ශ්රී ලක්ෂ්මී සහස්රනාම ස්තෝත්රං

නාම්නාං සාෂ්ටසහස්රංච බ්රූහි ගාර්ග්ය මහාමතේ ।
මහාලක්ෂ්ම්යා මහාදේව්යා භුක්තිමුක්ත්යර්ථසිද්ධයේ ॥ 1 ॥

ගාර්ග්ය උවාච
සනත්කුමාරමාසීනං ද්වාදශාදිත්යසන්නිභම් ।
අපෘච්ඡන්යෝගිනෝ භක්ත්යා යෝගිනාමර්ථසිද්ධයේ ॥ 2 ॥

සර්වලෞකිකකර්මභ්යෝ විමුක්තානාං හිතාය වෛ ।
භුක්තිමුක්තිප්රදං ජප්යමනුබ්රූහි දයානිධේ ॥ 3 ॥

සනත්කුමාර භගවන්සර්වජ්ඤෝऽසි විශේෂතඃ ।
ආස්තික්යසිද්ධයේ නॄණාං ක්ෂිප්රධර්මාර්ථසාධනම් ॥ 4 ॥

ඛිද්යංති මානවාස්සර්වේ ධනාභාවේන කේවලම් ।
සිද්ධ්යංති ධනිනෝऽන්යස්ය නෛව ධර්මාර්ථකාමනාඃ ॥ 5 ॥

දාරිද්ර්යධ්වංසිනී නාම කේන විද්යා ප්රකීර්තිතා ।
කේන වා බ්රහ්මවිද්යාऽපි කේන මෘත්යුවිනාශිනී ॥ 6 ॥

සර්වාසාං සාරභූතෛකා විද්යානාං කේන කීර්තිතා ।
ප්රත්යක්ෂසිද්ධිදා බ්රහ්මන් තාමාචක්ෂ්ව දයානිධේ ॥ 7 ॥

සනත්කුමාර උවාච
සාධු පෘෂ්ටං මහාභාගාස්සර්වලෝකහිතෛෂිණඃ ।
මහතාමේෂ ධර්මශ්ච නාන්යේෂාමිති මේ මතිඃ ॥ 8 ॥

බ්රහ්මවිෂ්ණුමහාදේවමහේංද්රාදිමහාත්මභිඃ ।
සංප්රෝක්තං කථයාම්යද්ය ලක්ෂ්මීනාමසහස්රකම් ॥ 9 ॥

යස්යෝච්චාරණමාත්රේණ දාරිද්ර්යාන්මුච්යතේ නරඃ ।
කිං පුනස්තජ්ජපාජ්ජාපී සර්වේෂ්ටාර්ථානවාප්නුයාත් ॥ 10 ॥

අස්ය ශ්රීලක්ෂ්මීදිව්යසහස්රනාමස්තෝත්රමහාමංත්රස්ය ආනංදකර්දමචික්ලීතේංදිරාසුතාදයෝ මහාත්මානෝ මහර්ෂයඃ අනුෂ්ටුප්ඡංදඃ විෂ්ණුමායා ශක්තිඃ මහාලක්ෂ්මීඃ පරාදේවතා ශ්රීමහාලක්ෂ්මීප්රසාදද්වාරා සර්වේෂ්ටාර්ථසිද්ධ්යර්ථේ ජපේ විනියෝගඃ ।

ධ්යානම්
පද්මනාභප්රියාං දේවීං පද්මාක්ෂීං පද්මවාසිනීම් ।
පද්මවක්ත්රාං පද්මහස්තාං වංදේ පද්මාමහර්නිශම් ॥ 1 ॥

පූර්ණේංදුවදනාං දිව්යරත්නාභරණභූෂිතාම් ।
වරදාභයහස්තාඪ්යාං ධ්යායේච්චංද්රසහෝදරීම් ॥ 2 ॥

ඉච්ඡාරූපාං භගවතස්සච්චිදානංදරූපිණීම් ।
සර්වජ්ඤාං සර්වජනනීං විෂ්ණුවක්ෂස්ස්ථලාලයාම් ।
දයාලුමනිශං ධ්යායේත්සුඛසිද්ධිස්වරූපිණීම් ॥ 3 ॥

ස්තෝත්රම්
නිත්යාගතානංතනිත්යා නංදිනී ජනරංජනී ।
නිත්යප්රකාශිනී චෛව ස්වප්රකාශස්වරූපිණී ॥ 1 ॥

මහාලක්ෂ්මීර්මහාකාලී මහාකන්යා සරස්වතී ।
භෝගවෛභවසංධාත්රී භක්තානුග්රහකාරිණී ॥ 2 ॥

ඊශාවාස්යා මහාමායා මහාදේවී මහේශ්වරී ।
හෘල්ලේඛා පරමා ශක්තිර්මාතෘකාබීජරූපිණී ॥ 3 ॥

නිත්යානංදා නිත්යබෝධා නාදිනී ජනමෝදිනී ।
සත්යප්රත්යයනී චෛව ස්වප්රකාශාත්මරූපිණී ॥ 4 ॥

ත්රිපුරා භෛරවී විද්යා හංසා වාගීශ්වරී ශිවා ।
වාග්දේවී ච මහාරාත්රිඃ කාලරාත්රිස්ත්රිලෝචනා ॥ 5 ॥

භද්රකාළී කරාළී ච මහාකාළී තිලෝත්තමා ।
කාළී කරාළවක්ත්රාංතා කාමාක්ෂී කාමදා ශුභා ॥ 6 ॥

චංඩිකා චංඩරූපේශා චාමුංඩා චක්රධාරිණී ।
ත්රෛලෝක්යජයිනී දේවී ත්රෛලෝක්යවිජයෝත්තමා ॥ 7 ॥

