10 – ମହାନାରାୟଣୋପନିଷତ୍ – କୃଷ୍ଣ ୟଜୁର୍ଵେଦ ତୈତ୍ତିରୀୟ ଆରଣ୍ୟକ ପାଠଃ – ଅମ୍ଭସ୍ୟ ପାରେ
କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଦଶମଃ ପ୍ରପାଠକଃ – ମହାନାରାୟଣୋପନିଷତ୍
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ । ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
ଅନୁଵାକଂ 1
ଅମ୍ଭ॑ସ୍ୟ ପା॒ରେ ଭୁଵ॑ନସ୍ୟ॒ ମଦ୍ଧ୍ୟେ॒ ନାକ॑ସ୍ୟ ପୃ॒ଷ୍ଠେ ମ॑ହ॒ତୋ ମହୀ॑ୟାନ୍ ।
ଶୁ॒କ୍ରେଣ॒ ଜ୍ୟୋତୀଗ୍ମ୍॑ଷି ସମନୁ॒ପ୍ରଵି॑ଷ୍ଟଃ ପ୍ର॒ଜାପ॑ତିଶ୍ଚରତି॒ ଗର୍ଭେ॑ ଅ॒ନ୍ତଃ ॥
ୟସ୍ମି॑ନ୍ନି॒ଦଗ୍ମ୍ ସଞ୍ଚ॒ ଵିଚୈତି॒ ସର୍ଵଂ॒-ୟଁସ୍ମି॑-ନ୍ଦେ॒ଵା ଅଧି॒ ଵିଶ୍ଵେ॑ ନିଷେ॒ଦୁଃ ।
ତଦେ॒ଵ ଭୂ॒ତ-ନ୍ତଦୁ॒ ଭଵ୍ୟ॑ମା ଇ॒ଦ-ନ୍ତଦ॒କ୍ଷରେ॑ ପର॒ମେ ଵ୍ୟୋ॑ମନ୍ନ୍ ॥
ୟେନା॑ ଵୃ॒ତ-ଙ୍ଖଞ୍ଚ॒ ଦିଵ॑-ମ୍ମ॒ହୀଞ୍ଚ॒ ୟେନା॑ଦି॒ତ୍ୟ-ସ୍ତପ॑ତି॒ ତେଜ॑ସା॒ ଭ୍ରାଜ॑ସା ଚ ।
ୟମ॒ନ୍ତ-ସ୍ସ॑ମୁ॒ଦ୍ରେ କ॒ଵୟୋ॒ ଵୟ॑ନ୍ତି॒ ୟଦ॒କ୍ଷରେ॑ ପର॒ମେ ପ୍ର॒ଜାଃ ॥
ୟତଃ॑ ପ୍ରସୂ॒ତା ଜ॒ଗତଃ॑ ପ୍ରସୂତୀ॒ ତୋୟେ॑ନ ଜୀ॒ଵାନ୍ ଵ୍ୟଚ॑ସର୍ଜ॒ (ଵ୍ୟସ॑ସର୍ଜ॒) ଭୂମ୍ୟା᳚ମ୍ ।
ୟଦୋଷ॑ଧୀଭିଃ ପୁ॒ରୁଷା᳚-ନ୍ପ॒ଶୂଗ୍ଶ୍ଚ॒ ଵିଵେ॑ଶ ଭୂ॒ତାନି॑ ଚରାଚ॒ରାଣି॑ ॥
ଅତଃ॑ ପର॒-ନ୍ନାନ୍ୟ॒-ଦଣୀ॑ୟସହି॒ ପରା᳚-ତ୍ପରଂ॒-ୟଁ-ନ୍ମହ॑ତୋ ମ॒ହାନ୍ତ᳚ମ୍ ।
ୟଦେ॑କ-ମ॒ଵ୍ୟକ୍ତ॒-ମନ॑ନ୍ତରୂପଂ॒-ଵିଁଶ୍ଵ॑-ମ୍ପୁରା॒ଣ-ନ୍ତମ॑ସଃ॒ ପର॑ସ୍ତାତ୍ ॥ 1 ॥
ତଦେ॒ଵର୍ତ-ନ୍ତଦୁ॑ ସ॒ତ୍ୟମା॑ହୁ॒-ସ୍ତଦେ॒ଵ ବ୍ରହ୍ମ॑ ପର॒ମ-ଙ୍କ॑ଵୀ॒ନାମ୍ ।
ଇ॒ଷ୍ଟା॒ପୂ॒ର୍ତ-ମ୍ବ॑ହୁ॒ଧା ଜା॒ତ-ଞ୍ଜାୟ॑ମାନଂ-ଵିଁ॒ଶ୍ଵ-ମ୍ବି॑ଭର୍ତି॒ ଭୁଵ॑ନସ୍ୟ॒ ନାଭିଃ॑ ॥
ତଦେ॒ଵାଗ୍ନି-ସ୍ତଦ୍ଵା॒ୟୁ-ସ୍ତଥ୍ସୂର୍ୟ॒ସ୍ତଦୁ॑ ଚ॒ନ୍ଦ୍ରମାଃ᳚ ।
ତଦେ॒ଵ ଶୁ॒କ୍ରମ॒ମୃତ॒-ନ୍ତଦ୍ବ୍ରହ୍ମ॒ ତଦାପ॒-ସ୍ସ ପ୍ର॒ଜାପ॑ତିଃ ॥
ସର୍ଵେ॑ ନିମେ॒ଷା ଜ॒ଜ୍ଞିରେ॑ ଵି॒ଦ୍ୟୁତଃ॒ ପୁରୁ॑ଷା॒ଦଧି॑ ।
କ॒ଲା ମୁ॑ହୂ॒ର୍ତାଃ କାଷ୍ଠା᳚ଶ୍ଚାହୋ-ରା॒ତ୍ରାଶ୍ଚ॑ ସର୍ଵ॒ଶଃ ॥
ଅ॒ର୍ଧ॒ମା॒ସା ମାସା॑ ଋ॒ତଵ॑-ସ୍ସଂଵଁଥ୍ସ॒ରଶ୍ଚ॑ କଲ୍ପନ୍ତାମ୍ । ସ ଆପଃ॑ ପ୍ରଦୁ॒ଘେ ଉ॒ଭେ ଇ॒ମେ ଅ॒ନ୍ତରି॑କ୍ଷ॒-ମଥୋ॒ ସୁଵଃ॑ ॥
ନୈନ॑-ମୂ॒ର୍ଧ୍ଵ-ନ୍ନ ତି॒ର୍ୟ-ଞ୍ଚ॒ ନ ମଦ୍ଧ୍ୟେ॒ ପରି॑ଜଗ୍ରଭତ୍ । ନ ତସ୍ୟେ॑ଶେ॒ କଶ୍ଚ॒ନ ତସ୍ୟ॑ ନାମ ମ॒ହଦ୍ୟଶଃ॑ ॥ 2 ॥
ନ ସ॒ଦୃଂଶେ॑ ତିଷ୍ଠତି॒ ରୂପ॑ମସ୍ୟ॒ ନ ଚକ୍ଷୁ॑ଷା ପଶ୍ୟତି॒ କଶ୍ଚ॒ନୈନ᳚ମ୍ ।
ହୃ॒ଦା ମ॑ନୀ॒ଷା ମନ॑ସା॒-ଽଭି କ୍ଲୃ॑ପ୍ତୋ॒ ୟ ଏ॑ନଂ-ଵିଁ॒ଦୁ-ରମୃ॑ତା॒ସ୍ତେ ଭ॑ଵନ୍ତି ॥
ଅ॒ଦ୍ଭ୍ୟ-ସ୍ସମ୍ଭୂ॑ତଃ ପୃଥି॒ଵ୍ୟୈ ରସା᳚ଚ୍ଚ । ଵି॒ଶ୍ଵକ॑ର୍ମଣ॒-ସ୍ସମ॑ଵର୍ତ॒ତାଧି॑ ।
ତସ୍ୟ॒ ତ୍ଵଷ୍ଟା॑ ଵି॒ଦଧ॑ଦ୍ରୂ॒ପମେ॑ତି ॥
ତତ୍ପୁରୁ॑ଷସ୍ୟ॒ ଵିଶ୍ଵ॒ମାଜା॑ନ॒ମଗ୍ରେ᳚ ।
ଵେଦା॒ହମେ॒ତ-ମ୍ପୁରୁ॑ଷ-ମ୍ମ॒ହାନ୍ତ᳚ମ୍ ।
ଆ॒ଦି॒ତ୍ୟ ଵ॑ର୍ଣ॒-ନ୍ତମ॑ସଃ॒ ପର॑ସ୍ତାତ୍ ।
ତମେ॒ଵଂ-ଵିଁ॒ଦ୍ଵାନ॒ମୃତ॑ ଇ॒ହ ଭ॑ଵତି । ନାନ୍ୟଃ ପନ୍ଥା॑ ଵିଦ୍ୟ॒ତେ-ଽୟ॑ନାୟ ॥
ପ୍ର॒ଜାପ॑ତିଶ୍ଚରତି॒ ଗର୍ଭେ॑ ଅ॒ନ୍ତଃ । ଅ॒ଜାୟ॑ମାନୋ ବହୁ॒ଧା ଵିଜା॑ୟତେ । ତସ୍ୟ॒ ଧୀରାଃ॒ ପରି॑ଜାନନ୍ତି॒ ୟୋନି᳚ମ୍ । ମରୀ॑ଚୀନା-ମ୍ପ॒ଦମି॑ଚ୍ଛନ୍ତି ଵେ॒ଧସଃ॑ ॥ ୟୋ ଦେ॒ଵେଭ୍ୟ॒ ଆତ॑ପତି । ୟୋ ଦେ॒ଵାନା᳚-ମ୍ପୁ॒ରୋହି॑ତଃ । ପୂର୍ଵୋ॒ ୟୋ ଦେ॒ଵେଭ୍ୟୋ॑ ଜା॒ତଃ । ନମୋ॑ ରୁ॒ଚାୟ॒ ବ୍ରାହ୍ମ॑ୟେ ॥ ରୁଚ॑-ମ୍ବ୍ରା॒ହ୍ମ-ଞ୍ଜ॒ନୟ॑ନ୍ତଃ । ଦେ॒ଵା ଅଗ୍ରେ॒ ତଦ॑ବ୍ରୁଵନ୍ନ୍ ।
ୟସ୍ତ୍ଵୈ॒ଵ-ମ୍ବ୍ରା᳚ହ୍ମ॒ଣୋ ଵି॒ଦ୍ୟାତ୍ । ତସ୍ୟ॑ ଦେ॒ଵା ଅସ॒ନ୍ ଵଶେ᳚ ॥ ହ୍ରୀଶ୍ଚ॑ତେ ଲ॒କ୍ଷ୍ମୀଶ୍ଚ॒ ପତ୍ନ୍ୟୌ᳚ । ଅ॒ହୋ॒ରା॒ତ୍ରେ ପା॒ର୍ଶ୍ଵେ । ନକ୍ଷ॑ତ୍ରାଣି ରୂ॒ପମ୍ ।
ଅ॒ଶ୍ଵିନୌ॒ ଵ୍ୟାତ୍ତ᳚ମ୍ । ଇ॒ଷ୍ଟ-ମ୍ମ॑ନିଷାଣ । ଅ॒ମୁ-ମ୍ମ॑ନିଷାଣ । ସର୍ଵ॑-ମ୍ମନିଷାଣ ॥
ହି॒ର॒ଣ୍ୟ॒ଗ॒ର୍ଭ-ସ୍ସମ॑ଵର୍ତ॒ତାଗ୍ରେ॑ ଭୂ॒ତସ୍ୟ॑ ଜା॒ତଃ ପତି॒ରେକ॑ ଆସୀତ୍ ।
ସ ଦା॑ଧାର ପୃଥି॒ଵୀ-ନ୍ଦ୍ୟାମୁ॒ତେମା-ଙ୍କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ୟଃ ପ୍ରା॑ଣ॒ତୋ ନି॑ମିଷ॒ତୋ ମ॑ହି॒ତ୍ଵୈକ॒ ଇଦ୍ରାଜା॒ ଜଗ॑ତୋ ବ॒ଭୂଵ॑ ।
ୟ ଈଶେ॑ ଅ॒ସ୍ୟ ଦ୍ଵି॒ପଦ॒-ଶ୍ଚତୁ॑ଷ୍ପ॒ଦଃ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ୟ ଆ᳚ତ୍ମ॒ଦା ବ॑ଲ॒ଦା ୟସ୍ୟ॒ ଵିଶ୍ଵ॑ ଉପା॒ସ॑ତେ ପ୍ର॒ଶିଷଂ॒-ୟଁସ୍ୟ॑ ଦେ॒ଵାଃ ।
ୟସ୍ୟ॑ ଛା॒ୟାମୃତଂ॒-ୟଁସ୍ୟ॑ ମୃ॒ତ୍ୟୁଃ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ୟସ୍ୟେ॒ମେ ହି॒ମଵ॑ନ୍ତୋ ମହି॒ତ୍ଵା ୟସ୍ୟ॑ ସମୁ॒ଦ୍ରଗ୍ମ୍ ର॒ସୟା॑ ସ॒ହା-ଽଽହୁଃ ।
ୟସ୍ୟେ॒ମାଃ ପ୍ର॒ଦିଶୋ॒ ୟସ୍ୟ॑ ବା॒ହୂ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ୟ-ଙ୍କ୍ରନ୍ଦ॑ସୀ॒ ଅଵ॑ସା ତସ୍ତଭା॒ନେ ଅ॒ଭ୍ୟୈକ୍ଷେ॑ତା॒-ମ୍ମନ॑ସା॒ ରେଜ॑ମାନେ ।
ୟତ୍ରାଧି॒ସୂର॒ ଉଦି॑ତୌ॒ ଵ୍ୟେତି॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ୟେନ॒ ଦ୍ୟୌରୁ॒ଗ୍ରା ପୃ॑ଥି॒ଵୀ ଚ॑ ଦୃ॒ଢେ ୟେନ॒ ସୁଵ॑ସ୍ ସ୍ତଭି॒ତଂ-ୟେଁନ॒ ନାକଃ॑ ।
ୟୋ ଅ॒ନ୍ତରି॑କ୍ଷେ॒ ରଜ॑ସୋ ଵି॒ମାନଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ଆପୋ॑ ହ॒ ୟନ୍ମ॑ହ॒ତୀ ଵିଶ୍ଵ॒ମାୟ॒ନ୍-ଦକ୍ଷ॒ନ୍ଦଧା॑ନା ଜ॒ନୟ॑ନ୍ତୀ-ର॒ଗ୍ନିମ୍ ।
ତତୋ॑ ଦେ॒ଵାନା॒-ନ୍ନିର॑ଵର୍ତ॒ତାସୁ॒ରେକଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ୟଶ୍ଚି॒ଦାପୋ॑ ମହି॒ନା ପ॒ର୍ୟପ॑ଶ୍ୟ॒-ଦ୍ଦ୍କ୍ଷ॒ନ୍ଦଧା॑ନା ଜ॒ନୟ॑ନ୍ତୀ-ର॒ଗ୍ନିମ୍ ।
ୟୋ ଦେ॒ଵେଷ୍ଵଧି॑ ଦେ॒ଵ ୟେକ॒ ଆସୀ॒-ତ୍କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥
ଅ॒ଦ୍ଭ୍ୟ-ସ୍ସମ୍ଭୂ॑ତୋ ହିରଣ୍ୟଗ॒ର୍ଭ ଇତ୍ୟ॒ଷ୍ଟୌ ॥
ଏ॒ଷ ହି ଦେ॒ଵଃ ପ୍ର॒ଦିଶୋ-ଽନୁ॒ ସର୍ଵାଃ॒ ପୂର୍ଵୋ॑ ହି ଜା॒ତ-ସ୍ସ ଉ॒ ଗର୍ଭେ॑ ଅ॒ନ୍ତଃ ।
ସ ଵି॒ଜାୟ॑ମାନ-ସ୍ସଜନି॒ଷ୍ୟମା॑ଣଃ ପ୍ର॒ତ୍ୟଂ-ମୁଖା᳚ ସ୍ତିଷ୍ଠତି ଵି॒ଶ୍ଵତୋ॑ମୁଖଃ ॥
ଵି॒ଶ୍ଵତ॑ଶ୍ଚ-କ୍ଷୁରୁ॒ତ ଵି॒ଶ୍ଵତୋ॑ ମୁଖୋ ଵି॒ଶ୍ଵତୋ॑ ହସ୍ତ ଉ॒ତ ଵି॒ଶ୍ଵତ॑ସ୍ପାତ୍ ।
ସ-ମ୍ବା॒ହୁଭ୍ୟା॒-ନ୍ନମ॑ତି॒ ସ-ମ୍ପତ॑ତ୍ରୈ॒-ର୍ଦ୍ୟାଵା॑ ପୃଥି॒ଵୀ ଜ॒ନୟ॑-ନ୍ଦେ॒ଵ ଏକଃ॑ ॥
ଵେ॒ନସ୍ତ-ତ୍ପଶ୍ୟ॒ନ୍. ଵିଶ୍ଵା॒ ଭୁଵ॑ନାନି ଵି॒ଦ୍ଵାନ୍. ୟତ୍ର॒ ଵିଶ୍ଵ॒-ମ୍ଭଵ॒ତ୍ୟେକ॑-ନୀଳମ୍ ।
ୟସ୍ମି॑ନ୍ନି॒ଦଗ୍ମ୍ ସଞ୍ଚ॒ ଵିଚୈକ॒ଗ୍ମ୍॒ ସ ଓତଃ॒ ପ୍ରୋତ॑ଶ୍ଚ ଵି॒ଭୁଃ ପ୍ର॒ଜାସୁ॑ ॥
ପ୍ରତଦ୍ଵୋ॑ଚେ ଅ॒ମୃତ॒ନ୍ନୁ ଵି॒ଦ୍ଵା-ନ୍ଗ॑ନ୍ଧ॒ର୍ଵୋ ନାମ॒ ନିହି॑ତ॒-ଙ୍ଗୁହା॑ସୁ ॥ 3 ॥
ତ୍ରୀଣି॑ ପ॒ଦା ନିହି॑ତା॒ ଗୁହା॑ସୁ॒ ୟସ୍ତଦ୍ଵେଦ॑ ସଵି॒ତୁଃ ପି॒ତା-ଽସ॑ତ୍ ॥ ସ ନୋ॒ ବନ୍ଧୁ॑-ର୍ଜନି॒ତା ସ ଵି॑ଧା॒ତା ଧାମା॑ନି॒ ଵେଦ॒ ଭୁଵ॑ନାନି॒ ଵିଶ୍ଵା᳚ । ୟତ୍ର॑ ଦେ॒ଵା ଅ॒ମୃତ॑ମାନ-ଶା॒ନାସ୍ତୃ॒ତୀୟେ॒ ଧାମା᳚ନ୍ୟ॒-ଭ୍ୟୈର॑ୟନ୍ତ ॥
ପରି॒ ଦ୍ୟାଵା॑ପୃଥି॒ଵୀ ୟ॑ନ୍ତି ସ॒ଦ୍ୟଃ ପରି॑ ଲୋ॒କା-ନ୍ପରି॒ ଦିଶଃ॒ ପରି॒ ସୁଵଃ॑ । ଋ॒ତସ୍ୟ॒ ତନ୍ତୁଂ॑-ଵିଁତତଂ-ଵିଁ॒ଚୃତ୍ୟ॒ ତଦ॑ପଶ୍ୟ॒-ତ୍ତଦ॑ଭଵ-ତ୍ପ୍ର॒ଜାସୁ॑ ॥
ପ॒ରୀତ୍ୟ॑ ଲୋ॒କା-ନ୍ପ॒ରୀତ୍ୟ॑ ଭୂ॒ତାନି॑ ପ॒ରୀତ୍ୟ॒ ସର୍ଵାଃ᳚ ପ୍ର॒ଦିଶୋ॒ ଦିଶ॑ଶ୍ଚ । ପ୍ର॒ଜାପ॑ତିଃ ପ୍ରଥମ॒ଜା ଋ॒ତସ୍ୟା॒ତ୍ମନା॒-ଽଽତ୍ମାନ॑-ମ॒ଭି-ସମ୍ବ॑ଭୂଵ ॥
ସଦ॑ସ॒ସ୍ପତି॒-ମଦ୍ଭୁ॑ତ-ମ୍ପ୍ରି॒ୟମିନ୍ଦ୍ର॑ସ୍ୟ॒ କାମ୍ୟ᳚ମ୍ । ସନି॑-ମ୍ମେ॒ଧା ମ॑ୟାସିଷମ୍ ॥
ଉଦ୍ଦୀ᳚ପ୍ୟସ୍ଵ ଜାତଵେଦୋ ଽପ॒ଘ୍ନନ୍ନିଋ॑ର୍ତି॒-ମ୍ମମ॑ ॥ 4 ॥
ପ॒ଶୂଗ୍ଶ୍ଚ॒ ମହ୍ୟ॒ମାଵ॑ହ॒ ଜୀଵ॑ନଞ୍ଚ॒ ଦିଶୋ॑ ଦିଶ ॥
ମାନୋ॑ ହିଗ୍ମ୍ସୀ ଜ୍ଜାତଵେଦୋ॒ ଗାମଶ୍ଵ॒-ମ୍ପୁରୁ॑ଷ॒-ଞ୍ଜଗ॑ତ୍ ।
ଅବି॑ଭ୍ର॒ଦଗ୍ନ॒ ଆଗ॑ହି ଶ୍ରି॒ୟା ମା॒ ପରି॑ପାତୟ ॥
ପୁରୁ॑ଷସ୍ୟ ଵିଦ୍ମ ସହସ୍ରା॒କ୍ଷସ୍ୟ॑ ମହାଦେ॒ଵସ୍ୟ॑ ଧୀମହି । ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ତତ୍ପୁରୁ॑ଷାୟ ଵି॒ଦ୍ମହେ॑ ଵକ୍ରତୁ॒ଣ୍ଡାୟ॑ ଧୀମହି ।
ତନ୍ନୋ॑ ଦନ୍ତିଃ ପ୍ରଚୋ॒ଦୟା᳚ତ୍ ॥
ତତ୍ପୁରୁ॑ଷାୟ ଵି॒ଦ୍ମହେ॑ ଚକ୍ରତୁ॒ଣ୍ଡାୟ॑ ଧୀମହି ॥ 5 ॥
ତନ୍ନୋ॑ ନନ୍ଦିଃ ପ୍ରଚୋ॒ଦୟା᳚ତ୍ ॥
ତତ୍ପୁରୁ॑ଷାୟ ଵି॒ଦ୍ମହେ॑ ମହାସେ॒ନାୟ॑ ଧୀମହି ।
ତନ୍ନ॑-ଷ୍ଷଣ୍ମୁଖଃ ପ୍ରଚୋ॒ଦୟା᳚ତ୍ ॥
ତତ୍ପୁରୁ॑ଷାୟ ଵି॒ଦ୍ମହେ॑ ସୁଵର୍ଣପ॒କ୍ଷାୟ॑ ଧୀମହି । ତନ୍ନୋ॑ ଗରୁଡଃ ପ୍ରଚୋ॒ଦୟା᳚ତ୍ ॥
ଵେ॒ଦା॒ତ୍ମ॒ନାୟ॑ ଵି॒ଦ୍ମହେ॑ ହିରଣ୍ୟଗ॒ର୍ଭାୟ॑ ଧୀମହି । ତନ୍ନୋ᳚ ବ୍ରହ୍ମ ପ୍ରଚୋ॒ଦୟା᳚ତ୍ ॥
ନା॒ରା॒ୟ॒ଣାୟ॑ ଵି॒ଦ୍ମହେ॑ ଵାସୁଦେ॒ଵାୟ॑ ଧୀମହି ।
ତନ୍ନୋ॑ ଵିଷ୍ଣୁଃ ପ୍ରଚୋ॒ଦୟା᳚ତ୍ ॥
ଵ॒ଜ୍ର॒ନ॒ଖାୟ॑ ଵି॒ଦ୍ମହେ॑ ତୀକ୍ଷ୍ଣ-ଦ॒ଗ୍ଗ୍॒ଷ୍ଟ୍ରାୟ॑ ଧୀମହି ॥ 6 ॥
ତନ୍ନୋ॑ ନାରସିଗ୍ମ୍ହଃ ପ୍ରଚୋ॒ଦୟା᳚ତ୍ ॥
ଭା॒ସ୍କ॒ରାୟ॑ ଵି॒ଦ୍ମହେ॑ ମହଦ୍ଦ୍ୟୁତିକ॒ରାୟ॑ ଧୀମହି ।
