ନାରାୟଣ ଉପନିଷଦ୍
ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟଂ॑ କରଵାଵହୈ ।
ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
ଓଂ ଅଥ ପୁରୁଷୋ ହ ଵୈ ନାରାୟଣୋଽକାମୟତ ପ୍ରଜାଃ ସୃ॑ଜେୟେ॒ତି ।
ନା॒ରା॒ୟ॒ଣାତ୍ପ୍ରା॑ଣୋ ଜା॒ୟତେ । ମନଃ ସର୍ଵେଂଦ୍ରି॑ୟାଣି॒ ଚ ।
ଖଂ-ଵାଁୟୁର୍ଜ୍ୟୋତିରାପଃ ପୃଥିଵୀ ଵିଶ୍ଵ॑ସ୍ୟ ଧା॒ରିଣୀ ।
ନା॒ରା॒ୟ॒ଣାଦ୍ବ୍ର॑ହ୍ମା ଜା॒ୟତେ ।
ନା॒ରା॒ୟ॒ଣାଦ୍ରୁ॑ଦ୍ରୋ ଜା॒ୟତେ ।
ନା॒ରା॒ୟ॒ଣାଦିଂ॑ଦ୍ରୋ ଜା॒ୟତେ ।
ନା॒ରା॒ୟ॒ଣାତ୍ପ୍ରଜାପତୟଃ ପ୍ର॑ଜାୟଂ॒ତେ ।
ନା॒ରା॒ୟ॒ଣାଦ୍ଦ୍ଵାଦଶାଦିତ୍ୟା ରୁଦ୍ରା ଵସଵସ୍ସର୍ଵାଣି ଚ ଛଂ॑ଦାଗ୍ମ୍॒ସି ।
ନା॒ରା॒ୟ॒ଣାଦେଵ ସମୁ॑ତ୍ପଦ୍ୟଂ॒ତେ ।
ନା॒ରା॒ୟ॒ଣେ ପ୍ର॑ଵର୍ତଂ॒ତେ ।
ନା॒ରା॒ୟ॒ଣେ ପ୍ର॑ଲୀୟଂ॒ତେ ॥
ଓମ୍ । ଅଥ ନିତ୍ୟୋ ନା॑ରାୟ॒ଣଃ । ବ୍ର॒ହ୍ମା ନା॑ରାୟ॒ଣଃ ।
ଶି॒ଵଶ୍ଚ॑ ନାରାୟ॒ଣଃ । ଶ॒କ୍ରଶ୍ଚ॑ ନାରାୟ॒ଣଃ ।
ଦ୍ୟା॒ଵା॒ପୃ॒ଥି॒ଵ୍ୟୌ ଚ॑ ନାରାୟ॒ଣଃ । କା॒ଲଶ୍ଚ॑ ନାରାୟ॒ଣଃ ।
ଦି॒ଶଶ୍ଚ॑ ନାରାୟ॒ଣଃ । ଊ॒ର୍ଧ୍ଵଶ୍ଚ॑ ନାରାୟ॒ଣଃ ।
ଅ॒ଧଶ୍ଚ॑ ନାରାୟ॒ଣଃ । ଅଂ॒ତ॒ର୍ବ॒ହିଶ୍ଚ॑ ନାରାୟ॒ଣଃ ।
ନାରାୟଣ ଏଵେ॑ଦଗ୍ମ୍ ସ॒ର୍ଵମ୍ ।
ୟଦ୍ଭୂ॒ତଂ-ୟଁଚ୍ଚ॒ ଭଵ୍ୟମ୍᳚ ।
ନିଷ୍କଲୋ ନିରଂଜନୋ ନିର୍ଵିକଲ୍ପୋ ନିରାଖ୍ୟାତଃ ଶୁଦ୍ଧୋ ଦେଵ
ଏକୋ॑ ନାରାୟ॒ଣଃ । ନ ଦ୍ଵି॒ତୀୟୋ᳚ସ୍ତି॒ କଶ୍ଚି॑ତ୍ ।
ୟ ଏ॑ଵଂ-ଵେଁ॒ଦ ।
ସ ଵିଷ୍ଣୁରେଵ ଭଵତି ସ ଵିଷ୍ଣୁରେ॑ଵ ଭ॒ଵତି ॥
ଓମିତ୍ୟ॑ଗ୍ରେ ଵ୍ୟା॒ହରେତ୍ । ନମ ଇ॑ତି ପ॒ଶ୍ଚାତ୍ ।
ନା॒ରା॒ୟ॒ଣାୟେତ୍ୟୁ॑ପରି॒ଷ୍ଟାତ୍ ।
ଓମି॑ତ୍ୟେକା॒କ୍ଷରମ୍ । ନମ ଇତି॑ ଦ୍ଵେ ଅ॒କ୍ଷରେ ।
ନା॒ରା॒ୟ॒ଣାୟେତି ପଂଚା᳚କ୍ଷରା॒ଣି ।
ଏତଦ୍ଵୈ ନାରାୟଣସ୍ୟାଷ୍ଟାକ୍ଷ॑ରଂ ପ॒ଦମ୍ ।
ୟୋ ହ ଵୈ ନାରାୟଣସ୍ୟାଷ୍ଟାକ୍ଷରଂ ପଦ॑ମଧ୍ୟେ॒ତି ।