සිද්ධලක්ෂ්මීඃ ක්රියාලක්ෂ්මීර්මෝක්ෂලක්ෂ්මීඃ ප්රසාදිනී ।
උමා භගවතී දුර්ගා චාංද්රී දාක්ෂායණී ශිවා ॥ 8 ॥

ප්රත්යංගිරා ධරාවේලා ලෝකමාතා හරිප්රියා ।
පාර්වතී පරමා දේවී බ්රහ්මවිද්යාප්රදායිනී ॥ 9 ॥

අරූපා බහුරූපා ච විරූපා විශ්වරූපිණී ।
පංචභූතාත්මිකා වාණී පංචභූතාත්මිකා පරා ॥ 10 ॥

කාළී මා පංචිකා වාග්මී හවිඃප්රත්යධිදේවතා ।
දේවමාතා සුරේශානා දේවගර්භාऽංබිකා ධෘතිඃ ॥ 11 ॥

සංඛ්යා ජාතිඃ ක්රියාශක්තිඃ ප්රකෘතිර්මෝහිනී මහී ।
යජ්ඤවිද්යා මහාවිද්යා ගුහ්යවිද්යා විභාවරී ॥ 12 ॥

ජ්යෝතිෂ්මතී මහාමාතා සර්වමංත්රඵලප්රදා ।
දාරිද්ර්යධ්වංසිනී දේවී හෘදයග්රංථිභේදිනී ॥ 13 ॥

සහස්රාදිත්යසංකාශා චංද්රිකා චංද්රරූපිණී ।
ගායත්රී සෝමසංභූතිස්සාවිත්රී ප්රණවාත්මිකා ॥ 14 ॥

ශාංකරී වෛෂ්ණවී බ්රාහ්මී සර්වදේවනමස්කෘතා ।
සේව්යදුර්ගා කුබේරාක්ෂී කරවීරනිවාසිනී ॥ 15 ॥

ජයා ච විජයා චෛව ජයංතී චාऽපරාජිතා ।
කුබ්ජිකා කාලිකා ශාස්ත්රී වීණාපුස්තකධාරිණී ॥ 16 ॥

සර්වජ්ඤශක්තිශ්ශ්රීශක්තිර්බ්රහ්මවිෂ්ණුශිවාත්මිකා ।
ඉඩාපිංගලිකාමධ්යමෘණාලීතංතුරූපිණී ॥ 17 ॥

යජ්ඤේශානී ප්රථා දීක්ෂා දක්ෂිණා සර්වමෝහිනී ।
අෂ්ටාංගයෝගිනී දේවී නිර්බීජධ්යානගෝචරා ॥ 18 ॥

සර්වතීර්ථස්ථිතා ශුද්ධා සර්වපර්වතවාසිනී ।
වේදශාස්ත්රප්රභා දේවී ෂඩංගාදිපදක්රමා ॥ 19 ॥

ශිවා ධාත්රී ශුභානංදා යජ්ඤකර්මස්වරූපිණී ।
ව්රතිනී මේනකා දේවී බ්රහ්මාණී බ්රහ්මචාරිණී ॥ 20 ॥

ඒකාක්ෂරපරා තාරා භවබංධවිනාශිනී ।
විශ්වංභරා ධරාධාරා නිරාධාරාऽධිකස්වරා ॥ 21 ॥

රාකා කුහූරමාවාස්යා පූර්ණිමාऽනුමතිර්ද්යුතිඃ ।
සිනීවාලී ශිවාऽවශ්යා වෛශ්වදේවී පිශංගිලා ॥ 22 ॥

පිප්පලා ච විශාලාක්ෂී රක්ෂෝඝ්නී වෘෂ්ටිකාරිණී ।
දුෂ්ටවිද්රාවිණී දේවී සර්වෝපද්රවනාශිනී ॥ 23 ॥

ශාරදා ශරසංධානා සර්වශස්ත්රස්වරූපිණී ।
යුද්ධමධ්යස්ථිතා දේවී සර්වභූතප්රභංජනී ॥ 24 ॥

අයුද්ධා යුද්ධරූපා ච ශාංතා ශාංතිස්වරූපිණී ।
ගංගා සරස්වතීවේණීයමුනානර්මදාපගා ॥ 25 ॥

සමුද්රවසනාවාසා බ්රහ්මාංඩශ්රෝණිමේඛලා ।
පංචවක්ත්රා දශභුජා ශුද්ධස්ඵටිකසන්නිභා ॥ 26 ॥

රක්තා කෘෂ්ණා සිතා පීතා සර්වවර්ණා නිරීශ්වරී ।
කාළිකා චක්රිකා දේවී සත්යා තු වටුකාස්ථිතා ॥ 27 ॥

තරුණී වාරුණී නාරී ජ්යේෂ්ඨාදේවී සුරේශ්වරී ।
විශ්වංභරාධරා කර්ත්රී ගළාර්ගළවිභංජනී ॥ 28 ॥

සංධ්යාරාත්රිර්දිවාජ්යෝත්ස්නා කලාකාෂ්ඨා නිමේෂිකා ।
උර්වී කාත්යායනී ශුභ්රා සංසාරාර්ණවතාරිණී ॥ 29 ॥

කපිලා කීලිකාऽශෝකා මල්ලිකානවමල්ලිකා । [ මල්ලිකානවමාලිකා ]
දේවිකා නංදිකා ශාංතා භංජිකා භයභංජිකා ॥ 30 ॥

කෞශිකී වෛදිකී දේවී සෞරී රූපාධිකාऽතිභා ।
දිග්වස්ත්රා නවවස්ත්රා ච කන්යකා කමලෝද්භවා ॥ 31 ॥