ତନ୍ନୋ॑ ଆଦିତ୍ୟଃ ପ୍ରଚୋ॒ଦୟା᳚ତ୍ ॥
ଵୈ॒ଶ୍ଵା॒ନ॒ରାୟ॑ ଵି॒ଦ୍ମହେ॑ ଲାଲୀ॒ଲାୟ॑ ଧୀମହି ।
ତନ୍ନୋ॑ ଅଗ୍ନିଃ ପ୍ରଚୋ॒ଦୟା᳚ତ୍ ॥
କା॒ତ୍ୟା॒ୟ॒ନାୟ॑ ଵି॒ଦ୍ମହେ॑ କନ୍ୟକୁ॒ମାରି॑ ଧୀମହି ।
ତନ୍ନୋ॑ ଦୁର୍ଗିଃ ପ୍ରଚୋ॒ଦୟା᳚ତ୍ ॥
ସ॒ହ॒ସ୍ର॒ପର॑ମା ଦେ॒ଵୀ॒ ଶ॒ତମୂ॑ଲା ଶ॒ତାଙ୍କୁ॑ରା ।
ସର୍ଵଗ୍ମ୍॑ ହରତୁ॑ ମେ ପା॒ପ॒-ନ୍ଦୂ॒ର୍ଵା ଦୁ॑ସ୍ସ୍ଵପ୍ନ॒ ନାଶ॑ନୀ ॥
କାଣ୍ଡା᳚-ତ୍କାଣ୍ଡା-ତ୍ପ୍ର॒ରୋହ॑ନ୍ତୀ॒ ପରୁ॑ଷଃ ପରୁଷଃ॒ ପରି॑ ॥ 7 ॥
ଏ॒ଵା ନୋ॑ ଦୂର୍ଵେ॒ ପ୍ରତ॑ନୁ ସ॒ହସ୍ରେ॑ଣ ଶ॒ତେନ॑ ଚ ॥
ୟା ଶ॒ତେନ॑ ପ୍ରତ॒ନୋଷି॑ ସ॒ହସ୍ରେ॑ଣ ଵି॒ରୋହ॑ସି ।
ତସ୍ୟା᳚ସ୍ତେ ଦେଵୀଷ୍ଟକେ ଵି॒ଧେମ॑ ହ॒ଵିଷା॑ ଵ॒ୟମ୍ ॥
ଅଶ୍ଵ॑କ୍ରା॒ନ୍ତେ ର॑ଥକ୍ରା॒ନ୍ତେ॒ ଵି॒ଷ୍ଣୁକ୍ରା᳚ନ୍ତେ ଵ॒ସୁନ୍ଧ॑ରା ।
ଶିରସା॑ ଧାର॑ୟିଷ୍ୟା॒ମି॒ ର॒କ୍ଷ॒ସ୍ଵ ମା᳚-ମ୍ପଦେ॒ ପଦେ ॥
ଭୂମି-ର୍ଧେନୁ-ର୍ଧରଣୀ ଲୋ॑କଧା॒ରିଣୀ ।
ଉ॒ଧୃତା॑-ଽସି ଵ॑ରାହେ॒ଣ॒ କୃ॒ଷ୍ଣେ॒ନ ଶ॑ତ ବା॒ହୁନା ॥
ମୃ॒ତ୍ତିକେ॑ ହନ॑ ମେ ପା॒ପଂ॒-ୟଁ॒ନ୍ମ॒ୟା ଦୁ॑ଷ୍କୃତ॒-ଙ୍କୃତମ୍ । ମୃ॒ତ୍ତିକେ᳚ ବ୍ରହ୍ମ॑ଦତ୍ତା॒-ଽସି॒ କା॒ଶ୍ୟପେ॑ନାଭି॒ମନ୍ତ୍ରି॑ତା । ମୃ॒ତ୍ତିକେ॑ ଦେହି॑ ମେ ପୁ॒ଷ୍ଟି॒-ନ୍ତ୍ଵ॒ୟି ସ॑ର୍ଵ-ମ୍ପ୍ର॒ତିଷ୍ଠି॑ତମ୍ ॥ 8 ॥
ମୃ॒ତ୍ତିକେ᳚ ପ୍ରତିଷ୍ଠି॑ତେ ସ॒ର୍ଵ॒-ନ୍ତ॒ନ୍ମେ ନି॑ର୍ଣୁଦ॒ ମୃତ୍ତି॑କେ । ତୟା॑ ହ॒ତେନ॑ ପାପେ॒ନ॒ ଗ॒ଚ୍ଛା॒ମି ପ॑ରମା॒-ଙ୍ଗତିମ୍ ॥ ୟତ॑ ଇନ୍ଦ୍ର॒ ଭୟା॑ମହେ॒ ତତୋ॑ ନୋ॒ ଅଭ॑ୟ-ଙ୍କୃଧି ।
ମଘ॑ଵନ୍ ଛ॒ଗ୍ଧି ତଵ॒ ତନ୍ନ॑ ଊ॒ତୟେ॒ ଵିଦ୍ଵିଷୋ॒ ଵିମୃଧୋ॑ ଜହି ॥
ସ୍ଵ॒ସ୍ତି॒ଦା ଵି॒ଶସ୍ପତି॑-ର୍ଵୃତ୍ର॒ହା ଵିମୃଧୋ॑ ଵ॒ଶୀ ।
ଵୃଷେନ୍ଦ୍ରଃ॑ ପୁ॒ର ଏ॑ତୁ ନ-ସ୍ସ୍ଵସ୍ତି॒ଦା ଅ॑ଭୟଙ୍କ॒ରଃ ॥
ସ୍ଵ॒ସ୍ତି ନ॒ ଇନ୍ଦ୍ରୋ॑ ଵୃ॒ଦ୍ଧଶ୍ର॑ଵା-ସ୍ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ । ସ୍ଵ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମି-ସ୍ସ୍ଵ॒ସ୍ତି ନୋ॒ ବୃହ॒ସ୍ପତି॑-ର୍ଦଧାତୁ ॥
ଆପା᳚ନ୍ତ-ମନ୍ୟୁସ୍ତୃ॒ପଲ॑ପ୍ରଭର୍ମା॒ ଧୁନି॒-ଶ୍ଶିମୀ॑ଵାଂ॒-ଛରୁ॑ମାଗ୍ମ୍ ଋଜୀ॒ଷୀ । ସୋମୋ॒ ଵିଶ୍ଵା᳚ନ୍ୟତ॒ସା ଵନା॑ନି॒ ନାର୍ଵାଗିନ୍ଦ୍ର॑-ମ୍ପ୍ରତି॒ମାନା॑ନି ଦେଭୁଃ ॥ 9 ॥
ବ୍ରହ୍ମ॑ ଜଜ୍ଞା॒ନ-ମ୍ପ୍ର॑ଥ॒ମ-ମ୍ପୁ॒ରସ୍ତା॒-ଦ୍ଵିସୀ॑ମ॒ତ-ସ୍ସୁ॒ରୁଚୋ॑ ଵେ॒ନ ଆ॑ଵଃ । ସ ବୁ॒ଧ୍ନିୟା॑ ଉପ॒ମା ଅ॑ସ୍ୟ ଵି॒ଷ୍ଠା-ସ୍ସ॒ତଶ୍ଚ॒ ୟୋନି॒-ମସ॑ତଶ୍ଚ॒ ଵିଵଃ॑ ॥
ସ୍ୟୋ॒ନା ପୃ॑ଥିଵି॒ ଭଵା॑ ନୃକ୍ଷ॒ରା ନି॒ଵେଶ॑ନୀ । ୟଚ୍ଛା॑ ନ॒-ଶ୍ଶର୍ମ॑ ସ॒ପ୍ରଥାଃ᳚ ॥
ଗ॒ନ୍ଧ॒ଦ୍ଵା॒ରା-ନ୍ଦୁ॑ରାଧ॒ର୍ଷା॒-ନ୍ନି॒ତ୍ୟପୁ॑ଷ୍ଟା-ଙ୍କରୀ॒ଷିଣୀ᳚ମ୍ । ଈ॒ଶ୍ଵରୀଗ୍ମ୍॑ ସର୍ଵ॑ଭୂତା॒ନା॒-ନ୍ତାମି॒ହୋପ॑ହ୍ଵୟେ॒ ଶ୍ରିୟମ୍ ॥
ଶ୍ରୀ᳚ର୍ମେ ଭ॒ଜତୁ । ଅଲକ୍ଷ୍ମୀ᳚ର୍ମେ ନ॒ଶ୍ୟତୁ ।
ଵିଷ୍ଣୁ॑ମୁଖା॒ ଵୈ ଦେ॒ଵା-ଶ୍ଛନ୍ଦୋ॑-ଭିରି॒ମାନ୍ ଁଲୋ॒କା-ନ॑ନପଜ॒ୟ୍ୟ-ମ॒ଭ୍ୟ॑ଜୟନ୍ନ୍ । ମ॒ହାଗ୍ମ୍ ଇନ୍ଦ୍ରୋ॒ ଵଜ୍ର॑ବାହୁ-ଷ୍ଷୋଡ॒ଶୀ ଶର୍ମ॑ ୟଚ୍ଛତୁ ॥ 10 ॥
ସ୍ଵ॒ସ୍ତି ନୋ॑ ମ॒ଘଵା॑ କରୋତୁ॒ ହନ୍ତୁ॑ ପା॒ପ୍ମାନଂ॒-ୟୋଁ᳚-ଽସ୍ମା-ନ୍ଦ୍ଵେଷ୍ଟି॑ ॥
ସୋ॒ମାନ॒ଗ୍ଗ୍॒ ସ୍ଵର॑ଣ-ଙ୍କୃଣୁ॒ହି ବ୍ର॑ହ୍ମଣସ୍ପତେ । କ॒କ୍ଷୀଵ॑ନ୍ତଂ॒-ୟଁ ଔ॑ଶି॒ଜମ୍ ।
ଶରୀ॑ରଂ-ୟଁଜ୍ଞଶମ॒ଲ-ଙ୍କୁସୀ॑ଦ॒-ନ୍ତସ୍ମି᳚-ନ୍ଥ୍ସୀଦତୁ॒ ୟୋ᳚-ଽସ୍ମା-ନ୍ଦ୍ଵେଷ୍ଟି॑ ॥
ଚର॑ଣ-ମ୍ପ॒ଵିତ୍ରଂ॒-ଵିଁତ॑ତ-ମ୍ପୁରା॒ଣଂ-ୟେଁନ॑ ପୂ॒ତ-ସ୍ତର॑ତି ଦୁଷ୍କୃ॒ତାନି॑ ।
ତେନ॑ ପ॒ଵିତ୍ରେ॑ଣ ଶୁ॒ଦ୍ଧେନ॑ ପୂ॒ତା ଅତି॑ ପା॒ପ୍ମାନ॒-ମରା॑ତି-ନ୍ତରେମ ॥
ସ॒ଜୋଷା॑ ଇନ୍ଦ୍ର॒ ସଗ॑ଣୋ ମ॒ରୁଦ୍ଭି॒-ସ୍ସୋମ॑-ମ୍ପିବ ଵୃତ୍ରହଞ୍ଛୂର ଵି॒ଦ୍ଵାନ୍ ।
ଜ॒ହି ଶତ୍ରୂ॒ଗ୍ମ୍॒ ରପ॒ ମୃଧୋ॑ ନୁଦ॒ସ୍ଵାଥାଭ॑ୟ-ଙ୍କୃଣୁହି ଵି॒ଶ୍ଵତୋ॑ ନଃ ॥
ସୁ॒ମି॒ତ୍ରା ନ॒ ଆପ॒ ଓଷ॑ଧୟ-ସ୍ସନ୍ତୁ ଦୁର୍ମି॒ତ୍ରାସ୍ତସ୍ମୈ॑
ଭୂୟାସୁ॒-ର୍ୟା᳚-ଽସ୍ମା-ନ୍ଦ୍ଵେଷ୍ଟି॒ ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥
ଆପୋ॒ ହିଷ୍ଠା ମ॑ୟୋ॒ ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ॥ 11 ॥
ମ॒ହେରଣା॑ୟ॒ ଚକ୍ଷ॑ସେ । ୟୋ ଵ॑-ଶ୍ଶି॒ଵତ॑ମୋ॒ ରସ॒-ସ୍ତସ୍ୟ॑ ଭାଜୟତେ॒ ହ ନଃ॑ । ଉ॒ଶ॒ତୀ-ରି॑ଵ ମା॒ତରଃ॑ । ତସ୍ମା॒ ଅର॑ଙ୍ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ॥ ହିର॑ଣ୍ୟଶୃଙ୍ଗଂ॒-ଵଁରୁ॑ଣ॒-ମ୍ପ୍ରପ॑ଦ୍ୟେ ତୀ॒ର୍ଥ-ମ୍ମେ॑ ଦେହି॒ ୟାଚି॑ତଃ ।
ୟ॒ନ୍ମୟା॑ ଭୁ॒କ୍ତ-ମ॒ସାଧୂ॑ନା-ମ୍ପା॒ପେଭ୍ୟ॑ଶ୍ଚ ପ୍ର॒ତିଗ୍ର॑ହଃ ॥ ୟନ୍ମେ॒ ମନ॑ସା ଵା॒ଚା॒ କ॒ର୍ମ॒ଣା ଵା ଦୁ॑ଷ୍କୃତ॒-ଙ୍କୃତମ୍ । ତନ୍ନ॒ ଇନ୍ଦ୍ରୋ॒ ଵରୁ॑ଣୋ॒ ବୃହ॒ସ୍ପତି॑-ସ୍ସଵି॒ତା ଚ॑ ପୁନନ୍ତୁ॒ ପୁନଃ॑ ପୁନଃ ॥
ନମୋ॒-ଽଗ୍ନୟେ᳚-ଽଫ୍ସୁ॒ମତେ॒ ନମ॒ ଇନ୍ଦ୍ରା॑ୟ॒ ନମୋ॒ ଵରୁ॑ଣାୟ॒ ନମୋ ଵାରୁଣ୍ୟୈ॑ ନମୋ॒-ଽଦ୍ଭ୍ୟଃ ॥ 12 ॥
ୟଦ॒ପା-ଙ୍କ୍ରୂ॒ରଂ-ୟଁଦ॑ମେ॒ଦ୍ଧ୍ୟଂ-ୟଁଦ॑ଶା॒ନ୍ତ-ନ୍ତଦପ॑ଗଚ୍ଛତାତ୍ ॥ ଅ॒ତ୍ୟା॒ଶ॒ନା-ଦ॑ତୀପା॒ନା॒-ଦ୍ୟ॒ଚ୍ଚ ଉ॒ଗ୍ରା-ତ୍ପ୍ର॑ତି॒ଗ୍ରହା᳚ତ୍ । ତନ୍ନୋ॒ ଵରୁ॑ଣୋ ରା॒ଜା॒ ପା॒ଣିନା᳚ ହ୍ୟଵ॒ମର୍ଶ॑ତୁ ॥ ସୋ॑-ଽହମ॑ପା॒ପୋ ଵି॒ରଜୋ॒ ନିର୍ମୁ॒କ୍ତୋ ମୁ॑କ୍ତକି॒ଲ୍ବିଷଃ । ନାକ॑ସ୍ୟ ପୃ॒ଷ୍ଠମାରୁ॑ହ୍ୟ॒ ଗଚ୍ଛେ॒-ଦ୍ବ୍ରହ୍ମ॑ସଲୋ॒କତାମ୍ ॥ ୟଶ୍ଚା॒ଫ୍ସୁ ଵରୁ॑ଣ॒-ସ୍ସ ପୁ॒ନାତ୍ଵ॑ଘମର୍ଷ॒ଣଃ ॥ ଇ॒ମ-ମ୍ମେ॑ ଗଙ୍ଗେ ୟମୁନେ ସରସ୍ଵତି॒ ଶୁତୁ॑ଦ୍ରି॒ ସ୍ତୋମଗ୍ମ୍॑ ସଚତା॒ ପରୁ॒ଷ୍ଣିୟା ।
ଅ॒ସି॒କ୍ନି॒ୟା ମ॑ରୁଦ୍ଵୃଧେ ଵି॒ତସ୍ତ॒ୟା-ଽଽର୍ଜୀ॑କୀୟେ ଶୃଣୁ॒ହ୍ୟା ସୁ॒ଷୋମ॑ୟା ॥
ଋ॒ତଞ୍ଚ॑ ସ॒ତ୍ୟଞ୍ଚା॒-ଭୀ᳚ଦ୍ଧା॒ ତ୍ତପ॒ସୋ-ଽଦ୍ଧ୍ୟ॑ଜାୟତ ।
ତତୋ॒ ରାତ୍ରି॑-ରଜାୟତ॒ ତତ॑-ସ୍ସମୁ॒ଦ୍ରୋ ଅ॑ର୍ଣ॒ଵଃ ॥ 13 ॥
ସ॒ମୁ॒ଦ୍ରା-ଦ॑ର୍ଣ॒ଵା-ଦଧି॑ ସଂଵଁଥ୍ସ॒ରୋ ଅ॑ଜାୟତ ।
ଅ॒ହୋ॒ରା॒ତ୍ରାଣି॑ ଵି॒ଦଧ॒-ଦ୍(ମି॒ଦଧ॒ଦ୍) ଵିଶ୍ଵ॑ସ୍ୟ ମିଷ॒ତୋ ଵ॒ଶୀ ॥ ସୂ॒ର୍ୟା॒ଚ॒ନ୍ଦ୍ର॒ମସୌ॑ ଧା॒ତା ୟ॑ଥା ପୂ॒ର୍ଵ ମ॑କଲ୍ପୟତ୍ । ଦିଵ॑ଞ୍ଚ ପୃଥି॒ଵୀ-ଞ୍ଚା॒ନ୍ତରି॑କ୍ଷ॒ ମଥୋ॒ ସୁଵଃ॑ ॥ ୟ-ତ୍ପୃ॑ଥି॒ଵ୍ୟାଗ୍ମ୍ ରଜ॑ସ୍ସ୍ଵ॒ ମାନ୍ତରି॑କ୍ଷେ ଵି॒ରୋଦ॑ସୀ । ଇ॒ମାଗ୍ ସ୍ତଦା॒ପୋ ଵ॑ରୁଣଃ ପୁ॒ନାତ୍ଵ॑ଘମର୍ଷ॒ଣଃ ॥ ପୁ॒ନନ୍ତୁ॒ ଵସ॑ଵଃ ପୁ॒ନାତୁ॒ ଵରୁ॑ଣଃ ପୁ॒ନାତ୍ଵ॑ଘମର୍ଷ॒ଣଃ ।
ଏ॒ଷ ଭୂ॒ତସ୍ୟ॑ ମ॒ଦ୍ଧ୍ୟେ ଭୁଵ॑ନସ୍ୟ ଗୋ॒ପ୍ତା ॥
ଏ॒ଷ ପୁ॒ଣ୍ୟକୃ॑ତାଂ-ଲୋଁ॒କା॒ନେ॒ଷ ମୃ॒ତ୍ୟୋର୍-ହି॑ର॒ଣ୍ମୟ᳚ମ୍ । ଦ୍ୟାଵା॑ପୃଥି॒ଵ୍ୟୋର୍-ହି॑ର॒ଣ୍ମୟ॒ଗ୍ମ୍॒ ସଗ୍ଗ୍ଶ୍ରି॑ତ॒ଗ୍ମ୍॒ ସୁଵଃ॑ ॥ 14 ॥
ସ ନ॒-ସ୍ସୁଵ॒-ସ୍ସଗ୍ମ୍ ଶି॑ଶାଧି ॥
ଆର୍ଦ୍ର॒-ଞ୍ଜ୍ଵଲ॑ତି॒ ଜ୍ୟୋତି॑-ର॒ହମ॑ସ୍ମି । ଜ୍ୟୋତି॒-ର୍ଜ୍ଵଲ॑ତି॒ ବ୍ରହ୍ମା॒ହମ॑ସ୍ମି । ୟୋ॑-ଽହମ॑ସ୍ମି॒ ବ୍ରହ୍ମା॒ହମ॑ସ୍ମି । ଅ॒ହମ॑ସ୍ମି॒ ବ୍ରହ୍ମା॒ହମ॑ସ୍ମି । ଅ॒ହମେ॒ଵାହ-ମ୍ମା-ଞ୍ଜୁ॑ହୋମି॒ ସ୍ଵାହା᳚ ॥ ଅ॒କା॒ର୍ୟ॒-କା॒ର୍ୟ॑ଵ କୀ॒ର୍ଣୀ ସ୍ତେ॒ନୋ ଭ୍ରୂ॑ଣ॒ହା ଗୁ॑ରୁତ॒ଲ୍ପଗଃ । ଵରୁ॑ଣୋ॒-ଽପାମ॑ଘମର୍ଷ॒ଣ-ସ୍ତସ୍ମା᳚-ତ୍ପା॒ପା-ତ୍ପ୍ରମୁ॑ଚ୍ୟତେ ॥
ର॒ଜୋଭୂମି॑ସ୍ତ୍ଵ॒ମାଗ୍ମ୍ ରୋଦ॑ୟସ୍ଵ॒ ପ୍ରଵ॑ଦନ୍ତି॒ ଧୀରାଃ᳚ ॥
ଆକ୍ରା᳚ନ୍-ଥ୍ସମୁ॒ଦ୍ରଃ ପ୍ର॑ଥ॒ମେ ଵିଧ॑ର୍ମ-ଞ୍ଜ॒ନୟ॑-ନ୍ପ୍ର॒ଜା ଭୁଵ॑ନସ୍ୟ॒ ରାଜା᳚ ।
ଵୃଷା॑ ପ॒ଵିତ୍ରେ॒ ଅଧି॒ସାନୋ॒ ଅଵ୍ୟେ॑ ବୃ॒ହ-ଥ୍ସୋମୋ॑
ଵାଵୃଧେ ସୁଵା॒ନ ଇନ୍ଦୁଃ॑ ॥ 15 ॥
(ପୁର॑ସ୍ତା॒–ଦ୍ୟଶୋ॒ – ଗୁହା॑ସୁ॒ – ମମ॑ – ଚକ୍ରତୁ॒ଣ୍ଡାୟ॑ ଧୀମହି – ତୀକ୍ଷଦ॒ଗ୍ଗ୍॒ଷ୍ଠ୍ରାୟ॑ ଧୀମହି॒ – ପରି॑ – ପ୍ର॒ତିଷ୍ଠି॑ତଂ – ଦେଭୁ–ର୍ ୟଚ୍ଛତୁ – ଦଧାତନା॒- ଦ୍ଭ୍ୟୋ᳚ – ଽର୍ଣ॒ଵଃ – ସୁଵୋ॒ – ରାଜୈକ॑-ଞ୍ଚ) (ଅ. 1)
ରୁ॒ଦ୍ରୋ॒ ରୁ॒ଦ୍ରଶ୍ଚ॒ ଦନ୍ତି॒ଶ୍ଚ॒ ନ॒ନ୍ଦି॒-ଷ୍ଷ॒ଣ୍ମୁ॒ଖ॒ ଏ॒ଵ ଚ॑ । ଗ॒ରୁ॒ଡୋ॒ ବ୍ର॒ହ୍ମ॒ ଵି॒ଷ୍ଣୁ॒ଶ୍ଚ॒ ନା॒ର॒ସି॒ଗ୍ମ୍॒ହ॒ସ୍ତ॒ଥୈ॒ଵ ଚ॑ । ଆ॒ଦି॒ତ୍ୟୋ॒-ଽଗ୍ନି॒ଶ୍ଚ॒ ଦୁ॒ର୍ଗି॒ଶ୍ଚ॒ କ୍ର॒ମେ॒ଣ॒ ଦ୍ଵାଦ॒ଶାମ୍ଭ॑ସି ।
ମ॒ ମ॒ ଵ॒ ଚ॒ ମ॒ ସୁ॒ ଵେ॒ ନା॒ ଵ॒ ଭା॒ ଵୈ॒ କା॒ତ୍ୟା॒ୟ॒ନାୟ॑ ।
ଅନୁଵାକଂ 2
ଜା॒ତଵେ॑ଦସେ ସୁନଵାମ॒ ସୋମ॑-ମରାତୀୟ॒ତୋ ନିଦ॑ହାତି॒ ଵେଦଃ॑ । ସ ନଃ॑ ପର୍ଷ॒ଦତି॑ ଦୁ॒ର୍ଗାଣି॒ ଵିଶ୍ଵା॑ ନା॒ଵେଵ॒ ସିନ୍ଧୁ॑-ନ୍ଦୁରି॒ତା-ଽତ୍ୟ॒ଗ୍ନିଃ ॥
ତାମ॒ଗ୍ନିଵ॑ର୍ଣା॒-ନ୍ତପ॑ସା ଜ୍ଵଲ॒ନ୍ତୀଂ-ଵୈଁ॑ରୋଚ॒ନୀ-ଙ୍କ॑ର୍ମଫ॒ଲେଷୁ॒ ଜୁଷ୍ଟା᳚ମ୍ । ଦୁ॒ର୍ଗା-ନ୍ଦେ॒ଵୀଗ୍ମ୍ ଶର॑ଣମ॒ହ-ମ୍ପ୍ରପ॑ଦ୍ୟେ ସୁ॒ତର॑ସି ତରସେ॒ ନମଃ॑ ॥
ଅଗ୍ନେ॒ ତ୍ଵ-ମ୍ପା॑ରୟା॒ ନଵ୍ୟୋ॑ ଅ॒ସ୍ମାନ୍-ଥ୍ସ୍ଵ॒ସ୍ତି-ଭି॒ରତି॑ ଦୁ॒ର୍ଗାଣି॒ ଵିଶ୍ଵା᳚ । ପୂଶ୍ଚ॑ ପୃ॒ଥ୍ଵୀ ବ॑ହୁ॒ଲା ନ॑ ଉ॒ର୍ଵୀ ଭଵା॑ ତୋ॒କାୟ॒ ତନ॑ୟାୟ॒ ଶଂୟୋଁଃ ॥
ଵିଶ୍ଵା॑ନି ନୋ ଦୁ॒ର୍ଗହା॑ ଜାତଵେଦ॒-ସ୍ସିନ୍ଧୁ॒-ନ୍ନ ନା॒ଵା ଦୁ॑ରି॒ତା-ଽତି॑ପର୍ଷି । ଅଗ୍ନେ॑ ଅତ୍ରି॒ଵ-ନ୍ମନ॑ସା ଗୃଣା॒ନୋ᳚-ଽସ୍ମାକ॑-ମ୍ବୋଦ୍ଧ୍ୟଵି॒ତା ତ॒ନୂନା᳚ମ୍ ॥
