ଗାୟତ୍ର୍ୟଷ୍ଟୋତ୍ତରଶତ ନାମସ୍ତୋତ୍ରମ୍

ତରୁଣାଦିତ୍ୟସଂକାଶା ସହସ୍ରନୟନୋଜ୍ଜ୍ଵଲା ।
ଵିଚିତ୍ରମାଲ୍ୟାଭରଣା ତୁହିନାଚଲଵାସିନୀ ॥ 1 ॥

ଵରଦାଭୟହସ୍ତାବ୍ଜା ରେଵାତୀରନିଵାସିନୀ ।
ପ୍ରଣିତ୍ୟୟଵିଶେଷଜ୍ଞା ୟଂତ୍ରାକୃତଵିରାଜିତ ॥ 2 ॥

ଭଦ୍ରପାଦପ୍ରିୟା ଚୈଵ ଗୋଵିଂଦପଥଗାମିନୀ ।
ଦେଵର୍ଷିଗଣସଂସ୍ତୁତ୍ୟା ଵନମାଲାଵିଭୂଷିତା ॥ 3 ॥

ସ୍ୟଂଦନୋତ୍ତମସଂସ୍ଥା ଚ ଧୀରଜୀମୂତନିସ୍ଵନା ।
ମତ୍ତମାତଂଗଗମନା ହିରଣ୍ୟକମଲାସନା ॥ 4 ॥

ଦୀନଜନୋଦ୍ଧାରନିରତା ୟୋଗିନୀ ୟୋଗଧାରିଣୀ ।
ନଟନାଟ୍ୟୈକନିରତା ପ୍ରଣଵାଦ୍ୟକ୍ଷରାତ୍ମିକା ॥ 5 ॥

ଚୋରଚାରକ୍ରିୟାସକ୍ତା ଦାରିଦ୍ର୍ୟଚ୍ଛେଦକାରିଣୀ ।
ୟାଦଵେଂଦ୍ରକୁଲୋଦ୍ଭୂତା ତୁରୀୟପଥଗାମିନୀ ॥ 6 ॥

ଗାୟତ୍ରୀ ଗୋମତୀ ଗଂଗା ଗୌତମୀ ଗରୁଡାସନା ।
ଗେୟଗାନପ୍ରିୟା ଗୌରୀ ଗୋଵିଂଦପଦପୂଜିତା ॥ 7 ॥

ଗଂଧର୍ଵନଗରାଗାରା ଗୌରଵର୍ଣା ଗଣେଶ୍ଵରୀ ।
ଗଦାଶ୍ରୟା ଗୁଣଵତୀ ଗହ୍ଵରୀ ଗଣପୂଜିତା ॥ 8 ॥

ଗୁଣତ୍ରୟସମାୟୁକ୍ତା ଗୁଣତ୍ରୟଵିଵର୍ଜିତା ।
ଗୁହାଵାସା ଗୁଣାଧାରା ଗୁହ୍ୟା ଗଂଧର୍ଵରୂପିଣୀ ॥ 9 ॥

ଗାର୍ଗ୍ୟପ୍ରିୟା ଗୁରୁପଦା ଗୁହଲିଂଗାଂଗଧାରିଣୀ ।
ସାଵିତ୍ରୀ ସୂର୍ୟତନୟା ସୁଷୁମ୍ନାନାଡିଭେଦିନୀ ॥ 10 ॥

ସୁପ୍ରକାଶା ସୁଖାସୀନା ସୁମତି-ସ୍ସୁରପୂଜିତା ।
ସୁଷୁପ୍ତ୍ୟଵସ୍ଥା ସୁଦତୀ ସୁଂଦରୀ ସାଗରାଂବରା ॥ 11 ॥

ସୁଧାଂଶୁବିଂବଵଦନା ସୁସ୍ତନୀ ସୁଵିଲୋଚନା ।
ସୀତା ସତ୍ତ୍ଵାଶ୍ରୟା ସଂଧ୍ୟା ସୁଫଲା ସୁଵିଧାୟିନୀ ॥ 12 ॥

ସୁଭ୍ରୂ-ସ୍ସୁଵାସା ସୁଶ୍ରୋଣୀ ସଂସାରାର୍ଣଵତାରିଣୀ ।
ସାମଗାନପ୍ରିୟା ସାଧ୍ଵୀ ସର୍ଵାଭରଣଭୂଷିତା ॥ 13 ॥

ଵୈଷ୍ଣଵୀ ଵିମଲାକାରା ମହେଂଦ୍ରୀ ମଂତ୍ରରୂପିଣୀ ।
ମହଲକ୍ଷ୍ମୀ-ର୍ମହାସିଦ୍ଧି-ର୍ମହାମାୟା ମହେଶ୍ଵରୀ ॥ 14 ॥

ମୋହିନୀ ମଦନାକାରା ମଧୁସୂଦନଚୋଦିତା ।
ମୀନାକ୍ଷୀ ମଧୁରାଵାସା ନଗେଂଦ୍ରତନୟା ଉମା ॥ 15 ॥

ତ୍ରିଵିକ୍ରମପଦାକ୍ରାଂତା ତ୍ରିସ୍ଵରା ତ୍ରିଵିଲୋଚନା ।
ସୂର୍ୟମଂଡଲମଧ୍ୟସ୍ଥା ଚଂଦ୍ରମଂଡଲସଂସ୍ଥିତା ॥ 16 ॥

ଵହ୍ନିମଂଡଲମଧ୍ୟସ୍ଥା ଵାୟୁମଂଡଲସଂସ୍ଥିତା ।
ଵ୍ୟୋମମଂଡଲମଧ୍ୟସ୍ଥା ଚକ୍ରିଣୀ ଚକ୍ରରୂପିଣୀ ॥ 17 ॥

କାଲଚକ୍ରଵିତାନସ୍ଥା ଚଂଦ୍ରମଂଡଲଦର୍ପଣା ।
ଜ୍ୟୋତ୍ସ୍ନାତପାସୁଲିପ୍ତାଂଗୀ ମହାମାରୁତଵୀଜିତା ॥ 18 ॥

ସର୍ଵମଂତ୍ରାଶ୍ରୟା ଧେନୁଃ ପାପଘ୍ନୀ ପରମେଶ୍ଵରୀ ।
ନମସ୍ତେଽସ୍ତୁ ମହାଲକ୍ଷ୍ମୀ-ର୍ମହାସଂପତ୍ତିଦାୟିନି ॥ 19 ॥

ନମସ୍ତେ କରୁଣାମୂର୍ତେ ନମସ୍ତେ ଭକ୍ତଵତ୍ସଲେ ।
ଗାୟତ୍ର୍ୟାଃ ପ୍ରଜପେଦ୍ୟସ୍ତୁ ନାମ୍ନାମଷ୍ଟୋତ୍ତରଂ ଶତମ୍ ॥ 20 ॥

ତସ୍ୟ ପୁଣ୍ୟଫଲଂ ଵକ୍ତୁଂ ବ୍ରହ୍ମଣାପି ନ ଶକ୍ୟତେ ।

ଇତି ଶ୍ରୀଗାୟତ୍ର୍ୟଷ୍ଟୋତ୍ତରଶତନାମସ୍ତୋତ୍ରଂ ସଂପୂର୍ଣମ୍ ।