ලක්ෂ්මී නිත්ය පූජා විධානම්

ආවශ්යකානි වස්තූනි
– ආසනං
– දීපඃ
– ගංධඃ
– කුංකුමං
– අක්ෂතාඃ
– පුෂ්පාණි
– ධූපඃ
– නෛවේද්යං
– තාංබූලං
– ආචමනීයං
– පූජා පාත්රං
– කලශඃ
– ශංඛඃ [optional]
– ලක්ෂ්මී දේවී ප්රතිමා වා චිත්රපටඃ වා

පූර්වාංග පූජා
ශ්රීමහාගණාධිපතයේ නමඃ ।
ශ්රී ගුරුභ්යෝ නමඃ ।
හරිඃ ඕම් ।

ශුචිඃ
අපවිත්රඃ පවිත්රෝ වා සර්වාවස්ථාං ගතෝऽපි වා ।
යඃ ස්මරේත් පුංඩරීකාක්ෂං ස බාහ්යාභ්යංතරඃ ශුචිඃ ॥
පුංඩරීකාක්ෂ පුංඩරීකාක්ෂ පුංඩරීකාක්ෂාය නමඃ ॥

ප්රාර්ථනා
ශුක්ලාංබරධරං විෂ්ණුං ශශිවර්ණං චතුර්භුජම් ।
ප්රසන්නවදනං ධ්යායේත් සර්වවිඝ්නෝපශාංතයේ ॥

අගජානන පද්මාර්කං ගජානනමහර්නිශම් ।
අනේකදං තං භක්තානාං ඒකදංතමුපාස්මහේ ॥

තදේව ලග්නං සුදිනං තදේව
තාරාබලං චංද්රබලං තදේව ।
විද්යාබලං දෛවබලං තදේව
ලක්ෂ්මීපතේ තේऽංඝ්රියුගං ස්මරාමි ॥

ගුරුර්බ්රහ්මා ගුරුර්විෂ්ණුඃ ගුරුර්දේවෝ මහේශ්වරඃ ।
ගුරුඃ සාක්ෂාත් පරබ්රහ්ම තස්මෛ ශ්රීගුරවේ නමඃ ॥

සර්වමංගළ මාංගළ්යේ ශිවේ සර්වාර්ථසාධිකේ ।
ශරණ්යේ ත්ර්යංබකේ ගෞරී නාරායණි නමෝऽස්තු තේ ॥

ශ්රීලක්ෂ්මීනාරායණාභ්යාං නමඃ ।
උමාමහේශ්වරාභ්යාං නමඃ ।
වාණීහිරණ්යගර්භාභ්යාං නමඃ ।
ශචීපුරංදරාභ්යාං නමඃ ।
අරුංධතීවසිෂ්ඨාභ්යාං නමඃ ।
ශ්රීසීතාරාමාභ්යාං නමඃ ।
මාතාපිතෘභ්යෝ නමඃ ।
සර්වේභ්යෝ මහාජනේභ්යෝ නමඃ ।

ආචමනං
ඕං කේශවාය ස්වාහා ।
ඕං නාරායණාය ස්වාහා ।
ඕං මාධවාය ස්වාහා ।
ඕං ගෝවිංදාය නමඃ ।
ඕං විෂ්ණවේ නමඃ ।
ඕං මධුසූදනාය නමඃ ।
ඕං ත්රිවික්රමාය නමඃ ।
ඕං වාමනාය නමඃ ।
ඕං ශ්රීධරාය නමඃ ।
ඕං හෘෂීකේශාය නමඃ ।
ඕං පද්මනාභාය නමඃ ।
ඕං දාමෝදරාය නමඃ ।
ඕං සංකර්ෂණාය නමඃ ।
ඕං වාසුදේවාය නමඃ ।
ඕං ප්රද්යුම්නාය නමඃ ।
ඕං අනිරුද්ධාය නමඃ ।
ඕං පුරුෂෝත්තමාය නමඃ ।
ඕං අධෝක්ෂජාය නමඃ ।
ඕං නාරසිංහාය නමඃ ।
ඕං අච්යුතාය නමඃ ।
ඕං ජනාර්දනාය නමඃ ।
ඕං උපේංද්රාය නමඃ ।
ඕං හරයේ නමඃ ।
ඕං ශ්රීකෘෂ්ණාය නමඃ ।

