ସୂର୍ୟ କଵଚମ୍

ଶ୍ରୀଭୈରଵ ଉଵାଚ

ୟୋ ଦେଵଦେଵୋ ଭଗଵାନ୍ ଭାସ୍କରୋ ମହସାଂ ନିଧିଃ ।
ଗୟତ୍ରୀନାୟକୋ ଭାସ୍ଵାନ୍ ସଵିତେତି ପ୍ରଗୀୟତେ ॥ 1 ॥

ତସ୍ୟାହଂ କଵଚଂ ଦିଵ୍ୟଂ ଵଜ୍ରପଂଜରକାଭିଧମ୍ ।
ସର୍ଵମଂତ୍ରମୟଂ ଗୁହ୍ୟଂ ମୂଲଵିଦ୍ୟାରହସ୍ୟକମ୍ ॥ 2 ॥

ସର୍ଵପାପାପହଂ ଦେଵି ଦୁଃଖଦାରିଦ୍ର୍ୟନାଶନମ୍ ।
ମହାକୁଷ୍ଠହରଂ ପୁଣ୍ୟଂ ସର୍ଵରୋଗନିଵର୍ହଣମ୍ ॥ 3 ॥

ସର୍ଵଶତ୍ରୁସମୂହଘ୍ନଂ ସମ୍ଗ୍ରାମେ ଵିଜୟପ୍ରଦମ୍ ।
ସର୍ଵତେଜୋମୟଂ ସର୍ଵଦେଵଦାନଵପୂଜିତମ୍ ॥ 4 ॥

ରଣେ ରାଜଭୟେ ଘୋରେ ସର୍ଵୋପଦ୍ରଵନାଶନମ୍ ।
ମାତୃକାଵେଷ୍ଟିତଂ ଵର୍ମ ଭୈରଵାନନନିର୍ଗତମ୍ ॥ 5 ॥

ଗ୍ରହପୀଡାହରଂ ଦେଵି ସର୍ଵସଂକଟନାଶନମ୍ ।
ଧାରଣାଦସ୍ୟ ଦେଵେଶି ବ୍ରହ୍ମା ଲୋକପିତାମହଃ ॥ 6 ॥

ଵିଷ୍ଣୁର୍ନାରାୟଣୋ ଦେଵି ରଣେ ଦୈତ୍ୟାଂଜିଷ୍ୟତି ।
ଶଂକରଃ ସର୍ଵଲୋକେଶୋ ଵାସଵୋଽପି ଦିଵସ୍ପତିଃ ॥ 7 ॥

ଓଷଧୀଶଃ ଶଶୀ ଦେଵି ଶିଵୋଽହଂ ଭୈରଵେଶ୍ଵରଃ ।
ମଂତ୍ରାତ୍ମକଂ ପରଂ ଵର୍ମ ସଵିତୁଃ ସାରମୁତ୍ତମମ୍ ॥ 8 ॥

ୟୋ ଧାରୟେଦ୍ ଭୁଜେ ମୂର୍ଧ୍ନି ରଵିଵାରେ ମହେଶ୍ଵରି ।
ସ ରାଜଵଲ୍ଲଭୋ ଲୋକେ ତେଜସ୍ଵୀ ଵୈରିମର୍ଦନଃ ॥ 9 ॥

ବହୁନୋକ୍ତେନ କିଂ ଦେଵି କଵଚସ୍ୟାସ୍ୟ ଧାରଣାତ୍ ।
ଇହ ଲକ୍ଷ୍ମୀଧନାରୋଗ୍ୟ-ଵୃଦ୍ଧିର୍ଭଵତି ନାନ୍ୟଥା ॥ 10 ॥

ପରତ୍ର ପରମା ମୁକ୍ତିର୍ଦେଵାନାମପି ଦୁର୍ଲଭା ।
କଵଚସ୍ୟାସ୍ୟ ଦେଵେଶି ମୂଲଵିଦ୍ୟାମୟସ୍ୟ ଚ ॥ 11 ॥

ଵଜ୍ରପଂଜରକାଖ୍ୟସ୍ୟ ମୁନିର୍ବ୍ରହ୍ମା ସମୀରିତଃ ।
ଗାୟତ୍ର୍ୟଂ ଛଂଦ ଇତ୍ୟୁକ୍ତଂ ଦେଵତା ସଵିତା ସ୍ମୃତଃ ॥ 12 ॥

ମାୟା ବୀଜଂ ଶରତ୍ ଶକ୍ତିର୍ନମଃ କୀଲକମୀଶ୍ଵରି ।
ସର୍ଵାର୍ଥସାଧନେ ଦେଵି ଵିନିୟୋଗଃ ପ୍ରକୀର୍ତିତଃ ॥ 13 ॥