ශ්රීස්සෞම්යලක්ෂණාऽතීතදුර්ගා සූත්රප්රබෝධිකා ।
ශ්රද්ධා මේධා කෘතිඃ ප්රජ්ඤා ධාරණා කාංතිරේව ච ॥ 32 ॥

ශ්රුතිඃ ස්මෘතිර්ධෘතිර්ධන්යා භූතිරිෂ්ටිර්මනීෂිණී ।
විරක්තිර්ව්යාපිනී මායා සර්වමායාප්රභංජනී ॥ 33 ॥

මාහේංද්රී මංත්රිණී සිංහී චේංද්රජාලස්වරූපිණී ।
අවස්ථාත්රයනිර්මුක්තා ගුණත්රයවිවර්ජිතා ॥ 34 ॥

ඊෂණාත්රයනිර්මුක්තා සර්වරෝගවිවර්ජිතා ।
යෝගිධ්යානාංතගම්යා ච යෝගධ්යානපරායණා ॥ 35 ॥

ත්රයීශිඛා විශේෂජ්ඤා වේදාංතජ්ඤානරූපිණී ।
භාරතී කමලා භාෂා පද්මා පද්මවතී කෘතිඃ ॥ 36 ॥

ගෞතමී ගෝමතී ගෞරී ඊශානා හංසවාහිනී ।
නාරායණී ප්රභාධාරා ජාහ්නවී ශංකරාත්මජා ॥ 37 ॥

චිත්රඝංටා සුනංදා ශ්රීර්මානවී මනුසංභවා ।
ස්තංභිනී ක්ෂෝභිණී මාරී භ්රාමිණී ශත්රුමාරිණී ॥ 38 ॥

මෝහිනී ද්වේෂිණී වීරා අඝෝරා රුද්රරූපිණී ।
රුද්රෛකාදශිනී පුණ්යා කල්යාණී ලාභකාරිණී ॥ 39 ॥

දේවදුර්ගා මහාදුර්ගා ස්වප්නදුර්ගාऽෂ්ටභෛරවී ।
සූර්යචංද්රාග්නිරූපා ච ග්රහනක්ෂත්රරූපිණී ॥ 40 ॥

බිංදුනාදකළාතීතා බිංදුනාදකළාත්මිකා ।
දශවායුජයාකාරා කළාෂෝඩශසංයුතා ॥ 41 ॥

කාශ්යපී කමලාදේවී නාදචක්රනිවාසිනී ।
මෘඩාධාරා ස්ථිරා ගුහ්යා දේවිකා චක්රරූපිණී ॥ 42 ॥

අවිද්යා ශාර්වරී භුංජා ජංභාසුරනිබර්හිණී ।
ශ්රීකායා ශ්රීකලා ශුභ්රා කර්මනිර්මූලකාරිණී ॥ 43 ॥

ආදිලක්ෂ්මීර්ගුණාධාරා පංචබ්රහ්මාත්මිකා පරා ।
ශ්රුතිර්බ්රහ්මමුඛාවාසා සර්වසංපත්තිරූපිණී ॥ 44 ॥

මෘතසංජීවනී මෛත්රී කාමිනී කාමවර්ජිතා ।
නිර්වාණමාර්ගදා දේවී හංසිනී කාශිකා ක්ෂමා ॥ 45 ॥

සපර්යා ගුණිනී භින්නා නිර්ගුණා ඛංඩිතාශුභා ।
ස්වාමිනී වේදිනී ශක්යා ශාංබරී චක්රධාරිණී ॥ 46 ॥

දංඩිනී මුංඩිනී ව්යාඝ්රී ශිඛිනී සෝමසංහතිඃ ।
චිංතාමණිශ්චිදානංදා පංචබාණප්රබෝධිනී ॥ 47 ॥

බාණශ්රේණිස්සහස්රාක්ෂී සහස්රභුජපාදුකා ।
සංධ්යාවලිස්ත්රිසංධ්යාඛ්යා බ්රහ්මාංඩමණිභූෂණා ॥ 48 ॥

වාසවී වාරුණීසේනා කුළිකා මංත්රරංජනී ।
ජිතප්රාණස්වරූපා ච කාංතා කාම්යවරප්රදා ॥ 49 ॥

මංත්රබ්රාහ්මණවිද්යාර්ථා නාදරූපා හවිෂ්මතී ।
ආථර්වණිඃ ශ්රුතිඃ ශූන්යා කල්පනාවර්ජිතා සතී ॥ 50 ॥

සත්තාජාතිඃ ප්රමාऽමේයාऽප්රමිතිඃ ප්රාණදා ගතිඃ ।
අවර්ණා පංචවර්ණා ච සර්වදා භුවනේශ්වරී ॥ 51 ॥

ත්රෛලෝක්යමෝහිනී විද්යා සර්වභර්ත්රී ක්ෂරාऽක්ෂරා ।
හිරණ්යවර්ණා හරිණී සර්වෝපද්රවනාශිනී ॥ 52 ॥

කෛවල්යපදවීරේඛා සූර්යමංඩලසංස්ථිතා ।
සෝමමංඩලමධ්යස්ථා වහ්නිමංඩලසංස්ථිතා ॥ 53 ॥

වායුමංඩලමධ්යස්ථා ව්යෝමමංඩලසංස්ථිතා ।
චක්රිකා චක්රමධ්යස්ථා චක්රමාර්ගප්රවර්තිනී ॥ 54 ॥

කෝකිලාකුලචක්රේශා පක්ෂතිඃ පංක්තිපාවනී ।
සර්වසිද්ධාංතමාර්ගස්ථා ෂඩ්වර්ණාවරවර්ජිතා ॥ 55 ॥

