³ரியாணாம் விக³தக³திமதிஶ்சாதி⁴தை³வாதி³தாபை:
பாபை ரோகை³ர்வியோகை³ஸ்த்வனவஸிதவபு: ப்ரௌட⁴ஹீனம் ச தீ³னம் ।
மித்²யாமோஹாபி⁴லாஷைர்ப்⁴ரமதி மம மனோ தூ⁴ர்ஜடேர்த்⁴யானஶூன்யம்
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 4॥

ஸ்னாத்வா ப்ரத்யூஷகாலே ஸ்னபனவிதி⁴விதௌ⁴ நாஹ்ருதம் கா³ங்க³தோயம்
பூஜார்த²ம் வா கதா³சித்³ப³ஹுதரக³ஹனாத்க²ண்ட³பி³ல்வீத³லானி ।
நானீதா பத்³மமாலா ஸரஸி விகஸிதா க³ந்த⁴தூ⁴பை: த்வத³ர்த²ம்
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 5॥

து³க்³தை⁴ர்மத்⁴வாஜ்யயுக்தைர்த³தி⁴ஸிதஸஹிதை: ஸ்னாபிதம் நைவ லிங்க³ம்
நோ லிப்தம் சந்த³னாத்³யை: கனகவிரசிதை: பூஜிதம் ந ப்ரஸூனை: ।
தூ⁴பை: கர்பூரதீ³பைர்விவித⁴ரஸயுதைர்னைவ ப⁴க்ஷ்யோபஹாரை:
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 6॥

நோ ஶக்யம் ஸ்மார்தகர்ம ப்ரதிபத³க³ஹனப்ரத்யவாயாகுலாக்²யம்
ஶ்ரௌதே வார்தா கத²ம் மே த்³விஜகுலவிஹிதே ப்³ரஹ்மமார்கா³னுஸாரே । வர் ப்³ரஹ்மமார்கே³ ஸுஸாரே
ஜ்ஞாதோ த⁴ர்மோ விசாரை: ஶ்ரவணமனனயோ: கிம் நிதி³த்⁴யாஸிதவ்யம்
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 7॥

த்⁴யாத்வா சித்தே ஶிவாக்²யம் ப்ரசுரதரத⁴னம் நைவ த³த்தம் த்³விஜேப்⁴யோ
ஹவ்யம் தே லக்ஷஸங்க்²யைர்ஹுதவஹவத³னே நார்பிதம் பீ³ஜமந்த்ரை: ।
நோ தப்தம் கா³ங்கா³தீரே வ்ரதஜபனியமை: ருத்³ரஜாப்யைர்ன வேதை³:
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 8॥

நக்³னோ நி:ஸங்க³ஶுத்³த⁴ஸ்த்ரிகு³ணவிரஹிதோ த்⁴வஸ்தமோஹாந்த⁴காரோ
நாஸாக்³ரே ந்யஸ்தத்³ருஷ்டிர்விதி³தப⁴வகு³ணோ நைவ த்³ருஷ்ட: கதா³சித் ।
உன்மன்யாவஸ்த²யா த்வாம் விக³தகலிமலம் ஶங்கரம் ந ஸ்மராமி
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 9॥

ஸ்தி²த்வா ஸ்தா²னே ஸரோஜே ப்ரணவமயமருத்கும்ப⁴கே (குண்ட³லே) ஸூக்ஷ்மமார்கே³
ஶாந்தே ஸ்வாந்தே ப்ரலீனே ப்ரகடிதவிப⁴வே ஜ்யோதிரூபேபராக்²யே ।
லிங்கஜ³்ஞே ப்³ரஹ்மவாக்யே ஸகலதனுக³தம் ஶங்கரம் ந ஸ்மராமி
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 1௦॥

ஹ்ருத்³யம் வேதா³ந்தவேத்³யம் ஹ்ருத³யஸரஸிஜே தீ³ப்தமுத்³யத்ப்ரகாஶம்
ஸத்யம் ஶாந்தஸ்வரூபம் ஸகலமுனிமன:பத்³மஷண்டை³கவேத்³யம் ।
ஜாக்³ரத்ஸ்வப்னே ஸுஷுப்தௌ த்ரிகு³ணவிரஹிதம் ஶங்கரம் ந ஸ்மராமி
க்ஷந்தவ்யோ மேபராத:⁴ ஶிவ ஶிவ ஶிவ போ⁴ ஶ்ரீமஹாதே³வ ஶம்போ⁴ ॥ 11॥

