ଵାରାହୀ କଵଚମ୍

ଅସ୍ୟ ଶ୍ରୀଵାରାହୀକଵଚସ୍ୟ ତ୍ରିଲୋଚନ ଋଷିଃ, ଅନୁଷ୍ଟୁପ୍ ଛଂଦଃ, ଶ୍ରୀଵାରାହୀ ଦେଵତା, ଓଂ ବୀଜଂ, ଗ୍ଲୌଂ ଶକ୍ତିଃ, ସ୍ଵାହେତି କୀଲକଂ, ମମ ସର୍ଵଶତ୍ରୁନାଶନାର୍ଥେ ଜପେ ଵିନିୟୋଗଃ ॥

ଧ୍ୟାନମ୍ ।
ଧ୍ୟାତ୍ଵେଂଦ୍ରନୀଲଵର୍ଣାଭାଂ ଚଂଦ୍ରସୂର୍ୟାଗ୍ନିଲୋଚନାମ୍ ।
ଵିଧିଵିଷ୍ଣୁହରେଂଦ୍ରାଦି ମାତୃଭୈରଵସେଵିତାମ୍ ॥ 1 ॥

ଜ୍ଵଲନ୍ମଣିଗଣପ୍ରୋକ୍ତମକୁଟାମାଵିଲଂବିତାମ୍ ।
ଅସ୍ତ୍ରଶସ୍ତ୍ରାଣି ସର୍ଵାଣି ତତ୍ତତ୍କାର୍ୟୋଚିତାନି ଚ ॥ 2 ॥

ଏତୈଃ ସମସ୍ତୈର୍ଵିଵିଧଂ ବିଭ୍ରତୀଂ ମୁସଲଂ ହଲମ୍ ।
ପାତ୍ଵା ହିଂସ୍ରାନ୍ ହି କଵଚଂ ଭୁକ୍ତିମୁକ୍ତିଫଲପ୍ରଦମ୍ ॥ 3 ॥

ପଠେତ୍ତ୍ରିସଂଧ୍ୟଂ ରକ୍ଷାର୍ଥଂ ଘୋରଶତ୍ରୁନିଵୃତ୍ତିଦମ୍ ।
ଵାର୍ତାଲୀ ମେ ଶିରଃ ପାତୁ ଘୋରାହୀ ଫାଲମୁତ୍ତମମ୍ ॥ 4 ॥

ନେତ୍ରେ ଵରାହଵଦନା ପାତୁ କର୍ଣୌ ତଥାଂଜନୀ ।
ଘ୍ରାଣଂ ମେ ରୁଂଧିନୀ ପାତୁ ମୁଖଂ ମେ ପାତୁ ଜଂଭିନୀ ॥ 5 ॥

ପାତୁ ମେ ମୋହିନୀ ଜିହ୍ଵାଂ ସ୍ତଂଭିନୀ କଂଠମାଦରାତ୍ ।
ସ୍କଂଧୌ ମେ ପଂଚମୀ ପାତୁ ଭୁଜୌ ମହିଷଵାହନା ॥ 6 ॥

ସିଂହାରୂଢା କରୌ ପାତୁ କୁଚୌ କୃଷ୍ଣମୃଗାଂଚିତା ।
ନାଭିଂ ଚ ଶଂଖିନୀ ପାତୁ ପୃଷ୍ଠଦେଶେ ତୁ ଚକ୍ରିଣି ॥ 7 ॥

ଖଡ୍ଗଂ ପାତୁ ଚ କଟ୍ୟାଂ ମେ ମେଢ୍ରଂ ପାତୁ ଚ ଖେଦିନୀ ।
ଗୁଦଂ ମେ କ୍ରୋଧିନୀ ପାତୁ ଜଘନଂ ସ୍ତଂଭିନୀ ତଥା ॥ 8 ॥

ଚଂଡୋଚ୍ଚଂଡଶ୍ଚୋରୁୟୁଗ୍ମଂ ଜାନୁନୀ ଶତ୍ରୁମର୍ଦିନୀ ।
ଜଂଘାଦ୍ଵୟଂ ଭଦ୍ରକାଳୀ ମହାକାଳୀ ଚ ଗୁଲ୍ଫୟୋଃ ॥ 9 ॥

ପାଦାଦ୍ୟଂଗୁଳିପର୍ୟଂତଂ ପାତୁ ଚୋନ୍ମତ୍ତଭୈରଵୀ ।
ସର୍ଵାଂଗଂ ମେ ସଦା ପାତୁ କାଲସଂକର୍ଷଣୀ ତଥା ॥ 10 ॥

ୟୁକ୍ତାୟୁକ୍ତସ୍ଥିତଂ ନିତ୍ୟଂ ସର୍ଵପାପାତ୍ପ୍ରମୁଚ୍ୟତେ ।
ସର୍ଵେ ସମର୍ଥ୍ୟ ସଂୟୁକ୍ତଂ ଭକ୍ତରକ୍ଷଣତତ୍ପରମ୍ ॥ 11 ॥

ସମସ୍ତଦେଵତା ସର୍ଵଂ ସଵ୍ୟଂ ଵିଷ୍ଣୋଃ ପୁରାର୍ଧନେ ।
ସର୍ଵଶତ୍ରୁଵିନାଶାୟ ଶୂଲିନା ନିର୍ମିତଂ ପୁରା ॥ 12 ॥

ସର୍ଵଭକ୍ତଜନାଶ୍ରିତ୍ୟ ସର୍ଵଵିଦ୍ଵେଷସଂହତିଃ ।
ଵାରାହୀ କଵଚଂ ନିତ୍ୟଂ ତ୍ରିସଂଧ୍ୟଂ ୟଃ ପଠେନ୍ନରଃ ॥ 13 ॥

ତଥା ଵିଧଂ ଭୂତଗଣା ନ ସ୍ପୃଶଂତି କଦାଚନ ।
ଆପଦଃ ଶତ୍ରୁଚୋରାଦି ଗ୍ରହଦୋଷାଶ୍ଚ ସଂଭଵାଃ ॥ 14 ॥

ମାତା ପୁତ୍ରଂ ୟଥା ଵତ୍ସଂ ଧେନୁଃ ପକ୍ଷ୍ମେଵ ଲୋଚନମ୍ ।
ତଥାଂଗମେଵ ଵାରାହୀ ରକ୍ଷା ରକ୍ଷାତି ସର୍ଵଦା ॥ 15 ॥

ଇତି ଶ୍ରୀରୁଦ୍ରୟାମଲତଂତ୍ରେ ଶ୍ରୀ ଵାରାହୀ କଵଚମ୍ ॥