ශරරුද්රහරා හංත්රී සර්වසංහාරකාරිණී ।
පුරුෂා පෞරුෂී තුෂ්ටිස්සර්වතංත්රප්රසූතිකා ॥ 56 ॥

අර්ධනාරීශ්වරී දේවී සර්වවිද්යාප්රදායිනී ।
භාර්ගවී යාජුෂීවිද්යා සර්වෝපනිෂදාස්ථිතා ॥ 57 ॥ [ භුජුෂීවිද්යා ]
ව්යෝමකේශාඛිලප්රාණා පංචකෝශවිලක්ෂණා ।
පංචකෝශාත්මිකා ප්රත්යක්පංචබ්රහ්මාත්මිකා ශිවා ॥ 58 ॥

ජගජ්ජරාජනිත්රී ච පංචකර්මප්රසූතිකා ।
වාග්දේව්යාභරණාකාරා සර්වකාම්යස්ථිතාස්ථිතිඃ ॥ 59 ॥

අෂ්ටාදශචතුෂ්ෂෂ්ඨිපීඨිකා විද්යයා යුතා ।
කාළිකාකර්ෂණශ්යාමා යක්ෂිණී කින්නරේශ්වරී ॥ 60 ॥

කේතකී මල්ලිකාऽශෝකා වාරාහී ධරණී ධ්රුවා ।
නාරසිංහී මහෝග්රාස්යා භක්තානාමාර්තිනාශිනී ॥ 61 ॥

අංතර්බලා ස්ථිරා ලක්ෂ්මීර්ජරාමරණනාශිනී ।
ශ්රීරංජිතා මහාකායා සෝමසූර්යාග්නිලෝචනා ॥ 62 ॥

අදිතිර්දේවමාතා ච අෂ්ටපුත්රාऽෂ්ටයෝගිනී ।
අෂ්ටප්රකෘතිරෂ්ටාෂ්ටවිභ්රාජද්විකෘතාකෘතිඃ ॥ 63 ॥

දුර්භික්ෂධ්වංසිනී දේවී සීතා සත්යා ච රුක්මිණී ।
ඛ්යාතිජා භාර්ගවී දේවී දේවයෝනිස්තපස්විනී ॥ 64 ॥

ශාකංභරී මහාශෝණා ගරුඩෝපරිසංස්ථිතා ।
සිංහගා ව්යාඝ්රගා දේවී වායුගා ච මහාද්රිගා ॥ 65 ॥

අකාරාදික්ෂකාරාංතා සර්වවිද්යාධිදේවතා ।
මංත්රව්යාඛ්යානනිපුණා ජ්යෝතිශ්ශාස්ත්රෛකලෝචනා ॥ 66 ॥

ඉඩාපිංගළිකාමධ්යාසුෂුම්නා ග්රංථිභේදිනී ।
කාලචක්රාශ්රයෝපේතා කාලචක්රස්වරූපිණී ॥ 67 ॥

වෛශාරදී මතිශ්ශ්රේෂ්ඨා වරිෂ්ඨා සර්වදීපිකා ।
වෛනායකී වරාරෝහා ශ්රෝණිවේලා බහිර්වලිඃ ॥ 68 ॥

ජංභිනී ජෘංභිණී ජංභකාරිණී ගණකාරිකා ।
ශරණී චක්රිකාऽනංතා සර්වව්යාධිචිකිත්සකී ॥ 69 ॥

දේවකී දේවසංකාශා වාරිධිඃ කරුණාකරා ।
ශර්වරී සර්වසංපන්නා සර්වපාපප්රභංජනී ॥ 70 ॥

ඒකමාත්රා ද්විමාත්රා ච ත්රිමාත්රා ච තථාऽපරා ।
අර්ධමාත්රා පරා සූක්ෂ්මා සූක්ෂ්මාර්ථාऽර්ථපරාऽපරා ॥ 71 ॥

ඒකවීරා විශේෂාඛ්යා ෂෂ්ඨීදේවී මනස්විනී ।
නෛෂ්කර්ම්යා නිෂ්කලාලෝකා ජ්ඤානකර්මාධිකා ගුණා ॥ 72 ॥

සබංධ්වානංදසංදෝහා ව්යෝමාකාරාऽනිරූපිතා ।
ගද්යපද්යාත්මිකා වාණී සර්වාලංකාරසංයුතා ॥ 73 ॥

සාධුබංධපදන්යාසා සර්වෞකෝ ඝටිකාවලිඃ ।
ෂට්කර්මා කර්කශාකාරා සර්වකර්මවිවර්ජිතා ॥ 74 ॥

ආදිත්යවර්ණා චාපර්ණා කාමිනී වරරූපිණී ।
බ්රහ්මාණී බ්රහ්මසංතානා වේදවාගීශ්වරී ශිවා ॥ 75 ॥

පුරාණන්යායමීමාංසාධර්මශාස්ත්රාගමශ්රුතා ।
සද්යෝවේදවතී සර්වා හංසී විද්යාධිදේවතා ॥ 76 ॥

විශ්වේශ්වරී ජගද්ධාත්රී විශ්වනිර්මාණකාරිණී ।
වෛදිකී වේදරූපා ච කාලිකා කාලරූපිණී ॥ 77 ॥

නාරායණී මහාදේවී සර්වතත්ත්වප්රවර්තිනී ।
හිරණ්යවර්ණරූපා ච හිරණ්යපදසංභවා ॥ 78 ॥

කෛවල්යපදවී පුණ්යා කෛවල්යජ්ඤානලක්ෂිතා ।
බ්රහ්මසංපත්තිරූපා ච බ්රහ්මසංපත්තිකාරිණී ॥ 79 ॥

