ଶ୍ରୀ ଵେଂକଟେଶ୍ଵର ସହସ୍ରନାମ ସ୍ତୋତ୍ରମ୍

ଶ୍ରୀଵସିଷ୍ଠ ଉଵାଚ ।
ଭଗଵନ୍ କେନ ଵିଧିନା ନାମଭିର୍ଵେଂକଟେଶ୍ଵରମ୍ ।
ପୂଜୟାମାସ ତଂ ଦେଵଂ ବ୍ରହ୍ମା ତୁ କମଲୈଃ ଶୁଭୈଃ ॥ 1 ॥

ପୃଚ୍ଛାମି ତାନି ନାମାନି ଗୁଣୟୋଗପରାଣି କିମ୍ ।
ମୁଖ୍ୟଵୃତ୍ତୀନି କିଂ ବ୍ରୂହି ଲକ୍ଷକାଣ୍ୟଥଵା ହରେଃ ॥ 2 ॥

ନାରଦ ଉଵାଚ ।
ନାମାନ୍ୟନଂତାନି ହରେଃ ଗୁଣୟୋଗାନି କାନି ଚିତ୍ ।
ମୁଖ୍ୟଵୃତ୍ତୀନି ଚାନ୍ୟାନି ଲକ୍ଷକାଣ୍ୟପରାଣି ଚ ॥ 3 ॥

ପରମାର୍ଥୈଃ ସର୍ଵଶବ୍ଦୈରେକୋ ଜ୍ଞେୟଃ ପରଃ ପୁମାନ୍ ।
ଆଦିମଧ୍ୟାଂତରହିତସ୍ତ୍ଵଵ୍ୟକ୍ତୋଽନଂତରୂପଭୃତ୍ ॥ 4 ॥

ଚଂଦ୍ରାର୍କଵହ୍ନିଵାୟ୍ଵାଦ୍ୟା ଗ୍ରହର୍କ୍ଷାଣି ନଭୋ ଦିଶଃ ।
ଅନ୍ଵୟଵ୍ୟତିରେକାଭ୍ୟାଂ ସଂତି ନୋ ସଂତି ୟନ୍ମତେଃ ॥ 5 ॥

ତସ୍ୟ ଦେଵସ୍ୟ ନାମ୍ନାଂ ହି ପାରଂ ଗଂତୁଂ ହି କଃ କ୍ଷମଃ ।
ତଥାଽପି ଚାଭିଧାନାନି ଵେଂକଟେଶସ୍ୟ କାନିଚିତ୍ ॥ 6 ॥

ବ୍ରହ୍ମଗୀତାନି ପୁଣ୍ୟାନି ତାନି ଵକ୍ଷ୍ୟାମି ସୁଵ୍ରତ ।
ୟଦୁଚ୍ଚାରଣମାତ୍ରେଣ ଵିମୁକ୍ତାଘଃ ପରଂ ଵ୍ରଜେତ୍ ॥ 7 ॥

ଵେଂକଟେଶସ୍ୟ ନାମ୍ନାଂ ହି ସହସ୍ରସ୍ୟ ଋଷିର୍ଵିଧିଃ ।
ଛଂଦୋଽନୁଷ୍ଟୁପ୍ତଥା ଦେଵଃ ଶ୍ରୀଵତ୍ସାଂକୋ ରମାପତିଃ ॥ 8 ॥

ବୀଜଭୂତସ୍ତଥୋଂକାରୋ ହ୍ରୀଂ କ୍ଲୀଂ ଶକ୍ତିଶ୍ଚ କୀଲକମ୍ ।
ଓଂ ନମୋ ଵେଂକଟେଶାୟେତ୍ୟାଦିର୍ମଂତ୍ରୋଽତ୍ର କଥ୍ୟତେ ॥ 9 ॥

ବ୍ରହ୍ମାଂଡଗର୍ଭଃ କଵଚମସ୍ତ୍ରଂ ଚକ୍ରଗଦାଧରଃ ।
ଵିନିୟୋଗୋଽଭୀଷ୍ଟସିଦ୍ଧୌ ହୃଦୟଂ ସାମଗାୟନଃ ॥ 10 ॥

ଅସ୍ୟ ଶ୍ରୀ ଵେଂକଟେଶ ସହସ୍ରନାମ ସ୍ତୋତ୍ର ମହାମଂତ୍ରସ୍ୟ ବ୍ରହ୍ମା ଋଷିଃ ଅନୁଷ୍ଟୁପ୍ ଛଂଦଃ ଶ୍ରୀଵତ୍ସାଂକୋ ରମାପତିର୍ଦେଵତା ଓଂ ବୀଜଂ ହ୍ରୀଂ ଶକ୍ତିଃ କ୍ଲୀଂ କୀଲକଂ ବ୍ରହ୍ମାଂଡଗର୍ଭ ଇତି କଵଚଂ ଚକ୍ରଗଦାଧର ଇତ୍ୟସ୍ତ୍ରଂ ସାମଗାନମିତି ହୃଦୟଂ ଓଂ ନମୋ ଵେଂକଟେଶାୟେତ୍ୟାଦିର୍ମଂତ୍ରଃ ଶ୍ରୀ ଵେଂକଟେଶ ପ୍ରୀତ୍ୟର୍ଥେ ଜପେ ଵିନିୟୋଗଃ ॥

ଧ୍ୟାନମ୍
ଭାସ୍ଵଚ୍ଚଂଦ୍ରମସୌ ୟଦୀୟନୟନେ ଭାର୍ୟା ୟଦୀୟା ରମା
ୟସ୍ମାଦ୍ଵିଶ୍ଵସୃଡପ୍ୟଭୂଦ୍ୟମିକୁଲଂ ୟଦ୍ଧ୍ୟାନୟୁକ୍ତଂ ସଦା
ନାଥୋ ୟୋ ଜଗତାଂ ନଗେଂଦ୍ରଦୁହିତୁର୍ନାଥୋଽପି ୟଦ୍ଭକ୍ତିମାନ୍
ତାତୋ ୟୋ ମଦନସ୍ୟ ୟୋ ଦୁରିତହା ତଂ ଵେଂକଟେଶଂ ଭଜେ ॥

ଊର୍ଧ୍ଵୌ ହସ୍ତୌ ୟଦୀୟୌ ସୁରରିପୁଦଳନେ ବିଭ୍ରତୌ ଶଂଖଚକ୍ରେ
ସେଵ୍ୟାଵଂଘ୍ରୀ ସ୍ଵକୀୟାଵଭିଦଧଦଧରୋ ଦକ୍ଷିଣୋ ୟସ୍ୟ ପାଣିଃ ।
ତାଵନ୍ମାତ୍ରଂ ଭଵାବ୍ଧିଂ ଗମୟତି ଭଜତାମୂରୁଗୋ ଵାମପାଣିଃ
ଶ୍ରୀଵତ୍ସାଂକଶ୍ଚ ଲକ୍ଷ୍ମୀର୍ୟଦୁରସି ଲସତସ୍ତଂ ଭଜେ ଵେଂକଟେଶମ୍ ॥

ଇତି ଧ୍ୟାୟନ୍ ଵେଂକଟେଶଂ ଶ୍ରୀଵତ୍ସାଂକଂ ରମାପତିମ୍ ।
ଵେଂକଟେଶୋ ଵିରୂପାକ୍ଷ ଇତ୍ୟାରଭ୍ୟ ଜପେତ୍କ୍ରମାତ୍ ॥

ସ୍ତୋତ୍ରଂ
ଓଂ ଵେଂକଟେଶୋ ଵିରୂପାକ୍ଷୋ ଵିଶ୍ଵେଶୋ ଵିଶ୍ଵଭାଵନଃ ।
ଵିଶ୍ଵସୃଡ୍ଵିଶ୍ଵସଂହର୍ତା ଵିଶ୍ଵପ୍ରାଣୋ ଵିରାଡ୍ଵପୁଃ ॥ 1 ॥

ଶେଷାଦ୍ରିନିଲୟୋଽଶେଷଭକ୍ତଦୁଃଖପ୍ରଣାଶନଃ ।
ଶେଷସ୍ତୁତ୍ୟଃ ଶେଷଶାୟୀ ଵିଶେଷଜ୍ଞୋ ଵିଭୁଃ ସ୍ଵଭୂଃ ॥ 2 ॥

ଵିଷ୍ଣୁର୍ଜିଷ୍ଣୁଶ୍ଚ ଵର୍ଧିଷ୍ଣୁରୁତ୍ସହିଷ୍ଣୁଃ ସହିଷ୍ଣୁକଃ ।
ଭ୍ରାଜିଷ୍ଣୁଶ୍ଚ ଗ୍ରସିଷ୍ଣୁଶ୍ଚ ଵର୍ତିଷ୍ଣୁଶ୍ଚ ଭରିଷ୍ଣୁକଃ ॥ 3 ॥