දීපාරාධනම්
දීපස්ත්වං බ්රහ්මරූපෝऽසි ජ්යෝතිෂාං ප්රභුරව්යයඃ ।
සෞභාග්යං දේහි පුත්රාංශ්ච සර්වාන්කාමාංශ්ච දේහි මේ ॥
භෝ දීප දේවි රූපස්ත්වං කර්මසාක්ෂී හ්යවිඝ්නකෘත් ।
යාවත්පූජාං කරිෂ්යාමි තාවත්ත්වං සුස්ථිරෝ භව ॥
දීපාරාධන මුහූර්තඃ සුමුහූර්තෝऽස්තු ॥

භූතෝච්චාටනම්
උත්තිෂ්ඨංතු භූතපිශාචාඃ ය ඒතේ භූමිභාරකාඃ ।
ඒතේෂාමවිරෝධේන බ්රහ්මකර්ම සමාරභේ ॥
අපසර්පංතු තේ භූතා යේ භූතා භූමිසංස්ථිතාඃ ।
යේ භූතා විඝ්නකර්තාරස්තේ ගච්ඡංතු ශිවාऽජ්ඤයා ॥

ප්රාණායාමඃ

ඕං භූඃ । ඕං භුවඃ॑ । ඕග්​ම් සුවඃ॑ । ඕං මහඃ॑ । ඕං ජනඃ॑ । ඕං තපඃ॑ । ඕග්​ම් සත්යම් ।
ඕං තත්ස॑වි॒තුර්වරේ᳚ණ්යං॒ භර්ගෝ॑ දේ॒වස්ය॑ ධීමහි ।
ධියෝ॒ යෝ නඃ॑ ප්රචෝ॒දයා᳚ත් ॥
ඕමාපෝ॒ ජ්යෝතී॒ රසෝ॒ऽමෘතං॒ බ්රහ්ම॒ භූර්භුව॒ස්සුව॒රෝම් ॥

සංකල්පඃ
මම උපාත්ත සමස්ත දුරිතක්ෂය ද්වාරා ශ්රීපරමේශ්වර ප්රීත්යර්ථං, මම/අස්මාකං සහකුටුංබස්ය ක්ෂේම-ස්ථෛර්ය-ධෛර්ය-වීර්ය-විජය-අභය-ආයුඃ-ආරෝග්ය-ඓශ්වර්ය-අභිවෘද්ධ්යර්ථං, ධර්මාර්ථ-කාම-මෝක්ෂ-චතුර්විධ-පුරුෂාර්ථ-ඵල-සිද්ධ්යර්ථං, සර්වාභීෂ්ට-සිද්ධ්යර්ථං, ශ්රීමහාලක්ෂ්මී-ප්රීත්යර්ථං, යාවච්ඡක්ති ධ්යාන-ආවාහනාදි-ෂෝඩශෝපචාර-පූජාං කරිෂ්යේ ॥

තදංග කලශාරාධනං කරිෂ්යේ ॥

කලශාරාධනම්
කලශේ ගංධ පුෂ්පාක්ෂතෛරභ්යර්ච්ය ।
කලශේ උදකං පූරයිත්වා ।
කලශස්යෝපරි හස්තං නිධාය ।

කලශස්ය මුඛේ විෂ්ණුඃ කංඨේ රුද්රඃ සමාශ්රිතඃ ।
මූලේ ත්වස්ය ස්ථිතෝ බ්රහ්මා මධ්යේ මාතෘගණාඃ ස්මෘතාඃ ॥
කුක්ෂෞ තු සාගරාඃ සර්වේ සප්තද්වීපා වසුංධරා ।
ඍග්වේදෝऽථ යජුර්වේදෝ සාමවේදෝ හ්යථර්වණඃ ॥
අංගෛශ්ච සහිතාඃ සර්වේ කලශාංබු සමාශ්රිතාඃ ॥