ପୃ॒ତ॒ନା॒ଜିତ॒ଗ୍ମ୍॒ ସହ॑ମାନ-ମୁ॒ଗ୍ରମ॒ଗ୍ନିଗ୍ମ୍ ହୁ॑ଵେମ ପର॒ମା-ଥ୍ସ॒ଧସ୍ଥା᳚ତ୍ । ସ ନଃ॑ ପର୍ଷ॒ଦତି॑ ଦୁ॒ର୍ଗାଣି॒ ଵିଶ୍ଵା॒ କ୍ଷାମ॑ଦ୍ଦେ॒ଵୋ ଅତି॑ ଦୁରି॒ତା-ଽତ୍ୟ॒ଗ୍ନିଃ ॥
ପ୍ର॒ତ୍ନୋଷି॑-କ॒ମୀଡ୍ୟୋ॑ ଅଦ୍ଧ୍ଵ॒ରେଷୁ॑ ସ॒ନାଚ୍ଚ॒ ହୋତା॒ ନଵ୍ୟ॑ଶ୍ଚ॒ ସଥ୍ସି॑ । ସ୍ଵାଞ୍ଚା᳚ଗ୍ନେ ତ॒ନୁଵ॑-ମ୍ପି॒ପ୍ରୟ॑ସ୍ଵା॒ସ୍ମଭ୍ୟ॑ଞ୍ଚ॒ ସୌଭ॑ଗ॒ମାୟ॑ଜସ୍ଵ ॥
ଗୋଭି॒-ର୍ଜୁଷ୍ଟ॑ମ॒ୟୁଜୋ॒ ନିଷି॑କ୍ତ॒-ନ୍ତଵେ᳚ନ୍ଦ୍ର ଵିଷ୍ଣୋ॒-ରନୁ॒ସଞ୍ଚ॑ରେମ ।
ନାକ॑ସ୍ୟ ପୃ॒ଷ୍ଠମ॒ଭି ସଂ॒ଵଁସା॑ନୋ॒ ଵୈଷ୍ଣ॑ଵୀଂ-ଲୋଁ॒କ ଇ॒ହ ମା॑ଦୟନ୍ତାମ୍ ॥ 16 ॥
(ଦୁ॒ରି॒ତା-ଽତ୍ୟ॒ଗ୍ନିଶ୍ଚ॒ତ୍ଵାରି॑ ଚ) (ଅ. 2)
ଅନୁଵାକଂ 3
ଭୂ-ରନ୍ନ॑-ମ॒ଗ୍ନୟେ॑ ପୃଥି॒ଵ୍ୟୈ ସ୍ଵାହା॒ ,
ଭୁଵୋ-ଽନ୍ନଂ॑-ଵାଁ॒ୟଵେ॒-ଽନ୍ତରି॑କ୍ଷାୟ॒ ସ୍ଵାହା॒,
ସୁଵ॒ରନ୍ନ॑-ମାଦି॒ତ୍ୟାୟ॑ ଦି॒ଵେ ସ୍ଵାହା॒ ,
ଭୂର୍ଭୁଵ॒ସ୍ସୁଵ॒-ରନ୍ନ॑-ଞ୍ଚ॒ନ୍ଦ୍ରମ॑ସେ ଦି॒ଗ୍ଭ୍ୟ-ସ୍ସ୍ଵାହା॒ ,
ନମୋ॑ ଦେ॒ଵେଭ୍ୟ॑-ସ୍ସ୍ଵ॒ଧା ପି॒ତୃଭ୍ୟୋ॒ ଭୂର୍ଭୁଵ॒ସ୍ସୁଵ॒-ରନ୍ନ॒ମୋମ୍ ॥ 17 ॥
ଅନୁଵାକଂ 4
ଭୂର॒ଗ୍ନୟେ॑ ପୃଥି॒ଵ୍ୟୈ ସ୍ଵାହା॒,
ଭୁଵୋ॑ ଵା॒ୟଵେ॒-ଽନ୍ତରି॑କ୍ଷାୟ॒ ସ୍ଵାହା॒ ,
ସୁଵ॑ରାଦି॒ତ୍ୟାୟ॑ ଦି॒ଵେ ସ୍ଵାହା॒ ,
ଭୂର୍ଭୁଵ॒ସ୍ସୁଵ॑-ଶ୍ଚ॒ନ୍ଦ୍ରମ॑ସେ ଦି॒ଗ୍ଭ୍ୟ-ସ୍ସ୍ଵାହା॒,
ନମୋ॑ ଦେ॒ଵେଭ୍ୟ॑-ସ୍ସ୍ଵ॒ଧା ପି॒ତୃଭ୍ୟୋ॒ ଭୂର୍ଭୁଵ॒ସ୍ସୁଵ॒-ରଗ୍ନ॒ ଓମ୍ ॥ 18 ॥
ଅନୁଵାକଂ 5
ଭୂର॒ଗ୍ନୟେ॑ ଚ ପୃଥି॒ଵ୍ୟୈ ଚ॑ ମହ॒ତେ ଚ॒ ସ୍ଵାହା॒ ,
ଭୁଵୋ॑ ଵା॒ୟଵେ॑ ଚା॒ନ୍ତରି॑କ୍ଷାୟ ଚ ମହ॒ତେ ଚ॒ ସ୍ଵାହା॒ ,
ସୁଵ॑ରାଦି॒ତ୍ୟାୟ॑ ଚ ଦି॒ଵେ ଚ॑ ମହ॒ତେ ଚ॒ ସ୍ଵାହା॒ ,
ଭୂ-ର୍ଭୁଵ॒ସ୍ସୁଵ॑-ଶ୍ଚ॒ନ୍ଦ୍ରମ॑ସେ ଚ॒ ନକ୍ଷ॑ତ୍ରେଭ୍ୟଶ୍ଚ ଦି॒ଗ୍ଭ୍ୟଶ୍ଚ॑ ମହ॒ତେ ଚ॒ ସ୍ଵାହା॒,
ନମୋ॑ ଦେ॒ଵେଭ୍ୟ॑-ସ୍ସ୍ଵ॒ଧା ପି॒ତୃଭ୍ୟୋ॒ ଭୂର୍ଭୁଵ॒ସ୍ସୁଵ॒-ର୍ମହ॒ରୋମ୍ ॥ 19 ॥
ଅନୁଵାକଂ 6
ପାହି ନୋ ଅଗ୍ନ ଏନ॑ସେ ସ୍ଵା॒ହା । ପାହି ନୋ ଵିଶ୍ଵଵେଦ॑ସେ ସ୍ଵା॒ହା । ୟଜ୍ଞ-ମ୍ପାହି ଵିଭାଵ॑ସୋ ସ୍ଵା॒ହା । ସର୍ଵ-ମ୍ପାହି ଶତକ୍ର॑ତୋ ସ୍ଵା॒ହା ॥ 20 ॥
ଅନୁଵାକଂ 7
ପା॒ହି ନୋ॑ ଅଗ୍ନ॒ ଏକ॑ୟା । ପା॒ହ୍ୟୁ॑ତ ଦ୍ଵି॒ତୀୟ॑ୟା । ପା॒ହ୍ୟୂର୍ଜ॑-ନ୍ତୃ॒ତୀୟ॑ୟା ।
ପା॒ହି ଗୀ॒ର୍ଭି-ଶ୍ଚ॑ତ॒ସୃଭି॑-ର୍ଵସୋ॒ ସ୍ଵାହା᳚ ॥ 21 ॥
ଅନୁଵାକଂ 8
ୟଶ୍ଛନ୍ଦ॑ସା-ମୃଷ॒ଭୋ ଵି॒ଶ୍ଵରୂ॑ପ॒-ଶ୍ଛନ୍ଦୋ᳚ଭ୍ୟ॒ ଶ୍ଛନ୍ଦାଗ୍॑ସ୍ୟା ଵି॒ଵେଶ॑ । ସଚାଗ୍ମ୍ ଶିକ୍ୟଃ ପୁରୋ ଵାଚୋ॑ପନି॒ଷ-ଦିନ୍ଦ୍ରୋ᳚ ଜ୍ୟେ॒ଷ୍ଠ ଇ॑ନ୍ଦ୍ରି॒ୟାୟ॒ ଋଷି॑ଭ୍ୟୋ॒
ନମୋ॑ ଦେ॒ଵେଭ୍ୟ॑-ସ୍ସ୍ଵ॒ଧା ପି॒ତୃଭ୍ୟୋ॒ ଭୂର୍ଭୁଵ॒ସ୍ସୁଵ॒ ଶ୍ଛନ୍ଦ॒ ଓମ୍ ॥ 22 ॥
ଅନୁଵାକଂ 9
ନମୋ॒ ବ୍ରହ୍ମ॑ଣେ ଧା॒ରଣ॑-ମ୍ମେ ଅ॒ସ୍ତ୍ଵ-ନି॑ରାକରଣଂ-ଧା॒ରୟି॑ତା ଭୂୟାସ॒-ଙ୍କର୍ଣ॑ୟୋ-ଶ୍ଶ୍ରୁ॒ତ-ମ୍ମାଚ୍ୟୋ᳚ଢ୍ଵ॒-ମ୍ମମା॒ମୁଷ୍ୟ॒ ଓମ୍ ॥ 23 ॥
ଅନୁଵାକଂ 10
ଋ॒ତ-ନ୍ତପ॑-ସ୍ସ॒ତ୍ୟ-ନ୍ତପ॑-ଶ୍ଶ୍ରୁ॒ତ-ନ୍ତପ॑-ଶ୍ଶା॒ନ୍ତ-ନ୍ତପୋ॒ ଦମ॒ ସ୍ତପ॒-ଶ୍ଶମ॒ସ୍ତପୋ॒ ଦାନ॒-ନ୍ତପୋ॒ ୟଜ୍ଞ॒-ନ୍ତପୋ॒ ଭୂର୍ଭୁଵ॒ସ୍ସୁଵ॒-ର୍ବ୍ରହ୍ମୈ॒-ତଦୁପା᳚ସ୍ୟୈ॒-ତତ୍ତପଃ॑ ॥ 24 ॥
ଅନୁଵାକଂ 11
ୟଥା॑ ଵୃ॒କ୍ଷସ୍ୟ॑ ସ॒ପୁଂଷ୍ପି॑ତସ୍ୟ ଦୂ॒ରା-ଦ୍ଗ॒ନ୍ଧୋ ଵା᳚ତ୍ୟେ॒ଵ-ମ୍ପୁଣ୍ୟ॑ସ୍ୟ କ॒ର୍ମଣୋ॑ ଦୂ॒ରା-ଦ୍ଗ॒ନ୍ଧୋ ଵା॑ତି॒ ୟଥା॑-ଽସିଧା॒ରା-ଙ୍କ॒ର୍ତେ-ଽଵ॑ହିତା-ମଵ॒କ୍ରାମେ॒ ୟଦ୍ୟୁଵେ॒ ୟୁଵେ॒ ହଵା॑ ଵି॒ହ୍ଵୟି॑ଷ୍ୟାମି କ॒ର୍ତ-ମ୍ପ॑ତିଷ୍ୟା॒ମୀତ୍ୟେ॒ଵ-ମ॒ମୃତା॑-ଦା॒ତ୍ମାନ॑-ଞ୍ଜୁ॒ଗୁଫ୍ସେ᳚ତ୍ ॥ 25 ॥
ଅନୁଵାକଂ 12
ଅ॒ଣୋ-ରଣୀ॑ୟା-ନ୍ମହ॒ତୋ ମହୀ॑ୟା-ନା॒ତ୍ମା ଗୁହା॑ୟା॒-ନ୍ନିହି॑ତୋ-ଽସ୍ୟ ଜ॒ନ୍ତୋଃ । ତମ॑କ୍ରତୁ-ମ୍ପଶ୍ୟତି ଵୀତଶୋ॒କୋ ଧା॒ତୁଃ ପ୍ର॒ସାଦା᳚-ନ୍ମହି॒ମାନ॑ମୀଶମ୍ ॥
ସ॒ପ୍ତ ପ୍ରା॒ଣାଃ ପ୍ର॒ଭଵ॑ନ୍ତି॒ ତସ୍ମା᳚-ଥ୍ସ॒ପ୍ତାର୍ଚିଷ॑-ସ୍ସ॒ମିଧ॑-ସ୍ସ॒ପ୍ତ ଜି॒ହ୍ଵାଃ । ସ॒ପ୍ତ ଇ॒ମେ ଲୋ॒କା ୟେଷୁ॒ ଚର॑ନ୍ତି ପ୍ରା॒ଣା ଗୁ॒ହାଶ॑ୟା॒-ନ୍ନିହି॑ତା-ସ୍ସ॒ପ୍ତ ସ॑ପ୍ତ ॥
ଅତ॑-ସ୍ସମୁ॒ଦ୍ରା ଗି॒ରୟ॑ଶ୍ଚ॒ ସର୍ଵେ॒-ଽସ୍ମା-ଥ୍ସ୍ୟନ୍ଦ॑ନ୍ତେ॒ ସିନ୍ଧ॑ଵ॒-ସ୍ସର୍ଵ॑ରୂପାଃ । ଅତ॑ଶ୍ଚ॒ ଵିଶ୍ଵା॒ ଓଷ॑ଧୟୋ॒ ରସା᳚ଚ୍ଚ॒ ୟେନୈ॑ଷ ଭୂ॒ତ-ସ୍ତି॑ଷ୍ଠତ୍ୟନ୍ତରା॒ତ୍ମା ॥
ବ୍ର॒ହ୍ମା ଦେ॒ଵାନା᳚-ମ୍ପଦ॒ଵୀଃ କ॑ଵୀ॒ନା-ମୃଷି॒-ର୍ଵିପ୍ରା॑ଣା-ମ୍ମହି॒ଷୋ ମୃ॒ଗାଣା᳚ମ୍ ।
ଶ୍ୟେ॒ନୋ ଗୃଧ୍ରା॑ଣା॒ଗ୍॒ ସ୍ଵଧି॑ତି॒-ର୍ଵନା॑ନା॒ଗ୍ମ୍॒ ସୋମଃ॑ ପ॒ଵିତ୍ର॒ ମତ୍ୟେ॑ତି॒ ରେଭନ୍ନ୍॑ ॥
ଅ॒ଜା ମେକାଂ॒-ଲୋଁହି॑ତ-ଶୁକ୍ଲ-କୃ॒ଷ୍ଣା-ମ୍ବ॒ହ୍ଵୀ-ମ୍ପ୍ର॒ଜା-ଞ୍ଜ॒ନୟ॑ନ୍ତୀ॒ଗ୍ମ୍॒ ସରୂ॑ପାମ୍ । ଅ॒ଜୋ ହ୍ୟେକୋ॑ ଜୁ॒ଷମା॑ଣୋ-ଽନୁ॒ଶେତେ॒ ଜହା᳚ତ୍ୟେନା-ମ୍ଭୁ॒କ୍ତ-ଭୋ॑ଗା॒ମଜୋ᳚-ଽନ୍ୟଃ ॥ 26 ॥
ହ॒ଗ୍ମ୍॒ସ-ଶ୍ଶୁ॑ଚି॒ଷ-ଦ୍ଵସୁ॑-ରନ୍ତରିକ୍ଷ॒-ସଦ୍ଧୋତା॑ ଵେଦି॒ଷ-ଦତି॑ଥି-ର୍ଦୁରୋଣ॒ସତ୍ ।
ନୃ॒ଷଦ୍ଵ॑ର॒-ସଦୃ॑ତ॒-ସ-ଦ୍ଵ୍ୟୋ॑ମ॒-ସଦ॒ବ୍ଜା ଗୋ॒ଜା ଋ॑ତ॒ଜା ଅ॑ଦ୍ରି॒ଜା ଋ॒ତ-ମ୍ବୃ॒ହତ୍ ॥
ଘୃ॒ତ-ମ୍ମି॑ମିକ୍ଷିରେ ଘୃ॒ତମ॑ସ୍ୟ॒ ୟୋନି॑-ର୍ଘୃ॒ତେ ଶ୍ରି॒ତୋ ଘୃ॒ତମୁ॑ଵସ୍ୟ॒ ଧାମ॑ ।
ଅ॒ନୁ॒ଷ୍ଵ॒ଧମାଵ॑ହ ମା॒ଦୟ॑ସ୍ଵ॒ ସ୍ଵାହା॑ କୃତଂ-ଵୃଁଷଭ ଵକ୍ଷି ହ॒ଵ୍ୟମ୍ ॥
ସ॒ମୁ॒ଦ୍ରା ଦୂ॒ର୍ମି-ର୍ମଧୁ॑ମା॒ଗ୍ମ୍॒ ଉଦା॑ର-ଦୁପା॒ଗ୍ମ୍॒ଶୁନା॒ ସମ॑ମୃତ॒ତ୍ଵ ମା॑ନଟ୍ ।
ଘୃ॒ତସ୍ୟ॒ ନାମ॒ ଗୁହ୍ୟଂ॒-ୟଁଦସ୍ତି॑ ଜି॒ହ୍ଵା ଦେ॒ଵାନା॑-ମ॒ମୃତ॑ସ୍ୟ॒ ନାଭିଃ॑ ॥
ଵ॒ୟ-ନ୍ନାମ॒ ପ୍ରବ୍ର॑ଵାମା ଘୃ॒ତେନା॒ସ୍ମିନ୍. ୟ॒ଜ୍ଞେ ଧା॑ରୟାମା॒ ନମୋ॑ଭିଃ ।
ଉପ॑ ବ୍ର॒ହ୍ମା ଶୃ॑ଣଵଚ୍ଛ॒ସ୍ୟମା॑ନ॒-ଞ୍ଚତୁ॑-ଶ୍ଶୃଙ୍ଗୋ ଽଵମୀ-ଦ୍ଗୌ॒ର ଏ॒ତତ୍ ॥
ଚ॒ତ୍ଵାରି॒ ଶୃଙ୍ଗା॒ ତ୍ରୟୋ॑ ଅସ୍ୟ॒ ପାଦା॒ ଦ୍ଵେ ଶୀ॒ର॒.ଷେ ସ॒ପ୍ତ ହସ୍ତା॑ସୋ ଅ॒ସ୍ୟ ।
ତ୍ରିଧା॑ ବ॒ଦ୍ଧୋ ଵୃ॑ଷ॒ଭୋ ରୋ॑ରଵୀତି ମ॒ହୋ ଦେ॒ଵୋ ମର୍ତ୍ୟା॒ଗ୍ମ୍॒ ଆଵି॑ଵେଶ ॥ 27 ॥
ତ୍ରିଧା॑ ହି॒ତ-ମ୍ପ॒ଣିଭି॑-ର୍ଗୁ॒ହ୍ୟମା॑ନ॒-ଙ୍ଗଵି॑-ଦେ॒ଵାସୋ॑ ଘୃ॒ତମନ୍ଵ॑ଵିନ୍ଦନ୍ନ୍ । ଇନ୍ଦ୍ର॒ ଏକ॒ଗ୍ମ୍॒ ସୂର୍ୟ॒ ଏକ॑-ଞ୍ଜଜାନ ଵେ॒ନା ଦେକଗ୍ଗ୍॑ ସ୍ଵ॒ଧୟା॒ ନିଷ୍ଟ॑ତକ୍ଷୁଃ ॥
ୟୋ ଦେ॒ଵାନା᳚-ମ୍ପ୍ରଥ॒ମ-ମ୍ପୁ॒ରସ୍ତା॒-ଦ୍ଵିଶ୍ଵା॒ଧିୟୋ॑ ରୁ॒ଦ୍ରୋ ମ॒ହର୍ଷିଃ॑ । ହି॒ର॒ଣ୍ୟ॒ଗ॒ର୍ଭ-ମ୍ପ॑ଶ୍ୟତ॒ ଜାୟ॑ମାନ॒ଗ୍ମ୍॒ ସନୋ॑ ଦେ॒ଵ-ଶ୍ଶୁ॒ଭୟା॒ ସ୍ମୃତ୍ୟା॒ ସଂୟୁଁ॑ନକ୍ତୁ ॥ ୟସ୍ମା॒ତ୍ପର॒-ନ୍ନାପ॑ର॒ ମସ୍ତି॒ କିଞ୍ଚି॒ଦ୍ୟସ୍ମା॒-ନ୍ନାଣୀ॑ୟୋ॒ ନ ଜ୍ୟାୟୋ᳚-ଽସ୍ତି॒ କଶ୍ଚି॑ତ୍ ।
ଵୃ॒କ୍ଷ ଇ॑ଵ ସ୍ତବ୍ଧୋ ଦି॒ଵି ତି॑ଷ୍ଠ॒-ତ୍ୟେକ॒ସ୍ତେନେ॒ଦ-ମ୍ପୂ॒ର୍ଣ-ମ୍ପୁରୁ॑ଷେଣ॒ ସର୍ଵ᳚ମ୍ ॥
ନ କର୍ମ॑ଣା ନ ପ୍ର॒ଜୟା॒ ଧନେ॑ନ॒ ତ୍ୟାଗେ॑ନୈକେ ଅମୃତ॒ତ୍ଵ-ମା॑ନ॒ଶୁଃ ।
ପରେ॑ଣ॒ ନାକ॒-ନ୍ନିହି॑ତ॒-ଙ୍ଗୁହା॑ୟାଂ-ଵିଁ॒ଭ୍ରାଜ॑ଦେ॒ତ-ଦ୍ୟତ॑ୟୋ ଵି॒ଶନ୍ତି॑ ॥ ଵେ॒ଦା॒ନ୍ତ॒ ଵି॒ଜ୍ଞାନ॒-ସୁନି॑ଶ୍ଚିତା॒ର୍ଥା-ସ୍ସନ୍ୟା॑ସ ୟୋ॒ଗାଦ୍ୟତ॑ୟ-ଶ୍ଶୁଦ୍ଧ॒ ସତ୍ତ୍ଵାଃ᳚ ।
ତେ ବ୍ର॑ହ୍ମଲୋ॒କେ ତୁ॒ ପରା᳚ନ୍ତକାଲେ॒ ପରା॑ମୃତା॒-ତ୍ପରି॑ମୁଚ୍ୟନ୍ତି॒ ସର୍ଵେ᳚ ॥ ଦ॒ହ୍ରଂ॒-ଵିଁ॒ପା॒ପ-ମ୍ପ॒ରମେ᳚ଶ୍ମ ଭୂତଂ॒-ୟଁ-ତ୍ପୁ॑ଣ୍ଡରୀ॒କ-ମ୍ପୁ॒ରମ॑ଦ୍ଧ୍ୟ ସ॒ଗ୍ଗ୍॒ସ୍ଥମ୍ । ତ॒ତ୍ରା॒ପି॒ ଦ॒ହ୍ର-ଙ୍ଗ॒ଗନଂ॑-ଵିଁଶୋକ॒-ସ୍ତସ୍ମି॑ନ୍. ୟଦ॒ନ୍ତସ୍ତ-ଦୁପା॑ସିତ॒ଵ୍ୟମ୍ ॥
ୟୋ ଵେଦାଦୌ ସ୍ଵ॑ରଃ ପ୍ରୋ॒କ୍ତୋ॒ ଵେ॒ଦାନ୍ତେ॑ ଚ
ପ୍ର॒ତିଷ୍ଠି॑ତଃ । ତସ୍ୟ॑ ପ୍ର॒କୃତି॑-ଲୀନ॒ସ୍ୟ॒ ୟଃ॒ ପର॑-ସ୍ସ॒ ମ॒ହେଶ୍ଵ॑ରଃ ॥ 28 ॥
(ଅଜୋ᳚-ଽନ୍ୟ॒ – ଆଵି॑ଵେଶ॒ – ସର୍ଵେ॑ ଚ॒ତ୍ଵାରି॑ ଚ) (ଅ. 12)
ଅନୁଵାକଂ 13
ସ॒ହ॒ସ୍ର॒ଶୀର୍ଷ॑-ନ୍ଦେ॒ଵଂ॒-ଵିଁ॒ଶ୍ଵାକ୍ଷଂ॑-ଵିଁ॒ଶ୍ଵ ଶ॑-ମ୍ଭୁଵମ୍ । ଵିଶ୍ଵ॑-ନ୍ନା॒ରାୟ॑ଣ-ନ୍ଦେ॒ଵ॒ମ॒କ୍ଷର॑-ମ୍ପର॒ମ-ମ୍ପ॒ଦମ୍ ॥
ଵି॒ଶ୍ଵତଃ॒ ପର॑ମାନ୍ନି॒ତ୍ୟଂ॒-ଵିଁ॒ଶ୍ଵ-ନ୍ନା॑ରାୟ॒ଣଗ୍ମ୍ ହ॑ରିମ୍ । ଵିଶ୍ଵ॑ମେ॒ଵେଦ-ମ୍ପୁରୁ॑ଷ॒-ସ୍ତ-ଦ୍ଵିଶ୍ଵ॒ମୁପ॑ଜୀଵତି ॥
ପତିଂ॒-ଵିଁଶ୍ଵ॑ସ୍ୟା॒ତ୍ମେଶ୍ଵ॑ର॒ଗ୍ମ୍॒ ଶାଶ୍ଵ॑ତଗ୍ମ୍ ଶି॒ଵମ॑ଚ୍ୟୁତମ୍ । ନା॒ରାୟ॒ଣ-ମ୍ମ॑ହାଜ୍ଞେ॒ୟଂ॒-ଵିଁ॒ଶ୍ଵାତ୍ମା॑ନ-ମ୍ପ॒ରାୟ॑ଣମ୍ ॥
ନା॒ରାୟ॒ଣ ପ॑ରୋ ଜ୍ୟୋ॒ତି॒ରା॒ତ୍ମା ନା॑ରୟ॒ଣଃ ପ॑ରଃ ।
ନା॒ରାୟ॒ଣ ପ॑ର-ମ୍ବ୍ର॒ହ୍ମ॒ ତ॒ତ୍ତ୍ଵ-ନ୍ନା॑ରାୟ॒ଣଃ ପ॑ରଃ । ନା॒ରାୟ॒ଣ ପ॑ରୋ ଧ୍ୟା॒ତା॒ ଧ୍ୟା॒ନ-ନ୍ନା॑ରାୟ॒ଣଃ ପ॑ରଃ ॥ ୟଚ୍ଚ॑ କି॒ଞ୍ଚିଜ୍-ଜ॑ଗ-ଥ୍ସ॒ର୍ଵ॒-ନ୍ଦୃ॒ଶ୍ୟତେ᳚ ଶ୍ରୂୟ॒ତେ-ଽପି॑ ଵା ॥ 29 ॥
ଅନ୍ତ॑-ର୍ବ॒ହିଶ୍ଚ॑ ତ-ଥ୍ସ॒ର୍ଵଂ॒-ଵ୍ୟାଁ॒ପ୍ୟ ନା॑ରାୟ॒ଣ-ସ୍ସ୍ଥି॑ତଃ ॥
ଅନ॑ନ୍ତ॒ ମଵ୍ୟ॑ୟ-ଙ୍କ॒ଵିଗ୍ମ୍ ସ॑ମୁ॒ଦ୍ରେ-ଽନ୍ତଂ॑-ଵିଁ॒ଶ୍ଵ ଶ॑ଭୁଂଵଁମ୍ । ପ॒ଦ୍ମ॒କୋ॒ଶ-ପ୍ର॑ତୀକା॒ଶ॒ଗ୍ମ୍॒ ହୃ॒ଦୟ॑-ଞ୍ଚାପ୍ୟ॒ଧୋମୁ॑ଖମ୍ ॥
ଅଧୋ॑ ନି॒ଷ୍ଟ୍ୟା ଵି॑ତସ୍ତ୍ୟା॒ନ୍ତେ॒ ନା॒ଭ୍ୟାମୁ॑ପରି॒ ତିଷ୍ଠ॑ତି ।
