ସୁଦର୍ଶନ ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

ସୁଦର୍ଶନଶ୍ଚକ୍ରରାଜଃ ତେଜୋଵ୍ୟୂହୋ ମହାଦ୍ୟୁତିଃ ।
ସହସ୍ରବାହୁ-ର୍ଦୀପ୍ତାଂଗଃ ଅରୁଣାକ୍ଷଃ ପ୍ରତାପଵାନ୍ ॥ 1॥

ଅନେକାଦିତ୍ୟସଂକାଶଃ ପ୍ରୋଦ୍ୟଜ୍ଜ୍ଵାଲାଭିରଂଜିତଃ ।
ସୌଦାମିନୀ-ସହସ୍ରାଭଃ ମଣିକୁଂଡଲ-ଶୋଭିତଃ ॥ 2॥

ପଂଚଭୂତମନୋରୂପୋ ଷଟ୍କୋଣାଂତର-ସଂସ୍ଥିତଃ ।
ହରାଂତଃ କରଣୋଦ୍ଭୂତ-ରୋଷଭୀଷଣ-ଵିଗ୍ରହଃ ॥ 3॥

ହରିପାଣିଲସତ୍ପଦ୍ମଵିହାରାରମନୋହରଃ ।
ଶ୍ରାକାରରୂପସ୍ସର୍ଵଜ୍ଞଃ ସର୍ଵଲୋକାର୍ଚିତପ୍ରଭୁଃ ॥ 4॥

ଚତୁର୍ଦଶସହସ୍ରାରଃ ଚତୁର୍ଵେଦମୟୋ-ଽନଲଃ ।
ଭକ୍ତଚାଂଦ୍ରମସଜ୍ୟୋତିଃ ଭଵରୋଗ-ଵିନାଶକଃ ॥ 5॥

ରେଫାତ୍ମକୋ ମକାରଶ୍ଚ ରକ୍ଷୋସୃଗ୍ରୂଷିତାଂଗକଃ ।
ସର୍ଵଦୈତ୍ୟଗ୍ରୀଵନାଲ-ଵିଭେଦନ-ମହାଗଜଃ ॥ 6॥

ଭୀମଦଂଷ୍ଟ୍ରୋଜ୍ଜ୍ଵଲାକାରୋ ଭୀମକର୍ମା ଵିଲୋଚନଃ ।
ନୀଲଵର୍ତ୍ମା ନିତ୍ୟସୁଖୋ ନିର୍ମଲଶ୍ରୀ-ର୍ନିରଂଜନଃ ॥ 7॥

ରକ୍ତମାଲ୍ୟାଂବରଧରୋ ରକ୍ତଚଂଦନରୂଷିତଃ ।
ରଜୋଗୁଣାକୃତିଶ୍ଶୂରୋ ରକ୍ଷଃକୁଲ-ୟମୋପମଃ ॥ 8॥

ନିତ୍ୟକ୍ଷେମକରଃ ପ୍ରାଜ୍ଞଃ ପାଷଂଡଜନଖଂଡନଃ ।
ନାରାୟଣାଜ୍ଞାନୁଵର୍ତୀ ନୈଗମାଂତଃପ୍ରକାଶକଃ ॥ 9॥

ବଲିନଂଦନଦୋର୍ଦଂଡ-ଖଂଡନୋ ଵିଜୟାକୃତିଃ ।
ମିତ୍ରଭାଵୀ ସର୍ଵମୟୋ ତମୋଵିଧ୍ଵଂସକସ୍ତଥା ॥ 10॥

ରଜସ୍ସତ୍ତ୍ଵତମୋଦ୍ଵର୍ତୀ ତ୍ରିଗୁଣାତ୍ମା ତ୍ରିଲୋକଧୃତ୍ ।
ହରିମାୟାଗୁଣୋପେତୋ-ଽଵ୍ୟୟୋ-ଽକ୍ଷସ୍ଵରୂପଭାକ୍ ॥ 11॥

ପରମାତ୍ମା ପରଂଜ୍ୟୋତିଃ ପଂଚକୃତ୍ୟ-ପରାୟଣଃ ।
ଜ୍ଞାନଶକ୍ତି-ବଲୈଶ୍ଵର୍ୟ-ଵୀର୍ୟ-ତେଜଃ-ପ୍ରଭାମୟଃ ॥ 12॥

ସଦସତ୍ପରମଃ ପୂର୍ଣୋ ଵାଙ୍ମୟୋ ଵରଦୋଽଚ୍ୟୁତଃ ।
ଜୀଵୋ ଗୁରୁର୍ହଂସରୂପଃ ପଂଚାଶତ୍ପୀଠରୂପକଃ ॥ 13॥

ମାତୃକାମଂଡଲାଧ୍ୟକ୍ଷୋ ମଧୁଧ୍ଵଂସୀ ମନୋମୟଃ ।
ବୁଦ୍ଧିରୂପଶ୍ଚିତ୍ତସାକ୍ଷୀ ସାରୋ ହଂସାକ୍ଷରଦ୍ଵୟଃ ॥ 14॥

ମଂତ୍ର-ୟଂତ୍ର-ପ୍ରଭାଵଜ୍ଞୋ ମଂତ୍ର-ୟଂତ୍ର-ମୟୋ ଵିଭୁଃ ।
ସ୍ରଷ୍ଟା କ୍ରିୟାସ୍ପଦ-ଶ୍ଶୁଦ୍ଧଃ ଆଧାରଶ୍ଚକ୍ର-ରୂପକଃ ॥ 15॥

ନିରାୟୁଧୋ ହ୍ୟସଂରଂଭଃ ସର୍ଵାୟୁଧ-ସମନ୍ଵିତଃ ।
ଓମ୍କାରରୂପୀ ପୂର୍ଣାତ୍ମା ଆଂକାରସ୍ସାଧ୍ୟ-ବଂଧନଃ ॥ 16॥

ଐଂକାରୋ ଵାକ୍ପ୍ରଦୋ ଵଗ୍ମୀ ଶ୍ରୀଂକାରୈଶ୍ଵର୍ୟଵର୍ଧନଃ ।
କ୍ଲୀଂକାରମୋହନାକାରୋ ହୁଂଫଟ୍କ୍ଷୋଭଣାକୃତିଃ ॥ 17॥

ଇଂଦ୍ରାର୍ଚିତ-ମନୋଵେଗୋ ଧରଣୀଭାର-ନାଶକଃ ।
ଵୀରାରାଧ୍ୟୋ ଵିଶ୍ଵରୂପଃ ଵୈଷ୍ଣଵୋ ଵିଷ୍ଣୁରୂପକଃ ॥ 18॥

ସତ୍ୟଵ୍ରତଃ ସତ୍ୟଧରଃ ସତ୍ୟଧର୍ମାନୁଷଂଗକଃ’
ନାରାୟଣକୃପାଵ୍ୟୂହ-ତେଜଶ୍ଚକ୍ର-ସ୍ସୁଦର୍ଶନଃ ॥ 19॥

॥ ଶ୍ରୀ ସୁଦର୍ଶନାଷ୍ଟୋତ୍ତରଶତନାମ ସ୍ତୋତ୍ରଂ ସଂପୂର୍ଣମ୍॥