ଅଥ ସୂର୍ୟ କଵଚଂ

ଓଂ ଅଂ ଆଂ ଇଂ ଈଂ ଶିରଃ ପାତୁ ଓଂ ସୂର୍ୟୋ ମଂତ୍ରଵିଗ୍ରହଃ ।
ଉଂ ଊଂ ଋଂ ୠଂ ଲଲାଟଂ ମେ ହ୍ରାଂ ରଵିଃ ପାତୁ ଚିନ୍ମୟଃ ॥ 14 ॥

~ଳୁଂ ~ଳୂଂ ଏଂ ଐଂ ପାତୁ ନେତ୍ରେ ହ୍ରୀଂ ମମାରୁଣସାରଥିଃ ।
ଓଂ ଔଂ ଅଂ ଅଃ ଶ୍ରୁତୀ ପାତୁ ସଃ ସର୍ଵଜଗଦୀଶ୍ଵରଃ ॥ 15 ॥

କଂ ଖଂ ଗଂ ଘଂ ପାତୁ ଗଂଡୌ ସୂଂ ସୂରଃ ସୁରପୂଜିତଃ ।
ଚଂ ଛଂ ଜଂ ଝଂ ଚ ନାସାଂ ମେ ପାତୁ ୟାରଂ ଅର୍ୟମା ପ୍ରଭୁଃ ॥ 16 ॥

ଟଂ ଠଂ ଡଂ ଢଂ ମୁଖଂ ପାୟାଦ୍ ୟଂ ୟୋଗୀଶ୍ଵରପୂଜିତଃ ।
ତଂ ଥଂ ଦଂ ଧଂ ଗଲଂ ପାତୁ ନଂ ନାରାୟଣଵଲ୍ଲଭଃ ॥ 17 ॥

ପଂ ଫଂ ବଂ ଭଂ ମମ ସ୍କଂଧୌ ପାତୁ ମଂ ମହସାଂ ନିଧିଃ ।
ୟଂ ରଂ ଲଂ ଵଂ ଭୁଜୌ ପାତୁ ମୂଲଂ ସକନାୟକଃ ॥ 18 ॥

ଶଂ ଷଂ ସଂ ହଂ ପାତୁ ଵକ୍ଷୋ ମୂଲମଂତ୍ରମୟୋ ଧ୍ରୁଵଃ ।
ଳଂ କ୍ଷଃ କୁକ୍ଷ୍ସିଂ ସଦା ପାତୁ ଗ୍ରହାଥୋ ଦିନେଶ୍ଵରଃ ॥ 19 ॥

ଙଂ ଞଂ ଣଂ ନଂ ମଂ ମେ ପାତୁ ପୃଷ୍ଠଂ ଦିଵସନାୟକଃ ।
ଅଂ ଆଂ ଇଂ ଈଂ ଉଂ ଊଂ ଋଂ ୠଂ ନାଭିଂ ପାତୁ ତମୋପହଃ ॥ 20 ॥

~ଳୁଂ ~ଳୂଂ ଏଂ ଐଂ ଓଂ ଔଂ ଅଂ ଅଃ ଲିଂଗଂ ମେଽଵ୍ୟାଦ୍ ଗ୍ରହେଶ୍ଵରଃ ।
କଂ ଖଂ ଗଂ ଘଂ ଚଂ ଛଂ ଜଂ ଝଂ କଟିଂ ଭାନୁର୍ମମାଵତୁ ॥ 21 ॥

ଟଂ ଠଂ ଡଂ ଢଂ ତଂ ଥଂ ଦଂ ଧଂ ଜାନୂ ଭାସ୍ଵାନ୍ ମମାଵତୁ ।
ପଂ ଫଂ ବଂ ଭଂ ୟଂ ରଂ ଲଂ ଵଂ ଜଂଘେ ମେଽଵ୍ୟାଦ୍ ଵିଭାକରଃ ॥ 22 ॥

ଶଂ ଷଂ ସଂ ହଂ ଳଂ କ୍ଷଃ ପାତୁ ମୂଲଂ ପାଦୌ ତ୍ରୟିତନୁଃ ।
ଙଂ ଞଂ ଣଂ ନଂ ମଂ ମେ ପାତୁ ସଵିତା ସକଲଂ ଵପୁଃ ॥ 23 ॥

ସୋମଃ ପୂର୍ଵେ ଚ ମାଂ ପାତୁ ଭୌମୋଽଗ୍ନୌ ମାଂ ସଦାଵତୁ ।
ବୁଧୋ ମାଂ ଦକ୍ଷିଣେ ପାତୁ ନୈଋତ୍ୟା ଗୁରରେଵ ମାମ୍ ॥ 24 ॥