වාරුණී වාරුණාරාධ්යා සර්වකර්මප්රවර්තිනී ।
ඒකාක්ෂරපරාऽऽයුක්තා සර්වදාරිද්ර්යභංජිනී ॥ 80 ॥

පාශාංකුශාන්විතා දිව්යා වීණාව්යාඛ්යාක්ෂසූත්රභෘත් ।
ඒකමූර්තිස්ත්රයීමූර්තිර්මධුකෛටභභංජිනී ॥ 81 ॥

සාංඛ්යා සාංඛ්යවතී ජ්වාලා ජ්වලංතී කාමරූපිණී ।
ජාග්රතී සර්වසංපත්තිස්සුෂුප්තා ස්වේෂ්ටදායිනී ॥ 82 ॥

කපාලිනී මහාදංෂ්ට්රා භ්රුකුටී කුටිලානනා ।
සර්වාවාසා සුවාසා ච බෘහත්යෂ්ටිශ්ච ශක්වරී ॥ 83 ॥

ඡංදෝගණප්රතිෂ්ඨා ච කල්මාෂී කරුණාත්මිකා ।
චක්ෂුෂ්මතී මහාඝෝෂා ඛඩ්ගචර්මධරාऽශනිඃ ॥ 84 ॥

ශිල්පවෛචිත්ර්යවිද්යෝතා සර්වතෝභද්රවාසිනී ।
අචිංත්යලක්ෂණාකාරා සූත්රභාෂ්යනිබංධනා ॥ 85 ॥

සර්වවේදාර්ථසංපත්තිස්සර්වශාස්ත්රාර්ථමාතෘකා ।
අකාරාදික්ෂකාරාංතසර්වවර්ණකෘතස්ථලා ॥ 86 ॥

සර්වලක්ෂ්මීස්සදානංදා සාරවිද්යා සදාශිවා ।
සර්වජ්ඤා සර්වශක්තිශ්ච ඛේචරීරූපගෝච්ඡ්රිතා ॥ 87 ॥

අණිමාදිගුණෝපේතා පරා කාෂ්ඨා පරා ගතිඃ ।
හංසයුක්තවිමානස්ථා හංසාරූඪා ශශිප්රභා ॥ 88 ॥

භවානී වාසනාශක්තිරාකෘතිස්ථාඛිලාऽඛිලා ।
තංත්රහේතුර්විචිත්රාංගී ව්යෝමගංගාවිනෝදිනී ॥ 89 ॥

වර්ෂා ච වාර්ෂිකා චෛව ඍග්යජුස්සාමරූපිණී ।
මහානදීනදීපුණ්යාऽගණ්යපුණ්යගුණක්රියා ॥ 90 ॥

සමාධිගතලභ්යාර්ථා ශ්රෝතව්යා ස්වප්රියා ඝෘණා ।
නාමාක්ෂරපරා දේවී උපසර්ගනඛාංචිතා ॥ 91 ॥

නිපාතෝරුද්වයීජංඝා මාතෘකා මංත්රරූපිණී ।
ආසීනා ච ශයානා ච තිෂ්ඨංතී ධාවනාධිකා ॥ 92 ॥

ලක්ෂ්යලක්ෂණයෝගාඪ්යා තාද්රූප්යගණනාකෘතිඃ ।
සෛකරූපා නෛකරූපා සේංදුරූපා තදාකෘතිඃ ॥ 93 ॥

සමාසතද්ධිතාකාරා විභක්තිවචනාත්මිකා ।
ස්වාහාකාරා ස්වධාකාරා ශ්රීපත්යර්ධාංගනංදිනී ॥ 94 ॥

ගංභීරා ගහනා ගුහ්යා යෝනිලිංගාර්ධධාරිණී ।
ශේෂවාසුකිසංසේව්යා චපලා වරවර්ණිනී ॥ 95 ॥

කාරුණ්යාකාරසංපත්තිඃ කීලකෘන්මංත්රකීලිකා ।
ශක්තිබීජාත්මිකා සර්වමංත්රේෂ්ටාක්ෂයකාමනා ॥ 96 ॥

ආග්නේයී පාර්ථිවා ආප්යා වායව්යා ව්යෝමකේතනා ।
සත්යජ්ඤානාත්මිකාऽऽනංදා බ්රාහ්මී බ්රහ්ම සනාතනී ॥ 97 ॥

අවිද්යාවාසනා මායාප්රකෘතිස්සර්වමෝහිනී ।
ශක්තිර්ධාරණශක්තිශ්ච චිදචිච්ඡක්තියෝගිනී ॥ 98 ॥

වක්ත්රාරුණා මහාමායා මරීචිර්මදමර්දිනී ।
විරාට් ස්වාහා ස්වධා ශුද්ධා නීරූපාස්තිස්සුභක්තිගා ॥ 99 ॥

නිරූපිතාද්වයීවිද්යා නිත්යානිත්යස්වරූපිණී ।
වෛරාජමාර්ගසංචාරා සර්වසත්පථදර්ශිනී ॥ 100 ॥

ජාලංධරී මෘඩානී ච භවානී භවභංජනී ।
ත්රෛකාලිකජ්ඤානතංතුස්ත්රිකාලජ්ඤානදායිනී ॥ 101 ॥

නාදාතීතා ස්මෘතිඃ ප්රජ්ඤා ධාත්රීරූපා ත්රිපුෂ්කරා ।
පරාජිතාවිධානජ්ඤා විශේෂිතගුණාත්මිකා ॥ 102 ॥