ගංගේ ච යමුනේ චෛව ගෝදාවරී සරස්වතී ।
නර්මදේ සිංධු කාවේරී ජලේऽස්මින් සන්නිධිං කුරු ॥
කාවේරී තුංගභද්රා ච කෘෂ්ණවේණී ච ගෞතමී ।
භාගීරථීති විඛ්යාතාඃ පංචගංගාඃ ප්රකීර්තිතාඃ ॥

ආයාංතු දේවපූජාර්ථං මම දුරිතක්ෂයකාරකාඃ ।
කලශෝදකේන පූජා ද්රව්යාණි සංප්රෝක්ෂ්ය, දේවං සංප්රෝක්ෂ්ය, ආත්මානං ච සංප්රෝක්ෂ්ය ॥

ශංඛපූජා
ශංඛං චංද්රාර්ක දෛවතං මධ්යේ වරුණ දේවතාම් ।
පෘෂ්ඨේ ප්රජාපතිං විංද්යාදග්රේ ගංගා සරස්වතීම් ॥
ත්රෛලෝක්යේ යානි තීර්ථානි වාසුදේවස්ය ආජ්ඤයා ।
ශංඛේ තිෂ්ඨංතු විප්රේංද්රාඃ තස්මාත් ශංඛං ප්රපූජයේත් ॥

ඕං ශංඛාය නමඃ ।
ඕං ධවළාය නමඃ ।
ඕං පාංචජන්යාය නමඃ ।
ඕං ශංඛදේවතාභ්යෝ නමඃ ।
සකලපූජාර්ථේ අක්ෂතාන් සමර්පයාමි ॥

ඝංටානාදඃ
ආගමාර්ථං තු දේවානාං ගමනාර්ථං තු රාක්ෂසාම් ।
ඝංටාරවං කරෝම්යාදෞ දේවතාහ්වාන ලාංඡනම් ॥
ඕං ඝංටාදේවතාභ්යෝ නමඃ ।
සකලෝපචාර පූජාර්ථේ අක්ෂතාන් සමර්පයාමි ॥

ශ්රී මහාගණපති පූජා

ඕං ග॒ණානාං᳚ ත්වා ග॒ණප॑තිග්​ම් හවාමහේ ක॒විං ක॑වී॒නාං උප॒මශ්ර॑වස්තවම් ।
ජ්යේ॒ෂ්ඨ॒රාජං॒ බ්රහ්ම॑ණාං බ්රහ්මණස්පත॒ ආ නඃ॑ ශෘ॒ණ්වන්නූ॒තිභි॑ස්සීද॒ සාද॑නම් ॥

සුමුඛශ්චෛකදංතශ්ච කපිලෝ ගජකර්ණකඃ ।
ලංබෝදරශ්ච විකටෝ විඝ්නරාජෝ ගණාධිපඃ ॥
ධූමකේතුර්ගණාධ්යක්ෂඃ ඵාලචංද්රෝ ගජානනඃ ।
වක්රතුංඩඃ ශූර්පකර්ණෝ හේරංබඃ ස්කංදපූර්වජඃ ॥

ඕං ශ්රීමහාගණපතයේ නමඃ ।
ධ්යායාමි । ආවාහයාමි । ආසනං සමර්පයාමි ।
පාද්යං සමර්පයාමි । අර්ඝ්යං සමර්පයාමි । ආචමනීයං සමර්පයාමි ।
ස්නානං සමර්පයාමි । වස්ත්රං සමර්පයාමි । යජ්ඤෝපවීතං සමර්පයාමි ।
ගංධං සමර්පයාමි । පුෂ්පාණි සමර්පයාමි ।
ධූපමාඝ්රාපයාමි । දීපං දර්ශයාමි ।
නෛවේද්යං සමර්පයාමි । තාංබූලං සමර්පයාමි ।
නීරාජනං සමර්පයාමි । මංත්රපුෂ්පං සමර්පයාමි ।
ප්රදක්ෂිණ නමස්කාරාන් සමර්පයාමි ॥

ෂෝඩශෝපචාර පූජා
ලක්ෂ්මී දේවී ධ්යානම්
යා සා පද්මාසනස්ථා විපුලකටිතටී පද්මපත්රායතාක්ෂී ।
ගංභීරාවර්තනාභිඃ ස්තනභර නමිතා ශුභ්ර වස්ත්රෝත්තරීයා ॥
ලක්ෂ්මීර්දිව්යෛර්ගජේංද්රෛර්මණිගණ ඛචිතෛඃ ස්නාපිතා හේමකුංභෛඃ ।
නිත්යං සා පද්මහස්තා මම වසතු ගෘහේ සර්වමාංගල්යයුක්තා ॥