କାଲୟଂତା କାଲଗୋପ୍ତା କାଲଃ କାଲାଂତକୋଽଖିଲଃ ।
କାଲଗମ୍ୟଃ କାଲକଂଠଵଂଦ୍ୟଃ କାଲକଲେଶ୍ଵରଃ ॥ 4 ॥

ଶଂଭୁଃ ସ୍ଵୟଂଭୂରଂଭୋଜନାଭିଃ ସ୍ତଂଭିତଵାରିଧିଃ ।
ଅଂଭୋଧିନଂଦିନୀଜାନିଃ ଶୋଣାଂଭୋଜପଦପ୍ରଭଃ ॥ 5 ॥

କଂବୁଗ୍ରୀଵଃ ଶଂବରାରିରୂପଃ ଶଂବରଜେକ୍ଷଣଃ ।
ବିଂବାଧରୋ ବିଂବରୂପୀ ପ୍ରତିବିଂବକ୍ରିୟାତିଗଃ ॥ 6 ॥

ଗୁଣଵାନ୍ ଗୁଣଗମ୍ୟଶ୍ଚ ଗୁଣାତୀତୋ ଗୁଣପ୍ରିୟଃ ।
ଦୁର୍ଗୁଣଧ୍ଵଂସକୃତ୍ସର୍ଵସୁଗୁଣୋ ଗୁଣଭାସକଃ ॥ 7 ॥

ପରେଶଃ ପରମାତ୍ମା ଚ ପରଂଜ୍ୟୋତିଃ ପରା ଗତିଃ ।
ପରଂ ପଦଂ ଵିୟଦ୍ଵାସାଃ ପାରଂପର୍ୟଶୁଭପ୍ରଦଃ ॥ 8 ॥

ବ୍ରହ୍ମାଂଡଗର୍ଭୋ ବ୍ରହ୍ମଣ୍ୟୋ ବ୍ରହ୍ମସୃଡ୍ବ୍ରହ୍ମବୋଧିତଃ ।
ବ୍ରହ୍ମସ୍ତୁତ୍ୟୋ ବ୍ରହ୍ମଵାଦୀ ବ୍ରହ୍ମଚର୍ୟପରାୟଣଃ ॥ 9 ॥

ସତ୍ୟଵ୍ରତାର୍ଥସଂତୁଷ୍ଟଃ ସତ୍ୟରୂପୀ ଝଷାଂଗଵାନ୍ ।
ସୋମକପ୍ରାଣହାରୀ ଚାଽଽନୀତାମ୍ନାୟୋଽବ୍ଧିସଂଚରଃ ॥ 10 ॥

ଦେଵାସୁରଵରସ୍ତୁତ୍ୟଃ ପତନ୍ମଂଦରଧାରକଃ ।
ଧନ୍ଵଂତରିଃ କଚ୍ଛପାଂଗଃ ପୟୋନିଧିଵିମଂଥକଃ ॥ 11 ॥

ଅମରାମୃତସଂଧାତା ଧୃତସଂ‍ମୋହିନୀଵପୁଃ ।
ହରମୋହକମାୟାଵୀ ରକ୍ଷସ୍ସଂଦୋହଭଂଜନଃ ॥ 12 ॥

ହିରଣ୍ୟାକ୍ଷଵିଦାରୀ ଚ ୟଜ୍ଞୋ ୟଜ୍ଞଵିଭାଵନଃ ।
ୟଜ୍ଞୀୟୋର୍ଵୀସମୁଦ୍ଧର୍ତା ଲୀଲାକ୍ରୋଡଃ ପ୍ରତାପଵାନ୍ ॥ 13 ॥

ଦଂଡକାସୁରଵିଧ୍ଵଂସୀ ଵକ୍ରଦଂଷ୍ଟ୍ରଃ କ୍ଷମାଧରଃ ।
ଗଂଧର୍ଵଶାପହରଣଃ ପୁଣ୍ୟଗଂଧୋ ଵିଚକ୍ଷଣଃ ॥ 14 ॥

କରାଲଵକ୍ତ୍ରଃ ସୋମାର୍କନେତ୍ରଃ ଷଡ୍ଗୁଣଵୈଭଵଃ ।
ଶ୍ଵେତଘୋଣୀ ଘୂର୍ଣିତଭ୍ରୂର୍ଘୁର୍ଘୁରଧ୍ଵନିଵିଭ୍ରମଃ ॥ 15 ॥

ଦ୍ରାଘୀୟାନ୍ ନୀଲକେଶୀ ଚ ଜାଗ୍ରଦଂବୁଜଲୋଚନଃ ।
ଘୃଣାଵାନ୍ ଘୃଣିସମ୍ମୋହୋ ମହାକାଲାଗ୍ନିଦୀଧିତିଃ ॥ 16 ॥

ଜ୍ଵାଲାକରାଳଵଦନୋ ମହୋଲ୍କାକୁଲଵୀକ୍ଷଣଃ ।
ସଟାନିର୍ଭିନ୍ନମେଘୌଘୋ ଦଂଷ୍ଟ୍ରାରୁଗ୍ଵ୍ୟାପ୍ତଦିକ୍ତଟଃ ॥ 17 ॥

ଉଚ୍ଛ୍ଵାସାକୃଷ୍ଟଭୂତେଶୋ ନିଶ୍ଶ୍ଵାସତ୍ୟକ୍ତଵିଶ୍ଵସୃଟ୍ ।
ଅଂତର୍ଭ୍ରମଜ୍ଜଗଦ୍ଗର୍ଭୋଽନଂତୋ ବ୍ରହ୍ମକପାଲହୃତ୍ ॥ 18 ॥

ଉଗ୍ରୋ ଵୀରୋ ମହାଵିଷ୍ଣୁର୍ଜ୍ଵଲନଃ ସର୍ଵତୋମୁଖଃ ।
ନୃସିଂହୋ ଭୀଷଣୋ ଭଦ୍ରୋ ମୃତ୍ୟୁମୃତ୍ୟୁଃ ସନାତନଃ ॥ 19 ॥

ସଭାସ୍ତଂଭୋଦ୍ଭଵୋ ଭୀମଃ ଶୀରୋମାଲୀ ମହେଶ୍ଵରଃ ।
ଦ୍ଵାଦଶାଦିତ୍ୟଚୂଡାଲଃ କଲ୍ପଧୂମସଟାଚ୍ଛଵିଃ ॥ 20 ॥

ହିରଣ୍ୟକୋରଃସ୍ଥଲଭିନ୍ନଖଃ ସିଂହମୁଖୋଽନଘଃ ।
ପ୍ରହ୍ଲାଦଵରଦୋ ଧୀମାନ୍ ଭକ୍ତସଂଘପ୍ରତିଷ୍ଠିତଃ ॥ 21 ॥

ବ୍ରହ୍ମରୁଦ୍ରାଦିସଂସେଵ୍ୟଃ ସିଦ୍ଧସାଧ୍ୟପ୍ରପୂଜିତଃ ।
ଲକ୍ଷ୍ମୀନୃସିଂହୋ ଦେଵେଶୋ ଜ୍ଵାଲାଜିହ୍ଵାଂତ୍ରମାଲିକଃ ॥ 22 ॥

ଖଡ୍ଗୀ ଖେଟୀ ମହେଷ୍ଵାସୀ କପାଲୀ ମୁସଲୀ ହଲୀ ।
ପାଶୀ ଶୂଲୀ ମହାବାହୁର୍ଜ୍ଵରଘ୍ନୋ ରୋଗଲୁଂଠକଃ ॥ 23 ॥

ମୌଂଜୀୟୁକ୍ ଛାତ୍ରକୋ ଦଂଡୀ କୃଷ୍ଣାଜିନଧରୋ ଵଟୁଃ ।
ଅଧୀତଵେଦୋ ଵେଦାଂତୋଦ୍ଧାରକୋ ବ୍ରହ୍ମନୈଷ୍ଠିକଃ ॥ 24 ॥

ଅହୀନଶୟନପ୍ରୀତଃ ଆଦିତେୟୋଽନଘୋ ହରିଃ ।
ସଂଵିତ୍ପ୍ରିୟଃ ସାମଵେଦ୍ୟୋ ବଲିଵେଶ୍ମପ୍ରତିଷ୍ଠିତଃ ॥ 25 ॥

ବଲିକ୍ଷାଲିତପାଦାବ୍ଜୋ ଵିଂଧ୍ୟାଵଲିଵିମାନିତଃ ।
ତ୍ରିପାଦଭୂମିସ୍ଵୀକର୍ତା ଵିଶ୍ଵରୂପପ୍ରଦର୍ଶକଃ ॥ 26 ॥

ଧୃତତ୍ରିଵିକ୍ରମଃ ସ୍ଵାଂଘ୍ରିନଖଭିନ୍ନାଂଡଖର୍ପରଃ ।
ପଜ୍ଜାତଵାହିନୀଧାରାପଵିତ୍ରିତଜଗତ୍ତ୍ରୟଃ ॥ 27 ॥

ଵିଧିସମ୍ମାନିତଃ ପୁଣ୍ୟୋ ଦୈତ୍ୟୟୋଦ୍ଧା ଜୟୋର୍ଜିତଃ ।
ସୁରରାଜ୍ୟପ୍ରଦଃ ଶୁକ୍ରମଦହୃତ୍ସୁଗତୀଶ୍ଵରଃ ॥ 28 ॥