ଜ୍ଵା॒ଲ॒ମା॒ଲା କୁ॑ଲ-ମ୍ଭା॒ତୀ॒ ଵି॒ଶ୍ଵସ୍ୟା॑ୟତ॒ନ-ମ୍ମ॑ହତ୍ ॥
ସନ୍ତ॑ତଗ୍ମ୍ ଶି॒ଲାଭି॑ସ୍ତୁ॒ ଲମ୍ବ॑ତ୍ୟା କୋଶ॒ସନ୍ନି॑ଭମ୍ ।
ତସ୍ୟାନ୍ତେ॑ ସୁଷି॒ରଗ୍ମ୍ ସୂ॒କ୍ଷ୍ମ-ନ୍ତସ୍ମି᳚ନ୍-ଥ୍ସ॒ର୍ଵ-ମ୍ପ୍ରତି॑ଷ୍ଠିତମ୍ ॥
ତସ୍ୟ॒ ମଦ୍ଧ୍ୟେ॑ ମ॒ହାନ॑ଗ୍ନି-ର୍ଵି॒ଶ୍ଵାର୍ଚି॑-ର୍ଵି॒ଶ୍ଵତୋ॑ ମୁଖଃ । ସୋ-ଽଗ୍ର॑ଭୁ॒ଗ୍ ଵିଭ॑ଜ-ନ୍ତି॒ଷ୍ଠ॒-ନ୍ନାହା॑ର-ମଜ॒ରଃ କ॒ଵିଃ । ତି॒ର୍ୟ॒ଗୂ॒ର୍ଧ୍ଵ ମ॑ଧ-ଶ୍ଶା॒ୟୀ॒ ର॒ଶ୍ମୟ॑ସ୍ତସ୍ୟ॒ ସନ୍ତ॑ତା ॥ ସ॒ନ୍ତା॒ପୟ॑ତି ସ୍ଵ-ନ୍ଦେ॒ହମାପା॑ଦତଲ॒ ମସ୍ତ॑କମ୍ । ତସ୍ୟ॒ ମଦ୍ଧ୍ୟେ॒ ଵହ୍ନି॑ଶିଖା ଅ॒ଣୀୟୋ᳚ର୍ଧ୍ଵା ଵ୍ୟ॒ଵସ୍ଥି॑ତଃ ॥
ନୀ॒ଲତୋ॑ ୟଦ॑ ମଦ୍ଧ୍ୟ॒ସ୍ଥା॒-ଦ୍ଵି॒ଦ୍ୟୁଲ୍ଲେ॑ଖେଵ॒ ଭାସ୍ଵ॑ରା ।
ନୀ॒ଵାର॒ ଶୂକ॑ଵତ୍ତ॒ନ୍ଵୀ॒ ପୀ॒ତା ଭା᳚ସ୍ଵତ୍ୟ॒ଣୂପ॑ମା ॥
ତସ୍ୟା᳚-ଶ୍ଶିଖା॒ୟା ମ॑ଦ୍ଧ୍ୟେ ପ॒ରମା᳚ତ୍ମା ଵ୍ୟ॒ଵସ୍ଥି॑ତଃ ।
ସ ବ୍ରହ୍ମ॒ ସ ଶିଵ॒-ସ୍ସ ହରି॒-ସ୍ସେନ୍ଦ୍ର॒-ସ୍ସୋ-ଽକ୍ଷ॑ରଃ ପର॒ମ-ସ୍ସ୍ଵ॒ରାଟ୍ ॥ 30 ॥
(ଅପି॑ ଵା॒ – ସନ୍ତ॑ତା॒ ଷଟ୍ ଚ॑) (ଅ. 13)
ଅନୁଵାକଂ 14
ଆ॒ଦି॒ତ୍ୟୋ ଵା ଏ॒ଷ ଏ॒ତ-ନ୍ମ॒ଣ୍ଡଲ॒-ନ୍ତପ॑ତି॒ ତତ୍ର॒ ତା ଋଚ॒ସ୍ତଦୃ॒ଚା ମ॑ଣ୍ଡଲ॒ଗ୍ମ୍॒ ସ ଋ॒ଚାଂ-ଲୋଁ॒କୋ-ଽଥ॒ୟ ଏ॒ଷ ଏ॒ତସ୍ମି॑-ନ୍ମ॒ଣ୍ଡଲେ॒-ଽର୍ଚି-ର୍ଦୀ॒ପ୍ୟତେ॒ ତାନି॒ ସାମା॑ନି॒ ସ ସା॒ମ୍ନାଂ-ଲୋଁ॒କୋ-ଽଥ॒ ୟ ଏ॒ଷ ଏ॒ତସ୍ମି॑-ନ୍ମ॒ଣ୍ଡଲେ॒-ଽର୍ଚିଷି॒ ପୁରୁ॑ଷ॒ସ୍ତାନି॒ ୟଜୂଗ୍ମ୍॑ଷି॒ ସ ୟଜୁ॑ଷା ମଣ୍ଡଲ॒ଗ୍ମ୍॒ ସ ୟଜୁ॑ଷାଂ-ଲୋଁ॒କ-ସ୍ସୈଷା ତ୍ର॒ୟ୍ୟେଵ॑ ଵି॒ଦ୍ୟା ତ॑ପତି॒ ୟ ଏ॒ଷୋ᳚-ଽନ୍ତ-ରା॑ଦି॒ତ୍ୟେ ହି॑ର॒ଣ୍ମୟଃ॒ ପୁରୁ॑ଷଃ ॥ 31 ॥
ଅନୁଵାକଂ 15
ଆ॒ଦି॒ତ୍ୟୋ ଵୈ ତେଜ॒ ଓଜୋ॒ ବଲଂ॒-ୟଁଶ॒-ଶ୍ଚକ୍ଷୁ॒-ଶ୍ଶ୍ରୋତ୍ର॑ମା॒ତ୍ମା ମନୋ॑ ମ॒ନ୍ୟୁ-ର୍ମନୁ॑-ର୍ମୃ॒ତ୍ୟୁ-ସ୍ସ॒ତ୍ୟୋ ମି॒ତ୍ରୋ ଵା॒ୟୁରା॑କା॒ଶଃ ପ୍ରା॒ଣୋ ଲୋ॑କପା॒ଲଃ କଃ କି-ଙ୍କ-ନ୍ତ-ଥ୍ସ॒ତ୍ୟମନ୍ନ॑-ମ॒ମୃତା॑ ଜୀ॒ଵୋ ଵିଶ୍ଵଃ॑ କତ॒ମ-ସ୍ସ୍ଵ॑ୟ॒ଭୁ-ମ୍ବ୍ରହ୍ମୈ॒ ତଦମୃ॑ତ ଏ॒ଷ ପୁରୁ॑ଷ ଏ॒ଷ ଭୂ॒ତାନା॒-ମଧି॑ପତି॒-ର୍ବ୍ରହ୍ମ॑ଣ॒-ସ୍ସାୟୁ॑ଜ୍ୟଗ୍ମ୍ ସଲୋ॒କତା॑-ମାପ୍ନୋ-ତ୍ୟେ॒ତାସା॑ମେ॒ଵ ଦେ॒ଵତା॑ନା॒ଗ୍ମ୍॒ ସାୟୁ॑ଜ୍ୟଗ୍ମ୍ ସା॒ର୍ଷ୍ଟିତାଗ୍ମ୍॑ ସମାନ ଲୋ॒କତା॑-ମାପ୍ନୋତି॒ ୟ ଏ॒ଵଂ-ଵେଁଦେ᳚ତ୍ୟୁପ॒ନିଷତ୍ ॥ 32 ॥
ଅନୁଵାକଂ 16
ନିଧ॑ନପତୟେ॒ ନମଃ । ନିଧ॑ନପତାନ୍ତିକାୟ॒ ନମଃ ।
ଊର୍ଧ୍ଵାୟ॒ ନମଃ । ଊର୍ଧ୍ଵଲିଙ୍ଗାୟ॒ ନମଃ ।
ହିରଣ୍ୟାୟ॒ ନମଃ । ହିରଣ୍ୟଲିଙ୍ଗାୟ॒ ନମଃ ।
ସୁଵର୍ଣାୟ॒ ନମଃ । ସୁଵର୍ଣଲିଙ୍ଗାୟ॒ ନମଃ ।
ଦିଵ୍ୟାୟ॒ ନମଃ । ଦିଵ୍ୟଲିଙ୍ଗାୟ॒ ନମଃ ॥ 33 ॥
ଭଵାୟ॒ ନମଃ । ଭଵଲିଙ୍ଗାୟ॒ ନମଃ ।
ଶର୍ଵାୟ॒ ନମଃ । ଶର୍ଵଲିଙ୍ଗାୟ॒ ନମଃ ।
ଶିଵାୟ॒ ନମଃ । ଶିଵଲିଙ୍ଗାୟ॒ ନମଃ ।
ଜ୍ଵଲାୟ॒ ନମଃ । ଜ୍ଵଲଲିଙ୍ଗାୟ॒ ନମଃ ।
ଆତ୍ମାୟ॒ ନମଃ । ଆତ୍ମଲିଙ୍ଗାୟ॒ ନମଃ ।
ପରମାୟ॒ ନମଃ । ପରମଲିଙ୍ଗାୟ॒ ନମଃ ।
ଏତଥ୍ସୋମସ୍ୟ॑ ସୂର୍ୟ॒ସ୍ୟ॒ ସର୍ଵଲିଙ୍ଗଗ୍ଗ୍॑ ସ୍ଥାପ॒ୟ॒ତି॒ ପାଣିମନ୍ତ୍ର॑-ମ୍ପଵି॒ତ୍ରମ୍ ॥ 34 ॥
ଅନୁଵାକଂ 17
ସ॒ଦ୍ୟୋଜା॒ତ-ମ୍ପ୍ର॑ପଦ୍ୟା॒ମି॒ ସ॒ଦ୍ୟୋଜା॒ତାୟ॒ ଵୈ ନମୋ॒ ନମଃ॑ । ଭ॒ଵେ ଭ॑ଵେ॒ ନାତି॑ଭଵେ ଭଵସ୍ଵ॒ ମାମ୍ । ଭ॒ଵୋଦ୍ଭ॑ଵାୟ॒ ନମଃ॑ ॥ 35 ॥
ଅନୁଵାକଂ 18
ଵା॒ମ॒ଦେ॒ଵାୟ॒ ନମୋ᳚ ଜ୍ୟେ॒ଷ୍ଠାୟ॒ ନମ॑-ଶ୍ଶ୍ରେ॒ଷ୍ଠାୟ॒ ନମୋ॑ ରୁ॒ଦ୍ରାୟ॒ ନମଃ॒ କାଲା॑ୟ॒
ନମଃ॒ କଲ॑ଵିକରଣାୟ॒ ନମୋ॒ ବଲ॑ଵିକରଣାୟ॒ ନମୋ॒ ବଲା॑ୟ॒ ନମୋ॒ ବଲ॑ପ୍ରମଥନାୟ॒ ନମ॒-ସ୍ସର୍ଵ॑ଭୂତଦମନାୟ॒ ନମୋ॑ ମ॒ନୋନ୍ମ॑ନାୟ॒ ନମଃ॑ ॥ 36 ॥
ଅନୁଵାକଂ 19
ଅ॒ଘୋରେ᳚ଭ୍ୟୋ-ଽଥ॒ ଘୋରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ।
ସର୍ଵେ᳚ଭ୍ୟ-ସ୍ସର୍ଵ॒ ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ୟଃ ॥ 37 ॥
ଅନୁଵାକଂ 20
ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥ 38 ॥
ଅନୁଵାକଂ 21
ଈଶାନ-ସ୍ସର୍ଵ॑ଵିଦ୍ୟା॒ନା॒- ମୀଶ୍ଵର-ସ୍ସର୍ଵ॑ଭୂତା॒ନା॒-ମ୍ବ୍ରହ୍ମାଧି॑ପତି॒-ର୍ବ୍ରହ୍ମ॒ଣୋ-ଽଧି॑ପତି॒-ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥ 39 ॥
ଅନୁଵାକଂ 22
ନମୋ ହିରଣ୍ୟବାହଵେ ହିରଣ୍ୟଵର୍ଣାୟ ହିରଣ୍ୟରୂପାୟ ହିରଣ୍ୟପତୟେ ଽବିଙ୍କାପତୟ ଉମାପତୟେ ପଶୁପତୟେ॑ ନମୋ॒ ନମଃ ॥ 40 ॥
ଅନୁଵାକଂ 23
ଋ॒ତଗ୍ମ୍ ସ॒ତ୍ୟ-ମ୍ପ॑ର-ମ୍ବ୍ର॒ହ୍ମ॒ ପୁ॒ରୁଷ॑-ଙ୍କୃଷ୍ଣ॒ପିଙ୍ଗ॑ଲମ୍ । ଊ॒ର୍ଧ୍ଵରେ॑ତଂ-ଵିଁ॑ରୂପା॒କ୍ଷଂ॒-ଵିଁ॒ଶ୍ଵରୂ॑ପାୟ॒ ଵୈ ନମୋ॒ ନମଃ॑ ॥ 41 ॥
ଅନୁଵାକଂ 24
ସର୍ଵୋ॒ ଵୈ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ ।
ପୁରୁ॑ଷୋ॒ ଵୈ ରୁ॒ଦ୍ର-ସ୍ସନ୍ମ॒ହୋ ନମୋ॒ ନମଃ॑ ।
ଵିଶ୍ଵ॑-ମ୍ଭୂ॒ତ-ମ୍ଭୁଵ॑ନ-ଞ୍ଚି॒ତ୍ର-ମ୍ବ॑ହୁ॒ଧା ଜା॒ତ-ଞ୍ଜାୟ॑ମାନ-ଞ୍ଚ॒ ୟତ୍ । ସର୍ଵୋ॒ ହ୍ୟେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ ॥ 42 ॥
ଅନୁଵାକଂ 25
କଦ୍ରୁ॒ଦ୍ରାୟ॒ ପ୍ରଚେ॑ତସେ ମୀ॒ଢୁଷ୍ଟ॑ମାୟ॒ ତଵ୍ୟ॑ସେ । ଵୋ॒ଚେମ॒ ଶନ୍ତ॑ମଗ୍ମ୍ ହୃ॒ଦେ ॥ ସର୍ଵୋ॒ହ୍ୟେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାୟ॒ ନମୋ॑ ଅସ୍ତୁ ॥ 43 ॥
ଅନୁଵାକଂ 26
ୟସ୍ୟ॒ ଵୈ କ॑ଙ୍କତ୍ୟଗ୍ନି-ହୋତ୍ର॒ହଵ॑ଣୀ ଭଵତି॒ ପ୍ରତ୍ୟେ॒ଵା-ସ୍ୟାହୁ॑ତୟ-ସ୍ତିଷ୍ଠ॒ନ୍ତ୍ୟଥୋ॒ ପ୍ରତି॑ଷ୍ଠିତ୍ୟୈ ॥ 44 ॥
ଅନୁଵାକଂ 27
(ଠିସ୍ ଏକ୍ଷ୍ପନ୍ସିଓନ୍ ଇସ୍ ଅପ୍ପେଅରିନ୍ଗ୍ ଇ-ନ୍ତୈ. ସଂ. 1.2.14.1 fଓ-ର୍କୃ॒ଣୁ॒ଷ୍ଵ ପାଜ॒ ଇତି॒ ପଞ୍ଚ॑ । )
କୃ॒ଣୁ॒ଷ୍ଵ ପାଜଃ॒ ପ୍ରସି॑ତି॒ନ୍ନ ପୃ॒ଥ୍ଵୀଂ-ୟାଁ॒ହି ରାଜେ॒ ଵା॑ମଵା॒ଗ୍ମ୍॒ ଇଭେ॑ନ । ତୃ॒ଷ୍ଵୀମନୁ॒ ପ୍ରସି॑ତି-ନ୍ଦ୍ରୂଣା॒ନୋ-ଽସ୍ତା॑-ଽସି॒ ଵିଦ୍ଧ୍ୟ॑ ର॒କ୍ଷ ସ॒ସ୍ତପି॑ଷ୍ଠୈଃ ॥ 1 ॥
ତଵ॑ ଭ୍ର॒ମାସ॑ ଆଶୁ॒ୟା ପ॑ତ॒ନ୍ତ୍ୟନୁ॑ ସ୍ପୃଶ ଧୃଷ॒ତା ଶୋଶୁ॑ଚାନଃ । ତପୂଗ୍॑ଷ୍ୟଗ୍ନେ ଜୁ॒ହ୍ଵା॑ ପତ॒ଗାନ୍ନ ସ॑ନ୍ଦିତୋ॒ ଵିସୃ॑ଜ॒ ଵିଷ୍ଵ॑ ଗୁ॒ଲ୍କାଃ ॥ 2 ॥
ପ୍ରତି॒ସ୍ପଶୋ॒ ଵିସୃ॑ଜ॒ ତୂର୍ଣି॑ ତମୋ॒ ଭଵା॑ ପା॒ୟୁ-ର୍ଵି॒ଶୋ ଅ॒ସ୍ୟା ଅଦ॑ବ୍ଧଃ । ୟୋ ନୋ॑ ଦୂ॒ରେ ଅ॒ଘଶଗ୍ମ୍॑ସୋ॒ ୟୋ ଅନ୍ତ୍ୟ॑ଗ୍ନେ॒ ମାକି॑ଷ୍ଟେ॒ ଵ୍ୟଥି॒ରା
ଦ॑ଧର୍ଷୀତ୍ ॥ 3 ॥
ଉଦ॑ଗ୍ନେ ତିଷ୍ଠ॒ ପ୍ରତ୍ୟା ତ॑ନୁଷ୍ଵ॒ନ୍ୟ॑ ମିତ୍ରାଗ୍ମ୍॑ ଓଷତା-ତ୍ତିଗ୍ମହେତେ । ୟୋ ନୋ॒ ଅରା॑ତିଗ୍ମ୍ ସମିଧାନ ଚ॒କ୍ରେ ନୀ॒ଚାତ-ନ୍ଧ॑କ୍ଷ୍ୟତ॒ ସନ୍ନ ଶୁଷ୍କ᳚ମ୍ ॥ 4 ॥
ଊ॒ର୍ଧ୍ଵୋ ଭ॑ଵ॒ ପ୍ରତି॑ଵିଦ୍॒ଧ୍ୟା-ଧ୍ୟ॒ସ୍ମଦା॒ ଵିଷ୍କୃ॑ଣୁଷ୍ଵ॒ ଦୈଵ୍ୟା᳚ନ୍ୟଗ୍ନେ । ଅଵ॑ସ୍ଥି॒ରା ତ॑ନୁହି ୟାତୁ॒ ଜୂନା᳚-ଞ୍ଜା॒ମିମଜା॑ମି॒-ମ୍ପ୍ରମୃ॑ଣୀହି॒ ଶତ୍ରୂନ୍॑ ॥ 5 ॥
କୃ॒ଣୁ॒ଷ୍ଵ ପାଜ॒ ଇତି॒ ପଞ୍ଚ॑ ॥ 45 ॥
ଅନୁଵାକଂ 28
ଅଦି॑ତି-ର୍ଦେ॒ଵା ଗ॑ନ୍ଧ॒ର୍ଵା ମ॑ନୁ॒ଷ୍ୟାଃ᳚ ପି॒ତରୋ-ଽସୁ॑ରା॒-ସ୍ତେଷାଗ୍ମ୍॑ ସର୍ଵ ଭୂ॒ତାନା᳚-ମ୍ମା॒ତା ମେ॒ଦିନୀ॑ ମହ॒ତା ମ॒ହୀ ସା॑ଵି॒ତ୍ରୀ ଗା॑ୟ॒ତ୍ରୀ ଜଗ॑ତ୍ୟୁ॒ର୍ଵୀ ପୃ॒ଥ୍ଵୀ ବ॑ହୁ॒ଲା ଵିଶ୍ଵା॑ ଭୂ॒ତା କ॑ତ॒ମା କାୟା ସା ସ॒ତ୍ୟେ-ତ୍ୟ॒ମୃତେତି॑ ଵସି॒ଷ୍ଠଃ ॥ 46 ॥
ଅନୁଵାକଂ 29
ଆପୋ॒ ଵା ଇ॒ଦଗ୍ମ୍ ସର୍ଵଂ॒-ଵିଁଶ୍ଵା॑ ଭୂ॒ତାନ୍ୟାପଃ॑ ପ୍ରା॒ଣା ଵା ଆପଃ॑ ପ॒ଶଵ॒ ଆପୋ-ଽନ୍ନ॒ମାପୋ -ଽମୃ॑ତ॒ମାପ॑-ସ୍ସ॒ମ୍ରାଡାପୋ॑ ଵି॒ରାଡାପ॑-ସ୍ସ୍ଵ॒ରାଡାପ॒-ଶ୍ଛନ୍ଦା॒ଗ୍॒ସ୍ୟାପୋ॒ ଜ୍ୟୋତୀ॒ଗ୍॒ଷ୍ୟାପୋ॒ ୟଜୂ॒ଗ୍॒ଷ୍ୟାପ॑-ସ୍ସ॒ତ୍ୟମାପ॒-ସ୍ସର୍ଵା॑ ଦେ॒ଵତା॒ ଆପୋ॒ ଭୂର୍ଭୁଵ॒ସ୍ସୁଵ॒ରାପ॒ ଓମ୍ ॥ 47 ॥
ଅନୁଵାକଂ 30
ଆପଃ॑ ପୁନନ୍ତୁ ପୃଥି॒ଵୀ-ମ୍ପୃ॑ଥି॒ଵୀ ପୂ॒ତା ପୁ॑ନାତୁ॒ ମାମ୍ ।
ପୁ॒ନନ୍ତୁ॒ ବ୍ରହ୍ମ॑ଣ॒ସ୍ପତି॒-ର୍ବ୍ରହ୍ମ॑ ପୂ॒ତା ପୁ॑ନାତୁ॒
ମାମ୍ ॥
ୟଦୁଚ୍ଛି॑ଷ୍ଟ॒-ମଭୋ᳚ଜ୍ୟଂ॒-ୟଁଦ୍ଵା॑ ଦୁ॒ଶ୍ଚରି॑ତ॒-ମ୍ମମ॑ । ସର୍ଵ॑-ମ୍ପୁନନ୍ତୁ॒ ମାମାପୋ॑-ଽସ॒ତାଞ୍ଚ॑ ପ୍ରତି॒ଗ୍ରହ॒ଗ୍ଗ୍॒ ସ୍ଵାହା᳚ ॥ 48 ॥
ଅନୁଵାକଂ 31
ଅଗ୍ନିଶ୍ଚ ମା ମନ୍ୟୁଶ୍ଚ ମନ୍ୟୁପତୟଶ୍ଚ ମନ୍ୟୁ॑କୃତେ॒ଭ୍ୟଃ ।
ପାପେଭ୍ୟୋ॑ ରକ୍ଷ॒ନ୍ତାମ୍ । ୟଦହ୍ନା ପାପ॑ମକା॒ର୍॒ଷମ୍ ।
ମନସା ଵାଚା॑ ହସ୍ତା॒ଭ୍ୟାମ୍ । ପଦ୍ଭ୍ୟା-ମୁଦରେ॑ଣ ଶି॒ଶ୍ନା ।
ଅହ॒ସ୍ତଦ॑ଵଲୁ॒ପନ୍ତୁ । ୟତ୍କିଞ୍ଚ॑ ଦୁରି॒ତ-ମ୍ମୟି॑ ।
ଇଦମହ-ମାମମୃ॑ତ ୟୋ॒ନୌ ।
ସତ୍ୟେ ଜ୍ୟୋତିଷି ଜୁହୋ॑ମି ସ୍ଵା॒ହା ॥ 49 ॥
ଅନୁଵାକଂ 32
ସୂର୍ୟଶ୍ଚ ମା ମନ୍ୟୁଶ୍ଚ ମନ୍ୟୁପତୟଶ୍ଚ ମନ୍ୟୁ॑କୃତେ॒ଭ୍ୟଃ । ପାପେଭ୍ୟୋ॑ ରକ୍ଷ॒ନ୍ତାମ୍ । ୟଦ୍ରାତ୍ରିୟା ପାପ॑ମକା॒ର୍॒ଷମ୍ ।
ମନସା ଵାଚା॑ ହସ୍ତା॒ଭ୍ୟାମ୍ । ପଦ୍ଭ୍ୟା-ମୁଦରେ॑ଣ ଶି॒ଶ୍ନା ।
ରାତ୍ରି॒-ସ୍ତଦ॑ଵଲୁ॒ପନ୍ତୁ । ୟତ୍କିଞ୍ଚ॑ ଦୁରି॒ତ-ମ୍ମୟି॑ ।
ଇଦମହ-ମାମମୃ॑ତ ୟୋ॒ନୌ । ସୂର୍ୟେ ଜ୍ୟୋତିଷି ଜୁହୋ॑ମି ସ୍ଵା॒ହା ॥ 50 ॥
ଅନୁଵାକଂ 33
