කනකධාරා ස්තෝත්රම්

වංදේ වංදාරු මංදාරමිංදිරානංදකංදලම් ।
අමංදානංදසංදෝහ බංධුරං සිංධුරානනම් ॥

අංගං හරේඃ පුලකභූෂණමාශ්රයංතී
භෘංගාංගනේව මුකුළාභරණං තමාලම් ।
අංගීකෘතාඛිලවිභූතිරපාංගලීලා
මාංගළ්යදාස්තු මම මංගළදේවතායාඃ ॥ 1 ॥

මුග්ධා මුහුර්විදධතී වදනේ මුරාරේඃ
ප්රේමත්රපාප්රණිහිතානි ගතාගතානි ।
මාලා දෘශෝර්මධුකරීව මහෝත්පලේ යා
සා මේ ශ්රියං දිශතු සාගරසංභවායාඃ ॥ 2 ॥

ආමීලිතාක්ෂමධිගම්ය මුදා මුකුංදම්-
ආනංදකංදමනිමේෂමනංගතංත්රම් ।
ආකේකරස්ථිතකනීනිකපක්ෂ්මනේත්රං
භූත්යෛ භවේන්මම භුජංගශයාංගනායාඃ ॥ 3 ॥

බාහ්වංතරේ මධුජිතඃ ශ්රිතකෞස්තුභේ යා
හාරාවළීව හරිනීලමයී විභාති ।
කාමප්රදා භගවතෝऽපි කටාක්ෂමාලා
කල්යාණමාවහතු මේ කමලාලයායාඃ ॥ 4 ॥

කාලාංබුදාළිලලිතෝරසි කෛටභාරේඃ
ධාරාධරේ ස්ඵුරති යා තටිදංගනේව ।
මාතුස්සමස්තජගතාං මහනීයමූර්තිඃ
භද්රාණි මේ දිශතු භාර්ගවනංදනායාඃ ॥ 5 ॥

ප්රාප්තං පදං ප්රථමතඃ ඛලු යත්ප්රභාවාත්
මාංගළ්යභාජි මධුමාථිනි මන්මථේන ।
මය්යාපතේත්තදිහ මංථරමීක්ෂණාර්ධං
මංදාලසං ච මකරාලයකන්යකායාඃ ॥ 6 ॥

විශ්වාමරේංද්රපදවිභ්රමදානදක්ෂං
ආනංදහේතුරධිකං මුරවිද්විෂෝऽපි ।
ඊෂන්නිෂීදතු මයි ක්ෂණමීක්ෂණාර්ථං [ක්ෂණමීක්ෂණාර්ධං]
ඉංදීවරෝදරසහෝදරමිංදිරායාඃ ॥ 7 ॥

ඉෂ්ටා විශිෂ්ටමතයෝऽපි යයා දයාර්ද්ර
දෘෂ්ට්යා ත්රිවිෂ්ටපපදං සුලභං ලභංතේ ।
දෘෂ්ටිඃ ප්රහෘෂ්ටකමලෝදරදීප්ති-රිෂ්ටාං
පුෂ්ටිං කෘෂීෂ්ට මම පුෂ්කරවිෂ්ටරායාඃ ॥ 8 ॥

දද්යාද්දයානුපවනෝ ද්රවිණාංබුධාරා-
මස්මි-න්නකිංචන විහංගශිශෞ විෂණ්ණේ ।
දුෂ්කර්මඝර්මමපනීය චිරාය දූරං
නාරායණප්රණයිනීනයනාංබුවාහඃ ॥ 9 ॥

ගීර්දේවතේති ගරුඩධ්වජසුංදරීති
ශාකංභරීති ශශිශේඛරවල්ලභේති ।
සෘෂ්ටිස්ථිතිප්රළයකේලිෂු සංස්ථිතායෛ
තස්යෛ නමස්ත්රිභුවනෛකගුරෝස්තරුණ්යෛ ॥ 10 ॥

ශ්රුත්යෛ නමෝऽස්තු ශුභකර්මඵලප්රසූත්යෛ
රත්යෛ නමෝऽස්තු රමණීයගුණාර්ණවායෛ ।
ශක්ත්යෛ නමෝऽස්තු ශතපත්රනිකේතනායෛ
පුෂ්ට්යෛ නමෝऽස්තු පුරුෂෝත්තමවල්ලභායෛ ॥ 11 ॥