ଜାମଦଗ୍ନ୍ୟଃ କୁଠାରୀ ଚ କାର୍ତଵୀର୍ୟଵିଦାରଣଃ ।
ରେଣୁକାୟାଃ ଶିରୋହାରୀ ଦୁଷ୍ଟକ୍ଷତ୍ରିୟମର୍ଦନଃ ॥ 29 ॥

ଵର୍ଚସ୍ଵୀ ଦାନଶୀଲଶ୍ଚ ଧନୁଷ୍ମାନ୍ ବ୍ରହ୍ମଵିତ୍ତମଃ ।
ଅତ୍ୟୁଦଗ୍ରଃ ସମଗ୍ରଶ୍ଚ ନ୍ୟଗ୍ରୋଧୋ ଦୁଷ୍ଟନିଗ୍ରହଃ ॥ 30 ॥

ରଵିଵଂଶସମୁଦ୍ଭୂତୋ ରାଘଵୋ ଭରତାଗ୍ରଜଃ ।
କୌସଲ୍ୟାତନୟୋ ରାମୋ ଵିଶ୍ଵାମିତ୍ରପ୍ରିୟଂକରଃ ॥ 31 ॥

ତାଟକାରିଃ ସୁବାହୁଘ୍ନୋ ବଲାତିବଲମଂତ୍ରଵାନ୍ ।
ଅହଲ୍ୟାଶାପଵିଚ୍ଛେଦୀ ପ୍ରଵିଷ୍ଟଜନକାଲୟଃ ॥ 32 ॥

ସ୍ଵୟଂଵରସଭାସଂସ୍ଥ ଈଶଚାପପ୍ରଭଂଜନଃ ।
ଜାନକୀପରିଣେତା ଚ ଜନକାଧୀଶସଂସ୍ତୁତଃ ॥ 33 ॥

ଜମଦଗ୍ନିତନୂଜାତୟୋଦ୍ଧାଽୟୋଧ୍ୟାଧିପାଗ୍ରଣୀଃ ।
ପିତୃଵାକ୍ୟପ୍ରତୀପାଲସ୍ତ୍ୟକ୍ତରାଜ୍ୟଃ ସଲକ୍ଷ୍ମଣଃ ॥ 34 ॥

ସସୀତଶ୍ଚିତ୍ରକୂଟସ୍ଥୋ ଭରତାହିତରାଜ୍ୟକଃ ।
କାକଦର୍ପପ୍ରହର୍ତା ଚ ଦଂଡକାରଣ୍ୟଵାସକଃ ॥ 35 ॥

ପଂଚଵଟ୍ୟାଂ ଵିହାରୀ ଚ ସ୍ଵଧର୍ମପରିପୋଷକଃ ।
ଵିରାଧହାଽଗସ୍ତ୍ୟମୁଖ୍ୟମୁନିସମ୍ମାନିତଃ ପୁମାନ୍ ॥ 36 ॥

ଇଂଦ୍ରଚାପଧରଃ ଖଡ୍ଗଧରଶ୍ଚାକ୍ଷୟସାୟକଃ ।
ଖରାଂତକୋ ଦୂଷଣାରିସ୍ତ୍ରିଶିରସ୍କରିପୁର୍ଵୃଷଃ ॥ 37 ॥

ତତଃ ଶୂର୍ପଣଖାନାସାଚ୍ଛେତ୍ତା ଵଲ୍କଲଧାରକଃ ।
ଜଟାଵାନ୍ ପର୍ଣଶାଲାସ୍ଥୋ ମାରୀଚବଲମର୍ଦକଃ ॥ 38 ॥

ପକ୍ଷିରାଟ୍କୃତସଂଵାଦୋ ରଵିତେଜା ମହାବଲଃ ।
ଶବର୍ୟାନୀତଫଲଭୁକ୍ ହନୂମତ୍ପରିତୋଷିତଃ ॥ 39 ॥

ସୁଗ୍ରୀଵାଽଭୟଦୋ ଦୈତ୍ୟକାୟକ୍ଷେପଣଭାସୁରଃ ।
ସପ୍ତତାଲସମୁଚ୍ଛେତ୍ତା ଵାଲିହୃତ୍କପିସଂଵୃତଃ ॥ 40 ॥

ଵାୟୁସୂନୁକୃତାସେଵସ୍ତ୍ୟକ୍ତପଂପଃ କୁଶାସନଃ ।
ଉଦନ୍ଵତ୍ତୀରଗଃ ଶୂରୋ ଵିଭୀଷଣଵରପ୍ରଦଃ ॥ 41 ॥

ସେତୁକୃଦ୍ଦୈତ୍ୟହା ପ୍ରାପ୍ତଲଂକୋଽଲଂକାରଵାନ୍ ସ୍ଵୟମ୍ ।
ଅତିକାୟଶିରଶ୍ଛେତ୍ତା କୁଂଭକର୍ଣଵିଭେଦନଃ ॥ 42 ॥

ଦଶକଂଠଶିରୋଧ୍ଵଂସୀ ଜାଂବଵତ୍ପ୍ରମୁଖାଵୃତଃ ।
ଜାନକୀଶଃ ସୁରାଧ୍ୟକ୍ଷଃ ସାକେତେଶଃ ପୁରାତନଃ ॥ 43 ॥

ପୁଣ୍ୟଶ୍ଲୋକୋ ଵେଦଵେଦ୍ୟଃ ସ୍ଵାମିତୀର୍ଥନିଵାସକଃ ।
ଲକ୍ଷ୍ମୀସରଃକେଳିଲୋଲୋ ଲକ୍ଷ୍ମୀଶୋ ଲୋକରକ୍ଷକଃ ॥ 44 ॥

ଦେଵକୀଗର୍ଭସଂଭୂତୋ ୟଶୋଦେକ୍ଷଣଲାଲିତଃ ।
ଵସୁଦେଵକୃତସ୍ତୋତ୍ରୋ ନଂଦଗୋପମନୋହରଃ ॥ 45 ॥

ଚତୁର୍ଭୁଜଃ କୋମଲାଂଗୋ ଗଦାଵାନ୍ନୀଲକୁଂତଲଃ ।
ପୂତନାପ୍ରାଣସଂହର୍ତା ତୃଣାଵର୍ତଵିନାଶନଃ ॥ 46 ॥

ଗର୍ଗାରୋପିତନାମାଂକୋ ଵାସୁଦେଵୋ ହ୍ୟଧୋକ୍ଷଜଃ ।
ଗୋପିକାସ୍ତନ୍ୟପାୟୀ ଚ ବଲଭଦ୍ରାନୁଜୋଽଚ୍ୟୁତଃ ॥ 47 ॥

ଵୈୟାଘ୍ରନଖଭୂଷଶ୍ଚ ଵତ୍ସଜିଦ୍ଵତ୍ସଵର୍ଧନଃ ।
କ୍ଷୀରସାରାଶନରତୋ ଦଧିଭାଂଡପ୍ରମର୍ଦନଃ ॥ 48 ॥

ନଵନୀତାପହର୍ତା ଚ ନୀଲନୀରଦଭାସୁରଃ ।
ଆଭୀରଦୃଷ୍ଟଦୌର୍ଜନ୍ୟୋ ନୀଲପଦ୍ମନିଭାନନଃ ॥ 49 ॥

ମାତୃଦର୍ଶିତଵିଶ୍ଵାଽଽସ୍ୟ ଉଲୂଖଲନିବଂଧନଃ ।
ନଲକୂବରଶାପାଂତୋ ଗୋଧୂଳିଚ୍ଛୁରିତାଂଗକଃ ॥ 50 ॥

ଗୋସଂଘରକ୍ଷକଃ ଶ୍ରୀଶୋ ବୃଂଦାରଣ୍ୟନିଵାସକଃ ।
ଵତ୍ସାଂତକୋ ବକଦ୍ଵେଷୀ ଦୈତ୍ୟାଂବୁଦମହାନିଲଃ ॥ 51 ॥

ମହାଜଗରଚଂଡାଗ୍ନିଃ ଶକଟପ୍ରାଣକଂଟକଃ ।
ଇଂଦ୍ରସେଵ୍ୟଃ ପୁଣ୍ୟଗାତ୍ରଃ ଖରଜିଚ୍ଚଂଡଦୀଧିତିଃ ॥ 52 ॥

ତାଲପକ୍ଵଫଲାଶୀ ଚ କାଳୀୟଫଣିଦର୍ପହା ।
ନାଗପତ୍ନୀସ୍ତୁତିପ୍ରୀତଃ ପ୍ରଲଂବାସୁରଖଂଡନଃ ॥ 53 ॥

ଦାଵାଗ୍ନିବଲସଂହାରୀ ଫଲାହାରୀ ଗଦାଗ୍ରଜଃ ।
ଗୋପାଂଗନାଚେଲଚୋରଃ ପାଥୋଲୀଲାଵିଶାରଦଃ ॥ 54 ॥

ଵଂଶଗାନପ୍ରଵୀଣଶ୍ଚ ଗୋପୀହସ୍ତାଂବୁଜାର୍ଚିତଃ ।
ମୁନିପତ୍ନ୍ୟାହୃତାହାରୋ ମୁନିଶ୍ରେଷ୍ଠୋ ମୁନିପ୍ରିୟଃ ॥ 55 ॥