ලක්ෂ්මීං ක්ෂීරසමුද්රරාජතනයාං ශ්රීරංගධාමේශ්වරීම් ।
දාසීභූතසමස්තදේව වනිතාං ලෝකෛක දීපාංකුරාම් ॥
ශ්රීමන්මංදකටාක්ෂලබ්ධ විභව බ්රහ්මේංද්රගංගාධරාම් ।
ත්වාං ත්රෛලෝක්ය කුටුංබිනීං සරසිජාං වංදේ මුකුංදප්රියාම් ॥

ඕම් ॥ හිර॑ණ්යවර්ණාං॒ හරි॑ණීං සු॒වර්ණ॑රජ॒තස්ර॑ජාම් ।
චං॒ද්රාං හි॒රණ්ම॑යීං-ලඁ॒ක්ෂ්මීං ජාත॑වේදෝ ම॒මාව॑හ ॥

ඕං ශ්රීමහාලක්ෂ්ම්යෛ නමඃ ।
ධ්යායාමි । ධ්යානං සමර්පයාමි ॥

ආවාහනම්

තාං ම॒ ආව॑හ॒ ජාත॑වේදෝ ල॒ක්ෂ්මීමන॑පගා॒මිනී᳚ම් ।
යස්යාං॒ හිර॑ණ්යං-විඁං॒දේයං॒ ගාමශ්වං॒ පුරු॑ෂාන॒හම් ॥

සහස්රදලපද්මස්ථාං ස්වස්ථාං ච සුමනෝහරාම් ।
ශාංතාං ච ශ්රීහරේඃ කාංතාං තාං භජේ ජගතාං ප්රසූම් ॥
ඕං ශ්රීමහාලක්ෂ්ම්යෛ නමඃ ।
ආවාහයාමි । ස්ථාපයාමි । පූජයාමි ॥

ආසනම්
අමූල්යරත්නඛචිතං නිර්මිතං විශ්වකර්මණා ।
ආසනං ච විචිත්රං ච මහාලක්ෂ්මි ප්රගෘහ්යතාම් ॥
ඕං ශ්රීමහාලක්ෂ්ම්යෛ නමඃ ।
ආසනං සමර්පයාමි ॥

පාද්යම්
අශ්වපූර්වාං රථමධ්යාං හස්තිනාද ප්රබෝධිනීම් ।
ශ්රියං දේවීමුපහ්වයේ ශ්රීර්මා දේවීර්ජුෂතාම් ॥
පුෂ්පචංදනදූර්වාදි සංයුතං ජාහ්නවීජලම් ।
ශංඛගර්භස්ථිතං ශුද්ධං ගෘහ්යතාං පද්මවාසිනි ॥
ඕං ශ්රීමහාලක්ෂ්ම්යෛ නමඃ ।
පාදයෝඃ පාද්යං සමර්පයාමි ॥

අර්ඝ්යම්
ගංධ පුෂ්පාක්ෂතෛර්යුක්තං අර්ඝ්යං සංපාදිතං මයා ।
ගෘහාණ ත්වං මහාලක්ෂ්මි ප්රසන්නා භව සර්වදා ॥
ඕං ශ්රීමහාලක්ෂ්ම්යෛ නමඃ ।
හස්තයෝඃ අර්ඝ්යං සමර්පයාමි ॥

ආචමනීයම්
පුණ්යතීර්ථෝදකං චෛව විශුද්ධං ශුද්ධිදං සදා ।
ගෘහ්යතාං කෘෂ්ණකාංතේ ත්වං රම්යමාචමනීයකම් ॥
ඕං ශ්රීමහාලක්ෂ්ම්යෛ නමඃ ।
මුඛේ ආචමනීයං සමර්පයාමි ॥