ପଶ୍ଚିମେ ମାଂ ସିତଃ ପାତୁ ଵାୟଵ୍ୟାଂ ମାଂ ଶନୈଶ୍ଚରଃ ।
ଉତ୍ତରେ ମାଂ ତମଃ ପାୟାଦୈଶାନ୍ୟାଂ ମାଂ ଶିଖୀ ତଥା ॥ 25 ॥

ଊର୍ଧ୍ଵଂ ମାଂ ପାତୁ ମିହିରୋ ମାମଧସ୍ତାଂଜଗତ୍ପତିଃ ।
ପ୍ରଭାତେ ଭାସ୍କରଃ ପାତୁ ମଧ୍ୟାହ୍ନେ ମାଂ ଦିନେଶ୍ଵରଃ ॥ 26 ॥

ସାୟଂ ଵେଦପ୍ରିୟଃ ପାତୁ ନିଶୀଥେ ଵିସ୍ଫୁରାପତିଃ ।
ସର୍ଵତ୍ର ସର୍ଵଦା ସୂର୍ୟଃ ପାତୁ ମାଂ ଚକ୍ରନାୟକଃ ॥ 27 ॥

ରଣେ ରାଜକୁଲେ ଦ୍ୟୂତେ ଵିଦାଦେ ଶତ୍ରୁସଂକଟେ ।
ସଂଗାମେ ଚ ଜ୍ଵରେ ରୋଗେ ପାତୁ ମାଂ ସଵିତା ପ୍ରଭୁଃ ॥ 28 ॥

ଓଂ ଓଂ ଓଂ ଉତ ଓଂଉଔଂ ହ ସ ମ ୟଃ ସୂରୋଽଵତାନ୍ମାଂ ଭୟାଦ୍
ହ୍ରାଂ ହ୍ରୀଂ ହ୍ରୁଂ ହହହା ହସୌଃ ହସହସୌଃ ହଂସୋଽଵତାତ୍ ସର୍ଵତଃ ।
ସଃ ସଃ ସଃ ସସସା ନୃପାଦ୍ଵନଚରାଚ୍ଚୌରାଦ୍ରଣାତ୍ ସଂକଟାତ୍
ପାୟାନ୍ମାଂ କୁଲନାୟକୋଽପି ସଵିତା ଓଂ ହ୍ରୀଂ ହ ସୌଃ ସର୍ଵଦା ॥ 29 ॥

ଦ୍ରାଂ ଦ୍ରୀଂ ଦ୍ରୂଂ ଦଧନଂ ତଥା ଚ ତରଣିର୍ଭାଂଭୈର୍ଭୟାଦ୍ ଭାସ୍କରୋ
ରାଂ ରୀଂ ରୂଂ ରୁରୁରୂଂ ରଵିର୍ଜ୍ଵରଭୟାତ୍ କୁଷ୍ଠାଚ୍ଚ ଶୂଲାମୟାତ୍ ।
ଅଂ ଅଂ ଆଂ ଵିଵିଵୀଂ ମହାମୟଭୟଂ ମାଂ ପାତୁ ମାର୍ତଂଡକୋ
ମୂଲଵ୍ୟାପ୍ତତନୁଃ ସଦାଵତୁ ପରଂ ହଂସଃ ସହସ୍ରାଂଶୁମାନ୍ ॥ 30॥

ଅଥ ଫଲଶୃତିଃ

ଇତି ଶ୍ରୀକଵଚଂ ଦିଵ୍ୟଂ ଵଜ୍ରପଂଜରକାଭିଧମ୍ ।
ସର୍ଵଦେଵରହସ୍ୟଂ ଚ ମାତୃକାମଂତ୍ରଵେଷ୍ଟିତମ୍ ॥ 31 ॥

ମହାରୋଗଭୟଘ୍ନଂ ଚ ପାପଘ୍ନଂ ମନ୍ମୁଖୋଦିତମ୍ ।
ଗୁହ୍ୟଂ ୟଶସ୍କରଂ ପୁଣ୍ୟଂ ସର୍ଵଶ୍ରେୟସ୍କରଂ ଶିଵେ ॥ 32 ॥

ଲିଖିତ୍ଵା ରଵିଵାରେ ତୁ ତିଷ୍ୟେ ଵା ଜନ୍ମଭେ ପ୍ରିୟେ ।
ଅଷ୍ଟଗଂଧେନ ଦିଵ୍ୟେନ ସୁଧାକ୍ଷୀରେଣ ପାର୍ଵତି ॥ 33 ॥

ଅର୍କକ୍ଷୀରେଣ ପୁଣ୍ୟେନ ଭୂର୍ଜତ୍ଵଚି ମହେଶ୍ଵରି ।
କନକୀକାଷ୍ଠଲେଖନ୍ୟା କଵଚଂ ଭାସ୍କରୋଦୟେ ॥ 34 ॥