ଓମିତ୍ୟେକାକ୍ଷ॑ର-ମ୍ବ୍ର॒ହ୍ମ । ଅଗ୍ନିର୍ଦେଵତା ବ୍ରହ୍ମ॑ ଇତ୍ୟା॒ର୍ଷମ୍ । ଗାୟତ୍ର-ଞ୍ଛନ୍ଦ-ମ୍ପରମାତ୍ମଂ॑ ସରୂ॒ପମ୍ । ସାୟୁଜ୍ୟଂ-ଵିଁ॑ନିୟୋ॒ଗମ୍ ॥ 51 ॥
ଅନୁଵାକଂ 34
ଆୟା॑ତୁ॒ ଵର॑ଦା ଦେ॒ଵୀ॒ ଅ॒କ୍ଷର॑-ମ୍ବ୍ରହ୍ମ॒ ସମ୍ମି॑ତମ୍ ।
ଗା॒ୟ॒ତ୍ରୀ᳚-ଞ୍ଛନ୍ଦ॑ସା-ମ୍ମା॒ତେଦ-ମ୍ବ୍ର॑ହ୍ମ ଜୁ॒ଷସ୍ଵ॑ ମେ ।
ୟଦହ୍ନା᳚-ତ୍କୁରୁ॑ତେ ପା॒ପ॒-ନ୍ତଦହ୍ନା᳚-ତ୍ପ୍ରତି॒ମୁଚ୍ୟ॑ତେ ।
ୟ-ଦ୍ରାତ୍ରିୟା᳚-ତ୍କୁରୁ॑ତେ ପା॒ପ॒-ନ୍ତ-ଦ୍ରାତ୍ରିୟା᳚-ତ୍ପ୍ରତି॒ମୁଚ୍ୟ॑ତେ ।
ସର୍ଵ॑ ଵ॒ର୍ଣେ ମ॑ହାଦେ॒ଵି॒ ସ॒ନ୍ଧ୍ୟା ଵି॑ଦ୍ୟେ ସ॒ରସ୍ଵ॑ତି ॥ 52 ॥
ଅନୁଵାକଂ 35
ଓଜୋ॑-ଽସି॒ ସହୋ॑-ଽସି॒ ବଲ॑ମସି॒ ଭ୍ରାଜୋ॑-ଽସି ଦେ॒ଵାନା॒-ନ୍ଧାମ॒ନାମା॑॑-ଽସି॒ ଵିଶ୍ଵ॑ମସି ଵି॒ଶ୍ଵାୟୁ॒-ସ୍ସର୍ଵ॑ମସି ସ॒ର୍ଵାୟୁ-ରଭିଭୂରୋଂ-ଗାୟତ୍ରୀ-ମାଵା॑ହୟା॒ମି॒
ସାଵିତ୍ରୀ-ମାଵା॑ହୟା॒ମି॒ ସରସ୍ଵତୀ-ମାଵା॑ହୟା॒ମି॒ ଛନ୍ଦର୍ଷୀ-ନାଵା॑ହୟା॒ମି॒ ଶ୍ରିୟ-ମାଵା॑ହୟା॒ମି॒ ଗାୟତ୍ରିୟା ଗାୟତ୍ରୀ ଛନ୍ଦୋ ଵିଶ୍ଵାମିତ୍ର ଋଷି-ସ୍ସଵିତା ଦେଵତା-ଽଗ୍ନିର୍ମୁଖ-ମ୍ବ୍ରହ୍ମା ଶିରୋ ଵିଷ୍ଣୁର୍ହୃଦୟଗ୍ମ୍ ରୁଦ୍ରଃ
ଶିଖା ପୃଥିଵୀୟୋନିଃ ପ୍ରାଣାପାନ-ଵ୍ୟାନୋଦାନ-ସମାନା ସପ୍ରାଣା ଶ୍ଵେତଵର୍ଣା ସାଙ୍ଖ୍ୟାୟନ-ସଗୋତ୍ରା ଗାୟତ୍ରୀ ଚତୁର୍ଵିଗ୍ମ୍ଶତ୍ୟକ୍ଷରା ତ୍ରିପଦା॑ ଷଟ୍କୁ॒କ୍ଷିଃ॒ ପଞ୍ଚ ଶୀର୍ଷୋପନୟନେ ଵି॑ନିୟୋ॒ଗ॒,
ଓ-ମ୍ଭୂଃ । ଓ-ମ୍ଭୁଵଃ । ଓଗ୍ମ୍ ସୁଵଃ । ଓ-ମ୍ମହଃ । ଓ-ଞ୍ଜନଃ ।
ଓ-ନ୍ତପଃ । ଓଗ୍ମ୍ ସ॒ତ୍ୟମ୍ । ଓ-ନ୍ତ-ଥ୍ସ॑ଵି॒ତୁର୍ଵରେ᳚ଣ୍ୟ॒-ମ୍ଭର୍ଗୋ॑ ଦେ॒ଵସ୍ୟ॑ ଧୀମହି ।
ଧିୟୋ॒ ୟୋ ନଃ॑ ପ୍ରଚୋ॒ଦୟା᳚ତ୍ ।
ଓମାପୋ॒ ଜ୍ୟୋତୀ॒ ରସୋ॒-ଽମୃତ॒-ମ୍ବ୍ରହ୍ମ॒ ଭୂର୍ଭୁଵ॒ସ୍ସୁଵ॒ରୋମ୍ ॥ 53 ॥
ଅନୁଵାକଂ 36
ଉ॒ତ୍ତମେ॑ ଶିଖ॑ରେ ଜା॒ତେ॒ ଭୂ॒ମ୍ୟା-ମ୍ପ॑ର୍ଵତ॒ ମୂର୍ଧ॑ନି ।
ବ୍ରା॒ହ୍ମଣେ᳚ଭ୍ୟୋ-ଽଭ୍ୟ॑ନୁଜ୍ଞା॒ତା॒ ଗ॒ଚ୍ଛ ଦେ॑ଵି ୟ॒ଥାସୁ॑ଖମ୍ ॥ ସ୍ତୁତୋ ମୟା ଵରଦା ଵେ॑ଦମା॒ତା॒ ପ୍ରଚୋଦୟନ୍ତୀ ପଵନେ᳚ ଦ୍ଵିଜା॒ତା । ଆୟୁଃ ପୃଥିଵ୍ୟାଂ-ଦ୍ରଵିଣ-ମ୍ବ୍ର॑ହ୍ମଵ॒ର୍ଚ॒ସ॒-ମ୍ମହ୍ୟ-ନ୍ଦତ୍ଵା ପ୍ରଜାତୁଂ
ବ୍ର॑ହ୍ମଲୋ॒କମ୍ ॥ 54 ॥
ଅନୁଵାକଂ 37
ଘୃଣି॒-ସ୍ସୂର୍ୟ॑ ଆଦି॒ତ୍ୟୋ ନ ପ୍ରଭା॑-ଵା॒ତ୍ୟକ୍ଷ॑ରମ୍ । ମଧୁ॑କ୍ଷରନ୍ତି॒ ତ-ଦ୍ର॑ସମ୍ । ସ॒ତ୍ୟଂ-ଵୈଁ ତ-ଦ୍ରସ॒-ମାପୋ॒ ଜ୍ୟୋତୀ॒ରସୋ॒-ଽମୃତ॒-ମ୍ବ୍ରହ୍ମ॒
ଭୂର୍ଭୁଵ॒ସ୍ସୁଵ॒ରୋମ୍ ॥ 55 ॥
ଅନୁଵାକଂ 38
ବ୍ରହ୍ମ॑ ମେତୁ॒ ମାମ୍ । ମଧୁ॑ ମେତୁ॒ ମାମ୍ । ବ୍ରହ୍ମ॑-ମେ॒ଵ ମଧୁ॑ ମେତୁ॒ ମାମ୍ ॥ ୟାସ୍ତେ॑ ସୋମ ପ୍ର॒ଜାଵ॒ଥ୍ସୋ-ଽଭି॒ସୋ ଅ॒ହମ୍ । ଦୁସ୍ଷ୍ଵ॑ପ୍ନ॒ହ-ନ୍ଦୁ॑ରୁଷ୍ଵହ ।
ୟାସ୍ତେ॑ ସୋମ ପ୍ରା॒ଣାଗ୍ସ୍ତା-ଞ୍ଜୁ॑ହୋମି ॥
ତ୍ରିସୁ॑ପର୍ଣ॒ ମୟା॑ଚିତ-ମ୍ବ୍ରାହ୍ମ॒ଣାୟ॑ ଦଦ୍ୟାତ୍ । ବ୍ର॒ହ୍ମ॒ହ॒ତ୍ୟାଂ-ଵାଁ ଏ॒ତେ ଘ୍ନ॑ନ୍ତି ।
ୟେ ବ୍ରା᳚ହ୍ମ॒ଣା-ସ୍ତ୍ରିସୁ॑ପର୍ଣ॒-ମ୍ପଠ॑ନ୍ତି । ତେ ସୋମ॒-ମ୍ପ୍ରାପ୍ନୁ॑ଵନ୍ତି । ଆ॒ସ॒ହ॒ସ୍ରା-ତ୍ପ॒କ୍ତି-ମ୍ପୁନ॑ନ୍ତି । ଓମ୍ ॥ 56 ॥
ଅନୁଵାକଂ 39
ବ୍ରହ୍ମ॑ ମେ॒ଧୟା᳚ । ମଧୁ॑ ମେ॒ଧୟା᳚ । ବ୍ରହ୍ମ॑ମେ॒ଵ ମଧୁ॑ ମେ॒ଧୟା᳚ ॥ ଅ॒ଦ୍ୟା ନୋ॑ ଦେଵ ସଵିତଃ ପ୍ର॒ଜାଵ॑ଥ୍ସାଵୀ॒-ସ୍ସୌଭ॑ଗମ୍ । ପରା॑ ଦୁ॒ସ୍ଷ୍ଵପ୍ନି॑ୟଗ୍ମ୍ ସୁଵ । ଵିଶ୍ଵା॑ନି ଦେଵ ସଵିତ-ର୍ଦୁରି॒ତାନି॒ ପରା॑ସୁଵ । ୟ-ଦ୍ଭ॒ଦ୍ର-ନ୍ତନ୍ମ॒ ଆସୁ॑ଵ ॥ ମଧୁ॒ଵାତା॑ ଋତାୟ॒ତେ ମଧୁ॑କ୍ଷରନ୍ତି॒ ସିନ୍ଧ॑ଵଃ । ମାଦ୍ଧ୍ଵୀ᳚ର୍ନ-ସ୍ସ॒ନ୍ତ୍ଵୋଷ॑ଧୀଃ । ମଧୁ॒ନକ୍ତ॑ ମୁ॒ତୋଷସି॒ ମଧୁ॑ମ॒-ତ୍ପାର୍ଥି॑ଵ॒ଗ୍ମ୍॒ ରଜଃ॑ । ମଧୁ॒ଦ୍ୟୌର॑ସ୍ତୁ ନଃ ପି॒ତା । ମଧୁ॑ମାନ୍ନୋ॒ ଵନ॒ସ୍ପତି॒-ର୍ମଧୁ॑ମାଗ୍ମ୍ ଅସ୍ତୁ॒ ସୂର୍ୟଃ॑ ।
ମାଦ୍ଧ୍ଵୀ॒ ର୍ଗାଵୋ॑ ଭଵନ୍ତୁ ନଃ ॥
ୟ ଇ॒ମ-ନ୍ତ୍ରିସୁ॑ପର୍ଣ॒-ମୟା॑ଚିତ-ମ୍ବ୍ରାହ୍ମ॒ଣାୟ॑ ଦଦ୍ୟାତ୍ ।
ଭ୍ରୂ॒ଣ॒ହ॒ତ୍ୟାଂ-ଵାଁ ଏ॒ତେ ଘ୍ନ॑ନ୍ତି । ୟେ ବ୍ରା᳚ହ୍ମ॒ଣା-ସ୍ତ୍ରିସୁ॑ପର୍ଣ॒-ମ୍ପଠ॑ନ୍ତି । ତେ ସୋମ॒-ମ୍ପ୍ରାପ୍ନୁ॑ଵନ୍ତି । ଆ॒ସ॒ହ॒ସ୍ରା-ତ୍ପ॒କ୍ତି-ମ୍ପୁନ॑ନ୍ତି । ଓମ୍ ॥ 57 ॥
ଅନୁଵାକଂ 40
ବ୍ରହ୍ମ॑ ମେ॒ଧଵା᳚ । ମଧୁ॑ ମେ॒ଧଵା᳚ । ବ୍ରହ୍ମ॑ମେ॒ଵ ମଧୁ॑ ମେ॒ଧଵା᳚ ॥ ବ୍ର॒ହ୍ମା ଦେ॒ଵାନା᳚-ମ୍ପଦ॒ଵୀଃ କ॑ଵୀ॒ନା-ମୃଷି॒-ର୍ଵିପ୍ରା॑ଣା-ମ୍ମହି॒ଷୋ ମୃ॒ଗାଣା᳚ମ୍ ।
ଶ୍ୟେ॒ନୋ ଗୃଦ୍ଧ୍ରା॑ଣା॒ଗ୍॒ ସ୍ଵଧି॑ତି॒-ର୍ଵନା॑ନା॒ଗ୍ମ୍॒ ସୋମଃ॑ ପ॒ଵିତ୍ର॒-ମତ୍ୟେ॑ତି॒ ରେଭନ୍ନ୍॑ ॥
ହ॒ଗ୍ମ୍॒ସ-ଶ୍ଶୁ॑ଚି॒ଷ-ଦ୍ଵସୁ॑ରନ୍ତରିକ୍ଷ॒ ସଦ୍ଧୋତା॑- ଵେଦି॒ଷ-ଦତି॑ଥି-ର୍ଦୁରୋଣ॒ସତ୍ ।
ନୃ॒ଷଦ୍ଵ॑ର॒-ସଦୃ॑ତ॒-ସ-ଦ୍ଵ୍ୟୋ॑ମ॒-ସଦ॒ବ୍ଜା- ଗୋ॒ଜା ଋ॑ତ॒ଜା ଅ॑ଦ୍ରି॒ଜା ଋ॒ତ-ମ୍ବୃ॒ହତ୍ ॥ ଋ॒ଚେତ୍ଵା॑ ରୁ॒ଚେତ୍ଵା॒ ସମି-ଥ୍ସ୍ର॑ଵନ୍ତି ସ॒ରିତୋ॒ ନ ଧେନାଃ᳚ ।
ଅ॒ନ୍ତର୍-ହୃ॒ଦା ମନ॑ସା ପୂ॒ୟମା॑ନାଃ ।
ଘୃ॒ତସ୍ୟ॒ ଧାରା॑ ଅ॒ଭିଚା॑କଶୀମି ।
ହି॒ର॒ଣ୍ୟୟୋ॑ ଵେତ॒ସୋ ମଦ୍ଧ୍ୟ॑ ଆସାମ୍ ।
ତସ୍ମି᳚ନ୍-ଥ୍ସୁପ॒ର୍ଣୋ ମ॑ଧୁ॒କୃ-ତ୍କୁ॑ଲା॒ୟୀ ଭଜ॑ନ୍ନାସ୍ତେ॒ ମଧୁ॑ ଦେ॒ଵତା᳚ଭ୍ୟଃ ।
ତସ୍ୟା॑ ସତେ॒ ହର॑ୟ-ସ୍ସ॒ପ୍ତତୀରେ᳚ ସ୍ଵ॒ଧା-ନ୍ଦୁହା॑ନା ଅ॒ମୃତ॑ସ୍ୟ॒ ଧାରା᳚ମ୍ । ୟ ଇ॒ଦ-ନ୍ତ୍ରିସୁ॑ପର୍ଣ॒-ମୟା॑ଚିତ-ମ୍ବ୍ରାହ୍ମ॒ଣାୟ॑ ଦଦ୍ୟାତ୍ । ଵୀ॒ର॒ହ॒ତ୍ୟାଂ-ଵାଁ ଏ॒ତେ ଘ୍ନ॑ନ୍ତି । ୟେ ବ୍ରା᳚ହ୍ମ॒ଣା-ସ୍ତ୍ରିସୁ॑ପର୍ଣ॒-ମ୍ପଠ॑ନ୍ତି ।
ତେ ସୋମ॒-ମ୍ପ୍ରାପ୍ନୁ॑ଵନ୍ତି । ଆ॒ସ॒ହ॒ସ୍ରା-ତ୍ପ॒ଙ୍କ୍ତି-ମ୍ପୁନ॑ନ୍ତି । ଓମ୍ ॥ 58 ॥
ଅନୁଵାକଂ 41
ମେ॒ଧାଦେ॒ଵୀ ଜୁ॒ଷମା॑ଣା ନ॒ ଆଗା᳚-ଦ୍ଵି॒ଶ୍ଵାଚୀ॑ ଭ॒ଦ୍ରା ସୁ॑ମନ॒ସ୍ୟ ମା॑ନା । ତ୍ଵୟା॒ ଜୁଷ୍ଟା॑ ନୁ॒ଦମା॑ନା ଦୁ॒ରୁକ୍ତା᳚-ନ୍ବୃ॒ହଦ୍ଵ॑ଦେମ ଵି॒ଦଥେ॑ ସୁ॒ଵୀରାଃ᳚ ॥
ତ୍ଵୟା॒ ଜୁଷ୍ଟ॑ ଋ॒ଷି-ର୍ଭ॑ଵତି ଦେଵି॒ ତ୍ଵୟା॒ ବ୍ରହ୍ମା॑-ଽଽଗ॒ତଶ୍ରୀ॑ ରୁ॒ତ ତ୍ଵୟା᳚ । ତ୍ଵୟା॒ ଜୁଷ୍ଟ॑ଶ୍ଚି॒ତ୍ରଂ-ଵିଁ॑ନ୍ଦତେ ଵସୁ॒ ସା ନୋ॑ ଜୁଷସ୍ଵ॒ ଦ୍ରଵି॑ଣୋ ନମେଧେ ॥ 59 ॥
ଅନୁଵାକଂ 42
ମେ॒ଧା-ମ୍ମ॒ ଇନ୍ଦ୍ରୋ॑ ଦଦାତୁ ମେ॒ଧା-ନ୍ଦେ॒ଵୀ ସର॑ସ୍ଵତୀ ।
ମେ॒ଧା-ମ୍ମେ॑ ଅ॒ଶ୍ଵିନା॑-ଵୁ॒ଭାଵାଧ॑ତ୍ତା॒-ମ୍ପୁଷ୍କ॑ରସ୍ରଜା ॥ ଅ॒ଫ୍ସ॒ରାସୁ॑ ଚ॒ ୟା ମେ॒ଧା ଗ॑ନ୍ଧ॒ର୍ଵେଷୁ॑ ଚ॒ ୟନ୍ମନଃ॑ ।
ଦୈଵୀ᳚-ମ୍ମେ॒ଧା ସର॑ସ୍ଵତୀ॒ ସା ମା᳚-ମ୍ମେ॒ଧା ସୁ॒ରଭି॑-ର୍ଜୁଷତା॒ଗ୍॒ ସ୍ଵାହା᳚ ॥ 60 ॥
ଅନୁଵାକଂ 43
ଆମା᳚-ମ୍ମେ॒ଧା ସୁ॒ରଭି॑-ର୍ଵି॒ଶ୍ଵରୂ॑ପା॒ ହିର॑ଣ୍ୟଵର୍ଣା॒ ଜଗ॑ତୀ ଜଗ॒ମ୍ୟା । ଊର୍ଜ॑ସ୍ଵତୀ॒ ପୟ॑ସା॒ ପିନ୍ଵ॑ମାନା॒ ସା ମା᳚-ମ୍ମେ॒ଧା ସୁ॒ପ୍ରତୀ॑କା ଜୁଷନ୍ତାମ୍ ॥ 61 ॥
ଅନୁଵାକଂ 44
ମୟି॑ ମେ॒ଧା-ମ୍ମୟି॑ ପ୍ର॒ଜା-ମ୍ମୟ୍ୟ॒ଗ୍ନିସ୍ତେଜୋ॑ ଦଧାତୁ॒ ମୟି॑ ମେ॒ଧା-ମ୍ମୟି॑ ପ୍ର॒ଜା-ମ୍ମୟୀନ୍ଦ୍ର॑ ଇନ୍ଦ୍ରି॒ୟ-ନ୍ଦ॑ଧାତୁ॒ ମୟି॑ ମେ॒ଧା-ମ୍ମୟି॑ ପ୍ର॒ଜା-ମ୍ମୟି॒ ସୂର୍ୟୋ॒ ଭ୍ରାଜୋ॑ ଦଧାତୁ ॥ 62 ॥
ଅନୁଵାକଂ 45
ଅପୈ॑ତୁ ମୃ॒ତ୍ୟୁ-ର॒ମୃତ॑ନ୍ନ॒ ଆଗ॑ନ୍ ଵୈଵସ୍ଵ॒ତୋ ନୋ॒ ଅଭ॑ୟଙ୍କୃଣୋତୁ । ପ॒ର୍ଣଂ-ଵଁନ॒ସ୍ପତେ॑ ରିଵା॒ଭିନ॑-ଶ୍ଶୀୟତାଗ୍ମ୍ ର॒ୟି-ସ୍ସଚ॑ତାନ୍ନ॒-ଶ୍ଶଚୀ॒ପତିଃ॑ ॥ 63 ॥
ଅନୁଵାକଂ 46
ପର॑-ମ୍ମୃତ୍ୟୋ॒ ଅନୁ॒ ପରେ॑ହି॒ ପନ୍ଥାଂ॒-ୟଁସ୍ତେ॒ସ୍ଵ ଇତ॑ରୋ ଦେଵ॒ୟାନା᳚ତ୍ । ଚକ୍ଷୁ॑ଷ୍ମତେ ଶୃଣ୍ଵ॒ତେ ତେ᳚ ବ୍ରଵୀମି॒ ମାନଃ॑ ପ୍ର॒ଜାଗ୍ମ୍ ରୀ॑ରିଷୋ॒ ମୋତ ଵୀ॒ରାନ୍ ॥ 64 ॥
ଅନୁଵାକଂ 47
ଵାତ॑-ମ୍ପ୍ରା॒ଣ-ମ୍ମନ॑ସା॒ ନ୍ଵାର॑ଭାମହେ ପ୍ର॒ଜାପ॑ତିଂ॒-ୟୋଁ ଭୁଵ॑ନସ୍ୟ ଗୋ॒ପାଃ । ସନୋ॑ ମୃ॒ତ୍ୟୋ ସ୍ତ୍ରା॑ୟତା॒-ମ୍ପାତ୍ଵଗ୍ମ୍ହ॑ସୋ॒ ଜ୍ୟୋଗ୍ ଜୀ॒ଵା ଜ॒ରାମ॑ଶୀମହି ॥ 65 ॥
ଅନୁଵାକଂ 48
ଅ॒ମୁ॒ତ୍ର॒ ଭୂୟା॒ଦଧ॒ ୟଦ୍ ୟ॒ମସ୍ୟ॒ ବୃହ॑ସ୍ପତେ ଅ॒ଭିଶ॑ସ୍ତେ॒ର ମୁ॑ଞ୍ଚଃ । ପ୍ରତ୍ୟୌ॑ହତା ମ॒ଶ୍ଵିନା॑ ମୃ॒ତ୍ୟୁ ମ॑ସ୍ମା-ଦ୍ଦେ॒ଵାନା॑ମଗ୍ନେ ଭି॒ଷଜା॒ ଶଚୀ॑ଭିଃ ॥ 66 ॥
ଅନୁଵାକଂ 49
ହରି॒ଗ୍ମ୍॒ ହର॑ନ୍ତ॒- ମନୁ॑ୟନ୍ତି ଦେ॒ଵା ଵିଶ୍ଵ॒ସ୍ୟେଶା॑ନଂ-ଵୃଁଷ॒ଭ-ମ୍ମ॑ତୀ॒ନାମ୍ । ବ୍ରହ୍ମ॒ ସରୂ॑ପ॒-ମନୁ॑ମେ॒ଦମା॑ଗା॒-ଦୟ॑ନ॒-ମ୍ମା ଵିଵ॑ଧୀ॒-ର୍ଵିକ୍ର॑ମସ୍ଵ ॥ 67 ॥
ଅନୁଵାକଂ 50
ଶଲ୍କୈ॑ର॒ଗ୍ନି-ମି॑ନ୍ଧା॒ନ ଉ॒ଭୌ ଲୋ॒କୌ ସ॑ନେମ॒ହମ୍ ।
ଉ॒ଭୟୋ᳚ ର୍ଲୋ॒କୟା॑ର୍-ଋ॒ଧ୍ଦ୍ଵା-ଽତି॑ ମୃ॒ତ୍ୟୁ-ନ୍ତ॑ରାମ୍ୟ॒ହମ୍ ॥ 68 ॥
ଅନୁଵାକଂ 51
ମା ଛି॑ଦୋ ମୃତ୍ୟୋ॒ ମା ଵ॑ଧୀ॒ର୍ମା ମେ॒ ବଲଂ॒-ଵିଁଵୃ॑ହୋ॒ ମା ପ୍ରମୋ॑ଷୀଃ । ପ୍ର॒ଜା-ମ୍ମା ମେ॑ ରୀରିଷ॒ ଆୟୁ॑ରୁଗ୍ର ନୃ॒ଚକ୍ଷ॑ସ-ନ୍ତ୍ଵା ହ॒ଵିଷା॑ ଵିଧେମ ॥ 69 ॥
ଅନୁଵାକଂ 52
ମା ନୋ॑ ମ॒ହାନ୍ତ॑ମୁ॒ତ ମା ନୋ॑ ଅର୍ଭ॒କ-ମ୍ମା ନ॒ ଉକ୍ଷ॑ନ୍ତମୁ॒ତ ମା ନ॑ ଉକ୍ଷି॒ତମ୍ ।
ମା ନୋ॑ ଵଧୀଃ ପି॒ତର॒-ମ୍ମୋତ ମା॒ତର॑-ମ୍ପ୍ରି॒ୟା ମା ନ॑ସ୍ତ॒ନୁଵୋ॑ ରୁଦ୍ର ରୀରିଷଃ ॥ 70 ॥
ଅନୁଵାକଂ 53
ମା ନ॑ସ୍ତୋ॒କେ ତନ॑ୟେ॒ ମା ନ॒ ଆୟୁ॑ଷି॒ ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ । ଵୀ॒ରାନ୍ମା ନୋ॑ ରୁଦ୍ର ଭାମି॒ତୋଵ॑ଧୀର୍-ହ॒ଵିଷ୍ମ॑ନ୍ତୋ॒ ନମ॑ସା ଵିଧେମ ତେ ॥ 71 ॥