ଗୋଵର୍ଧନାଦ୍ରିସଂଧର୍ତା ସଂକ୍ରଂଦନତମୋଽପହଃ ।
ସଦୁଦ୍ୟାନଵିଲାସୀ ଚ ରାସକ୍ରୀଡାପରାୟଣଃ ॥ 56 ॥

ଵରୁଣାଭ୍ୟର୍ଚିତୋ ଗୋପୀପ୍ରାର୍ଥିତଃ ପୁରୁଷୋତ୍ତମଃ ।
ଅକ୍ରୂରସ୍ତୁତିସଂପ୍ରୀତଃ କୁବ୍ଜାୟୌଵନଦାୟକଃ ॥ 57 ॥

ମୁଷ୍ଟିକୋରଃପ୍ରହାରୀ ଚ ଚାଣୂରୋଦରଦାରଣଃ ।
ମଲ୍ଲୟୁଦ୍ଧାଗ୍ରଗଣ୍ୟଶ୍ଚ ପିତୃବଂଧନମୋଚକଃ ॥ 58 ॥

ମତ୍ତମାତଂଗପଂଚାସ୍ୟଃ କଂସଗ୍ରୀଵାନିକୃଂତନଃ ।
ଉଗ୍ରସେନପ୍ରତିଷ୍ଠାତା ରତ୍ନସିଂହାସନସ୍ଥିତଃ ॥ 59 ॥

କାଲନେମିଖଲଦ୍ଵେଷୀ ମୁଚୁକୁଂଦଵରପ୍ରଦଃ ।
ସାଲ୍ଵସେଵିତଦୁର୍ଧର୍ଷରାଜସ୍ମୟନିଵାରଣଃ ॥ 60 ॥

ରୁକ୍ମିଗର୍ଵାପହାରୀ ଚ ରୁକ୍ମିଣୀନୟନୋତ୍ସଵଃ ।
ପ୍ରଦ୍ୟୁମ୍ନଜନକଃ କାମୀ ପ୍ରଦ୍ୟୁମ୍ନୋ ଦ୍ଵାରକାଧିପଃ ॥ 61 ॥

ମଣ୍ୟାହର୍ତା ମହାମାୟୋ ଜାଂବଵତ୍କୃତସଂଗରଃ ।
ଜାଂବୂନଦାଂବରଧରୋ ଗମ୍ୟୋ ଜାଂବଵତୀଵିଭୁଃ ॥ 62 ॥

କାଲିଂଦୀପ୍ରଥିତାରାମକେଲିର୍ଗୁଂଜାଵତଂସକଃ ।
ମଂଦାରସୁମନୋଭାସ୍ଵାନ୍ ଶଚୀଶାଭୀଷ୍ଟଦାୟକଃ ॥ 63 ॥

ସତ୍ରାଜିନ୍ମାନସୋଲ୍ଲାସୀ ସତ୍ୟାଜାନିଃ ଶୁଭାଵହଃ ।
ଶତଧନ୍ଵହରଃ ସିଦ୍ଧଃ ପାଂଡଵପ୍ରିୟକୋତ୍ସଵଃ ॥ 64 ॥

ଭଦ୍ରପ୍ରିୟଃ ସୁଭଦ୍ରାୟା ଭ୍ରାତା ନାଗ୍ନାଜିତୀଵିଭୁଃ ।
କିରୀଟକୁଂଡଲଧରଃ କଲ୍ପପଲ୍ଲଵଲାଲିତଃ ॥ 65 ॥

ଭୈଷ୍ମୀପ୍ରଣୟଭାଷାଵାନ୍ ମିତ୍ରଵିଂଦାଧିପୋଽଭୟଃ ।
ସ୍ଵମୂର୍ତିକେଲିସଂପ୍ରୀତୋ ଲକ୍ଷ୍ମଣୋଦାରମାନସଃ ॥ 66 ॥

ପ୍ରାଗ୍ଜ୍ୟୋତିଷାଧିପଧ୍ଵଂସୀ ତତ୍ସୈନ୍ୟାଂତକରୋଽମୃତଃ ।
ଭୂମିସ୍ତୁତୋ ଭୂରିଭୋଗୋ ଭୂଷଣାଂବରସଂୟୁତଃ ॥ 67 ॥

ବହୁରାମାକୃତାହ୍ଲାଦୋ ଗଂଧମାଲ୍ୟାନୁଲେପନଃ ।
ନାରଦାଦୃଷ୍ଟଚରିତୋ ଦେଵେଶୋ ଵିଶ୍ଵରାଡ୍ଗୁରୁଃ ॥ 68 ॥

ବାଣବାହୁଵିଦାରଶ୍ଚ ତାପଜ୍ଵରଵିନାଶକଃ ।
ଉଷୋଦ୍ଧର୍ଷୟିତାଽଵ୍ୟକ୍ତଃ ଶିଵଵାକ୍ତୁଷ୍ଟମାନସଃ ॥ 69 ॥

ମହେଶଜ୍ଵରସଂସ୍ତୁତ୍ୟଃ ଶୀତଜ୍ଵରଭୟାଂତକଃ ।
ନୃଗରାଜୋଦ୍ଧାରକଶ୍ଚ ପୌଂଡ୍ରକାଦିଵଧୋଦ୍ୟତଃ ॥ 70 ॥

ଵିଵିଧାରିଚ୍ଛଲୋଦ୍ଵିଗ୍ନବ୍ରାହ୍ମଣେଷୁ ଦୟାପରଃ ।
ଜରାସଂଧବଲଦ୍ଵେଷୀ କେଶିଦୈତ୍ୟଭୟଂକରଃ ॥ 71 ॥

ଚକ୍ରୀ ଚୈଦ୍ୟାଂତକଃ ସଭ୍ୟୋ ରାଜବଂଧଵିମୋଚକଃ ।
ରାଜସୂୟହଵିର୍ଭୋକ୍ତା ସ୍ନିଗ୍ଧାଂଗଃ ଶୁଭଲକ୍ଷଣଃ ॥ 72 ॥

ଧାନାଭକ୍ଷଣସଂପ୍ରୀତଃ କୁଚେଲାଭୀଷ୍ଟଦାୟକଃ ।
ସତ୍ତ୍ଵାଦିଗୁଣଗଂଭୀରୋ ଦ୍ରୌପଦୀମାନରକ୍ଷକଃ ॥ 73 ॥

ଭୀଷ୍ମଧ୍ୟେୟୋ ଭକ୍ତଵଶ୍ୟୋ ଭୀମପୂଜ୍ୟୋ ଦୟାନିଧିଃ ।
ଦଂତଵକ୍ତ୍ରଶିରଶ୍ଛେତ୍ତା କୃଷ୍ଣଃ କୃଷ୍ଣାସଖଃ ସ୍ଵରାଟ୍ ॥ 74 ॥

ଵୈଜୟଂତୀପ୍ରମୋଦୀ ଚ ବର୍ହିବର୍ହଵିଭୂଷଣଃ ।
ପାର୍ଥକୌରଵସଂଧାନକାରୀ ଦୁଶ୍ଶାସନାଂତକଃ ॥ 75 ॥

ବୁଦ୍ଧୋ ଵିଶୁଦ୍ଧଃ ସର୍ଵଜ୍ଞଃ କ୍ରତୁହିଂସାଵିନିଂଦକଃ ।
ତ୍ରିପୁରସ୍ତ୍ରୀମାନଭଂଗଃ ସର୍ଵଶାସ୍ତ୍ରଵିଶାରଦଃ ॥ 76 ॥

ନିର୍ଵିକାରୋ ନିର୍ମମଶ୍ଚ ନିରାଭାସୋ ନିରାମୟଃ ।
ଜଗନ୍ମୋହକଧର୍ମୀ ଚ ଦିଗ୍ଵସ୍ତ୍ରୋ ଦିକ୍ପତୀଶ୍ଵରଃ ॥ 77 ॥

କଲ୍କୀ ମ୍ଲେଚ୍ଛପ୍ରହର୍ତା ଚ ଦୁଷ୍ଟନିଗ୍ରହକାରକଃ ।
ଧର୍ମପ୍ରତିଷ୍ଟାକାରୀ ଚ ଚାତୁର୍ଵର୍ଣ୍ୟଵିଭାଗକୃତ୍ ॥ 78 ॥

ୟୁଗାଂତକୋ ୟୁଗାକ୍ରାଂତୋ ୟୁଗକୃଦ୍ୟୁଗଭାସକଃ ।
କାମାରିଃ କାମକାରୀ ଚ ନିଷ୍କାମଃ କାମିତାର୍ଥଦଃ ॥ 79 ॥