ଅନପବ୍ରୁଵସ୍ସର୍ଵମା॑ୟୁରେ॒ତି ।
ଵିଂଦତେ ପ୍ରା॑ଜାପ॒ତ୍ୟଗ୍ମ୍ ରାୟସ୍ପୋଷଂ॑ ଗୌପ॒ତ୍ୟମ୍ ।
ତତୋଽମୃତତ୍ଵମଶ୍ନୁତେ ତତୋଽମୃତତ୍ଵମଶ୍ନୁ॑ତ ଇ॒ତି ।
ୟ ଏ॑ଵଂ-ଵେଁ॒ଦ ॥
ପ୍ରତ୍ୟଗାନଂଦଂ ବ୍ରହ୍ମ ପୁରୁଷଂ ପ୍ରଣଵ॑ସ୍ଵରୂ॒ପମ୍ ।
ଅକାର ଉକାର ମକା॑ର ଇ॒ତି ।
ତାନେକଧା ସମଭରତ୍ତଦେତ॑ଦୋମି॒ତି ।
ୟମୁକ୍ତ୍ଵା॑ ମୁଚ୍ୟ॑ତେ ୟୋ॒ଗୀ॒ ଜ॒ନ୍ମ॒ସଂସା॑ରବଂ॒ଧନାତ୍ ।
ଓଂ ନମୋ ନାରାୟଣାୟେତି ମଂ॑ତ୍ରୋପା॒ସକଃ ।
ଵୈକୁଂଠଭୁଵନଲୋକଂ॑ ଗମି॒ଷ୍ୟତି ।
ତଦିଦଂ ପରଂ ପୁଂଡରୀକଂ-ଵିଁ॑ଜ୍ଞାନ॒ଘନମ୍ ।
ତସ୍ମାତ୍ତଦିଦା॑ଵନ୍ମା॒ତ୍ରମ୍ [ତଟିଦାଭମାତ୍ରମ୍] ।
ବ୍ରହ୍ମଣ୍ୟୋ ଦେଵ॑କୀପୁ॒ତ୍ରୋ॒ ବ୍ରହ୍ମଣ୍ୟୋ ମ॑ଧୁସୂ॒ଦନୋମ୍ ।
ସର୍ଵଭୂତସ୍ଥମେକଂ॑ ନାରା॒ୟଣମ୍ ।
କାରଣରୂପମକାର ପ॑ରବ୍ର॒ହ୍ମୋମ୍ ।
ଏତଦଥର୍ଵ ଶିରୋ॑ୟୋଽଧୀ॒ତେ ପ୍ରା॒ତର॑ଧୀୟା॒ନୋ॒ ରାତ୍ରିକୃତଂ ପାପଂ॑ ନାଶ॒ୟତି ।
ସା॒ୟମ॑ଧୀୟା॒ନୋ॒ ଦିଵସକୃତଂ ପାପଂ॑ ନାଶ॒ୟତି ।
ମାଧ୍ୟଂଦିନମାଦିତ୍ୟାଭିମୁଖୋ॑ଽଧୀୟା॒ନଃ॒ ପଂଚପାତକୋପପାତକା᳚ତ୍ପ୍ରମୁ॒ଚ୍ୟତେ ।
ସର୍ଵ ଵେଦ ପାରାୟଣ ପୁ॑ଣ୍ୟଂ-ଲଁ॒ଭତେ ।
ନାରାୟଣସାୟୁଜ୍ୟମ॑ଵାପ୍ନୋ॒ତି॒ ନାରାୟଣ ସାୟୁଜ୍ୟମ॑ଵାପ୍ନୋ॒ତି ।
ୟ ଏ॑ଵଂ-ଵେଁ॒ଦ । ଇତ୍ୟୁ॑ପ॒ନିଷ॑ତ୍ ॥
ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟଂ॑ କରଵାଵହୈ ।
ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ନାରାୟଣ ଉପନିଷଦ୍?
ନାରାୟଣ ଉପନିଷଦ୍ is a Vishnu Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ନାରାୟଣ ଉପନିଷଦ୍ online?
Yes. The imported text is available directly on this page for online reading and recitation.
Can I download ନାରାୟଣ ଉପନିଷଦ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.