හිරණ්යකේශිනී හේමබ්රහ්මසූත්රවිචක්ෂණා ।
අසංඛ්යේයපරාර්ධාංතස්වරව්යංජනවෛඛරී ॥ 103 ॥

මධුජිහ්වා මධුමතී මධුමාසෝදයා මධුඃ ।
මාධවී ච මහාභාගා මේඝගංභීරනිස්වනා ॥ 104 ॥

බ්රහ්මවිෂ්ණුමහේශාදිජ්ඤාතව්යාර්ථවිශේෂගා ।
නාභෞ වහ්නිශිඛාකාරා ලලාටේ චංද්රසන්නිභා ॥ 105 ॥

භ්රූමධ්යේ භාස්කරාකාරා සර්වතාරාකෘතිර්හෘදි ।
කෘත්තිකාදිභරණ්යංතනක්ෂත්රේෂ්ට්යාර්චිතෝදයා ॥ 106 ॥

ග්රහවිද්යාත්මිකා ජ්යෝතිර්ජ්යෝතිර්වින්මතිජීවිකා ।
බ්රහ්මාංඩගර්භිණී බාලා සප්තාවරණදේවතා ॥ 107 ॥

වෛරාජෝත්තමසාම්රාජ්යා කුමාරකුශලෝදයා ।
බගළා භ්රමරාංබා ච ශිවදූතී ශිවාත්මිකා ॥ 108 ॥

මේරුවිංධ්යාදිසංස්ථානා කාශ්මීරපුරවාසිනී ।
යෝගනිද්රා මහානිද්රා විනිද්රා රාක්ෂසාශ්රිතා ॥ 109 ॥

සුවර්ණදා මහාගංගා පංචාඛ්යා පංචසංහතිඃ ।
සුප්රජාතා සුවීරා ච සුපෝෂා සුපතිශ්ශිවා ॥ 110 ॥

සුගෘහා රක්තබීජාංතා හතකංදර්පජීවිකා ।
සමුද්රව්යෝමමධ්යස්ථා සමබිංදුසමාශ්රයා ॥ 111 ॥

සෞභාග්යරසජීවාතුස්සාරාසාරවිවේකදෘක් ।
ත්රිවල්යාදිසුපුෂ්ටාංගා භාරතී භරතාශ්රිතා ॥ 112 ॥

නාදබ්රහ්මමයීවිද්යා ජ්ඤානබ්රහ්මමයීපරා ।
බ්රහ්මනාඩී නිරුක්තිශ්ච බ්රහ්මකෛවල්යසාධනම් ॥ 113 ॥

කාලිකේයමහෝදාරවීර්යවික්රමරූපිණී ।
වඩවාග්නිශිඛාවක්ත්රා මහාකවලතර්පණා ॥ 114 ॥

මහාභූතා මහාදර්පා මහාසාරා මහාක්රතුඃ ।
පංජභූතමහාග්රාසා පංචභූතාධිදේවතා ॥ 115 ॥

සර්වප්රමාණා සංපත්තිස්සර්වරෝගප්රතික්රියා ।
බ්රහ්මාංඩාංතර්බහිර්ව්යාප්තා විෂ්ණුවක්ෂෝවිභූෂිණී ॥ 116 ॥

ශාංකරී විධිවක්ත්රස්ථා ප්රවරා වරහේතුකී ।
හේමමාලා ශිඛාමාලා ත්රිශිඛා පංචලෝචනා ॥ 117 ॥ [ පංචමෝචනා ]
සර්වාගමසදාචාරමර්යාදා යාතුභංජනී ।
පුණ්යශ්ලෝකප්රබංධාඪ්යා සර්වාංතර්යාමිරූපිණී ॥ 118 ॥

සාමගානසමාරාධ්යා ශ්රෝත්රකර්ණරසායනම් ।
ජීවලෝකෛකජීවාතුර්භද්රෝදාරවිලෝකනා ॥ 119 ॥

තටිත්කෝටිලසත්කාංතිස්තරුණී හරිසුංදරී ।
මීනනේත්රා ච සේංද්රාක්ෂී විශාලාක්ෂී සුමංගළා ॥ 120 ॥

සර්වමංගළසංපන්නා සාක්ෂාන්මංගළදේවතා ।
දේහහෘද්දීපිකා දීප්තිර්ජිහ්වපාපප්රණාශිනී ॥ 121 ॥

අර්ධචංද්රෝල්ලසද්දංෂ්ට්රා යජ්ඤවාටීවිලාසිනී ।
මහාදුර්ගා මහෝත්සාහා මහාදේවබලෝදයා ॥ 122 ॥

ඩාකිනීඩ්යා ශාකිනීඩ්යා සාකිනීඩ්යා සමස්තජුට් ।
නිරංකුශා නාකිවංද්යා ෂඩාධාරාධිදේවතා ॥ 123 ॥

භුවනජ්ඤානිනිශ්ශ්රේණී භුවනාකාරවල්ලරී ।
ශාශ්වතී ශාශ්වතාකාරා ලෝකානුග්රහකාරිණී ॥ 124 ॥

සාරසී මානසී හංසී හංසලෝකප්රදායිනී ।
චින්මුද්රාලංකෘතකරා කෝටිසූර්යසමප්රභා ॥ 125 ॥

සුඛප්රාණිශිරෝරේඛා සදදෘෂ්ටප්රදායිනී ।
සර්වසාංකර්යදෝෂඝ්නී ග්රහෝපද්රවනාශිනී ॥ 126 ॥

ක්ෂුද්රජංතුභයඝ්නී ච විෂරෝගාදිභංජනී ।
සදාශාංතා සදාශුද්ධා ගෘහච්ඡිද්රනිවාරිණී ॥ 127 ॥

