ସୁବ୍ରହ୍ମଣ୍ୟଷ୍ଟୋତ୍ତରଶତ ନାମସ୍ତୋତ୍ରମ୍

ଶକ୍ତିହସ୍ତଂ ଵିରୂପାକ୍ଷଂ ଶିଖିଵାହଂ ଷଡାନନମ୍ ।
ଦାରୁଣଂ ରିପୁରୋଗଘ୍ନଂ ଭାଵୟେ କୁକ୍କୁଟଧ୍ଵଜମ୍ ॥

ଇତି ଧ୍ୟାନମ୍

ସ୍କଂଦୋ ଗୁହଃ ଷଣ୍ମୁଖଶ୍ଚ ଫାଲନେତ୍ରସୁତଃ ପ୍ରଭୁଃ ।
ପିଂଗଳଃ କୃତ୍ତିକାସୂନୁଃ ଶିଖିଵାହୋ ଦ୍ଵିଷଡ୍ଭୁଜଃ ॥ 1 ॥

ଦ୍ଵିଷଣ୍ଣେତ୍ର-ଶ୍ଶକ୍ତିଧରଃ ପିଶିତାଶ ପ୍ରଭଂଜନଃ ।
ତାରକାସୁରସଂହାରୀ ରକ୍ଷୋବଲଵିମର୍ଦନଃ ॥ 2 ॥

ମତ୍ତଃ ପ୍ରମତ୍ତ ଉନ୍ମତ୍ତଃ ସୁରସୈନ୍ୟସୁରକ୍ଷକଃ ।
ଦେଵସେନାପତିଃ ପ୍ରାଜ୍ଞଃ କୃପାଳୁ ର୍ଭକ୍ତଵତ୍ସଲଃ ॥ 3 ॥

ଉମାସୁତ-ଶ୍ଶକ୍ତିଧରଃ କୁମାରଃ କ୍ରୌଂଚଧାରଣଃ ।
ସେନାନୀ-ରଗ୍ନିଜନ୍ମା ଚ ଵିଶାଖଃ ଶଂକରାତ୍ମଜଃ ॥ 4 ॥

ଶିଵସ୍ଵାମୀ ଗଣସ୍ଵାମୀ ସର୍ଵସ୍ଵାମୀ ସନାତନଃ ।
ଅନଂତମୂର୍ତି ରକ୍ଷୋଭ୍ୟଃ ପାର୍ଵତୀପ୍ରିୟନଂଦନଃ ॥ 5 ॥

ଗଂଗାସୁତ-ଶ୍ଶରୋଦ୍ଭୂତ ଆହୂତଃ ପାଵକାତ୍ମଜଃ ।
ଜୃଂଭଃ ପ୍ରଜୃଂଭ ଉଜ୍ଜୃଂଭଃ କମଲାସନସଂସ୍ତୁତଃ ॥ 6 ॥

ଏକଵର୍ଣୋ ଦ୍ଵିଵର୍ଣଶ୍ଚ ତ୍ରିଵର୍ଣଃ ସୁମନୋହରଃ ।
ଚତୁର୍ଵର୍ଣଃ ପଂଚଵର୍ଣଃ ପ୍ରଜାପତି-ରହସ୍ପତିଃ ॥ 7 ॥

ଅଗ୍ନିଗର୍ଭ-ଶ୍ଶମୀଗର୍ଭୋ ଵିଶ୍ଵରେତା-ସ୍ସୁରାରିହା ।
ହରିଦ୍ଵର୍ଣ-ଶ୍ଶୁଭକରୋ ପଟୁଶ୍ଚ ଵଟୁଵେଷଭୃତ୍ ॥ 8 ॥

ପୂଷା ଗଭସ୍ତି-ର୍ଗହନ ଶ୍ଚଂଦ୍ରଵର୍ଣଃ କଳାଧରଃ ।
ମାୟାଧରୋ ମହାମାୟୀ କୈଵଲ୍ୟ-ଶ୍ଶଂକରାତ୍ମଜଃ ॥ 9 ॥

ଵିଶ୍ଵୟୋନି-ରମେୟାତ୍ମା ତେଜୋନିଧି-ରନାମୟଃ ।
ପରମେଷ୍ଠୀ ପରଂବ୍ରହ୍ମ ଵେଦଗର୍ଭୋ ଵିରାଟ୍ସୁତଃ ॥ 10 ॥

ପୁଳିଂଦକନ୍ୟାଭର୍ତା ଚ ମହାସାରସ୍ଵତାଵୃତଃ ।
ଅଶ୍ରିତୋଖିଲଦାତା ଚ ଚୋରଘ୍ନୋ ରୋଗନାଶନଃ ॥ 11 ॥

ଅନଂତମୂର୍ତି-ରାନଂଦ-ଶ୍ଶିଖଂଡୀକୃତକେତନଃ ।
ଡଂଭଃ ପରମଡଂଭଶ୍ଚ ମହାଡଂଭୋ ଵୃଷାକପିଃ ॥ 12 ॥

କାରଣୋପାତ୍ତଦେହଶ୍ଚ କାରଣାତୀତଵିଗ୍ରହଃ ।
ଅନୀଶ୍ଵରୋଽମୃତଃ ପ୍ରାଣଃ ପ୍ରାଣାୟାମପରାୟଣଃ ॥ 13 ॥

ଵିରୁଦ୍ଧହଂତା ଵୀରଘ୍ନୋ ରକ୍ତଶ୍ୟାମଗଳୋଽପି ଚ ।
ସୁବ୍ରହ୍ମଣ୍ୟୋ ଗୁହଃ ପ୍ରୀତୋ ବ୍ରହ୍ମଣ୍ୟୋ ବ୍ରାହ୍ମଣପ୍ରିୟଃ ॥ 14 ॥

ଵଂଶଵୃଦ୍ଧିକରୋ ଵେଦୋ ଵେଦ୍ୟୋଽକ୍ଷୟଫଲପ୍ରଦଃ ॥ 15 ॥

ଇତି ଶ୍ରୀ ସୁବ୍ରହ୍ମଣ୍ୟାଷ୍ଟୋତ୍ତର ଶତନାମସ୍ତୋତ୍ରଂ ସଂପୂର୍ଣମ୍ ।