ଅନୁଵାକଂ 54
ପ୍ରଜା॑ପତେ॒ ନ ତ୍ଵଦେ॒ତା-ନ୍ୟ॒ନ୍ୟୋ ଵିଶ୍ଵା॑ ଜା॒ତାନି॒ ପରି॒ତା ବ॑ଭୂଵ । ୟ-ତ୍କା॑ମାସ୍ତେ ଜୁହୁ॒ମସ୍ତନ୍ନୋ॑ ଅସ୍ତୁ ଵ॒ୟଗ୍ଗ୍ ସ୍ୟା॑ମ॒ ପତ॑ୟୋ ରୟୀ॒ଣାମ୍ ॥ 72 ॥
ଅନୁଵାକଂ 55
ସ୍ଵ॒ସ୍ତି॒ଦା ଵି॒ଶସ୍ପତି॑-ର୍ଵୃତ୍ର॒ହା ଵିମୃଧୋ॑ ଵ॒ଶୀ ।
ଵୃଷେନ୍ଦ୍ରଃ॑ ପୁ॒ର ଏ॑ତୁ ନସ୍ସ୍ଵସ୍ତି॒ଦା ଅ॑ଭୟ-ଙ୍କ॒ରଃ ॥ 73 ॥
ଅନୁଵାକଂ 56
ତ୍ର୍ୟ॑ମ୍ବକଂ-ୟଁଜାମହେ ସୁଗ॒ନ୍ଧି-ମ୍ପୁ॑ଷ୍ଟି॒ଵର୍ଧ॑ନମ୍ । ଉ॒ର୍ଵା॒ରୁ॒କମି॑ଵ॒ ବନ୍ଧ॑ନା-ନ୍ମୃ॒ତ୍ୟୋ-ର୍ମୁ॑କ୍ଷୀୟ॒ ମା-ଽମୃତା᳚ତ୍ ॥ 74 ॥
ଅନୁଵାକଂ 57
ୟେ ତେ॑ ସ॒ହସ୍ର॑ମ॒ୟୁତ॒-ମ୍ପାଶା॒ ମୃତ୍ୟୋ॒ ମର୍ତ୍ୟା॑ୟ॒ ହନ୍ତ॑ଵେ । ତାନ୍. ୟ॒ଜ୍ଞସ୍ୟ॑ ମା॒ୟୟା॒ ସର୍ଵା॒ନଵ॑ ୟଜାମହେ ॥ 75 ॥
ଅନୁଵାକଂ 58
ମୃ॒ତ୍ୟଵେ॒ ସ୍ଵାହା॑ ମୃ॒ତ୍ୟଵେ॒ ସ୍ଵାହା᳚ ॥ 76 ॥
ଅନୁଵାକଂ 59
ଦେ॒ଵକୃ॑ତ॒ସ୍ୟୈନ॑ସୋ-ଽଵ॒ୟଜ॑ନମସି॒ ସ୍ଵାହା᳚ ।
ମ॒ନୁ॒ଷ୍ୟକୃ॑ତ॒ସ୍ୟୈନ॑ସୋ ଽଵ॒ୟଜ॑ନମସି॒ ସ୍ଵାହା᳚ ।
ପି॒ତୃକୃ॑ତ॒ସ୍ୟୈନ॑ସୋ ଽଵ॒ୟଜ॑ନମସି॒ ସ୍ଵାହା᳚ ।
ଆ॒ତ୍ମକୃ॑ତ॒ସ୍ୟୈନ॑ସୋ ଽଵ॒ୟଜ॑ନମସି॒ ସ୍ଵାହା᳚ ।
ଅ॒ନ୍ୟକୃ॑ତ॒ସ୍ୟୈନ॑ସୋ ଽଵ॒ୟଜ॑ନମସି॒ ସ୍ଵାହା᳚ ।
ଅ॒ସ୍ମତ୍କୃ॑ତ॒ସ୍ୟୈନ॑ସୋ ଽଵ॒ୟଜ॑ନମସି॒ ସ୍ଵାହା᳚ ।
ୟଦ୍ଦି॒ଵା ଚ॒ ନକ୍ତ॒-ଞ୍ଚୈନ॑ଶ୍ଚକୃ॒ମ ତସ୍ୟା॑ ଵ॒ୟଜ॑ନମସି॒ ସ୍ଵାହା᳚ ।
ୟ-ଥ୍ସ୍ଵ॒ପନ୍ତ॑ଶ୍ଚ॒ ଜାଗ୍ର॑ତ॒-ଶ୍ଚୈନ॑ଶ୍ଚ-କୃ॒ମ ତସ୍ୟା॑ ଵ॒ୟଜ॑ନମସି॒ ସ୍ଵାହା᳚ ।
ୟ-ଥ୍ସୁ॒ଷୁପ୍ତ॑ଶ୍ଚ॒ ଜାଗ୍ର॑ତ॒-ଶ୍ଚୈନ॑ଶ୍ଚ-କୃ॒ମ ତସ୍ୟା॑ ଵ॒ୟଜ॑ନମସି॒ ସ୍ଵାହା᳚ ।
ୟ-ଦ୍ଵି॒ଦ୍ଵାଗ୍ମ୍ସ॒ଶ୍ଚା ଵି॑ଦ୍ଵାଗ୍ମ୍ସ॒ଶ୍ଚୈନ॑ଶ୍ଚ-କୃ॒ମ ତସ୍ୟା॑ ଵ॒ୟଜ॑ନମସି॒ ସ୍ଵାହା᳚ ।
ଏନସ ଏନସୋ ଵୟଜନମ॑ସି ସ୍ଵା॒ହା ॥ 77 ॥
ଅନୁଵାକଂ 60
ୟଦ୍ଵୋ॑ ଦେଵାଶ୍ଚକୃ॒ମ ଜି॒ହ୍ଵୟା॑ ଗୁ॒ରୁମନ॑ସୋ ଵା॒ ପ୍ରୟୁ॑ତୀ ଦେଵ॒ ହେଡ॑ନମ୍ ।
ଅରା॑ଵା॒ୟୋ ନୋ॑ ଅ॒ଭିଦୁ॑ଚ୍ଛୁନା॒ୟତେ॒ ତସ୍ମି॒-ନ୍ତଦେନୋ॑ ଵସଵୋ॒ ନିଧେ॑ତନ॒ ସ୍ଵାହା᳚ ॥ 78 ॥
ଅନୁଵାକଂ 61
କାମୋ-ଽକାର୍ଷୀ᳚-ନ୍ନମୋ॒ ନମଃ ।
କାମୋ-ଽକାର୍ଷୀ-ତ୍କାମଃ କରୋତି ନାହ-ଙ୍କରୋମି
କାମଃ କର୍ତା ନାହ-ଙ୍କର୍ତା କାମଃ॑ କାର॒ୟିତା ନାହ॑-ଙ୍କାର॒ୟିତା ଏଷ ତେ କାମ କାମା॑ୟ ସ୍ଵା॒ହା ॥ 79 ॥
ଅନୁଵାକଂ 62
ମନ୍ୟୁରକାର୍ଷୀ᳚-ନ୍ନମୋ॒ ନମଃ ।
ମନ୍ୟୁରକାର୍ଷୀ-ନ୍ମନ୍ୟୁଃ କରୋତି ନାହ-ଙ୍କରୋମି ମନ୍ୟୁଃ କର୍ତା ନାହ-ଙ୍କର୍ତା ମନ୍ୟୁଃ॑ କାର॒ୟିତା ନାହ॑-ଙ୍କାର॒ୟିତା ଏଷ ତେ ମନ୍ୟୋ ମନ୍ୟ॑ଵେ ସ୍ଵା॒ହା ॥ 80 ॥
ଅନୁଵାକଂ 63
ତିଲାଞ୍ଜୁହୋମି ସରସାଗ୍ମ୍ ସପିଷ୍ଟା-ନ୍ଗନ୍ଧାର ମମ ଚିତ୍ତେ ରମ॑ନ୍ତୁ ସ୍ଵା॒ହା ॥ ଗାଵୋ ହିରଣ୍ୟ-ନ୍ଧନମନ୍ନପାନଗ୍ମ୍ ସର୍ଵେଷାଗ୍ ଶ୍ରି॑ୟୈ ସ୍ଵା॒ହା ॥ ଶ୍ରିୟଞ୍ଚ ଲକ୍ଷ୍ମିଞ୍ଚ ପୁଷ୍ଟିଞ୍ଚ କୀର୍ତି॑-ଞ୍ଚା ନୃ॒ଣ୍ୟତାମ୍ ।
ବ୍ରହ୍ମଣ୍ୟ-ମ୍ବ॑ହୁପୁ॒ତ୍ରତାମ୍ । ଶ୍ରଦ୍ଧାମେଧେ ପ୍ରଜା-ସ୍ସନ୍ଦଦା॑ତୁ ସ୍ଵା॒ହା ॥ 81 ॥
ଅନୁଵାକଂ 64
ତିଲାଃ କୃଷ୍ଣା-ସ୍ତି॑ଲା-ଶ୍ଶ୍ଵେ॒ତା॒-ସ୍ତିଲା-ସ୍ସୌମ୍ୟା ଵ॑ଶାନୁ॒ଗାଃ ।
ତିଲାଃ ପୁନନ୍ତୁ॑ ମେ ପା॒ପଂ॒-ୟଁତ୍କିଞ୍ଚି-ଦ୍ଦୁରିତ-ମ୍ମ॑ୟି ସ୍ଵା॒ହା ॥ ଚୋର॒ସ୍ୟାନ୍ନ-ନ୍ନ॑ଵଶ୍ରା॒ଦ୍ଧ॒-ମ୍ବ୍ର॒ହ୍ମ॒ହା ଗୁ॑ରୁତ॒ଲ୍ପଗଃ । ଗୋସ୍ତେୟଗ୍ମ୍ ସ॑ରାପା॒ନ॒-ମ୍ଭ୍ରୂଣହତ୍ୟା ତିଲା ଶାନ୍ତିଗ୍ମ୍ ଶମୟ॑ନ୍ତୁ ସ୍ଵା॒ହା ॥
ଶ୍ରୀଶ୍ଚ ଲକ୍ଷ୍ମୀଶ୍ଚ ପୁଷ୍ଟୀଶ୍ଚ କୀର୍ତି॑-ଞ୍ଚା ନୃ॒ଣ୍ୟତାମ୍ ।
ବ୍ରହ୍ମଣ୍ୟ-ମ୍ବ॑ହୁପୁ॒ତ୍ରତାମ୍ ।
ଶ୍ରଦ୍ଧାମେଧେ ପ୍ରଜ୍ଞାତୁ ଜାତଵେଦ-ସ୍ସନ୍ଦଦା॑ତୁ ସ୍ଵା॒ହା ॥ 82 ॥
ଅନୁଵାକଂ 65
ପ୍ରାଣାପାନ-ଵ୍ୟାନୋଦାନ-ସମାନା ମେ॑ ଶୁଦ୍ଧ୍ୟ॒ନ୍ତାଂ॒
ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ଵାଂ-ମନ-ଶ୍ଚକ୍ଷୁଃ-ଶ୍ରୋତ୍ର-ଜିହ୍ଵା-ଘ୍ରାଣ-ରେତୋ-ବୁଦ୍ଧ୍ୟାକୂତି-ସ୍ସଙ୍କଲ୍ପା ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ତ୍ଵକ୍-ଚର୍ମ-ମାଗ୍ମ୍ସ-ରୁଧିର-ମେଦୋ-ମଜ୍ଜା-ସ୍ନାୟଵୋ-ଽସ୍ଥୀନି
ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ଶିରଃ ପାଣି ପାଦ ପାର୍ଶ୍ଵ ପୃଷ୍ଠୋ-ରୂଦର-ଜଙ୍ଘ-ଶିଶ୍ର୍ନୋପସ୍ଥ ପାୟଵୋ ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ଉତ୍ତିଷ୍ଠ ପୁରୁଷ ହରିତ-ପିଙ୍ଗଲ ଲୋହିତାକ୍ଷି ଦେହି ଦେହି ଦଦାପୟିତା ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥ 83 ॥
ଅନୁଵାକଂ 66
ପୃଥିଵ୍ୟାପ ସ୍ତେଜୋ ଵାୟୁ-ରାକାଶା ମେ॑ ଶୁଦ୍ଧ୍ୟ॒ନ୍ତାଂ॒
ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ଶବ୍ଦ-ସ୍ପର୍ଶ-ରୂପରସ-ଗନ୍ଧା ମେ॑ ଶୁଦ୍ଧ୍ୟ॒ନ୍ତାଂ॒
ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ମନୋ-ଵାକ୍-କାୟ-କର୍ମାଣି ମେ॑ ଶୁଦ୍ଧ୍ୟ॒ନ୍ତାଂ॒
ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ଅଵ୍ୟକ୍ତଭାଵୈ-ର॑ହଙ୍କା॒ର॒-ର୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ଆତ୍ମା ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ଅନ୍ତରାତ୍ମା ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
ପରମାତ୍ମା ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥
କ୍ଷୁ॒ଧେ ସ୍ଵାହା᳚ ॥ କ୍ଷୁତ୍ପି॑ପାସାୟ॒ ସ୍ଵାହା᳚ ॥
ଵିଵି॑ଟ୍ୟୈ॒ ସ୍ଵାହା᳚ ॥ ଋଗ୍ଵି॑ଧାନାୟ॒ ସ୍ଵାହା᳚ ॥ କ॒ଷୋ᳚ତ୍କାୟ॒ ସ୍ଵାହା᳚ ॥
କ୍ଷୁ॒ତ୍ପି॒ପା॒ସାମ॑ଲ-ଞ୍ଜ୍ୟେ॒ଷ୍ଠା॒ମ॒ଲ॒କ୍ଷ୍ମୀ-ର୍ନା॑ଶୟା॒ମ୍ୟହମ୍ ।
ଅଭୂ॑ତି॒-ମସ॑ମୃଦ୍ଧି॒ଞ୍ଚ॒ ସର୍ଵାଂ (ସର୍ଵା) ନିର୍ଣୁଦ ମେ ପାପ୍ମା॑ନଗ୍ଗ୍ ସ୍ଵା॒ହା ॥
ଅନ୍ନମୟ-ପ୍ରାଣମୟ-ମନୋମୟ-ଵିଜ୍ଞାନମୟ-ମାନନ୍ଦମୟ-ମାତ୍ମା ମେ॑ ଶୁଦ୍ଧ୍ୟ॒ନ୍ତା॒-ଞ୍ଜ୍ୟୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ୟାସ॒ଗ୍ଗ୍॒ ସ୍ଵାହା᳚ ॥ 84 ॥
ଅନୁଵାକଂ 67
ଅ॒ଗ୍ନୟେ॒ ସ୍ଵାହା᳚ । ଵିଶ୍ଵେ᳚ଭ୍ୟୋ ଦେ॒ଵେଭ୍ୟ॒-ସ୍ସ୍ଵାହା᳚ । ଧ୍ରୁ॒ଵାୟ॑ ଭୂ॒ମାୟ॒ ସ୍ଵାହା᳚ । ଧ୍ରୁ॒ଵ॒କ୍ଷିତ॑ୟେ॒ ସ୍ଵାହା᳚ । ଅ॒ଚ୍ୟୁ॒ତ॒କ୍ଷିତ॑ୟେ॒ ସ୍ଵାହା᳚ । ଅ॒ଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହା᳚ ॥ ଧର୍ମା॑ୟ॒ ସ୍ଵାହା᳚ । ଅଧ॑ର୍ମାୟ॒ ସ୍ଵାହା᳚ । ଅ॒ଦ୍ଭ୍ୟ-ସ୍ସ୍ଵାହା᳚ । ଓ॒ଷ॒ଧି॒ଵ॒ନ॒ସ୍ପ॒ତିଭ୍ୟ॒-ସ୍ସ୍ଵାହା᳚ ॥ 85 ॥
ର॒କ୍ଷୋ॒ଦେ॒ଵ॒ଜ॒ନେଭ୍ୟ॒-ସ୍ସ୍ଵାହା᳚ ।
ଗୃହ୍ୟା᳚ଭ୍ୟ॒-ସ୍ସ୍ଵାହା᳚ । ଅ॒ଵ॒ସାନେ᳚ଭ୍ୟ॒-ସ୍ସ୍ଵାହା᳚ । ଅ॒ଵ॒ସାନ॑ପତିଭ୍ୟ॒-ସ୍ସ୍ଵାହା᳚ ।
ସ॒ର୍ଵ॒ଭୂ॒ତେଭ୍ୟ॒-ସ୍ସ୍ଵାହା᳚ । କାମା॑ୟ॒ ସ୍ଵାହା᳚ । ଅ॒ନ୍ତରି॑କ୍ଷାୟ॒ ସ୍ଵାହା᳚ । ୟଦେଜ॑ତି॒ ଜଗ॑ତି॒ ୟଚ୍ଚ॒ ଚେଷ୍ଟ॑ତି॒ ନାମ୍ନୋ॑ ଭା॒ଗୋ-ଽୟ-ନ୍ନାମ୍ନେ॒ ସ୍ଵାହା᳚ ।
ପୃ॒ଥି॒ଵ୍ୟୈ ସ୍ଵାହା᳚ । ଅ॒ନ୍ତରି॑କ୍ଷାୟ॒ ସ୍ଵାହା᳚ ॥ 86 ॥
ଦି॒ଵେ ସ୍ଵାହା᳚ । ସୂର୍ୟା॑ୟ॒ ସ୍ଵାହା᳚ । ଚ॒ନ୍ଦ୍ରମ॑ସେ॒ ସ୍ଵାହା᳚ । ନକ୍ଷ॑ତ୍ରେଭ୍ୟ॒-ସ୍ସ୍ଵାହା᳚ । ଇନ୍ଦ୍ରା॑ୟ॒ ସ୍ଵାହା᳚ । ବୃହ॒ସ୍ପତ॑ୟେ॒ ସ୍ଵାହା᳚ । ପ୍ର॒ଜାପ॑ତୟେ॒ ସ୍ଵାହା᳚ ।
ବ୍ରହ୍ମ॑ଣେ॒ ସ୍ଵାହା᳚ । ସ୍ଵ॒ଧା ପି॒ତୃଭ୍ୟ॒-ସ୍ସ୍ଵାହା᳚ ।
ନମୋ॑ ରୁ॒ଦ୍ରାୟ॑ ପଶୁ॒ପତ॑ୟେ॒ ସ୍ଵାହା᳚ ॥ 87 ॥
ଦେ॒ଵେଭ୍ୟ॒-ସ୍ସ୍ଵାହା᳚ । ପି॒ତୃଭ୍ୟ॑-ସ୍ସ୍ଵ॒ଧା-ଽସ୍ତୁ॑ । ଭୂ॒ତେଭ୍ୟୋ॒ ନମଃ॑ । ମ॒ନୁ॒ଷ୍ୟେ᳚ଭ୍ୟୋ॒ ହନ୍ତା᳚ । ପ୍ର॒ଜାପ॑ତୟେ॒ ସ୍ଵାହା᳚ । ପ॒ର॒ମେ॒ଷ୍ଠିନେ॒ ସ୍ଵାହା᳚ ॥
ୟଥା କୂ॑ପ-ଶ୍ଶ॒ତଧା॑ର-ସ୍ସ॒ହସ୍ର॑ଧାରୋ॒ ଅକ୍ଷି॑ତଃ ।
ଏ॒ଵା ମେ॑ ଅସ୍ତୁ ଧା॒ନ୍ୟଗ୍ମ୍ ସ॒ହସ୍ର॑ଧାର॒-ମକ୍ଷି॑ତମ୍ । ଧନ॑ଧାନ୍ୟୈ॒ ସ୍ଵାହା᳚ ॥
ୟେ ଭୂ॒ତାଃ ପ୍ର॒ଚର॑ନ୍ତି॒ ଦିଵା॒ନକ୍ତ॒-ମ୍ବଲି॑-ମି॒ଚ୍ଛନ୍ତୋ॑ ଵି॒ତୁଦ॑ସ୍ୟ॒ ପ୍ରେଷ୍ୟାଃ᳚ । ତେଭ୍ୟୋ॑ ବ॒ଲି-ମ୍ପୁ॑ଷ୍ଟି॒କାମୋ॑ ହରାମି॒ ମୟି॒ ପୁଷ୍ଟି॒-ମ୍ପୁଷ୍ଟି॑ପତି-ର୍ଦଧାତୁ॒ ସ୍ଵାହା᳚ ॥ 88 ॥
(ଓ॒ଷ॒ଧି॒ଵ॒ନ॒ସ୍ପ॒ତିଭ୍ୟ॒-ସ୍ସ୍ଵାହା॒ – ଽନ୍ତରି॑କ୍ଷାୟ॒ ସ୍ଵାହା॒ – ନମୋ॑ ରୁ॒ଦ୍ରାୟ॑ ପଶୁ॒ପତ॑ୟେ॒ ସ୍ଵାହା॑ – ଵି॒ତୁଦ॑ସ୍ୟ॒ ପ୍ରେଷ୍ୟା॒ ଏକ॑-ଞ୍ଚ) (ଅ. 67)
ଅନୁଵାକଂ 68
ଓ᳚-ନ୍ତ-ଦ୍ବ୍ର॒ହ୍ମ । ଓ᳚-ନ୍ତ-ଦ୍ଵା॒ୟୁଃ । ଓ᳚-ନ୍ତଦା॒ତ୍ମା । ଓ᳚-ନ୍ତ-ଥ୍ସ॒ତ୍ୟମ୍ । ଓ᳚-ନ୍ତ-ଥ୍ସର୍ଵ᳚ମ୍ । ଓ᳚-ନ୍ତ-ତ୍ପୁରୋ॒-ର୍ନମଃ ।
ଅନ୍ତଶ୍ଚରତି॑ ଭୂତେ॒ଷୁ॒ ଗୁହାୟାଂ-ଵିଁ॑ଶ୍ଵ ମୂ॒ର୍ତିଷୁ ।
ତ୍ଵଂ-ୟଁଜ୍ଞସ୍ତ୍ଵଂ-ଵଁଷଟ୍କାରସ୍ତ୍ଵ-ମିଦ୍ରସ୍ତ୍ଵଗ୍ମ୍ ରୁଦ୍ରସ୍ତ୍ଵଂଵିଁଷ୍ଣୁସ୍ତ୍ଵ-ମ୍ବ୍ରହ୍ମତ୍ଵ॑-ମ୍ପ୍ରଜା॒ପତିଃ ।
ତ୍ଵ-ନ୍ତ॑ଦାପ॒ ଆପୋ॒ ଜ୍ୟୋତୀ॒ ରସୋ॒-ଽମୃତ॒-ମ୍ବ୍ରହ୍ମ॒ ଭୂର୍ଭୁଵ॒ସ୍ସୁଵ॒ରୋମ୍ ॥ 89 ॥
ଅନୁଵାକଂ 69
