ଶ୍ରୀ ଵେଂକଟେଶ୍ଵର ପ୍ରପତ୍ତି
ଈଶାନାଂ ଜଗତୋଽସ୍ୟ ଵେଂକଟପତେ ର୍ଵିଷ୍ଣୋଃ ପରାଂ ପ୍ରେୟସୀଂ
ତଦ୍ଵକ୍ଷଃସ୍ଥଲ ନିତ୍ୟଵାସରସିକାଂ ତତ୍-କ୍ଷାଂତି ସଂଵର୍ଧିନୀମ୍ ।
ପଦ୍ମାଲଂକୃତ ପାଣିପଲ୍ଲଵୟୁଗାଂ ପଦ୍ମାସନସ୍ଥାଂ ଶ୍ରିୟଂ
ଵାତ୍ସଲ୍ୟାଦି ଗୁଣୋଜ୍ଜ୍ଵଲାଂ ଭଗଵତୀଂ ଵଂଦେ ଜଗନ୍ମାତରମ୍ ॥
ଶ୍ରୀମନ୍ କୃପାଜଲନିଧେ କୃତସର୍ଵଲୋକ
ସର୍ଵଜ୍ଞ ଶକ୍ତ ନତଵତ୍ସଲ ସର୍ଵଶେଷିନ୍ ।
ସ୍ଵାମିନ୍ ସୁଶୀଲ ସୁଲ ଭାଶ୍ରିତ ପାରିଜାତ
ଶ୍ରୀଵେଂକଟେଶଚରଣୌ ଶରଣଂ ପ୍ରପଦ୍ୟେ ॥ 2 ॥
ଆନୂପୁରାର୍ଚିତ ସୁଜାତ ସୁଗଂଧି ପୁଷ୍ପ
ସୌରଭ୍ୟ ସୌରଭକରୌ ସମସନ୍ନିଵେଶୌ ।
ସୌମ୍ୟୌ ସଦାନୁଭନେଽପି ନଵାନୁଭାଵ୍ୟୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 3 ॥
ସଦ୍ୟୋଵିକାସି ସମୁଦିତ୍ତ୍ଵର ସାଂଦ୍ରରାଗ
ସୌରଭ୍ୟନିର୍ଭର ସରୋରୁହ ସାମ୍ୟଵାର୍ତାମ୍ ।
ସମ୍ୟକ୍ଷୁ ସାହସପଦେଷୁ ଵିଲେଖୟଂତୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 4 ॥
ରେଖାମୟ ଧ୍ଵଜ ସୁଧାକଲଶାତପତ୍ର
ଵଜ୍ରାଂକୁଶାଂବୁରୁହ କଲ୍ପକ ଶଂଖଚକ୍ରୈଃ ।
ଭଵ୍ୟୈରଲଂକୃତତଲୌ ପରତତ୍ତ୍ଵ ଚିହ୍ନୈଃ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 5 ॥
ତାମ୍ରୋଦରଦ୍ୟୁତି ପରାଜିତ ପଦ୍ମରାଗୌ
ବାହ୍ୟୈର୍-ମହୋଭି ରଭିଭୂତ ମହେଂଦ୍ରନୀଲୌ ।
ଉଦ୍ୟ ନ୍ନଖାଂଶୁଭି ରୁଦସ୍ତ ଶଶାଂକ ଭାସୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 6 ॥
ସ ପ୍ରେମଭୀତି କମଲାକର ପଲ୍ଲଵାଭ୍ୟାଂ
ସଂଵାହନେଽପି ସପଦି କ୍ଲମ ମାଧଧାନୌ ।
କାଂତା ନଵାଙ୍ମାନସ ଗୋଚର ସୌକୁମାର୍ୟୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 7 ॥
ଲକ୍ଷ୍ମୀ ମହୀ ତଦନୁରୂପ ନିଜାନୁଭାଵ
ନୀଲାଦି ଦିଵ୍ୟ ମହିଷୀ କରପଲ୍ଲଵାନାମ୍ ।
ଆରୁଣ୍ୟ ସଂକ୍ରମଣତଃ କିଲ ସାଂଦ୍ରରାଗୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 8 ॥
ନିତ୍ୟାନମଦ୍ଵିଧି ଶିଵାଦି କିରୀଟକୋଟି
ପ୍ରତ୍ୟୁପ୍ତ ଦୀପ୍ତ ନଵରତ୍ନମହଃ ପ୍ରରୋହୈଃ ।
ନୀରାଜନାଵିଧି ମୁଦାର ମୁପାଦଧାନୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 9 ॥
“ଵିଷ୍ଣୋଃ ପଦେ ପରମ” ଇତ୍ୟୁଦିତ ପ୍ରଶଂସୌ