சந்த்³ரோத்³பா⁴ஸிதஶேக²ரே ஸ்மரஹரே க³ங்கா³த⁴ரே ஶங்கரே
ஸர்பைர்பூ⁴ஷிதகண்ட²கர்ணவிவரே நேத்ரோத்த²வைஶ்வானரே । யுக³லே
த³ந்தித்வக்க்ருதஸுந்த³ராம்ப³ரத⁴ரே த்ரைலோக்யஸாரே ஹரே
மோக்ஷார்த²ம் குரு சித்தவ்ருத்திமசலாமன்யைஸ்து கிம் கர்மபி⁴: ॥ 12॥

கிம் வானேன த⁴னேன வாஜிகரிபி⁴: ப்ராப்தேன ராஜ்யேன கிம்
கிம் வா புத்ரகலத்ரமித்ரபஶுபி⁴ர்தே³ஹேன கே³ஹேன கிம் ।
ஜ்ஞாத்வைதத்க்ஷணப⁴ங்கு³ரம் ஸபதி³ ரே த்யாஜ்யம் மனோ தூ³ரத:
ஸ்வாத்மார்த²ம் கு³ருவாக்யதோ பஜ⁴ மன ஶ்ரீபார்வதீவல்லப⁴ம் ॥ 13॥

பௌரோஹித்யம் ரஜனிசரிதம் க்³ராமணீத்வம் நியோகோ³
மாடா²பத்யம் ஹ்யன்ருதவசனம் ஸாக்ஷிவாத:³ பரான்னம் ।
ப்³ரஹ்மத்³வேஷ: க²லஜனரதி: ப்ராணினாம் நிர்த³யத்வம்
மா பூ⁴தே³வம் மம பஶுபதே ஜன்மஜன்மாந்தரேஷு ॥ 14॥

ஆயுர்னஶ்யதி பஶ்யதாம் ப்ரதிதி³னம் யாதி க்ஷயம் யௌவனம்
ப்ரத்யாயாந்தி க³தா: புனர்ன தி³வஸா: காலோ ஜக³த்³ப⁴க்ஷக: ।
லக்ஷ்மீஸ்தோயதரங்க³ப⁴ங்க³சபலா வித்³யுச்சலம் ஜீவிதம்
தஸ்மாத்த்வாம் ஶரணாக³தம் ஶரணத³ த்வம் ரக்ஷ ரக்ஷாது⁴னா ॥ 15॥ தஸ்மான்மாம்

வந்தே³ தே³வமுமாபதிம் ஸுரகு³ரும் வந்தே³ ஜக³த்காரணம்
வந்தே³ பன்னக³பூ⁴ஷணம் ம்ருக³த⁴ரம் வந்தே³ பஶூனாம் பதிம் ।
வந்தே³ ஸூர்யஶஶாங்கவஹ்னினயனம் வந்தே³ முகுந்த³ப்ரியம்
வந்தே³ ப⁴க்தஜனாஶ்ரயம் ச வரத³ம் வந்தே³ ஶிவம் ஶங்கரம் ॥16॥

கா³த்ரம் ப⁴ஸ்மஸிதம் ஸிதம் ச ஹஸிதம் ஹஸ்தே கபாலம் ஸிதம் வர் ஸ்மிதம் ச
க²ட்வாங்க³ம் ச ஸிதம் ஸிதஶ்ச வ்ருஷப:⁴ கர்ணே ஸிதே குண்ட³லே ।
க³ங்கா³ பே²னஸிதா ஜடா பஶுபதேஶ்சந்த்³ர: ஸிதோ மூர்த⁴னி
ஸோயம் ஸர்வஸிதோ த³தா³து விப⁴வம் பாபக்ஷயம் ஸர்வதா³ ॥ 17॥

கரசரணக்ருதம் வாக்காயஜம் கர்மஜம் வா
ஶ்ரவணனயனஜம் வா மானஸம் வாபராத⁴ம் ।
விஹிதமவிஹிதம் வா ஸர்வமேதத்க்ஷ்மஸ்வ
ஶிவ ஶிவ கருணாப்³தே⁴ ஶ்ரீமஹாதே³வ ஶம்போ⁴ ॥ 18॥

॥ இதி ஶ்ரீமத்³ ஶங்கராசார்யக்ருத ஶிவாபராத⁴க்ஷமாபணஸ்தோத்ரம் ஸம்பூர்ணம் ॥