ଶ୍ର॒ଦ୍ଧାୟା᳚-ମ୍ପ୍ରା॒ଣେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାୟା॑ମପା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାୟାଂ᳚-ଵ୍ୟାଁ॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାୟା॑ମୁଦା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାୟାଗ୍ମ୍॑ ସମା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ବ୍ରହ୍ମ॑ଣି ମ ଆ॒ତ୍ମା-ଽମୃ॑ତ॒ତ୍ଵାୟ॑ ॥ ଅ॒ମୃ॒ତୋ॒ପ॒ସ୍ତର॑ଣମସି ॥
ଶ୍ର॒ଦ୍ଧାୟା᳚-ମ୍ପ୍ରା॒ଣେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାୟ । ପ୍ରା॒ଣାୟ॒ ସ୍ଵାହା᳚ ।
ଶ୍ର॒ଦ୍ଧାୟା॑ମପା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାୟ । ଅ॒ପା॒ନାୟ॒ ସ୍ଵାହା᳚ ।
ଶ୍ର॒ଦ୍ଧାୟାଂ᳚-ଵ୍ୟାଁ॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି । ଶି॒ଵୋ ମା॑ ଵି॒ଶାପ୍ର॑ଦାହାୟ । ଵ୍ୟା॒ନାୟ॒ ସ୍ଵାହା᳚ ।
ଶ୍ର॒ଦ୍ଧାୟା॑-ମୁଦା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାୟ । ଉ॒ଦା॒ନାୟ॒ ସ୍ଵାହା᳚ ।
ଶ୍ର॒ଦ୍ଧାୟାଗ୍ମ୍॑ ସମା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି । ଶି॒ଵୋ ମା॑ ଵି॒ଶାପ୍ର॑ଦାହାୟ । ସ॒ମା॒ନାୟ॒ ସ୍ଵାହା᳚ ।
ବ୍ରହ୍ମ॑ଣି ମ ଆ॒ତ୍ମା-ଽମୃ॑ତ॒ତ୍ଵାୟ॑ ॥ ଅ॒ମୃ॒ତା॒ପି॒ଧା॒ନମ॑ସି ॥ 90 ॥
ଅନୁଵାକଂ 70
ଶ୍ର॒ଦ୍ଧାୟା᳚-ମ୍ପ୍ରା॒ଣେ ନିଵି॑ଶ୍ୟା॒-ଽମୃତଗ୍ମ୍॑ ହୁ॒ତମ୍ । ପ୍ରା॒ଣ ମନ୍ନେ॑ନାପ୍ୟାୟସ୍ଵ ।
ଶ୍ର॒ଦ୍ଧାୟା॑ମପା॒ନେ ନିଵି॑ଶ୍ୟା॒-ଽମୃତଗ୍ମ୍॑ ହୁ॒ତମ୍ । ଅ॒ପା॒ନ ମନ୍ନେ॑ନାପ୍ୟାୟସ୍ଵ ।
ଶ୍ର॒ଦ୍ଧାୟାଂ᳚-ଵ୍ୟାଁ॒ନେ ନିଵି॑ଶ୍ୟା॒-ଽମୃତଗ୍ମ୍॑ ହୁ॒ତମ୍ । ଵ୍ୟା॒ନ ମନ୍ନେ॑ନାପ୍ୟାୟସ୍ଵ ।
ଶ୍ର॒ଦ୍ଧାୟା॑-ମୁଦା॒ନେ ନିଵି॑ଶ୍ୟା॒-ଽମୃତଗ୍ମ୍॑ ହୁ॒ତମ୍ । ଉ॒ଦା॒ନ ମନ୍ନେ॑ନାପ୍ୟାୟସ୍ଵ ।
ଶ୍ର॒ଦ୍ଧାୟାଗ୍ମ୍॑ ସମା॒ନେ ନିଵି॑ଶ୍ୟା॒-ଽମୃତଗ୍ମ୍॑ ହୁ॒ତମ୍ ।
ସ॒ମାନ॒ ମନ୍ନେ॑ନାପ୍ୟାୟସ୍ଵ ॥ 91 ॥
ଅନୁଵାକଂ 71
ଅଙ୍ଗୁଷ୍ଠମାତ୍ରଃ ପୁରୁଷୋ-ଽଙ୍ଗୁଷ୍ଠଞ୍ଚ॑ ସମା॒ଶ୍ରିତଃ ।
ଈଶ-ସ୍ସର୍ଵସ୍ୟ ଜଗତଃ ପ୍ରଭୁଃ ପ୍ରୀଣାତି॑ ଵିଶ୍ଵ॒ଭୁକ୍ ॥ 92 ॥
ଅନୁଵାକଂ 72
ଵାମ୍ମ॑ ଆ॒ସନ୍ନ୍ । ନ॒ସୋଃ ପ୍ରା॒ଣଃ । ଅ॒କ୍ଷ୍ୟୋ-ଶ୍ଚକ୍ଷୁଃ॑ । କର୍ଣ॑ୟୋ॒-ଶ୍ଶ୍ରୋତ୍ର᳚ମ୍ । ବା॒ହୁ॒ଵୋ-ର୍ବଲ᳚ମ୍ । ଊ॒ରୁ॒ଵୋ ରୋଜଃ॑ । ଅରି॑ଷ୍ଟା॒ ଵିଶ୍ଵା॒ନ୍ୟଙ୍ଗା॑ନି ତ॒ନୂଃ ।
ତ॒ନୁଵା॑ ମେ ସ॒ହ ନମ॑ସ୍ତେ ଅସ୍ତୁ॒ ମା ମା॑ ହିଗ୍ମ୍ସୀଃ ॥ 93 ॥
ଅନୁଵାକଂ 73
ଵୟ॑-ସ୍ସୁପ॒ର୍ଣା ଉପ॑ସେଦୁ॒ରିନ୍ଦ୍ର॑-ମ୍ପ୍ରି॒ୟ ମେ॑ଧା॒ ଋଷ॑ୟୋ॒ ନାଧ॑ମାନାଃ । ଅପ॑ଦ୍ଧ୍ଵା॒ନ୍ତ ମୂ᳚ର୍ଣୁ॒ହି ପୂ॒ର୍ଧି ଚକ୍ଷୁ॑-ର୍ମୁମୁ॒ଗ୍ଧ୍ୟ॑ସ୍ମା-ନ୍ନି॒ଧୟେ॑ ଽଵବ॒ଦ୍ଧାନ୍ ॥ 94 ॥
ଅନୁଵାକଂ 74
ପ୍ରାଣାନା-ଙ୍ଗ୍ରନ୍ଥିରସି ରୁଦ୍ରୋ ମା॑ ଵିଶା॒ନ୍ତକଃ ।
ତେନାନ୍ନେନା᳚-ପ୍ୟାୟ॒ସ୍ଵ ॥ 95 ॥
ଅନୁଵାକଂ 75
ନମୋ ରୁଦ୍ରାୟ ଵିଷ୍ଣଵେ ମୃତ୍ୟୁ॑ର୍ମେ ପା॒ହି ॥ 96 ॥
ଅନୁଵାକଂ 76
ତ୍ଵମ॑ଗ୍ନେ॒ ଦ୍ୟୁଭି॒-ସ୍ତ୍ଵମା॑ଶୁ-ଶୁ॒କ୍ଷଣି॒-ସ୍ତ୍ଵମ॒ଦ୍ଭ୍ୟ-ସ୍ତ୍ଵମଶ୍ମ॑ନ॒ସ୍ପରି॑ । ତ୍ଵଂ-ଵଁନେ᳚ଭ୍ୟ॒-ସ୍ତ୍ଵମୋଷ॑ଧୀଭ୍ୟ॒-ସ୍ତ୍ଵ-ନ୍ନୃ॒ଣା-ନ୍ନୃ॑ପତେ ଜାୟସେ॒ ଶୁଚିଃ॑ ॥ 97 ॥
ଅନୁଵାକଂ 77
ଶି॒ଵେନ॑ ମେ॒ ସନ୍ତି॑ଷ୍ଠସ୍ଵ ସ୍ୟୋ॒ନେନ॑ ମେ॒ ସନ୍ତି॑ଷ୍ଠସ୍ଵ ସୁଭୂ॒ତେନ॑ ମେ॒ ସନ୍ତି॑ଷ୍ଠସ୍ଵ ବ୍ରହ୍ମଵର୍ଚ॒ସେନ॑ ମେ॒ ସନ୍ତି॑ଷ୍ଠସ୍ଵ ୟ॒ଜ୍ଞସ୍ୟର୍ଧି॒ ମନୁ॒ ସନ୍ତି॑ଷ୍ଠ॒ ସ୍ଵୋପ॑ ତେ ୟଜ୍ଞ॒ ନମ॒ ଉପ॑ ତେ॒ ନମ॒ ଉପ॑ ତେ॒ ନମଃ॑ ॥ 98 ॥
ଅନୁଵାକଂ 78
ସ॒ତ୍ୟ-ମ୍ପର॒-ମ୍ପରଗ୍ମ୍॑ ସ॒ତ୍ୟଗ୍ମ୍ ସ॒ତ୍ୟେନ॒ ନ ସୁ॑ଵ॒ର୍ଗା-ଲ୍ଲୋ॒କାଚ୍ଚ୍ୟ॑ଵନ୍ତେ
କ॒ଦାଚ॒ନ ସ॒ତାଗ୍ମ୍ ହି ସ॒ତ୍ୟ-ନ୍ତସ୍ମା᳚-ଥ୍ସ॒ତ୍ୟେ ର॑ମନ୍ତେ॒, (1)
ତପ॒ ଇତି॒ ତପୋ॒ ନାନଶ॑ନା॒-ତ୍ପରଂ॒-ୟଁଦ୍ଧି ପର॒-ନ୍ତପ॒ସ୍ତ-ଦ୍ଦୁଧ॑ର୍ଷଂ॒
ତ-ଦ୍ଦୁରା॑ଧର୍ଷ॒-ନ୍ତସ୍ମା॒-ତ୍ତପ॑ସି ରମନ୍ତେ॒, (2)
ଦମ॒ ଇତି॒ ନିୟ॑ତ-ମ୍ବ୍ରହ୍ମଚା॒ରିଣ॒-ସ୍ତସ୍ମା॒-ଦ୍ଦମେ॑ ରମନ୍ତେ॒, (3)
ଶମ॒ ଇତ୍ୟର॑ଣ୍ୟେ ମୁ॒ନୟ॒-ସ୍ତସ୍ମା॒ଚ୍ଛମେ॑ ରମନ୍ତେ, (4)
ଦା॒ନମିତି॒ ସର୍ଵା॑ଣି ଭୂ॒ତାନି॑ ପ୍ର॒ଶଗ୍ମ୍ସ॑ନ୍ତି ଦା॒ନାନ୍ନାତି॑ ଦୁ॒ଶ୍ଚର॒-ନ୍ତସ୍ମା᳚-ଦ୍ଦା॒ନେ ର॑ମନ୍ତେ, (5)
ଧ॒ର୍ମ ଇତି॒ ଧର୍ମେ॑ଣ॒ ସର୍ଵ॑ମି॒ଦ-ମ୍ପରି॑ଗୃହୀତ-ନ୍ଧ॒ର୍ମାନ୍ନାତି॑-ଦୁ॒ଷ୍କରଂ॒
ତସ୍ମା᳚–ଦ୍ଧ॒ର୍ମେ ର॑ମନ୍ତେ, (6)
ପ୍ର॒ଜନ॒ ଇତି॒ ଭୂୟାଗ୍ମ୍॑॑ସ॒-ସ୍ତସ୍ମା॒-ଦ୍ଭୂୟି॑ଷ୍ଠାଃ॒ ପ୍ରଜା॑ୟନ୍ତେ॒ ତସ୍ମା॒-ଦ୍ଭୂୟି॑ଷ୍ଠାଃ ପ୍ର॒ଜନ॑ନେ ରମନ୍ତେ॒, (7)
-ଽଗ୍ନୟ॒ ଇତ୍ୟା॑ହ॒ ତସ୍ମା॑-ଦ॒ଗ୍ନୟ॒ ଆଧା॑ତଵ୍ୟା ଅଗ୍ନିହୋ॒ତ୍ର-ମିତ୍ୟା॑ହ॒ ତସ୍ମା॑-ଦଗ୍ନିହୋ॒ତ୍ରେ ର॑ମନ୍ତେ, (8)
ୟ॒ଜ୍ଞ ଇତି॑ ୟ॒ଜ୍ଞୋ ହି ଦେ॒ଵା ସ୍ତସ୍ମା᳚-ଦ୍ୟ॒ଜ୍ଞେ ର॑ମନ୍ତେ, (9)
ମାନ॒ସ-ମିତି॑ ଵି॒ଦ୍ଵାଗ୍ମ୍ସ॒-ସ୍ତସ୍ମା᳚-ଦ୍ଵି॒ଦ୍ଵାଗ୍ମ୍ସ॑ ଏ॒ଵ ମା॑ନ॒ସେ
ର॑ମନ୍ତେ, (10)
ନ୍ୟା॒ସ ଇତି॑ ବ୍ର॒ହ୍ମା ବ୍ର॒ହ୍ମା ହି ପରଃ॒ ପରୋ॑ ହି ବ୍ର॒ହ୍ମା ତାନି॒ ଵା ଏ॒ତାନ୍ୟଵ॑ରାଣି॒
ପରାଗ୍ମ୍॑ସି ନ୍ୟା॒ସ ଏ॒ଵାତ୍ୟ॑ରେଚୟ॒-ଦ୍ୟ ଏ॒ଵଂ-ଵେଁଦେ᳚ତ୍ୟୁପ॒ନିଷତ୍ ॥ 99 ॥
ଅନୁଵାକଂ 79
ପ୍ରା॒ଜା॒ପ॒ତ୍ୟୋ ହାରୁ॑ଣି-ସ୍ସୁପ॒ର୍ଣେୟଃ॑ ପ୍ର॒ଜାପ॑ତି-ମ୍ପି॒ତର॒-ମୁପ॑ସସାର॒ କି-ମ୍ଭ॑ଗଵ॒ନ୍ତଃ ପ॑ର॒ମଂ-ଵଁ॑ଦ॒ନ୍ତୀତି॒ ତସ୍ମୈ॒ ପ୍ରୋ॑ଵାଚ, (1)
ସ॒ତ୍ୟେନ॑ ଵା॒ୟୁରାଵା॑ତି ସ॒ତ୍ୟେ-ନା॑ଦି॒ତ୍ୟୋ ରୋ॑ଚତେ ଦି॒ଵି ସ॒ତ୍ୟଂ-ଵାଁ॒ଚଃ ପ୍ର॑ତି॒ଷ୍ଠା ସ॒ତ୍ୟେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଥ୍ସ॒ତ୍ୟ-ମ୍ପ॑ର॒ମଂ-ଵଁଦ॑ନ୍ତି॒, (2)
ତପ॑ସା ଦେ॒ଵା ଦେ॒ଵତା॒-ମଗ୍ର॑ ଆୟ॒-ନ୍ତପ॒ସର୍ଷ॑ୟ॒-ସ୍ସୁଵ॒ରନ୍ଵ॑-ଵିନ୍ଦ॒-ନ୍ତପ॑ସା ସ॒ପତ୍ନା॒-ନ୍ପ୍ରଣୁ॑ଦା॒-ମାରା॑ତୀ॒ ସ୍ତପ॑ସି ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା॒-ତ୍ତପଃ॑ ପର॒ମଂ-ଵଁଦ॑ନ୍ତି॒, (3)
ଦମେ॑ନ ଦା॒ନ୍ତାଃ କି॒ଲ୍ବିଷ॑-ମଵଧୂ॒ନ୍ଵନ୍ତି॒ ଦମେ॑ନ ବ୍ରହ୍ମଚା॒ରିଣ॒-ସ୍ସୁଵ॑ରଗଚ୍ଛ॒-ନ୍ଦମୋ॑ ଭୂ॒ତାନା᳚-ନ୍ଦୁରା॒ଧର୍ଷ॒-ନ୍ଦମେ॑ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା॒-ଦ୍ଦମଃ॑ ପର॒ମଂ-ଵଁଦ॑ନ୍ତି॒, (4)
ଶମେ॑ନ ଶା॒ନ୍ତା-ଶ୍ଶି॒ଵ-ମା॒ଚର॑ନ୍ତି॒ ଶମେ॑ନ ନା॒କ-ମ୍ମୁ॒ନୟୋ॒-ଽନ୍ଵଵି॑ନ୍ଦ॒ନ୍ ଛମୋ॑ ଭୂ॒ତାନା᳚-ନ୍ଦୁରା॒ଧର୍ଷ॒-ଞ୍ଛମେ॑ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା॒ଚ୍ଛମଃ॑ ପର॒ମଂ-ଵଁଦ॑ନ୍ତି, (5)
ଦା॒ନଂ-ୟଁ॒ଜ୍ଞାନାଂ॒-ଵଁରୂ॑ଥ॒-ନ୍ଦକ୍ଷି॑ଣା ଲୋ॒କେ ଦା॒ତାରଗ୍ମ୍॑ ସର୍ଵ ଭୂ॒ତାନ୍ୟୁ॑ପଜୀ॒ଵନ୍ତି॑ ଦା॒ନେନାରା॑ତୀ॒-ରପା॑ନୁଦନ୍ତ ଦା॒ନେନ॑ ଦ୍ଵିଷ॒ନ୍ତୋ ମି॒ତ୍ରା ଭ॑ଵନ୍ତି ଦା॒ନେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଦ୍ଦା॒ନ-ମ୍ପ॑ର॒ମଂ-ଵଁଦ॑ନ୍ତି, (6)
ଧ॒ର୍ମୋ ଵିଶ୍ଵ॑ସ୍ୟ॒ ଜଗ॑ତଃ ପ୍ରତି॒ଷ୍ଠା ଲୋ॒କେ ଧ॒ର୍ମିଷ୍ଠ॑-ମ୍ପ୍ର॒ଜା ଉ॑ପସ॒ର୍ପନ୍ତି॑ ଧ॒ର୍ମେଣ॑ ପା॒ପ-ମ॑ପ॒ନୁଦ॑ତି ଧ॒ର୍ମେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଦ୍ଧ॒ର୍ମ-ମ୍ପ॑ର॒ମଂ-ଵଁଦ॑ନ୍ତି, (7)
ପ୍ର॒ଜନ॑ନଂ॒-ଵୈଁ ପ୍ର॑ତି॒ଷ୍ଠା ଲୋ॒କେ ସା॒ଧୁ ପ୍ର॒ଜାୟା᳚ ସ୍ତ॒ନ୍ତୁନ୍-ତ॑ନ୍ଵା॒ନଃ ପି॑ତୃ॒ଣା
ମ॑ନୃ॒ଣୋ ଭଵ॑ତି॒ ତଦେ॑ଵ ତ॒ସ୍ୟା ଅନୃ॑ଣ॒-ନ୍ତସ୍ମା᳚-ତ୍ପ୍ର॒ଜନ॑ନ-ମ୍ପର॒ମଂ-ଵଁଦ॑ନ୍ତ୍ୟ॒, (8)
ଗ୍ନୟୋ॒ ଵୈ ତ୍ରୟୀ॑ ଵି॒ଦ୍ୟା ଦେ॑ଵ॒ୟାନଃ॒ ପନ୍ଥା॑ ଗାର୍ହପ॒ତ୍ୟ ଋକ୍-ପୃ॑ଥି॒ଵୀ ର॑ଥନ୍ତ॒ର -ମ॑ନ୍ଵାହା-ର୍ୟ॒ପଚ॑ନଂ॒-ୟଁଜୁ॑ର॒ନ୍ତରି॑କ୍ଷଂ-ଵାଁମଦେ॒ଵ୍ୟ ମା॑ହଵ॒ନୀୟ॒-ସ୍ସାମ॑ସୁଵ॒ର୍ଗୋ ଲୋ॒କୋ ବୃ॒ହତ୍-ତସ୍ମା॑-ଦ॒ଗ୍ନୀ-ନ୍ପ॑ର॒ମଂ-ଵଁଦ॑ନ୍ତ୍ୟ, (9)
ଗ୍ନିହୋ॒ତ୍ରଗ୍ମ୍ ସା॑ୟ-ମ୍ପ୍ରା॒ତ-ର୍ଗୃ॒ହାଣାଂ॒-ନିଷ୍କୃ॑ତି॒-ସ୍ସ୍ଵି॑ଷ୍ଟଗ୍ମ୍ ସୁହୁ॒ତଂ-ୟଁ॑ଜ୍ଞକ୍ରତୂ॒ନା-ମ୍ପ୍ରାୟ॑ଣଗ୍ମ୍ ସୁଵ॒ର୍ଗସ୍ୟ॑ ଲୋ॒କସ୍ୟ॒ ଜ୍ୟୋତି॒-ସ୍ତସ୍ମା॑-ଦଗ୍ନିହୋ॒ତ୍ର-ମ୍ପ॑ର॒ମଂ-ଵଁଦ॑ନ୍ତି, (10)
ୟ॒ଜ୍ଞ ଇତି॑ ୟ॒ଜ୍ଞେନ॒ ହି ଦେ॒ଵା ଦିଵ॑-ଙ୍ଗ॒ତା ୟ॒ଜ୍ଞେନାସୁ॑ରା॒-ନପା॑ନୁଦନ୍ତ ୟ॒ଜ୍ଞେନ॑ ଦ୍ଵିଷ॒ନ୍ତୋ ମି॒ତ୍ରା ଭ॑ଵନ୍ତି ୟ॒ଜ୍ଞେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଦ୍ୟ॒ଜ୍ଞ-ମ୍ପ॑ର॒ମଂ-ଵଁଦ॑ନ୍ତି, (11)
ମାନ॒ସଂ-ଵୈଁ ପ୍ରା॑ଜାପ॒ତ୍ୟ-ମ୍ପ॒ଵିତ୍ର॑-ମ୍ମାନ॒ସେନ॒ ମନ॑ସା ସା॒ଧୁ ପ॑ଶ୍ୟତି ମାନ॒ସା ଋଷ॑ୟଃ ପ୍ର॒ଜା ଅ॑ସୃଜନ୍ତ ମାନ॒ସେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ନ୍ମାନ॒ସ-ମ୍ପ॑ର॒ମଂ-ଵଁଦ॑ନ୍ତି, (12)
ନ୍ୟା॒ସ ଇ॒ତ୍ୟାହୁ॑-ର୍ମନୀ॒ଷିଣୋ᳚ ବ୍ର॒ହ୍ମାଣ॑-ମ୍ବ୍ର॒ହ୍ମା ଵିଶ୍ଵଃ॑ କତ॒ମ-ସ୍ସ୍ଵ॑ୟ॒ଭୁଂଃ ପ୍ର॒ଜାପ॑ତି-ସ୍ସଂଵଁଥ୍ସର॒ ଇତି॑, (13)