කලිදෝෂප්රශමනී කෝලාහලපුරස්ථිතා ।
ගෞරී ලාක්ෂණිකී මුඛ්යා ජඝන්යාකෘතිවර්ජිතා ॥ 128 ॥

මායා විද්යා මූලභූතා වාසවී විෂ්ණුචේතනා ।
වාදිනී වසුරූපා ච වසුරත්නපරිච්ඡදා ॥ 129 ॥

ඡාංදසී චංද්රහෘදයා මංත්රස්වච්ඡංදභෛරවී ।
වනමාලා වෛජයංතී පංචදිව්යායුධාත්මිකා ॥ 130 ॥

පීතාංබරමයී චංචත්කෞස්තුභා හරිකාමිනී ।
නිත්යා තථ්යා රමා රාමා රමණී මෘත්යුභංජනී ॥ 131 ॥

ජ්යේෂ්ඨා කාෂ්ඨා ධනිෂ්ඨාංතා ශරාංගී නිර්ගුණප්රියා ।
මෛත්රේයා මිත්රවිංදා ච ශේෂ්යශේෂකලාශයා ॥ 132 ॥

වාරාණසීවාසලභ්යා චාර්යාවර්තජනස්තුතා । [ වාරාණසීවාසරතා ]
ජගදුත්පත්තිසංස්ථානසංහාරත්රයකාරණම් ॥ 133 ॥

ත්වමංබ විෂ්ණුසර්වස්වං නමස්තේऽස්තු මහේශ්වරි ।
නමස්තේ සර්වලෝකානාං ජනන්යෛ පුණ්යමූර්තයේ ॥ 134 ॥

සිද්ධලක්ෂ්මීර්මහාකාළි මහලක්ෂ්මි නමෝऽස්තු තේ ।
සද්යෝජාතාදිපංචාග්නිරූපා පංචකපංචකම් ॥ 135 ॥

යංත්රලක්ෂ්මීර්භවත්යාදිරාද්යාද්යේ තේ නමෝ නමඃ ।
සෘෂ්ට්යාදිකාරණාකාරවිතතේ දෝෂවර්ජිතේ ॥ 136 ॥

ජගල්ලක්ෂ්මීර්ජගන්මාතර්විෂ්ණුපත්නි නමෝऽස්තු තේ ।
නවකෝටිමහාශක්තිසමුපාස්යපදාංබුජේ ॥ 137 ॥

කනත්සෞවර්ණරත්නාඪ්ය සර්වාභරණභූෂිතේ ।
අනංතානිත්යමහිෂීප්රපංචේශ්වරනායකි ॥ 138 ॥

අත්යුච්ඡ්රිතපදාංතස්ථේ පරමව්යෝමනායකි ।
නාකපෘෂ්ඨගතාරාධ්යේ විෂ්ණුලෝකවිලාසිනි ॥ 139 ॥

වෛකුංඨරාජමහිෂි ශ්රීරංගනගරාශ්රිතේ ।
රංගනායකි භූපුත්රි කෘෂ්ණේ වරදවල්ලභේ ॥ 140 ॥

කෝටිබ්රහ්මාදිසංසේව්යේ කෝටිරුද්රාදිකීර්තිතේ ।
මාතුලුංගමයං ඛේටං සෞවර්ණචෂකං තථා ॥ 141 ॥

පද්මද්වයං පූර්ණකුංභං කීරංච වරදාභයේ ।
පාශමංකුශකං ශංඛං චක්රං ශූලං කෘපාණිකාම් ॥ 142 ॥

ධනුර්බාණෞ චාක්ෂමාලාං චින්මුද්රාමපි බිභ්රතී ।
අෂ්ටාදශභුජේ ලක්ෂ්මීර්මහාෂ්ටාදශපීඨගේ ॥ 143 ॥

භූමිනීලාදිසංසේව්යේ ස්වාමිචිත්තානුවර්තිනි ।
පද්මේ පද්මාලයේ පද්මි පූර්ණකුංභාභිෂේචිතේ ॥ 144 ॥

ඉංදිරේංදිංදිරාභාක්ෂි ක්ෂීරසාගරකන්යකේ ।
භාර්ගවි ත්වං ස්වතංත්රේච්ඡා වශීකෘතජගත්පතිඃ ॥ 145 ॥

මංගළං මංගළානාං ත්වං දේවතානාං ච දේවතා ।
ත්වමුත්තමෝත්තමානාං ච ත්වං ශ්රේයඃ පරමාමෘතම් ॥ 146 ॥

ධනධාන්යාභිවෘද්ධිශ්ච සාර්වභෞමසුඛෝච්ඡ්රයා ।
ආංදෝළිකාදිසෞභාග්යං මත්තේභාදිමහෝදයඃ ॥ 147 ॥

පුත්රපෞත්රාභිවෘද්ධිශ්ච විද්යාභෝගබලාදිකම් ।
ආයුරාරෝග්යසංපත්තිරෂ්ටෛශ්වර්යං ත්වමේව හි ॥ 148 ॥

පරමේශවිභූතිශ්ච සූක්ෂ්මාත්සූක්ෂ්මතරාගතිඃ ।
සදයාපාංගසංදත්තබ්රහ්මේංද්රාදිපදස්ථිතිඃ ॥ 149 ॥

අව්යාහතමහාභාග්යං ත්වමේවාක්ෂෝභ්යවික්රමඃ ।
සමන්වයශ්ච වේදානාමවිරෝධස්ත්වමේව හි ॥ 150 ॥