ୟୌ “ମଧ୍ଵ ଉତ୍ସ” ଇତି ଭୋଗ୍ୟ ତୟାଽପ୍ୟୁପାତ୍ତୌ ।
ଭୂୟସ୍ତଥେତି ତଵ ପାଣିତଲ ପ୍ରଦିଷ୍ଟୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 10 ॥
ପାର୍ଥାୟ ତତ୍-ସଦୃଶ ସାରଧିନା ତ୍ଵୟୈଵ
ୟୌ ଦର୍ଶିତୌ ସ୍ଵଚରଣୌ ଶରଣଂ ଵ୍ରଜେତି ।
ଭୂୟୋଽପି ମହ୍ୟ ମିହ ତୌ କରଦର୍ଶିତୌ ତେ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 11 ॥
ମନ୍ମୂର୍ଥ୍ନି କାଳିୟଫନେ ଵିକଟାଟଵୀଷୁ
ଶ୍ରୀଵେଂକଟାଦ୍ରି ଶିଖରେ ଶିରସି ଶ୍ରୁତୀନାମ୍ ।
ଚିତ୍ତେଽପ୍ୟନନ୍ୟ ମନସାଂ ସମମାହିତୌ ତେ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 12 ॥
ଅମ୍ଲାନ ହୃଷ୍ୟ ଦଵନୀତଲ କୀର୍ଣପୁଷ୍ପୌ
ଶ୍ରୀଵେଂକଟାଦ୍ରି ଶିଖରାଭରଣାୟ-ମାନୌ ।
ଆନଂଦିତାଖିଲ ମନୋ ନୟନୌ ତଵୈ ତୌ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 13 ॥
ପ୍ରାୟଃ ପ୍ରପନ୍ନ ଜନତା ପ୍ରଥମାଵଗାହ୍ୟୌ
ମାତୁଃ ସ୍ତନାଵିଵ ଶିଶୋ ରମୃତାୟମାଣୌ ।
ପ୍ରାପ୍ତୌ ପରସ୍ପର ତୁଲା ମତୁଲାଂତରୌ ତେ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 14 ॥
ସତ୍ତ୍ଵୋତ୍ତରୈଃ ସତତ ସେଵ୍ୟପଦାଂବୁଜେନ
ସଂସାର ତାରକ ଦୟାର୍ଦ୍ର ଦୃଗଂଚଲେନ ।
ସୌମ୍ୟୋପୟଂତୃ ମୁନିନା ମମ ଦର୍ଶିତୌ ତେ
ଶ୍ରୀଵେଂକଟେଶ ଚରଣୌ ଶରଣଂ ପ୍ରପଦ୍ୟେ ॥ 15 ॥
ଶ୍ରୀଶ ଶ୍ରିୟା ଘଟିକୟା ତ୍ଵଦୁପାୟ ଭାଵେ
ପ୍ରାପ୍ୟେତ୍ଵୟି ସ୍ଵୟମୁପେୟ ତୟା ସ୍ଫୁରଂତ୍ୟା ।
ନିତ୍ୟାଶ୍ରିତାୟ ନିରଵଦ୍ୟ ଗୁଣାୟ ତୁଭ୍ୟଂ
ସ୍ୟାଂ କିଂକରୋ ଵୃଷଗିରୀଶ ନ ଜାତୁ ମହ୍ୟମ୍ ॥ 16 ॥
ଇତି ଶ୍ରୀଵେଂକଟେଶ ପ୍ରପତ୍ତିଃ
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶ୍ରୀ ଵେଂକଟେଶ୍ଵର ପ୍ରପତ୍ତି?
ଶ୍ରୀ ଵେଂକଟେଶ୍ଵର ପ୍ରପତ୍ତି is a Vishnu Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶ୍ରୀ ଵେଂକଟେଶ୍ଵର ପ୍ରପତ୍ତି online?
Yes. The imported text is available directly on this page for online reading and recitation.
Can I download ଶ୍ରୀ ଵେଂକଟେଶ୍ଵର ପ୍ରପତ୍ତି as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.