ସଂଵଁଥ୍ସ॒ରୋ॑ ଽସାଵା॑ଦି॒ତ୍ୟୋ ୟ ଏ॒ଷ ଆ॑ଦି॒ତ୍ୟେ ପୁରୁ॑ଷ॒-ସ୍ସ ପ॑ରମେ॒ଷ୍ଠୀ ବ୍ରହ୍ମା॒ତ୍ମା, (14)
ୟାଭି॑ରାଦି॒ତ୍ୟ-ସ୍ତପ॑ତି ର॒ଶ୍ମିଭି॒ସ୍ତାଭିଃ॑ ପ॒ର୍ଜନ୍ୟୋ॑ ଵର୍ଷତି ପ॒ର୍ଜନ୍ୟେ॑-ନୌଷଧି-ଵନସ୍ପ॒ତୟଃ॒ ପ୍ରଜା॑ୟନ୍ତ ଓଷଧି-ଵନସ୍ପ॒ତିଭି॒-ରନ୍ନ॑-ମ୍ଭଵ॒ତ୍ୟନ୍ନେ॑ନ ପ୍ରା॒ଣାଃ ପ୍ରା॒ଣୈ-ର୍ବଲ॒-ମ୍ବଲେ॑ନ॒ ତପ॒-ସ୍ତପ॑ସା ଶ୍ର॒ଦ୍ଧା ଶ୍ର॒ଦ୍ଧୟା॑ ମେ॒ଧା ମେ॒ଧୟା॑ ମନୀ॒ଷା ମ॑ନୀ॒ଷୟା॒ ମନୋ॒ ମନ॑ସା॒ ଶାନ୍ତି॒-ଶ୍ଶାନ୍ତ୍ୟା॑ ଚି॒ତ୍ତ-ଞ୍ଚି॒ତ୍ତେନ॒ ସ୍ମୃତି॒ଗ୍ଗ୍॒ ସ୍ମୃତ୍ୟା॒ ସ୍ମାର॒ଗ୍ଗ୍॒ ସ୍ମାରେ॑ଣ ଵି॒ଜ୍ଞାନଂ॑-ଵିଁ॒ଜ୍ଞାନେ॑-ନା॒ତ୍ମାନଂ॑-ଵେଁଦୟତି॒ ତସ୍ମା॑ଦ॒ନ୍ନ-ନ୍ଦଦ॒ନ୍-ଥ୍ସର୍ଵା᳚ଣ୍ୟେ॒ତାନି॑ ଦଦା॒-ତ୍ୟନ୍ନା᳚-ତ୍ପ୍ରା॒ଣା ଭ॑ଵନ୍ତି ଭୂ॒ତାନା᳚-ମ୍ପ୍ରା॒ଣୈ-ର୍ମନୋ॒ ମନ॑ସଶ୍ଚ ଵି॒ଜ୍ଞାନଂ॑-ଵିଁ॒ଜ୍ଞାନା॑-ଦାନ॒ନ୍ଦୋ ବ୍ର॑ହ୍ମ ୟୋ॒ନିଃ, (15)
ସ ଵା ଏ॒ଷ ପୁରୁ॑ଷଃ ପଞ୍ଚ॒ଧା ପ॑ଞ୍ଚା॒ତ୍ମା ୟେନ॒ ସର୍ଵ॑ମି॒ଦ-ମ୍ପ୍ରୋତ॑-ମ୍ପୃଥି॒ଵୀ ଚା॒ନ୍ତରି॑କ୍ଷ-ଞ୍ଚ॒ ଦ୍ୟୌଶ୍ଚ॒ ଦିଶ॑ଶ୍ଚାଵାନ୍ତରଦି॒ଶାଶ୍ଚ॒ ସ ଵୈ ସର୍ଵ॑ମି॒ଦ-ଞ୍ଜଗ॒ଥ୍ସ ସ॒ଭୂତଗ୍ମ୍॑ ସ ଭ॒ଵ୍ୟ-ଞ୍ଜି॑ଜ୍ଞାସ କ୍ଲୃ॒ପ୍ତ ଋ॑ତ॒ଜା ରୟି॑ଷ୍ଠା ଶ୍ର॒ଦ୍ଧା ସ॒ତ୍ୟୋ ମହ॑ସ୍ଵା-ନ୍ତ॒ପସୋ॒ ପରି॑ଷ୍ଠା॒ଦ୍, (ଵରି॑ଷ୍ଠା॒ଦ୍) (16)
ଜ୍ଞାତ୍ଵା॑ ତମେ॒ଵ-ମ୍ମନ॑ସା ହୃ॒ଦା ଚ॒ ଭୂୟୋ॑ ନ ମୃ॒ତ୍ୟୁ-ମୁପ॑ୟାହି ଵି॒ଦ୍ଵାନ୍ (17)
ତସ୍ମା᳚-ନ୍ନ୍ୟା॒ସ-ମେ॒ଷା-ନ୍ତପ॑ସା-ମତିରିକ୍ତ॒ମାହୁ॑ର୍, (18)
ଵସୁର॒ଣ୍ଵୋ॑ ଵି॒ଭୂର॑ସି ପ୍ରା॒ଣେ ତ୍ଵମସି॑ ସନ୍ଧା॒ତା ବ୍ରହ୍ମ॑-ନ୍ତ୍ଵମସି॑ ଵିଶ୍ଵ॒ଧୃତ୍ତେ॑-ଜୋ॒ଦାସ୍ ତ୍ଵମ॑ସ୍ୟ॒ଗ୍ନି-ର॑ସି ଵର୍ଚୋ॒ଦା-ସ୍ତ୍ଵମ॑ସି॒ ସୂର୍ୟ॑ସ୍ୟ ଦ୍ୟୁମ୍ନୋ॒ଦା ସ୍ତ୍ଵମ॑ସି ଚ॒ନ୍ଦ୍ରମ॑ସ ଉପୟା॒ମଗୃ॑ହୀତୋ-ଽସି ବ୍ର॒ହ୍ମଣେ᳚
ତ୍ଵା॒ ମହସ॒, (19)
ଓମିତ୍ୟା॒ତ୍ମାନଂ॑-ୟୁଁଞ୍ଜୀତୈ॒ତଦ୍ଵୈ ମ॑ହୋପ॒ନିଷ॑ଦ-ନ୍ଦେ॒ଵାନା॒-ଙ୍ଗୁହ୍ୟଂ॒-ୟଁ ଏ॒ଵଂ-ଵେଁଦ॑
ବ୍ର॒ହ୍ମଣୋ॑ ମହି॒ମାନ॑-ମାପ୍ନୋତି॒ ତସ୍ମା᳚-ଦ୍ବ୍ର॒ହ୍ମଣୋ॑ ମହି॒ମାନ॑-ମିତ୍ୟୁପ॒ନିଷତ୍ ॥ 100 ॥
ଅନୁଵାକଂ 80
ତସ୍ୟୈ॒ଵଂ-ଵିଁ॒ଦୁଷୋ॑ ୟ॒ଜ୍ଞସ୍ୟା॒ତ୍ମା ୟଜ॑ମାନଃ-ଶ୍ର॒ଧ୍ଦାପତ୍ନୀ॒ ଶରୀ॑ର-ମି॒ଦ୍ଧ୍ମମୁରୋ॒ ଵେଦି॒-ର୍ଲୋମା॑ନି ବ॒ର॒ଃଇ-ର୍ଵେ॒ଦଃ-ଶିଖା॒ ହୃଦ॑ୟଂ॒-ୟୂଁପଃ॒ କାମ॒ ଆଜ୍ୟ॑-ମ୍ମ॒ନ୍ୟୁଃ ପ॒ଶୁ-ସ୍ତପୋ॒-ଽଗ୍ନି-ର୍ଦମ॑-ଶ୍ଶମୟି॒ତା ଦକ୍ଷି॑ଣା॒-ଵାଘୋତା᳚ ପ୍ରା॒ଣ ଉ॑ଦ୍ଗ॒ତା ଚକ୍ଷୁ॑ରଧ୍ଵ॒ର୍ୟୁ-ର୍ମନୋ॒ ବ୍ରହ୍ମା॒ ଶ୍ରୋତ୍ର॑ମ॒ଗ୍ନୀ-
ଦ୍ୟାଵ॒ଧ୍ଦ୍ରିୟ॑ତେ॒ ସା ଦୀ॒କ୍ଷା ୟଦଶ୍ର୍ନା॑ତି॒ ତଧ୍ଦଵି॒-ର୍ୟତ୍ପିବ॑ତି॒ ତଦ॑ସ୍ୟ ସୋମପା॒ନଂ-ୟଁଦ୍ରମ॑ତେ॒ ତଦୁ॑ପ॒ସଦୋ॒ ୟ-ଥ୍ସ॒ଞ୍ଚର॑-ତ୍ୟୁପ॒ଵିଶ॑-ତ୍ୟୁ॒ତ୍ତିଷ୍ଠ॑ତେ ଚ॒ ସପ୍ର॑ଵ॒ର୍ଗ୍ୟୋ॑ ୟନ୍ମୁଖ॒-ନ୍ତଦା॑ହଵ॒ନୀୟୋ॒ ୟା ଵ୍ୟାହୃ॑ତି-ରାହୁ॒ତି-ର୍ୟଦ॑ସ୍ୟ ଵି॒ଜ୍ଞାନ॒-ନ୍ତଜ୍ଜୁ॒ହୋତି॒ ୟଥ୍ସା॒ୟ-ମ୍ପ୍ରା॒ତର॑ତ୍ତି॒ ତଥ୍ସ॒ମିଧଂ॒-ୟଁତ୍ପ୍ରା॒ତ-ର୍ମ॒ଦ୍ଧ୍ୟନ୍ଦି॑ନଗ୍ମ୍ ସା॒ୟ-ଞ୍ଚ॒ ତାନି॒ ସଵ॑ନାନି॒
ୟେ ଅ॑ହୋରା॒ତ୍ରେ ତେ ଦ॑ର୍ଶପୂର୍ଣମା॒ସୌ ୟେ᳚-ଽର୍ଧମା॒ସାଶ୍ଚ॒ ମାସା᳚ଶ୍ଚ॒ ତେ ଚା॑ତୁର୍ମା॒ସ୍ୟାନି॒ ୟ ଋ॒ତଵ॒ସ୍ତେ ପ॑ଶୁବ॒ନ୍ଧା ୟେ ସଂ॑ଵଁଥ୍ସ॒ରାଶ୍ଚ॑ ପରିଵଥ୍ସ॒ରାଶ୍ଚ॒ ତେ-ଽହ॑ର୍ଗ॒ଣା-ସ୍ସ॑ର୍ଵ ଵେଦ॒ସଂ-ଵାଁ ଏ॒ତ-ଥ୍ସ॒ତ୍ରଂ-ୟଁନ୍ମର॑ଣ॒-ନ୍ତଦ॑ଵ॒ଭୃଥ॑
ଏ॒ତଦ୍ଵୈ ଜ॑ରାମର୍ୟ-ମଗ୍ନିହୋ॒ତ୍ରଗ୍ମ୍ ସ॒ତ୍ରଂ-ୟଁ ଏ॒ଵଂ-ଵିଁ॒ଦ୍ଵା-ନୁ॑ଦ॒ଗୟ॑ନେ ପ୍ର॒ମୀୟ॑ତେ ଦେ॒ଵାନା॑ମେ॒ଵ ମ॑ହି॒ମାନ॑-ଙ୍ଗ॒ତ୍ଵା-ଽଽଦି॒ତ୍ୟସ୍ୟ॒ ସାୟୁ॑ଜ୍ୟ-ଙ୍ଗଚ୍ଛ॒ତ୍ୟଥ॒ ୟୋ ଦ॑କ୍ଷି॒ଣେ ପ୍ର॒ମୀୟ॑ତେ ପିତୃ॒ଣା-ମେ॒ଵ ମ॑ହି॒ମାନ॑-ଙ୍ଗ॒ତ୍ଵା ଚ॒ନ୍ଦ୍ରମ॑ସ॒-ସ୍ସାୟୁ॑ଜ୍ୟଗ୍ମ୍ ସଲୋ॒କତା॑-ମାପ୍ନୋତ୍ୟେ॒ତୌ ଵୈ ସୂ᳚ର୍ୟା ଚନ୍ଦ୍ର॒ମସୌ᳚-ର୍ମହି॒ମାନୌ᳚ ବ୍ରାହ୍ମ॒ଣୋ ଵି॒ଦ୍ଵା-ନ॒ଭିଜ॑ୟତି॒ ତସ୍ମା᳚-ଦ୍ବ୍ର॒ହ୍ମଣୋ॑ ମହି॒ମାନ॑ମାପ୍ନୋତି॒ ତସ୍ମା᳚-ଦ୍ବ୍ର॒ହ୍ମଣୋ॑ ମହି॒ମାନ॑-ମିତ୍ୟୁପ॒ନିଷତ୍ ॥ 101 ॥
ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ ।
ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
॥ ଇତି ମହାନାରାୟଣୋପନିଷ-ଥ୍ସମାପ୍ତା ॥
(ଅମ୍ଭ॒ସ୍ୟୈକ॑ପଞ୍ଚା॒ଶଚ୍ଛ॒ତଂ – ଜା॒ତଵେ॑ଦସେ॒ ଚତୁ॑ର୍ଦଶ॒ – ଭୂରନ୍ନଂ॒ – ଭୂର॒ଗ୍ନୟେ॒ – ଭୂର॒ଗ୍ନୟେ॒ ଚୈକ॑ମେକଂ – ପାହି – ପା॒ହି ଚ॒ତ୍ଵାରି॑ ଚତ୍ଵାରି॒ – ୟଶ୍ଛନ୍ଦ॑ସା॒-ନ୍ଦ୍ଵେ – ନମୋ॒ ବ୍ରହ୍ମ॑ଣେ – ଋ॒ତ-ନ୍ତପୋ॒ – ୟଥା॑ ଵୃ॒କ୍ଷସ୍ୟୈକ॑ ମେକ – ମ॒ଣୋରଣୀ॑ୟା॒ଗ୍॒ ଶ୍ଚତୁ॑ସ୍ତ୍ରିଗ୍ମ୍ଶଥ୍ – ସହସ୍ର॒ଶୀ॑ଷ॒ଗ୍ମ୍॒ ଷଟ୍ଵି॑ଗ୍ମ୍ଶତି – ରାଦି॒ତ୍ୟୋ ଵା ଏ॒ଷ – ଆ॑ଦି॒ତ୍ୟୋ ଵୈ ତେଜ॒ ଏକ॑ମେକଂ॒ – ନିଧ॑ନପତୟେ॒ ତ୍ରୟୋ॑ଵିଗ୍ମ୍ଶତିଃ – ସ॒ଦ୍ୟୋଜା॒ତ-ନ୍ତ୍ରୀଣି॑ – ଵାମଦେ॒ଵାୟୈକ॑ – ମ॒ଘୋରେ᳚ଭ୍ୟ॒ – ସ୍ତତ୍ପୁରୁ॑ଷାୟ॒ ଦ୍ଵେ ଦ୍ଵେ॒ – ଈଶାନୋ – ନମୋ ହିରଣ୍ୟବାହଵ॒ ଏକ॑ମେକ – ମୃ॒ତଗ୍ମ୍ ସ॒ତ୍ୟ-ନ୍ଦ୍ଵେ – ସର୍ଵୋ॒ ଵୈ ଚ॒ତ୍ଵାରି॒ – କଦ୍ରୁ॒ଦ୍ରାୟ॒ ତ୍ରୀଣି॒ – ୟସ୍ୟ॒ ଵୈ କଙ୍କ॑ତୀ – କୃଣୁ॒ଷ୍ଵ ପାଜୋ – ଽଦି॑ତି॒ – ରାପୋ॒ ଵା ଇ॒ଦଗ୍ମ୍ ସର୍ଵ॒ ମେକ॑ମେକ॒ – ମାପଃ॑ ପୁନନ୍ତୁ ଚ॒ତ୍ଵା – ର୍ୟଗ୍ନିଶ୍ଚ – ସୂର୍ୟଶ୍ଚ ନଵ॑ – ନ॒ଵୋମିତି॑ ଚ॒ତ୍ଵା – ର୍ୟାୟା॑ତୁ॒ ପଚୌ – ଜୋ॑-ଽସି॒ ଦଶୋ॒ – ତ୍ତମେ॑ ଚ॒ତ୍ଵାରି॒ – ଘୃଣି॒ସ୍ତ୍ରୀଣି॒ – ବ୍ରହ୍ମ॑ମେତୁ॒ ମାଂ-ୟାଁସ୍ତେ᳚ ବ୍ରହ୍ମହ॒ତ୍ୟା-ନ୍ଦ୍ଵାଦ॑ଶ॒ – ବ୍ରହ୍ମ॑ ମେ॒ଧୟା॒-ଽଦ୍ୟା ନ॑ ଇ॒ମଂ
ଭ୍ରୂ॑ଷହ॒ତ୍ୟାଂ – ବ୍ରହ୍ମ॑ ମେ॒ଧଵା᳚ ବ୍ର॒ହ୍ମା ଦେ॒ଵାନା॑ମି॒ଦଂ-ଵୀଁ॑ରହ॒ତ୍ୟାମେକା॒ନ୍ନ ଵି॑ଗ୍ମ୍ଶତି॒ ରେକା॒ନ୍ନଵି॑ଗ୍ମ୍ଶତି–ର୍ ମେ॒ଧା ଦେ॒ଵୀ – ମେ॒ଧା-ମ୍ମ॒ ଇନ୍ଦ୍ର॑ଶ୍ଚ॒ତ୍ଵାରି॑ ଚତ୍ଵା॒ର୍ୟା – ମା᳚-ମ୍ମେ॒ଧା ଦ୍ଵେ – ମୟି॑ ମେ॒ଧା ମେକ॒- ମପୈ॑ତୁ॒ – ପରଂ॒ – ଁଵାତ॑-ମ୍ପ୍ରା॒ଣ – ମ॑ମୁତ୍ର॒ଭୂୟା॒-ଦ୍- ଦ୍ଧରି॒ଗ୍ମ୍॒ – ଶଲ୍କୈ॑ର॒ଗ୍ନିଂ – ମା ଛି॑ଦୋ ମୃତ୍ୟୋ॒ – ମା ନୋ॑ ମ॒ହାନ୍ତଂ॒ – ମାନ॑ସ୍ତୋ॒କେ – ପ୍ରଜା॑ପତେ – ସ୍ଵସ୍ତି॒ଦା – ତ୍ର୍ୟ॑ମ୍ବକଂ॒ – ଁୟେ ତେ॑ ସ॒ହସ୍ର॒-ନ୍ଦ୍ଵେ ଦ୍ଵେ – ମୃ॒ତ୍ୟଵେ॒ ସ୍ଵାହୈକଂ॑ – ଦେ॒ଵକୃ॑ତ॒ସ୍ୟୈକା॑ଦଶ॒ – ୟଦ୍ଵୋ॑ ଦେଵାଃ॒ – କାମୋ-ଽକାର୍ଷୀ॒ନ୍ – ମନ୍ୟୁରକାର୍ଷୀ॒-ଦ୍ଦ୍ଵେ ଦ୍ଵେ॒ – ତିଲାଞ୍ଜୁହୋମି ଗାଵ-ଶ୍ଶ୍ରିୟ-ମ୍ପ୍ର॑ଜାଃ ପଞ୍ଚ॒ – ତିଲାଃ କୃଣ୍ଷାଶ୍ଚୋର॑ସ୍ୟ॒ ଶ୍ରୀଃ ପ୍ରଜ୍ଞାତୁ ଜାତଵେ॑ଦ-ସ୍ସ॒ପ୍ତ – ପ୍ରାଣ ଵା-କ୍ତ୍ଵକ୍ ଛିର ଉତ୍ତିଷ୍ଠ ପୁରୁଷ॑ ପଞ୍ଚ॒ – ପୃଥିଵୀ ଶବ୍ଦ ମନୋ ଵାଗ୍ ଵ୍ୟକ୍ତା-ଽଽତ୍ମା-ଽନ୍ତରାତ୍ମା ପରମାତ୍ମା ମେ᳚ କ୍ଷୁ॒ଧେ-ଽନ୍ନମୟ॒ ପଞ୍ଚ॑ଦଶା॒ – ଗ୍ନୟେ॒ ସ୍ଵାହୈକ॑ଚତ୍ଵାରି॒ଗ୍ମ୍॒ଶ – ର୍ଦୋ᳚ ନ୍ତଦ୍ବ୍ର॒ହ୍ମ ନଵ॑ –
ଶ୍ର॒ଦ୍ଧାୟା᳚-ମ୍ପ୍ରା॒ଣେ ନିଵିଷ୍ଟ॒ ଶ୍ଚତୁ॑ର୍ଵିଗ୍ମ୍ଶତିଃ – ଶ୍ର॒ଦ୍ଧାୟା॒-ନ୍ଦଶା – ଙ୍ଗୁଷ୍ଠ ମାତ୍ରଃ ପୁରୁଷୋ ଦ୍ଵେ – ଵାମ୍ମ॑ ଆ॒ସନ୍ନ॒ଷ୍ଟୌ – ଵୟ॑-ସ୍ସୁପ॒ର୍ଷାଃ – ପ୍ରାଣାନା-ଙ୍ଗ୍ରନ୍ଥିରସି ଦ୍ଵେ ଦ୍ଵେ – ନମୋ ରୁଦ୍ରାୟୈକଂ॒ – ତ୍ଵମ॑ଗ୍ନେ॒ ଦ୍ୟୁଭିର୍॒ ଦ୍ଵେ – ଶି॒ଵେନ॑ ମେ॒ ସନ୍ତି॑ଷ୍ଠସ୍ଵ – ସ॒ତ୍ୟଂ – ପ୍ରା॑ଜାପ॒ତ୍ୟ – ସ୍ତସ୍ୟୈ॒ଵ ମେକ॑ ମେକ॒ ମଶତିଃ)
(ଅମ୍ଭ॑ସ୍ୟପା॒ରେ – ସ୍ଵ॒ସ୍ତି ନଃ॑ – ପା॒ହି ନୋ॑ ଅଗ୍ନ॒ ଏକ॑ୟା – ଽଽଦି॒ତ୍ୟୋ ଵା ଏ॒ଷ – ଋ॒ତଗ୍ମ୍ ସ॒ତ୍ୟ – ମୋ ମିତ୍ୟା – ମା᳚-ମ୍ମେ॒ଧା – ମା ନ॑ସ୍ତୋ॒କେ – ତିଲାଜୁହୋମି – ଶ୍ର॒ଦ୍ଧାୟା᳚-ମ୍ପ୍ରା॒ଣେ ନିଵି॑ଶ୍ୟ॒ – ତସ୍ୟୈ॒ଵ ମେକୋତ୍ତ॑ରଶ॒ତମ୍)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଦଶମଃ ପ୍ରପାଠକ-ସ୍ସମାପ୍ତଃ ॥
॥ ଇତି ତୈତ୍ତିରୀୟ ୟଜୁରାରଣ୍ୟକଂ ସମାପ୍ତମ୍ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is 10 - ମହାନାରାୟଣୋପନିଷତ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ଆରଣ୍ୟକ ପାଠଃ - ଅମ୍ଭସ୍ୟ ପାରେ?
10 - ମହାନାରାୟଣୋପନିଷତ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ଆରଣ୍ୟକ ପାଠଃ - ଅମ୍ଭସ୍ୟ ପାରେ is a Vishnu Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read 10 - ମହାନାରାୟଣୋପନିଷତ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ଆରଣ୍ୟକ ପାଠଃ - ଅମ୍ଭସ୍ୟ ପାରେ online?
Yes. The imported text is available directly on this page for online reading and recitation.
Can I download 10 - ମହାନାରାୟଣୋପନିଷତ୍ - କୃଷ୍ଣ ୟଜୁର୍ଵେଦ ତୈତ୍ତିରୀୟ ଆରଣ୍ୟକ ପାଠଃ - ଅମ୍ଭସ୍ୟ ପାରେ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.