ଭର୍ଗୋ ଵରେଣ୍ୟଃ ସଵିତୁଃ ଶାରଂଗୀ ଵୈକୁଂଠମଂଦିରଃ ।
ହୟଗ୍ରୀଵଃ କୈଟଭାରିଃ ଗ୍ରାହଘ୍ନୋ ଗଜରକ୍ଷକଃ ॥ 80 ॥

ସର୍ଵସଂଶୟଵିଚ୍ଛେତ୍ତା ସର୍ଵଭକ୍ତସମୁତ୍ସୁକଃ ।
କପର୍ଦୀ କାମହାରୀ ଚ କଲା କାଷ୍ଠା ସ୍ମୃତିର୍ଧୃତିଃ ॥ 81 ॥

ଅନାଦିରପ୍ରମେୟୌଜାଃ ପ୍ରଧାନଃ ସନ୍ନିରୂପକଃ ।
ନିର୍ଲେପୋ ନିଃସ୍ପୃହୋଽସଂଗୋ ନିର୍ଭୟୋ ନୀତିପାରଗଃ ॥ 82 ॥

ନିଷ୍ପ୍ରେଷ୍ୟୋ ନିଷ୍କ୍ରିୟଃ ଶାଂତୋ ନିଷ୍ପ୍ରପଂଚୋ ନିଧିର୍ନୟଃ
କର୍ମ୍ୟକର୍ମୀ ଵିକର୍ମୀ ଚ କର୍ମେପ୍ସୁଃ କର୍ମଭାଵନଃ ॥ 83 ॥

କର୍ମାଂଗଃ କର୍ମଵିନ୍ୟାସୋ ମହାକର୍ମୀ ମହାଵ୍ରତୀ ।
କର୍ମଭୁକ୍କର୍ମଫଲଦଃ କର୍ମେଶଃ କର୍ମନିଗ୍ରହଃ ॥ 84 ॥

ନରୋ ନାରାୟଣୋ ଦାଂତଃ କପିଲଃ କାମଦଃ ଶୁଚିଃ ।
ତପ୍ତା ଜପ୍ତାଽକ୍ଷମାଲାଵାନ୍ ଗଂତା ନେତା ଲୟୋ ଗତିଃ ॥ 85 ॥

ଶିଷ୍ଟୋ ଦ୍ରଷ୍ଟା ରିପୁଦ୍ଵେଷ୍ଟା ରୋଷ୍ଟା ଵେଷ୍ଟା ମହାନଟଃ ।
ରୋଦ୍ଧା ବୋଦ୍ଧା ମହାୟୋଦ୍ଧା ଶ୍ରଦ୍ଧାଵାନ୍ ସତ୍ୟଧୀଃ ଶୁଭଃ ॥ 86 ॥

ମଂତ୍ରୀ ମଂତ୍ରୋ ମଂତ୍ରଗମ୍ୟୋ ମଂତ୍ରକୃତ୍ପରମଂତ୍ରହୃତ୍ ।
ମଂତ୍ରଭୃନ୍ମଂତ୍ରଫଲଦୋ ମଂତ୍ରେଶୋ ମଂତ୍ରଵିଗ୍ରହଃ ॥ 87 ॥

ମଂତ୍ରାଂଗୋ ମଂତ୍ରଵିନ୍ୟାସୋ ମହାମଂତ୍ରୋ ମହାକ୍ରମଃ ।
ସ୍ଥିରଧୀଃ ସ୍ଥିରଵିଜ୍ଞାନଃ ସ୍ଥିରପ୍ରଜ୍ଞଃ ସ୍ଥିରାସନଃ ॥ 88 ॥

ସ୍ଥିରୟୋଗଃ ସ୍ଥିରାଧାରଃ ସ୍ଥିରମାର୍ଗଃ ସ୍ଥିରାଗମଃ ।
ନିଶ୍ଶ୍ରେୟସୋ ନିରୀହୋଽଗ୍ନିର୍ନିରଵଦ୍ୟୋ ନିରଂଜନଃ ॥ 89 ॥

ନିର୍ଵୈରୋ ନିରହଂକାରୋ ନିର୍ଦଂଭୋ ନିରସୂୟକଃ ।
ଅନଂତୋଽନଂତବାହୂରୁରନଂତାଂଘ୍ରିରନଂତଦୃକ୍ ॥ 90 ॥

ଅନଂତଵକ୍ତ୍ରୋଽନଂତାଂଗୋଽନଂତରୂପୋ ହ୍ୟନଂତକୃତ୍ ।
ଊର୍ଧ୍ଵରେତା ଊର୍ଧ୍ଵଲିଂଗୋ ହ୍ୟୂର୍ଧ୍ଵମୂର୍ଧୋର୍ଧ୍ଵଶାଖକଃ ॥ 91 ॥

ଊର୍ଧ୍ଵ ଊର୍ଧ୍ଵାଧ୍ଵରକ୍ଷୀ ଚ ହ୍ୟୂର୍ଧ୍ଵଜ୍ଵାଲୋ ନିରାକୁଲଃ ।
ବୀଜଂ ବୀଜପ୍ରଦୋ ନିତ୍ୟୋ ନିଦାନଂ ନିଷ୍କୃତିଃ କୃତୀ ॥ 92 ॥

ମହାନଣୀୟନ୍ ଗରିମା ସୁଷମା ଚିତ୍ରମାଲିକଃ ।
ନଭଃ ସ୍ପୃଙ୍ନଭସୋ ଜ୍ୟୋତିର୍ନଭସ୍ଵାନ୍ନିର୍ନଭା ନଭଃ ॥ 93 ॥

ଅଭୁର୍ଵିଭୁଃ ପ୍ରଭୁଃ ଶଂଭୁର୍ମହୀୟାନ୍ ଭୂର୍ଭୁଵାକୃତିଃ ।
ମହାନଂଦୋ ମହାଶୂରୋ ମହୋରାଶିର୍ମହୋତ୍ସଵଃ ॥ 94 ॥

ମହାକ୍ରୋଧୋ ମହାଜ୍ଵାଲୋ ମହାଶାଂତୋ ମହାଗୁଣଃ ।
ସତ୍ୟଵ୍ରତଃ ସତ୍ୟପରଃ ସତ୍ୟସଂଧଃ ସତାଂ ଗତିଃ ॥ 95 ॥

ସତ୍ୟେଶଃ ସତ୍ୟସଂକଲ୍ପଃ ସତ୍ୟଚାରିତ୍ରଲକ୍ଷଣଃ ।
ଅଂତଶ୍ଚରୋ ହ୍ୟଂତରାତ୍ମା ପରମାତ୍ମା ଚିଦାତ୍ମକଃ ॥ 96 ॥

ରୋଚନୋ ରୋଚମାନଶ୍ଚ ସାକ୍ଷୀ ଶୌରିର୍ଜନାର୍ଦନଃ ।
ମୁକୁଂଦୋ ନଂଦନିଷ୍ପଂଦଃ ସ୍ଵର୍ଣବିଂଦୁଃ ପୁରଂଦରଃ ॥ 97 ॥

ଅରିଂଦମଃ ସୁମଂଦଶ୍ଚ କୁଂଦମଂଦାରହାସଵାନ୍ ।
ସ୍ୟଂଦନାରୂଢଚଂଡାଂଗୋ ହ୍ୟାନଂଦୀ ନଂଦନଂଦନଃ ॥ 98 ॥

ଅନସୂୟାନଂଦନୋଽତ୍ରିନେତ୍ରାନଂଦଃ ସୁନଂଦଵାନ୍ ।
ଶଂଖଵାନ୍ପଂକଜକରଃ କୁଂକୁମାଂକୋ ଜୟାଂକୁଶଃ ॥ 99 ॥

ଅଂଭୋଜମକରଂଦାଢ୍ୟୋ ନିଷ୍ପଂକୋଽଗରୁପଂକିଲଃ ।
ଇଂଦ୍ରଶ୍ଚଂଦ୍ରରଥଶ୍ଚଂଦ୍ରୋଽତିଚଂଦ୍ରଶ୍ଚଂଦ୍ରଭାସକଃ ॥ 100 ॥

ଉପେଂଦ୍ର ଇଂଦ୍ରରାଜଶ୍ଚ ଵାଗିଂଦ୍ରଶ୍ଚଂଦ୍ରଲୋଚନଃ ।
ପ୍ରତ୍ୟକ୍ ପରାକ୍ ପରଂଧାମ ପରମାର୍ଥଃ ପରାତ୍ପରଃ ॥ 101 ॥

ଅପାରଵାକ୍ ପାରଗାମୀ ପାରାଵାରଃ ପରାଵରଃ ।
ସହସ୍ଵାନର୍ଥଦାତା ଚ ସହନଃ ସାହସୀ ଜୟୀ ॥ 102 ॥

ତେଜସ୍ଵୀ ଵାୟୁଵିଶିଖୀ ତପସ୍ଵୀ ତାପସୋତ୍ତମଃ ।
ଐଶ୍ଵର୍ୟୋଦ୍ଭୂତିକୃଦ୍ଭୂତିରୈଶ୍ଵର୍ୟାଂଗକଲାପଵାନ୍ ॥ 103 ॥