ස්නානම්

ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන ।
ම॒හේ රණා॑ය॒ චක්ෂ॑සේ ॥
යෝ වඃ॑ ශි॒වත॑මෝ රස॒ස්තස්ය॑ භාජයතේ॒හ නඃ॑ ।
උ॒ශ॒තීරි॑ව මා॒ත॑රඃ ॥
තස්මා॒ අරං॑ ගමාම වෝ॒ යස්ය॒ ක්ෂයා॑ය॒ ජින්ව॑ථ ।
ආපෝ॑ ජ॒නය॑ථා ච නඃ ॥

ඕං ශ්රීමහාලක්ෂ්ම්යෛ නමඃ ।
ශුද්ධෝදක ස්නානං සමර්පයාමි ॥
ස්නානානංතරං ආචමනීයං සමර්පයාමි ॥

වස්ත්රම්

උපෛ॑තු॒ මාං දේ॑වස॒ඛඃ කී॒ර්තිශ්ච॒ මණි॑නා ස॒හ ।
ප්රා॒දු॒ර්භූ॒තෝऽස්මි॑ රාෂ්ට්රේ॒ऽස්මින් කී॒ර්ති॒මෘ॑ද්ධිං ද॒දාතු॑ මේ ॥

දේහසෞම්දර්යබීජං ච සදා ශෝභා විවර්ධනම් ।
කාර්පාසජං ච කෘමිජං වසනං දේවි ගෘහ්යතාම් ॥
ඕං ශ්රීමහාලක්ෂ්ම්යෛ නමඃ ।
වස්ත්රං සමර්පයාමි ॥

යජ්ඤෝපවීතම්
යජ්ඤෝපවීතං පරමං පවිත්රං ප්රජාපතේර්යත්සහජං පුරස්තාත් ।
ආයුෂ්යමග්ර්යං ප්රතිමුංච ශුභ්රං යජ්ඤෝපවීතං බලමස්තු තේජඃ ॥
ඕං ශ්රීමහාලක්ෂ්ම්යෛ නමඃ ।
යජ්ඤෝපවීතං සමර්පයාමි ॥

ගංධම්

ගං॒ධ॒ද්වා॒රාං දු॑රාධ॒ර්​ෂාං॒ නි॒ත්යපු॑ෂ්ටාං කරී॒ෂිණී᳚ම් ।
ඊ॒ශ්වරීග්​ම්॑ සර්ව॑භූතා॒නාං॒ තාමි॒හෝප॑හ්වයේ॒ ශ්රියම් ॥

මලයාචලසංභූතං වෘක්ෂසාරං මනෝහරම් ।
සුගංධියුක්තං සුඛදං චංදනං දේවි ගෘහ්යතාම් ॥
ඕං ශ්රීමහාලක්ෂ්ම්යෛ නමඃ ।
ගංධං සමර්පයාමි ॥

අර්චන
අක්ෂතාන් ධවළාන් දිව්යාන් පුෂ්පාණි ච සුගංධීනි ।
භක්ත්යා දත්තානි ගෘහ්යංතාං සර්වදේවාඃ ප්රසීදත ॥

අංග පූජා
ඕං චපලායෛ නමඃ – පාදෞ පූජයාමි ।
ඕං චංචලායෛ නමඃ – ජානුනී පූජයාමි ।
ඕං කමලායෛ නමඃ – කටිං පූජයාමි ।
ඕං කාත්යායන්යෛ නමඃ – නාභිං පූජයාමි ।
ඕං ජගන්මාත්රේ නමඃ – ජඨරං පූජයාමි ।
ඕං විශ්වවල්ලභායෛ නමඃ – වක්ෂඃස්ථලං පූජයාමි ।
ඕං කමලවාසින්යෛ නමඃ – නේත්රත්රයං පූජයාමි ।
ඕං ශ්රියෛ නමඃ – ශිරඃ පූජයාමි ।
ඕං මහාලක්ෂ්ම්යෛ නමඃ – සර්වාණ්යංගානි පූජයාමි ॥

[Recite the SrI mahAlakShmI aShTOttara Sata nAmAvaLI, or at least a few known names of Lakshmi. Offer flowers or akshatas with each name.]