නමෝऽස්තු නාළීකනිභානනායෛ
නමෝऽස්තු දුග්ධෝදධිජන්මභූම්යෛ ।
නමෝऽස්තු සෝමාමෘතසෝදරායෛ
නමෝऽස්තු නාරායණවල්ලභායෛ ॥ 12 ॥

නමෝऽස්තු හේමාංබුජපීඨිකායෛ
නමෝऽස්තු භූමංඩලනායිකායෛ ।
නමෝऽස්තු දේවාදිදයාපරායෛ
නමෝऽස්තු ශාරංගායුධවල්ලභායෛ ॥ 13 ॥

නමෝऽස්තු දේව්යෛ භෘගුනංදනායෛ
නමෝऽස්තු විෂ්ණෝරුරසිස්ථිතායෛ ।
නමෝऽස්තු ලක්ෂ්ම්යෛ කමලාලයායෛ
නමෝऽස්තු දාමෝදරවල්ලභායෛ ॥ 14 ॥

නමෝऽස්තු කාංත්යෛ කමලේක්ෂණායෛ
නමෝऽස්තු භූත්යෛ භුවනප්රසූත්යෛ ।
නමෝऽස්තු දේවාදිභිරර්චිතායෛ
නමෝऽස්තු නංදාත්මජවල්ලභායෛ ॥ 15 ॥

සංපත්කරාණි සකලේංද්රියනංදනානි
සාම්රාජ්යදානවිභවානි සරෝරුහාක්ෂි ।
ත්වද්වංදනානි දුරිතෝද්ධරණෝද්යතානි
මාමේව මාතරනිශං කලයංතු මාන්යේ ॥ 16 ॥

යත්කටාක්ෂසමුපාසනාවිධිඃ
සේවකස්ය සකලාර්ථසංපදඃ ।
සංතනෝති වචනාංගමානසෛඃ
ත්වාං මුරාරිහෘදයේශ්වරීං භජේ ॥ 17 ॥

සරසිජනිලයේ සරෝජහස්තේ [සරසිජනයනේ]
ධවළතමාංශුකගංධමාල්යශෝභේ ।
භගවති හරිවල්ලභේ මනෝජ්ඤේ
ත්රිභුවනභූතිකරි ප්රසීද මහ්යම් ॥ 18 ॥

දිග්ඝස්තිභිඃ කනකකුංභමුඛාවසෘෂ්ට
ස්වර්වාහිනීවිමලචාරුජලප්ලුතාංගීම් ।
ප්රාතර්නමාමි ජගතාං ජනනීමශේෂ
ලෝකාධිනාථ-ගෘහිණීම්-අමෘතාබ්ධිපුත්රීම් ॥ 19 ॥

කමලේ කමලාක්ෂවල්ලභේ ත්වං
කරුණාපූරතරංගිතෛරපාංගෛඃ ।
අවලෝකය මාමකිංචනානාං
ප්රථමං පාත්රමකෘත්රිමං දයායාඃ ॥ 20 ॥

ස්තුවංති යේ ස්තුතිභිරමූභිරන්වහං
ත්රයීමයීං ත්රිභුවනමාතරං රමාම් ।
ගුණාධිකා ගුරුතර-භාග්ය-භාගිනෝ [භාගිනඃ]
භවංති තේ භුවි බුධභාවිතාශයාඃ ॥ 21 ॥

සුවර්ණධාරාස්තෝත්රං යච්ඡංකරාචාර්ය නිර්මිතම් ।
ත්රිසංධ්යං යඃ පඨේන්නිත්යං ස කුබේරසමෝ භවේත් ॥

ඉති ශ්රීමත්පරමහංසපරිව්රාජකාචාර්යස්ය ශ්රීගෝවිංදභගවත්පූජ්යපාදශිෂ්යස්ය ශ්රීමච්ඡංකරභගවතඃ කෘතෞ කනකධාරාස්තෝත්රං සංපූර්ණම් ।