ଅଂଭୋଧିଶାୟୀ ଭଗଵାନ୍ ସର୍ଵଜ୍ଞଃ ସାମପାରଗଃ ।
ମହାୟୋଗୀ ମହାଧୀରୋ ମହାଭୋଗୀ ମହାପ୍ରଭୁଃ ॥ 104 ॥

ମହାଵୀରୋ ମହାତୁଷ୍ଟିର୍ମହାପୁଷ୍ଟିର୍ମହାଗୁଣଃ ।
ମହାଦେଵୋ ମହାବାହୁର୍ମହାଧର୍ମୋ ମହେଶ୍ଵରଃ ॥ 105 ॥

ସମୀପଗୋ ଦୂରଗାମୀ ସ୍ଵର୍ଗମାର୍ଗନିରର୍ଗଲଃ ।
ନଗୋ ନଗଧରୋ ନାଗୋ ନାଗେଶୋ ନାଗପାଲକଃ ॥ 106 ॥

ହିରଣ୍ମୟଃ ସ୍ଵର୍ଣରେତା ହିରଣ୍ୟାର୍ଚିର୍ହିରଣ୍ୟଦଃ ।
ଗୁଣଗଣ୍ୟଃ ଶରଣ୍ୟଶ୍ଚ ପୁଣ୍ୟକୀର୍ତିଃ ପୁରାଣଗଃ ॥ 107 ॥

ଜନ୍ୟଭୃଜ୍ଜନ୍ୟସନ୍ନଦ୍ଧୋ ଦିଵ୍ୟପଂଚାୟୁଧୋ ଵଶୀ ।
ଦୌର୍ଜନ୍ୟଭଂଗଃ ପର୍ଜନ୍ୟଃ ସୌଜନ୍ୟନିଲୟୋଽଲୟଃ ॥ 108 ॥

ଜଲଂଧରାଂତକୋ ଭସ୍ମଦୈତ୍ୟନାଶୀ ମହାମନାଃ ।
ଶ୍ରେଷ୍ଠଃ ଶ୍ରଵିଷ୍ଠୋ ଦ୍ରାଘିଷ୍ଠୋ ଗରିଷ୍ଠୋ ଗରୁଡଧ୍ଵଜଃ ॥ 109 ॥

ଜ୍ୟେଷ୍ଠୋ ଦ୍ରଢିଷ୍ଠୋ ଵର୍ଷିଷ୍ଠୋ ଦ୍ରାଘୀୟାନ୍ ପ୍ରଣଵଃ ଫଣୀ ।
ସଂପ୍ରଦାୟକରଃ ସ୍ଵାମୀ ସୁରେଶୋ ମାଧଵୋ ମଧୁଃ ॥ 110 ॥

ନିର୍ନିମେଷୋ ଵିଧିର୍ଵେଧା ବଲଵାନ୍ ଜୀଵନଂ ବଲୀ ।
ସ୍ମର୍ତା ଶ୍ରୋତା ଵିକର୍ତା ଚ ଧ୍ୟାତା ନେତା ସମୋଽସମଃ ॥ 111 ॥

ହୋତା ପୋତା ମହାଵକ୍ତା ରଂତା ମଂତା ଖଲାଂତକଃ ।
ଦାତା ଗ୍ରାହୟିତା ମାତା ନିୟଂତାଽନଂତଵୈଭଵଃ ॥ 112 ॥

ଗୋପ୍ତା ଗୋପୟିତା ହଂତା ଧର୍ମଜାଗରିତା ଧଵଃ ।
କର୍ତା କ୍ଷେତ୍ରକରଃ କ୍ଷେତ୍ରପ୍ରଦଃ କ୍ଷେତ୍ରଜ୍ଞ ଆତ୍ମଵିତ୍ ॥ 113 ॥

କ୍ଷେତ୍ରୀ କ୍ଷେତ୍ରହରଃ କ୍ଷେତ୍ରପ୍ରିୟଃ କ୍ଷେମକରୋ ମରୁତ୍ ।
ଭକ୍ତିପ୍ରଦୋ ମୁକ୍ତିଦାୟୀ ଶକ୍ତିଦୋ ୟୁକ୍ତିଦାୟକଃ ॥ 114 ॥

ଶକ୍ତିୟୁଙ୍ମୌକ୍ତିକସ୍ରଗ୍ଵୀ ସୂକ୍ତିରାମ୍ନାୟସୂକ୍ତିଗଃ ।
ଧନଂଜୟୋ ଧନାଧ୍ୟକ୍ଷୋ ଧନିକୋ ଧନଦାଧିପଃ ॥ 115 ॥

ମହାଧନୋ ମହାମାନୀ ଦୁର୍ୟୋଧନଵିମାନିତଃ ।
ରତ୍ନାକରୋ ରତ୍ନରୋଚୀ ରତ୍ନଗର୍ଭାଶ୍ରୟଃ ଶୁଚିଃ ॥ 116 ॥

ରତ୍ନସାନୁନିଧିର୍ମୌଳିରତ୍ନଭା ରତ୍ନକଂକଣଃ ।
ଅଂତର୍ଲକ୍ଷ୍ୟୋଽଂତରଭ୍ୟାସୀ ଚାଂତର୍ଧ୍ୟେୟୋ ଜିତାସନଃ ॥ 117 ॥

ଅଂତରଂଗୋ ଦୟାଵାଂଶ୍ଚ ହ୍ୟଂତର୍ମାୟୋ ମହାର୍ଣଵଃ ।
ସରସଃ ସିଦ୍ଧରସିକଃ ସିଦ୍ଧିଃ ସାଧ୍ୟଃ ସଦାଗତିଃ ॥ 118 ॥

ଆୟୁଃପ୍ରଦୋ ମହାୟୁଷ୍ମାନର୍ଚିଷ୍ମାନୋଷଧୀପତିଃ ।
ଅଷ୍ଟଶ୍ରୀରଷ୍ଟଭାଗୋଽଷ୍ଟକକୁବ୍ଵ୍ୟାପ୍ତୟଶୋ ଵ୍ରତୀ ॥ 119 ॥

ଅଷ୍ଟାପଦଃ ସୁଵର୍ଣାଭୋ ହ୍ୟଷ୍ଟମୂର୍ତିସ୍ତ୍ରିମୂର୍ତିମାନ୍ ।
ଅସ୍ଵପ୍ନଃ ସ୍ଵପ୍ନଗଃ ସ୍ଵପ୍ନଃ ସୁସ୍ଵପ୍ନଫଲଦାୟକଃ ॥ 120 ॥

ଦୁଃସ୍ଵପ୍ନଧ୍ଵଂସକୋ ଧ୍ଵସ୍ତଦୁର୍ନିମିତ୍ତଃ ଶିଵଂକରଃ ।
ସୁଵର୍ଣଵର୍ଣଃ ସଂଭାଵ୍ୟୋ ଵର୍ଣିତୋ ଵର୍ଣସମ୍ମୁଖଃ ॥ 121 ॥

ସୁଵର୍ଣମୁଖରୀତୀରଶିଵଧ୍ୟାତପଦାଂବୁଜଃ ।
ଦାକ୍ଷାୟଣୀଵଚସ୍ତୁଷ୍ଟୋ ଦୂର୍ଵାସୋଦୃଷ୍ଟିଗୋଚରଃ ॥ 122 ॥

ଅଂବରୀଷଵ୍ରତପ୍ରୀତୋ ମହାକୃତ୍ତିଵିଭଂଜନଃ ।
ମହାଭିଚାରକଧ୍ଵଂସୀ କାଲସର୍ପଭୟାଂତକଃ ॥ 123 ॥

ସୁଦର୍ଶନଃ କାଲମେଘଶ୍ୟାମଃ ଶ୍ରୀମଂତ୍ରଭାଵିତଃ ।
ହେମାଂବୁଜସରଃସ୍ନାୟୀ ଶ୍ରୀମନୋଭାଵିତାକୃତିଃ ॥ 124 ॥

ଶ୍ରୀପ୍ରଦତ୍ତାଂବୁଜସ୍ରଗ୍ଵୀ ଶ୍ରୀକେଳିଃ ଶ୍ରୀନିଧିର୍ଭଵଃ ।
ଶ୍ରୀପ୍ରଦୋ ଵାମନୋ ଲକ୍ଷ୍ମୀନାୟକଶ୍ଚ ଚତୁର୍ଭୁଜଃ ॥ 125 ॥

ସଂତୃପ୍ତସ୍ତର୍ପିତସ୍ତୀର୍ଥସ୍ନାତୃସୌଖ୍ୟପ୍ରଦର୍ଶକଃ ।
ଅଗସ୍ତ୍ୟସ୍ତୁତିସଂହୃଷ୍ଟୋ ଦର୍ଶିତାଵ୍ୟକ୍ତଭାଵନଃ ॥ 126 ॥