අථවා ලක්ෂ්මී නාමාවළී පඨනම් ॥

ඕං ශ්රීමහාලක්ෂ්ම්යෛ නමඃ ।
අෂ්ටෝත්තර ශත නාමාවළී පූජාං සමර්පයාමි ।
අක්ෂතාන් පුෂ්පාණි ච සමර්පයාමි ॥

ධූපම්

ආපඃ॑ සෘ॒ජංතු॑ ස්නි॒ග්ධා॒නි॒ චි॒ක්ලී॒ත ව॑ස මේ॒ ගෘහේ ।
නි ච॑ දේ॒වීං මා॒තරං॒ ශ්රියං॑-වාඁ॒සය॑ මේ කු॒ලේ ॥

වෘක්ෂනිර්යාසරූපං ච ගංධද්රව්යාදි සංයුතම් ।
කෘෂ්ණකාංතේ පවිත්රෝ වෛ ධූපෝऽයං ප්රතිගෘහ්යතාම් ॥
ඕං ශ්රීමහාලක්ෂ්ම්යෛ නමඃ ।
ධූපමාඝ්රාපයාමි ॥

දීපම්

ආ॒ර්ද්රාං පු॒ෂ්කරි॑ණීං පු॒ෂ්ටිං॒ පිං॒ග॒ළාං ප॑ද්මමා॒ලිනීම් ।
චං॒ද්රාං හි॒රණ්ම॑යීං-ලඁ॒ක්ෂ්මීං ජාත॑වේදෝ ම॒මාව॑හ ॥

ජගච්චක්ෂුඃ ස්වරූපං ච ධ්වාංත ප්රධ්වංසකාරණම් ।
ප්රදීපං ශුද්ධරූපං ච ගෘහ්යතාං පරමේශ්වරි ॥
ඕං ශ්රීමහාලක්ෂ්ම්යෛ නමඃ ।
දීපං දර්ශයාමි ॥

නෛවේද්යම්
නෛවේද්යං ගෘහ්යතාං දේවි භක්ත්යා සංපාදිතං මයා ।
ඉදං ඵලං ච පානීයං සර්වෝපචාර සංයුතම් ॥

ඕං භූර්භුව॒ස්සුවඃ॒ । තත්ස॑වි॒තුර්වරේ᳚ණ්යං॒ භර්ගෝ॑ දේ॒වස්ය॑ ධීමහි ।
ධි॒යෝ යෝ නඃ॑ ප්රචෝ॒දයා᳚ත් ॥

සත්යං ත්වා ඍතේන පරිෂිංචාමි ।
අමෘතමස්තු । අමෘතෝපස්තරණමසි ।
ඕං ප්රාණාය ස්වාහා । ඕං අපානාය ස්වාහා । ඕං ව්යානාය ස්වාහා ।
ඕං උදානාය ස්වාහා । ඕං සමානාය ස්වාහා ।
මධ්යේ මධ්යේ පානීයං සමර්පයාමි ।
අමෘතාපිධානමසි ।
උත්තරාපෝශනං සමර්පයාමි ।
හස්තෞ ප්රක්ෂාළයාමි । පාදෞ ප්රක්ෂාළයාමි ।
ශුද්ධාචමනීයං සමර්පයාමි ॥

ඕං ශ්රීමහාලක්ෂ්ම්යෛ නමඃ ।
නෛවේද්යං සමර්පයාමි ॥

තාංබූලම්
තාංබූලං ච වරං රම්යං කර්පූරාදි සුවාසිතම් ।
ජිහ්වාජාඩ්යච්ඡේදකරං තාංබූලං දේවි ගෘහ්යතාම් ॥
ඕං ශ්රීමහාලක්ෂ්ම්යෛ නමඃ ।
තාංබූලං සමර්පයාමි ॥

නීරාජනම්
චක්ෂුර්දං සර්වලෝකානාං තිමිරස්ය නිවාරණම් ।
ආර්තික්යං කල්පිතං භක්ත්යා ගෘහාණ පරමේශ්වරි ॥
සංතත ශ්රීරස්තු සමස්ත මංගළානි භවංතු ।
නිත්ය ශ්රීරස්තු නිත්යමංගළානි භවංතු ॥
ඕං ශ්රීමහාලක්ෂ්ම්යෛ නමඃ ।
නීරාජනං සමර්පයාමි ॥