ଶ୍ଵେତସୂତ୍ରେଣ ରକ୍ତେନ ଶ୍ୟାମେନାଵେଷ୍ଟୟେଦ୍ ଗୁଟୀମ୍ ।
ସୌଵର୍ଣେନାଥ ସଂଵେଷ୍ଠ୍ୟ ଧାରୟେନ୍ମୂର୍ଧ୍ନି ଵା ଭୁଜେ ॥ 35 ॥

ରଣେ ରିପୂଂଜୟେଦ୍ ଦେଵି ଵାଦେ ସଦସି ଜେଷ୍ୟତି ।
ରାଜମାନ୍ୟୋ ଭଵେନ୍ନିତ୍ୟଂ ସର୍ଵତେଜୋମୟୋ ଭଵେତ୍ ॥ 36 ॥

କଂଠସ୍ଥା ପୁତ୍ରଦା ଦେଵି କୁକ୍ଷିସ୍ଥା ରୋଗନାଶିନୀ ।
ଶିରଃସ୍ଥା ଗୁଟିକା ଦିଵ୍ୟା ରାକଲୋକଵଶଂକରୀ ॥ 37 ॥

ଭୁଜସ୍ଥା ଧନଦା ନିତ୍ୟଂ ତେଜୋବୁଦ୍ଧିଵିଵର୍ଧିନୀ ।
ଵଂଧ୍ୟା ଵା କାକଵଂଧ୍ୟା ଵା ମୃତଵତ୍ସା ଚ ୟାଂଗନା ॥ 38 ॥

କଂଠେ ସା ଧାରୟେନ୍ନିତ୍ୟଂ ବହୁପୁତ୍ରା ପ୍ରଜାୟୟେ ।
ୟସ୍ୟ ଦେହେ ଭଵେନ୍ନିତ୍ୟଂ ଗୁଟିକୈଷା ମହେଶ୍ଵରି ॥ 39 ॥

ମହାସ୍ତ୍ରାଣୀଂଦ୍ରମୁକ୍ତାନି ବ୍ରହ୍ମାସ୍ତ୍ରାଦୀନି ପାର୍ଵତି ।
ତଦ୍ଦେହଂ ପ୍ରାପ୍ୟ ଵ୍ୟର୍ଥାନି ଭଵିଷ୍ୟଂତି ନ ସଂଶୟଃ ॥ 40 ॥

ତ୍ରିକାଲଂ ୟଃ ପଠେନ୍ନିତ୍ୟଂ କଵଚଂ ଵଜ୍ରପଂଜରମ୍ ।
ତସ୍ୟ ସଦ୍ୟୋ ମହାଦେଵି ସଵିତା ଵରଦୋ ଭଵେତ୍ ॥ 41 ॥

ଅଜ୍ଞାତ୍ଵା କଵଚଂ ଦେଵି ପୂଜୟେଦ୍ ୟସ୍ତ୍ରୟୀତନୁମ୍ ।
ତସ୍ୟ ପୂଜାର୍ଜିତଂ ପୁଣ୍ୟଂ ଜନ୍ମକୋଟିଷୁ ନିଷ୍ଫଲମ୍ ॥ 42 ॥

ଶତାଵର୍ତଂ ପଠେଦ୍ଵର୍ମ ସପ୍ତମ୍ୟାଂ ରଵିଵାସରେ ।
ମହାକୁଷ୍ଠାର୍ଦିତୋ ଦେଵି ମୁଚ୍ୟତେ ନାତ୍ର ସଂଶୟଃ ॥ 43 ॥

ନିରୋଗୋ ୟଃ ପଠେଦ୍ଵର୍ମ ଦରିଦ୍ରୋ ଵଜ୍ରପଂଜରମ୍ ।
ଲକ୍ଷ୍ମୀଵାଂଜାୟତେ ଦେଵି ସଦ୍ୟଃ ସୂର୍ୟପ୍ରସାଦତଃ ॥ 44 ॥

ଭକ୍ତ୍ୟା ୟଃ ପ୍ରପଠେଦ୍ ଦେଵି କଵଚଂ ପ୍ରତ୍ୟହଂ ପ୍ରିୟେ ।
ଇହ ଲୋକେ ଶ୍ରିୟଂ ଭୁକ୍ତ୍ଵା ଦେହାଂତେ ମୁକ୍ତିମାପ୍ନୁୟାତ୍ ॥ 45 ॥

ଇତି ଶ୍ରୀରୁଦ୍ରୟାମଲେ ତଂତ୍ରେ ଶ୍ରୀଦେଵିରହସ୍ୟେ
ଵଜ୍ରପଂଜରାଖ୍ୟସୂର୍ୟକଵଚନିରୂପଣଂ ତ୍ରୟସ୍ତ୍ରିଂଶଃ ପଟଲଃ ॥