କପିଲାର୍ଚିଃ କପିଲଵାନ୍ ସୁସ୍ନାତାଘଵିପାଟନଃ ।
ଵୃଷାକପିଃ କପିସ୍ଵାମିମନୋଽଂତଃସ୍ଥିତଵିଗ୍ରହଃ ॥ 127 ॥

ଵହ୍ନିପ୍ରିୟୋଽର୍ଥସଂଭାଵ୍ୟୋ ଜନଲୋକଵିଧାୟକଃ ।
ଵହ୍ନିପ୍ରଭୋ ଵହ୍ନିତେଜାଃ ଶୁଭାଭୀଷ୍ଟପ୍ରଦୋ ୟମୀ ॥ 128 ॥

ଵାରୁଣକ୍ଷେତ୍ରନିଲୟୋ ଵରୁଣୋ ଵାରଣାର୍ଚିତଃ ।
ଵାୟୁସ୍ଥାନକୃତାଵାସୋ ଵାୟୁଗୋ ଵାୟୁସଂଭୃତଃ ॥ 129 ॥

ୟମାଂତକୋଽଭିଜନନୋ ୟମଲୋକନିଵାରଣଃ ।
ୟମିନାମଗ୍ରଗଣ୍ୟଶ୍ଚ ସଂୟମୀ ୟମଭାଵିତଃ ॥ 130 ॥

ଇଂଦ୍ରୋଦ୍ୟାନସମୀପସ୍ଥଃ ଇଂଦ୍ରଦୃଗ୍ଵିଷୟଃ ପ୍ରଭୁଃ ।
ୟକ୍ଷରାଟ୍ ସରସୀଵାସୋ ହ୍ୟକ୍ଷୟ୍ୟନିଧିକୋଶକୃତ୍ ॥ 131 ॥

ସ୍ଵାମିତୀର୍ଥକୃତାଵାସଃ ସ୍ଵାମିଧ୍ୟେୟୋ ହ୍ୟଧୋକ୍ଷଜଃ ।
ଵରାହାଦ୍ୟଷ୍ଟତୀର୍ଥାଭିସେଵିତାଂଘ୍ରିସରୋରୁହଃ ॥ 132 ॥

ପାଂଡୁତୀର୍ଥାଭିଷିକ୍ତାଂଗୋ ୟୁଧିଷ୍ଠିରଵରପ୍ରଦଃ ।
ଭୀମାଂତଃକରଣାରୂଢଃ ଶ୍ଵେତଵାହନସଖ୍ୟଵାନ୍ ॥ 133 ॥

ନକୁଲାଭୟଦୋ ମାଦ୍ରୀସହଦେଵାଭିଵଂଦିତଃ ।
କୃଷ୍ଣାଶପଥସଂଧାତା କୁଂତୀସ୍ତୁତିରତୋ ଦମୀ ॥ 134 ॥

ନାରଦାଦିମୁନିସ୍ତୁତ୍ୟୋ ନିତ୍ୟକର୍ମପରାୟଣଃ ।
ଦର୍ଶିତାଵ୍ୟକ୍ତରୂପଶ୍ଚ ଵୀଣାନାଦପ୍ରମୋଦିତଃ ॥ 135 ॥

ଷଟ୍କୋଟିତୀର୍ଥଚର୍ୟାଵାନ୍ ଦେଵତୀର୍ଥକୃତାଶ୍ରମଃ ।
ବିଲ୍ଵାମଲଜଲସ୍ନାୟୀ ସରସ୍ଵତ୍ୟଂବୁସେଵିତଃ ॥ 136 ॥

ତୁଂବୁରୂଦକସଂସ୍ପର୍ଶଜନଚିତ୍ତତମୋଽପହଃ ।
ମତ୍ସ୍ୟଵାମନକୂର୍ମାଦିତୀର୍ଥରାଜଃ ପୁରାଣଭୃତ୍ ॥ 137 ॥

ଚକ୍ରଧ୍ୟେୟପଦାଂଭୋଜଃ ଶଂଖପୂଜିତପାଦୁକଃ ।
ରାମତୀର୍ଥଵିହାରୀ ଚ ବଲଭଦ୍ରପ୍ରତିଷ୍ଠିତଃ ॥ 138 ॥

ଜାମଦଗ୍ନ୍ୟସରସ୍ତୀର୍ଥଜଲସେଚନତର୍ପିତଃ ।
ପାପାପହାରିକୀଲାଲସୁସ୍ନାତାଘଵିନାଶନଃ ॥ 139 ॥

ନଭୋଗଂଗାଭିଷିକ୍ତଶ୍ଚ ନାଗତୀର୍ଥାଭିଷେକଵାନ୍ ।
କୁମାରଧାରାତୀର୍ଥସ୍ଥୋ ଵଟୁଵେଷଃ ସୁମେଖଲଃ ॥ 140 ॥

ଵୃଦ୍ଧସ୍ୟ ସୁକୁମାରତ୍ଵପ୍ରଦଃ ସୌଂଦର୍ୟଵାନ୍ ସୁଖୀ ।
ପ୍ରିୟଂଵଦୋ ମହାକୁକ୍ଷିରିକ୍ଷ୍ଵାକୁକୁଲନଂଦନଃ ॥ 141 ॥

ନୀଲଗୋକ୍ଷୀରଧାରାଭୂର୍ଵରାହାଚଲନାୟକଃ ।
ଭରଦ୍ଵାଜପ୍ରତିଷ୍ଠାଵାନ୍ ବୃହସ୍ପତିଵିଭାଵିତଃ ॥ 142 ॥

ଅଂଜନାକୃତପୂଜାଵାନ୍ ଆଂଜନେୟକରାର୍ଚିତଃ ।
ଅଂଜନାଦ୍ରିନିଵାସଶ୍ଚ ମୁଂଜକେଶଃ ପୁରଂଦରଃ ॥ 143 ॥

କିନ୍ନରଦ୍ଵୟସଂବଂଧିବଂଧମୋକ୍ଷପ୍ରଦାୟକଃ ।
ଵୈଖାନସମଖାରଂଭୋ ଵୃଷଜ୍ଞେୟୋ ଵୃଷାଚଲଃ ॥ 144 ॥

ଵୃଷକାୟପ୍ରଭେତ୍ତା ଚ କ୍ରୀଡନାଚାରସଂଭ୍ରମଃ ।
ସୌଵର୍ଚଲେୟଵିନ୍ୟସ୍ତରାଜ୍ୟୋ ନାରାୟଣଃ ପ୍ରିୟଃ ॥ 145 ॥

ଦୁର୍ମେଧୋଭଂଜକଃ ପ୍ରାଜ୍ଞୋ ବ୍ରହ୍ମୋତ୍ସଵମହୋତ୍ସୁକଃ ।
ଭଦ୍ରାସୁରଶିରଶ୍ଛେତ୍ତା ଭଦ୍ରକ୍ଷେତ୍ରୀ ସୁଭଦ୍ରଵାନ୍ ॥ 146 ॥

ମୃଗୟାଽକ୍ଷୀଣସନ୍ନାହଃ ଶଂଖରାଜନ୍ୟତୁଷ୍ଟିଦଃ ।
ସ୍ଥାଣୁସ୍ଥୋ ଵୈନତେୟାଂଗଭାଵିତୋ ହ୍ୟଶରୀରଵାନ୍ ॥ 147 ॥

ଭୋଗୀଂଦ୍ରଭୋଗସଂସ୍ଥାନୋ ବ୍ରହ୍ମାଦିଗଣସେଵିତଃ ।
ସହସ୍ରାର୍କଚ୍ଛଟାଭାସ୍ଵଦ୍ଵିମାନାଂତଃସ୍ଥିତୋ ଗୁଣୀ ॥ 148 ॥

ଵିଷ୍ଵକ୍ସେନକୃତସ୍ତୋତ୍ରଃ ସନଂଦନଵରୀଵୃତଃ ।
ଜାହ୍ନଵ୍ୟାଦିନଦୀସେଵ୍ୟଃ ସୁରେଶାଦ୍ୟଭିଵଂଦିତଃ ॥ 149 ॥

ସୁରାଂଗନାନୃତ୍ୟପରୋ ଗଂଧର୍ଵୋଦ୍ଗାୟନପ୍ରିୟଃ ।
ରାକେଂଦୁସଂକାଶନଖଃ କୋମଲାଂଘ୍ରିସରୋରୁହଃ ॥ 150 ॥

କଚ୍ଛପପ୍ରପଦଃ କୁଂଦଗୁଲ୍ଫକଃ ସ୍ଵଚ୍ଛକୂର୍ପରଃ ।
ମେଦୁରସ୍ଵର୍ଣଵସ୍ତ୍ରାଢ୍ୟକଟିଦେଶସ୍ଥମେଖଲଃ ॥ 151 ॥

ପ୍ରୋଲ୍ଲସଚ୍ଛୁରିକାଭାସ୍ଵତ୍କଟିଦେଶଃ ଶୁଭଂକରଃ ।
ଅନଂତପଦ୍ମଜସ୍ଥାନନାଭିର୍ମୌକ୍ତିକମାଲିକଃ ॥ 152 ॥