නිඃශ්රේයසපදප්රාප්තිසාධනං ඵලමේව ච ।
ශ්රීමංත්රරාජරාජ්ඤී ච ශ්රීවිද්යා ක්ෂේමකාරිණී ॥ 151 ॥

ශ්රීංබීජජපසංතුෂ්ටා ඓං හ්රීං ශ්රීං බීජපාලිකා ।
ප්රපත්තිමාර්ගසුලභා විෂ්ණුප්රථමකිංකරී ॥ 152 ॥

ක්ලීංකාරාර්ථසවිත්රී ච සෞමංගළ්යාධිදේවතා ।
ශ්රීෂෝඩශාක්ෂරීවිද්යා ශ්රීයංත්රපුරවාසිනී ॥ 153 ॥

සර්වමංගළමාංගළ්යේ ශිවේ සර්වාර්ථසාධිකේ ।
ශරණ්යේ ත්ර්යංබකේ ගෞරී නාරායණි නමෝऽස්තු තේ ॥ 154 ॥

පුනඃ පුනර්නමස්තේऽස්තු සාෂ්ටාංගමයුතං පුනඃ ।
සනත්කුමාර උවාච-
ඒවං ස්තුතා මහාලක්ෂ්මීර්බ්රහ්මරුද්රාදිභිස්සුරෛඃ ।
නමද්භිරාර්තෛර්දීනෛශ්ච නිස්ස්වත්වෛර්භෝගවර්ජිතෛඃ ॥ 1 ॥

ජ්යේෂ්ඨා ජුෂ්ටෛශ්ච නිශ්ශ්රීකෛස්සංසාරාත්ස්වපරායණෛඃ ।
විෂ්ණුපත්නී දදෞ තේෂාං දර්ශනං දෘෂ්ටිතර්පණම් ॥ 2 ॥

ශරත්පූර්ණේංදුකෝට්යාභධවළාපාංගවීක්ෂණෛඃ ।
සර්වාන්සත්ත්වසමාවිෂ්ටාන් චක්රේ හෘෂ්ටා වරං දදෞ ॥ 3 ॥

මහාලක්ෂ්මීරුවාච-
නාම්නාං සාෂ්ටසහස්රං මේ ප්රමාදාද්වාපි යස්සකෘත් ।
කීර්තයේත්තත්කුලේ සත්යං වසාම්යාචංද්රතාරකම් ॥ 4 ॥

කිං පුනර්නියමාජ්ජප්තුර්මදේකශරණස්ය ච ।
මාතෘවත්සානුකංපාහං පෝෂකී ස්යාමහර්නිශම් ॥ 5 ॥

මන්නාම ස්තවතාං ලෝකේ දුර්ලභං නාස්ති චිංතිතම් ।
මත්ප්රසාදේන සර්වේऽපි ස්වස්වේෂ්ටාර්ථමවාප්ස්යථ ॥ 6 ॥

ලුප්තවෛෂ්ණවධර්මස්ය මද්ව්රතේෂ්වවකීර්ණිනඃ ।
භක්තිප්රපත්තිහීනස්ය වංද්යෝ නාම්නාං ස්තවෝऽපි මේ ॥ 7 ॥

තස්මාදවශ්යං තෛර්දෝෂෛර්විහීනඃ පාපවර්ජිතඃ ।
ජපේත්සාෂ්ටසහස්රං මේ නාම්නාං ප්රත්යහමාදරාත් ॥ 8 ॥

සාක්ෂාදලක්ෂ්මීපුත්රෝऽපි දුර්භාග්යෝऽප්යලසෝऽපි වා ।
අප්රයත්නෝऽපි මූඪෝऽපි විකලඃ පතිතෝऽපි ච ॥ 9 ॥

අවශ්යං ප්රාප්නුයාද්භාග්යං මත්ප්රසාදේන කේවලම් ।
ස්පෘහේයමචිරාද්දේවා වරදානාය ජාපිනඃ ।
දදාමි සර්වමිෂ්ටාර්ථං ලක්ෂ්මීති ස්මරතාං ධ්රුවම් ॥ 10 ॥

සනත්කුමාර උවාච-
ඉත්යුක්ත්වාऽංතර්දධේ ලක්ෂ්මීර්වෛෂ්ණවී භගවත්කලා ।
ඉෂ්ටාපූර්තං ච සුකෘතං භාගධේයං ච චිංතිතම් ॥ 11 ॥

ස්වං ස්වං ස්ථානං ච භෝගං ච විජයං ලේභිරේ සුරාඃ ।
තදේතත් ප්රවදාම්යද්ය ලක්ෂ්මීනාමසහස්රකම් ।
යෝගිනඃ පඨත ක්ෂිප්රං චිංතිතාර්ථානවාප්ස්යථ ॥ 12 ॥

ගාර්ග්ය උවාච-
සනත්කුමාරෝයෝගීංද්ර ඉත්යුක්ත්වා ස දයානිධිඃ ।
අනුගෘහ්ය යයෞ ක්ෂිප්රං තාංශ්ච ද්වාදශයෝගිනඃ ॥ 13 ॥

තස්මාදේතද්රහස්යං ච ගෝප්යං ජප්යං ප්රයත්නතඃ ।
අෂ්ටම්යාං ච චතුර්දශ්යාං නවම්යාං භෘගුවාසරේ ॥ 14 ॥

පෞර්ණමාස්යාමමායාං ච පර්වකාලේ විශේෂතඃ ।
ජපේද්වා නිත්යකාර්යේෂු සර්වාන්කාමානවාප්නුයාත් ॥ 15 ॥

ඉති ශ්රීස්කංදපුරාණේ සනත්කුමාරසංහිතායාං ලක්ෂ්මීසහස්රනාමස්තෝත්රං සංපූර්ණම් ॥