මංත්රපුෂ්පම්

ඕං ම॒හා॒දේ॒ව්යෛ ච॑ වි॒ද්මහේ॑ විෂ්ණුප॒ත්නී ච॑ ධීමහි ।
තන්නෝ॑ ලක්ෂ්මීඃ ප්රචෝ॒දයා᳚ත් ॥

සද්භාවපුෂ්පාණ්යාදාය සහජ ප්රේමරූපිණේ ।
ලෝකමාත්රේ දදාම්යද්ය ප්රීත්යා සංගෘහ්යතාං සදා ॥
ඕං ශ්රීමහාලක්ෂ්ම්යෛ නමඃ ।
මංත්රපුෂ්පං සමර්පයාමි ॥

ප්රදක්ෂිණම්
යානි කානි ච පාපානි ජන්මාංතර කෘතානි ච ।
තානි තානි ප්රණශ්යංති ප්රදක්ෂිණ පදේ පදේ ॥
පාපෝऽහං පාපකර්මාऽහං පාපාත්මා පාපසංභව ।
ත්රාහි මාං කෘපයා දේවි ශරණාගතවත්සලේ ॥
අන්යථා ශරණං නාස්ති ත්වමේව ශරණං මම ।
තස්මාත්කාරුණ්ය භාවේන රක්ෂ මාං පරමේශ්වරි ॥
ඕං ශ්රීමහාලක්ෂ්ම්යෛ නමඃ ।
ප්රදක්ෂිණ නමස්කාරාන් සමර්පයාමි ॥

නමස්කාරඃ
උරසා ශිරසා දෘෂ්ට්යා මනසා වචසා තථා ।
පද්භ්යාං කරාභ්යාං කර්ණාභ්යාං ප්රණාමෝऽෂ්ටාංග උච්යතේ ॥
ඕං ශ්රීමහාලක්ෂ්ම්යෛ නමඃ ।
නමස්කාරාන් සමර්පයාමි ॥

සර්වෝපචාරාඃ
ඕං ශ්රීමහාලක්ෂ්ම්යෛ නමඃ ।
ඡත්රං සමර්පයාමි ।
චාමරං සමර්පයාමි ।
ගීතං ශ්රාවයාමි ।
නෘත්යං දර්ශයාමි ।
සමස්ත රාජෝපචාරාන් දේවෝපචාරාන් සමර්පයාමි ॥

ස්තෝත්ර/සූක්ත පඨනම්

ක්ෂමාප්රාර්ථනා
අපරාධසහස්රාණි ක්රියංතේऽහර්නිශං මයා ।
දාසෝऽයමිති මාං මත්වා ක්ෂමස්ව පරමේශ්වරි ॥
මංත්රහීනං ක්රියාහීනං භක්තිහීනං මහාලක්ෂ්මි ।
යත්පූජිතං මයා දේවි පරිපූර්ණං තදස්තු තේ ॥

කායේන වාචා මනසේංද්රියෛර්වා
බුද්ධ්යාත්මනා වා ප්රකෘතේඃ ස්වභාවාත් ।
කරෝමි යද්යත් සකලං පරස්මෛ
නාරායණායේති සමර්පයාමි ॥

අනයා ධ්යාන-ආවාහනාදි-ෂෝඩශෝපචාර පූජයා ශ්රීමහාලක්ෂ්මී දේවී සුප්රීතා සුප්රසන්නා වරදා භවතු ॥

උද්වාසනම්
ඕං ශ්රීමහාලක්ෂ්ම්යෛ නමඃ ।
යථාස්ථානං උද්වාසයාමි ।
ශෝභනාර්ථේ ක්ෂේමාය පුනරාගමනාය ච ॥

ප්රසාද ග්රහණම්
අකාලමෘත්යුහරණං සර්වව්යාධිනිවාරණම් ।
සමස්තපාපක්ෂයකරං දේවතා පාදෝදකං ශුභම් ॥

ශ්රීමහාලක්ෂ්මී දේවී ප්රසාදං ශිරසා ගෘහ්ණාමි ॥

ඕං ශාංතිඃ ශාංතිඃ ශාංතිඃ ॥

ඕං තත්සත් බ්රහ්මාර්පණමස්තු ॥