ମଂଦାରଚାଂପେୟମାଲୀ ରତ୍ନାଭରଣସଂଭୃତଃ ।
ଲଂବୟଜ୍ଞୋପଵୀତୀ ଚ ଚଂଦ୍ରଶ୍ରୀଖଂଡଲେପଵାନ୍ ॥ 153 ॥

ଵରଦୋଽଭୟଦଶ୍ଚକ୍ରୀ ଶଂଖୀ କୌସ୍ତୁଭଦୀପ୍ତିମାନ୍ ।
ଶ୍ରୀଵତ୍ସାଂକିତଵକ୍ଷସ୍କୋ ଲକ୍ଷ୍ମୀସଂଶ୍ରିତହୃତ୍ତଟଃ ॥ 154 ॥

ନୀଲୋତ୍ପଲନିଭାକାରଃ ଶୋଣାଂଭୋଜସମାନନଃ ।
କୋଟିମନ୍ମଥଲାଵଣ୍ୟଶ୍ଚଂଦ୍ରିକାସ୍ମିତପୂରିତଃ ॥ 155 ॥

ସୁଧାସ୍ଵଚ୍ଛୋର୍ଧ୍ଵପୁଂଡ୍ରଶ୍ଚ କସ୍ତୂରୀତିଲକାଂଚିତଃ ।
ପୁଂଡରୀକେକ୍ଷଣଃ ସ୍ଵଚ୍ଛୋ ମୌଲିଶୋଭାଵିରାଜିତଃ ॥ 156 ॥

ପଦ୍ମସ୍ଥଃ ପଦ୍ମନାଭଶ୍ଚ ସୋମମଂଡଲଗୋ ବୁଧଃ ।
ଵହ୍ନିମଂଡଲଗଃ ସୂର୍ୟଃ ସୂର୍ୟମଂଡଲସଂସ୍ଥିତଃ ॥ 157 ॥

ଶ୍ରୀପତିର୍ଭୂମିଜାନିଶ୍ଚ ଵିମଲାଦ୍ୟଭିସଂଵୃତଃ ।
ଜଗତ୍କୁଟୁଂବଜନିତା ରକ୍ଷକଃ କାମିତପ୍ରଦଃ ॥ 158 ॥

ଅଵସ୍ଥାତ୍ରୟୟଂତା ଚ ଵିଶ୍ଵତେଜସ୍ସ୍ଵରୂପଵାନ୍ ।
ଜ୍ଞପ୍ତିର୍ଜ୍ଞେୟୋ ଜ୍ଞାନଗମ୍ୟୋ ଜ୍ଞାନାତୀତଃ ସୁରାତିଗଃ ॥ 159 ॥

ବ୍ରହ୍ମାଂଡାଂତର୍ବହିର୍ଵ୍ୟାପ୍ତୋ ଵେଂକଟାଦ୍ରିଗଦାଧରଃ ।
ଵେଂକଟାଦ୍ରିଗଦାଧର ଓଂ ନମଃ ଇତି ॥
ଏଵଂ ଶ୍ରୀଵେଂକଟେଶସ୍ୟ କୀର୍ତିତଂ ପରମାଦ୍ଭୁତମ୍ ॥ 160 ॥

ନାମ୍ନାଂ ସହସ୍ରଂ ସଂଶ୍ରାଵ୍ୟଂ ପଵିତ୍ରଂ ପୁଣ୍ୟଵର୍ଧନମ୍ ।
ଶ୍ରଵଣାତ୍ସର୍ଵଦୋଷଘ୍ନଂ ରୋଗଘ୍ନଂ ମୃତ୍ୟୁନାଶନମ୍ ॥ 1 ॥

ଦାରିଦ୍ର୍ୟଭେଦନଂ ଧର୍ମ୍ୟଂ ସର୍ଵୈଶ୍ଵର୍ୟଫଲପ୍ରଦମ୍ ।
କାଲାହିଵିଷଵିଚ୍ଛେଦି ଜ୍ଵରାପସ୍ମାରଭଂଜନମ୍ ॥ 2 ॥

[ଶତ୍ରୁକ୍ଷୟକରଂ ରାଜଗ୍ରହପୀଡାନିଵାରଣମ୍ ।
ବ୍ରହ୍ମରାକ୍ଷସକୂଷ୍ମାଂଡଭେତାଲଭୟଭଂଜନମ୍ ॥]

ଵିଦ୍ୟାଭିଲାଷୀ ଵିଦ୍ୟାଵାନ୍ ଧନାର୍ଥୀ ଧନଵାନ୍ ଭଵେତ୍ ।
ଅନଂତକଲ୍ପଜୀଵୀ ସ୍ୟାଦାୟୁଷ୍କାମୋ ମହାୟଶାଃ ॥ 3 ॥

ପୁତ୍ରାର୍ଥୀ ସୁଗୁଣାନ୍ପୁତ୍ରାନ୍ ଲଭେତାଽଽୟୁଷ୍ମତସ୍ତତଃ ।
ସଂଗ୍ରାମେ ଶତ୍ରୁଵିଜୟୀ ସଭାୟାଂ ପ୍ରତିଵାଦିଜିତ୍ ॥ 4 ॥

ଦିଵ୍ୟୈର୍ନାମଭିରେଭିସ୍ତୁ ତୁଲସୀପୂଜନାତ୍ସକୃତ୍ ।
ଵୈକୁଂଠଵାସୀ ଭଗଵତ୍ସଦୃଶୋ ଵିଷ୍ଣୁସନ୍ନିଧୌ ॥ 5 ॥

କଲ୍ହାରପୂଜନାନ୍ମାସାତ୍ ଦ୍ଵିତୀୟ ଇଵ ୟକ୍ଷରାଟ୍ ।
ନୀଲୋତ୍ପଲାର୍ଚନାତ୍ସର୍ଵରାଜପୂଜ୍ୟଃ ସଦା ଭଵେତ୍ ॥ 6 ॥

ହୃତ୍ସଂସ୍ଥିତୈର୍ନାମଭିସ୍ତୁ ଭୂୟାଦ୍ଦୃଗ୍ଵିଷୟୋ ହରିଃ ।
ଵାଂଛିତାର୍ଥଂ ତଦା ଦତ୍ଵା ଵୈକୁଂଠଂ ଚ ପ୍ରୟଚ୍ଛତି ॥ 7 ॥

ତ୍ରିସଂଧ୍ୟଂ ୟୋ ଜପେନ୍ନିତ୍ୟଂ ସଂପୂଜ୍ୟ ଵିଧିନା ଵିଭୁମ୍ ।
ତ୍ରିଵାରଂ ପଂଚଵାରଂ ଵା ପ୍ରତ୍ୟହଂ କ୍ରମଶୋ ୟମୀ ॥ 8 ॥

ମାସାଦଲକ୍ଷ୍ମୀନାଶଃ ସ୍ୟାତ୍ ଦ୍ଵିମାସାତ୍ ସ୍ୟାନ୍ନରେଂଦ୍ରତା ।
ତ୍ରିମାସାନ୍ମହଦୈଶ୍ଵର୍ୟଂ ତତଃ ସଂଭାଷଣଂ ଭଵେତ୍ ॥ 9 ॥

ମାସଂ ପଠନ୍ନ୍ୟୂନକର୍ମପୂର୍ତିଂ ଚ ସମଵାପ୍ନୁୟାତ୍ ।
ମାର୍ଗଭ୍ରଷ୍ଟଶ୍ଚ ସନ୍ମାର୍ଗଂ ଗତସ୍ଵଃ ସ୍ଵଂ ସ୍ଵକୀୟକମ୍ ॥ 10 ॥

ଚାଂଚଲ୍ୟଚିତ୍ତୋଽଚାଂଚଲ୍ୟଂ ମନସ୍ସ୍ଵାସ୍ଥ୍ୟଂ ଚ ଗଚ୍ଛତି ।
ଆୟୁରାରୋଗ୍ୟମୈଶ୍ଵର୍ୟଂ ଜ୍ଞାନଂ ମୋକ୍ଷଂ ଚ ଵିଂଦତି ॥ 11 ॥

ସର୍ଵାନ୍କାମାନଵାପ୍ନୋତି ଶାଶ୍ଵତଂ ଚ ପଦଂ ତଥା ।
ସତ୍ୟଂ ସତ୍ୟଂ ପୁନସ୍ସତ୍ୟଂ ସତ୍ୟଂ ସତ୍ୟଂ ନ ସଂଶୟଃ ॥ 12 ॥

ଇତି ଶ୍ରୀ ବ୍ରହ୍ମାଂଡପୁରାଣେ ଵସିଷ୍ଠନାରଦସଂଵାଦେ ଶ୍ରୀଵେଂକଟାଚଲମାହାତ୍ମ୍ୟେ ଶ୍ରୀ ଵେଂକଟେଶ ସହସ୍ରନାମ ସ୍ତୋତ୍ରଂ ସମାପ୍ତମ୍ ।